Jump to content

ஐபிஎல் 2022 செய்திகள்


Recommended Posts

  • கருத்துக்கள உறவுகள்

ஐ.பி.எல். 2022 ஏலம் ஆரம்பம் ! கோடிகளில் வாங்கப்படும் வீரர்கள் யார் ?

15 ஆவது ஐ.பி.எல். 2022 கிரிக்கெட் தொடருக்கான  ஏலம் பெங்களூரில் உள்ள நட்சத்திர ஹோட்டலில் இன்றும், நாளையும் இடம்பெறுகின்றது.

May be an image of 4 people and people standing

May be an image of table and indoor

No photo description available.

அந்தவகையில் குறித்த ஏலம் இன்று 12 ஆம் திகதி சனிக்கிழமை காலை 11 மணி முதல் ஆரம்பமாகி நடைபெறுகிறது.

இந்த ஏலத்தில் ஏற்கனவே உள்ள 8 அணிகளுடன் தற்போது 2 புதிய அணிகள் இணைக்கப்பட்டு மொத்தம் 10 அணிகள் பங்கேற்கின்றன. 

May be an image of 13 people, people standing and indoor

May be an image of table, indoor and text that says 'RAJASTHAN ROYALS'

ஏலப்பட்டியலில் மொத்தம் 600 வீரர்கள் இடம்பெற்றுள்ளனர். இதில் 290 வீரர்கள் வெளிநாட்டை சேர்ந்தவர்கள்.

வீரர்களின் அடிப்படை விலை ரூபா 2 கோடி, ரூபா 1½ கோடி, ரூபா ஒரு கோடி, 75 இலட்சம், 50 இலட்சம், 40 இலட்சம், 30 இலட்சம், 20 இலட்சம் என நிர்ணயிக்கப்பட்டுள்ளது. 

May be an image of 4 people, people standing and indoor

No photo description available.

அதிகபட்ச அடிப்படை விலையான ரூபா 2 கோடிக்கு 46 வீரர்களின் பெயர்கள் இடம்பெற்றுள்ளன.

ஏலத்தில் கலந்துகொள்ளவுள்ள 10 அணிகளும் தங்கள் அணியை ஒரு வலுவான அணியாக கட்டமைக்க கடுமையான முயற்சிகளை மேற்கொள்ளும். 

No photo description available.

May be an image of 1 person, table and indoor

அதற்காக அந்த அணிகளுக்கு தேவையான வீரர்களை போட்டிபோட்டு வாங்க முயலும். இதேபோல், அந்த அணிகள் தக்க வைக்க தவறிய வீரர்களை மீண்டும் அணியில் இணைக்க ஏலத்தில் முடிந்தவரை போராடும். 

May be an image of indoor

இந்த ஏலத்தில் ஃபாஃப் டு பிளெஸ்ஸிஸ், ஸ்ரேயாஸ் அய்யர், ஷர்துல் தாக்கூர், டேவிட் வார்னர், இஷான் கி‌ஷன், தீபக் சாஹர், ஜேசன் ஹோல்டர், யுஸ்வேந்திர சாஹல், ரபடா, தமிழகத்தை சேர்ந்த ஷாருக்கான் போன்ற வீரர்கள் அதிக விலைக்கு வாங்கப்பட்ட வாய்ப்புள்ளது. 

May be an image of table and indoor

இதேபோல் ஜூனியர் உலகக்கிண்ணத்தை வென்ற இந்திய இளம் வீரர்கள் மீதும் அதிக எதிர்பார்ப்பு காணப்படுகிறது.

அஸ்வினை 5 கோடிக்கு வாங்கியது ராஜஸ்தான் ரோயல்ஸ்!

May be an image of 1 person and text

ஐபிஎல் ஏலத்தில் இந்திய வீரர் ரவிச்சந்திரன் அஸ்வினை, 5 கோடிக்கு ஏலம் எடுத்தது ராஜஸ்தான் ரோயல்ஸ் அணி. டெல்லி மற்றும் ராஜஸ்தான் இடையே சில கடுமையான போட்டி நடந்த நிலையில் அஸ்வினை 5 கோடிக்கு வாங்கிய ராஜஸ்தான் ரோயல்ஸ்.

May be an image of drink

ஷிகர் தவான் பஞ்சாப் கிங்ஸ் அணியால் வாங்கப்பட்டார்!

May be an image of 1 person

ஷிகர் தவானுக்கு ராஜஸ்தான் ரோயல்ஸ் ரூ. 2 கோடிக்கு ஏலத்தைத் தொடங்கியது, பின்னர் டெல்லி கேப்பிட்டல்ஸ் குதித்தது. இரண்டிற்கும் இடையே ஏலம் முன்னும் பின்னுமாக சென்றது. தவானின் ஏலம் 5 கோடியைத் தாண்டியதால் ராஜஸ்தான் மற்றும் டெல்லி அணிகள் இரண்டும் பின்வாங்கின. இறுதியில் நுழைந்த பஞ்சாப் கிங்ஸ் ஏலத்தில் அவரை 8.25 கோடிக்கு வாங்கியது.

May be an image of table and indoor

May be an image of table and indoor

May be an image of table, indoor and text that says 'GUJARAT TITANS GUJARAT TITANS M'

 

பெட் கம்மின்ஸ் கொல்கத்தா அணியால் 7.25 கோடிக்கு வாங்கப்பட்டார்

May be an image of 1 person

ஐபிஎல் மெகா ஏலத்தில் அவுஸ்திரேலியா வீரர் பெட் கம்மின்ஸை 7.25 கோடிக்கு ஏலம் எடுத்தது கொல்கத்தா நைட் ரைடர்ஸ் அணி!

 

ககிசோ ரபாடா 9.25 கோடிக்கு பஞ்சாப் கிங்ஸ் அணியால் வாங்கப்பட்டார்

May be an image of 1 person and text that says '3 IPL TATA AUCTION INR 9.25 CR KAGISO RABADA SOLD TO PBKS PUNJAB t KINGS #TATAIPLAuction iplt20.com'

ஐபிஎல் மெகா ஏலத்தில் தென்னாபிரிக்க வீரர் காகிசோ ரபாடாவை, 9.25 கோடிக்கு ஏலம் எடுத்தது பஞ்சாப் கிங்ஸ் அணி.

 

ட்ரெண்ட் போல்ட் 8 கோடிக்கு ராஜஸ்தான் ரோயல்ஸ் அணியால் வாங்கப்பட்டார்!

May be an image of 1 person and text that says 'B IPL A AUCTION INR 8 CR TRENT BOULT SOLD TO RR P RAJASTHAN ROYALS #TATAIPLAuction iplt20.com'

ஐபிஎல் மெகா ஏலத்தில் நியூசிலாந்து வீரர் ட்ரெண்ட் போல்ட்டை, 8 கோடிக்கு ஏலம் எடுத்தது ராஜஸ்தான் ரோயல்ஸ் அணி.

 

ஸ்ரேயாஸ் ஐயர் கொல்கத்தா நைட் ரைடர்ஸ் அணியால் 12.25 கோடிக்கு வாங்கப்பட்டார்!

May be an image of 1 person and text

ஐபிஎல் மெகா ஏலத்தில் இந்திய வீரர் ஸ்ரேயாஸ், 12.25 கோடிக்கு ஏலம் எடுத்தது கொல்கத்தா நைட் ரைடர்ஸ் அணி.

 

இந்திய வீரர் முகமது ஷமி குஜராத் டைட்டன்ஸ் அணியால் 6.25 கோடிக்கு வாங்கப்பட்டார்.

May be an image of 1 person

ஐபிஎல் மெகா ஏலத்தில் இந்திய வீரர் முகமது ஷமி, ₹6.25 கோடிக்கு ஏலம் எடுத்தது குஜராத் டைட்டன்ஸ் அணி

 

பாஃப் டு பிளெசிஸ் பெங்களூர் ரோயல் சேலஞ்சர்ஸ் அணியால் 7 கோடிக்கு வாங்கப்பட்டார்!

May be an image of 1 person

ஐபிஎல் மெகா ஏலத்தில் தென்னாப்பிரிக்க வீரர் பாஃப் டு பிளெசிஸ் பெங்களூர் ரோயல் சேலஞ்சர்ஸ் அணியால் 7 கோடிக்கு வாங்கப்பட்டார்.

டேவிட் வோர்னர் 6.25 கோடிக்கு டெல்லி கேப்பிடல்ஸ் அணியால் வாங்கப்பட்டார்!

May be an image of 1 person and text

ஐபிஎல் மெகா ஏலத்தில் அவுஸ்திரேலிய வீரர் டேவிட் வோர்னர் 6.25 கோடிக்கு டெல்லி கேப்பிடல்ஸ் அணியால் வாங்கப்பட்டார்.

குயின்டன் டி கொக், 6.75 கோடிக்கு லக்னோ சூப்பர் ஜெயின்ட்ஸ் அணியால் வாங்கப்பட்டார்!

May be an image of 1 person and text

ஐபிஎல் மெகா ஏலத்தில் தென்னாபிரிக்க வீரர் குயின்டன் டி கொக், 6.75 கோடிக்கு ஏலம் எடுத்தது லக்னோ சூப்பர் ஜெயின்ட்ஸ் அணி.

ரொபின் உத்தப்பா சென்னை சூப்பர் கிங்ஸ் அணியால் 2 கோடிக்கு வாங்கப்பட்டார்!

ஐபிஎல் மெகா ஏலத்தில் இந்திய வீரர் ரொபின் உத்தப்பா சென்னை சூப்பர் கிங்ஸ் அணியால் 2 கோடிக்கு வாங்கப்பட்டார்!

ஷிம்ரோன் ஹெட்மியர் 8.50 கோடிக்கு ராஜஸ்தான் ரோயல்ஸ் அணியால் வாங்கப்பட்டார்!

May be an image of 1 person and text

ஐபிஎல் மெகா ஏலத்தில் வெஸ்ட் இண்டீஸ் வீரர் ஷிம்ரோன் ஹெட்மியர்  8.50 கோடிக்கு ராஜஸ்தான் ரோயல்ஸ் அணியால் வாங்கப்பட்டார்!

மணீஷ் பாண்டே 4.60 கோடிக்கு லக்னோ அணியால் வாங்கப்பட்டார்!

May be an image of 1 person and text

ஐபிஎல் மெகா ஏலத்தில் இந்திய வீரர் மணீஷ் பாண்டே ரூ4.60 கோடிக்கு லக்னோ அணியால் வாங்கப்பட்டார்.

 

தக்கவைக்கப்பட்ட வீரர்களின் முழு பட்டியல்!

சென்னை சூப்பர் கிங்ஸ்:

ரவீந்திர ஜடேஜா (16 கோடி), எம்எஸ் தோனி (12 கோடி), மொயீன் அலி (8 கோடி), ருதுராஜ் கெய்க்வாட் (6 கோடி)

கொல்கத்தா நைட் ரைடர்ஸ்:

ஆண்ட்ரே ரசல் (12 கோடி, பர்சில் இருந்து 16 கோடி), வருண் சக்ரவர்த்தி (8 கோடி, பர்ஸில் இருந்து 12 கோடி), வெங்கடேஷ் ஐயர் (8 கோடி), சுனில் நரைன் (6 கோடி)

சன்ரைசர்ஸ் ஹைதராபாத்:

கேன் வில்லியம்சன் (14 கோடி), அப்துல் சமத் (4 கோடி), உம்ரான் மாலிக் (4 கோடி)

மும்பை இந்தியன்ஸ்:

ரோஹித் சர்மா (16 கோடி), ஜஸ்பிரித் பும்ரா (12 கோடி), சூர்யகுமார் யாதவ் (8 கோடி), கீரன் பொல்லார்ட் (6 கோடி)

ரோயல் சேலஞ்சர்ஸ் பெங்களூர்:

விராட் கோலி (15 கோடி), கிளென் மேக்ஸ்வெல் (11 கோடி), முகமது சிராஜ் (7 கோடி)

டெல்லி கேப்பிடல்ஸ்:

ரிஷப் பந்த் (16 கோடி), அக்சர் படேல் (9 கோடி, பர்ஸில் இருந்து 12 கோடி), பிருத்வி ஷா (7.5 கோடி, 8 கோடி பர்ஸில் இருந்து கழிக்கப்படும்), அன்ரிச் நார்ட்ஜே (6.5 கோடி)

ராஜஸ்தான் ரோயல்ஸ்:

சஞ்சு சாம்சன் (14 கோடி), ஜோஸ் பட்லர் (10 கோடி), யஷஸ்வி ஜெய்ஸ்வால் (4 கோடி)

பஞ்சாப் கிங்ஸ்:

மயங்க் அகர்வால் (12 கோடி, பர்ஸில் இருந்து 14 கோடி), அர்ஷ்தீப் சிங் (4 கோடி)

குஜராத் டைட்டன்ஸ்:

ஹர்திக் பாண்டியா (15 கோடி), ரஷித் கான் (15 கோடி), சுப்மான் கில் (8 கோடி)

லக்னோ சூப்பர் ஜெயண்ட்ஸ்:

கேஎல் ராகுல் (17 கோடி), மார்கஸ் ஸ்டோனிஸ் (9.2 கோடி), ரவி பிஷ்னோய் (4 கோடி)

 

 

https://www.virakesari.lk/article/122354

  • Like 1
Link to comment
Share on other sites

  • Replies 155
  • Created
  • Last Reply

Top Posters In This Topic

ஐபிஎல் ஏலம் - ஏலம் போகாத முன்னணி வீரர்கள்!

ஐபிஎல் ஏலம் - ஏலம் போகாத முன்னணி வீரர்கள்!

 

ஐ.பி.எல். மெகா ஏலம் பெங்களூருவில் உள்ள நட்சத்திர உணவகத்தில் இன்று தொடங்கியது. விறுவிறுப்பாக நடைபெற்ற ஏலத்தில் அதிரடி வீரரான சுரேஷ் ரெய்னா ஏலம் போகவில்லை.

ஐபிஎல் போட்டியில் சிறந்த வீரராக வலம் வந்த ரெய்னா விலை போகாதது சென்னை அணி ரசிகர்களுக்கு பெரும் அதிர்ச்சியை ஏற்படுத்தி உள்ளது.

இதனையடுத்து தென் ஆப்பிரிக்கா வீரர் மில்லர் மற்றும் அவுஸ்திரேலியா வீரர் ஸ்டீவ் ஸ்மித் மற்றும் பங்களாதேஷ் அணியின் ஆல்ரவுண்டர் சகீப் அல்ஹசன் ஆகியோரை ஏலம் எடுப்பதில் எந்த அணியும் விருப்பம் காட்டவில்லை.

ராபின் உத்தப்பா, ஜேசன் ராய், ஆகியோர் அடிப்படை விலையில் ஏலம் போனார்கள். ராபின் உத்தப்பா சென்னை அணியும் ஜேசன் ராய் குஜராத் அணியும் ஏலம் எடுத்தது.
Link to comment
Share on other sites

70 இலட்சத்துக்கு இலங்கை வீரரை வாங்கிய சென்னை அணி!

70 இலட்சத்துக்கு இலங்கை வீரரை வாங்கிய சென்னை அணி!

இலங்கை அணியின் சுழற்பந்து வீச்சாளர் ஒருவரை சென்னை சூப்பர் கிங்ஸ் அணி ஏலத்தில் எடுத்துள்ளது.

அதன்படி, இலங்கை அணியின் சுழற்பந்து வீச்சாளர் மஹீஸ் தீக்‌ஷனவை 70 இலட்சம் இந்திய ரூபாய்க்கு சென்னை சூப்பர் கிங்ஸ் அணி வாங்கியுள்ளது.

இதேவேளை, இலங்கை அணியின் வேகப்பந்து வீச்சாளர் துஷ்மந்த சமீர லக்னோ சூப்பர் ஜெயண்ட்ஸ் அணியினால் ஏலத்தில் எடுக்கப்பட்டுள்ளார்.

இலங்கை ரூபா பெறுமதியில் அவர் 54 மில்லியன் ரூபாய்க்கு ஏலம் போயுள்ளதாக தெரிவிக்கப்படுகிறது.

 

பெருந்தொகைக்கு விலை போன துஷ்மந்த சமீர

பெருந்தொகைக்கு விலை போன துஷ்மந்த சமீர

 

இலங்கை அணியின் வேகப்பந்து வீச்சாளர் துஷ்மந்த சமீர ஐபிஎல் மெகா ஏலத்தில் பெருந்தொகைக்கு விலை போயுள்ளார்.

லக்னோ சூப்பர் ஜெயண்ட்ஸ் அணியினால் அவர் வாங்கப்பட்டுள்ளார்.

இலங்கை ரூபா பெறுமதியில் அவர் 54 மில்லியன் ரூபாய்க்கு ஏலம் போயுள்ளதாக தெரிவிக்கப்படுகிறது.
Link to comment
Share on other sites

 
பெங்களூரில் தற்போது நடைபெற்று வரும் ஐபிஎல் ஏலத்தில், தோனி தலைமையிலான சென்னை சூப்பர் கிங்ஸ் அணி, யாரும் எதிர்ர்பாராத வகையில், வீரர்களைத் தேர்வு செய்து வருகிறது.
நேற்றைய தினத்தில், மொத்தம் 6 வீரர்களை சிஎஸ்கே அணி எடுத்திருந்தது. பிராவோ, அம்பத்தி ராயுடு, தீபக் சாஹர், உத்தப்பா, ஆசிப் மற்றும் துஷார் தேஷ்பாண்டே ஆகிய வீரர்களை எடுத்திருந்தது.
இதில், துஷாரைத் தவிர மற்ற 5 வீரர்களும், ஏற்கனவே சிஎஸ்கே அணியில் இடம்பிடித்து அடியவர்கள் தான்.
faf-du-plessis-shares-a-heart-warming-vi
புதிய வீரர்களை ஏலத்தில் இலக்காக கொள்ளாமல், மீண்டும் கடந்த முறை கோப்பையைக் கைப்பற்றிய அதே அணியைக் கொண்டு, தங்களின் அணியைக் கட்டமைத்து வருகிறது. சிஎஸ்கே அணியின் இந்த முடிவு, கலவையான விமர்சனங்களை ரசிகர்கள் மத்தியில் பெற்று வருகிறது.
பாப் டு பிளஸ்ஸிஸ்
பிராவோ, ராயுடு உள்ளிட்ட சீனியர் வீரர்களை எடுத்த சிஎஸ்கே அணி, கடந்த சீசனில் தாங்கள் கோப்பையைக் கைப்பற்ற முக்கிய காரணமாக இருந்த பாப் டு பிளஸ்ஸிஸை ஏலத்திற்கு முன்பாக, அணியில் தக்க வைத்துக் கொள்ளவில்லை. இது போக, ஏலத்திலும் அவரை எடுப்பதற்கான முயற்சிகளை சிஎஸ்கே மேற்கொள்ளவில்லை. இறுதியில் பெங்களூர் அணி, டுபிளஸ்ஸிஸை ஏலத்தில் எடுத்தது.
கடுப்பான ரசிகர்கள்
சிஎஸ்கேவின் முடிவு, அவரது ரசிகர்கள் மத்தியில் கடும் விமர்சனந்த்தை சந்தித்து வருகிறது. சிஎஸ்கே அணி கண்ட சிறந்த தொடக்க வீரரைத் தக்க வைத்துக் கொள்ளாமல், மற்ற சிஎஸ்கே வீரர்களை அவர்கள் குறி வைத்ததை கேள்வி எழுப்பி வருகின்றனர். இந்நிலையில், சிஎஸ்கே அணியில் இருந்து விலகிய பாப் டு பிளஸ்ஸிஸ், இந்த பிரிவு குறித்து, வீடியோ ஒன்றில் கருத்து தெரிவித்துள்ளார்.
மிஸ் செய்கிறேன்
அதில் பேசும் டுபிளஸ்ஸிஸ், ‘சென்னை அணிக்கு எனது நன்றி. ரசிகர்கள், ஊழியர்கள், அணி நிர்வாகம் மற்றும் வீரர்கள் உள்ளிட்ட அனைவரும் சிறப்பான நினைவுகளை அளித்துள்ளனர். இதனால், அனைவருக்கும் நன்றி சொல்ல நான் கடமைப்பட்டிருக்கிறேன். அதே போல, அனைவரையும் நான் மிஸ் செய்கிறேன். ஒரு கதவு அடைத்தால், வேறு வழி திறக்கும்.
மனம் வருந்திய ரசிகர்கள்
இனி வரும் நாட்கள் எப்படி இருக்கும் என்பதை அறிய ஆவலுடன் உள்ளேன். என்னிடம் இருந்தும், எனது குடும்பத்தினரிடம் இருந்தும் மிக்க நன்றியைத் தெரிவித்துக் கொள்கிறேன்’ என உருக்கத்துடன் டு பிளஸ்ஸிஸ் குறிப்பிட்டுள்ளார்.
இந்த வீடியோவை, சிஎஸ்கே அணி, தங்களின் ட்விட்டர் பக்கத்தில் வெளியிட்டுள்ளது. ஏற்கனவே டுபிளஸ்ஸிஸ் விலகிச் சென்றதால், வேதனையில் உள்ள சிஎஸ்கே ரசிகர்கள், இந்த வீடியோவைக் கண்டதும், அதிகம் மனம் வருந்திப் போயுள்ளனர்.

https://thinakkural.lk/article/165623

  • Like 1
Link to comment
Share on other sites

  • கருத்துக்கள உறவுகள்+

அதன்படி, இலங்கை அணியின் சுழற்பந்து வீச்சாளர் மஹீஸ் தீக்‌ஷனவை 70 இலட்சம் இந்திய ரூபாய்க்கு சென்னை சூப்பர் கிங்ஸ் அணி வாங்கியுள்ளது.

 

https://www.espncricinfo.com/player/maheesh-theekshana-1138316

 

சிங்கள சிறிலங்கா தரைப்படையின் கோப்ரல் மகேஸ் தீக்சனா தமிழ் நாட்டின் சென்னை சூப்பர் கிங்ஸ் அணியில் விளையாடுகிறார்!

என் வயதொத்த தொப்புள் கொடி உறவுகளிடம் கேட்டால் அரசியலும் விளையாட்டும் வேறாம்!

 

 

 

Boycott Chennai Super Kings' – Fans outraged after Sri Lankan army player  joins IPL champions | Tamil Guardian

 

Edited by நன்னிச் சோழன்
Link to comment
Share on other sites

  • 3 weeks later...
  • கருத்துக்கள உறவுகள்

ஐபிஎல் 2022: ஒன்பது அணிகளின் கேப்டன்கள்... பெங்களூரு அணிக்கு யார்?

 
spacer.png

15ஆவது ஐபிஎல் டி20 கிரிக்கெட் போட்டி மார்ச் 26ஆம் தேதி முதல் மே 29ஆம் தேதி வரை நடைபெறுகிறது. இதில் ஒன்பது அணிகளின் கேப்டன்கள் அறிவிக்கப்பட்டுள்ள நிலையில், பத்தாவது அணியான பெங்களூரு அணியின் கேப்டன் யார் என்பது கேள்விக்குறியாக உள்ளது.

கடந்த சீசனில் எட்டு அணிகள் பங்கேற்ற நிலையில் 2022 ஐபிஎல்லில் இரண்டு புதிய அணிகள் பங்கேற்கின்றன. இதில் லக்னோ அணியை கொல்கத்தாவைச் சேர்ந்த தொழிலதிபரான சஞ்சீவ் கோயங்காவின் ஆர்பிஎஸ்ஜி குழுமம் ரூ.7,090 கோடிக்கு வாங்கி உள்ளது.

அகமதாபாத் அணியை சர்வதேச பங்கு முதலீட்டு நிறுவனமான சிவிசி கேபிட்டல் ரூ.5,600 கோடிக்கு வாங்கி உள்ளது. புதிய அணிகளுக்கு லக்னோ சூப்பர் ஜெயன்ட்ஸ், குஜராத் டைட்டன்ஸ் என பெயர் வைக்கப்பட்டுள்ளது.

பத்து அணிகள் பங்கேற்பதால் இந்த சீசனுக்கான போட்டி முறைகள் மாறுதல் செய்யப்பட்டு இரு பிரிவுகளாகப் பிரிக்கப்பட்டுள்ளன. மொத்தம் 70 லீக் ஆட்டங்கள் மும்பை, புனேயில் நடைபெறுகிறது. சமீபத்தில் பஞ்சாப் கிங்ஸ்அணியின் கேப்டனாக மயங்க் அகர்வால் அறிவிக்கப்பட்டுள்ளார். இதுவரை ஒன்பது அணிகளுக்கு கேப்டன்கள் அறிவிக்கப்பட்டுவிட்டனர். ஒரே ஒரு அணியான பெங்களூரு ராயல் சேலஞ்சர்ஸுக்கு மட்டும் இன்னும் கேப்டன் அறிவிக்கப்படவில்லை.

பெங்களூர் அணிக்கு கடந்த காலங்களில் விராட் கோலி கேப்டனாக இருந்தார். ஐபிஎல் கேப்டன் பொறுப்பை விட்டு விலகுவதாக அவர் ஏற்கனவே அறிவித்திருந்த நிலையில், தென்னாப்பிரிக்காவைச் சேர்ந்த டுபிளிசிஸ் பெங்களூரு அணிக்கு கேப்டனாக நியமிக்கப்படலாம் என எதிர்பார்க்கப்படுகிறது.

ஒன்பது அணிகளின் கேப்டன்கள் யார், யார்?

சென்னை சூப்பர் கிங்ஸ் - தோனி

மும்பை இந்தியன்ஸ் - ரோஹித் சர்மா

டெல்லி கேபிட்டல்ஸ் - ரி‌ஷப் பண்ட்

கொல்கத்தா நைட் ரைடர்ஸ் - ஸ்ரேயாஸ் அய்யர்

ராஜஸ்தான் ராயல்ஸ் - சஞ்சு சாம்சன்

பஞ்சாப் கிங்ஸ் - மயங்க் அகர்வால்

லக்னோ சூப்பர் ஜெயன்ட்ஸ் - லோகேஷ் ராகுல்

குஜராத் டைட்டன்ஸ் - ஹர்திக் பாண்ட்யா

பெங்களூரு ராயல் சேலஞ்சர்ஸுக்கு மட்டும் இன்னும் அறிவிக்கப்படவில்லை.

 

https://minnambalam.com/entertainment/2022/03/02/7/IPL2022-teams-captains

 

Link to comment
Share on other sites

  • கருத்துக்கள உறவுகள்

ஐ.பி.எல். ரி-20 தொடருக்கான போட்டி அட்டவணை வெளியீடு

பெரும் எதிர்பார்ப்புக்கு மத்தியில் நடைபெறவுள்ள 2022ஆம் ஆண்டுக்கான ஐ.பி.எல். ரி-20 தொடருக்கான போட்டி அட்டவணையை இந்தியக் கிரிக்கெட் கட்டுப்பாட்டு சபை வெளியிட்டுள்ளது.

கிரிக்கெட் திருவிழாவான ஐ.பி.எல். ரி-20 தொடரின் நடப்பு ஆண்டுக்கான அத்தியாயம், எதிர்வரும் மார்ச் 26ஆம் திகதி தொடங்கி மே 29ஆம் திகதி வரை நடைபெறவுள்ளது.

இந்தநிலையில். 65 நாட்கள் நடைபெறும் இந்த தொடரில் மொத்தம் 70 லீக் போட்டிகள் நடைபெறுகின்றன. 4 பிளே ஒப் போட்டிகள் நடைபெறுகின்றன.

இதன்படி, இத்தொடரின் முதல் லீக் போட்டியில் நடப்பு சம்பியன் சென்னை சுப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் மோதுகின்றன. இப்போட்டி மும்பை வான்கடே மைதானத்தில் நடைபெறுகிறது.

மே 22ஆம் திகதி வான்கடே மைதானத்தில் நடைபெறும் இறுதி லீக் போட்டியில், சன்ரைசர்ஸ் ஹைதராபாத் அணியும் பஞ்சாப் கிங்ஸ் அணியும் பலப்பரீட்சை நடத்துகின்றன.

வான்கடே மைதானம் மற்றும் டி.வை. பட்டீல் ஆகிய மைதானங்களில் தலா 20 லீக் போட்டிகளும், மும்பை பிரபோன் மைதானம் மற்றும் புனே எம்சிஏ சர்வதேச விளையாட்டரங்கில் தலா 15 போட்டிகளும் நடைபெறுகின்றன.

இரண்டு போட்டிகள் நடைபெறும் நாட்களில் முதல் போட்டி பிற்பகல் 3.30 மணிக்கும், இரண்டாவது போட்டி இரவு 7.30 மணிக்கும் தொடங்கும்.

பிளே ஒப் போட்டிகளுக்கான போட்டிகள் மற்றும் மே 29ம் தேதி நடைபெறும் இறுதிப் போட்டியில் மோதும் அணிகள் மற்றும் மைதானங்கள் பின்னர் அறிவிக்கப்படும்.


2022ஆம் ஆண்டுக்கான ஐ.பி.எல். ரி-20 தொடரில், இம்முறை இரண்டு குழுக்கள் பிரிக்கப்பட்டுள்ளன.

குழு ‘ஏ’இல் மும்பை இந்தியன்ஸ் அணி, கொல்கத்தா நைட்ரைடர்ஸ் அணி, ராஜஸ்தான் றோயல்ஸ் அணி, டெல்லி கெபிடல்ஸ் அணி, லக்னோவ் சுப்பர் ஜியண்ட்ஸ் ஆகிய அணிகள் இடம்பெற்றுள்ளன.

குழு ‘பி’இல் சென்னை சுப்பர் கிங்ஸ் அணி, சன்ரைசஸ் ஹைதரபாத் அணி, றோயல் செலஞ்சர்ஸ் பெங்களூர் அணி, பஞ்சாப் கிங்ஸ் அணி, குஜராத் டைடன்ஸ் ஆகிய அணிகள் இடம்பெற்றுள்ளன.

இம்முறை இரண்டு புதிய அணிகளின் வருகையுடன் மொத்தம் 10 அணிகள் விளையாட ஒரு அணி, 14 லீக் போட்டிகளில் (7 சொந்த ஊர் மற்றும் 7 வெளியூரில்) விளையாடவுள்ளது.

ஒவ்வொரு அணியும் தங்கள் குழுவில் உள்ள அணிகளுடன் இரண்டு முறையும், மற்ற குழுவில் அதே வரிசையில் உள்ள அணியுடன் இரண்டு முறையும் விளையாடும். மற்ற குழுவில் உள்ள மீதமுள்ள நான்கு அணிகளுக்கு எதிராக, ஒவ்வொரு அணியும் ஒரு முறை மட்டுமே விளையாடும்.

புனே வோரியர்ஸ் இந்தியா மற்றும் கொச்சி டஸ்கர்ஸ் கேரளா ஆகிய இரண்டு புதிய அணிகளைக் கொண்டிருந்த 2011ஆம் ஆண்டு பதிப்பில் பயன்படுத்தப்பட்ட வடிவம் போன்றது.
 

https://athavannews.com/2022/1270726

 

 

லீக் போட்டிகள் தொடர்பான முழுமையான அட்டவணையை பெற

https://bcciplayerimages.s3.ap-south-1.amazonaws.com/documents/IPL/document/2022/03/TATA_IPL_2022-Match_Schedule.pdf

spacer.png

 

spacer.png

  • Like 1
Link to comment
Share on other sites

  • கருத்துக்கள உறவுகள்

ஐபிஎல் தொடருக்கான புதிய ஜெர்சியை வெளியிட்டது பெங்களூர் அணி !!

by Mohamed March 12, 2022

வெறித்தனம்... ஐபிஎல் தொடருக்கான புதிய ஜெர்சியை வெளியிட்டது பெங்களூர் அணி !! 1

இந்த வருட ஐபிஎல் தொடருக்கான புதிய ஜெர்சியை பெங்களூர் அணி இன்று வெளியிட்டுள்ளது.

இந்தியாவில் கடந்த 2008ம் ஆண்டில் அறிமுகப்படுத்தப்பட்ட உள்ளூர் டி.20 தொடரான ஐபிஎல் தொடர் ரசிகர்கள் மத்தியில் மிகப்பெரும் வரவேற்பை பெற்றது. 2008ம் ஆண்டில் இருந்து ஆண்டுதோறும் மிக பிரமாண்டமாக நடத்தப்பட்டு வரும் ஐபிஎல் தொடரில் இதுவரை மொத்தம் 14 சீசன்கள் நிறைவடைந்துள்ளன.

வெறித்தனம்... ஐபிஎல் தொடருக்கான புதிய ஜெர்சியை வெளியிட்டது பெங்களூர் அணி !! 2

இதுவரை நடைபெற்றுள்ள 14 தொடர்களில் அதிகபட்சமாக மும்பை இந்தியன்ஸ் அணி 5 முறையும், தோனி தலைமையிலான சென்னை சூப்பர் கிங்ஸ் அணி 4 முறையும் சாம்பியன் பட்டம் வென்றுள்ளன. கடந்த தொடரின் இறுதி போட்டியில் கொல்கத்தா நைட் ரைடர்ஸ் அணியை வீழ்த்தி, சென்னை அணி சாம்பியன் பட்டம் வென்றது.

இந்த வருடத்திற்கான தொடர் மார்ச் 26ம் தேதி துவங்கி மேத மாதம் வரை நடைபெற உள்ளது. மொத்தம் 10 அணிகள் பங்கேற்க உள்ள இந்த தொடருக்காக ஒட்டுமொத்த கிரிக்கெட் ரசிகர்களும் மிகுந்த ஆவலுடன் காத்துள்ளனர், அதே போல் இந்த தொடர் துவங்க இன்னும் சில தினங்கள் மட்டுமே உள்ளதால் ஒவ்வொரு அணியும் தங்களை தீவிரமாக தயார்படுத்தி வருகின்றன.

வெறித்தனம்... ஐபிஎல் தொடருக்கான புதிய ஜெர்சியை வெளியிட்டது பெங்களூர் அணி !! 3

சென்னை சூப்பர் கிங்ஸ் உள்ளிட்ட அணிகள் தங்களது வீரர்களுக்கு தீவிரமான பயிற்சி கொடுத்து வரும் நிலையில், மறுபுறம் பெங்களூர் அணியோ இதுவரை தனது புதிய கேப்டன் யார் என்பதை கூட அறிவிக்காமல் இழுத்தடித்து வந்தது.

பெங்களூர் அணியின் ரசிகர்களே பொறுமை இழந்து பெங்களூர் அணியை விமர்சித்து வந்த நிலையில், இன்று ஒரு வழியாக புதிய கேப்டன் யார் என்ற அறிவிப்பை வெளியிட்டுள்ளது.

வெறித்தனம்... ஐபிஎல் தொடருக்கான புதிய ஜெர்சியை வெளியிட்டது பெங்களூர் அணி !! 4

இந்த வருட ஐபிஎல் தொடருக்கான பெங்களூர் அணியின் கேப்டனாக டூபிளசிஸ் நியமிக்கப்பட்டுள்ளார். ஐபிஎல் ஏலத்தின் போது டூபிளசியை கடும் போட்டிக்கு பிறகு பெங்களூர் அணி 7 கோடி ரூபாய்க்கு ஏலத்தில் எடுத்திருந்தது. தினேஷ் கார்த்திக், கிளன் மேக்ஸ்வெல் போன்ற சீனியர் வீரர்கள் அணியில் இருந்தாலும், மற்றவர்களை விட டூபிளசிஸ் கேப்டன் பதவியில் அதிக அனுபவம் உள்ளவர் என்பதால் டூபிளசியை பெங்களூர் அணி கேப்டனாக்கியுள்ளது.

அதே போல் இந்த வருட ஐபிஎல் தொடருக்கான புதிய ஜெர்சியையும் பெங்களூர் அணி நிர்வாகம் வெளியிட்டுள்ளது. பெங்களூர் அணியின் இந்த புதிய ஜெர்சி ரசிகர்கள் மத்தியில் பெரும் வரவேற்பை பெற்றுள்ளது.

 

https://tamil.sportzwiki.com/cricket/ipl-2022-royal-challengers-bangalore-rcb-reveal-their-jersey-for-the-tournament/

 

Link to comment
Share on other sites

IPL போட்டியில்  புதிய விதிமுறைகள்!

IPL போட்டியில் புதிய விதிமுறைகள்!

 

கிரிக்கெட் விளையாட்டில் விதிமுறைகளை உருவாக்கும் அமைப்பாக செயல்படுகிறது எம்.சி.சி. தற்போது கிரிக்கெட்டில் சில மாற்றங்களை எம்.சி.சி. கொண்டு வந்துள்ளது. அந்த மாற்றங்களின் ஒரு பகுதியை ஐபிஎல் போட்டியிலும் அமல்படுத்த பிசிசிஐ முடிவெடுத்துள்ளதாகத் தகவல்கள் வெளியாகியுள்ளன.

இந்த வருட ஐபிஎல் போட்டியில் பிசிசிஐ கடைபிடிக்கவுள்ள புதிய விதிமுறைகள் :

* கொரோனா காரணமாக 12 வீரர்களுக்குக் குறைவான வீரர்கள் மட்டுமே ஓர் அணியில் நல்ல உடற்தகுதியுடன் இருந்தால் (அவர்களில் 7 வீரர்கள் இந்தியர்கள்), அந்த ஆட்டம் ஒத்திவைக்கப்படும். இது சாத்தியமில்லை என்றால் ஐபிஎல் தொழில்நுட்பக் குழு ஆட்டம் குறித்த முடிவை எடுக்கும்.

* ஓவ்வொரு அணிக்கும் இரு டிஆர்எஸ் முறையீடு வழங்கப்படும். தற்போது ஒரு வாய்ப்பு தான் அளிக்கப்படுகிறது.

* சர்வதேச கிரிக்கெட்டில் எம்.சி.சி. அறிமுகம் செய்யவுள்ள விதிமுறை இது. ஐபிஎல்-லிலும் நடைமுறைக்கப்படுத்தப்படுகிறது. ஒரு வீரர் கேட்ச் கொடுத்து ஆட்டமிழக்கும்போது கேட்ச் பிடிக்கும் முன்பு மறுமுனையில் இருந்த பேட்டர் மறுபக்க கிரிஸூக்குச் சென்றால் அவரால் அடுத்தப் பந்தை எதிர்கொள்ள முடியும். இந்த விதிமுறை மாற்றப்பட்டுள்ளது. இப்போது புதிய பேட்டர் தான் அடுத்தப் பந்தை எதிர்கொள்ள வேண்டும். ஒருவேளை ஓவரின் கடைசிப் பந்தில் ஒரு பேட்டர் ஆட்டமிழந்தால் மட்டுமே மறுமுனையில் உள்ள பேட்டர், அடுத்த ஓவரின் ஆரம்பத்தில் முதல் பந்தை எதிர்கொள்ளலாம்.

* நாக் அவுட் ஆட்டங்களில் சூப்பர் ஓவரை முடிக்க முடியாமல் போனால், லீக் சுற்றில் எந்த அணி முன்னிலை பெற்றதோ அந்த அணி வெற்றியாளராக அறிவிக்கப்படும்.

ஐபிஎல் போட்டி மார்ச் 26 இல் தொடங்கி மே 29 அன்று நிறைவுபெறவுள்ளது. 70 லீக் ஆட்டங்கள் மஹாராஷ்டிர மாநிலத்தின் மும்பை, புணேவில் நடைபெறவுள்ளன. 10 அணிகளும் தலா 14 ஆட்டங்களில் விளையாடவுள்ளன. 10 அணிகளும் இரு குழுக்களாகப் பிரிக்கப்பட்டுள்ளன. ஒவ்வொரு அணியும் 5 அணிகளுடன் இருமுறையும் மீதமுள்ள 4 அணிகளுடன் ஒருமுறையும் விளையாடவுள்ளன. குரூப் ஏ-வில் மும்பை, கொல்கத்தா, ராஜஸ்தான், தில்லி, லக்னெள ஆகிய அணிகளும் குரூப் பி-வில் சென்னை, சன்ரைசர்ஸ், ஆர்சிபி, பஞ்சாப், குஜராத் ஆகிய அணிகளும் இடம்பெற்றுள்ளன. சிஎஸ்கே அணி - மும்பை, சன்ரைசர்ஸ், ஆர்சிபி, பஞ்சாப், குஜராத் ஆகிய அணிகளுடன் இருமுறையும் மீதமுள்ள 4 அணிகளுடன் ஒருமுறையும் லீக் சுற்றில் விளையாடவுள்ளது. (2022 ஐபிஎல் போட்டியில் இரு அணிகள் புதிதாகச் சேர்க்கப்பட்டுள்ளன. லக்னௌ, ஆமதாபாத் நகரங்களை அடிப்படையாகக் கொண்டு இரு புதிய அணிகள் இணைந்துள்ளன.)

இந்தியா முழுக்க கொரோனா பாதிப்பு குறைந்துள்ளதால் மஹாராஷ்டிரத்தில் நடைபெறும் ஐபிஎல் 2022 போட்டிக்கு ரசிகர்களை அனுமதிக்க பிசிசிஐ முடிவு செய்துள்ளது. முதலில் ஏப்ரல் 15 வரை 25% ரசிகர்களுக்கு அனுமதி வழங்கப்படும், அதன்பிறகு கொரோனா பரவலின் பாதிப்பைக் கொண்டு கூடுதல் ரசிகர்களுக்கு அனுமதி வழங்க பிசிசிஐயும் மஹாராஷ்டிர அரசும் முடிவு செய்யும் எனத் தகவல் வெளியாகியுள்ளது.
Link to comment
Share on other sites

  • கருத்துக்கள உறவுகள்

ஐபிஎல் முதல் போட்டியில் மொயின் அலி மிஸ்சிங்

Tamil_News_3_20_2022_66636295.jpg

15வது சீசன் ஐபிஎல் தொடர் வரும் 26ம்தேதி மும்பையில் தொடங்குகிறது. இதில் முதல் போட்டியில் நடப்பு சாம்பியன் சென்னை சூப்பர் கிங்ஸ்-கொல்கத்தா நைட் ரைடர்ஸ் அணிகள் மோத உள்ளன. இந்நிலையில் சிஎஸ்கே ஆல்ரவுண்டர் மொயின் அலி முதல் போட்டியில் ஆடுவதில் சிக்கல் ஏற்பட்டுள்ளது. விசா இன்னும் கிடைக்காததால் அவரின் வருகை தாமதமாகி உள்ளது. 

அவர் பிப்.28ம் தேதி தான் இந்தியா வர விசாவிற்கு விண்ணப்பித்தார். இன்னும் அவருக்கு பயண ஆவணங்கள் கிடைக்கவில்லை. விரைவில் அவர் அணியில் இணைவார் என நம்புகிறோம் என சிஎஸ்கே நிர்வாக அதிகாரி காசிவிஸ்வநாதன் தெரிவித்துள்ளார். இதனால் அவர் முதல் போட்டியில் ஆடமாட்டார் என்பது கிட்டத்தட்ட உறுதியாகி உள்ளது.

 

https://www.dinakaran.com/News_Detail.asp?Nid=751161

Link to comment
Share on other sites

  • கருத்துக்கள உறவுகள்

ஐபிஎல் 2022: கவனம் ஈர்க்க காத்திருக்கும் 5 இந்திய வீரர்கள் பட்டியல் இதுதான்!

2022ம் ஆண்டுக்கான ஐபிஎல் தொடரில் கலக்க இருக்கும் மற்றும் கவனிக்கப்பட வேண்டிய 5 அன்-கேப்டு இந்திய வீரர்கள் குறித்து இங்கு பார்க்கலாம்.

IPL 2022 Tamil News: 5 Uncapped Indian Players To Watch Out For

IPL 2022 Tamil News: கிரிக்கெட் உலகில் மிகப்பிரபலமான மற்றும் பணக்கார தொடர்களில் ஒன்றாக ஐபிஎல் வலம் வருகிறது. இத்தொடரில் ஒரு வீரர் தனது முழுத்திறனையும் வெளிப்படுத்தி கவனம் ஈர்க்கும் பட்சத்தில் அவருக்கு குவியும் வாய்ப்புகள் பற்றி சொல்லவே தேவையில்லை. ஐபிஎல்லின் கடந்த சீசன்களில் கலக்கிய உள்ளூர் மற்றும் வெளிநாட்டு வீரர்களுக்கு அந்த நாட்டு தேசிய அணிகளில் இடம் கிடைத்தது. அவர்களுக்கான ஸ்பான்சர்களும் வந்து குவிந்தன.

ஐபிஎல் தொடரில் களமிறங்கும் ஒவ்வொரு இந்திய வீரரின் கனவும் அதுவாகத்தான் இருக்கிறது. கடந்த சீசனில் பல இளம் வீரர்கள் களத்தில் தங்கள் முழுத்தினையும் வெளிப்படுத்தி கவனம் பெற்றனர். இதில், கொல்கத்தா நைட் ரைடர்ஸ் அணியில் களமிறங்கி மிரட்டிய வெங்கடேஷ் ஐயர் இந்திய சீனியர் அணியில் இடம்பிடித்தார். அவர் போன்ற திறன்மிகுந்த வீரர்களுக்கு ஐபிஎல் பொன்னான வாய்ப்பு.

அந்தவகையில், 2022ம் ஆண்டுக்கான ஐபிஎல் தொடரில் கலக்க இருக்கும் மற்றும் கவனிக்கப்பட வேண்டிய 5 அன்-கேப்டு (இந்திய சீனியர் அணியில் இடம் பெறாத) இந்திய வீரர்களைப் பற்றி இங்கே பார்க்கலாம்.

கவனம் ஈர்க்க காத்திருக்கும் 5 இந்திய வீரர்கள்:

  1. ராகுல் திரிபாதி

2018-19 ஆம் ஆண்டுக்கான ரஞ்சி டிராபியில் மகாராஷ்டிரா அணிக்காக விளையாடிய ராகுல் திரிபாதி 8 போட்டிகளில் 504 ரன்கள் சேர்த்து, தொடரில் அதிக ரன்கள் எடுத்த வீரர்கள் பட்டியலில் முத்தலிடம் பிடித்தார். அவர் 2017ம் ஆண்டு ஐபிஎல் தொடருக்கான ரைசிங் புனே சூப்பர்ஜெயண்ட்ஸ் அணியால் வாங்கப்பட்டார். 2018ம் ஆண்டில் ராஜஸ்தான் ராயல்ஸ் அணியில் இடம் பிடித்தார். 2020 ஆம் ஆண்டு முதல் அவர் கொல்கத்தா நைட் ரைடர்ஸ் அணிக்காக விளையாடினார். தற்போது 2022ம் ஆண்டுக்கான ஏலத்தில் அவரை சன்ரைசர்ஸ் ஹைதராபாத் அணி ரூ.8.5 கோடிக்கு எடுத்துள்ளது.

tamil-indian-express-2022-03-23T144519.9

இதுவரை 62 ஐபிஎல் போட்டிகளில் விளையாடியுள்ள ராகுல் 1,385 ரன்கள் எடுத்துள்ளார். அவரது ஸ்டிரைக் ரேட் 136.31 ஆக உள்ளது. கொல்கத்தா அணிக்காக மிடில்-ஆடரில் களமிறங்கி தனது சிறப்பான ஆட்டத்தை வெளிப்படுத்தி இருந்த அவர் கவனித்த இந்திய வீரர்களுள் ஒருவராக இருக்கிறார். 

  1. ராஜ்வர்தன் ஹங்கர்கேகர்
tamil-indian-express-2022-03-23T144441.8  

வெஸ்ட் இண்டீஸ் மண்ணில் நடந்த U19 உலகக் கோப்பையை வென்ற இந்திய ஜூனியர் அணியில் ராஜ்வர்தன் ஹங்கர்கேகர் இடம்பிடித்திருந்தார். தனது துல்லியமான பந்துவீச்சின் மூலம் உலகக் கோப்பை தொடரில் ஐந்து விக்கெட்டுகளை வீழ்த்தினார். மெகா ஏலத்தில் இளம் வேகப்பந்து வீச்சாளர்களை அணிகள் வலைவீசி தேடி வந்த நிலையில், அவரை சென்னை சூப்பர் கிங்ஸ் ரூ. 1.5 கோடிக்கு வாங்கியது.

tamil-indian-express-2022-03-23T144448.2

தற்போது அணியின் பயிற்சியாளர்களாலும், ஜாம்பவான் வீரர் தோனியாலும் பட்டை தீட்டப்பட்டு வருகிறார். அவர் களமிறங்கும் பட்சத்தில் அனைவரும் கவனத்தையும் ஈர்ப்பார் என்பதில் ஐயமில்லை.

  1. ஷாருக் கான்

தமிழக வீரரான ஷாருக் கான் உள்நாட்டு அரங்கில் மிகவும் அசாத்தியமான வீரராக உருவெடுத்துள்ளார். அவரது ஃபினிஷிங் திறனால் அனைவரையும் வாய்பிளக்க வைத்துள்ளார். நடந்து முடிந்த மெகா ஏலத்தில் அவரை எடுக்க சென்னை அணி தொடர் முயற்சிகளை மேற்கொண்டபோதிலும் பஞ்சாப் கிங்ஸ் அணி ரூ.9 கோடிக்கு லாவகமாக தூக்கியது.

tamil-indian-express-2022-03-23T144544.6

பவர் ஹிட்டரான ஷாருக் கான் ஐபிஎல்லில் 11 போட்டிகளில் விளையாடி 153 ரன்கள் எடுத்துள்ளார். அவரது ஸ்ட்ரைக் ரேட் 134.21 ஆக உள்ளது. கடந்த சீசனில் அவருக்கு பெரிதாக வாய்ப்பு கொடுக்கப்படவில்லை. இம்முறை அது அமைந்தால் அவர் அதிரடியால் மிரட்டுவார் என்பதில் சந்தேகமில்லை.

  1. ராஜ் பாவா
tamil-indian-express-2022-03-23T144553.9

19 வயதுக்குட்பட்டோருக்கான உலகக் கோப்பையில் தடம் பதித்த இந்தியாவின் மிகவும் நம்பிக்கைக்குரிய இளம் ஆல்ரவுண்டர்களில் பாவாவும் ஒருவர். 6 ஆட்டங்களில் விளையாடிய இவர் ஒன்பது விக்கெட்டுகளை எடுத்தார். இங்கிலாந்து அணிக்கு எதிரான இறுதிப்போட்டியில் மட்டும் 5 விக்கெட்டுகளை கைப்பற்றினார். அவரது பந்துவீச்சு சராசரி 63 ஆக உள்ளது. தற்போது அவரை பஞ்சாப் கிங்ஸ் அணி ரூ 2 கோடிக்கு வாங்கியுள்ளது.

  1. ஷிவம் மாவி

2018 ஆம் ஆண்டு இந்தியாவின் 19 வயதுக்குட்பட்டோருக்கான உலகக் கோப்பையை வென்ற அணியில் மிகச்சிறப்பான பங்கை அளித்திருந்தார் ஷிவம் மாவி. அதுமுதல் கொல்கத்தா நைட் ரைடர்ஸ் அணியில் இடம்பிடித்து வரும் அவர் காயம் காரணமாக நிலையான ஆட்டத்தை வெளிப்படுத்த தவறி வருகிறார். எனினும் சில ஆட்டங்களில் தனது அற்புதமான பந்துவீச்சு மற்றும் பேட்டிங்கால் அசத்தி இருந்தார்.

tamil-indian-express-2022-03-23T144637.3

ஷிவம் மாவியை தற்போது நடந்த முடிந்த மெகா ஏலத்தில் கொல்கத்தா அணியே (ரூ. 7.25 கோடி) மீண்டும் வாங்கியுள்ளது. அவர் 26 ஐபிஎல் போட்டிகளில் 25 விக்கெட்டுகளை எடுத்துள்ளார். தற்போது தீவிர பயிற்சிகளை மேற்கொண்டு வரும் அவர் தனது திறனை நிரூபிக்க சிறப்பான ஆட்டத்தை வெளிப்படுத்துவார் என்று எதிர்பார்க்கலாம்.

tamil-indian-express-2022-03-23T150829.3

15வது இந்தியன் பிரீமியர் லீக் (ஐபிஎல் – 2022) தொடர் வருகிற 26 ஆம் தேதி முதல் தொடங்குகிறது. இதன் முதலாவது லீக் ஆட்டத்தில் நடப்பு சாம்பியனான சென்னை சூப்பர் கிங்ஸ் அணி கொல்கத்தா நைட் ரைடர்ஸ் அணியை எதிர்கொள்கிறது. இப்போட்டி மும்பை வான்கடே மைதானத்தில் தொடக்க விழாவுடன் நடைபெறுகிறது என்பது குறிப்பிடத்தக்கது.

 

https://tamil.indianexpress.com/sports/ipl-2022-tamil-news-5-uncapped-indian-players-to-watch-out-for-429475/

 

 

Link to comment
Share on other sites

கேப்டன் பதவியில் இருந்து விலகிய டோனி

கேப்டன் பதவியில் இருந்து விலகிய டோனி

 

ஐ.பி.எல். 2022 மெகா ஏலத்திற்கு முன் அணி வீரர்கள் விடுவிக்கப்பட்டனர். அப்போது, சென்னை சூப்பர் கிங்ஸ் அணி 4 வீரர்களை தக்க வைத்துக் கொண்டது. அதில் முதல் வீரராக ஜடேஜாவை தக்கவைத்தது. இதனால் டோனி கேப்டன் பதவியில் நீடிப்பது குறித்து விவாதம் எழுந்தது.

அப்போது, சென்னை சூப்பர் கிங்ஸ் அணி நிர்வாகம் டோனி கேப்டனாக செயல்படுவார் என்று தெரிவித்தது. நாளைமறுதினம் ஐ.பி.எல். 2022 சீசன் தொடங்குகிறது. இந்த நிலையில், இன்று டோனி சென்னை சூப்பர் கிங்ஸ் அணி கேப்டன் பதவியில் இருந்து விலகியுள்ளார். இதை அணி நிர்வாகம் உறுதிப்படுத்தியுள்ளது.

இதனால் ஜடேஜா சென்னை சூப்பர் கிங்ஸ் அணியின் கேப்டனாக செயல்பட இருக்கிறார். கேப்டன் பதவியில் இருந்த விலகினாலும் வீரராக அணியில் இடம் பிடித்து விளையாடுவார் எனத் தெரிவிக்கப்பட்டுள்ளது.
 
 
 
Link to comment
Share on other sites

  • கருத்துக்கள உறவுகள்

ஐபிஎல் 2022: புதிய அணிகள் முதல் புதிய விதிமுறைகள் வரை - முக்கிய தகவல்கள்

4 மணி நேரங்களுக்கு முன்னர்
 

ஐபிஎல் கிரிக்கெட் தொடர்

பட மூலாதாரம்,GETTY IMAGES

கிரிக்கெட் ரசிகர்கள் ஆவலுடன் எதிர்பார்க்கும் 15வது ஐபிஎல் கிரிக்கெட் தொடர் நாளை தொடங்குகிறது. புகழ்பெற்ற மும்பை வான்கடே மைதானத்தில் நாளை இரவு நடைபெறும் முதல் ஆட்டத்தில் நடப்பு சாம்பியன்ஸ் சென்னை சூப்பர் கிங்ஸ்-ஐ எதிர்கொள்கிறது முன்னாள் சாம்பியன் கொல்கத்தா நைட் ரைடர்ஸ் அணி.

போட்டிகள் நடைபெறும் தேதி

மார்ச் 26 முதல் மே 22 வரையிலான 58 நாட்களில் மொத்தம் 70 லீக் போட்டிகள் நடைபெற உள்ளன. இறுதிப்போட்டி மே 29ம் தேதி திட்டமிடப்பட்டுள்ளது.

போட்டிகள் எந்தெந்த மைதானங்களில் நடைபெறுகின்றன?

கொரோனா பெருந்தொற்று காரணமாக ஐபிஎல் போட்டிகள் மும்பை மற்றும் புனேவில் உள்ள 4 மைதானங்களில் 25% பார்வையாளர்களுடன் நடத்த மகாராஷ்டிரா அரசு அனுமதி அளித்துள்ளது. 2 தவணை கொரோனா தடுப்பூசி செலுத்தியுள்ளவர்கள் மட்டுமே மைதானத்திற்குள் நுழைய அனுமதிக்கப்படுவர்.

புதிய அணிகள் என்னென்ன?

ஐபிஎல் தொடரில் இந்த முறை முக்கிய மாற்றங்கள் செய்யப்பட்டுள்ளன. இதுவரை 8 அணிகள் விளையாடி வந்த நிலையில், தற்போது புதிதாக லக்னோ சூப்பர் ஜெயன்ஸ்ட்ஸ், குஜராத் டைடன்ஸ் என 2 புதிய அணிகள் சேர்க்கப்பட்டுள்ளன. மொத்தம் 10 அணிகள் இந்த சீசனில் பங்கேற்கின்றன. இந்த அணிகள் 2 குழுக்களாக பிரிக்கப்பட்டுள்ளன.

குரூப் ஏ வில் மும்பை இந்தியன்ஸ், கொல்கத்தா நைட் ரைடர்ஸ், ராஜஸ்தான் ராயல்ஸ், டெல்லி கேப்பிடல்ஸ் மற்றும் லக்னோ சூப்பர் ஜெயந்த்ஸ் அணிகள் இடம்பெற்றுள்ளன. குரூப் பி-யில் சென்னை சூப்பர் கிங்ஸ், சன் ரைசர்ஸ் ஐதராபாத், ராயல் சேலஞ்சர்ஸ் பெங்களூரு, பஞ்சாப் கிங்ஸ், குஜராத் டைடன்ஸ் அணிகள் இடம்பெற்றுள்ளன.

புதிய விதிமுறைகள் என்ன?

10 அணிகள் மோதும் ஐபிஎல் போட்டிகளில் ரசிகர்கள் ஏராளமான மாற்றங்களை காண தயாராக இருக்க வேண்டும்.

இந்த சீசனில் புதியதாக 3 விதிகள் அறிமுகப்படுத்தப்படுகின்றன. ஒரு அணி ஒரு இன்னிங்ஸில் 2 முறை டி.ஆர்.எஸ். முறையீடு செய்யலாம்.

ஒரு வீரர் கேட்ச் கொடுத்தால், கேட்ச் பிடிக்கும் முன்பு மறுமுனையில் இருந்த ஆட்டக்காரர் மறுபக்க கிரிஸூக்குச் சென்றால் அவரால் அடுத்தப் பந்தை எதிர்கொள்ள முடியும். இந்த விதிமுறை தற்போது மாற்றப்பட்டுள்ளது. இப்போது புதிய ஆட்டக்காரர்தான் அடுத்தப் பந்தை எதிர்கொள்ள வேண்டும். ஒருவேளை ஓவரின் கடைசிப் பந்தில் ஒருவர் ஆட்டமிழந்தால் மட்டுமே மறுமுனையில் உள்ள ஆட்டக்காரர், அடுத்த ஓவரின் ஆரம்பத்தில் முதல் பந்தை எதிர்கொள்ளலாம்.

மூன்றாவது நாக் அவுட் ஆட்டங்களில் சூப்பர் ஓவரை முடிக்க முடியாமல் போனால், லீக் சுற்றில் எந்த அணி முன்னிலை பெற்றதோ அந்த அணி வெற்றியாளராக அறிவிக்கப்படும்.

சென்னை சூப்பர் கிங்ஸ் அணியின் கேப்டன் யார்?

 

ஐபிஎல் கிரிக்கெட் தொடர்

பட மூலாதாரம்,GETTY IMAGES

சென்னை அணியின் முகமாக திகழ்ந்த எம்.எஸ்.தோனி கேப்டன் பொறுப்பிலிருந்து இருந்து விலகியுள்ளார். அவருக்கு பதில் ஜடேஜா தலைமையில் சி.எஸ்.கே களம் காண்கிறது. தொடக்க அட்டகாரராக களமிறங்கி ஜொலித்த டு பிளெசிஸ் இப்போது அணியில் இல்லை. புதிய வீரர்களை கையாளுவது அணியை கட்டமைப்பது என ஜடேஜாவுக்கு அதிக வேலைகள் உள்ளன.

சுரேஷ் ரெய்னா இந்த சீசனில் விளையாடுகிறாரா?

சென்னை அணியில் விளையாடி வந்த ரெய்னா இந்த ஏலத்தின் மூலம் அணியில் தக்க வைக்கப்படவில்லை. ரசிகர்களால் 'சின்ன தல' என்று அழைக்கப்படும் அவரை எடுக்காதது குறித்து சென்னை ரசிகர்கள் தங்களின் ஆதங்கத்தை வெளிப்படுத்தி வந்த நிலையில் அவர் இந்த சீசனில் வர்ணனையாளராக களமிறங்குவார் என்று அறிவிக்கப்பட்டது.

மும்பை இந்தியன்ஸ் அணிக்கு கூடுதல் பலமா?

 

rohit sharma

பட மூலாதாரம்,GETTY IMAGES

ரோஹித் தலைமையிலான மும்பை இந்தியன்ஸ் அணியின் பெரிய பலமே அவர்கள் சொந்த மண்ணில் விளையாடுவதுதான். இந்த முறை பெரும்பாலான ஆட்டங்கள் மும்பையில் நடைபெறுவது மும்பை இந்தியன்ஸ்க்கு சாதகமாக அமையும். ஆனால் 'இது எங்களுக்கு பெரிய அளவில் சாதாகமாக அமையாது' என்றும் 'அணியில் உள்ள 80% வீரர்கள் மும்பையில் இதுவரை விளையாடியதில்லை' எனவும் ரோஹித் ஷர்மா தெரிவித்துள்ளார். சூர்யகுமார் யாதவ், போலார்ட், இஷான், பும்ரா ஆகியோர் மட்டுமே மும்பையில் அதிக போட்டிகளில் விளையாடியுள்ளதாகவும் அவர் குறிப்பிட்டுள்ளார்.

ஏலத்தில் அதிக விலைக்கு போன இஷான் கிஷன்

15வது ஐபிஎல் தொடரில் அதிக தொகைக்கு ஏலம் போன வீரர் எனும் பெருமை பெற்ற இஷான் கிஷன், மும்பை இந்தியன்ஸ் பேட்டிங்கில் கூடுதல் வலு சேர்க்க கூடும். 23 வயதான இஷான் கிஷன் 15.25 கோடி ரூபாய்க்கு ஏலத்தில் எடுக்கப்பட்டார் என்பது குறிப்பிடத்தக்கது.

ராயல் சேலஞ்சர்ஸ் அணியின் கேப்டன் யார்?

ராயல் சேலஞ்ரஸ் பெங்களூரு அணியின் கேப்டன் பதவியில் இருந்து விராட் கோலி விலகி விட்ட நிலையில் அவருக்கு பதிலாக டு-பிளெசிஸ் தலைமை தாங்குகிறார். சென்னை சூப்பர் கிங்ஸ் அணியில் இடம் பெற்றிருந்த டு-பிளெசிஸை அணியில் தக்க வைக்கவில்லை என்று சென்னை ரசிகர்கள் சமூக வலைத்தளங்களில் தங்களின் அதிருப்தியை தெரிவித்திருந்தனர் என்பது குறிப்பிடத்தக்கது.

விராட் கோலி பேட்டிங்கில் தன்னை நிரூபிக்க வேண்டிய கட்டாயத்தில் உள்ளார். அணிக்கு வலு சேர்க்க கொல்கத்தாவின் முன்னாள் கேப்டனும் தமிழக வீரருமான தினேஷ் கார்த்திக் உள்ளது கூடுதல் பலமாக அமையலாம்.

ரஷிப் பந்த் தலைமையில் டெல்ல் கேப்பிடல்ஸ்

ரிஷப் பந்த் தலைமையில் களமிறங்கும் டெல்லி கேப்பிடல்ஸ் அணியில் சன் ரைசர்ஸ் முன்னாள் கேப்டன் டேவிட் வார்னர் இணைந்துள்ளார்.

ஷ்ரெயஸ் ஐயர் தலைமையில் கொல்கத்தா நைட் ரைடர்ஸ்

கொல்கத்தா நைட் ரைடர்ஸ் அணியில் ஷ்ரேயஸ் ஐயர், ரஹானே, ஆரோன் ஃபின்ச், பேட் க்யூமின்ஸ், ஆண்ட்ரே ரசல், டிம் சவுதி, சுனில் நரேன் என நட்சத்திர பட்டாளமே உள்ளது. கடந்த முறை இறுதிப்போட்டியில் கோப்பையை தரவ விட்ட கொல்கத்தா இந்த முறை ஷ்ரேயாஸ் தலைமையில் எப்படி செயல்படும் என்பது உற்று நோக்கப்படும்.

தமிழக வீரர் நடராஜன் எந்த அணியில்?

தமிழக வீரர் நடராஜன் ஐதராபாத் அணியில் களமிறங்குகிறார்.

டேவிட் வார்னர் இல்லாத வில்லியம்சன் தலைமையிலான ஐதராபாத் அணிக்கு கூடுதல் பலம் சேர்க்க வேண்டிய பொறுப்பு ஏய்டன் மார்க்ரம் உள்ளிட்ட இதர பேட்ஸ்மேன்கள் மீது நிரம்பியுள்ளது. பந்துவீச்சில் தமிழக வீரர்கள் நடராஜன், வாஷிங்டன் சுந்தர் ஆகியோர் மீதும் கவனம் படர்ந்துள்ளது.

ஹர்திக் பாண்டியா, கே.எல். ராகுல் எந்த அணியில்?

2008ல் ஒரேயொரு முறை மட்டுமே கோப்பையை வென்ற ராஜஸ்தான் அணி இந்த முறையாவது மீண்டும் கோப்பையை வெல்ல சஞ்சு சாம்சன் தலைமையிலான இளம் படை முனைப்பு காட்டும் என எதிர்பார்க்கலாம். பெரியளவில் தாக்கம் ஏற்படுத்தும் வீரர் யாரும் பஞ்சாப் கிங்ஸ்ல் இல்லை. இந்த முறை கோப்பையை வெல்வது பஞ்சாப்புக்கு கடினம் என சொல்லியிருக்கிறார் இந்திய கிரிக்கெட் ஜாம்பவான் சுனில் கவாஸ்கர். இந்த கருத்தை ஆட்டத்திறன் மூலம் முறியடிக்க வேண்டிய பெரிய பொறுப்பு மயங்க் அகர்வால் தலைமையிலான பஞ்சாப் வீரர்களுக்கு உள்ளது. ஹர்திக் பாண்டியா தலைமையில் களமிறங்கும் குஜராத் டைடன்ஸும், கே.எல். ராகுல் தலைமையில் களமிறங்கும் லக்னோ சூப்பர் ஜெயந்த்ஸ் அணியும் ஏலத்தில் நட்சத்திர வீரர்களை எடுத்திருந்தாலும் ஆடுகளத்தில் அவர்களின் மேஜிக் ஜொலிக்கிறதா என்பதை பொறுத்திருந்துதான் பார்க்க வேண்டும்.

https://www.bbc.com/tamil/sport-60873673

Link to comment
Share on other sites

  • கருத்துக்கள உறவுகள்
5 hours ago, ஏராளன் said:

ஐபிஎல் 2022: புதிய அணிகள் முதல் புதிய விதிமுறைகள் வரை - முக்கிய தகவல்கள்

ஏன் @கிருபன்போட்டியை நடாத்தாமல் விட்டுடுட்டார்?

ஏதோ நாளிருக்கு என்று எண்ணியிருந்தேன்.

இப்ப தான் பார்த்தால் நாளைக்கு தொடங்குகிறது.

Link to comment
Share on other sites

  • கருத்துக்கள உறவுகள்
38 minutes ago, ஈழப்பிரியன் said:

ஏன் @கிருபன்போட்டியை நடாத்தாமல் விட்டுடுட்டார்?

ஏதோ நாளிருக்கு என்று எண்ணியிருந்தேன்.

இப்ப தான் பார்த்தால் நாளைக்கு தொடங்குகிறது.

எல்லாம் உங்களுக்கெதிரான சூழ்ச்சிதான். 

  • Haha 1
Link to comment
Share on other sites

  • கருத்துக்கள உறவுகள்
2 hours ago, நந்தன் said:

எல்லாம் உங்களுக்கெதிரான சூழ்ச்சிதான். 

ஆஆஆ
அப்ப கவுக்க போறாரா?

Link to comment
Share on other sites

  • கருத்துக்கள உறவுகள்
9 hours ago, ஈழப்பிரியன் said:

ஏன் @கிருபன்போட்டியை நடாத்தாமல் விட்டுடுட்டார்?

ஏதோ நாளிருக்கு என்று எண்ணியிருந்தேன்.

இப்ப தான் பார்த்தால் நாளைக்கு தொடங்குகிறது.

உக்கிறேன் பிரச்சனை தான் காரனமாம்.😄

Link to comment
Share on other sites

  • கருத்துக்கள உறவுகள்
10 hours ago, ஈழப்பிரியன் said:

ஏன் @கிருபன்போட்டியை நடாத்தாமல் விட்டுடுட்டார்?

ஏதோ நாளிருக்கு என்று எண்ணியிருந்தேன்.

இப்ப தான் பார்த்தால் நாளைக்கு தொடங்குகிறது.

ஒருவரும் ஆர்வம் காட்டியதாகத் தெரியவில்லை.😐

அதோட itinerary அண்மையில்தான் வந்திருந்தது. Template உம் மாற்ற நேரம் கிடைக்கவில்லை. அதனால் நானும் பேசாமல் இருந்துவிட்டேன்.

உலகக் கிண்ணம் வரும்போது பார்ப்போம்! 

  • Thanks 1
Link to comment
Share on other sites

  • கருத்துக்கள உறவுகள்

ஐபிஎல் திருவிழா இன்று ஆரம்பம்!

spacer.png

கிரிக்கெட் ரசிகர்களால் பெரிதும் எதிர்பார்க்கப்படும் ஐபிஎல் திருவிழா இன்று ஆரம்பமாகிறது. மும்பை வான்கடே மைதானத்தில் இன்று (மார்ச் 26) இரவு 7.30 மணிக்கு நடைபெறும் தொடக்க ஆட்டத்தில் ஜடேஜா தலைமையிலான சென்னை சூப்பர் கிங்ஸ், ஸ்ரேயாஸ் அய்யர் தலைமையிலான கொல்கத்தா நைட் ரைடர்ஸ் அணிகள் மோதுகின்றன.

ஐபிஎல் (இந்தியன் பிரிமீயர் லீக்) டி20 கிரிக்கெட் போட்டி 2008ஆம் ஆண்டு அறிமுகம் செய்யப்பட்டது. இந்திய கிரிக்கெட் கட்டுப்பாட்டு வாரியம் சார்பில் இந்தப்போட்டி ஆண்டுதோறும் நடத்தப்பட்டு வருகிறது.

இதுவரை 14 ஐ.பி.எல். போட்டிகள் நடைபெற்றுள்ளன. இதில் மும்பை இந்தியன்ஸ் அதிகபட்சமாக ஐந்து முறை ஐபிஎல் கோப்பையை வென்றுள்ளது. அதற்கு அடுத்தபடியாக தோனி தலைமையிலான சென்னை சூப்பர் கிங்ஸ் நான்கு தடவை சாம்பியன் பட்டம் பெற்றுள்ளது. கொல்கத்தா நைட் ரைடர்ஸ் இரண்டு முறையும், ராஜஸ்தான் ராயல்ஸ், டெக்கான் சார்ஜர்ஸ், சன்ரைசர்ஸ் ஹைதராபாத் தலா ஒரு தடவையும் சாம்பியன் பட்டம் பெற்றுள்ளன.

இந்த நிலையில் 15ஆவது ஐபிஎல். திருவிழா இன்று (மார்ச் 26ஆம் தேதி) தொடங்குகிறது. மே 29-ந் தேதி வரை ஐபிஎல் போட்டிகள் நடக்கின்றன.

கொரோனா காரணமாக இந்த ஆண்டு ஐபிஎல் லீக் ஆட்டங்கள் அனைத்தும் மராட்டிய மாநிலத்தில் மும்பையில் உள்ள வான்கடே , பிராபோர்ன் ஸ்டேடியங்கள், நவி மும்பையில் உள்ள டி.ஒய்.பட்டீல், புனேயில் உள்ள எம்சிஏ ஆகிய நான்கு மைதானங்களில் போட்டி நடக்கிறது.

இந்த சீசனில் லக்னோ சூப்பர் ஜெயன்ட்ஸ், குஜராத் டைட்டன்ஸ் இரண்டு புதிய அணிகள் பங்கேற்கின்றன. இதனால் 2011 ஆண்டு போட்டியை போல இந்த ஐபிஎல் தொடரில் 10 அணிகள் விளையாடுகின்றன.

10 அணிகள் கலந்து கொள்வதால் போட்டி முறையில் மாற்றம் செய்யப்பட்டுள்ளது. அதே நேரத்தில் ஒவ்வொரு அணியும் 14 ஆட்டத்தில் விளையாடுவதில் எந்த மாற்றமும் இல்லை. 10 அணிகளும் இரண்டு பிரிவுகளாகப் பிரிக்கப்பட்டுள்ளன.

குரூப் - ஏ: மும்பை இந்தியன்ஸ், கொல்கத்தா நைட் ரைடர்ஸ், ராஜஸ்தான் ராயல்ஸ், டெல்லி கேப்பிட்டல்ஸ், லக்னோ சூப்பர் ஜெயன்ட்ஸ்.

குரூப் - பி: சென்னை சூப்பர் கிங்ஸ், சன்ரைசர்ஸ் ஹைதராபாத், ராயல் சேலஞ்சர்ஸ் பெங்களூரு, பஞ்சாப் கிங்ஸ், குஜராத் டைட்டன்ஸ்.

ஒவ்வொரு அணியும், தங்கள் பிரிவில் உள்ள மற்ற அணிகளுடன் இரண்டு முறை மோத வேண்டும். அதே நேரத்தில் அடுத்த பிரிவில் உள்ள மற்ற அணிகளுடன் ஒரு முறையும், ஒரு அணியுடன் மட்டும் இரண்டு தடவையும் மோத வேண்டும். லீக் முடிவில் புள்ளிகள் அடிப்படையில் முதல் நான்கு இடங்களை பிடிக்கும் அணிகள் பிளே ஆப் சுற்றுக்கு முன்னேறும்.

மே 22ஆம் தேதி வரை லீக் ஆட்டங்கள் நடைபெறுகிறது. பிளே ஆப் சுற்று ஆட்ட விவரங்கள் இதுவரை அறிவிக்கப்படவில்லை. இறுதிப்போட்டி மே 29ஆம் தேதி நடைபெறும்.

மும்பை வான்கடே மைதானத்தில் இன்று (மார்ச் 26) இரவு 7.30 மணிக்கு நடைபெறும் தொடக்க ஆட்டத்தில் ஜடேஜா தலைமையிலான சென்னை சூப்பர் கிங்ஸ், ஸ்ரேயாஸ் அய்யர் தலைமையிலான கொல்கத்தா நைட் ரைடர்ஸ் அணிகள் மோதுகின்றன.


 

https://minnambalam.com/entertainment/2022/03/26/9/IPL-festival-starts-today

Link to comment
Share on other sites

  • கருத்துக்கள உறவுகள்
9 hours ago, சுவைப்பிரியன் said:

உக்கிறேன் பிரச்சனை தான் காரனமாம்.😄

உக்ரேனில் என்ன பிரச்சனை?

Link to comment
Share on other sites

  • கருத்துக்கள உறவுகள்

முடித்து வைத்த சென்னைக்கு ஆரம்பத்தில் பதிலடி கொடுத்த கொல்கொத்தா  : மலிங்கவின் சாதனை முறியடிப்பு

(என்.வீ.ஏ.)

இண்டியன் பிறீமியர் லீக்கின் 14ஆவது அத்தியாயத்தை கடந்த வருடம் முடித்து வைத்த சென்னை சுப்பர் கிங்ஸ், கொல்கத்தா நைட் ரைடர்ஸ் ஆகிய அணிகள் இந்த  வருடம்   ஆரம்பித்துவைத்த 15 ஆவது அத்தியாயத்தில் பதிலடி கொடுத்த கொல்கத்தா நைட் ரைடர்ஸ் 6 விக்கெட்களால் வெற்றியீட்டியது.

New captains Shreyas Iyer and Ravindra Jadeja pose with the IPL 2022 trophy, Chennai Super Kings vs Kolkata Knight Riders, IPL 2022, Mumbai, March 26, 2022

இதன் மூலம் கடந்த வருட இறுதிப் போட்டியில் சென்னை சுப்பர் கிங்ஸ் அணியிடம் அடைந்த தோல்வியை கொல்கத்தா நைட் ரைடர்ஸ் நிவர்த்திசெய்துகொண்டது.

Umesh Yadav accounted for both Chennai Super Kings' openers, Chennai Super Kings vs Kolkata Knight Riders, IPL 2022, Mumbai, March 26, 2022

கொல்கத்தா நைட் ரைடர்ஸ் அணி பந்துவீச்சாளர்கள் மிகச் சிறப்பாக பந்துவீசி  நடப்பு சம்பியன்

சென்னை சுப்பர் கிங்ஸ்  அணியை 131 ஓட்டங்களுக்கு  கட்டுப்படுத்தினர்.

Sheldon Jackson had Robin Uthappa stumped, Chennai Super Kings vs Kolkata Knight Riders, IPL 2022, Mumbai, March 26, 2022

தொடர்ந்து அஜின்கியா ரஹானே, அணித் தலைவர் ஷ்ரேயாஸ் ஐயர் ஆகியோரின் துடுப்பாட்டங்கள் கொல்கத்தாவின் வெற்றியை இலகுபடுத்தின.

ஆரம்பப் போட்டியில் முதலில் துடுப்பெடுத்தாட அழைக்கப்பட்ட ரவிந்த்ர ஜடேஜா தலைமையிலான சென்னை சுப்பர் கிங்ஸ் 20 ஓவர்களில் 5 விக்கெட்களை இழந்து 131 ஓட்டங்களை மாத்திரம் பெற்றது.

Andre Russell had Shivam Dube holing out, Chennai Super Kings vs Kolkata Knight Riders, IPL 2022, Mumbai, March 26, 2022

  சென்னை சுப்பர் கிங்ஸ்   ஆரம்ப வீரர்களை குறைந்த எண்ணிக்கைக்கு இழந்த து.   அனுபவசாலியும் முன்னாள் அணித் தலைவருமான எம். எஸ். தோனி, புதிய அணித் தலைவர் ஜடோஜா ஆகிய இருவரும் பிரிக்கப்படாத 6ஆவது விக்கெட்டில் 70 ஓட்டங்களைப் பகிர்ந்திரா விட்டால் சென்னை சுப்பர் கிங்ஸ் அணியின் நிலை மோசமடைந்திருக்கும்.

Ravindra Jadeja had a big repair job on his hands in his first game as Chennai Super Kings captain, Chennai Super Kings vs Kolkata Knight Riders, IPL 2022, Mumbai, March 26, 2022

தோனி 38 பந்துகளில் 7 பவுண்ட்றிகள், ஒரு சிக்ஸுடன் 50 ஓட்டங்களுடனும் ஜடேஜா 26 ஓட்டங்களுடனும் ஆட்டமிழக்காதிருந்தனர்.

MS Dhoni struggled to get going against Kolkata Knight Riders, Chennai Super Kings vs Kolkata Knight Riders, IPL 2022, Mumbai, March 26, 2022

இவர்கள் இருவரை விட ரொபின் உத்தப்பா 28 ஓட்டங்களைப் பெற்றார்.

Sheldon Jackson was sharp behind the stumps, Chennai Super Kings vs Kolkata Knight Riders, IPL 2022, Mumbai, March 26, 2022

கொல்கத்தா பந்துவீச்சில் உமேஷ் யாதவ் 20 ஓட்டங்களுக்கு 2 விக்கெட்களைக் கைப்பற்றினார்.

பதிலுக்கு துடுப்பெடுத்தாடிய கொல்கத்தா 18.3 ஓவர்களில் 4 விக்கெட்களை மாத்திரம் இழந்து 133 ஓட்டங்களைப் பெற்று வெற்றியீட்டியது.

Sam Billings played his shots as Chennai Super Kings tried to apply the brakes, Chennai Super Kings vs Kolkata Knight Riders, IPL 2022, Mumbai, March 26, 2022

துடுப்பாட்டத்தில் முன்வரிசை வீரர்கள் அனைவரும் அதிகப்பட்ச பங்களிப்பை வழங்கி கொல்கத்தாவின் வெற்றியை உறுதிசெய்தனர்.

Ajinkya Rahane was solid for Kolkata Knight Riders at the top, Chennai Super Kings vs Kolkata Knight Riders, IPL 2022, Mumbai, March 26, 2022

அஜின்கியா ரஹானே (44), வெங்கடேஷ் ஐயர் (16) ஆகிய இருவரும் பவர் ப்ளேயில் 43 ஓட்டங்களைப் பகிர்ந்து   நல்ல ஆரம்பத்தை இட்டுக்கொடுத்தனர்.

MS Dhoni gestures in the field, Chennai Super Kings vs Kolkata Knight Riders, IPL 2022, Mumbai, March 26, 2022

தொடர்ந்து நிட்டிஷ் ரானா (21), ஷ்ரேயாஸ் ஐயர் (20 ஆ.இ.), சாம் பில்லிங்ஸ் (25) ஆகியோர் துடுப்பாட்டத்தில் அதிகபட்ச பங்களிப்பை வழங்கியிருந்தனர்.

சென்னை பந்துவீச்சில் 20 ஓட்டங்களுக்கு 3 விக்கெட்களைக் கைப்பற்றிய ட்வேன் ப்ராவோ, இண்டியன் பிறீமியர் லீக்கில் 170 விக்கெட்களைப் பூர்த்தி செய்தார்.

Dwayne Bravo finished with figures of 4-0-20-3 to draw level with Lasith Malinga as the IPL's highest wicket-taker, Chennai Super Kings vs Kolkata Knight Riders, IPL 2022, Mumbai, March 26, 2022

இதன் மூலம் இண்டியன் பிறீமியர் லீக்கில் அதிக விக்கெட்களை கைப்பற்றிய லசித் மாலிங்கவின சாதனையை ப்ராவோ சமன் செய்தார்.

 

https://www.virakesari.lk/article/124803

 

  • Like 1
Link to comment
Share on other sites

  • கருத்துக்கள உறவுகள்

ஐபிஎல் 2022- மும்பையை வீழ்த்தி முதல் வெற்றியை ருசித்தது டெல்லி கேப்பிட்டல்ஸ்

ஐபிஎல் 2022- மும்பையை வீழ்த்தி முதல் வெற்றியை ருசித்தது டெல்லி கேப்பிட்டல்ஸ்
அக்சர் பட்டேல்

 

104 ரன்களில் 6 விக்கெட் இழந்த நிலையில், லலித் யாதவ்- அக்சர் படேல் ஜோடி அபாரமாக விளையாடி, ஆட்டத்தின் போக்கை மாற்றியது.

மும்பை:

15-வது ஐ.பி.எல். கிரிக்கெட் தொடரின் இரண்டாவது லீக் ஆட்டம் இன்று மும்பை பிராபோர்ன் ஸ்டேடியத்தில் நடைபெற்றது. இதில் டெல்லி கேப்பிடல்ஸ் அணியும், மும்பை இந்தியன்ஸ் அணியும் மோதின. டாஸ் வென்ற டெல்லி அணி பந்துவீச்சை தேர்வுசெய்தது. அதன்படி முதலில் பேட்டிங் செய்த மும்பை அணி,  20 ஓவர்கள் முடிவில் 5 விக்கெட் இழப்பிற்கு 177 ரன்கள் சேர்த்தது. 

அதிகபட்சமாக இஷான் கிஷன் 81 ரன்கள் விளாசினார். கேப்டன் ரோகித் சர்மா 41 ரன்கள் சேர்த்தார். டெல்லி அணி தரப்பில் குல்தீப் யாதவ் அதிகபட்சமாக 3 விக்கெட்டுகளை கைப்பற்றினார். 

இதையடுத்து 178 ரன்கள் எடுத்தால் வெற்றி என்ற இலக்குடன் ஆடிய டெல்லி அணி, 32 ரன்களில் 3 முக்கிய விக்கெட்டுகளை இழந்தது. மறுமுனையில் கவனமாக ஆடிய துவக்க வீரர் பிருத்வி ஷா, 24 பந்துகளில் 38 ரன்கள் எடுத்து ஆறுதல் அளித்தார். அதிரடியாக ஆடிய ஷர்துல் தாகூர் தனது பங்கிற்கு 22 ரன்கள் சேர்த்து வெளியேறினார். 104 ரன்களில் 6 விக்கெட் இழந்த நிலையில், லலித் யாதவ், அக்சர் படேல் இருவரும் அபாரமாக விளையாடி, ஆட்டத்தின் போக்கை மாற்றினர். 

லலித் யாதவ் ஆட்டமிழக்காமல் 48 ரன்களும், அக்சர் பட்டேல் ஆட்டமிழக்காமல் 38 ரன்களும் விளாச, டெல்லி அணி 10 பந்துகள் மீதமிருந்த நிலையில் இலக்கை எட்டியது. 6 விக்கெட் இழப்பிற்கு 179 ரன்கள் சேர்த்த டெல்லி அணி, 4 விக்கெட் வித்தியாசத்தில் வெற்றியை ருசித்தது. 

https://www.maalaimalar.com/news/topnews/2022/03/27192540/3616493/IPL-2022-Delhi-Capitals-won-by-4-wickets-against-Mumbai.vpf

Link to comment
Share on other sites

  • கருத்துக்கள உறவுகள்

ஐ.பி.எல். கிரிக்கெட்: 5 விக்கெட்டுகள் வித்தியாசத்தில் பஞ்சாப் கிங்ஸ் அணி வெற்றி

பதிவு: மார்ச் 27,  2022 23:35 PM
 

கிரிக்கெட்

ஐ.பி.எல். கிரிக்கெட்: 5 விக்கெட்டுகள் வித்தியாசத்தில் பஞ்சாப் கிங்ஸ் அணி வெற்றி
image courtesy: IndianPremierLeague twitter

பெங்களூரு அணிக்கு எதிரான ஆட்டத்தில் பஞ்சாப் அணி 5 விக்கெட்டுகள் வித்தியாசத்தில் வெற்றி பெற்றது.

மும்பை,

15-வது ஐ.பி.எல். கிரிக்கெட் திருவிழா மும்பையில் நேற்று தொடங்கி நடைபெற்று வருகிறது. இதில் இன்று இரண்டாவதாக நடைபெற்ற 3 ஆவது லீக் ஆட்டத்தில் பஞ்சாப் கிங்ஸ் அணியும், ராயல் சேலஞ்சர்ஸ் பெங்களூரு அணியும் மோதி வருகிறது.

இந்த போட்டியில் டாஸ் வென்ற பஞ்சாப் அணி பந்துவீச்சை தேர்வுசெய்தது. அதன்படி பெங்களூரு அணி முதலில் விளையாடியது. அணியின் தொடக்க ஆட்டக்காரர்களாக கேப்டன் டு பிளெஸ்சிசும், அனுஜ் ராவத்தும் களமிறங்கினர். அனுஜ் ராவத் 21 ரன்களில் ஆட்டமிழந்தார். 

இதையடுத்து டு பிளெஸ்சிசுடன் விராட் கோலி கைகோர்த்தார். இருவரும் பஞ்சாப் அணியின் பந்துவீச்சை துவம்சம் செய்தனர். குறிப்பாக டு பிளெஸ்சிஸ் அதிரடியாக ஆடினார். சதம் அடிப்பார் என எதிர்பார்க்கப்பட்ட டு பிளெஸ்சிஸ், 88 ரன்களில் (57 பந்து, 3 பவுண்டரி, 7 சிக்சர்) ஆட்டமிழந்தார். 

ஆட்டத்தின் கடைசியில் களமிறங்கிய தினேஷ் கார்த்திக்கும் தன் பங்குக்கு 3 சிக்சர்களை பறக்கவிட்டார். இறுதியில் பெங்களூரு அணி 20 ஓவர்கள் முடிவில் 2 விக்கெட் இழப்பிற்கு 205 ரன்கள் குவித்தது. விராட் கோலியும்(41), தினேஷ் கார்த்திக்கும்(32) ஆட்டமிழக்காமல் கடைசிவரை களத்தில் இருந்தனர். 

இதனை தொடர்ந்து 206 ரன்கள் எடுத்தால் வெற்றி என்ற இலக்குடன் பஞ்சாப் அணி பேட்டிங்கை தொடங்கியது. பஞ்சாப் அணியில் முதலில் களமிறங்கிய மயங்க் அகர்வால் 32 ரன்களும் தவான் 43 ரன்களும் எடுத்து ஆட்டமிழந்தனர். அடுத்து இறங்கிய பனுகா ராஜபக்ச 43 ரன்கள் எடுத்து விக்கெட்டை பறிகொடுத்தார்.

அதிரடியாக ஆடிய ஓடின் ஸ்மித் 8 பந்துகளில் 25 ரன்கள் எடுத்தார். இந்த நிலையில் பஞ்சாப் அணி 19 ஓவர்கள் முடிவில் 5 விக்கெட்டுகள் இழப்பிற்கு 208 ரன்கள் எடுத்த பஞ்சாப் அணி 5 விக்கெட்டுகள் வித்தியாசத்தில் பெங்களூரு அணியை வென்றது.

 

https://www.dailythanthi.com/Sports/Cricket/2022/03/27233513/IPL-Cricket-Punjab-Kings-win-by-5-wickets.vpf

 

Link to comment
Share on other sites

  • கருத்துக்கள உறவுகள்
37 minutes ago, கிருபன் said:

ஐ.பி.எல். கிரிக்கெட்: 5 விக்கெட்டுகள் வித்தியாசத்தில் பஞ்சாப் கிங்ஸ் அணி வெற்றி

வழமையில் தோற்றுப் போகும் இந்த அணி நாங்க போட்டி வைக்கலை என்றதும் வென்லுதே.

Link to comment
Share on other sites


×
×
  • Create New...

Important Information

By using this site, you agree to our Terms of Use.