Jump to content

சீமான் பேட்டி: "நடந்ததை நான் தேர்தலாகவே பார்க்கவில்லை"


Recommended Posts

  • கருத்துக்கள உறவுகள்

சீமான் பேட்டி: "நடந்ததை நான் தேர்தலாகவே பார்க்கவில்லை"

  • ஆ.விஜய் ஆனந்த்
  • பிபிசி தமிழ்
 

சீமான்

பட மூலாதாரம், NAAM TAMILAR KATCHI/FB

 

படக்குறிப்பு, சீமான்

நகர்ப்புற உள்ளாட்சித் தேர்தலில் ஐந்தாவது இடத்தை நாம் தமிழர் கட்சி பெற்றுள்ளது. மாநகராட்சி, நகராட்சி ஆகியவற்றில் ஓர் இடத்தைக்கூட அக்கட்சி பெறவில்லை. 

இந்நிலையில் ` தி.மு.கவும், பா.ஜ.கவும் பேசி வைத்துக் கொண்டு இந்தத் தேர்தலில் செயல்பட்டுள்ளனர். நேர்மையாக தேர்தலை எதிர்கொண்டதாக ஸ்டாலின் சொல்வாரா?' எனக் கேள்வியெழுப்புகிறார் நாம் தமிழர் கட்சியின் தலைமை ஒருங்கிணைப்பாளர் சீமான்.

தமிழ்நாட்டில் நகர்ப்புற உள்ளாட்சித் தேர்தலில் 12,607 இடங்களுக்குக் கடந்த பிப்ரவரி 19 ஆம் தேதி வாக்குப்பதிவு நடைபெற்றது. இந்தத் தேர்தலில் 21 மாநகராட்சிகள் உள்பட பெரும்பான்மையான நகராட்சிகள் மற்றும் பேரூராட்சிகளை தி.மு.க கூட்டணியே கைப்பற்றியது. இந்தத் தேர்தலில் பா.ஜ.க, நாம் தமிழர் கட்சி, பா.ம.க, அ.ம.மு.க, தே.மு.தி.க ஆகிய கட்சிகள் தனித்துக் களமிறங்கின.

இதில், மாநகராட்சிகளில் நாம் தமிழர் கட்சி 2.51 சதவீத வாக்குகளையும் நகராட்சிகளில் 0.74 சதவீத வாக்குகளையும் பேரூராட்சிகளில் 0.80 சதவீத வாக்குகளையும் பெற்றுள்ளது. இதில், பேரூராட்சிகளில் ஆறு கவுன்சிலர் பதவிகளை மட்டுமே அக்கட்சி பெற்றுள்ளது. மாநகராட்சி, நகராட்சி ஆகியவற்றில் ஓர் இடத்தைக்கூட பெறவில்லை.

"ஏன் இப்படியொரு நிலை ஏற்பட்டது?" என தமிழர் கட்சியின் தலைமை ஒருங்கிணைப்பாளர் சீமானிடம் கேட்டோம். 

"நான் மூன்றாவது, நான்காவது இடத்துக்கெல்லாம் சண்டையிடவில்லை. முதலாவது இடத்துக்கு வருவதற்காகத்தான் போராடிக் கொண்டிருக்கிறேன். இந்தமுறை தேர்தலாகத்தான் இது நடந்ததா? மத்தியில் ஆள்பவர்களும் மாநிலத்தில் உள்ளவர்களும் பேசி வைத்துக் கொண்டுதான் செயல்படுகிறார்கள். நோட்டாவுக்குக் கீழே ஆர்.கே.நகரில் வாக்குகளைப் பெற்ற ஒரு கட்சி, இத்தனை இடங்களைப் பிடித்ததாகப் பேசிக் கொள்கிறார்கள். பணம் கொடுக்காமல் அராஜகம் செய்யாமல் கள்ள ஓட்டு போடாமல் இந்தத் தேர்தலை சந்தித்தார்களா?'' எனக் கேள்வியெழுப்புகிறார் சீமான்.

தேர்தலாகவே பார்க்கவில்லை

"இதனை ஒரு தேர்தலாகவே நான் பார்க்கவில்லை. இவை அனைத்தும் முடிவு செய்யப்பட்ட ஒன்று. பல இடங்களில் வாக்குப்பெட்டிகள் சீல் உடைக்கப்பட்டு திறந்தே வந்தன. அதை எடுத்து ஆவணப்படுத்தி எங்கள் கட்சியின் நிர்வாகிகள் வெளியிட்டனர். சென்னையில் தொடக்கத்தில் 32 சதவீத வாக்குகள் பதிவாகின. மாலை 5 முதல் 6 மணி வரையில் கொரோனா நோயாளிகள் வாக்குப்பதிவு செய்ய நேரம் ஒதுக்கப்பட்டது. அந்த ஒரு மணிநேரத்தில் 12 சதவீத வாக்குகள் பதிவாகி, 44 சதவீதமாக மாறியது. அவ்வளவும் கள்ள வாக்குகள். கொரோனா நோயாளிகள் அனைவரும் வந்து வாக்களித்தார்களா?," என்று கேட்டார் சீமான்.

மேலும் இது குறித்துப் பேசிய சீமான், "மாம்பலத்தில் வென்ற பா.ஜ.க வேட்பாளர், கோட்சேவை தலைவராக ஏற்றுக் கொண்டு, `காந்தியைக் கொன்றது சரி' எனப் பேசியவர். அவருக்கு எதிராக தி.மு.க ஏன் நேரடியாகப் போட்டியிடவில்லை? எந்த காங்கிரஸ் தலைவர் அங்கே போய் பிரசாரம் செய்தார்?

பாஜகவும் திமுகவும் ஒப்பந்தம் செய்துகொண்டு போட்டியிட்டதாக எதை அடிப்படையாகக் கொண்டு சொல்கிறீர்கள் என்று கேட்டபோது அதற்கு அவர் நேரடியாக எந்தக் காரணத்தையும் கூறவில்லை. 

 

சீமான்

பட மூலாதாரம், NAAMTAMILARKATCHIOFFL FACEBOOK PAGE

 

படக்குறிப்பு,  சீமான்

தேர்தல் செலவுகளுக்கே நாம் தமிழர் கட்சி சிரமப்பட்டதாக கூறியிருந்தார்களே? என்று அவரிடம் கேட்டபோது, 

"ஆமாம். இந்தமுறை 3,000 பேரைத்தான் வேட்பாளர்களாகப் போட முடிந்தது. அதற்கு மேல் கட்டுத்தொகை (டெபாசிட்) கட்டுவதற்குப் பணம் இல்லை. துண்டறிக்கை, சுவரொட்டி ஆகியவற்றை அச்சசடிப்பதற்கும் பணம் இல்லை. இருப்பினும், முடிந்தவரையில் சண்டையிட்டோம்.

மக்களிடம் வெறுப்புணர்வு வரும்போது கிளர்ச்சி வரும். கொரோனா என்றொரு நோய்த் தொற்று வரும், அது உலகத்தைப் புரட்டிப் போடும் என யாராவது எதிர்பார்த்தார்களா? அதேபோல ஒரு பெரும்காற்று வீசும்போது இங்கு எதுவுமே இருக்காது. அதுபோல ஒரு மக்கள் புரட்சி இங்கே வெடிக்கும்," என்றார். 

சட்டமன்றத் தேர்தலில் 7 சதவீத வாக்குகளைப் பெற்ற நாதக, அடுத்து வந்த ஊரக உள்ளாட்சித் தேர்தலிலும் நகர்ப்புற உள்ளாட்சித் தேர்தலிலும் அந்த அளவு வாக்குகளைப் பெறவில்லையே?'' என்று கேட்டபோது, 

"நாங்கள் யாரிடம் நம்பிக்கையைப் பெற வேண்டும் என நீங்கள் நினைக்கிறீர்கள்? தி.மு.க ஆட்சியின் சாதனைக்காகத்தான் மக்கள் வாக்களித்தார்களா? ஆட்சியின் சாதனையைச் சொல்லி வாக்கு கேட்டார்களா? மிக்சி, கிரைண்டர், ஹாட்பாக்ஸ் ஆகியற்றைக் கொடுத்து வாக்கு கேட்டார்கள். இதில், சாதனை என்ற வார்த்தை எதற்கு?" என்று பதில் அளித்தார் சீமான். 

அப்படியே பார்த்தாலும், மேற்கு மண்டலம் முழுக்க தி.மு.க பக்கம் வந்ததற்குப் பணம் மட்டுமே காரணம் எனக் கூறமுடியுமா? என்று கேட்டபோது, 

"மேற்கு மண்டலத்தில் ஒரு மாவட்டத்துக்கு மட்டும் 700 கோடி ரூபாயை செலவிட்டனர். ஒரு வார்டுக்கு மட்டும் 75 கோடி செலவிட்டுள்ளனர். இதை நான் சொல்லவில்லை. ஊடகங்கள் எழுதியுள்ளன. 

பணம் மட்டுமே காரணம் இல்லையென்றால் எதற்காக பணம் கொடுக்க வேண்டும்?

ஓட்டுக்கு நான்காயிரம், பத்தாயிரம் எனக் கொடுப்பதற்குப் பணம் உள்ளது. குடும்பத் தலைவிக்கு மாதம் ஆயிரம் ரூபாயும் பொங்கலுக்கு ஐந்தாயிரம் கொடுப்பதற்கும் பணம் இல்லை. நகைக்கடன் தள்ளுபடிக்கும் பணம் இல்லை. காரணம், அரசாங்கத்திடம் இருக்க வேண்டிய பணம் முன்னாள், இந்நாள் அமைச்சர்களிடம் இருக்கிறது. மக்களுக்கு நல்லது செய்ய வேண்டும் என நினைக்கிறவர்கள், பணம் கொடுத்து வாக்கு கேட்க மாட்டார்கள்."

 

சீமான்

பட மூலாதாரம், NAAM TAMILAR

 

படக்குறிப்பு, சீமான்

 

முன்கூட்டியே தேர்தலுக்குத் தயாராகாததும் நாம் தமிழர் கட்சியின் பின்னடைவுக்கான காரணமா? என்று கேட்டபோது, 

"ஆமாம். தேர்தல் வருவது குறித்து அவர்களுக்கெல்லாம் முன்கூட்டியே தெரியும். எங்களுக்குத் தெரியவில்லை. `திரள் நிதி திரட்டல்' முறையில் நிதி கேட்டோம். அதில் ஐந்தாறு லட்சம்தான் கிடைத்தது. சற்று முன்கூட்டியே நிதி திரட்டியிருந்தால் 30 லட்ச ரூபாய் வரையில் கிடைத்திருக்கும். அதை வைத்துக் கூடுதலாக களப்பணி செய்திருக்க முடியும். பல இடங்களில் சாதி, ஊர் கட்டுமானம் எனக் கூறி, `போனமுறை அந்த சாதிக்குக் கொடுத்தோம். இந்தமுறை இந்த சாதிக்குக் கொடுக்கிறோம் எனப் பேசி முடிவெடுத்துவிட்டனர்".

இஸ்லாமியர், கிறிஸ்துவர்

"இஸ்லாமியர் என்றால் ஜமாத்தில் பேசி முடிவு செய்கின்றனர். `கிறிஸ்துவர் என்றால் இவருக்குத்தான் வாக்கு' என பிஷப் கூறிவிடுகிறார். இவையெல்லாம் அனைவரும் அறிந்ததுதான். டெல்லியில் நடந்த உள்ளாட்சித் தேர்தலில் ஓர் இடத்தில்கூட வெல்லாத கெஜ்ரிவால், அடுத்து வந்த சட்டசபைத் தேர்தலில் வென்று ஆட்சியைப் பிடித்துவிட்டார். இங்கு முதலிடத்துக்காக வருவதற்காகத்தான் போட்டி போடுகிறேன்" என்றார் சீமான். 

இன்னும் அடித்தட்டு வரையில் உங்கள் கட்சி செல்ல வேண்டியிருப்பதை இந்தத் தேர்தல் உணர்த்தியுள்ளதா? என்று கேட்டபோது, 

"நாங்கள் நிச்சயமாக செல்வோம். தொடக்கத்தில் இருந்து தி.மு.கவை ஸ்டாலினே கரையேற்றினாரா? எடப்பாடியே அ.தி.மு.கவை ஆரம்பத்தில் இருந்து கரையேற்றினாரா? `கடந்த 3 ஆண்டுகளில் உழைத்து பா.ஜ.கவை முன்னேற்றினோம்' என அண்ணாமலை கூறுகிறார். 

நான் பிறக்கும்போது இருந்தே ஆர்.எஸ்.எஸ் இருக்கிறது. இந்திய விடுதலைப் போராட்டத்தில் இருந்து ஆர்.எஸ்.எஸ் என்ற அமைப்பு இருக்கிறது. அதன் அரசியல் வடிவம்தானே பா.ஜ.க. நான் படிக்கும் காலத்திலேயே இவர்கள் திராவிடக் கட்சிகளுடன் கூட்டணி வைத்தனர்."

22 மாநகராட்சி வார்டுகளில் பா.ஜ.க வென்றுள்ளதே? என்று கேட்டபோது, 

"இதுவே வெற்றி என்றால் எப்படி? ஆர்.கே.நகர் இடைத்தேர்தலின்போது மத்தியில் வலிமையாக இருந்தனர். ஆனால், நோட்டாவுக்குக் கீழே வாக்குகளைப் பெற்றனர். தி.மு.கவும் பா.ஜ.கவும் நல்ல புரிதலுடன்தான் உள்ளனர். இவ்வளவு வளர்ச்சியைக் கண்டுவிட்டதாக சொல்கிறவர்கள், நாடாளுமன்றத் தேர்தலில் தனித்துப் போட்டியிடட்டுமே? அன்றைக்கு இவர்களின் வலிமை என்ன என்பது தெரிந்துவிடும். மதம், சாதி பேசும் இவர்களா அல்லது மண், மக்கள் நலம் பேசும் நாங்கள் இருக்கிறோமா எனப் பார்த்துவிடலாம்" என்றார் சீமானம். 

மூன்றாவது இடம் எங்களுக்குத்தான் என பா.ஜ.கவும் காங்கிரஸ் கட்சியும் மோதிக் கொள்வதை எப்படிப் பார்க்கிறீர்கள்? என்று கேட்டபோது, 

அவர்கள் அந்த இடத்தில்தான் கடைசி வரையில் இருக்க முடியும். பா.ஜ.க தனித்து நின்றாலும் பல இடங்களில் அ.தி.மு.க அவர்களை ஆதரித்தது. தி.மு.கவும் ஆதரித்தது. இவை அனைத்தும் வெளியில் தெரியவில்லை, அவ்வளவுதான். எனக்கு வாக்களித்தால் பா.ஜ.க வந்துவிடும் என தி.மு.க ஏன் கூறியது? அப்படியானால் அவர்கள் வரட்டும் என்றுதானே விரும்புகிறது?''.

பாஜக வளரவில்லையா?

அப்படியானால் பா.ஜ.க வளரவில்லை என்கிறீர்களா? என்று கேட்டபோது, 

"பா.ஜ.கவுக்கு வாக்களிக்க வேண்டும் என்ற எண்ணம் மக்களுக்கு ஏன் வந்தது? மாநகராட்சி மாமன்றத்தில் பதவியேற்று இவர்கள் எதாவது செய்வார்கள் என நம்பித்தான் மக்கள் வாக்களித்தார்களா? பா.ஜ.க வெற்றி பெற்றால் குடிதண்ணீர், சாலை வசதி கிடைக்குமா? இவர்கள் ஆளும் மாநிலங்களில் எல்லாம் இந்த வசதிகள் எல்லாம் செய்யப்பட்டுவிட்டதா?"

 

ஸ்டாலின்-சீமான்

பட மூலாதாரம், TNDIPR

 

படக்குறிப்பு, ஸ்டாலின்-சீமான்

உள்ளாட்சிக்கான 70 சதவீத நிதியை மத்திய அரசு கொடுப்பதாகத்தானே பா.ஜ.க பிரசாரம் செய்தது? என்று கேட்டபோது, 

"இதுவரையில் என்ன செய்தார்கள்? மாநிலத்துக்கு வர வேண்டிய ஜி.எஸ்.டி தொகையை இன்னும் தரவில்லை என முதலமைச்சரே கூறுகிறார். இந்தியாவிலேயே மத்திய பிரதேசம், தமிழ்நாடு, கர்நாடகா ஆகிய மாநிலங்களின் பணத்தை வைத்துதான் அவர்கள் கொண்டாடிக் கொண்டிருக்கிறார்கள். 

எங்களுக்கு வரவேண்டிய 12,000 கோடி ஜி.எஸ்.டி நிலுவையைத் தொகை கொடு என்கிறோம். முதலில் அதனைத் தரட்டும். `நிதி வலிமை இல்லை' என்று கூறிவிட்டு, பிறகு நாங்கள்தான் கொடுக்கிறோம் என்பது. எத்தனை காலத்துக்கு எய்ம்ஸ் மருத்துவமனைக்காக கல்லை மட்டுமே நடுவார்கள்? நான்கு கற்களையாவது அடுக்கிக் காட்டட்டுமே. அந்தக் கல்லையும் உதயநிதி எடுத்துக் கொண்டு போய்விட்டார்" என்றார் சீமான். 

அ.தி.மு.கவுக்கு ஏற்பட்ட பின்னடைவை எப்படிப் பார்க்கிறீர்கள்?

இந்தக் கேள்விக்கு பதில் அளித்த சீமான், 

"தேர்தலில் பின்னடைவு, முன்னடைவு என்றெல்லாம் எதுவும் இல்லை. ஒருமுறை வரும், மறுமுறை இறங்குவது என்பது இயல்பானதுதான். காற்று எப்போதுமே சீராக வீசுவதில்லை. பெரியார், அண்ணா, கருணாநிதி ஆகியோரின் நினைவிடங்களுக்கு வந்து, `நான் நேர்மையாக இந்தத் தேர்தலை எதிர்கொண்டு வென்றேன்' என தி.மு.க தலைவர் ஸ்டாலினை கூறச் சொல்லுங்கள். நான் அரசியலையே நிறுத்திக் கொள்கிறேன். 

இதை ஒரு வெற்றி எனப் பேசிக் கொள்வதே வெட்கக்கேடானது. `நாங்கள் கைப்பற்றினோம்' என்கிறார் ஸ்டாலின். கைப்பற்றுவது என்பது கையில் கிடைப்பதையெல்லாம் எடுத்துக் கொண்டு ஓடுவது. வாக்குகளைப் பெற்றோம் என்று கூறுவதை விட வாங்கினோம் என அவர்கள் கூறுவதுதான் சரி," என்றார் சீமான். 

https://www.bbc.com/tamil/india-60523544

 

 

 

 

 

 

Link to comment
Share on other sites

இனி தமிழ்நாட்டில் ஈழ அரசியல் ஐஞ்சியத்துக்கு எடுபடாது, வேண்டுமென்றால் புலம் பெயர்தேசங்களில் இருந்து குலுக்கல்(வசூலிப்பு) கிடைக்கும்.🤪

Link to comment
Share on other sites

  • கருத்துக்கள உறவுகள்
26 minutes ago, zuma said:

இனி தமிழ்நாட்டில் ஈழ அரசியல் ஐஞ்சியத்துக்கு எடுபடாது, வேண்டுமென்றால் புலம் பெயர்தேசங்களில் இருந்து குலுக்கல்(வசூலிப்பு) கிடைக்கும்.🤪

உங்கள் பையிலிருந்து எவ்வளவு கொடுத்தீர்கள்? :cool:

  • Haha 1
Link to comment
Share on other sites

  • கருத்துக்கள உறவுகள்
15 minutes ago, குமாரசாமி said:

உங்கள் பையிலிருந்து எவ்வளவு கொடுத்தீர்கள்? :cool:

பொக்கற்றில் கைவைக்கப்படாது??

எங்களுக்கு  எப்பொழுதுமே  கேள்வி ஞானம்  தான்?

  • Haha 2
Link to comment
Share on other sites

  • கருத்துக்கள உறவுகள்
4 minutes ago, விசுகு said:

பொக்கற்றில் கைவைக்கப்படாது??

எங்களுக்கு  எப்பொழுதுமே  கேள்வி ஞானம்  தான்?

கொடுப்பவர்களே ஏதோ ஒரு காரணத்திற்காக அமைதி காக்கும் போது இடையில் இருப்பவர்கள் பொங்கியெழுவதன் மர்மம் ஏனோ தெரியவில்லை? 😄

  • Like 1
Link to comment
Share on other sites

40 minutes ago, குமாரசாமி said:

உங்கள் பையிலிருந்து எவ்வளவு கொடுத்தீர்கள்? :cool:

 

15 minutes ago, குமாரசாமி said:

கொடுப்பவர்களே ஏதோ ஒரு காரணத்திற்காக அமைதி காக்கும் போது இடையில் இருப்பவர்கள் பொங்கியெழுவதன் மர்மம் ஏனோ தெரியவில்லை? 😄

யான் என்ன விசில் அடிச்சான் குஞ்சா?. இயன்ற வரை சொந்த புத்தியில் நடக்கிறவன். 🤪

Link to comment
Share on other sites

  • கருத்துக்கள உறவுகள்
26 minutes ago, zuma said:

 

யான் என்ன விசில் அடிச்சான் குஞ்சா?. இயன்ற வரை சொந்த புத்தியில் நடக்கிறவன். 🤪

உண்மையாகவா? 🤪

Link to comment
Share on other sites

  • கருத்துக்கள உறவுகள்
2 hours ago, குமாரசாமி said:

கொடுப்பவர்களே ஏதோ ஒரு காரணத்திற்காக அமைதி காக்கும் போது இடையில் இருப்பவர்கள் பொங்கியெழுவதன் மர்மம் ஏனோ தெரியவில்லை? 😄

கொடுப்பவர்களுக்கு காரணங்களை விளங்கிக்கொள்ளும் அறிவு இருந்தால் கொடுக்காமலேயே இருந்திருப்பார்கள்😜

  • Like 1
Link to comment
Share on other sites

  • கருத்துக்கள உறவுகள்
7 hours ago, குமாரசாமி said:

உண்மையாகவா? 🤪

உங்களுக்கு இன்னுமா  புரியவில்லை அண்ணா 

கடைசியில் இடப்பட்ட இந்த  குறியின் அடையாளம்  யார்  என்று???🤪

ஏதாவது உதவி  செய்பவனைப்பார்த்து  அறிவற்ற  செயல்  என்பவர்கள் எமது தேசத்திலேயே 70களிலுயே முளைத்து  விட்டார்கள்.😭

  • Like 1
Link to comment
Share on other sites

  • கருத்துக்கள உறவுகள்
10 hours ago, கிருபன் said:

கொடுப்பவர்களுக்கு காரணங்களை விளங்கிக்கொள்ளும் அறிவு இருந்தால் கொடுக்காமலேயே இருந்திருப்பார்கள்😜

தமிழருக்குள் அதிகமான அறிவாளிகள் இருப்பதினால் இன்னும் சொந்தமாக நாடுமில்லை.விடிவுகளும் இல்லை.. 😜

Link to comment
Share on other sites

  • கருத்துக்கள உறவுகள்
5 hours ago, விசுகு said:

உங்களுக்கு இன்னுமா  புரியவில்லை அண்ணா 

கடைசியில் இடப்பட்ட இந்த  குறியின் அடையாளம்  யார்  என்று???🤪

ஏதாவது உதவி  செய்பவனைப்பார்த்து  அறிவற்ற  செயல்  என்பவர்கள் எமது தேசத்திலேயே 70களிலுயே முளைத்து  விட்டார்கள்.😭

விசுகர்! நாம் வேறு பட்ட கோணத்தில் சிந்திக்கின்றோம்.
அவர்களோ தங்கள் கூப்பன் அட்டை பற்றி சிந்திக்கின்றார்கள்.

  • Haha 1
Link to comment
Share on other sites

  • கருத்துக்கள உறவுகள்
15 hours ago, கிருபன் said:

"இஸ்லாமியர் என்றால் ஜமாத்தில் பேசி முடிவு செய்கின்றனர். `கிறிஸ்துவர் என்றால் இவருக்குத்தான் வாக்கு' என பிஷப் கூறிவிடுகிறார்.

செந்தமிழன் சீமான் அண்ணா இஸ்லாமியரையும் கிறிஸ்துவர்களையும் சரியாக புரிந்துகொள்ளாமல் பேசுகின்றார், இந்தப் பேச்சு அபாயமானது. முருகனை முப்பாட்டன் என்றுகொண்டு மகன் காதுகுத்துக்கு குலசாமிக்கு கடா வெட்டுவது போன்ற விடயங்கள் அவர் சார்ந்து நிக்கும் அணி குறித்த அச்சத்தை இந்த இரு சமய மக்களுக்கு ஏற்படக்கூடும்.  இந்த மக்களின் ஆதரவை பெறும் முயற்சியில் சீமான் அண்ணா முயலவேண்டும். 

தமிழகத்தில் தேர்தல்களுக்கு பணம் கொடுக்கப்படுவது உண்மை என்றாலும் மக்கள் அதை வங்கிக் கொண்டு தமக்குப் பிடித்த கட்சிகளுக்கே பெருமளவில் வாக்களித்து வருகின்றனர். இல்லாவிட்டால் மத்திய மாநில அரசுகளின் சகல அதிகாரங்களையும் காவல்துறை தேர்தல் ஆணையத்தையும் கைக்குள் வைத்திருந்து போட்டியிட்ட அதிமுகவை திமுகவால் ஒருபோதும் தோற்கடித்து இருக்கமுடியாது. 

விரும்பியோ விரும்பாமலோ தமிழகம் ஒரு திராவிட மண் என்பது ஏற்றுக்கொள்ளவேண்டிய உண்மை. திராவிட எதிர்ப்பை கையில் எடுத்தபோதே சீமான் அண்ணா அரசியலில் தோற்றுவிட்டார் என்பது எனது கணிப்பு. திராவிட எதிர்ப்பு, மதவாதம் எதுவும் தமிழகத்தில் எடுபடப்போவதில்லை என்பதை சீமான் அண்ணா புரிந்துகொண்டு அரசியல் செய்தால் ஓரளவு முன்னேற வாய்ப்பு உண்டு. 

Link to comment
Share on other sites

  • Tell a friend

    Love கருத்துக்களம்? Tell a friend!
  • Topics

  • Posts

    • இது இப்போது தான் தெரியுமா? ....நான் எனது சொந்த அனுபவங்களை சொல்லுகிறேன் .  கேளுங்கள்   2021.இல்    வறுமையை ஒழிப்போம். என்ற ஒரு அமைப்பு  என்னை தொடர்பு கொண்டு முல்லைத்தீவு கோப்புலவில்  ஒரு ஏழை பையனுக்கு சைக்கிள் வேண்ட 25 ஆயிரம் ரூபாய் உதவி செய்ய முடியுமா என்று கேட்டார்கள்  அத்துடன் ஒரு கணணி உம் வேண்டித் தரலாம்  எவ்வளவு முடியும் என்று சொல்லும் படி கேட்டேன்   நல்ல கணணி க்கு 70 ஆயிரம் வேண்டும் என்றார்கள்  சரி தரலாமென்று  ஒரு இலட்சத்து ஐந்து ஆயிரம் அனுப்பினேன்   அவர்கள் முதல் அனுப்பிய பையனின் படமும் கணணி கொடுத்த பின் கணணி...சைக்கிள்..உடன் நின்ற பையனும் வெவ்வேறு நபர்கள்  எவனாவது பயன் படுத்தினால் சரி என்று விட்டுட்டேன்    😛 மேலும் அவர்கள் உதவியை எதிரபார்த்தார்கள்   நான் கடன் என்றால் தரலாம். சும்மா தர முடியாது   என்றேன்  கோழி பண்ணை அமைக்க உதவும்படி கேட்டார் சரி பத்து இலட்சம் கடனாகக் தர முடியும் என்றேன்    ஆறு மாதத்துக்குள் செலவு கூட சீமெந்து விலையேற்றம்  என்று மொத்தம் பதின்நான்கு இலட்சம் அனுப்பியுள்ளேன்“  இதே காரணம் சொல்லி சுவிஸ் அறக்கட்டளை இலும் பணம் வேண்டியவர்கள்  ஆரம்பத்தில் படம் அனுப்பினார்  பிறகு அனுப்பவில்லை  கோழி பண்ணையும் தொடங்கவில்லை மாறாக வீடு கட்டியுள்ளார்கள்    அதாவது உடம்பை முறித்துக் உழைக்க விருப்பமில்லை   இதற்கு என்ன செய்யலாம் சொல்லுங்கள் பார்ப்போம் 🤣 மொத்தம் ஆறு ஆயிரம் யூரோ  அனுப்பியுள்ளேன்“   அவருக்கு சரிதா என்று பெயர் வங்கி கணக்கு பிரசான்ன நவரத்தினம் என்ற பெயரில் உண்டு   நான் அவருக்கு சொன்னேன் இன்று அந்த ஆறு ஆயிரம் யூரோ  21 இலட்சம் ரூபாய் வரும் என்று   அவர் சொன்னார் இப்ப அதை பற்றி யோசித்து என்ன பலன்   இதுகளைப் பற்றி கவலை படுவது சுத்த வெஸ்ட்       ஒரு நாலு ஐந்து போத்தல்கள் மட்டின் விரான்டியை  குடித்து விட்டு குப்பிறப் படுத்துக்கிடக்கலாம்  😂🤣
    • இலங்கையில் ஊட்டச்சத்து குறைபாடு அதிகரித்து வருவதாக சிறார்களுக்கான ஐ.நா அமைப்பான யுனிசெப் அண்மையில் வெளியிட்ட தகவல், தற்போது பேசுபொருளாகியிருக்கிறது. ஊட்டச்சத்து குறைபாடுடைய சிறார்கள் வாழும் நாடுகள் பட்டியலில், இலங்கை எந்த இடத்தில் இருக்கிறது தெரியுமா?  
    • மண்ணெண்ணெய் குண்டு சம்பவங்கள்: திருமாவளவன், சீமான் எழுப்பிய சந்தேகமும், ஐ.ஜி. எச்சரிக்கையும் 5 மணி நேரங்களுக்கு முன்னர்   பட மூலாதாரம்,GETTY IMAGES சேலத்தில் ஆர்.எஸ்.எஸ் பிரமுகர் வீட்டில் மண்ணெண்ணெய் பாட்டில் குண்டு வீசிய வழக்கில் எஸ்டிபிஐ கட்சியை சேர்ந்த இருவர் கைது செய்யப்பட்டுள்ளனர். மேலும் முன்னெச்சரிக்கை நடவடிக்கையாக ஐந்து பேர் கைது செய்யப்பட்டுள்ளனர். சேலம் பொன்னம்மாபேட்டை பகுதியை சேர்ந்த ஆர்எஸ்எஸ் பிரமுகர் ராஜன் என்பவர் வீட்டில் இன்று அதிகாலை மண்ணெண்ணெய் நிரப்பிய பாட்டிலில் நெருப்பு பற்ற வைத்து, வீட்டின் முன்பு மர்ம நபர்கள் வீசியுள்ளனர். அதிர்ஷ்டவசமாக இதில் எந்தவித சேதமும் ஏற்படவில்லை. இதுதொடர்பாக சேலம் மாநகர், அம்மாபேட்டை காவல் நிலையத்தில், ராஜன் அளித்த புகாரின்பேரில் ஏழு பேரை அழைத்து சென்று காவல்துறையினர் விசாரணை நடத்தினர். மேலும் அந்தப் பகுதியில் இருந்த சிசிடிவி கேமரா பதிவை வைத்தும் போலீசார் விசாரணை மேற்கொண்டனர்.   இதில் சிசிடி கேமரா பதிவின்படி காதர் உசேன், சையத் அலி ஆகிய இருவர் மண்ணெண்ணெய் பாட்டில் குண்டு வீசியதாக போலிசாருக்குத் தெரியவந்தது. இதை தொடர்ந்து எஸ்டிபிஐ மாவட்ட தலைவர் சையத் அலி மற்றும் 34 வது கோட்ட கிளை எஸ்டிபிஐ தலைவர் காதர் உசேன் ஆகிய இருவரையும் காவல்துறையினர் கைது செய்தனர். இந்த இருவர் மீதும் தீவைத்து பாதிப்பு ஏற்படுத்த முயற்சித்தல், சமூக நல்லிணக்கத்திற்கு எதிராக செயல்படுதல் உள்ளிட்ட மூன்று பிரிவுகளில் வழக்குபதிவு செய்யப்பட்டது. மேலும் முன்னெச்சரிக்கை நடவடிக்கையாக 5 பேர் கைது செய்யப்பட்டுள்ளனர். இவர்களுக்கு கொரோனா பரிசோதனை செய்து நீதிமன்ற காவலில் அடைக்க நடவடிக்கை எடுக்கப்பட்டு வருகிறது.   'மண்ணெண்ணெய் பாட்டில் வீசிய சில உண்மை குற்றவாளிகள் கைது' - சைலேந்திர பாபு "நான் திராவிடத்தை நிராகரிக்கவில்லை; திராவிடம் பிளஸ் வேண்டுமென்கிறேன்" - அண்ணாமலை பேட்டி   இதற்கிடையே சேலம் மாநகர காவல் ஆணையாளர் நஜ்மல் ஹோதா செய்தியாளர்களை சந்தித்தார். அப்போது அவர், சேலம் மாநகரில் ஆர்எஸ்எஸ் பிரமுகர் வீட்டின் மீது மண்ணெண்ணெய் குண்டு வீசிய சம்பவம் தொடர்பாக உடனடியாக வழக்குப் பதிவு செய்து விசாரணை நடத்தி சந்தேகத்திற்குரிய நபர்கள் இருவரை பிடித்து விசாரணை செய்ததில் சையதுஅலி, காதர் உசேன் ஆகிய இருவரும் மண்ணெண்ணெய் குண்டு வீசியது உறுதி செய்யப்பட்டது. இதையடுத்து இருவரையும் கைது செய்துள்ளோம். மேலும் அவர்கள் பயன்படுத்திய இரு சக்கர வாகனம் பறிமுதல் செய்யப்பட்டுள்ளது. அவர்களுடன் தொடர்பில் இருந்த நபர்கள் குறித்து விசாரணை நடத்தப்பட்டு வருகிறது. சேலம் மாநகரம் முழுவதும் எந்தவித அசம்பாவிதமும் ஏற்படாமல் இருக்க பாதுகாப்பு நடவடிக்கைகளை தீவிரமாக மேற்கொள்ளப்பட்டு வருகிறது என்று மாநகர காவல் ஆணையர் நஜ்மல் கோடா தெரிவித்தார். மேலும் முன்னெச்சரிக்கை நடவடிக்கையாக எஸ்டிபிஐ மாவட்ட செயலாளர் ஷெரிப்பாஷா, பாப்புலர் ஃப்ரண்ட் ஆப் இந்தியா பொதுச்செயலாளர் முகமது ரஃபி, மற்றும் இஸ்லாமிய இயக்கத்தை சேர்ந்த முகமது இஸ்மாயில், முகமது ஆரிஸ், காஜா உசேன் ஆகிய ஐந்து பேர் கைது செய்யப்பட்டுள்ளனர். திருமாவளவன் எழுப்பிய சந்தேகம்   திருப்பூர், திண்டுக்கல், விழுப்புரம் போன்ற இடங்களில் பாஜக, ஆர்.எஸ்.எஸ் போன்ற அமைப்புகளைச் சேர்ந்தவர்கள் தங்கள் வீடுகளில் தாங்களே பெட்ரோல் குண்டு வீசிக்கொண்டு பிறர் வீசியதாக கூறிய நிகழ்வுகள் ஊடகங்களில் செய்தியாக வெளியாகியுள்ளன என்று கூறிய விடுதலை சிறுத்தைகள் கட்சித் தலைவர் தொல். திருமாவளவன், சமீபத்திய நிகழ்வுகளின் பின்னாலும் பாஜக, ஆர்.எஸ்.எஸ் பிரமுகர்கள் இருக்க வாய்ப்புண்டு என்று இன்று நடந்த செய்தியாளர் சந்திப்பில் கூறியிருந்தார். தமிழ்நாடு காவல்துறை இந்த கோணத்திலும் அந்த வழக்குகளை விசாரிக்க வேண்டும் என்று வலியுறுத்துகிறோம் என தொல். திருமாவளவன் தெரிவித்துள்ளார். சீமான் குற்றச்சாட்டு நாடெங்கிலும் மதப்பூசல்கள் ஏற்பட்டபோதும் அமைதிப் பூங்காவாகத் திகழ்ந்த தமிழ்நாட்டில் மதக் கலவரங்களை ஏற்படுத்த இந்துத்துவ இயக்கங்கள் செய்யும் பிரித்தாளும் சூழ்ச்சிகள் பெரும் அதிர்ச்சியைத் தருவதாகக் கூறி நாம் தமிழர் கட்சி தலைமை ஒருங்கிணைப்பாளர் சீமான் ஒரு அறிக்கை விடுத்துள்ளார். டிவிட்டரில் அவர் பகிர்ந்துள்ள அந்த அறிக்கையில் தென் மாநிலங்களே தமது இலக்கென பாஜகவின் தலைவர்கள் கூறிவரும் நிலையில் அதற்கு அடித்தளமிடும் வகையில் தமிழ்நாட்டில் மதமோதல், கும்பல் வன்முறைகளை ஏற்படுத்த இந்துத்துவ இயக்கங்கள் முயல்கின்றனவோ என்ற ஐயம் வலுப்பதாக கூறியிருக்கும் சீமான் "ஆங்காங்கே ஆர்.எஸ்.எஸ்., பாஜக நிர்வாகிகள் வீடுகளில் பெட்ரோல் குண்டு வீசப்பட்டதாகவும், வாகனம் எரிக்கப்பட்டதாகவும் வருகிற செய்திகள் கடந்த காலத்தையை நினைவூட்டுகின்றன. தாங்களே தங்கள் வீடுகளில் பெட்ரோல் குண்டு வீசி, தங்கள் வாகனத்தை எரித்து அரசியல் லாபம் பெற முயன்ற பாஜக நிர்வாகிகளின் முந்தைய செயல்பாடுகள் யாவும் சமகாலச் சான்றுகளாக இருக்க, அதன் தொடர்ச்சியாக இதுவும் இருக்கலாம் என்னும் வாதத்தில் உண்மையில்லாமல் இல்லை..." என்றும் கூறியிருக்கிறார். Twitter பதிவை கடந்து செல்ல, 1 Twitter பதிவின் முடிவு, 1 அத்துடன் ஆர்.எஸ்.எஸ். 50 இடங்களில் நடத்தத் திட்டமிட்டுள்ள ஊர்வலம் பற்றி குறிப்பிட்ட சீமான், உயர் நீதிமன்றத்தில் தமிழ்நாடு அரசு வலுவான வாதங்களை வைக்கத் தவறியதன் விளைவாகவே அந்த ஊர்வலங்களுக்கு நீதிமன்றம் அனுமதி அளித்துள்ளது என்று குறிப்பிட்டார். ஐ.ஜி அஸ்ரா கார்க் எச்சரிக்கை இந்நிலையில் விளம்பரத்திற்காக தனக்கு தானே பெட்ரோல் குண்டு வீசிக் வீசிக்கொண்டது விசாரணையில் உறுதி செய்யப்பட்டால் யாராக இருந்தாலும் அவர்கள் மீது கடுமையான நடவடிக்கை எடுக்கப்படும் என தென் மண்டல ஐஜி அஸ்ரா கார்க் தெரிவித்துள்ளார். இதுகுறித்து தென் மண்டல ஐஜி அஸ்ரா கார்க் செய்தியாளரிடம் பேசுமையில், "திண்டுக்கல் அடுத்துள்ள குடைபாறைபட்டியைசேர்ந்த பாரதிய ஜனதா கட்சியின் மேற்கு மாநகரத் தலைவர் செந்தில் பால்ராஜ் செட்டில் இருந்த கார் மற்றும் ஐந்து இருசக்கர வாகனங்களை நேற்று அதிகாலை மர்ம நபர்கள் தீ வைத்த வழக்கில் திண்டுக்கல் நகர் டிஎஸ்பி கோகுல கிருஷ்ணன் தலைமையிலான போலீசார் பேகம்பூரைச் சேர்ந்த சிக்கந்தர் (29) என்பவரை கைது செய்துள்ளனர். இது தொடர்பாக முழு விசாரணை நடைபெற்று வருகிறது. இதில் மேலும் யாருக்கேனும் தொடர்பு இருக்கிறதா என்றும் விசாரணை நடைபெற்று வருகிறது. தென் மண்டலத்தில் உள்ள அனைத்து மாவட்டங்களிலும் பாதுகாப்பு பலப்படுத்தப்பட்டு இருக்கிறது. சுமார் 20,000 போலீசார் பாதுகாப்பு பணியில் ஈடுபடுத்தப்பட்டிருக்கிறார்கள். முக்கியமான பகுதிகளில் இரவு நேரங்களில், சரக காவல்துறை துணைத் தலைவர் மற்றும் மாவட்ட கண்காணிப்பாளர்கள் தலைமையில் ரோந்துப் பணிகள் தீவிரப் படுத்தப்பட்டுள்ளது.   ''ராமாயண, மகாபாரத புராண குப்பைகளை மக்கள் மூளையில் திணித்துள்ளனர்'' - திருமாவளவன் தமிழ்நாட்டில் பாஜகவினர், ஆதரவாளர்கள் வீடுகள், வாகனங்கள் மீது தாக்குதல் - எங்கெங்கு நடந்தன?   தற்போதைய சூழலில் விசாரணை என்பது முழு முன்னேற்றத்தில் சீராக சென்று கொண்டிருக்கிறது. முக்கியமான இடங்களில் துணை கண்காணிப்பாளர்கள் தலைமையில் ஆலோசனைக் கூட்டம் நடைபெற்று வருகிறது. அனைத்து பெட்ரோல் பங்குகளிலும் சில்லறையில் பெட்ரோல் மற்றும் டீசல் வழங்கக் கூடாது என அறிவுறுத்தப்பட்டிருக்கிறது. அவர்களும் காவல்துறையின் அறிவுறுத்தலை கடைபிடித்துக் கொண்டிருக்கிறார்கள். தென் மாவட்டங்களில் யாரெல்லாம் முக்கிய நபர்கள் குறித்து முழு விவரம் சேகரிக்கப்பட்டிருக்கிறது. அவர்களுடைய வீடு, அலுவலகம் அவர்கள் வியாபாரம் செய்யும் இடங்களில் போலீஸ் பாதுகாப்பு போடப்பட்டிருக்கிறது." என்று தெரிவித்தார். 'முதல்வர் விழித்து கொள்ள வேண்டும்'   கோவை விமான நிலையத்தில் செய்தியாளர்களைச் சந்தித்த பாஜக மாநில தலைவர் அண்ணாமலை இதுகுறித்து பேசுகையில், "மத்திய அரசு அமலாக்கத் துறை, மாநில காவல் துறை இணைந்து செய்த சோதனைக்கு பாஜக தொண்டன் என்ன செய்வான்? பாஜக தொண்டரின் வீடு உட்பட 25 இடங்களுக்கு மேல் குண்டு போட்டிருக்கிறார்கள். தமிழக காவல்துறை எத்தனை பேரை கைது செய்துள்ளது. தமிழக முதல்வர் விழித்துக் கொள்ள வேண்டும். கோவை மாவட்ட காவல்துறை நடந்து கொண்ட விதம் சரியில்லை. இது திமுகவுக்கும் பாஜகவுக்கும் நடக்கின்ற போர். காவல்துறை அதிகாரிகள் இதில் சிக்கிக் கொள்ளாமல் விலகி இருக்க வேண்டும். தமிழ்நாடு காவல்துறை ஆளுங்கட்சியின் கைப்பாவையாக இல்லாமல் நடுநிலையோடு செயல்பட வேண்டும். பாஜக தொண்டர்களிடம் அத்துமீறிய அனைத்து காவல்துறை அதிகாரிகள் மீதும் தேசிய மனித உரிமைகள் ஆணையத்தில் நானே புகார் அளிப்பேன்." என்றார். https://www.bbc.com/tamil/india-63026410
    • காட்டுப்பகுதியிலிருந்து உரப் பையில் சுற்றப்பட்ட நிலையில் சிசுவொன்று உயிருடன் மீட்பு By T YUWARAJ 25 SEP, 2022 | 08:54 PM  பண்டுவஸ்நுவர, பண்டாரகொஸ்வத்தை, உகுருஸ்ஸகம ஏரிக்கரையில் உள்ள காட்டுப்பகுதியில் கைவிடப்பட்ட நிலையில் சிசுவொன்று உரப் பையில் சுற்றப்பட்ட நிலையில் கண்டுபிடிக்கப்பட்டுள்ளது. குழந்தை அழும் சத்தம் கேட்டு கால்நடைகளை கட்ட சென்ற பெண் ஒருவர் பை ஒன்றில் சுற்றப்பட்ட நிலையில் இருந்த குழந்தையை கண்டுள்ளதாக தெரிவிக்கப்படுகின்றது. இதையடுத்து அம்பியுலன்ஸ் மூலம் குழந்தை நிகவெரட்டிய வைத்தியசாலைக்கு  கொண்டு செல்லப்பட்டுள்ள நிலையில், வாரியபொல பொலிஸார் மேலதிக விசாரணைகளை மேற்கொண்டு வருகின்றனர். https://www.virakesari.lk/article/136414
×
×
  • Create New...

Important Information

By using this site, you agree to our Terms of Use.