கோத்தகோகமவில் தமிழ் தேசிய கீதம்: பிக்கர் சிறு சர்ச்சை...

[Nathamuni]

தமிழ் தேசிய கீதம்: முரண்பட்ட பிக்கர் வெளியே அனுப்பப்பட்டார்!

 

 

 

[நன்னிச் சோழன்]

சிறீலங்காவின்ர தேசியப்பண்ணே எமக்குத் தேவையில்லை. இதில் அது எந்த மொழியில் பாடப்பட்டால்தான் என்ன?  எல்லாம் ஒன்றுதான்.

அது தமிழில் பாடப்படுவதே காதில் ஈயம் காய்ச்சி ஊற்றுவது போல இருக்கிறது. சைக்.

 

 

[பெருமாள்]

இதுக்குள் தமிழில் சிங்கள  தேசிய கீதம் பாடப்பட்டது தமிழுக்கு அவமானம் தயவு செய்து யாரும் சிங்கள தேசிய கீதத்தை தமிழில் பாடி தமிழை தரம் தாழ்த்தவேண்டாம் .

[குமாரசாமி]

@பெருமாள்

நாங்கள் ஏன் இந்த கொடியையும் கீதத்தையும் எதிர்க்கிறோம்! எங்களை அழித்தபின் எங்கள் பிணங்களின் மேல் இந்த கொடிகளை தான் ஏற்றினார்கள்! எங்கள் நிலங்களை இந்த கொடிகள் தான் ஆக்கிரமித்தன! இறந்த கிடந்த என் அக்காளை புணர்ந்தவர்கள் இந்த கீதத்தை தான் பாடினார்கள்!

 

 

[alvayan]

ஒரு பானை சோற்றுக்கு ஒரு சோறு பதம்....வாழ்க பிக்கர்..

[ராசவன்னியன்]

போராட்ட களத்திலாம்..!

[ஏராளன்]

இலங்கை ஜனாதிபதிக்கு எதிரான போராட்டக் களத்தில் தமிழிலும் ஒலித்த தேசிய கீதம்

ஒரு மணி நேரத்துக்கு முன்னர்

 

பட மூலாதாரம்,GETTY IMAGES

(இன்றைய (ஏப்ரல் 18) இலங்கை நாளிதழ்கள் மற்றும் செய்தி இணையதளங்களில் வெளியான சில முக்கியச் செய்திகளை இங்கு தொகுத்து வழங்குகிறோம்.)

தமிழ் மொழியில் தேசிய கீதம்

ஜனாதிபதிக்கு எதிரான போராட்டத்தில் சிங்கள மொழியுடன் சேர்த்து தமிழிலும் தேசிய கீதம் பாடப்பட்டது என்கிறது வீரகேசரி செய்தி

ஜனாதிபதி கோட்டாபய ராஜபக்ஷ மற்றும் அவர் தலைமையிலான அரசாங்கத்தை பதவி விலகுமாறு வலியுறுத்தி பொது மக்களால் சுயமாக ஆரம்பிக்கப்பட்ட ஆர்ப்பாட்டம் இன்றுடன் பாத்தாவது நாளாக தொடர்கிறது. கோட்டா கோ ஹோம் என்ற கருப்பொருளில் ஆரம்பிக்கப்பட்ட இந்த ஆர்ப்பாட்டாம் தற்போது 'கோட்டா கோ கம' என்றவாறு திரிபடைந்து நாடாளாவிய ரீதியிலும் வியாபித்துள்ளது. அத்தோடு நேற்றைய தினம் கொண்டாடப்பட்ட உயிர்த்த ஞாயிறு தினத்தை முன்னிட்டு விசேட செயற்பாடுகளும் இதன்போது முன்னெடுக்கப்பட்டன.

இந்நிலையில் நேற்று முந்தினம் குறித்த ஆர்ப்பாட்டத்தில் சிங்கள மொழியில் தேசிய கீதம் பாடப்பட்டது. இது தொடர்பில் சிலர் விமர்சனங்களை முன் வைத்திருந்த நிலையில், நேற்றைய தினம் மாலை தமிழ் மொழியிலும் தேசிய கீதம் பாடப்பட்டமை குறிப்பிடத்தக்கது. இது நாட்டில் நல்லிணக்க செயன்முறையை நோக்கிய ஒரு சிறந்த முன்னெடுப்பாக அமையும் என்று பலராலும் வரவேற்கப்படுகிறது.

சர்வதேச நாணய நிதியத்துடன் பேச்சுவார்த்தை

சர்வதேச நாணய நிதியத்துடன் இடம்பெறவுள்ள கலந்துரையாடலில் பங்கேற்பதற்காக நிதியமைச்சர் அலி சப்ரி தலைமையிலான குழு நேற்று வாஷிங்டன் சென்றடைந்துள்ளது என்கிறது தமிழன் நாளிதழ் செய்தி.

 

பட மூலாதாரம்,ALI SABRY FB

அந்த குழுவில் நிதி அமைச்சர் அலி சப்ரி, மத்திய வங்கி ஆளுநர் கலாநிதி நந்தலால் வீரசிங்க மற்றும் நிதி அமைச்சின் செயலாளர் மஹிந்த சிறிவர்தன ஆகியோர் உள்ளனர்.

• இலங்கை ஈஸ்டர் தாக்குதல்: “மூன்று ஆண்டுகளாக கண்ணீர் வடிக்காத நாளே இல்லை” – ஒரு தாயின் வேதனை
• இலங்கை காலிமுகத்திடல் போராட்டக்காரர்களைக் கலைக்க அரசாங்கம் யோசனை?

அமெரிக்காவின் வாஷிங்டனில் சர்வதேச நாணய நிதியத்துடனான ஆரம்பகட்ட பேச்சு வார்த்தைகள் நாளை முதல் 24ஆம் தேதி வரை நடைபெறும் என்பது குறிப்பிடத்தக்கது.

'அமைதியான போராட்டத்தின் மீது ராணுவத்தை பயன்படுத்தப்போவதில்லை'

அமைதியான போராட்டத்தின் மீது ராணுவ அதிகாரத்தை பயன்படுத்தப்போவதில்லை என இலங்கையின் பாதுகாப்புச் செயலர் கமல் குணரத்தின தெரிவித்துள்ளார் என சிலோன் டுடே நாளிதழ் செய்தியில் குறிப்பிடப்பட்டுள்ளது.

ஜனநாயக ரீதியில் அமைதியாக நடைபெறும் போராட்டத்தை ஒடுக்க ராணுவப் படைகளை பயன்படுத்தப் போவதில்லை.

அதே நேரம் நாட்டை பாதுகாக்க ராணுவத்தின் துணையை காவல்துறை நாடினால் நிச்சயம் காவல்துறையினருக்கு துணை நிற்போம் என்று அவர் தெரிவித்துள்ளார்.

https://www.bbc.com/tamil/sri-lanka-61137587

[தமிழ் சிறி]

தமிழில் தேசிய கீதம் பாடிய உடனேயே... 
அந்தப் பிக்குவுக்கு, வயித்து குத்து வந்திருக்குது எண்டால்..
தமிழனுக்கு... ஏதாவது உரிமை கொடுக்க வெளிக்கிட்டால்,
என்ன செய்திருப்பாங்கள், என்று  இப்பவே... விளங்குது.
உந்த நாடு... உருப்படப்  போறதில்லை.