Jump to content

புலம்பெயர் மக்களின் செயற்பாடுகளில் கிழக்கு மாகாணம் தனிமைப்படுத்தப்படுகின்றதா? | மட்டு.நகரான்


Recommended Posts

  • கருத்துக்கள உறவுகள்

புலம்பெயர் மக்களின் செயற்பாடுகளில் கிழக்கு மாகாணம் தனிமைப்படுத்தப்படுகின்றதா? | மட்டு.நகரான்

May 26, 2022
கிழக்கு மாகாணம் என்பது இலங்கையில் தனித்துவம் கொண்டதாகவும் தமிழர்களின் பாரம்பரியங்களைக் கொண்டதாகவும் உள்ளது.
 
spacer.png
 

அதன் காரணமாகவே வடகிழக்கு என்பது தமிழர்களின் தாயகப்பகுதியாக நோக்கப்படுகின்றது. கிழக்கில் மூன்று சமூகங்களும் வாழுகின்றபோதிலும், கிழக்கு மாகாணம் என்பது தமிழர்களின் ஆதியுருவாக்கம் கொண்ட மாகாணமாகவும் காணப்படுகின்றது.

கிழக்கு மாகாணத்தினைப் பொறுத்தவரையில், தமிழர்களின் வரலாற்றுத் தொன்மையென்பது இங்குள்ள வரலாற்று தடயங்கள் மூலம் வெளிப்படுத்தி நிற்கின்றது. இலங்கையின் தமிழர்களின் ஆதி தோற்றத்தின் வரலாறுகள் கிழக்கின் பல பகுதிகளில் அடையாளப்படுத்தப்பட்டுள்ளன.

இவ்வாறான நிலையிலேயே கிழக்கு மாகாணத்தினை பௌத்த தேசிய அடையாளமாக பிரகடனப்படுத்த சிங்கள தேசம் கடுமையான முயற்சிகளை முன்னெடுத்து வருகின்றது. அதற்காகவே கிழக்கிற்கென தனியான தொல்பொருள் செயலணிகள் உருவாக்கப்பட்டன. இவற்றினையெல்லாம் தமிழ் மக்கள் அறிந்து கொள்ள வேண்டியது காலத்தின் அவசியமாகும்.

இதன் காரணமாகவே தமிழீழ விடுதலைப் புலிகளின் தலைவர் அவர்கள் வடக்கு என்பது கிழக்குடன் இணைந்த தமிழர் தாயகம் என்பதை ஆணித்தரமாக முன்னெடுத்து வந்தார். என்றைக்கும் தமிழர் தாயகப் பகுதியை அவர் பிரித்தாள முயற்சிக்கவில்லை. கிழக்கு மாகாணத்திற்கான தனியான தலைமைத்துவம் உட்பட அனைத்தையும் வளர்த்தார்.

கிழக்கு மாகாணம் தனித்துவத்தினை மட்டும் கொண்டிருக்கவில்லை, அது இந்த நாட்டின் தமிழர்களின் அடையாளம் என்பதையும் அவர் உணர்ந்து கொண்டார். அதன் காரணமாகவே எந்த வேளையிலும் கிழக்கு மாகாணத்தினை விட்டுக்கொடுக்காமல் தனது செயற்பாடுகளை முன்னெடுத்து வந்தார்.

தமிழர்களின் இனவிடுதலைப் போராட்டத்தின் எந்த நிலையிலும் வடகிழக்கினை தமிழ் தேசிய அரசியலில் உள்ளவர்கள் பிரித்துநோக்குவது என்பது தமிழர்களின் இனவிடுதலை போராட்ட செயற்பாடுகளுக்கு பாரியளவிலான பாதிப்பினை ஏற்படுத்தும் நிலையே ஏற்படுத்தும்.

குறிப்பாக புலம்பெயர் மக்களின் கடந்த கால செயற்பாடுகளில் கிழக்கு மாகாணம் தனிமைப்படுத்தப்படுகின்றதா என்ற சந்தேகம் தொடர்ச்சியாக கிழக்கு தமிழ் மக்கள் மத்தியிலிருந்து வருகின்றது.

தமிழர்களின் விடுதலைப் போராட்டத்தினை சிதைப்பதற்கு கடந்த காலத்தில் சிங்கள தேசம் கையாண்ட மிகப்பெரும் ஆயுதம் பிரதேசவாதமாகும்.

ஆயுதப் போராட்ட காலத்தில் கருணாவினைக் கொண்டு இந்த பிரதேசவாதத்தினை உருவாக்கி கிழக்கு மாகாணத்தில் தமிழர்களின் தமிழ் தேசிய ஆதரவு தளத்தினை சிதைக்க முனைந்தனர். எனினும் தமிழர்கள் தமிழீழ விடுதலைப்புலிகள் மீதும் அதன் தலைமை மீதும் கொண்டிருந்த பற்று மற்றும் வடகிழக்கு இணைந்த தாயகத்தில் கொண்டிருந்த நம்பிக்கை போன்ற காரணங்கள் பிரதேசவாதங்களை தவிடுபொடியாக்கின.

எனினும் யுத்தம் மௌனிக்கப்பட்டு 13வருடங்கள் கடந்துள்ள நிலையிலும், கிழக்கு தமிழர்களைப் பொறுத்த வரையில் இன்று வரையில் அந்த பற்றுடனும் கொள்கையுடனும் பயணிக்கும் நிலையினை காணமுடிகின்றது.

எனினும் சில புலம்பெயர் அமைப்புகள் முன்னெடுக்கும் செயற்பாடுகள் மீண்டும் கிழக்கில் பிரதேசவாத செயற்பாடுகளை சிங்கள தேசம் இங்குள்ள கைக்கூலிகளை கொண்டு முன்னெடுப்பதற்கான சாத்தியங்களை தோற்றுவித்துள்ளது. இவ்வாறான விடயங்கள் கண்டறியப்பட்டு அவை களையப்பட வேண்டும் என்ற அடிப்படையிலேயே இந்த விடயத்தினை இம்முறை என்னை எழுதத் தோன்றியது.

சில புலம்பெயர் மக்கள் மத்தியில் காணப்படும் பிரதேசவாத சிந்தனை அல்லது கிழக்கு புறக்கணிப்பு கொள்கையானது தமிழ் தேசியத்திற்கு மிகவும் ஆபத்தானதாக மாறிவருவதை நான் பல தடவைகள் சுட்டிக்காட்டியிருந்தேன்.

கிழக்கு மாகாணம் தொடர்பில் புலம்பெயர் மக்கள் கூடுதலான கவனம் செலுத்தவேண்டும் என்று நாங்கள் தொடர்ச்சியாக வலியுறுத்திவருகின்றபோதிலும், அது தொடர்பில் கருத்தில் கொள்ளாத செயற்பாடுகள் மிகவும் கவலையளிப்பதாக இருக்கின்றது.

அண்மையில் மட்டக்களப்பு மாநகரசபையின் அமர்வுக்கு நான் சென்றிருந்தபோது சபை அமர்வு நடைபெறுவதற்கு முன்பாக உறுப்பினர்கள் தங்களிடையே பல்வேறு விடயங்கள் தொடர்பில் கலந்துரையாடிக் கொண்டிருந்தனர். இதன்போது யாழ் மாநகரசபை முதல்வர் மணிவண்ணன் அவர்கள் புலம்பெயர் அமைப்புகளினால் பிரான்ஸ், சுவிஸ் உட்பட பல நாடுகளுக்கு அழைக்கப்பட்டு பல்வேறு விடயங்கள் கலந்துரையாடியது குறித்து பேசப்பட்டது.

அதற்கு முன்னர் யாழ் மாநகரசபை முதல்வராக ஆர்னோல்ட் இருந்தபோதும் அவரும் புலம்பெயர் அமைப்புகளினால் அழைக்கப்பட்டு யாழின் அபிவிருத்தி மற்றும் ஏனைய நடவடிக்கைகள் குறித்து ஆராயப்பட்டு புலம்பெயர் அமைப்புகளினால் பல்வேறு திட்டங்கள் யாழ்குடாவில் நடாத்தப்படுவது குறித்து அந்த உறுப்பினர்கள் தங்களிடையே கருத்துகளை பகிர்ந்து கொண்டிருந்தனர். இதன்போது தமிழ் தேசியத்தின் பால் செயற்படும் மட்டக்களப்பு மாநகரசபை முதல்வரை இதன்போது எந்த புலம்பெயர் அமைப்புகளும் அழைக்காமை குறித்தும்  கருத்துகள் தெரிவித்ததை காணமுடிந்து. உண்மையில் அவர்கள் மத்தியில் எழுப்பப்பட்ட பல கேள்விகள் இன்று கிழக்கு மக்கள் மத்தியில் எழுந்த கேள்விகளாகவே பார்க்கப்பட வேண்டும்.

தமிழ் தேசியம் சார்ந்து பேசும் புலம்பெயர் அமைப்புகள் ஏன் கிழக்கினை புறக்கணிக்கும் வகையில் செயற்படுகின்றார்கள் என்ற தொனியில் அவர்கள் மத்தியில் முன்னெடுக்கப்பட்ட உரையாடல்கள் உண்மையில் அவர்களின் ஆழ்மனதில் உள்ள நீண்டகால ரணங்களை வெளிப்படுத்தும் வகையில் உள்ளன. இதேபோன்று திருகோணமலையில் மாநகரசபை இல்லாது விட்டாலும், பிரதேசசபை உள்ளது அங்கும் தமிழ் தேசியம் சார்ந்த தவிசாளரே உள்ள நிலையில் இவர்கள் தொடர்பில் புலம்பெயர் அமைப்புகள் கவனம் செலுத்தாதது ஏன் என்ற கிழக்கு தமிழ் மக்கள் மத்தியில் எழுந்துள்ளது.

கடந்த காலத்தில் மட்டக்களப்பு மாநகரசபை முதல்வராக கடமையேற்றபோது பிரான்சிலிருந்து அழைப்பு விடுக்கப்பட்டதாகவும் யாழ் மற்றும் மட்டக்களப்பு மாநகரசபை முதல்வர்களை அழைத்து அங்கு மேற்கொள்ளப்படவுள்ள நடவடிக்கைகள் குறித்து ஆராயவிரும்புதாக உறுதியளிக்கப்பட்டதாகவும் பின்னர் அவர்கள் எந்த தொடர்பினையும் முன்னெடுக்கவில்லையென மட்டக்களப்பு மாநகரசபை முதல்வர் தி.சரவணபவன் தெரிவித்தார்.

தமிழர் தேசத்தினை கட்டியெழுப்ப வேண்டுமானால், புலம்பெயர் மக்களின் உதவிகள் தேவை. இதனை நாங்கள் தொடர்ச்சியாக வலியுறுத்தி வருகின்றோம். மட்டக்களப்பு மாநகரசபையினை பொறுத்த வரையில் முதலீடுகளை செய்வதற்கான அனைத்து திட்டங்களையும் நாங்கள் தயாரித்து வைத்துள்ளோம். மாநகரத்தினை கட்டியெழுப்பி தமிழ் தேசிய பரப்பினை வேரூன்ற செய்வதற்கான வேலைத்திட்டங்கள் உள்ளது. ஆனால் அது தொடர்பில் கலந்துரையாடல்களை நடாத்துவதற்கு முன்வருவோர் குறைவு எனவும் அவர் தெரிவிக்கின்றார்.

யாழ் மாநகரின் அபிவிருத்தி மற்றும் அதன் முக்கியத்துவம் என்பது தமிழர் தேசத்தில் இன்றியமையாத விடயமாகும். ஆனால் அதேபோன்று கிழக்கில் தமிழ் தேசியத்தின் ஆட்சியில் உள்ள பகுதிகளும் முக்கியத்துவமாக கருதப்பட வேண்டும்.

நான் எழுதும் இந்த விடயங்கள் சில வேளைகளில் பிரதேசவாதங்களாக நோக்கப்படலாம். ஆனால் இவ்வாறான விடயங்கள் வெளிவருவதற்கு தமிழ் தேசிய பரப்பில் செயற்படும் புலம்பெயர் அமைப்புகளும் காரணம் என்பதை விளங்கிக் கொள்ள வேண்டும்.

தமிழர் தேசத்தின் கட்டமைப்புகள் என்பது வடகிழக்கு இணைந்ததாகவே முன்னெடுக்கப்பட வேண்டும். அப்போதுதான் அந்த விடயங்கள் தமிழ் தேசிய பரப்பில் பரிணாம வளர்ச்சியை எட்டுவதுடன் தமிழ் தேசியத்தின் வளர்ச்சிப் பாதைக்கும் உரமூட்டுவதாக அமையும். அவ்வாறான செயற்பாடுகளை ஊக்குவிக்கும் வகையிலான செயற்பாடுகளை புலம்பெயர் அமைப்புகள் எதிர்காலத்தில் முன்னெடுக்க வேண்டும்.

கிழக்கு மாகாணத்தினைப் பொறுத்தவரையில் உள்ளூராட்சி மன்றங்கள் மிகவும் பலவீனமான நிலையில் உள்ளன. வளங்கள் உள்ளபோதிலும் அந்த வளங்களை முறையாக பயன்படுத்துவதற்கான நிதிகள் இல்லாத நிலையிலேயே உள்ளூராட்சி மன்றங்கள் உள்ளன.

கிழக்கு மாகாணத்தின் அம்பறை, மட்டக்களப்பு, திருகோணமலை ஆகிய மூன்று மாவட்டங்களிலும் பல உள்ளூராட்சி மன்றங்கள் தமிழ்தேசிய கட்சிகளின் கைகளில் உள்ள காரணத்தினால் சிங்கள அரசுகள் அவற்றின் அபிவிருத்தி தொடர்பில் கரிசனை கொள்ளும் நிலையில்லை.

மக்களிடமிருந்து பெறும் வரிப்பணம் ஊடாக அவற்றின் செயற்பாடுகள் முன்னெடுக்கப்படுகின்றன. உள்ளூராட்சிமன்றங்கள் அவர்கள் பகுதிகளில் உள்ள வளங்களை அடையாளப்படுத்தி வைத்துள்ளது. அவற்றினை முன்கொண்டு செல்வதற்கான உதவிகளை எதிர்பார்த்து நிற்கின்றது.

எதிர்காலத்தில் புலம்பெயர் தமிழர் அமைப்புகள் கிழக்கு மாகாணம் தொடர்பில் கரிசனை காட்டவேண்டும். இன்று கிழக்கில் தொங்கி நிற்கும் பிரதேசவாத கருத்துகளை இல்லாமல் செய்வதற்கு புலம்பெயர் அமைப்புகளின் செயற்பாடுகளை எதிர்காலத்தில் பலமாகயிருக்கும் என்பதே கிழக்கு தமிழ் தேசிய பற்றாளர்களின் எதிர்பார்ப்பாகும்.


https://www.ilakku.org/eastern-province-isolated-in-activities-diaspora/
Link to comment
Share on other sites

வியாழேந்திரன் கூட்டமைப்பில் இருந்த போது புலம் பெயர் தேசங்களுக்கு வந்து பணம் சேர்த்து சென்றது தெரியும். நேசக்கரம் உதவி செய்துள்ளது. சில தனிப்பட்டவர்களும் உதவி வருகிறார்கள். இவை மிக மிக சிறு உதவியே. கிழக்குக்கு அதிக உதவி தேவை.

Link to comment
Share on other sites

எழுதுபவர்களுக்கு கற்பனை வளம் அதிகம்  அதற்கு இவரும் விதி விலக்கல்ல என்று நினைக்கிறன்..சொல்லப் போனால் தங்கள் பிரதேசங்களை விட கிழக்கு மாகாணம் போன்ற இடங்களுக்கு உதவி செய்பவர்கள் நிறையவே இருக்கிறார்கள்..நான் முன்பும் ஒரு இடத்தில் குறிப்பிட்டிருந்தேன்.மட்டு மக்கள் ஒரு பணி முடிக்க முதல் அடுத்தடுத்த தேவைகளை கேட்பது மற்றும் புலம் பெயர்ந்தவர்களை தரத்தானே வேணும்...எல்லாரும் என்ன செய்து கொண்டு இருக்கிறீங்க.....இப்படி நிறைய கேட்டு சண்டை போடுவதை என் காதால் கேட்ட காலங்களும் இருக்கிறது....என்ன செய்வது நிறைய தேவைகள் இருந்து  கொண்டே இருக்கிறது..

Link to comment
Share on other sites

Posted (edited)
15 hours ago, யாயினி said:

.மட்டு மக்கள் ஒரு பணி முடிக்க முதல் அடுத்தடுத்த தேவைகளை கேட்பது மற்றும் புலம் பெயர்ந்தவர்களை தரத்தானே வேணும்...எல்லாரும் என்ன செய்து கொண்டு இருக்கிறீங்க

 

இந்த மாதிரி செய்திகள், கட்டுரைகளை எழுதுபவர்கள் உண்மையான ஆதங்கத்துடன் எழுதுகிறார்களாக இல்லை வேண்டுமென்றே தூண்டிவிடுகிறார்களாக தெரியவில்லை யாயினி,  ஆனால் நான் நினைக்கிறேன், இந்த ஒரு எதிர்பார்ப்பு வடக்கு கிழக்கு என்ற பாகுபாடு இல்லாமலே உதவி கேட்கும் எல்லா நிறுவனங்கள் மக்கள் எல்லோரிடமும்,புலம்பெயர்ந்தவர்கள் உதவினால் என்ன என்ற ஒரு நிலைப்பாடு இருந்தது.. 

கூறுபவர்கள் கூறிவிட்டுப்போகட்டும், ஆனால் உண்மையாக உதவும் நோக்கில் செயற்படுபவர்கள் தேவையறிந்து செய்துகொண்டுதான் போகிறார்கள் இரு பகுதிகளுக்கும். மனதில் பட்டது எழுதினேன், நான் நினைப்பது தவறாகவும் இருக்கலாம்.. 

 

Edited by பிரபா சிதம்பரநாதன்
  • Like 1
Link to comment
Share on other sites

  • Tell a friend

    Love கருத்துக்களம்? Tell a friend!
  • Topics

  • Posts

    • இது இப்போது தான் தெரியுமா? ....நான் எனது சொந்த அனுபவங்களை சொல்லுகிறேன் .  கேளுங்கள்   2021.இல்    வறுமையை ஒழிப்போம். என்ற ஒரு அமைப்பு  என்னை தொடர்பு கொண்டு முல்லைத்தீவு கோப்புலவில்  ஒரு ஏழை பையனுக்கு சைக்கிள் வேண்ட 25 ஆயிரம் ரூபாய் உதவி செய்ய முடியுமா என்று கேட்டார்கள்  அத்துடன் ஒரு கணணி உம் வேண்டித் தரலாம்  எவ்வளவு முடியும் என்று சொல்லும் படி கேட்டேன்   நல்ல கணணி க்கு 70 ஆயிரம் வேண்டும் என்றார்கள்  சரி தரலாமென்று  ஒரு இலட்சத்து ஐந்து ஆயிரம் அனுப்பினேன்   அவர்கள் முதல் அனுப்பிய பையனின் படமும் கணணி கொடுத்த பின் கணணி...சைக்கிள்..உடன் நின்ற பையனும் வெவ்வேறு நபர்கள்  எவனாவது பயன் படுத்தினால் சரி என்று விட்டுட்டேன்    😛 மேலும் அவர்கள் உதவியை எதிரபார்த்தார்கள்   நான் கடன் என்றால் தரலாம். சும்மா தர முடியாது   என்றேன்  கோழி பண்ணை அமைக்க உதவும்படி கேட்டார் சரி பத்து இலட்சம் கடனாகக் தர முடியும் என்றேன்    ஆறு மாதத்துக்குள் செலவு கூட சீமெந்து விலையேற்றம்  என்று மொத்தம் பதின்நான்கு இலட்சம் அனுப்பியுள்ளேன்“  இதே காரணம் சொல்லி சுவிஸ் அறக்கட்டளை இலும் பணம் வேண்டியவர்கள்  ஆரம்பத்தில் படம் அனுப்பினார்  பிறகு அனுப்பவில்லை  கோழி பண்ணையும் தொடங்கவில்லை மாறாக வீடு கட்டியுள்ளார்கள்    அதாவது உடம்பை முறித்துக் உழைக்க விருப்பமில்லை   இதற்கு என்ன செய்யலாம் சொல்லுங்கள் பார்ப்போம் 🤣 மொத்தம் ஆறு ஆயிரம் யூரோ  அனுப்பியுள்ளேன்“   அவருக்கு சரிதா என்று பெயர் வங்கி கணக்கு பிரசான்ன நவரத்தினம் என்ற பெயரில் உண்டு   நான் அவருக்கு சொன்னேன் இன்று அந்த ஆறு ஆயிரம் யூரோ  21 இலட்சம் ரூபாய் வரும் என்று   அவர் சொன்னார் இப்ப அதை பற்றி யோசித்து என்ன பலன்   இதுகளைப் பற்றி கவலை படுவது சுத்த வெஸ்ட்       ஒரு நாலு ஐந்து போத்தல்கள் மட்டின் விரான்டியை  குடித்து விட்டு குப்பிறப் படுத்துக்கிடக்கலாம்  😂🤣
    • இலங்கையில் ஊட்டச்சத்து குறைபாடு அதிகரித்து வருவதாக சிறார்களுக்கான ஐ.நா அமைப்பான யுனிசெப் அண்மையில் வெளியிட்ட தகவல், தற்போது பேசுபொருளாகியிருக்கிறது. ஊட்டச்சத்து குறைபாடுடைய சிறார்கள் வாழும் நாடுகள் பட்டியலில், இலங்கை எந்த இடத்தில் இருக்கிறது தெரியுமா?  
    • மண்ணெண்ணெய் குண்டு சம்பவங்கள்: திருமாவளவன், சீமான் எழுப்பிய சந்தேகமும், ஐ.ஜி. எச்சரிக்கையும் 5 மணி நேரங்களுக்கு முன்னர்   பட மூலாதாரம்,GETTY IMAGES சேலத்தில் ஆர்.எஸ்.எஸ் பிரமுகர் வீட்டில் மண்ணெண்ணெய் பாட்டில் குண்டு வீசிய வழக்கில் எஸ்டிபிஐ கட்சியை சேர்ந்த இருவர் கைது செய்யப்பட்டுள்ளனர். மேலும் முன்னெச்சரிக்கை நடவடிக்கையாக ஐந்து பேர் கைது செய்யப்பட்டுள்ளனர். சேலம் பொன்னம்மாபேட்டை பகுதியை சேர்ந்த ஆர்எஸ்எஸ் பிரமுகர் ராஜன் என்பவர் வீட்டில் இன்று அதிகாலை மண்ணெண்ணெய் நிரப்பிய பாட்டிலில் நெருப்பு பற்ற வைத்து, வீட்டின் முன்பு மர்ம நபர்கள் வீசியுள்ளனர். அதிர்ஷ்டவசமாக இதில் எந்தவித சேதமும் ஏற்படவில்லை. இதுதொடர்பாக சேலம் மாநகர், அம்மாபேட்டை காவல் நிலையத்தில், ராஜன் அளித்த புகாரின்பேரில் ஏழு பேரை அழைத்து சென்று காவல்துறையினர் விசாரணை நடத்தினர். மேலும் அந்தப் பகுதியில் இருந்த சிசிடிவி கேமரா பதிவை வைத்தும் போலீசார் விசாரணை மேற்கொண்டனர்.   இதில் சிசிடி கேமரா பதிவின்படி காதர் உசேன், சையத் அலி ஆகிய இருவர் மண்ணெண்ணெய் பாட்டில் குண்டு வீசியதாக போலிசாருக்குத் தெரியவந்தது. இதை தொடர்ந்து எஸ்டிபிஐ மாவட்ட தலைவர் சையத் அலி மற்றும் 34 வது கோட்ட கிளை எஸ்டிபிஐ தலைவர் காதர் உசேன் ஆகிய இருவரையும் காவல்துறையினர் கைது செய்தனர். இந்த இருவர் மீதும் தீவைத்து பாதிப்பு ஏற்படுத்த முயற்சித்தல், சமூக நல்லிணக்கத்திற்கு எதிராக செயல்படுதல் உள்ளிட்ட மூன்று பிரிவுகளில் வழக்குபதிவு செய்யப்பட்டது. மேலும் முன்னெச்சரிக்கை நடவடிக்கையாக 5 பேர் கைது செய்யப்பட்டுள்ளனர். இவர்களுக்கு கொரோனா பரிசோதனை செய்து நீதிமன்ற காவலில் அடைக்க நடவடிக்கை எடுக்கப்பட்டு வருகிறது.   'மண்ணெண்ணெய் பாட்டில் வீசிய சில உண்மை குற்றவாளிகள் கைது' - சைலேந்திர பாபு "நான் திராவிடத்தை நிராகரிக்கவில்லை; திராவிடம் பிளஸ் வேண்டுமென்கிறேன்" - அண்ணாமலை பேட்டி   இதற்கிடையே சேலம் மாநகர காவல் ஆணையாளர் நஜ்மல் ஹோதா செய்தியாளர்களை சந்தித்தார். அப்போது அவர், சேலம் மாநகரில் ஆர்எஸ்எஸ் பிரமுகர் வீட்டின் மீது மண்ணெண்ணெய் குண்டு வீசிய சம்பவம் தொடர்பாக உடனடியாக வழக்குப் பதிவு செய்து விசாரணை நடத்தி சந்தேகத்திற்குரிய நபர்கள் இருவரை பிடித்து விசாரணை செய்ததில் சையதுஅலி, காதர் உசேன் ஆகிய இருவரும் மண்ணெண்ணெய் குண்டு வீசியது உறுதி செய்யப்பட்டது. இதையடுத்து இருவரையும் கைது செய்துள்ளோம். மேலும் அவர்கள் பயன்படுத்திய இரு சக்கர வாகனம் பறிமுதல் செய்யப்பட்டுள்ளது. அவர்களுடன் தொடர்பில் இருந்த நபர்கள் குறித்து விசாரணை நடத்தப்பட்டு வருகிறது. சேலம் மாநகரம் முழுவதும் எந்தவித அசம்பாவிதமும் ஏற்படாமல் இருக்க பாதுகாப்பு நடவடிக்கைகளை தீவிரமாக மேற்கொள்ளப்பட்டு வருகிறது என்று மாநகர காவல் ஆணையர் நஜ்மல் கோடா தெரிவித்தார். மேலும் முன்னெச்சரிக்கை நடவடிக்கையாக எஸ்டிபிஐ மாவட்ட செயலாளர் ஷெரிப்பாஷா, பாப்புலர் ஃப்ரண்ட் ஆப் இந்தியா பொதுச்செயலாளர் முகமது ரஃபி, மற்றும் இஸ்லாமிய இயக்கத்தை சேர்ந்த முகமது இஸ்மாயில், முகமது ஆரிஸ், காஜா உசேன் ஆகிய ஐந்து பேர் கைது செய்யப்பட்டுள்ளனர். திருமாவளவன் எழுப்பிய சந்தேகம்   திருப்பூர், திண்டுக்கல், விழுப்புரம் போன்ற இடங்களில் பாஜக, ஆர்.எஸ்.எஸ் போன்ற அமைப்புகளைச் சேர்ந்தவர்கள் தங்கள் வீடுகளில் தாங்களே பெட்ரோல் குண்டு வீசிக்கொண்டு பிறர் வீசியதாக கூறிய நிகழ்வுகள் ஊடகங்களில் செய்தியாக வெளியாகியுள்ளன என்று கூறிய விடுதலை சிறுத்தைகள் கட்சித் தலைவர் தொல். திருமாவளவன், சமீபத்திய நிகழ்வுகளின் பின்னாலும் பாஜக, ஆர்.எஸ்.எஸ் பிரமுகர்கள் இருக்க வாய்ப்புண்டு என்று இன்று நடந்த செய்தியாளர் சந்திப்பில் கூறியிருந்தார். தமிழ்நாடு காவல்துறை இந்த கோணத்திலும் அந்த வழக்குகளை விசாரிக்க வேண்டும் என்று வலியுறுத்துகிறோம் என தொல். திருமாவளவன் தெரிவித்துள்ளார். சீமான் குற்றச்சாட்டு நாடெங்கிலும் மதப்பூசல்கள் ஏற்பட்டபோதும் அமைதிப் பூங்காவாகத் திகழ்ந்த தமிழ்நாட்டில் மதக் கலவரங்களை ஏற்படுத்த இந்துத்துவ இயக்கங்கள் செய்யும் பிரித்தாளும் சூழ்ச்சிகள் பெரும் அதிர்ச்சியைத் தருவதாகக் கூறி நாம் தமிழர் கட்சி தலைமை ஒருங்கிணைப்பாளர் சீமான் ஒரு அறிக்கை விடுத்துள்ளார். டிவிட்டரில் அவர் பகிர்ந்துள்ள அந்த அறிக்கையில் தென் மாநிலங்களே தமது இலக்கென பாஜகவின் தலைவர்கள் கூறிவரும் நிலையில் அதற்கு அடித்தளமிடும் வகையில் தமிழ்நாட்டில் மதமோதல், கும்பல் வன்முறைகளை ஏற்படுத்த இந்துத்துவ இயக்கங்கள் முயல்கின்றனவோ என்ற ஐயம் வலுப்பதாக கூறியிருக்கும் சீமான் "ஆங்காங்கே ஆர்.எஸ்.எஸ்., பாஜக நிர்வாகிகள் வீடுகளில் பெட்ரோல் குண்டு வீசப்பட்டதாகவும், வாகனம் எரிக்கப்பட்டதாகவும் வருகிற செய்திகள் கடந்த காலத்தையை நினைவூட்டுகின்றன. தாங்களே தங்கள் வீடுகளில் பெட்ரோல் குண்டு வீசி, தங்கள் வாகனத்தை எரித்து அரசியல் லாபம் பெற முயன்ற பாஜக நிர்வாகிகளின் முந்தைய செயல்பாடுகள் யாவும் சமகாலச் சான்றுகளாக இருக்க, அதன் தொடர்ச்சியாக இதுவும் இருக்கலாம் என்னும் வாதத்தில் உண்மையில்லாமல் இல்லை..." என்றும் கூறியிருக்கிறார். Twitter பதிவை கடந்து செல்ல, 1 Twitter பதிவின் முடிவு, 1 அத்துடன் ஆர்.எஸ்.எஸ். 50 இடங்களில் நடத்தத் திட்டமிட்டுள்ள ஊர்வலம் பற்றி குறிப்பிட்ட சீமான், உயர் நீதிமன்றத்தில் தமிழ்நாடு அரசு வலுவான வாதங்களை வைக்கத் தவறியதன் விளைவாகவே அந்த ஊர்வலங்களுக்கு நீதிமன்றம் அனுமதி அளித்துள்ளது என்று குறிப்பிட்டார். ஐ.ஜி அஸ்ரா கார்க் எச்சரிக்கை இந்நிலையில் விளம்பரத்திற்காக தனக்கு தானே பெட்ரோல் குண்டு வீசிக் வீசிக்கொண்டது விசாரணையில் உறுதி செய்யப்பட்டால் யாராக இருந்தாலும் அவர்கள் மீது கடுமையான நடவடிக்கை எடுக்கப்படும் என தென் மண்டல ஐஜி அஸ்ரா கார்க் தெரிவித்துள்ளார். இதுகுறித்து தென் மண்டல ஐஜி அஸ்ரா கார்க் செய்தியாளரிடம் பேசுமையில், "திண்டுக்கல் அடுத்துள்ள குடைபாறைபட்டியைசேர்ந்த பாரதிய ஜனதா கட்சியின் மேற்கு மாநகரத் தலைவர் செந்தில் பால்ராஜ் செட்டில் இருந்த கார் மற்றும் ஐந்து இருசக்கர வாகனங்களை நேற்று அதிகாலை மர்ம நபர்கள் தீ வைத்த வழக்கில் திண்டுக்கல் நகர் டிஎஸ்பி கோகுல கிருஷ்ணன் தலைமையிலான போலீசார் பேகம்பூரைச் சேர்ந்த சிக்கந்தர் (29) என்பவரை கைது செய்துள்ளனர். இது தொடர்பாக முழு விசாரணை நடைபெற்று வருகிறது. இதில் மேலும் யாருக்கேனும் தொடர்பு இருக்கிறதா என்றும் விசாரணை நடைபெற்று வருகிறது. தென் மண்டலத்தில் உள்ள அனைத்து மாவட்டங்களிலும் பாதுகாப்பு பலப்படுத்தப்பட்டு இருக்கிறது. சுமார் 20,000 போலீசார் பாதுகாப்பு பணியில் ஈடுபடுத்தப்பட்டிருக்கிறார்கள். முக்கியமான பகுதிகளில் இரவு நேரங்களில், சரக காவல்துறை துணைத் தலைவர் மற்றும் மாவட்ட கண்காணிப்பாளர்கள் தலைமையில் ரோந்துப் பணிகள் தீவிரப் படுத்தப்பட்டுள்ளது.   ''ராமாயண, மகாபாரத புராண குப்பைகளை மக்கள் மூளையில் திணித்துள்ளனர்'' - திருமாவளவன் தமிழ்நாட்டில் பாஜகவினர், ஆதரவாளர்கள் வீடுகள், வாகனங்கள் மீது தாக்குதல் - எங்கெங்கு நடந்தன?   தற்போதைய சூழலில் விசாரணை என்பது முழு முன்னேற்றத்தில் சீராக சென்று கொண்டிருக்கிறது. முக்கியமான இடங்களில் துணை கண்காணிப்பாளர்கள் தலைமையில் ஆலோசனைக் கூட்டம் நடைபெற்று வருகிறது. அனைத்து பெட்ரோல் பங்குகளிலும் சில்லறையில் பெட்ரோல் மற்றும் டீசல் வழங்கக் கூடாது என அறிவுறுத்தப்பட்டிருக்கிறது. அவர்களும் காவல்துறையின் அறிவுறுத்தலை கடைபிடித்துக் கொண்டிருக்கிறார்கள். தென் மாவட்டங்களில் யாரெல்லாம் முக்கிய நபர்கள் குறித்து முழு விவரம் சேகரிக்கப்பட்டிருக்கிறது. அவர்களுடைய வீடு, அலுவலகம் அவர்கள் வியாபாரம் செய்யும் இடங்களில் போலீஸ் பாதுகாப்பு போடப்பட்டிருக்கிறது." என்று தெரிவித்தார். 'முதல்வர் விழித்து கொள்ள வேண்டும்'   கோவை விமான நிலையத்தில் செய்தியாளர்களைச் சந்தித்த பாஜக மாநில தலைவர் அண்ணாமலை இதுகுறித்து பேசுகையில், "மத்திய அரசு அமலாக்கத் துறை, மாநில காவல் துறை இணைந்து செய்த சோதனைக்கு பாஜக தொண்டன் என்ன செய்வான்? பாஜக தொண்டரின் வீடு உட்பட 25 இடங்களுக்கு மேல் குண்டு போட்டிருக்கிறார்கள். தமிழக காவல்துறை எத்தனை பேரை கைது செய்துள்ளது. தமிழக முதல்வர் விழித்துக் கொள்ள வேண்டும். கோவை மாவட்ட காவல்துறை நடந்து கொண்ட விதம் சரியில்லை. இது திமுகவுக்கும் பாஜகவுக்கும் நடக்கின்ற போர். காவல்துறை அதிகாரிகள் இதில் சிக்கிக் கொள்ளாமல் விலகி இருக்க வேண்டும். தமிழ்நாடு காவல்துறை ஆளுங்கட்சியின் கைப்பாவையாக இல்லாமல் நடுநிலையோடு செயல்பட வேண்டும். பாஜக தொண்டர்களிடம் அத்துமீறிய அனைத்து காவல்துறை அதிகாரிகள் மீதும் தேசிய மனித உரிமைகள் ஆணையத்தில் நானே புகார் அளிப்பேன்." என்றார். https://www.bbc.com/tamil/india-63026410
    • காட்டுப்பகுதியிலிருந்து உரப் பையில் சுற்றப்பட்ட நிலையில் சிசுவொன்று உயிருடன் மீட்பு By T YUWARAJ 25 SEP, 2022 | 08:54 PM  பண்டுவஸ்நுவர, பண்டாரகொஸ்வத்தை, உகுருஸ்ஸகம ஏரிக்கரையில் உள்ள காட்டுப்பகுதியில் கைவிடப்பட்ட நிலையில் சிசுவொன்று உரப் பையில் சுற்றப்பட்ட நிலையில் கண்டுபிடிக்கப்பட்டுள்ளது. குழந்தை அழும் சத்தம் கேட்டு கால்நடைகளை கட்ட சென்ற பெண் ஒருவர் பை ஒன்றில் சுற்றப்பட்ட நிலையில் இருந்த குழந்தையை கண்டுள்ளதாக தெரிவிக்கப்படுகின்றது. இதையடுத்து அம்பியுலன்ஸ் மூலம் குழந்தை நிகவெரட்டிய வைத்தியசாலைக்கு  கொண்டு செல்லப்பட்டுள்ள நிலையில், வாரியபொல பொலிஸார் மேலதிக விசாரணைகளை மேற்கொண்டு வருகின்றனர். https://www.virakesari.lk/article/136414
×
×
  • Create New...

Important Information

By using this site, you agree to our Terms of Use.