இலங்கையில் திடீரென அதிகரித்த துப்பாக்கி கலாசாரம் - 4 தினங்களில் ஐவர் உயிரிழப்பு

[ஏராளன்]

இலங்கையில் திடீரென அதிகரித்த துப்பாக்கி கலாசாரம் - 4 தினங்களில் ஐவர் உயிரிழப்பு

25 நிமிடங்களுக்கு முன்னர்

 

இலங்கையில் கடந்த ஓரிரு தினங்களாக அதிக அளவிலான துப்பாக்கி பிரயோக சம்பவங்கள் பதிவாகி வருகின்றன.

இதன்படி, கடந்த 4 நாட்களில் மாத்திரம் ஐந்து துப்பாக்கி பிரயோக சம்பவங்கள் பதிவாகியுள்ளதாக போலீஸார் தெரிவிக்கின்றனர்.

கொழும்பில் இன்று மாலை நடத்தப்பட்ட துப்பாக்கி பிரயோகத்தில் இளைஞர் ஒருவர் உயிரிழந்துள்ளார்.

கொழும்பு - முகத்துவாரம் பகுதியில் நடத்தப்பட்ட துப்பாக்கி பிரயோகத்தில் அதே பிரதேசத்தைச் சேர்ந்த 24 வயது தமிழ் இளைஞர் ஒருவர் உயிரிழந்துள்ளார்.

முச்சக்கரவண்டியில் வருகைத் தந்த அடையாளம் தெரியாத நபர்களினால் இந்த துப்பாக்கி பிரயோகம் நடத்தப்பட்டுள்ளதாக போலீஸார் தெரிவிக்கின்றனர்.

தங்காலை துப்பாக்கி பிரயோகம்

தங்காலை பகுதியில் நேற்றைய தினம் நடத்தப்பட்ட துப்பாக்கி பிரயோகத்தில் 37 வயதான நபர் ஒருவர் உயிரிழந்துள்ளார்.

கேப் வாகனமொன்றில் பயணித்துக்கொண்டிருந்த ஒருவர் மீது, மோட்டார் சைக்கிளில் வந்த இருவர் இந்த துப்பாக்கி பிரயோகத்தை நடத்தியுள்ளமை விசாரணையில் தெரியவந்துள்ளது.

• எஞ்சிய 2 ஆண்டுகள் ஆட்சி செய்த பிறகே பதவி விலகுவேன்: இலங்கை ஜனாதிபதி கோட்டாபய
• யுக்ரேன் சண்டையில் ரஷ்ய மேஜர் ஜெனரல் கொல்லப்பட்டதாக தகவல்

இந்த துப்பாக்கி பிரயோகத்தில் மூவர் காயமடைந்த நிலையில், ஒருவர் மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்துள்ளார்.

சம்பவத்தில் காயமடைந்த இருவர் மருத்துவமனையில் தொடர்ந்தும் சிகிச்சை பெற்று வருகின்றனர்.

அஹங்கம துப்பாக்கி பிரயோகம்

அஹங்கம பகுதியில் நடத்தப்பட்ட துப்பாக்கி பிரயோகத்தில் ஒருவர் உயிரிழந்துள்ளார்.

 

இந்த துப்பாக்கி பிரயோகத்தில் பிணையில் விடுவிக்கப்பட்டிருந்த 27 வயதான இளைஞர் ஒருவரே உயிரிழந்துள்ளதாக போலீஸார் தெரிவிக்கின்றனர்.

அளுத்கம துப்பாக்கி பிரயோகம்

அளுத்கம பகுதியில் கடந்த 3ம் தேதி நடத்தப்பட்ட துப்பாக்கி பிரயோகத்தில் 43 வயதான ஒருவர் உயிரிழந்துள்ளார்.

லாரி ஒன்றில் பயணித்துக்கொண்டிருந்த ஒருவர் மீது இந்த துப்பாக்கி பிரயோகம் நடத்தப்பட்டிருந்தது.

பாணந்துறை துப்பாக்கி பிரயோகம்

பாணந்துறை பகுதியில் கடந்த 3ம் தேதி நடத்தப்பட்ட மற்றுமொரு துப்பாக்கி பிரயோகத்தில் ஒருவர் உயிரிழந்துள்ளார்.

மோட்டார் சைக்கிள் ஒன்றில் பயணித்துக்கொண்டிருந்த இருவரில் ஒருவர் மீது, மற்றுமொரு மோட்டார் சைக்கிளில் வந்த இருவர் துப்பாக்கி பிரயோகம் நடத்தியிருந்தனர்.

துப்பாக்கி சூட்டுக்கு இலக்காகி 30 வயதான இளைஞர் ஒருவர் உயிரிழந்துள்ளார்.

ஐவர் உயிரிழப்பு

இலங்கையின் பல்வேறு பகுதிகளில் கடந்த 4 நாட்களில் நடத்தப்பட்ட துப்பாக்கி பிரயோகங்களில் 5 பேர் உயிரிழந்துள்ளதாக போலீஸார் தெரிவிக்கின்றனர்.

அத்துடன், இந்த துப்பாக்கி பிரயோகங்களில் இருவர் காயமடைந்துள்ளனர்.

நாட்டின் பல்வேறு பகுதிகளிலும் நடத்தப்பட்ட துப்பாக்கி பிரயோகங்களுக்கும், போதைப் பொருள் வர்த்தகத்திற்கும் இடையில் தொடர்புகள் காணப்படலாம் என போலீஸார் சந்தேகம் வெளியிட்டுள்ளனர்.

எவ்வாறாயினும், இந்த சம்பவங்கள் தொடர்பில் போலீஸார் தொடர்ந்து விசாரணைகளை நடத்தி வருவதாக போலீஸ் ஊடகப் பேச்சாளர் அலுவலகம் தெரிவிக்கின்றது.

https://www.bbc.com/tamil/sri-lanka-61711889

[தமிழ் சிறி]

பாலியல் நோக்கத்திற்காக... சிறுமிகளை கடத்தி கொலை செய்தல்,
அடுத்தடுத்து... துப்பாக்கி சூடு போன்றவை எல்லாம்,
அரசியல் கொந்தளிப்பிலிருந்து... மக்களை, திசை திருப்ப... 
போடும், நாடகமாக கூட இருக்கலாம்.

[Kapithan]

ஏதோ சிரி லங்கா இத்தனை காலமும் சொர்க்க புரியாக இருந்தது போல போகிறது சீச்சீச்சீ யின் தலையங்கம்..🤣

[பெருமாள்]

நாடு பஞ்சத்தை நோக்கி மெல்ல மெல்ல நகர ஏற்கனவே தென்னிலங்கையில் குவிந்து கிடக்கும் சட்டவிரோத ஆயுதங்கள் ராணுவத்தில் இருந்து தப்பியோடியவர்கள் புதிய கொலைவெறி குழுக்களை உற்பத்தி பண்ணும் ராணுவமோ போலீசோ கட்டுப்படுத்த முடியாத நிலை உருவாகும் வடகிழக்கு விதி விலக்கல்ல எதை விரும்ப வில்லையோ அதை நோக்கி செல்கின்றனர் .

[குமாரசாமி]

1 hour ago, Kapithan said:

ஏதோ சிரி லங்கா இத்தனை காலமும் சொர்க்க புரியாக இருந்தது போல போகிறது சீச்சீச்சீ யின் தலையங்கம்..🤣

கொஞ்சம் பொறுங்கோ அப்பு....இன்னும் வரும். 😂

[தமிழ் சிறி]

முகத்துவாரம் துப்பாக்கிச்சூடு – உயிரிழந்த இளைஞன் குறித்து வெளிவந்த தகவல்!

கொழும்பு – முகத்துவாரம் – ரெட்பானாவத்தை பகுதியில் நேற்று நடத்தப்பட்ட துப்பாக்கிச்சூட்டு சம்பவத்தில் உயிரிழந்த இளைஞர் போதைப்பொருள் வர்த்தகம் தொடர்பில் கைது செய்யப்பட்டு விளக்கமறியலில் வைக்கப்பட்டிருந்தவர் என பொலிஸார் தெரிவித்துள்ளனர்.

முச்சக்கரவண்டியில் வந்த இருவரால் நேற்று மாலை 5 மணியளவில் இந்த துப்பாக்கிச் சூடு நடத்தப்பட்டுள்ளது.

இந்த சம்பவத்தில் கொழும்பு – அளுத்மாவத்தை பகுதியைச் சேர்ந்த 24 வயதான இளைஞர் ஒருவர் உயிரிழந்தார்.

கடந்த சில நாட்களாக நாட்டின் பல பகுதிகளில் இடம்பெற்ற துப்பாக்கிச்சூட்டு சம்பவங்களில் 6 பேர் உயிரிழந்துள்ளமை குறிப்பிடத்தக்கது.

https://athavannews.com/2022/1285740