சிங்கள மக்களின் பொறுமைக்கு... எல்லை உண்டு – கூட்டமைப்பினரை, பகிரங்கமாக எச்சரித்தார் சரத் வீரசேகர.

[தமிழ் சிறி]

சிங்கள மக்களின் பொறுமைக்கு... எல்லை உண்டு – கூட்டமைப்பினரை, பகிரங்கமாக எச்சரித்தார் சரத் வீரசேகர.

இலங்கையில் சிங்கள மக்களின் பொறுமைக்கு எல்லை இருப்பதாகவும், அதனை கேலிக்குட்படுத்தவேண்டாம் எனவும் முன்னாள் அமைச்சர் சரத் வீரசேகர எச்சரிக்கை விடுத்துள்ளார்.

நாடாளுமன்றத்தில் இன்று(21) உரையாற்றிய போதே அவர் இவ்வாறு எச்சரிக்கை விடுத்துள்ளார்.

தமிழ் நாடாளுமன்ற உறுப்பினர்கள் இருவர், முல்லைத்தீவு – குருந்தூர் மலையில் புத்தர் சிலையை பிரதிஷ்டை செய்வதற்கு எதிர்ப்பு வெளியிட்டமையை தாம் கண்டிப்பதாகவும் அவர் குறிப்பிட்டுள்ளார்.

தமிழ்த் தேசியக் கூட்டமைப்பு, பிரபாகரனின் கட்சி எனவும் முன்னாள் அமைச்சர் சரத் வீரசேகர தெரிவித்துள்ளார்.

கோணகல கிராமத்தில் 54 சிங்களவர்கள் கொல்லப் பட்டபோது, கொழும்பில் இந்து மத வேல் திருவிழா இடம்பெற்றிருந்ததாகவும் அவர் கூறியுள்ளார்.

எனினும் வடக்கில் பௌத்த நடைமுறைகளுக்கு கௌரவம் வழங்கப்படவில்லை எனவும் அவர் குற்றம் சுமத்தியுள்ளார்.

அண்மையில் நாகவிஹாரையில் புத்த பெருமான் சிலையை நிறுவுவதற்கும் எதிர்ப்பு வெளியிடப்பட்டது.

இந்தநிலையில், குருந்தூர் மலையில் கண்டெடுக்கப்பட்ட சின்னங்கள் பல நூற்றாண்டுளுக்கு முற்பட்ட பௌத்த சின்னங்களாகும்.

கடந்த 9ஆம் திகதி குருந்தூர் மலையில் புத்தர் சிலையை பிரதிஷ்டை செய்வதற்கு நாடாளுமன்ற உறுப்பினர்களான செல்வராசா கஜேந்திரன் மற்றும் வினோநோகராதலிங்கம் ஆகியோர் பாரிய தடைகளை ஏற்படுத்தினர்.

இவர்களால், அழைத்து வரப்பட்டவர்கள் கிராம மக்கள் அல்லர் என குற்றம் சுமத்திய அவர், அவர்கள் ஏனைய பகுதிகளில் இருந்து அழைத்து வரப்பட்டவர்கள் எனவும் குறிப்பிட்டுள்ளார்.

https://athavannews.com/2022/1288010

[குமாரசாமி]

36 minutes ago, தமிழ் சிறி said:

இலங்கையில் சிங்கள மக்களின் பொறுமைக்கு எல்லை இருப்பதாகவும், அதனை கேலிக்குட்படுத்தவேண்டாம் எனவும் முன்னாள் அமைச்சர் சரத் வீரசேகர எச்சரிக்கை விடுத்துள்ளார்.

கடல் வற்றினாலும் இவனுகள் திருந்த மாட்டானுவள் 

[Nathamuni]

37 minutes ago, குமாரசாமி said:

கடல் வற்றினாலும் இவனுகள் திருந்த மாட்டானுவள் 

இவரது அரசியலை கவனித்தால், ரணிலை தோற்கடித்து, கொழும்பில் முதல் ஆளாக வந்ததில் இருந்து, இனவாத அரசியலை கையில் எடுக்க நினைக்கிறார். கோத்தா, மகிந்தா.... அடோய், டோய்... அதுக்கு நாங்க இருக்கிறோம், நீ...மூடிட்டு இரு என்று சொன்னாலும், இவர், சந்தர்ப்பம் கிடைக்கும் போதெல்லாம், இதை பேச தவறுவதில்லை.

அடுத்த ஜனாதிபதி தேர்தலில் போட்டியிட.... ஒரு ஐடியா இருப்பதாக கேள்வி பட்டு தான் இவரைம் ராஜபக்சேக்கள் ஓரம் கட்டினார்கள்.

சிவபெருமானுடன் சொறிந்த பின்னர் தான், நாடு இந்த நிலைக்கு வந்து, சிங்களவர்கள் பசியுடன் இருக்கிறார்கள்... என்று நம்ம எம்பிமார் அடித்து விட வேண்டியதுதான்...

சனம் பசி, பட்டினியில தவிக்குது.... இவருக்கு விகாரை கேட்குது.

இதைத்தான் சொல்லுறது.... ஆடான ஆடெல்லாம் குழைக்கழ, ஆமிக்கார வீரசேகர ஆடு, விகாரைக்கு அழுத்திச்சாம். 😜

Edited June 21, 2022 by Nathamuni

[ஏராளன்]

6 hours ago, குமாரசாமி said:

கடல் வற்றினாலும் இவனுகள் திருந்த மாட்டானுவள் 

அண்ணை கடலா குடலா?!

[குமாரசாமி]

28 minutes ago, ஏராளன் said:

அண்ணை கடலா குடலா?!

குடல்....குடல்.....🤣

[Elugnajiru]

பிறகென்ன இன்னுமொரு 1958 டையும் 1983 டையும் தொடங்கி விடுங்கோவன. 

மகிந்தவை சீனாக்காரன் சவேந்திர சில்வாவை வைத்து சீனன் குடாவில் சிறப்பிடித்து வைத்து இராணுவ ஆட்சியைக்கொண்டுவர எத்தனிக்கையில் மேற்குலகமும் இந்தியாவும் ரணிலை இறக்கி ராஜபக்சக்களைக் காப்பாற்றி அமெரிக்க தூதரகத்துக்கு சவேந்திர சில்வாவை வரவைத்து மிரட்டி அடக்கிவாசிக்கச் சொல்லி, பின்பு கொத்தா உட்பட்ட அனைவரது பாதுகாப்பையும் இராணுவத்திலிருந்து விலக்கி போலீஸ்காரர்களுக்கு மாத்தி ஒரு வழியாக இராணுவ ஆட்சி வரவிருந்ததை நிப்பாட்டி அதே நேரம் இந்திய தூதர்கள் யாழ் பல்கலைக்கழகத்தின் துணைவேந்தரைச் சந்தித்து குடாநாட்டில் உயர்தர மாணவர்கள் போராட்டத்தில் ஈடுபடாமல் பார்த்துக்கொள்வதற்காக ஒழுங்குநடவடிக்கப் பயமுறுத்தல்களை எவரும் அறியாதமாதிரி காதோடு காதாகச் செய்து.

[புலவர்]

அடுத்தவேளை சாப்பாட்டுக்கே வழியில்யைhம் இதுக்குள்ள புத்தவிகாரை கட்ட வேண்டுமாம்.இன்னும் 4 மாதத்தில் எல்லாம் முடிஞ்சிரும்.

[ஈழப்பிரியன்]

10 hours ago, தமிழ் சிறி said:

கோணகல கிராமத்தில் 54 சிங்களவர்கள் கொல்லப் பட்டபோது, கொழும்பில் இந்து மத வேல் திருவிழா இடம்பெற்றிருந்ததாகவும் அவர் கூறியுள்ளார்.

இதிலிருந்து என்ன தெரிகிறதென்றால் மக்கள் புரிந்துணர்வுடன் தான் நடந்து கொள்கிறார்கள்.

அப்புறம் எப்படி மக்கள் பொறுமை இழப்பர்.
எல்லாவற்றையும் தூண்டிவிடுவது அரசியல்வாதிகள் தான்.

10 hours ago, தமிழ் சிறி said:

தமிழ்த் தேசியக் கூட்டமைப்பு, பிரபாகரனின் கட்சி எனவும் முன்னாள் அமைச்சர் சரத் வீரசேகர தெரிவித்துள்ளார்.

இதைக் கண்டுபிடிக்க பேராசிரியருக்கு இவ்வளவு காலம் எடுத்ததோ?

[satan]

10 hours ago, தமிழ் சிறி said:

இலங்கையில் சிங்கள மக்களின் பொறுமைக்கு எல்லை இருப்பதாகவும், அதனை கேலிக்குட்படுத்தவேண்டாம் எனவும் முன்னாள் அமைச்சர் சரத் வீரசேகர எச்சரிக்கை விடுத்துள்ளார்

மாத்தையா, நீங்கள் சொல்வது முற்றிலும் உண்மை! சிங்கள மக்கள் பொறுமையிழந்து இன்று வீதிக்கு இறங்கி வந்து விட்டார்கள், தங்கள் பிழைகளை உணர்ந்து எம்மோடு கைகோர்க்க தொடங்கி விட்டார்கள், இனி உங்கள் பாடு திண்டாட்டந்தான், அரசியலை கழுவுவதோடு புத்தமும் சேர்ந்து கழுவப்படலாம், அதற்கு நீங்களே அடிபோடுகிறீர்கள். உங்கள் சொத்துக்களுக்கு சேதம் இல்லாததால் கொஞ்சம் ஓவராய் பேசுகிறீர்கள், அடக்கி வாசியுங்கள் இல்லையேல் வருந்த்துவீர்கள்!

11 hours ago, தமிழ் சிறி said:

முல்லைத்தீவு – குருந்தூர் மலையில் புத்தர் சிலையை பிரதிஷ்டை செய்வதற்கு எதிர்ப்பு வெளியிட்டமையை தாம் கண்டிப்பதாகவும் அவர் குறிப்பிட்டுள்ளார்.

தொல்பொருளாராய்ச்சி என்று காணி பிடித்தவரை சிறையில் போடணும். மக்களை ஏமாற்றி, மோசடி செய்துள்ளார். மக்களுக்கு அடுத்தவேளை சாப்பாட்டுக்கு வழியில்லை, வந்தவரிடமெல்லாம் கையேந்தி நிற்கிறார்கள். இவருக்கு விகாரை தேவைப்படுகுது. இவரின் விசர்க்கதைக்கு இன்னும் மக்கள் செவிசாய்ப்பார்கள் என கனவு காணுமளவுக்கு பதவியாசை. சரி சிங்கள மக்கள் தமிழரோடு சண்டையிட போனால் அவர்களுக்கு தேவையான எரிபொருளுக்கு, அரிசிக்கு யார் வரிசையில் நிற்பதாம்? முதலில் அதை போய் கவனியுங்கள். மக்களை அவலங்களில் தள்ளிவிட்ட புத்தருக்கு  மட்டும் எல்லா இடத்திலும் விகாரை கேட்குது.

[பெருமாள்]

சரத் வீரசேகர போன்றவர்கள் தமிழர்களின் அறிவு கண்ணை திறக்கின்றார்கள் நல்லதுதானே ?

எத்தனை தரம் சொன்னோம் சிங்களம் தமிழ்ர்கள்  மீது   துவேசம் பிடித்த கூட்டம் என்று அவர்கள் விபச்சாரம் பண்ணியாவது வந்த டொலரில்  தமிழரை அழிக்க எண்ணுபவர்கள் அதில் மாற்றமில்லை .

[தமிழ் சிறி]

குருந்தூர் மலையில்... விகாரை இருந்தமைக்கு சான்றுகள் உள்ளன: பௌத்தர்களின் இரக்கத்தை, அலட்சியமாக கருத வேண்டாம் – சரத் எச்சரிக்கை

குருந்தூர் மலையில் குருந்தாஸோக என்ற விகாரை இருந்தமைக்கு மகாவம்சத்தில் சான்றுகள் உள்ளதாக நாடாளுமன்ற உறுப்பினர் சரத் வீரசேகர தெரிவித்துள்ளார்.

தமிழர்களின் பூர்வீக வழிபாட்டிடமான முல்லைத்தீவு – தண்ணிமுறிப்பு, குருந்தூர் மலையில் அமைக்கப்பட்டுவரும் விகாரையில் கடந்த 12 ஆம் திகதி புத்தர் சிலை ஒன்றினை நிறுவுவதற்கு நடவடிக்கை எடுக்கப்பட்டது.

எனினும் பௌத்த தேரர்கள் உள்ளிட்டோர் மேற்கொண்ட முயற்சி பொதுமக்களின் எதிர்ப்பால் முறியடிக்கப்பட்டது.

இந்த நிலையில், இந்த விடயம் குறித்து நேற்று நாடாளுமன்றில் உரையாற்றிய சரத் வீரசேகர, “வடக்கில் சில பிரிவினைவாத அரசியல் தலைவர்கள் பௌத்த சாசனத்திற்கு உரிய கௌரவத்தை வழங்குவதில்லை.

கடந்த சில மாதங்களுக்கு முன்னர் வடக்கில் முக்கியமான அமைச்சர் ஒருவர் நயினாதீவில் புத்தர் சிலை ஒன்றை அமைப்பதற்கு முழுமையாக எதிர்ப்பை தெரிவித்தார்.

ஒரு வாரத்திற்கு முன்னர், முல்லைத்தீவில் குருந்தாஸோக என்ற வரலாற்று விகாரையில் புத்தர் சிலை ஒன்றை நிறுவ முற்பட்டபோது, தமிழ் நாடாளுமன்ற உறுப்பினர்கள் இருவர் குண்டர்கள் சிலருடன் வந்து அதனை முழுமையாக சீர்குலைத்தனர்.

உண்மையில் பௌத்த நாட்டில், பௌத்த சாசனத்தைப் போசிப்பதற்கு இடமளிக்காவிட்டால், தமிழ் நாடாளுமன்ற உறுப்பினர்கள் அதனை சீர்குலைப்பதற்கு தலைமைத்துவம் வழங்குவார்களாயின் அது உங்களது கவனத்துக்கு கொண்டுசெல்லப்பட வேண்டும் என்று நான் நினைக்கின்றேன்.

இந்த குருந்தாஸோக என்ற விகாரை 2000 ஆண்டுகள் பழமையானதாகும். நூறாம் கிறிஸ்து வருடத்தில் கல்லாட்ட என்ற அரசர்தான் இதனை நிறுவி இருக்கின்றார்.

அதன் பின்னர், 571ஆம் கிறிஸ்து வருடத்தில் முதலாம் ஹக்பு மன்னர் இதனை புனரமைத்தார். அதன் பின் நாம் அனைவரும் அறிந்த மகா விஜயபாகு மன்னர் 1055 இல் அதனை மீண்டும் புனரமைத்தார் என்று மகாவம்சத்தில் கூறப்பட்டிருக்கின்றது.

2021ஆம் ஆண்டு தொல்பொருள் திணைக்களத்தினால் ஜனவரி மாதம் அகழ்வுப் பணிகள் முன்னெடுக்கப்பட்டபோது, பல பௌத்த தொல்பொருட்கள் அங்கு தோன்றின.

இவ்வாறான நிலையில் தொல்பொருள் திணைக்களம் அவசியமான அனைத்து தரப்பினருக்கும் அறியப்படுத்தி, 100 க்கும் அதிகமான தேரர்களை அழைத்து, புத்தர் சிலையை நிறுவ முற்பட்டபோது நாடாளுமன்ற உறுப்பினர்களான செல்வராசா கஜேந்திரன் மற்றும் வினோநோகராதலிங்கம் ஆகியோர் குண்டர்களுடன் சென்று அந்தத் தேரர்களுக்கு ஒரு மலரையேனும் வைக்க இடமளிக்கவில்லை. இதற்கு அரசாங்கத்தின் பணம் பயன்படுத்தப்படவில்லை.

தமிழ் நாடாளுமன்ற உறுப்பினர்கள் சாசனத்திற்கும், தேரர்களுக்கும் ஏற்படுத்திய அபகீர்த்தியை நாங்கள் வன்மையாக கண்டிக்கின்றோம்.

சிங்கள பௌத்தர்களின் பொறுமை மற்றும் இரக்கத்தை அலட்சியமாக கருத வேண்டாம்.

அந்த பொறுமைக்கும் எல்லை உள்ளது என்பதை தெரிந்துக்கொள்ள வேண்டும்” என நாடாளுமன்ற உறுப்பினர் ரியர் அட்மிரல் சரத் வீரசேகர தெரிவித்தார்.

https://athavannews.com/2022/1288053

[ஏராளன்]

சிவன் சொத்து குலநாசம் என்றொரு சொலவடை சைவர்களிடம் உண்டு என்பதை குறிப்பிட விரும்புகிறேன்.

[satan]

20 hours ago, தமிழ் சிறி said:

சிங்கள பௌத்தர்களின் பொறுமை மற்றும் இரக்கத்தை அலட்சியமாக கருத வேண்டாம்.

அதன் முழுமையையும் கடந்த எழுபது ஆண்டுகளாக தமிழர் நாம் கண்டு அனுபவித்துளோம். அதுபற்றி நீங்கள் எமக்கு சொல்லிதரத்தேவையில்லை. இப்போ சர்வதேசமும், தென்னிலங்கையும் காணும் வாய்ப்பு கிட்டியுள்ளது. அதன் பசி அடங்காமல் வந்தவழிக்கே திரும்பியும் விட்டதை தாங்கள் இன்னும் அறியாமலோ, புரியாமலோ, அல்லது மறைத்தோ கொக்கரிக்கிறீர்கள். அது இப்போ ஏவி விட்டவர்களை விழுங்கப்போகிறது.

20 hours ago, தமிழ் சிறி said:

571ஆம் கிறிஸ்து வருடத்தில் முதலாம் ஹக்பு மன்னர் இதனை புனரமைத்தார். அதன் பின் நாம் அனைவரும் அறிந்த மகா விஜயபாகு மன்னர் 1055 இல் அதனை மீண்டும் புனரமைத்தார் என்று மகாவம்சத்தில் கூறப்பட்டிருக்கின்றது.

மகாவம்சம் போலிகளையும், புனைகதைகளையும், அருவெறுக்கத்தக்க கதைகளையும் கூறியுள்ளது. அதை இந்த காலத்திலும் பெருமையாக கொள்வதற்கு அதைவிட பெருமை ஒன்றும் இவரிடம் இல்லை. தமிழரே முதலில் புத்தத்தை பின்பற்றி, நாளடைவில் அதிலிருந்து விலகியவர்கள். மகாவம்சம் எப்போ எழுதப்பட்டது? புத்தம் எப்போ இலங்கைக்குள் கொண்டு வரப்பட்டது? இவர் கூறும் மன்னர்கள் எங்கே அரசாண்டார்கள்? என்பதை வரலாற்றாசிரியர்களே நிரூபிக்க வேண்டும். இவர் இராணுவ பின்புலத்தில் இருந்து வந்தபடியால் நாட்டில் எப்போதும் போர் நிகழ வேண்டும் என ஆசைப்படுகிறார். இவரை உக்ரேன் ரஷ்ய போர்முனைக்கு அனுப்பினால் பொருத்தமாக இருக்கும் மக்கள் வயிற்றுப்பசியால் தவிக்கிறார்கள் வலிந்து ஒரு போரை மக்கள் மேல் திணிக்க ஆசைப்படுகிறார்.  சிங்கள மக்கள் விகாரை கேட்டு போராடவில்லை,  நாளாந்தம் வாழ வழியில்லாமல் வீதியில் இறங்கி போராடுகிறார்கள் இவர் திமிர் எடுக்கிறார். அவர்களுக்கு அவசியமானது வயிற்றுக்கு உணவேயொழிய விகாரையல்ல. 

20 hours ago, தமிழ் சிறி said:

பௌத்த நாட்டில், பௌத்த சாசனத்தைப் போசிப்பதற்கு இடமளிக்காவிட்டால்,

பவுத்தர்கள் இல்லாத இடத்தில பவுத்தத்தை திணிக்கும் இவர்கள் மற்றைய மதத்தினரை கண்டிப்பதற்கு தகுதியற்றவர்கள். விரும்புபவர்களுக்கு போதியுங்கள், விரும்பாதவர்களுக்கு, ஏற்றுக்கொள்ளாதவர்களுக்கு திணிக்காதீர்கள், அதனை போதனை என்று அர்த்தப்படுத்தாதீர்கள்.          

[தமிழ் சிறி]

 

சரத் வீரசேகரவின் இனவாத திமிர் பேச்சிற்கு... ஆதாரத்துடன் பதிலடி கொடுத்த சித்தார்த்தன்.

 

பௌத்த சிங்கள மக்களே வாழந்திராத ஒரு பிரதேசத்தில், பௌத்தம் சார்ந்த சின்னங்கள் கண்டுபிடிக்கப்படுமானால், அதை ஒரு மரபுரிமைச் சின்னமாக பாதுகாப்பதே நியாயமானது. அதைவிடுத்து பழைய பண்பாட்டுக்குரிய சின்னங்களை மீளுருவாக்கம் செய்து வழிபாட்டுத் தலங்களாக மாற்றுவது எவ்வகையிலும் ஏற்புடையதல்ல.

 

அநுராதபுரத்தில் திராவிட கலை மரபில் கட்டப்பட்ட 20க்கும் மேற்பட்ட சைவ ஆலய இடிபாடுகள் கண்டுபிடிக்கப்பட்டன. அவ் ஆலயங்கள் தேசிய மரபுரிமைச் சின்னங்களாக கருதப்பட்டனவேயொழிய அவை மீளுருவாக்கம் செய்யப்படவில்லை. அங்கு சைவ கோயில்கள் கட்டப்படவில்லை.

 

பொலனறுவையில் 12 சைவ கோவில்கள் கண்டுபிடிக்கப்பட்டுள்ளன. ஆனால் அவை புதுப்பிக்கப்படவில்லை என தெரிவித்துள்ளார் தமிழ் தேசிய கூட்டமைப்பின் பங்காளிக்கட்சியான புளொட் தலைவர் த.சித்தார்த்தன்.

நாடாளுமன்றத்தில் இன்று உரையாற்றிய போது இதனை தெரிவித்தார்.

 

அவர் மேலும் தெரிவிக்கையில்,

நேற்று பாராளுமன்றத்தில் உரையாற்றிய சரத் வீரசேகர தமிழ் சமூகத்தை எச்சரிக்கை செய்து, பௌத்த சிங்கள மக்களிற்கும் எல்லையுண்டு, அந்த எல்லையை அவர்கள் தாண்டிவிடுவார்கள் என தெரிவித்திருந்தார்.

 

குருந்தூர் மலையில் நீதிமன்ற உத்தரவை மீறி புத்தர் சிலையை நிறுவ முயற்சித்த போது, பாராளுமன்ற உறுப்பினர்கள் வினோநோகராதலிங்கம், செ.கஜேந்திரன், முன்னாள் வடக்கு மாகாண அமைச்சர் க.சிவனேசன் தலைமையில் ஒரு போராட்டம் நடத்தி, அந்த முயற்சி நிறுத்தப்பட்டது. அதைப்பற்றித்தான் வீரசேகர அங்கு தெரிவித்துள்ளார்.

உண்மை நிலைமையை கூற வேண்டுமென்பதாலேயே, இன்றைய விவாதப் பொருளுக்கு வெளியில் சென்று அதை குறிப்பிடுகிறேன்.

 

சரத் வீரசேகரவின் பேச்சு ஆக்ரோசமாக இருந்தது. இப்படியான பேச்சுக்கள்தான் இன முறுகலை ஏற்படுத்தி, போரை கொண்டு வந்து, இன்றைய பொருளாதார நெருக்கடிக்கு முக்கிய காரணமான போர் ஏற்பட்டது என்பது அவருக்கு தெரிந்திருக்கும்.

 

இந்த நிலைமையில் கூட வீரசேகரவின் உரை, இன, மத மோதலுக்கு வழிவகுக்கும்.

பௌத்த சிங்கள மக்களே வாழந்திராத ஒரு பிரதேசத்தில் பௌத்தம் சார்ந்த சின்னங்கள் கண்டுபிடிக்கப்படுமானால், அதை ஒரு மரபுரிமைச் சின்னமாக பாதுகாப்பதே நியாயமானது.

 

அதைவிடுத்து பழைய பண்பாட்டுக்குரிய சின்னங்களை மீளுருவாக்கம் செய்து வழிபாட்டுத் தலங்களாக மாற்றுவது எவ்வகையிலும் ஏற்புடையதல்ல. தொல்லியல் சட்டங்களையோ, நடைமுறைகளையோ பின்பற்றாமல் இவ்வாறு வழிபாட்டுத்தலங்ளை உருவாக்குவது, அங்கு திட்டமிட்டு பௌத்த, சிங்கள குடியேற்றங்களை ஏற்படுத்துவதற்கான கால்கோள். இது இனங்களிடையே முரண்பாடுகளை வளர்த்து நாட்டை அழிவுகளுக்கு இட்டுச் செல்லுமேயொழிய, நாட்டை முன்னேற்றவோ ஐக்கியத்தை கட்டியெழுப்பவோ மாட்டாது.

 

அநுராதபுரத்தில் திராவிட கலை மரபில் கட்டப்பட்ட 20க்கும் மேற்பட்ட சைவ ஆலய இடிபாடுகள் கண்டுபிடிக்கப்பட்டன. அவ் ஆலயங்கள் தேசிய மரபுரிமைச் சின்னங்களாக கருதப்பட்டனவேயொழிய அவை மீளுருவாக்கம் செய்யப்படவில்லை. அங்கு சைவ கோயில்கள் கட்டப்படவில்லை. பொலனறுவையில் 12 சைவ கோவில்கள் கண்டுபிடிக்கப்பட்டுள்ளன. ஆனால் அவை புதுப்பிக்கப்படவில்லை. அவை தென்னிந்திய “மகாஜான” பௌத்த கலை மரபுக்குரியவை. இலங்கையின் மூத்த தொல்லியல் அறிஞர்களான பேராசிரியர் பரணவிதாரண, நந்தா விஐயசேகர,சேனக பண்டார போன்றவர்கள் வடக்கு, கிழக்கு இலங்கையில் காணப்படும் பௌத்த கட்டட கலை மரபுகள் தென்னிந்தியாவுக்குரியவை என சந்தேகத்திக்கிடமின்றி குறிப்பிட்டுள்ளனர்.

 

பாலி இலக்கியத்தில் கூட குருந்துமலை “குருந்தலூர்” என குறிப்பிடப்பட்டு அது தமிழ் மக்கள் சார்ந்த இடமாக அடையாளப்படுத்தப்பட்டுள்ளதை காணலாம். 1815ல் அரச அதிகாரியான லூயிஸ் அவர்கள் தனது அறிக்கையொன்றில் குருந்தலூரில் இந்து ஆலயங்களின் இடிபாடுகளை நந்தியுடன் கண்டதாக குறிப்பிட்டுள்ளார்.

 

எது எவ்வாறாயினும் மத அடையாளமானது இனத்தின் அடையாளமாகாது. பௌத்தமதத்தின் தோற்றுவாய் இந்து சமயம் தான். இலங்கையில் பௌத்தம் ஆரம்பத்தில் தமிழர்களாலேயே பின்பற்றப்பட்டது என்பதற்கான சான்றாதாரங்கள் நிறையவுண்டு. பின்னர், சிங்கள பௌத்த நிலைப்பாடு காரணமாகவே பின்னர் அதில் மாற்றம் வந்தது. உலகில் பல நாடுகளில் பௌத்தம் பின்பற்றப்படுகிறது. அங்கெல்லாம் மொழியுடன் சேர்த்து பேசப்படுவதில்லை.

 

நாம் எந்த மததத்திற்கும்எதிரானவர்கள் அல்ல. எனது பெயரே அதற்கு சான்று.

தமிழ் மன்னர்களால் பௌத்த கோவில்களுக்கு வழங்கப்பட்ட பொருளுதவிகள் தொடர்பாக பல கல்வெட்டு குறிப்புகள் கண்டெடுக்கப்பட்டுள்ளன.

 

அதேபோல சிங்கள மன்னர்கள் சைவ கோயில்கள் கட்டியுள்ளனர். அவர்கள் மதத்தையும், மொழியையும் ஒன்றாக்கவில்லை.

 

இப்படியான காரணங்களினாலேயே கடந்த கால யுத்தம் ஏற்பட்டது. யுத்தத்தில் நாமும் சம்பந்தப்பட்டோம். ஒன்றுபட்ட இலங்கைக்குள்ளேயே வாழ வேண்டுமென இன்று நாம் நம்புகிறோம். அப்படியான நிலைமையை உருவாக்கினால்தான், இன்றைய விவாதப் பொருளான சுகாதார சேவைகள் நெருக்கடி பற்றிய பிரச்சனைகளை பேசு வேண்டிய தேவையிருக்காது.

இனியாவது அனைத்து தரப்பினரும் ஒன்றுபட்ட வாழ வேண்டும். இதில் நாம் செய்வதற்கு ஒன்றுமில்லை. இந்த நாட்டை ஆளும் தரப்புக்கள், தமிழ் மக்களின் நியாயமான கோரிக்கைகளை ஏற்று, அதை அங்கீகரிக்க வேண்டும்.

Kunalan Karunagaran

 

[nunavilan]

நன்றி சித்தார்த்தன் அவர்களே.  இப்போதும் பொய்யான மகாவம்சத்தை ஆதாரமாக காட்டும் சரத் போன்ற இனவாதிகளை பேச்சால் தான் வெல்ல வேண்டும்.

[nunavilan]

இன அழிப்பின் சிந்தனையே குருந்தூர் மலையின் புத்தபகவான்! 

 

[suvy]

5 hours ago, nunavilan said:

நன்றி சித்தார்த்தன் அவர்களே.  இப்போதும் பொய்யான மகாவம்சத்தை ஆதாரமாக காட்டும் சரத் போன்ற இனவாதிகளை பேச்சால் தான் வெல்ல வேண்டும்.

வீடியோ இணைப்புக்கு நன்றி நுணா ......!   👍

[satan]

இவர்களுக்கு சொல்வதால் ஒரு மாற்றமும் ஏற்படப்போவதில்லை, காரணம் இதொன்றும் அவர்களுக்கு தெரியாததுமில்லை, சர்வதேச உதவும் நாடுகளுக்கும், வரலாறு தெரியாத தென்னிலங்கை மக்களுக்கும் கொண்டு செல்லுங்கள், மாற்றம் ஏற்பட வாய்ப்புண்டு. 

 

 

[தமிழ் சிறி]

சரத் வீரசேகர நாட்டு மக்களைய தவறாக வழிநடத்த முயற்சிக்கிறார் – வீ.கே.சிவஞானம்.

சரத் வீரசேகரவின் கூற்று  நாடாளுமன்றத்தையும் நாட்டு மக்களையும் தவறாக வழிநடாத்தும் உண்மைக்கு புறம்பான ஒன்றாகும் என வட மாகாண சபை அவைத் தலைவர் சீ.வீ.கே.சிவஞானம் தெரிவித்தார்.

அவர் வெளியிட்டுள்ள ஊடக அறிக்கையிலேயே இந்த விடயம் தெரிவிக்கப்பட்டுள்ளது.

அந்த அறிக்கையில், ”கடந்த 21.06.2022 ஆம் திகதி  நாடாளுமன்றத்தில் உரையாற்றும் போது நாடாளுமன்ற உறுப்பினர் சரத் வீரசேகர, “அண்மையில் யாழ்ப்பாணம் நாகவிகாரையில் புத்த பெருமான் சிலையை நிறுவதற்கும் எதிர்ப்பு வெளியிடப்பட்டது.” என்று கூறியதாக ஊடகச் செய்திகள் கூறுகின்றன.

யாழ்ப்பாண நகரத்தின் சிரேஷ்ட குடியிருப்பாளர் என்ற வகையில் மட்டுமன்றி இந்த நகரத்தின் நிர்வாகத்திலும் விவகாரங்களிலும் கடந்த 60 வருடங்களாக

தொடர்புடையவன் என்ற வகையில் இந்தக் கூற்றை வன்மையாகக் கண்டிக்கிறேன். இப்படி எந்த நிகழ்வும் நாகவிகாரையில் நடந்ததாக எவருக்கும் தெரியாது.

இவரின் கூற்று நாடாளுமன்றத்தையும் நாட்டு மக்களையும் தவறாக வழிநடாத்தும் உண்மைக்கு புறம்பான ஒன்றாகும்.

இவரும் இவரைப் போன்றவர்களும் ஒன்றைப் புரிந்து கொள்ள வேண்டும். பல தசாப்தங்களாக நாக விகாரையுடனும் அதன் விகாராதியுடனும் மிகவும் மேம்பட்ட புரிந்துணர்வையும் அன்னியோன்மத்தையும் யாழ்ப்பாண மக்கள் பேணி வந்துள்ளனர்.

நாகவிகாரையின் உள்விவகாரங்களில் எவருமே தலையிட்டதும் கிடையாது. அப்படி இருக்கையில் நாகவிகாரையில் புத்த பெருமானின் சிலையை நிறுவதற்கு யாரும் எதிர்ப்புத் தெரிவிக்கமாட்டார்கள். அப்படியானவர் யாரும் இங்கு இல்லை.

மேலும் தமிழ் மக்கள் பாரம்பரியமாக வாழ்ந்த இந்தியாவின் தமிழ்நாட்டிலும் இலங்கையின் வடபகுதியிலும் தமிழ் பௌத்தர்கள் வாழ்ந்த வரலாறு பற்றி பல அறிஞர்கள் எழுதியுள்ளனர். இங்குள்ள பௌத்த எச்சங்கள் யாவும் தமிழ் பௌத்த எச்சங்களே தவிர சிங்கள பௌத்த எச்சங்கள் அல்ல.

தென்னிலங்கையின் பௌத்த மத உள்வருகையில் யாழ்ப்பாண தமிழ் மக்களின் பங்களிப்பு முக்கியமானது என்பதை யாரும் மறுக்க முடியாது.

அவர்களின் ஆதரவு இல்லாமல் சங்கமித்தவும் அறஹத் மஹிந்த மாதகல் ஊடாக அனுநாதபுரம் சென்று வெள்ளரசு மரத்தை நாட்டி புத்த சமயத்தை பரப்பியிருக்க முடி யாது என்பதும் மறுக்க முடியாத உண்மை.

கால ஓட்டத்தில் சிதைவுற்ற பல சைவ ஆலயங்களின் எச்சங்களை பௌத்த மத எச்சங்கள் என்று புனைந்து பௌத்த விகாரைகளை அமைக்கவும், அந்தந்தப் பகுதியில் பாரம்பரியமாக வாழ்ந்த சைவத் தமிழ் மக்களின் நிலங்களை மதத்தின் பெயரால் அபகரிப்பதும் அடாத்தான செயல்கள். இவற்றை தமிழ் மக்கள் எதிர்த்து குரல் எழுப்பி போராடியே தீருவர் – இவற்றை அச்சுறுத்தல்கள் மூலம் அடக்கி விடலாம் என்பது பகற் கனவு.

தமிழர்கள் கடந்த எழுபது வருட காலத்தில் கே.எம்.பி.ராஜரட்ண, தேமிஸ், என்.கியூ.டயஸ், ஜெயசூரிய, சிறில் மத்திய போன்ற பல இனவாதிகளைக் கண்டவர்கள்.  இப்பொழுதும் சரத் வீரசேகர, உதய கம்மன்பில, விமல் வீரவன்ச போன்ற சிங்கள பௌத்த பேரினவாதிகளையும் அதே நிலைப்பாட்டியே உள்ள ஜனாதிபதி கோட்டபாய ராஜபக்‌ஷவையும் காண்பவர்கள்.

இவர்களுக்கு எவ்வாறு அவர்களது சிங்கள பௌத்த அடையாளம் உணர்வுபூர்வ மானதோ அதேபோல் தமிழ் இந்துக்களுக்கு அவர்களது அடையாளம் உணர்வுபூர்வ மானது. இனத்துவ மற்றும் சமய அடையாளங்களைப் பேணிக் காக்கவே நாம் போராடுகின்றோம் என்பதை சிங்கள பேரினவாதிகள் புரிந்து கொள்ள வேண்டும். எமது போராட்டம் சிங்கள மக்களுக்கோ புத்த மதத்திற்கோ எதிரானது அல்ல – என்றுள்ளது

https://athavannews.com/2022/1288520

[தமிழ் சிறி]

👉  https://www.facebook.com/100011887622942/videos/pcb.1260715901001319/716987792866361 👈

சிங்கள மக்களின் பொறுமைக்கும் எல்லையுண்டு என

பாராளுமன்றத்தில் இனவாதம் பேசியவரை...

சிங்கள மக்களே தெருவில் துரத்தும் காட்சி...

 

முன்னாள் பொதுமக்கள் பாதுகாப்பு அமைச்சர் சரத் வீரசேகரவுக்கு

நடுவிரல் காட்டி, தகாத வார்த்தைகளால் பேசி... விரட்டியடிக்கும் சிங்கள மக்கள்...

 

சுப்ரமணிய பிரபா

[Nathamuni]

6 minutes ago, தமிழ் சிறி said:

👉  https://www.facebook.com/100011887622942/videos/pcb.1260715901001319/716987792866361 👈

சிங்கள மக்களின் பொறுமைக்கும் எல்லையுண்டு என

பாராளுமன்றத்தில் இனவாதம் பேசியவரை...

சிங்கள மக்களே தெருவில் துரத்தும் காட்சி...

 

முன்னாள் பொதுமக்கள் பாதுகாப்பு அமைச்சர் சரத் வீரசேகரவுக்கு

நடுவிரல் காட்டி, தகாத வார்த்தைகளால் பேசி... விரட்டியடிக்கும் சிங்கள மக்கள்...

 

சுப்ரமணிய பிரபா

சிங்கள மக்களின் பொறுமைக்கும் எல்லையுண்டு எண்டு சரியாய் தானே சொல்லி இருக்கிறார். 🤔

பேதி போயிருக்கும்....

😁

Edited June 27, 2022 by Nathamuni

[ரஞ்சித்]

https://twitter.com/fan_of_gpm/status/1541431028237144065?s=20&t=-lsZxmOj-QFIc2cOyKO88A

[தமிழ் சிறி]

7 minutes ago, Nathamuni said:

சிங்கள மக்களின் பொறுமைக்கும் எல்லையுண்டு எண்டு சரியாய் தானே சொல்லி இருக்கிறார். 🤔

பேதி போயிருக்கும்.... 😁

காலி முகத்திடலில்... முள்ளிவாய்க்கால் பேரவல படங்களை வைத்தமைக்கு 
பலத்த கண்டனத்தை தெரிவித்தவரும் இவர்தான். 

அடுத்த நாட்களில்... பாராளுமன்ற உறுப்பினர்களின் வீடுகள் எரிக்கப் பட்ட போது... 
இவர் எப்படியோ தப்பி விட்டார்.  

[satan]

இது ஒரு வெத்து வேட்டு. சிங்கள மக்களின் பொறுமையை சீண்டி விட்டு, பதில் கொடுக்க முடியாமல் அமைதியாய் இருக்கு. இதுக்கு மேலும் வாயைத்திறந்தால் உண்டு, இல்லை. அவ்வளவுதான்! தமிழரருக்கெதிரா வைச்ச நெருப்பு அவர்மேல் பத்திடுச்சு. அரோகரா!