Jump to content

பொருளாதார நெருக்கடிக்குக் காரணமான ஜனாதிபதி பதவி விலக வேண்டிய தருணம் இதுவாகும் - அமெரிக்காவின் பிரபல பொருளியலாளர்


Recommended Posts

  • கருத்துக்கள உறவுகள்

பொருளாதார நெருக்கடிக்குக் காரணமான ஜனாதிபதி பதவி விலக வேண்டிய தருணம் இதுவாகும் - அமெரிக்காவின் பிரபல பொருளியலாளர்

(நா.தனுஜா)

ஜனாதிபதி கோட்டாபய ராஜபக்ஷவின் கொள்கைகளே உணவு, எரிபொருள் உள்ளிட்ட அத்தியாவசியப்பொருட்களுக்கான தட்டுப்பாடு ஏற்படுவதற்குப் பிரதான காரணம் என்று சுட்டிக்காட்டியுள்ள அமெரிக்காவின் பிரபல பொருளியலாளர் ஸ்டீவ் ஹன்க், ஜனாதிபதி பதவி விலகவேண்டியது அவசியம் என்றும் வலியுறுத்தியுள்ளார்.

அமெரிக்காவின் முதலாவது ஆய்வுப்பல்கலைக்கழகமான ஜோன் ஹொப்கின்ஸ் பல்கலைக்கழகத்தின் பொருளியலாளரான ஸ்டீவ் ஹன்க் மிகமோசமடைந்துவரும் இலங்கையின் பொருளாதார நிலைவரம் குறித்து கடந்த சில மாதங்களாக தனது உத்தியோகபூர்வ டுவிட்டர் பக்கத்தில் தொடர்ச்சியாகப் பதிவுகளைச் செய்துவருகின்றார். 

அதன்படி இலங்கையின் பொருளாதார நிலைவரம் தொடர்பில் நேற்றைய தினம் செய்திருக்கும் பதிவிலேயே ஸ்டீவ் ஹன்க் மேற்கண்டவாறு தெரிவித்துள்ளார்.

இலங்கையின் பொருளாதார நிலைவரம் படிப்படியாக மிகமோசமடைந்துவருவதாக அப்பதிவில் சுட்டிக்காட்டியுள்ள அவர், தனது அண்ணளவான மதிப்பீட்டின்படி இலங்கையின் வருடாந்தப் பணவீக்கம் 130.14 சதவீதமாகக் காணப்படுவதாகவும் இது நாட்டின் உத்தியோகபூர்வ வருடாந்தப் பணவீக்கமாகக் காணப்படும் 39.10 சதவீதத்தின் 3 மடங்கை விடவும் உயர்வாகும் என்றும் தெரிவித்துள்ளார்.

அதுமாத்திரமன்றி இவ்வாண்டு ஜனவரி மாதம் முதலாம் திகதியிலிருந்து இலங்கை ரூபாவின் பெறுமதி 50 சதவீதத்தால் வீழ்ச்சிகண்டிருப்பதாகவும் சுட்டிக்காட்டியுள்ளார்.

மேலும் ஜனாதிபதி கோட்டாபய ராஜபக்ஷவின் கொள்கைகளே நாட்டில் உணவு, உரம் மற்றும் எரிபொருள் போன்ற அத்தியாவசியப்பொருட்களுக்குத் தட்டுப்பாடு ஏற்படுவதற்குக் காரணமாக அமைந்திருப்பதாகச் சுட்டிக்காட்டியுள்ள பிரபல பொருளியலாளர் ஸ்டீவ் ஹன்க், தற்போது இலங்கை அதன் கடன்களை மீளச்செலுத்தமுடியாதவாறு முறிவடைந்திருப்பதாகவும் இது ஜனாதிபதி பதவி விலகவேண்டிய தருணமென்றும் தெரிவித்துள்ளார். 

 

https://www.virakesari.lk/article/130069

 

Link to comment
Share on other sites

  • கருத்துக்கள உறவுகள்

 அறுபது லட்ஷம் மக்களால்  தெரிந்தெடுக்கப்பட்டவரை அப்பிடியெல்லாம் சொல்லக்கூடாது!

Link to comment
Share on other sites

  • கருத்துக்கள உறவுகள்
1 minute ago, satan said:

 அறுபது லட்ஷம் மக்களால்  தெரிந்தெடுக்கப்பட்டவரை அப்பிடியெல்லாம் சொல்லக்கூடாது!

சிங்களத்துக்காக, பௌத்தத்திற்காக சிங்கள மக்களால் ஏகோபித்த முறையில் தெரிவு செய்யப்பட்ட தலைவனை போய் பதவி விலகச்சொல்கின்றார்களே?

Link to comment
Share on other sites

  • கருத்துக்கள உறவுகள்

சரத் வீர சேகரவின் காதில் இந்தச் செய்தி இன்னும் விழவில்லை. நாடே கொதித்தெழுந்து சொன்னவரின் உருவபொம்மையை எரிக்கப்போகுது. ஒருகாலம் இருந்தது, இனிமேல் இல்லை! 

Link to comment
Share on other sites

  • கருத்துக்கள உறவுகள்
3 hours ago, கிருபன் said:

ஜனாதிபதி கோட்டாபய ராஜபக்ஷவின் கொள்கைகளே உணவு, எரிபொருள் உள்ளிட்ட அத்தியாவசியப்பொருட்களுக்கான தட்டுப்பாடு ஏற்படுவதற்குப் பிரதான காரணம் என்று சுட்டிக்காட்டியுள்ள அமெரிக்காவின் பிரபல பொருளியலாளர் ஸ்டீவ் ஹன்க், ஜனாதிபதி பதவி விலகவேண்டியது அவசியம் என்றும் வலியுறுத்தியுள்ளார்.

அமெரிக்க, மேற்குலகக் (கொள்கை வகுப்பாளருக்கு)கொள்ளையடிப்பாளருக்கு தமது தேவைக்கேற்றவாறு ஆடும் ஒரு குரங்கொன்று இலங்கையில் தேவைப்படுகிறது. தமிழீழத்தை அழித்து இலங்கையெனும் ஒற்றைச் சந்தையை உருவாக்க, அதனை சீனா கையகப்படுத்தத் துணைபோகும் ராயபக்சர்களை வெளியேற்றிவிட முனையும் ஓநாய்களின் ஓலம். இதில் மக்கள் நலனென்பது சுழியமே.  சனநாயகம் மற்றும் மக்கள் குறித்த நேர்மையான அரசியல் இருந்திருப்பின் புலிகளைத் தடைசெய்து பெரும் இன அழிப்பிற்குத் துணைபோயிரா.

  • Like 1
Link to comment
Share on other sites

  • கருத்துக்கள உறவுகள்

👇கீழே உள்ள இணைப்பின்.. முதல் ஐந்து பந்திகளையும் வாசித்துப் பாருங்கள்.
இலங்கையில்... தனது தவறுக்கு பொறுப்பு ஏற்று பதவி விலகும் எண்ணமே இல்லாமல்.
சம்பந்தப் பட்டவர்கள்... தினமும்,  புது புலுடா விட்டுக் கொண்டு இருக்கிறார்கள்.👇

 

 

Link to comment
Share on other sites

  • கருத்துக்கள உறவுகள்

இது காணாதென்று, ராஜபக்சக்களின் அடுத்த வலதுகை, இவரை கழுத்தைப்பிடித்து வெளியே தள்ளவேண்டும் என்கிறார். வரப்போகும் காலம் கோத்தாவுக்கு நெருக்கடியானதாக இருக்கும். நாட்டை விட்டு தப்பியோடும் காலம் வரும்போல் தெரிகிறது!

Link to comment
Share on other sites



×
×
  • Create New...

Important Information

By using this site, you agree to our Terms of Use.