சர்ச்சையில் சிக்கிய ஜனாதிபதிகள் மன்னிப்பு

[Nathamuni]

கோத்தா பதவிக்கு வந்தபின்னர், தூக்குத்தண்டனைக்கு காத்திருந்த பலர் ஜனாதிபதி மன்னிப்பினை பெற்று தூக்கில் இருந்து தப்பியது மட்டுமல்ல, சிறைக்கு வெளியேயும் வந்தனர்.

7 வயது சிறுமி உள்பட 8 பேரை கழுத்தினை ஆடு அறுப்பது போல சீவி கொலை செய்த, சார்ஜெண்ட் ரத்னாயக்கா வெளியே வந்து, தனது 9 வயது மகளை மடியில் வைத்து கொஞ்சிக் கொண்டிருந்தார்.

அதுபோல வெளியே வந்த இன்னும் ஒருவரான துமிந்த சில்வா, அமைதியாக போக விடாமல், தனது மமதையினை காட்டும் கோத்தாவின் முட்டாள் தனத்தினால், வீடமைப்பு அதிகார சபையின் தலைவராக நியமிக்கப்பட்டார்.

நீதித்துறைக்கு, நடுவிரல், தூக்கி காட்டும் ஒரு அபத்தமாகவே தெரிந்தது அந்த நியமனம். மேலும், அரசசேவையில் உள்ள பலருக்கும் அது ஒரு கரப்பான் பூச்சி, படுக்கை அறைக்குள் நுழைந்தது போன்ற ஒரு உணர்வையும் கொடுத்திருந்தது.

இந்நிலையில், மரண தண்டனை பெற்று, சிறையில் இருந்தவாறே எம்பியாக ஜெயித்திருந்த, இன்னும் ஒருவரோ, மேன்முறையீடு செய்த போது, சட்ட மா அதிபர் அலுவலகம், வழக்கினை வேண்டுமென்றே சொதப்ப, அவரும் நீதி மன்றால் விடுவிக்கப்பட்டார்.

துமிந்த மன்னிப்பு, தொடர்பில், கோத்தா முறையான வழிமுறைகளை பின்பற்றி இருக்க வில்லை என்ற ரீதியில் உச்ச நீதிமன்றில் தொடரப்பட்ட வழக்கில், அவரது மன்னிப்பு ரத்து செய்யப்பட்டு, அவர் மீண்டும் சிறை சென்றுள்ளார். இலங்கையில் வழக்கம் போன்றே, சிறை செல்லும் நிலை வந்தால், அரசியல் வாதிகளுக்கு, திடீர் சுகயீனம் வந்துவிடும். அவ்வகையில், துமிந்த, ஸ்ரீ ஜெயவர்தனபுர ஆஸ்பத்திரியில் படுத்து விட்டார்.

இதனிடையே, மைத்திரி வழங்கிய இரு மன்னிப்பு தொடர்பில் இப்போது சர்ச்சை எழுந்துள்ளது. ஒன்று ஞான சார தேரர்.

அடுத்தவர், ஒரு பெரும் பணக்கார குடும்ப வாரிசு. இவர் சிறையில் இருக்கும் போதே, உயர் கல்வி படித்து, மாஸ்டர் டிகிரி எடுத்து இருந்தார். தனது பெண் நண்பியை மாடியில் இருந்து தள்ளி விழுத்தி, கொலைக்கு காரணமாக இருந்தார் என்று மரண தண்டனை விதிக்கப்பட்டவர்.

இவரது மன்னிப்பு தொடர்பில், தம்மை வந்து எம்பி இரத்தின தேரர் சந்தித்தார் என்றும், முதலில் அதனை பொருட்படுத்தவில்லை என்றாலும், பின்னர் அவரது தாய், தந்தையுடன் வந்து சந்தித்த போதே, தான் அது குறித்து, கவனிக்க முடிவு செய்ததாகவும் மைத்திரி சொல்கிறார்.

அதே மைத்திரி, இரத்தின தேரர், பல கோடிக்கணக்கான பணத்தினை, அந்த தாய், தந்தையிடம் வாங்கித்தான் தன்னிடம் அழைத்து வந்தார் என்று, இப்பொது தெரிந்து கொண்டுள்ளதாக, டிவி நிகழ்வு ஒன்றில் கூறி உள்ளார்.

ஆனால்,  இரத்தின தேரர் சும்மா இருப்பாரோ? தாய், தந்தையினரை சந்தித்த பின்னர் தான் அவர்கள், மைத்திரியின் தூரத்து உறவினர் என்பதை, மைத்திரி தெரிந்து கொண்டார் என்றும் அதனாலேயே, அவர் மன்னிக்கும் முடிவை எடுத்திருப்பார் என்று தான் நம்புவதாகவும் சொல்லி விட்டார்.

ஆக... காசுக்கு.... மன்னிப்பு விலைப்பட்டிருக்கிறது என்பது நியம் தான். துமிந்த ஒரு தூள் வியாபாரி. அந்த வகையில், கோத்தாவுக்கு பல பண உதவிகளை, ஆரம்பத்தில் செய்திருந்ததால், ஆரம்பத்தில், அவர் மேலே நடவடிக்கை இருக்கவில்லை. ஹிருணிக்காவின் அயராத, உயிருக்கு பயம் இருந்த நிலையில் செய்த முயல்வுகளால் அவருக்கு தண்டனை கிடைத்த பின்னர், கோத்தர் ஜனாதிபதி ஆகி மன்னிப்பு வழங்கி இருந்தார்.

ஆனாலும், தண்டனை விதித்த நீதிபதியின் கருத்து, சிறைத்துறையின் கருத்து கேட்டு தான் மன்னிப்பு கொடுக்க வேண்டும் என்பது சட்டம். அட, ஒரு போன் கோலில் அது ஒழுங்கா வந்திருக்கும். அதெல்லாம் தேவையில்லை என்று, கோத்தா மமதையில் நினைத்தது, இன்று ஆப்பாக வந்துள்ளது.

இன்று உள்ள நாட்டு நிலையில், கோத்தா மீண்டும் அதில் கவனம் செலுத்தும் நிலை இல்லை என்பதால், வீடமைப்பு அதிகார சபை தலைவர்.... இனி உள்ள தான்.

source: colombotelegraph

Edited June 27, 2022 by Nathamuni
மேலதிக இணைப்பு

[suvy]

இணைப்புக்கு நன்றி நாதம்ஸ்.......கோத்தா இருக்கும்வரை அவர்கள் உல்லாச வாழ்க்கைதான் வாழ்வார்கள்.......!  🤔

[குமாரசாமி]

 சிறிலங்காவில் எத்தனை உயிர்களை கழுத்தறுக்கின்றார்களோ அவ்வளவிற்கு புனிதர்களாகவும் வீரர்களாகவும் புகழப்படுவார்கள்.

நன்றி நாதம்.