Jump to content

இந்திய குடியுரிமையை கைவிட்ட சுமார் ஒரு லட்சம் பேர் - என்ன காரணம்?


Recommended Posts

  • கருத்துக்கள உறவுகள்

இந்திய குடியுரிமையை கைவிட்ட சுமார் ஒரு லட்சம் பேர் - என்ன காரணம்?

  • சுபம் கிஷோர்
  • பிபிசி செய்தியாளர்
26 ஜூலை 2022, 01:51 GMT
 

இந்திய குடியுரிமை

பட மூலாதாரம்,GETTY IMAGES

2021 ஆம் ஆண்டில், ஒரு லட்சத்து 63 ஆயிரத்து 370 பேர் இந்திய குடியுரிமையை கைவிட்டுள்ளதாக உள்துறை அமைச்சகம் தெரிவிக்கிறது. இவர்கள் "சொந்த காரணங்களுக்காக" குடியுரிமையை கைவிட முடிவு செய்துள்ளதாக நாடாளுமன்றத்தில் தாக்கல் செய்யப்பட்ட ஆவணத்தில் குறிப்பிடப்பட்டுள்ளது.

அதிகபட்சமாக 78,284 பேர் அமெரிக்க குடியுரிமைக்காக இந்திய குடியுரிமையை விட்டுள்ளனர். 23,533 பேர் ஆஸ்திரேலிய குடியுரிமையும், 21,597 பேர் கனடாவின் குடியுரிமையும் பெற்றுள்ளனர்.

சீனாவில் வசிக்கும் 300 பேர் அந்த நாட்டின் குடியுரிமையையும், 41 பேர் பாகிஸ்தான் குடியுரிமையையும் பெற்றுள்ளனர். 2020 ஆம் ஆண்டில் குடியுரிமையை கைவிட்டவர்களின் எண்ணிக்கை 85,256 ஆகவும், 2019 ஆம் ஆண்டில், 144,017 ஆகவும் உள்ளது.

2015 மற்றும் 2020 க்கு இடையில் எட்டு லட்சத்திற்கும் அதிகமானோர் குடியுரிமையை கைவிட்டனர். 2020 ஆம் ஆண்டில் இந்தப்போக்கில் குறைவு ஏற்பட்டது. ஆனால் இதற்குப் பின்னால் உள்ள காரணம் கொரோனா என்று நம்பப்படுகிறது.

 

"இந்த முறை எண்ணிக்கை அதிகரித்ததற்குக் காரணம், கடந்த ஆண்டு கொரோனா காரணமாக பணிகள் முடங்கியதால் குடியுரிமை பெற முடியாத சிலருக்கு இந்த ஆண்டு குடியுரிமை கிடைத்துள்ளது,"என்று வெளிநாட்டு விவகார நிபுணர் ஹர்ஷ் பந்த் பிபிசியிடம் தெரிவித்தார்.

இந்தியர்கள் ஏன் குடியுரிமையை கைவிடுகிறார்கள்? நாட்டிற்கு வெளியே வாழும் குடியுரிமையை கைவிட்டவர்கள், கைவிட விரும்புபவர்கள் மற்றும் நிபுணர்களிடம் இந்தப் போக்கு குறித்து பிபிசி பேசியது.

வெளிநாட்டில் வாழ்வதால் பல நன்மைகள்

தனது குடியுரிமை கைவிடப்படுவது அல்லது 'ப்ரெயின் ட்ரெயினை' கட்டுப்படுத்த இந்தியா விரும்பினால், அது பல நடவடிக்கைகளை எடுக்க வேண்டியிருக்கும் என்று அமெரிக்காவில் வசிக்கும் பாவ்னா (பெயர் மாற்றப்பட்டுள்ளது) கூறுகிறார். புதிய வாய்ப்புகள், மேம்பட்ட வசதிகள் மற்றும் இரட்டை குடியுரிமை போன்றவற்றை இந்தியா கருத்தில் கொள்வது அவசியம் என்கிறார் அவர்.

 

இந்திய குடியுரிமை

பாவனா கடந்த 2003-ம் ஆண்டு வேலை தொடர்பாக அமெரிக்கா சென்றிருந்தார். அவருக்கு அங்கு பிடித்துப்போனதால் அங்கேயே குடியேற முடிவு செய்தார். அவரது மகள் அங்குதான் பிறந்தார். பின்னர் அவர் கிரீன் கார்டுக்கு விண்ணப்பித்தார். சில ஆண்டுகளுக்கு முன்பு அவர் அமெரிக்க குடியுரிமையைப் பெற்றார்.

"இங்கு வாழ்க்கை மிகவும் எளிதாக உள்ளது. வாழ்க்கைத் தரம் மிகவும் நன்றாக உள்ளது. குழந்தைகள் நன்றாக படிக்கிறார்கள். அவர்களுக்கு இந்தியாவை விட சிறந்த வாய்ப்புகள் இங்கு கிடைக்கும்."என்று பாவ்னா குறிப்பிட்டார்.

"மேலும், பணிச்சூழல் மிகவும் நன்றாக உள்ளது. நீங்கள் செய்யும் வேலையின் அளவிற்கு ஏற்ப உங்களுக்கு நல்ல சம்பளம் கிடைக்கும்."

பணியிட சூழல்

கனடாவில் வசிக்கும் 25 வயதான அபினவ் ஆனந்த், இதே கருத்தைக் கொண்டுள்ளார். அங்கு படிப்பை முடித்த அவர் கடந்த ஓராண்டாக வேலை பார்த்து வருகிறார். அவர் இன்னும் இந்திய பாஸ்போர்ட்டைத்தான் பயன்படுத்துகிறார். ஆனால் இந்திய குடியுரிமையை கைவிடத்தயாராக உள்ளார்.

நல்ல பணிச்சூழல் இதற்கு ஒரு காரணம் என்று அவர் கூறுகிறார். எனவே அவர் இந்தியாவுக்குத் திரும்பிவர விரும்பவில்லை.

 

வெளிநாடு வாழ் இந்தியர்கள்

பட மூலாதாரம்,PATRICK T. FALLON/AFP VIA GETTY IMAGES)

"வேலை நேரம் இங்கே நிர்ணயிக்கப்பட்டுள்ளது. பணியிடத்தில் விதிகள் மற்றும் சட்டங்கள் பின்பற்றப்படுகின்றன. நீங்கள் செய்யும் வேலைக்கு ஏற்ப உங்களுக்கு ஊதியம் கிடைக்கும். இந்தியாவில் விதிகள் அவ்வளவு சரியாகப் பின்பற்றப்படுவதில்லை. அதனால் நான் வேலைக்காக அங்கு செல்ல விரும்பவில்லை. வேறு ஒரு நாட்டில் இருந்துகொண்டு வேலை செய்யவேண்டும் என்றால் அந்த நாட்டின் குடியுரிமையைப்பெறுவதில் என்ன தவறு," என்று அபினவ் வினவுகிறார்.

நல்ல வேலை, அதிக பணம் மற்றும் சிறந்த வாழ்க்கையைத் தேடி பெரும்பாலான மக்கள் நாட்டை விட்டு வெளியேறுகிறார்கள் என்று ஹர்ஷ் பந்த் கூறுகிறார்.

"பெரிய நாடுகளில் சிறந்த வசதிகள் உள்ளன. ஆனால் பலர் சிறிய நாடுகளுக்கும் செல்கின்றனர். பல சிறிய நாடுகள் வர்த்தகத்திற்காக சிறந்த வசதிகளை வழங்குகின்றன. பலரின் குடும்பங்களும் அத்தகைய நாடுகளில் குடியேறியுள்ளன,"என்று அவர் மேலும் தெரிவித்தார்.

உணர்ச்சிபூர்வ நெருக்கம், நன்மைகள் குறைவு

மூத்த பத்திரிகையாளர் ஹரேந்திர மிஷ்ரா கடந்த 22 ஆண்டுகளாக இஸ்ரேலில் வசித்து வருகிறார். இந்தியாவுடன் உணர்ச்சிபூர்வ நெருக்கம் இருப்பதால் இந்தியாவின் குடியுரிமையை விட்டுக்கொடுக்க முடியாது என்கிறார் அவர். அவரது மனைவி இஸ்ரேலைச் சேர்ந்தவர். அவரது குழந்தைகள் அங்கு பிறந்து அந்த நாட்டின் குடியுரிமை பெற்றுள்ளனர்.

 

இரட்டை குடியுரிமை

பட மூலாதாரம்,STEFANI REYNOLDS/AFP VIA GETTY IMAGES

ஆனால் இந்திய பாஸ்போர்ட் காரணமாக தனக்கு நிறைய பிரச்னைகள் இருப்பதாக கூறுகிறார். பெரும்பாலான நாடுகளுக்கு செல்ல தான் விசா பெற வேண்டியுள்ளதாக அவர் கூறுகிறார்.

ஓர் உதாரணத்தை சுட்டிக்காட்டும் அவர், "எனக்கு லண்டன் செல்ல விசா வேண்டும். ஆனால் உங்களிடம் இஸ்ரேலிய பாஸ்போர்ட் இருந்தால், விசா இல்லாமல் நீங்கள் அங்கு செல்லலாம். எனவே விசாவிற்கு விண்ணப்பிக்க இங்கே அலுவலகம் இல்லை" என்று கூறுகிறார்." விசா முத்திரையைப் பெற இஸ்தான்புல்லுக்குச் செல்லவேண்டும்.அங்கு செல்வதற்கான செலவும் அதிகமாக இருக்கும். இது போன்ற விஷயங்கள் சிரமத்தை அளிக்கின்றன," என்கிறார் ஹரேந்திர மிஷ்ரா.

"நான் இந்தியாவுடன் உணர்ச்சிபூர்வமாக மிகவும் இணைந்திருக்கிறேன். ஆகவே நான் குடியுரிமையை விட்டுவிட விரும்பவில்லை. ஆனால் அதைத் தவிர என்னை பொறுத்தவரை எந்த நன்மையும் இல்லை." என்று அவர் குறிப்பிட்டார்.

இந்திய பாஸ்போர்ட்டுடன் இப்போது விசா இல்லாமல் 60 நாடுகளுக்குச்செல்லலாம். மற்ற நாடுகளுடன் ஒப்பிடுகையில் இது மிகவும் குறைவு. பாஸ்போர்ட் தரவரிசையில், 199 நாடுகள் பட்டியலில் இந்தியா தற்போது 87வது இடத்தில் உள்ளது.

இரட்டை குடியுரிமை தேவையா?

இரட்டை குடியுரிமை வழங்குவதை இந்தியா கொண்டுவந்தால், குடியுரிமையை கைவிடுபவர்கள் என்ணிக்கை குறையும் என்கிறார் ஹரேந்திர மிஷ்ரா.

தான் வேறு நாட்டின் குடியுரிமை பெற முயற்சிப்பதாகவும், ஆனால் வேறு வழி இல்லாமல்தான் இந்த நடவடிக்கையை மேற்கொள்வதாகவும் அபினவ் ஆனந்த், கூறுகிறார்.

"நான் பிறந்த நாட்டின் குடியுரிமை எனக்கு எப்போதும் இருக்க வேண்டும். ஆனால் இந்தியா இரட்டைக் குடியுரிமையை அனுமதிப்பதில்லை. எனவே குடியுரிமையை கைவிடுவதைத் தவிர எனக்கு வேறு வழியில்லை. இரட்டை குடியுரிமை பெறமுடியாததால், இந்திய குடியுரிமையை கைவிட்ட பலரை எனக்குத் தெரியும்,"என்கிறார் அவர்.

பாவனா தற்போது தனது இந்திய குடியுரிமையை கைவிட்டுவிட்டார். அவரிடம் OCI கார்டு உள்ளது . ஆனால் இரட்டை குடியுரிமை இருந்திருந்தால் நன்றாக இருந்திருக்கும் என்கிறார் அவர்.

 

OCI card

பட மூலாதாரம்,PTI

OIC கார்டு என்றால் என்ன?

இந்தியா இரட்டைக் குடியுரிமை வழங்குவது இல்லை. அதாவது நீங்கள் வேறு ஒரு நாட்டின் குடியுரிமை பெறவிரும்பினால் இந்திய குடியுரிமையை கைவிட வேண்டும்.

OCI கார்டு என்பது வெளிநாட்டில் குடியேறி அங்கு குடியுரிமை பெற்ற இந்தியர்களுக்கான சிறப்பு வசதியின் பெயர். OCI என்பது ஓவர்சீஸ் சிட்டிசன் ஆஃப் இந்தியா( இந்தியாவின் வெளிநாட்டு குடிமகன்).

உலகின் பல நாடுகளில் இரட்டைக் குடியுரிமை வசதி உள்ளது. ஆனால் இந்திய குடியுரிமைச் சட்டத்தின்படி, ஒருவர் வேறொரு நாட்டின் குடியுரிமையைப் பெற்றால், அவர் தனது இந்திய குடியுரிமையை விட்டுக்கொடுக்க வேண்டும். அமெரிக்கா, பிரிட்டன் அல்லது கனடா போன்ற நாடுகளின் குடியுரிமை பெற்றுள்ள இத்தகையவர்களின் எண்ணிக்கை லட்சக்கணக்கில் உள்ளது. ஆனால் இந்தியாவுடனான அவர்களின் தொடர்பு இப்போதும் உள்ளது.

இந்திய குடியுரிமையை கைவிட்ட பிறகு இவர்கள் இந்தியாவுக்கு வர விசா பெற வேண்டியுள்ளது. அப்படிப்பட்டவர்களின் வசதியைக் கருத்தில் கொண்டு, 2003-ல் இந்திய அரசு PIO அட்டையை வழங்கியது.

PIO என்றால், இந்திய வம்சாவளி நபர். இந்த அட்டை பாஸ்போர்ட் போல பத்து ஆண்டுகளுக்கு வழங்கப்படுகிறது.

இதற்குப் பிறகு 2006 இல் ஹைதராபாத்தில் நடந்த வெளிநாடு வாழ் இந்தியர் மாநாட்டில் ஓசிஐ கார்டு வழங்குவதாக இந்திய அரசு அறிவித்தது

நீண்ட காலமாக PIO மற்றும் OCI கார்டுகள் இரண்டுமே புழக்கத்தில் இருந்தன. ஆனால் 2015 இல் PIO வழங்குவதை ரத்து செய்து, OCI கார்டை தொடர்வதாக அரசு அறிவித்தது.

OCI இந்தியாவில் வாழ்வதற்கும், வேலை செய்வதற்கும் மற்றும் எல்லா வகையான பொருளாதார பரிவர்த்தனைகளை செய்வதற்கும் அனுமதிக்கிறது, மேலும் OCI வைத்திருப்பவர் எப்போது வேண்டுமானாலும் விசா இல்லாமல் இந்தியாவிற்கு வரலாம். OCI அட்டை வாழ்நாள் முழுவதும் செல்லுபடியாகும்.

OCI கார்டு வைத்திருப்பவர்களுக்கு இந்திய குடிமக்களைப் போலவே எல்லா உரிமைகளும் உள்ளன என்றும் ஆனால் அவர்களால் நான்கு விஷயங்களைச் செய்ய முடியாது என்றும் இந்திய உள்துறை அமைச்சகத்தின் இணையதளம் கூறுகிறது. அந்த நான்கு விஷயங்கள்

  • தேர்தலில் போட்டியிட முடியாது
  • வாக்களிக்க முடியாது
  • அரசு வேலை அல்லது அரசியலமைப்பு பதவியை வகிக்க முடியாது
  • விவசாய நிலத்தை வாங்க முடியாது.

வரும் ஆண்டுகளில் எண்ணிக்கை அதிகரிக்குமா?

தற்போதைய பொருளாதார நிலையைப் பார்க்கும்போது, வரும் சில ஆண்டுகளில் இந்த எண்ணிக்கை குறையலாம் என்கிறார் பந்த்.

மற்ற நாடுகளின் நிலையை விட இந்தியாவின் பொருளாதார நிலை சிறப்பாக உள்ளது. இப்போது இங்கு அதிக வாய்ப்புகள் வரும். அதனால் மக்கள் இந்தியாவில் வாழ விரும்புவார்கள். ஆனால், அமெரிக்காவில் கிரீன் கார்டுக்கு விண்ணப்பித்தவர்கள் அங்கு குடியுரிமை பெறுவதில் இருந்து பின்வாங்கமாட்டார்கள்," என்கிறார் அவர்.

https://www.bbc.com/tamil/india-62297251

Link to comment
Share on other sites

  • 2 weeks later...
On 26/7/2022 at 09:05, ஏராளன் said:

இரட்டை குடியுரிமை வழங்குவதை இந்தியா கொண்டுவந்தால், குடியுரிமையை கைவிடுபவர்கள் என்ணிக்கை குறையும் என்கிறார் ஹரேந்திர மிஷ்ரா.

ஒரு பில்லியனுக்கு மேல் மக்கள் உள்ளதால் யார் போனாலும் இன்னொருவரால் நிரப்ப முடியும் என இந்தியா நினைப்பதாக இந்தியர் ஒருவர் கூறினார்.
அத்தோடு இந்திய கடவுச்சீட்டை திருப்பி  கொடுக்கும் போது(கைவிடும் போது)  குறிப்பிட்ட அளவு பணம் கொடுக்க  வேண்டும் என்பதை தன்னால் ஏற்றுக்கொள்ள முடியவில்லை என்றும் கூறினார்.
சொத்துக்கள் உள்ளவர்கள் இரட்டை குடியுரிமையை அதிகம் விரும்புகிறார்கள்.

Link to comment
Share on other sites

  • கருத்துக்கள உறவுகள்

ரெண்டு இடத்தில் தொடுப்பு வைத்துக்கொள்வதை அனுமதிக்கக் கூடாது. 🤓

இவர்களுக்கு வெளிநாட்டு சகல வசதிகளும் வேணும், அதே நேரம் பிறந்த நாட்டில் சகல உரிமைகளும் வேணுமென்டால், இந்தியாவில் இருப்பதை பகிர்ந்துகொண்டு வாழ்பவர்கள் எல்லாம் பேயன்களா? 😡

'போனமா.. செல்வத்தை.. கல்வியை ஈட்டினோமா.. திரும்பி வந்தோமா..' என இருக்கோணும், அப்படி வாழ விருப்பமில்லை என்றால், வாய்ப்பிருந்தால் வசதிகளை தேடிப்போன இடத்திலேயே எஞ்சிய வாழ்க்கையையும் வாழ்ந்து கொள்ளுங்கள், யாரும் குறை சொல்லப்போவதில்லை, ஏனெனில் இங்கே திறமையான மனிதவளம் மிக அதிகம், பிறந்த பூமிக்கும் அவர்களின் சேவை தேவையுமில்லை.🤩

  • Like 2
Link to comment
Share on other sites

  • கருத்துக்கள உறவுகள்
2 hours ago, ராசவன்னியன் said:

ரெண்டு இடத்தில் தொடுப்பு வைத்துக்கொள்வதை அனுமதிக்கக் கூடாது. 🤓

இவர்களுக்கு வெளிநாட்டு சகல வசதிகளும் வேணும், அதே நேரம் பிறந்த நாட்டில் சகல உரிமைகளும் வேணுமென்டால், இந்தியாவில் இருப்பதை பகிர்ந்துகொண்டு வாழ்பவர்கள் எல்லாம் பேயன்களா? 😡

'போனமா.. செல்வத்தை.. கல்வியை ஈட்டினோமா.. திரும்பி வந்தோமா..' என இருக்கோணும், அப்படி வாழ விருப்பமில்லை என்றால், வாய்ப்பிருந்தால் வசதிகளை தேடிப்போன இடத்திலேயே எஞ்சிய வாழ்க்கையையும் வாழ்ந்து கொள்ளுங்கள், யாரும் குறை சொல்லப்போவதில்லை, ஏனெனில் இங்கே திறமையான மனிதவளம் மிக அதிகம், பிறந்த பூமிக்கும் அவர்களின் சேவை தேவையுமில்லை.🤩

நல்ல கருத்து.  👍

Link to comment
Share on other sites

2 hours ago, ராசவன்னியன் said:

ரெண்டு இடத்தில் தொடுப்பு வைத்துக்கொள்வதை அனுமதிக்கக் கூடாது. 🤓

இவர்களுக்கு வெளிநாட்டு சகல வசதிகளும் வேணும், அதே நேரம் பிறந்த நாட்டில் சகல உரிமைகளும் வேணுமென்டால், இந்தியாவில் இருப்பதை பகிர்ந்துகொண்டு வாழ்பவர்கள் எல்லாம் பேயன்களா? 😡

'போனமா.. செல்வத்தை.. கல்வியை ஈட்டினோமா.. திரும்பி வந்தோமா..' என இருக்கோணும், அப்படி வாழ விருப்பமில்லை என்றால், வாய்ப்பிருந்தால் வசதிகளை தேடிப்போன இடத்திலேயே எஞ்சிய வாழ்க்கையையும் வாழ்ந்து கொள்ளுங்கள், யாரும் குறை சொல்லப்போவதில்லை, ஏனெனில் இங்கே திறமையான மனிதவளம் மிக அதிகம், பிறந்த பூமிக்கும் அவர்களின் சேவை தேவையுமில்லை.🤩

குறிப்பாக குஜராத்திகள் கூழுக்கும் ஆசை மீசைக்கும் ஆசைப்பட்டவர்கள். இந்தியாவில் உள்ள சொத்தை விடுவதில் அவர்களுக்கு பெரிய கவலை.

Link to comment
Share on other sites

  • கருத்துக்கள உறவுகள்

அப்படி ஒரு விடையமும் இல்லை

வெளிநாட்டு வாழ்கயை வாழ்ந்தவர்கள் ஒரு விடையத்தைப் பழகியிருப்பார்கள் அதாவது தங்களுக்குத் தேவையான அர்ச அலுவலகத்திலோ அன்றேன் உள்ளூராட்சி அலுவலகத்திலோ ஒரு விடையத்தை அல்லது அனுமதி தொடர்பாகவோ செய்து முடிக்கவேண்டுமாகில் அவர்கள் வதியும் நாடுகளில் சட்டப்படி என்ன செய்யவேண்டுமோ அவற்றை நாங்களே செய்து முடிக்கலாம் மேலதிகாரிகளுக்கு முன்னால் கூழைக்கும்பிடுபோட்டுக் கைகட்டி வாய்பொத்தி அல்லது தரகர்களிடம் போய் நிற்கவேண்டியதில்லை (அதாவது சட்டவிரோதமான) வெளிநாடுகளில் அனைத்து நடைமுறைகளும் இலகுபடுத்தப்பட்டுள்ளது 

ஆனால் இந்தியாவில் ஒருத்தரைத் தூகூகி உள்ள போடவேண்டுமாகில் ஏதாவது ஒரு கஞ்சா கேசையோ அல்லது பூட்டு ஆட்டல் சட்டத்தையோ பயன்படுத்தி அல்லது போலியான சாட்சியங்களைப் பயன்படுத்தி உள்ளே போட முடியும் 

ஒரு வீடு கட்ட வேண்டுமெனில் மணலோ ஜல்லியோ காணியில் கொண்டாந்து கொட்டினால் வட்டச்செயலாளர் வந்து வீட்டின் முன்னால் நிற்பார் கவுன்சிலர் வேறு வந்து நிற்பார் அனுமதி எடுத்தீர்களா அப்படியென்றால் மாநகரக் கமிசனரைக் கவனிக்க வேண்டும் கவுன்சிலரைக் கவனிக்கவேண்டும் இஞினியரை கவனிக்கவேண்டும் ஒரு பிரச்சனையும் இல்லை எல்லாத்துக்கும் சேர்த்து எனக்கு ஒரு தொகையை வெட்டுங்கோ நான் பார்த்துக்கொள்கிறேன் என்பேர் அதுக்குப்பிறகு இன்னுமொரு கட்சிக்காரர் வருவார். 

ஏன் சென்னை வெள்ளத்தின்போது கருத்துச்சொன்ன கமல்காசனின் வீட்டுத்தெருவின் சாக்கடையை அடைக்கப்பண்ணி தெருவையே நாறடித்தவர்கள்தானே எங்கள் ரத்தத்தின் ரத்தங்கள்

இப்படியான தொந்தரவுகள் இல்லாது பழகிப்போனால் திரும்பவும் இந்தியாவுக்கு வர எவருக்கும் மனம் வராது. தவிர பாடசாலைகளில் பிள்ளைகளின்மேல் கொடுக்கப்படும் சுமை சொல்லிமாளாது. இவைகளைத் தவிர்க்கவே ஒரு சாதாரண இந்தியன் முயல்கிறான்.

உதாரணத்துக்கு

உடுவில் பிரதேச செயலகத்தில் எனது வீட்டுக்கு மின் இணைப்பு தொடர்பாக பிரதேச செயலரிடம் ஒரு கையெழுத்து வாங்கப்போயிருந்தேன் அப்போது பிரதேச செயலர் அலுவலகத்தில் இல்லை இங்கு உள்ளவர்கள் சொன்னார்கள் பிரதம எழுத்தாளர் இருக்கிறார் அவரிடம் போய் கதையுங்கோ விசயத்தைச் சொல்லி விண்ணப்பத்தைக் கொடுத்தால் அவர் கையெளுத்து வாங்கி வைப்பர் என. அங்கு போனால் ஒரு நடுத்தர வயது கடந்த அம்மையார் இருந்த்தார் நான் விசையத்தை விளக்கமாகச் சொன்னேன் 

அதாவது எனது வீட்டுக்கு மின்சாரம் வர இரண்டு போஸ்ற் நடவேண்டும் அனால் ஒரு போஸ்ருடன் விசையத்தை முடிக்கிறதெண்டால் பக்கத்துவீட்டுக்காரரின் கணிக்குள்ளால வயர் வருகுது நான் அவர்களிடம் ஒப்புதல் கடிதம் வாங்கிப்போட்டன் நீங்கள் ஒருக்கால் கையெளுத்தை வாங்கித்தாங்கோ என 

அவர் சொன்னார் இது சரிவராது ஏன் என்றால் தற்காலிகமாக அனுமதிக்கிறேன் எனப் போட்டிருக்கு  நிரந்தரமாக அனுமதி எனக்கடிதம் தாங்கோ என நான் சொன்னேன் மின்சார சபையிடம் இப்ப ஒரு போஸ் போடக்கூடைய வளம்தான் இருக்கு இரண்டு போஸ்ருக்கு நீண்ட நாள் காவல் இருக்கவேண்டும் நான் வெளிநாட்டிலை இருந்து ஒருமாத லீவில வந்திருக்கிறன் பக்கத்துவீட்டுக்காரன் வயரைக் களட்டச்சொன்னால் நான் களட்டுறன் அதுவரைக்கும் அனுமதி தாங்கோ என

அதுக்கு அந்த அம்மா சொன்னா நீங்கள் கனக்கக் கதைக்கிறியள் உங்களுக்கு அனுமதி தரமுடியாது என. இப்ப தெரியுதா வளர்ச்சி அடைந்த நாடுகளது நிர்வாகத்துக்கும் இலங்கை இந்தியா போன்ற நாடுகளது நிர்வாகத்துக்கும் உள்ள வேறுபாட்டையும் இலகுவான நடைமுறையையும்.

  • Thanks 1
Link to comment
Share on other sites

  • கருத்துக்கள உறவுகள்
7 hours ago, ராசவன்னியன் said:

ரெண்டு இடத்தில் தொடுப்பு வைத்துக்கொள்வதை அனுமதிக்கக் கூடாது. 🤓

இவர்களுக்கு வெளிநாட்டு சகல வசதிகளும் வேணும், அதே நேரம் பிறந்த நாட்டில் சகல உரிமைகளும் வேணுமென்டால், இந்தியாவில் இருப்பதை பகிர்ந்துகொண்டு வாழ்பவர்கள் எல்லாம் பேயன்களா? 😡

'போனமா.. செல்வத்தை.. கல்வியை ஈட்டினோமா.. திரும்பி வந்தோமா..' என இருக்கோணும், அப்படி வாழ விருப்பமில்லை என்றால், வாய்ப்பிருந்தால் வசதிகளை தேடிப்போன இடத்திலேயே எஞ்சிய வாழ்க்கையையும் வாழ்ந்து கொள்ளுங்கள், யாரும் குறை சொல்லப்போவதில்லை, ஏனெனில் இங்கே திறமையான மனிதவளம் மிக அதிகம், பிறந்த பூமிக்கும் அவர்களின் சேவை தேவையுமில்லை.🤩

நல்லதொரு கருத்து எல்லா நாட்டவருக்கும் தான்.

Link to comment
Share on other sites

  • கருத்துக்கள உறவுகள்
8 hours ago, ராசவன்னியன் said:

ரெண்டு இடத்தில் தொடுப்பு வைத்துக்கொள்வதை அனுமதிக்கக் கூடாது. 🤓

இவர்களுக்கு வெளிநாட்டு சகல வசதிகளும் வேணும், அதே நேரம் பிறந்த நாட்டில் சகல உரிமைகளும் வேணுமென்டால், இந்தியாவில் இருப்பதை பகிர்ந்துகொண்டு வாழ்பவர்கள் எல்லாம் பேயன்களா? 😡

'போனமா.. செல்வத்தை.. கல்வியை ஈட்டினோமா.. திரும்பி வந்தோமா..' என இருக்கோணும், அப்படி வாழ விருப்பமில்லை என்றால், வாய்ப்பிருந்தால் வசதிகளை தேடிப்போன இடத்திலேயே எஞ்சிய வாழ்க்கையையும் வாழ்ந்து கொள்ளுங்கள், யாரும் குறை சொல்லப்போவதில்லை, ஏனெனில் இங்கே திறமையான மனிதவளம் மிக அதிகம், பிறந்த பூமிக்கும் அவர்களின் சேவை தேவையுமில்லை.🤩

இந்தியா இலங்கை பங்களாதேஷ் இன்னும் பல ஆசிய நாடுகள் மனித வளத்தை தொலைக்கும் நாடுகள் மேற்கு நாடுகளுக்கு மனித வளத்தின் பெறுமதி தெரிந்தவர்கள் எங்களை எல்லாம் கருணை அடிப்படையில்தான் அகதி அந்தஸ்த்து தந்தார்கள் என்றா நினைகிறீர்கள்?

Link to comment
Share on other sites

  • கருத்துக்கள உறவுகள்
4 hours ago, பெருமாள் said:

இந்தியா இலங்கை பங்களாதேஷ் இன்னும் பல ஆசிய நாடுகள் மனித வளத்தை தொலைக்கும் நாடுகள் மேற்கு நாடுகளுக்கு மனித வளத்தின் பெறுமதி தெரிந்தவர்கள் எங்களை எல்லாம் கருணை அடிப்படையில்தான் அகதி அந்தஸ்த்து தந்தார்கள் என்றா நினைகிறீர்கள்?

இல்லை.

நான் சொல்ல வந்த விடயம், ஒருவர் ஒரு நாட்டின் பிரஜையாக மட்டுமே விசுவாசமாக வாழ அனுமதிக்க வேண்டும். வசதியை விரும்பியோ அல்லது வேறொரு காரணத்துக்காகவோ அயல்நாட்டை தாயகமாக ஏற்றுக்கொண்ட பின், 'ஆற்றில் ஒரு கால், சேற்றில் ஒரு கால்' என வைத்துக்கொண்டு இரண்டு நாடுளுக்கும் 'பெப்பே' காட்டுவதை அனுமதிக்கக் கூடாது.

ஆசை படலாம், பேராசை கூடாது.

திறமை, வசதி, etc..etc..etc.. இருந்தால் பிறந்த நாட்டை விட்டு, வேறு நாட்டு பிரசையாக தாராளமாக மாறிக்கொள்ளட்டும், மகராசனாக போய் வாழட்டும், யாரும் வருந்தவில்லை, தடுக்கவில்லை.. ஆனால் இங்கே திரும்பி வர நினைக்கக் கூடாது.

தங்களுக்கு துட்டும், வசதியும் வேணும், தாங்கள் புத்திசாலிகளென நினைத்து, இங்கேயும் வந்து துரைத்தனமும் காட்டவும், எல்லா உரிமைகளும் அனுபவிக்க வேணுமென்டால், பிறந்த நாட்டில் பல்வேறு இன்னல்களை, அரசியல், சமுதாய சிக்கல்களை சகித்துக்கொண்டு வாழ்பவர்கள் எல்லாம் பைத்தியக்காரர்களா? 😡

இம்மாதிரி ஆட்களுக்கு OCI தகுதி கொடுப்பதையே நிறுத்த வேண்டும். 'பிறந்த நாட்டை துறந்தவர்கள், இனி மற்றவர்களைப் போல அவர்களும் வெளிநாட்டவரே..' என்ற வகையில்தான் கண்டிப்பு காட்டப்பட வேண்டும்.

  • Like 1
Link to comment
Share on other sites

  • கருத்துக்கள உறவுகள்

இந்த OCI ஆட்களின் 'அலப்பறை'யை சில மாதங்களுக்கு முன் நேரில் கண்டேன்..!

நான் கொரானா பி.சி.ஆர் டெஸ்ட் (PCR Test) எடுக்க, சென்னை அமைந்தகரையிலிருக்கும் ஒரு தனியார் மருத்துவ மனைக்கு சென்றேன்.

காலை ஏழரை மணியிருக்கும். பரிசோதனைக்கு சுமாரான கூட்டம் ஏற்கனவே இருந்தது. எனக்கு முன் ஒரு "அரை டவுசர்" குடும்பம், இவர்கள் அமெரிக்க குடியுமை பெற்றவர்கள், தகவல் தொழிற்நுட்ப துறையில் இருப்பவர்களாம்..! (பெரியவருக்கு 55 வயதிருக்கும், அம்மணிக்கு 50, சிறுவர், சிறுமிக்கு 18க்கு மேல்) வரிசையில் காத்திருந்தது.

காத்திருக்கும் ஹாலில் இருக்கைகள் கம்மி, நின்று கொண்டிருந்தோம். OCI குடும்பத்தின் உடையும், பேச்சு தோரணையும், மொத்த குடும்பமும் பொறுமையில்லாமல் அடித்த லூட்டிகள், பந்தாக்களை கண்டு அங்கிருந்தவர்களே முகம் சுளித்தார்கள்.

முடிவில் கவுண்டரில் இருந்த நர்ஸ், இவர்களை கூப்பிட்டு 'போய்த் தொலையுங்கள்' என சோதனைக்கு வரிசையிலிருந்து முன்னுரிமை கொடுத்து முடித்து அனுப்பி வைத்தார்.

  • Haha 1
Link to comment
Share on other sites

  • கருத்துக்கள உறவுகள்
26 minutes ago, ராசவன்னியன் said:

இந்த OCI ஆட்களின் 'அலப்பறை'யை சில மாதங்களுக்கு முன் நேரில் கண்டேன்..!

நான் கொரானா பி.சி.ஆர் டெஸ்ட் (PCR Test) எடுக்க, சென்னை அமைந்தகரையிலிருக்கும் ஒரு தனியார் மருத்துவ மனைக்கு சென்றேன்.

காலை ஏழரை மணியிருக்கும். பரிசோதனைக்கு சுமாரான கூட்டம் ஏற்கனவே இருந்தது. எனக்கு முன் ஒரு "அரை டவுசர்" குடும்பம், இவர்கள் அமெரிக்க குடியுமை பெற்றவர்கள், தகவல் தொழிற்நுட்ப துறையில் இருப்பவர்களாம்..! (பெரியவருக்கு 55 வயதிருக்கும், அம்மணிக்கு 50, சிறுவர், சிறுமிக்கு 18க்கு மேல்) வரிசையில் காத்திருந்தது.

காத்திருக்கும் ஹாலில் இருக்கைகள் கம்மி, நின்று கொண்டிருந்தோம். OCI குடும்பத்தின் உடையும், பேச்சு தோரணையும், மொத்த குடும்பமும் பொறுமையில்லாமல் அடித்த லூட்டிகள், பந்தாக்களை கண்டு அங்கிருந்தவர்களே முகம் சுளித்தார்கள்.

முடிவில் கவுண்டரில் இருந்த நர்ஸ், இவர்களை கூப்பிட்டு 'போய்த் தொலையுங்கள்' என சோதனைக்கு வரிசையிலிருந்து முன்னுரிமை கொடுத்து முடித்து அனுப்பி வைத்தார்.

 "அரை டவுசர்" குடும்பம்.  நல்ல பொருத்தமான வர்ணனை. ரசித்து சிரித்தேன். 😁

  • Haha 1
Link to comment
Share on other sites

  • கருத்துக்கள உறவுகள்
1 hour ago, தமிழ் சிறி said:

 "அரை டவுசர்" குடும்பம்.  நல்ல பொருத்தமான வர்ணனை. ரசித்து சிரித்தேன். 😁

Sorry சிறி, ஒரு கடுப்பில் எழுதியது. 😛

பிறந்த நாட்டுக்கு வந்தோமா, அந்த நாட்டின் பழக்க, வழக்கங்களுக்கு ஏற்றவாறு தம்மை மாற்றி நடந்துகொள்ள வேண்டும்.

மாடு மாதிரி வளர்ந்த பின், அரை டவுசர் மாட்டிக்கொண்டு, கிழடுகள் (ஆணும், பெண்ணும்) சோல்ஜனா பையை மாட்டிக்கொண்டு, இங்கிருப்பவர்களை விநோதமாக, அலட்சிய பார்வையில் நோக்கி, தாங்கள் ஏதோ அந்நிய கிரகத்திலிருந்து குதித்தவர்கள் போல இங்கே திரிவது நல்லாவா இருக்கு..? 🤔

இவர்களின் பூர்வீகத்தை விசாரித்துப் பார்த்தால், ஏதாவது கட்டையாம்பட்டி, நொட்டையாம்பட்டியாக இருக்கும்! 🤗

Link to comment
Share on other sites

  • கருத்துக்கள உறவுகள்
1 minute ago, ராசவன்னியன் said:

Sorry சிறி, ஒரு கடுப்பில் எழுதியது. 😛

பிறந்த நாட்டுக்கு வந்தோமா, அந்த நாட்டின் பழக்க, வழக்கங்களுக்கு ஏற்றவாறு தம்மை மாற்றி நடந்துகொள்ள வேண்டும்.

மாடு மாதிரி வளர்ந்த பின், அரை டவுசர் மாட்டிக்கொண்டு, கிழடுகள் (ஆணும், பெண்ணும்) சோல்ஜனா பையை மாட்டிக்கொண்டு, இங்கிருப்பவர்களை விநோதமாக, அலட்சிய பார்வையில் நோக்கி, தாங்கள் ஏதோ அந்நிய கிரகத்திலிருந்து குதித்தவர்கள் போல இங்கே திரிவது நல்லாவா இருக்கு..? 🤔

இவர்களின் பூர்வீகத்தை விசாரித்துப் பார்த்தால், ஏதாவது கட்டையாம்பட்டி, நொட்டையாம்பட்டியாக இருக்கும்! 🤗

புரிந்தது... ராஜவன்னியன்.
அற்பனுக்கு... பவுசு வந்தால், அர்த்த ராத்திரியில் குடை பிடிப்பார்கள்.
இதே.. நிலை, நம் நாட்டிலும் உள்ளது.

அதுகும்... இப்ப, நல்லூர் திருவிழா நடக்கின்ற நேரம் நடக்கின்ற கூத்துகள் ஏராளம்.
அளவுக்கு அதிகமான நகைகளை... ஆண்களும்
மாட்டிக் கொண்டு செய்கின்ற, அலப்பறை கொஞ்ச நஞ்சமல்ல. 

போர் நடந்த பூமியில்... மக்கள் உயிர் இழப்பு, பொருள் இழப்புகளை சந்தித்து...
சொல்லமுடியாத துயரத்தில் இருக்கும் போது...
அவர்கள் முன், இந்த வெளிநாட்டவர்  நடக்கும் முறை மிகக் கேவலமானது. 😢

  • Like 1
  • Sad 1
Link to comment
Share on other sites

  • கருத்துக்கள உறவுகள்
2 hours ago, ராசவன்னியன் said:

மாடு மாதிரி வளர்ந்த பின், அரை டவுசர் மாட்டிக்கொண்டு, கிழடுகள் (ஆணும், பெண்ணும்) சோல்ஜனா பையை மாட்டிக்கொண்டு, இங்கிருப்பவர்களை விநோதமாக, அலட்சிய பார்வையில் நோக்கி, தாங்கள் ஏதோ அந்நிய கிரகத்திலிருந்து குதித்தவர்கள் போல இங்கே திரிவது நல்லாவா இருக்கு..? 🤔

இவர்களின் பூர்வீகத்தை விசாரித்துப் பார்த்தால், ஏதாவது கட்டையாம்பட்டி, நொட்டையாம்பட்டியாக இருக்கும்! 🤗

வணக்கம் ராசவன்னியர்! நீங்கள் எழுதிய சம்பவங்கள் அனைத்தும் ஒரு அச்சு பிசகாமல் இலங்கையிலும் தாராளமாக உண்டு.இதை அவ்வப்போது மேட்டுக்குடிகள் என்றும் சொல்வோம்.
இவையின்ரை அலப்பறைகளை பார்க்கிறவன் இரத்தம் கக்கியே சாவான்.அவ்வளவு கொடுமையாய் இருக்கும்.

  • Haha 2
Link to comment
Share on other sites

  • கருத்துக்கள உறவுகள்
On 5/8/2022 at 09:15, ராசவன்னியன் said:

ரெண்டு இடத்தில் தொடுப்பு வைத்துக்கொள்வதை அனுமதிக்கக் கூடாது. 🤓

இவர்களுக்கு வெளிநாட்டு சகல வசதிகளும் வேணும், அதே நேரம் பிறந்த நாட்டில் சகல உரிமைகளும் வேணுமென்டால், இந்தியாவில் இருப்பதை பகிர்ந்துகொண்டு வாழ்பவர்கள் எல்லாம் பேயன்களா? 😡

'போனமா.. செல்வத்தை.. கல்வியை ஈட்டினோமா.. திரும்பி வந்தோமா..' என இருக்கோணும், அப்படி வாழ விருப்பமில்லை என்றால், வாய்ப்பிருந்தால் வசதிகளை தேடிப்போன இடத்திலேயே எஞ்சிய வாழ்க்கையையும் வாழ்ந்து கொள்ளுங்கள், யாரும் குறை சொல்லப்போவதில்லை, ஏனெனில் இங்கே திறமையான மனிதவளம் மிக அதிகம், பிறந்த பூமிக்கும் அவர்களின் சேவை தேவையுமில்லை.🤩

ஆனால் பெரும் அந்நிய செல்வணிகளை கொண்டுவந்து 
செல்வழிக்கும்போது அது இந்தியாவுக்கு நல்லதுதானே?

இரட்டை குடியுரிமை இந்தியாவுக்கு நன்று என்றே எண்ணுகிறேன் 
மிகவும் தரமான  வயோதிபர் மடங்களை இப்போதே அமைத்து செயல்படுத்தினால் 
பின்னாளில் அவர்கள் இந்தியாவில் வாழவே விரும்புவார்கள் அப்போது பெரும்பாலான சேமிப்பை 
கொண்டு வருவார்கள் 

தமிழ் ஈழத்தை பொறுத்தவரை இது சிக்கலானதாகவே அமையும் 
காரணம் மிகவும் குறிகிய நிலப்பரப்பை வெளிநாட்டு தமிழர்கள் 
காணிகள் வாங்கி குவிப்பதால் விலைவாசி ஏறி ... உள்ளூர் மக்களால் 
காணி கொள்வனவை எட்டியும் பார்க்க முடியாதா நிலைக்கு தள்ளிவிடுகிறார்கள் 

Link to comment
Share on other sites

  • கருத்துக்கள உறவுகள்
1 minute ago, Maruthankerny said:

ஆனால் பெரும் அந்நிய செல்வணிகளை கொண்டுவந்து 
செல்வழிக்கும்போது அது இந்தியாவுக்கு நல்லதுதானே?

இரட்டை குடியுரிமை இந்தியாவுக்கு நன்று என்றே எண்ணுகிறேன் 
மிகவும் தரமான  வயோதிபர் மடங்களை இப்போதே அமைத்து செயல்படுத்தினால் 
பின்னாளில் அவர்கள் இந்தியாவில் வாழவே விரும்புவார்கள் அப்போது பெரும்பாலான சேமிப்பை 
கொண்டு வருவார்கள் 

தமிழ் ஈழத்தை பொறுத்தவரை இது சிக்கலானதாகவே அமையும் 
காரணம் மிகவும் குறிகிய நிலப்பரப்பை வெளிநாட்டு தமிழர்கள் 
காணிகள் வாங்கி குவிப்பதால் விலைவாசி ஏறி ... உள்ளூர் மக்களால் 
காணி கொள்வனவை எட்டியும் பார்க்க முடியாதா நிலைக்கு தள்ளிவிடுகிறார்கள் 

இல்லை, இந்தியர்களின் மனநிலையை/குணத்தை சரிவர புரியாமல் சொல்லுகிறீர்களென எண்ணுகிறேன். அவர்களின் பேராசைக்கும், எதிர்பார்ப்புகளுக்கும் அளவில்லை.

அதுவும் சில ஆண்டுகள் வசதியாக வெளிநாட்டில் வாழ்ந்துவிட்டால் போதும், அவர்களின் மூளை, மூக்கிற்கு வந்துவிடும்.

உதாரணத்திற்கு, கடந்த ஏப்ரலில் சிங்கப்பூர் சென்று 3 வாரங்கள் இருந்தேன்.

அப்போது சில இந்திய தமிழர்களை சந்திந்து பேசும் வாய்ப்பு கிட்டியது. அவர்களில் சிலர் நிரந்தர வதிவிடமும்(PR), சிலர் அந்நாட்டு பிரசையாகவும்(Citizens) வாழ்கின்றனர். அவர்களின் பார்வையில், அங்கே வேலை அனுமதி பெற்ற(Work Permit) சக தமிழர்களை அலட்சியமாக பார்க்கும் மனநிலையிலும், கர்வத்துடனுமே  இருக்கிறார்கள்.

இந்தியர்களின் வளர்ப்பு அப்படி..!  மாறாதையா மாறாது, மனமும் குணமும் மாறாது..!! 🤗

  • Like 1
Link to comment
Share on other sites

  • Tell a friend

    Love கருத்துக்களம்? Tell a friend!
  • Topics

  • Posts

    • பாடசாலைகளில் போதைப்பொருள்: யாருடைய தவறு? தமிழ்ப் பகுதிகளில் குறிப்பாக வடக்கில் போதைப்பொருள் பாவனை அதிகரித்து வருவதாகவும், மிகக்குறிப்பாக பள்ளிக்கூடங்களில் மாணவர்கள் மத்தியில் போதைப்பொருள் பாவனை அதிகரித்து வருவதாகவும் அண்மைக்கால புள்ளி விபரங்கள் தெரிவிக்கின்றன. இதுதொடர்பில் சமூகவலைத்தளங்களில் பிரசுரிக்கப்படும் கருத்துக்களை கூர்ந்து கவனித்தால் ஒரு விடயம் தெளிவாகத் தெரிகிறது.என்னவெனில், பள்ளிக்கூடங்களில் ஆசிரியர்கள் மாணவர்களைத் தண்டிக்க முடியாதிருப்பதன் விளைவுதான் இது போன்ற சீரழிவுகள் என்ற தொனிப்பட பலரும் கருத்து தெரிவிக்கிறார்கள். கல்வி நிர்வாக சேவையைச் சேர்ந்தவர்கள், சட்டவாளர்கள், மருத்துவர்கள், பொறியியலாளர்கள் உட்பட பலதரப்பட்டவர்கள் அவ்வாறான கருத்துக்களைக் கொண்டிருப்பதாகத் தெரிகிறது.ஆசிரியரின் கையில் இருந்த பிரம்பு பறிக்கப்பட்டதால்தான் இவ்வாறான துஷ்பிரயோகங்கள் பாடசாலை மட்டத்துக்கு பரவியுள்ளன என்று ஒரு பகுதியினர் நம்புகிறார்கள்.கல்வியதிகாரிகளுக்கும், அதிபர் ஆசிரியர்களுக்கும் வகுப்பெடுக்கும் உயரதிகாரிகள் மாணவர்களைத் தண்டிக்கக்கூடாது என்று கூறிவிட்டு இப்பொழுது போதைப்பொருள் பாவனை தொடர்பான புள்ளி விபரங்களை ஒப்புவிக்கிறார்கள் என்று வேறொரு குறிப்பு கூறுகிறது. இந்தக்கருத்துக்கள் எல்லாமே தொகுப்பாக கூறவருவது ஒரு விடயத்தைத்தான். பள்ளிக்கூடங்களில் ஆசிரியர்கள், பிள்ளைகளைக் கடுமையாகத் தண்டித்தால் இதுபோன்ற விடயங்களை கட்டுப்படுத்தலாம் என்பதுதான். பாடசாலைகளில் மாணவர்கள் மீது உடல்ரீதியாக அல்லது உளரீதியாக வன்முறைகள் பிரயோகிக்கப்படுவதைக் கட்டுப்படுத்தும் 17ஆம் இலக்க சுற்றுநிருபம் 2005ஆம் ஆண்டு கல்வியமைச்சால் வெளியிடப்பட்டது. அப்பொழுது கல்வியமைச்சின் செயலாளராக கலாநிதி.தாரா டி மெல் இருந்தார். அதே ஆண்டில் நிறைவேற்றப்பட்ட 23 ஆம் இலக்கச் சட்டத்தின்படி நீதிமன்றங்களில் சரீரத் தண்டனைகள் நிறுத்தப்பட்டதன் விளைவே மேற்படி சுற்றுநிருபம் என்று கூறப்படுகிறது.மேற்படி சுற்றுநிருபமானது 2016 ஆம் ஆண்டு கல்வி அமைச்சினால் வெளியிடப்பட்ட 12 ஆம் இலக்க சுற்றுநிருபத்தில் மீளவலியுறுத்தப்படுகிறது. இந்தச்சுற்றுநிருபமானது ஆசிரியர்களின் கைகளைக் கட்டிப்போடுகிறது என்ற ஒரு விமர்சனம் ஆசிரியர் சமூகத்தின் மத்தியிலும் ஏன் பெற்றோர் மத்தியிலும்கூட உண்டு. கண்டிப்பான ஆசிரியரே நல்லாசிரியர் என்று அபிப்பிராயம் தமிழ்மக்கள் மத்தியில் ஆழமாகப் பதிந்திருக்கிறது.கண்டிப்பான ஆசிரியர்களே வெற்றி பெற்ற ஆசிரியர்களாகவும் பார்க்கப்படுகிறார்கள்.நாட்டில் உள்ள கல்வி முறையானது பரீட்சையை மையமாகக் கொண்டது.பரீட்சை மையக் கல்வியைப் பொறுத்தவரை சிறந்த பெறுபேறுகளைப் பெற்றுக் கொடுப்பவரே கெட்டிக்கார ஆசிரியர். அந்த சிறந்த பெறுபேறுகளை அவர் எப்படியும் பெற்றுக் கொடுக்கலாம் என்று பெரும்பாலான பெற்றோர் கருதுகிறார்கள்.இதனால் சிறந்த கல்விப் பெறுபேறுகளுக்காக அதிகம் பலியிடப்படுவது மனித உரிமைகள் என்பதனை பெரும்பாலான பெற்றோர் பொருட்படுத்துவதில்லை. அதனால் தேசியமட்ட பரீட்சைகளை நோக்கி மாணவர்களை தயார்படுத்தும் தனியார் கல்வி நிறுவனங்களிலும் மனிதஉரிமைகள் மோசமாக மீறப்படுகின்றன. இப்படிப்பட்டதோர் கல்விச்சூழலில் தண்டனை நிறுத்தப்பட்டதால் பிள்ளைகள் மத்தியில் போதைப்பொருள் அதிகரிக்கிறது என்ற கூற்று மேலோட்டமாகப் பார்த்தால் சரியாகவே தோன்றும்.சில மாதங்களுக்கு முன் ஆந்திராவில் கஞ்சா பாவிக்கும் தனது 15 வயது மகனை அவருடைய தாயார் வீட்டில் ஒரு கம்பத்தில் கட்டிவைத்து அவருடைய கண்களுக்குள் மிளகாய்தூளைத் தூவினார்.இது ஊடகங்களில் பரவலாக வெளிவந்தது. இது போன்ற தண்டனைகள்மூலம்தான் மாணவர்களை மட்டுமல்ல பாடசாலை நீங்கிய இளையவர்களையும், ஏன் ஒட்டுமொத்த சமூகத்தையும் கட்டுப்படுத்தலாம் என்ற ஒரு கருத்து பரவலாக உண்டு. ஆனால் தனியே தண்டனைகளால் மட்டும் இந்த விவகாரத்தை கையாள முடியாது.ஏனெனில் பிரச்சினையின் வேர்கள் மிகஆழமானவை.அந்த வேர்களைத் தேடிப்போனால் யாரைத் தண்டிப்பது என்ற கேள்வி எழும். நுகர்வோரை தண்டிப்பதா?அல்லது விற்பனையாளர்களைத் தண்டிப்பதா?அல்லது திட்டமிட்டு மாணவர்களைக் குறிவைத்து போதைப்பொருள் வலைப்பின்னலைக் கட்டியெழுப்பும் அரசியல் உள்நோக்கமுடைய சக்திகளைத் தண்டிப்பதா? யாரைத் தண்டிப்பது? இந்தப்பிரச்சினையின் சமூகப்பொருளாதார,அரசியல் பின்னணி மிகஆழமானது. 2009 க்குப் பின்னரான தமிழ்ச் சமூகத்தைப் பொறுத்தவரை, முதலாவதாக, தலைமைத்துவ வெற்றிடம் ஒன்று நிலவுகிறது. இரண்டாவதாக ,உலகில் அதிகம் படைமயமாக்கப்பட்ட ஒரு அரசியல் ,இராணுவ சூழலுக்குள் தமிழ்ச்சமூகம் வாழ்கிறது. நாட்டின் படைக்கட்டமைப்பின் மொத்த தொகையில் சுமார் மூன்றில் இரண்டு பகுதி வடக்கு= கிழக்கில் காணப்படுவதாக ஒரு புள்ளிவிபரம் உண்டு. மூன்றாவதாக ,மேற்சொன்ன இராணுவ மயப்பட்ட சூழல் காரணமாக படைத்துறை புலனாய்வாளர்களின் கட்டுப்பாட்டுக்குள் தமிழ்ச்சமூகம் காணப்படுவது. நாலாவதாக, ஆயுத மோதல்களுக்கு முன்னிருந்த ஒரு சமூகக் கட்டமைப்பு குலைந்து போய்விட்டது.ஆயுதப் போராட்டம் புதிய விழுமியங்களையும் ஒரு புதிய சமூக ஒழுங்கையும் உருவாக்க முற்பட்டது. 2009 இல் ஆயுதப் போராட்டம் தோற்கடிக்கப்பட்டிருக்கும் ஒரு பின்னணியில்,ஏற்கனவே இருந்த சமூகக் கட்டமைப்பும் குலைந்து இடையில் ஆயுதப் போராட்டம் கொண்டு வந்த புதிய ஒழுங்கும் குலைந்து, இப்பொழுது ஏறக்குறைய எல்லாச் சமூகக் கட்டமைப்புகளும் குலைந்துபோன ஒரு நிலை காணப்படுகிறது. இவ்வாறான ஒரு பின்னணியில் விழுமியங்களை மீளுருவாக்க வேண்டிய ஒரு சமூகமாக தமிழ்ச்சமூகம் மாறியிருக்கிறது. ஐந்தாவது ,உலகளாவிய தகவல் தொழில்நுட்பப் பெருக்கத்தின் விளைவாக இளைய தலைமுறை கைபேசி செயலிகளின் கைதியாக மாறியிருப்பது. மேற்கண்ட ஐந்து காரணங்களையும் தொகுத்துப் பார்த்தால் ஒரு விடயம் தெளிவாகத் தெரியவரும்.தமிழ்மக்களைத் தொடர்ந்தும் அரசியல்ரீதியாக தோற்கடிக்க விரும்பும் சக்திகள் போதைப்பொருள் பாவனையை ஊக்குவிப்பதாகவும் போதைப்பொருள் வலைப்பின்னலை அவர்களே நிர்வகிப்பதாகவும் ஒரு குற்றச்சாட்டை தமிழ் அரசியல்வாதிகள் ஏன் முன்வைத்து வருகிறார்கள் என்ற கேள்விக்கும் விடை கிடைக்கும் எனவே போதைப்பொருள் பாவனையைக் கட்டுப்படுத்துவது என்பது தனியே தண்டனைகளால் மட்டும் சாத்தியமான ஒன்று அல்ல.அது ஒரு கூட்டுச் செயற்பாடாக அமைய வேண்டும். முதலாவதாக,சமூகப் பிரதிநிதிகள்,மக்கள் பிரதிநிதிகள்,மருத்துவர்கள் செயற்பாட்டாளர்கள்,மதப் பெரியோர்கள்,புத்திஜீவிகள்,கலைஞர்கள், ஊடகங்கள் என்று எல்லாத் தரப்புக்களும் ஒன்றிணைந்து ஒரு கூட்டுச் செயற்பாடாக அதை முன்னெடுக்க வேண்டும். அதற்கு மக்கள் பிரதிநிதிகள் அல்லது செயற்பாட்டாளர்கள் தலைமைதாங்க வேண்டும். ஆனால் அவ்வாறான ஒரு தலைமைத்துவம் இல்லாத வெற்றிடத்தில்தான் போதைப்பொருள் பாவனை பாடசாலைகள் வரை வந்துவிட்டது.போதைபொருள் பாவனை மட்டுமல்ல வாள் வெட்டுக் கலாசாரத்தின் பின்னால் உள்ள உளவியலைத் தீர்மானிக்கும் அம்சங்களும் மேற்கண்டவைதான். இளம் வயதினரின் வேகங்களுக்கு ஈடுகொடுத்து,அவர்கள் மத்தியில் இலட்சியங்களை விதைத்து, அவர்களுடைய சாகச உணர்வுகளைச் சரியான திசையில் திருப்பி,விழுமியங்களை மீளுருவாக்கும் பொறுப்பு ஆசிரியர்களுக்கும், செயற்பாட்டாளர்களுக்கும் ,அரசியல்வாதிகளுக்கும் மதகுருக்களுக்கும் சம்பந்தப்பட்ட எல்லாருக்கும் உண்டு. ஆனால் அந்தக்கூட்டுப் பொறுப்பை எத்தனை பேர் உணர்ந்திருக்கிறார்கள்? பாடசாலைகளில் தண்டனை நீக்கப்பட்டதை குறித்து முறையிடுகிறோம். ஆனால் ஒரு காலம் எமது பிள்ளைகள் தனியாக பள்ளிக்கூடங்களுக்கு போனார்கள்.டியூட்டரிகளுக்கு போனார்கள்.பெற்றோர் அவர்களை காவிச் செல்லும் ஒரு நிலைமை இருக்கவில்லை.ஆனால் இப்பொழுது எல்லா அம்மாக்களும் மோட்டார் சைக்கிள் வைத்திருக்கிறார்கள்.அவர்கள் பிள்ளைகளை பூனை குட்டியைக் காவுவது போல இரவும் பகலும் காவுகிறார்கள்.ஏன் காவுகிறார்கள்?பிள்ளைகளை ஏன் தனியாக விட முடிவதில்லை? ஒரு பாடத்துக்கு இரண்டுக்கு மேற்பட்ட ஆசிரியர்களிடம் பிள்ளை படிக்கிறது. அவ்வாறு படிப்பதற்கே நாள் போதாது.இது சுயகற்றலை பாதிக்காதா?அப்படிப் படித்து மேலெழுந்த பிள்ளை என்னவாக வருகிறது?கல்வி பற்றிய தமிழ்ச்சமூகத்தின் அளவுகோல்கள் சரியானவைகளா?இந்த கல்விமுறைக்கூடாக உருவாக்கப்பட்ட ஆளுமைகள் எப்படிப்பட்டவை? இதைக் குறித்த ஒரு சரியான மீளாய்வு தமிழ்ச் சமூகத்திடம் உண்டா? இல்லை.கல்வி தொடர்பாகவும் விழுமியங்களை மீளுருவாக்குவது தொடர்பாகவும்,சமூகத்தை மீளக்கட்டியெழுப்புவது தொடர்பாகவும் கூட்டுத்திட்டங்கள் வகுக்கப்படவில்லை.அவற்றை வகுப்பதற்கான அதிகாரம் இல்லை என்று சொல்லிக்கொண்டு 13 ஆண்டுகளை கடந்துவந்து விட்டோம்.நாங்களாக சுயகவசங்களை உருவாக்கத் தவறிவிட்டோம்.அந்த வெற்றிடத்தில்தான் போதைப்பொருளும் வாள்களும் நுழைகின்றன. எனவே பிரச்சினையின் வேர்களைத் தேடிப்போனால் முழுச்சமூகமும் அதன் கூட்டுப்பொறுப்பை இழந்து விட்டதைக் காணலாம். அண்மையில் எரிபொருள் வரிசைகளில் நின்றபோது நாங்கள் ஒரு சமூகமாகத் தோல்வியடைந்தமை தெரியவில்லையா? உங்களுடைய பிள்ளைக்கும் உங்களுக்கும் இடையே ஒரு வெளியாள் போதைப்பொருளை,வாளைக் கொடுக்கிறான் என்றால் உங்களுக்கும் பிள்ளைக்கும் இடையே எங்கேயோ ஒரு இடைவெளி இருக்கிறது என்று பொருள்.உங்களுக்கும் பிள்ளைக்கும் இடையே எங்கேயோ தொடர்பாடல் அறுந்துவிட்டது என்று பொருள்.நீங்கள் பிள்ளையோடு மேலும் கூடுதலாக நேரத்தைச் செலவழிக்க வேண்டியிருக்கிறது என்று பொருள்.பிள்ளைகளை இரவு பகலாக வகுப்புகளுக்கு காவி செல்கிறீர்கள்.ஆனால் பிள்ளைகளோடு மனம் விட்டு கதைக்கின்றீர்களா? பூனை குட்டியைக் காவுவது போல பிள்ளைகளைக் காவுகிறோம். சிறந்த கல்விப் பெறுபேறுக்காக மனித உரிமைகளைப் பலிகொடுக்கத் தயாராக இருக்கிறோம்.அந்தக்கல்விப் பெறுபேறுகளின் விளைவாக நாங்கள் உருவாக்கிய ஆளுமைகள் எத்தகையவை என்ற கேள்வியை எப்பொழுதாவது எங்களை நோக்கி கேட்டிருக்கிறோமா? இதுதான் பிரச்சினை.ஆயுத மோதல்களுக்கு பின்னரான ஒரு சமூகத்தை மீளக்கட்டியெழுப்ப அரசியல்வாதிகளால் முடியவில்லை.சமூகச் செயற்பாட்டாளர்களால் முடியவில்லை, சமயப் பெரியார்களால் முடியவில்லை, புத்திஜீவிகள்,படைப்பாளிகள், ஊடகங்களால் முடியவில்லை. போதைப்பொருளிலிருந்து பிள்ளைகளை விடுவிப்பதென்றால் புனர்வாழ்வும் மட்டும் போதாது. தண்டனைகளால் பலன் இல்லை. மாறாக சமூகத்தை மீளக் கட்டியெழுப்ப வேண்டும். விழுமியங்களை மீளுருவாக்க வேண்டும்.இளையோர் பிரமிப்போடு பார்க்கும் முன்னுதாரணம் மிக்க தலைவர்கள் மேலெழ வேண்டும்.திரைப்பட நாயகர்களையும் சண்டியர்களையும் முன்னுதாரணமாகக் கொள்ளும் வெற்றிடம் ஏன் ஏற்பட்டது?எனவே இளையோரை இலட்சியப்பற்று மிக்கவர்களாகவும்,உன்னதமான சமூகக் குறிக்கோளை நோக்கி எய்யப்பட்ட அம்புகளாகவும் மாற்றுவதற்கு தனியாக ஆசிரியர்களால் மட்டும் முடியாது.மருத்துவர்களால் மட்டும் முடியாது. உளவளத் துணையாளர்களால் மட்டும் முடியாது.புனர்வாழ்வு நிலையங்களால் மட்டும் முடியாது. அது ஒரு கூட்டுப் பொறுப்பு. ஜெனிவாவில் அரசாங்கத்தை பொறுப்புக்கூற வேண்டும் என்று கேட்கும் ஒரு மக்கள்கூட்டமானது,சமூகச்சீரழிவுகள் பொறுத்து தனக்குள்ள கூட்டுப் பொறுப்பையும் உணர வேண்டும். கீழிருந்து மேல் நோக்கிய சுய பாதுகாப்புக் கவசங்களைக் கட்டியெழுப்ப வேண்டும். நிலாந்தன் https://newuthayan.com/பாடசாலைகளில்-போதைப்பொரு/
    • 07 மில்லியன் கொரோனா தடுப்பூசிகள் 31ஆம் திகதியுடன் காலாவதியாகவுள்ளன – சுகாதார பிரிவு இலங்கையில் கையிருப்பில் உள்ள பைசர் தடுப்பூசிகள் எதிர்வரும் 31ஆம் திகதியுடன் காலாவதியாகவுள்ளதாக சுகாதாரப் பிரிவு தெரிவித்துள்ளது. அதன்படி,  07 மில்லியன் பைசர் தடுப்பூசிகள் இவ்வாறு மாத இறுதியில் காலாவதியாகவுள்ளதாக அந்தப் பிரிவு குறிப்பிட்டுள்ளது. கொரோனா தொற்றாளர்களின் எண்ணிக்கை மற்றும் உயிரிழப்புகளின் எண்ணிக்கை குறைவடைந்துள்ளதால், மக்கள் தடுப்பூசிகளை பெற்றுக்கொள்வதில்லை எனவும் சுகாதாரப் பிரிவு குறிப்பிட்டுள்ளது. https://athavannews.com/2022/1303142
    • இணைக்கப்பட்ட பிராந்தியங்களை அமைதியாக அபிவிருத்தி செய்வதாக புடின் உறுதி! ரஷ்யாவால் புதிதாக இணைக்கப்பட்ட நான்கு பிராந்தியங்களை அமைதியாக அபிவிருத்தி செய்வதாக, ரஷ்ய ஜனாதிபதி விளாடிமிர் புடின் உறுதியளித்துள்ளார். ரஷ்ய ஆசிரியர் தினத்தில் ஆசிரியர்களுக்கு ஆற்றிய உரையில் புடின் இந்த கருத்தை வெளியிட்டார். ரஷ்ய ஜனாதிபதி கடந்த வாரம் லுஹான்ஸ்க், டொனெட்ஸ்க், ஸபோரிஸியா மற்றும் கெர்சன் ஆகிய பிராந்தியங்களை ரஷ்யாவுடன் இணைப்பதாக உத்தியோகபூர்வமாக அறிவித்தார். ஆனால், லுஹான்ஸ்க் மற்றும் கெர்சனில் உள்ள கிராமங்களை மீண்டும் கைப்பற்றியதாக உக்ரைன் கூறியுள்ளது. இது மற்ற இரண்டு பிராந்தியங்களின் குறிப்பிடத்தக்க பகுதிகளைக் கட்டுப்படுத்துகிறது, மேலும் டொனெட்ஸ்கில் சமீபத்திய வெற்றிகளைப் பெற்றுள்ளது. எவ்வாறாயினும், இழந்த எந்தவொரு பிரதேசத்தையும் ரஷ்யா மீட்டெடுக்கும் என்று கிரெம்ளின் செய்தித் தொடர்பாளர் டிமிட்ரி பெஸ்கோவ் கூறினார். ஊடகவியலாளர்களிடம் இருந்து சமீபத்திய இழப்புகள் பற்றிய கேள்விகளை எதிர்கொண்ட புடின், இழப்புகள் மீட்கப்படும் எனவும் உக்ரைனிய துருப்புகள் திரும்ப அனுப்பப்படுவார்கள் எனவும் தெரிவித்தார். உக்ரைனியப் படைகள் தெற்கிலும் கிழக்கிலும் வெற்றி பெற்று வருகின்றன. லுஹான்ஸ்கின் உக்ரைனிய ஆளுனர் செர்ஹி ஹைடாய், இப்பகுதியில் உள்ள ஆறு கிராமங்கள் மீண்டும் கைப்பற்றப்பட்டதாக கூறினார். கெர்சனின் தெற்குப் பகுதியில் உள்ள மேலும் மூன்று கிராமங்களை உக்ரைன் விடுவித்துள்ளதாக ஜனாதிபதி ஸெலென்ஸ்கி பின்னர் கூறினார். டேவிடிவ் பிரிட் என்ற மூலோபாய முக்கியத்துவம் வாய்ந்த கிராமம் உட்பட, முந்தைய நாள் கெர்சனில் தொடர்ச்சியான மீட்புக்குப் பிறகு இது வருகிறது. https://athavannews.com/2022/1303121
    • இலங்கை குறித்த பிரேரணை – ஐ.நா. மனித உரிமைகள் பேரவையில் இன்று வாக்கெடுப்பு! ஐக்கிய நாடுகள் சபையின் 51ஆவது மனித உரிமைகள் பேரவையில் இலங்கைக்கு எதிராக சமர்ப்பிக்கப்பட்டுள்ள பிரேரணை மீதான வாக்கெடுப்பு இன்று (வியாழக்கிழமை) நடைபெறவுள்ளது. நல்லிணக்கம், பொறுப்புக்கூறல் மற்றும் மனித உரிமைகளை மேம்படுத்துதல் என்ற தொனிப்பொருளின் கீழ் இலங்கை தொடர்பான பொருத்தமான பிரேரணை மனித உரிமைகள் பேரவையில் சமர்ப்பிக்கப்பட்டுள்ளதாக தெரிவிக்கப்படுகிறது. பிரித்தானியா, அமெரிக்கா, ஜேர்மனி, கனடா, மலாவி, மாண்டினீக்ரோ மற்றும் வடக்கு மசிடோனியா உள்ளிட்ட பல நாடுகளின் முன்முயற்சியில் இந்த பிரேரணை முன்வைக்கப்பட்டதுடன், குறித்த பிரேரணை இதுவரை சுமார் 30 நாடுகளின் ஆதரவைப் பெற்றுள்ளது. இலங்கை தொடர்பான மனித உரிமைகள் பேரவையின் புதிய தீர்மானத்தில் முன்னர் நிறைவேற்றப்பட்ட தீர்மானங்களின் விடயங்கள் மற்றும் பல சரத்துக்கள் உள்ளடக்கப்பட்டுள்ளதாக தெரிவிக்கப்படுகிறது. இராணுவச் செல்வாக்கு அதிகரிப்பு, அரசாங்க நிர்வாகத்தில் வெளிப்படைத்தன்மை இல்லாமை, பாரதூரமான மனித உரிமை மீறல்களுக்கு தண்டனை வழங்கப்படாமை போன்ற விடயங்கள் குறித்த பிரேரணையில் உள்ளடக்கப்பட்டுள்ளன. பொருளாதாரப் பிரச்சினைகளுக்குத் தீர்வாக, சர்வதேச நாணய நிதியத்துடனான பணியாளர் ஒப்பந்தத்தை குறித்த ரேரணையை  வரவேற்றுள்ளதுடன், நாட்டின் மனித உரிமைகள் நிலைமையில் ஊழல் மிகுந்த பாதகமான தாக்கத்தை ஏற்படுத்தியுள்ளதாகக் கூறப்படுகிறது. எனவே, மனித உரிமைகளைப் பாதுகாத்தல் மற்றும் ஊக்குவித்தல் மற்றும் ஊழலுக்கு எதிரான போராட்டத்தை வலுப்படுத்த வேண்டும் என அந்தப் பிரேரணையை சுட்டிக்காட்டியுள்ளது. அமைதியான போராட்டங்கள் ஜனநாயக அமைப்புகளை வலுப்படுத்த உதவுவதாகவும் பயங்கரவாதத் தடைச் சட்டத்தில் திருத்தங்கள் சேர்க்கப்பட்டாலும் அதன் கீழ் மக்கள் கைது செய்யப்படுவார்கள் என்றும் அந்தப் பிரேரணை மேலும் கூறியுள்ளது. இது தொடர்பான பிரேரணை தொடர்பில் கருத்துக்கணிப்பு கோரப்பட்டுள்ளதாக வெளிவிவகார அமைச்சர் அலி சப்ரி தெரிவித்தார். எனினும் இந்த பிரேரணையை இலங்கையால் தோற்கடிக்க முடியாது எனவும் வெளிவிவகார அமைச்சர் குறிப்பிட்டுள்ளார். https://athavannews.com/2022/1303112
×
×
  • Create New...

Important Information

By using this site, you agree to our Terms of Use.