Jump to content

இந்தியாவை 4 விக்கெட்டுகளால் வீழ்த்தியது அவுஸ்திரேலியா


Recommended Posts

  • கருத்துக்கள உறவுகள்

இந்தியாவை 4 விக்கெட்டுகளால் வீழ்த்தியது அவுஸ்திரேலியா

By DIGITAL DESK 5

21 SEP, 2022 | 09:59 AM
image

(என்.வீ.ஏ.)

மொஹாலி விளையாட்டரங்கில் செவ்வாய்க்கிழமை (20) இரவு கணிசமான ஓட்டங்கள் குவிக்கப்பட்ட முதலாவது சர்வதேச இருபது 20 கிரிக்கெட் போட்டியில் இந்தியாவை 4 விக்கெட்களால்  அவுஸ்திரேலியா  வெற்றிகொண்டது.

இந்தியாவினால் நிர்ணயிக்கப்பட்ட சற்று கடினமான 209 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய அவுஸ்திரேலியா 4 பந்துகள் மீதிமிருக்க 6 விக்கெட்களை இழந்து 211  ஓட்டங்களைப் பெற்று வெற்றியீட்டியது.

ஆரொன் பின்ச், கெமரன் க்றீன், ஸ்டீவ் ஸ்மித், மெத்யூ வேட் ஆகியோரது அதிரடி துடுப்பாட்டங்கள் அவுஸ்திரேலியாவை வெற்றி அடையச் செய்தன.

Cameron Green went 4, 4, 4, 4 the first four balls he faced, India vs Australia, 1st T20I, Mohali, September 20, 2022

ஆரொன் பின்ச் (22), கெமரன் க்றீன் ஆகிய இருவரும் 39 ஓட்டங்களைப் பகிர்ந்திருந்தபோது பின்ச் களம் விட்டகன்றார்.

தொடர்ந்து அதிரடியாகத் துடுப்பெடுத்தாடிய கெமரன் க்றீன் 30 பந்துகளில் 8 பவுண்டறிகள், 4 சிக்ஸ்களுடன் 61 ஓட்டங்களைக் குவித்ததுடன் ஸ்டீவ் ஸ்மித்துடன் 2ஆவது விக்கெட்டில் 40 பந்துகளில் 70 ஓட்டங்களைப் பகிர்ந்தார்.

அதன் பின்னர் 23 ஓட்டங்கள் வித்தியாசத்தில் ஸ்டீவ் ஸ்மித் (35), க்லென் மெக்ஸ்வெல் (1), ஜொஷ் இங்லிஸ் (17) ஆகியோரை அவுஸ்திரேலியா இழந்தது.

எனினும் அறிமுக வீரர் டிம் டேவிட் (18), மெத்யூ வேட் ஆகிய இருவரும் 6ஆவது விக்கெட்டில் 30 பந்துகளில் 62 ஓட்டங்களைப் பகிர்ந்து வெற்றியை அண்மிக்கச் செய்தனர்.

Matthew Wade and Tim David get in on the fist bumps, India vs Australia, 1st T20I, Mohali, September 20, 2022

மெத்யூ வேட் 21 பந்துகளில் 6 பவுண்டறிகள், 2 சிக்ஸ்கள் உட்பட 45 ஓட்டங்களைப் பெற்று ஆட்டமிழக்காதிருந்தார். வெற்றிக்கு தேவைப்பட்ட ஓட்டங்களை பெட் கமின்ஸ் முதல் பந்திலேயே பவுண்டறி மூலம் பெற்று ஆட்டமிழக்காதிருந்தார்.

இந்திய பந்துவீச்சில் அக்சார் பட்டேல் 4 ஓவர்களில் 17 ஓட்டங்களுக்கு 3 விக்கெட்களையும் உமேஷ் யாதவ் 27  ஓட்டங்களுக்கு   2 விக்கெட்களையும் கைப்பற்றினர்.

அப் போட்டியில் முதலில் துடுப்பெடுத்தாட அழைக்கப்பட்ட இந்தியா 20 ஓவர்களில் 6 விக்கெட்களை இழந்து 208 ஓட்டங்களைக் குவித்தது.

கே. எல். ராகுல், ஹார்திக் பாண்டியா ஆகியோர் குவித்த அரைச் சதங்களும் சூரியகுமார் யாதவ்வின் சிறப்பான துடுப்பாட்டமும் இந்தியாவின் மொத்த  எண்ணிக்கைக்கு வலு சேர்த்தன.

Hardik Pandya struck a rapid 30-ball 71 not out, India vs Australia, 1st T20I, Mohali, September 20, 2022

எவ்வாறயினும் இந்தியாவின் ஆரம்பம் சிறப்பாக அமையவில்லை. அணித் தலைவர் ரோஹித் ஷர்மா (11), முன்னாள் அணித் தலைவர் விராத் கோஹ்லி (2) ஆகிய இருவரும் குறைந்த ஓட்டங்களுடன் ஆட்டமிழந்தனர்.

எனினும் கே. எல். ராகுல், சூரியகுமார் யாதவ் ஆகிய இருவரும் 3ஆவது விக்கெட்டில் 68 ஓட்டங்களைப் பகிர்ந்து இந்தியாவை நல்ல நிலையில் இட்டனர்.

ராகுல் 55 ஓட்டங்ளைப் பெற்று ஆட்டமிழந்தார். அவரைத் தொடர்ந்து மொத்த எண்ணிக்கை 126 ஓட்டங்களாக இருந்தபோது சூரியகுமார் யாதவ் 46 ஓட்டங்களுடன் வெளியேறினார்.

ஒரு புறத்தில் விக்கெட்கள் சரிந்துகொண்டிருக்க ஹார்திக் பாண்டியாக அபாரமாகத் துடுப்பெடுத்தாடி 30 பந்துகளில் 7 பவுண்ட்றிகள், 5 சிக்ஸ்கள் உட்பட ஆட்டமிழக்காமல் 71 ஓட்டங்களைக் குவித்து அணியைப் பலப்படுத்தினார்.

அக்சார் பட்டேல் (6), தினேஷ் கார்த்திக் (6) ஆகிய இருவரும் துடுப்பாட்டத்தில் பிரகாசிக்கத் தவறினர். ஹர்ஷால் பட்டேல் 7 ஓட்டங்களுடன் ஆட்டமிழக்காதிருந்தார். இந்த மூவருடன் ஹார்திக் பாண்டியா மொத்தமாக 62 ஓட்டங்களைப் பகிர்ந்தார்.

அவுஸ்திரேலிய பந்துவீச்சில் நேதன் எலிஸ் 30 ஓட்டங்களுக்கு 3 விக்கெடகளையும் ஜொஷ் ஹேஸ்ல்வூட் 39 ஓட்டங்களுக்கு 2 விக்கெடகளையும் கைப்ப்றினர். https://www.virakesari.lk/article/136079

Link to comment
Share on other sites

  • கருத்துக்கள உறவுகள்

அவுஸ்திரேலியாவை வீழ்த்தி தொடரை சமப்படுத்தியது இந்தியா

By DIGITAL DESK 5

24 SEP, 2022 | 09:36 AM
image

(என்.வீ.ஏ.)

அவுஸ்திரேலியாவுக்கு எதிராக நாக்பூரில் வெள்ளிக்கிழமை (23) 8 ஓவர்களாக மட்டுப்படுத்தப்பட்டு நடத்தப்பட்ட 2ஆவது சர்வதேச இருபது 20 கிரக்கெட் போட்டியில் 6 விக்கெட்களால் மகத்தான வெற்றியீட்டிய இந்தியா, 3 போட்டிகள் கொண்ட தொடரை 1 - 1 என சமப்படுத்திக்கொண்டது.

மழை காரணமாக 2 மணித்தியாலங்கள் தாமதித்து ஆரம்பமான இப் போட்டியை அணிக்கு   8 ஓவர்களாக நடத்துவதென தீர்மானிக்கப்பட்டது.

அப் போட்டியில் அக்சார் பட்டேலின் துல்லியமான பந்துவீச்சு, ரோஹித் ஷர்மாவின் அதிரடி துடுப்பாட்டம் என்பன இந்தியாவின் வெற்றிக்கு வழிவகுத்தன.

Rohit Sharma lofts Adam Zampa over the off side, India vs Australia, 2nd T20I, Nagpur, September 23, 2022

அவுஸ்திரேலியாவினால் நிர்ணயிக்கப்பட்ட 91 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய இந்தியா, 7.2 ஓவர்களில் 4 விக்கெட்களை இழந்து 92 ஓட்டங்களைக் குவித்து அபார வெற்றியீட்டிது.

ஆரம்ப வீரர்களான கே. எல். ராகுல் (10). ரோஹித் ஷர்மா ஆகிய இருவரும் 17 பந்துகளில் 39 ஓட்டங்களைப் பகிர்ந்து இந்தியாவுக்கு நம்பிக்கை ஏற்படக்கூடிய சிறந்த ஆரம்பத்தை இட்டுக்கொடுத்தனர்.

ராகுலின் விக்கெட்டை நேரடியாக பதம் பார்த்த அடம் ஸ்ம்ப்பா, மொத்த எண்ணிக்கை 55 ஓட்டங்களாக இருந்தபோது விராத் கோஹ்லி (11), சூரியகுமார் யாதவ் (0) ஆகிய இருவரையும் அடுத்தடுத்த பந்துகளில் களம் விட்டகலச் செய்தார்.

ரோஹித் ஷர்மாவுடன் 4ஆவது விக்கெட்டில் 22 ஓட்டங்களைப் பகிர்ந்த ஹார்திக் பாண்டியா 9 ஓட்டங்களைப் பெற்று ஆட்டமிழந்தார்.

Rohit Sharma heaves one into the night sky over midwicket, India vs Australia, 2nd T20I, Nagpur, September 23, 2022

ஆனால், அடுத்த 3 பந்துகளில் வெற்றிக்கு தேவைப்பட்ட மேலும் 15 ஓட்டங்களை ரோஹித் ஷர்மாவும் தினேஷ் கார்த்திக்கும் பெற்றுக் கொடுத்தனர்.

ரோஹித் ஷர்மா 20 பந்துகளில் தலா 4 சிக்ஸ்கள், பவுண்டறிகள் உட்பட 46 ஓட்டங்களுடனும் தினேஷ் கார்த்திக் 2 பந்துகளில் 10 ஓட்டங்களுட னும்   ஆட்டமிழக்காதிருந்தனர்.

அவுஸ்திரேலிய பந்துவீச்சில் அடம் ஸம்ப்பா 16 ஓட்டங்களுக்கு 3 விக்கெட்களைக் கைப்பற்றினார்.

Adam Zampa celebrates after deceiving KL Rahul, India vs Australia, 2nd T20I, Nagpur, September 23, 2022

இப் போட்டியில் முதலில் துடுப்பெடுத்தாட அழைக்கப்பட்ட அவுஸ்திரேலியா 8 ஓவர்களில் 5 விக்கெட்களை இழந்து 90 ஓட்டங்களைக் குவித்தது.

ஹார்திக் பாண்டியா வீசிய முதல் ஓவரில் அவுஸ்திரேலியா 10 ஓட்டங்களைப் பெற்றது. ஆனால் 2ஆவது ஓவரை வீச அழைக்கப்பட்ட அக்சார் பட்டேல் தனது 3ஆவது பந்தில் கெமரன் க்றீனையும் (5), 6ஆவது பந்தில் க்ளென் மெக்ஸ்வெலையும் (0) ஆட்டம் இழக்கச் செய்தார். (19 - 2 விக்.)

அக்சார் பட்டேல் தனது 2ஆவது ஓவரின் முதல் பந்தில் டிம் டேவிட்டின் (2) விக்கெட்டையும் வீழ்த்த அவுஸ்திரேலியா சிறு தடுமாற்றத்தை எதிர்கொண்டது.

Axar Patel does well to push Virat Kohli's throw on to the stumps to run Cameron Green out, India vs Australia, 2nd T20I, Nagpur, September 23, 2022

மறுபக்கத்தில் சிறப்பாகத் துடுப்பெடுத்தாடி 15 பந்துகளில் 31 ஓட்டங்களைப் பெற்ற ஆரோன் பின்ச்சின் விக்கெட்டை ஜஸ்ப்ரிட் பும்ரா வீழ்த்தினார். (46 - 4 விக்.)

அதனைத் தொடர்ந்து அதிரடியாகத் துடுப்பெடுத்தாடிய மெத்யூ வேட் 5ஆவது விக்கெட்டில் ஸ்டீவ் ஸ்மித்துடன் (8)  44 ஓட்டங்களைப் பகிர்ந்து அணியின் மொத்த எண்ணிக்கையை 90 ஓட்டங்களாக உயர்த்தினார். 

மெத்யூ வேட் 20 பந்துகளில் 4 பவுண்டறிகள், 3 சிக்ஸ்களை விளாசி 43 ஓட்டங்களுடன் ஆட்டமிழக்காதிருந்தார்.

இந்திய பந்துவீச்சில் அக்சார் பட்டேல் 13 ஓட்டங்களுக்கு 2 விக்கெட்களை வீழ்த்தினார்.

இரண்டு அணிகளுக்கும் இடையிலான தீர்மானம் மிக்க 3ஆவதும் கடைசியுமான போட்டி ஹைதராபாத்தில் ஞாயிற்றுக்கிழமை (25) நடைபெறவுள்ளது. https://www.virakesari.lk/article/136328

Link to comment
Share on other sites

  • கருத்துக்கள உறவுகள்

அவுஸ்திரேலியாவுக்கு எதிராக விறுவிறுப்பாக நடைபெற்ற சர்வதேச இருபது 20 கிரிக்கெட் போட்டியில் 6 விக்கெட்களால் இந்தியா வெற்றி

By DIGITAL DESK 5

26 SEP, 2022 | 09:29 AM
image

(என்.வீ.ஏ.)

நடப்பு இருபது 20 உலக சம்பியன் அவுஸ்திரேலியாவுக்கு எதிராக ஹைதராபாத் விளையாட்டரங்கில் ஞாயிற்றுக்கிழமை (25) இரவு கடைசிக் கட்டம்வரை விறுவிறுப்பை ஏற்படுத்திய 3ஆவதும் தீர்மானம்  மிக்கதுமான சர்வதேச இருபது 20 கிரிக்கெட் போட்டியில் 6 விக்கெட்களால் இந்தியா வெற்றிபெற்றது.

இந்த வெற்றி மூலம் 3 போட்டிகள் கொண்ட தொடரை 2 - 1 என்ற ஆட்டங்கள் வித்தியாசத்தில் இந்தியா கைப்பற்றி சர்வதேச இருபது 20 கிரிக்கெட்டில் தொடர்ந்தும் முதல் நிலை அணி என்பதை உறுதி செய்தது.

Suryakumar Yadav and Virat Kohli helped India recover, India vs Australia, 3rd T20I, Hyderabad, September 25, 2022

மேலும் தனது சொந்த மண்ணில் இந்தியா ஈட்டிய 10 தொடர்சசியான தொடர் வெற்றி இதுவாகும்.

சூரியகுமார் யாதவ், விராத் கோஹ்லி ஆகிய இருவரும் குவித்த அதிரடி அரைச் சதங்கள்,   ஹார்திக் பாண்டியாவின் அதிரடி என்பன இந்தியாவின் வெற்றியை உறுதிசெய்தன.

அவுஸ்திரேலியா நிர்ணயித்த 187 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய  இந்தியா 19.5 ஓவர்களில் 4 விக்கெட்களை இழந்து 187 ஓட்டங்களைப் பெற்று வெற்றியீட்டியது.

ஆரம்ப வீரர் கே. எல். ராகுல் முதலாவது ஓவரிலேயே ஒரு ஓட்டத்துடன் வெளியேறினார்.

KL Rahul and Rohit Sharma walk out to bat, India vs Australia, 3rd T20I, Hyderabad, September 25, 2022

4ஆவது ஓவரில் மொத்த எண்ணிக்கை 30 ஓட்டங்களாக இருந்தபோது அணித் தலைவர் ரோஹித் ஷர்மா 17 ஓட்டங்களுடன் ஆட்டமிழக்க,  இந்தியா  பெரும் நெருக்கடியை எதிர்கொண்டது.

ஆனால், அடுத்து களம் புகுந்த சூட்டோடு அதிரடியை வெளிப்படுத்திய சூரியகுமார் யாதவ் 36 பந்துகளில் 5 சிக்ஸ்கள், 5 பவுண்டறிகளுடன் 69 ஓட்டங்களைக் குவித்தார்.

3 ஆவது விக்கெட்டில் விராத் கோஹ்லியுடன் 68 பந்துகளில் 104 பெறுமதிமிக்க ஓட்டங்களை சூரியகுமார் பகிர்ந்து அணிக்கு தெம்பூட்டினார்.

Suryakumar Yadav plays a shot through cover, India vs Australia, 3rd T20I, Hyderabad, September 25, 2022

அவர் ஆட்டமிழந்த பின்னர் களம் புகுந்த ஹார்திக் பாண்டியாவுடன் 4ஆவது விக்கெட்டில் 52 ஓட்டங்களைப் பகிர்ந்த விராத் கோஹ்லி வெற்றிக்கு மேலும் 6 ஓட்டங்கள் தேவைப்பட்டபோது ஆட்டமிழந்தார்.

48 பந்துகளை எதிர்கொண்ட விராத் கோஹ்லி 4 சிக்ஸ்கள், 3 பவுண்ட்றிகளுடன் 63 ஓட்டங்களைக் குவித்தார்.

ஹார்திக் பாண்டியா 16 பந்துகளில் 25 ஓட்டங்களுடன் ஆட்டமிழக்காதிருந்தார். தினேஷ் கார்த்திக் ஒரு பந்தை எதிர்கொண்டு ஒரு ஓட்டத்தைப் பெற்றார்.

அவுஸ்திரேலிய பந்துவீச்சில் டெனியில் சாம்ஸ் 33 ஓட்டங்களுக்கு 2 விக்கெட்களைக் கைப்பற்றினார்.

இந்தியாவினால் முதலில் துடுப்பெடுத்தாட அழைக்கப்பட்ட அவுஸ்திரேலியா 20 ஓவர்களில் 7 விக்கெட்களை இழந்து 186 ஓட்டங்களைக் குவித்தது.

இந்த மொத்த எண்ணிக்கையில் நால்வர் மாத்திரமே 20 ஓட்டங்களுக்கு மேல் குவித்தனர். எனினும் ஆரம்ப வீரர் கெமரன் க்றீன், மத்திய வரிசை வீரர் டிம் டேவிட் ஆகிய இருவரும் அரைச் சதங்கள் பெற்றதன் பலனாக அவுஸ்திரேலியாவின் மொத்த எண்ணிக்கை 185 ஓட்டங்களைக் கட ந்தது.  

கெமரன் க்றீன், ஆரொன் பின்ச் ஆகிய இருவரும் 21 பந்துகளில் 44 ஓட்டங்களைப் பகிர்ந்து சிறந்த ஆரம்பத்தை இட்டுக்கொடுத்தனர். ஆனால், பின்ச் 7 ஓட்டங்களை மாத்திரம் பெற்று ஆட்டம் இழந்தார்.

18 ஓட்டங்கள் கழித்து கெமரன் க்றீன் ஆட்டம் இழந்தார். அவர் 21 பந்துகளை எதிர்கொண்டு 7 பவுண்டறிகள், 3 சிக்ஸ்களுடன் 52 ஓட்டங்களைக் குவித்தார்.

ஸ்டீவன் ஸ்மித் (9), க்ளென் மெக்ஸ்வெல் (6) ஆகிய இருவரும் 9 ஓட்டங்கள் வித்தியாசத்தில் ஆட்டமிழக்க மொத்த எண்ணிக்கை 84 ஓட்டங்களாக இருந்தது.

எனினும் ஜொஸ் இங்லிஸ் (24), டிம் டேவிட் ஆகிய இருவரும் 31 ஓட்டங்களைப் பகிர்ந்து அணியைப் பலப்படுத்த முயற்சித்தனர்.

இங்லிஸ், மெத்யூ வேட் (1) ஆகிய இருவரும் 2 ஓட்டங்கள் வித்தியாசத்தல் ஆட்டமிழக்க அவஸ்திரேலியாவின் மொத்த எண்ணிக்கை 6 விக்கெட் இழப்புக்கு 117 ஓட்டங்களாக இருந்தது.

Tim David and Daniel Sams' fifty partnership helped revive Australia's innings, India vs Australia, 3rd T20I, Hyderabad, September 25, 2022

எவ்வாறாயினும் டிம் டேவிட், டெனியல் சாம்ஸ் ஆகிய இருவரும் 34 பந்துகளில் 68 ஓட்டங்களைப் பகிர்ந்து அவுஸ்திரெலியாவின் மொத்த எண்ணிக்கைக்கு பலம் செர்த்தனர். டிம் டேவிட் 27 பந்தகளில் 4 சிக்ஸ்கள், 2 பவுண்டறிகளுடன் 54 ஓட்டங்களைக் குவித்தார்.

டெனியல் சாம்ஸ் 20 பந்துகளில் 28 ஓட்டங்களைப்   பெற்றார்.

இந்தியா சார்பாக மீண்டும் திறமையாக பந்துவீசிய அக்சார் பட்டேல் 33 ஓட்டங்களுக்கு 3 விக்கெட்களைக் கைப்பற்றினார்.

https://www.virakesari.lk/article/136421

  • Like 1
Link to comment
Share on other sites

  • Tell a friend

    Love கருத்துக்களம்? Tell a friend!
  • Topics

  • Posts

    • சரி, சரி ஆளாளுக்கு நன்றி, வணக்கம் சொல்லி நேரத்த தின்னாமல், ஆளுக்கு ஒரு திரியா பிரிச்சு குத்து பாட்டில் இறங்குங்கோ🤣
    • ஜேர்மனியில் கத்திக்குத்துக்கு பள்ளி மாணவி பலி! மற்றொருவர் படுகாயம்! தெற்கு ஜேர்மனியில் பாடசாலைக்கு நடந்து சென்று கொண்டிருந்த நபர் ஒருவர் கத்தியால் தாக்கியதில் 14 வயது சிறுமி உயிரிழந்துள்ளதுடன் 13 வயதுடைய மற்றுமொருவர் படுகாயமடைந்துள்ளார். சந்தேக நபர் நேற்று திங்கட்கிழமை காலை  இல்லர்கிர்ச்பெர்க் (Illerkirchberg) கிராமத்தில் உள்ள அகதிகள் தங்குமிடத்திலிருந்து வெளியே வந்து மாணவர்களைத் தாக்கியதாக காவல்துறையினர் தெரிவிக்கின்றனர். கத்திக்குத்து இலக்காகிய 14 வயதுச் சிறுதி மருத்துவமனைக்கு எடுத்துச் செல்லப்பட்டபோது அவர் அங்கு உயிரிழந்தார். இச்சிறுதி துருக்கி வம்சாவளியைச் சேர்ந்த ஜெர்மன் குடியுரிமை பெற்றவர். சந்தேகத்தின் பெயரில்  எரித்திரியாவைச் சேர்ந்த புகலிடக் கோரிக்கையாளர் எனக்கூறிய 27 வயது இளைஞரை ஜேர்மன் காவல்துறையினர் கைது செய்தனர். 13 வயது சிறுமிக்கு கத்தியால் பலத்த காயங்கள் ஏற்பட்டாலும், அவரது உயிருக்கு ஆபத்து இல்லை என்று தகவல்கள் தெரிவிக்கின்றன. சந்தேகநபர் தாக்குதலில் பின்னர் அங்கிருந்து தப்பிச் சென்று அகதிகள் தங்குமிடத்திற்கு சென்றுள்ளார். தாக்குதலுக்குப் பயன்படுத்தப்பட்டதாகக் கருதப்படும் கத்தியுடன் அவரைக் காவல்துறையினர் கைது செய்துள்ளனர் சந்தேக நபர் பலத்த காயங்களுடன் மருத்துவமனைக்கு கொண்டு செல்லப்பட்டார். அவருக்கு ஏற்பட்ட காயம் அவரின் கத்தியால் ஏற்பட்டிருக்கலாம் என்று கருதப்படுகிறது. பின்னர் அவரிடம் காவல்துறையினர் விசாரணை நடத்தினர். சந்தேக நபருக்கு மனநல பிரச்சினைகள் உள்ளதா என்பதையும், தாக்குதலுக்கு முன்னர் இரண்டு சிறுமிகளையும் அவர் அறிந்திருந்தாரா என்பதையும் உறுதி செய்ய வழக்கறிஞர்கள் முயன்றனர். வெளிநாட்டினர் அல்லது புகலிடக் கோரிக்கையாளர்கள் மீது சந்தேகத்தை ஏற்படுத்தும் வகையில் இந்த சம்பவத்தை பயன்படுத்த வேண்டாம் என்று காவல்துறையினர் ஒரு அறிக்கையில் பொதுமக்களை கேட்டுக் கொண்டனர் இது தொடர்பான அனைத்தும் இதுவரை முற்றிலும் தெளிவாக இல்லை என்று காவலதுறைச் செய்தித் தொடர்பாளர்  வொல்ப்காங் ஜூர்கன்ஸ் (Wolfgang Jürgens) செய்தியாளர்களிடம் கூறினார்.  இருப்பினும், ஆரம்பப் பள்ளிக் குழந்தைகளைப் பாதுகாக்கத் தவறியதற்காக ஜேர்மனியின் குடியேற்றக் கொள்கையை தீவிர வலதுசாரி AfD உடனடியாகக் குற்றம் சாட்டியது. இல்லர்கிர்ச்பெர்க் என்பது 2015 மக்கள் தொகை கணக்கெடுப்பின்படி 5,000க்கும் குறைவான மக்கள்தொகை கொண்ட கிராமமாகும். துருக்கிய தூதர் அஹ்மத் பாசார் சென் செவ்வாயன்று பேடன்-வூர்ட்டம்பேர்க் மாநிலத்தின் துணைத் தலைவருடன் கிராமத்திற்குச் செல்வார் என்று எதிர்பார்க்கப்பட்டது. மேயர் Markus Häußler, அங்கிருந்த அனைவரும் அதிர்ச்சியில் இருப்பதாக கூறினார்.  அதே நேரத்தில் ஜேர்மன் உள்துறை அமைச்சர் நான்சி ஃபேசர் „பயங்கரமான செய்தி“ தன்னை உலுக்கியது என்றார். கொலை செய்யப்பட்ட சிறுமிக்கு இரங்கல் தெரிவிக்கிறேன். காயமடைந்த சிறுமி குணமடைவாள் என்று மனப்பூர்வமாக நம்புகிறேன். அனைத்து பின்னணிகளையும் காவல்துறையினர் தீவிரமாக விசாரித்து வருகின்றனர் என்று அமைச்சர் ட்விட்டரில் (ஜெர்மன் மொழியில்) எழுதினார். https://eelattamilan.stsstudio.com/2022/12/07/ஜேர்மனியில்-கத்திக்குத்/?
    • ஜேர்மனியில் கத்திக்குத்து தாக்குதல் மாணவிபலி - புகலிடக்கோரிக்கையாளர் மீது குற்றச்சாட்டு By RAJEEBAN 06 DEC, 2022 | 12:29 PM ஜேர்மனியில் இடம்பெற்ற கத்திக்குத்து சம்பவத்தில் பாடசாலை மாணவியொருவர் கொல்லப்பட்டுள்ளார். ஜேர்மனியின் தென்பகுதியில் பாடசாலைக்கு சென்றுகொண்டிருந்த 14 மற்றும் 13 வயது மாணவிகள் மீது நபர் ஒருவர் கத்திக்குத்து தாக்குதலை மேற்கொண்டுள்ளார். இல்லர்கிர்ச்பேர்க் என்ற கிராமத்தில் உள்ள அகதிகளிற்கான நிலையமொன்றிலிருந்து  வெளியே வந்த நபர் ஒருவர் இந்தகத்திக்குத்து தாக்குதலை மேற்கொண்டுள்ளார். இதன்போது 14 வயது மாணவி உயிரிழந்துள்ளார். எரித்திரியாவை சேர்ந்த புகலிடக்கோரிக்கையாளர் ஒருவரே இந்த கத்திக்குத்தில் ஈடுபட்டார் என பொலிஸார்தெரிவித்துள்ளனர். அருகில் உள்ள கட்டிடமொன்றை சோதனையிட்டவேளை கத்தியுடன் நபர் ஒருவர் கைதுசெய்யப்பட்டார் இந்த கத்தியை அவர் தாக்குதலிற்கு பயன்படுத்தியிருக்கலாம் என தெரிவித்துள்ள பொலிஸார் வேறு இருவரும் கைதுசெய்யப்பட்டுள்ளனர் என தெரிவித்துள்ளனர். இதேவேளை விசேட அறிக்கையொன்றை வெளியிட்டுள்ள பொலிஸார் இந்த சம்பவத்தை பயன்படுத்தி வெளிநாட்டவர்கள் அல்லது புகலிடக்கோரிக்கையாளர்களிற்கு எதிராக பதற்றத்தை அதிகரிக்கவேண்டாம் என வேண்டுகோள் விடுத்துள்ளனர். இந்த சம்பவத்துடன் தொடர்புடைய பல விடயங்கள் தெளிவற்றவையாக காணப்படுகின்றன என பொலிஸார் தெரிவித்துள்ளனர்.ஜேர்மனியில் கத்திக்குத்து தாக்குதல் மாணவிபலி - புகலிடக்கோரிக்கையாளர் மீது குற்றச்சாட்டு | Virakesari.lk
    • ஓர் இனம் வாழவேண்டுமாயின் அந்த இனத்தின் இருப்பையும் பரம்பலையும் உறுதிசெய்ய வேண்டும் - வைத்தியர் பாலகோபி By VISHNU 06 DEC, 2022 | 08:45 PM ( எம்.நியூட்டன் )   ஓர் இனம் வாழவேண்டுமாயின் அந்த இனத்தின் இருப்பையும் பரம்பலையும் உறுதிசெய்ய வேண்டும் என  யாழ்ப்பாணப் பல்கலைக்கழக மருத்துவ பீட விரிவுரையாளரும் சிறுநீரக தொகுதி அறுவை சிகிச்சை நிபுணருமான பா.பாலகோபி யாழ் பல்கலைக்கழக மருத்துவ பீட கூவர் அரங்கில் நடைபெற்ற நூல் வெளியீட்டின் போது உரையாற்றுகையிலே அவர் இதனை தெரிவித்தார். அவர் மேலும் தெரிவிக்கையில், யாழ்ப்பாணத்தில் இன்று (6)குழந்தையின்மைப் பிரச்சினை தீவிரம் பெற்றுள்ளது. குழந்தையின்மைக்கான மருத்துவத் தேவைப்பாடுடையவர்களாக 50 வீதம் பெண்களும் 50 வீதம் ஆண்களும் காணப்படுகின்றனர். ஆனால், சமூகத்தில் பெண்களை மட்டுமே குறைகூறுகின்றோம். பெண்களை மட்டுமே மருத்துவத் தேவைப்பாடுடையவர்களாகப் பார்க்கின்றோம். இந்த நிலைமை மாற்றம் பெறவேண்டும்.    குழந்தையின்மைப் பிரச்சினைக்காக ஆண்கள் உண்மையில் சிறுநீரக சனனித் தொகுதி மருத்துவரைத்தான் நாட வேண்டும். ஆனால், இது தொடர்பான போதிய அறிவு விழிப்புணர்வு எவரிட மும் இல்லை. அத்துடன், இந்தத் துறை உலகளாவிய ரீதியில் வளர்ச்சியடை யாத துறையாகவே இருக்கின்றது. இந்ததுறையை விருத்தி செய்ய வேண்டியது காலத்தினுடைய கட்டாயமாகக் காணப்படுகின்றது.   ஆண்களினுடைய விந்து உருவாக்கத் திலிருந்து விந்து கடத்தப்படுகின்ற பாதையிலிருந்து கருத்தங்காமை பிரச்சினை ஏற்படுகின்றது. முட்டையைத் தேடி மில்லியன் கணக்கான விந்தணுக்கள் செல்ல வேண்டிய நிலை காணப்படுகின்றது. விந்தணுக்களின் எண்ணிக்கைகள் குறைகின்றபொழுது பிரச்சினை ஏற்படுகின்றது. வால்களற்ற விந்துக்களால் முன்னோக்கிச் செல்ல முடியாது. இவற்றாலும் கருக்கட்டலில் பிரச்சினைகள் ஏற்படுகின்றன. உடல் வெப்பநிலை கூடுகின்றபொழுது அல்லது சுற்றாடல் வெப்பநிலை கூடு கின்றபொழுது அல்லது எம்மிடம் இருக்கின்ற புகைத்தல், மது உள்ளிட்ட தீய பழக்கவழக்கங்களாலும் இந்த விந்தணுக்களின் பிரச்சினைகள் ஏற்படுகின்றது. இன்று எமது இளைஞர்கள் நீண்ட நேரம் வேலை செய்கின்றார்கள். பலர்  சாரதிகளாகப் பணிபுரிகின்றார்கள். பத்து மணித்தியாலங்கள் தொடர்ந்து அந்த இருக்கையில் இருக்கின்ற பொழுது விந்துகள் இறந்து விடுகின்றன. எனவே இது தொடர்பில் கூடுதல் அவதானம் செலுத்தி போதிய மருத்துவ அறிவுறுத்தல்களை பின் பற்றவேண்டும். விந்துக்களையும் முட்டைகளையும் சேர்க்கின்ற பொறிமுறை தனியார் மருத்துவமனைகளில் மாத்திரமே காணப்படுகிறது. அரச மருத்துவமனைகளில் இல்லை. இதனால் ஏழைக்குடும்பங்கள் பெரும் பாதிப்பை எதிர்கொள்கின்றன. ஆதலால், தனியார் மருத்துவமனைகளில் இருக்கும் அத்தனை வசதி வாய்ப்புக்களும் அரச மருத்துவமனைகளிலும் ஏற்படுத்தப்படவேண்டும். எமது சமுதாயத்துக்காக எம் இனத்தின் இருப்பை உறுதிப்படுத்துவதற்காக நாம் அர்ப்பணிப்பானதும் ஆக்கபூர்வமான துமான பல திட்டங்களைச் செயற்படுத்த வேண்டும் என்றார். இந்நிகழ்வில் யாழ்ப்பாண பல்கலைக்கழக துணைவேந்தர் பேராசிரியர் சி.சிறீசற்குணராஜா, மருத்துவ பீட பீடாதிபதி ரா.சுரேந்திரகுமாரன், செஞ்சொற்செல்வர் ஆறுதிருமுருகன், யாழ் போதனா வைத்தியசாலை பணிப்பாளர் த.சத்தியமூர்த்தி யாழ் மாவட்ட மேலதிக செயலாளர் ம.பிரதீபன், யாழ்ப்பாண பிராந்திய சுகாதார சேவைகள் பணிப்பாளர் ஆ.கேதீஸ்வரன் உள்ளிட்ட மருத்துவ நிபுணர்கள், மருத்துவர்கள், விரிவுரையாளர்கள், ஆர்வலர்கள் எனப்பலரும் கலந்துகொண்டனர். வைத்தியர் பா. பாலகோபி வைத்தியர் சி.இரகுராமன் இருவரும் இணைந்து  "குழந்தையின்மை விளக்கங்களும் தீர்வுகளும்" என்ற நூலை எழுதி வெளியிட்டமை குறிப்பிடத்தக்கது. ஓர் இனம் வாழவேண்டுமாயின் அந்த இனத்தின் இருப்பையும் பரம்பலையும் உறுதிசெய்ய வேண்டும் - வைத்தியர் பாலகோபி | Virakesari.lk
×
×
  • Create New...

Important Information

By using this site, you agree to our Terms of Use.