Jump to content

கர்நாடக இசை தமிழிசையிலிருந்து திருடப்பட்டதா?


Recommended Posts

கர்நாடக இசை தமிழிசையிலிருந்து திருடப்பட்டதா?

 

 

- பொ.வேல்சாமி

இருபதாம் நூற்றாண்டிலிருந்துதான் தமிழகத்துக்கு வரலாறு தொடங்குகிறது. ஏன் அதற்கு முன்னர் வரலாறு இல்லையா என்ற ஐயம் எழுவது இயல்புதான்.அதற்கு முந்தைய காலங்களில் வரலாறும் புராணங்களும் செவிவழிச்செய்திகளும் ஒன்றாகக் கலக்கப்பட்டுக் கர்ண பரம்பரைக் கதைகள்தான்வழக்கிலிருந்தன. இதனால் கரிகால் சோழனுக்கு இளங்கோவடிகள் பேரனானார். 1 ஒளவையாரும் புகழேந்திப் புலவரும் நூற்றாண்டுகள் தோறும்அவதரித்தனர். திருவள்ளுவர் நக்கீரரோடு இணைக்கப்பட்டார். 2 பேராசிரியர் உரை எது, நச்சினார்க்கினியர் உரை எது, பரிமேலழகர் உரை எதுஎன்னும் வேறுபாடு தெரியாமல் எல்லோரும் ஒன்றாகப் போட்டுக் குழப்பப்பட்டனர். தமிழ்நாட்டில்தான் இந்த அவல நிலை இருந்ததாகக்கொள்ளவேண்டியதில்லை. இந்தியா முழுமையிலும் இதே நிலைதான். இருபதாம் நூற்றாண்டில் இத்தகைய செய்திகள் தொகுத்துப் பகுத்து ஆராயப்பட்டு,முறைப்படுத்திய வரலாற்று நூல்கள் வெளிவரத் தொடங்கின. இத்தகைய வரலாற்றுப் புரிதலுக்கு அடித்தளமிட்டவர்கள் ஐரோப்பியர்களான வெள்ளையர்களே.வெள்ளையர்களால் எழுதப்பட்ட இந்திய-தமிழக வரலாற்றுக் குறிப்புகள், வெள்ளையர் கண்ணோட்டத்தின்படி ஐரோப்பியர்களைப் பகுத்தறிவுஉள்ளவர்களாகவும் மற்றவர்களை பழங்குடியினராகவும் நாகரிகம் குறைந்தவர்களாகவும் படைத்துக் காட்டின.

பத்தொன்பது, இருபதாம் நூற்றாண்டுகளில் ஐரோப்பிய முறையில் கல்வியறிவு பெற்ற தமிழர்களான பார்ப்பனர்களும் முதலியார், வெள்ளாளர் போன்றஉயர் சாதிச் சூத்திரர்களும்தான் முன்னணியில் இருந்தனர். குறிப்பாகப் பார்ப்பனர்கள், வெள்ளையர்களின் நிர்வாக அமைப்பில் முதல் இடத்தைப் பிடித்துவிட்டனர்.கடந்த கால வரலாற்றில் உயர் சாதிச் சூத்திரர்களாகிய தங்களுடன் சேர்ந்து கொண்டு அதிகாரத்தை அனுபவித்த பார்ப்பனர்கள், நிகழ்காலத்தில் தங்களைவிட்டுவிட்டு ஆங்கிலேயர்களை அண்டி அதிகாரத்தில் பங்கெடுத்தது கண்டு சூத்திர உயர் சாதியினர் கொதிப்படைந்திருந்தனர். இந்த வகையான நட்பும் பகையும்பூண்ட பார்ப்பன, சூத்திர உயர் சாதித் தமிழர்களால்தான் தமிழக வரலாற்றுப் புனைவுகள் முதன்முதலில் உருவாக்கப்பட்டன.

இத்தகைய சூழ்நிலையில்தான் தமிழக வரலாறு தொடர்பான எழுத்துகள் வர ஆரம்பித்தன. வரலாற்றுப் புனைவாளர்கள் இயல்பாகச் செய்யக்கூடியதைப்போன்று தங்களுக்குச் சாதகமான செய்திகளை வரிசைப்படுத்தி வரலாறாகத் தொகுத்த இவர்கள், பாதகமான ஒரு காரணத்தையும் கற்பித்தனர். நவீன தமிழ்வரலாற்றில் இத்தகைய கற்பிதங்கள் ஏராளம் உண்டு. அவை பொற்காலங்கள், இருண்ட காலங்கள், நாகரிகமற்றவர்களின் ஆக்கிரமிப்புகள் போன்றபல. சூத்திர மேல் சாதியினருக்குச் சங்க காலம் பொற்காலமாக மாறியது. ஏனென்றால் பார்ப்பனர்கள், சூத்திரர்களை அண்டியிருந்த காலம் அதுதான்.பார்ப்பன உயர்சாதிச் சூத்திரர்களுக்கு இருண்ட காலம் என்பது களப்பிரர் காலம். ஏனென்றால் பழங்குடித் தமிழ் மக்களின் நிலங்களைக் கைப்பற்றும் முயற்சியில்தோல்வியடைந்து இந்தப் பார்ப்பன சூத்திரக் கூட்டு ஒடுங்கியிருந்த காலம் இது. இசுலாமியர் வருகையினால் இந்தக் கூட்டின் கொடுங்கோன்மையிலிருந்துஒடுக்கப்பட்ட மக்கள் தற்காலிகமாக விடுபட்டிருந்த காலம் இது. குறிப்பாகத் தங்கள் அதிகாரம் ஓங்கிய காலங்களை இந்தக் கூட்டாளிகள்பொற்காலம் என்று எழுதுவார்கள். தங்கள் அதிகாரத்தைச் செயல்படுத்த முடியாத காலங்களை இவர்கள் இருண்ட காலம் என்பார்கள். நாம் கேட்கவேண்டிய கேள்வி, யாருக்குப் பொற்காலம்? யாருக்கு இருண்ட காலம்? கடந்த காலப் புனைவுகள் என்பன சில தலைமுறைகள் கடந்தவுடன் பொதுக்கருத்தியலில் திராவிடக் கருத்தியலின் ஊடாக இயல்பான உண்மைகள் போன்று உருப்பெறுகின்றன. இந்த உருவாக்கம் அனைத்து மக்களுக்கும்பொதுவானது என்ற மாயக் கருத்தையும் வலுவாக விதைத்துவிடுகின்றது. இதனால் சுஜாதா போன்ற பார்ப்பனர்கள், (3) மு. அருணாச்சலம் போன்றசூத்திர சாதி ஆராய்ச்சியாளர்கள், (4) சமீப காலங்களில் தமிழிசைப் பற்றி (5) பல நல்ல கட்டுரைகளை எழுதிவரும் ந. மம்முது போன்றவர்கள் ஒரே குரலில்பேசும் நிலை ஏற்படுகிறது.

உண்மையில் அந்தக் காலகட்டம் எப்படி இருந்தது என்பதைக் கொஞ்சம் பார்ப்போம். இந்தியாவுக்கும் அதாவது தமிழ் நாட்டிற்கும் மேற்குநாடுகளாகிய அரேபியா, கிரேக்கம், ரோம் போன்ற நாடுகளுக்குமான வர்த்தகம் கொடிகட்டிப் பறந்த காலம் இதுதான். இதற்கான சான்றுகள்தமிழகமெங்கும் காணப்படுவதை இன்றைய அகழ்வாய்வுகள் வெளிப்படுத்துகின்றன. அரிக்கமேடு, கரூர், கொற்கை போன்ற பல இடங்களில் குவியல்குவியலாக ரோமானியப் பொற்காசுகள் கிடைத்திருக்கின்றன. இந்தக் காலத்தைச் சேர்ந்த சிலப்பதிகாரத்தில் மதுரை நகர் பற்றிய வருணனையும்மதுரைக் காஞ்சியில் வருகின்ற மதுரை நகரத்தைப் பற்றிய வருணனை போன்ற பகுதிகளும் இந்திய மொழி இலக்கியங்கள் எதிலும்காணக்கிடக்கவில்லை என்று வரலாற்று அறிஞர் அ.ஃ . பசாம் தன்னுடைய வியத்தகு இந்தியா (The wonder that was India) நூலில்குறிப்பிடுகின்றார்.(6)

இந்தியத் தத்துவ வரலாற்றில் தலைசிறந்தவராகக் குறிக்கப்படுகின்ற தர்மகீர்த்தி, சீனாவிலும் ஜப்பானிலும் பெளத்த மதத்தைப்பரப்பி, அவர்கள் மத்தியில் இன்றுவரை புகழ்பெற்று விளங்கும் போதி தர்மர், இலங்கையில் மகாயான பெளத்தத்தைப் பரப்பிசிங்கள மொழியிலும் பாலி மொழியிலும் பல நூல்களை எழுதிய சங்கமித்தரர் போன்ற நூற்றுக்கணக்கான ஜைன பெளத்தஅறிஞர்களும் துறவிகளம் தமிழ்நாட்டைச் சேர்ந்தவர்கள் என்பது குறிப்பிடத்தக்கது. சிலப்பதிகாரம், மணிமேகலை, பெருங்கதைமுதலிய தமிழில் தோன்றிய முதல் காவிய நூல்களும் பல்வேறுபட்ட யாப்பு நூல்களும் இசை நுணுக்கம், இந்திரகாளியம் போன்றஇசை நூல்களும் திருக்குறள், நாலடியார் போன்ற நீதி நூல்களும் தமிழில் தோன்றிப் புகழ் பரப்பியதும் இந்தக்காலம்தான்.இத்தகைய தன்மைகள் நிறைந்த இக்கால கட்டத்தை இருண்ட காலம் என்று சொல்லத் துணிபவர் குருடர்களாகத்தானே இருக்கமுடியும். உயர்சாதிக் குருடர்கள் இப்படிக் கூறுவதை விட்டுவிடுவோம். மம்முது போன்ற இசைத் துறை ஆராய்ச்சியாளர் ஒருவர்தமிழ் இசைக்குக் கேடு உண்டாக்கியவர்கள் ஜைனர்களும் பெளத்தர்களும் களப்பிரர்களும் என்று கூறுவது தமிழக வரலாற்றைச்சரியாகக் கவனிக்காததால் வந்த பிழையெனக் கருதலமா?

சமணர்களாலும் பெளத்தர்களாலும் இசை நூல்கள் அதாவது தமிழிசை நூல்கள் அழிக்கப்பட்டிருந்தால் தமிழிசை, நாடகம்போன்றவற்றைப் பேசும் நூல்களான இசை நுணுக்கம், இந்திர காளியம், பஞ்ச மரபு, பரத சேனாதிபதியம், மதிவாணர் நாடகத்தமிழ் நூல் போன்றவற்றை அடியார்க்கு நல்லார் 600 ஆண்டுகளுக்குப் பின் தன்னுடைய உரையில் எவ்விதம் கையாண்டிருக்கமுடியும்? இன்றைய நிலையிலும் பழந்தமிழ் இசைபற்றி ஆராய்ச்சி செய்பவர்கள் அதற்கான ஆதாரங்களைச் சமண, பெளத்தநூல்களான சிலப்பதிகாரம், பெருங்கதை, சீவகசிந்தாமணி, யசோதர காவியம், போன்ற நூல்களிலிருந்துதானே பெறுகின்றனர்.இந்த வெளிப்படையான உண்மை புரியாமல் போனது ஏன்? ஞானசம்பந்தர், அப்பர், சுந்தரர் போன்றவர்களின் பதிகங்களுக்கானஇசை வடிவங்கள் இந்தப் பதிகங்களைத் திருமுறைகளாகத் தொகுக்கும்போது காணாமல் போனதாகக் கதை வருகிறதே, அதுஎப்படி? அப்படிக் காணாமல் போன இசைப் பகுதிகளைப் பாணர் குலத்தைச் சேர்ந்த ஒரு பெண்மணிதான் மீள்வார்ப்பு செய்துகொடுத்ததாகக் கதை இருக்கிறதே(7) இதையெல்லாம் கருத்தில் கொள்ளாமல் வாய்புளித்ததோ மாங்காய் புளித்ததோ என்றுவாய்க்கு வந்ததைச் சொல்லுவது ஏன்?

உண்மையில் இந்தப் பிரச்சினைகள் சமணர்களும் பெளத்தர்களும் சம்மந்தப்பட்டவை அல்ல. இது சாதி சார்ந்த பிரச்சினை. உயர்சாதியினர் வரலாறு எழுதியதால் இத்தகைய பகுதிகளை மறைத்து விட்டுச் சமணர்கள், பெளத்தர்கள், களப்பிரர்கள் என்று கதைகட்டினர். ஏனென்றால் இசையைப் போற்றி வளர்த்த தமிழர்கள், பார்ப்பன சூத்திரக் கூட்டு ஆதிக்கத்தின் கீழ் தமிழகம் வந்தபோதுதாழ்த்தப்பட்டவர்களாக்கப்பட்டனர். பழந்தமிழ் நூல்களில் குறிக்கப்படும் இசைவாணர்களான பாணர், பறையர், கடம்பர், துடியர்(புறம்.335) போன்றவர்கள் பின்னாளில் தீண்டத்த தகாதவராக்கப்பட்டனர். இவர்களுக்குப் பொதுக்களம் மறுக்கப்பட்டது.இவர்களுடைய இசைக் கருவிகள் இழிவுபடுத்தப்பட்டன. திருநீலகண்ட யாழ்ப்பாணர் கதையில் ஞானசம்பந்தர் இவரைக்கோவிலுக்குள் அழைத்துச் செல்வது கூடத் திருநீலகண்டரின் இசைப் புலமைக்காகத்தானே தவிர ஞானசம்பந்தருக்குச் சாதி ஒழியவேண்டும் என்ற சிந்தனையால் அல்ல என்பதை உளம் கொள்ள வேண்டும். இதற்கு இந்த இசைவாணர்கள் அல்லது இசை நாடகம்சார்ந்த கலைஞர்களின் பயிற்சி முறையும் காரணம் ஆகும்.

சுமார் ஆறு, ஏழு வயதில் பயிற்சிக்குள் நுழையும் இவர்கள் இருபது வயதுக்குப் பின்னர் அரங்கத்துக்கு வருகின்றனர்.இடைப்பட்ட அவ்வளவு காலமும் இவர்கள் இசை நாடக நாட்டியப் பயிற்சி தவிர கல்விப் பயிற்சி பெறவே வாய்ப்பில்லாதவாழ்க்கையைப் பெற்றுவிடுகின்றனர். ஆகவே இத்தகைய கலைஞர்கள் கலைகளில் மேம்பட்டு விளங்கினாலும் நூல் கல்வியைப்பொருத்தமட்டில் தற்குறிகளாகவே இருந்து விட்டனர். இருபதாம் நூற்றாண்டில் தோன்றிய ஜி.என். பாலசுப்ரமணியம்என்பவர்தான் இசைக்கலைஞர்களுள் முதலில் பி.ஏ. பட்டம் பெற்ற பட்டதாரி (8) இத்தகைய பின்புலம் ஒருபுறமென்றால்,மறுபுறத்தில் நாட்டியத்தில் தேர்ந்த பெண்மணிகள் தேவதாசிகள் என்று பெயர் சூட்டப்பட்டுப் பரத்தையர்களாகக்குறிக்கப்பட்டனர். இவர்களுடைய நாட்டிய நிகழ்ச்சி சதிர் என்று இழிவாகக் குறிக்கப்பட்டது. முத்துப் பழனி போன்றபதினெட்டாம் நூற்றாண்டில் வாழ்ந்த மாபெரும் பெண்கவிஞர், வடமொழி, தென்மொழிகளில் வல்லவர், நாட்டியத்தில் அந்தக்காலகட்டத்தில் தலைசிறந்தவர் என்று போற்றப்பட்டவர். அவர் கூடப் பிரதாப சிம்மன் என்ற தஞ்சை மராட்டிய மன்னனுக்குவைப்பாட்டியாகத்தான் வரலாற்றில் குறிக்கப்படுகிறார். இத்தகைய பெண்கள் சோழர் காலத்திலிருந்தே நாட்டியம் சார்ந்தவிபச்சாரத்தில் ஈடுபடுத்துவதற்காக மராட்டியர் காலம் வரை விற்பனை செய்யப்பட்டதற்கு ஏராளமான சான்றுகள் தமிழகவரலாற்றில் குவிந்துள்ளன.

இத்தகைய இழி நிலைக்குச் சூத்திர தமிழர்களால் ஆட்படுத்தப்பட்ட மக்கள் எப்படித் தமிழ் இசையையும் நாட்டியத்தையும்மரியாதையுடன் போற்றியிருக்க முடியும்? வயிற்றுப் பிழைப்புக்குத்தான் இந்தக் கலைகள் அவர்களுக்குப் பயன்பட்டன.இருபதாம் நூற்றாண்டில் இந்தக் கலைகள் தம் கையிலிருந்தால் தமக்குப் பெருமை கிடைக்கும் என்பதை உணர்ந்த பார்ப்பனர்கள்கைவசப்படுத்திக் கொண்டனர். அதற்குக் கர்நாடக சங்கீதம் என்று புனிதப் பெயருமிட்டனர்.

இதுபோன்று சூத்திர உயர் சாதித் தமிழர்களால் புறக்கணிக்கப்பட்டவை நுண்கலைகள் மட்டுமல்ல, நம்முடைய தமிழ்நூல்கள் பலஇன்றும் ஐரோப்பிய நாடுகளின் பழம்பொருட்சாலைகளில் தூங்கிக்கொண்டுள்ளன. சுமார் எழுபது ஆண்டுகளுக்கு முன்னர்தொல்காப்பிய சொல்லதிகார குறிப்பு என்று பி.ச. சுப்ரமணிய சாஸ்திரியால் எழுதப்பட்ட நூல் தமிழ்மொழியின் சொல்லிலக்கணம்அனைத்தும் வடமொழியான சமஸ்கிருதத்திலிருந்து தான் உருவானது என்று விவாதித்தது. அந்நூலை அதேகாலத்தில்தன்னுடைய ஆய்வினூடாக கடுமையாக விமர்சித்து தமிழ் தனித்துவமுடையது என்பதை விஞ்ஞானப்பூர்வமாக நிலைநாட்டிபெருந்தமிழ் இலக்கண அறிஞரும் போலிஸ் சர்க்கிள் இன்ஸ்பெக்டருமான மன்னார்குடி சோமசுந்தரம்பிள்ளை அவர்கள் எழுதியகட்டுரைகள் எந்தத் தமிழனுக்கும் தெரியாது. தொல்காப்பியம்-பொருளதிகாரத்திற்கான பேராசிரியர் உரைக்கு இவரால்ஆராய்ச்சிக் குறிப்பு எழுதப்பட்டு சுமார் அறுநூறு பக்கங்களாக வெளியிடப்பட்ட நூல் தமிழர்களால் இன்று மறக்கப்பட்டநூல்களில் ஒன்று. இந்நூல் பிரிட்டிஷ் மியூசியத்திலுள்ளது.

நம்முடைய ஐம்பொன் சிற்பங்கள், தமிழ்க்கலை வரலாறு பற்றிய குறிப்புகள் போன்ற எதுவும் தமிழர்களால் இன்றுவரைகண்டுகொள்ளப்படவில்லை. 21ம் நூற்றாண்டிலும் இந்நிலை தொடர்கிறது. தமிழை வளர்ப்போம், தமிழரை வளர்ப்போம் என்றுஆர்ப்பாட்ட அரசியலை நடத்தியவர்களை நம்பி பின்சென்ற தமிழர்கள் இன்று பேச்சுத்தமிழையும் கூட தம் பிள்ளைகளுக்குஒழுங்காக கையளிக்கும் நிலையிலில்லை என்ற கசப்பான உண்மையும் உளம்கொளத்தக்கது. பாரம்பரியமாக சாதிப்பெருமைபேசி தமக்குள் சுருங்கிக்கொண்ட சாதித்தமிழர்கள் அரசியல் அதிகாரம் பெறுவதற்காக மக்கள் மத்தியில் வீசிவிட்ட சிலபொருளற்ற வார்த்தைகளில் ஒன்றுதான் தமிழிசையை களவாடிவிட்டதானக் கதையும் ஆகும்.

குறிப்புகள்

1. A.L. பசாம், வியத்தகு இந்தியா, இலங்கை அரசாங்க வெளியீடு, முதற்பதிப்பு 1963, பக்.606

2. கி.சு.வி. லட்சுமி அம்மணி ( ஜமீன்தாரிணி, மங்காபுரி) திருக்குறள் தீபாலங்காரம் ( வெளியீட்டு விபரம் தெரியவில்லை)முதற்பதிப்பு 1928, ப.கரு ( திருவள்ளுவ நாயனார் சரிதம் )

3. சுஜாதா, ஆனந்த விகடன்

4. மு.அருணாசலம், தமிழ் இலக்கிய வரலாறு பதிமூன்றாம் நூற்றாண்டு, காந்தி வித்தியாலயம், திருச்சிற்றம்பலம்,1970, ப.363

5. ந.மம்முது, புதிய பார்வை, டிசம்பர் 11.5,2004, பக்.26

6. A.L. பசாம், வியத்தகு இந்தியா, இலங்கை அரசாங்க வெளியீடு, முதற்பதிப்பு 1963,பக்.287

7. க. வெள்ளைவாரனன், பன்னிரு திருமுறை வரலாறு( முதற்பகுதி), அண்ணாமலைப் பல்கலைக்கழகம், மறுபதிப்பு 1994

8. இசையை வாழ்க்கையாகக் கொண்டவர்கள் அநேகமாகப் பள்ளிப்படிப்பு விசயத்தில் அத்தனை அக்கறைக்காட்டவில்லை.ஒன்று அவர்களுக்குப் பள்ளிப்படிப்பில் நாட்டம் செல்லவில்லை. அல்லது படிப்பு அவர்களுக்கு வரவில்லை.பள்ளிப்படிப்பைவிட அனுபவப்படிப்பையே அவர்கள் அதிகம் நம்பினார்கள். ஆனால் சங்கீத வித்வான் ஸ்ரீமான் ஜி.என்.பாலசுப்ரமணியம் பி.ஏ., ஹானர்ஸ்( லிட்டரேச்சர்) முதல் சில ஆண்டுகளில் அவருடைய கச்சேரிகளைப்பற்றிய அறிவிப்புகளில்இப்படித்தான் நீளமாய் போடுவார்கள் பட்டதாரி கலைஞராகவே அறிமுகமானார்.

 

சு.ரா., இருபதாம் நூற்றாண்டின் சங்கீத மேதைகள், அல்லையன்ஸ் கம்பெனி, முதல்பதிப்பு1987,பக்.113

https://tamil.oneindia.com/art-culture/visai/2005/05/velsami.html

Link to comment
Share on other sites

  • கருத்துக்கள உறவுகள்
4 minutes ago, பகிடி said:

நல்ல கட்டுரை 

என்ன பகிடி… உக்ரைன் சண்டை மும்முரமாக நடக்குது.
நீங்கள் அங்கை, கருத்து எழுதாமல்… இஞ்சை மினக்கெடுறீங்கள். 🤣 
(சும்மா பகிடிக்கு.) 😂

Link to comment
Share on other sites

  • கருத்துக்கள உறவுகள்
On 9/23/2022 at 09:55, தமிழ் சிறி said:

என்ன பகிடி… உக்ரைன் சண்டை மும்முரமாக நடக்குது.
நீங்கள் அங்கை, கருத்து எழுதாமல்… இஞ்சை மினக்கெடுறீங்கள். 🤣 
(சும்மா பகிடிக்கு.) 😂

அந்தச் செய்திகள் சலிப்பை தருகின்றன.. அதனால் தான் 

Link to comment
Share on other sites

  • கருத்துக்கள உறவுகள்
On 23/9/2022 at 02:15, nunavilan said:

கர்நாடக இசை தமிழிசையிலிருந்து திருடப்பட்டதா?

இணைப்புக்கு நன்றி. புலத்திலேயுள்ள இசை மற்றும் நடன ஆசிரியர்கள் படிக்க வேண்டிய கட்டுரை.

Link to comment
Share on other sites

  • Tell a friend

    Love கருத்துக்களம்? Tell a friend!
  • Topics

  • Posts

    • இரண்டு ஆண்டுகள் அதானி குழுமங்களைத் தொடர் ஆய்வுகள் செய்து, 106 பக்கங்கள் கொண்ட அறிக்கையை, கடந்த ஜனவரி 24-ம் தேதி வெளியிட்டது ‘ஹிண்டன்பர்க்.’ அதில், அதானியைக் குற்றம்சாட்டி எழுப்பப்பட்டிருக்கும் 88 கேள்விகள்தான் விவகாரமானவை - ராணி கார்த்திக் ஓர் அறிக்கையும், ஓர் ஆவணப்படமும் மோடியின் பிம்பத்தை இந்த அளவுக்குத் தகர்த்தெறியும் என கனவிலும் நினைத்திருக்காது பா.ஜ.க. இந்தியப் பங்குச்சந்தையில் அதானி நிறுவனங்களின் பங்குகளைச் செயற்கையாக விலை உயர்த்தி, அதன் மூலமாகப் பல்வேறு முறைகேடுகளில் தொழிலதிபர் கெளதம் அதானி ஈடுபட்டதாக, `பகீர்’ குற்றச்சாட்டுகளை முன்வைத்திருக்கிறது அமெரிக்காவைச் சேர்ந்த ‘ஹிண்டன்பர்க்’ நிதி ஆராய்ச்சி நிறுவனம். அதேநேரத்தில், 2002 குஜராத் கலவரம் தொடர்பான ஆவணப்படத்தை வெளியிட்டு பெரும் தாக்கத்தை ஏற்படுத்தியிருக்கிறது லண்டனைச் சேர்ந்த பிபிசி செய்தி நிறுவனம். இந்த ஆவணப்படத்துக்கு மத்திய அரசு தடைவிதித்திருக்கும் நிலையில், நாடெங்கிலும் உள்ள பல்கலைக்கழகங்களில் ஆவணப்படத்தைத் திரையிட்டு, மாணவர்கள் போராட்டத்தைக் கையிலெடுத்திருக்கிறார்கள். கேரளாவில், வீதிக்கு வீதி பிபிசி-யின் ஆவணப்படம் திரையிடப்படுகிறது. “மோடிக்குப் பெரும் நெருக்கடியைக் கொடுத்திருக்கும் இந்த இருமுனைத் தாக்குதலில், அவர் மட்டுமல்ல, மத்தியில் ஆளும் பா.ஜ.க அரசும் கடும் ஆட்டம் கண்டிருக்கிறது” என்கிறது டெல்லி அரசியல் வட்டாரம். இந்த அறிக்கையும், ஆவணப்படமும் அப்படி என்ன சொல்கின்றன... என்னவிதமான தாக்கத்தை ஏற்படுத்தியிருக்கின்றன..?     ‘ஷெல்’ கம்பெனிகள்... மறைக்கப்பட்ட கடன் தொகை... அதிரடித்த 88 கேள்விகள்! நேட் ஆண்டர்சன் (Nate Anderson) என்பவரால் 2017-ல், அமெரிக்காவின் நியூயார்க் நகரில் தொடங்கப்பட்ட ‘ஹிண்டன்பர்க்’ நிறுவனம், முதலீடுகள் தொடர்பான ஆராய்ச்சிகளைச் செய்வதோடு, நிதி ஆலோசனைகளையும் வழங்கி வருகிறது. குறிப்பாக, பெரு நிறுவனங்களின் நிதிநிலை அறிக்கைகளை ஆராய்ந்து, அவற்றிலுள்ள முறைகேடுகளை அவ்வப்போது வெளிச்சமாக்கிவருகிறது. ஜூன் 2020-ல், ‘வின்ஸ் ஃபைனான்ஸ்’ என்கிற நிதி நிறுவனம் பற்றிய ஆய்வறிக்கையை வெளியிட்டது ‘ஹிண்டன்பர்க்.’ அதன் மூலம் சம்பந்தப்பட்ட நிதி நிறுவனத்தின் சொத்துகள் சீனாவில் முடக்கப்பட்டிருப்பதும், அதை மறைத்து அமெரிக்க முதலீட்டாளர்களிடமிருந்து பெருமளவு முதலீடுகளைப் பெற்றிருப்பதும் வெளிச்சத்துக்கு வந்தன. அமெரிக்காவில் பெரும் தாக்கத்தை ஏற்படுத்திய இந்த விவகாரத்தைத் தொடர்ந்து, அமெரிக்க பங்குச் சந்தையிலிருந்து வின்ஸ் நிறுவனத்தை நீக்கியது ‘நாஸ்டாக்’ (Nasdaq). அதேபோல அமெரிக்காவின் ‘நிகோலா’ நிறுவனம் உட்பட, பல பெருநிறுவனங்களின் பின்புலங்களையும் ஆராய்ந்து, ஆய்வறிக்கை வெளியிட்டு அதிரடித்த ‘ஹிண்டன்பர்க்’, இந்த முறை கைவைத்தது அதானி நிறுவனங்கள்மீது. இரண்டு ஆண்டுகள் அதானி குழுமங்களைத் தொடர் ஆய்வுகள் செய்து, 106 பக்கங்கள் கொண்ட அறிக்கையை, கடந்த ஜனவரி 24-ம் தேதி வெளியிட்டது ‘ஹிண்டன்பர்க்.’ அதில், அதானியைக் குற்றம்சாட்டி எழுப்பப்பட்டிருக்கும் 88 கேள்விகள்தான் விவகாரமானவை. அதாவது, ‘அதானி குழுமத்தைச் சேர்ந்த ஏழு நிறுவனங்கள், தங்களது நிதிநிலையை உண்மைக்குப் புறம்பாக உயர்த்திக் காட்டியிருக்கின்றன. அதன் மூலமாக 81,234 கோடி ரூபாய் வங்கிகளிலிருந்து கடன் பெற்றிருக்கின்றன. அந்த நிறுவனங்களுக்கு வழங்கப்பட்ட கடனில், எஸ்.பி.ஐ வங்கி மூலமாக மட்டுமே பெரும் தொகை சென்றிருக்கிறது. தங்கள் நிறுவனப் பங்குகளின் விலையை உயர்த்திக்காட்டுவதற்காக, வெளிநாடுகளிலுள்ள சில ‘ஷெல் கம்பெனிகள்’ (கறுப்புப்பணத்தை முதலீடு செய்வதற்காக உருவாக்கப்படும் மோசடி நிறுவனங்கள்) மூலமாக அதானி நிறுவனப் பங்குகளில் முதலீடு செய்திருக்கிறார்கள்’ என அடுக்கடுக்கான குற்றச்சாட்டுகளை முன்வைத்திருக்கிறது ‘ஹிண்டன்பர்க்’ அறிக்கை. எல்லாவற்றுக்கும் மேலாக, சட்டவிரோதப் பணப் பரிமாற்றத்திலும் அதானி நிறுவனங்கள் ஈடுபட்டதாக, `பகீர்’ கிளப்பியிருக்கிறது அந்த அறிக்கை. 23,500 கோடி ரூபாய் இழப்பில் எல்.ஐ.சி... மோடியின் நட்பு தந்த பரிசு! இந்த அறிக்கை ஏற்படுத்திய தாக்கத்தைத் தொடர்ந்து, பங்குச் சந்தையில் அதானி நிறுவனங்களின் பங்குகள் 20 சதவிகிதம் அளவுக்கு வீழ்ச்சியடைந்தன. சுமார் 5.5 லட்சம் கோடி ரூபாய் இழப்பை மூன்றே நாள்களில் சந்தித்திருக்கிறது அதானி குழுமம். உலகப் பணக்காரர்கள் வரிசையில் மூன்றாவது இடத்திலிருந்த கெளதம் அதானி, எட்டாவது இடத்துக்குச் சறுக்கியிருக்கிறார். இந்தச் சறுக்கலில், அதானி நிறுவனங்களில் முதலீடு செய்த பிற நிறுவனங்களும் சேதாரத்தைச் சந்தித்திருக்கின்றன. குறிப்பாக, பொதுத்துறை நிறுவனமான எல்.ஐ.சி-க்கு 23,500 கோடி ரூபாய் இழப்பு ஏற்பட்டிருக்கிறது என்கின்றனர். இவ்வளவு குளறுபடிகளையும், பங்குச் சந்தை முதலீட்டாளர்களின் பாதுகாப்பை உறுதிசெய்வதற்காக அமைக்கப்பட்ட ‘செபி’ கைகட்டி வேடிக்கை பார்த்திருப்பதாக ஹிண்டன்பர்க் அறிக்கை குறிப்பிட்டிருப்பதுதான் ஹைலைட். “அதானிக்கும் பிரதமர் மோடிக்கும் இடையே நிலவும் பல ஆண்டுக்கால நட்பு காரணமாக, அதானி நிறுவனத்தின் முறைகேடுகளை மத்திய அரசு கண்டுகொள்ளாமல் இருக்கிறது” என்கின்றன எதிர்க்கட்சிகள். நம்மிடம் பேசிய பொருளாதார வல்லுநர் வெங்கடேஷ் ஆத்ரேயா, “ஒன்றிய அரசின் முக்கியமான புள்ளிகள், அதானிக்கு நெருக்கமானவர்கள். எனவே, ‘ஹிண்டன்பர்க்’ எழுப்பியிருக்கும் குற்றச்சாட்டுகளிலிருந்து அதானியை அவர்கள் காப்பாற்றுவார்கள் என்ற எண்ணம் பொதுவெளியில் இருக்கிறது. அதனால், பாரபட்சமற்ற விசாரணை செய்து இந்த விவகாரத்தை ஒன்றிய அரசு தெளிவுபடுத்த வேண்டும். எஸ்.பி.ஐ., எல்.ஐ.சி போன்ற பொதுத்துறை நிறுவனங்களை வலுப்படுத்தும் வேலையை அரசு செய்ய வேண்டும். ‘ஹிண்டன்பர்க்’ எழுப்பியிருக்கும் குற்றச்சாட்டுகளை ஆராய ஒரு குழுவை அமைக்கவேண்டியது அரசின் கடமை. அதைச் செய்வதில் ஒன்றிய அரசுக்கு என்ன தயக்கம்?” என்றார்.   அதானி மீதான தாக்குதல்... தேசத்தின் மீதான தாக்குதல் அல்ல! இதற்கிடையே, ‘ஹிண்டன்பர்க்’ எழுப்பிய குற்றச்சாட்டுகளை அதானி நிறுவனம் முற்றிலுமாக மறுத்திருக்கிறது. அதானி குழுமத்தின் சட்டத் தலைவர் ஜதின் ஜலுந்த்வாலா, “ஹிண்டன்பர்க் நிறுவனத்துக்கு எதிராகச் சட்டரீதியான நடவடிக்கை எடுப்போம்” என்றிருக்கிறார். 413 பக்க விளக்க அறிக்கையும் அதானி தரப்பிலிருந்து வெளியாகியிருக்கிறது. இதை ‘ஹிண்டன்பர்க்’ வரவேற்றிருப்பதோடு, அமெரிக்க நீதிமன்றத்தில் வழக்கைத் தொடுக்குமாறு கூறியிருக்கிறது. ஜதின் ஜலுந்த்வாலா விளக்கமளித்தபோது, தேசியக்கொடியைப் பின்னணியில் வைத்துக்கொண்டு பேசியது சர்ச்சையானதால், அதற்கு பதிலடி கொடுத்திருக்கும் ‘ஹிண்டன்பர்க்’, “முக்கியமான குற்றச்சாட்டுகளில் கவனம் செலுத்தாமல், ‘தேசியம்’ என்கிற பெயரில் புகார்களை மறைக்க அதானி குழுமம் முயல்கிறது. தேசியக்கொடியைப் போர்த்திக்கொண்டு நாட்டை அதானி குழுமம் கொள்ளையடிக்கிறது” எனப் பகிரங்கமாகக் குற்றம்சாட்டியிருக்கிறது. “தங்கள் மீதான தாக்குதலை, நாட்டின் மீதான தாக்குதலாகக் கட்டியமைக்க முயல்கிறது அதானி நிறுவனம். அதை ‘ஹிண்டன்பர்க்’ போட்டு உடைத்துவிட்டது. அமெரிக்க நீதிமன்றத்தில் அதானி வழக்கு தொடர்ந்தால், தங்கள் முதலீட்டாளர்களின் விவரங்கள், வெளிநாட்டு முதலீடுகள் என எல்லாவற்றையுமே ஆதாரங்களாகச் சமர்ப்பிக்கவேண்டி வரும். அது அதானிக்கு மேலும் சிக்கலைப் பெரிதாக்கும்” என்கிறார்கள் விவரமறிந்த மத்திய நிதித்துறை அதிகாரிகள். போட்டுடைத்த ஆவணப்படம்... ஆட்டம் காணும் மோடி! ஒருபக்கம் அதானி மீதான குற்றச்சாட்டு குண்டு வெடித்து மோடியை நிலைகுலையவைத்திருக்கும் சூழலில், மோடி மீதே நேரடித் தாக்குதலைத் தொடுத்திருக்கிறது ஓர் ஆவணப்படம். கடந்த 2002-ம் ஆண்டு, குஜராத்தில் நடந்த கலவரத்தை மையப்படுத்தி பிபிசி செய்தி நிறுவனம் வெளியிட்ட ‘India: The Modi Question’ என்கிற ஆவணப்படம் உலகம் முழுவதும் பெரும் அதிர்வலைகளை ஏற்படுத்தியிருக்கிறது. கலவரத்துக்கும் அப்போதைய குஜராத் முதலமைச்சரான மோடிக்கும் உள்ள தொடர்பு குறித்து விரிவாகப் பேசியிருக்கிறது இந்த ஆவணப்படம். இரண்டு எபிசோடுகளாக வெளிவந்திருக்கும் இந்த ஆவணப்படத்தில், மோடியின் அரசியல் வளர்ச்சி தொடங்கி, கோத்ரா ரயில் எரிப்பு, அதன் தொடர்ச்சியாக ஏற்பட்ட கொடூரமான கலவரம் வரை அனைத்தும் ஆவணப்படுத்தப் பட்டுள்ளன. அதில், ‘திட்டமிட்டு நடத்தப்பட்ட கலவரத்தில் 1,000-க்கும் மேற்பட்டோர், பெரும்பாலும் முஸ்லிம்கள், வன்முறையால் கொல்லப்பட்டனர். ஏராளமான பெண்கள் பாலியல் வன்கொடுமை செய்யப்பட்டனர். தனிப்பட்ட வளர்ச்சிக்காகவும், அரசியல் லாபத்துக்காகவும், குஜராத் முதலமைச்சராக இருந்த மோடி, இதையெல்லாம் தடுக்காமல் வேடிக்கை பார்த்தார்’ என அழுத்தமாகக் குற்றம்சாட்டப்பட்டிருக்கிறது. கடந்த பத்தாண்டுகளில் பிரதமர் மோடி கட்டமைத்திருக்கும் ‘பெரும் தலைவர்’ பிம்பத்தைச் சுக்குநூறாக உடைத்திருக்கிறது இந்த ஆவணப்படம். நாடு முழுவதும் பல பல்கலைக்கழகங்களில் ஆவணப்படத்தைத் திரையிட மாணவ அமைப்புகள் வேகமெடுத்ததால், படத்தைத் தடைசெய்தது மத்திய அரசு. யூடியூபிலிருந்து ஆவணப்படத்தின் லிங்க்குகள் நீக்கப்பட்டன. ட்விட்டரும் அந்த வீடியோ லிங்க்கைப் பகிர்ந்த ஐம்பதுக்கும் மேற்பட்ட ட்வீட்டுகளை நீக்கியிருக்கிறது. ஆனால், ஒரு முறை இன்டர்நெட்டுக்குள் புகுந்துவிட்ட ஒரு பதிவை முழுவதுமாக யாரும் நீக்கிவிட முடியாது என்கிற யதார்த்த நிலையை மத்திய அரசு புரிந்துகொள்ளவில்லை. இப்போது படம், கோடிக்கணக்கான தனி நபர்களின் மொபைல்களில் பகிரப்பட்டும் பார்க்கப்பட்டும் வருகிறது. டெல்லி ஜவஹர்லால் நேரு பல்கலைக்கழக மாணவர்கள் படத்தைத் தங்கள் சங்க அலுவலகத்தில் திரையிடுவதாக அறிவித்தனர். மிரண்டுபோன பல்கலைக்கழக நிர்வாகம், படம் திரையிடுவதற்கு முன்னதாக, பல்கலைக்கழக வளாகம் முழுவதும் மின் இணைப்பைத் துண்டித்தது. ஆனால், திட்டமிட்ட அதே இடத்தில், தங்களது செல்போன்களில் படத்தைப் பார்த்தார்கள் மாணவர்கள். சென்னை பல்கலைக்கழகத்திலும் அதேபோல, மாணவர்கள் படம் பார்க்க முற்பட்டபோது, பல்கலைக்கழக நிர்வாகம் தடைவிதித்ததால் பரபரப்பு எழுந்தது. சென்னையில், படத்தைத் தன் மொபைலில் பார்த்த சி.பி.எம் கவுன்சிலர் பிரியதர்ஷினி உள்ளிட்டோரை ஆளும் தி.மு.க அரசு கைதுசெய்ததும் கண்டனத்தைக் கிளப்பியது. தமிழ்நாடு காவல்துறை தன்னிச்சையாகச் செயல்படுகிறதா? சி.பி.எம் கட்சியின் முன்னாள் எம்.எல்.ஏ பாலபாரதி நம்மிடம் பேசுகையில், “அந்த ஆவணப்படத்தைப் பார்க்கும் எல்லோரும் அதிர்ச்சிக்குள்ளாவார்கள். ‘இந்த நேரத்தில் ஏன்..?’ என்று கேட்கிறார்களே தவிர, இதைப் பா.ஜ.க-வினர் யாரும் பொய் எனச் சொல்லவில்லையே... திட்டமிட்டு மறைக்கப்பட்ட கொடூர முகம் வெளியாகும்போது, அதில் இருக்கும் உண்மையை எல்லோரும் பேசத்தான் செய்வார்கள். அன்றைக்கு இருந்த சூழலில், குஜராத் கலவரத்தில் மோடிக்குத் தொடர்பில்லை என உச்ச நீதிமன்றம் சொல்லியிருக்கலாம். அதனாலேயே அது உண்மை என்றாகிவிடுமா. மத்திய அரசு படத்தைத் தடைசெய்திருக்கிறது. தமிழ்நாட்டிலோ படம் பார்த்தால் கைதுசெய்கிறார்கள். எனவே, முதல்வரின் கட்டுப்பாட்டிலிருக்கும் காவல்துறை, தன்னிச்சையாகச் செயல்படுகிறதா என்கிற கேள்வி எழுகிறது. இதை, தமிழ்நாடு அரசுதான் தெளிவுபடுத்த வேண்டும்” என்றார்.   “மோடியும் ராஜ பக்சேவும் ஒன்று!” நாம் தமிழர் கட்சியின் செய்தித் தொடர்பாளர் சே.பாக்கியராசன் பேசியபோது, “இலங்கையில் தமிழ் மக்கள்மீது நிகழ்த்தப்பட்ட படுகொலைக்கு எந்தவிதத்திலும் குறைவில்லாதது குஜராத்தில் மோடி அரசு நிகழ்த்திய படுகொலை. ஒரு குறிப்பிட்ட மதத்தைச் சார்ந்த மக்கள்மீது நிகழ்த்தப்பட்ட இனப்படுகொலை தொடர்பான இந்த ஆவணப்படம் இன்னும் முன்பே வெளிவந்திருக்க வேண்டும். இப்போதாவது வந்ததே என்பதில் மகிழ்ச்சி. எங்களைப் பொறுத்தவரை மோடியும் ராஜபக்சேவும் ஒன்றுதான். இருவருமே இனப்படுகொலையாளர்கள். குஜராத் மாநிலத்தைச் சேர்ந்த கார்ப்பரேட் முதலாளிகளின் வளர்ச்சிக்காகவே ஓர் அரசு இருக்குமென்றால், அது மோடி தலைமையிலான மத்திய பா.ஜ.க அரசுதான். அதானி பாதிக்கப்பட்டால், இந்தியாவின் ஒவ்வொரு சாமானியனும் பாதிக்கப்படும் அளவுக்கு இந்திய தேசியத்தில் கிளைபரப்பி வைத்திருக்கிறார்கள். மோடியின் இந்த 9 ஆண்டுக்கால ஆட்சியில் அதானி 20 மடங்கு வளர்ச்சியை அடைந்திருக்கிறார். இதுதான் மோடி வித்தை என்பது. இந்தியப் பணக்காரர்கள் பட்டியலில் முதலிடத்தில் இருக்கிறார் அதானி. ஆனால், இந்திய அரசுக்கு அதிக வரி செலுத்துகிற டாப்-10 நிறுவனங்கள் பட்டியலில், அதானி நிறுவனங்களில் ஒன்றுகூட இல்லை... ஏன்? அதானி குழுமத்தின் மீதான குற்றச்சாட்டை, `இந்தியப் பொருளாதாரத்தின் மீதான தாக்குதல்’ என்கிறார் அதானி. ஆனால், அவருக்கும் இந்தியாவுக்கும் எந்தத் தொடர்பும் இல்லை என்பது எல்லோருக்கும் தெரியும். ‘அயோக்கியர்களின் கடைசி புகலிடம் தேசபக்தி’ என்ற சாமுவேல் ஜான்சனின் வார்த்தைகள்தான் நினைவுக்கு வருகின்றன” என்றார்.   வெங்கடேஷ் ஆத்ரேயா, சே.பாக்கியராசன், பாலபாரதி, ராம.ஸ்ரீநிவாசன்   “கலவரத்துக்கும் மோடிக்கும் தொடர்பில்லை... இது சர்வதேசச் சதி!” ‘ஹிண்டன்பர்க்’ குற்றச்சாட்டுகள், பிபிசி ஆவணப்படச் சர்ச்சை தொடர்பாக, பா.ஜ.க மாநிலப் பொதுச்செயலாளர் பேராசிரியர் ராம.ஸ்ரீநிவாசனிடம் பேசினோம். “காங்கிரஸ் ஆட்சியிலிருந்தபோது அதானிக்கும் அம்பானிக்கும் கொடுத்த கடன் தொகை எவ்வளவு, இந்த எட்டாண்டுகளில் பா.ஜ.க கொடுத்த கடன் எவ்வளவு என்பதையும் இவர்கள் வெளியிடுவார்களா... பா.ஜ.க ஆட்சிக்கு வந்ததும் கார்ப்பரேட் நிறுவனங்களுக்குக் கொடுக்கப்பட்ட பெரும் கடன் தொகைகளை வசூல் செய்திருக்கிறோம். பண மோசடியில் ஈடுபட்ட நீரவ் மோடி, விஜய் மல்லையாவின் சொத்துகள் நாட்டுடைமை ஆக்கப்பட்டிருக்கின்றன. ‘பொதுச் சொத்தைத் திருடிக்கொண்டு செல்பவர்களுக்கு இந்த அரசு எப்போதும் உதவியாக இருக்காது’ என்பதற்கு இவையே சான்றுகள். முத்ரா திட்டத்தில் பயனடைந்த சாமானியர்களெல்லாம் கார்ப்பரேட்டுகளா? அடுத்த ஆண்டு நாடாளுமன்றத் தேர்தல் வரவிருக்கிறது. இந்தச் சூழலில் பிரதமர் மோடியின் பெயருக்குக் களங்கம் விளைவிக்கும் வகையில், அதுவும் 20 ஆண்டுகள் கழித்து கோத்ரா கலவரம் குறித்த ஆவணப்படத்தை பிபிசி வெளியிட்டிருப்பதில் சர்வதேசச் சதி இருப்பதாகவே தோன்றுகிறது. கோத்ரா கலவரத்தில் மோடிக்கும், குஜராத் அரசுக்கும் எந்தத் தொடர்பும் இல்லை என நீதிமன்றத் தீர்ப்பே இருக்கிறது. கலவரத்தில் இறந்தவர்களில் 30 சதவிகிதம் பேர் இந்துக்கள். இஸ்லாமியர்களுக்கு எதிரான வன்முறை என்றால் எப்படி இந்துக்கள் சாவார்கள்... கலவரத்துக்காக அப்போது முதல்வர் மோடியின் வீட்டில் ரகசியக் கூட்டம் நடந்தது என போலீஸ் அதிகாரி சஞ்சீவ் பட் குறிப்பிடுகிறார். அவர் பொய் சொன்னார் என்பதற்காக உச்ச நீதிமன்றத்தால் தண்டிக்கப்பட்டவர். தீஸ்டா சீதல்வாட் என்ற பத்திரிகையாளரும் பொய் சொன்னதற்காகவும், சாட்சியங்களை பிறழ் சாட்சியங்களாக மாற்றியதற்காகவும் தண்டிக்கப்பட்டவர். இவர்கள் இருவரும் சொன்ன பொய்களை வைத்துக்கொண்டு ஆவணப்படம் எடுப்பதையும், அதைவைத்து மோடியின் பெயருக்குக் களங்கம் விளைவிப்பதையும் பா.ஜ.க வன்மையாகக் கண்டிக்கிறது” என்றார் விரிவாக. இந்த ஆவணப்படமும், ‘ஹிண்டன்பர்க்’ அறிக்கையும் பிரதமர் மோடியை எந்த அளவுக்கு பாதித்திருக்கிறது என்பதற்கு, ‘நாட்டில் மக்களிடையே வேறுபாடுகளை விதைத்து பிளவுகளை ஏற்படுத்த முயற்சி மேற்கொள்கிறார்கள்’ என பிரதமர் மோடியே பேசியிருப்பது சான்று. “எதற்கும் வெளியில் ரியாக்ட் செய்யாத அவரே, பல்வேறு மாநிலங்களில் ஆவணப்படம் வீதிக்கு வீதி திரையிடப்படுவதையும், அதானி மீதான குற்றச்சாட்டுகளால் வரும் பட்ஜெட் கூட்டத்தொடரில் எதிர்க்கட்சிகள் கேள்விகளால் துளைத்தெடுக்கப் போவதையும் நினைத்து ஆட்டம் கண்டு போயிருக்கிறார். ராகுல் காந்தியின் பாரத் ஜோடோ யாத்திரையும் முடிவுற்று, புத்துணர்ச்சியுடன் காங்கிரஸ் களத்துக்கு வந்திருக்கிறது. இந்தத் தாக்குதல்களிலிருந்து மோடியின் பிம்பம் தப்பிப்பது சிரமம்” என்கிறார்கள் மத்திய அரசின் சீனியர் அதிகாரிகள். “சில மாதங்களுக்கு முன்பு ‘தி காஷ்மீர் ஃபைல்ஸ்’ படம் வெளியானபோது, ‘இது போன்ற திரைப்படங்களின் மூலம் உண்மை தெரிய வேண்டும். பல ஆண்டுகளாக அடக்கிவைக்கப்பட்டிருந்த உண்மையை இந்தப் படம் காட்டியிருக்கிறது’ என்று இந்திய நாடாளுமன்றத்திலேயே முழங்கினார் மோடி. இப்போது தன்னைக் குறித்து வெளிவந்திருக்கும் ஆவணப்படத்தைக் கண்டு அச்சப்படுகிறார். ‘இத்தனை காலம் கழித்து ஏன் வெளியிட வேண்டும்?’ என்று கேட்கிறார்கள் பா.ஜ.க-வினர். ‘தி காஷ்மீர் ஃபைல்ஸ்’ குறித்த மோடியின் வார்த்தைகள்தான் அவர்களுக்கான பதில்” என்கின்றனர் எதிர்க்கட்சியினர். ‘உண்மை வென்றிட வேண்டும்’ என்கிறான் பாரதி, நாமும்! https://www.vikatan.com/government-and-politics/politics/hindenburg-research-report-about-gautam-adani-and-bbc-documentary-movie-about-gujarat-riot
    • வணக்கம் வாத்தியார்.........! அனைவரும் : தவிக்கவிட்டு போனாலும் தனியா விட்டு போனாலும் கழட்டி விட்டு போனாலும் கை கழுவி விட்டு போனாலும் அனைவரும் : ப்ரெண்டு கூட போனாலும் நீ பெஸ்டி கூட போனாலும் ஃபாரினுக்கு போனாலும் நீ விண்வெளிக்கே போனாலும் ஆண் : நல்லா இரும்மா ரொம்ப நல்லா இரும்மா… பூவோடும் போட்டோடும் நல்லா இரும்மா ஆண் : காத்திருந்த காதலுக்கு ரெட் கார்டு போட்டுட்ட நேத்து வந்த மாமனுக்கு க்ரீன் சிக்னல் காட்டிட்ட ஆண் : மிங்கிள் ஆக நெனச்சவன சிங்கிள் ஆத்தான் ஆக்கிட்ட தாலி கட்ட வந்த என்ன பப்ஜி கேம் சுட்டுட்ட அனைவரும் : தேவதாசு பார்வதிய ஹார்ட்-ல வை… தூக்கிப்போட்டு போனவள தாட்டு-ல வை எக்ஸ்-லவ்வர்க்கு மேரேஜ்-ன்னு வேணா பீலிங்கு எக்ஸ்ட்ரா லார்ஜ் உள்ள போனா அவன் சூப்பர் கூலிங்கு......! --- நல்லா இரும்மா---
    • பூக்கடை பக்கம் டீ கடை ஓரம் ......... பாரதி & ஆனந்தன் ..........!   😍
    • இராப்போசனத்துக்கு இப்போதே தயாராகி விட்டோம்........!   👍 
×
×
  • Create New...

Important Information

By using this site, you agree to our Terms of Use.