Jump to content

எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 103 பாடல்கள் | ஆவணம்


Recommended Posts

  • கருத்துக்கள உறவுகள்+

s-g-santhan-music-group.webp

'ஓர் மேடைப் பாடல் நிகழ்ச்சியின் போது எஸ். ஜி. சாந்தனும் தமிழீழத்தின் போராளிகள் இசைக்குழுவினரும்'

 

இதனுள் தமிழீழத் தேசியப் பாடகர்களில் ஒருவரான எஸ். ஜி. சாந்தன் அவர்களின் 'எழுச்சிப் பாடல்'களை மூன்று பிரிவுகளாகத் தொகுத்துப் பதிவிட்டுள்ளேன். சில பாடல்கள் விடுபட்டிருக்கக் கூடும். விடுபட்டவற்றை அறிந்தவர்கள் தெரிவித்துதவுமாறு தாழ்மையுடன் கேட்டுக்கொள்கிறேன். இவர் 150இற்கும் மேற்பட்ட 'தமிழீழப் பாடல்'களைப் பாடியுள்ளார் என்பது குறிப்பிடத்தக்கது.

 

தனித்துப் பாடிய எழுச்சிப் பாடல்கள்

  1. வானம் பூமியானது - இவருடைய முதலாவது பாடல்... 1989 இல் வெளிவந்தது
  2. அடங்கிக் கிடந்த தமிழன்
  3. அந்தி நேரப் பொழுதிலே
  4. ஆதியாய் அநாதியாய்
  5. அம்மா உன் சுகம் கேட்டு
  6. அலையை அலையைப்
  7. அலைகள் குமுறி
  8. ஆழக் கடலெங்கும்
  9. அழுது அழுது
  10. ஆனையிறவில் மேனி தடவி
  11. இங்கு வந்து பிறந்தபின்பே
  12. இந்த மண் எங்களின்இது இவருடைய இரண்டாவது எழுச்சிப் பாடலும் தமிழீழத்திலிருந்து இசையமைக்கப்பட்டு வெளியான முதலாவது எழுச்சிப் பாடலுமாகும். இப்பாடலைத் தாங்கியபடி வெளியான இறுவெட்டே முதலாவது தமிழீழ இறுவெட்டாகும்... 1990 இல் வெளிவந்தது
  13. இருளின் திசைகள் புலரும்  
  14. இனிவரும் இனிவரும் 
  15. ஈழநாதம் பேப்பரில
  16. எங்களின் வாசலில்
  17. எத்தனை பேர்களை 
  18. எதிரிகளின் பாசறையை
  19. எந்தையர் ஆண்ட
  20. எம்மண்ணில் எதிரிகள்
  21. ஒரு கூட்டுக் கிளியாக
  22. உள்ளுக்குள்ளே நெருப்பெரியும்
  23. கடலதை நாங்கள்
  24. கடலலை எழுந்து
  25. கடலின் மடியில்
  26. கண்ணுக்குள்ளே வைத்து - இதுவே இவர் பாடிய கடைசி எழுச்சிப் பாடலாகும்
  27. கரும்புலிகள் என நாங்கள்
  28. கரும்புலி எழுதிடும் கடிதம்
  29. களங்காண விரைகின்ற
  30. கல்லறை மேனியர்
  31. கல்லறைகள் வினை திறக்கும்
  32. கிழக்கு வானம்
  33. குத்தாட்டம் போடடா
  34. குயிலே பாடு
  35. கைகளில் விழுந்தது கிளிநொச்சி
  36. கோபுரத் தீபம் நீங்கள்
  37. சண்டைகளின் நாயகனே
  38. சிங்களம் எங்களை கொன்று
  39. சீலன் புயலின் பாலன்
  40. ‘சூரிய தேவனின்’ வேருகளே
  41. தமிழீழத்தின் எல்லையை
  42. தூக்கம் ஏனடா
  43. நித்திய புன்னகை  
  44. நித்திய வாழ்வினில் 
  45. நிலவே கண்ணுறங்கு
  46. நிலாக்கால நேரமிங்கே
  47. நீர்கிழித்தோடியது அன்று
  48. நீலக்கடலே பாடுமலையே
  49. பண்பாட்டுக்கு இசைவாக
  50. பாட்டுக்குள் கரும்புலி
  51. பாயும் புலி அணி
  52. பெய்யுதே மழை
  53. பெருகும் கால நதியில்
  54. மாரிகால மேகம் தூவி
  55. மீண்டும் எனக்கொரு
  56. மேலே போகும் முகிலை
  57. வஞ்சகர் வஞ்சனை
  58. விண்வரும் மேகங்கள்

 

S-G-Santhan-Eelamsinger-1.jpeg 

பின்னணிப் பாடகர்களுடன் பாடிய எழுச்சிப் பாடல்கள்

  1. அன்னை தேசமே உடன் பின்னணிப் பாடகரான ??
  2. படைகொண்டு வந்த உடன் பின்னணிப் பாடகரான ??
  3. வா பகையே உடன் பின்னணிப் பாடகரான ??
  4. வீரக் கடற்புலி உடன் பின்னணிப் பாடகரான மணிமொழி மற்றும் ??
  5. நீலக்கடலே அலை மோதும் உடன் ஜெயா சுகுமார் மற்றும் பின்னணிப் பாடகர்களான ??
  6. விடியும் திசையில் பயணம்  உடன் ஜெயா சுகுமார் மற்றும் பின்னணிப் பாடகர்களாக மேஜர் சிட்டு மற்றும் தியாகராஜா ஆகியோர்
  7. பூங்கொடியாய் இருந்தாய் உடன் பின்னணிப் பாடகரான ??

 

 

shanthan.jpg

கூட்டாகப் பாடிய எழுச்சிப் பாடல்கள்

பெரும்பாலான பாடல்களில் தமிழீழப் பாடகர் சாந்தன் அவர்களுடன் கூடப் பாடியவர்கள் யாரென என்னால் பிரித்தறிய இயலாமலுள்ளதால் அவர்களைக் வினாக்குறியால் குறித்துள்ளேன். அறிந்தவர்கள் தெரிவித்துதவவும்.

  1. இளமைக் காலம் கவிதை உடன்  ??
  2. இன்னுமின்னும் கரும்புலி வெடிக்கும் உடன் ??
  3. எதிரி வாய்கள் மௌனம் உடன் ??
  4. எம் வேரினை அவனே உடன் ??
  5. எரியும் நெருப்பில் உடன் ??
  6. உலகத் தமிழர் உடன் ??
  7. ஊர் பெயரைச் சொல்லவா உடன் ??
  8. கருவேங்கை ஆகிய காற்று உடன் ??
  9. கருவேங்கை புயலெனப் புகுந்தது உடன் ??
  10. காலை விடிகின்றதடா உடன் ??
  11. தலைநகர் மீட்க உடன் ??
  12. தமிழர் என்ற சொல்லிலே உடன் ??
  13. தமிழர் தேசம் உடன் ??
  14. தாண்டிக்குளம் தாண்டி உடன் ??
  15. மட்டுநகர் மண்ணைத் தொட்டு உடன் ??
  16. மனமே மனமே உடன் ??
  17. மெல்லிய பூக்களை உடன் ?? 
  18. வட்டமதிமுகப் பெண்ணே உடன் ??
  19. விடியும் விரைவில் உடன் ??
  20. விடுதலை மகுடம் சூடிய உடன் ?? (பலர்)
  21. விண்ணையாளும் சூரியனை உடன் ??
  22. வீரப்படை வெகு வீரர்படை உடன் ??
  23. ஆனையிறவுக்கு சேலைகள்‌ உடன் திருமலைச் சந்திரன்
  24. இடியா மழையா உடன் ஜெயா சுகுமார்
  25. இந்தக் கடல் ஈழத்தமிழரின் உடன் ஜெயா சுகுமார்
  26. ஈடுவைத்து ஈடுவைத்து நந்தலாலா உடன் ஜெயா சுகுமார்
  27. எம்மை நினைத்து யாரும் உடன் பார்வதி சிவபாதம்
  28. ஒரு லட்சம் சூரியன் உடன் வசீகரன், பிறின்சி, மற்றும் மணிமொழி
  29. கல்லறையில் விளக்கேற்றி உடன் புவனா 
  30. காற்றில் கலந்த கடற்கரும்புலிகள் உடன் ஜெயா சுகுமார், கௌசி மற்றும் பிறின்சி
  31. சங்கு முழங்கடா தமிழா உடன் மேஜர் சிட்டு
  32. தாயக மண்ணின் காவலராகி உடன் ஜெயா சுகுமார்
  33. நிலவற்ற வானத்தில் உடன் ஜெயா சுகுமார், மற்றும் நிரோஜன்
  34. நெருப்பாகி நெருப்பாகி உடன் வசீகரன்
  35. நெருப்பில் விளைந்த உடன் பார்வதி சிவபாதம்
  36. பாரில் தமிழன் படும் உடன் ஜெயா சுகுமார் & நிரோஜன்
  37. முல்லை மண் எங்களின் உடன் ஜெயா சுகுமார்
  38. வெள்ளிநிலா விளக்கேற்றும் உடன் மேஜர் சிட்டு

 

உசாத்துணை:

ஆக்கம் & வெளியீடு:
நன்னிச் சோழன்

 

Edited by நன்னிச் சோழன்
  • Thanks 1
Link to comment
Share on other sites

  • நன்னிச் சோழன் changed the title to எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 87 பாடல்கள்
  • நன்னிச் சோழன் changed the title to எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 91 பாடல்கள்
  • கருத்துக்கள உறவுகள்+
Posted (edited)

அன்னார் பாடி ஊழியால் அழிந்த எழுச்சிப் பாடல்கள் தொடர்பான தகவல்

 

hqdefault (1).jpg

'ஐரோப்பிய நாடொன்றில் தமிழீழ இசைக்குழுவினருடன் தேசிய எழுச்சிப்பாடலைப் பாடியபோது'

 

1)எஸ்.ஜி. சாந்தனின் முதலாவது பாடல்

1989 ஆம் ஆண்டு நவம்பர் மாதம் 27 ஆம் திகதி, முதலாவது மாவீரர் நாளன்று, எஸ் ஜி சாந்தன் அவர்களின் நண்பனும் அஞ்சல்காரருமான பெருமாள் கணேசன் என்பவரால் மிக நல்ல பாடல் ஒன்று சாந்தன் அவர்களுக்காக எழுதப்பட்டது. எழுதப்பட்ட பாடலை எஸ். ஜி. சாந்தன் அவர்கள் கோணாவில் என்ற இடத்திலிருந்த அரசினர் தமிழ்க்கலவன் பாடசாலையில் நடைபெற்ற மாவீரர் நிகழ்வொன்றில் மெட்டமைத்துப்பாடினார். அப்பாடலின் நிகழ்படப் பதிவு தேசியக்கவிஞர் புதுவை இரத்தினதுரை உள்ளிட்டோருக்கு அனுப்பப்பட்ட போது அவர்களின் கவனத்தை ஈர்த்தது. அப்பாடலானது நன்கு பரவலறியாகி புகழ்பூத்த பாடலாகியது. இதுவே சாந்தன் அவர்களின் முதலாவது தமிழீழ விடுதலைப்போர்ப் பாடலாகும். அதன் தொடக்க வரிகள் பின்வருமாறு,

"வானம் பூமியானது
பூமி வானமானது - இந்தப்
புழுதியெல்லாம் குருதியானது!"

மாவீரர்களுக்காகப் பாடப்பட்ட முதலாவது தமிழீழப் போரிலக்கியப் பாடலாக இது விளங்குகிறது. ஆனால் இன்று இதன் பல்லவி மட்டுமே அறியக்கூடியதான ஊழியால் நாம் இழந்துவிட்ட பல்வேறு போரிலக்கியப் பாடல்களின் வரிசையில் இதுவும் ஒன்றாகிவிட்டது.

ஆதாரம்: "சாந்தன்: புரட்சிப்பாட்டு யாத்திரை", பி.பி.சி. ஆங்கில பொட்காஸ்ற்

 

2) விடியும் திசையில் பயணம் 

இதுவும் ஊழியால் அழிந்துபட்ட ஒரு போரிலக்கியப் பாடலாகும். இதை சாந்தனுடன் ஜெயா சுகுமார் மற்றும் பின்னணிப் பாடகர்களாக மேஜர் சிட்டு மற்றும் தியாகராஜா ஆகியோர் பாடியிருந்தனர். இதற்கான வரிகளை தேசியக் கவிஞர் புதுவை இரத்தினதுரை அவர்கள் எழுதியிருந்தார். இது இடம்பெற்ற இறுவெட்டை அறிய ஏலவில்லை. இப்பாடலில் இது வரை கிடைக்கப்பெற்ற பாடல்வரிகளாவன,

  • பல்லவியில்:

"விடியும் திசையில் பயணம் பயணம் விரைவில் முடியும் - ஜெயா சுகுமார்
அடியும் முடியும் தெரியும் எரியும்"
- எஸ்.ஜி. சாந்தன்  

  • சரணத்தில்

"...படைகள் நகரும்" - மேஜர் சிட்டு மற்றும் தியாகராஜா 
"திருமலை மட்டு நகரும் விடியும்" - ஜெயா சுகுமார் 

ஆதாரம்"அவர முன்னால பாத்தா சூரியன பார்த்த போல " - தாயகப் பாடகர் ஜெயராஜா சுகுமாருடன் நக்கீரன் சபை | IBC Tamil TV நேர்காணல் | @4:30

 

3) எல்லைப்படைக்கான பாடல் 

இவ்வெழுச்சிப் பாடலானது மக்கள் படையின் எல்லைப்படை வீரர்களைப் பற்றிப் பாடப்பட்டதாகும். ஆனால் இதில் சோகமென்னவென்றால் இப்பாடலானது ஒலிப்பதிவு செய்யப்படவில்லை. இதில் அறியப்பட்ட வரிகள் பின்வருமாறு:

  • பல்லவியில்:

"தமிழீழத்தின் எல்லையை காத்திட நினைப்பவர் எல்லைப்படை"

இவ்வொரேயொரு வரி மட்டுமே இப்போது இப்பாடலில் எஞ்சியிருக்கிறது.

ஆதாரம்: ஈழநாதத்தின் ஆண்டுச் சிறப்பிதழ், 19|2|2003, பக்: 27 

 

4) புலிகளின் தன்மையையும் மனயுறுதியையும் எடுத்துச் சொன்ன பாடல்

1991 ஆம் ஆண்டு 'புதியதோர் புறம்' என்ற இறுவெட்டில் இடம்பெற்று வெளியான இப்பாடலானது அன்னாருடன் பார்வதி சிவபாதம் அவர்கள் இணைந்து பாடிய ஓர் சோடிப்பாடலாகும். இப்பாடலில் இன்று எஞ்சியுள்ள வரிகளாவன, 

  • பல்லவியில்

"நெருப்பில் விளைந்த பொறிகள் - நாங்கள்
நஞ்சைத் தின்னும் புலிகள்,
இரும்பில் வார்த்த சிலைகள் - தலைவன்
இதயம் கவர்ந்த கணைகள்."

இதுவும் ஊழியால் நாம் இழந்துவிட்ட பாடல்களின் வரிசையில் அணிவகுத்து நிற்கின்றது.

ஆதாரம்: ஈழநாதம் - 1991.02.10, பக்கம் 3

 

5) ஓயாத அலைகள் 2 வெற்றிப் பாடல்

கிளிநொச்சி வெற்றியைக் குறித்து அன்னாரால் பாடப்பெற்று வெளிவந்த இப்பாடலை என்னால் கண்டுபிடிக்க இயலவில்லை. ஆகையால் நான் இதனையும் ஊழியால் அழிந்த பாடல்களின் வரிசையில் சேர்த்துக்கொள்கிறேன். இப்பாடலில் இன்று எஞ்சியுள்ள வரிகளாவன, 

  • பல்லவியில்

"கைகளில் விழுந்தது கிளிநொச்சி..."

 

Edited by நன்னிச் சோழன்
Link to comment
Share on other sites

  • கருத்துக்கள உறவுகள்+
Posted (edited)

தமிழீழ எழுச்சிப் பாடகர் எஸ்.ஜி. சாந்தன் ‘ஈழநாதம்’ நாளேட்டிற்கு வழங்கிய நேர்காணல்

 

மூலம்: ஈழநாதத்தின் ஆண்டுச் சிறப்பிதழ், 19|2|2003, பக்: 27 & 38
நேர்காணல்: சு. பாஸ்கரன், பூ. சுபாநந்
தட்டச்சு: கள உறுப்பினர் ஒருவர்

 

SG santhan.png

 

கலைகள் ஒவ்வொன்றும் தம்வடிவங்களில் நின்று உணர்த்தும் தத்துவங்களால் அது பல்வேறு பெயர்களைப் பெறுகின்றது. இன்றைய காலகட்டத்தில் நாட்டின் நெருக்கடியான சூழ்நிலையிலும் மனிதன் மனிதனாக வாழ முடியாத நிலையில் மனவிரக்தியடைந்து சீரழிந்த வாழ்வை எதிர்நோக்கிக் கொண்டு இருக்கும் வேளையில் அவனது துயரைப்போக்கும் ஒரு சாதனமாக இசைக்கலையுடன் இணைந்த பாடற்கலை உள்ளது.

ஆதிகால மனிதர்களும், யோகிகளும் தவஞ்செய்யும் முனிவர்களும் வேட்டையாடும் மக்களும், தாம் காதாற் கேட்ட ஒலிகளைக் கொண்டு இசைக்கருவிகளை தயாரித்து அவனது நாவினால் பிறக்கின்ற ஒலியையும் இணைத்து பாடும் மரபுவழி உருவாகியது. அந்த வகையில் தமிழீழத்தில் இன ஒடுக்குமுறை தலைவிரித்துத் தாண்டவமாடும் வேளை தனது கண்களால் கண்ட சம்பவங்களை கவி வடிவிலே, கவிஞர்கள் எழுதிய வரிகளுக்கு உயிர்வடிவம் கொடுத்தவர்கள் தமிழீழக் கலைஞர்கள். இவர்களின் பணி தமிழீழ போராட்ட வரலாற்றில் மிகவும் உன்னத பணியாக அமைகின்றது.

அந்தவகையில் தமிழீழ இசைக்கலைஞர்கள் இசையமைப்பு மூலம் 150இற்கும் மேற்பட்ட பாடல்களைப் பாடி தமிழீழத்திலும் வெளியுலக நாடுகளிலும் முதன்மையான இடத்தைப் பிடித்துக் கொண்ட பாடகர் எஸ்.ஜீ. சாந்தன் அவர்கள். அவர்களுடனான நேர்காணலை மேற்கொண்ட போது "கவிஞர்களின் கவி வரிகளுக்கு நாங்கள் உயிர் வடிவம் கொடுக்கின்றோம்," எனக்கூறிய அவர் தனது கலையுலக வரலாற்றை தொடர்கின்றார்.

 

  • கேள்வி: தங்களுக்கு இக்கலைத்துறையில் எவ்வாறு ஆர்வம் உருவாகியது?

கலைத்துறையில் எமது குடும்பத்தில் முன்னர் எவரும் ஈடுபாடு கொண்டிருக்கவில்லை. அனேகமாக எங்களுடைய ஊரில் எல்லோரும் பாடக்கூடியவர்களாகத்தான் காணப்படுகின்றனர். எங்களுடைய ஊர் புங்குடுதீவு. அனேகமாக பெண்களாக இருந்தால் என்ன, ஆண்களாக இருந்தால் என்ன. எல்லோரும் ஓரளவு பாடக்கூடியவர்கள்தான். கேட்பதற்கும் இனிமையாக இருக்கும். ஏதோ ஒரு சூழ்நிலையில் ஒரு ராகத்தை அறிந்து இருப்பார்கள். காலையில் தேவாரத்தைப் பாடினால் பூபாளம் - அதை அறியாமலே பூபாளத்தைப் பாட வேண்டும்.

சின்ன வயதில் எங்களுடைய ஊர்க் கோயில்களில் 'கண்ணன் கோஷ்டி', 'அருணா கோஷ்டிகள்' வரும்போது மிக ஆர்வமாக முன்னுக்கு இருந்து கேட்டுக் கொண்டிருப்பேன். அந்தக் காலத்தில் எங்கள் ஊரில் காரைக் காண்பதென்றால் பெரிய கஷ்ரம். சைக்கிள் காண்பதென்றல் கஷ்ரம். இந்தக் கோஷ்டிகள் வந்தால் எங்கு என்றாலும் நடந்தே போய்ப் பார்ப்போம்.

அந்தக் கோஷ்டிகள் போய் முடிய பூவரசம் மரங்களில் ஏறியிருந்து நாங்கள் பாடத்தொடங்குவோம். என்னுடைய பாட்டைக் கேட்டுக்கொண்டிருக்கும் எல்லாரும் "நல்லா பாடுகின்றாயடா தம்பி" என்று சொல்லுவார்கள். அதனால் எனக்கு கலைத்துறையில் ஒரு ஆர்வம் ஏற்பட்டது.

 

  • கேள்வி: நீங்கள் இசைத்துறையில் காலடி எடுத்து வைத்து முதன் முதல் பாடிய பாடல் எது?

கொழும்புக்கு சிவராத்திரி விழாவுக்கு நான் போயிருந்தேன். கொழும்பு கதிரேசன் கோயிலில் என்னைப் பாடவைத்தார்கள் அப்போது நான் 'மருதமலை மாமணியே முருகையா....' என்ற பாடலைப்பாடினேன். எனக்கு அப்போது தாளம், சுருதி ஒன்றும் தெரியாது என்னுடைய விருப்பப்படி ஏதோ பாடினேன். அப்போது எனக்கு வயது பன்னிரெண்டு. அது தான் நான் இசைத்துறையில் காலடி எடுத்து வைத்த முதற் பாடலாக அமைந்தது. அப்படித் தொடங்கிய எனது வாழ்க்கை இசைத்துறையோடு போய்விட்டது.

 

  • கேள்வி: நீங்கள் தமிழர்களின் போராட்டம் சம்பந்தமான ஏராளமான பாடல்களை பாடியுள்ளதாகத் தெரிகின்றது. ஏன் அவ்வாறான பாடல்களைப் பாடுவதற்கு முன்வந்தீர்கள்?

சினிமாப் பாடல்களில் வருகின்ற போராட்டம் சம்பந்தமாக வரும் பாடல்களையே முதலில் பாடி வந்தோம், இந்திய இராணுவ ஆக்கிரமிப்புக் காலங்களில் ஒரு மாவீரர் நாள், முதலாவது மாவீரர் நாள் நேரம்; கோணாவில் என்ற இடத்தில் நிகழ்வொன்று நடைபெற்றது. எனது நண்பர் கணேஸ் என்பவர் ஒரு பாடலை எழுதினார்.

'வானம் பூமியானது, பூமி வானமானது. இந்த புழுதியெல்லாம் குருதியானது......என்ற பாடலையே நான் மெட்டமைத்துப் பாடினேன். புதுவை அண்ணா மற்றவர்கள் அந்த வீடியோ ஒலிநாடாவைப் பார்த்துவிட்டு எனது வீட்டிற்கு வந்து, "இந்தியாவில் உள்ள இசையமைப்பாளர்களின் இசையில் இங்குள்ள பாடகர்கள் பாடவேண்டும்.” என்று சொன்னார்கள். 'இந்த மண் எங்களின் சொந்த மண்' என்ற ஒலிப்பதிவு நாடா இங்கு பரீட்சாத்தமாகவே தயாரிக்கப்பட்டது. ஆனால், அது வெற்றியளித்தது. இதனால் இங்குள்ள இசையமைப்பாளர்களின் இசையில் இங்கு பாடல்கள் பாடப்பட்டன.

போராட்டத்தில் இராணுவத்தினராலும் மாற்று இயக்கங்களினாலும் பெரியதுன்பங்களை அனுபவித்திருக்கிறோம். அத்தோடு எனது நெருங்கிய நண்பர்களெல்லாம் போராளிகளாக இருந்தார்கள். அந்த நேரம் இரகசியமாக வந்து சந்தித்து விட்டுப் போவார்கள். அவர்களுடன் பழகி உண்டு உறங்கி வாழ்ந்திருக்கின்றேன். சில வேளை அவரை அடுத்த நாள் வித்துடலாக கூடக்கண்ட அனுபவங்கள் நிறைய உண்டு. என்றுதான் சொல்லவேண்டும்.

 

  • கேள்வி: மக்களின் நேரடியான போராட்டப் பங்களிப்பு - எழுச்சி தொடர்பாக பாடல்கள் ஏதாவது பாடியிருக்கின்றீர்களா?

மக்களின் எழுச்சி சம்பந்தமாகவும் கூடுதலான பாடல்கள் பாடியுள்ளேன். எல்லைப் படைகளாக களமுனைகளில் காவலில் நின்ற எல்லைப்படை வீரர்களைப் பாடியிருக்கின்றேன். அதாவது 'தமிழீழத்தின் எல்லையை காத்திட நினைப்பவர் எல்லைப்படை...' என்ற பாடலைக்குறிப்பிடலாம். அது ஒலிப்பதிவு செய்யப்படவில்லை. மக்களோடு பழகியமையால் இவ்வாறு உண்மைச் சம்பவங்களை உணர முடிகின்றது.

மக்கள் பற்றிப் பாடுவது எங்களுடைய திறமையில்லை. அது கவிஞர்களுடைய திறமை. அவர்கள் அந்த வரிகளை எழுதுவார்கள், நாங்கள் அதற்கு உயிர் கொடுக்கின்றோம்.

அதுதான் எங்களுடைய வேலை. அந்த வரிகளினை உச்சரிக்கின்ற விதத்தை இசையமைப்பாளர்கள் சொல்லுவார்கள். அது கவிஞர்களுக்குரிய வெற்றிகள் என்று தான் சொல்ல வேண்டும்.

 

  • கேள்வி: நீங்கள் யாருடைய பாடல்களை கூடுதலாகப் பாடியிருக்கின்றீர்கள்?

கூடுதலாக புதுவை அண்ணாவின் பாடல்களைத்தான் பாடியிருக்கின்றேன். பண்டிதர் பரந்தாமன் அவர்கள் பண்டிதர் ச வே. பஞ்சாட்சரம் அவர்கள் ஆகியோரின் பாடல்களை குறிப்பிடலாம். இந்தப் பாடலை சாந்தன் தான் பாடவேண்டும் என்று சொல்லுவார்கள். என்னுடைய உச்சரிப்பு கவிஞர்கள் எதிர்பார்க்கின்றபடி இருப்பது - அவர்கள் நினைத்தவாறு பாடல்கள் வெளிவருவது என்பதால் அப்படிக் கேட்கிறார்கள்.

 

  • கேள்வி: உங்களுடைய குடும்ப நிலை பற்றியும் கலைத்துறை பற்றியும் கூறுவீர்களா?

எங்களுடைய அப்பா ஒரு முதலாளி. கொழும்பில் கடை வைத்திருந்தார். பதினேழு வருடங்கள் கொழும்பில் தான் இருந்தோம். அனேகமான எங்களுடைய தீவகப்பகுதி மக்கள் வியாபாரிகளாகத்தான் இருந்தார்கள். அந்த நேரத்தில் ஒரு உன்னதமான நிலையில் எங்களுடைய அப்பா இருந்தார்.

ஆரம்பத்தில் ஒரு கல்வீட்டில் இருந்தோம். எங்களுடைய ஊரில் ஐந்து கல்வீடுகளில் ஒன்று எங்களுடையது. பிறகு, வியாபாரம் அடிபட்டுப் போகக் கொழும்பில் இருந்து கிளிநொச்சிக்கு வந்தோம்.

இங்கு மிகவும் கஷ்ரமான நிலையில் நீச்சலடிப்பு. அதாவது இசையை மட்டும் நம்பியிருக்கமுடியாது. இந்தியாவிற்கு என்றால் இது பொருந்தும். ஆனால் தமிழீழத்தைப் பொறுத்தளவில் கலையால் உயர்ந்தவர்கள் என்றால் - பொருளாதார ரீதியாக எவருமே உயரவில்லை என்றே சொல்லவேண்டும். அப்படி கேள்விப்பட்டதும் இல்லை. ஏதாவது ஒரு உத்தியோகத்தை செய்து கொண்டு இதை ஒரு பக்கத் தொழிலாகச் செய்யலாமே தவிர இதை நிரந்தரமாகச் செய்ய இயலாது.

நானும் அப்படித்தான் எதிர்நீச்சல் போட்டு மிகவும் சிரமப்பட்டிருக்கிறேன். வன்னியில் ஒரு நிகழ்ச்சி என்றால் கால்நடையாக நடந்து போய் பாடியிருக்கின்றோம். என்னுடைய ஆர்வம்தான் என்னை இந்த நிலைக்கு கொண்டு வந்தது.

நான் என்னுடைய கல்வியை சிறிசண்முகானந்தா வித்தியாசாலையில் எட்டாம் வகுப்புடன் நிறுத்திவிட்டேன். நான் பாட்டுகளைப் பாடினால் எனது தந்தையார் ஏசுவார்."இந்தச் சினிமாத் தொழில் எல்லாம் வேண்டாம் கடையில் போய்நில்." என்று சொந்தக்காரன் கடையில் விடுவார். நான் பதினைந்து நாட்களுக்குள் ஓடி வந்துவிடுவேன். கலைத்துறையில் எனது வழிகாட்டிகள் எனப்பலரைச் சொல்லலாம். ஆர்மோனியத்துடன் பாடும்போது ராமநாதன் என்பவர் தான் ஆர்மோனியம் வாசித்தவர். அவர் தனக்கு தெரிந்ததை எனக்குச் சொல்லித் தருவார். இதுதான் சுருதி, இதுதான் தாளம், என்று சொல்லுவார்.

ஒவ்வொரு, ஒவ்வொரு காலங்களில் ஒவ்வொருதரரைச் சந்தித்து அவர்களிடம் இருந்து நல்ல நல்ல விடயங்களை கற்றுக்கொண்டேன். இப்பொழுது ஒலிப்பதிவு என்றால் கண்ணன் மாஸ்ரர், சிறீகுகன், இசைப்பிரியன், செயல்வீரன், தமிழீழ இசைக்குழு எஸ்.பி.அண்ணர் அவர்களிடம் இருந்து ஒவ்வொன்றையும் கற்றுக்கொண்டேன். படிப்படியான வளர்ச்சி இது. அரை இடம், இது முழு இடம் என்று சொல்லுவார்கள். நாங்கள் அதைக் கேட்டு கிளிப்பிள்ளை மாதிரி செய்வோம். எல்லோருமே வளர்த்து விட்டவர்கள் என்றுதான் சொல்ல வேண்டும். நான் கல்வி கற்ற காலத்தில் சங்கீதம் படிக்கவில்லை. அப்போது சங்கீத ஆசிரியரும் இல்லை.

 

  • கேள்வி: உங்களுடைய பாடல்கள் தமிழீழத்திலும் சர்வதேச ரீதியில் பெற்றுள்ள செல்வாக்கு பற்றி கூறுவீர்களா?

முன்னைய கலைஞர்களினுடைய நிலைமை வேறு. இப்போது இயக்கம் எங்களை நல்ல முறையில் பார்க்கின்றது. ஒருதலை நிமிர்வொன்று இருக்கின்றது. நாங்கள் முன்னர் பாடும்போது 'ஈழத்துச் சீர்காழி', 'ஈழத்து சௌந்தரராஜன்' என்று இந்தியாவிலுள்ள ஒருவருடைய பெயரைச்சேர்த்து வைத்து பாடல்களைப் பாடிக் கொண்டிருந்தோம்.

ஆனால் இப்போது தலைவர் பிரபாகரன் காலத்தில் தலைநிமிர்ந்து நிற்கின்றோம். எப்படியென்றால் எங்களுடைய பெயரை வைத்து வெளிநாடுகளில் பாடுகின்றார்கள். தமிழீழத்திலுள்ள மக்கள் என்னை "எங்கடசாந்தன்” என்று அழைக்கிறார்கள். வெளிநாடுகளில் வேறுபாடகர்கள் 'ஜேர்மன் சாந்தன்', 'கனடா சாந்தன்' என்று என்னுடைய பெயரை வைத்துப்பாடுகின்றார்கள்.

நாங்கள் போராட்டத்துக்குத்தான் பாடல்களைப் பாடியிருக்கின்றோம். சினிமாவுக்கு அல்லது தரக்குறைவான வேலைக்கு நாங்கள் பாடவில்லை. தலைவரைப் பாடியிருக்கின்றோம். போராளிகளைப் பாடியிருக்கின்றோம். மாவீரர்களைப் பாடியிருக்கின்றோம். அதுதான் எங்களுக்குச் சந்தோசம்.

எங்களைக் கொழும்பிலோ, வவுனியாவிலோ யாழ்ப்பாணத்திலோ எங்கு என்றாலும் சரி, பெரிதாக மதிக்கின்றார்கள். மக்களின் துன்பதுயரங்களை பாடல்கள் மூலம் எடுத்துக்காட்டி விளங்காத மக்களுக்கும் விளங்கும் தன்மையை ஏற்படுத்துகின்றோம். நான் கிட்டத்தட்ட 150 பாடல்களுக்கு மேல் பாடியிருக்கின்றேன். எங்களுடைய கலையுலகிலேயே பெரிய ஒரு இழப்பு என்னவென்றால் சிட்டுவின் இழப்புத்தான்.

 

  • கேள்வி: தென்னிந்திய பாடல்களுக்கும் தமிழீழப்பாடல்களுக்கும் உள்ள வித்தியாசம் என்ன?

ஐம்பது, அறுபது வருடங்களாக எங்கள் மக்கள் சினிமாப்பாடலைத்தான் கேட்டுக் கொண்டு இருக்கின்றனர். ஆனால் இப்பொழுது சினிமாப் பாடல்களைக் கேட்க பெரிய வெட்கமாக இருக்கின்றது. தமிழ்நாடு எங்கள் தாய் நாடு என்று சொல்லுவோம். இப்பொழுது பிறமொழிப் பாடகர்களை கொண்டுவந்து பாடுவிக்கின்றார்கள். "மூளைக்குள்ளே” என்பதை "மூலைக்குள்ளே” என்றும் பாடுகின்றார்கள். "தோட்டம்" என்பதை "தொட்டம்" என்று பாடுகின்றார்கள். பரீட்சைக்கு ஒரு பிள்ளை இப்படி எழுதினால் புள்ளியே போடமாட்டார்கள்.

பிரபல அறிவிப்பாளர் அப்துல் ஹமீட் ஒரு பேட்டியில் கூறியிருக்கின்றார் "தமிழ்நாட்டுக்காரர்களுக்கு இடமில்லை, தமிழ்ப் பாட்டை ஆங்கிலத்தில் எழுதிப் பாட வேண்டும் என்று இப்பொழுது அவர்களைத்தான் பாட வைக்கின்றார்கள். அவர்கள் தான் இப்பொழுது பாடுகின்றார்கள். உதித் நாராயணன், சாதனா சர்க்கம் போன்றோரை வைத்துத்தான் இப்பொழுது பாடுவிக்கின்றார்கள். அவர்கள் பெரும் தமிழ்ப் பிழைகளுடன் பாடுகிறார்கள்.

ஆனால் இங்கு அப்படியில்லை. தமிழ் மொழியைக் காக்கின்ற இடமென்றால் தமிழீழம் தான். எவ்வளவோ நாடுகளுக்கு போகின்ற பாடல்களை இப்படிக் கொச்சையாகப் பாடுகின்றார்கள். அதற்குக் கண்டனம் கூட இல்லை. ஆனால் இங்கு அப்படியில்லை. இந்தத் தமிழறிவை ஊட்டியது புதுவை அண்ணா என்றுதான் சொல்ல வேண்டும். மிகத்துல்லியமாகக் கவனித்துக் கொண்டிருப்பார். சினிமாப்பாடல் மாதிரி இவை அழிந்துபோகும் பாடல்கள் அல்ல. போராட்டங்கள் நடந்த சம்பவங்களை வெளிக்காட்ட மிகத் தெளிவாகத் தமிழை உச்சரிக்க வேண்டும். காசியண்ணாவின் பாடல்களைப் பாடுவதற்கு சந்தர்ப்பம் கிடைக்கவில்லை. அவரை இன்னமும் கூட நான் காணவில்லை. இது எனக்கு ஒரு தாக்கம். அந்தப் பாக்கியம் எப்போது கிடைக்குமோ தெரியாது. காசி ஆனந்தன் அண்ணாவின் பாடல்கள் பழைய வரலாறுகளை எடுத்துக்காட்டுகின்றன. வெட்டு ஒன்று துண்டு இரண்டு என்ற பாணியில் தான் இருக்கும். 'முல்லைத்தீவுகள் தொடரும் பகைவன் முண்டமும் தலையும் சிதறும்....' மேலும் பழைய வரலாறுகள், நில வளங்கள் என்று பாடியிருக்கின்றார்.

 

  • கேள்வி: நாடகத்துறையில் தங்களுடைய பங்களிப்பு எந்த அளவிற்கு உள்ளது?

இசைத்துறையில் இருந்தது போல இத்துறையிலும் ஆர்வம் இருந்தது. அதுவும் ஆரம்பத்திலேதான். பாடசாலையில் படிக்கின்ற காலத்தில் சாம்ராட் அசோகன் என்ற நாடகத்தில் முதன்முதல் புத்தபிக்குவாகப் பாத்திரமேற்று நடித்தேன். பின்னர் கிளிநொச்சியில் கங்கேஸ்வரா மன்றம் என ஒரு மன்றத்தை உருவாக்கியிருந்தோம். அதில் அருணகிரிநாதர்", "அல்லோலகல்லோலம்”, “கேட்காத காதுகள்" என்று பத்து நாடகங்களுக்கு மேல் நடித்தேன். "அரிச்சந்திர மயான காண்டம்" என்ற நாடகத்தில் நடித்திருக்கின்றேன். அதில் அரியாலை செல்வமும் நடித்திருக்கின்றார். இந்த நாடகம் மிக வெற்றிகரமாக மேடையேற்றப்பட்டிருக்கிறது.

இது தமிழீழப் போராட்டத்திற்கு பெருமளவு நிதியைப் பெற்றுக்கொடுத்த நாடகம். இது யாழ்ப்பாணத்தில் பெருமளவு நிதியைப் பெற்றுக்கொடுத்தது.

SG santhan.jpg

 

  • கேள்வி: தமிழீழத்தில் பல கலைகள் அழியும் வாய்ப்பு உள்ளது. அதுபற்றி?

பல பாரம்பரியக் கலைகள் அழிவதற்கு முக்கிய காரணம், சிலர் அந்தக் கலைகளை தங்களுக்குள் வைத்திருப்பதும் மற்றவர்களுக்கு கற்றுக்கொடுக்க விரும்பாததும். அந்த வகையில் நாட்டுக் கூத்துக்கள், வடமோடி, தென்மோடி இசைநாடகங்கள் எல்லாம் ஒரு வட்டத்திற்குள் தான் நின்றன. அவை தான் எங்களுடைய பாரம்பரிய கலைகள். சினிமாப் பாடல்கள் பாடலாம். வேறு பாடல்களைப் பாடலாம். பாரம்பரியக் கலைகளைக் காக்க வேண்டும். இப்பொழுதும் இளம் சந்ததியை வளர்க்கவேண்டும் என்ற விருப்பம் எனக்கு இருக்கின்றது. இல்லை என்றால் இப்படியான கலைகள் அழிந்து போய்விடும்.

 

  • கேள்வி: தமிழீழத் தேசியத் தலைவரின் பாராட்டுப் பற்றி?

நான் 1991ஆம் ஆண்டே தலைவரைச் சந்தித்தேன். 'இந்த மண் எங்களின் சொந்தமண்' என்ற ஒலிநாடா வெளியிடும் போது புதுவை அண்ணா ஏற்பாடு செய்து தந்தார். அப்போது தலைவர் கூறினார். "சாந்தனுடைய பாடல் எல்லாம் மிகவும் நன்றாக இருக்கின்றன. சாந்தனின் பாடல் தான் எனக்கு கேட்க இனிமையாக இருக்கின்றது." என்று பாடல்கள் ஒலிப்பதிவு செய்யும் போது தலைவரின் கையினால் சிறப்புப் பரிசில்கள் பெற்றிருக்கின்றேன். அண்மையில் கரும்புலிகள் ஒலிநாடாவிற்கு பரிசில் தந்தார். மாலதி படையணியின் 'வெஞ்சமரின் வரிகள்' என்ற பாடல்களிற்கும் தலைவர் பரிசில் தந்துள்ளார். எந்தப் பெரிய அரசினது விருது கிடைத்தாலும், மன நிறைவடைய மாட்டோம். தலைவரின் கையினால் பரிசு வாங்கினால் எமக்குப் பெரிய சந்தோசம்.

 

  • கேள்வி: உங்களுடைய பிள்ளைகளிடம் இக்கலைத்துறை வளர வாய்ப்பு இருக்கின்றதா?

நிறைய இருக்கின்றது. எனது மூத்த மகன் நல்ல பாடகராக வருவார் என்றுதான் நினைத்தேன். இப்போது மாவீரராகிவிட்டார். அடுத்தவரும் போராளி. அவரும் பாடுகின்றார். அவரைத் தீர்மானிப்பது மக்கள் தான்; ரசிகர்கள் தான். மற்றது கோகுலன் என்று இருக்கின்றார், அவரும் பாடுவார். படிப்பில் அக்கறை இருப்பதால், இத்துறையில் இன்னும் முழுமையாக ஈடுபடவில்லை.

 

 

******

 

Edited by நன்னிச் சோழன்
  • Thanks 1
Link to comment
Share on other sites

  • நன்னிச் சோழன் changed the title to எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 91 பாடல்கள் | ஆவணம்
  • நன்னிச் சோழன் changed the title to எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 94 பாடல்கள் | ஆவணம்
  • கருத்துக்கள உறவுகள்+

தாயகப் பாடகர் எஸ் ஜி சாந்தனின் பக்திப்பாடல்கள் தொகுப்பு

 

 

 

 

Link to comment
Share on other sites

  • நன்னிச் சோழன் changed the title to எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 100 பாடல்கள் | ஆவணம்
  • நன்னிச் சோழன் changed the title to எஸ். ஜி. சாந்தன் அவர்களின் எழுச்சிப் பாடல்கள் தொகுப்பு - 103 பாடல்கள் | ஆவணம்
  • Tell a friend

    Love கருத்துக்களம்? Tell a friend!
  • Topics

  • Posts

    • ஜெனீவா உடன்படிக்கை ஜெனீவா உடன்படிக்கை' என அழைக்கப்படுவது சுவிட்சர்லாந்தில் உள்ள ஜெனீவா நகரில் 1864- 1949 வரையான காலப்பகுதியில் அங்கீகரிக்கப்பட்ட பல்வேறு உடன்படிக்கையின் தொகுப்பேயாகும். இரண்டாம் உலக போருக்கு (1939-45) பின்னர் பேச்சுவார்த்தைகள் மூலம் அதன் முந்தய மூன்று ஒப்பந்தங்களையும் இணைத்தும் சில கொள்கைகளையும் சேர்த்து 1949 ஆண்டு ஒப்பந்தமாக இறுதி செய்யப்பட்டது.ஒரு போர் மண்டலம் மற்றும் அதனை சுற்றியுள்ள பொதுமக்கள் மற்றும் கைதிகளின் அடிப்படை மற்றும் போர்க்கால உரிமைகளை வரையறுக்கின்றது.இந்த ஒப்பந்தங்களை 195 நாடுகள் முழுமையாகவோ அல்லது பகுதியாகவோ நிறைவேற்ற ஒப்புதல் அளித்துள்ளன.மேலும் இது பொதுமக்களின் பாதுகாப்புகளையும் வரையறுக்கிறது மற்றும் உயிர் இரசாயன ஜெனிவா ஒப்பந்தம் மற்றும் ஹேக் உடன்படிக்கை(1899 ஆண்டு முதல் ஹேக் மாநாடு, 1907 ஆம் ஆண்டு இரண்டாம் ஹேக் மாநாடு) படி நுண்ணுயிரிகள்,நச்சு வாயுக்களை பயன்படுத்தி போர் செய்வதை தடை செய்கிறதது. வரலாறு.தொகு இதன் வரலாறு செஞ்சிலுவை சங்கத்தின (Red Cross); வரலாற்றுடன் தொடர்புடையதாகவே காணப்படுகின்றது. செஞ்சிலுவை சங்கத்தின் தந்தையான கென்றி டுனான்ற்(Jean Henri Dunant) 1864 ல் யுத்தத்தில் காயமடையும் போர் வீரர்கள்பற்றிப்பேச ஒர் சர்வதேச பேச்சுவார்த்தையை ஏற்பாடு செய்திருந்தார். இந்த முதலாவது உடன்படிக்கையை பிரதான ஐரேப்பிய வல்லரசுகள் அனைத்தும் ஏற்றுக்கொண்டன. 1906 ல் இரண்டாவது உடன்படிக்கையில் முக்கிய அம்சங்கள் விரிவாக்கப் பட்டதுடன் கடலில் ஏற்படும் போர்களுக்கும் இவை பொருந்தும் என ஏற்றுக்கொள்ளப்பட்டது. 1929 ல் மூன்றாவது உடன்படிக்கையின்போது யுத்தக் கைதிகளைக் கையாழும் முறை பற்றிய நிபந்தனைகள் சேர்க்கப்பட்டன. இரண்டாம் உலகப்போரில் பல நாடுகள் இவ்வுடன்படிக்கையை மீறி நடந்ததால் இவ்வுடன்படிக்கை 1948 ஆகஸ்டு 23 – 30 வரையான காலப்பகுதியில்; சுவீடன் நாட்டில் ஸ்டொக் ஹொம் என்ற நகரில் இடம்பெற்ற செஞ்சிலுவை சங்க மாநாட்டில் மேலும் 4 உடன்படிக்கைகள் சேர்க்கப்பட்டன. இந்த உடன்படிக்கைகள் 1949 ஆகஸ்ட் 12 ல் ஜெனீவாவில் நடைபெற்ற மாநாட்டில் அங்கீகரிக்கப்பட்டு ஏற்றுக்கொள்ளப்பட்டது. இதுவே நான்காவது ஜெனீவா உடன்படிக்கை எனப்படுகின்றது. இவ்வுடன்படிக்கையின்படி போரிடும் தரப்பொன்றின் கட்டுப்பாட்டு பிரதேசத்தில் வாழும் சாதாரண குடிமக்களின் உரிமைகள் காக்கப்பட்டுள்ளன. அதாவது எந்தவெரு நோக்கத்திற்காகவும் தனிநபர்களையோ குழுக்களையோ நாடு கடத்தல், ஆட்களை பணையக்கைதிகளாக வைத்திருத்தல், ஆட்களை பாலியல் தாக்குதல்களுக்குஉள்ளாக்குதல், உடல் உள ரீதியில் வதைப்படுத்தல், விசாரணை இன்றி கூட்டுத்தண்டணை வழங்குதல், பழி வாங்குதல், நியாயமின்றி சொத்துக்களை அழித்தல், இன மத தேசிய அல்லது அரசியல் ரீதியில் பாரபட்சமாக நடத்துதல் என்பன முற்றாகத்தடை செய்யப்பட்டுள்ளது. இரண்டாம் உலகப்போரின் பின்பு வந்த குடியேற்றவாதம், உள்நாட்டு கிளர்ச்சிகள், விடுதலைப்போராட்டங்கள் காரணமாக மீண்டும் இவ் உடன்படிக்கைகள் மதிக்கப்படாமல் போகும் நிலமை ஏற்பட்டது. இதன் விளைவாக 1977 ஜூன் 8 ல் 1949உடன்படிக்கைகளுடன் மேலும் 2 உடன்படிக்கைகள் சேர்க்கப்பட்டது. ஆயினும் அமேரிக்கா, பிருத்தானியாபோன்ற நாடுகள் 1977 உடன்படிக்கையில் கைச்சாத்திட மறுத்து விட்டன. அங்கீகரிக்கப்பட்ட பிரேரணைகள்தொகு 1864 ல் முதலாவது உடன்படிக்கைதொகு 1. காயப்பட்ட அல்லது நோய்வாய்ப்பட்ட போர் வீரர்களுக்குச் சிகிச்சை அளிக்கும் நிறுவனங்கள் கைப்பற்றப்படவோ அழிக்கப்படவோ கூடாது. 2. எல்லாத்தரப்பைச் சேர்ந்த வீரர்களும் பக்கச்சார்பற்ற முறையில் பராமரிப்பும் சிகிச்சையும் வழங்கப்பட வேண்டும். 3. காயப்பட்ட வீரர்களுக்கு உதவும் குடிமக்களும் காக்கப்பட வேண்டும். 4. இந்த உடன் படிக்கையின் கீழ் பணிபுரியும் ஆட்களையும் உபகரணங்களையும் இனம்காண செஞ்சிலுவைச்சின்னம் அங்கீகரிக்கப்பட வேண்டும். 1929 ல் மூன்றாவது உடன்படிக்கைதொகு 1. யுத்த கைதிகளை மனிதாபிமானத்தோடு நடத்தவும். 2. யுத்த கைதிகளைப்பற்றிய தகவல்களை வழங்கவும். 3. கைதிகள் தங்க வைக்கப்பட்டுள்ள முகாம்களுக்குச்சென்று பார்வையிட நடுநிலை நாடுகளின் பிரதிநிதிகளுக்கு அனுமதி வழங்குவது. 1949 ல் நான்காவது உடன்படிக்கைதொகு 1. யுத்த களத்தில் காயமடைந்த அல்லது நோயுற்ற இராணுவத்தினருக்கு நிவாரணம் வழங்குவது தொடர்பானது. 2. கடலில் வைத்து காயமடைந்த அல்லது நோயுற்ற அல்லது கப்பலுடைந்த படையினருக்கு நிவாரணம் வழங்குவது 3. யுத்த கைதிகளை நடத்தும் விதம் பற்றியது 4. யுத்த காலத்தில் சாதாரண குடிமக்களின் உரிமைகளைப்பாதுகாப்பது. 1977 உடன்படிக்கையின் சாரம்தொகு சுயநிர்ணய உரிமைக்காகப் போராடும் கரந்தடிப் போராளிகள் (கொரில்லா போராளிகள்) மற்றும் கணிசமான நிலப்பரப்பை தமது கட்டுப்பாட்டில் வைத்திருக்கும் போராளிகளுக்கும் பாதுகாப்பு வழங்குவது. நடைமுறை படுத்தல்தொகு ஐக்கிய நாடுகள் சபையின் பாதுகாப்பு சபை அமலாக்க அதிகாரம்தொகு ஜெனீவா உடன்படிக்கை மற்றும் பிற ஒப்பந்தங்கள் தொடர்பான அனைத்து பிரச்சினைகளை விசாரிக்கும் மற்றும் நடைமுறைப்படுத்தும் அதிகாரம் ஐக்கிய நாடுகள் சபையின் பாதுகாப்பு சபைக்கு வழங்கப்பட்டது.ஐ.நா. அரிதாகவே ஜெனீவா உடன்படிக்கை தொடர்பான தனது அதிகாரத்தை செயல்படுத்துகிறது அதனால் பெரும்பாலான பிரச்சினைகள் பிராந்திய ஒப்பந்தங்கள் மூலம் அல்லது அந்தந்த நாடுகளின் சட்டங்கள் மூலம் தீர்க்கப்படும். அதிகாரங்களை பாதுகாத்தல்தொகு இந்த நடவடிக்கையினை பாதுகாத்தல் ஆயுத மோதலில் பகுதியாக எடுத்து கொள்ளப்படுகிறது.போரின் போது அந்நாட்டு மக்களின் நலன்களை கருத்தில் கொண்டு இரு கட்சிகளுக்கிடையே நடுநிலையான பேச்சுவார்த்தையை நடத்துகிறது. போர் குற்றங்கள்தொகு உடன்படிக்கையின் அனைத்து மீறல்களும் சமமாக கருதப்படுவதில்லை எனினும் மிக மோசமான குற்றங்களை எதிர்த்து ஒரு சட்ட வரையறை மூலம் நடவடிக்கை எடுக்கப்படும்.இது கல்லறை மீறப்படுதல்(Grave breaches) என்று குறிப்பிடப்படுகிறது. மூன்றாம் மற்றும் நான்காம் ஜெனீவா உடன்படிக்கை மாநாட்டின் மூலம் போர் குற்றங்கள் தடை செய்யப்பட்டுள்ளது.பின்வரும் நடவடிக்கைகள் பூற்குர்ரங்கள் என வரையறுக்கப்படுகின்றன,அவை வேண்டுமென்றே கொலை,சித்திரவதை அல்லது உயிரியல் சோதனைகள் செய்தல் வேண்டுமென்றே உடல் அல்லது சுகாதார கேடுகளை விளைவித்தல் எதிரி படைகளுக்காக வேலை செய்ய நிர்பந்திதல் வேண்டுமென்றே ஒரு நியாயமான போர் குற்றம் விசாரணைக்கு மறுத்தல் நான்காம் ஜெனிவா உடன்படிக்கை பின்வருபவற்றயும் போர் குற்றமாக கருதுகிறது அவை  பிணைய கைதிகளாக பிடித்தல் தேவையில்லாத இராணுவ நடவடிக்கைகளுக்காக வேண்டுமென்றே ஒருவரின் உடமைகளுக்கு சேதம் விளைவித்தல் சட்டவிரோத நாடுகடத்தல் மற்றும் இடப்பெயர்த்தல் இதன் மீதான விசாரணைகளை ஐ.நா. சர்வதேச குற்றவியல் நீதிமன்றம் வழியாக நடத்தப்படும்.     மேற்கோள்கள்     https://ta.m.wikipedia.org/wiki/ஜெனீவா_உடன்படிக்கை
    • ஜெனீவா உடன்படிக்கையை புரிந்துகொள்வதற்கு அரசியல் அறிவு தேவையில்லை  கந்தையா அண்ணர், எழுத வாசிக்கத் தெரிந்தாலே போதும். 
    • இஸ்ரேல் பல பாலஸ்தீனர்களை வீடற்றவர்களாக ஆக்குகிறது, யாரும் கண்டிக்கத் துணியவில்லை…    
    • இது ஒரு மிக சிறந்த சிந்தனை   🤪 உங்கள் காலத்தில் இலங்கை தமிழர்கள் பிரச்சனை முடித்து வைக்கப்படும் 🤣.  எப்படியென்றால்   நீங்கள் விரும்பும்படி வடக்கு கிழக்குலிருந்து தமிழர்கள் வெளியேற்றி    😂 அந்த பேச்சுவார்த்தை குழுவுக்கு நீங்கள் தான் தலைவர்     .......உங்களது இந்த இரண்டாவது இலக்க கருத்துகள் போர் குற்றம் நடந்தது என்பதை ஐயம்திரிபுற சந்தேகம் இல்லாமல் உறுதிப்படுத்தியுள்ளது  நன்றிகள் பல கோடி  கபிதன்..தயவுசெய்து யார் போர் குற்றவாளிகள் என்பதையும் சொல்லிவிடுங்கள். ...போறவழிக்கு புண்ணியங்கள் கிடைக்கும்   தமிழர்கள் தங்கள் சொந்த பூமியான வடக்கு கிழக்கு. இல் இருப்பதும் வந்தேறி ரஷ்யான் உக்ரேனில். இருப்பதும் உங்களுக்கு ஒன்றாக....அதாவது ஒத்த நிகழ்வாக தெரியுமானால்  உங்கள் அரசியல் அறிவு பூச்சியமாகும்.....
×
×
  • Create New...

Important Information

By using this site, you agree to our Terms of Use.