Jump to content

ரொனால்டோ, மெஸ்ஸி, எம்பாப்பே, நெய்மர்: கால்பந்து உலகில் அதிக சம்பளம் யாருக்கு?


Recommended Posts

  • கருத்துக்கள உறவுகள்

ரொனால்டோ, மெஸ்ஸி, எம்பாப்பே, நெய்மர்: கால்பந்து உலகில் அதிக சம்பளம் யாருக்கு?

ரொனால்டோ, மெஸ்ஸி, நெய்மர், எம்பாப்பே

பட மூலாதாரம்,GETTY IMAGES

3 மணி நேரங்களுக்கு முன்னர்

இன்றைய கால்பந்து உலகின் தலைசிறந்த 4 வீரர்கள் ஒரே போட்டியில் விளையாடியதைக் கண்ட மகிழ்ச்சியில் அரபு உலகம் திக்குமுக்காடிப் போயுள்ளது.

அந்த நான்கு பேரின் ஆட்டத்தைப் போலவே, அவர்கள் வாங்கும் சம்பளம் குறித்த ஒப்பீடும் கால்பந்து ரசிகர்களிடையே சுவாரஸ்யமாகப் பகிரப்படுகிறது. 

சர்வதேச கால்பந்து அரங்கில் கடந்த 2 தசாப்தங்களாகத் தவிர்க்க இயலாத பெயராக ரொனால்டோ - மெஸ்ஸி ஆகியோர் இடம் பெற்றுள்ளனர். உலகின் மூலை முடுக்கெல்லாம் இருவரின் பெயர்களும் ரசிகர்களால் உச்சரிக்கப்படுகின்றன.

குறிப்பாக, ஸ்பெயினில் உள்நாட்டு கால்பந்து தொடரான லா லிகா போட்டிகளில் ரியல் மாட்ரிட் அணிக்காக ரொனால்டோவும் பார்சிலோனா அணிக்காக மெஸ்ஸியும் களமிறங்கிய ஆட்டங்கள் ரசிகர்களால் எக்காலத்திற்கும் மறக்க இயலாதவை.

 

ரியல் மாட்ரிட் - பார்சிலோனா இடையே அரசியல், கலாசாரம், வரலாற்று ரீதியாக இருக்கும் மோதல்கள் கால்பந்திலும் ரசிகர்களிடையே அப்படியே எதிரொலிப்பது உண்டு.

அந்த மோதலில் ரொனால்டோ - மெஸ்ஸி ஆகிய இருவரில் யார் சிறந்தவர் என்ற விவாதமும் சேர்ந்து கொள்ள இரு அணிகளும் மோதும் ஆட்டங்களில் அனல் பறக்கும். போட்டி தேதி அறிவிக்கப்பட்டதில் இருந்தே அந்த நாளை எதிர்பார்த்து உலகம் முழுவதுமே கால்பந்து ரசிகர்கள் கனவு காணத் தொடங்கி விடுவார்கள். 

ரொனால்டோ - மெஸ்ஸி ஆகிய இருவரும் எதிரெதிராக மோதும் ஆட்டங்களின் போது மைதானங்களில் மட்டுமின்றி, பெரிய திரைகள், தொலைக்காட்சிகள் வழியாகவும் நேரலையில் போட்டியைக் கண்டு களிக்கவும் ரசிகர்கள் திரண்டு விடுவார்கள். இதனால், பெரிய அளவில் கல்லா கட்டிவிட முடியும் என்பதால் தொலைக்காட்சிகளுமே மகிழ்ச்சி கொள்வார்கள். 

ரொனால்டோ, மெஸ்ஸி, எம்பாப்பே

பட மூலாதாரம்,GETTY IMAGES

கால்பந்து உலகில் இருபெரும் ஜாம்பவான்கள் உச்சத்தில் இருந்தபோதே, மிக இளம் வயதில் புயலென நுழைந்தவர் எம்பாப்பே. 2018ஆம் ஆண்டு ரஷ்யாவில் நடந்தேறிய உலகக்கோப்பை கால்பந்து தொடரில் பதின்ம வயதில் இருந்த எம்பாப்பே, தனது புயல் வேக ஆட்டத்தால் எதிரணிகளைக் கலங்க வைத்தார். 

குறிப்பாக, குரோஷியாவுக்கு எதிரான இறுதிப்போட்டியின் 65வது நிமிடத்தில் எம்பாப்பே அடித்த கோல் ரசிகர்களைப் பெரிதும் கவர்ந்தது. இதன் மூலம், உலகக்கோப்பை வரலாற்றில் இறுதிப்போட்டியில் கோல் அடித்த பதின்ம வயது இளைஞர் என்ற பட்டியலில் பீலேவுடன் அவர் இணைந்து கொண்டார். 

அது முதலே பீலே - எம்பாப்பே குறித்த ஒப்பீடும் ரசிகர்களிடையே தொடங்கிவிட்டது. ரொனால்டோ - மெஸ்ஸி ஆகிய இருவருமே ஏற்கெனவே கால்பந்து வாழ்க்கையின் உச்சத்தைத் தொட்டு 30 வயதைத் தாண்டிய மூத்த வீரர்களாகி விட்டதால், கால்பந்து உலகின் எதிர்காலம் இனி இவரே என்று நிபுணர்களால் கணிக்கப்பட்டார். இவ்விதம், கால்பந்து உலகிற்குத் தனது வருகையை அழுத்தமாகப் பதிவு செய்த எம்பாப்பே, பின்னாட்களில் நிபுணர்களின் கணிப்புகளையும் மெய்யாக்கினார்.

ரொனால்டோ, மெஸ்ஸி, எம்பாப்பே

பட மூலாதாரம்,GETTY IMAGES

கத்தாரில் நடந்து முடிந்த உலகக்கோப்பையில் ரொனால்டோ - மெஸ்ஸியுடன் எம்பாப்பேவும் கவனிக்கப்படும் வீரராக இருந்தார். ரொனால்டோவின் போர்ச்சுகல் அணி காலிறுதியுடன் மூட்டை கட்ட, அந்த அணியின் கடைசி இரு போட்டிகளில் அவருக்குத் தொடக்கத்திலேயே களமிறங்கவே வாய்ப்பு தரப்படவில்லை. 

2014ஆம் ஆண்டில் அர்ஜெண்டினாவுக்கு தலைமையேற்று அரையிறுதி வரை அழைத்துச் சென்ற மெஸ்ஸி, இம்முறை கோப்பையை வென்று தனது வாழ்நாள் கனவை நனவாக்கிக் கொண்டார்.

அர்ஜெண்டினாவுக்கு கோபா அமெரிக்கா கோப்பையை ஏற்கெனவே வென்று கொடுத்துள்ள மெஸ்ஸியை மாபெரும் நாயகனாக அந்நாட்டு ரசிகர்கள் கொண்டாடி மகிழ்ந்தனர். 

ரொனால்டோ, மெஸ்ஸி, எம்பாப்பே

பட மூலாதாரம்,GETTY IMAGES

எம்பாப்பேவுக்கு இது இரண்டாவது உலகக்கோப்பையாக அமைந்தது. நடப்புச் சாம்பியன் என்ற அந்தஸ்துடன் களம் கண்ட பிரான்ஸ் அணி இறுதிப்போட்டி வரை சென்று, அர்ஜெண்டினாவிடம் கடைசி வரை போராடி டை பிரேக்கரில் தோற்றுப் போனது.

எனினும், 2-0 என்ற கணக்கில் பின்தங்கியிருந்த பிரான்சுக்கு, ஆட்டத்தின் பிற்பாதியில் அடுத்தடுத்து 2 கோல்களை அடித்து உயிரூட்டியவர் எம்பாப்பேதான். இறுதிப்போட்டியில் ஹாட்ரிக் கோல் அடித்து அவர் அசத்தினார்.

கடந்த உலகக்கோப்பையில் அதிக கோல் அடித்தவர் எம்பாப்பே தான். அதிலும் இறுதிப்போட்டியில் கடைசி விநாடி வரை அவர் கடுமையாகப் போராடிய விதம் உலகெங்கும் தேச எல்லைகளைக் கடந்து கால்பந்து ரசிகர்களை கவர்ந்தது.

போட்டி முடிவில் மைதானத்திலேயே தேம்பித் தேம்பி அழுத அவரை பிரான்ஸ் அதிபர் இம்மானுவேல் மெக்ரோனே நேரில் வந்து ஆற்றுப்படுத்தினார். 

ரொனால்டோ, மெஸ்ஸி, எம்பாப்பே

பட மூலாதாரம்,GETTY IMAGES

ஐரோப்பிய கிளப் போட்டிகளில் மான்செஸ்டர் அணிக்காக விளையாடி வந்த ரொனால்டோ, அணி நிர்வாகத்தை விமர்சித்து அளித்த பேட்டி, உலகக்கோப்பையின்போதே பெரும் விவாதப் பொருளாக மாறியது.

கடந்த உலகக்கோப்பையும் மகிழ்ச்சி தராமல் போக, எதிர்பார்க்கப்பட்ட படியே, சௌதி அரேபியாவை சேர்ந்த அல்-நாசர் அணிக்காக விளையாட அவர் ஒப்புக் கொண்டார். 

இதற்காக, கால்பந்து வரலாற்றில் இதுவரை யாருமே நினைத்துக்கூடப் பார்க்காத ஊதியத்தை ரொனால்டோவுக்கு அள்ளிக் கொடுக்க சவுதி அரேபியா கிளப் முன்வந்தது.

அதன்படி, ரொனால்டோவுக்கு அல்-நாசர் அணி ஆண்டொன்றுக்கு சுமார் 1,800 கோடி ரூபாயை ஊதியமாகக் கொடுக்கிறது. அல்-நாசர் அணிக்காக இரண்டரை ஆண்டு காலம் விளையாடவுள்ள ரொனால்டோ அதற்காக, சுமார் 4,400 கோடி ரூபாயை ஊதியமாக பெறுவார். 

ரொனால்டோ, மெஸ்ஸி, எம்பாப்பே

பட மூலாதாரம்,GETTY IMAGES

பார்சிலோனா அணியின் பெருமைமிகு தயாரிப்பாகப் பார்க்கப்பட்ட மெஸ்ஸி, அந்த அணிக்காக நீண்ட காலம் விளையாடிய பிறகு யாருமே எதிர்பாராத வகையில் 2021ஆம் ஆண்டு பிரான்சை சேர்ந்த பாரிஸ் செயின்ட் ஜெர்மைன் அணிக்காக விளையாட ஒப்பந்தமானார்.

கடந்த நவம்பரில் வெளியான ஃபோர்ப்ஸ் இதழ் தகவலின்படி, ஆண்டோன்றுக்கு சுமார் 530 கோடி ரூபாயை அவர் ஊதியமாகப் பெறுகிறார்.

2017ஆம் ஆண்டு பார்சிலோனா அணியில் இருந்து நெய்மரை சுமார் 2,200 கோடி ரூபாய் டிரான்ஸ்பர் தொகை செலுத்தி பாரிஸ் செயின்ட் ஜெர்மைன் அணி வாங்கியதை கால்பந்து உலகமே வியந்து பார்த்தது. அப்போதைய நிலையில் மிக அதிக ஊதியம் பெற்றவராகத் திகழ்ந்த நெய்மர் அடுத்து வந்த ஆண்டுகளில் பின்தங்கிப் போனார்.

ரொனால்டோ, மெஸ்ஸி, நெய்மர், எம்பாப்பே

பட மூலாதாரம்,GETTY IMAGES

நெய்மருடனான ஒப்பந்தத்தை 2025-ம் ஆண்டு வரை பாரிஸ் செயின்ட் ஜெர்மைன் அணி புதுப்பித்துள்ளது. அவர் ஆண்டுதோறும் சுமார் 450 கோடி ரூபாயை ஊதியமாகப் பெறுகிறார் என்கிறது ஃபோர்ப்ஸ் இதழ்.

கால்பந்து உலகில் இளம் சூப்பர் ஸ்டாராக வலம் வரும் கிலியான் எம்பாப்பே ஊதிய விஷயத்தில் ஏற்கெனவே ஒருமுறை மெஸ்ஸி, ரொனால்டோவை விஞ்சிவிட்டார். ஃபோர்ப்ஸ் அறிக்கை அடிப்படையில் பார்த்தால், அவர் ஆண்டோன்றுக்கு ஊதியமாக சுமார் 890 கோடி ரூபாயை ஈட்டுகிறார்.

அல்-நாசர் அணியுடனான ரொனால்டோவின் ஒப்பந்தம் கையெழுத்தாவதற்கு முன்பு வரை எம்பாப்பே தான் உலகில் அதிக ஊதியம் பெறும் கால்பந்து வீரராகத் திகழ்ந்தார் என்பது குறிப்பிடத்தக்கது.

ரொனால்டோ, மெஸ்ஸி, எம்பாப்பே

பட மூலாதாரம்,GETTY IMAGES

தற்போதைய நிலையில், ஊதியத்தின் அடிப்படையில் மெஸ்ஸி, எம்பாப்பே ஆகிய இருவரைக் காட்டிலும் ரொனால்டோ மிக உச்சத்தில் இருக்கிறார்.

எனினும், இந்த ஆண்டு பி.எஸ்.ஜி. அணியுடனான ஒப்பந்தம் முடிவுக்கு வந்த பிறகு, சௌதி அரேபிய கிளப் போட்டிகளில் விளையாட மெஸ்ஸி தீர்மானித்தால், ரொனால்டோவை அவர் மிஞ்சக் கூடும். இதுதொடர்பாக, ஏற்கெனவே பலவாறாக செய்திகள் உலா வருகின்றன. 

மறுபுறம், கால்பந்து உலகில் இளம் நட்சத்திரமாக வலம் வரும் எம்பாப்பேவை இழுக்க எவ்வளவு வேண்டுமானாலும் கொட்டிக் கொடுக்க பல்வேறு கிளப் நிர்வாகங்கள் தயாராக இருப்பது கண்கூடு.

கால்பந்து வரலாற்றையே திருத்தி எழுதும் திறமையும் இளமையும் கொண்டவராகப் பார்க்கப்படும் எம்பாப்பே, பல சாதனைகளைப் படைப்பது மட்டுமின்றி ஊதியம் பெறுவதிலும் பல உச்சங்களைத் தொடுவார் என்று கால்பந்து நிபுணர்கள் கணித்துள்ளனர். 

https://www.bbc.com/tamil/articles/cxe04l19gl5o

Link to comment
Share on other sites

  • Tell a friend

    Love கருத்துக்களம்? Tell a friend!
  • Topics

  • Posts

    • ஜெனீவா உடன்படிக்கை ஜெனீவா உடன்படிக்கை' என அழைக்கப்படுவது சுவிட்சர்லாந்தில் உள்ள ஜெனீவா நகரில் 1864- 1949 வரையான காலப்பகுதியில் அங்கீகரிக்கப்பட்ட பல்வேறு உடன்படிக்கையின் தொகுப்பேயாகும். இரண்டாம் உலக போருக்கு (1939-45) பின்னர் பேச்சுவார்த்தைகள் மூலம் அதன் முந்தய மூன்று ஒப்பந்தங்களையும் இணைத்தும் சில கொள்கைகளையும் சேர்த்து 1949 ஆண்டு ஒப்பந்தமாக இறுதி செய்யப்பட்டது.ஒரு போர் மண்டலம் மற்றும் அதனை சுற்றியுள்ள பொதுமக்கள் மற்றும் கைதிகளின் அடிப்படை மற்றும் போர்க்கால உரிமைகளை வரையறுக்கின்றது.இந்த ஒப்பந்தங்களை 195 நாடுகள் முழுமையாகவோ அல்லது பகுதியாகவோ நிறைவேற்ற ஒப்புதல் அளித்துள்ளன.மேலும் இது பொதுமக்களின் பாதுகாப்புகளையும் வரையறுக்கிறது மற்றும் உயிர் இரசாயன ஜெனிவா ஒப்பந்தம் மற்றும் ஹேக் உடன்படிக்கை(1899 ஆண்டு முதல் ஹேக் மாநாடு, 1907 ஆம் ஆண்டு இரண்டாம் ஹேக் மாநாடு) படி நுண்ணுயிரிகள்,நச்சு வாயுக்களை பயன்படுத்தி போர் செய்வதை தடை செய்கிறதது. வரலாறு.தொகு இதன் வரலாறு செஞ்சிலுவை சங்கத்தின (Red Cross); வரலாற்றுடன் தொடர்புடையதாகவே காணப்படுகின்றது. செஞ்சிலுவை சங்கத்தின் தந்தையான கென்றி டுனான்ற்(Jean Henri Dunant) 1864 ல் யுத்தத்தில் காயமடையும் போர் வீரர்கள்பற்றிப்பேச ஒர் சர்வதேச பேச்சுவார்த்தையை ஏற்பாடு செய்திருந்தார். இந்த முதலாவது உடன்படிக்கையை பிரதான ஐரேப்பிய வல்லரசுகள் அனைத்தும் ஏற்றுக்கொண்டன. 1906 ல் இரண்டாவது உடன்படிக்கையில் முக்கிய அம்சங்கள் விரிவாக்கப் பட்டதுடன் கடலில் ஏற்படும் போர்களுக்கும் இவை பொருந்தும் என ஏற்றுக்கொள்ளப்பட்டது. 1929 ல் மூன்றாவது உடன்படிக்கையின்போது யுத்தக் கைதிகளைக் கையாழும் முறை பற்றிய நிபந்தனைகள் சேர்க்கப்பட்டன. இரண்டாம் உலகப்போரில் பல நாடுகள் இவ்வுடன்படிக்கையை மீறி நடந்ததால் இவ்வுடன்படிக்கை 1948 ஆகஸ்டு 23 – 30 வரையான காலப்பகுதியில்; சுவீடன் நாட்டில் ஸ்டொக் ஹொம் என்ற நகரில் இடம்பெற்ற செஞ்சிலுவை சங்க மாநாட்டில் மேலும் 4 உடன்படிக்கைகள் சேர்க்கப்பட்டன. இந்த உடன்படிக்கைகள் 1949 ஆகஸ்ட் 12 ல் ஜெனீவாவில் நடைபெற்ற மாநாட்டில் அங்கீகரிக்கப்பட்டு ஏற்றுக்கொள்ளப்பட்டது. இதுவே நான்காவது ஜெனீவா உடன்படிக்கை எனப்படுகின்றது. இவ்வுடன்படிக்கையின்படி போரிடும் தரப்பொன்றின் கட்டுப்பாட்டு பிரதேசத்தில் வாழும் சாதாரண குடிமக்களின் உரிமைகள் காக்கப்பட்டுள்ளன. அதாவது எந்தவெரு நோக்கத்திற்காகவும் தனிநபர்களையோ குழுக்களையோ நாடு கடத்தல், ஆட்களை பணையக்கைதிகளாக வைத்திருத்தல், ஆட்களை பாலியல் தாக்குதல்களுக்குஉள்ளாக்குதல், உடல் உள ரீதியில் வதைப்படுத்தல், விசாரணை இன்றி கூட்டுத்தண்டணை வழங்குதல், பழி வாங்குதல், நியாயமின்றி சொத்துக்களை அழித்தல், இன மத தேசிய அல்லது அரசியல் ரீதியில் பாரபட்சமாக நடத்துதல் என்பன முற்றாகத்தடை செய்யப்பட்டுள்ளது. இரண்டாம் உலகப்போரின் பின்பு வந்த குடியேற்றவாதம், உள்நாட்டு கிளர்ச்சிகள், விடுதலைப்போராட்டங்கள் காரணமாக மீண்டும் இவ் உடன்படிக்கைகள் மதிக்கப்படாமல் போகும் நிலமை ஏற்பட்டது. இதன் விளைவாக 1977 ஜூன் 8 ல் 1949உடன்படிக்கைகளுடன் மேலும் 2 உடன்படிக்கைகள் சேர்க்கப்பட்டது. ஆயினும் அமேரிக்கா, பிருத்தானியாபோன்ற நாடுகள் 1977 உடன்படிக்கையில் கைச்சாத்திட மறுத்து விட்டன. அங்கீகரிக்கப்பட்ட பிரேரணைகள்தொகு 1864 ல் முதலாவது உடன்படிக்கைதொகு 1. காயப்பட்ட அல்லது நோய்வாய்ப்பட்ட போர் வீரர்களுக்குச் சிகிச்சை அளிக்கும் நிறுவனங்கள் கைப்பற்றப்படவோ அழிக்கப்படவோ கூடாது. 2. எல்லாத்தரப்பைச் சேர்ந்த வீரர்களும் பக்கச்சார்பற்ற முறையில் பராமரிப்பும் சிகிச்சையும் வழங்கப்பட வேண்டும். 3. காயப்பட்ட வீரர்களுக்கு உதவும் குடிமக்களும் காக்கப்பட வேண்டும். 4. இந்த உடன் படிக்கையின் கீழ் பணிபுரியும் ஆட்களையும் உபகரணங்களையும் இனம்காண செஞ்சிலுவைச்சின்னம் அங்கீகரிக்கப்பட வேண்டும். 1929 ல் மூன்றாவது உடன்படிக்கைதொகு 1. யுத்த கைதிகளை மனிதாபிமானத்தோடு நடத்தவும். 2. யுத்த கைதிகளைப்பற்றிய தகவல்களை வழங்கவும். 3. கைதிகள் தங்க வைக்கப்பட்டுள்ள முகாம்களுக்குச்சென்று பார்வையிட நடுநிலை நாடுகளின் பிரதிநிதிகளுக்கு அனுமதி வழங்குவது. 1949 ல் நான்காவது உடன்படிக்கைதொகு 1. யுத்த களத்தில் காயமடைந்த அல்லது நோயுற்ற இராணுவத்தினருக்கு நிவாரணம் வழங்குவது தொடர்பானது. 2. கடலில் வைத்து காயமடைந்த அல்லது நோயுற்ற அல்லது கப்பலுடைந்த படையினருக்கு நிவாரணம் வழங்குவது 3. யுத்த கைதிகளை நடத்தும் விதம் பற்றியது 4. யுத்த காலத்தில் சாதாரண குடிமக்களின் உரிமைகளைப்பாதுகாப்பது. 1977 உடன்படிக்கையின் சாரம்தொகு சுயநிர்ணய உரிமைக்காகப் போராடும் கரந்தடிப் போராளிகள் (கொரில்லா போராளிகள்) மற்றும் கணிசமான நிலப்பரப்பை தமது கட்டுப்பாட்டில் வைத்திருக்கும் போராளிகளுக்கும் பாதுகாப்பு வழங்குவது. நடைமுறை படுத்தல்தொகு ஐக்கிய நாடுகள் சபையின் பாதுகாப்பு சபை அமலாக்க அதிகாரம்தொகு ஜெனீவா உடன்படிக்கை மற்றும் பிற ஒப்பந்தங்கள் தொடர்பான அனைத்து பிரச்சினைகளை விசாரிக்கும் மற்றும் நடைமுறைப்படுத்தும் அதிகாரம் ஐக்கிய நாடுகள் சபையின் பாதுகாப்பு சபைக்கு வழங்கப்பட்டது.ஐ.நா. அரிதாகவே ஜெனீவா உடன்படிக்கை தொடர்பான தனது அதிகாரத்தை செயல்படுத்துகிறது அதனால் பெரும்பாலான பிரச்சினைகள் பிராந்திய ஒப்பந்தங்கள் மூலம் அல்லது அந்தந்த நாடுகளின் சட்டங்கள் மூலம் தீர்க்கப்படும். அதிகாரங்களை பாதுகாத்தல்தொகு இந்த நடவடிக்கையினை பாதுகாத்தல் ஆயுத மோதலில் பகுதியாக எடுத்து கொள்ளப்படுகிறது.போரின் போது அந்நாட்டு மக்களின் நலன்களை கருத்தில் கொண்டு இரு கட்சிகளுக்கிடையே நடுநிலையான பேச்சுவார்த்தையை நடத்துகிறது. போர் குற்றங்கள்தொகு உடன்படிக்கையின் அனைத்து மீறல்களும் சமமாக கருதப்படுவதில்லை எனினும் மிக மோசமான குற்றங்களை எதிர்த்து ஒரு சட்ட வரையறை மூலம் நடவடிக்கை எடுக்கப்படும்.இது கல்லறை மீறப்படுதல்(Grave breaches) என்று குறிப்பிடப்படுகிறது. மூன்றாம் மற்றும் நான்காம் ஜெனீவா உடன்படிக்கை மாநாட்டின் மூலம் போர் குற்றங்கள் தடை செய்யப்பட்டுள்ளது.பின்வரும் நடவடிக்கைகள் பூற்குர்ரங்கள் என வரையறுக்கப்படுகின்றன,அவை வேண்டுமென்றே கொலை,சித்திரவதை அல்லது உயிரியல் சோதனைகள் செய்தல் வேண்டுமென்றே உடல் அல்லது சுகாதார கேடுகளை விளைவித்தல் எதிரி படைகளுக்காக வேலை செய்ய நிர்பந்திதல் வேண்டுமென்றே ஒரு நியாயமான போர் குற்றம் விசாரணைக்கு மறுத்தல் நான்காம் ஜெனிவா உடன்படிக்கை பின்வருபவற்றயும் போர் குற்றமாக கருதுகிறது அவை  பிணைய கைதிகளாக பிடித்தல் தேவையில்லாத இராணுவ நடவடிக்கைகளுக்காக வேண்டுமென்றே ஒருவரின் உடமைகளுக்கு சேதம் விளைவித்தல் சட்டவிரோத நாடுகடத்தல் மற்றும் இடப்பெயர்த்தல் இதன் மீதான விசாரணைகளை ஐ.நா. சர்வதேச குற்றவியல் நீதிமன்றம் வழியாக நடத்தப்படும்.     மேற்கோள்கள்     https://ta.m.wikipedia.org/wiki/ஜெனீவா_உடன்படிக்கை
    • ஜெனீவா உடன்படிக்கையை புரிந்துகொள்வதற்கு அரசியல் அறிவு தேவையில்லை  கந்தையா அண்ணர், எழுத வாசிக்கத் தெரிந்தாலே போதும். 
    • இஸ்ரேல் பல பாலஸ்தீனர்களை வீடற்றவர்களாக ஆக்குகிறது, யாரும் கண்டிக்கத் துணியவில்லை…    
    • இது ஒரு மிக சிறந்த சிந்தனை   🤪 உங்கள் காலத்தில் இலங்கை தமிழர்கள் பிரச்சனை முடித்து வைக்கப்படும் 🤣.  எப்படியென்றால்   நீங்கள் விரும்பும்படி வடக்கு கிழக்குலிருந்து தமிழர்கள் வெளியேற்றி    😂 அந்த பேச்சுவார்த்தை குழுவுக்கு நீங்கள் தான் தலைவர்     .......உங்களது இந்த இரண்டாவது இலக்க கருத்துகள் போர் குற்றம் நடந்தது என்பதை ஐயம்திரிபுற சந்தேகம் இல்லாமல் உறுதிப்படுத்தியுள்ளது  நன்றிகள் பல கோடி  கபிதன்..தயவுசெய்து யார் போர் குற்றவாளிகள் என்பதையும் சொல்லிவிடுங்கள். ...போறவழிக்கு புண்ணியங்கள் கிடைக்கும்   தமிழர்கள் தங்கள் சொந்த பூமியான வடக்கு கிழக்கு. இல் இருப்பதும் வந்தேறி ரஷ்யான் உக்ரேனில். இருப்பதும் உங்களுக்கு ஒன்றாக....அதாவது ஒத்த நிகழ்வாக தெரியுமானால்  உங்கள் அரசியல் அறிவு பூச்சியமாகும்.....
×
×
  • Create New...

Important Information

By using this site, you agree to our Terms of Use.