உரிய ஆலோசனைகள் இன்றி பலாலியைச் சுற்றியுள்ள காணிகளை விடுவிக்க வேண்டாம் – சரத் வீரசேகர

[தமிழ் சிறி]

உரிய ஆலோசனைகள் இன்றி பலாலியைச் சுற்றியுள்ள காணிகளை விடுவிக்க வேண்டாம் – சரத் வீரசேகர

யாழ்ப்பாணம் பலாலியைச் சுற்றியுள்ள காணிகளை விடுவிக்க முன் ஆலோசனை பெறவேண்டும் என சரத் வீரசேகர கோரிக்கை விடுத்துள்ளார்.

ஜனாதிபதி ரணில் விக்கிரமசிங்கவிடம் நாடாளுமன்ற உறுப்பினர் லாநிதி சரத் வீரசேகர இந்த கோரிக்கை விடுத்துள்ளார்.

பலாலியைச் சூழவுள்ள காணிகளை பொது மக்களுக்கு பகிர்ந்தளிப்பதற்கு முன்னர் பாதுகாப்புப் படைத் தலைவர்களிடம் ஆலோசனை பெறுமாறு கோரியுள்ளார்.

அவ்வாறு ஆலோசனைகளை போற்றுக்கொள்ளாமல் குறித்த பகுதிகளில் உள்ள காணிகளை பகிர்ந்தளிப்பது அபாயகரமானது எனவும் சரத் வீரசேகர குறிப்பிட்டுள்ளார்.

https://athavannews.com/2023/1322138

[satan]

எங்கள் காணியை விடுகிறதற்கு பாதுகாப்பு தரப்பிடம் ஆலோசனை பெறவேண்டுமாம், அதைவைத்து சரித்திரம் எழுத நினைத்தார்களோ? எங்கே எங்கள் தலைவர்கள்? அவர்களுக்கு இதெல்லாம் கேக்க நேரமில்லை.

[goshan_che]

2 hours ago, தமிழ் சிறி said:

லாநிதி சரத் வீரசேகர

கலாநிதி? எப்ப இருந்து?

[தமிழ் சிறி]

10 minutes ago, goshan_che said:

கலாநிதி? எப்ப இருந்து?

ஆதவன் நியூஸ், அவிச்சு இறக்கும். 😂
சிலவேளை... இனத்துவேசத்தில், கலாநிதி எடுத்து இருக்கலாம். 🤣

https://www.instagram.com/sarath.weerasekera/

@goshan_che சில இடங்களில்... டாக்டர் என்று போடப் பட்டுள்ளது.

Edited January 28, 2023 by தமிழ் சிறி

[goshan_che]

18 minutes ago, தமிழ் சிறி said:

ஆதவன் நியூஸ், அவிச்சு இறக்கும். 😂
சிலவேளை... இனத்துவேசத்தில், கலாநிதி எடுத்து இருக்கலாம். 🤣

https://www.instagram.com/sarath.weerasekera/

@goshan_che சில இடங்களில்... டாக்டர் என்று போடப் பட்டுள்ளது.

(கப்பம்) வசூல்ராஜா என்பதால் டாக்டர் ஆக்கி இருப்பார்களோ🤣

[ஏராளன்]

வடக்கில் இராணுவ வசமுள்ள 100 ஏக்கர் காணியை விடுவிக்க ஜனாதிபதி உத்தரவு

By T. SARANYA

28 JAN, 2023 | 01:55 PM

(லியோ நிரோஷ தர்ஷன்)

வடக்கில் இராணுவத்தினரால் பயன்படுத்தப்பட்ட 100 ஏக்கர் தனியார் காணிகளை உரிய மக்களுக்கு வழங்குமாறு ஜனாதிபதி ரணில் விக்ரமசிங்க உத்தரவிட்டுள்ளார். இதற்கமைய குறித்த காணி பகிர்ந்தளிப்பு நடவடிக்கைகளை துரிதமாக முன்னெடுக்குமாறு ஜனாதிபதியின் சிரேஷ்ட பாதுகாப்பு ஆலோசகர் சாகல ரத்நாயக்க வட மாகாணத்தின் அனைத்து மாவட்ட செயலாளர்களுக்கும் ஆலோசனை வழங்கியுள்ளார்.

இராணுவம் நிலைக்கொண்டுள்ள தமது காணிகளை விடுவித்து தருமாறு வடக்கு மக்கள் நீண்டகாலம் போராடியும் கோரிக்கைகளையும் முன்வைத்து வருகின்றனர். இதனடிப்படையில் குறித்த காணிகளில் நிலைக்கொண்டுள்ள இராணுவத்தினரையும் முகாம்களையும் அங்கிருந்து வேறு இடங்களுக்கு நகர்த்தி அந்த காணிகளை உரிய மக்களிடம் வழங்குமாறு ஜனாதிபதியின் சிரேஷ்ட பாதுபாப்பு ஆலோசகர் சாகல ரத்நாயக்க மாவட்ட செயலாளர்களுக்கும் ஆலோசனை வழங்கியுள்ளார்.

பெப்ரவரி மாதம் 11 ஆம் திகதிக்கு முன்னர் அடையாளம் காணப்பட்டுள்ள 100 ஏக்கர் காணியை உரிய மக்களுக்கு வழங்கப்பட வேண்டும். 75 ஆவது சுதந்திர தினத்தை முன்னிட்டு இந்த காணி விடுவிப்பு இடம்பெறுவதுடன், நாட்டில் இனங்களுக்கு இடையில் நல்லிணக்கத்தை ஏற்படுத்தும் நோக்கில் பல்வேறு திட்டங்கள் முன்னெடுக்கப்பட்டு வருவதாக தெரிவித்த சாகல ரத்நாயக்க, பாதுகாப்பு தரப்புகளின் பயன்பாட்டில் மேலும் மக்கள் காணிகள் இருப்பின் அவற்றையும் விடுவிக்க நடவடிக்கை எடுக்கப்படும் எனவும் குறிப்பிட்டார்.

https://www.virakesari.lk/article/146922

[alvayan]

பெப்ருவரி 11 க்கு....அப்ப தெல்லாம் காசுதான்...நம்ம சனத்தை அடிமுட்டாள் ஆக்குவதில் சிங்களவன் நம்பர் 1...

[satan]

9 hours ago, goshan_che said:

கலாநிதி? எப்ப இருந்து?

ஏதாவது ஒரு துறையில் பாண்டித்தியம் பெற்றவரை அவரது பெயருக்கு முன் கலாநிதி (டாக்ட்டர்) பட்டம் போட்டு அழைப்பது வழக்கம். இவர் ஏதாவது நல்ல துறையில் பாண்டித்தியம் பெற்றிருக்க வாய்ப்பில்லை, இவரது சொல் செயல் அதை நிரூபிக்கவில்லை. கொலை, கொள்ளை, காணி அபகரிப்பு, இனத்துவேஷம், கலவரத்தை ஏற்படுத்தல் போன்றவற்றில் பெற்றிருப்பாரென நினைக்கிறன். இவரது சொல் செயல் அதையே நிரூபிக்கின்றன. இவர் மட்டுமல்ல இலங்கையில் அந்தப்பட்டத்தை இந்தச் செயல்களுக்காக பெற்றவர்கள் கனபேர் இருக்கிறார்கள்.