சர்வதேச நாணய நிதியத்தின் கடன் தொகை இலங்கைக்கு நிவாரணமளிக்காது – மூடிஸ் பொருளாதார நிபுணர்

[தமிழ் சிறி]

சர்வதேச நாணய நிதியத்தின் கடன் தொகை இலங்கைக்கு நிவாரணமளிக்காது – மூடிஸ் பொருளாதார நிபுணர்

உலகளாவிய நிதி நிறுவனங்களிடமிருந்து எவ்வளவு நிதியைப் பெற்றாலும், இலங்கையின் நிலைமை மேலும் கடினமானதாகவே இருக்கும் என மூடீஸ் நிறுவனத்தின் மூத்த பொருளாதார நிபுணர் தெரிவித்துள்ளார்.

சர்வதேச நாணய நிதியம் கடந்த திங்கட்கிழமை இலங்கைக்கு கிட்டத்தட்ட 2.9 பில்லியன் டொலர் நிதியுதவிக்கு அங்கீகாரம் வழங்கியுள்ளது.

இந்நிலையில் கண்டிப்பாக இந்த கடன் தொகை இலங்கை நினைப்பது போல் நெருக்கடிக்கு தீர்வாக அமையாது என மூடிஸ் நிறுவனத்தின் மூத்த பொருளாதார நிபுணர் கத்ரீனா எல் கூறியுள்ளார்.

இலங்கைக்கு எவ்வளவு நிதியுதவி அல்லது ஆதரவு வழங்கினாலும், இலங்கையின் நிலைமை இன்னும் கடினமானதாகவே இருக்கும் என்றும் அவர் குறிப்பிட்டுள்ளார்.

https://athavannews.com/2023/1328213

[புலவர்]

கடன் கொடுக்கிறவன் சும்மா கொடுக்க மாட்டான். அதுவம் சிறிலங்காவைப் போல கடன் வாங்குவதைத் தவிர வேறு வழியில்லா நிலையில் உள்ள நாடுகளுக்கு பல நிபந்தனைகளின் அடிப்படையிலேயே கடன் கெடுப்பார்கள். தற்சார்பு பொருளாதாரத்தை ஊக்கு விக்காது கடன் மட்டும் வாங்கினால் எப்படி முன்னேற்றம் வரும். முழுக்கடனும் மக்கள் மீது வரியாக  அறவிடப்படும். மக்கள் மேலும் துன்பப்படப் போகிறார்கள்.

[விளங்க நினைப்பவன்]

இலங்கையின் வளர்ச்சி வாய்ப்புக்களில்  குறிப்பிடத்தக்க முன்னேற்றங்களை  கொண்டுவராமல்  கடனை எடுத்து சும்மா செலவழித்தால் என்ன நடக்கும் என்று அவர் சொன்னதை சர்வதேச நாணய நிதியத்தின் கடன் தொகை இலங்கைக்கு நிவாரணமளிக்காது என்று ஆதவன்நியுஸ் தலைப்பு கொடுத்துவிட்டனர். 

16 hours ago, புலவர் said:

முழுக்கடனும் மக்கள் மீது வரியாக  அறவிடப்படும். மக்கள் மேலும் துன்பப்படப் போகிறார்கள்.

அய்எவ்எம் தலைவி Kristalina Georgieva வும் அதை தானே செய்ய வேண்டும் என்று இலங்கையை மீட்டெடுக்க வேண்டும் என்றால் அங்கு பல சீர்திருத்தங்கள் செய்யுங்கோ என்று சொல்கிறா.