• advertisement_alt
  • advertisement_alt
  • advertisement_alt

Archived

This topic is now archived and is closed to further replies.

தூயவன்

சாமத்திய வீடு கொண்டாடுவது அசிங்கமா?

Recommended Posts

எமக்குள் சில மேதவிகள் இருக்கின்றார்கள். வெள்ளையன் சிரிப்பான், அவனுக்கு முன்னால் நாகரீகம் காட்ட வேண்டும் என்று, தமிழரோடு கதைக்கின்றபோதும் அரைநுனி ஆங்கிலமோ, அல்லது தாங்கள் சார்ந்த நாட்டில் பேசப்படுகின்ற மொழியில் தான் உரையாடிக் கொள்வார்கள்.

சமாத்தியவீடு தொடர்பாகவும் ஏதோ விவாதம் எல்லாம் நடந்தது. ஆனால் யூதர்களின் வாழ்க்கை முறையைத் தட்டிப் பார்த்தபோது அங்கும் சமாத்தியவீடுக்கு நிகரான நிகழ்வு கொண்டாடப்படுவது தெரியவருகின்றது. என்றைக்குமே தங்களை உயர்ந்த இனமாகவும், சிறிய சமுதாயமாக இருந்து கொண்டு உலகத்தை ஆட்டுவிக்கின்ற அளவுக்கு அவர்கள் வளர்ந்தாலும் அவர்கள் தங்களின் பண்பாட்டை விட்டு விலத்துவதில்லை.

அதனால் தான் உலகில் எங்கு சென்றாலும் உயர்வாகவும், ஒன்றாகவும் தங்களுடைய அடையாளங்களோடும் வாழ்கின்றார்கள்.

ஆனால் அவர்கள் ஆண்கள், பெண்கள் இருவருக்குமே சமாத்தியவீடு கொண்டாடுகின்றார்கள்.ஆண்கள் 13 வயதும், பெண்கள் 12 வயதும் அடைகின்றபோது அதற்கான சடங்கு செய்யப்படுவதோடு, விழிப்பூட்டல்களும் நடக்கின்றன.

இது பற்றிய இணைப்பு ஆங்கிலத்தில் உள்ளது. நெடுங்காலபோவான், அல்லது வெற்றிவேல், தயாண்ணா என்று யாராவது முடிந்தால் தமிழ்படுத்துங்கள். என்னால் மாவீர்ர நாள், பாலா அண்ணாவின் நினைவு தினங்கள் வரைக்கும் இதில் மினக்கெட்டு ஈடுபடமுடியாதுள்ளது.

--------------------

In Judaism, Bar Mitzvah (Hebrew: בר מצוה, "one (m.) to whom the commandments apply") and Bat Mitzvah (בת מצוה, "one (f.) to whom the commandments apply," or Bas Mitzvah in Ashkenazi pronunciation), are the terms to describe the coming of age of a Jewish boy or girl. According to Jewish law, when Jewish children reach the age of majority (generally thirteen years for boys and twelve for girls) they become responsible for their actions, and "become a Bar or Bat Mitzvah." This also coincides with physical puberty.[1] Prior to this, the child's parents are responsible for the child's adherence to Jewish law and tradition, and after this age, children bear their own responsibility for Jewish ritual law, tradition, and ethics and are privileged to participate in all areas of Jewish community life. [2]

In modern Jewish observance, the occasion of becoming a Bar Mitzvah or (in non-Orthodox congregations) a Bat Mitzvah is usually associated with the young man or woman being called to read the Torah and/or Haftorah portion at a Sabbath or other service, and may also involve them giving a d'var Torah including a discussion of that week's Torah portion. Precisely what the Bar/Bat Mitzvah may do during the service varies in Judaism's different denominations, and can also depend on the specific practices of various congregations. Regardless of the nature of the celebration, males become entirely culpable and responsible for following Jewish law once they reach the age of 13, and females once they reach the age of 12.

மேலும்: http://en.wikipedia.org/wiki/Bar_Mitzvah

Share this post


Link to post
Share on other sites

ஓ , கொண்டாடி விட்டாலும்.ஆக மற்றவர்களை விட ஒரு நல்ல வீடியோ வர வேண்டும்.ஒரு சிலைட் சோ வைப்பினம்.பின்னாலே போத்தில் போத்திலாக பாயும்.பிறகு பழைய சச்சரவுகள் தொடங்கும்.பிறகு பொலிஸ் வந்து யாருக்கு வெறியோ அவர் அந்த இரவை நாலு கம்பிக்குள் கழிப்பார்.

மிகுதி ,ஒவ்வொருவரின் கருத்தை தொடர்ந்து தொடரும்.

Share this post


Link to post
Share on other sites

யாருமே குடிக்கின்றது தப்பு என்று விவாதிக்கமாட்டீர்கள். ஏதோ இது கொண்டாடுவதால் தான் எங்கட சனம் குடிச்சுப் போட்டுச் சண்டை பிடிக்கின்ற மாதிரியல்லவோ கதை போகுது

Share this post


Link to post
Share on other sites

ஆக்கத்துக்கு நன்றிகள். அதுதான் இரத்தினச் சுருக்கமா மொழி பெயர்ந்திட்டீங்களே.

நான் பார்த்தவாக்கில்... புகலிடத்துக்கு வந்தும் பெனிவிட் எடுக்கிறவையும்.. ஊரில அடிமட்டத்தில இருந்து வந்து புகலிடத்தில எழுந்தவையும் தான் இந்த சாமத்தியவீடு அசிங்கம் என்று அநேகம் குரல் கொடுக்கினம். அவைதான் தாங்கள் ஊரில் செய்த தவறுகளை மறைக்க அவற்றை நாகரிகப் புரட்சிகளா சித்தரிக்கினம். அவை காணாததைக் கண்ட பேரதிர்சியில உதுகளைச் செய்யினமே தவிர.. சமூகவியல் நோக்கோடு அணுகிறதா எனக்குத் தெரியல்ல..! :D:D

Share this post


Link to post
Share on other sites

பிறகு அந்த பெண் வாழ்க்கையில் என்னெல்லாம் கஸ்டப்பட போகிறாளோ?

இப்ப சந்தோசமா கொண்டாடிட்டுப் போகட்டுமே விடுங்கள். :D

Share this post


Link to post
Share on other sites

நான் பார்த்தவாக்கில்... புகலிடத்துக்கு வந்தும் பெனிவிட் எடுக்கிறவையும்.. ஊரில அடிமட்டத்தில இருந்து வந்து புகலிடத்தில எழுந்தவையும் தான் இந்த சாமத்தியவீடு அசிங்கம் என்று அநேகம் குரல் கொடுக்கினம்.

அது சரி அடிமட்டம் என்றால் என்ன ? எப்படியான அளவீடு உங்களது?? படிப்பறிவில்லாதவர்கள், வறுமையில் வாடுவோர்கள், சொத்து ஏதும் என்றி அன்றாடம் காச்சிகளாயுள்ளோர், தினக்கூலிகள்.. இதில் ஏதாவதா?

அடிமட்ட வாழ்வில் இருப்போர் ஊரில் சாமத்தியச் சடங்கு செய்வதில்லையோ???

சமூக அந்தஸ்த்து உள்ளோர் பெரிய அழைப்பிதழ் அடித்து வெகு விமர்சையாகக் கொண்டாடுபவர்களோ?

யூதர்கள் செய்வதையும் தமிழர்கள் செய்வதையும் முதலில் சரியாக ஒப்பிடுங்கள்.. இரண்டும் ஒரே நோக்கத்திற்காக அல்ல.

பெண்கள் "ருது"வானதைக் கொண்டாடவும், ஆண்கள் "கடு"க் கண்டதைக் கொண்டாடவும் தேவையான சமூகவியல் காரணங்களை தமிழர்களை முன்வைத்துச் சொல்லுங்கள்..

யூதர் செய்வதெல்லாம் நாமும் செய்ய வேண்டுமென்றால் முதலில் சிங்களைவர்களை ஒடுக்கி அவர்களை அகதி முகாம்களில் இருத்தவேண்டும்!

Share this post


Link to post
Share on other sites

இதெல்லாம் விடுங்கோ இப்போ அதை எப்படி சொல்லினம் தெரியுமோ... Saree ceremonyம்...

எனக்குத்தெரிஞ்சு ஒரு மாமி.. ஒரு வெள்ளை மாமிக்கு சொன்னவ....

"This is very inportant event for a girl.. and we make that special.. when she wearing saree first time..we all get together and celebrate that and we call that saree ceremony"

நிஜமாவா?..

Share this post


Link to post
Share on other sites

அது சரி அடிமட்டம் என்றால் என்ன ? எப்படியான அளவீடு உங்களது?? படிப்பறிவில்லாதவர்கள், வறுமையில் வாடுவோர்கள், சொத்து ஏதும் என்றி அன்றாடம் காச்சிகளாயுள்ளோர், தினக்கூலிகள்.. இதில் ஏதாவதா?

அடிமட்ட வாழ்வில் இருப்போர் ஊரில் சாமத்தியச் சடங்கு செய்வதில்லையோ???

சமூக அந்தஸ்த்து உள்ளோர் பெரிய அழைப்பிதழ் அடித்து வெகு விமர்சையாகக் கொண்டாடுபவர்களோ?

சமூக அக்கறை, சமூக அறிவியல் என்று எதுவுமே அற்று ஏதோ பிறந்தமா உழைச்சமா வாழ்ந்தமா குட்டி போட்டமா.. குட்டிகளை வளர்த்து.. அதுகளைக் குட்டி போட வைச்சமா என்று வாழ்ந்து கொண்டிருக்கும் ஒரு கூட்டம்..! :D:D:D

Share this post


Link to post
Share on other sites

சாமத்தியவீடு கொண்டாடுவது அசிங்கம் என்ற மாதிரிக் கட்டுரை வரைபவர்களுக்குத் தான், இது அசிங்கமில்லை என குறிப்புணர்த்தவே இது தேவைப்பட்டது. தவிரவும் தமிழர்கள் எத்தனை பேர் உண்மையான விளக்கத்தோடு செய்கின்றார்கள் என்றால் அதைக் ஒன்றுமே செய்யமுடியாது.

சமீபத்தில் கனடாவில் தமிழ்செல்வன் அண்ணாவின் வீரவணக்க நிகழ்வு ஒழுங்குசெய்யப்பட்டிருந்தது. அதற்குப் போய் வந்த, சிலர் வானொலியில் தொலைபேசி எடுத்துக் கதைக்கின்றபோது, அதை " இந்த விழாவிற்கு இத்தனை மக்கள் வந்தார்கள், பெருமையாக இருந்தது" என்று அதை ஒரு களியாட்ட நிகழ்வு போன்றே கதைத்தார்கள். ( நான் யாரையும் அழுது கொண்டு சொல்ல வேண்டும் என்று சொல்லவில்லை.) ஆனால் ஒருவருடைய வீரவணக்கத்தைக் கூட வேறுபடுத்த முடியாத நிலமையில் தான் எம்மவர்கள் சிலர் இருக்கின்றார்கள்.

சாமத்திய வீடும் ஏன் தேவை, அதை எப்படிப் பயன்படுத்தலாம் என்பதைப் புரியாத நிலமையில் மக்கள் சிலர் இருந்தால் அதற்கு ஒன்றுமே செய்யமுடியாது. அதனால் தான் என்னவோ, 10 வயதில் போடுகின்ற உடுப்பை 20 தாண்டியதும் போடுகின்றார்கள் போல. குறைந்த பட்சம் அதைப் புரிய வைப்பதற்காவது சாமத்தியவீடு தேவைப்படுகின்றது.

-------------------------------------

யூதர்கள் தன்னுடைய இனத்தை விட்டு வேறு ஒருவனைத் திருமணம் செய்வதில்லை. அது இன அழிவுக்கு வழி செய்திடும் என அவர்கள் அவதானமாகவே இருக்கின்றார்கள்.

Share this post


Link to post
Share on other sites

யாரு சொன்னது தமிழர்கள் மட்டுந்தான் சாமத்தியவீடு கொண்டாடுறதெண்டு???

எனக்குத்தெரிந்த வெனிசுலா நாட்டு நண்பருடன் ஒரு நாள் கலைகலாச்சாரம் பற்றி கதைக்கும்போது

சொன்னார்,அவர்களின் நாட்டில் மட்டுமல்லாது,பல தென் அமெரிக்க நாடுகளில் பெண்கள்

வயதுக்கு வந்தவுடன்,நம் ஊரில் உள்ள சாமத்தியவீடு கொண்டாடும் முறை போன்று,அவர்களும் கொண்டாடுவதாக !!

ஆக யாரென்றாலும்,மற்றைய இனங்களின் பழக்கவழக்கங்களை தெரிந்துகொண்டு கருத்தெழுதிறது நலம்

அத்துடன் நாம் எங்கிருந்தாலும் நம்முடைய கலாச்சாரத்தை பின்பற்றுறது தப்பிலைதானே!!

Share this post


Link to post
Share on other sites

ஆனால் அவர்கள் ஆண்கள், பெண்கள் இருவருக்குமே சமாத்தியவீடு கொண்டாடுகின்றார்கள்.ஆண்கள் 13 வயதும், பெண்கள் 12 வயதும் அடைகின்றபோது அதற்கான சடங்கு செய்யப்படுவதோடு, விழிப்பூட்டல்களும் நடக்கின்றன.

இப்ப தான் நேக்கு பிரச்சினை விளங்கிச்சு யூதர்களிள் ஆண்களிற்கும் சாமர்த்திய சடங்கு செய்கிறார்கள் ஆனா இங்கே இல்லை அது தான் இவ்வளவு பிரச்சினை :D பேசாம இரண்டு பேருக்கும் வைத்து விட்டா ஒரு பிரச்சினையும் இல்லை என்று நினைகிறேன் :D ...............ஏனேன்றா எப்ப பார்த்தாலும் "சாமர்த்திய வீடு" பிரச்சினையை ஆண்கள் தான் டிஸ்கஸ் பண்ணுகிறார்கள் :D அது தான். சாமர்த்திய வீடு கொண்டாடினா நாலு பேரை சைட் அடிக்க ஏலும் அதற்காவது கொண்டாடுங்கோ!! :D

அப்ப நான் வரட்டா!!

ஜம்மு பேபி பஞ்-

"கொண்டாடுறவன் கொண்டாடட்டும் விடுறவன் விடட்டும் அதை பற்றி யாழில கருத்து எழுதுறவை தான் பாவம்" :(

Share this post


Link to post
Share on other sites

யாருமே குடிக்கின்றது தப்பு என்று விவாதிக்கமாட்டீர்கள். ஏதோ இது கொண்டாடுவதால் தான் எங்கட சனம் குடிச்சுப் போட்டுச் சண்டை பிடிக்கின்ற மாதிரியல்லவோ கதை போகுது

சாமத்திய வீட்டில் உண்மையில் நடந்த சம்பவங்களை தான் குறிப்பிட்டுள்ளேன்.ஏதோ நீங்கள் நினத்த மாதிரி விவாதம் போக வேண்டுமென நினத்த மாதிரி எழுதியுள்ளீர்கள். நான் யதார்த்தமாக நடந்ததை எழுதியுள்ளேன்.

எமது சமுதாயத்தின் போட்டி,பொறாமை ஊரில் இருந்து இங்கு வரை சுமந்து வரப்பட்டு அது அமுல் படுத்தப்படுகிறது.ஒரு சின்ன பெண் ருதுவானால் உள்ள பூங்கா முழுக்க கொண்டு திரிந்து ஏதோ சினிமா பாடல் காட்சி எடுப்பது போல் காட்டாயம் எடுக்க வேண்டுமா?.

இனி முஸ்லிம் சுண்ணத்து செய்கிறான்.தமிழ் ஆண்களும் இனி செய்ய வேண்டுமென்றவாறு உங்கள் கதை போகுது.ஆக யூதன் செய்தால் என்ன ,வெள்ளை செய்தால் என்ன நாங்கள் தமிழர் என்ற தனித்துவத்தை ஏன் இழக்க வேண்டும்?.

Share this post


Link to post
Share on other sites

நண்பர் நுணாவிலான்

தலைப்பின் ஆரம்பத்திலேயே சொல்லியிருக்கின்றேன். இங்கே சிலர் சாமத்தியவீடு என்பது அசிங்கம் என்ற மாதிரிக் கதைப்பவர்களுக்காகத் தான் இதை இணைக்கின்றேன் என்று. எனவே உங்களுக்கு திரும்பவும் விளங்கப்படுத்தத் தேவையில்லை என நினைக்கின்றேன்.

இப்போதைய சாமத்தியவீடு மட்டுமல்ல, கலியாணம் வீடும் கூட கமராமான், ஸ்டாட், அக்சன் சொன்னப்புறம் தான் மணமகளோ, மணமகனோ நடந்து மேடைக்கு வருகின்ற நிலமையுள்ளது. ஆனால் அதற்காக யாரும் கலியாணம் வேண்டாம் என்று சொன்னமாதிரிக் காணமுடியவில்லை.

யாரையும் பின்பற்றச் சொல்லிச் சொல்லவில்லை. அடுத்தவனுக்கு வெக்கப்பட்டுக் கொண்டு ஏன் கடைப்பிடிக்கின்ற மூடநம்பிக்கையற்ற செயற்பாடுகளை இடைநடுவில் கைவிட வேண்டும் என்பது தான் என் வினா!

சரியோ பிழையோ சம்பிர்தாயங்களும், கலைநிகழ்வுகளும், விழாக்களும் தான் நாம் தமிழர் என்ற அடையாளத்தைப் பேண வேண்டும் என்ற உயிர்ப்பைத் தொடர்ந்து கொடுத்துக் கொண்டிருக்கின்றன.

அதைத் தொலைக்கக் கூடாது என்றால் அவை எமக்குத் தேவைப்படுகின்றன. ஆனால் தற்போது மக்கள் நடந்து கொள்ளும் விதத்தில் அல்ல..

Share this post


Link to post
Share on other sites

நான் பார்த்தவாக்கில்... புகலிடத்துக்கு வந்தும் பெனிவிட் எடுக்கிறவையும்.. ஊரில அடிமட்டத்தில இருந்து வந்து புகலிடத்தில எழுந்தவையும் தான் இந்த சாமத்தியவீடு அசிங்கம் என்று அநேகம் குரல் கொடுக்கினம். அவைதான் தாங்கள் ஊரில் செய்த தவறுகளை மறைக்க அவற்றை நாகரிகப் புரட்சிகளா சித்தரிக்கினம். அவை காணாததைக் கண்ட பேரதிர்சியில உதுகளைச் செய்யினமே தவிர.. சமூகவியல் நோக்கோடு அணுகிறதா எனக்குத் தெரியல்ல.

சமூக அக்கறை, சமூக அறிவியல் என்று எதுவுமே அற்று ஏதோ பிறந்தமா உழைச்சமா வாழ்ந்தமா குட்டி போட்டமா.. குட்டிகளை வளர்த்து.. அதுகளைக் குட்டி போட வைச்சமா என்று வாழ்ந்து கொண்டிருக்கும் ஒரு கூட்டம்..!

சாமத்தியச்சடங்குள் பற்றி விமர்சிப்பவர்கள் யார் என்பதற்கு மேலே விளக்கம் கொடுக்கப்பட்டுள்ளது.

சாமத்திய சடங்குகளை பற்றி விமர்சிப்பவர்கள் தமது தாயகத்தில் தவறுகள் விட்டவர்கள். அதாவது சாமத்திய சடங்குகளை விமர்சையாக செய்யாமல் தவறுகள் விட்டவர்கள்.

ஊரில் இருந்த வறிய மக்கள் புலம்பெயர் தேசத்தில் காணாததை கண்டவர்களாக பேரதிர்ச்சியில் இவ்வாறு விமர்சனம் செய்கின்றார்கள் ஏனையவர்கள் செல்வந்த மக்கள் ஊரிலே எல்லாவற்றையும் கண்டவர்களாதலால் அதிர்ச்சி இன்றி உள்ளனர்

சுட்டிக்காட்டப்படும் மக்கள் சமூக அக்கறையில் விமர்சனம் செய்யவில்லை.

அடுத்தது வறியமக்கள் தினக்கூலிகள் எல்லாம் மனிதவர்கத்துக்குள் அடங்காதவர் அவர்களுக்கு பிறக்கும் மழலைகள் பெற்றெடுக்கும் தாய் ஆடுமாடுகளுக்கு ஒப்பாக குட்டி போடும் இனம். அவைகளை குட்டி போட வைக்கும் கூட்டம்.

ஊரில் அடிமட்டம் என்று சொல்லப்படுவதில் வறுமையும் சாதியத்தில் தாழ்வையும் அதே நேரம் தான் அவ்வாறானவர் இல்லை என்ற திமிரும் முன்வைக்கப்படுகின்றது.

பெனிவிட்- அரசின் சலுகைகளை எடுப்பவர்கள் ஊரில் அடிமட்டத்தினர் என்ற கருத்து உருவாக்கப்படுகின்றது.

இவ்வாறுதான் மேலே சொல்லப்பட்ட கருத்து சாமத்திய சடங்கை வைத்து சமூக அக்கறை பேசுகின்றது. அதுவும் பாரதியை நினைவு படுத்தும் முண்டாசு கட்டிய உருவப்படத்துடன்.

சாமத்திய சடங்கின் விமர்சனம் என்பது இங்கு சிறு விசயம். மானுட உறவுகள் எவ்வளவு தூரம் ஈவிரக்கமற்ற சிந்தனையுடனும் வர்க்க மேலாதிக்க மனோபாவத்துடனும் அணுகப்படுகின்றது என்பதை பாருங்கள்.

சமூகவியல் அறிவியலுக்கு புரியாத ஒரு விசயம் இருக்கின்றது. உழைத்து வாழும் எவனும் எவனுக்கும் தாழ்ந்தவனோ அல்லது சமூக அக்கறை இல்லாதவனோ அல்ல. சமூக அக்கறை பற்றி பேசும் ஒருவன் வாழவேண்டுமானால் நாலுபேர் வயல்களிலும் தொழிற்சாலைகளிலும் வேர்வை சிந்தி உழைக்கின்றார்கள் என்று அர்த்தம். ஏர்பிடிக்காவிடில் முற்றிலும் துறந்த முனிவனும் உயிர்வாழ முடியாது. உழைப்பாழியின் தியாகத்தில் அவன் வியர்வை ரத்தத்தை உறிஞ்சித்தான் இந்த மானுடத்துக்கு விரோதமான இவ்வாறான திமிரை கூட பேச முடியும்.

சமூகவியல் சிந்தனை என்பதும் சமூகம் நிலைத்து நிற்கும் அத்திவாரம் என்பதும் அனைத்து தரப்பட்ட மக்களின் பிணைப்பினால் ஆனவை. ஒருவன் உக்காட்ர்நத இடத்தில் இருந்து உண்டி வளர்பான். என்னுமொருவன் அவன் உழைப்பில்லாமல் இருப்பதற்கும் சேர்த்து உழைப்பான். உழைப்பில்லாமல் இருப்பவனுக்கும் சேர்த்து உழைப்பதால் சிந்திக்கும் படிக்கும் நேரத்தை தியாகம் செய்திருப்பான். என்னுமொருவன் மலத்தை சுத்தம் செய்து கொண்டிருப்பான். என்னும் எத்தனையோ செயற்பாடுகள் சேர்ந்தது தான் சமூகம்.

இதில் வாய்ப்பேச்சால் வர்க்கத்தால் சாதியால் உயர்ந்து அந்தஸ்து சமூக சிந்தனை கலாச்சாரம் பண்பாடு என்றும் ஒரு தரப்பு கதைத்தாலும் செயற்பாடால் தியாகத்தல் உழைப்பால் என்னுமொரு தரப்பு சமூக கட்டுமானத்திற்கும் மறு தரப்பின் உயர்வுக்கும் செயல் வடிவமாக இருக்கும். சுரண்டி மூக்கு முட்ட உண்டுவிட்டு அவன் குட்டி போடுறான் நாங்கள் பிள்ளை பெறுகிறம் என்று அறிவியல் சமூக சிந்தனை பேசுகின்றீர்கள்? பேசுங்கள் நல்ல பேசுங்கள். இதற்கும் ஒரு குதர்க்கத்தை எடுத்து வருவீர்கள் என்று தெரியும் எதை எடுத்து வந்தாலும் இந்த பதிலே உங்களது மானுடத்தின் மேலான சிந்தனைக்கு போதுமான விளக்கமாக இருக்கும்.

மேலும் ஒரு குறிப்பு

தத்தமது சொந்த நாடுகளில் வாழமுடியாத சூழலில் மேற்கு நாடுகளுக்கு உரிய அகதிப்பதிவுடன் வரும் ஏனைய நாட்டு அகதிகள் போல் ஈழத்து அகதிகள் பெரும்பாலும் மேற்கு நாடுகளுக்கு வருபவர்கள் அல்ல. மேற்கு நாடு ஒன்றுக்கு போக வேண்டுமானால் ஏற்படும் செலவு ஆதரவு எவ்வளவு தூரம் வேண்டும் என்று யாவருக்கும் தெரியும்

மேற்கு நாடுகளுக்கு போக முடியாமல் மத்திய கிழக்கு நாடுகளுக்கு தங்கள் வசதிக்கேற்ப உழைக்க செல்லும் மக்கள் ஏராளம்

இந்த வசதிகள் அற்ற நிலையில் ஈழத்திலும் தமிழகத்திலும் அகதிகளாக இருக்கும் மக்கள் ஏராளம்

இந்தியாவுக்கு அகதியாக போக கூட படகுக்கு செலுத்த பணமில்லாமல் தாயகத்தில் தங்கிவிட்ட மக்களும் இருக்கின்றார்கள்.

போரின் கொடுமைகள் எமது மக்கள் வாழ்வை எவ்வளவு சீரளித்ததுள்ளது என்பது யாவருக்கும் தெரியும். இந்த நிலையில் புலம் பெயர் தேசத்தில் சாமத்திய சடங்கை விமர்சிப்பவன் எந்த நிலையில் உள்ளான் என்று சிந்திக்க வேண்டும். அவனே குட்டி போடும் கூட்டம் என்றால் எனைய எம்மக்கள் எந்தக் கதி? எம்மை தமிழினம் என்று சொல்வோம்.

Share this post


Link to post
Share on other sites

சுகன் சார்... நீங்கள், நான் குறிப்பிட்ட அடிமட்டம் தொடர்பில் விளங்கிக் கொண்டது உங்களின் எண்ணப்பாடே அன்றி எனதல்ல.

எனது கருத்தின் படி அடிமட்டமென்பது சமூக அக்கறை சமூகச் சிந்தனை வளர்ச்சி மற்றும் சமூகத்தின் தனித்துவக் காப்பு என்பவை தொடர்பான அக்கறைகள் ஏதுமின்றி வாழ்பவர்கள் அனைவரையும் எந்த வேறுபாடும் இன்றி வரையறுக்கிறது.

பெனிபிட் எடுக்கிறவங்க கூட ஒரு வகை சுரண்டல் பேர்வழிகள் தான். அடுத்தவர்களின் உழைப்பைச் சுரண்டித்தான் அரசுகள் இவர்களுக்கு கொடுக்கின்றன.

விலங்குகள் தான் தனது சமுதாயம் அதன் தனித்துவம் என்ற எந்தச் சிந்தனையும் இல்லாமல் தான் இயற்கைக்கு அமையப் பிறந்தது எப்படியோ அப்படியே வளர்ந்து தேடி ஓடி சாப்பிட்டு குட்டிபோட்டு.. பிறகு குட்டிக்கு குட்டி போடக் கற்றுக் கொடுத்து வாழ்கிறது. அப்படித்தான் கலாசாரம் பண்பாடு என்பன வற்றினூடு வரும் விழுமியமிக்க இனத்துவ தனித்துவங்களை காக்காத மனிதர்களும் நாகரிகம் என்பதை உணராத மனிதர்களும் ஏதோ பிறந்தமா வளர்ந்தமா குட்டி போட்டமா என்று வாழ்கின்றனர். இவர்கள் தான் அடிமட்ட மக்கள். இவர்களுக்குள் பொருளாதாரக் குறைவுள்ளோரும் அடங்கலாம் நிறைவுள்ளோரும் அடங்கலாம்.. படித்த மேதைகளும் அடங்கலாம் படிக்காத பாமரரும் அடங்கலாம்.

நான் தெளிவான எனது எண்ணக்கருவில் இருந்தே எனது கருத்தை வெளியிட்டேன். நீங்கள் உங்களின் எண்ணக்கருவின் படி அடிமட்டம் என்பதை சாதிய.. பொருளாதார வறுமை நிலை.. என்ற சாதாரண எண்ணக்கருக்களினூடு பெற முனைந்து அவற்றின் அடிப்படையில் உங்கள் கருத்தை முன் வைத்திருக்கிறீர்கள். அது உங்களின் எண்ணக்கரு. அதுவல்ல நான் குறிப்பிட்ட அடிமட்டம் என்பது. வாசகர்களும் இதைத் தெளிவாகப் புரிந்து கொள்ள வேண்டும். கிருபன் அவர்களும் உங்களைப் போன்ற ஒரு எண்ணக்கருவோடு இருந்து கொண்டுதான் அதென்ன அடிமட்டம். அதற்கு என்ன அளவுகோல் என்று கேட்டார். நான் சுருக்கமாக அவருக்கு பதிலிறுத்திருக்கிறேன். அதுதான் உங்களுக்குமான பதில். :unsure:

Share this post


Link to post
Share on other sites

யூதர்கள் வயசுக்கு வருவதைக் கொண்டாடுவதனால் சாமத்திய வீடு அசிங்கமில்லை என்று நிரூபித்தாயிற்று. எனவே சாமத்தியச் சடங்கைச் செய்வதனால் புலம் பெயர் நாடுகளில் வாழும் முன்னாள் அடிமட்டத்தினரும் மேல் மட்டத்திற்கு வந்துவிடலாம்.. ஆக நன்னாயிருக்கு...!

எப்படியோ காட்டுமிராண்டிக் கலாச்சாரங்களைப் புனிதப்படுத்தப் பலர் நம்மிடையே உள்ளனர்.. ***

Share this post


Link to post
Share on other sites

மாதவிடாய் மற்றும் துணைப்பால் வளர்ச்சி என்பது உயர் பிரைமேட்டுக்கள் அடங்கும் பிரிவு விலங்குகள் எல்லாவற்றும் பொதுவானது. அவையெல்லாம் சாமத்தியச் சடங்கு செய்யுதா..???! இல்லையே. அப்ப எப்படி காட்டுமிராண்டிக் கலாசாரம் என்பீர்கள். குரங்கும் தான் புணர்ந்து குட்டி போடுது. கலியாணம் என்று முடிக்குதா இல்லைத்தானே. பிறகேன் மனிதன் மட்டும் கலியாணம் என்று சடங்குகள் வைத்து வாழ்த்துச் சொல்லி.. சாப்பாடு போட்டு..மொய் எழுதி காட்டுமிராண்டித்தனத்தைச் செய்யுறான்.. குரங்கு போல வேளைக்கு வேள கண்டதோடும் புணர்ந்து குட்டியைப் போட்டிட்டு போயிட்டு இருக்கிறதுதானே. அதுதானே அதி உன்னத நாகரிகம். சுதந்திரமான செயல். ***

Share this post


Link to post
Share on other sites

:lol::rolleyes: ஐயோ உந்த சாமாத்திய வீட்டுப் பிரச்சினை இன்னும் முடியலையா???

சரி ஏன் தலைப்புக்கு பொருத்தமில்லாத விசயம் எல்லாம் கதைக்கிறியள்???

Share this post


Link to post
Share on other sites

சிவலிங்கத்தை தடவித் தடவி பூசை அருச்சனை அபிஸேகம் செய்யிறமாம்...

சிவலிங்கம், சிவமகாலிங்கம், விஸ்ணுலிங்கம் என்று பெயர்கள் வேறை வைக்கிறமாம்.

அதோடு ஒப்பிடும் போது உதுகள் எல்லாம்? :lol:

Share this post


Link to post
Share on other sites

சாமத்தியவீடு ஆம்பிளைகளூக்கு கொண்டாடினா சிலது அசிங்கமாக இருக்ககூடும். பெண்களுக்கு கொண்டாடினா அது அசிங்கமா எண்டு பெண்கள் தான் சொல்லவேணும்.

நான் சில பெண்களை கேட்டுப்பார்த்தேன். உங்களுக்கு உங்கள் சாமத்தியவீடு செய்யுறது விருப்பமா அல்லது இல்லையா எண்டு. சிலருக்கு விருப்பம். சிலருக்கு விருப்பம் இல்லை.

புலத்தில் உள்ள சிறுமிகள் இதை விரும்புகின்றார்கள் என நினைக்கின்றேன். எனது ஒரு பெறாமகள் தனது அப்பாவிடம் எனக்கு இப்படி எல்லாம் செய்வீங்கள் தானே எண்டு சாமத்தியவீடு ஒன்றுக்கும் போன இடத்தில் கேட்டாள். அவளுக்கு அப்போது ஆறு வயது.

இதுவரை சாமத்திய வீடு கண்ட யாழில் உள்ள பெண்கள் உங்கள் அனுபவங்களை எங்களுடன் பகிர்ந்துகொண்டால் மேற்கொண்டு இந்த தலைப்பை என்ன செய்வது என்று நமது அறிஞர்கள் ஒரு முடிவுக்கு வர உதவியாக இருக்கும். :lol:

கு.போ, உங்களுக்கு சின்னனில வீட்டில சாமத்திய வீடு செய்ய இல்லையா?

Share this post


Link to post
Share on other sites

நல்லகாலம் செய்யவில்லை செய்திருந்தா வீட்டுகாறருக்கு தருணம் வரும்போது இறுதிக்கிரிகை செய்திருப்பன். அவையின்ரை நல்லகாலம் போல. :wub:

அப்ப நான் வரட்டா :lol:

Share this post


Link to post
Share on other sites

சாமத்தியவீடு செய்திருந்தால் கொஞ்சமாவது அடக்கம், பண்பு இருந்திருக்கும்..... ம்.. என்ன செய்ய?

இறுதிக்கிரிகைகள் என்கின்றீர்கள். இந்துமுறைப்படியா அல்லது திராவிடமுறைப்படியா?

திராவிடமுறை என்று எனக்கு ஏதுமே தெரியவல்ல. வெள்ளையனைக் கொப்பி அடிச்சிருப்பினமோ?

Share this post


Link to post
Share on other sites

பெண் பூப்படைவது என்பது பெண்ணினுடைய வாழ்க்கையில் ஒரு முக்கிய நிகழ்வு.

தங்களுடைய மகள் எவ்வித பிரச்சனையும் இன்றி பூப்பெய்தி விட்டாள், பருவத்தின் அடுத்த கட்டத்திற்கு வந்துவிட்டாள் என்று பெற்றோர்கள் மகிழ்ச்சி அடைவது புரிந்து கொள்ளக்கூடியதுதான்.

அந்த மகிழ்ச்சியை தமது உறவினர்களோடு கொண்டாடுவது ஏற்றுக்கொள்ளக் கூடியது.

ஆனால் தற்பொழுது செய்வது போன்று ஊர் உலகத்திற்கு சொல்லி ஆர்ப்பட்டம் செய்வது சரியா என்பது என்னுடைய கேள்வி.

தான் பருவமெய்திய விடயம் உலகம் முழுவதும் பகிரங்கப்படுத்துவதை சம்பந்தப்பட்ட பெண் உண்மையிலேயே விரும்புவாளா?

அந்தச் சிறுமியின் கருத்துக்கு மதிப்புக் கொடுக்கப்படுகிறதா?

வேறொரு இனமும் கொண்டாடுகிறது என்ற காரணம் ஒரு சடங்கை நியாயப்படுத்த போதுமானது அல்ல.

இன்றைக்கு நடக்கின்ற சாமத்தியச்சடங்குகள் சம்பந்தப்பட் சிறுமிகளின் அந்தரங்க உரிமையை பறிப்பது போன்று நடப்பதாகத்தான் நான் கருதுகின்றேன்.

புலம்பெயர் நாடுகளில் இந்தச் சடங்குகள் தேவையே இல்லை.

Share this post


Link to post
Share on other sites

சாமத்திய விழாவிற்குப் எடுத்துச் செல்ல வசதியாக ஏதாவது கார்ட் இருக்கா? பேர்த்டே கார்ட், வலன்ரைன் கார்ட், வெடிங் கார்ட், அனிவேர்சரி கார்ட் எல்லாம் இருக்கு.. ஆனால் பியூபேர்ற்றிக் கார்ட் அகப்படுதில்லை..

மேடையில் போய் என்ன சொல்லலாம்? வெல் டன்??, யூ டிட் இற்??> :icon_mrgreen:

Share this post


Link to post
Share on other sites

  • Topics

  • Posts

    • உடையார், செயப்பிரகாசம் - ஜெயமோகன் லடாய் போன மாதம் நடந்தது. பல பதிவுகள் ஜெயமோகன் தளத்திலும் முகநூலிலும் படித்திருந்தேன். செயப்பிரகாசம் சார்பில் சட்டநடவடிக்கை (வக்கீல் நோட்டீஸ்) அனுப்ப, பதிலுக்கு ஜெயமோகன் செயப்பிரகாசம் மீது வழக்குப்போட்டிருக்கின்றார். அதை மீளப்பெறுமாறு பலர் கேட்டிருக்கின்றார்கள் என்ற மட்டில் உள்ளது. இதையெல்லாம் யாழில் இணைத்து பக்கங்களை வீணாக்க விரும்பாததால், அதைவிட பலருக்கு இவர்கள் இருவரையும் தெரியாததால், ஒட்டவில்லை.   ஜெயமோகன் செயப்பிரகாசம் பற்றி எழுதிய சில வரிகள்..  இலக்கியச்சூழலுக்கு வெளியே உள்ள அரசியல்வாதிகள்,சாதிச்சங்க ஆட்கள் இலக்கியவாதிகளை மிரட்டுவதை எதிர்கொண்டே ஆகவேண்டும் என்று நினைக்கிறேன். பா.செயப்பிரகாசம் சென்ற முப்பதாண்டுகளில் தமிழ்ச்சூழலில் அரசியல் பேசுபவர்கள் பொதுவாக என்னென்ன பேசுவார்களோ அதையெல்லாம் பேசியவர், அவ்வளவுதான். பார்ப்பனிய எதிர்ப்பு ,முதலாளித்துவ எதிர்ப்பு ,அமெரிக்க எதிர்ப்பு  ,ஒட்டுமொத்தமாக அரசுஎதிர்ப்பு. ஆனால் அரசின் செய்தித்தொடர்பாளராக பணியாற்றினார்.   இந்த சந்தர்ப்பத்தில் ஒன்றை தெளிவுறுத்த விரும்புகிறேன். ஒன்று நான் மிகமிக கடுமையாக கண்டிப்பது இந்த கண்டனத்தில் பா.செயப்பிரகாசம் அவர்கள் ஒரு பொருட்படுத்தத் தக்க சிறுகதையாசிரியர் என்று சந்தடி சாக்கில் சொல்லி வைத்திருப்பதைத்தான். அதை இதில் கையெழுத்திட்டிருக்கும் எழுத்தாளர்கள் எவரேனும் ஏற்பார்கள் என்றால் அவர்கள் மேற்கொண்டு இலக்கியம் பேசாமலிருப்பதே ந
    • ஜேர்மனியால் மேற்கொள்ளப்பட்ட போலந்து தாக்குதலை அடுத்து ஹிட்லரின் எதிர்கால திட்டங்கள் வெளிப்படையாக தெரிய தொடங்கிய பின்னர், இதுவரை அரசியல் நகர்வுகள் மூலம் யுத்தத்தை தவிர்க்கலாம் என்று  நம்பியிருந்த ஐரோப்பிய நாடுகள் யுத்தம் தவிர்க்கமுடியாதது என்பதை உணர்ந்து தமது நாடுகளின் பாதுகாப்பிற்கான முன்னெச்சரிக்கையுடன் ராணுவ ரீதியிலான சிந்திக்க தொடங்கின. அந்த வகையில் சோவியத்தின் முக்கிய நகரான லெனின்கிராட் என்று அன்று அழைக்கப்பட்ட சென்ற் பீற்றர்ஸ்பேர்க் பின்லாந்து எல்லைக்கு மிக நெருக்கமான அமைந்திருந்ததால் பின்லாந்து எல்லைகளை ஆக்கிரமிப்பதே தனது பாதுகாப்புக்கு வழி என்ற நினைத்த ஸ்ராலின் பின்லாந்து மீது தனது படை நடவடிக்கைகளை தொடங்கியது. நோர்வே மீது தனது ஆதிக்கத்தை நிலைநிறுத்த முனைந்த பிரிட்டன் முனைந்த போதும் ஜேர்மனி முந்திக்கொண்டது.   தெற்கு பால்டிக் பிரதேசத்தை பலப்படுத்தியாகிவிட்டது என்னும் நிலையில் அடுத்து ஃபின்லாந்து மீது தனது கவனத்தை திருப்பியது சோவியத்யூனியன். ரஷியப் பேரரசின் ஒரு பகுதியாக நீடித்த ஃபின்லாந்து அக்ரோபர் புரட்சிக்கு பிறகே சுதந்திரத்தை அனுபவித்தது என்றாலும் அச்சமயம் கலவரமும் கலகமும் ஃபின்லாந்தை மாறி மாறி அலைக்கழித்துக் கொண்டிருந்தன. ஜனநாயக நாடாக இருந்த அந்த தேசத்தை குட்டிச்சுவராக்கியவர் Baron Mannerheim. ஸார்  மன்னரிடம் (ரஷ்ய முடியாட்சியில் அதன் மன்னரை Tsar  என அழைப்பது வழக்கம்.) ஜெனரலாக இருந்தவர். இவர் வருகைக்கு பிறகு, ஃபின்லாந்து சோவியத் எதிர்ப்புக்கான அடித்தளமாக மாறியது. யார் சோவியத்தை எதிர்ப்பதாக இருந்தாலும் சரி, யார் ஸ்ராலினுக்கு எதிராக சதி செய்ய வேண்டுமானாலும் சரி, இங்கே இடம் உண்டு. வரவேற்பு உண்டு. பிரிட்டனின் மேற்பார்வையில் இங்கு வரிசையாக பல பாதுகாப்பு கோட்டைகள் அரண்கள் அமைக்கப்பட்டிருந்தன. ஜேர்மனி தன் பங்கிற்கு விமானத்தளங்களை அமைத்துக் கொடுத்தது. மொத்தம் 2000 விமானங்களை நிறுத்தி வைப்பதற்கு போதுமான அளவுக்குப் பெரிய தளம் அது. ஃபின்லாந்திடம் அப்போது இருந்ததோ வெறும் 150 விமானங்கள் மட்டுமே. இந்த 150 விமானங்களுக்கு இத்தனை பெரிய தளம் அங்கே அமைக்கப்பட்டதற்குக் காரணம் சோவியத்திற்கு எதிரான தளமாக  அதை பிற நாடுகள் பயன்படுத்திக் கொள்ளவேண்டும் என்னும் நோக்கம் மட்டுமே.   பின்லாந்தின் எல்லைகளை குறித்த சோவியத்தின் கவலை ஃபின்லாந்தை பலப்படுத்தவேண்டிய, தனது எல்லைகளை பாதுகாக்கவேண்டிய அவசியம் சோவியத்திற்கு இருந்தது. எதிரி தேசங்கள் வந்து கூடாரம் அமைத்து தாக்குதல் தொடுக்கும் வரை சும்மா இருப்பதற்கில்லை. போலந்து வரை வந்துவிட்ட நாசிகளால் ஃபின்லாந்தை ஆக்கிரமிக்க எத்தனை நாள் பிடிக்கும்? பிரிட்டனும் பிரான்ஸும் கூட ஜேர்மனி பக்கம் இருப்பது போல அக்கறையில்லாமல் இருப்பதால் தனக்கான போராட்டத்தை முன்னெடுத்து செல்லவேண்டிய அவசியம் சோவியத்திற்கு. பேசிப்பார்க்கலாம் என்று முடிவு செய்தது சோவியத். ஃபின்லாந்துக்கு சோவியத்திடம் பெறுவதற்கு சில விஷயங்கள் இருந்தன. குறிப்பாக, பொருளாதார உதவி. ஃபின்லாந்தின் பொருளாதாரம் கிட்டத்தட்ட சிதைந்து போயிருந்தது. எங்கிருந்தும் எந்த உதவியும் கிடைத்தபாடில்லை. இந்நிலையில் சோவியத் உதவிக்கரம் நீட்டினால் பற்றிக்கொள்ளும். இரண்டாவது, Leningrad Murmansk ரயில்வே பாதையைப் பயன்படுத்திக் கொள்வதற்கான அனுமதி. வெளியுலகத்தோடு  தொடர்பு கொள்ள வேண்டுமானால் ஃபின்லாந்துக்கு இந்த ரயில் தடம் அவசியம். சோவியத்தின் உதவி இல்லாமல் இந்தப் பாதையைப் பயன்படுத்தமுடியாது. இந்த இரு உதவிகளையும் ஃபின்லாந்துக்கு அளித்து அவர்கள் ஒப்புதலுடன் அடுத்த கட்டத்திற்கு முன்னேறலாமா என்று யோசித்தது சோவியத். ஒக்ரோபர் 5, 1939 அன்று ஃபின்லாந்தை தொடர்பு கொண்டது சோவியத். உங்கள் பிரதிநிதி யாரையாவது அனுப்பி வையுங்கள். தொங்கலில் இருக்கும் சில விஷயங்களைப் பேசி ஒரு முடிவுக்கு வரலாம். ஃபின்லாந்தின் எதிர்வினை விசித்திரமாக இருந்தது. உடனடியாக தனது எல்லையில் ராணுவத்தைக் குவித்தது. தலைநகரம் ஹெல்ஸின்கியில் இருந்து பெண்களையும் குழந்தைகளையும் துரிதமாக அப்புறப்படுத்த ஆரம்பித்தது. பங்கு சந்தையை இழுத்து மூடியது, கையோடு அமெரிக்காவையும் தொடர்பு கொண்டது. ஆபத்தில் இருக்கிறோம், உதவி தேவை. சோவியத்திற்கு புரியவில்லை. அப்படி என்ன தவறாக சொல்லிவிட்டோம்? ஏன் இந்த அநாவசிய பீதியும் குழப்பமும்? உட்கார்ந்து பேசலாம் என்று மட்டுமே சொன்னோம். பிறகு , புரியவைத்தார்கள். உங்கள் நாட்டின் எல்லைப்பகுதியில் இருந்து லெனின்கிராட் (தற்போதைய பெயர் சென்ற் பீற்றர்ஸ்பேர்க்) தொட்டு விடும் தூரத்தில் இருக்கிறது. அரசியல் குழப்படியும் பொருளாதாரக் குழப்படியும் அதிகம் இருக்கும் உங்கள் தேசத்தால் உங்கள் எல்லைகளை பாதுகாகமுடியாது. நீங்கள் அவ்வாறு தவறும் பட்சத்தில் உங்கள் எல்லைகள் எதிரிகளால் கைப்பற்றப்படும். இது சோவியத்தில் நலன்களுக்கு அச்சுறுத்தலானது. நாங்கள் கேட்டுக்கொள்வதெல்லாம் இதுவொன்றுதான். லெனின்கிறராடில் இருந்து உங்கள் எல்லையை பின்னோக்கிக் கொண்டு செல்லுங்கள். கடல்புறத்தில் உள்ள சில சிறிய தீவுகளை எங்களிடம் கொடுத்துவிடுங்கள். பதிலுக்கு இதைவிட கூடுதல் நிலப்பரப்பை உங்களுக்கு வழங்குகிறோம். கூடுதல் என்றால் கிட்டத்தட்ட இரட்டிப்பு. தற்போதைய நிலபரப்பைப் போலவே வளமானதாக அந்தப் பிரதேசம் இருக்கும்படி பார்த்துக்கொள்ளுகிறோம். இன்னொரு உதவியும் வேண்டும். லெனின்கிராடோடு இணைக்கும் Hangoe அல்லது வேறு ஏதேனும் ஒரு நுழைவாயிலை எங்களுக்கு 30 ஆண்டுகளுக்கு லீசுக்கு கொடுங்கள். பாதுகாப்புக்காக கடல்படை தளத்தை அங்கே அமைத்துக் கொள்ள விரும்புகிறோம். ஆரம்பத்தில் அதற்கு இணங்குவதை போல் காட்டிக்கொண்டாலும்,  ஃபின்லாந்தின் இறைமைக்கு குந்தகம் விளைவிக்கும் கோரிக்கைகளைத்தான் சோவியத் எழுப்பியுள்ளது என்று அரசாங்க அறிவிப்பை வெளியிட்டார் அதிபர் கஜன்டேர். பிறகுதான் பின்வாங்க ஆரம்பித்தது ஃபின்லாந்து. தருகிறோம் ஆனால் இப்போது இல்லை. முப்பது வருடம் ரொம்ப அதிகம். வேண்டுமானால் ஒரு சில ஆண்டுகள் போட்டுக்கொள்ளலாம். இரு மடங்கு பிரதேசம் போதாது. கூடுதல் பிரதேசம் தேவை. ஒரு மாதத்திற்கு இழுத்தடித்தார்கள். ஏதேதோ காரணங்கள் சொன்னார்கள். நியூயோர்க் ரைம்ஸ் ஒரு செய்தி வெளியிட்டது. ஃபின்லாந்து சோவியத்தோடு உடன்படிக்கை செய்து கொள்ள தயக்கம் காட்டுவதற்கு காரணம் அமெரிக்காவின் ராஜதந்திரம். சோவியத்தோடு சேராமல் ஃபின்லாந்திடம் ரகசியப் பேச்சுவார்த்தைகளில் ஈடுபடுவதாக செய்திகள் வந்தன. சோவியத்திற்கு புரிந்துவிட்டது. இனி ஃபின்லாந்து பயன்படாது. எதிரணியில் சிக்கிவிட்டது. சோவியத்தின் யூகம் சரிதான் என்பது நவம்பர் இறுதியில் தெளிவானது.   சோவியத் – பின்லாந்து யுத்தம் – Winter war   நவம்பர் 30,1939 அன்று சோவியத் படைகள் ஃபின்லாந்துக்குள் நுழைந்தன. ஃபின்லாந்து போர்பிரகடனம் செய்தது. பனிக்கால போர் (Winter war) என்று இந்த யுத்தம் அழைக்கபட்டது. இந்த யுத்தம் நடைபெற்ற போது வெப்பநிலை கிட்டத்தட்ட -45 பாகையாக இருந்தது.    கையோடு, அமெரிக்கா உள்ளிட்ட நாடுகளிடம் இருந்து உதவியையும் கோரியது. ஐரோப்பிய நாடுகள் ஃபின்லாந்திற்கு ஆதரவு கொடுத்தன. ஆயிரம் காரணங்கள் இருந்தாலும் சோவியத் செய்தது  தவறுதான். என்ன இருந்தாலும் சிறிய நாடான ஃபின்லாந்தின் மீது  சோவியத் போர் தொடுத்தது முறைகேடான செயல் அமைதிக்கு குந்தகம் விளைவிக்கும் வேலை. சோவியத்தால் ஐரோப்பா போர்களமாக மாறிக்கொண்டிருக்கிறது. அந்நிய நாடுகள் மீது தலையிடுவதே அதன் வேலையாகப் போய்விட்டது. லீக் ஒஃவ் நேஷன்ஸ் உடனடியாக சோவியத்தை விலக்கிவைத்தது. ஆச்சரியம் என்று தான் சொல்லவண்டும். செக்கோஸ்லவாக்கியா, போலந்து என்று ஹிட்லர் வரிசையாக ஒவ்வொரு நாடாக கபளீகரம் செய்து வந்த போது சும்மா இருந்த லீக், சோவியத் என்றதும் உடனடி நடவடிக்கை எடுத்தது  விநோதம் தான். ஃபின்லாந்து மீதான சோவியத்தின் தாக்குதல் குறித்து பல வரலாற்றாசிரியர்கள் வேறுபட்ட கருத்துகளை தெரிவித்துள்ளர்கள். சில கருத்துக்கள் பின்லாந்து மீது சோவியத் ஆக்கிரமிப்பு என்றும், வேறு சில கருத்துக்கள் யுத்த மேகங்கள் சூழ்ந்து வருகையில் சோவியத்யூனியன் தனது எல்லைப்பாதுகாப்பிற்காக எடுத்து முன்னெச்சரிக்கை நடவடிக்கை என்று கூறுகின்றன. பிரிட்டன், அமெரிக்கா, பிரான்ஸ் மூன்றும் பெரும்குரல் எழுப்பின. ஐயோ நாம் தான் அப்போதே சொன்னோமே. நாம் பயப்படவேண்டியது ஹிட்லரை பார்த்து அல்ல. ஸ்டாலினை பாரத்துதான். எப்படி நம் கண்முன்பாகவே ஃபின்லாந்தை ஆக்கிரமிக்கிறார்கள் பாருங்கள். கம்யூனிசம் எத்தனை ஆபத்தான சித்தாந்தம் என்று படித்து படித்துச் சொன்னோமே, பார்த்தீர்களா? முதலாளிகள் முதலாளித்துவம் என்று நம்மை திட்டிக்கொண்டிருந்தார்களே, பாருங்கள். சோவியத்தின் ஆக்கிரமிப்பு யுத்தம் இப்படித்தான் இருக்கும். உலக முதலாளிகளே ஒன்று சேருங்கள் சோவியத்தை வீழ்த்துவோம். முதலாளித்துவத்தை செழுமைப்படுத்துவோம். சோவியத்தை பொறுத்தவரை அது லெனின்கிராட்டை பாதுகாப்பதற்கான போர். ஆகவே தயங்காமல் முன்னேறினார்கள். முதல் கட்டமாக ஃபின்லாந்தின் ஆர்டிக் துறைமுகம் கைப்பற்றபட்டது. லெனின்கிராட்டை நெருங்குவதற்கான மார்க்கமாக அது அமைந்தது என்பதே காரணம். இதற்கு இரு வாரங்கள் பிடித்தன. இரண்டாம் கட்ட போர், ஆமை வேகத்தில் நடந்தது. கடும் குளிர் தொடங்கியிருந்தது. மூன்றவாவது கட்டம், வான்வழித் தாக்குதல். ஃபின்லாந்தின் ராணுவத் தளங்கள் தேர்வு செய்யப்பட்டு தாக்கியழிக்கபட்டன. ஆயதத் தொழிற்சாலைகள் ரயில்ப் பாதைகள், துறைமுகங்கள், விமானத்தளங்கள் ஆகியவை மீது குண்டுகள் வீசப்பட்டன. நான்காம் கட்ட போர் ஒரு மாத காலும் நீடித்தது. நோக்கம் Mannerheim Line பகுதியை உடைத்து முன்னேறுவது. ஊடுவல் கடினமானது என்று கருதபட்ட இந்தப் பகுதியில் வரிசை வரிசையாக பாதுகாப்பு கோட்டைகள் எழுப்பப்பட்டிருந்தன. இதை அகற்ற முடிவு செய்த சோவியத், பலமான பீரங்கிகளை உருட்டிக்கொண்டு வந்தது. பாதுகாப்பு அரண்களைத்தான் முதலில் தாக்கினார்கள். அரண்கள் அமைக்கப்படிருந்த அடித்தளம் தகர்க்கப்பட்டது, பிறகு கோட்டை விழுந்தது. மார்ச் 12, 1940 அன்று மாஸ்கோவில் அமைதி ஒப்பந்தம் கையெழுத்தானது. ஃபின்லாந்துக்கும் சோவியத்திற்கும் இடையில் தூதுவர் போல செயற்பட முடியும். என்று கேட்கப்பட்ட போது பிரிட்டன் மறுத்துவிட்டது. பிரான்ஸுக்கும் விருப்பமில்லை. சோவியத் ஃபின்லாந்தை முடியடித்ததையும், கடினமான பாதுகாப்பு அரண்களை தகர்த்ததையும், இறுதியில் சோவியத்திடம் ஃபின்லாந்து ஒப்பந்தம் போட்டுக் கொண்டதையும் இந்த இரு நாடுகளாலும் ஏற்றுக்கொள்ள முடியவில்லை. நீ ஏன் சோவியத்துடன் ஒட்டிக்கொள்ள வேண்டும் என்று சண்டைக்கு வந்தார் டலாடியர். என்னையும் சாம்பரலைனையும் விட ஸ்டாலின் பலம் வாய்ந்தவரா? ஃபின்லாந்தை காரணமாக வைத்து சோவியத் மீது போர் தொடுக்கவேண்டும் என்று இந்த இரு நாடுகளும் கணக்கு போட்டு வைத்திருந்தன. ஆனால், அதற்குள் சோவியத்  போரை முடித்து கொண்டுவிட்டது. சோவித்துக்கும் ஃபின்லாந்துக்கும் இடையில் இணைப்பாக செயல்பட ஸ்வீடன் ஒப்புக்கொண்டபோது பிரிட்டனும் பிரான்ஸும் முகத்தை சுளித்துக்கொண்டன. சோவியத் Mannerheim Line பகுதியை இணைத்துக்கொண்டது. ஹாங்கோ கைப்பற்றப்பட்டது. அதே சமயம், Petsamo என்னும் பகுதியையும் அதிலுள்ள நிக்கல் சுரங்கதையும் ஃபின்லாந்திடமே திருப்பித் தந்தது. நவம்பர் 30, 1939 தொடக்கிய போர் மார்ச்13, 1940 ல் முடிவடைந்தது. 20, மார்ச் 1940 மாதம் பிரான்ஸ் பிரதமர் டலாடியர் தன் பதவியை ராஜினாமா செய்தார். ஃபின்லாந்தை காப்பாற்ற முடியாததால் எழுந்த கடும் விமர்சனங்களால் எடுக்கப்பட்ட முடிவு. பின்னர் பவ்ல் ரெனாய்ட் (Paul Reynaud) பொறுப்பேற்றுக்கொண்டார். சோவியத் லெனின்கிராட்டுக்கு குந்தகம் விளைவிக்கக்கூடிய பகுதிகளை மாத்திரம் தேர்வு செய்து அவற்றை மட்டும் இணைத்துக்கொண்டது. இது ஆக்கிரமிப்பு போர் அல்ல, பாதுகாப்பு போர் தான் என்பதை அழுத்தமான பதிவு செய்தது. ஸ்வீடனின் ஆதரவு இதில் சோவியத்திற்கு கிடைக்காமல் விட்டிருந்தால் பிரிட்டனும் பிரான்ஸும் சோவியத்திற்கு எதிராக போரை தொடுக்க கூடி நிலைமை இருந்தது. போலந்து பிறகு ஃபின்லாந்து. சோவியத்தின் தொடர் வெற்றி பிரிட்டனையும் பிரா்னஸையும் ஆட்டம் காணச் செய்தது. சோவியத்யூனியனுக்கு இத்தனை பலமா? பொதுவுடமை, பாட்டாளி வர்க்க சர்வாதிகாரம், தொழிற்சங்கம் என்று பேசிக்கொண்டிருந்தவர்களுக்கு எங்கிருந்து கிடைத்தது இத்தனை சக்தி. ஃபின்லாந்து கோட்டையை தகர்த்து தவிடுபொடியாக்கும் படியான நவீன பீரங்கிகளை இவர்கள் எப்படிப்பெற்றார்கள். ஐயோ, நாம் நினைத்ததை விட அதிக பலமுள்ள தேசமாக அல்லவா இருக்கிறது சோவியத்யூனியன்? இத்தனை அபாகரமானவரா ஸ்ராலின்?  இது நமக்கு அச்சுறுத்தல் தான். சோவியத்தின் வெற்றி ரூமேனியாவிற்கு பயத்தை ஏற்படுத்தியது. அடுத்து ஒரு வேளை நம்மிடம் திரும்புவார்களோ? ரூமேனியாவின் அச்சத்திற்கு காரணம் பெஸ்ஸராபியா (Bessarabia) முதல் உலகப் போர் முடிவில், அதாவது 1918 ல், சோவியத்யூனியனிடம் இருந்து பெஸ்ஸராபியாவை கைப்பற்றியிருந்தது ரூமேனியா. லெனின் தலைமையிலான போல்ஷ்விக் கட்சி வெற்றி பெற்று, புதிய சோவியத் அரசை கட்டுமானம் செய்துகொண்டிருந்த காலகட்டம் அது. இனியொரு போர் வேண்டாம் என்று போல்ஷ்விக் கட்சி முடிவு செய்திருந்தது. இந்த சந்தர்ப்பத்தை பயன்படுத்தி ரூமேனியா பெஸ்ஸராபியாவை ஆக்கிரமித்து இணைத்துக்கொண்டது. சோவியத்தின் பலம் இப்போது சந்தேகத்திற்கு இடமின்றி நிரூபிக்கபட்டுவிட்டதால், தன் மீது சோவியத் போர் தொடுக்கும் வாய்ப்பு இருக்கிறது என்று நினைத்தது ரூமேனியா. சோவியத் போர் தொடுக்கவில்லை. ஆனால் பேசியது. நீங்கள் செய்தது தவறு. திருப்பிக்கொடுத்துவிடுங்கள். ரஷ்ய கப்பல்கள் Danube பகுதிக்குள் நுழைந்தன.  போர் எதுவும் தேவைப்படவில்லை. ரூமேனியா அடிபணிந்தது. பார்டிக் முதல் கருங்கடல் வரை Hangoe   முதல் Danube வரை எல்லைகளைப் பலப்படுத்தி விட்டாயிற்று. ஸ்ராலின் சற்றே சாய்ந்து உட்கார்ந்து கொண்டார். ஹிட்லர் நிமிர்ந்து உட்கார்ந்தார். மேற்குலக நாடுகளிடம் இருந்து எந்தவித தொந்தரவும் இதுவரை இல்லை. இன்னும் சொல்லப்போனால் என்னை கண்டுகொள்ளாமல் விடுவதன் மூலம் அவர்கள் உதவிதான் செய்து கொண்டிருக்கிறார்கள். ஒரே அபாயம் சோவியத்யூனியன். போலந்து, ஃபின்லாந்து என்று அடுத்தடுத்து அவர்கள் எடுத்து வைக்கும் ஒவ்வொரு அடியும் புதிய எச்சரிக்கை செய்தியை அனுப்பிக்கொண்டிருக்கின்றன. இவர்களைத் தடுத்து நிறுத்தியாகவேண்டியுள்ளது. ஆரம்பிக்கலாம்.   நோர்வே மீது ஹிட்லரின் பார்வை நோர்வேயை தேர்வு செய்திருந்தார் ஹிட்லர். ஜேர்மனிக்கு பிரிட்டன் வைத்திருந்த செக்மேட் நோர்வே. முதல் உலகப்போர் சமயத்தில் வைத்த செக்மேட் அது. ஜேர்மனியின் தொழில் உற்பத்திக்கு(எனவே ஆயுத உற்பத்திக்கும்) இரும்பு இறக்குமதி அவசியம். ஜேர்மனி தனது இரும்பு தேவைகளுக்கு நோர்வே துறைமுகத்தைத்தான் சார்ந்திருந்தது. வடக்கு ஸ்வீடனில் உள்ள சுரங்கங்களில் இருந்து கொண்டுவரப்படும் இரும்பு நோர்வே துறைமுகம் வழியாக ஜேர்மனிக்குக் கொண்டு வரப்படுவது வழக்கம். முதல் உலகப்போருக்கு பிறகு ஜேர்மனியின் இரும்பு போக்குவரதைக் கண்காணிக்கவேண்டும் என்பதற்காக பிரிட்டன் தனது ராணுவத்தளத்தை நோர்வேயில் அமைந்திருந்தது. நோர்விக் என்னும் துறைமுகத்திற்கு அருகில். ஒக்ரோபர் 1939 ல் இது குறித்து ஹிட்லரிடம் தெரிவிக்கபட்டது நோர்வே நமக்கு முக்கியம். ஒரு வேளை பிரிட்டன் கைப்பற்றிவிட்டால் நாம் முடங்கிவிடுவோம். ஆயுதத் தொழிற்சாலை முடங்கிப்போகும். பிரிட்டனுக்கு முன்னால் நாம் முந்திக் கொள்ளவேண்டியது அவசியம். உங்கள் போர்த் திட்டத்தில்  நோர்வே இருக்கட்டும். அதெற்கென்ன ஆகட்டும் என்றார் ஹிட்லர். திட்டத்தை விரிவாக்குபவர்களை அவர் எப்போதும் கடிந்து கொண்டதில்லை. பிரிட்டனும் நோர்வே குறித்து தான் சிந்தித்துக்கொண்டிருந்தது. பிரிட்டிஷ் போர் கபினெட்டில் அப்போது புதிதாக இணைந்து கொண்டிருந்த சேர்ச்சில், நோர்வே மீது தீவிர ஆர்வம் செலுத்துபவராக இருந்தார். சாம்பர்லைனிடம் விரிவாக பேசினார். நோர்வே நமக்கு அவசியம். நோர்வே துறைமுகத்தை நாம் பயன்படுத்தி கொள்ள வேண்டும். நிச்சயம் ஜேர்மனி இதற்கு எதிர்ப்பு தெரிவிக்கும். இதையே சாக்காக வைத்து நோர்வேயை நாம் கைப்பற்றிவிடலாம். என்ன சொல்கின்றீர்கள். பின்னால் இது தான் நடந்தது என்றாலும் அப்போதைக்கு சாம்பர்லைன் இந்த திட்டத்தை ஏற்றுக்கொள்ளவில்லை. தயங்கினார். ஹிட்லர் இன்னொரு காரியம் செய்தார். பிரிட்டனுக்கும் பிரான்ஸுக்கும் அமைதி ஒப்பந்தக் கோரிக்கை அனுப்பிப்பார்த்தார். ஒக்ரோபர் 10 ம் திகதி பிரிட்டன் ஜேர்மனியின் அமைதிக் கோரிக்கையை நிராகரித்தது. இரு தினங்களை கழித்து பிரான்ஸும் அதையே செய்தது. சரி போ என்று விட்டுவிட்டார் ஹிட்லர். திட்டத்ததை முன்னெடுத்து செல்வதில் அவருக்கு எந்தவித தயக்கமும் இல்லை. டிசம்பர் 19, 1939 ல் இருந்தே யோசிக்க ஆரம்பித்துவிட்டார். ஒரே ஒரு ராணுவ டிவிசன் போதும் முடித்துவிடலாம் என்று ஆரம்பத்தில் திட்டமிட்டனர். பின்னர் இத்திட்டம் விரிவுபடுத்தப்பட்டது. இரண்டு அம்சங்கள் மிகவும் முக்கியம் என்று கணித்தனர். ஒன்று, அச்சமூட்டுவது. எதிர்பாராத வகையில் தாக்குதல் நடத்தப்படவேண்டும். நோர்வேயை ஆச்சரியத்திலும் ரத்தத்திலும் ஒரே நேரத்தில் மூழ்கடிக்கவேண்டும். அங்கே ஏதோ சலசலப்பு கேட்கிறதே என்று சாம்பரலைன் திரும்பி பார்ப்பதற்குள் இந்த பிரதேசம் ஜேர்மனிக்கு சொந்தமானது என்னும் பலகையை மாட்டி நம் ஆட்களை நிறுத்திவிடவேண்டும். இரண்டாவது அம்சம், ராணுவ பலம். நவீன அதிவேக ஜேர்மன் போர்க்கப்பல்களை இந்த தாக்குதலின் போது நாம் பயன்படுத்தவேண்டும். அதற்கேற்றாற்போல விரிவாகத் திட்டமிடவேண்டும். துரிதமாக தாக்குதலை ஆரம்பித்து ஒவ்வொரு பிரதேசமாக கைப்பற்றிக்கொண்டே செல்லவேண்டும். சுதாகரிப்பதற்கு அவகாசம் கொடுத்துவிடக்கூடாது. போர்கப்பல்கள் மட்டுல்லாமல், விமானப்படை, ரைஃபிள் பிரிகேட், காலாட்படை அனைத்தும் தயாராகவேண்டும்.  தலைநகரம் ஒஸ்லோவும் அருகிலுள்ள நகரங்களும் பேர்கன், நார்விக், ற்ரொம்ஸோ, ற்ரொன்ட்ஹைம், ஸ்ரவாங்கர். (Oslo, Bergen, Narvik, Tromsö, Trondheim, Stavanger) திட்டத்தை நிறைவேற்றும் பொறுப்பு ஜெனரல் von Falkenhorst என்பவரிடம் ஒப்படைக்கப்பட்டது. இவர் முதல் உலகப்போரின்போது ஃபின்லாந்தில் பணியாற்றியவர். பிரதேச முன் அனுபவம் கொண்டவர். திட்டம் முழுமையடைந்ததும் அதற்கு ஒரு செல்லப்பெயர் சூட்டப்பட்டது. – Operation Weserübung. மார்ச் முதலாம் திகதி ஹிட்லர் திட்டத்தை கொஞ்சம் நீடித்தார். எப்படியும் பெரும்படையுடன் போகப்போகிறோம். நோர்வேயுடன் சேர்ந்து கூடவே டென்மார்க்கையும் கைப்பற்றிவிடலாமே!  இப்போது விட்டால் அதற்கென்று தனியே ஒரு நடை போகவேண்டியிருக்கும். இரண்டையும் முடித்து விட்டு வந்தால் ஒரு வேலை தீர்ந்தது. என்ன சொல்கின்றீர்கள்? டென்மார்க் முக்கியமான பிரதேசம் என்பதில் சந்தேகம் இல்லை. சிறிய நாடு. ஆனால் ஜேர்மனியின் எல்லையோடு சேர்த்து ஒட்டிக்கொண்டுள்ள நாடு. சோவியத் அதன் எல்லைகளை காத்துக்கொண்டதை போல் நாங்களும் எங்கள் எல்லைகளை காத்துக்கொள்ள வேண்டாமா? நாளையே டென்மார்க்கை நுழைவாயிலாகக் கொண்டு சோவியத்தோ பிரிட்டனோ தாக்காது என்று என்ன நிச்சயம்?  அத்துடன் நோர்வே மீதான தாக்குதலுக்கு டென்மார்க் பின்தளமாக பாவிக்க வேண்டிய அவசியம் உண்டு. மற்றொரு பக்கம், ஜேர்மனி கைப்பற்றுவதற்குள் நாம் நோர்வேயைச் சுற்றி வளைத்து விட வேண்டும் என்னும் நோக்கில் வேகவேகமாக பாய்ந்து முன்னேறியது பிரிட்டன். போரில் யாருடனும் கூட்டுச் சேராமல் தனித்து இருந்த நோர்வேயின் நடுநிலைத் தன்மையை முதலில் குலைத்தது பிரிட்டன் தான். பிரிட்டனின் அத்துமீறல் ஹிட்லரை திருப்திப்படுத்தியது. நாளை யாரும் ஜேர்மனியை குறைகூற முடியாது. அப்படி சொல்வதாக இருந்தாலும் பிரிட்டனைத் தான் முதல் ஆக்கிரமிப்பாளர் என்று அழைக்கவேண்டியிருக்கும். பிரிட்டன் கடற்படை தயாரானது, ஏப்ரல் 8ம் திகதி நோர்வேக்குள் பிரிட்டன் காலடி எடுத்து வைத்தது. ஜேர்மனி வரும் என்று தெரியும். நோர்வேயை கைப்பற்றும் என்றும் தெரியும். அப்படி நடக்கும் சூழலில் என்ன செய்ய வேண்டும் என்று பிரிட்டன் திட்டமிடவில்லை. வீரர்களும் குழம்பி நின்றனர், ·        பிரிட்டன் வருவதை நோர்வே விரும்பவில்லை, ஜேர்மனி விரும்பவில்லை. எதிர்க்கிறார்கள். நாம் என்ன செய்யவேண்டும்? ·        ஜேர்மனியை எதிர்த்து போராடவேண்டுமா அல்லது நோர்வேயை எதிர்த்தா? ·        சுரங்கங்களை நாம் என்ன செய்யவேண்டும்? அவற்றை கைப்பற்றுவது மட்டும் தான் நம்முடைய பசியா அல்லது நோர்வேயை பாதுகாக்க வேண்டுமா?   பிரிட்டன் குழம்பி தவித்த வேளையில் ஜேர்மனி ஏப்ரல் 9, 1940 அதிகாலை வேளை டென்மார்க்கை தாக்கியது. இது இருமுனை தாக்குதல். ஒரு பக்கம், ஜேர்மானிய தூதர் Renthe Fink  டென்மார்க்கில் அயல் துறை அமைச்சரிடம் பேசிக்கொண்டிந்தார். பிரிட்டனும் பிரான்ஸும் உங்களைத் தாக்குவதற்கு நேரம் பார்த்துக்கொண்டு இருக்கிறது. எப்போது வேண்டுமானாலும் தாக்குதல் நிகழலாம். உங்களை அவர்களிடம் இருந்து காப்பாற்றுவதற்கு ஜேர்மனி முடிவு செய்துள்ளது. எங்கள் படைகள் வந்துகொண்டிருக்கின்றன.(அவர் பேசிக்கொண்டிருந்தபோது, படைகள் உள்ளே நுழைந்துவிட்டன.) எதிர்ப்பு காட்டவேண்டாம். அநாவசியமாக சங்கடப்படவேண்டாம். சரணடைந்துவிடுங்கள். மிச்சத்தை நாங்கள் பார்த்துக்கொள்கிறோம். ஒருவேளை நீங்கள் இதற்குச் சம்மதம் தெரிவிக்க மறுத்தால், உங்கள் தலைநகரம் கோப்பன்ஹேகன் மீது குண்டுகள் வீசப்படும். வேறு வழி தெரியவில்லை. ஏப்ரல் 9, 1940 அன்றே மிக குறுகிய நேரத்தில் டென்மார்க் சரணடைந்தது. சண்டை சில மணி நேரங்களே நடைபெற்றதால் இழப்புகளும் மிக குறைவாகவே இருந்தது.   நோர்வே யுத்தம். ஏப்ரல் 8,1940 ல் நோர்வே தாக்குதல் ஆரம்பித்திருந்தது. வான் வழி, தரை வழி, கடல் வழி மூன்றிலும் தாக்குதல் கொடுத்தது ஜேர்மனி. இரண்டு மாதங்கள் நீடித்த இந்த யுத்தம், ஜுன் 10, 1940 ல் முடிவடைந்தது. நேச நாடுகளின் ஆதரவையும் தாண்டி ஜேர்மனி நோர்வேயை முறியடித்து ஆக்கிரமித்தது. டென்மார்க்கைப் போல் அல்லாமல், நோர்வே எதிர்ப்பு யுத்தத்தை இறுதிவரை நடத்திய பிறகே சரணடைந்தது. வடக்கு பகுதியில் நார்விக் துறைமுகத்திற்காக மிக கடுமையான யுத்தம் நடைபெற்றது. நோர்வே, பிரிட்டன், பிரான்ஸ், போலந்து ராணுவத்தின் கூட்டு அணி நார்விக் துறைமுகத்திற்காக கடும் சண்டையிட்டது. Battle of Narvik என்று அடையாளப்படுத்தப்பட்ட இந்த யுத்தம் பல கட்டங்களாக நடைபெற்றது. மே 28 ம் திகதி, ஜேர்மனியை முறியடிக்கவும் செய்தது. ஆனால் ஜுன் 9 ம் திகதி ஜேர்மனி நார்விக்கை மீண்டும் கைப்பற்றியது. இத்துடன் முடிந்து விடவில்லை. ஸ்வீடனையும் தொட்டுப் பார்த்தது ஜேர்மனி. நார்வே, டென்மார்க் மற்றும் பால்டிக் கடல் பகுதிகளை கைப்பற்றிய பிறகு ஸ்வீடனையும் சுற்றி வளைத்தது. ஸ்வீடன் அவர்களுக்கு தேவையில்லை. தேவை ராணுவத் தளபாடங்களையும் துருப்புக்களையும் ஸ்வீடன் வழியாகக் கொண்டு செல்வதற்கு அனுமதி மட்டுமே. ஸ்வீடன் நடுநிலை வகித்த நாடு என்பதால் ராணுவ வழிமுறைகள் பிரயோகிக்கவேண்டிய அவசியம் ஏற்படவில்லை. ஜுன் 18, 1940 ல் ஓர் உடன்படிக்கையை செய்துகொண்டார்கள்.   பிரிட்டனில் அரசியல் குழப்பம் மே 7 மற்றும் மே 8,1940 ல் பிரிட்டன் கொமன்ஸ் சபையில் சூடான விவாதங்கள் நடைபெற்றன. ஆரம்பித்து வைத்தவர் சேர் ரோஜர் கீஸ். அட்மிரல். (Sir Roger Keyes) நாடாளுமன்ற உறுப்பினரும் கூட. ராணுவச் சீருடையை நான் இங்கே அணிந்து வந்ததன் காரணம் என் சக ராணுவத்தின் கவலையை  இங்கே தெரியப்படுத்த தான். என் நண்பர்கள் அனைவரும் அதிருப்தியுடன் இருக்கிறார்கள். கடல்படையை குறை சொல்லமுடியாது. நாங்கள் முழு பலத்துடன் தான் இருக்கிறோம். பிரச்சனை, தலைமையில் தான்.   பிரதமர் சாம்பர்லைன் பதவி விலகல் – புதிய பிரதமராக சேர்ச்சில் சாம்பர்லைன் மீது பரவலாக அதிருப்தி பரவியிருந்ததை அனைவரும் அறிவர் என்றாலும் முதல் முதலாக அதை அழுத்தமாக பதிவு செய்தவர் ரோஜர் கீஸ் தான். இவர் அமர்ந்ததும், சாம்பர்லைன் கட்சியை (கன்சர்வேடிவ் கட்சி) சேர்ந்த லியோ அமரி (Leo Amery) எழுந்தார். எனக்கு இந்த ஆட்சியில் சிறிதளவும் திருப்தியில்லை. போர் விவகாரங்களை நம் பிரதம மந்திரி நாம் எதிர்பார்த்தவாறு கையாளவில்லை. மிகவும் வருத்தமளிக்கக்கூடிய செயல் இது. புதிய தேசிய அணி ஒன்று உருவாக்கவேண்டிய கட்டாயத்தில் நாம் இருக்கிறோம், முதல் உலகப் போரில் பிரதமர் லாயின் ஜோர்ஜ்க்கு கீழ் ராணுவ கபினெட் ஒன்று செயற்பட்டு வந்ததைப் போல் இப்போதும் ஒரு கபினெட் ஆரம்பிக்கவேண்டும். எதிரிகளோடு மோதி அழிக்கும் வலுவும் தீரமும் கொண்டவர்களை இணைத்துக்கொள்ளவேண்டும். வெற்றிமீது தீரா காதல் கொண்ட ஒருவர் நமக்கு தேவை. இத்தோடு நிறுத்திக்கொள்ளாமல் புகழ் பெற்ற ஒரு வாக்கியத்தையும் சொல்லி தன் உரையை முடித்துக்கொண்டார். உருப்படியாக ஒன்றையும் செய்யாமல் மிக நீண்ட காலமாக இங்கே அமர்ந்திருக்கிறாய். உடனே வெளியேறு. கடவுளின் பெயரால் சொல்கிறேன் வெளியேறு. மறுநாள், எதிர்க்கட்சி தலைவர் (லேபர் கட்சி) ஹெர்பேர்ட் மாரிஸன் நம்பிக்கை வாக்கெடுப்பு நடத்தலாம் என்றார். ஓ செய்யலாம், வாக்கெடுப்பு நடத்தினால்தான் எனக்கு இங்கே எத்தனை நண்பர்கள் என்று தெரியவரும். நான் தயார் என்னை என் நண்பர்கள் காப்பாற்றுவார்கள் என்று நம்புகிறேன் என்றார் பிரதமர் சாம்பர்லைன். நிச்சயம் நான் இல்லை என்று தன் கையை உயர்த்தினார் கன்சர்வேடிவ் உறுப்பினர் ராபேர்ட் பூத்பை. முதல் உலகப்போரில் பிரிட்டன் வெற்றி பெற்றதற்கு காரணமாக இருந்தவர் என்று அறியப்பட்ட முன்னாள் பிரதமர் லாயிட் ஜோர்ஜ் எழுந்தார். நம் பிரதமருக்கு நண்பர்கள் யார் என்பது இங்கே முக்கியமல்ல. அது பிரச்சனையும் அல்ல. தேசம் நிறைய தியாகங்கள் செய்யவேண்டும் என்று சாம்பர்லைன் சமீபத்தில் சொல்லியிருக்கிறார். தியாகம் செய்ய இந்த தேசம் தயாராக இருக்கிறது அதற்கான ஒரு தலைமை உருவானால். என் விண்ணப்பம் இது தான். நம் பிரதமர் முதலில் தன் பதவியை தியாகம் செய்யட்டும். இறுதியாக சேர்ச்சில் பேசினார். சண்டை சச்சரவுகள் இதோடு சாகட்டும். தனிப்பட்ட சண்டைகளை மறப்போம். நம் வெறுப்பை நம் எதிரி மீது காட்டுவதற்காக சேமித்து வைப்போம். கட்சி நலனை புறக்கணிப்போம். அது இப்போது முக்கியமல்ல. நம் சக்தியை ஒன்று திரட்டுவோம். நம் தேசத்தின் ஒட்டு மொத்த வலிமையையும் ஒன்றாக்குவோம். பலமாக குதிரைகள் நம் தேசத்தை முன்னால் இழுத்துச்செல்லட்டும். விவாதத்தை தொடர்ந்து நம்பிக்கை வாக்கெடுப்பு நடத்தப்பட்டபோது சாம்பர்லைன் தோற்றுப்போனார். மே 10 ம் திகதி சாம்பர்லைன் தனது பதவியை துறந்தார். சேர்ச்சில் புதிய பிரதமராக பொறுப்பேற்றுக் கொண்டார்.(கன்சர்வேடிவ் கட்சி தலைவராக சாம்பர்லைன் நீடித்தார்) கன்சர்வேடிவ்க் கட்சி, லிபரல் கட்சி, லேபர் கட்சி உள்ளிட்ட கட்சிகளில் இருந்து நபர்களை தேர்ந்தெடுத்து புதிய கூட்டணியை உருவாக்கினார் சேர்ச்சில். நோர்வே டிபேட் அல்லது நார்விக் டிபேட் என்று இந்த சம்பவம் அழைக்கப்படுகிறது. ஃபின்லாந்து தாக்குதலின் போதும் சரி, நோர்வே தாக்குதலிலும் சரி பிரிட்டன் உருப்படியாக எதுவும் செய்யவில்லை. ஜேர்மனியை வளரவிட்டது தவறு போன்ற குற்றச்சாட்டுகள் சாம்பர்லைன் மீது சுமத்தப்பட்டன. அதன் விளைவு தான் இந்த சூடான விவாதம். சாம்பர்லைனை ஆதரித்த பலரே அவருக்கு எதிராக திரும்பினர். சாம்பர்லைனின் அரசியல் அணுகுமுறையை தொடக்கம் முதலே தீவிரமாக எதிர்த்து வந்த சேர்ச்சில், இந்த முறையும் தன் தீவிர அதிருப்தியை வெளிப்படுத்தினார். சோவியத்துக்கும் ஃபின்லாந்துக்கும் இடையிலான போரின் போது ஃபிரெஞ்சு பிரதமர் டிலாயர் பதவி விலகியதை போலவே ஜேர்மனி நோர்வே போரின் காரணமாக பிரிட்டிஷ் பிரதமர் சாம்பர்லைன் பதவி விலகவேண்டிவந்தது. (தொடரும்)   நூல்  இரண்டாம் உலகப்போர் எழுதியவர்  மருதன் வெளியீடு கிழக்கு பதிப்பகம்  2009 மே
    • புயலிலே ஒரு தோணி: எக்காலத்துக்குமான படைப்பு. சுயாந்தன்     எளிய வாசகனாக இருந்த எனது வாசிப்பின் தொடக்கம் கல்கியில் இருந்து ஆரம்பித்தது. சடுதியாக ஜெயமோகனை வந்தடைந்தேன்.  பாலையில் இருந்து மருதம் வந்தது போன்ற ஆதூரவுணர்வு என்னுள் ஏற்பட்டது என்றே கூறுவேன். அதன் பின்பு ஒரு காலமும் நான் வணிக எழுத்துக்களின் பக்கம் சென்றதில்லை. அதனை ஒரு பொருட்டாக மதிக்கவும் கூடாது என்ற எண்ணத்தையும் மனதில் கொண்டுள்ளேன். அ.மாதவையாவின் பத்மாவதி சரித்திரத்தில் இந்த வணிக எழுத்துக்கான எதிர்ப்பு விதைகள் உள்ளன என்று அதனை வாசிக்கும் நாம் ஒவ்வொருவரும் உணரமுடியும்.    அண்மையில் ப.சிங்காரம் அவர்களின் புயலிலே ஒரு தோணி நாவல் வாசித்து முடித்தேன். இதனை வாசித்ததும் என்னுள் ஒரு விபரீதமான எண்ணம்  தோன்றியது. ஆங்கில யுத்தத் திரைப்படங்களைக் காணும் எந்த எளிய ரசிகனுக்கும் உண்டாகும் யுக்தியற்ற எண்ணப்பாடு இது. அதாவது இந்நாவலைத் தமிழில் திரைப்படமாக்கினால் எந்த இயக்குநருக்கும் நடிகருக்கும் பொருத்தமாக இருக்கும் என்று. உண்மையில் என்னிடம் தெரிவுகளே இல்லை. இந்நாவலைத் தமிழில் திரைப்படமாக்கும் தொழிநுட்ப மற்றும் ஏனைய உத்திகள் இல்லை. இம்முயற்சி இந்நாவலைச் சிறுமைப்படுத்தும். அந்த அளவுக்கு இந்நாவலின் தரம் அதீதமானது. இந்நாவலின் வாசிப்பு எனக்கு அபரிமிதமான அனுபவங்களை உண்டாக்கியது. குறிப்பாக வணிக எழுத்துக்கும் தீவிர எழுத்துக்கும் இடையிலான வித்தியாசத்தை அறியத்தந்தது என்றும் கூறமுடியும்.    பாண்டியன் என்ற கதாபாத்திரம் ஒரு இலட்சிய பாத்திரமாகப் படைக்கப்பட்டுள்ளது. பலர் இக்கதாபாத்திரத்தை அராஜநாயகன் என்று குறிப்பிடுகின்றனர். அது மேலோட்டமான வாசிப்பின் வெளிப்பாடு.     நாவலில் "தமிழ்ப் பேரவை" என்றொரு அத்தியாயம் வருகிறது. இது நாவலில் முக்கியமான உரையாடல்பகுதி. பாண்டியனின் (சிங்காரம்) உலகளாவிய குரல் முரண்பட்டு ஒலிக்கும் இடம் இது. தன் நாவல் முழுக்க அங்கதம் கொண்டு நிரப்ப பாண்டியனை அதிகம் பயன்படுத்தியுள்ளார் சிங்காரம். அத்துடன் அவனை இலட்சிய நாயகனாக்கப் பல இடங்களில் முனைகின்றார்.    கு.அழகிரிசாமிக்கு பழந்தமிழ் இலக்கியங்களில் அதிலும் குறிப்பாக முத்தொள்ளாயிரம் என்ற இலக்கியத்தில் அதீத ஆர்வம் இருந்துள்ளது. அதை ஒரு முக்கியமான பழந்தமிழ் இலக்கியம் என்றும் கு.அ குறிப்பிட்டுள்ளார். அதுபோல ப.சிங்காரம் தனது மேற்படி புனைவில்  முத்தொள்ளாயிரத்தின் தமிழ்க் குறியீட்டை மூன்று பாடல்களைக் கொண்டு விபரித்துள்ளார். அடுத்துவரும் அத்தியாய உரையாடல்களுக்கு அதுவே துணையாக நிற்கிறது.   தென்னன் நெடுமாடக் கூடல் அகம், பூம்புனல் வஞ்சி அகம், வேல்வளவன் பொற்பார் உறந்தை அகம் என்று முடிவுறும் மூன்று பாடல்களிலும் தமிழ்வாழ்வின் போகம் முழக்கமிடப்பட்டுள்ளது. இதுதான் ஆரம்பகாலத் தமிழ் வாழ்வுக்கான அழிவின் சான்று என்று ஒரு தத்துவமும் எள்ளலும் கலந்த அத்தியாயத்தைக் கொண்டுவருகிறார் சிங்காரம். இதனை பாபிலோனியனின் வீழ்ச்சியுடன் ஒப்பிட்டு கதை சொல்லும் விதம் மிக உன்னதமான ஒரு உத்தி. புதுமைப்பித்தன் தன் மரபின் மூடத்தன்மைகளை எள்ளிநகையாடும் அதே போதம் சிங்காரத்திடம் சன்னதமாக வெளிப்படுகிறது.    தமிழ்ப்பெருமை பேசுபவர்களைப் பார்த்து "தவறான நம்பிக்கைகளின் மீது எழும் தற்பெருமை உண்மையைச் சந்திக்க நேரிடின் தன்னிளப்பமாக மாறிவிடும்" என்கிறார்.    'கால இடத் தேவைகளுக்கு ஏற்ப சமுதாய அமைப்பு முறை தோன்றுகிறது, மாறுகிறது. ஜாதிமுறை வெவ்வேறு பெயர்களுடன் எல்லாச் சமுதாயங்களிலுமே இருந்திருக்கிறது. இருந்து மாறியிருக்கிறது. எனவே நமது ஜாதிமுறை பற்றி நாம் வெட்கப்படத் தேவையில்லை. இன்றைய சூழ்நிலையில் இப்போதிருப்பது போன்ற ஜாதிமுறை தேவையா என்பது கேள்வி. எனக்குத் தெரிந்த வரையில் ஜாதி ஒழிப்பு வேலையல்ல முதற்கடமை. நம் மக்களிடையே பரந்த மனப்பான்மையை வளர்ப்பதையே முதல் வேலையாகக் கொள்ள வேண்டும். அறிவு வளர்ச்சி காரணமாகத் தோன்றும் பரந்த மனப்பான்மைக்கு ஜாதி சமய இனமொழிப் பிரிவுகள் யஆவுமே வெறும் விளையாட்டு வேலிகள்' இது ஜாதிமுறை தோன்றியமைக்கான காரணத்தை நாடகத்தன்மையில் பாண்டியன் கூறிய பதில்.    நாவலின் தொடக்கம் எந்தத் தமிழ் நாவலும் தராத ஒரு உற்சாகத்தை அளித்தது. மெடானின் போர்க் காட்சியும் ஜப்பானியர்களின் ஊடுருவலும் இயற்கை இகந்த விதத்தில் வர்ணிக்கப்படுகிறது. பாண்டியனின் அறிமுகம் ஒரு திரைநாயகனுக்கான அறிமுகம் போன்றது. முதல் ஆறு அத்தியாயங்கள் ஒரு போர்நாவலுக்கான சுவாரசியத்துடன் விரிவுறுகின்றது. பின்னர் திடீரென செட்டியார்களின் வணிக எழுச்சி வீழ்ச்சி பற்றிய விவரணைகள் இடம்பெறுகின்றன. அவை அங்கங்கே சலிப்பை உண்டாக்கினாலும் நாவலின் நகர்வில் தளர்வை ஏற்படுத்தவில்லை. அதற்கு சிங்காரம் கையாண்ட மொழிநடையும் இயற்கை வர்ணனையும் இன்னொரு காரணம் என்பேன்.    இந்நாவலுக்கான தகவல்களும் தரவுகளும் மிகத் துல்லியமானவை. இரண்டாம் உலகப்போரில் சோவியத் யூனியன்- ஜெர்மனி- அமெரிக்கா- பிரிட்டன்- ஜப்பான் முதலிய நாடுகள் தமது ஆதிக்கத்தை உலக அரங்கில் நிலைநாட்ட மேற்கொண்ட அழிச்சாட்டியங்கள் சித்திரமாக்கப்பட்டுள்ளது. அப்போர்களுக்குத் தலைமை தாங்கிய ஜெனரல்களின்  பெயர் விபரம் தொட்டு அந்தச் சமர்களின் முக்கியத்தூவம் இழப்புக்கள் வரையும் பதிவு செய்யப்படுகிறது. மேலும் முக்கியமாக இந்திய தேசிய இராணுவம் மற்றும் இந்திய விடுதலை பற்றி மிக முக்கியமான சித்திரம் பதியப்படுகிறது. அது பாண்டியனின் உள்ளார்ந்த விருப்பம். அதற்காகத் தன்னையே இறுதியில் இழக்கிறான். சுபாஸ் சந்திர போஸ் வழங்கிய வேலையை முடித்து அவரிடம் பாராட்டை வாங்கி மேலும் தனது திறமைகளைக் காட்டுகிறான்.  இந்தோனேசியாவில் இருந்து டச்சுப் படைகளைத் துரத்த வேண்டும் என்று அங்கேயே போராளிக்குழு அமைத்து இணைகிறான். அந்த இலட்சியத்துக்காகவே பாண்டியன் இறந்து போகிறான்.    இந்நாவல் என்னைப் பொறுத்த வரை ப.சிங்காரத்தின் மிக உச்ச படைப்பு என்றே கூற வேண்டும். எக்காலத்துக்கும் உரிய நாவல் இது. இதிலுள்ள வாழ்க்கைப் படிப்பினைகள் இலட்சிய வேகங்கள் மிகப்பழுத்த அத்வைதிக்குரியவை. அதே நேரம் லௌகீகத்தின் பகட்டு மற்றும் நம்பிக்கைகள் வெளிப்படுத்தப்படுகிறது. அதனால்தான் செட்டியார்களின் வாழ்க்கை நீண்ட அத்தியாயங்களில் எழுதப்பட்டுள்ளது. அத்துடன் சிங்காரத்தின் பழந்தமிழ் அறிவு பிரமிக்க வைக்கிறது. மிகச் சிலரே தமது படைப்புக்களில் துல்லியமாக  செவ்விலக்கிய பேரிலக்கியக் காட்சிகளைக் காட்டுவார்கள். அவர்களில் தலையாயவர் சிங்காரம். சிலப்பதிகாரம், சீவகசிந்தாமணி, சங்க இலக்கியம், கம்பராமாயணம், திருக்குறள் என்று இன்னோரன்ன இலக்கியச் சுவைகளைத் தனது படைப்புக்களின் பொருத்தமான இடங்களில் பொருத்திவிடுகிறார்.   இந்நாவல் பற்றிப் பலர் விரிவாக எழுதியுள்ளனர். அதில் ஜெயமோகனின் 'வரலாற்று அபத்தத்தின் தரிசனம்' மிக முக்கியமானது. மற்றும் சி.மோகனின் கட்டுரைகளும். இந்நாவலைப் படித்த பின்னர் இவற்றையும் வாசிப்பது நாவலின் உபரி அர்த்தங்களை நமக்களிக்கும்.    எனது அண்மைய பயணங்கள் நீண்டதூரங்களுக்கு மோட்டார் வண்டியில்தான் அமைகின்றது. முன்பும் அப்படித்தான். இனியும் அதுவே என் விருப்பு.  அப்போது நான் இந்நாவலை எண்ணிக் கொள்வேன். புயலிலே சிக்கிய பாண்டியன் என்ற கதாபாத்திரமாக என் பயணத் தூரங்களின் விருப்பு வெறுப்புக்களை மாற்றிக் கொள்வேன். அதுவே என் மீவிருப்பு.    உங்களில் யாருக்காவது பயணம் , யுத்தம், உளவு, போராட்டம், இலக்கியம் என்ற வகையில் ஒரு படைப்பை வாசிக்க ஆர்வம் இருந்தால் புயலிலே ஒரு தோணி வாசியுங்கள். அதன் ஆழங்கள் எந்தக் கடலிலும் கப்பலுக்கு இலகுவில் நங்கூரம் போடக்கூடியது.    http://www.suyaanthan.com/2020/07/blog-post.html
    • மஹாவம்சம் தமது உன்னதமான நூல் என்று புலுடா விட்டுக்கொண்டிருந்தார்கள் இந்த பிக்குமார்கள். மக்களும் இவர்களை கேள்வி கேட்டால் வில்லங்கம் என்று பேசாமல் இருந்து விட்டார்கள். சமூக ஊடகங்கள் வந்த பின்னர், சிங்கத்துக்கு எப்படி மனிதப் பிள்ளைகள் பிறக்க முடியும் என்று கேள்விகள் கேட்க, ஆடிப்போய்.... ராவணனை சிங்களவர் ஆக்க முனைகிறார்கள். அதனால் தான் கோணேஸ்வரர், கோகன்னர் ஆக மாத்தப் பார்க்கிறார்கள். இப்ப போய், நம்ம சங்கரி ஐயா, திருடனுக்கு தேள் கொட்டிற மாதிரி ஆனந்தமான கேள்வி கேட்டால்.... என்ன பதில்தான் கிடைக்கும்?