Jump to content

தமிழகச் சினிமாவைப் பார்த்தே தமிழீழ விடுதலைப் போராட்டம் நடக்கிறது.


Recommended Posts

  • கருத்துக்கள உறுப்பினர்கள்

கிசெது ஆவர்கள் ஆசிரியராகப் பணியாற்றுபவர். எனவே இதன் மூலம் பலருடனான தொடர்பு இயல்பாகவே இருக்கும். இதனை குதர்க்க் கண்கொண்டு நான் பார்க்கப் போவதில்லை.

இவரது திரை முயற்சி தொடர்பபான கருத்துகளில்தான் விவாதம் இங்கு நடைபெறுகிறது.

புபுலம் பெயர் திரைமுயற்சியில் கனடாவிலிருந்து "தமிழிச்சி" எனம் படம் பலருது கவனத்தைப் பெற்றிருந்தது.

குறும்படங்களில் பல கவனத்தை ஈர்த்துள்ளன. குறிப்பாக "பேரன் பேத்தி' (பிரான்சு).

புலம்பெயர்வாழழ்வு என்பது அனுபவப் பொக்கிசம். இலகுவில் கிடைக்க முடியாதது. இவை படைப்புகளால் உலகின் கவத்தைப்பெறும் என்பதில் அசைக்க முடியாத கருத்துடையவன் நான்.

இந்தியாவில் கோடிகளால் கடட்டியெழுப்பப்படும் கனவுலகச் சினிமாவிலிருந்து விலகி அன்று சத்தியஜித் ரே இன்று அடுர் கோபாலகிருஷ்ணன் போன்றவர்கள் காணப்படவில்லையா?

கருத்துகளால் எண்ணம் வலுவடைந்து சிறப்பாக செயல் வருமல்லவா!

பத்தோடு பதினொன்றாவதில் என்னதான் இருக்கிறது!!

:lol:

Link to comment
Share on other sites

  • Replies 61
  • Created
  • Last Reply

சுழியன் அண்ணா உங்களுக்கு கி.செ.துரையை நன்றாக தெரிந்திருக்கிறது. இங்கு விமர்சிக்கப்படுவதுபோல அவர் குமாரதுரை குழுவுடன் தொடர்புள்ளவரா?

இங்கு விமர்சிப்பவர்களுக்காக படமெடுத்தால் படமெடுப்பவர் ஓட்டாண்டியாகவேண்டியதுதான். ஒரு படத்தை வியாபாரரீதியாக எடுத்தால் மட்டும் படத்தயாரிப்பாளர் அடுத்த முயற்சியில் வெற்றிபெற முடியும். படம் வெற்றியடைவதற்கு இலங்கைத்தமிழரும்(புலம்பெயர்) அவசியம். அதற்காகதான் ஒவ்வொருவரும் விடுதலையை ஊறுகாய் போன்று தொட்டுக்கொள்கின்றார்கள். மற்றபடி அவர்கள் வியாபாரிகள் அதற்குமேல் அவர்களால் ஒன்றுமே செய்யமுடியாது.

முழுக்க முழுக்க எம்மவர் பிரச்சனையை வைத்து படமெடுத்து விமர்சன ரீதியில் வேண்டுமானால் அவர்கள் பாராட்டை பெறமுடியும் . ஆனால் பெற்றுக்கொள்ளும் நட்டத்தை ஈடுசெய்ய யார் துணை போவார்கள் இந்த விமர்சகர்கள் அதற்கும் தயாரா?

எங்கள் தாயகத்திலே எதிரியால் ஆக்கிரமிக்கப்படும் ஒவ்வொரு அங்குல நிலத்தையும் மீட்பதற்கு எங்களது போராளிகள் தங்களது உயிரையும் இரத்தத்தையும் விலையாகக் கொடுத்துக் கொண்டிருக்கிறார்கள்.விலைமதி

Link to comment
Share on other sites

  • கருத்துக்கள உறவுகள்

குழந்தைகள் முதலில் கிறுக்கும்

அவை கிறுக்கல்

அது ஓவியமல்ல.....ஆனால் அதையும் ஓவியத்தின் மனதோடு ரசிப்போர் இருக்கிறார்கள்.

அவற்றை பார்த்து வெறுத்தோ அல்லது அவர்களாக புரிந்து கற்றுக் கொண்டோ

ஒரு நாள் , ஒரு சில ஓவியர்கள் முன் வருவார்கள். உருவாவார்கள்.

இலங்கை தமிழ் படங்கள் வெற்றி பெறாததற்கு

இந்திய சினிமாதான் காரணம் என நினைத்திருந்தேன்.

இங்கே கருத்துகளை வைப்போர் போன்றவர்களே

அன்றும் அங்கு இருந்திருப்பார்கள்?

நம்மவரே அதற்கும் காரணம் என்பதை இப்போது உணர்கிறேன். :lol:

குப்பைகளாவது வரட்டும்

அது நல்லவை வர ஒரு நாள் உதவும்.

இங்கு அதை எதிர்த்து கருத்து வைப்போராவது

ஒரு நல்ல படத்தை உருவாக்காமலா இருப்பார்கள்? :icon_mrgreen:

Link to comment
Share on other sites

  • கருத்துக்கள உறுப்பினர்கள்

இன்று பாரதிராஜா தெரிவித்த கருத்தைப் பொருத்தப்பாடு கருதி இணைக்கிறேன். அவரது கருத்து தசாவதாரம் தொடர்பானது. ஆனால் இக்கருத்தை ஆசிரியர் கிசெது அவர்களது முயற்சிக்கும் பொருத்திப் பார்க்கலாம்.

தசாவதாரம்-பாரதிராஜா கடும் விமர்சனம்!!

பொழுதுபோக்கா கதை எழுதிக்கிட்டிருந்தவங்க முழு நேர இயக்குநராக மாறினா எப்படி இருக்கும்? தசாவதாரம் மாதிரிதான் இருக்கும். கதையே இல்லாம, வெறும் தொழில்நுட்பத்தைக் காட்டி மக்களை ஒருவித மயக்கத்தில் ஆழ்த்துவதைத்தான் இப்போதெல்லாம் சினிமா என்கிறார்கள் என்று விமர்சித்துள்ளார் இயக்குநர் பாரதிராஜா.

திருச்சூரில் ஒரு நிகழ்ச்சியில் பங்கேற்ற பாரதிராஜா நிருபர்களிடம் கூறியதாவது:

இன்றைக்கு தமிழ் மற்றும் மலையாள சினிமாவில் நல்ல கதைகளுக்குத்தான் பஞ்சமாக உள்ளது. எக்கச்சக்கமான இயக்குனர்கள் இருக்கிறார்கள். ஆனால் அவர்களிடம் கதை கிடையாது. இரண்டு மொழி திரையுலகிலும் இதுதான் நிலைமை. கதையை விட்டு விடுகிறார்கள். தொழில்நுட்பம் என்ற 'ஜிகினா' வேலையை மட்டும் காட்டி மக்களை ஏமாற்றும் கலையைக் கற்றுக் கொண்டிருக்கிறார்கள்.

.......

http://thatstamil.oneindia.in/movies/speci...savatharam.html

கிசெது அவர்களுக்கு அவருக்குப்பிடித்தமான இந்தப் பாடலைப்பற்றியதான விளக்கத்தைத் தருமாறு அன்புடன் வினவினால் என்ன?

'ஏமாறாதே...... ஏமாற்றாதே...!!!!!

Link to comment
Share on other sites

  • கருத்துக்கள உறவுகள்

இன்று பாரதிராஜா தெரிவித்த கருத்தைப் பொருத்தப்பாடு கருதி இணைக்கிறேன். அவரது கருத்து தசாவதாரம் தொடர்பானது. ஆனால் இக்கருத்தை ஆசிரியர் கிசெது அவர்களது முயற்சிக்கும் பொருத்திப் பார்க்கலாம்.

தசாவதாரம்-பாரதிராஜா கடும் விமர்சனம்!!

பொழுதுபோக்கா கதை எழுதிக்கிட்டிருந்தவங்க முழு நேர இயக்குநராக மாறினா எப்படி இருக்கும்? தசாவதாரம் மாதிரிதான் இருக்கும். கதையே இல்லாம, வெறும் தொழில்நுட்பத்தைக் காட்டி மக்களை ஒருவித மயக்கத்தில் ஆழ்த்துவதைத்தான் இப்போதெல்லாம் சினிமா என்கிறார்கள் என்று விமர்சித்துள்ளார் இயக்குநர் பாரதிராஜா.

திருச்சூரில் ஒரு நிகழ்ச்சியில் பங்கேற்ற பாரதிராஜா நிருபர்களிடம் கூறியதாவது:

இன்றைக்கு தமிழ் மற்றும் மலையாள சினிமாவில் நல்ல கதைகளுக்குத்தான் பஞ்சமாக உள்ளது. எக்கச்சக்கமான இயக்குனர்கள் இருக்கிறார்கள். ஆனால் அவர்களிடம் கதை கிடையாது. இரண்டு மொழி திரையுலகிலும் இதுதான் நிலைமை. கதையை விட்டு விடுகிறார்கள். தொழில்நுட்பம் என்ற 'ஜிகினா' வேலையை மட்டும் காட்டி மக்களை ஏமாற்றும் கலையைக் கற்றுக் கொண்டிருக்கிறார்கள்.

.......

http://thatstamil.oneindia.in/movies/speci...savatharam.html

கிசெது அவர்களுக்கு அவருக்குப்பிடித்தமான இந்தப் பாடலைப்பற்றியதான விளக்கத்தைத் தருமாறு அன்புடன் வினவினால் என்ன?

'ஏமாறாதே...... ஏமாற்றாதே...!!!!!

உங்க கிசெது வின் "இளம் புயல்" திரைப்படம் எப்படியிருக்குமோவென்று வந்த பின்னால்த் தான் தெரியும். ஆனால் அவரை வைச்சு இப்போ நீங்க காட்டற படம் அப்பப்பாபாபாபாபாபா....................

முன்பு கூடுதலாக உணவு விடுதிகளில் ஒரு அறிவிப்புப்பலகை தொங்கும், அதில் "நிறைவிருந்தால் நண்பர்களிடம் கூறுங்கள்; குறையிருந்தால் எங்களிடம் கூறுங்கள்" என்று எழுதியிருப்பார்கள். நீங்கள் உண்மையான விமர்சகராக இருந்திருந்தால் அவரின் முதல்ப் படத்தை பார்த்தபின் அவரிடமே சொல்லியிருக்கலாம். அப்படியில்லாமல் இங்கே வந்து நீங்களும் காட்டுவது............................

Link to comment
Share on other sites

  • கருத்துக்கள உறுப்பினர்கள்

-நிறை இருந்தால் நண்பர்களிட்் கூறுங்கள். குறையிருந்தால் எம்மிடம் கூறுங்கள்- மிக நல்ல கூற்று.

நீங்கள் கி.செ.துரையின் முதல் படமான பூக்கள் பார்த்ததில்லையா?

இளம் புயல் அவரது இரண்டாவது படம் நீங்கள் அறிவீர்களா?

புலம் பெயர் தேசங்களில் குறும்படங்கள் தயாரிக்கப்படுகின்றன என்பதும், அவற்றிற்கான போட்டிகள் நடைபெறுகின்றன என்பதும் அறிந்துள்ளீர்களா?

இங்கு எழுதும் எத்தனைபேர் புலம் பெயர் நாடுகளில் தயாரிக்கப்பட்ட படங்களை பார்த்துள்ளீர்கள்.

பூக்கள் வந்தபோது குறைகளை அவர்களிடம் மட்டுமே பலரும் கூறினார்கள்.

ஆளனால் இளம் புயல் வந்து தமிழ்நாட்டவராலேயே குட்டுப்பட்ட பின் நண்பர்களிடம் கூற என்ன நிறை இருக்க முடியும்.

இப்போது துரையை விட்டுவிடுங்கள். அவர் பிழைத்துப் போகட்டும்.

ஆனால் புலம்பெயர்ந்தோரின் சினிமா என்பது என்ன. கோடம்பாக்கத்திற்கு போட்டியா அல்லது அதற்கு மாற்றா?

தாயும் பிள்ளையுமானாலும் வாயும் வயிறும் வேறு என்பார்கள்.

தமிழ்நாட்டிற்கும் - ஈழத்திற்கும் அப்படித்தானே உள்ளது.

தமிழ்நாட்டு இலக்கியம் - ஈழத்து இலக்கியம் வேறுபாடு இல்லையா?

அப்ப சினிமாவில் மட்டும் தமிழ்நாட்டை நாம் ஏன் பின்பற்ற வேண்டும்.

நாம் புதிதாக சிந்திக்க கூடாதா?

நிச்சயம் நமது சினிமா வேறாகத்தான் இருக்க முடியும்.

அது கி.செ.யின் மசாலாவாக இருக்க முடியாது.

அவரை ஒதுக்கி தள்ளுங்கள்.

அவர் கோடம்பாக்கத்துடன் மாரடிக்கட்டும்.

நாம் தமிழ் என்னும் பொதுப்பரப்பில்

ஏடுகளில் இருந்த இலக்கியத்தை அச்சுப்பதிப்பாக்கிய ஈழத்தரவரான சி.வை.தாமோதரம் பிள்ளளையை முன்னுதாரணமாக கொள்வோம்.

தமிழ்நாட் இலக்கியத்தில் இருந்து வேறுபட்ட ஈழத்திலக்கியத்தை நம்முன்ளோர் முன்வைத்தார்கள் என்பதை கவனத்தில் கொள்வோம்.

இன்று தமிழ்நாட்டில் பேசப்படும் தலித்திலக்கியத்தின் முன்னோடியாக ஈழத்தின் சாதிய எதிர்ப்பு போராட்டமும், இலக்கியமும் 1965களியே எழுச்சி பெற்று விட்டதை மனதில் கொள்வோம்.

உலகத்திற்கே வழிகாட்டியான விடுதலைப்போராட்டம் ஈழத்திலேயே நடத்தப்படுகின்றது எனப் பெருமை கொள்வோம்.

சினிமா மட்டும் கோடம்பாக்கம் சாயலில் இருக்க வேண்டும் என்பது என்ன நியாயம்.

கருத்துக்களை எழுதுங்கள்.

விவாதங்களை தொடருங்கள்.

Link to comment
Share on other sites

  • கருத்துக்கள உறுப்பினர்கள்

இணைப்புக்கு நன்றி சாந்தி.

துரையார் தன்ர கதையைச் சினிமாவோடு மட்டும் தொடர்புபடுத்தி வைத்துக்கொள்வதுதான் நல்லது. தேவையில்லாமல் ஈழப்போராட்டத்தை இழுத்துவிடுகிறார். காக்கா பிடிப்பதற்கு போராட்டம்தான் இவருக்குக் கிடைத்ததா?

தமிழகத் திரையுலகத்தின் பாதிப்பு ஈழப்போராட்டத்தின் தொடக்கத்தில் இருந்தது என்பதைத்தான் அவர் சொல்ல வந்தாரென்றால், நறுக்குத் தெறித்தாற்போல் அதைச் சொல்லியிருக்கலாம். ஆனால் அவரின் பேச்சு அப்படியில்லை.

அடுத்தது, நாங்கள் தமிழகத்திலிருந்துதான் ஈழத்துக்குப் போனோம் என்ற கண்டுபிடிப்பொன்றை வெளியிட்டிருக்கிறார். இதற்காக அவருக்கு புதுசா ஏதாவது ஒரு பட்டம் குடுங்கப்பா. (அதுக்காக சோழனுக்கும் குடுக்க வேணுமெண்டதில்லை ;-))

ஏற்கனவே 'இங்கிருந்து பிழைப்புத் தேடிப்போன உங்களுக்கு எதுக்குத் தனிநாடு?' எண்டு தமிழகத்தார் நையாண்டி பண்ணிக் கொண்டிருக்கிறாங்கள். அதுக்குள்ள இராஜஇராஜ சோழன் படையாட்கள்தான் வல்வெட்டித்துறையார் எண்டுறார். சோழன் படையாட்கள் வல்வெட்டித்துறைக்கு வந்திருக்கக் கூடிய சாத்தியங்கள் வரலாற்றில் இருப்பதாக நான் நினைக்கவில்லை. இலங்கையின் மத்தியில் வேண்டுமானால் சாத்தியப்படலாம். எதுக்கும் விவரம் தெரிந்தவர்கள் கூறுங்களேன்.

நிற்க,

துரையாருக்குத் தமிழகத்தைச் சேர்ந்த ஒருவர் தெரிவித்த கருத்தை அவர் மேடையில சொல்லிறார்.

"நீங்களெல்லாம் தமிழகத்துக்கு வந்திடுங்கோ. எல்லாரும் நிம்மதியாக இருக்கலாம். ஈழத்தில சண்டை சச்சரவுகள் தேவையில்லை'. இதை எம்மேல் கொண்ட அன்புமிகுதியால் சொல்வதாக துரையர் சொல்கிறார். நானும் அப்படித்தான் நம்புகிறேன்.

ஆனால் இதைக் கேட்கும்போது,

"இலங்கையிலிருக்கும் ஏனையவர்கள் எல்லாம் பெளத்தராக மாறிவிடுவதே இனப்பிரச்சினைக்கு சுலபமான தீர்வு" என்று பிரபல பன்னாட்டு அறிவுசீவியொருத்தர் அண்மையில் கருத்துத் தெரிவித்திருந்தது ஞாபகம் வந்தது.

கடைசியாக காவடிக்கு...

நீர் உந்தத் தேவையில்லாத கதைகளை நிப்பாட்டும்.

தேசியத் தலைவரே பாரதிராசாவின்ர கையப்பிடிச்சு, 'அண்ணை எங்கட மக்களின்ர வாழ்க்கையை நீங்கள்தான் படமாக்க வேணும்' எண்டு கேட்டுக்கொண்ட பிறகு அதை நக்கலடிச்சு நீர் கதைக்கிறது சரியில்லை.

விட்டு விடும். (நல்லவன் எண்டு நான் பேர் வைச்சது கொஞ்சம் ஓவர்தான்).

போராட்டத்தையே அவங்களப் பாத்துத் தொடங்கீட்டமாம், எங்களுக்கான சினிமாவை அவங்களை மாதிரி எடுத்தா என்ன வந்தது?

இப்ப எங்கள் முன்னாலுள்ள நோக்கம், தமிழ்ச்சினிமாவைப் பார்த்தே போராட்டத்தை முடிவுக்குக் கொண்டுவாறதுதான்.

என்னுடைய தெரிவு விஜயகாந்த் பாணி சண்டைகள்.

உங்கள் தெரிவென்ன?

Link to comment
Share on other sites

  • கருத்துக்கள உறவுகள்

புபுலம் பெயர் திரைமுயற்சியில் கனடாவிலிருந்து "தமிழிச்சி" எனம் படம் பலருது கவனத்தைப் பெற்றிருந்தது.

குறும்படங்களில் பல கவனத்தை ஈர்த்துள்ளன. குறிப்பாக "பேரன் பேத்தி' (பிரான்சு).

புலம்பெயர்வாழழ்வு என்பது அனுபவப் பொக்கிசம். இலகுவில் கிடைக்க முடியாதது. இவை படைப்புகளால் உலகின் கவத்தைப்பெறும் என்பதில் அசைக்க முடியாத கருத்துடையவன் நான்.:icon_mrgreen:

தங்களது இக்கருத்தில் நானும் உடன்படுகிறேன் சுழியன்.

சிங்களத்திரைப்படங்கள் விருதுப்படங்களாக வெற்றி பெறும் தகைமை மிக்கனமாய் இருப்பதற்கு யதார்த்தம் சினிமா மொழியில் சொல்லப்படுவதால்தான். சிங்களப்படங்கள் தரத்தில் வேண்டாம் புலம்பெயர் வாழ்வில் பதியப்பட திரைக்கதைகள் நிறையவே உள்ளன. அவை பதிவு செய்யப்பட கி.செல்லத்துரை அவர்களிடம் உள்ள வளம் பயன்பட்டால் சிறந்த படைப்பை செய்ய முடியும்.

Link to comment
Share on other sites

  • கருத்துக்கள உறவுகள்

-புலம் பெயர் தேசங்களில் குறும்படங்கள் தயாரிக்கப்படுகின்றன என்பதும், அவற்றிற்கான போட்டிகள் நடைபெறுகின்றன என்பதும் அறிந்துள்ளீர்களா?

இங்கு எழுதும் எத்தனைபேர் புலம் பெயர் நாடுகளில் தயாரிக்கப்பட்ட படங்களை பார்த்துள்ளீர்கள்.

ஈழத்திலிருந்து வெளியான பல குறுப்படங்கள் சில நீளத்திரைக்காவியங்கள் என எம்மவர்களின் தயரிப்புக்கள் கோடம்பாக்கமே வியக்கம் அளவுக்கு குறைந்த வளங்களுடனும் நெருக்கடிக்குள்ளும் தயாரிக்கப்பட்டுள்ளன.

(ஆவணப்படத்துக்கும் திரைப்படத்துக்கும் வித்தியாசம் தெரியாமல் நாங்கள் குறும்படங்களைப்பற்றிக் கதைக்கிறோம்)

இந்தத்திரைப்படங்கள் எல்லாம் கையைச்சுட்டுக் கொள்ளாமல் காலத்தை வென்ற படைப்புக்கள். ஆனால் இந்தப்படங்களை பார்க்கவோ ஆதரவு கொடுக்கவோ மாட்டாதவர்கள் மசாலாவே கையைச்சுட்டுக்கொள்ளாமல் காசை அள்ளித்தரும் என்று கதைவிடுகிறார்கள்.

புலத்தில் தயாரான "பேரன்பேர்த்தி , எதமட்டும் , மனுசி , மனமுள் , பிஞ்சுமனம் என பல குறும்படங்கள் வெளிவந்துள்ளன இவையெல்லாம் யாரின் கண்ணிலும் படவில்லைப்போலும். இந்தப்படங்களை எடுத்தவர்களிடம் போதிய பணவளம் இருப்பின் இவர்கள் உலகத்தரத்துக்கு நிகரான சினிமாக்களை தருவார்்கள். இதை உரியவர்கள் புரிந்த கொள்ள வேண்டும்.

Link to comment
Share on other sites

  • கருத்துக்கள உறுப்பினர்கள்

என்ரை கவலையெல்லாம் இந்தத் தமிழ் சினிமாவைப் பார்த்து எங்கடை பிள்ளையள் போராட்டத்தை நடத்த இல்லை எண்டது தான். அப்படிச் செய்திருந்தால் எப்பவோ தமிழீழம் கிடைச்சிருக்கும்.

உந்த ரசினிகாந்தும் விசயகாந்தும் பிடிக்கிற சண்டையளைப் பாத்தியளே. அடக் கடவுளே என்ன மாதிரிப் பாஞ்சு பாஞ்சு அடிக்கிறாங்கள்.

ஒரு படத்pலை நாலு பக்கமும் நிண்டு ஆக்கள் சுடுகினம். விசயகாந்த் தான் போட்டிருந்த சங்கிலியைக் கழட்டிப் பிடிக்கிறார். சன்னமெல்லாம் அந்தச் சங்கிலியிலை பட்டுத் தெறிக்குது. அங்கடை போராளிகளுக்கும் விசயகாந் மாதிரி ஒவ்வொரு சங்கிலி வாங்கிப் போட்டு விட்டால் இழப்பே இருக்காது.

இது மாதிரி எக்கச் சக்கமான விசயங்கள் தமிழ் சினிமாவுக்குள்ளை இருக்குது.

கி.செ.துரை மாதிரயான ஆக்கள் எல்லாத் தமிழ்ப் படத்தையும் இருந்து பாத்து உதுமாதிரியான விசயங்களை எல்லாம் எடுத்துச் சொன்னால் அல்லது 'எம்மவர் படைப்புகளிலை' படைச்சுக் காட்டினால் போராட்டத்துக்கு உதவியா இருக்கும். :icon_mrgreen::lol::lol:

Link to comment
Share on other sites

  • கருத்துக்கள உறவுகள்

-நிறை இருந்தால் நண்பர்களிட்் கூறுங்கள். குறையிருந்தால் எம்மிடம் கூறுங்கள்- மிக நல்ல கூற்று.

நீங்கள் கி.செ.துரையின் முதல் படமான பூக்கள் பார்த்ததில்லையா?

இளம் புயல் அவரது இரண்டாவது படம் நீங்கள் அறிவீர்களா?

புலம் பெயர் தேசங்களில் குறும்படங்கள் தயாரிக்கப்படுகின்றன என்பதும், அவற்றிற்கான போட்டிகள் நடைபெறுகின்றன என்பதும் அறிந்துள்ளீர்களா?

இங்கு எழுதும் எத்தனைபேர் புலம் பெயர் நாடுகளில் தயாரிக்கப்பட்ட படங்களை பார்த்துள்ளீர்கள்.

பூக்கள் வந்தபோது குறைகளை அவர்களிடம் மட்டுமே பலரும் கூறினார்கள்.

ஆளனால் இளம் புயல் வந்து தமிழ்நாட்டவராலேயே குட்டுப்பட்ட பின் நண்பர்களிடம் கூற என்ன நிறை இருக்க முடியும்.

இப்போது துரையை விட்டுவிடுங்கள். அவர் பிழைத்துப் போகட்டும்.

ஆனால் புலம்பெயர்ந்தோரின் சினிமா என்பது என்ன. கோடம்பாக்கத்திற்கு போட்டியா அல்லது அதற்கு மாற்றா?

தாயும் பிள்ளையுமானாலும் வாயும் வயிறும் வேறு என்பார்கள்.

தமிழ்நாட்டிற்கும் - ஈழத்திற்கும் அப்படித்தானே உள்ளது.

தமிழ்நாட்டு இலக்கியம் - ஈழத்து இலக்கியம் வேறுபாடு இல்லையா?

அப்ப சினிமாவில் மட்டும் தமிழ்நாட்டை நாம் ஏன் பின்பற்ற வேண்டும்.

நாம் புதிதாக சிந்திக்க கூடாதா?

நிச்சயம் நமது சினிமா வேறாகத்தான் இருக்க முடியும்.

அது கி.செ.யின் மசாலாவாக இருக்க முடியாது.

அவரை ஒதுக்கி தள்ளுங்கள்.

அவர் கோடம்பாக்கத்துடன் மாரடிக்கட்டும்.

நாம் தமிழ் என்னும் பொதுப்பரப்பில்

ஏடுகளில் இருந்த இலக்கியத்தை அச்சுப்பதிப்பாக்கிய ஈழத்தரவரான சி.வை.தாமோதரம் பிள்ளளையை முன்னுதாரணமாக கொள்வோம்.

தமிழ்நாட் இலக்கியத்தில் இருந்து வேறுபட்ட ஈழத்திலக்கியத்தை நம்முன்ளோர் முன்வைத்தார்கள் என்பதை கவனத்தில் கொள்வோம்.

இன்று தமிழ்நாட்டில் பேசப்படும் தலித்திலக்கியத்தின் முன்னோடியாக ஈழத்தின் சாதிய எதிர்ப்பு போராட்டமும், இலக்கியமும் 1965களியே எழுச்சி பெற்று விட்டதை மனதில் கொள்வோம்.

உலகத்திற்கே வழிகாட்டியான விடுதலைப்போராட்டம் ஈழத்திலேயே நடத்தப்படுகின்றது எனப் பெருமை கொள்வோம்.

சினிமா மட்டும் கோடம்பாக்கம் சாயலில் இருக்க வேண்டும் என்பது என்ன நியாயம்.

கருத்துக்களை எழுதுங்கள்.

விவாதங்களை தொடருங்கள்.

உண்மையான விமர்சனங்களையும், விவாதங்களையும் நான் ஒருபோதும் புறந்தள்ளியது கிடையாது. அது போல் தங்கள் தனிப்பட்ட சுய விளம்பரங்களுக்காக தனிநபர்களைத் தாக்கிக் கருத்து வைப்பவர்களுக்கு நான் ஜால்ரா அடித்ததும் கிடையாது. ஏற்கனவே நான் துரை அவர்களின் "பூக்கள்" படத்தை பார்க்கவில்லை என்பதை பதிவு செய்துள்ளேன். அதை நீங்கள் கவனிக்கவில்லைப் போலும்.. அதுபோல் "இளம்புயல்" அவரது இரண்டாவது படமென்பதையும், ஏன் அவரையுமே இப்பதிவின் மூலம் தான் அறிந்து கொண்டேன். அதுபோல் "இளம்புயல்" ஒலித்தட்டு வெளியீட்டு விழா தான் தமிழகத்தில் நடந்தது. திரைப்படம் இன்னும் வெளிவரவில்லை. வெளிவராத படத்தை எப்படி விமர்சிக்க முடியும்?? .படத்தின் கதைப் போக்கை கேள்விப்பட்டு அது பற்றி இயக்குனர் அமீர் சொன்னதைத் தான் நீங்கள் ஏதோ பெரிய விமர்சனம் என்று கருதுகின்றீர்கள். அமீர் பருத்தி வீரன் திரைப்படத்தின் இயக்குனரே தவிர தயாரிப்பாளரல்ல. அதுபோல் அமீருக்கு பருத்திவீரன் 2வதோ 3வதோ படமுமல்ல. அவர் பாலசந்தரிடம் பல வருடங்கள் பயிற்சி பெற்று வெளிவந்து, பலவருடங்களாக திரைப்படங்களை இயக்குகின்றார்.

ஒருவரின் திரைப்படமோ அல்லது அவர் நடாத்திய ஒரு நிகழ்ச்சி பற்றியோ விமர்சனம் செய்ய விரும்பினால் அவ்விடயத்தைப் பற்றி விமர்சிப்பது நாகரீகம். அதைவிடுத்து அவர் யாருக்கு படிப்பிச்சவர், அவரது பின்புலம் என்ன?? முன்புலமென்ன?? என்று தேவையில்லாமல் ஒருவர் மீது கரி பூச விளைவதை எவரும் விமர்சனம் என்று ஏற்றுக் கொள்ள மாட்டார்கள்.

அடுத்தது ஆறுமுகநாவலரிலிருந்து பல எம் மண்ணைச் சார்ந்தவர்கள் தமிழ் நாட்டில் தான் படித்துப் பட்டம் பெற்றார்கள். இதை நீங்கள் மறந்து விட்டீர்களோ?? இன்று நாம் பாடும் தேவாரம், திருவாசகமெல்லாம் இந்தியாவில் படைக்கப் பட்டவை தான். அப்ப நாங்கள் அவற்றை ஒதுக்கி வைத்துவிட்டு எமக்காக புதிதாக வேறு படைப்போமா?? முன்பு இலங்கை வானொலியில் ஈழத்துப் பாடல்கள் என்று ஒரு நிகழச்சியே போனது. எத்தனை அருமையான பாடல்கள் ஒலிபரப்பப்பட்டன. ஆனால் நாங்கள் மேடயைமைத்து அவர்களுக்குச் சந்தர்ப்பம் வழங்கி அவர்களை உற்சாகப்படுத்தினோமா?? அல்லது இந்தியப் பாடகர்களை இலங்கைக்கு அழைத்து அவர்கள் பாட வாய் பிளந்து பார்த்து நின்றோமா??

வன்னிக்குக் கூட இயக்குனர் மகேந்திரனையும், இயக்குனர் பாரதிராசாவையும் அழைத்து அவர்கள் மூலம் தான் திரைப்படம் சம்பந்தமான பயிற்சிப் பட்டறைகள் நடந்தது. ஏன் "ஆணிவேர்" திரைப்படத்தை இயக்கிய ஜான் கூட இயக்குனர் மகேந்திரனின் மகனே. நிலைமைகள் இப்படியிருக்க தற்போதய நிலையில் எங்களால் இலங்கைத் தமிழ்ப்படத்துறையில் தனித்து நின்று சாதிக்க முடியுமென்று சவால் விட முடியுமா?? எப்போது முடியும்? நாமும் முறையாக பயிற்சி பெற்று திறைமைகளை வளர்த்து விட்டால், நாமும் பின் சாதிக்கலாம். ஆனால் இலகுவாகவும் இயல்பாகவும் பயிற்சி பெறுவதென்றால் தமிழ்நாட்டுச் சினிமாவில் தான் பயிற்சிகளைப் பெற முடியும். சிறிது காலம் அவர்கள் பாணியிலேயே படங்களை வழங்கிவிட்டு, பின் நமக்காக இன்னொரு பாணியை அமைத்துக் கொள்ளலாம்.

எமக்கான முறை வேறு என்பவர்கள் சினிமாவில் அல்ல, தொலைக்காட்சியில் என்ன சாதித்தீர்கள்?? இன்றும் இந்தியத் தொலைக்காட்சிகளை நம்பித் தானே எமது தொலைக் காட்சிகளை நடாத்துகின்றோம்.

நீங்கள் தமிழ்நாட்டுச் சினமாவைப் பற்றி படித்தீர்களோ தெரியாது ஆனால் நான் நிறையவே படித்துள்ளேன். ஆரம்ப காலங்கில் தமிழ்நாட்டுச் சினிமாவை இயக்கியவர்கள் பலர் வட இந்தியாவையும் அமெரிக்காவையும் சேர்ந்தவர்கள். அவர்கள் மூலமே பல திரைப்படங்கள் வெளிவந்தன. பல வருடங்களாக அவர்களிடம் பயிற்சி பெற்ற பின்னரே தமிழ்நாட்டைச் சேர்ந்தவர்கள் சாதிக்கத் தொடங்கி இன்று இந்தியாவில் அதிக படங்கள் தயாரிக்கும் ஒரு மாநிலமாக தமிழ்நாடு திகழ்கின்றது. அதுபோல் இன்று இந்தியத் திரைப்படங்களின் பல துறைகளிலும் தமிழ் நாட்டவரே பல சாதனைகளைச் செய்து கொண்டிருக்கின்றார்கள். ஆனால் நாம் இன்றும் குண்டுச் சட்டிக்குள்ள குதிரை ஓட்டிக் கொண்டு, ஏதோ சந்திரனுக்கு ராக்கட் விட்டவன் போல பீலா விட்டே பழகிவிட்டோம். அதனால் அடுத்தவன் எவனாவது எதையாவது செய்ய வெளிக்கிட்டால் விடுவோமா என்ன ??

அடுத்தவர் செய்வதை தவறென்று விமர்சிக்க வருபவர்கள் சரியான வழியையும் செய்து காட்டினால், அதை வரவேற்கலாம். அதை விட்டுவிட்டு சும்மா வாய்ச்சவடாலேயே பிலிம் காட்டலாமென்றால், அதுதான் நமக்குரிய சினிமாவோ??? :icon_mrgreen::lol:

Link to comment
Share on other sites

  • 2 weeks later...
  • கருத்துக்கள உறுப்பினர்கள்

டெனிஸ் பாடலை பிரதியெடுத்து கே சி... துரை தனது மகனின் கண்டுபிடிப்பு என தம்பட்டம் அடித்துகொள்ளவதால் விரைவில் சட்டசிக்கலுக்கு உட்ப்படுத்தப்படபோறார்.

டெனிஸ் பாடல் : http://www.youtube.com/watch?v=CbfGg9o9J9w

சி.. துரையின் படத்தில் உள்ள பாடல்.:

Link to comment
Share on other sites

Archived

This topic is now archived and is closed to further replies.


  • Tell a friend

    Love கருத்துக்களம்? Tell a friend!
  • Topics

  • Posts

    • புற்றுநோய் Patients- ஐ இலவசமாக பராமரிக்கும் இடம் | Eastern Cancer Care & Hospital  
    • இயற்கை அதிசயம் A68 மெகா பனிப்பாறை: நாள்தோறும் 150 கோடி டன் நன்னீரை கடலில் கலந்த ராட்சத பனிப்பாறை ஜோனதன் அமோஸ் அறிவியல் செய்தியாளர் 6 மணி நேரங்களுக்கு முன்னர்     படக்குறிப்பு, A68 பனிப்பாறை A68 என்கிற மிகப்பெரிய பனிப்பாறை உருகுவதால் அட்லாண்டிக் பெருங்கடலில் நாள் ஒன்றுக்கு 150 கோடி டன் தண்ணீர் கலந்தது. இதை ஒப்பிட்டுப் பார்க்க வேண்டுமானால், பிரிட்டனில் உள்ள மொத்த மக்கள் தொகையும் ஒரு நாளில் பயன்படுத்தும் நீரைப் போல 150 மடங்கு அதிக தண்ணீர் ஒரே நாளில் கடலில் கலந்தது. A68 உலகின் மிகப்பெரிய பனிப்பாறையாக, குறைந்த காலத்துக்கு இருந்தது. கடந்த 2017ஆம் ஆண்டு அண்டார்டிகாவில் இருந்து பிரிந்த போது கிட்டத்தட்ட 6,000 சதுர கிலோமீட்டர் பரப்பு கொண்டதாக இருந்தது. ஆனால் 2021ஆம் ஆண்டில் அத்தனை பெரிய பனிப்பாறை காணாமல் போய்விட்டது. ஒரு டிரில்லியன் டன் அளவிலான பனிப்பாறையை கரைந்துவிட்டது. தற்போது விஞ்ஞானிகள் மற்றும் ஆராய்ச்சியாளர்கள் A68 பனிப்பாறை சுற்றுச்சூழலில் ஏற்படுத்திய தாக்கத்தைக் குறித்து ஆராய்வதில் மும்முரமாக இருக்கின்றனர். A68 பனிப்பாறை அண்டார்டிகாவிலிருந்து பிரிந்து, தெற்கு பெருங்கடல் வழியாக வடக்கு நோக்கி பயணித்து, தெற்கு அட்லாண்டிக் கடலை வந்தடைந்தது. ஆப்பிள் நிறுவன 'ஏர்டேக்' சாதனம் நம்மை ரகசியமாக கண்காணிக்கிறதா? மனித மூளையுடன் இணையும் தொழில்நுட்பம் - இது ஆபத்தா? லீட்ஸ் பல்கலைக்கழகத்தைச் சேர்ந்த குழு ஒன்று, செயற்கைக் கோளின் தரவுகளைக் கொண்டு அப்பனிப்பாறை பயணித்த வழித்தடம் முழுக்க அதன் உருவம் எப்படியெல்லாம் மாறியது என்பதைக் கணக்கிட தேவையான தரவுகளை சேகரித்து வருகிறது. எனவே, கடந்த மூன்றரை ஆண்டுகளுக்கு மேலாக அப்பனிப்பாறையின் பயணத்தில், அது உருகும் விகிதம் எப்படி மாறுபட்டது என்பதை மதிப்பிட முடிந்தது. A68 பனிப்பாறை அதன் கடைசி காலத்தில், பிரிட்டிஷ் ஓவர்சீஸ் டெரிட்டரி ஆஃப் சவுத் ஜார்ஜியா என்கிற வெப்பமான பகுதிக்கு வந்தடைந்தது.     படக்குறிப்பு, A68 பனிப்பாறையின் பயணப் பாதை இந்த ராட்சத பனிப்பாறை ஆழம் குறைவான, லட்சக் கணக்கான பென்குயின்கள், கடல் சிங்கங்கள், திமிங்கலங்கள் வேட்டையாடும் பாதையில் சிக்கிக் கொள்ளுமோ என்றும் கொஞ்ச காலத்துக்கு ஓர் அச்சம் நிலவியது. ஆனால் அப்படி எதுவும் நடக்கவில்லை, காரணம் A68 பனிப்பாறை மிதப்பதற்குத் தேவையான ஆழத்தை இழந்தது. "A68 பனிப்பாறை கண்டத்தின் நிலபரப்பின் மீது மோதியது போலத் தான் தெரிகிறது. அப்போது தான் பனிப்பாறை திரும்பி, சிறு துண்டு உடைவதைக் கண்டோம். அது மட்டுமே A68 பனிப்பாறையை நிறுத்த போதுமானதாக இல்லை" என பிபிசியிடம் கூறினார் அந்த ஆய்வறிக்கையின் ஆசிரியர் மற்றும் லீட்ஸ் பல்கலைக்கழகத்தின் நெர்க் சென் டர் ஃபார் போலார் அப்சர்வேஷன் அண்ட் மாடலிங்கைச் சேர்ந்த அனே ப்ராக்மான் - ஃபோல்கன். ஏப்ரல் 2021 காலத்தில், A68 பனிப்பாறை, கண்காணிக்க முடியாத அளவுக்கு எண்ணற்ற சிறிய துண்டுகளாக உடைந்தது. ஆனால் அது சுற்றுச்சூழலின் மீது ஏற்படுத்திய தாக்கங்கள் மிக நீண்ட காலத்துக்கு இருக்கும். ஜெயின்ட் டேபுலர் அல்லது ஃப்ளாட் டாப் பனிப்பாறைகள் எந்த பகுதியில் சுற்றித் திரிந்தாலும் அது இருக்கும் பகுதியில் கணிசமான தாக்கத்தை ஏற்படுத்தியுள்ளது.   பட மூலாதாரம்,CPL PHIL DYE RAF/CROWN COPYRIGHT   படக்குறிப்பு, A68 பனிப்பாறை அப்பனிப்பாறைகள் வெளியிடும் நன்னீர், கடலின் நீரோட்டத்தை மாற்றும். மேலும் இரும்பு போன்ற தாதுப் பொருட்கள், நுண்ணுயிரிகள் கடலில் கலந்து உயிரி உருவாக்கத்தை ஏற்படுத்தும். A68 பனிப்பாறை பிளவுபட்டு காணாமல் போவதற்கு முன், பிரிட்டிஷ் அண்டார்டிக் சர்வேயால், அப்பனிப்பாறைக்கு அருகில் சில எந்திர கிளைடர்களை நிலைநிறுத்த முடிந்தது. இந்த கிளைடர்கள் உட்பட பல்வேறு சாதனங்களிலிருந்து கிடைத்த தரவுகளை இதுவரை முழுமையாக பகுப்பாய்வு செய்யப்படவில்லை என்றாலும், சில ஆர்வத்தைக் தூண்டக் கூடிய விஷயங்களை வெளிப்படுத்துவதாக உயிரியல் கடல் ஆய்வு நிபுணர் பேராசிரியர் ஜெரைன்ட் டார்லிங் கூறினார். "A68 பனிப்பாறையைச் சுற்றியுள்ள பைட்டோபிளாங்க்டன் இனங்களின் தாவரங்களில் மாற்றம் ஏற்படுவதை வெளிப்படுத்தும் வகையில் மற்றும் கடலின் ஆழமான பகுதிகளில் தாதுப் பொருட்களின் படிமானங்கள் தொடர்பாக வலுவான சமிக்ஞைகள் இருப்பதாக நாங்கள் கருதுகிறோம். கிளைடரில் உள்ள சிறு துகள்களைக் கண்டறியும் சென்சார், பனிப்பாறையிலிருந்து படிமானங்கள் தொடர்பாக வலுவான சமிக்ஞைகள் கண்டுணர்ந்துள்ளது." என்று அவர் பிபிசி செய்தியிடம் கூறினார். A68 பனிப்பாறையின் மாறும் வடிவம் மற்றும் வெப்பத்தால் உருகி கடலில் நன்னீர் கலப்பது தொடர்பான விவரங்கள், 'ரிமோட் சென்சிங் ஆஃப் என்விரான்மென்ட்' என்கிற சஞ்சிகையில் பிரசுரமாகியுள்ளது. https://www.bbc.com/tamil/science-60098350
    • யுக்ரைன் பதற்றம்: அமெரிக்காவின் 'மரண' ஆயுதங்கள், ரஷ்யாவின் ஒரு லட்சம் வீரர்கள் - எல்லையில் அதிகரிக்கும் பதற்றம் 3 மணி நேரங்களுக்கு முன்னர்   பட மூலாதாரம்,GETTY IMAGES யுக்ரைனின் எல்லையில், ரஷ்யா ஒரு லட்சம் வீரர்களைக் குவித்திருக்கும் நிலையில், அமெரிக்கா அங்கு ஆயுதங்களை அனுப்பியிருக்கிறது. பிரிட்டன் தனது வீரர்களை அனுப்பத் திட்டமிட்டிருக்கிறது. இதனால் அங்கு பதற்றம் அதிகரித்திருக்கிறது. இந்த நிலையில், ரஷ்யாவுக்கு ஆதரவானவரை யுக்ரைனின் அதிபராக நியமிக்க விளாதிமிர் புதின் திட்டமிட்டிருப்பதாக பிரிட்டன் குற்றம்சாட்டியுள்ளது. முன்னெப்போதும் இல்லாத வகையில், யுக்ரைன் எம்.பி. யெவென் முரயேவ் என்பவரது பெயரைக் குறிப்பிட்டு, அவரை நாட்டின் அதிபராக்க ரஷ்யா முயல்வதாக பிரிட்டன் வெளியுறவுத் துறை கூறியிருக்கிறது. ரஷ்யா 100,000 துருப்புக்களை யுக்ரைனுடனான தனது எல்லைக்கு அருகில் குவித்துள்ளது. ஆயினும் யுக்ரைன் மீது படையெடுக்கப் போவதாக வெளியாகும் தகவல்களை மறுத்துள்ளது. ரஷ்யா யுக்ரைனுக்குள் ஊடுருவினால் கடுமையான விளைவுகளைச் சந்திக்க நேரிடும் என பிரிட்டன் அமைச்சர்கள் எச்சரித்துள்ளனர். சோவியத் ஒன்றியம் வீழ்ந்த போது பொருளாதார நெருக்கடியால் தான் டாக்சி ஓட்டியதை நினைவுகூர்ந்த புதின் மோதி - புதின் சந்திப்பு: இந்திய, ரஷ்ய உறவை அமெரிக்கா, சீனா விரும்பவில்லையா? "இன்று வெளியாகியிருக்கும் தகவல்கள் யுக்ரைனைத் தகர்ப்பதற்கு ரஷ்ய எடுத்துவரும் நடவடிக்கையின் அளவை வெளிச்சம் போட்டுக் காட்டுகின்றன." என்று பிரிட்டன் வெளியுறவு அமைச்சர் லிஸ் ட்ரஸ் கூறினார்: "ரஷ்யா பதற்றத்தைத் தணிக்க வேண்டும். ஆக்கிரமிப்பையும் தவறான தகவல் கொண்ட பரப்புரையையும் முடிவுக்கு கொண்டு வர வேண்டும். ராஜீயப் பாதையை தொடர வேண்டும்" "பிரிட்டனும், கூட்டாளிகளும் மீண்டும் மீண்டும் கூறி வருவது போல், யுக்ரைனில் ரஷ்ய ராணுவ ஊடுருவல் என்பது கடுமையான சேதத்தை ஏற்படுத்தும் ஒரு பெரிய மூலோபாய தவறாக இருக்கும்." 2014 ஆம் ஆண்டு கிரிமியாவை தன்னுடன் இணைத்துக் கொண்ட போது யுக்ரைனின் பகுதியை ரஷ்யா கைப்பற்றியது. 2022 ஆம் ஆண்டின் தொடக்கத்தில் ரஷ்யப் படைகள் எல்லையில் குவிக்கப்பட்ட நிலையில், மற்றொரு படையெடுப்பு அல்லது ஊடுருவல் நிகழலாம் என்று மேற்கத்திய, யுக்ரைனிய உளவு அமைப்புகள் கூறுகின்றன. ஆனால் எந்தத் தாக்குதலுக்கும் திட்டமிடவில்லை என்று ரஷ்யா மறுத்துள்ளது. பிரிட்டன் வெளியுறவு அமைச்சகம் "தவறான தகவல்களைப் பரப்புகிறது" என்றும், " ஆத்திரமூட்டும் நடவடிக்கைகளை நிறுத்தவும்" தனது ட்விட்டர் பக்கத்தில் ரஷ்ய வெளியுறவு அமைச்சகம் வலியுறுத்தியது. ஊடக அதிபரான முராயேவ் 2019 தேர்தலில் அவரது கட்சி 5% வாக்குகளைப் பெறத் தவறியதால், அவருக்கு யுக்ரைன் நாடாளுமன்றத்தில் இடம் கிடைக்கவில்லை. பிரிட்டன் வெளியுறவு அமைச்சகம் "குழப்பத்தில் இருப்பதாக தெரிகிறது" என்று அவர் அப்சர்வர் செய்தித்தாளிடம் கூறியுள்ளார். "இது தர்க்கத்துக்கு ஒவ்வாதது. நான் ரஷ்யாவில் தடை செய்யப்பட்டுள்ளேன். அங்குள்ள எனது தந்தையின் நிறுவனத்தில் இருந்து பணம் பறிமுதல் செய்யப்பட்டுள்ளது" என்று முராயேவ் கூறினார். ரஷ்ய உளவு அமைப்புகளுடன் தொடர்புகளைப் பேணி வருவதாகக் வேறு நான்கு யுக்ரைனிய அரசியல்வாதிகளையும் பிரிட்டன் வெளியுறவு அலுவலகம் குறிப்பிட்டுள்ளது. 2014 இல் பதவியில் இருந்து அகற்றப்பட்ட ரஷ்ய ஆதரவு அதிபர் விக்டர் யானுகோவிச்சின் கீழ் பிரதமராக பணியாற்றிய மைகோலா அசாரோவும் அவர்களில் அடங்குவர். அஸரோவ் பின்னர் ரஷ்யாவுக்குத் தப்பிச் சென்றார், அங்கு அவர் நாடுகடந்த ஒரு பொம்மை அரசாங்கமாக பரவலாக அறியப்பட்ட ஒன்றை நிறுவினார். யுக்ரைனிய தேசிய பாதுகாப்பு மற்றும் பாதுகாப்பு கவுன்சிலின் முன்னாள் துணைத் தலைவரான வோலோடிமிர் சிவ்கோவிச் என்பவரின் பெயரையும் பிரிட்டன் வெளியுறவு அமைச்சகம் கூறியிருக்கிறது. ரஷ்ய உளவுத்துறையுடன் தொடர்பு இருப்பதாகக் கூறி அவருக்கு அமெரிக்கா தடைகளை விதித்திருக்கிறது.   பட மூலாதாரம்,EPA   படக்குறிப்பு, எல்லையில் யுக்ரைன் அதிபர் வோலோதிமிர் ஜெலென்ஸ்கி யானுகோவிச்சின் ஆட்சியில் துணைப் பிரதமர்களாகப் பணியாற்றி செரி அர்புஸோவ், அன்ட்ரி க்ளுயேவ் ஆகியோரின் பெயர்களையும் பிரிட்டன் வெளியுறவு அமைச்சகம் கூறியுள்ளது. சனிக்கிழமையன்று யுக்ரைனில் பதற்றத்தைக் குறைக்க ரஷ்யாவின் வெளியுறவு அமைச்சரும் அவரது அமெரிக்க வெளியுறவு அமைச்சரும் பேச்சுக்களை நடத்திய சில மணி நேரங்களுக்குப் பிறகு, அமெரிக்கவின் "மரண உதவி" சனிக்கிழமை கீவ் வந்தடைந்தது. முன்கள வீரர்களுக்கான வெடிமருந்துகள் உள்ளிட்டவை இந்தத் தொகுப்பில் அடங்கும். 2015 ஆம் ஆண்டிலிருந்து டஜன் கணக்கான பிரிட்டிஷ் துருப்புக்கள் யுக்ரைனில் பயிற்சிக்காக தங்கியுள்ளன. 2014-இல் ரஷ்யா கிரைமியா மீது படையெடுத்ததைத் தொடர்ந்து உக்ரைனின் கடற்படையை மீண்டும் கட்டியெழுப்ப உதவ பிரிட்டனும் உறுதியளித்துள்ளது. இந்த வார தொடக்கத்தில், ஆயுதங்கள் மற்றும் கூடுதல் துருப்புக்களை யுக்ரைனுக்கு அனுப்புவதாகவும் அறிவித்தது. பிரிட்டன், அமெரிக்கா மற்றும் ரஷ்யாவுடன் எல்லையைப் பகிர்ந்து கொள்ளும் பல முன்னாள் சோவியத் ஒன்றிய நாடுகள் தங்களில் ஒருவருக்கு எதிராகத் தாக்குதல் நடத்தப்படுவது அனைவருக்கும் எதிரான தாக்குதலாகக் கருதுகின்றன. புதினுக்கு என்ன வேண்டும்? ஐரோப்பாவில் கிழக்கை நோக்கி நேட்டோ விரிவடையாது என்று 1990ல் அளித்த உத்தரவாதத்தை அமெரிக்கா மீறிவிட்டது என்று ரஷ்யாவின் அதிபர் புதின் நீண்ட காலமாகக் கூறி வருகிறார். "அவர்கள் எங்களை ஏமாற்றிவிட்டார்கள்!" என்று கடந்த மாதம் நடந்த செய்தியாளர் சந்திப்பில் அவர் கூறினார்.   பட மூலாதாரம்,RUSSIAN DEFENCE MINISTRY ஆனால் அப்போதைய சோவியத் தலைவரான மைக்கேல் கோர்பச்சேவுக்கு சரியாக என்ன வாக்குறுதி அளிக்கப்பட்டது என்பதில் பல்வேறு மாறுபட்ட விளக்கங்கள் தரப்படுகின்றன. அப்போதிருந்து, சோவியத் ஒன்றியத்தைச் சேர்ந்த, கிழக்கு ஐரோப்பிய நாடுகள் நேட்டோவில் இணைந்துள்ளன. அவற்றில் போலந்து, லிதுவேனியா, லாட்வியா மற்றும் எஸ்டோனியா ஆகியவை ரஷ்யாவுடன் எல்லைகளைக் கொண்டுள்ளன. இந்த விரிவாக்கம் மற்றும் அதன் எல்லைகளுக்கு அருகே நேட்டோ துருப்புக்கள் மற்றும் ராணுவ உபகரணங்கள் இருப்பது அதன் பாதுகாப்புக்கு நேரடி அச்சுறுத்தல் என்று ரஷ்யா வாதிடுகிறது. 2014 ஆம் ஆண்டு யுக்ரைனியர்கள் தங்கள் ரஷ்ய சார்பு அதிபரை பதவியில் இருந்து அகற்றியபோது, தெற்கு உக்ரைனில் உள்ள கிரைமியா தீபகற்பத்தை ரஷ்யா கைப்பற்றியது. அப்போதிருந்து, யுக்ரைனின் ராணுவம் ரஷ்யாவின் எல்லைகளுக்கு அருகிலுள்ள கிழக்குப் பகுதிகளில் ரஷ்ய ஆதரவு கிளர்ச்சியாளர்களுடன் போரில் ஈடுபட்டுள்ளது. https://www.bbc.com/tamil/global-60100576
    • கிரிப்டோ பற்றிய உங்களதும் கோசானினது புரிதல் சிறப்பானது, ஆனால் எனக்கு கிரிப்டோ பற்றிய புரிதல் பூச்சியம், நீங்கள் கிரிப்டோவில் தற்போது முதலிடுவது ஏன் வாய்ப்பானது என கூறுகிறீர்கள், விலை குறைவாக இருப்பதாலா? அல்லது விலை இதற்கு மேல் குறையாது என நினைக்கிறீர்களா, அதற்கு ஏதாவது காரணம் உண்டா? (Fundamental, Technical or Market sentiment) எனது கிரிப்டோ தொடர்பான கருத்து வெறும் Technical analysis அடிப்படையில் கூறப்படுவதுதான். அதுவும் எனது Technical analysis அறிவு அடிப்படை அறிவு மட்டுமே, அதனால் அதில்  பல தவறுகள் இருக்கலாம். நான் மேலே கூறியது போல விலை இறங்காமல் இருப்பதற்கு சாத்திய கூறுகள் அதிகம். Fundamental அறிவு பூச்சியம் என்றே சொல்லலாம், கிரிப்டோ மட்டுமல்ல அனைத்து சந்தைகளிலும் எனது Fundamental அறிவு பூச்சியம். ஆனால் எனது முதலீட்டினை Fundamental analysis அடிப்படையிலேயே ஆரம்பித்தேன். நான் முன்பு ஒரு மருத்துவ நிறுவனத்தில் வேலை செய்தேன், அந்த நிறுவனம் மிக பெரிய பன்னாட்டு நிறுவனம், அந்த நிறுவனம் அவுஸ்திரேலியாவில் உள்ள ஒரு சிறிய மருத்துவ நிறுவனம் ஆராய்சி நிலையில் ஒரு தொழில்னுட்பத்தை கண்டுபிடித்திருந்த, (VAST Platform) தொழில்னுட்பத்தை 240 மில்லியனுக்கு வாங்கியிருந்தார்கள். மேலதிக ஆராய்சிகான செலவை எமது நிறுவனம் ஏற்றுக்கொண்டதுடன்  அந்த தொழில்னுட்பத்தில் எமது நிறுவனம் தயாரிக்கும் மருந்தில் வரும் வருமானத்தில் ஒரு பகுதியை வழங்க ஒத்து கொண்டது. இது நிகழ்ந்தது 2013 இல் அந்த தொழில்னுட்பத்தினடிப்படையில் மருந்து தயாரிப்பு 2020 அளவில் ஏற்படும் என கூறினார்கள். இந்த ஒப்பந்தம் கைசாத்தாகிய 3ஆம் நாள் அந்த சிறிய நிறுவனத்தின் பங்கினை எனது கையிருப்பில் இருந்த பெரும் பகுதியான பணத்தில் 0.41 சத விலை படி வாங்கினேன். விலை தொடர்ச்சியாக இறங்க ஆரம்பித்தது, எனக்கு விளங்கவில்லை  ஒரு சிறிய நிறுவனம் பெரிய நிறுவனத்துடன் ஒப்பந்தம் கைசாத்திட்டுள்ளது விலை ஏற வேண்டும் அதற்கு பதிலாக ஏன் இறங்குகிறது? ஆனால் ஒன்று மட்டும் புரிந்தது அந்த நிறுவனம் ஒரு தங்க முட்டையிடும் வாத்து ஏதோ ஒரு தற்காலிக காரணமாக விலை இறங்குகிறது, எனவே மிகுதியிருந்த காசில் 0.35 விலை படி இன்னுமொரு தொகுதி பங்குகள் வாங்கினேன்.( Beginners mistake) ஒரு மாதத்திற்குள்ளாக கிட்டத்தட்ட அரைவாசி விலையை நெருங்குவது போல இருந்தது. மே மாதமளவில் அந்த பங்கு முழுவதையும் சந்தை விலைப்படி விற்றேன் 0.28 படி அதுதான் அப்போது ஆகக்குறைந்த விலை. எனது திட்டம் விலை மேலும் குறைந்த பின் அதை திருப்பி வாங்குவது, அத்துடன் அந்த இழப்பினை வரியில் தள்ளுபடி செய்யலாம் (ஆனால் அவ்வாறு வரி சலுகை பெற முடியாது என்பதை பிறகு அறிந்து கொண்டேன்). நான் விற்ற 6 மாதத்திற்குள்ளாக  கிட்டத்தட்ட 0.80 மேல் விலை சென்றது ஆனால் அதனை என்னால் திருப்பி வாங்க முடியவில்லை ஏனென்றால் நான் விற்ற 0.28 தான் மிக குறைந்த விலை. சிறிது காலத்தின் பின் அந்த சிறிய நிறுவனத்தின் பங்கு விலை வீழ்ச்சியடைந்து, இறுதியில் காணாமல் போய்விட்டது. பல முதலீட்டாளருக்கு கை கொடுக்கும் Fundamental analysis எப்போதும் எனக்கு மட்டும் காலை வாரிவிடுகிறது. பங்கு சந்தை பற்றிய எந்த அறிவுமில்லாத காலத்தில் வாங்கிய பங்கு, பின் அதனை அவசரப்பட்டு நட்டத்திற்கே விற்றதை நினைக்க மனவருத்தமாகவிருந்தது, ஆனால் இப்போது அதனை நினைத்து பார்க்கும் போது  அந்த வர்த்தகத்தில் நான் செய்த ஒரே சரியான விடயம் அந்த பங்குகளை தெரிந்தோ தெரியாமலோ விற்றதுதான், ஏனென்றால் விலை ஏன் இறங்குகிறது என தெரியவில்லை, அதற்குமேலும் அந்த பங்குகளை வைத்திருந்து ஒரு வேளை அதற்கு மேலும் விலை இறங்கி, விலை ஏறாமலே அந்த பங்கு காணாமல் போயிருந்தால் முழு பணத்தினையும் இழந்திருப்பேன்.   
    • ஹஸ்பர்_ சிங்களம், தமிழ் மொழி பாட கற்கை நெறிகளை பூர்த்தி  செய்தவர்களுக்கான சான்றிதழ் வழங்கும் நிகழ்வு இடம் பெற்றது.   இலங்கை தேசிய சமாதானப்பேரவையின் ஒருங்கிணைப்புடன் சேர்விங் கியூமனிட்டி பௌன்டேசன் மூலமாக ஏற்பாடு செய்த 90 மணித்தியாலய சிங்கள மற்றும் தமிழ் பாடநெறிகளை பூர்த்தி செய்தவர்களுக்கே இச் சான்றிதழ் திருகோணமலையில் உள்ள தனியார் ஹோட்டல் ஒன்றில் இன்று (22) இடம் பெற்றது. "நல்லிணக்கத்திற்கான மொழி" எனும் தொனிப்பொருளில் இடம் பெற்ற இப்பாடநெறியானது சமூக நல்லிணக்கத்தை மேம்படுத்தும் நோக்கில் இரண்டாம் மொழி சிங்களத்தை மேம்படுத்தும் நோக்கிலும் அரச ஊழியர்கள்,சிவில் சமூக செயற்பாட்டாளர்கள்,சர்வமத தலைவர்கள் ஆகியோர்களுக்காக நடாத்தப்பட்ட இப்பாடநெறியானது திருகோணமலை,அக்குறனை,பேருவளை ஆகிய பிரதேசங்களை சேர்ந்தவர்களுக்காக தமிழ் சிங்கள ஆகிய மொழியில் நடாத்தப்பட்டது. இப்பாடநெறிகளை முழுமையாக பூர்த்தி செய்த 53 நபர்களுக்கு இதன் போது சான்றிதழ்கள் வழங்கி வைக்கப்பட்டன.  திருகோணமலை நகர சபை முன்றலில் இருந்து பிரதான வீதி ஊடாக சமாதான நடை பவணியும் இடம் பெற்றது.  சிங்களம் தமிழ் போன்ற மொழிகள் அரச கரும மொழிகளாக காணப்படுகிறது இவ்வாறான மொழிகளை ஒருவருக்கொருவர் சிங்கள தமிழ் சகோதரர்கள் கற்றிருப்பது அவசியமாக கருதப்படுவதுடன் அரச சேவைக்கு இவ்வாறான மொழிகளை கற்றிருப்பதும் சேவைகள் வழங்குவதில் சிரமங்கள் இன்றி திறம்பட செயற்பட முடியும் என எதிர்பார்க்கப்படுகிறது. இக் கற்கை நெறியானது தேசிய மொழிகள் சமத்துவ மேம்பாட்டுச் செயற் திட்டம் ஊடாக அமுல்படுத்தப்பட்டு வருகின்றமை குறிப்பிடத்தக்கது.  குறித்த இவ் நிகழ்வில் பிரதம அதிதியாக திருகோணமலை மாவட்ட மேலதிக அரசாங்க அதிபர் ஜே.எஸ்.அருள்ராஜ் கலந்து கொண்டு சான்றிதழ்களை வழங்கி வைத்தார். மேலும் குறித்த நிகழ்வுக்கு இலங்கை தேசிய சமாதானப் பேரவையின் தலைவர் கலாநிதி ஜோ வில்லியம்,நிறைவேற்றுப் பணிப்பாளர் கலாநிதி ஜெகான் பெரேரா,உதவி முகாமையாளர் என்.விஜயகாந்தன் மற்றும் திருகோணமலை பட்டினமும் சூழலும் பிரதேச செயலக உதவி பிரதேச செயலாளர் சத்யப் பிரியா ,சேர்விங் கியூமனிட்டி பௌன்டேசன் நிறுவனத்தின் திட்ட ஒருங்கிணைப்பாளர் ஏ.எம்.ஆசிக்,சர்வமத தலைவர்கள், பாடநெறி பங்குபற்றுனர்கள் என பலரும் கலந்து கொண்டனர்.   Hasfar A Haleem BSW (Hons) Journalist https://www.madawalaenews.com/2022/01/blog-post_305.html
×
×
  • Create New...

Important Information

By using this site, you agree to our Terms of Use.