Jump to content
  • advertisement_alt
  • advertisement_alt
  • advertisement_alt

யோகக் கலை


Recommended Posts

  • கருத்துக்கள உறவுகள்

இனிய நண்பர்களே !!

இந்தத் திரியில், நோய்தீர்க்கும் அரிய யோகாசனங்கள் பற்றி இலகு தமிழில் என் அனுபவங்களையும் சேர்த்து எழுதலாம் என நினைக்கிறேன். யோகாசனங்கள் பயிலுவதற்கு வயது ஒரு தடையல்ல. இளையோர் முதல் முதியோர் வரை வீட்டில் தாங்களாகவே பயில முடியும்.

உடலையும் உள்ளத்தையும் அழகாக வைத்திருக்க பெரிதும் உதவுவது யோகாசனம். இந்நாளில், இது ஒரு நாகரீக, பணம் செய்யும் ஒரு கலையாக மேற்குலகத்தில் கருதப்பட்டாலும் கூட, ஆன்மீக முன்னேற்றத்திற்காக யோகிகளும் சித்தர்களும் கீழைத்தேயத்தில் இக்கலையை பயன்படுத்தினர்.

இருந்தபோதிலும், நோயற்ற வாழ்வை கருத்தில் கொண்டு நாமிதை பயிலலாம்.

Link to post
Share on other sites
  • கருத்துக்கள உறுப்பினர்கள்

ம் சொல்லுங்கோ கேட்பம், எனக்கும் வயசு போகுது உதுகளை செய்தாவது இளமையாக இருப்பம் :)

Link to post
Share on other sites
  • கருத்துக்கள உறவுகள்

இந்தத் திரியில், நோய்தீர்க்கும் அரிய யோகாசனங்கள் பற்றி இலகு தமிழில் என் அனுபவங்களையும் சேர்த்து எழுதலாம் என நினைக்கிறேன். யோகாசனங்கள் பயிலுவதற்கு வயது ஒரு தடையல்ல. இளையோர் முதல் முதியோர் வரை வீட்டில் தாங்களாகவே பயில முடியும்.

நல்ல முயற்சி தொடருங்கள்... காத்திருக்கிறோம்...

நன்றி

Link to post
Share on other sites
  • கருத்துக்கள உறவுகள்

நான் தினசரி யோகாசனம் செய்பவன்.நல்ல முயற்சி ஈழத்திருமகன் :)

Link to post
Share on other sites
  • கருத்துக்கள உறவுகள்

மிகவும் நல்லது நண்பர்களே. உங்கள் ஆர்வம் மெச்சத்தக்கது. :)

இந்த பதிவை எழுத உதவியாக அமைந்த நூல்கள்:

1. யோகி சுந்தரம், "சுந்தர யோக சிகிச்சை", The Yoga Publishing House, Bangalore, 1957.

2. சிதானந்த யோகி, "சிதானந்த யோக உடற்பயிற்சி", Vasthiyan Press, Jaffna, 1970.

3. Yogi Ramacharaka, "Science of Breath", L.N.Fowler & Co. Ltd, London, 1903.

Link to post
Share on other sites
  • கருத்துக்கள உறவுகள்

அறிமுகம்.

பொதுவாகவே "யோகம்" எனப்படுவது "அட்டாங்க யோகம்" ஆகும். யோகாசனம் எனப்படுவது "ஹடயோகம்". எமது உடலில் நோய்களை எதிர்க்கும் மருந்துப் பெட்டகங்கள் இருக்கின்றன. இவை நாளமில்லாத சுரப்பிகள் என்றும் அறியப்படும். உடலை வளைத்தும் முறுக்கியும் இந்த குழலற்ற சதைக்கோளங்களில் இருந்து ரசத்தை பிழிய வைப்பதுதான் ஹடயோகம். பிழியப்படும் இந்த ரசங்கள், உடலை நோய்கள் அண்டவிடாது பாதுகாப்பன.

யோகாசனம் பயில்வதால் எலும்புக் கூடுகள், தசைநார்கள், சமிபாட்டு கருவிகள், சுவாசக் கருவிகள், மூளை, நரம்புத் தொகுதி, இருதயம், நாடி நாளங்கள், கழிவகற்றும் கருவிகள், இனப் பெருக்கக் கருவிகள் அனைத்தும் புத்துணர்வு பெற்று தத்தம் இயக்கங்களை சரிவரச் செய்யும். மூச்சுப் பயிற்சி (ப்ராணாயாமம்) உடலில் உள்ள உயிர்வாயு (பிராணவாயு) அளவை மிக அதிகமாக உயர்த்துகிறது. நரம்புகளை இயக்குவது பொறிகள். பொறிகளை இயக்குவது மனம். மனதை இயக்குவது புத்தி. உடலையும் மனதையும் இணைப்பது உயிர் (பிராணன்). பிராண சக்தியை வளர்த்தால் மனம் தூய்மையடையும். உடல் தெய்வப் பொலிவு பெறும்.

பிராணாயாமமும் குண்டலினி பற்றியும் பிறகு பார்க்கலாம்.

Link to post
Share on other sites
  • கருத்துக்கள உறுப்பினர்கள்

ம்ம்..ஈழதிருமுருகன்..ன் மாமா..மா..!!.. :wub:

வடிவா காட்டி தாங்கோ நானும் செய்து பார்க்கிறன்..ன்..ஆனா என்ன எனக்கு பொறுமை கொஞ்சம் கொறைய கூட நேரம் எல்லாம் ஒரு இடத்தில இருந்து என்னால செய்ய ஏலாது..து.. :(

ஏன் எண்டா நான் ஒரு இடத்தில இருந்தாலும்..ம்..மனசு பல இடங்களிள நிற்குது அது தான் எண்ட பிரச்சினை இதுக்கு ஏதாச்சும் தீர்வு இருந்தா சொல்லுறியளோ..ளோ..!! :)

அப்ப நான் வரட்டா!!

Link to post
Share on other sites
  • கருத்துக்கள உறவுகள்

ஆவலுடன் இத்திரியை படிக்கு காத்திருக்கின்றேன்.

தொடர்ந்து எழுதுங்கள்...

Link to post
Share on other sites
  • கருத்துக்கள உறவுகள்

பொது விதி

யோகாசனம் பயிலும் போது சில கட்டுப்பாடுகள் விதிக்கப்படுகின்றன. கடுகு, காரம், புகைத்தல், மது, கோப்பி, தேனீர் விலக்க வேண்டும். (பிராணாயாமம் செய்பவர்கள் கட்டாயம் இதை கடைப்பிடிக்க வேண்டும். ஏனென்றால், பிராணாயாமம் செய்யும் போது உடலில் மிகவும் அதிகமாக சூடு ஏறுவதை காணலாம். தினமும் தலைக்கு குளிப்பதும், பால், இளநீர், தேசிக்காய் சாறு என்பன பருகுதல் மிக்க பயன் தரும்)

அதிகாலையில் எழுந்து, காலைக்கடன்களை முடித்தபின்பு 10 மிடறு தண்ணீர் அருந்தியபின் ஆசனம் பயில்வது சாலச் சிறந்தது. சுத்தமான தரையில் தடித்த படுக்கை விரிப்பை (bed sheet) விரித்து அதன்மேல் இருந்து பயிற்சி செய்யலாம்.

பிற்பகலில் ஆசனம் செய்ய விரும்புவோர் மதிய உணவருந்தி குறைந்தது 5மணி நேரத்தின் பின் பயிற்சிகளை தொடங்கலாம். அல்லதுபோனால், உடலை வளைத்து முருக்கும்போது குடலில் நோவு அல்லது வெடிப்பு உண்டாகலாம்.

18 வயதிற்கு குறைந்தவர்கள் தலைகீழ் ஆசனம் செய்யக் கூடாது. பெரியவர்கள் எடுத்த எடுப்பில் சிரசாசனம் செய்யக்கூடாது. குறைந்தது 1மாதமாவது மற்றைய ஆசனக்களை செய்துதான் சிரசாசனம் செய்ய வேண்டும்.

இரத்தக் கொதிப்பு உள்ளவர்கள் (High BP) ஒரு யோகியின் ஆலோசனைப்படி பயில்வது நல்லது.

பெண்கள் வயிற்றில் நோவு உள்ள காலப் பகுதியில் ஆசனங்கள் செய்யக்கூடாது.

Link to post
Share on other sites
  • கருத்துக்கள உறவுகள்

யோகாசனம் பயிலும் போது சில கட்டுப்பாடுகள் விதிக்கப்படுகின்றன. கடுகு, காரம், புகைத்தல், மது, கோப்பி, தேனீர் விலக்க வேண்டும். (

இதில் கடுகு, காரம் எடுக்காமல் இருப்பது தான் கஸ்டம்..

எங்கள் சமையலில் கடுகும் உறைப்பும் இருக்குமே :)

Link to post
Share on other sites
  • கருத்துக்கள உறவுகள்

பிராணாயாமம்

உருத்தரித்த நாடியில் ஒடுங்குகின்ற வாயுவை

கருத்தினால் இருத்தியே கபாலமேற்ற வல்லீரேல்

விருத்தரும் பாலராவர், மேனியும் சிவந்திடும்

அருட்டரித்த நாதர்பாதம் அம்மைபாதம் உண்மையே !!

ஓடி ஓடி ஓடி ஓடி உட்கலந்த ஜோதியை

நாடி நாடி நாடி நாடி நாட்களும் கழிந்துபோய்

வாடி வாடி வாடி வாடி மாண்டுபோன மானிடர்

கோடி கோடி கோடி கோடி எண்ணிறந்த கோடியே. !!

ம்.. :)

எமது சுவாசம் சரியாக அமைந்தாலே பல நோய்கள் அண்டாது. சுவாசம் எப்பொழுதும் ஒன்றில் இடது நாசித்துவாரம் வழியே அல்லது வலது நாசித் துவாரம் வழியே நடைபெறுவதை அவதானித்திருப்பீர்கள்.

பிராணாயாமம் இந்த ஒழுங்கை சீர்படுத்துகிறது. இதில் பூரகம் (சுவாசத்தினை உள்ளிழுப்பது), ரோசகம் ( சுவாசத்தை வெளிவிடுவது), கும்பகம் (சுவாசத்தை உள்ளே அடக்கி வைப்பது) என மூன்று படிமுறைகள் இருக்கின்றன. ஒரு முழுச் சுற்றில் (complete cycle of pranayaama) இந்த மூன்று படிநிலைகளுக்கும் குறிப்பிட்ட கால அளவுகள் இருக்கின்றன (இதைப்பற்றி விரிவாக இறுதியில் எழுதுகிறேன்). ஆசனங்கள் செய்து உடல் உறுதிபெறும்வரை "சாதாரண பிராணாயாமம்" செய்வது நல்லது. ஆசனம் பயில முடியாதவர்கள் கூட இதைப் பயிலலாம்.

உங்கள் முதுகெலும்பு நேராக இருக்கும் வண்ணம் அமர்ந்து கொள்ளுங்கள். வலதுகை கட்டைவிரலை வலது நாசியை பக்கவாட்டால் அமத்திய படியும், மோதிர விரல் இடது நாசியை பக்கவாட்டால் அமத்திய படியும் இருக்குமாறு வைத்துக் கொள்ளுங்கள். இப்பொழுது கட்டைவிரலை சிறிது விலக்கி, வலது நாசியினால் மெதுவாக சுவாசத்தை உள்ளிழுங்கள். அவசரப்படாமல், எவ்வளவு முடியுமோ அவ்வளவு (steady stream ஆக) உள்ளெழுங்கள். அப்படியே கட்டை விரலால் வலது நாசியை மூடி, சிறிது நேரம் சுவாசத்தை வெளிவிடாது உள்ளேயே வைத்திருக்கவும். இதில் கால அளவுகள் பற்றி கவலைப்பட வேண்டாம். உங்களால் முடிந்தளவு முயற்சிக்கவும். பின், மோதிர விரலை உயர்த்தி மிக நிதானமாக இடது நாசியின் வழியே சுவாசத்தை வெளிவிடவும். மீண்டும் இடது நாசியால் இழுத்து, உள்ளடக்கி, வலது நாசியால் வெளிவிடவும். இது ஒருமுறை (one cycle) எனப்படும். ஆரம்ப காலத்தில் தினமும் 10 முறை செய்யலாம்.

பலன்கள்:

சுவாசப்பையும் இரத்தமும் சுத்திகரிக்கப் படுகின்றன. குழலற்ற கோளங்கள் வீரியம் பெறுகின்றன. பீனிசம், கசம், அஸ்மா போன்ற நோய்கள் வராது தடுக்கும். முகம் அழகுபெறும். விந்து இறுக்கமடையும். மலட்டுத்தன்மை விலகும். ஞாபகசக்தி அதிகரிக்கும். அறிவு வளரும். மனவடக்கம் உண்டாகும்.

குறிப்பு:

1. காற்றோட்டமுள்ள இடத்தில் அமர்ந்து இதனை பழக வேண்டும். தாவர உணவு நன்மை தரும். இல்லற வாழ்க்கைக்கு மிகவும் முக்கியமானது பிராணாயாமம்.

2. உடலில் பிசுபிசுவென வியர்வை அரும்பினாலோ அல்லது வெப்பம் ஏறினாலோ பயப்பட வேண்டாம்.

Link to post
Share on other sites
  • கருத்துக்கள உறவுகள்

உங்கள் முதுகெலும்பு நேராக இருக்கும் வண்ணம் அமர்ந்து கொள்ளுங்கள். வலதுகை கட்டைவிரலை வலது நாசியை பக்கவாட்டால் அமத்திய படியும், மோதிர விரல் இடது நாசியை பக்கவாட்டால் அமத்திய படியும் இருக்குமாறு வைத்துக் கொள்ளுங்கள்.

இது எனக்கு கொஞ்சம் புரியவில்லை..யாராவது விளங்கப்படுத்துவீர்களா?

Link to post
Share on other sites
  • கருத்துக்கள உறவுகள்

இதில் கடுகு, காரம் எடுக்காமல் இருப்பது தான் கஸ்டம்..

எங்கள் சமையலில் கடுகும் உறைப்பும் இருக்குமே :)

ஆமாம். இவை எங்கள் சமையலில் அதிகம்தான். சிறிது சிறிதாக குறைத்தால் நல்லது. ஒருசில வழிகளில் முன்னேற வேண்டுமாயின் சில விடயங்களை கைவிட்டுத்தான் ஆகவேண்டி இருக்கிறது. :wub:

ஆரோக்கியமானவர்கள் உடல் வனப்பை பெற யோகாசனத்தை பயில்வார்கள். அப்படியானவர்கள் இவற்றை முற்றாக நீக்கத்தேவையில்லை என நினைக்கிறேன். ஆனால், நோய்தீர்வதற்காக ஆசனங்கள் பழகுபவர்கள் இதை கண்டிப்பாக விடவேண்டும்.

Link to post
Share on other sites
  • கருத்துக்கள உறவுகள்

ஆமாம். இவை எங்கள் சமையலில் அதிகம்தான். சிறிது சிறிதாக குறைத்தால் நல்லது. ஒருசில வழிகளில் முன்னேற வேண்டுமாயின் சில விடயங்களை கைவிட்டுத்தான் ஆகவேண்டி இருக்கிறது. :wub:

ஆரோக்கியமானவர்கள் உடல் வனப்பை பெற யோகாசனத்தை பயில்வார்கள். அப்படியானவர்கள் இவற்றை முற்றாக நீக்கத்தேவையில்லை என நினைக்கிறேன். ஆனால், நோய்தீர்வதற்காக ஆசனங்கள் பழகுபவர்கள் இதை கண்டிப்பாக விடவேண்டும்.

பதிலுக்கு மிக்க நன்றி..:)

Link to post
Share on other sites
  • கருத்துக்கள உறவுகள்

1. வச்சிராசனம்

பழகுவதற்கு மிகவும் இலகுவானது. விரிப்பில் இருந்து கால்களை பின்னால் மடக்கி, பிருஷ்ட பக்கமாக இடுப்புக்கு கீழ் பகுதியில் இருக்க வேண்டும். (அதாவது, நீங்கள் குதிக்கால் மேலே பார்க்கும் வண்ணம் காலை மடக்கி இரண்டு உள்ளங்கால் மேலும் உங்கள் பிருஷ்ட்ட பாகம் அமையும்வண்ணம் இருப்பீர்கள்). கைகளை நீட்டி முழங்கால் மேல் வைக்கவும். முதுகுத்தண்டு தரைக்குச் செங்குத்தாக இருக்குமாறு பார்த்துக்கொள்ளவும்.

வச்சிராசனத்தில் இருந்தவாறே பிராணாயாமமும் செய்யலாம்.

இந்த ஆசனம் அனேக நன்மைகளை தரவல்லது. பசியை உண்டுபண்ணும், அஜீரணம் இருக்காது, குதிவாதம் மற்றும் முழங்கால் வாதம் என்பன வரவிடாது தடுக்கும்.

2 தொடக்கம் 4 நிமிடங்கள் வரை இருக்கலாம்.

Link to post
Share on other sites
  • கருத்துக்கள உறவுகள்

2. பத்மாசனம்

உடல் பருத்தவர்கள் இதை பழகச் சிரமப்பட்டாலும் விடாமுயற்சி பலனளிக்கும். விரிப்பின் மேல் கால்களிரண்டையும் நீட்டி அமர்ந்து கொள்ளுங்கள். முதலில் வலது காலை மடக்கி இடது தொடையின்மேல் (குதிக்கால் வயிற்றில் முட்டும்படி) வைக்கவும். பின் இடது காலை மடக்கி வலது தொடையின் மேல் வைத்து நிமிர்ந்து கம்பீரமாக இருக்கவும். கண்களை மூடி நெற்றி புருவ மத்தியில் உங்கள் கவனத்தை செலுத்தவும். மூச்சை உள்ளிழுக்கும் போது "ஸோ" என்றும் வெளிவிடும்போது "ஹம்" என்றும் மனதில் உச்சரிக்க வேண்டும். 5 முதல் 10 நிமிடம் வரை இருக்கலாம்.

பயன்:

சுவாசப்பையை நேராக வைக்கிறது. அதிகளவு பிராணவாயுவை உள்ளிழுக்க உதவுகிறது.முதுகு எலும்பும் அதனுடன் சேர்ந்த தசை, நரம்புகள் வலுப்பெறுகின்றன. நல்ல ஞாபக சக்தியை அளிக்கிறது. சுழுமுனை நாடியை வலுவடைய செய்கிறது. பெருந்தொடைகளை கரைக்கின்றது.

Link to post
Share on other sites
  • கருத்துக்கள உறவுகள்

3. சித்தாசனம்

வலதுகாலை மடக்கி அதன் குதிப்பகுதி மூலத்திற்கும் மர்மஸ்தானத்திற்கும் இடையில் (கருவாயின் கீழ் இரண்டங்குலம், எருவாயின் மேல் இரண்டங்குலம் என இந்த இடத்தை திருமூலர் குறிப்பிடுவார்) இடித்து வைக்கவும். இப்பொழுது இடது காலை மடக்கி அதன் மேற்பாதம் வலது குதியின்மேல் இருக்குமாறு உடலை நிமிர்த்தி அமர்ந்து கொள்ளவும். சிந்தனையை சிதறவிடாமல் அமர்ந்திருக்கவும்.

பயன்:

இல்லறத்திற்கும், பிரம்மச்சாரியத்திற்கும் நன்மை அளிக்கிறது. விந்து இறுக்கமடையும் (அத்துடன் தன் இஷ்ட்டத்துக்கு வெளியேறுவதையும் குறைக்கும்) . ஆன்ம முன்னேற்றம் காணலாம்.

குறிப்பு:

1. இந்த ஆசனம் seminal energy யை உடலில் கலக்கச் செய்கிறது. எந்நேரமும் உற்சாகமாக இருக்கலாம். ( மனக் கட்டுப்பாடற்றவர்கள் தீய வழியில் செல்லவும் இடமுண்டு).

2. இல்லறத்தில் இருப்பவர்கள் 2 நிமிடத்துக்கு மேல் இந்த ஆசனத்தில் இருக்க வேண்டாம்.

3. யோகிகளும் சந்நியாசிகளும் முதலில் பழகுவது இந்த ஆசனமே.

Link to post
Share on other sites
  • கருத்துக்கள உறவுகள்

ஆசனங்களை படங்களுடன் விளக்கின் கூடிய பயனுள்ளதாக இருக்கும்..! :unsure:

Link to post
Share on other sites
  • 4 weeks later...
  • கருத்துக்கள உறுப்பினர்கள்

யோகாசனத்தை ஆசானுடன் பழகுவதே சிறந்தது. யோகாசனம் எமது உள்ளுறுப்புக்களைப் பலப்படுத்ததச் செய்யும் ஆசனங்களாகும். அதோடு, பல ஆசனங்கள் மிகவும் கடினமானவை. அவற்றை நாம் சிறிதளவேனும் தவறாகச் செய்தாலும் பின்விளைவுகள் வருவதற்கு வாய்ப்புகள் அதிகம். அதுமட்டுமின்றி, ஆசனங்கள் செய்யும்போது, நாம் எமது மூச்சைக் கட்டுப்படுத்தல், மற்ற உறுப்புக்களை உரிய முறையில் வைத்திருத்தல் எனப் பல சின்னச் சின்ன விடயங்கள் உண்டு. நாம் ஆசனங்கள் செய்யும்போது, அவற்றையும் சரியாகச் செய்தால்தான் ஆசனத்தின் பலன் கிட்டும். முதலில், ஓரிரு மாதங்களாவது ஆசானுடன் யோகாசனத்தைப் பழகிவிட்டு அதன்பின்னர் செய்வதே சிறந்தது.

பல வருடங்களாக, நானும் புத்தங்களை வைத்தும், ஜிம்களில் நடத்தப்படும் யோகாசன வகுப்புகளுக்குப் போயும் யோகாசனம் செய்தேன். ஆனால், நான் எதிர்பார்த்த பலனோ திருப்தியோ கிடைக்கவில்லை. அதன்பின்னர், ஓர் தமிழ் ஆசானிடம் சென்று பழகினேன். அங்குதான் மூச்சைக் கட்டுப்படுத்தல், ஒவ்வொரு ஆசனம் செய்யும்போதும், எவ்வாறான மூச்சுப் பயிற்சியைச் செய்யவேண்டும், எந்த ஆசனங்களை எவ்வளவு காலத்திற்குப் பின்னர் செய்யவேண்டுமெனப் பல தகவல்களை அறிந்தேன். சில ஆசனங்களை நாம் எடுத்த எடுப்பிலேயே செய்ய முடியாது. மற்ற ஆசனங்களின் பயிற்சிகளின் பின்னரே நாம் அதனைச் செய்யவேண்டும். எனது அனுபவத்தின்படி, ஆசான் மூலம் பயிலும்போதுதான் எமக்கு முழுப்பலனும் கிடைக்கும்.

Link to post
Share on other sites
  • 1 year later...
  • கருத்துக்கள உறவுகள்

நீண்ட காலத்திற்கு பிறகுஇ இந்த தொடரை நண்பர்கள் விரும்பி கேட்டதற்காக தொடர்ந்து எழுதவுள்ளேன். யாராவது பயன் பெற்றால் நல்லது.

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • ரஞ்சன் அருண் பிரசாத் பிபிசி தமிழுக்காக இலங்கையில் கொரோனா தொற்று மீண்டும் வேகமாக பரவி வருகின்ற பின்னணியில், பல்வேறு தரப்பினரும் இந்த தொற்றினால் பாதிக்கப்பட்டு வருகின்றனர். இலங்கையில் முதலாவது கொரோனா அலை ஏற்பட்ட சந்தர்ப்பத்தில் கடற்படை மற்றும் கந்தகாடு மறுவாழ்வு நிலையத்திலுள்ளவர்கள் மற்றும் அவர்கள் சார்ந்தவர்களே பாதிக்கப்பட்டிருந்தனர். எனினும், இந்த முறை ஆடைத் தொழிற்சாலையை சேர்ந்தவர்கள் முதலில் பாதிக்கப்பட்ட நிலையில், பின்னரான காலத்தில் மீன் விற்பனையாளர்கள், போலீஸார், ஊடகவியலாளர்கள் என பலரும் பாதிக்கப்பட்டுள்ளதை காண முடிகின்றது. மினுவங்கொட ஆடைத் தொழிற்சாலையில் ஏற்பட்ட கோவிட் கொத்தணி, பின்னர் பேலியகொட மீன் சந்தையில் பரவியிருந்தது. இந்த நிலையில், மினுவங்கொட மற்றும் பேலியகொட கோவிட் கொத்தணிகளின் ஊடாக இதுவரை சுமார் 6000திற்கும் அதிகமானோர் பாதிக்கப்பட்டுள்ளதாக கோவிட்-19 ஒழிப்பிற்கான தேசிய செயற்பாட்டு மையம் தெரிவிக்கின்றது. இந்த தொற்றின் பின்னர், நாட்டு மக்கள் மீன்களை கொள்வனவு செய்வதில் அச்சப்படுவதை காண முடிகின்றது. பேலியகொட மீன் சந்தையிலிருந்தே நாடு முழுவதும் மீன்கள் அனுப்பி வைக்கப்படுகின்றன. பட மூலாதாரம், Prasad Purnamal இந்த நிலையில், நாட்டில் பெரும்பாலான பகுதிகளில் மீன் விற்பனையாளர்களுக்கு கோவிட் தொற்று ஏற்பட்டமை அண்மை காலமாக உறுதிப்படுத்தப்பட்டு வருகின்றது. கடற்றொழிலாளர்கள் மற்றும் மீனவர்கள் மத்தியில் கொவிட் தொற்று பரவி வருகின்றமையினால், நாட்டு மக்கள் மீன்களை கொள்வனவு செய்வதை பெருமளவு நிறுத்திக் கொண்டுள்ளனர். இந்த நிலையில், இன்று மீனவர்கள் முழுமையாக பாதிக்கப்பட்டுள்ளதை காண முடிகின்றது. கோவிட்-19 தொற்று மிக வேகமாக பரவி வருகின்ற பின்னணியில், மீனவ கிராமமான சிலாபம் - வெல்ல பகுதியிலுள்ள வர்ணகுலசூரிய இனோகா டிஷானியை பிபிசி சந்தித்து விடயங்களை ஆராய்ந்தது. 'எனக்கு மூன்று பெண் பிள்ளைகள் இருக்கின்றனர். எனது கணவர் கடற்றொழிலில்; ஈடுபடுகின்றார். அவர் கொண்டு வரும் மீன்களை நான் விற்பனை செய்வேன். அதன் மூலமே எமது வாழ்க்கையை கொண்டு செல்கின்றோம். இந்த கொரோனா பிரச்சினை காரணமாக எமக்கு வாழ முடியவில்லை. மீன்களை சாப்பிட, மக்கள் அச்சப்படுகின்றனர். இன்று 4 கிலோ மீன்களை கூட விற்பனை செய்ய முடியவில்லை பேலியகொட மீன் சந்தையிலுள்ள மீனவர்களுக்கு மத்தியில் பரவிய கோவிட்-19 தொற்றினால், அது இன்று முழு மீனவ சமூகத்தையே பாதிப்புக்குட்படுத்தியுள்ளது. கோவிட் பரவலை அடுத்து, பேலியகொட மீன் சந்தை மூடப்பட்டுள்ளதுடன், நாட்டின் முக்கியமான பல மீனவ துறைமுகங்களும் மூடப்பட்டுள்ளமையினால், மீனவர்கள் இன்று பாரிய பொருளாதார மற்றும் சமூக பிரச்சனைகளை எதிர்நோக்கி வருகின்றனர். அரசாங்கத்திற்கு உரிய வேலைத்திட்டம் கிடையாது நாட்டிலுள்ள அனைத்து மீன்களையும் அரசாங்கம் கொள்வனவு செய்யும் என கடற்றொழில் இராஜாங்க அமைச்சர் ஊடகங்களுக்கு முன்பாக கூறிய போதிலும், அதற்கான உரிய வேலைத்திட்டமொன்று இதுவரை முன்னெடுக்கப்படவில்லை என மீனவரான நிஹால் பெர்ணான்டோ தெரிவிக்கின்றார். பட மூலாதாரம், Prasad Purnamal   படக்குறிப்பு, நிஹால் பெர்ணான்டோ, மீனவர் லட்சக்கணக்கான கிலோகிராம் மீன்கள் பிடிக்கப்பட்டுள்ளதாகவும், அவற்றை விரைவில் அரசாங்கம் கொள்வனவு செய்ய நடவடிக்கை எடுக்கவேண்டும் எனவும் அவர் குறிப்பிடுகின்றார். இந்த பிரச்சனையினால் கடற்றொழிலாளர்கள் மாத்திரமன்றி, மீன் விற்பனையாளர்களும் பெரிதும் பாதிக்கப்பட்டுள்ளதாக அவர் கூறுகின்றார். மீனவ சங்கத்தின் பதில் மீனவர்கள் தற்போது பாரிய நெருக்கடிகளை சந்தித்து வருகின்றமையினால், அரசாங்கம் தலையீடு செய்து உரிய நிவாரணத்தை பெற்றுக்கொடுக்க நடவடிக்கை எடுக்க வேண்டும் என சிலாபம் கிராமிய மீனவ மாவட்ட அமைப்பின் செயலாளர் அன்டன் சுரேஷ் தெரிவிக்கின்றார். பட மூலாதாரம், Prasad Purnamal   படக்குறிப்பு, அன்டன் சுரேஷ் - சிலாபம் கிராமிய மீனவ மாவட்ட அமைப்பின் செயலாளர் மீன்களை உட்கொள்வது இந்த சந்தர்ப்பத்தில் பொருத்தமற்றது என நாட்டு மக்கள் மத்தியில் எண்ணமொன்று ஏற்பட்டுள்ளதாக அவர் கூறுகின்றார். இவ்வாறு மக்கள் மத்தியில் ஏற்பட்டுள்ள எண்ணத்திற்கான பொறுப்பை அரசாங்கம் ஏற்க வேண்டும் என அவர் கேட்டுக்கொண்டுள்ளார். அரசாங்கம் இந்த விடயம் தொடர்பில் உரிய கருத்தொன்றை வெளியிடாதுள்ளதாகவும், சுகாதார பிரிவினர் வெவ்வேறு கருத்துக்களை வெளியிட்டு வருவதாகவும் அவர் குறிப்பிடுகின்றார். இவ்வாறான பின்னணியில் மக்கள் சந்தேகத்துடனேயே வாழ்ந்து வருவதாக அவர் கூறுகின்றார். அதனால், அரசாங்கம் உறுதியான பதிலொன்றை வழங்க முன்வர வேண்டும் என சிலாபம் கிராமிய மீனவ மாவட்ட அமைப்பின் செயலாளர் என்டன் சுரேஷ் கேட்டுக்கொண்டுள்ளார். சர்வதேச கடற்றொழில் சம்மேளனத்தின் இலங்கை பிரதிநிதியும், தேசிய கடற்றொழில் ஒத்துழைப்பு அமைப்பின் ஏற்பாட்டாளருமான ஹர்மன் குமாருடன், இந்த விடயம் தொடர்பில் கருத்து வெளியிட்டார். நாட்டிலுள்ள மீனவர்கள் பிடித்துள்ள மீன்களை காலம் தாமதிக்காது, அரசாங்கம் கொள்வனவு செய்து, அவற்றை பழுதடையாத வகையில் களஞ்சிப்படுத்த நடவடிக்கை எடுக்க வேண்டும் என அவர் கேட்டுக்கொண்டுள்ளார். அதனைத் தொடர்ந்து, எதிர்காலத்தில் மீன்களுக்கு என்ன செய்ய வேண்டும் என்பது தொடர்பில் அரசாங்கம் ஒரு நிலைப்பாட்டை எட்ட வேண்டும் என அவர் குறிப்பிடுகின்றார். அதாவது, கடலுக்கு சென்றுள்ள பல நாள் மீன்பிடி படகுகள், மீண்டும் கரைக்கு வரும் போது, அவர்களினால் பிடிக்கப்பட்ட மீன்களுக்கு என்ன செய்ய வேண்டும் என்ற தீர்மானத்தையும் அரசாங்கம் எடுக்க வேண்டும் என அவர் கேட்டுக்கொண்டுள்ளார். மீன்களின் ஊடாக கொரோனா பரவுமா? இல்லையா? என்பது தொடர்பிலான விஞ்ஞானபூர்வமான நிலைப்பாட்டை சுகாதார பிரிவினர் வெளியிட வேண்டும் என அவர் கூறுகின்றார். பட மூலாதாரம், Prasad Purnamal 20 லட்சம் பேரின் வாழ்வாதாரம்? கடற்றொழில் மற்றும் நீரியல்வள திணைக்களத்தின் உத்தியோகப்பூர்வ இணையத்தளத்தின் பிரகாரம், இலங்கையில் சுமார் 20 லட்சம் பேர் கடற்றொழிலை நேரடியாகவோ அல்லது மறைமுகமாகவோ நம்பி வாழ்ந்து வருகின்றார். அத்துடன், கடற்றொழில் மற்றும் நீரியல்வள திணைக்களத்தின் 2018ஆம் ஆண்டு செயலணி அறிக்கையின் படி, அந்த ஆண்டின் மொத்த மீன் உற்பத்தி 527,060 மெட்ரிக் டன் ஆக காணப்படுகின்றது. 2019ஆம் ஆண்டு இலங்கை மத்திய வங்கியின் அறிக்கையின் பிரகாரம், கடற்றொழில் துறையின் ஊடாக நாட்டின் தலா தேசிய உற்பத்திக்கு 1.1 வீதம் பங்களிப்பு செய்யப்பட்டுள்ளது. அத்துடன், 2018ஆம் ஆண்டு 1.2 வீதம் கடற்றொழிலினால் தலா தேசிய உற்பத்திக்கு பங்களிப்பு செய்யப்பட்டுள்ளது. பொது சுகாதார பரிசோதகர்கள் சங்கத்தின் பதில் மீனவர்களுக்கு மத்தியல் மூன்று விதத்தில் இந்த வைரஸ் தொற்று பரவுவதற்கான அபாயம் ஏற்கனவே காணப்பட்டதாக பொது சுகாதார பரிசோதகர்கள் சங்கத்தின் தலைவர் உபுல் ரோஹன தெரிவிக்கின்றார். இந்தியாவில் கொரோனா தொற்று அதிகளவில் காணப்பட்ட நிலையில், இந்திய மீனவர்களின் ஊடாக நாட்டிற்குள் கொரோனா தொற்று பரவுவதற்கான அபாயம் ஏற்கனவே காணப்பட்டதாக அவர் கூறுகின்றார். அத்துடன், வைரஸ் நாட்டிற்குள் பரவி, அது வேகமாக பரவுவதற்கான அபாயமும் ஏற்கனவே காணப்பட்டதாக அவர் குறிப்பிடுகின்றார். மூன்றாவதாக, மீனவர்களுக்கு மத்தியில் இந்த வைரஸ் தாக்கம் அதிகளவில் ஏற்படுவதற்கான வாய்ப்பும் காணப்பட்டதாக அவர் தெரிவிக்கின்றார். மீனவர்களுக்கு மத்தியில் கொவிட் தொற்று பரவுகின்றமையினால், மீன்களை கொள்வனவு செய்ய பொதுமக்கள் மறுப்பு தெரிவித்து வருவதாக அவர் கூறுகின்றார். மீன்களின் ஊடாக கொரோனா வைரஸ் பரவும் என விஞ்ஞான ரீதியில் இதுவரை எங்கும் உறுதிப்பட தெரிவிக்கவில்லை என அவர் நினைவூப்படுத்தியுள்ளார். பட மூலாதாரம், Prasad Purnamal அரசாங்கத்தின் பதில் மீன்பிடி துறைமுகங்களின் பிடித்து சேமிக்கப்பட்டுள்ள மீன்களை கொள்வனவு செய்ய அரசாங்கம் நடவடிக்கை எடுக்கும் என கடற்றொழில் இராஜாங்க அமைச்சர் காஞ்சன விஜேசேகர அண்மையில் தெரிவித்திருந்தார். மீன்களின் ஊடாக கோவிட் தொற்று பரவும் அபாயம் கிடையாது என அவர் குறிப்பிடுகின்றார். சுகாதார நடைமுறைகளை பின்பற்றி மீன்களை கொள்வனவு செய்து சாப்பிடுமாறும் அவர் பொதுமக்களிடம் கேட்டுக்கொள்கின்றார். இலங்கையில் கொரோனா வைரஸ் தாக்கம் அதிகரித்துள்ள நிலையில், மீனவ சமூகம் முழுமையாக பாதிக்கப்பட்டுள்ளதுடன், உள்நாட்டு தொழில்துறையாக கடற்றொழில் துறையும் பாதிக்கப்பட்டுள்ளதாக அவர் குறிப்பிடுகின்றார். இந்த நிலையில், உள்நாட்டு தொழில்துறையில் ஈடுபடும் கடற்றொழிலாளர்களை இந்த சந்தர்ப்பத்தில் கைவிட வேண்டாம் என அவர் கேட்டுக்கொண்டுள்ளார்https://www.bbc.com/tamil/sri-lanka-54747825
    • பிரதமரின் இந்து விவகார ஆலோசகர்களாக ஒரு இஸ்லாமியரையோ அல்லது தேரர் ஒருவரையோ நியமித்து இருக்க வேண்டும் என்கின்றீர்களா? அப்படி நியமித்து இருந்தால் எப்படியான கருத்துகள் உங்களிடம் இருந்து வந்திருக்கும் என நினைத்துப் பார்க்கின்றேன்....
    • செட்டிநாட்டு ஹோட்டல் ரசம்.....bigboss சுரேஷ் சக்கிரவர்த்தி ........செமையாய் இருக்கு .....!  👍 சும்மா சமைத்தோம் சாப்பிட்டோம் என்று போகக் கூடாது, எப்படி ரசித்து ருசித்து சாப்பிடவேண்டும் என்று சொல்பவர் நடிகர் பிரகாஷ்ராஜ். பிரியாணி சாப்பிட்டபின் காதலியின் முத்தத்தைக்கூட தவிர்த்து விடுவாராம். .......!    😂
    • வெளிவிவகார அமைச்சருக்கு பிரதமரை விட அதிகாரங்கள் கூட உள்ளனவா? 
    • தமிழர்களை ஏமாற்றுவதால் தான் வேறு நாட்டவர்களை தமிழர்கள் நாட வேண்டி உள்ளது.
×
×
  • Create New...

Important Information

By using this site, you agree to our Terms of Use.