Jump to content

வன்னியில் இருந்து ஒரு மடல்


Recommended Posts

  • கருத்துக்கள உறவுகள்

வன்னியில் இருந்து ஒரு மடல்

அன்புள்ள அப்பாவுக்கு

உங்கள் பாசத்துக்குரிய

பத்து வயது மகளின்

கண்ணீர் கடிதம் இது…

கனடாவில்

இப்ப என்ன நேரமெண்டு

எனக்குதெரியாதப்பா

ஆனால் எங்களுக்கு இப்ப

கெட்ட நேரந்தானப்பா…

இடிமுழக்கம் கேட்டதுண்டு

இப்படி வெடிமுழக்கம்

கேட்டதில்லையப்பா…

குண்டுச் சத்தம்

காதைப் பிழக்கிறது அப்பா…

சமாதான காலத்தில்

உங்கள் பசுமையான

நினைவுகளைத் தந்தீர்கள் அப்பா

இனி நீங்கள் வரும்போது

நாங்கள்…

எங்கே…

எப்படி..இருப்போமா...

அல்லது…

நெஞ்சு கனக்கிறது அப்பா…

பள்ளிக்கூடமெல்லாம்

சனத்திரளால்

நிரம்பி வழிகிறது.

காலைக்கடன் கழிக்கக்கூட

இடமில்லையப்பா…

நடந்து நடந்து என்

பிஞ்சுக்கால்கள்

மரத்துவிட்டன அப்பா.

அடுத்த அடி எங்கு விழும்

அடுத்து நாங்கள்

எங்கு போவோம்

தெரியாது விழி

பிதுங்குகிறோமப்பா…

அப்பா நீங்கள்

முதல்முறை வந்தபோது

நட்ட தென்னைமரம்

குலை தள்ளியபோது

நாங்களும் நடைப்பிணமாக…

இனி இழப்பதற்கு

எதுவுமில்லை அப்பா….

மரத்தடியின்

தறப்பாளில்தான்

இப்ப எங்கள் வீடப்பா

அம்மாக்கு வந்த மலேரியா

இப்ப பரவாயில்லையப்பா

ஆஸ்பத்திரியிலை

மருந்தில்லை

போகவும் முடியலை

செல்லடி அகோரம்

ஆஸ்பத்திரியும் அகதியாகி

அரும்பொட்டு காணிக்குள்ள…

அப்பா நானிப்ப

பழஞ்சோறு சாப்பிடவும்

பழகிட்டனப்பா…

குப்பைக் கீரையும்

சோறும் சம்பலும்

நல்லாய்தான் இருக்கிறதப்பா

பசி வயித்தை குடையும்போது

ருசி தேவையில்லை தானேயப்பா…

அப்பா ஐ.நா என்டு

ஒரு அமைப்பிருக்காம்

உங்களுக்கு பக்கமெண்டால்

ஒருக்கால்

கதைச்சு பாருங்கோவன்

போன வெள்ளைக்காரனையும்

சிலுவைக் கொடியையும்

வன்னிக்கு அனுப்பச்சொல்லி

முடிஞ்சால் ஒரு

மனுக் குடுங்கோவன் அப்பா…

தவிச்சவாய்க்கு

தண்ணி குடுக்கிறதும்

பசிச்ச வயிறுக்கு

பழஞ்சோறாவது போடுறதும்

புண்ணியந்தானேயப்பா…

Link to comment
Share on other sites

  • கருத்துக்கள உறவுகள்

கண்களில் கண்ணீர் முட்டுகிறது . இது ஒரு மடல் இன்னும் எத்தனயோ ? லட்சமாக இருக்கலாம் . வாழ்கையின் மிக பெரிய துயரம் பிரிவு ..........காலம் தான் பதில் சொல்லவேண்டும் அது ஒரு சில வாரமாக ......... நாட்களாக......... இருக்க கூடாதா ?

Link to comment
Share on other sites

  • கருத்துக்கள உறவுகள்

அது ஒரு சில வாரமாக ......... நாட்களாக......... இருக்க கூடாதா ?

லட்சோப லட்சம் கோடானு கோடி மக்களின் இன்றைய ஆசையும இது தான்.

Link to comment
Share on other sites

வன்னியில் இருந்து ஒரு மடல்

அப்பா ஐ.நா என்டு

ஒரு அமைப்பிருக்காம்

உங்களுக்கு பக்கமெண்டால்

ஒருக்கால்

கதைச்சு பாருங்கோவன்

போன வெள்ளைக்காரனையும்

சிலுவைக் கொடியையும்

வன்னிக்கு அனுப்பச்சொல்லி

முடிஞ்சால் ஒரு

மனுக் குடுங்கோவன் அப்பா…

தவிச்சவாய்க்கு

தண்ணி குடுக்கிறதும்

பசிச்ச வயிறுக்கு

பழஞ்சோறாவது போடுறதும்

புண்ணியந்தானேயப்பா…

ஐ.நாவும் அமைதியாய்த்தான் எங்கள் அவலங்களைப்பார்த்துக் கொண்டிருக்கிறது. கதைக்க யாரும் வரார். அறிக்கையும் ஆக மிஞ்சிப்போனால் அவசரமாய் மகிந்துவைச் சந்திப்பினம். அதைவிட்டா வேறையெதுவும் செய்யாகினம்.

Link to comment
Share on other sites

  • கருத்துக்கள உறவுகள்

நிலாமதி, சாந்தி உங்கள் இருவரின் கருத்துக்களுக்கும் நன்றி.

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.