மார்ச் 16 சொல்லும் செய்தி என்ன?

[வல்வை லிங்கம்]

மhர்ச்16 சொல்லும் செய்தி என்ன?

வன்னி பெருநிலப்பரப்பை மையப்படுத்தி யுத்தம் அதாவது தமிழின சுத்திகரிப்பு ஆரம்பித்த காலத்தில் இருந்து நடைமுறைச்சாத்தியமான சில விடயங்களை வலியுறுத்தி வந்துள்ளேன்.

1. எங்களையே நம்பி போராடிவரும் எங்கள் தேசிய இயக்கத்திற்கு நாம் செய்துவரும் நன்றிக்கடன் இதுதானா?

http://www.yarl.com/forum3/index.php?showtopic=50550&hl=

2. இறுதியான தீர்வு தமிழீழம் தான்!

http://www.yarl.com/forum3/index.php?showtopic=52972&hl=

3. மார்ச் 16 சொல்லப்போகும் செய்தி என்ன?

http://www.yarl.com/forum3/index.php?showtopic=54095&hl=

போன்ற தலைப்புகளில், முக்கியமாக புலம்பெயர் நாடுகளில் எங்களால் மேற்கொள்ளப்பட்டுவரும் அறவழிப்போராட்டங்கள் பற்றியதாகவே எனது சிந்தனைகளை செலுத்தியிருந்தேன்.

அதன் தொடர்ச்சியாக அதாவது அந்த ஆக்கங்களில் நான் ஆதங்கப்பட்ட விடயங்கள் நிரூபனமாகியிருக்கும் இந்த சந்தர்ப்பத்தில் மார்ச்16 இல் புலம்பெயர் தமிழர்களினால் உலகரீதியாக ஒரே சந்தர்ப்பத்தில் மிகப்பெரும் வெற்றியாக நிகழ்த்தப்பட்ட மனித சங்கிலிப்போராட்டம் சொல்லும் விடயம் பற்றி உங்களுடன் பகிர்ந்துகொள்ள விரும்புகின்றேன்.

எங்களுக்காக, எங்களையே நம்பி போராடிவரும் விடுதலைப்புலிகளை புலம்பெயர் தமிழர்களாகிய நாங்கள் மறந்துவிட்டமோ என்ற ஒரு ஜயப்பாடு எனக்கு தோன்றியதாலும், எங்களால் மேற்கொண்டுவரும் அறவழிப்போராட்டங்களை தங்களுக்கு சாதகமாக எதிரி பயன்படுத்தும் சூழ்நிலை ஏற்பட்டதினாலும், முதலாவது ஆக்கத்தை ( எங்களையே நம்பி போராடிவரும் எங்கள் தேசிய இயக்கத்திற்கு நாம் செய்துவரும் நன்றிகடன் இதுதானா? ) பதிவு செய்திருந்தேன்.

இருப்பினும் மார்ச்16 இல் இடம்பெற்ற மாபெரும் சங்கிலிப்போராட்டம், எனது ஜயப்பாட்டை தவிடுபொடியாக்கிவிட்டது என்றே சொல்லவேண்டும்.

தமிழீழ விடுதலைப்போராட்ட வரலாற்றிலேயே இடம்பிடித்த இந்த மார்ச்16 சங்கிலிப்போராட்டமானது, இதுவரைகாலமும் இடம்பெற்ற அறவழிப்போராட்டத்தில் இருந்து வேறுபட்டு நிற்பதுமட்டுமன்றி, இந்த தினம் அதாவது மார்ச்16 சரித்திரத்திலும் இடம் பிடித்துள்ளது..

முக்கியமாக புலம்பெயர்ந்த நாடுகளில் அதிகமாகவும், செறிவாகவும் ஈழத்தமிழர்கள் வாழும் கனடாவில் (ரொறண்டோ) இடம்பெற்ற சங்கிலிப்போராட்டத்தை ஏற்பாடு செய்ததில் எல்லாத்தரப்பினரும் தங்களை பங்காளிகளாக இணைத்திருந்தது ஒரு வரலாற்று திருப்பமாக கருதலாம்.

அடுத்ததாக இந்த நிகழ்வில் அலை, அலையாக திரண்ட ஒரு இலட்சத்து இருபத்தைந்தாயிரத்திற்கு மேற்பட்ட மக்கள், கனடிய ஊடகங்களையே திகைக்க வைத்தது மட்டுமன்றி, அவர்களை மறந்து சில உண்மைகளையும் தெரிந்தோ, தெரியாமலோ பேசவும் வைத்துவிட்டது.

இந்த சங்கிலிப்போராட்டத்தில் மக்களால் முன்வைக்கப்பட்ட கோரிக்கைகளும், பாவிக்கப்பட்ட பதாதைகளும், தமிழீழத் தேசியக்கொடியும், முழக்கமிட்ட கோஷங்களும் தனிநாட்டுக்கான அங்கீகாரம் அல்லது தமிழீழப் பிரகடனத்திற்கான ஒரு அறிகுறியாகவே தோன்றுகின்றது.

இந்த நிகழ்வு சம்பந்தமாக, கனடிய சட்டத்திலும் சில சலசலப்புக்கள் ஏற்பட்டு இப்போது ஒரு தெளிவான முடிவுக்கும் வந்துள்ளார்கள் என்பதை பார்க்கும்போது, எந்த சட்டத்தையும் மக்கள் சக்த்தியால் இலகுவில் மாற்றிவிடலாம் என்பதை அனுபவரீதியாக காண்பித்துள்ளோம்.

சில காலங்களின் முன்பு தமிழர்களால் நடத்தப்பட்ட எந்த நிகழ்வானாலும் ஒரு சந்தேக கண்கானிப்புடன் பல நிபந்தனைகளுடனும் (தமிழீழத் தேசியக்கொடி பாவிக்க கூடாது என்பது உட்பட) அனுமதி வழங்கப்பட்டிருந்தது.

இதற்கு உதாரனமாக கடந்தாண்டு இடம்பெற்ற மாவீரர் தின நிகழ்வின் சில மனக்கசப்பான சம்பவங்களை எடுத்துக்கொள்ளலாம்.

இந்த சங்கிலிப்போராட்டத்தின் மூலம் எல்லாத்தரப்பினருக்கும் பலவிதமான செய்திகள் சொல்லப்பட்டுள்ளது.

முக்கியமாக தமிழர்களின் ஏகப்பிரதிநிதிகளான தமிழீழ விடுதலைப்புலிகள் உட்பட அனைத்து தரப்பினருக்கும் எங்களது உறுதியானதும், இறுதியானதுமான தீர்வு தமிழீழம் மட்டும்தான் என்பதை மீண்டுமொருமுறை உறுதிப்படுத்தப்பட்டுள்ளது.

தமிழீழ விடுதலைப்புலிகளை மக்களிடம் இருந்து தனிமைப்படுத்துவதிற்காக மேற்கொள்ளப்பட்ட முயற்சியும் இந்த சங்கிலிப்போராட்டத்தினால் முறியடிக்கப்பட்டதுமன்றி, அவர்களுக்கு ஒரு எச்சரிக்கையாகவும் இந்த சங்கிலிப்போராட்டம் அமைந்துள்ளது.

தளத்தில் அண்மைக்கால சமர்களின் மாற்றத்தை நோக்கும்போது, இந்த மனிதசங்கிலி போராட்டத்தின்மூலம் மக்களினால் அளிக்கப்பட்ட உறுதியின் வெளிப்பாடோ என்றும் எண்ணத்தோன்றுகின்றது.

ஆகவே களத்தில் மாற்றம் ஏற்படுத்துவதோ, உலக நாடுகளை தமிழீழம் சார்பாக திசை மாற்றுவதோ எல்லாமே ஒவ்வொரு தமிழனின் முயற்சியில்தான் தங்கியிருக்கின்றதே ஒழிய வேறொன்றுமில்லை.

முக்கியமாக புலம்பெயர்ந்த நாடுகளில் தமிழீழ விடுதலைப் புலிகளுக்கெதிராகவோ அல்லது தமிழீழத்திற்கெதிராகவோ எப்படியான சட்டங்கள் உருவாகினாலும், எந்தச்சந்தர்பத்திலும் தமிழீழம் என்ற சொல்லை பாவிப்பதிலிருந்தோ, தமிழீழ தேசியக்கொடியை பாவிப்பதிலிருந்தோ பின்வாங்கக்கூடாது என்பதில் நாம் எல்லோரும் உறுதியாக இருக்கவேண்டும் என்று கூறிக்கொண்டு தற்காலிகமாக விடை பெறுகின்றேன்.