தமிழர்களுக்கு (வணங்காமண்) நிவாரண பொருட்கள் கிடைக்க நடவடிக்கை: எஸ்.எம்.கிருஷ்ணா

[வசி_சுதா]

இலங்கை தமிழர்களுக்கு நிவாரண பொருட்கள் கிடைக்க நடவடிக்கை: எஸ்.எம்.கிருஷ்ணா

இலங்கை தமிழர்களுக்கு நிவாரண பொருட்கள் கிடைக்க நடவடிக்கை எடுக்கப்படும் என்று மத்திய வெளியுறவுத்துறை அமைச்சர் எஸ்.எம்.கிருஷ்ணா கூறியுள்ளார்.

இலங்கையில் நடந்த போரில் ஏராளமான தமிழர்கள் காயமடைந்ததுடன், முகாம்களில் உண்ண உணவின்றி தவிக்கின்றார்கள். அவர்களுக்கு உதவுவதற்காக ஐரோப்பா வாழ் தமிழர்கள் கேப்டன் அலி (வணங்காமண்) என்ற கப்பலில் 884 டன் உணவு, மருந்து மற்றும் உதவிப் பொருட்களை இலங்கைக்கு அனுப்பி வைத்தார்கள்.

ஆனால் இந்த கப்பலில் இருந்து உதவிப் பொருட்களை இறக்க அனுமதிக்காமல் இலங்கை அரசு திருப்பி அனுப்பியது. இந்த கப்பல் தற்போது இந்திய கடல் எல்லையில் முகாமிட்டிருக்கிறது.

இது தொடர்பாக மத்திய வெளியுறவுத்துறை அமைச்சர் எஸ்.எம்.கிருஷ்ணாவுக்கு, முதல்வர் கருணாநிதி ஒரு அவசர கடிதத்தை எழுதியிருக்கிறார். அதில் அவர் கூறியிருப்பதாவது:

பாதிப்புக்கு உள்ளான மக்கள் யாராக இருந்தாலும், அவர்கள் எங்கிருந்தாலும் அவர்களுக்கு உதவுவதற்காக சர்வதேச சமுதாயம் நிவாரண பொருட்களை அளிப்பது வழக்கம். சண்டையால் பாதிக்கப்பட்ட பகுதிகளுக்கு கூட இது போன்று உதவிப்பொருட்கள் அனுப்பப்படுகிறது.

எனவே மத்திய அரசு உடனடியாக இதில் தலையிட்டு அந்த கப்பலில் இருந்து நிவாரணப் பொருட்களை இறக்குவதற்கு அனுமதிக்குமாறு வலியுறுத்த வேண்டும்.

சர்வதேச செஞ்சிலுவை சங்கம் போன்ற அமைப்புகள் மூலம் இவற்றை பாதிக்கப்பட்ட மக்களுக்கு வழங்கவும் உரிய நடவடிக்கை எடுக்க வேண்டும் என்று கேட்டு கொள்கிறேன். இவ்வாறு முதல்வர் கருணாநிதி அந்த கடிதத்தில் எழுதியிருக்கிறார்.

இந்த கடிதத்தை அமைச்சர் பொன்முடி நேரடியாக எடுத்து சென்று அமைச்சர் எஸ்.எம்.கிருஷ்ணாவிடம் வழங்கினார். இதையடுத்து இலங்கை தமிழர்களுக்கு நிவாரண பொருட்கள் கிடைக்க நடவடிக்கை எடுக்கப்படும் என்று மத்திய வெளியுறவுத்துறை அமைச்சர் எஸ்.எம்.கிருஷ்ணா உறுதியளித்துள்ளார்.

http://www.nakkheeran.in/users/frmNews.aspx?N=10500

[Nellaiyan]

இந்தியா சரணம் கச்சாமி!! ........ வரவேற்போம் .....