தமிழ் வேட்பாளரை நிறுத்தும் திட்டத்தை கைவிட்டது தமிழ்த்தேசியக் கூட்டமைப்பு

[Mullaimainthan]

தமிழ் வேட்பாளரை நிறுத்தும் திட்டத்தை கைவிட்டது தமிழ்த்தேசியக் கூட்டமைப்பு

2009-12-11 05:47:52

வேட்பு மனுத் தாக்கலின் பின்னரே தேர்தல் நிலைப்பாடு முடிவு

எதிர்வரும் ஜனாதிபதித் தேர்தலில் தமிழர்கள் சார்பில் பொது வேட்பாளர் ஒருவரை நிறுத்தலாம் என்று யோசனை தெரிவிக்கப்பட்டுள்ளபோதிலும், அத்தகைய நடவடிக்கை எதையும் முன்னெடுப்பதில்லை எனத் தமிழ்த் தேசியக் கூட்டமைப்பு தீர்மானித்துவிட்டது. எனினும், நடைபெறவிருக்கும் ஜனாதிபதித் தேர்தலை ஒட்டி என்ன முடிவு எடுப்பது என்பது குறித்து பின்னர் கூடி ஆராய்வது என்றும் அது தீர்மானித்துள்ளது.

ஆனாலும், எதிர்வரும் 17 ஆம் திகதி வேட்புமனு தாக்கல் செய்யப்படுவதற்கு முன்னர் தமிழ்க் கூட்டமைப்பின் முழுமையான நாடாளுமன்றக் குழுவின் கூட்டம் நடைபெறுவதற்கு வாய்ப்புகள் இல்லை என்று கருதப்படுவதால், அதன் பின்னரே கூட்டமைப்பின் முடிவு தொடர்பான தீர்மானம் எட்டப்படும் எனத் தெரிவிக்கப்படுகின்றது.

தமிழ்த் தேசியக் கூட்டமைப்பின் பெரும்பாலான நாடாளுமன்ற உறுப்பினர்கள் கலந்துகொண்ட கூட்டம் ஒன்று கொழும்பில் நேற்றுமுன்தினம் இடம்பெற்றது. எதிர்வரும் 17 ஆம் திகதி தேர்தலுக்கான வேட்புமனு தாக்கல் செய்யும் தினம் என்பதால் அதற்கு முன்னர், பொதுவேட்பாளர் ஒருவரை நிறுத்துவது பற்றிய யோசனை குறித்துத் தீர்மானிக்கவேண்டும் எனக் கூட்டத்தில் சுட்டிக்காட்டப்பட்டது. இவ்விடயத்தின் சாதக, பாதகங்களை ஆராய்ந்த கூட்டமைப்பு எம்.பிக்கள் பொதுத் தமிழ் வேட்பாளர் ஒருவரை நிறுத்தும் திட்டத்தைக் கைவிடுவது என முடிவு செய்தனர். எனினும், இந்தத் தேர்தல் தொடர்பில் எவ்வாறு நடந்துகொள்வது என்பது குறித்துத் தமிழ் மக்களுக்கு என்ன ஆலோசனை வழங்குவது என்பதைப் பின்னர் கூடி முடிவுசெய்யவும் தீர்மானிக்கப்பட்டது.

இரு பிரதான வேட்பாளர்கள் சார்பிலும் முன்வைக்கப்படும் கருத்துகள், உறுதிமொழிகள் போன்றவற்றை உள்வாங்கி, அதன் பின்னர் அவர்களுள் ஒருவரை ஆதரிப்பது குறித்தோ அல்லது தேர்தலைப் பகிஷ்கரிப்பது குறித்தோ அல்லது பிரதான வேட்பாளர்கள் இருவர் தவிர்ந்த பிறிதொருவரை ஆதரிப்பது குறித்தோ முடிவு செய்யலாம் என்று கூட்டத்தில் கருத்துத் தெரிவிக்கப்பட்டது. இதேசமயம், ஆஸ்திரியாவின் வியன்னா நகரில் நடைபெறவிருக்கும் ஒரு கலந்துரையாடலில் பங்குபற்றுவதற்காகத் தமிழ்க் கூட்டமைப்பின் நாடாளுமன்றக் குழுத் தலைவர் இரா. சம்பந்தன் எம்.பி. மற்றும் சுரேஷ் பிரேமச்சந்திரன் எம்.பி. போன்றோர் வார இறுதியில் அங்கு செல்லவிருப்பதால் எதிர்வரும் 17 ஆம் திகதிக்கு வேட்புமனு தாக்கலாகும் தினத்துக்கு முன்னர் தமிழ்க் கூட்டமைப்பின் நாடாளுமன்றக் குழுவின் அடுத்த கூட்டம் நடைபெறுவதற்கு வாய்ப்புகள் இல்லை என்று கூறப்படுகின்றது. இந்த ஜனாதிபதித் தேர்தலில் போட்டியிடும இரு பிரதான வேட்பாளர்களுள் ஒருவரை ஆதரிக்கும்படி தமிழ்த் தேசியக் கூட்டமைப்பு கடைசிநேரத்தில் தமிழ்மக்களிடம் கோரிக்கை விடுக்கும் என எதிர்பார்க்கப்படுகின்றது

மூலம்- உதயன்

பின் குறிப்பு: பொருத்தமான தலைப்பிட்டது தவறல்ல. ஆனால் மூலத்தின் தலைப்பை குறிடாதது தவறு தான். இணையவன் யாழ் இணையத்தின் கட்டுபாடுகளுக்கேற்ப தனது சேவையை செய்துள்ளமைக்கு நன்றி

[புலவர்]

இந்த நேரத்தில் வெளிநாடு செல்லவிருப்பது உள்ளுர் நெருக்கடிகளைத் தவிர்ப்பதற்காகத்தான். அப்ப பாராளுமன்றத் தேர்தலிலும் ஒருதரும் நிற்காமல் சிங்களக் கட்சிகளில் ஏதேனும் ஒன்றிற்கு ஆதரவளிப்பது நல்லது. மக்கள் முடிவைச் சரியானபடி எடுப்பார்கள்.அட சரியான முடிவைத்தான் எடுக்கவில்லை.தமிழரின் சுயநிர்ணய உரிமையை தொடர்ந்து ஆதரித்து வரும் விக்கிரபாகு கருணாரத்தினாவை எல்லா வேட்பாளரையும் சந்தித்தோம் என்று சொல்வதற்காகவாவது சந்திக்கவில்லையே?அது சரி வெல்லுற குதிரையில தானே அவை காசு கட்டுவினம்.தலைவர் இல்லை? என்று எல்லோருக்கும் குளிர் விட்டுப் போய்ச்;சுது.

காலம்தான் பதில் சொல்ல வேண்டும்.