Jump to content

அவர்கள் உயிராயுதம் ஏந்தினார்கள்: விஜயகுமாரன்


Recommended Posts

mkumar.jpg

தமிழ் உணர்வாளன் முத்துக்குமார் உயிர் நீத்து ஒரு வருடம் முடிவடைகிறது. அவனின் தொடர்ச்சியாக தமிழகத்தில் பதினெட்டு உணர்வாளர்களும் ஜெனீவாவில் முருகதாஸும் இன்னுயிரத் தந்தாவது தமிழர்களையும் உலகத்தையும் விழித்தெழ வைத்து ஈழத் தமிழர்களைக் காப்பாற்றி விடவேண்டுமென்று தம்மை எரித்துக் கொண்டனர். வாழ்வு மகத்தானது; கொண்டாடப் படவேண்டியது; பாதியிலேயே தம் வாழ்வை முடித்துக் கொண்ட இச்சகோதரர்கள் தம்மிலும் மேலாக தம் சக மனிதர்களை நேசித்தவர்கள், வாழ்ந்து போராடியிருக்கலாம். ஆனால் தமிழினப் படுகொலையைத் தாங்க முடியாமல் மனம் சோர்ந்து ஒருவர் பின் ஒருவராக நம்மிடமிருந்து பிரிந்து சென்றார்கள்.

ஆயிரக்கணக்கான ஈழத் தமிழ் மக்களை கொலை செய்த ராஜிவ் காந்தியைப் புலிகள் கொலை செய்தனர் என்பதைச் சாட்டாக வைத்து, ஈழ விடுதலை பற்றியோ ஈழ மக்களது அவல வாழ்வு பற்றியோ யாரும் வாய் திறக்கக் கூடாது என்ற சர்வாதிகாரச் சூழல் நிலவிய காலத்தில், ஒரு சில இடதுசாரிகளும், தமிழ் தேசியர்களும் மட்டுமே தமிழகத்தில் போராடிக் கொண்டு இருந்தனர். அராஜகத்தின் இருள் வெளிகளைக் கிழித்துக் கொண்டு முத்துக்குமாரினது மரணச் செய்தி வந்தது. அவ்னது இறுதி அறிக்கை இந்திய மத்திய அரச போர் வெறியர்களையும், கருணாநிதி போன்ற தமிழையும் தமிழரையும் வைத்துப் பிழைப்பு நடத்தும் மக்கள் விரோதிகளையும், தமிழ்நாட்டு காங்கிரஸ் கயவர்களையும் அம்பலப்படுத்தி போர்முரசு கொட்டியது.

அவனது மரணம் தமிழ் மக்களின் மனதிலே தீயாய் பற்றிக் கொண்டது. அவனது உடல் வைக்கப்பட்ட வேளையிலும், இறுதி ஊர்வலத்தின் போதும் மக்கள் ஆயிரக் கணக்கில் கூடி அஞ்சலி செய்தனர். மக்களின் எழுச்சியைக் கண்டு பயந்த "மானாட" கலைஞர் தொலைக்காட்சி முதலாளி கருணாநிதி எழுச்சியின் முன்னணிப் படையாய் நின்ற மாணவரைத் தடுப்பதற்காக கல்லூரிகளை மூடினார். மாணவர்களை சென்னையில் தங்க இடமில்லாது தமது ஊர்களிற்கு திரும்பிப் போகச் செய்வதற்காக கல்லூரிகளை மூடிய கருணாநிதியை, மாணவர்கள் இறுதி ஊர்வலத்தில் கலந்து கொள்வதற்காக கல்லூரிகளை மூடியதாக புகழ்ந்து பண்பாடினார் நாடாளுமன்ற கூட்டணிக்காக காங்கிரசுடனும் திமுகவுடனும் தொங்கிக் கொண்டிருக்கும் திருமாவளவன்.

போர் என்றால் மக்கள் சாகத்தான் செய்வார்கள் என்று ஈழமக்களின் கொலைகளை நியாயப்படுத்திய ஊழல்நாயகி ஜெயலலிதாவுடன் கூட்டணி வைத்திருக்கும் வை. கோபாலசாமி தேர்தலிற்கு சிலமாதங்களே இருந்த நிலையிலும் கூட மகனின் மந்திரிப் பதவியை விடாமல், காங்கிரஸ் கொலையாளிகளுடன் கூட்டு வைத்துக் கொண்டு ஈழமக்களிற்காக போலிக் கண்ணீர் வடித்த ராமதாஸ் என வாக்குப் பொறுக்கிகள் எல்லோரும் முத்துக்குமாரது இறுதி நிகழ்வுகள் உடனடியாக நடத்தப்பட வேண்டும் என்று முடிவு செய்தனர். போராட்ட அமைப்புகளினதும், மாணவர்களினதும் கடும் எதிர்ப்பினால் இப்பிழைப்புவாதிகள் மீண்டும் ஒருமுறை அம்பலப்படுத்தப் பட்டனர்.

புலம்பெயர் நாடுகளில் புலியெதிர்ப்பு அரச ஆதரவுக் குழுக்கள் இணையத் தளங்களில் அவனது மரணத்தைக் கொச்சைப் படுத்தினர். காய்ச்சல் வந்து சாகலாம், கான்சர் வந்து சாகலாம் ஆனால் மக்களிற்காக சுண்டு விரலையும் அசைக்க மாட்டோம் என்ற கொள்கையில் உறுதியாக நிற்கும் இக்கொள்கை வீரர்கள் தற்கொலை செய்வது கோழைத்தனம் என்றனர். முத்துக்குமார் இளமையான தன் வாழ்வையே துச்சமென நினைத்து தன்னை எரியூட்டினான். ஆனால் மகிந்தாவே எம்மை காப்பாற்றும் என்று மன்றாடும் இப்பிழைப்பு வாதிகள் அவனது மரணத்திலும் தமது அரச விசுவாசத்தைக் காட்டினர்.

சில ஒற்றைப் பரிமாண வரட்டு இடதுசாரிகள், உணர்ச்சி வசப்பட்டு தற்கொலை செய்வது பிழையானது என்று விவாதம் பிளந்தனர். முத்துக்குமார் உணர்ச்சி வசப்படவில்லை; எரிந்து கொண்டிருக்கும் நிலையில் தனது வாழ்வின் கடைசித் தருணங்களில், மருத்துவர்களிடமும் காவல் துறையினரிடமும் அவன் தனது அறிக்கையைப் பற்றியே சொல்லிக் கொண்டிருந்தான். தனது உயிரைக் காப்பாற்றுங்கள் என்று அவன் கதறவில்லை. ஈழ மக்களின் உயிர்களைக் காப்பாற்றுங்கள் எனபதே அவனது வேண்டுகோளாக இருந்தது. வாழ்ந்து போராடுவது அல்லது போராட்டத்திற்கு வாழ்வைக் கொடுப்பது என்ற முடிவுகளில் ஒன்றையே அவன் தேர்வு செய்திருந்தான். ஈழத்துப் பெண் கவிஞர் சிவரமணி தன்னையும் தன் கவிதைகளையும் அன்று புலிகளின் கீழிருந்த அராஜகச் சூழல் தாங்க முடியாமல் தீயிட்டுக் கொழுத்திய போதும், இவ்வரட்டுவாதிகள் இம்மாதிரியான விமர்சனத்தையே வைத்து அவளை இரண்டாம் முறையாகச் சாக வைத்தனர்.

அவனது வாழ்வு முடிந்த இந்த ஒரு வருடத்தில் ஈழப்போராட்டம் கடுமையான பின்னடைவைச் சந்தித்துள்ளது. ஆயிரக் கணக்கான மக்கள் மடிந்து போயினர். இலட்சக்கணக்கான மக்கள் வதை முகாம்களில் அடைபட்டுள்ளனர். வெளியில் உள்ள ஈழத் தமிழர்களுக்கு சுதந்திரம் மறுக்கப் பட்டுள்ளது. இந்தியாவிலே காங்கிரஸ் கொலையாளிகள் மறுபடியும் ஆட்சிக்கு வந்துள்ளனர். ஈழ மக்களை அழித்த அனுபவங்களை வைத்து மாவோயிஸ்டுகளையும் மலைவாழ் மக்களையும் அழித்துக் கொண்டிருக்கிறார்கள். போராட்டத்தையே வாழ்க்கையாக வாழ்ந்து எந்த ஒரு அரச பதவியையும் ஏற்காத பெரியாரின் வழிவந்தவர் என்று சொல்லும் கருணாநிதி, தனது பதவிக்குட்பட்ட நிலையிலே தான் செய்ய முடிந்ததைச் செய்கிறேன் என்று முனகுகிறார்.

சனீஸ்வரன் பாலுவின் (பட்டம் உபயம் யாழ் வலம்புரி பத்திரிகை) தலைமையிலே இலங்கை போன தமிழகக் குழு வாயெல்லாம் பல்லாக நின்று மகிந்தவுடன் படம் எடுத்துக் கொண்டு திரும்பியிருக்கிறது. மேலும் முகாம்களில் இருக்கும் மக்கள் நல்ல நிலையில் இருப்பதாகவும் இக்குழு அறிக்கை விட்டிருக்கிறது. உண்மை தான்; பணம், பதவிக்காக சோனியா, கருணாநிதி என்று எவர் காலடியில் விழுவதற்கும் ஆயத்தமாய் இருக்கும் இவர்களை விடச் சிறையில் இருந்தாலும் அம்மக்கள் சுதந்திர வாழ்வு தான் வாழ்கிறார்கள். திடீர் ஈழமாதா ஜெயலலிதா தேர்தல் தோல்விக்குப் பிறகு வேடத்தைக் கலைத்து விட்டார்.

ஈழத்திலே தமிழ்க்கூட்டமைப்பு சரத் பொன்சேகவிற்கு வாக்களிக்கச் சொல்லி மீண்டும் ஒருமுறை தமிழ் மக்களிற்கு துரோகம் செய்துள்ளது. டக்ளஸ், கருணா, பிள்ளையான் எல்லாம் ஜனநாயக மோகம் தலைக்கேறி மகிந்தவிற்கு வாக்குப் போடுமாறு மக்களைத் துப்பாக்கி முனையில் அன்பாகக் கேட்கிறார்கள். யாழ் பல்கலைக்கழக் மாணவர்கள் அரசியலிற்கு வராமல் ஒழுங்காகப் படித்து முன்னேற வேண்டுமென மாணவர்களின் பெற்றோரை விட அக்கறை காட்டி முகமூடி போட்டுக் கொண்டு துண்டுப் பிரசுரம் விடுகின்றனர்.

எனினும் "சப்பாத்தி முள்ளும் சரியாய் விளையாத மண்ணில் பாறை பிளந்து பயன் விளைவிப்பான்" என்று ஈழத்து மகாகவி பாடியது போல் ஈழத்திலும் தமிழகத்திலும் புலம் பெயர் நாடுகளிலும் இக்கடினமான சூழ்நிலைகளிலும் பலர் போராடிக் கொண்டிருக்கிறார்கள். ஒடுக்குமுறைகளிற்கு எதிராக தொடர்ந்து போராடுவதே முத்துக்குமாரிற்கும் உயிர்தியாகம் புரிந்த மற்றைய தமிழ் உணர்வாளர்களிற்கும் நாம் செலுத்தும் வீரவணக்கமாக இருக்கும்.

http://kuralweb.com/20100128/mkumar.aspx

Link to comment
Share on other sites

எனினும் "சப்பாத்தி முள்ளும் சரியாய் விளையாத மண்ணில் பாறை பிளந்து பயன் விளைவிப்பான்" என்று ஈழத்து மகாகவி பாடியது போல் ஈழத்திலும் தமிழகத்திலும் புலம் பெயர் நாடுகளிலும் இக்கடினமான சூழ்நிலைகளிலும் பலர் போராடிக் கொண்டிருக்கிறார்கள். ஒடுக்குமுறைகளிற்கு எதிராக தொடர்ந்து போராடுவதே முத்துக்குமாரிற்கும் உயிர்தியாகம் புரிந்த மற்றைய தமிழ் உணர்வாளர்களிற்கும் நாம் செலுத்தும் வீரவணக்கமாக இருக்கும்.

தமிழனுக்கு உயிராயுதாம் தேவையா? நாமிழந்த உயிராயுதத்திற்கு கணக்கேயில்லை.....வேண்டாம் இனிமேலும் உயிராயுதம்.....வேணும் கூடியிருந்து குழிபறிக்கும் உத்தமர்கள்

Link to comment
Share on other sites

  • கருத்துக்கள உறுப்பினர்கள்

இப்ப உயிராயுதங்கள் தேவையில்லை. சும்மா...ஆய்வு..அது..இது..என்று பீலாவிடுகிற தியாகிகள்தான் தேவை.

முத்துக்குமாரை பற்றியும் ஆய்வுசெய்து விளாசுவினம்...

அப்ப இவையள்தான் இங்கை கனக்கா உலாத்துகினம்.

நாளைக்கே தமிழர்களுக்க ஏதாச்சும் விடிவு வருமாக இருந்தால் அதுவும் இந்த ஆய்வாள 'சோப்ளாங்கி'களால் வராது.

முத்துக்குமார் வித்தியாசமானவன்...

எல்லாரும் கதைப்பதில் மட்டுமே கருத்தா இருந்தபோது

அவன்மட்டுமே செயலுக்கு போனான்.

அவனின் தியாகத்துக்கு தலைவணங்குகிறேன்.

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • எதையும் கணித ரீதியில் சொன்னால் இலகுவாய் புரியும்🤣
    • 52 வீதமான மக்கள் போரை விரும்பவில்லை என்று எனக்கு விளங்குகிறது. 74 வீதமான மக்கள் போரை வீரும்பவில்லை என்று உங்களுக்கும் கபிதானுக்கும் விளங்குகிறது.  🙂
    • ஆஹா.... "கொல்லைப்புறம்". 😂 சிரித்து வயிறு நோகுது.  
    • அங்கே என்ன நடந்தது? 1. "ரேடாரில் மாட்டாமல் தாழப் பறக்கும் நுட்பத்தை முதலில் பயன்படுத்தியது இஸ்ரேல்" என்று நான் எழுதினேன் (கவனியுங்கள்: அமெரிக்கா அல்ல, இஸ்ரேல்). 2. நீங்கள் வந்து "ஜப்பான் காரர் இதை பேர்ள் ஹாபரில் செய்து விட்டார்கள், சொம்பு, முட்டு, பொங்கல், அவியல்" என்று குதித்தீர்கள். ஆதாரம் கேட்டேன், மௌனமாகப் போய் விட்டீர்கள் (ஏனெனின், ஜப்பான் காரன் கூட தான் இதைச் செய்ததாக எங்கும் சொல்லி நான் அறியவில்லை). 3. பின்னர் நான் ரேடாரில் ஜப்பான் விமானங்கள் தெரிந்தமை, ஏன் அமெரிக்கா தவற விட்டது என்று வரலாற்று நூல்களில் இருந்த தகவல்களைச் சொன்னேன். 4. இன்னொரு உறவு, விமானங்கள் ரேடாரில் தெரிந்ததை உறுதிப் படுத்தும் ஒரு ஆதாரப் பதிவை இணைத்தார் (கவனியுங்கள்: நீங்கள் எதுவும் இணைக்கவில்லை😎!) அதே ஆதாரத்தை , தாழப் பறந்து வந்து ஜப்பானியர் தாக்கியதன் ஆதாரமாக எனக்கு நீங்கள் சிவப்பெழுத்தில் கோடிட்டுக் காட்டியிருந்தீர்கள் (மீண்டும் கவனியுங்கள்: "ஆங்கிலம் ஒரு மொழியேயொழிய, அது அறிவல்ல!" - எங்கேயோ கேட்ட குரல்😎!) எனவே, இது வரை ஜப்பானியர் தாழப் பறந்து வந்து ரேடாரில் இருந்து தப்பினர் என்பதற்கு ஒரு ஆதாரமும் நீங்கள் தரவில்லை (இல்லாத ஆதாரத்தை எப்படித் தருவதாம்😂?).   இனி உங்கள் பிரச்சினைக்கு வருவோம்: நீங்கள் உட்பட யாழில் ஓரிருவரின் பிரச்சினை "மேற்கு எதிர்ப்பு" என்ற ஒரு உணர்ச்சி. அந்த உணர்ச்சிக்கு நியாயமான காரணங்கள் இருக்கலாம், அதை மறுக்க யாருக்கும் உரிமையில்லை. ஆனால், அந்த உணர்ச்சி மட்டுமே உலகத்தை, சம்பவங்களைப் புரிந்து கொள்ளப் போதாது. அப்படி உணர்ச்சி மட்டும் வைத்து "நாசா சந்திரனுக்குப் போகவில்லை" என்று கூட வாதாடும் நிலை இருக்கிறது பாருங்கள்? அந்த முட்டாள் தனத்தைத் தான் நான் சவாலுக்குட் படுத்துகிறேன். இனியும், தவறாமல் செய்வேன் - நீங்கள் சொம்போடு குறுக்கே மறுக்கே ஓடினாலும், நான் நிறுத்தாமல் செய்வேன்! ஏன் இப்படி சவலுக்குட்படுத்துவது முக்கியம்? இந்த மேற்கு எதிர்ப்பு உணர்ச்சி மயப் பட்டு, பொய்த்தகவல்களை உங்கள் போன்றோர் பரப்புவதால் மேற்கிற்கு ஒரு கீறலும் விழாது. ஆனால், எங்கள் தமிழ் சமுதாயத்தில், குறிப்பாக புலத் தமிழ் சமுதாயத்தில், இதனால் ஒரு முட்டாள் பரம்பரை உருவாகி வரும் ஆபத்து இருக்கிறது. எனவே, உங்கள் போன்றோரை அடிக்கடி இப்படிச் சவாலுக்குட்படுத்துதல் அவசியம். உங்களுக்கு முடிந்தால், இந்த சவால்களை ஆதாரங்களை இணைத்து எதிர் கொள்ளலாம். இல்லையேல் சொம்போடு நின்று விடலாம், இரண்டும் எனக்கு சௌகரியமே!
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.