12வயதில் கட்டாயமாக பிடிக்கப்பட்டவள் முள்ளிவாய்க்காலிலிருந்து இடுப்பின் கீழ் உணர்விழந்து…

[shanthy]

இவளுக்கு இப்போது 18வயதாகிறது. திருமலையில் ஒரு சாதாரண குடும்பத்தின் பிள்ளையிவள். நடுத்தரக் குடும்பமொன்றின் எட்டாத கனவுகள் இவள்பற்றி இவளது குடும்பத்திற்கும் இருந்தது. 12வது வயதில் பள்ளியால் திரும்பிக் கொண்டிருந்த பிள்ளை காணாமல் போய்விட்டாள். கட்டாயமாய் வீட்டுக்கு ஒருவர் நாட்டுக்காக என்ற திட்டத்தில் இவள் வன்னிக்குப் பிடித்து அனுப்பப்பட்டாள். பார்க்கவே அஞ்சிய துப்பாக்கிகளை இவள் கையாளக்கற்றுக் கொடுக்கப்பட்டாள். களம் செல்லலுக்கான தயார்படுத்தலோடு கல்வியும் கற்க அனுமதிக்கப்பட்டாள். பிள்ளைபறிபோன துயரில் உயர்மட்டங்கள் யாவற்றின் படிகளையும் தேடிய தாய்க்கு அவள் எங்கென்று தெரியாதெனவே சொல்லப்பட்டது. அம்மா அப்பா அக்கா தங்கைகளைக் காணவேண்டுமென்ற ஆசை இவளுக்கு நிராசையாகவே இருந்தது. துயரங்களை மறைத்துக் கொண்டு கல்வியில் கவனத்தைச் செலுத்திய அதேவேளை களத்தயார்படுத்தலிலும் தன்னைப் பிணைத்துக் கொண்டாள். கடைசியில் களம் அவசரமாய் அழைத்து ஆயுதங்களோடு காவலிருந்தாள். 2009 தைமாதம் முதுகுப்பகுதியில் காயமடைந்து இடுப்பின் கீழ் இயக்கம் அறுந்து ஓடித்திரிந்த கால்கள் ஓய்ந்து ஒடுங்கிப்போனாள். 2009மே பலிகளின் நடுவே உயிரோடு மீண்டவர்களுடன் இவளும் உயிர் மீண்டாள். இன்று 2010 முடியும் காலம் படுக்கைப்புண்ணோடு எப்போதாவது வந்து பார்க்கும் அம்மா வரும்வரை காத்திருந்து அழுதுவிட்டுப் படுக்கைப்புண்ணோடு அவலப்படுகிறாள். வாழும் வயதில் கல்வி கற்கும் வயதில் கனவுகள் பறிக்கப்பட்டு இன்று முடமாய்ப்போன ஒரு மகளின் குரல் இது.

இந்த ஒலிப்பதிவை கேட்க இணைப்பின் மேல் அழுத்தவும்.

[shanthy]

இந்த 18 வயதுப்பெண்ணுக்கு ஒரு உதவிக்கரம் வேண்டும். படுக்கைப்புண்ணின் தாக்கம் சிலவேளை உடலிலிருந்து அங்கங்களையும் எடுக்கும் நிலமையில் இருக்கிறாள். மாதாந்த உதவியொன்று இலங்கைரூபா ஆயிரம் யாராவது கொடுக்க முடிந்தால் அவள் வாழும் மீதி நாட்களில் அது பேருதவியாக இருக்கும்.

இது ஈரமுள்ள இவர்களும் ஒரு காலத்துப் போராளிகள் என்பதை மறக்காத அன்பர்களின் பார்வைக்காகவும் உதவிக்காகவும் இங்கு பதவிடுகிறேன்.

விசைப்பலகை வீரங்கள் இவளையும் துரோகியாக்கலாம் இல்லை துரோகிதானே....இதைக் கொண்டு வந்தமைக்காக என்மீது கோபித்து திட்டவிரும்புகின்றவர்களும் தாராளமாக திட்டலாம் பட்டங்களும் தரலாம். ஆனால் வாழும் வரை இவள் சாப்பிட உதவி கிடைக்குமாயின் அதற்காக சாகும்வரை துரோகியாக வாழ்ந்துவிடுகிறேன்.

முகவரி:

Nesakkaram e.V

Hauptstr – 210

55743 Idar-Oberstein

Germany

உதவ அல்லது திட்ட இல்லது துரோகிப்பட்டம் தர தொடர்பு கொள்ள வேண்டிய இலக்கங்கள்

Shanthy Germany – 0049 6781 70723

Sri France – 0033 611149470

[நிழலி]

நான் மாதாந்தம் பணம் தர பொறுப்பெடுக்கின்றேன் சாந்தி... விவரங்களை தனிமடலில் நாளை போடுகின்றேன்

[arjun]

உங்கள் பணி தொடர இந்த அரசியல் களத்தில் குதிக்க வேண்டாமென பணிவாக கேட்டுக்கொள்கின்றேன்.

எமது அரசியல் உங்களை விரக்திக்கு கொண்டுபோய் விட்டுவிடும்.நாங்கள் இப்படி ஒரு அமைப்புகள் ஒன்றிலுமில்லாதவர்கள் அடிபட்டாலும் பரவாயில்லை.

நிழலிக்கும் நன்றிகள்.

[shanthy]

நான் மாதாந்தம் பணம் தர பொறுப்பெடுக்கின்றேன் சாந்தி... விவரங்களை தனிமடலில் நாளை போடுகின்றேன்

நன்றிகள் நிழலி. ஏற்கனவே நீங்கள் உதவியதில் இவளுக்கும் இன்னொருவருக்கும் பிரித்து கொடுத்துள்ளோம். இனி அதை நிரந்தரமாய் இந்தப்பிள்ளைக்கே கொடுப்போம்.

உங்கள் பணி தொடர இந்த அரசியல் களத்தில் குதிக்க வேண்டாமென பணிவாக கேட்டுக்கொள்கின்றேன்.

எமது அரசியல் உங்களை விரக்திக்கு கொண்டுபோய் விட்டுவிடும்.நாங்கள் இப்படி ஒரு அமைப்புகள் ஒன்றிலுமில்லாதவர்கள் அடிபட்டாலும் பரவாயில்லை.

நிழலிக்கும் நன்றிகள்.

இது எனது மின்னஞ்சல் - rameshsanthi@gmail.com உங்கள் மின்னஞ்சல் முகவரியை போட்டுவிடவும்.