• advertisement_alt
  • advertisement_alt
  • advertisement_alt
கிருபன்

மனதைக் கவர்ந்த கவிதைகள்

Recommended Posts

நானும் காற்றில் கத்தி வீசுகிறேன்

நானும் காற்றில் கத்தி வீசுகிறேன்

யாரின் முகமூடி கிழிக்கவோ

திறந்த முகத்தில்

குத்தி கூர்பார்கவோ அல்ல

எமக்கான விளையாட்டு

காற்றில் கத்தி வீசுவது

என் தூரம் அறிந்தே வீசுகிறேன்

எல்லைக்கு உட்பட்டு

மழுங்கிய கத்தி கொண்டே

வீசுகிறேன்

காற்றை கிழிக்கும்

ஓசை எனக்கானது

காற்றின் அறைகூவல் வீசட்டும்

மணலில் கத்தி சொருகி

நிலை கொண்டிருப்பேன்

அது ஓயும்வரை

ஒளி, ஒலி பிழை

இருக்கலாம்

காற்றை கிழிப்பதில்

இருக்கிறது விளையாட்டின்

வெற்றி எனக்கும்

பிரிகையில் காற்றுக்கும்

இதுவரை தோற்றாலும்

இது ஒரு விளையாட்டு

அவ்வளவே!

http://pakkam5.blogspot.com/2006/05/blog-post_30.html

Share this post


Link to post
Share on other sites

அறிவிலி

பற்றி எரிகையிலும் பூ பூக்க

உன்னால் மட்டுமே முடியும்!

'மத்தாப்பூ'!

சுற்றி எரிகையிலும்

உள்ளே,

பூகம்பம் வெடிக்கையிலும்

சொர்க்க‌த்தில் இருப்ப‌தாய்

பாசாங்கு பண்ண‌

என்னால் ம‌ட்டுமே முடிகிற‌து!

எள்ளி ந‌கையாடும் எல்லோரையும்

ஏதேதோ க‌தைக்கிறாரென‌

செவிடு பாய்ச்சுவ‌து

எப்ப‌டி அக‌ந்தையாகும்?

புற‌ம் பேசுத‌ல் த‌வ‌றென‌ப்ப‌டாத‌

உல‌க‌த்தில்....

பாச‌முட‌ன் விர‌ல் பிடித்து ந‌ட‌க்க‌

குழ‌ந்தைக‌ளே பிடிக்கிற‌து எனக்கு!

கோரிக்கையோ கட்டளையோ

இல்லாத செல்லச் சிணுங்களில்

சிக்குண்டு சிரிப்பதை

ம‌ன‌ முதிர்ச்சி இல்லையென்ப‌தா?

செய‌ற்கையாய் சிரித்து சிரித்து

க‌ண்ணில் நீர்வர மெய்யாய்

சிரித்த‌து எப்போது?

நினைவேயில்லை!!

வலி நிர‌ப்பி வடித்த

வார்த்தைச் சித்திர‌மெல்லாம்

அரிதாய் வாசிக்க‌க் கிடைக்கையில்

அதே காயாத‌ குருதி வாச‌னை!

கிழிக்க‌ப்ப‌ட்ட‌ இத‌ய‌ம் இன்னும்

தைக்க‌ப்படவேயில்லை!

சுயமெனும் இருள்வெளி தாண்டி

புற‌வெளி உல‌வ‌க் கிடைத்த‌

வாய்ப்புகளெல்லாம் வாகாய்

வ‌ரிசையில் நிற்கின்ற‌ன‌!

விரும்பிய‌ திசை எதுவென

தேர்ந்து செல்லும் ம‌ன‌திட‌மின்றி....

கிழிக்க‌ப்ப‌ட்ட‌ நாட்குறிப்புக‌ளை

க‌ண‌க்கெடுக்கும் ம‌ன‌சாட்சி

ஏனோ,

வாழ‌ப்ப‌டாத எஞ்சிய காலத்தை

வ‌ச‌ப்ப‌டுத்த‌ முய‌ல்வ‌தேயில்லை!

கூர்மங்கிய நாக்குகளினால்

குத்தப்பட்ட சொற் காயங்கள்!

உயிர் நீங்கலாக

மற்றதை மாய்த்தும்

அவர் மனம் நோகுமென

பதிலடி தராத பரிதாப தருணங்கள்

இந்த அறிவிலி வாழ்க்கையில்

அனேகம் நிகழ்வதால்

இப்பெயர் பெற்றேன்

காரணம் அறிக‌!

http://kayalsm.blogspot.com/2010/01/blog-post_19.html

Share this post


Link to post
Share on other sites

சாத்தானின் தாசியன்

- பொன்.வாசுதேவன்

ஆம்

இன்றைக்கு எப்படியாவது

கடவுளைக் கொன்றுவிட

திட்டமிட்டிருக்கிறேன்

இனியும் பொறுமையில்லை

முழுமையாக உதிர்ந்து விட்டன

சகிப்புத்தன்மையின் செதில்கள்

வந்துவிட்டார் கடவுள்

எதிர்பார்த்த தருணம் நெருங்கிவிட்டது

பின்புறமிருந்து முகத்தில்

துணியைப் போர்த்தி

வசமான பிடியுடன் இறுக்குகிறேன்

திமிறிக் களைத்து தோற்று

உடல் தளர்ந்து பிரிகிறது

கடவுளின் உயிர்

குரூரத் திருப்தியோடு கோரப்பற்களில்

வழியும் இரத்தத்தை சுவைத்தபடி

தொலைவில் வந்து பார்க்கிறேன்

தகன மேடையில் யாரோ

கிடத்திக் கொண்டிருக்கிறார்கள்

எனது உடலை.

http://www.aganazhigai.com/2010/04/blog-post_20.html

  • Like 1

Share this post


Link to post
Share on other sites

நல்ல கவிதை ஆனால் புரியும் படி எழுதினால் நல்லது நானும் புரிந்து கொள்ள,,,,,,,,,,,,,,

Share this post


Link to post
Share on other sites

நல்ல கவிதை ஆனால் புரியும் படி எழுதினால் நல்லது நானும் புரிந்து கொள்ள,,,,,,,,,,,,,,

வீதியில் நடக்கும்போது வசீகரமான பெண்கள் போனால் தலை தன்பாட்டுக்குத் திரும்பிப் பார்க்கும். திரும்பிப் பார்க்க வைப்பதற்கு பல காரணங்கள் இருக்கலாம், அதுபோலத்தான் கவிதையும் முதல் நொடியில் பிடித்துவிடவேண்டும்!

Share this post


Link to post
Share on other sites

பெண்

ladiesdress.jpg

நான் அணிகிறேன்

இரு உள்ளாடைகளும்...

இரு மேலாடைகளும்...

எதிர் வரும் ஆணின்

காமம் மறைக்க!

டவுசர்

கால் மறைக்க

ஆண்களுக்கு.....

கால்வாசி மறைக்க

பெண்களுக்கு .....

pantsw.jpg

கேவலம்

ஓட்டுப்போட துணியில்லாமல்

வறுமையில் வாழ்வது கேவலமல்ல...

ஒட்டுத் துணியோடு

வசதியாய் வாழ்வதே கேவலம் ...

அம்மண சிலைகள்

statuew.jpg

அம்மணமாய் இருப்பதோ நாங்கள்

அவமானப்பட்டுக்

கொள்வதோ நீங்கள் - எங்கள்

இச்சைகள் இறந்துவிட்டன - ஆனால்

இம்சைகள் மட்டும் மீண்டும் மீண்டும்

ரசனைகளின் பேரில் உங்கள் கைகளால்.....

http://thisaikaati.blogspot.com/search/label/%E0%AE%89%E0%AE%B3%E0%AF%8D%E0%AE%95%E0%AF%81%E0%AE%A4%E0%AF%8D%E0%AE%A4%E0%AF%81%20%E0%AE%95%E0%AE%B5%E0%AE%BF%E0%AE%A4%E0%AF%88%E0%AE%95%E0%AE%B3%E0%AF%8D

Share this post


Link to post
Share on other sites

பெண்

நான் அணிகிறேன்

இரு உள்ளாடைகளும்...

இரு மேலாடைகளும்...

எதிர் வரும் ஆணின்

காமம் மறைக்க!

பெண் பிடித்திருக்கு :D

Share this post


Link to post
Share on other sites

தமிழ் மறந்து...!

தங்கக் குடுவையில் அமுதம் தந்தால்

“ச்சீ” என முகம் சுளிக்கிறார்!

தகரக் குடுவையில் இனிப்பான விடயமென்றால்

முகம் மலர்ந்து சுவைக்கிறார்!

தமிழமுதம் கசக்கிறதாம்- அந்த

ஆங்கில விசம் இனிக்கிறதாம்!

நாகரீக மோகத்திலே சவ்வாது

சாக்கடை பேதமறியா அலறுகிறார்!

தாரக மந்திரமாம் தமிழைப் பொல்லார்

தட்டி தலைக்குனிவு செய்கின்றார்!

அடுக்குமோ இவ்வநியாயம் - இதுபோல்

நடக்குமோ எந்நாட்டிலும்!

புத்தி மங்கிய புது நாகரீகப் புத்திசாலிகள்

புவிமீது பேரன்புத் தமிழ் மறந்தார்!

தாரத்தின் சொற்கேட்டு தாயை நிந்திக்கும்

தற்குறி புருசறன்றோ இவர்கள்!

பேரம்பேசி விற்றாயோ தமிழ் பண்பாட்டை

பாரமெனத் தூக்கி எறிந்தாயோ!

ஜென்மம் முக்திபெற தமிழனாய்ப் பிறந்தாய்

தமிழ் மறந்து நடமாடும் கூடானாய்!

நன்றி விஷ்ணுதாசன்.

Share this post


Link to post
Share on other sites

நல்ல கவிதை ஆனால் புரியும் படி எழுதினால் நல்லது நானும் புரிந்து கொள்ள,,,,,,,,,,,,,,

அதுதான் கவிதை.

Share this post


Link to post
Share on other sites

நல்ல கவிதை ஆனால் புரியும் படி எழுதினால் நல்லது நானும் புரிந்து கொள்ள,,,,,,,,,,,,,,

கிகிகீ..உண்ணாண உதைத்தான் நானும் கேக்க்குறன்..எட்டித்தொடுற மூக்கை ஏனப்பா சுத்தித்தொடுறியள்..?பாரதியின் கவிதைகளைப்பாருங்கள் எவ்வளவு அழகாக எழிமையாக இருக்கும் அதனால்தான் அவன் தமிழர்களின் உள்ளத்தில் இடம்பிடித்தான்..வைரமுத்துவின் கவிதைகளைப் பாருங்கள் அப்படி ஒரு அழகும் தமிழ் சுவையும் இருக்கும்..அதனால்தான் அவன் அனைவராலும் விரும்பப்படும் கவிஞ்ஞன்.. இது ஏ.ர் இன் பாடல்களுக்கும் இழையராஜாவின் பாடல்களுக்கும் உள்ள வித்தியாசம்போலத்தான்..முன்னையது வந்த புதிசில் ரசிக்கப்படும் பின்னர் மறைந்து போய்விடும்..பின்னையது வாழ்ந்து கொண்டே இருக்கும்...

Edited by நெருப்பு நீலமேகம்

Share this post


Link to post
Share on other sites

கடவுளின் குழந்தை

சாத்தான்களும் பிடாரிகளும்

சகஜமாய் புழங்கும் கானகத்தில்

குழந்தையொன்று மந்திரகவசத்தோடும்

உருவேற்றப்பட்ட தாயத்துக்களோடும்

களமிறக்கப்பட்டது கடவுளின் பெயரால்...

ஆபத்துக்களில் மனந்தளராவண்ணம்

அசரீரிகளின் வழி நம்பிக்கைச்சுடர்

எப்போதும் இறக்கைகள் முளைத்த

தேவதைகள் குறித்தே ஓதப்பட்டிருந்தன

சாத்தான்களின் பாசறையை

கடவுளின் அரண்மனையாய்

மாற்றுவதாய் ஏற்பாடு!

ஈட்டிகள் துளைக்கையிலும்

மரண அவஸ்தை உச்சத்திலும்

உதவி வேண்டி குழந்தையின் கதறல்

விண்ணைப் பிளந்தும்

தேவதைகள் வரவேயில்லை!

பார்த்தது குழந்தை!

இவ்விடம் வாழ இன்னது ஏற்பு

பகுத்தறிந்து பாந்தமாய் உறவாடியது

இப்போது கடவுளை வரவேற்க

குழந்தை தயார்

ஒரு காட்டேரியின் மடியில்

குருதியை சுவைத்தபடி!

http://kayalsm.blogspot.com/2010/06/blog-post_24.html

Share this post


Link to post
Share on other sites

தனிமை

ந.மயூரரூபன்

முறைக்கிறதா என்னைப் பார்த்து

சிரிக்கிறதா என்னைப்பார்த்து

ஒன்றுமே புரியவில்லை

அதன் மாறுமுகத்தைத் துழாவிப் பார்த்தும்

பிடிபடவில்லை ஒன்றுமே.

நான் பார்க்கும் எல்லாமே

விரோதமாய்ப் பார்க்கின்றன

என்னை மட்டுமே.

என் கண்ணில் எப்போதும்

ஒட்டியிருப்பது பயந்தானோ?

பார்ப்பது எல்லாமே பயங்கரந்தானோ?

என்னுள் துடிப்பு ஏறிக்

குலைகிறது தாறுமாறாய்.

என்னுயிரைக் கொய்துவிடும்

கனவுகள் நெருக்குகின்றன.

கறுப்பாய்க் குந்தியருக்கும் அண்டங்காகமும்

அருட்டிப்பார்க்கிறது என்னை.

ஊசியாய்த் துளைக்கும் பார்வையும்

உடல் வறட்டக் கத்தும் சத்தமும்

மூச்சழிக்க வைக்கும் என்னை.

கொப்பில் குதிக்கும் தாட்டானும்

தேடித் திரிவது என்னைத்தான்.

ஊத்தை இளிப்புடன்

ஊடுருவிப் பார்க்குமது என்னை.

பார்வைகளிலெல்லாம்

உயிர் கொழுவித் தவிக்கும்.

நான் போகுமிடமெல்லாம்

நாயாய்த் தேடிப் பயந் தழைக்க வருமெல்லாம்.

என்னைவிட எல்லோரும் நண்பர்களே.

காகமும் தாட்டானும் கூடத்தான்.

அடிக்கடி செத்துப்போகும் உணர்வுகளுடன்

நான் மட்டும் தனியே

http://www.vaarppu.com/view/2371/

  • Like 1

Share this post


Link to post
Share on other sites

அத்தனையும் அருமையான கவிதைகள்.

(நிறைய வார்த்தைகள் சுட்டு போட்டன் :rolleyes: )

நன்றி கிருபன் அண்ணா இணைப்புக்கு. :)

Share this post


Link to post
Share on other sites

“புரிஞ்சுக்கோ”

நீயில்லாக் கட்டிடத்தின் முன் குந்தியிருக்கின்றேன்.

வீடு மாறி விட்டாயாம்,

உறுதிப்படுத்த,

உன் தொலைபேசி இலக்கம் கூட என்னிடமில்லை.

இருந்தும் என்ன?

மேப்பிள் இலைகள் நிறம்மாறிவிட்டன.

உன் பல்கனிப் புறாக்குஞ்சுகளும்

செட்டை முளைத்துப் பறந்துபோயிருக்கலாம்.

தேயிலை முடிந்துது வாங்கி நிரப்பிக்கொள்.

நானிட்ட மருந்தில் கரப்பான் பூச்சிகள் அழிந்தனவா?

நம் நினைவுகளைத் தாங்கி

உன்னோடலைந்த வீதிகளில் தனியாய் அலைகின்றேன்.

உன்னோடிருந்த வீட்டின் முன்னால்

நீ விட்டுச் சென்ற சுவாசத்தின் ஒரு துளி தேடி

குந்தியிருக்கின்றேன்.

யார் கண்டது?

எனை இழுத்துவந்த ஏதோ ஒன்று

உனையும் ஒருநாள் இங்கே இழுத்துவரலாம்.

“புரிஞ்சுக்கோ” என கண்கலங்க

என் கண்பார்த்துச்சொல்லிவிட்டுச் சென்றாய்.

பின்நவீனத்துவம்,

பிரேம்-ரமேஷ்,

சிக்மென் பிரைட்,

நீட்ஷே

புரிந்துகொண்ட என்னால்

உன் “புரிஞ்சுக்கோ”வை புரிந்து கொள்ள முடியவில்லை.

பனிப்போர்வைக்குள்

உன் “புரிஞ்சுக்கோ”வைப் புரியாமலேயே

நான் விறைத்திருக்க

நீ கடந்து போகலாம்

அது நானென்று புரிஞ்சுக்காமல்.

Share this post


Link to post
Share on other sites

தனிமை

ந.மயூரரூபன்

முறைக்கிறதா என்னைப் பார்த்து

சிரிக்கிறதா என்னைப்பார்த்து

ஒன்றுமே புரியவில்லை

அதன் மாறுமுகத்தைத் துழாவிப் பார்த்தும்

பிடிபடவில்லை ஒன்றுமே.

நான் பார்க்கும் எல்லாமே

விரோதமாய்ப் பார்க்கின்றன

என்னை மட்டுமே.

என் கண்ணில் எப்போதும்

ஒட்டியிருப்பது பயந்தானோ?

பார்ப்பது எல்லாமே பயங்கரந்தானோ?

என்னுள் துடிப்பு ஏறிக்

குலைகிறது தாறுமாறாய்.

என்னுயிரைக் கொய்துவிடும்

கனவுகள் நெருக்குகின்றன.

கறுப்பாய்க் குந்தியருக்கும் அண்டங்காகமும்

அருட்டிப்பார்க்கிறது என்னை.

ஊசியாய்த் துளைக்கும் பார்வையும்

உடல் வறட்டக் கத்தும் சத்தமும்

மூச்சழிக்க வைக்கும் என்னை.

கொப்பில் குதிக்கும் தாட்டானும்

தேடித் திரிவது என்னைத்தான்.

ஊத்தை இளிப்புடன்

ஊடுருவிப் பார்க்குமது என்னை.

பார்வைகளிலெல்லாம்

உயிர் கொழுவித் தவிக்கும்.

நான் போகுமிடமெல்லாம்

நாயாய்த் தேடிப் பயந் தழைக்க வருமெல்லாம்.

என்னைவிட எல்லோரும் நண்பர்களே.

காகமும் தாட்டானும் கூடத்தான்.

அடிக்கடி செத்துப்போகும் உணர்வுகளுடன்

நான் மட்டும் தனியே

http://www.vaarppu.com/view/2371/

கிருபன் இணைப்பிற்கு நன்றி :rolleyes:

Share this post


Link to post
Share on other sites

நல்ல கவிதைகள்! இணைப்புக்கு நன்றி கிருபன் & நுணா! :D

Share this post


Link to post
Share on other sites

முற்றுப்புள்ளியும் முதற்புள்ளியாக வாழ்க்கை!!

வித்யாசாகர்

போராட்டத்தின் -

ஒவ்வொரு கிளையாய்

தாவிச் சென்றதில்

உச்சியிலும் மத்தியிலும் நிற்கிறோமேயன்றி

கிளைகள் தீர்ந்தப் பாடில்லை

ஒரு நாளைக் கடப்பதே

போரில் வெல்லும் பொழுதுகளாய் இருக்க

வருடங்களை -

சிரிக்க மறுத்து

சகித்துக் கொண்டே - கடக்கிறோம்

எதிரே வருபவர்களை யெல்லாம்

தனக்கானவர்களாக எண்ணியும்,

கிடைப்பதிலெல்லாம் மனம் லயித்தும் -

நிரந்தர ஆசையில் உயிர்விட்டே

மடிகிறதிந்த மனித இனம் அதில்

நானும் மாறுபட்டவனாக இல்லை

அப்பட்டமாய் -

எதுவுமே எனக்கில்லையென்று புரிந்துப் போனாலும்

வாழ்வதற்கான உயிர்காற்று -

தொண்டையை அடைத்துக் கொள்ள,

ஏதோ ஒன்று இருப்பதான தோற்றத்தில்,

ஆசையில் -

நம்பிக்கையில் -

நாளேடுகளின் தாள்களென கிழிபட்டேப் போகிறோம்

இதில், பெரிதாக சாதித்ததெல்லாம்

எந்த நிலையிலும் -

யார் இறப்பிலும் -

உண்டு.. உறங்கி.. சுயநலம் பூண்டதும்,

எதற்கோ ஏங்கி, பயந்து, அபகரித்துக் கொண்டதும்போல்

சில உண்டு, என்றாலும் -

மனதிற்குள் நான் தோற்றவனாகவேத் தெரிய

மீண்டும் ஒரு புள்ளியாக -

நின்றோ; தொடர்ந்தோக் கொள்கிறது வாழ்க்கை!!!

http://www.vaarppu.com/view/2385/

Share this post


Link to post
Share on other sites

புத்தரின் படுகொலை

நேற்று என் கனவில்

புத்தர் பெருமான் சுடப்பட்டிறந்தார்.

சிவில் உடை அணிந்த

அரச காவலர் அவரைக் கொன்றனர்.

யாழ் நூலகத்தின் படிக்கட்டருகே

அவரது சடலம் குருதியில் கிடந்தது.

இரவில் இருளில்

அமைச்சர்கள் வந்தனர்.

'எங்கள் பட்டியலில் இவர்பெயர் இல்லை

பின் ஏன் கொன்றீர்?'

என்று சினந்தனர்.

'இல்லை ஐயா,

தவறுகள் எதுவும் நிகழவே இல்லை

இவரைச் சுடாமல்

ஓர் ஈயினைக் கூடச்

சுடமுடியாது போயிற்று எம்மால்

ஆகையினால்......

என்றனர் அவர்கள்.

'சரி சரி

உடனே மறையுங்கள் பிணத்தை'

என்று கூறி அமைச்சர்கள் மறைந்தனர்.

சிவில் உடையாளர்

பிணத்தை உள்ளே இழுத்துச் சென்றனர்.

தொண்ணூறாயிரம் புத்தகங்களினால்

புத்தரின் மேனியை மூடி மறைத்தனர்

*சிகாலோவாத சூத்திரத்தினைக்

கொழுத்தி எரித்தனர்.

புத்தரின் சடலம் அஸ்தியானது

*தம்ம பதமும்தான் சாம்பரானது.

-கவிஞர் எம்.ஏ.நுஃமான்

  • Like 2

Share this post


Link to post
Share on other sites

சே' எனது டீஷர்ட்டில்

சின்னப்பயல்

chepoem.jpg

வாய்க்காலில் கட்டுக்கடங்காத

பிணங்கள்,

அலையடிக்கும் அலைக்கற்றையின்

எண்ண முடியாத கணக்குகள்,

அடுத்த வேளை எச்சில் சோற்றுக்கென

அடித்துப்புரண்டுகொண்டிருக்கும்

கொரில்லாக்கள்,

காட்டிக்கொடுப்பதையே

தொழிலாகக்கொண்டு

சமாதானப்போர்வைக்குள்

தன்னை முடக்கிக்கொண்ட

முன்னாள் போராளிகள்,

டிஜிட்டல் பேனரில்

சிரிக்கும் எந்திரன்,

என

எல்லாவற்றையும்

பார்த்துக்கொண்டு

சும்மா தான் இருந்தார்

மோட்டர் சைக்கிளில்

பயணித்தவாறே.

சே'

எனது டீஷர்ட்டில்

http://www.uyirmmai.com/ContentDetails.aspx?cid=4122

  • Like 4

Share this post


Link to post
Share on other sites

சிதறிய

எம் மக்களை

இணைப்பதற்காக

சிதறுகிறேன்

நான்

வலிகளேயின்றி!!!

மழையில்

நனைந்தால்

ஆகாதென்று

முந்தானை

குடைப்பிடிக்கிறாள் அம்மா

ம‌க‌ளின்

கல்லறைக்கு!!!

( ஈழத்தமிழரின் வலிகளை சும‌ந்து வெளிவந்திருக்கும் தை கவிதையிதழில் இக்கவிதைகள் இடம்பெற்றுள்ளது!!! )

பதித்தவர் : எழில்பாரதி

நன்றி : தை கவிதை இதழ் - 2009

  • Like 1

Share this post


Link to post
Share on other sites

சிதறிய

எம் மக்களை

இணைப்பதற்காக

சிதறுகிறேன்

நான்

வலிகளேயின்றி!!!

நல்ல கவிதை நுணா! இணைப்புக்கு நன்றிகள்!

மகிந்த இப்படிப் பாடலாம்!

சேரும் தமிழ் உறவுகளைப்

பிரிப்பதற்காகச்

சிதறுகிறேன்

சில்லறைகளை

நான்,

பொறுக்குகின்றார்கள்,

வெட்கமேயின்றி!!!

Edited by Punkayooran

Share this post


Link to post
Share on other sites

எடுப்பார் கைப்பிள்ளை

66.gif

அடங்கி நடக்க அம்மா சொன்னார்

பின்னொருநாள் மனைவி சொன்னால் நான் தொடை நடுங்கி என்று

விரும்பாத ஒன்றை விரும்பி படிக்க அப்பா சொன்னார்

பின்னொருநாள் கனவில் வந்த என் பழைய கனவுகள் கை கொட்டி சிரித்தது

காதல் வந்த வேளையில் கவிதை எழுது என்றது இளவட்ட கூட்டம்

கவிதை கற்ற வேளையில் காதல் கிளி கழுதை மேல் ஏற்றப்பட்டது

கம்பியூட்டர் படி என்றான் நண்பன்

காலர் வைக்காத சட்டை பேசன் என்றாள் தோழி

காபி குடித்தால் சுகர் என்றார் டாக்டர்

கடன் வாங்கி வீடு கட்டென்றாள் மனைவி

வாழும் போதெல்லாம் என் வாழ்கையை சமுதாயம் வாழ்ந்தது

நன்றி பரம்பொருளே - சாவை மட்டும்" நான் " சாக கொடுத்தாய்

66.gif

  • Like 2

Share this post


Link to post
Share on other sites

மீன்குஞ்சுகள்

துவாரகன்

--------------------

கண்ணாடித் தொட்டியில் இருந்த

மீன்குஞ்சுகள்

ஒருநாள் துள்ளி விழுந்தன

மாடுகள் தின்னும்

வைக்கோல் கற்றைக்குள்

ஒளிந்து விளையாடின

வேப்பங் குச்சிகளைப்

பொறுக்கியெடுத்து

கரும்பெனச் சப்பித் துப்பின

வயலில் சூடடித்து நீக்கிய

‘பதர்’ எல்லாம்

பாற்கஞ்சிக்கென

தலையிற் சுமந்து

நிலத்தில் நீந்தி வந்தன

வீதியிற் போனவர்க்கு

கொல்லைப்புறச் சாமானெல்லாம்

விற்றுப் பிழைத்தன

திருவிழா மேடையில் ஏறி

ஆழ்கடல் பற்றியும்

அதன் அற்புதங்கள் பற்றியும்

நட்சத்திரமீன்களின் அழகு பற்றியும்

அளந்து கொட்டின

இப்படித்தான்

வைக்கோலைச் சப்பித் தின்னும்

மனிதமாடுகள்போல் கதையடிக்கின்றன

தொட்டியில் இருந்து துள்ளிவிழுந்த

மீன்குஞ்சுகள்.

http://www.vaarppu.com/view/2447/

  • Like 1

Share this post


Link to post
Share on other sites

சரி தவறு

கயல்விழி சண்முகம்

சரியெனப்பட்டது

சத்தமாய் சரிதானென்றேன்

தவறெனப் புரிந்தது

தயக்கமின்றி தவறெனச் சொன்னேன்!

ஒத்திசைக்க உற்றவர்கள்

உடனிருந்தார்கள்!

அவர்தம்

கூட்டணி மாறியது

சரியென்றதை தவறெனவும்

தவறென்றதை சரியெனவும்

இம்சிக்கிறார்கள்

பிறழாத நாக்கு வேறு

பொய் நவில மறுக்கிறது

இப்போதும்

முன்னிருந்த நிலைதான்

இடறாத கொள்கையோடும்

பிறழாத நாக்கினோடும்

தன்னந்தனி மரமாய் நான்!

வந்தமரக்கூடும்

என் கிளையிலும்

சில பறவைகள்!

http://kayalsm.blogspot.com/2011/05/blog-post_23.html

  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • தொழிலுக்கு புதிசாய் இருப்பார் 
    • யார் வரட்டாம்?   நீங்கள் குடுத்து வைச்ச🥰 நீங்கள்    நான் அந்த வண்டியால் கொண்டு போறவரிட்ட பாண் வாங்கினான் இரண்டு,மூன்று தரம் ...பணிஸ் அது ,இது என்று வாங்கியதால் சரியான விலை நினைவில் இல்லை   
    • ஆஸ்கார் 2020 : சில அவதானிப்புகள் – கோ. கமலக்கண்ணன் February  24, 2020 1985-ஆம் ஆண்டு ’அமேடியஸ்’ திரைப்படத்திற்கு சிறந்த திரைப்படத்திற்கான விருது அறிவிக்கப்பட்டது. அதை மேடையில் அறிவித்த லாரன்ஸ் ஆலிவர் அவசரத்தில் நாமினிகளைக் குறிப்பிட மறந்து விட்டிருந்தார். ஒவ்வொரு பிரிவிலும் விருது அறிவிக்கப்படுவதற்கு முன்னர் அப்பிரிவில் இருக்கும் பரிந்துரைகளைக் குறிப்பிட வேண்டுமென்பது ஆஸ்காரின் மரபு. அதைச் சொல்ல விட்டு விட்டோமே, சொல்லியாக வேண்டுமே என்ற புரிதலுக்குச் சென்று மீளும் முன்னரே அமேடியஸ் குழு முண்டியடித்து மேடைக்கு வந்துவிட்டிருந்தது. இதை ஒரு தனி நபரின் தடுமாற்றம் எனக் கொள்ளலாம். வெகு சமீபத்தில் 2017-ஆம் ஆண்டு சிறந்த திரைப்படத்திற்கான விருது வழங்கும் போது கூட இப்படியொரு குளறுபடி ஏற்பட்டது. பிறகு தவறு திருத்தப்பட்டு மேடையிலேயே மீண்டும் சரியான விருது அறிவிக்கப்பட்டது. அந்த ஆண்டு சிறந்த விருது பெற்ற படம் ‘Moonlight’. ஆனால் முதலில் மேடையில் விருது அறிவிக்கப்பட்டது என்னவோ ‘La La Land’-ற்குத்தான். பிறகு விருது அறிவிப்போடு சேர்த்து அறிவிப்பு உறையைத் தவறாகத் தந்துவிட்டதாக இன்னொரு அறிவிப்பும் மன்னிப்பும் வந்தது. Moonlight-La La Land குளறுபடி ஒரு விழாவில் தனிமனிதர்களால் ஏற்படுத்தப்படும் பிழைகளும், தடுமாற்றமும், சேட்டைகளும் ஒரு புறமிருக்க, மொத்தமாக விருது அமைப்பினால் தேர்வுகளில் பிழைகள் ஏற்படுகின்றனவா என்ற கேள்வி எழுகிறது. நிச்சயம் ஆஸ்கார் போன்ற வெகுசன விருது அமைப்பு பல குறைபாடுகளும் பல சாய்வுகளும் பல அரசியல் நோக்கங்களுடனுமே விருது வழங்கும் வேலையில் இறங்குகிறது. அது திரைப்படக் கலையின் உன்னத ஆக்கங்களுக்கு விருதுகளைத் தேடித் தேர்வு செய்து வழங்கும் அமைப்பன்று. 2019-இல் வெளியான பல நல்ல திரைப்படங்கள் ஆஸ்காரின் வாசல் வரை கூட வரவில்லை. அவை ஆஸ்காருக்குச் சமர்பிக்கப்படுவதில்லை என்ற வாதத்தில் சிறு உண்மையிருப்பினும், அவற்றை ஆஸ்கார் தனக்குரிய பொருளாதார நோக்கங்களுக்குத் தேவையற்றவையாக கருதுகின்றன என்பதே தெள்ளிய உண்மை. The Lighthouse போன்ற திரைப்படம் ஒரே ஒரு விருதுக்கு மட்டுமே பரிந்துரைப் பட்டியலில் நுழைந்திருக்கிறது என்பதே பெரிய திகைப்பு தான். The Lighthouse மேலே சொன்ன பல தனிமனித பிழைகள் விருதினைத் தேர்ந்தெடுப்பதில் நிகழ்ந்துவிடக் கூடாது என்பதற்காகத் தான் அகாடமி ஒரு நெடிய வாக்களிப்பு அமைப்பினை ஏற்படுத்தி வைத்திருக்கிறது. அதன் வழியே ஒரு ஜனநாயக பிரதிபலிப்பு கொண்ட தேர்வு நடைபெறும் என்கிறது. உண்மை தான், அகாடமி ஒரு ஜனநாயக தேர்வு முறைதான், அதில் ஜனநாயகத்தின் சாதக பாதகங்கள் எளிதில் உட்புகுந்து கொள்கின்றன, பெரிதும் பாதகங்கள். ஆனால் அகாடமி விருதுகள் என்பது சினிமா கலையின் உச்ச படைப்புகளுக்கு வழங்கப்படும் ஒன்று என்றோ, புதிய தோன்றா பாதையை உருவாக்கும் படைப்புகளுக்கு வழங்கப்படுவன என்றோ பாவனையும் குழப்பமும் கொள்வது தேவையற்றது. கடந்த தசாப்தத்தின் வழக்கமாக முன்வைக்கப்படும் கருப்பின பச்சாதாபக் கதைகளையும், LGBT சாராம்சங்கள் கொண்ட திரைப்படங்களையும் அகாடமி தவிர்த்திருக்கிறது. இவ்வருடம் Get Out புகழ் Jordan Peele-யின் Us திரைப்படம் முழுதாகவே புறக்கணிக்கப்பட்டிருக்கிறது. Portrait of a Lady on Fire படமும் கவனிக்கப்படவில்லை. Portrait of a Lady on Fire இந்த ஆண்டு அகாடமி இப்படி ஒரு சூத்திரத்திற்குள் அடைபடவில்லையே என்று மகிழ்ச்சியடைய முடியவில்லை. ஏனெனில் இன்னும் இருபதாண்டுகளுக்கு முந்தைய சூத்திரத்திற்குள் தன்னை செலுத்தி விட்டிருக்கிறது. ஸ்கார்சஸிக்கு மரியாதை தர வேண்டுமே, டராண்டினோ என்ற அசகாய சூரனை எப்படி புறக்கணிப்பது, 1917 திரைப்படத்தில் மேலெழும்பி நிற்கும் தேசிய அம்சத்தை கொஞ்சம் பாராட்டலாமே என்றெல்லாம் கிளம்பி இருப்பது அதன் தொய்வையே காட்டுகிறது. இன்னொரு புறம் Little Woman, Jojo Rabbit, Marriage Story, The Two Popes போன்ற திரைப்படங்களுக்குச் சற்று கவனமளித்திருக்கிறது என்பதும் ஒரு ஆறுதல். தொழில்நுட்ப விருதுகள் பெரிதும் பொருத்தமான தேர்வுகளுக்கே தரப்பட்டிருக்கின்றன. 1917 எதிர்பார்த்தவாறே Best Cinematography, Best Visual effects மற்றும் Best Sound Mixing விருதுகளைப் பெற்றுள்ளது. ஆனாலும் கருப்பு வெள்ளையில் மனித வண்ணங்களை முன்வைத்த The Lighthouse திரைப்படத்திற்கு சிறந்த ஒளிப்பதிவு கிடைக்காமல் ஒற்றைப் பிடிப்பில் படமுழுக்க ஒரு போர்புலத்தைக் காட்டுகிறோம் என்ற வித்தைக்கு விருது கிடைத்திருப்பது சற்றே நெருடல் தான் எனினும், அகாடமியிடம் எதிர்பார்க்கக் கூடிய ஒன்றே. சிறந்த நடிகராக தேர்வு செய்யப்பட்ட Joaquin Phoenix தான் இந்த விழாவிலேயே முத்தாய்ப்பான தேர்வு. ஜோக்கராக அவர் திரையில் தோன்றிய கணமே அவரை ஆஸ்கார் வெற்றியாளர் என்று ஒருமனதாக பல இணையதளங்களும், விமர்சகர்களும் சொல்லி இருந்தனர். பல ஒளியாண்டுகள் தள்ளி இருக்கும் நடிப்பை வெளிப்படுத்தி போட்டியில் முன்னின்றவர். ஏற்கனவே அவர் இருமுறை சிறந்த நடிகர் பிரிவிலும், ஒருமுறை சிறந்த துணை நடிகர் பிரிவிலும் பரிந்துரைக்கு வந்திருந்தாலும் இப்போது தான் ஜோக்கர் கதாபாத்திரத்தின் பெரும் பிரசித்தியால் வெற்றியைத் தொட்டிருக்கிறார். இந்த ஆஸ்கார் மேடையிலேயே வெறும் சந்தோஷக் கூச்சல்கள் மட்டும் இட்டுக் கொண்டிருக்காமல் சில நிமிடங்கள் அழகிய குறுஞ்சொற்பொழிவை ஆற்றிவிட்டு சென்ற ஒரே நபர் ஆக்குவின் மட்டுமே. Joaquin Phoenix அடுத்ததாக Joker திரைப்படத்திற்காக இசையமைத்த – Hildur Ingveldardóttir Guðnadóttir சிறந்த இசைக்கான விருது பெற்றிருப்பதும் அத்தகைய தனித்த தகுதியான வெற்றியே. Little Women திரையிசை படைத்திருந்த அலெக்ஸாண்ட்ரே தெப்லா அதற்கடுத்ததாக சிறப்பான இசையைத் தந்திருந்தார். அவர் ஏற்கனவே இரு முறை அகாடமி சின்னத்தைத் தீண்டியவர். எல்லாவற்றையும் விட முக்கியமாக விழாவின் உச்சானிக் கொம்பில் ஏறி அமர்ந்த ஒரு திரைப்படம் Parasite. மக்களின் ஏகோபித்த ஆதரவினைப் பெற்று ஆட்சி அமைத்தனர் என்பார்களே, இவ்வாண்டு பாரசைட் அப்படி அமோக தேர்தல் வெற்றியைக் கண்டுள்ளது. ஒரு புறம் ஆஸ்காரை வைத்து தமிழகத்தில் கொஞ்சம் கண்ணாமூச்சி விளையாட்டுகளும் நடந்தேறி இருக்கிறது. மின்சார கண்ணா தமிழ்படத்தின் காப்பிதான் இந்த பாராஸைட் என்று பகடியாக ஒரு முகநூல் பதிவு வர, வழக்கம் போல அதற்கு எதிர்வினைகள் வந்து, அதை சில முக்கிய சினிமா குழுமங்கள் பகிரப் போய் இது மின்சார கண்ணா திரைப்பட குழுவினர் வரை சென்று, அவர்களால் வழக்கு தொடுக்கப்படும் நிலை வரை எட்டி இருக்கிறது. உண்மையில் பாராசைட் வெளியாக பல மாதங்கள் ஆகிய பின்னரும் அதைப் பற்றி மின்சாரக் கண்ணா அணிக்கே தெரியாது இருந்த பரிதாபத்தை நினைத்து நாணுவதா, இன்னுமும் இதற்கெல்லாம் வழக்கு தொடுத்து வெல்ல முடியும் என்று அசாத்திய நம்பிக்கையுடன் பேட்டியளிப்பதை எண்ணி தன்னம்பிக்கை கொள்வதா என்று புரியவில்லை. Parasite கேன்ஸ் விருது விழாவில் தங்கப்பனை விருது பெற்ற பின்னரே பாரசைட் திரைப்படத்தின் மீது ஒரு உலகளாவிய பார்வை விழுகிறது. அதைச் சுற்றி ஒரு வணிக நதி பெருக்கெடுக்கிறது. அது மெல்ல ரசிகர்களால் தொடர்ந்து பேசப்பட்டும் கொண்டாடப்பட்டும் ஒரு முன்மாதிரி திரைப்படம் என்றும், செவ்வியல் படம் என்றும் ஒரு தோற்றம் கட்டமைக்கப்படுகிறது. இதை இன்னார் தான் செய்தனர் என்று சதிக்கோட்பாடு ஒன்றை நான் முன்வைக்கவில்லை. மாறாக இது விழிக்குப் புலப்படாத சந்தைக்காரணிகளால் நிகழ்த்தப்பட்டது என்கிறேன். அத்திரைப்படத்தின் மீதான வணிக வாய்ப்புகள் இன்னும் இருக்கின்றன என்பதாலேயே அது அகாடமியின் கண்களை ஈர்க்கிறது. சுவாரஸ்யம் என்பதும் ஏற்கனவே அது உலகெல்லாம் இருக்கும் கொரிய சினிமா ரசிகர்களால் ஏற்றுக் கொள்ளப்பட்டு விட்டது என்பதும் அதற்குத் தேவையானதாக, போதுமானதாக இருக்கிறது. ஆனால் பாரசைட் கவனம் பெறக் காரணமாக இருந்த அதே தங்கப்பனை விருதுக்கு 2014 ஆம் ஆண்டு பரிந்துரைப் பட்டியலில் இருந்த திரைப்படம் Alex Van Warmerdam இயக்கிய Borgman. இந்த திரைப்படத்தில் நிலத்தில் அறை ஏற்படுத்தி வாழும் பரதேசிகள் திரண்டு ஒரு குடும்பம் போல நண்பர்களாக குழுவாக வாழ்கின்றனர். அந்த பாதாள உலகம் தொந்தரவிற்குள்ளாகும் போது அவர்கள் வெளி உலகிற்கு வருகின்றனர். ஒரு செல்வந்தரின் குடும்பம் ஒன்றைத் தெரிவு செய்து நுழைந்து அவர்களை வசியம் செய்து வெல்லவோ அல்லது கொன்று கடக்கவோ செய்கிறார்கள். இதில் ஒவ்வொரு காட்சியிலும் ஒவ்வொருவராக அந்தக் குடும்பத்திற்குள் எப்படி நுழைகிறார்கள் என்பதே கதையின் மைய அங்கம். பாரசைட்டில் வரும் நிலத்தடி மனிதன், குழந்தைகளிடம் நெருங்குதல், செல்வந்தரின் மகளைக் காதல் வலையில் வீழ்த்துதல், நுட்பமாக வர்க்க வேறுபாடுகளைப் பேசுதல் என ஒவ்வொரு காட்சிகளும் அங்கங்களும் வெகுவாக போர்க்மேனுடன் நேரடியாகவே தொடர்பு கொண்டிருக்கின்றன. ஆனால் இயக்குநர் இதை இலகுவான கதைக்களமாக – வளைவுகளும் திருப்பங்களும் கொண்ட மர்மக்கதை – என்கிற அளவில் பார்வையாளர்களுக்குப் படைக்கிறார். அதில் பெரும் வெற்றியும் கொள்கிறார். ஆனால் மனித இருளை முன்வைத்து கொஞ்சம் அசல் பீதியை ஏற்படுத்துவது எது என்று பார்த்தால் பாராசைட்டை விட போர்க்மேனையே சுட்டிக் காட்ட வேண்டியிருக்கும். Marriage Story தங்கப்பனை விருது அளிக்கும் முன்போ, அகாடமியில் மூலத் திரைக்கதை பிரிவில் விருது அளிக்கும் முன்போ அந்த குழுக்கள் மின்சாரக் கண்ணாவைப் பார்க்காமல் இருந்திருப்பார்கள் என்பதைப் புரிந்து கொள்ள முடிகிறது. ஆனால், போர்க்மேன் படத்தையும் எப்படிப் பார்க்காமல் இருந்திருப்பார்கள் என்று வியக்கத்தான் முடிகிறது. முதலில் ஆஸ்கார் பரிந்துரைப் பட்டியல் என்பதே, தான் படமெடுத்தாலே அவ்வாண்டு தனது பெயர் பட்டியலில் முன்பதிவு செய்யப்பட வேண்டும் என்பது போல சில இயக்குநர்கள் இருக்கிறார்கள். ஸ்கார்சஸி, டராண்டினோ, அல்மதோவர் போன்றவர்கள். அவர்களை எல்லாம் கொஞ்சம் ஒதுக்கி வைத்துவிட்டு இதர படங்களை கவனித்தால், ஓரளவு நல்ல படங்களாகவே இருந்துள்ளன. Marriage Story, Ford Vs Ferrari, Jojo Rabbit போன்ற படங்கள் மானுட உணர்வுகளை விசாரிப்பதில் பாரசைட்டிற்கு சற்றும் குறைவுடையன அல்ல. ஆனால் பாராசைட்டின் மீது ஏற்றப்பட்டிருக்கும் வர்க்கப் போர் பிம்பமும், அதில் இருக்கும் கட்டமைக்கப்பட்ட திரைக்கதைத் தன்மையும், அதைச் சுற்றி எழுந்த வணிகத் தந்திரங்களுமே அதற்கான அந்தஸ்தை ஏற்படுத்தி உள்ளது. ஆனால் சிறந்த படம், சிறந்த வெளிநாட்டுப் படம், சிறந்த திரைக்கதை மற்றும் சிறந்த இயக்குநர் என்ற நான்கு பிரிவுகளிலும் வெற்றி பெருமளவிற்கு உண்மையில் பாராசைட் அத்தனைத் தகுதியுடையதா என்ற கேள்விக்கும், அத்தோடு சேர்ந்து பரிந்துரைக்கப்பட்ட படங்கள் எவையுமே அந்தந்த பிரிவுகளில் இதை விட தரம் குறைந்தவையா என்ற கேள்விக்கும் அந்த படங்களைப் பார்த்திருப்பார்களேயானால், இல்லை என்று விடை பகர்வது அத்தனைக் கடினமாக இராது. உதாரணமாக சிறந்த திரைக்கதைப் பிரிவிற்கு வந்த பிற பரிந்துரைகளைப் பாருங்கள். Knives Out – Rian Johnson, Marriage Story – Noah Baumbach, 1917 – Sam Mendes and Krysty William-Cairns, Once Upon a Time in Hollywood – Quentin Tarantino Knives Out இவை நான்குடனும் பாராசைட்டையும் சேர்த்துப் பார்த்தால் Knives Out மிக அருமையான திரைக்கதை அமைப்பைக் கொண்டது என்பது எளிதில் புலப்படும். ஒரு தற்கொலை அல்லது கொலை என்ற வாய்ப்பையும் கொண்டுள்ள தற்கொலை. அதனைத் தொடர்ந்து எண் திசைகளிலும் விரியும் குழப்பங்கள், கேள்விகள், நீட்சிகள் என அத்தனையும் ஒன்றில் வந்து குவியும் ஒரு முழுமையான ‘கொலை செய்தவன் யார்?’ வகைத் திரைப்படம். தத்துவக் கேள்விகளையோ, வாழ்வியல் போராட்டங்களையோ பேசும் ஒரு க்ளாசிக் திரைப்படம் இல்லை தான். ஆயினும் Knives Out-இன் பின்னிருக்கும் எழுத்து நேர்மையான உழைப்பிலிருந்து விளைந்திருப்பது. சிக்கலான கேள்வி பதில்களை இலகுத்தன்மை போல தோற்றமளிக்கும் திரைப்படமாக முன்வைத்திருப்பதன் ஒருங்கு மேன்மையானது. இன்னொன்று Marriage Story. இதன் கதை இலாவகமாக திரைக்கதையில் நீண்டு விரிகிறது. முழுமையான திரைக்கதை என்று சொல்ல முடியாவிடிலும், கண்டிப்பாக பாராசைட்டை விட ஒரு படி மேலான திரைக்கதை தான் என்று சொல்ல முடியும். மணமுறிவின் படிநிலைகளைச் சொல்கையிலேயே மனம் அதிலிருந்து விலகிடவும் விலக முடியாமலும் தனக்குள் ஒரு அறப்போரை நிகழ்த்திப் பார்க்கிறது. உலகின் விழிகள் தன்னைக் குற்றவாளியாக நினைத்துவிடக் கூடாது என்பதும், இன்னும் ஆழமாய்த் தன் நெஞ்சே தன்னைப் பொய்யெனப் பேசிவிடக் கூடாது என்பதும் வெகு சிக்கலாய் முன்விரிகிறது. இருவருக்குள் இருக்கும் பிணைப்பை இன்னும் வலுவானதாக்கும் பிள்ளை இன்னும் தெளிவாய் வந்திருக்கலாம் என்பதைத் தவிர இந்த பட்டியலில் இருக்கும் திரைப்படங்களில் சிறந்த ஒரு திரைக்கதையாகத் தான் இதுவும் படுகிறது. நல்ல வேளையாக பாராசைட் தழுவல் திரைக்கதை என்ற பிரிவில் பரிந்துரை செய்யப்படவில்லை. (அப்படி பரிந்துரை செய்யப்பட்டிருந்தால் அது கொஞ்சமேனும் பொருத்தமானதாக இருந்திருக்கும்) ஒருவேளை இருந்திருந்தால் அதிலும் வென்றிருக்கும் Jojo Rabbit பாடு திண்டாட்டமாகி இருக்கும். 1917 எல்லா குலைவுகளுக்கும் முத்தாய்ப்பாய் துணை நடிகர் மற்றும் துணை நடிகையர் பிரிவுகளில் நிறைய முக்கியமான நடிப்பாற்றல் வெளிப்பட்டும் அவர்கள் புறக்கணிக்கப்பட்டு இருக்கிறார்கள் என்பது வெளிப்படை. 1938 ஆம் ஆண்டு ’Old Chicago’ என்ற திரைப்படத்தில் நடித்ததற்காக Alice Brady என்ற நடிகைக்குச் சிறந்த துணை நடிகைக்கான விருது அறிவிக்கப்பட்டது. அப்போது தன் கால்மூட்டில் ஏற்படுட்டிருந்த காயம் காரணமாக அவர் விழாவில் கலந்து கொள்ள முடியாமல் போகவே, அவர் சார்பாக ஒரு ஆண் அவ்விருதினைப் பெற்றுக் கொண்டார். வெற்றிச்சின்னத்தைப் பெற்றுவிட்டு அகன்ற அந்த மர்மநபர் அதற்கு பின் எவர் கண்ணிலும் படவேயில்லை. அலைஸ் ப்ரேடிக்கு அந்த மர்ம நபரைத் தெரியாது என்ற செய்தி அகாடமிக்குக் கிடைக்கவே மீண்டும் ஒரு மாற்று விருதுச்சின்னத்தை அவருக்கு வழங்கி அவரைக் கெளரவித்தது. அந்தத் திரைப்படத்தை விட அந்த மர்ம மனிதரின் சேட்டை அலைஸ் ப்ரேடியை இன்றும் நினைவு வைத்துக் கொள்வதற்குக் காரணமாகிறது. அலைஸ் ப்ராடியை விட சிறப்பாக நடித்து அகாடமியை ஏமாற்றிய அந்த நபர் மீண்டும் ஒரு முறை வந்து இந்த முறை துணை நடிகை விருது அறிவிக்கப்பட்ட நபரிடமிருந்தும் அந்த வெற்றிச் சின்னத்தைப் பறித்துச் சென்றிருக்கலாம். இன்னும் கொஞ்சம் துலா திறமையின் பக்கம் சாய்ந்திருக்கும்.   http://tamizhini.co.in/2020/02/24/ஆஸ்கார்-2020-சில-அவதானிப்புக/  
    • இறுதிக்காலம்வரை தமிழ் மக்களின் விடுதலை பற்றியே சிந்தித்துச் செயலாற்றிய மாமனிதர் சத்தியமூர்த்தி .! Last updated Feb 26, 2020   வெண்புறா நிறுவனர் மாமனிதர் சத்தியமூர்த்தி அவர்கள் நினைவு 7 ஆம் ஆண்டு நனைவு நாள் …! மாமனிதர் சத்தியமூர்த்தி அவர்கள் தமிழ் மக்களின் விடுதலைக்காக பல வருடங்கள் தன்னை அர்ப்பணித்துப் பணியாற்றியதுடன்,பள்ளிப் பருவம் முதல் இறுதிக்காலம்வரை தமிழ் மக்களின் விடுதலை பற்றியே சிந்தித்துச் செயலாற்றிய தமிழீழ மக்களாலும், தலைமையாலும் ஆழமாக நேசிக்கப்பட்ட ஒரு மாமனிதர். இலங்கைச் சிறையில் அடைக்கபட்டு கை, கால்கள் அடித்து முறிக்கப்பட்ட பின்னரும், பல இளைஞர்களின் உயிர்களைக் காக்கும் மருத்துவப் பணியையும், கால்களை இழந்தவர்களுக்கு செயற்கைக் கால் பொருத்துதல், பெற்றோரை இழந்த சிறார்களைப் பராமரித்தல் போன்ற பல தொண்டுகளைச் செய்தவர். இனவாத அரசின் நெருக்கடிகளால் அவரும் அவரது குடும்பத்தினரும் பல இன்னல்களுக்கு முகம்கொடுக்க நேர்ந்த போதிலும், தாயகத்திலும், இந்தியாவிலும், பின்னர் லண்டனிலும் தனது கொள்கையில் இறுதிவரை உறுதியாக நின்று தமிழ் மக்களின் விடிவுக்காக தன்னை அர்ப்பணித்த, போற்றுதற்குரிய மனிதர். 1985ஆம் ஆண்டு இந்தியாவில் தமிழர் புனர்வாழ்வுக் கழகத்தின் முதலாவது தலைவராக இருந்து வழி நடத்தி, அந்த அமைப்பு தாயகத்தில் பல்வேறு தொண்டுப் பணிகளைச் செய்ய வித்திட்டவர். பின்னர் பிரித்தானியாவில் வெண்புறா தொண்டமைப்பை நிறுவி பல்வேறு பணிகளை முன்னெடுத்தவர். மாமனிதர் நமசிவாயம் சத்தியமூர்த்தி அவர்களின் பணியினை, மென்மேலும் முன்னெடுத்துச் செல்வதற்கு ஒரு விடுதலை ஊக்கியாக அவர் எல்லோர் மனங்களிலும் நிறைந்திருப்பார் என்பதே காலம் சொல்லும் உண்மையாகும்.   https://www.thaarakam.com/news/114973
    • மன்னாரில் முன்னெடுக்கப்பட்டு வந்த தனிநபரின் உண்ணாவிரத போராட்டம் முடிவு February 26, 2020 தமிழ் தேசியக்கூட்டமைப்பை கட்சியாக பதிவு செய்ய கோரியும்,பல்வேறு கோரிக்கைகளை முன் வைத்து மன்னாரை சேர்ந்த இளைஞர் ஒருவர் கடந்த 5 நாட்களாக முன்னெடுத்து வந்த உண்ணாவிரத போராட்டம் இன்று புதன் கிழமை மாலை 6.45 மணியளவில் கைவிடப்பட்டுள்ளது. தமிழ் தேசியக்கூட்டமைப்பை கட்சியாக பதிவு செய்ய கோரியும்,பல்வேறு கோரிக்கைகளை முன் வைத்து   மன்னாரைச் சேர்ந்த இரத்தினம் ஞானசேகரம் யூலியஸ்(வயது-39) என்ற இளைஞர் சனிக்கிழமை காலை மன்னார் நகர சபை மண்டபத்திற்கு முன்னால் உண்ணாவிரத போராட்டம் ஒன்றை முன்னெடுத்து வந்தார். இன்று புதன் கிழமை 5 ஆவது நாளாகவும் அவரது உண்ணாவிரதம் தொடர்ந்தநிலையில் குறித்த நபரின் உடல் நிலையை கருத்தில் கொண்டு மன்னார் பிரஜைகள் குழுவினர் உண்ணாவிரதத்தில் ஈடுபட்டு வந்த நபருடன் பேச்சுவார்த்தையில் ஈடுபட்டதோடு,குறித்த உண்ணாவிரத போராட்டத்தை கைவிட்டு குறித்த நபரின் முயற்சியை  வேறு வடிவத்தில் முன்னெடுக்க ஆலோசனை வழங்கினர். இந்த நிலையில் குறித்த நபரின் உண்ணாவிரத போராட்டம் இன்று புதன் கிழமை மாலை 6.45 மணியளவில் முடிவுக்கு கொண்டு வரப்பட்டது.மன்னார் பிரஜைகள் குழுவின் ஏற்பாட்டில் குறித்த நபரின் உண்ணாவிரத போராட்டம் முடிவுக்கு கொண்டு வரப்பட்டது. மன்னார் பிரஜைகள் குழுவின் தலைவர் அருட்தந்தை எஸ்.ஞானப்பிரகாசம் அடிகளார்,பிரஜைகள் குழு பிரதி நிதிகள், மன்னார் மறைமாவட்ட குரு முதல்வர் அருட்தந்தை அன்ரனி விக்டர் சோசை அடிகளார்,மூர்வீதி ஜீம்மா பள்ளி மௌலவி எம்.அசீம்,மன்னார் நகர முதல்வர் ஞானப்பிரகாசம் அன்ரனி டேவிட்சன்,மன்னார் நகர சபை உறுப்பினர்களான எஸ்.ஆர்.குமரேஸ்,ஜோசப் தர்மன் உள்ளிட்டோர் கலந்து கொண்டு   ஆகாரத்தை வழங்கி உண்ணாவிரதத்தை முடிவுக்கு கொண்டு வந்தமை குறிப்பிடத்தக்கது.  #தமிழ் தேசியக்கூட்டமைப்பை  #மன்னார்  #உண்ணாவிரதபோராட்டம்   http://globaltamilnews.net/2020/137494/