யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
கிருபன்

மனதைக் கவர்ந்த கவிதைகள்

Recommended Posts

அசைவ முத்தமா…

 

உன் செவ்விதழ்கள்
     செந்தேன் சுரக்க…
என் செவ்வாயில் 
     முத்தத்தால் 
ஒரு பூகம்பம்…
   கனவில் நீ 
அள்ளி தரும்
     அசைவ முத்தமா…
By…
அவள் விழிகளில் இதயத்தைத் தொலைத்தவன்…
N.AJNESSH 

JAT_20170115_180612.png

Share this post


Link to post
Share on other sites
 

போருக்கு பின் நாங்கள் வளர்த்தது
நாட்டில் குப்பை
வீட்டில் தொல்லை
உடம்பில் தொப்பை

போர் முடிந்து நாங்கள் அள்ளியது
ஆற்றில் மணல்
வீதியில் உடல்
காட்டில் மரம்
வங்கியில் கடன்

போரோடு நாங்கள் விட்டு வந்தது
உதவும் மனசு
பக்கத்து வீட்டுக்கும் சேர்த்து சமைப்பது
எப்போதும் இனத்தை காப்பது
இயற்கையின் மேல் கொண்ட பற்று
என்றும் ஓயாமல் உழைப்பது
யாரையும் ஏமாற்றாமல் வாழ்ந்தது
பிறருக்காக அழுதது
எமக்காக எதையும் சேர்க்காதது
பணத்தை தேடி ஓடாதது
பெண்களை சீண்டாதது
வறுமையிலும் மகிழ்வை இழக்காதது
இளமையிலும் மதுவை நாடாதது

போருக்கு பின் நாங்கள் நடிப்பது

மதுக் கோப்பை ஏந்தி தேசியம் பேசுவது
மங்கையர் வீதியில் நடமாட அஞ்சுவது
ஏமாற்று உழைப்பிலே பணத்தை சேர்ப்பது
ஒருவனுக்கு ஒருத்தி நிலையை
இழந்தது
போதையில் வாழ்க்கை அழிந்தே போனது
தமிழன் என்று மார்தட்டிக் கொள்வது
நாய்க்கு வைக்கும் பெயரை
சேய்க்கு வைப்பது
இவையா தலைவன் எமக்கு
சொல்லிப் போனவை என்பது

வட்டக்கச்சி
வினோத்

Image may contain: 1 person

Share this post


Link to post
Share on other sites
 

பசுப்பாலை வெளிநாட்டு நிறுவனங்களுக்கு
பச்சையாக பணத்துக்கு
பக்குவமாக விற்று
பைகளில் பண்படுத்தி
பொடியாக வருவதை
மீண்டும் நீர் கலந்து
குடிக்கும் அறிவியல் எம்மிடத்தில்

வெண்ணையை பிரித்து சீஸ் என்றும்
மீதியை பால் பவுடர் எனவும்
கழிவுகளை யோக்கட் போலவும்
மிஞ்சியதை பால் பாணம் ஆகவும்
எஞ்சியதை இனிப்பு என காட்டும்
கண்காட்சி வியாபாரம்
நம்பியே ஏமாருகின்றோம்

நாட்டுப் பசும்பால்
நன்றாக புளித்த தயிர்
மத்தில் கடைந்த மோர்
அள்ளி எடுத்த வெண்ணெய்
பாணி கலந்த பால்கோவா

எங்கே போச்சு எல்லாம்
எங்கள் வருமான வீழ்ந்து போகும்
எப்படி வளரும் பொருளாதாரம் 
பண்பாடு வாழ்வதால் வளமாகும்
அதில் தானே எங்கள் வருமானம்

வட்டக்கச்சி
வினோத்

நன்றி நம்மாழ்வார்

Image may contain: grass, outdoor and nature
 
 
 

Share this post


Link to post
Share on other sites

வைரமுத்துவின் சுனா‌மி க‌விதை

ஏ கடலே
உன் கரையில் இதுவரையில்
கிளிஞ்சல்கள்தானே சேகரித்தோம்
முதன் முதலாய்ப் பிணங்கள் பொறுக்குகிறோம்

ஏ கடலே
நீ முத்துக்களின் பள்ளத்தாக்கா
முதுமக்கள் தாழியா

உன் அலை எத்தனை விதவைகளின் வெள்ளைச் சேலை?

உன் மீன்களை நங்கள் கூறுகட்டியதற்காக
எங்கள் பிணங்களை நீ கூறுகட்டுகிறாய்?

அடக்கம் செய்ய ஆளிராதென்றா
புதை மணலுக்குள்
புதைத்துவிட்டே போய்விட்டாய்?

பிணங்களை அடையாளம் காட்டப்
பெற்றவளைத் தேடினோம்
அவள் பிணத்தையே காணோம்

மரணத்தின் மீதே மரியாதை போய்விட்டது
பறவைகள் மொத்தமாய் வந்தால் அழகு
மரணம்
தனியே வந்தால் அழகு
மொத்தமாய் வரும் மரணத்தின் மீது
சுத்தமாய் மரியாதையில்லை

இயற்கையின் சவாலில்
அழிவுண்டால் விலங்கு

இயற்கையின் சவாலை
எதிர்கொண்டால் மனிதன்

https://eluthu.com/kavignar-kavithai/1406.html

Share this post


Link to post
Share on other sites

தமிழர் புத்தாண்டு அல்ல
ஆங்கில ஆதிக்க அடிமைத்தனத்தின் வெளிப்பாடு
இழந்ததை மீட்பது எப்போது
இருப்பதையாவது காப்பது நல்லது
இனத்தின் அடையாளம் உன்னது

நாள் காட்டிகளை மாற்றும் போது
தீய குணங்களையும் மாற்றி விடுவோம்
எமக்கான தனித்துவத்தை போற்றி நிற்போம்

வட்டக்கச்சி
வினோத்

 
Image may contain: 1 person, standing

Share this post


Link to post
Share on other sites

அன்பின் தீக்கொடி

அன்பின் தீக்கொடி

மரணித்த மழலை கைவிட்ட முலைகளாய்

விம்மி வலித்து கசிகிறது எனதன்பு-நீயோ

அதனை கழிவறையில் பீய்ச்சியடிக்க பணிக்கிறாய்

வறண்ட உன் பாலையில் ஒற்றை மலர் தேடி

ஓயாமல் அலைகின்றேன்-நீயோ

மனப் பிறழ்வுக்கான மருந்தொன்றை  சிபாரிசு செய்கிறாய்

இயந்திரத்திற்கு சிக்கிய செங்கரும்பாய்

வெம்மையில்  நசுங்கி வழிகிறது இரவு

புயல் தின்ற  முதிர்ந்த நெற்கதிரென

உன்  வயலெங்கும் உதிரும் எனது இருப்பு

செ.சுஜாதா,

பெங்களூர்.

Share this post


Link to post
Share on other sites

கண்ணம்மா கவனம் கண்ணம்மா

பாலை வனத்தில் வாழப் பழகிவிடு
பாவிகள் அதையே உருவாக்கிகொண்டு இருக்கிறார்கள்

மூச்சை ஒரு குவளையில் சேர்த்துவை 
காற்றையும் நஞ்சாக்கிக்கொண்டு இருக்கிறார்கள்

அடுத்த தேர்தலுக்கு இலஞ்சமாக
நீரையே வாங்கு
அதுவே விலையாக இருக்கும்

பணத்தை சேர்த்து வை அடுப்பு மூட்ட உதவும்
உலையில் நெல்லுக்கு பதிலாக
பூச்சிகளே கொதிக்கும்
ஏனெனில் அவைகளே
உலகில் மீதமாய் இருக்கும்

தொடர் நாடகத்தை பார்த்து
கண்ணீர் விடாதே
உலகில் இருக்கும் கடைசியான
நீராதாரம் அது தான்

வெள்ளத்தை உருவாக்கி அழிப்பார்கள் பின்
தரிசு நிலமென்று அபகரிப்பார்கள்

புயலுக்கு கண்ணீர் வடிப்பார்கள்
அழிவில் இலாபம் காண்பார்கள்

உன் நிழல் தான் உனக்கு இளைப்பாற கிடைக்கும் கடைசி இடம் அதையும் அழித்து விடாதே
கண்ணம்மா கவனம் கண்ணம்மா

வட்டக்கச்சி
வினோத்

Image may contain: 3 people
 

Share this post


Link to post
Share on other sites

வேதாளத்துடன் செல்வதற்கான எளிய விதிகள் – காஸ்மிக் தூசி

என் தோளில் அசைந்தாடியபடி
பயணத்தில் உடன் செல்கிறது
விக்கிரமாதித்தன்
விட்டுச்சென்ற வேதாளம்

விக்கிரமாதித்தன் சுமந்து பழகியது
ஆனால் விக்கிரமாதித்தன்தான் வேண்டும்
என்பதில்லை.
வேதாளத்துக்கு தேவைப்படுவதெல்லாம்
தொங்கிச்செல்ல ஒரு தோள்.

கூரிய நகங்களால்
கூந்தலை கோதி சிக்கெடுத்துக்கொண்டே
சுமந்து செல்பவரின் காலடியின் கதிக்கு ஏற்ப
ஏதாவதொரு பாடலை
மெல்லிய குரலில் முணுமுணுத்துக் கொண்டே வரும்
வழிநெடுக்க.

அவ்வப்போது
பிசிறடிகும் குரலை மட்டும்
பொருட்படுத்தவில்லை என்றால் போதும்
பெரிய தொந்தரவு என ஏதுமில்லை

பாடல்கள் தீர்ந்து பயணம் நீண்டு விட்டாலும்
பிரச்சினையில்லை. சலிப்பில்லாமல்
எதையாவது பேசிக்கொண்டே வரும் என்பதால்
வழித்துணைக்கு மிகவும் ஏற்றது.

வேதாளத்துடன் செல்வதற்கான
விதிகள் மிகவும் எளியவை.
மெதுவாகச் செல்வதை
வேதாளம் விரும்பாது
கால் தடுமாறும் என்பதால்
ஓடுவதும் கூடாது
எடை அழுத்தி
தோள்பட்டை கடுக்கும்போது மட்டும்
கீழிறக்கி அடுத்த தோள்பட்டைக்கு
மாற்றிக்கொள்ள வேண்டும்.

வேதாளத்தின் பேச்சில்
தன்னிலை மறந்து
தவறிப்போய்
தரையில் சுருண்டு படுத்திருக்கும் சர்ப்பத்தையோ
காய்ந்த இலைகளுக்குள்
மறைந்திருக்கும் நரகலையோ
மிதித்துவிடாமல் நடக்க வேண்டும்.

முருங்கைமரம் அடர்ந்த வழியில்
செல்லும்போது மட்டும்
இன்னும் சற்று
எச்சரிக்கை தேவை.

கவனம் இன்றி நாம் சொல்லும்
பிழையான பதிலில் கோபமுற்று,
சடாரென பாய்ந்து ஏறிக்கொள்ளும்
மரத்தில்.

பிறகு மரமேறி, சமாதானம் கூறி
கட்டுக்களை வெட்டி வீழ்த்தி
தலைகீழாய் தொங்கிக் கொண்டிருக்கும் வேதாளத்தை
நிதானமாய் இறக்க வேண்டும்.

கோபம் குறையவில்லை என்றால்
ஒரு முறை மானசீகமாய் கொஞ்சி
மன்னிப்பு கோரினால் போதும்.
உற்சாகமடைந்து
உடனே வந்து ஏறிக்கொள்ளும்
தோளில்.

வழுக்கும் கோந்து கொண்டது
கம்பளிப்பூச்சிகள் அடர்ந்தது
எளிதில் உடையக்கூடியது, என்பதால்
முருங்கை மரத்திடமும்
கவனம் அவசியம்

இவ்வளவு
பிரச்சினைகளை வைத்துக்கொண்டு
ஒரு வேதாளத்தை
ஏன் சுமக்க வேண்டும்?
என்று நீங்கள் கேட்கலாம்

யாருமில்லாமல்
தனியாக செல்வதற்கு பதில்
வழித்துணைக்கு
ஒரு வேதாளத்தையாவது
அழைத்துபோகலாம்தானே?
எனக் கேட்டு நட்பாய் சிரிக்கிறது
வேதாளம்

சரி போகிறது
நம்மை விட்டால்
வேறு எவர்தான் வேதாளத்தை
வெளியே அழைத்துச் செல்வது?

 
 
  • Like 1

Share this post


Link to post
Share on other sites

தன்னையுண்ணும் ஒருவன்

ராஜேஷ் ஜீவா

04

நீண்ட நாட்களாக
ஊர்ஊராக யாசித்தும்
பசியாற எதுவும் கிடைக்காதவன்
நெடிய யோசனைக்குப் பின்
உண்பதற்குத் தன்னைத்
தேர்ந்து கொண்டான்
மலைக்குகை
தைல ஓவியத்தில்
தொல்குடியொருவன்
கையிலேந்திய கூர்ஈட்டியை
கைமாறாகப் பெற்று
மார்புச் சதையை
கிழித்துச் சுவைத்தவன்
அடுத்ததாக
தன்  கெண்டைக்காலில்
விளைந்திருக்கும்
கொழுத்த திரட்சியினை
அறுத்துத் தின்கையில்
கடல்கன்னியர் சிப்பிகளை
ஆசை ஆசையாகப்
பிரித்துச் சாப்பிடுவதை
நினைத்துக் கொண்டான்
தாது வருஷத்துப் பசியாற்ற
உதரத்தைத் தேர்ந்த அவனுக்கு
பின்னர் தன்னை உண்பதற்கான
அவசியம் நேரவில்லை.

 

http://vallinam.com.my/version2/?p=5886

 

  • Like 1

Share this post


Link to post
Share on other sites

கவிதைகள் எல்லாம் நல்ல கவிதைகள்.ஆனால் மனதின் வலிகளையே அதிகம் சொல்கின்றன.......கொஞ்சம் மதுரமான கவிதைகளும் இருந்தால் மனம் இலேசாகும் ......!  😁

  • Like 1

Share this post


Link to post
Share on other sites
2 hours ago, suvy said:

கவிதைகள் எல்லாம் நல்ல கவிதைகள்.ஆனால் மனதின் வலிகளையே அதிகம் சொல்கின்றன.......கொஞ்சம் மதுரமான கவிதைகளும் இருந்தால் மனம் இலேசாகும் ......!  😁

வலிகள்தான் மனதை அதிகம் கவர்கின்றன!

Share this post


Link to post
Share on other sites
1 minute ago, கிருபன் said:

வலிகள்தான் மனதை அதிகம் கவர்கின்றன!

உண்மைதான் கிருபன், வலிகள் அடுத்தவர்களுக்கு வரும்போது ரசிக்க முடிகிறது அல்லது கண்ணீர் சிந்த முடிகிறது. நமக்கென்று வரும்போதுதான் உயிர் போகிறது.....!   😒

Share this post


Link to post
Share on other sites

 

  • Like 1

Share this post


Link to post
Share on other sites

இன்று தாய் மொழி தினம்!!
போராளிகள் கவிதை! ஈழம்

 

 

Share this post


Link to post
Share on other sites

சில காதல் கவிதைகள்

– போகன் சங்கர்

1

கடலை ஒன்றும் செய்யமுடியவில்லை

அது கரையில்

தனித்துவிடப்பட்ட காதலன் போல

பேசிக்கொண்டே செல்கிறது.

2

நிலவொளியின் கீழே

யாராலும் தொடப்படாமல்

ஒரு வைரக்கல் கிடக்கிறது

நான் பார்த்ததும்

ஒரு நண்டு அதன் மேல் ஏறிப் போனது

மவுனம்.

வைரத்தை அது சுரண்டும் ஒலி மட்டும்.

3

நீங்கள் அவளிடம் இதைத் தெரிவித்துவிடக் கூடாது

பின்னப்படாத ஒரு ஆடையென

இது அவள் வாழ்வில் கிடக்கட்டும்

அவள் யாரென அறியா ஊரிலே

இந்த ஆடை பின்னப்பட்டு

அவள் கையில் கிடைக்கட்டும்.

4

அவள் இப்போது

காதலுக்கு வெகு தூரத்தில்

இருக்கும் ஒரு ஊரில் இருக்கிறாள்

வெகு தூரத்தில் இருக்கும்

ஒரு வேலையைச் செய்து கொண்டிருக்கிறாள்

காற்றுக்காக சன்னலைத் திறந்து வைத்துக் கொண்டு

ஒரு படிவத்தை நிரப்பிக் கொண்டிருக்கிறாள்.

அவளறியாமல் அவள் தலைமுடியைக் கோதும்

குற்றவேலையை காற்று செய்துகொண்டிருக்கிறது

அந்த அறையில் ஒரு கோப்பை தண்ணீரும்

ஒரு பூனையும் அவளுடன் உள்ளன

பூனை சலித்து

அதன் இணையைத் தேடி

வெளியே போகட்டும்

நீங்கள் அதுவரை உங்கள் பாடல்களால்

அவளது கோப்பைத் தண்ணீரை

மதுவாக்கிக் கொண்டிருங்கள்.

5

அன்று அவள் அணிந்து வந்த உடை

அவளுக்குப் பொருந்தவே இல்லை

அந்த குளிர் கண்ணாடியும்.

அவள் நகங்களை சரியாக வெட்டுவதில்லை

சருமத்தைப் பேணுவதில்லை

அவளது கைப்பை நகைக்கும் விதத்தில் இருந்தது

அவள் தனது சரியான அளவில்லாத

செருப்பு தடுக்கி இருமுறை விழுந்தாள்.

எனக்கு ஒரு காட்டுச் செடியை கையில்

வைத்துக்கொண்டு

தனித்து ஒரு சாலையில் நடப்பது போல இருந்தது.

அதன் பெயரைச் சொல்லவரும்

மனிதர்கள் வசிக்கிற ஊர்களிடமிருந்து

விலகுகிற பாதைகளைத் தேர்ந்தெடுத்து நான் நடக்கிறேன்

கவனமாக.

6

மழை ஒரு சரியான பின்புலமாய் இருந்திருக்கும்

குளிரும் நதியும் கூட.

உச்சி வெயில் நடந்து போய்

நிழலுக்காக ஏங்கி நிற்கும் தினமாய்

அது இல்லாமல் இருந்திருக்கலாம்

மழை பின்னால் வந்தது

அவள் சென்ற பின்

புழுதி மணத்தைக் கிளப்பிக்கொண்டு

ஒரு கலியாணத்துக்குத் தாமதமாக வந்து விட்ட

புகைப்படக்காரனைப் போல.

7

அதிகாலையில்

தனது நுரைத்தடத்தையும் அழித்துவிட்டு

பெரிய கப்பலை நோக்கிச்

செல்லும் சிறிய படகில்

எப்போதும் நான் இருக்கிறேன்.

8

ஒரு பெரிய குளத்தின் அருகே உறங்கிக் கொண்டிருக்கிறேன்

குளத்தில் சில நட்சத்திரங்கள்

எனக்குத் தெரியும்.

இரவில் ஒரு சைத்திரிகன் வருகிறான்.

அவனுக்கு எப்படியோ

உன்னைத் தெரிந்திருக்கிறது.

9

குளிர்காலத்தின் பொன்னை எல்லாம் திரட்டி

சரக்கொன்றை

கோடையிடம் அளித்தது.

நான் ஒரு கடிதம் எழுதினேன்.

எழுதவில்லை.

நான் சொல்லிக்கொண்டேன்.

மழைக்காலத்தில்

நீ வேறு விதமான கடிதங்களை எழுதுவாய்

பனிப்புகையை ஒரு நாய்க்குட்டியைப் போல இழுத்துக்கொண்டு

அவள் கண்களின் நிறத்தில் மினுங்கும்

ஒரு சுலைமானித் தேநீரை அருந்தச் செல்லும் போது..

 

http://tamizhini.co.in/2019/03/18/சில-காதல்-கவிதைகள்-போகன்/

Share this post


Link to post
Share on other sites

வாட்சப்பில் வந்த கவிதை!

முஸ்லிம் நண்பா!
உங்களுக்காக அழுவதற்கு நான் தயார்!
ஆனால் என்னிடம் கண்ணீர் இல்லை!
உன்னைக்காப்பாற்ற என் கைகளை நீட்டியிருப்பேன்!
உன்னைக்காப்பாற்ற ஓடி வந்திருப்பேன்!
முடியவில்லை என்னால்;

காரணம் இதே ஒரு மாதத்தில்த்தான்
உடும்பனில் அவற்றை நீ வெட்டிவிட்டாயே!
நீ மறந்திருப்பாய்.
என்னால் மறக்கமுடியவில்லை.
காரணம் என்னால் நடக்கமுடியவில்லை!

நினைவிருக்கிறதா உனக்கு..
நீ மறந்திருப்பாய்.
நீ கொலைவெறியோடு விரட்டும் போது;
ஒரு கையில் குழந்தையும்
இன்னொரு கையில் நாய்க்குட்டியுமாகத்தான் ஓடினோம்
வீரமுனை, திராய்க்கேணியில்.

நாய்க்குட்டிக்கு அழுத நாங்கள் உனக்காய் அழமாட்டமா?
ஆனால்; மன்னித்துவிடு சகோதரா...
இப்போது எங்களிடம் கண்ணீர் கைவசமில்லை!

நீ சிங்கள இனதாண்டவத்தில் தான் தத்தழிக்கிறாய்
நாங்கள் கண்ணீரில் தத்தளிக்கிறோம்!
நாளை இந்த இனகுரோம் வற்றி நீ நலம் பெறுவாய்!
உனக்காய் உலகமே வரும்!

குற்றுயிராய் நந்திக்கடலில் மூழ்கியபோது;
எனக்காய் யாரும் வரவும் இல்லை
நீ வராட்டியும் பரவால்லை
பால்சோறு கொடுத்து கொண்டாடிக்க தேவையில்லை!

முஸ்லிம் சகோதரா!
உனக்காக நான் அழுவதற்கு தயார்
ஆனால் என்னிடம் கண்ணீர் கைவசம் இல்லை.

கொத்துக்கொத்தாய்..
பூவும் பிஞ்சுமாய்...
குஞ்சு குருமனாய்...
குடல் கிழிந்து...
சதை கிழிந்து...
வயிறொட்டி...
உயிரற்ற பிண்டங்களையாய்...
உணர்வற்ற பூச்சிகளாய்...
இதே ஒரு மாதத்தில்தான் ....
வானம் அதிர குழறினோம்!!

உண்மையை சொல்லு உனக்கு கேட்டதா?
இல்லையா??
நீயோ சிங்களத்தின் போர்க்குற்றத்திற்கு துணை போனாய்.
எனக்காய் நீ ஒரு கரம் கூட நீட்டவில்லையே!
எனக்காய் ஒரு துளி கண்ணீர் கூட விடவில்லையே!
எனக்காய் ஒரு குரல் கூட
கிழக்கு முஸ்லிம்களிடம் கேட்கவேயில்லையே!!!

உனக்கும் எனக்குமா போர் நடந்தது?
இல்லையே!!!
எதற்காக மெளனமாக இருந்தாய்?
ஏன் திரும்பி நடந்தாய்?
போர் உங்கள் முன்னால்...
எங்களை; கடித்துக்குதறி...
கைகளை பின்னே கட்டி..
கறுப்புத்துணியால் கண்களை மூடி..
முதுகில் உதைத்து பிடரியில் அடித்து...
சப்பித்துப்பி... தின்று... கைகழுவிப்போனபோது...
அம்பாந்தோட்டையிலும்... அழுத்கமவிலும்...
காத்தான்குடியிலும் அக்கரைப்பற்றிலும்
நீங்கள் வெடி கொழுத்தி
கொண்டாடிக்கொண்டிருந்தீர்கள்.

பின்னர் ஒரு நாளில்
முட்கம்பி வேலிக்குள்...
நாங்கள் வானம் அதிர..
தொண்டை கிழிய...
குழறிக்கொண்டிருந்தோம்.
நீங்கள் கொழுத்தி கொண்டாடிய
"சீனா வெடிகளில்" ...
எங்களின் கூக்குரல்...
உங்களுக்கு கேக்கவேயில்லை!

இன்று உனக்காக நான் அழுவதற்கு
எனக்கு விருப்பம்.
ஆனால் என்னிடம்
கண்ணீர் கைவசம் இல்லை!

போன கிழமைதான்..
லண்டனில் தமிழனை கழுத்தறுப்பன் காட்டிய
சிங்களவனுக்கு.. நீ வாழ்த்துகின்றாய்.

இன்று அழுதுகொண்டிருக்காய்.
சம்பூரில் தொலைத்த தன் மகனை ...
தாயொருத்தி தேடிக்கொண்டிருந்தாள்!
நீயோ! மூதூரின் வீதிகளில்
"பிறை கொடி
சிங்க கொடி கட்டுவதிலும்...

உன்னிச்சையில் பள்ளிவாசல்
அடிக்கல் நாட்டுவதிலும்
மும்முரமாக இருந்தாய்.

கல்முனைக்குடி வீதிகளில்...
வெடி கொழுத்துவதிலும்;
வெற்றிக்கொண்டாட்டங்களில்
"கிரிபத்" தின்பதிலும்...
ஆரவாரமாய் இருந்தாய்!

நீ மறந்திருப்பாய்.
ஆனால் நான் மறக்கவில்லை.
மறக்கவும் முடியாது!
மறக்கவும் கூடாது!

உனக்காய் நான் அழவும்..
உனக்காய் என் கரம் நீழவும்..
உனக்காய் நான் ஓடிவரவும்...
என்னால் முடியாது.

ஏனெனில்; என் கால்களை...
என் கைகளை இதே ஒரு மாதத்தில்தான்
உடும்பன், வீரமுனை நீ வெட்டி எறிந்தாய்.

நீ மறந்திருப்பாய்..
ஆனால் நான் மறக்கவில்லை!
ஏனெலில் என்னால் நடக்கமுடியவில்லை!

முஸ்லிம் நண்பா!
உனக்காய் நான் அழ விருப்பம்தான்..
என்னிடம் கண்ணீர் இல்லையே!
ஆனால்; உன் துன்பத்தில்
நானும் துணையாக வர
இனியாவது உன் கரங்களை நீட்டு...
காத்திருக்கிறேன்!!!

Share this post


Link to post
Share on other sites

 

படத்திலுள்ள சிறுவர்கள், பெண்கள், ஆண்கள்

சேரன்

10365752_290070537835509_156691667907585

 

பட மூலம், UK Tamil News

படத்திலுள்ள சிறுவர்கள், பெண்கள், ஆண்கள்
யாரெனக் கண்டுபிடிப்பது எங்களுக்கு எளிது
ஒளியின் ரசாயனம்
அவர்களது குரலை எங்களுக்குத் தரவில்லை
பாதி உயிரில் துடிக்கும் உடலின் மணத்தை
அது பதிவு செய்யாது
சூழ நின்ற படையினரின் சப்பாத்துக்களை மீறி எழுந்த
ஒரே ஒரு அவலக் குரல்
ஆகாயத்தில் மிதந்த சாக்குருவியினுடையது

சிறுவர்கள், பெண்கள், ஆண்கள்
அனைவரது பெயர்கள் அறிவோம்
ஊரை அறிவோம்
கனவுகள் அறிவோம்; ஏமாற்றங்கள் அறிவோம்
நெருங்கிய உணர்வின் கையறு நிலை அறிவோம்
சினந்தெழுந்தவரின் இறுதிக் கண்வீச்சை அறிவோம்

மற்றவர் அறியா மொழி அது

எனினும்
இவை உங்களுக்கு உதவாது

நீங்கள் அடையாள அட்டையைக் கேட்கிறீர்கள்
பிறப்புச் சான்றிதழைக் கேட்கிறீர்கள்
எழுத்துமூலமான் பதிவை வலியுறுத்துகிறீர்கள்

இனப்படுகொலைக்கோ உயிராதாரம் உண்டு
கண்ணீர் எரிந்து உணர்வெழுதும்
நுண் சாட்சியம் உண்டு
கதை கதையாய்க் கொலை கொலையாய்
உறங்காத மொழியிலும் உலராத வரலாற்றிலும் நினைவுகள் உண்டு

தரலாம்.

பெறுவதற்கு யாருமில்லை
சிறுவர்கள், பெண்கள், ஆண்கள்
குருதி, மழை, சேறு.

சேரன்

 

https://maatram.org/?p=7916

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • சிறுபான்மைக்குள் பிளவுகளை ஏற்படுத்தி பெரும்பான்மைகளின் கைகூலியாக சீ.வீ. செயற்படுகின்றாரா ?   -எம்.ரீ. ஹைதர் அலி -சிறுபாண்மைக்குள் பிளவுகளை ஏற்படுத்தி பெரும்பாண்மைகளின் கைகூலியாக சீ.வீ. செயற்படுகின்றாராஎன்ற சந்தேகம் தமிழ், முஸ்லிம் மக்கள் மத்தியில் தோன்றியுள்ளது - பொறியியலாளர் ஷிப்லி பாறுக்அரசியல் அதிகாரங்களை பெறுவதற்குரிய மிகப்பெரிய மூலதனமாக இனவாதம் மாறிவிட்டதென்பதற்கு சீ.வி. விக்னேஸ்வரன் விலக்கல்ல என்பதை 300 தமிழ் கிராமங்கள் முஸ்லிம்களால் அபகரிக்கப்பட்டது என்கின்ற ஆதாரமற்ற மிகப்பெரும் குற்றச்சாட்டினை முன்வைத்திருந்தார் என முன்னாள் கிழக்கு மாகாண சபை உறுப்பினரும், இன்னாள் காத்தான்குடி நகர சபை உறுப்பினருமான பொறியியலாளர் ஷிப்லி பாறுக் தெரிவித்துள்ளார்.இது தொடர்பில் அவர் தொடர்ந்து தெரிவிக்கையில், தமிழ் தேசியக் கூட்டமைப்பினூடாக முதலமைச்சராகிய சீ.வீ. அவர்கள் தமிழ் தேசியக் கூட்டமைப்புடன் முரண்பட்டு வெளியேறியதற்குப்பின் தனெக்கென ஒரு அரசியல் இருப்பை இனவாத்த்தினூடாக தக்கவைக்க முயற்சிப்பது அவர் வகித்திருந்த ஆதாரபூர்வமான உண்மையின் பக்கம் மாத்திரம் நீதி செலுத்தும் உயர் நீதியரசர் என்கின்ற பதவிக்கு இவர் தகுதியற்றவராக இருந்திருப்பாரோ என எண்ணத்தோன்றுகிறது.நல்லிணக்கம், ஒற்றுமை, சமாதானம், சகவாழ்வு என்று இந்த நாட்டில் எத்தனையோ விடயங்கள் பேரின சக்திகளால் கேள்விக்குட்படுத்தப்பட்டு வருகின்ற இக்கால கட்டத்தில் சக சகோதர சிறுபாண்மை மீது இவ்வாறான ஆதாரமற்ற கருத்துக்களை வெளியிட்டதை முஸ்லிம் சமூகம் மிக வன்மையாக கண்டிக்கின்றது.கடந்த யுத்த காலத்தின்போது யுத்தத்தில் நேரடியாகவோ அல்லது மறைமுகமாகவோ பங்குகொண்டிராத முஸ்லிம் சமூகம் எண்ணில் அடங்காத உயிர்ச் சேதங்களையும், பாரிய பொருளாதார இழப்பையும், தமது வாழ்வுரிமைகளையும் தமிழ் போராட்டக்காறர்களால் இழந்து வட, கிழக்கில் துன்பப்பட்டதை சீ.வீ. அவர்கள் மறந்துவிட்டு பேசுவது ஆச்சரியத்தை ஏற்படுத்தியுள்ளது.21/4 தாக்குதலுக்கு பின்னரான காலத்தில் முஸ்லிம் சமூகம் பாரிய பிரச்சினைகளுக்கு முகம் கொடுத்துக் கொண்டிருக்கும் இக்காலகட்டத்தில் இவ்வாறான அபாண்டமான கருத்துக்கள் முஸ்லிம் சமூகம் மீதான சந்தேகப் பார்வையை மேலும் அதிகரிக்கும் விதமாக மாறியுள்ளது.நாட்டில் பேரினவாதம் சிறுபாண்மைகளை ஓரம்கட்டி தனிச் சிங்கள இராச்சியத்தை உருவாக்க வேண்டும் என்ற கோசத்துடன் ஒரு பன்சலையினூடாக ஒரு ஆயிரம் வாக்கு என்ற முன்னெடுப்புக்களை முன்னெடுத்து 7,000,000 பேரின் வாக்கினால் நாட்டினுடைய தலைவரை தேர்வு செய்ய முயற்சிக்கும் மிக ஆபத்தான சூழலில் சிறுபாண்மைக்குள் பிளவுகளை ஏற்படுத்தி பெரும்பாண்மைகளின் கைகூலியாக சீ.வீ. செயற்படுகின்றாரா என்ற பலத்த சந்தேகம் தமிழ், முஸ்லிம் மக்கள் மத்தியில் தோன்றியுள்ளது.தமிழ் தேசியக் கூட்டமைப்பு அன்றி வேறு எவராலும் தமிழ் மக்களின் பிரச்சினைக்கு தீர்வுகாண முடியாது என்கின்ற மிகப்பெரும் உண்மையை சீ.வீ. வருகின்ற தேர்தலில் தோற்கடிக்கப்பட்டு அரசியலில் இருந்து வெளியேற்றப்படும் அந்தநாளில் புரிந்துகொள்வார்.ஆக மொத்தத்தில் சீ.வீ. அவர்கள் இனவாத அரசியலை கைவிட்டுவிட்டு ஜனநாயக நீரோட்டத்தில் இன நல்லிணக்கத்தை முன்னிலைப்படுத்தி அரசியல் செய்கின்ற நல்ல சிந்தனையுடன் எதிர்காலத்தில் பயணிக்க சிறுபான்மை சமூகம் சார்பாக வேண்டிக் கொள்கின்றேன் என முன்னாள் கிழக்கு மாகாண சபை உறுப்பினரும், இன்னாள் காத்தான்குடி நகர சபை உறுப்பினருமான பொறியியலாளர் ஷிப்லி பாறுக் தெரிவித்துள்ளார். https://www.madawalaenews.com/2019/07/scv.html  
    • மனுஸ் தீவிலுள்ள புகலிடக்கோரிக்கையாளர்களை மீளக்குடியமர்த்த அவுஸ்திரேலியாவுக்கு வலியுறுத்தல் அவுஸ்­தி­ரே­லி­யா­வுக்கு விஜயம் செய்­துள்ள பபுவா நியூ­கி­னியின் பிர­தமர் ஜேம்ஸ் மராபி தனது நாட்டின் மனுஸ் தீவில் ஸ்தம்­பி­த­ம­டைந்­துள்ள  புக­லி­டக்­கோ­ரிக்­கை­யா­ளர்­களை மீளக்குடி­ய­மர்த்த காலவரை­ய­றை­யொன்றை நிர்ணயிக்க அவுஸ்­தி­ரே­லிய அதி­கா­ரி­க­ளுக்கு நேற்று வலி­யு­றுத்­தி­யுள்ளார்.  மராபி இரு மாதங்­க­ளுக்கு முன்னர் பிர­த­ம­ராக பத­வி­யேற்ற பின்னர் வெளி­நாடு ஒன்­றுக்கு விஜயம் செய்­வது இதுவே முதல் தட­வை­யாகும். அவர்  அவுஸ்­தி­ரே­லி­யா­வுக்­கான இந்த விஜ­யத்தின்போது அந்­நாட்டு பிர­தமர் ஸ்கொட் மொரிஸன் எதிர்க்­கட்சித் தலைவர் அந்­தோனி அல்பானிஸ் மற்றும் உயர்­மட்ட அதி­கா­ரி­க­ளுடன் சந்­திப்பை மேற்­கொண்டார். அவுஸ்­தி­ரே­லி­யா­வா­னது தனது நாட்­டுக்கு சட்­ட­வி­ரோ­த­மாக வரும் புக­லி­டக்­கோரிக் கை­யா­ளர்கள் அனை­வ­ரையும் மனுஸ் மற்றும் நவுறு தீவுக்கு அனுப்பும் நட­வ­டிக்­கையை மேற்­கொண்டு வரு­கின்­றது. அந்தக் கொள்கை நடை­மு­றைப்­ப­டுத்­தப்­பட்ட ஆறா­வது ஆண்டு தினம் கடந்த வெள் ளிக்­கி­ழ­மை­யாகும்.  இந்­நி­லையில் இத­னை­யொட்டி நேற்று முன்­தினம் ஞாயிற்றுக்­கி­ழமை மற்றும் அத ற்கு முதல் நாளான சனிக்­கி­ழமை ஆகிய தினங்­களில் அவுஸ்­தி­ரே­லி­யா­வெங்கும் எதி ர்ப்பு ஆர்ப்­பாட்ட ஊர்­வ­லங்கள் நடத்­தப்­பட்­டன. பபுவா நியூ­கி­னி­யி­லுள்ள புக­லி­டக்­கோ­ரிக்­கை­யா­ளர்­களில் பலர் மீளக்­கு­டி­ய­மர்த்­தப்­பட்­டுள்ள நிலையில் சுமார் 450 புக­லி­டக்­கோ­ரிக்­கை­யா­ளர்கள் தொடர்ந்து அங்கு தடுத்து வைக்­கப்­பட்­டுள்­ளனர். அங் குள்ள மோச­மான நிலைமைகள் காரண மாக அவர்கள் தற்கொலை செய்வதற்கு முயற்சித்து வருவது அண்மைக்காலமாக அதிகரித்து வருகிறது. அதேசமயம் மேலும் 350 புகலிடக்கோரிக்கையாளர்கள் நவுறு தீவில் உள்ளனர்.   https://www.virakesari.lk/article/60987  
    • ' நரகத்தில் நிச்சயிக்கப்பட்ட  திருமணம் ' - வீ.தனபாலசிங்கம் ஈஸ்டர் ஞாயிறு தற்கொலைக் குண்டுத்தாக்குதல்கள் இடம்பெற்று நேற்றைய தினத்துடன் சரியாக மூன்று மாதங்கள் கடந்துவிட்டன. அந்த கொடூரமான தாக்குதல்களுக்கு இஸ்லாமிய அடிப்படைவாதம் காரணமென்றால், அதற்கு பிறகு இலங்கை அரசியலில் காணக்கூடியதாக இருக்கின்ற வெறுப்பூட்டும்  போக்குகளுக்கு சிங்கள - பௌத்த அடிப்படைவாதம் காரணமாக இருக்கிறது. கடந்த மூன்று மாதகாலத்தில் அரசியல் விவாதங்களின் திசைமார்க்கத்தை தீர்மானிக்கின்ற முக்கியமான  காரணிகளில் சிங்கள - பௌத்த மேலாண்மைவாதம் முதல்நிலை வகித்துவருகிறது. அதன் முன்னரங்க சேனைகளாக பிக்குமார் விளங்குகிறார்கள். அரசியலில் பிக்குமாரின் ஆதிக்கம் என்பது இலங்கையைப் பொறுத்தவரை அண்மைக்காலத்தில் வளர்ந்த புதியதொரு தோற்றப்பாடல்ல, பல தசாப்தங்களாக இருந்துவருகிற ஒன்றுதான்.ஆனால், அதன் அண்மைக்கால வெளிப்பாடுகள் தென்னிலங்கை அரசியல் சமுதாயத்தில் ஆரோக்கியமான அரசியல் சிந்தனைப்போக்குகளுக்கு எதிர்காலத்தில் கிடைக்கக்கூடிய வாய்ப்புகள் குறித்து பலமான ஐயத்தை கிளப்புகின்றன. தான்தோன்றித்தனமாக செயற்படுகின்ற பிக்கு ஒருவர் உண்ணாவிரதப்போராட்டம் ஒன்றை ஆரம்பித்து சட்டரீதியாக நிரூபிக்கப்படாத குற்றச்சாட்டுக்களின் பேரில் ஒரு குறிப்பிட்ட இனத்தைச் சேர்ந்த மாகாண ஆளுநர்களையும் அமைச்சர்களையும் பதவிவிலகச் செய்யமுடிகிறது. குறிப்பிட்ட காலஅவகாசத்திற்குள் அந்த பதவிவிலகல்கள் இடம்பெறவில்லையானால் நாடு பூராவும் ' களியாட்டம் ' நடப்பதை எல்லோரும் பார்ப்பீர்கள் என்று பகிடிவிட்டு குறிப்பிட்ட ஒரு சமூகத்தைச் சேர்ந்த மக்களுக்கு எதிராக வன்முறை கட்டவிழ்த்துவிடப்படும் என்று தலதா மாளிகைக்கு முன்பாக பொலிசாருக்கு முன்னால் நின்று துணிச்சலுடன்வேறு ஒரு பிக்குவால்  கூறக்கூடியதாக இருக்கிறது ; திரிபுபடுத்தப்பட்ட தேசியக்கொடியை ஏந்திய கூட்டத்தினர் மத்தியில் நின்றுகொண்டு இலங்கையில் சிங்களவர்களை மாத்திரம் கொண்ட அரசாங்கம் அமையவேண்டும் என்று அவரால் பிரகடனம் செய்யமுடிகிறது. எந்த விதமான வன்முறையையும் ஏற்றுக்கொள்ளாத பௌத்த தர்மத்தைப் போதிக்கின்றவர்கள் என்று தங்களைக் கூறிக்கொள்கின்ற இந்த பிக்குமாரின் பேச்சுக்களில் முற்றிலும் வன்முறைத்தொனியே   தெறிப்பதைக்  காணக்கூடியதாக இருக்கிறது. அரசாங்கத் தலைவர்களையும் அரசியல்வாதிகளையும் எச்சரிக்கை செய்து  " உத்தரவுகளையும் " கூட அடிக்கடி பிக்குமார் பிறப்பிக்கிறார்கள். அரசியல் தலைவர்களுக்கு முகெலும்பு இருக்கிறதா என்றும் அவர்கள் கேட்கிறார்கள்.கண்ணியமாக  நடந்துகொள்ளாத பிக்குமாரின் செயற்பாடுகளைக்கூட கண்டிப்பதற்கு அரசியல்வாதிகள் முன்வருவதில்லை. விதிவிலக்காக  துணிச்சலை வரவழைத்துக்கொண்டு எந்த அரசியல்வாதியும் பிக்குமாரின் தவறுகள் என்று எதையாவது குறிப்பிட்டுவிட்டால் மன்னிப்புக்கேட்கும் வரை அவரை ஓய்வாக இருக்கவிடமாட்டார்கள்.பிக்குமாரில்  குறிப்பிட்ட சில பிரிவினரின் தவறான போக்குகளைச் சுட்டிக்காட்டினால், அதை முழு மகாசங்கத்தையும் அவமதிக்கும் செயலாக அர்த்தப்படுத்தும் விபரீதப்போக்கு ஒன்றையும் அவதானிக்கக்கூடியதாக இருக்கிறது. பிக்குமாரில் எந்தப்பிரிவினரையும் எந்தக் காரணத்துக்காகவும்  தங்களது கட்சியைச் சேர்ந்தவர்கள் புண்படுத்திவிடக்கூடாது என்பதில் அரசியல் தலைவர்கள் கண்ணும் கருத்துமாக இருக்கிறார்கள்.  வன்முறையைத் தூண்டுகின்ற  பிக்குமாரின் பிரசாரங்களையும்  செயற்பாடுகளையும் பௌத்த உயர்பீடங்களும் கண்டிப்பதில்லை.  இத்தகைய பிக்குமாரின் போக்குகளை விரும்பாத பிரிவினர் பெரும்பான்மைச் சமூகத்தவர்கள் மத்தியில் கணிசமானளவில் இருக்கவே செய்கிறார்கள்.ஆனால், அவர்கள் பகிரங்கமாக தங்களது உணர்வுகளை வெளிப்படுத்த முன்வரமுடியாத அளவுக்கு பேரினவாதம் மலைபோல் உயர்ந்துநிற்கிறது. கெடுதி செய்பவர்களினால் அல்ல அந்த கெடுதிகளுக்கு எதிராக எதையும் செய்யவோ பேசவோ முன்வராதவர்களினாலேயே உலகம் மக்கள் வாழ்வதற்கு ஆபத்தான இடமாக இருக்கிறது என்ற ஒரு மேதையின் கூற்று இங்கு நினைவுக்கு வருகிறது. இலங்கையில் காவியுடை பௌத்தர்களினால் எப்போது போற்றிமதிக்கப்படுகிறது. ஆனால்,கிறிமினல் செயல்களில் ஈடுபடுகின்ற பேர்வழிகள்  அந்த காவியுடைக்குள் தங்களை மறைத்துக்கொள்வதையும் எவரும் மறுக்கமுடியாது.ஒரு பௌத்தபிக்குவே தனது காவியுடைக்குள் கைத்துப்பாக்கியை மறைத்துவைத்துக்கொண்டுவந்து பிரதமர் ஒருவரைச் சுட்டுக்கொன்றார் என்பது வரலாறு. சொல்லப்போனால், இலங்கையில் பௌத்தமதம் ஒரு அரசியல் மதமாகவே விளங்குகிறது. அரசியலில் தங்களுக்கு செல்வாக்கான அந்தஸ்து ஒன்று வேண்டும் என்று பிக்குமார் நாட்டம் கொள்வதே இலங்கையில் உள்ள பிரச்சினை. புராதன காலத்தில் பௌத்தபிக்குமார் மன்னர்களுக்கு ஆலோசனை வழங்கினார்கள் என்பதை சுட்டிக்காட்டிக்கொண்டுதான் இன்றைய யுகத்திலும் அவர்கள் அரசாங்கங்களுக்கும் ஆட்சியாளர்களுக்கும் ஆலோசனை கூற வலிந்து முன்வருகிறார்கள். அதுபோக, அவர்கள் நேரடியாகவே அரசியலுக்கு வந்தும் விட்டார்கள். காவியுடையுடன் தேர்தல்களில் போட்டியிடுவதன் மூலம் அவர்கள் கட்சி  அரசியலுக்குள் பௌத்தமதத்தைக் ெகாண்டுவந்து நீண்டகாலமாகிவிட்டது. பிக்குமார் நேரடி அரசியலில் ஈடுபடுவதென்பது புத்தரின் அடிப்படைப் போதனைகளுக்கு முரணானது என்ற போதிலும், அவர்கள் அரசியலில் இறங்குவதைத் தடுக்க மகாநாயக்கர்களினால் கூட முடியவில்லை.  அரசியலுக்கும் மதத்துக்கும் இடையிலான ' திருமணம் ' சொர்க்கத்தில் அல்ல, நரகத்திலேயே தீர்மானிக்கப்பட்டது என்று அண்மையில் அரசியல் ஆய்வாளர் ஒருவர் எழுதியிருந்தார்.நவீன  இலங்கையில் இந்த ' நரகத் திருமணத்தை ' ஏற்பாடு செய்து நடத்திவைத்தவர் தனது செயலினால் எதிர்காலத்தில் இலங்கைக்கு ஏற்படக்கூடிய மாபாதக விளைவுகளை தெளிவாகத் தெரிந்துகொண்டிருக்கக்கூடிய  அறிவும் புலமையும் நிறைந்த ஒரு மனிதரே.அவர் ஒன்றும் வீரவன்சவையோ ஞானசாரவையோ போன்றவரல்ல. மொழியறிவு மட்டுப்பாடு காரணமாக உலக  வரலாற்றை தெரிந்துகொள்ளமுடியாதவரும் அல்ல. பிரபலமானவராக வரவேண்டும் என்பதற்காக மததை அரசியலுக்கு  பயன்படுத்தவேண்டிய அவசியத்தைக் கொண்ட அநாமதேயமும் அல்ல.இருந்தாலும் அவர் தேர்தலில் வெற்றிபெற்று பிரதமராகவேண்டும் என்பதற்காக சிங்கள -- பௌத்தம் என்ற ஆயுதத்தை வேண்டுமென்றே கையில் எடுத்தார்.  எஸ்.டபிள்யூ.ஆர்.டி.பண்டாரநாயக்கவின் எழுச்சியும் வீழ்ச்சியும்  அரசியலில் மதத்தைப் பயன்படுத்துவதற்கு எதிரான எச்சரிக்கையாக அமைகின்ற ஒரு ' நீதிக்கதை' போன்றதாகும்.ஆனால், துரதிர்ஷ்டவசமாக அந்தக் கதையை தென்னிலங்கையின் எந்த அரசியல் தலைவரும் விரும்பிப் படிக்கவில்லை. அவரைப் போன்றே பிறகு வந்த அரசியல் தலைவர்களும் பிக்குமாரை தங்களது அரசியலுக்கு தாராளமாகப் பயன்படுத்தினார்கள். இன்று இறுதியாக " அரசியல்வாதிகளே, நீங்கள்பேசாமல் இருங்கள் நாங்கள் ஆட்சிசெய்கிறோம் " என்று பிக்குமார் பிரகடனம் செய்கின்ற நிலை வந்துவிட்டது. சில மாதங்களில் முக்கியமான தேர்தல்கள் வரவிருக்கின்றன. தங்களது எதிர்கால வாய்ப்புக்களுக்காக மேலும் கூடுதலான அளவுக்கு அரசியல்வாதிகள் பிக்குமாரையும் மதத்தையும் பயன்படுத்துவதில் நாட்டம் காட்டுவார்கள். தனக்கு இரண்டாவது பதவிக்காலத்தை பெற்றுக்கொள்ளும் பிரயத்தனத்தில் மதத்தைப் பயன்படுத்தும் எண்ணத்துடனேயே ஜனாதிபதி மைத்திரிபால சிறிசேன நீதிமன்றத்தை அவமதித்ததாக குற்றவாளியாகக் காணப்பட்டு சிறைவாசம் அனுபவித்த பொதுபல சேனாவின் ஞானசார தேரோவுக்கு மன்னிப்பு அளித்து விடுதலை செய்தார். அத்துரலிய தேரோவின் மிரட்டலுக்கு பணிந்தது உட்பட பல காரியங்கள் மூலமாக பிரதமர் ரணில் விக்கிரமசிங்கவும் எந்தவிதமான தீவிரவாத்துக்கும் எதிராக துணிந்துநிற்கும் உத்தேசம் தனக்கு இல்லை என்பதை வெளிக்காட்டியிருக்கிறார். ஒவ்வொரு மாவட்டத்திலும் பல சைத்தியாக்களை நிர்மாணிக்கப்போவதாக சஜித் பிரேமதாச அளித்திருக்கும் உறுதிமொழி ஐக்கிய தேசிய கட்சியின் ஜனாதிபதி வேட்பாளராவதற்கான தனது முயற்சிகளில் மதம் முக்கியமான பாத்திரத்தை வகிக்கப்போகிறது என்பதற்கான சமிக்ஞையைக் காட்டியிருக்கிறார்.  முன்னாள் ஜனாதிபதி மகிந்த ராஜபக்சவின் ஸ்ரீலங்கா பொதுஜன பெரமுனவின் ஜனாதிபதி வேட்பாளராக வருபவர் தன்னை ஒரு நவீன துட்டகைமுனுவாக - சிங்கள பௌத்தத்தின் பாதுகாவலனாக முன்னிறுத்துவார் என்பதில் சந்தேகமில்லை. எதிர்வரும் மாதங்களில் அரசியலில் மதம் என்ற ஆயுதம் மிகவும் ஆபத்தானமுறையில் பயன்படுத்தப்படப்போகிறது. நரகத்தில் நிச்சயிக்கப்பட்ட திருமணத்தின் விளைவு !   https://www.virakesari.lk/article/60904  
    • விசேட விமானம் மூலம் இலங்கையர்களை திருப்பியனுப்பியது அவுஸ்திரேலியா   அவுஸ்திரேலியாவிற்குள் படகுகள் மூலம் நுழைய முயன்ற இலங்கையர்களை  கைதுசெய்துள்ள அவுஸ்திரேலிய அதிகாரிகள் விசேடவிமானம் மூலம் அவர்களை உடனடியாக  இலங்கைக்கு அனுப்பியுள்ளனர். கிறிஸ்மஸ் தீவில் உள்ள விமானநிலையத்திலிருந்து விமானமொன்று இலங்கையர்களுடன்  புறப்பட்டுள்ளதாக த அவுஸ்திரேலியன் தெரிவித்துள்ளது. 20 இலங்கையர்களை படகுடன் அவுஸ்திரேலியா தடுத்து நிறுத்தியுள்ளது என  தகவல்கள் வெளியாகியுள்ளன. குறிப்பிட்ட இலங்கையர்கள் பலத்த பாதுகாப்பிற்கு மத்தியில் விமானநிலையத்திற்கு அழைத்துசெல்லப்பட்டுள்ளனர் அங்கிருந்து விமானமொன்று புறப்பட்டுள்ளது என த அவுஸ்திரேலியன் உறுதி செய்துள்ளது. அவுஸ்திரேலிய உள்துறை அமைச்சர்  பீட்டர் டட்டன் இதனை உறுதி செய்யாத அதேவேளை சட்டவிரோதமாக அவுஸ்திரேலியாவிற்குள் நுழைய முயலும் எவரையும் நாடு கடத்துவோம் என அவரது அமைச்சின் அதிகாரியொருவர் தெரிவித்துள்ளார். இதுபோன்ற நடவடிக்கைகள் மற்றும் புலனாய்வு நடவடிக்கைகள் குறித்து பதிலளிப்பதில்லை என்ற கொள்கையை பின்பற்றிவருகின்றோம் என  அவர் தெரிவித்துள்ளார். அவுஸ்திரேலியாவிற்குள் சட்டவிரோதமாக நுழைய முயலும் எவரையும் தடுத்து நிறுத்தி அவர்கள் புறப்பட்ட இடத்திற்கு அல்லது அவர்களின் நாட்டிற்கு அனுப்பி வைப்பதே எங்கள் நிலைப்பாடு எனவும் அவர் தெரிவித்துள்ளார். இறைமையுள்ள எல்லைகள் என்ற எங்கள் நடவடிக்கையின் காரணமாக  எந்த சட்டவிரோத குடியேற்றவாசிகளும் அவுஸ்திரேலியாவிற்குள் நுழைய முடியாது எனவும் அந்த அதிகாரி தெரிவித்துள்ளார். ஒரிருதினங்களிற்கு முன்னர் இந்த படகை அவுஸ்திரேலியா தடுத்து நிறுத்தியது என தகவல்கள் வெளியாகியுள்ளன. அவுஸ்திரேலியாவில் தேர்தல்கள் இடம்பெற்ற பின்னர் அந்த நாட்டை நோக்கி பயணித்த வேளை தடுக்கப்பட்ட மூன்றாவது படகு இதுவென அதிகாரிகள் தெரிவித்துள்ளனர்.   https://www.virakesari.lk/article/60992
    • தலைவர்கள் வெட்கித் தலைகுனிந்து தம்மை மாற்றும் சூழல் உருவாக்கப்பட வேண்டும் - விக்னேஸ்வரன்   அர­சாங்­கத்­திற்கு நெருக்­குதல் கொடுப்­பதும் எமது நிலையை உல­க­றியச் செய்து எமது நாட்டின் தலை­வர்­களை வெட்கித் தலை­கு­னிந்து தம்மை மாற்றும் ஒரு சூழல் ஏற்­ப­டுத்­து­வ­துமே எமது குறிக்­கோ­ளாக இரு க்க வேண்டும். அத்­துடன் கட்சி சார் செயற்­பா­டு­க­ளிலும், தமிழ்த் தேசி­யத்தைப் பலப்­ப­டுத்தும் பணி­யிலும் கொள்கை ஒரு­மைப்­பாடு கொண்ட அனை­வ­ரையும் எம்­மோடு பய­ணிக்க அன்­பு­ரி­மை­யுடன் அழைத்து நிற்­கின்றேன். தன்­னாட்சி - தற்­சார்பு - தன்­னி­றைவே எமது தாரக மந்­தி­ரங்கள் என்று தமிழ் மக்கள் கூட்­ட­ணியின் செய­லா­ளரும் முன்னாள் வடக்கு மாகாண முத­ல­மைச்­ச­ரு­மான சி.வி.விக்­கி­னேஸ்­வரன் தெரி­வித்­துள்ளார். தமிழ் மக்கள் கூட்­ட­ணியின் மட்­டக்­க­ளப்பு மாவட்டப் பணி­மனைத் திறப்பு விழா நேற்று மாமாங்கம் சோம­சுந்­தரம் சதுக்­கத்தில் இடம்­பெற்­றது. இந்­நி­கழ்வில் கலந்­து­கொண்டு பணி­ம­னை­யினை திறந்­து­வைத்­த­ பின்னர் உரை­யாற்­று­கை­யி­லேயே விக்­கி­னேஸ்­வரன் இவ்­வாறு கூறினார். இங்கு அவர் மேலும் தெரி­வித்­த­தா­வது; மட்­டக்­க­ளப்பில் தமிழ் மக்கள் கூட்­ட­ணி க்கு மக்கள் தொடர்பு பணி­மனை ஒன்றை உரு­வாக்க உத­விய சக­ல­ருக்கும் முதற்கண் என்­னு­டைய நன்­றி­ய­றி­தல்கள் உரித்­தா­குக. இது சம்­பந்­த­மாக எமது நிர்­வா­கத்­திற்குப் பொறுப்­பான இணை உப­செ­ய­லாளர் சோம­சுந்­தரம் எடுத்­துக்­கொண்ட முயற்­சிகள் பாராட்­டப்­பட வேண்­டி­யவை. மாமாங்கப் பிள்­ளை­யாரின் கொடி ஏறி­மு­டிய எமது கொடியும் ஏற்­றப்­பட்­டுள்­ளது.  அதா­வது, எமது பணி­மனை திறந்து வைக்­கப்­பட்­டுள்­ளது. இந்நாள் தொடக்கம் தேவைகள் இருக்கும் எம்மக்­களும் எம்­முடன் சேர்ந்து அர­சி­யலில் பய­ணிக்க விரும்பும் எம் மக்­களும் இங்­கு­வந்து எமது செயற்­குழு அங்­கத்­த­வர்­களைச் சந்­தித்துச் செல்­லலாம். அவர்­க­ளுக்கு எம்­மா­லான உத­வி­களை நாம் புரிய கட­மைப்­பட்­டுள்ளோம்.  நிதி நெருக்­க­டிகள் இருந்­தாலும் அவற்றை சமா­ளிக்கக்கூடி­ய­வர்கள் எமது கட்சி உறுப்­பி­னர்கள். எமது உரி­மை­களை மீட்­டெ­டுப்­ப­தற்­காகப் பல தசாப்­தங்­க­ளாக நாம் போராடி வரு­கின்றோம். சொல்­லொண்ணாத் துன்­பங்­க­ளையும் துய­ரங்­க­ளையும் தாங்கி மாபெரும் இன­வ­ழிப்­புக்கு உள்­ளாக்­கப்­பட்டு தொடர்ச்­சி­யாக இன நீதி மறுக்­கப்­பட்டு சொந்த மண்­ணி­லேயே அடி­மை­க­ளாக வாழ்ந்து வரு­கின்ற துயர் நிலையைக் கொண்­ட­வர்­க­ளாக நாம் வாழ்ந்து வரு­கின்றோம்.  ஆரம்ப காலங்­களில் முஸ்லிம் சகோ­த­ரர்கள் எம்­முடன் இணைந்தே போரா­டி­னார்கள். என்­னுடன் சட்டக் கல்­வி­பெற்ற அக்­கால சட்­ட­மா­ண­வ­ரான காலஞ்­சென்ற மஷூர் மௌலானா ஒரு காலத்தில் தந்தை செல்­வாவின் வலது கர­மாக திகழ்ந்தார். நண்பர் அஷ்ரப்கூட தமி­ழ­ரசுக் கட்­சி­யுடன் சேர்ந்தே தமது அர­சியல் பணியை ஆரம்­பித்தார். இன்று எம்­மி­டை­யே­யான ஒற்­றுமை, புரிந்­து­ணர்வு யாவும் தேய்ந்து வரு­கின்­றதை காண்­கின்றேன். சுய­நலம் எம்மை பிள­வு­ப­டுத்­தி­யுள்­ளதைக் காண்­கின்றேன். மூன்று தசாப்­தங்­க­ளுக்கு மேலான தமி­ழர்­களின் ஆயுதம் தழு­விய உரிமை மீட்புப் போராட்டம் 2009 மே மாதத்­தோடு மௌனி க்­கப்­பட்டு இவ்­வாண்­டோடு பத்­தாண்­டு கள் நிறை­வு­பெ­று­கின்­றன. இந்­நி­லை­யி லும் இனப்­பி­ரச்­சி­னைக்­கான தீர்­வுத்­திட்ட முன்­மொ­ழி­வுகள் முன்­வைக்­கப்­ப­டா­மலும், இனப்­ப­டு­கொ­லைக்­கான நீதி, போர்க்­குற்ற விசா­ரணை, வலிந்து காணா­ம­லாக்­கப்­பட்­டோ­ருக்­கான நீதி,  தமிழ் அர­சியல் கைதிகள் விடு­தலை, இரா­ணு­வத்தின் பிடியிலுள்ள காணிகள் விடு­விப்பு, போர் முடிந்து இரா­ணு­வத்­தினர் வெளி­யே­றுதல் போன்ற பல விட­யங்­களில் ஆட்சி அதி­கா­ரத்தில் உள்­ள­வர்கள் சற்­றேனும் கவனம் செலுத்­து­வ­தாகத் தெரி­ய­வில்லை.  தனிப்­பட்ட நன்­மைகள் எம்­ம­வரும் அது­பற்றி அர­சாங்­கத்­திற்கு நெருக்­குதல் கொடுக்க வேண்டும் என்ற மனோ நிலையில் இல்லை. தமது தனிப்­பட்ட நன்­மை­க­ளையே தமது பத­வி­களை வைத்து பெற்­று­வர எத்­த­னித்­துள்­ளார்கள். இதன் விளை­வா­கவே கொள்­கையில் உறு­தி­யோடு, இன விடு­த­லையை முதன்­மைப்­ப­டுத்தி, நீதியின் வழி நின்று செய­லாற்ற தமிழ் மக்கள் கூட்­டணி என்­கின்ற கட்­சியை நிறுவ வேண்­டி­யது காலத்தின் கட்­டா­ய­மா­கிற்று. உங்கள் அனை­வ­ரதும் அய­ராத உழைப்பும், ஒத்­து­ழைப்பும், பொறு­மை­யுமே எமது கட்­சியை வெற்றிப் பாதையில் அழைத்துச் செல்ல வல்­லன. மதிப்­புக்­கு­ரிய மட்­டக்­க­ளப்பு வாழ் மக்­களே, வட கிழக்கு மாகாண தமிழ் மக்­களின்  உரி­மை­களை வென்­ற­டுப்­ப­தற்­கான தமிழ் மக்கள் கூட்­ட­ணியின் அர­சியல், பொரு­ளா­தார, சமூக ரீதி­யான செயற்­பா­டு­களில் மட்­டக்­க­ளப்பு மக்கள் முழு­மை­யான அளவில் பங்­கு­பற்றி எம்மை பலப்­ப­டுத்­து­வார்கள் என்று நான் நம்­பு­கிறேன். எமது மக்­க­ளுக்கு எதி­ரான இனப்­ப­டு­கொலை திட்­ட­மி­டப்­பட்ட வகையில் மேற்­கொள்­ளப்­பட்ட போதும் பீனிக்ஸ் பறவை போல புத்­து­யிர்­பெற்று இன்­றைய தமிழ் மக்­களின் அர­சியல் போராட்­டத்தின் முது­கெ­லும்­பாக எம் மக்கள் செயற்­பட்டு வரு­வதைக்கண்டு நான் வியப்­ப­டைந்­துள்ளேன்.  போராட்­டங்கள் வீண்­போ­காது பல வரு­டங்­க­ளாக வீதி­களில் நின்று எம் மக்கள் பற்­று­று­தி­யுடன் மேற்­கொண்­டு­வரும் பல்­வேறு போராட்­டங்­களைக் கண்­டு­கொண்­டுதான் இருக்­கின்றேன். அத்­துடன் கண்டு நான் உள்­ளக்­கி­ளர்ச்சி அடைந்­தி­ருக்­கின்றேன். உதா­ர­ணத்­திற்கு திரு­கோ­ண­ம­லையில் ஆளுநர் மாளி­கைக்கு முன்­பாக இன்றும் காணா­மற்­போ­னோரின் உற­வி­னர்கள் தொடர் போராட்­டத்தில் ஈடு­பட்­டுள்­ளனர். உங்கள் போராட்­டங்கள் ஒரு­போதும் வீண் போகாது. உங்கள் போராட்­டங்­க­ளுக்­கான எம்­மா­லான உத­வி­களை வழங்கும் வகை­யிலும் உரி­மை­களை வென்­ற­டுப்­ப­தற்­கான எமது செயற்­பா­டு­க­ளுக்கு உங்­களின் உத­விகள் மற்றும் ஆலோ­ச­னை­களைப் பெற்­றுக்­கொள்ளும் வகை­யி­லுமே இன்று இந்தப் பணி­மனை திறந்­து­வைக்­கப்­ப­டு­கி­றது.  பல கஷ்­டங்கள் மத்­தியில் இந்தப் பணி­ம­னையை திறந்­து­வைத்து எதிர்­கா­லத்தில் சிறந்த முறையில் மக்கள் சேவை ஆற்­று­வ­தற்­கான பல்­வேறு திட்­டங்­களை எம்­ம­வர்கள் வகுத்­தி­ருக்­கின்­றார்கள்.  மட்­டக்­க­ளப்பு மாவட்ட மக்கள் எமது இந்தப் பணி­ம­னை­யுடன் இணைந்து எமது மக்­களின் அர­சியல், சமூக, பொரு­ளா­தார மற்றும் கலா­சார ரீதி­யான அபி­லா­ஷை­களை வென்­றெ­டுப்­ப­தற்கு முழு­மை­யான ஒத்­து­ழைப்பை வழங்­கு­வார்கள் என்று நான் எதிர்­பார்க்­கின்றேன்.  அத்­துடன் இந்­நி­கழ்­விலும், கட்சி சார் செயற்­பா­டு­க­ளிலும், தமிழ்த் தேசி­யத்தைப் பலப்­ப­டுத்தும் பணி­யிலும் எம்­மோடு பய­ணிக்க அனை­வ­ரையும் அன்­பு­ரி­மை­யுடன் அழைத்து நிற்­கின்றேன். ஐ.நா. மனித உரி­மைகள் சபையின் தீர்­மா­னத்­தினை நிறை­வேற்­றாமல் பல்­வேறு ஏமாற்று வழி­மு­றை­களை இலங்கை அர­சாங்கம் கையாண்டு ஏமாற்­றி­வந்த நிலை யில் அவற்­றுக்கு எதி­ராக தொடர்ச்­சி­யாக உண்மை நிலை­மை­களை எடுத்­துக்­கூறி எம்மக்கள் நேர்­கொண்ட போராட்­டங்­களும் அர­சியல் செயற்­பா­டு­க­ளுமே  ஐ.நா. மனித உரி­மைகள் ஆணைக்­கு­ழுவின் பரிந்­து­ரை­களில் சில சாத­க­மான விட­யங்கள் உள்­ள­டக்­கப்­ப­டு­வ­தற்கு கார­ண­மாக அமைந்­தி­ருக்­கின்­றன.   இலங்­கையில் என்ன நடை­பெற்­று­வ­ரு­கின்­றன, உண்மை நிலைமை என்ன, மக்­களின் உணர்­வுகள் என்ன என்­பவை பற்றி எல்லாம் சர்­வ­தேச சமூ­கத்­துக்கு எட்­டி­யி­ருக்­கின்­றது என்­ப­தையே மனித உரி­மைகள் ஆணைக்­கு­ழுவின் பரிந்­து­ரைகள் எடுத்துக் காட்­டு­கின்­றன.  ஐ.நா.வின் கோரிக்கை அதா­வது, போர்­க்குற்­றச்­சாட்­டுக்கள் தொடர்பில் நம்­ப­கத்­தன்­மை­யான உள்­ளக விசா­ரணை நடை­பெ­ற­வில்லை என்­பதால் போர்க்­குற்றம் மற்றும் ஏனைய குற்­றங்­களில் ஈடு­பட்­ட­வர்­களை விசா­ரணை செய்து வழக்கு தொடரும் நட­வ­டிக்­கை­களை உறுப்பு நாடுகள் மேற்­கொள்ள வேண்டும் என்று ஐ.நா. மனித உரி­மை­க­ளுக்­கான உயர்ஸ்­தா­னி­க­ரா­லயம் தனது இலங்கை தொடர்­பான அறிக்­கையில் உறுப்பு நாடு­க­ளுக்கு பரிந்­து­ரைத்­தி­ருக்­கின்­றது.  சித்­தி­ர­வதை, வலிந்து காணாமல் செய்­யப்­ப­டுதல், போர்­க்குற்­றங்கள் அல்­லது மனி­தா­பி­மா­னத்­துக்கு எதி­ரான குற்­றங்கள் ஆகி­ய­வற்றை குறிப்­பாக சர்­வ­தேச நியா­யா­திக்க கோட்­பா­டு­க­ளுக்கு அமை­வாக விசா­ரணை செய்து வழக்கு தொடர நட­வ­டிக்கை எடுக்­க­வேண்டும் என்றும் குறிப்­பி­டப்­பட்­டுள்­ளது. அத்­துடன், இலங்­கையில் மனித உரி­மை­களை கண்­கா­ணிப்­ப­தற்கும், ஐ.நா மனித உரி­மைகள் ஆணை­யாளர், மனித உரி­மைகள் சபை, மற்றும் ஏனைய மனித உரி­மைகள் பொறி­மு­றைகள் ஆகி­ய­வற்றின் பரிந்­து­ரை­களை நிறை­வேற்றும் பொருட்டும் ஐ.நா மனித உரி­மைகள் ஆணைக்­கு­ழுவின் அலு­வ­லகம் ஒன்றை அமைப்­ப­தற்கு இலங்கை அர­சாங்கம் ஐ.நா. மனித உரி­மைகள் அலு­வ­ல­கத்­துக்கு அழைப்பு விடுக்­க­வேண்டும் என்றும் பரிந்­து­ரைத்­துள்­ளது. எமது தீர்­மானம்  கடந்த சில மாதங்­க­ளுக்கு முன்னர் தமிழ் மக்கள் பேர­வையில் ஒரு தீர்­மா­னத்­தினைக் கொண்­டு­வந்து ஐ.நா. மனித உரி­மைகள் ஆணை­யாளர் உட்­பட சம்­பந்­தப்­பட்ட பல தரப்­புக்­க­ளுக்கும் நாம் அனுப்­பிய தீர்­மா­னத்தில் இந்த விட­யங்­க­ளையும் உள்­ள­டக்­கி­யி­ருந்தோம். இவை கவ­னத்தில் கொள்­ளப்­பட்­டி­ருக்­கின்­றமை மகிழ்ச்சி அளிக்­கின்­றது. அவர்­களின் இந்தப் பரிந்­து­ரை­களை நாம் வர­வேற்­கின்றோம். அதே­வேளை, இலங்கை விட­யத்தை சர்­வ­தேச குற்­ற­வியல் நீதி­மன்­றத்­துக்கு கொண்­டு­செல்­ல­வேண்டும் என்றும் நாம் எமது தீர்­மா­னத்தில் வலி­யு­றுத்தி இருக்­கின்றோம்.  அண்­மையில் அமெ­ரிக்க அர­சாங்க அலு­வ­லர்கள் என்னை சந்­திக்க வந்­த­போதும் நான் இதை வலி­யு­றுத்­தினேன்.  ஐ.நா மனித உரி­மைகள் சபையின் தீர்­மா­னத்­தினை இலங்கை நிறை­வேற்­று­வ­தற்கு தவறி இருக்கும் நிலையில் இந்த விட­யத்தை சர்­வ­தேச குற்­ற­வியல் நீதி­மன்­றத்­துக்கு கொண்டுசெல்லவேண்டியதன் அவசியத்தை சர்வதேச நீதிபதிகள் ஆணைக்குழுவும் சில வாரங்களுக்கு முன்னர் வெளியிட்டுள்ள அறிக்கை ஒன்றில் வலியுறுத்தியுள்ளது.  இலங்கை விடயம் தொடர்பில் ஐ.நா மனித உரிமைகள் சபை விசேட பிரதிநிதி ஒருவரை நியமனம் செய்ய வேண்டும் எனப் பல தமிழ்க் கட்சிகள்  கூட்டாக வலி யுறுத்தியுள்ளன. ஆகவே எமது இந்த வலியு றுத்தல்கள் நடைமுறைக்கு வரும் வகை யில் இங்குள்ள தமிழ் மக்களும் புலம்பெயர் தமிழ் மக்களும் தமது அரசியல், ராஜ தந்திர செயற்பாடுகளை வகுத்து செயற் படவேண்டும்.  அரசாங்கத்திற்கு நெருக்குதல் கொடுப்ப தும் எமது நிலையை உலகறியச் செய்து எமது நாட்டின் தலைவர்களை வெட்கித் தலைகுனிந்து தம்மை மாற்றும் ஒரு சூழல் ஏற்படுத்துவதுமே எமது குறிக்கோளாக இருக்க வேண்டும். அத்துடன் கட்சி சார் செயற்பாடுகளிலும், தமிழ்த் தேசியத்தைப் பலப்படுத்தும் பணி யிலும் கொள்கை ஒருமைப்பாடு கொண்ட அனைவரையும் எம்மோடு பயணிக்க அன் புரிமையுடன் அழைத்து நிற்கின்றேன். தன் னாட்சி - தற்சார்பு - தன்னிறைவே எமது தாரக மந்திரங்கள் என்றார்.   https://www.virakesari.lk/article/60991