Jump to content
  • advertisement_alt
  • advertisement_alt
  • advertisement_alt

மனதைக் கவர்ந்த கவிதைகள்


Recommended Posts

  • Replies 311
  • Created
  • Last Reply

Top Posters In This Topic

Top Posters In This Topic

Popular Posts

சே' எனது டீஷர்ட்டில் சின்னப்பயல் வாய்க்காலில் கட்டுக்கடங்காத பிணங்கள், அலையடிக்கும் அலைக்கற்றையின் எண்ண முடியாத கணக்குகள், அடுத்த வேளை எச்சில் சோற்றுக்கென அடித்

சென்னை: மறைந்த நா. முத்துக்குமார் எழுதிய ஒரு கவிதை வாட்ஸ் அப்பில் வலம் வருகிறது. உருக வைக்கும் கவி வரிகள்.. நிதர்சமான உண்மையும் கூட. மழை பெய்யா நாட்களிலும் மஞ்சள் குடையோடு வரும் ரோஜாப்பூ மிஸ் வகு

  • கருத்துக்கள உறவுகள்

நீ சாலையோரக் கவிஞனா இல்லை --- எம் மனச்

சாலையில் தேரோட்டும் கலைஞனா 

வாழ்க்கையில் வலைவீசி வார்த்தைகளை அள்ளுகிறாய்

மரநிழலில் வீற்றிருந்து மனங்களைக் கிள்ளுகிறாய் 

புத்திரன்தான்  புறக்கணித்தபோதும்  வருந்தாதே 

பத்திரமாய் இருக்கும் பேரறிவு  உன் முடிக்குள்....!   🌹

  • Like 1
Link to post
Share on other sites
  • கருத்துக்கள உறவுகள்

இந்த வீதியோரக் கவிஞனுக்குள் தமிழ் வார்த்தைகள் கொஞ்சி விளையாடுகிறது. காலம் செய்த கோலம் வீதியில் வீற்றிருந்து கவிதை சொல்கிறான். ஒருநாளும் நான் இதுபோல் அழுதவனல்ல அந்த திருநாளை மகன் கொடுத்தால் யாரிடம் சொல்ல என்ற வரிகள் அவனது அடிமனதின் உணர்வுகளை எடுத்துச் சொல்கிறது.

Link to post
Share on other sites
  • 4 weeks later...
  • கருத்துக்கள உறவுகள்

பட்டங்கள் – சில குறிப்புகள்

-ராணிதிலக்

கோடை வெப்பத்தைத் தருகிறது.
வெப்பம் காற்றைத் தருகிறது.
தென்னைகள், மாமரங்கள் அசைகின்றன.
சிறுவர்கள் வந்து சேர்கின்றனர்.


ஒரு செய்தித்தாளை எடுத்துக்கொண்டார்கள்.
சச்சதுரமாகக் கத்தரித்தார்கள்.
ஒரேயொரு தென்னங்குச்சி வைத்தார்கள்.
குறுக்காக இன்னொரு தென்னங்குச்சி வளைத்துக் கட்டினார்கள்.
கயிற்றால் சுருக்கு இட்டார்கள்.
நீண்ட வாலை, அதன் கீழ்ப்பகுதியில் ஒட்டினார்கள்.
பிறகு அதற்கு கண், வாய், மூக்கு வரைந்தார்கள்.
இப்படித்தான் பட்டம் உருவானது.
சின்னஞ்சிறிய சிறுவர்கள் கடவுளர்களைப் போன்றவர்கள்.


நான் தனியன்
நான் ஒரு பட்டம்.
எல்லாரும் இப்படித்தான் சொல்கிறார்கள்
வானில்
ஒரு தன்னந்தனியாக ஒரு பட்டம் பறக்கிறது
ஒரு தன்னந்தனியன்களாகப் பல பட்டங்கள் பறக்கின்றன
இந்த வானில்
நீ
தனியன் இல்லை
நீங்கள்
தனியன்கள் இல்லை
எனப்
பறவைகள், மேகங்கள்
ஒன்றுசேர்ந்து
கூடப்
பறக்கின்றன


ஒன்று, இரண்டு, மூன்று நான்கு, ஐந்து, ஆறு
என
எண்ணிக்
கொண்டிருக்கும்
போதே
பட்டங்கள் பெருகுகின்றன
பட்டங்கள்
தம்மைத் தாமே
பெருக்கியும் கொள்கின்றன.


நான்
ஒரு
வால் அறுந்த பட்டம்.


ஒவ்வொரு மனிதனுக்கும்
ஒவ்வொரு நிறத்தில்
ஒவ்வொரு வடிவத்தில்
ஒரு
பட்டம் தேவையாகிறது


மொட்டை மாடியிலிருந்து
சிறுவர்கள் பட்டம் விடுகிறார்கள்
பட்டம் இல்லாத
சிறுவன் ஏக்கத்துடன் பார்க்கிறான்
நான்தான் உன் பட்டம்
நான்தான் உன் பட்டம்
என்கின்றன
அநேகப் பட்டங்கள்
வானில்


தனிமை, துயரம், மகிழ்ச்சி, பிரிவு, கண்ணீர், காமம், அனுபவம், படிப்பு, வேலை என்று பட்டங்களுக்கு ஏதும் இல்லை.
அதனால்தான், அவற்றால் வானில் ஏகாந்தமாகப் பறக்கமுடிகிறது.


ஒரு பட்டம், இன்னொரு மேகத்தைக் கடக்கிறது
ஒரு பருந்து, இன்னொரு பட்டத்தைக் கடக்கிறது
ஒன்றை
ஒன்றுகடக்கும்
படிக்கட்டுகளைப்போல
தொடர் மலைகளைப்போல.


வான் முழுவதும் ஆயிரம் ஆயிரம் பட்டங்கள் அசைந்தாடுகின்றன.
வான் முழுவதும் ஆயிரம் ஆயிரம் பாம்புகள் அசைந்தாடுகின்றன.


கருப்பு, மஞ்சள், வெள்ளை, சிகப்பு, நீலம்
அநேக நிறப் பட்டங்கள்
மேலே மேலே ஏறிப் பறக்கின்றன
அவனும்
அவளும்
ஒரே வண்ணத்தைப் பார்க்கிறார்கள்


பெரிய ஆகிருதியுடன் சிறிய வாலுடன் ஒரு பட்டம் பறக்கிறது.
சிறிய ஆகிருதியுடன் பெரிய வாலுடன் ஒரு பட்டம் பறக்கிறது.
இவற்றில்
எது
ஆண்?
பெண்?


ஒரு பட்டம் அறுந்து விழும்போது
ஏன்
எல்லாப் பட்டங்களும்
அப்படி
நடுங்குகின்றன?


எல்லா பட்டங்களும் வெளியில்தான் பறக்கின்றன
எல்லா வால்களும் நமக்குள்தான் துடிதுடிக்கின்றன


பகல் முழுவதும் ஒரு பட்டம் வெப்பத்துடன் பறக்கிறது.
இரவு முழுவதும் ஒரு பட்டம் குளிர்ச்சியாகப் பறக்கிறது.


நான் கண்ணைமூடும்பொழுது
ஒரு பட்டம்
ஒரு பருந்தாகிறது
நான் கண்ணைத் திறக்கும்போது
ஒரு மேகம்
ஒரு பட்டமாகிறது


வானம் முழுவதும் பட்டங்கள்
அர்த்தமற்ற
வார்த்தைகள், வார்த்தைகள், வார்த்தைகள்tumblr_m39bblhcdr1qa85l7o1_500.jpg


நான் பட்டம் விடுகிறேன்
நான் சிறுவனாகிறேன்


நமக்குள்
ஒரு
பட்டம்
அசைந்து அசைந்து
பறக்கிறது
வளர்கிறது
எப்பொழும்
அது நமக்குத் தெரிவதில்லை.


வானில்
பறக்கும்
பட்டங்களுக்கு
நிழல்
இருப்பதில்லை


ஒரு பட்டத்தை இன்னொரு பட்டம்
அறுத்துக் கீழே
தள்ளும்போது
அசைந் தசைந் தசைந்தாடி
விழுகிறேன்
நான்.


வானில் ஒரு பட்டம் பறந்துகொண்டிருப்பதையே பார்த்துக்கொண்டிருந்தேன்.
உள்ளுக்குள் ஒரு விடுதலை உணர்வு தளும்பியதை உணரமுடிகிறது.
சிலவேளை மனிதனும் இவ்வாறு வானில் பறந்தபடியே காணாமல்போனால் என்ன? என்று தோன்கிறது.


அறுந்த பட்டம் ஒன்று, காற்றில் போய்க்கொண்டே இருக்கிறது.
சிறுவர்கள் அதை நோக்கி ஓடியடிபடியே இருக்கிறார்கள்.
என் ஊரும் நாடும் அவ்வளவு பிரமாதம் இல்லை.
திரும்பிவராமல் போய்விடு பட்டமே! போய்விடு பட்டமே!


பட்டங்களைச் சிறுவர்கள் தரை இறக்குகிறார்கள்.
பூமி முழுவதும் இருள் சூழ்கிறது.
 

http://kanali.in/pattankal/

Link to post
Share on other sites
  • 1 month later...
  • 4 weeks later...
  • கருத்துக்கள உறவுகள்

எல்லாவற்றையும் மறந்துவிடலாம்

சேரன்

 

spacer.png

 

பட மூலம், Newsexpress

எல்லாவற்றையும் மறந்துவிடலாம்
இந்தப் பாழும் உயிரை
அநாதரவாக இழப்பதை வெறுத்து
ஒருகணப் பொறியில் தெறித்த
நம்பிக்கையோடு
காலி வீதியில்
திசைகளும், திசைகளோடு இதயமும்
குலுங்க விரைந்தபோது,

கவிழ்க்கப்பட்டு எரிந்த காரில்
வெளியே தெரிந்த தொடை எலும்மை,
ஆகாயத்திற்கும் பூமிக்குமிடையில்
எங்கோ ஒரு புள்ளியில் நிலைத்து
இறுகிப்போன ஒரு விழியை,
விழியே இல்லாமல், விழியின் குழிக்குள்
உறைந்திருந்த குருதியை,
‘டிக்மண்ட்ஸ்’ ரோட்டில்
தலைக் கறுப்புகளுக்குப் பதில்
இரத்தச் சிவப்பில் பிளந்து கிடந்த
ஆறு மனிதர்களை,
தீயில் கருகத் தவறிய
ஒரு சேலைத் துண்டை,
துணையிழந்து,
மணிக்கூடும் இல்லாமல்
தனித்துப்போய்க் கிழந்த
ஒரு இடது கையை,
எரிந்துகொண்டிருக்கும் வீட்டிலிருந்து
தொட்டில் ஒன்றைச்
சுமக்க முடியாமல் சுமந்துபோன
ஒரு சிங்களக் கர்ப்பிணிப் பெண்ணை

எல்லாவற்றையும்,
எல்லாவற்றையுமே மறந்துவிடலாம்
ஆனால்,
உன் குழந்தைகளை ஒளித்துவைத்த
தேயிலைச் செடிகளின் மேல்
முகில்களும் இறங்கி மறைத்த
அந்தப் பின் மாலையில்
நீண்ட நாட்களுக்குப் பிறகு கிடைத்த
கொஞ்ச அரிசியைப் பானையிலிட்டுச்
சோறு பொங்கும் என்று
ஒளிந்தபடி காத்திருந்தபோது
பிடுங்கி எறிபட்ட என் பெண்ணே,
உடைந்த பானையும்
நிலத்தில் சிதறி
உலர்ந்த சோற்றையும்
நான் எப்படி மறக்க?



 

https://maatram.org/?p=8650

Link to post
Share on other sites
  • 1 month later...

 

பரவிப்பாஞ்சான் பால் கோப்பியும் எரிக்சொல்கைமின் ஏவறையும்
 
118283617_1574925966013459_7801421510266
 
பலஸ்த்தீனம் மட்டுமல்ல
இடைத்தரகர்களால் ஏமாந்தது
எங்கள் ஈழமும்தான்
கட்டியெழுப்பிய கனவு ராச்சியம்
கொட்டி நொறுங்கி
பத்து திவசம் கடந்திற்று
இப்பொழுது
ஒஸ்லோவின் ஒல்லிப்புறா
கள்ள முட்டையிட்டு
கைமாறு செய்கிறது யாருக்கோ
நல்ல வேளை
வஞ்சகமின்றி சிரித்தப்படி
நம் தமிழ்ச்செல்வன் படைத்த
நண்டுக்கறி வறுவலுள்
நஞ்சு இருந்ததாய்
இன்னும் சொல்லவில்லை
தாங்வியூவில்
தலைகணியும் இல்லாமல்
பாணும் பருப்போடு
படுக்கவிட்டார்கள் என்றும்
பச்சைப்பொய்
இன்னமும் அவிழவில்லை
பரவிஞ்சான் பால் கோப்பி
செமித்திற்று போல
கனவான்கள் சொன்னால்
அப்படியே கவ்வி
தலையாட்டும்
ஓணான் பரம்பரையல்ல
உலகத்தமிழன்
உள்நோக்கம் அறிந்தும்
வெள்ளந்தியாய் சிரித்து
வரவேற்றது ஈழத்தின் பண்பு
சேடம் இழுத்துக் கிடந்த ஈழத்துக்கு
சேலைன் ஏத்துவதற்காக
அகாசி சொல்கெய்ம்கள்
அன்று வரவில்லையே
ஆனையிறவை பிடித்து
அடுத்த ஊர்
சைபீரிய பறவைகளும்
டுயட் பாடி மகிழ
பார்த்தன்றோ சிலிர்த்தோம்
பளையின் தென்னங்கீற்றில்
இரண்டு இளங்கிளிகள்
இழுத்து உதடு கவ்வி
முத்தமிடத் தொந்தரவின்றி
முகமாலை வரையல்லவா
எதிரிகளை துரத்தி
எல்லையிட்டு எழுந்து நின்றோம்
புளியங்குளம் தாண்டி
புரவிகள் பாய்ந்து
எலுமிச்சையாள் நீராட
தடாகத்தை மீட்டு
ஒட்டு சுட்டான் குன்றேறி
எட்டுத்திக்கும் நோட்டமிட்டோம்.
அப்போதானே
ஐயா சொல்கெய்ம்
பூவிலங்கோடு புறப்பட்டு வந்தார்
கையோடு
புளுதி நிலத்துக்கு
புல்டோசர் சாரதிகளாய்
சில்வாவும் அல்லவா
கொல்லை புதினமறியலானான்
கட்டில் மெத்தையோடும்
கள்ளக்கூட்டம்
எத்தனை அறைகளென
அளவெடுத்துப் போனது
எல்லாம் தெரியாமல் ஈழமில்லை
புட்பகத்தை தேடி எடுத்து
சேவிஸ் கராஜ்சில் நிறுத்தி
இரணை மடுத் தீர்த்தத்தில்
இரண்டு சொட்டுத் தெளித்து
பறந்தபோதுதான்
கொல்லையில் ஒரு வல்லரசு
ஈழத்தில் உருவாதல் கண்டு
கள்ளிப்பால் சிரிப்போடு
கனபூனைகள் வந்தன
வஞ்சகரை ஒருபோதும்
மன்னிக்காது காலம்
இப்போது
தம்பியும் இல்லை
தத்துவ ஆசிரியனும் இல்லை
கண்ட நாயெல்லாம்
காலைத்தூக்கி
எங்கள் மாளிகைத்தூண்மேல்
மலம் கழிக்கின்றன
 
கவிஞர் பொன் காந்தன்
Link to post
Share on other sites
  • 1 month later...
  • கருத்துக்கள உறவுகள்

மன்னிக்கவும்.

 


ன்னிக்கவும்
இதை சொல்வதற்குள் எனக்கு 38 வயது ஆகி விட்டது.

மன்னிக்கவும்
முலை விடாத வயதில்
உனக்கு உலகத்திலேயே யாரைப் பிடிக்கும்
என்ற கேள்விக்கு
காட்பரீஸை மென்றுக்கொண்டே
சித்தப்பா என்று சொல்லியிருக்க கூடாது தான்.

மன்னிக்கவும்
அன்று ஏதோ சடங்குக்கு ஊருக்குப் போன சித்தியுடன்
கூடவே தொற்றிக் கொண்டு போகாமல்
யாருமில்லாத வீட்டில் தனியே யிருக்க
ஒத்துக்கொண்டது என் கவனக்குறைவு தான்.

மன்னிக்கவும்
இரவில்
பாதி தூக்கத்தில்
சித்தப்பா அருகில் வந்து படுத்ததை
அறியவில்லை
அவரின் கைகள் அவ்வளவு நீளம்,
அதன் நகங்கள் அவ்வளவு பதம் என்பதை
என் ஜனன உறுப்புகளை அவர் தொடும்வரை
அறியவில்லை.

மன்னிக்கவும்
………………………….
………………………….

மன்னிக்கவும்
குடும்பம் என்பது கூடு
குடும்ப ஆண்கள் பாதுகாவலர்கள்
குடும்பத்துக்குள் என்ன நடந்தாலும் வெளியே சொல்லக்கூடாது
குடும்ப மானம் குடும்ப பெண்களின் கைகளில் தான் இருக்கிறது
என்ன இருந்தாலும் அவர் என் சித்தப்பா.

மன்னிக்கவும்
அவ்வப்போது ஆவென திறந்து ஓலமிடும்
சித்தப்பா என்ற காயத்தில் கசிவது
ரத்தம் அல்ல விந்தும் அல்ல
கண்ணீரும் அல்ல
அது ஒரு நிறமில்லா திரவம்
நம்பிக்கை என்ற அழுகிய பிணத்தின் வாசனை
அடிக்கும் திரவம்.

மன்னிக்கவும்
இது உங்களைக் காக்க வைத்து சொல்ல வேண்டிய செய்தியில்லை தான்.

மன்னிக்கவும்

சொல்ல வேண்டியதை

சொல்ல வேண்டிய சமயத்திலேயே

சொல்லியிருந்தால்

இன்று என் மகளை

சித்தப்பா

தொட்டிருக்க மாட்டார்.

 


 

 லீனா மணிமேகலை
 

http://kanali.in/mannikkavum/

Link to post
Share on other sites
  • 2 weeks later...
  • கருத்துக்கள உறவுகள்

திருமணம் செய்தவர்க்கான காதல் கவிதைகள்

 -ஜோன் கென்னி

(தமிழாக்கம்: டிசே தமிழன்)

 

நீ அதற்கான மனோநிலையில் இருக்கின்றாயா?
………………………………….

நான் இருக்கின்றேன்.
பிள்ளைகளை நித்திரைக்கு அனுப்பு.
இலேசான ஓர் இரவுணவு.
குளியல்.
அவ்வளவு போதையேறாத குடி.
அத்துடன் வேறு எவருடனும் செய்வதைவிட உன்னோடு செய்ய விரும்பும்அந்த 'விடயம்'
படுக்கையில் சாய்ந்தபடி எங்களின் -போன்களைப் பார்ப்பது.

 

http://kanali.in/john-kenney-poems/?fbclid=IwAR1HWFpg-uTF2Dtg1QHtQNtyEkD_KNTXwSETDaYd_LPYOVDGDlqBoOejNW4

 

 

 

Link to post
Share on other sites

 

 

கவிதையால் தெறிக்கவிட்ட 14 வயது மாணவன்...

 

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Topics

  • Posts

    • இல்லை.....அவர் பெரிய சமுத்திரத்தை தேடுறார் எண்டு நினைக்கிறன் 😁
    • டீச்சர்: "நீ பெரியவனாகி என்ன பண்ண போற?.." மாணவன்: "கல்யாணம்.." டீச்சர் : "அது இல்ல.. நீ என்னவா ஆகா விரும்புற?.." மாணவன்: "புருஷன்.." டீச்சர் : "நோ நோ.. ஐ மீன், உனக்கு வாழ்கையில் என்ன கிடைக்கணும் நீ எதிர் பாக்குற?.." மாணவன்: "பொண்டாட்டி.." டீச்சர்: "ஐயோ.. இல்ல பா.. உங்க பெற்றோருக்கு என்ன பண்ண போற?.." மாணவன்: "மருமகள் தேடுவேன்.." டீச்சர்: "ஸ்டுபிட், உங்க அப்பா உன்கிட்ட என்ன எதிர்பர்கிறாரு?.." மாணவன்: "பேர குழந்தை..." டீச்சர்: "ஐயோ கடவுளே.. உன் வாழ்கை லட்சியம் என்ன?.." மாணவன்: “அப்பா ஆகா போறேன்..” டீச்சர் இன்னும் கோமாவிலிருந்து வெளிய வரலே..!!!!!!!
    • விடுங்கள் ஐயா! வர வர சிறுமைத்தனமாக இங்கே கருத்தெழுத  ஆரம்பித்து விட்டார்கள். அதற்கு பதிலளித்தால் நிழலி வந்து அகற்றுகின்றார். ஆனால் கேள்வி மட்டும் அப்படியே இருக்கும். பதில்கள் அகற்றப்பட்டு விடும். கேட்டால் தனிமனித தாக்குதல் அல்லது    கள விதிகளுக்கு உட்படவில்லை என்பர். இங்கே தனிமனித தாக்குதலை விட தனி மனித செல்வாக்குதான் அதிகம்.
    • அமெரிக்க பாதுகாப்பு வட்டாரங்களுக்கு ஆலோசனை வழங்கிய கோட்டபாயவின் சிங்களப் பேராசிரிய நண்பர்: இலங்கை அரசு விடுதலைப் புலிகளை ஐ.நா. பயங்கரவாத பட்டியலில் சேர்க்கவேண்டும் என்கிறார் குணரட்ணா தீவுக்குள் புலிகளைப் போற்றுவோருக்கு புனர்வாழ்வு கொடு, புலம்பெயர் தமிழர்களைப் பட்டியலிடு என்றும் மதியுரை!       ஜே.வி.பியின் முடக்கப்பட்ட ஆயுதப் போராட்டத்தைப் போல் அல்லாமல் தமிழீழ விடுதலைப்புலிகள் இயக்கம் மீளுருவாக்கப்படுவதற்கு வாய்ப்பு அதிகமாக இருப்பதாகவும், குறிப்பாக அவ்வியக்கத்தின் தலைவர் வே பிரபாகரன் அவர்களைப் போற்றுகின்ற மரபு புலம்பெயர் தமிழர்களாலும் அமைப்புகளாலும் முன்னெடுக்கப்படுவதால், இலங்கைத் தீவுக்குள்ளும் அடுத்த தலைமுறையினர் தீவிரமயமாக்கப்படும் வாய்ப்பு அதிகமாகியிருப்பதாகவும், அதனால் ஐ.நா. பாதுகாப்புச் சபையின் 1373 ஆம் தீர்மானத்துக்குள் அவ்வியக்கத்தை உட்படுத்தி உலகளாவியரீதியில் பயங்கரவாத பட்டியலில் சேர்த்துவிடுவதற்கு இலங்கை அரசு உடனடியாக ஆவன செய்தாக வேண்டும் என்று சிங்களவரும் பிரபல பயங்கரவாத பேராசிரியருமான றொஹான் குணரட்ணா தெரிவித்துள்ளார்.   மாவீரர்நாளுக்கு முன்னதாக கடந்த 22ம் திகதி கொழும்பில் இருந்து வெளிவரும் ஆங்கிலப் பத்திரிகையான சண்டே ஒப்சேவருக்கு கருத்து வெளியிட்ட றொஹான் குணரட்ணா, மாவீரர்நாளை நினைவுகூரும் நகர்வு அரசியல் நோக்குடையது என்று தெரிவித்தது மட்டுமல்ல, புலிகளைப் போற்ற முயல்வோரை அரசாங்கம் புனர்வாழ்வுக்கு உட்படுத்தவேண்டும் என்றும் கருத்துவெளியிட்டுள்ளார்.     புலிகளைப் போற்றும் புலம்பெயர் செயற்பாட்டாளர்களும் அமைப்புகளும் தடைப்பட்டியலில் சேர்த்துக்கொள்ளப்படுவதற்கு ஏதுவாக ஐ.நா ஊடான தடைமுயற்சியை மேற்கொள்ளவேண்டும் என்று குணரட்ணா கருத்து வெளியிட்டுள்ளார்   இதேவேளை, மட்டக்களப்பிலும், திருகோணமலையிலும் ஓர் ஊடகவியலாளர் உட்பட ஆறு தமிழ் இளைஞர்கள் சமூகவலைத்தளங்களில் நவம்பர் 26 பிரபாகரன் அவர்களின் பிறந்தநாளை ஒட்டியும் மறுநாளான மாவீரர் நாளன்றும் இடுகையிட்டதற்காகக் கைதுசெய்யப்பட்டுள்ளார்கள். முன்னாள் பாராளுமன்ற உறுப்பினரும் முன்னாள் மாகாணசபை உறுப்பினரும் தமிழீழ விடுதலை இயக்கத்தின் நீண்டநாள் அரசியற் தலைவராகவும் இருந்த ம.க. சிவாஜிலிங்கம் பிரபாகரன் அவர்களைப் போற்றும் நடவடிக்கையிலும் மாவீரர் நாளை நடாத்தும் திட்டத்திலும் தொடர்ந்து இயங்கிவருவதாகவும் குணரட்ணா கூறியிருக்கிறார். புலிகளைப் போற்றும் புலம்பெயர் செயற்பாட்டாளர்களும் அமைப்புகளும் தடைப்பட்டியலில் சேர்த்துக்கொள்ளப்படுவதற்கு ஏதுவாக ஐ.நா ஊடான தடைமுயற்சியை மேற்கொள்ளவேண்டும் என்று குணரட்ணா கருத்துவெளியிட்டுள்ளார். சிவப்பு மஞ்சட் கொடிகளைப் பயன்படுத்துவதையோ, புலிச் சின்னங்களையோ மற்றும் அந்த அமைப்புடன் தொடர்புபட்ட குறியீடுகளைப் பயன்படுத்தவோ அனுமதிக்கலாகாதென்றும் அவர் சண்டே ஒப்சேவருக்கு கருத்து வெளியிட்டிருந்தார். அதேவேளை குடும்பங்கள் தமது இழப்புகளை வீட்டுக்குள்ளோ வழிபாட்டுத்தலங்களிலோ நினைவுகூருவதை சகித்துக்கொள்ளலாம் என்கிறார் குணரட்ணா. அமெரிக்க அரசின் நீதித்துறைக்கு ஆலோசகராக இருந்த குணரட்ணா, சேர் ஜோன் கொத்தலாவலை இராணுவக் கல்லூரியின் கௌரவ பேராசிரியராவார். இவர் சில காலத்துக்கு முன்னர் வரை சிங்கப்பூரில் இருந்து இயங்கும் நான்யாங் தொழிநுட்ப பல்கலைக்கழகத்தின் சர்வதேச வன்முறை தொடர்பான கற்கை மையத்தின் தலைமைப் பொறுப்பை வகித்தவர். அமெரிக்க இராணுவ மையங்களாலும் ஊடகங்களாலும் சர்வதேசப் பயங்கரவாதம் தொடர்பான நிபுணராகக் கையாளப்படுபவர். பயங்கரவாதம் தொடர்பான அமெரிக்கப் பாதுகாப்பு நிறுவனங்களில் ஆய்வாளராகக் கடமையாற்றியவர். "அல்குவைடா அமைப்புக்கு உள்ளே" என்ற நூல் உட்பட பல நூல்களைத் தயாரித்தவர் இந்த குணரட்ணா. இவர் தற்போதைய இலங்கை ஒற்றையாட்சி அரசின் ஜனாதிபதியான கோட்டாபய ராஜபக்ஷவுக்கு நீண்ட காலமாக நெருங்கிய ஆலோசகராகவும் இருந்துவருகிறார். வெவ்வேறு நாடுகளிலும் ஐரோப்பிய ஒன்றியத்திலும் பயங்கரவாத அமைப்புகளின் பட்டியலில் சேர்க்கப்பட்டிருக்கும் தமிழீழ விடுதலைப் புலிகள் இயக்கத்தை அப்பட்டியலில் இருந்து நீக்கிவிடுமாறு புலம்பெயர் அமைப்புகள் ஐரோப்பிய, பிரித்தானிய நீதிமன்றுகளை கடந்த சில வருடங்களாக அணுகிவரும் நிலையில், மேற்குலக இராணுவத்தரப்புகளோடும் உளவுத்துறைகளோடும் நெருங்கிய உறவைப் பேணும் குணரட்ணாவின் கருத்து வெளிவந்திருக்கிறது. இதேவேளை, கூட்டு நிகழ்வாக மாவீரர் நாளைக் கடைப்பிடிக்காதவாறு கொழும்பு அரசு மேற்கொண்ட சட்ட நடவடிக்கைகளுக்கு தமிழ்த் தேசியக் கட்சிகள் அறிந்தோ அறியாமலோ பலியாகியுள்ளன. பாராளுமன்ற உறுப்பினர்கள் தமக்குள்ள சிறப்பு உரிமையைப் பயன்படுத்தி ஒரு கூட்டு நிகழ்வை நடத்தத் தவறியதன் சட்ட, சர்வதேசப் பின்னணியை ஏற்கனவே ஒரு கட்டுரையில் கூர்மை இணையத்தளம் விளக்கியிருந்தது. அமெரிக்காவில் இருந்து இயங்கும் சமூக வலைத்தளங்களில் ஏற்கனவே விடுதலைப் புலிகளின் அடையாளங்களுடன் வெளியிடப்படும் பல இடுகைகள் அழிக்கப்பட்டு வருகின்றன. இதற்குக் காரணம், உலகில் எங்கிருப்பவர்கள் இந்த வலைத்தளங்களில் இடுகைகளை இட்டாலும் அவை அமெரிக்க இறைமைக்குட்பட்ட சட்டத்துக்கு உட்படுவதாலும், அமெரிக்காவில் புலிகள் மீது தடை இருப்பதாலும் அவற்றை அகற்றிவிடுமாறு ஏனைய நாடுகள் கேட்கும்போது அந்த நிறுவனங்கள் அவற்றை அகற்றுவதற்கான பொறிமுறைகளைச் செய்துவிடுவதே ஆகும். ஆக, அமெரிக்காவைத் தளமாகக் கொண்டியங்கும் முகநூல் நிறுவனத்தாலும் சுந்தர் பிச்சை என்ற தமிழகத் தமிழர் முக்கிய பதவி வகிக்கும் கூகுள் நிறுவனம் நடாத்தும் யூரியூப்பிலும் விடுதலைப் புலிகள் சார்ந்த இடுகைகள் அகற்றப்பட்டு வருவதற்கும் அமெரிக்கா, ஐரோப்பிய ஒன்றியம், பிரித்தானியா மற்றும் இந்தியா ஆகிய இடங்களில் விடுதலைப் புலிகள் தடைப் பட்டியலில் உள்ளடக்கப்பட்டிருப்பது ஒரு முக்கிய காரணமாகும். https://www.koormai.com/pathivu.html?vakai=1&therivu=1630&fbclid=IwAR3X5SbFn5JX-g-qsYrpIhX-AcJuyA5BJrzGrfLDhEEt2j0xaTUcN8c-uX4
    • இவ்வாறு இணையும் தமிழ் இளைஞர்களை பயிற்றுவித்து விட்டு, முஸ்லிம்கள் செறிந்து வாழும் பிரதேசங்களில் பணி புரிய அனுப்பி அதன் மூலம் மேலும் பிளவுகளை சிறுபான்மை சமூகத்தின் மத்தியில் ஏற்படுத்த வாய்ப்புகள் அதிகம்.  எல்லைப் பிரச்சனை, காணிப் பிரச்சனை என்று தமிழர் முஸ்லிம்கள் மத்தியில் இருந்த சிவில் பிரச்சனைகளை தீவிரப்படுத்த ஈ.பி.ஆர்.எல்.எப் இனை இந்திய ஏவல் படைகளின் மூலம் தூண்டி விட்டு தமிழ் - முஸ்லிம் மோதலை முதன் முதலில் இராணுவ ரீதியாக / ஆயுத ரீதியாக மாற்றியது இந்தியாவும் இலங்கை அரசும். அதே போன்று அந்த கணங்கை மீண்டும் அணைய விடாமல் பார்த்துக் கொள்ள இலங்கை அரசு முயலும்.
×
×
  • Create New...

Important Information

By using this site, you agree to our Terms of Use.