• advertisement_alt
  • advertisement_alt
  • advertisement_alt

Archived

This topic is now archived and is closed to further replies.

கறுப்பி

சிறீலங்காவில் இராணுவப்பயிற்சி � இஸ்ரேலிடம் ஆயுதக்கொள்வனவு: நோக்கம் என்ன?

Recommended Posts

சிறீலங்காவில் இராணுவப்பயிற்சி � இஸ்ரேலிடம் ஆயுதக்கொள்வனவு: நோக்கம் என்ன?

[Thursday, 2011-01-06 06:00:21]

சிறீலங்காவை இராணுவமயப்படுத்தி தென்னிலங்கை சிங்களவர்களுக்கு கட்டாய இராணுவப்பயிற்சி அளிப்பதற்கு சிறீலங்கா அரசு திட்டமிட்டுள்ளது.

இது தொடர்பில் மேலும் தெரியவருவதாவது:

சிறீலங்காவில் உள்ள பல்கலைக்கழங்களுக்கு செல்லும் தென்னிலங்கை மாணவர்களுக்கு மூன்று வாரம் இராணுவப்பயிற்சி அளிக்கப்படும் என சிறீலங்கா கல்வி அமைச்சர் எஸ்.பி திஸ்ஸாநாயக்கா நேற்று (05) தெரிவித்துள்ளார்.

மாணவர்களின் திறமையை அதிகரிக்கும் முகமாக இது மேற்கொள்ளப்படுவதாக அவர் தெரிவித்துள்ளபோதும், தென்னிலங்கை சிங்களவர்களை முற்றுமுழுதாக இராணுவமயப்படுத்தும் நடவடிக்கை இது என தமிழ் இராணுவ பத்தி எழுத்தாளர் ஒருவர் தெரிவித்துள்ளார்.

வடக்கு � கிழக்கு மாகாணங்களில் உள்ள பல்கலைக்கழகங்களுக்கு அனுப்பப்படும் சிங்கள மாணவர்களை பயிற்சி அளித்து அனுப்பவே அரசு விம்புவதாக அவர் மேலும் தெரிவித்துள்ளார்.

மாணவர்களுக்கான பயிற்சிகள் அந்த பிராந்தியங்களில் உள்ள இராணுவத்தளங்களில் வழங்கப்படும் என திஸ்ஸாநாயக்கா மேலும் தெரிவித்துள்ளார்.

இதனிடையே, பாதுகாப்புச் செயலாளர் கோதாபய ராஜபக்சா ஒருவார கால பயணமாக இன்று (06) இஸ்ரேல் செல்வதாக பாதுகாப்பு அமைச்சின் உட்த்தரப்பு தகவல்கள் தெரிவிக்கின்றன. இலங்கை இராணுவத்திற்கு தேவையான அதிநவீன ஆயுதங்களைக் கொள்வனவு செய்வதற்காகவே பாதுகாப்புச் செயலாளர் இஸ்ரேல் செல்வதாக அந்த தகவல்கள் மூலம் தெரியவருகிறது.

போர் முடிவடைந்து ஒன்றரை வருடங்கள் கழிந்து, சமாதானம் நிலைநாட்டப்பட்டுள்ள சந்தர்ப்பத்தில், வடக்கு கிழக்கில் உட்கட்டமைப்பு வசதிகளை மேம்படுத்துவதற்கு பதிலாக தொடர்ந்தும் ஆயுதங்களையும் போர் தளப்பாடங்களையும் கொள்வனவு செய்யும் தேவையை புரிந்துக்கொள்ள முடியாதிருப்பதாக இதுகுறித்து கருத்து வெளியிட்ட அரசாங்கத்தின் மூத்த அமைச்சர் ஒருவர் தெரிவித்தார்.

ஆயுதங்களை கொள்வனவு செய்ய அமைச்சரவை அனுமதி வழங்கவில்லை எனவும் ஆயுதங்களை கொள்வனவு செய்யும் உண்மையான நோக்கம் என்ன என்பதை புரிந்துக்கொள்வது சிரமமில்லை எனவும் குறித்த அமைச்சர் தெரிவித்துள்ளார்.

இரு எதிரிகளுடனும் அனுசரித்துப்போகும் முன்னைய நிலைப்பாட்டை மீண்டும் நிலைநிறுத்த சிறீலங்கா அரசு முயன்று வருவதையே இந்த சம்பவம் காட்டுவதாக தெரிவிக்கப்படுகின்றது.

seithy.com

Share this post


Link to post
Share on other sites