ஹாலிவுட்டின் குயின் என்று வர்ணிக்கப்படும் நடிகை எலிசபெத் டெய்லர் மரணம் அடைந்தார்.

[நிலாமதி]

நடிப்பில் மட்டுமல்லாது, எட்டு முறை தி‌ருமணம் செய்து பரபரப்பை ஏற்படுத்திய ஹாலிவுட்டின் குயின் என்று வர்ணிக்கப்படும் நடிகை எலிசபெத் டெய்லர் மரணம் அடைந்தார். அவருக்கு வயது 79.

அமெரிக்க-பிரிட்டிஷ் தம்பதியரான பிரான்சிஸ் லென் டெய்லருக்கும், சாராவுக்கும் 1932ம் ஆண்டு பிப்ரவரி 27ம் தேதி மகளாக பிறந்தவர் எலிசபெத் டெய்லர். 1942ம் ஆண்டு முதல் தனது நடிப்பு பயணத்தை தொடங்கிய எலிசபெத், "நேஷனல் வெல்வெட்", "கிளியோபேட்ரா", "பட்டர்பீல்ட் 8" உள்ளிட்ட 50க்கும் மேற்பட்ட படங்களில் நடித்துள்ளார். 12 வயதில் அவர் நடித்த நேஷனல் வெல்வெட் என்ற படம் அவருக்கு மிகப் பெரிய அந்தஸ்தைத் தேடிக் கொடுத்தது. கிளியோபாட்ரா படம் எலிசபெத்தை புகழேணியின் உச்சியில் அமர வைத்தது. ஹாலிவுட்டின் புகழ் பெற்ற கலைஞர்கள் வரிசையில் எலிசபெத்துக்கு தனி இடம் உண்டு. 2 முறை ஆஸ்கர் உட்பட பல விருதுகளை வென்றுள்ளார்.

ஹாலிவுட்டின் குயினாக திகழ்ந்த எலிசபெத் எட்டுமுறை திருமணம் செய்து பரபரப்பை ஏற்படுத்தியவர். 1950ம் ஆண்டு தன்னுடைய 18வயதில் நிக்கி ஹில்டன் என்பவரை முதல் திருமணம் செய்தார் எலிசபெத். பின்னர் அவரை விவாகரத்து செய்துவிட்டு 1952ல் மைக்கேல் வைல்டிங் என்பவரை 2வது திருமணம் செய்தார். அவருடன் சிலகாலம் வாழ்ந்த எலிசபத், 1957ல் மைக்கேல் டாட் என்பவரை 3வது திருமணம் செய்தார். இந்த திருமணம் ஓர் ஆண்டு கூட நீடிக்கவில்லை, அவரை விவாகரத்து செய்துவிட்டு 1959ம் ஆண்டு எடி பிஷர் என்பவரை 4வது திருமணம் செய்தார். பின்னர் அவரையும் விவாகரத்து செய்துவிட்டு, 1964ல் ரிச்செர்டு ப்ரூட்டன் என்பவரை 5வது திருமணம் செய்தார். பின்னர் அவரை விவாகரத்து செய்துவிட்டு, சில காலம் தனிமையில் வாழ்ந்த எலிசபத், மீண்டும் ப்ரூட்டனை 6வது திருமணம் செய்தார். ஆனால் இதுவும் நிலைக்கவில்லை,மீண்டும் அவரை விவாகரத்து செய்துவிட்டு, 1976ல் ஜான் வார்னர் என்பவரை 7வது திருமணம் செய்தார். இவரையும் விவாகரத்து செய்துவிட்டு 1991ல் லாரி போர்ட்நெஸ்கி என்பவரை 8வது திருமணம் செய்தார். ஐந்து ஆண்டுகாலம் இவருடன் வாழ்ந்த எலிசபெத் கடைசியில் இவரையும் 1996ல் விவாகரத்து செய்தார்.

தொடர்ந்து பல வருடங்களாக உடல்நலம் பாதிக்கப்பட்டு வந்த எலிசபெத்துக்கு, கடந்த 2004ம் ஆண்டு இதயக் கோளாறு இருப்பது கண்டுபிடிக்கப்பட்டது. 2009ல் அவருக்கு அறுவைச் சிகிச்சையும் செய்யப்பட்டது. இந்நிலையில் சில தினங்களாக அவரது இதயம் பலவீனமாகத் தொடங்கியது. இதனையடுத்து லாஸ் ஏஞ்சல்ஸ் நகரில் உள்ள மருத்துவமனையில் தீவிர சிகிச்சைக்கு அனுமதிக்கப்பட்ட அவர் இன்று(23.03.11)மரணம் அடைந்தார். எட்டு திருமணம் செய்த எலிசபத்திற்கு 2ஆண், 2பெண் உட்பட நான்கு குழந்தைகளும், 10பேரக்குழந்தைகளும், 4கொள்ளுபேர குழந்தைகளும் உள்ளனர்.

எலிசபத்தின் மரணத்திற்கு உலகம் முழுவதும் உள்ள ரசிகர்கள் மற்றும் ஹாலிவுட் நட்சத்திரங்கள் இரங்கல் தெரிவித்துள்ளனர்.

படித்ததில் பகிர்ந்தது

[குட்டி]

இவரை ஏன் ஹாலிவுட்டின் குயின் என்று வர்ணித்தர்கள்? 8 முறை திருமணம் செய்ததாலா??

[குமாரசாமி]

எலிசபெத் டெய்லர் யார் என்று தெரியாமல் தவிக்கும் யாழ்கள குட்டி,குஞ்சு குருமன்களுக்காக இப்படம் பிரத்தியேகமாக இணைக்கப்பட்டுள்ளது.

[புங்கையூரன்]

இவர் நடித்த 'கிளியோப்பட்ரா' படம் என்னை மிகவும் கவர்ந்தது. பழைய 'ரீகல்' தியேட்டரின் மூட்டைப்பூச்சிகளுக்கு இரத்ததானம் செய்து பார்த்த படம். ஆங்கிலம் வடிவாக விளங்காத காலத்தில் கூட, அவரது அருமையான நடிப்பால் என்னைக் கவர்ந்த ஒரு நடிகை.

[குட்டி]

இந்த ஆச்சியைத் தெரியும், ஆனால் ஏன் அவரை ஹாலிவுட்டின் குயின் என்று அழைத்தார்கள் என்று தான் தெரியவில்லை.

[தமிழ் சிறி]

இந்த ஆச்சியைத் தெரியும், ஆனால் ஏன் அவரை ஹாலிவுட்டின் குயின் என்று அழைத்தார்கள் என்று தான் தெரியவில்லை.

தமிழ்படங்களில் நடித்தவர்களை நாம் புரட்சிச்தலைவி. புன்னகை அரசி என்று சொல்வதைப் போல்....

வெள்ளைக்காரன் எலிசபெத் டெய்லரை, ஹாலிவுட்டின் குயின் என்று சொன்னானோ....அல்லது நம்மடை ஆக்கள் தான் அவவுக்கு குயின் பட்டம் கொடுத்து கௌரவிச்சார்களோ... தெரியவில்லை.

குட்டி, இதுக்கெல்லாம் நதிமூலம், ரிஷிமூலம் பார்க்கக் கூடாது.

[குட்டி]

தமிழ்படங்களில் நடித்தவர்களை நாம் புரட்சிச்தலைவி. புன்னகை அரசி என்று சொல்வதைப் போல்....

வெள்ளைக்காரன் எலிசபெத் டெய்லரை, ஹாலிவுட்டின் குயின் என்று சொன்னானோ....அல்லது நம்மடை ஆக்கள் தான் அவவுக்கு குயின் பட்டம் கொடுத்து கௌரவிச்சார்களோ... தெரியவில்லை.

குட்டி, இதுக்கெல்லாம் நதிமூலம், ரிஷிமூலம் பார்க்கக் கூடாது.

ஒரு குயின் உயிரோட இருக்கும் போது எப்பிடி இன்னொரு ஆளை குயின் என்று வர்ணிக்கலாம்?

சரி சரி இதோட நிப்பாட்டுறன், உங்கட கடுப்பு விளங்குது

[nunavilan]

[nunavilan]

http://video.google.com/videoplay?docid=1698155858018752002

[நிழலி]

Why Elizabeth Taylor was the ultimate movie star

[nunavilan]