Jump to content

காலிரண்டையும் இழந்த பெண்போராளியின் சொந்தக்கதை


Recommended Posts

  • கருத்துக்கள உறவுகள்

naval.png

காலிரண்டையும் இழந்த பெண்போராளியின் சொந்தக்கதை.

“காதல் களம் கணவன் கடைசிக்கனவு“ இதுவொரு குறுநாவலுக்கான தலைப்பு. இக்கதையானது ஒரு முன்னாள் பெண் போராளியின் வாழ்வு. அவள் போராளியானது முதல் 2009மே 17சரணடையும் வரை வாழ்வில் அனுபவித்த துயரங்களை என்னிடம் பகிர்ந்து கொண்டாள். தனது வாழ்வைப் பதிவுசெய்யும் உரிமையைத் தந்து தனது வாழ்வை என்னூடாகப் பதிய வைத்துள்ளாள்.

2006 செஞ்சோலை வளாகத்தில் நிகழ்ந்த விமானக்குண்டு வீச்சில் காயமடைந்து இரு கால்களையும் இழந்து போய் முகத்திலும் காயங்களோடு வாழும் அன்பினியை அவளது குடும்பமே விலக்கி வைத்திருக்கிறது. அன்பினி தனித்து வாழ்கிறாள். அவளுக்கான நம்பிக்கை நிறைந்த வாழ்வை ஒளியேற்றி வைப்பதாகப் பலர் அவளது வாழ்வில் புகுந்தனர். ஒருவன் காதலனாக இன்னொருவன் கட்டாயக்கணவனாக இன்னும் சிலர் அவளது ஊனத்தைக் காரணம் காட்டி இரகசிய மனைவியாக்கவும் இம்சித்தார்கள்.

இத்தகைய எல்லா வகையான சுமைகளையும் தாங்கிக் கொண்டு செயற்கைக்காலின் நம்பிக்கையோடு ஆறாத மனக்காயங்களோடு வாழ்ந்து கொண்டிருக்கிறாள். 25வயது நிரம்பிய இவளின் வாழ்வு போல் ஊரில் பல்லாயிரம் பெண் போராளிகளின் சாதாரண பெண்களின் வாழ்வு சிதைந்து கொண்டிருக்கிறது. தனது கதையினூடாகப் பலரது வாழ்வைப் புரிவிக்க முயன்றுள்ளாள்.

இக்கதையின் கதைசொல்லியாகவே நான் இருக்கிறேன். ஆனால் கதையோடு உலவும் அன்பினியின் வாழ்வு அவளது சொந்த வாழ்வு. அவளது காதல் முதல் களம் , கணவன் கடைசிக் கனவு வரையிலும் அவளது வாழ்வும் துயரமும் நிரம்பி வழிகிறது.

2009மே17 சரணடைந்தவள் 2011மே17இல் தனது வாழ்வை மையப்படுத்திய இக்கதையை வெளியில் கொண்டு வருமாறு வேண்டியிருக்கிறாள். அவளது ஆசைப்படி 2011மே17அன்று அன்பினியென்ற பெயரில் உலவும் இக்கதைக்குரியவளின் அனுபவங்களை வெளியிடவிருக்கிறேன். ஆனால் கடதாசியில் அச்சிட்டு நூல்வடிவமில்லாமல் இணைய நூலாக உங்கள் முன் கொண்டு வருகிறேன்.

நாங்கள் வெளியில் இருந்து இலக்கியம் படைத்த போராட்டம் களம் களமாடிய மனிதர்களின் குணங்கள் அட இப்படியுமா என வெறுப்புத் தருகின்றனவான பல சம்பவங்கள் அன்பினியோடு பிணைந்திருக்கிறது. வெளிநாடுகளிலிருந்து நாங்கள் இன்னும் கனவுகாணும் உலகத்தை முற்றாக வெறுக்கிறவளாக அன்பினியும் அன்பினி போன்ற ஆயிரமாயிரம் பேர் வாழ்ந்து கொண்டிருக்கிற உண்மையை இவளோடும் இவள் போன்றவர்களோடும் பேசுகிற அவர்கள் பகிர்கிற விடயங்களிலிருந்து புரிய முடிகிறது.

தனது கதைக்குத் தானே முன்னுரையும் தந்து தனது கதையை உலகத்தமிழர்களிடம் சேர்ப்பிக்கும் உரிமையைத் தந்திருக்கும் இவள் மீது கனவுகளில் வாழும் மனிதர்களே கல்லெறியாதீர்கள். அவளது மனதில் ஆறாது எரியும் காயங்களுக்கு உதவ முடிந்தால் உங்கள் நேசக்கரத்தை நீட்டுங்கள்.

2011மே17 வரை காத்திருங்கள்…….

Link to comment
Share on other sites

  • கருத்துக்கள உறவுகள்

தொடருங்கள் ..

வெளிநாடுகளிலிருந்து நாங்கள் இன்னும் கனவுகாணும் உலகத்தை முற்றாக வெறுக்கிறவளாக

அது சரி நாங்கள் காணும் கனவு என்ன?எங்கள் மீது நீங்கள்(அன்பினி அல்ல) வைக்கும் குற்றச்சாட்டு என்ன?

Link to comment
Share on other sites

  • கருத்துக்கள உறவுகள்

தொடருங்கள் ..

அது சரி நாங்கள் காணும் கனவு என்ன?எங்கள் மீது நீங்கள்(அன்பினி அல்ல) வைக்கும் குற்றச்சாட்டு என்ன?

Jil நான் எந்தக் குற்றச்சாட்டையும் உங்கள் மீது வைக்கவில்லை. இன்னும் ஒரு மாதம் பொறுத்திருங்கள் அன்பினியின் கதையில் அவள் என்னத்தைச் சொல்லியிருக்கிறாள் என்பதன் பின்னர் குற்றங்களைக் கண்டுபிடிக்கலாம். :lol:

இக்கதையின் கதைசொல்லியாகவே நான் இருக்கிறேன். :blink: ஆனால் கதையோடு உலவும் அன்பினியின் வாழ்வு அவளது சொந்த வாழ்வு. அவளது காதல் முதல் களம் , கணவன் கடைசிக் கனவு வரையிலும் அவளது வாழ்வும் துயரமும் நிரம்பி வழிகிறது.
Link to comment
Share on other sites

  • கருத்துக்கள உறவுகள்

இத்தகைய எல்லா வகையான சுமைகளையும் தாங்கிக் கொண்டு செயற்கைக்காலின் நம்பிக்கையோடு ஆறாத மனக்காயங்களோடு வாழ்ந்து கொண்டிருக்கிறாள். 25வயது நிரம்பிய இவளின் வாழ்வு போல் ஊரில் பல்லாயிரம் பெண் போராளிகளின் சாதாரண பெண்களின் வாழ்வு சிதைந்து கொண்டிருக்கிறது. தனது கதையினூடாகப் பலரது வாழ்வைப் புரிவிக்க முயன்றுள்ளாள்.

முல்லைமண்! இதனால் அன்பினி அடையப் போவது என்ன? சமுதாயத்தில் புரையோடிப் போன புண்களை ஏன் மீண்டும் கிளருகின்றாள்? அனுதாபம் தேடவா? அல்லது இந்தச் செயலைச் செய்தவர்களைப் பழிவாங்கவா?

நதிமூலமும் ரிஷிமூலமும் பார்க்கக் கூடாது என்று சொல்வார்கள்.ஏனெனில் அதைப் பார்த்தால் நதியையும் ரிஷியையும் மதிக்க மாட்டீர்கள்.யாரோ தறிகெட்ட சில பேர் அவளின் இயலாமையைப் துஷ்பிரயோகம் செய்ததற்காக முழு இனத்தையும் நோக்கி உங்கள் சுட்டி விரலை நீட்டும் காரியங்களைச் செய்யாதீர்கள்.எங்கள் வீட்டுக் குப்பைகளை வீதிக்குக் கொண்டு வருவது,எங்களை மேலும் பலவீனப் படுத்தும்.

Link to comment
Share on other sites

  • கருத்துக்கள உறவுகள்

முல்லைமண்! இதனால் அன்பினி அடையப் போவது என்ன? சமுதாயத்தில் புரையோடிப் போன புண்களை ஏன் மீண்டும் கிளருகின்றாள்? அனுதாபம் தேடவா? அல்லது இந்தச் செயலைச் செய்தவர்களைப் பழிவாங்கவா?

நதிமூலமும் ரிஷிமூலமும் பார்க்கக் கூடாது என்று சொல்வார்கள்.ஏனெனில் அதைப் பார்த்தால் நதியையும் ரிஷியையும் மதிக்க மாட்டீர்கள்.யாரோ தறிகெட்ட சில பேர் அவளின் இயலாமையைப் துஷ்பிரயோகம் செய்ததற்காக முழு இனத்தையும் நோக்கி உங்கள் சுட்டி விரலை நீட்டும் காரியங்களைச் செய்யாதீர்கள்.எங்கள் வீட்டுக் குப்பைகளை வீதிக்குக் கொண்டு வருவது,எங்களை மேலும் பலவீனப் படுத்தும்.

ஷாந்தியோ அன்பினியோ எல்லாரையும் குற்றம் சாட்டுவதாக தெரியவில்லை.

எங்கள் குப்பைகளை வெளியே கொண்டுவந்தால் மேலும் பல அன்பினிகள் தொல்லைப்படாமல் இருக்கமுடியும்.

Link to comment
Share on other sites

  • கருத்துக்கள உறவுகள்

புங்கையுhரான் உங்கள் கருத்தோடு ஒத்துப் போக என் மனச்சாட்சி இடம் தர மறுக்கிறது...........

காரணம் நாங்கள் எத்தனையோ பேசப்பட வேண்டிய கலந்துரையாட வேண்டிய நிகழ்வுகளை

எல்லோர் முன்னிலையிலும் சமர்ப்பிக்காமல் ஒரு குறிப்பிட்ட நபர்களை உள்ளடக்கிய

வட்டத்திற்குள் சுற்ற விட்டதால் தான் இன்று இந்த துயர நிலை.................

அதனால் தயவு செய்து பேச விடுங்கள்

அந்த பெண் போராளியின் உடன் பிறப்புக்களும் அவள் யாருக்காக

ஆயுதம் ஏந்தினாளோ அந்த நன்றி கெட்ட இனமும் அவளையும் அவளைப்

போன்ற அத்தனை போராளிகளையும் ஒதுக்கி வைத்து வசை பாடும்

போது...................அவள் தன் சொந்த துயரை பகிர்ந்து கொள்வதில்

எங்கே தப்பு தெரிகிறது....................

ஒருவன் வெற்றியாளனாக இருக்கும் போது மட்டும்

அவனை புகழாதீர்கள்.............அவன் முடமான போதும்

அவனை புகழுங்கள்...............

Link to comment
Share on other sites

  • கருத்துக்கள உறவுகள்

பாராட்டுக்கள். எழுதுங்கள் சாந்தி.

இன விடுதலைக்காக போராடி வாழ்க்கையை இழந்து நிற்பவர்களை யூத இனத்திற்கு ஒத்த இனம் எப்படி சீரும் சிறப்புமாக பராமரிக்கிறோம் என்பதை காண ஆவலாயுள்ளேன்.

இக்கதைக்கு எழப்போகும் எதிர்ப்புகளுக்காக, அட்வான்சாக இப்பொழுதே எனது அனுதாபத்தை தெரிவித்துக்கொள்கிறேன். :D

Link to comment
Share on other sites

கட்டாயம் எழுதுங்கள்.நல்லதோ கெட்டதோ நடந்தவை,நடப்பவை வெளிக்கொண்டுவரப்படவேண்டும்.

எங்கடை சூத்தைகளை மட்டும் மெல்ல அமத்திவிட நினைக்கும் மனப்பாங்கில் இருந்து முதலில் தமிழன் வெளிவரவேண்டும்.

Link to comment
Share on other sites

  • கருத்துக்கள உறவுகள்

எழுதுங்கள் வாசிக்க ஆவலாய் உள்ளோம்

Link to comment
Share on other sites

  • கருத்துக்கள உறவுகள்

மரண வீட்டில் அழுதாத்தான் மனம் சாந்தியடையும்.

மனதில் உள்ளதை வெளிக் கொண்டு வந்தால் மனம் ஆறுதலடையலாம்.

Link to comment
Share on other sites

  • கருத்துக்கள உறவுகள்

முல்லைமண்! இதனால் அன்பினி அடையப் போவது என்ன? சமுதாயத்தில் புரையோடிப் போன புண்களை ஏன் மீண்டும் கிளருகின்றாள்? அனுதாபம் தேடவா? அல்லது இந்தச் செயலைச் செய்தவர்களைப் பழிவாங்கவா?

புங்கையூரான்,

அன்பினி எதையும் அடையப்போவதில்லை. அவளை ஏற்கனவே நமது மானம் மிக்க சமூகம் கொன்றுவிட்டது. ஆனால் அன்பினி போன்ற ஆயிரமாயிரம் பேரின் இன்றைய இதுவரையான வாழ்வைச் மீண்டும் எங்கள் ஞாபகம் கூடிய புத்தியில் ஞாபகமாய் வைக்கும் முயற்சியே இது.

அனுதாபம்..... :blink: உங்கள் எனது அனுதாபம் அன்பினிக்காக அவள் போன்ற ஆயிரம் பேருக்கு என்ன நன்மையைக் கொடுக்கும் ?

இங்கு அன்பினியோ நானோ யாரையும் பழிவாங்கவும் முயலவில்லை பலியெடுக்கவும் முயலவில்லை. ஆயிரமாயிரம் பேரின் வாழ்வை அனைவரும் அறிய வேண்டுமென்பதனை விரும்புகிறோம்.

Link to comment
Share on other sites

  • கருத்துக்கள உறவுகள்

புங்கையுhரான் உங்கள் கருத்தோடு ஒத்துப் போக என் மனச்சாட்சி இடம் தர மறுக்கிறது...........

காரணம் நாங்கள் எத்தனையோ பேசப்பட வேண்டிய கலந்துரையாட வேண்டிய நிகழ்வுகளை

எல்லோர் முன்னிலையிலும் சமர்ப்பிக்காமல் ஒரு குறிப்பிட்ட நபர்களை உள்ளடக்கிய

வட்டத்திற்குள் சுற்ற விட்டதால் தான் இன்று இந்த துயர நிலை.................

அதனால் தயவு செய்து பேச விடுங்கள்

அந்த பெண் போராளியின் உடன் பிறப்புக்களும் அவள் யாருக்காக

ஆயுதம் ஏந்தினாளோ அந்த நன்றி கெட்ட இனமும் அவளையும் அவளைப்

போன்ற அத்தனை போராளிகளையும் ஒதுக்கி வைத்து வசை பாடும்

போது...................அவள் தன் சொந்த துயரை பகிர்ந்து கொள்வதில்

எங்கே தப்பு தெரிகிறது....................

ஒருவன் வெற்றியாளனாக இருக்கும் போது மட்டும்

அவனை புகழாதீர்கள்.............அவன் முடமான போதும்

அவனை புகழுங்கள்...............

தப்பு எங்கும் இல்லை தமிழ்மாறன்! ஏற்கனவே சொந்தக் குடும்பத்தால் கூட தூர வைக்கப்பட்டிருக்கும் அவள்,இந்தக் கருத்துக்கள் பகிரப் படும்போது மேலும் அன்னியப் படுத்தப்படுவாள்.அவள் துணிவு என்னை வியக்க வைக்கின்றது.அவள் முடமாகிப் போனதை, அவள் அடைந்த விழுப்ப்புண் ஆகவே நான் பார்க்கின்றேன். அவளே தன் கதையை வெளியிட அனுமதிக்கும் போது, எனக்கு எந்த ஆட்சேபணையும் இல்லை.

Link to comment
Share on other sites

  • கருத்துக்கள உறவுகள்

புங்கையூரான்,

அன்பினி எதையும் அடையப்போவதில்லை. அவளை ஏற்கனவே நமது மானம் மிக்க சமூகம் கொன்றுவிட்டது. ஆனால் அன்பினி போன்ற ஆயிரமாயிரம் பேரின் இன்றைய இதுவரையான வாழ்வைச் மீண்டும் எங்கள் ஞாபகம் கூடிய புத்தியில் ஞாபகமாய் வைக்கும் முயற்சியே இது.

அனுதாபம்..... :blink: உங்கள் எனது அனுதாபம் அன்பினிக்காக அவள் போன்ற ஆயிரம் பேருக்கு என்ன நன்மையைக் கொடுக்கும் ?

இங்கு அன்பினியோ நானோ யாரையும் பழிவாங்கவும் முயலவில்லை பலியெடுக்கவும் முயலவில்லை. ஆயிரமாயிரம் பேரின் வாழ்வை அனைவரும் அறிய வேண்டுமென்பதனை விரும்புகிறோம்.

எழுதுங்கள் சாந்தி.இதனால் நல்ல பயன் விளையுமாயின், என்னை விட மகிழ்ச்சி அடைபவர் வேறு யாரும் இல்லை.ஒரு தந்தை தன் மகளில் கொண்ட கரிசனத்தால் தான் மேற்கண்ட கருத்தை எழுதினேன்.எங்கள் சமூகம்,நாங்கள் நினைப்பது போல், சில விடயங்களை பரந்த மனப்பான்மையுடன் பார்க்கும் நிலைக்கு இன்னும் வளரவில்லை என்பதே ஆனது கருத்து!!!

Link to comment
Share on other sites

  • கருத்துக்கள உறவுகள்

எழுதுங்கள் சாந்தி.இதனால் நல்ல பயன் விளையுமாயின், என்னை விட மகிழ்ச்சி அடைபவர் வேறு யாரும் இல்லை.ஒரு தந்தை தன் மகளில் கொண்ட கரிசனத்தால் தான் மேற்கண்ட கருத்தை எழுதினேன்.எங்கள் சமூகம்,நாங்கள் நினைப்பது போல், சில விடயங்களை பரந்த மனப்பான்மையுடன் பார்க்கும் நிலைக்கு இன்னும் வளரவில்லை என்பதே ஆனது கருத்து!!!

வளர மறுக்கிறார்கிறார்கள் அது தான் உண்மை..நாளுக்கு நாள் எத்தனையோ விதமான கண்டு பிடிப்புக்கள் அது,இது என்று வந்து கொண்டு தான் இருக்கிறார்கள்..ஆனால் எங்கள் சமுதாயம் மட்டும் ???ம்ம்ம்.......கூம். :(:(

Link to comment
Share on other sites

  • கருத்துக்கள உறவுகள்

வணக்கம் சாந்தி, உங்கள் குறுநாவலை எதிர்பார்த்துக் காத்திருக்கிறேன். பெருந்தோல்வியின் இருளுக்குள் புண்பட்டுக் கிடக்கிற ஒரு இனம் மீண்டும் நிமிர அவசியமான ஒளியைச் சேர்க்கும் பணியில் கலை இலக்கியங்களுக்கு முக்கியமான பங்குண்டு. எங்கள் இனம் மீண்டும் அரசியல் புதை மணலுக்குள் வழி தவறி விடக்கூடாது. நானும் ஆய்வுகளில் ஈடுபட்டு வருகிறேன். உங்கள் குறு நாவலைத் தொடர்ந்து என் படப்புகளும் வரும்..

Link to comment
Share on other sites

  • 4 weeks later...
  • கருத்துக்கள உறவுகள்

கருத்திட்ட Jil , புங்கையூரான் , கந்தப்பு , Eas ,தமிழ்மாறன் , தப்பிலி ,ரதி ,arjun, ஈழப்பிரியன் , யாயினி , poet அனைவருக்கும் நன்றிகள். இன்னும் 3நாட்களில் கதையினை நீங்கள் இக்களம் ஊடாக படிக்கலாம்.

ஒருவன் வெற்றியாளனாக இருக்கும் போது மட்டும்

அவனை புகழாதீர்கள்.............அவன் முடமான போதும்

அவனை புகழுங்கள்...............

சத்தியமான வரிகள் தமிழ்மாறன்.

இக்கதைக்கு எழப்போகும் எதிர்ப்புகளுக்காக, அட்வான்சாக இப்பொழுதே எனது அனுதாபத்தை தெரிவித்துக்கொள்கிறேன். :D

முற்கூட்டிய அனுதாபத்துக்கு நன்றிகள். :lol:

நிச்சயமாக இக்கதைக்கு எழப்போகும் விமர்சனங்கள் சொல்லடிகள் கல்லடிகள் அதிகமாகத்தானிருக்கும். ஆயினும் பேசப்பட வேண்டிய விடயங்களைப் பேசியாகவே வேண்டும். :blink:

எங்கள் இனம் மீண்டும் அரசியல் புதை மணலுக்குள் வழி தவறி விடக்கூடாது. நானும் ஆய்வுகளில் ஈடுபட்டு வருகிறேன். உங்கள் குறு நாவலைத் தொடர்ந்து என் படப்புகளும் வரும்..

உங்கள் படைப்பினையும் கொண்டு வாருங்கள். படிக்கக்காத்திருக்கிறோம்.

Link to comment
Share on other sites

  • கருத்துக்கள உறவுகள்

எழுதுங்கள் சாந்தி.இதனால் நல்ல பயன் விளையுமாயின், என்னை விட மகிழ்ச்சி அடைபவர் வேறு யாரும் இல்லை.ஒரு தந்தை தன் மகளில் கொண்ட கரிசனத்தால் தான் மேற்கண்ட கருத்தை எழுதினேன்.எங்கள் சமூகம்,நாங்கள் நினைப்பது போல், சில விடயங்களை பரந்த மனப்பான்மையுடன் பார்க்கும் நிலைக்கு இன்னும் வளரவில்லை என்பதே ஆனது கருத்து!!!

புங்கையூரான் இதை நீங்கள் எழுதிகாட்டியே சிலருக்கு புரியவைக்க வேண்டிய நிலை.................... இன்னும் அவர்கள் புரிந்தார்களா என்பதுதான் விடையற்ற வினா. சிலருக்கு புரிந்தாலும் புரியாது............. சிலருக்கு புரிந்ததும் புரியாது.

இவர்களுக்கு நடைமுறை சாத்தியங்களை பற்றி நாங்கள் எழுதினால்.............. எதார்த்தங்களை பற்றி அவர்கள் எழுதுவார். எதார்த்தங்களை நாங்கள் எழுதினால்............... நடைமுறை சாத்தியம் பற்றி இவர்கள் எழுதுவார் தவிர அந்த பெண்ணின் மீது உரிய அக்கறையிருப்பின் உங்களுடைய கேள்வியான "இதனால் அந்த பெண்ணுக்கு என்ன நன்மை?" என்ற வினாவிற்கு சிறு விளக்கத்தைகொடுக்க முயற்சித்திருப்பார்கள் அதை இதுவரையில் செய்யவில்லை.................... ஆனால் அந்த பெண்ணினுடைய நிலையை லைற்றடிச்சு ஊருக்குகாட்டினால் சில பெண்கள் பாதுகாக்கபடுவார்களாம்...............? எப்படி என்பது புரியாத புதிர்.

நீங்கள் எல்லோரும் கேள்விபட்ட விடயம்................. இன்னொரு பெண்ணின் கதை பாகிஸ்தானில் ஒரு கிராமம் அங்கே ஒருவன் ஒருத்தியுடன் உறவை வைக்கிறான் அந்த கிராம மரபின்படி அது தவறானது............. அகவே விடயம் பஞ்சாயத்திற்கு வருகிறது பஞ்சாய தலைவர் தீர்ப்பை வழங்குகிறார்................. அவனுக்கு ஒரு தங்கை பதினொருவயதில் இருக்கிறாள் அவளை பத்துபேர் சேர்ந்து வல்லுறவு கொள்வது. இந்த செய்தி அவளுடைய தயாரின் அர்பணிப்பால் வெளியூரை அடைகிறது பின்பு நாம் எல்லோரும் அறிந்ததுதான்................ சின்ன் பிபிசி உட்பட அனைத்து உலகதொலைகாட்சி செய்திகளிலும் செய்தி வருகிறது மனித உரிமை சங்கங்கள் மாதர் சங்கங்கள் எல்லாம் குடைபிடிக்க................ வழக்கு பாகிஸ்தான் உயர் நீதிமன்றம் செல்கிறது. தீர்ப்பு பத்தில் 7 பேர் ஆயுள்தண்டனை பெற்று சிறை செல்கிறார்கள். இப்போது 6 வருடங்கள் ஒடிவிட்டது அவளது தாயர் கொலைசெய்யபட்டுவிட்டார். சிறை சென்றவர்கள் மனுதாக்கல் செய்கிறார்கள் மனு திரும்பமும் நீதிமன்னறம் வந்து அவர்கள் விடுதலை பெற்று அந்த கிராமம் செல்கிறார்கள்..................... இப்போது அந்த பெண் அவர்களிடம் இருந்து தப்பி ஒட இடம் ஏதும் இல்லை........... இந்த செய்தி கூட ஏதாவது சிறு பத்திரிகையில் படித்தால்தான் உண்டு. உண்மை நிலை பாகிஸ்தானில் இதுவென்றால் இலங்கையில் என்ன நிலை என்பதை இங்கே யாருக்கு நானோ நீங்களோ எழுதவேண்டும்??????

அவன் அவன் பிழைப்பிற்கு ஒவ்வொரு மூலாம் பூசுகிறார்கள் கேள்வி கேட்டால் எனது கருத்தும் உங்கள் கருத்தும் உடனடியாக துக்க படுகிறது. அவர்கள் மக்கள் நலன் காக்கிறார்களாம் நாங்கள் கேள்வி கேட்டு அவர்களுடைய பொன்னான நேரத்தை வீணடிக்கிறோம் என்று சில மட்டுறுத்தினர்கள் நினைக்கிறார்கள். கடந்த 60வருடமாக தமிழனை கொன்றுகுவித்த சிங்களவனும் அதன் உச்ச கட்டமாக முள்ளிவாய்காலில் கூட்டமாக நாலுபக்கமும் செல்லடித்து விரட்டி சிறு நிலப்பரப்பிற்குள் தள்ளி அங்கே வைத்து ஒட்டுமொத்தமாக குண்டுபோட்டு அழித்து எஞ்சியவர்களை பிடித்துசென்று முள்வேலிக்குள் அடைத்து வைத்துகொண்டு.............................. தமிழர்களின் விடிவுக்காக தான் போராடுவதாகவே சொல்கிறாhன். அதைதான் இன்றுவரை திரும்ப திரும்ப சொல்கிறான். புலிவாந்தி எடுப்பவனும் இதைதான் சொல்கிறான் அல்லது இதை சொன்னால்தான் அவனுக்கு ஊதியம். மக்கள் நலன் காக்க போகிறார்களாம்............. அதுக்கு புலிகள் விட்ட தவறுகளை திரும்ப திரும்ப எழுதவேண்டுமாம்.

சரி புலிகள் போராடிய முறை தவறானது............... இப்போ புலியும் இல்லை எலியும் இல்லை போய் சரியான முறையில் போராட வேண்டியதுதானே?? அதுக்கு தட்டச்சு மட்டும் தெரிந்து பலனில்லை தலையிலே ஒரு மசிரெனிலும் வேண்டும். அது முக்கியமில்லை புலிகள் விட்ட தவறுகளை பரப்பிகொண்டிருக்க வேண்டும்........... அப்போதுதானாம் அனுபவம் வரும். அப்படியென்றால் ஏன் புலிகள் விட்ட தவறு என்று குறுகிய காலத்திற்குள் இவர்களது பாரிய பரந்த அறிவை சிறுமை படுத்துகிறார்கள் என்பதுதான் எனக்கு இன்றுவரை புரியாதது. பண்டாரவன்னியன்.................. எல்லாளன் சோளமன்னன் என்று இவர்களது அறிவுக்கு எட்டிய தூரம் வரை செல்லலாமே? புலிகள் போராடிய காலமும் உலகமும் இனி ஒருபோதும் வரபோவதில்லை அதுவே தெளிந்த உண்மை அப்போதைய உலகிற்கும் தொழில்நுட்பத்திற்கும் ஏற்ப சோழன் போராடினான்................... பின்பு புலிகள் போராடினார்கள் என்பதே உண்மை. அந்த அனுபவம் என்பது இனி யாருக்கும் தேவையற்றதே.................. தற்போதைய உலகும் போரின் வடிவமும் புலிகளின் காலம்போலும் போரின் வடிவம் போலும் ஒருபோதும் அமையாது என்பது திண்ணமான பின்பு............... ஏன் புலிவாந்தி எடுக்க வேண்டும்???

எடுக்க வேண்டாம் என்று நான் செல்லவில்லை............. எடுங்கள் அது உங்கள் ஊதியத்தோடு சம்மந்தபட்டது. எங்களுக்கு வாழ கிடைக்கவில்லை எமை காட்டிகொடுத்த நீங்களாவது பிழைச்சு போங்கள். ஆனால் இந்த மக்கள் நலன்காப்பு வேதாந்தம்தான் எமக்கு விளங்கவில்லை. இதைதான் நான் திரும்ப திரும்ப விளங்கடுத்த நினைக்கிறேன்.

இலங்கையின் இன்றைய நிலையில் ஒரு பெண்ணை இராணுவம் பிடித்துசென்று வல்லுறவு கொண்டு வீதியில் வீசினால் யாரால் என்ன செய்ய முடியும்???? இது இதுவரையில் நடக்கவே இல்லையா??? உயிராபத்து என்று இலங்கையை விட்டு ஒடிகொண்டிருக்கும் சிங்களவர்களின் எண்ணிக்கையே சில ஆயிரமாக இருக்கிறது................. இதில் இந்த கட்டுரை எந்த விதத்தில் அந்த பெண்ணுக்கு உதவும் என்பது எனக்கு புரியவில்லை. அவளுடைய வேதனைகளை மூடிமறைக்க வேண்டியதில்லை................ ஆனால் இதனால் அவளுக்கு நன்மை என்பது மட்டும் அப்பட்மான பொய். இந்த பெண்ணின் விடயத்தில் தாம் ஏதோ தவறு செய்துவிட்டதாக உணர்ந்து இராணுவமும் சமூக விசமிகளும் மற்றைய பெண்களை தமது ஆசைக்ககு அடிபணியாவிட்டால் அடித்து கொல்லவே திட்டம் தீட்டுவார்கள்................... மற்றைய பெண்களுக்கு இதனால் இலாபம் என்பது அபத்தம்.

சமூகத்தை சீராக கட்டியெழுப்ப வேண்டுமே தவிர................... சிந்தும் சீழ்களை அள்ளி சிதறடிப்பதால் சமூகம் சீர்படும் என்பது ஏதாவது தத்துவாந்த ரீதியாக சாத்தியமானதாக இருக்கலாம். ஆனால் தற்போதைய இலங்கையில் ஒரு துளி சாத்தியமுமில்லை!

Link to comment
Share on other sites

  • கருத்துக்கள உறவுகள்

இங்கு சிலருக்கு தங்களைத்தவிர புலிகள் பற்றி எவ்வித அக்கறையோ அழிவுகள் பற்றிய சிந்தனையோ இல்லாத மாதிரியும் தாங்கள் தான் ஏகபோக பிரதிநிதிகள் போலவும் வாந்தியெடுப்பதே சுகமான தொழில். அதுகூட அவரவர் விருப்பம். இன்னொரு விடயம் இதுவொரு கருத்துக்களம் இதில் எல்லாருக்கும் கருத்தெழுதும் உரிமை உண்டென்பதைக்கூட மறந்து தங்கள் கீழ்த்தரமான வாந்திகளால் பாகிஸ்தான் பங்களாதேஸ் பெண் மண்ணென்று தங்கள் அகில உலக புலமையை வெளிக்கொண்டு வந்து சம்பந்தமில்லாத விடயத்தோடு சேர்த்து முடிச்சிடுகிறார்கள்.

ஆனால் " காதல் களம் கணவன் கடைசிக்கனவு" குறுநாவலானது யாருடனும் உடல் உறவு வைத்தது பற்றியோ அல்லது பாலியல்வல்லுறவு பற்றியே பேசவில்லை. ஒரு பெண் போராளியின் வாழ்வை பதிவு செய்திருக்கிறது. மற்றும் யூதர்களுக்கு நிகராக தமிழினத்தை உச்சத்தில் ஏற்றி வைத்து கனவு காண்பதைத்தவிர முன்னாள் போராளிகள் வாழ்வை எப்ப பலியெடுக்கிறது என்பது பற்றியே எழுதப்பட்டுள்ளது.

ஆயினும் இன்னும் கதையையே படிக்கவில்லை ஆனால் தங்கள் மேதாத்தனத்தை துப்புவதால் தமது புனிதம் காக்கப்படுவதாக எண்ணும் அதி புத்திசாலிக்கு சொல்வதற்கு எதுவுமில்லை.

பிற்குறிப்பு :- இக்கருத்தை உரியவர் மட்டும் புரிந்து கொள்வார். மற்றைய நண்பர்கள் கோபித்துக் கொள்ளாதீர்கள்.

Link to comment
Share on other sites

  • கருத்துக்கள உறுப்பினர்கள்

தலைப்பைப்பார்க்கும்போதே தெரிகிறது. பாதை மாறியதன் பயன் இது. எம் எல்லோருக்கும் இதில் பங்குண்டு. இனி இலட்சியமாவது கனவாவது........ கடைசி வரியை மட்டும் நீக்கிவிடுங்கள். எழுதுவதற்கு முன் ஏன் இத்தனை பீடிகை? உள் நோக்கம் நல்லது என்ற தெளிவிருந்தால்?

Link to comment
Share on other sites

  • கருத்துக்கள உறவுகள்

எழுதுங்கள் சாந்தி.இதனால் நல்ல பயன் விளையுமாயின், என்னை விட மகிழ்ச்சி அடைபவர் வேறு யாரும்

புங்கையூரானின் கருத்தை மேற்கோள் காட்டி எனது நிலைபாட்டை மீண்டும் தெரிவிக்கிறேன்....................

அடிமேல் அடியடித்தால் அம்மியும் நகருமென்கிறார்கள். அடித்துபார்கலாம் என்பதால். பாகிஸ்தானுக்கு பயணிக்க வேண்டிய தேவை எனக்கு இல்லை நடைமுறைகளை சாடுபவர்க்கே உண்டு. இந்த கதையை ஊருக்கு லைற்றடித்து காட்டுவதால் அந்த பெண்ணுக்கு என்ன நன்மை என்பதை கொஞ்சம் விளங்கபடுத்தலாமே................?? அது விளங்கவில்லை என்பதுதானே எமது நிலைபாடே தவிர உங்களில் குறைகாண்பதல்ல.

பசியோடு இருப்பவனுக்கு மீனை பிடித்துகொடுப்பதிலும்விட அவனுக்கு அந்த மீனை பிடிக்க கற்றுகொடுக்கலாம் என்றுதான் நான் சொல்கிறேன். இதற்கு ஏன் புலிகளுக்கு ஏகபிரதிநிதியாக நான் மாறவேண்டும்?? புலிகள் தமிழர்களுடைய பிள்ளைகள் ஒவ்வொருதமிழனுக்கும் புலிக்கும் உறவுண்டு என்பதை நாம் எழுதினாலும் குற்றம் காண்கிறார்கள்............... புலி வேறு மக்கள் வேறு என்கிறார்கள். ஆக புலி இனிஇல்லை எம்மை ஏகபிரதிநியாக்கிவிட்டால் எமை நையபுடைவதில் கொஞ்ச காலம் கழிக்கலாம் என்று நினைக்கிறார்களோ தெரியவில்லை.

அங்குள்ள சமூக கட்டமைப்பை நாம் சீரக கட்டவேண்டும்..................... காலில்லதவன் பிடித்து நடக்க நாம் ஓண்டுதடிகளை கொடுக்கலாம். ஆனால் அதை அடுத்தவன் புடுங்கும் நிலமைகளை முதலில் இல்லாது செய்ய வேண்டும். ஒரு உதவியை உரிய நேரத்தில் உரிய இடத்திற்கு கொண்டுசெல்ல வேண்டுமே தவிர.

சும்மா மக்கள் பா பாடி ஆவதற்கு ஒன்றுமில்லை. திரும்பி திரும்பி பூஜ்ஜியத்திலேயே நிற்போம்.

உதவி என்று நாம் செய்வது அடுத்தவனுக்கு உபத்திரபமாக ஆகிவிட கூடாது............. ஆகவேதான் நாம் செய்வது என்ன பயனை கொடுக்கும் என்பதை கொஞ்சம் சிந்தித்து செய்வோம் என்றே சொல்கிறேன்.

Link to comment
Share on other sites

  • கருத்துக்கள உறவுகள்

புங்கையூரான் மற்றையவர்களது கருத்தை உள்வாங்கியுள்ளார். இங்கு ஒருவர் தனது முயலுக்கு 3கால் அதனை எல்லோரும் ஏற்றுக்கொள்ள வேண்டுமென்று அடம்பிடித்து நிற்பதற்கு பதில் எழுதுவதில் பயனில்லை. ஆக பதிலும் தேவையில்லை.

கேள்வியும் நானே பதிலும் நானேயான இப்படியே இருந்துவிடுங்கள் அறிஞர் பெருமகரே.......

ஒன்றைப்புரிய முடிகிறது இத்தகைய விசிலடிச்சான்களால் தான் தமிழன் இப்படித் தெருவில் இன்று நிற்கிறான்.

Link to comment
Share on other sites

  • கருத்துக்கள உறவுகள்

ஒன்றைப்புரிய முடிகிறது இத்தகைய விசிலடிச்சான்களால் தான் தமிழன் இப்படித் தெருவில் இன்று நிற்கிறான்.

பொறுப்புக்களிலிருந்து தப்பிக்க சொல்லும் சாதாரண பதில்.

இதை பொறுப்பாக வேலை செய்யும் தங்களிடமிருந்து எதிர்பார்க்கவில்லை. :(:(:(

Link to comment
Share on other sites

எந்த பொறுப்புகளில் இருந்தாலும் கொடுக்கவேண்டிய இடத்தில் கொடுக்காவிட்டால் சந்தர்ப்பம் கிடைக்காது.கொடுக்கப்படவும் வேண்டும்.

சுகன் பிறிதொரு திரியில் குறிப்பிட்டது போல் இது தமிழருக்கான போராட்டமே ஒழிய சில நபர்களுக்கான அடையாளப்படுத்தலல்ல.

Link to comment
Share on other sites

  • கருத்துக்கள உறவுகள்

பொறுப்புக்களிலிருந்து தப்பிக்க சொல்லும் சாதாரண பதில்.

இதை பொறுப்பாக வேலை செய்யும் தங்களிடமிருந்து எதிர்பார்க்கவில்லை. :(:(:(

மன்னித்துக் கொள்ளுங்கள் விசுகு. நான் எழுதியதன் கருத்தை நீங்கள் தவறாக விளங்கியிருக்கிறீர்கள். விசிலடிச்சான்களாலேயே தமிழனுக்கு இந்த நிலையென்றே குறிப்பிட்டேன். தங்கள் கடமைகளைச் செய்கின்றவர்களை நோக்கியதல்ல எனது பதில்.

என்னால் இயன்றதை எனது சக்திக்கு அப்பாற்பட்டு எனது இனத்துக்கான கடமையைச் செய்து கொண்டிருக்கிறேன். (இதுகூட எங்களை லைற்றடிச்சு காட்டும் வேலையென்று அதிமேதாக்கருத்தும் வரும்)

ஏதோ தாங்களே தமிழினத் தூண்களாக எங்கும் மூக்கை நுளைத்து வெட்டிப்பேச்சு விமர்சனம் செய்வது போதாமல் எல்லோரும் விலைபோனோர் விபச்சாரம் செய்வோர் என தங்களது வக்கிரங்களை இந்தக்களத்தில் கொட்டும் கனவான்கள் சிலருக்கு மட்டும் உணர்வு மற்றவர்களுக்கெல்லாம்...???

தமிழனித்தின் விடுதலையென்பது எல்லோரையும் ஒதுக்கி தமக்கான சொத்தென எண்ணுகிறார்கள் இந்த அறிஞர்கள். அதைத் தம்மோடு வைக்கட்டுமே ஏன் எங்கும் புலிகளை இழுத்து தாம்தான் புலிகளின் ஏகபோகம் போன்ற எக்காளம் செய்வான்???

சுகன் பிறிதொரு திரியில் குறிப்பிட்டது போல் இது தமிழருக்கான போராட்டமே ஒழிய சில நபர்களுக்கான அடையாளப்படுத்தலல்ல.

arjun உங்களுக்கொரு பச்சை குத்தியுள்ளேன்.

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • புற்றுநோய் Patients- ஐ இலவசமாக பராமரிக்கும் இடம் | Eastern Cancer Care & Hospital  
    • இயற்கை அதிசயம் A68 மெகா பனிப்பாறை: நாள்தோறும் 150 கோடி டன் நன்னீரை கடலில் கலந்த ராட்சத பனிப்பாறை ஜோனதன் அமோஸ் அறிவியல் செய்தியாளர் 6 மணி நேரங்களுக்கு முன்னர்     படக்குறிப்பு, A68 பனிப்பாறை A68 என்கிற மிகப்பெரிய பனிப்பாறை உருகுவதால் அட்லாண்டிக் பெருங்கடலில் நாள் ஒன்றுக்கு 150 கோடி டன் தண்ணீர் கலந்தது. இதை ஒப்பிட்டுப் பார்க்க வேண்டுமானால், பிரிட்டனில் உள்ள மொத்த மக்கள் தொகையும் ஒரு நாளில் பயன்படுத்தும் நீரைப் போல 150 மடங்கு அதிக தண்ணீர் ஒரே நாளில் கடலில் கலந்தது. A68 உலகின் மிகப்பெரிய பனிப்பாறையாக, குறைந்த காலத்துக்கு இருந்தது. கடந்த 2017ஆம் ஆண்டு அண்டார்டிகாவில் இருந்து பிரிந்த போது கிட்டத்தட்ட 6,000 சதுர கிலோமீட்டர் பரப்பு கொண்டதாக இருந்தது. ஆனால் 2021ஆம் ஆண்டில் அத்தனை பெரிய பனிப்பாறை காணாமல் போய்விட்டது. ஒரு டிரில்லியன் டன் அளவிலான பனிப்பாறையை கரைந்துவிட்டது. தற்போது விஞ்ஞானிகள் மற்றும் ஆராய்ச்சியாளர்கள் A68 பனிப்பாறை சுற்றுச்சூழலில் ஏற்படுத்திய தாக்கத்தைக் குறித்து ஆராய்வதில் மும்முரமாக இருக்கின்றனர். A68 பனிப்பாறை அண்டார்டிகாவிலிருந்து பிரிந்து, தெற்கு பெருங்கடல் வழியாக வடக்கு நோக்கி பயணித்து, தெற்கு அட்லாண்டிக் கடலை வந்தடைந்தது. ஆப்பிள் நிறுவன 'ஏர்டேக்' சாதனம் நம்மை ரகசியமாக கண்காணிக்கிறதா? மனித மூளையுடன் இணையும் தொழில்நுட்பம் - இது ஆபத்தா? லீட்ஸ் பல்கலைக்கழகத்தைச் சேர்ந்த குழு ஒன்று, செயற்கைக் கோளின் தரவுகளைக் கொண்டு அப்பனிப்பாறை பயணித்த வழித்தடம் முழுக்க அதன் உருவம் எப்படியெல்லாம் மாறியது என்பதைக் கணக்கிட தேவையான தரவுகளை சேகரித்து வருகிறது. எனவே, கடந்த மூன்றரை ஆண்டுகளுக்கு மேலாக அப்பனிப்பாறையின் பயணத்தில், அது உருகும் விகிதம் எப்படி மாறுபட்டது என்பதை மதிப்பிட முடிந்தது. A68 பனிப்பாறை அதன் கடைசி காலத்தில், பிரிட்டிஷ் ஓவர்சீஸ் டெரிட்டரி ஆஃப் சவுத் ஜார்ஜியா என்கிற வெப்பமான பகுதிக்கு வந்தடைந்தது.     படக்குறிப்பு, A68 பனிப்பாறையின் பயணப் பாதை இந்த ராட்சத பனிப்பாறை ஆழம் குறைவான, லட்சக் கணக்கான பென்குயின்கள், கடல் சிங்கங்கள், திமிங்கலங்கள் வேட்டையாடும் பாதையில் சிக்கிக் கொள்ளுமோ என்றும் கொஞ்ச காலத்துக்கு ஓர் அச்சம் நிலவியது. ஆனால் அப்படி எதுவும் நடக்கவில்லை, காரணம் A68 பனிப்பாறை மிதப்பதற்குத் தேவையான ஆழத்தை இழந்தது. "A68 பனிப்பாறை கண்டத்தின் நிலபரப்பின் மீது மோதியது போலத் தான் தெரிகிறது. அப்போது தான் பனிப்பாறை திரும்பி, சிறு துண்டு உடைவதைக் கண்டோம். அது மட்டுமே A68 பனிப்பாறையை நிறுத்த போதுமானதாக இல்லை" என பிபிசியிடம் கூறினார் அந்த ஆய்வறிக்கையின் ஆசிரியர் மற்றும் லீட்ஸ் பல்கலைக்கழகத்தின் நெர்க் சென் டர் ஃபார் போலார் அப்சர்வேஷன் அண்ட் மாடலிங்கைச் சேர்ந்த அனே ப்ராக்மான் - ஃபோல்கன். ஏப்ரல் 2021 காலத்தில், A68 பனிப்பாறை, கண்காணிக்க முடியாத அளவுக்கு எண்ணற்ற சிறிய துண்டுகளாக உடைந்தது. ஆனால் அது சுற்றுச்சூழலின் மீது ஏற்படுத்திய தாக்கங்கள் மிக நீண்ட காலத்துக்கு இருக்கும். ஜெயின்ட் டேபுலர் அல்லது ஃப்ளாட் டாப் பனிப்பாறைகள் எந்த பகுதியில் சுற்றித் திரிந்தாலும் அது இருக்கும் பகுதியில் கணிசமான தாக்கத்தை ஏற்படுத்தியுள்ளது.   பட மூலாதாரம்,CPL PHIL DYE RAF/CROWN COPYRIGHT   படக்குறிப்பு, A68 பனிப்பாறை அப்பனிப்பாறைகள் வெளியிடும் நன்னீர், கடலின் நீரோட்டத்தை மாற்றும். மேலும் இரும்பு போன்ற தாதுப் பொருட்கள், நுண்ணுயிரிகள் கடலில் கலந்து உயிரி உருவாக்கத்தை ஏற்படுத்தும். A68 பனிப்பாறை பிளவுபட்டு காணாமல் போவதற்கு முன், பிரிட்டிஷ் அண்டார்டிக் சர்வேயால், அப்பனிப்பாறைக்கு அருகில் சில எந்திர கிளைடர்களை நிலைநிறுத்த முடிந்தது. இந்த கிளைடர்கள் உட்பட பல்வேறு சாதனங்களிலிருந்து கிடைத்த தரவுகளை இதுவரை முழுமையாக பகுப்பாய்வு செய்யப்படவில்லை என்றாலும், சில ஆர்வத்தைக் தூண்டக் கூடிய விஷயங்களை வெளிப்படுத்துவதாக உயிரியல் கடல் ஆய்வு நிபுணர் பேராசிரியர் ஜெரைன்ட் டார்லிங் கூறினார். "A68 பனிப்பாறையைச் சுற்றியுள்ள பைட்டோபிளாங்க்டன் இனங்களின் தாவரங்களில் மாற்றம் ஏற்படுவதை வெளிப்படுத்தும் வகையில் மற்றும் கடலின் ஆழமான பகுதிகளில் தாதுப் பொருட்களின் படிமானங்கள் தொடர்பாக வலுவான சமிக்ஞைகள் இருப்பதாக நாங்கள் கருதுகிறோம். கிளைடரில் உள்ள சிறு துகள்களைக் கண்டறியும் சென்சார், பனிப்பாறையிலிருந்து படிமானங்கள் தொடர்பாக வலுவான சமிக்ஞைகள் கண்டுணர்ந்துள்ளது." என்று அவர் பிபிசி செய்தியிடம் கூறினார். A68 பனிப்பாறையின் மாறும் வடிவம் மற்றும் வெப்பத்தால் உருகி கடலில் நன்னீர் கலப்பது தொடர்பான விவரங்கள், 'ரிமோட் சென்சிங் ஆஃப் என்விரான்மென்ட்' என்கிற சஞ்சிகையில் பிரசுரமாகியுள்ளது. https://www.bbc.com/tamil/science-60098350
    • யுக்ரைன் பதற்றம்: அமெரிக்காவின் 'மரண' ஆயுதங்கள், ரஷ்யாவின் ஒரு லட்சம் வீரர்கள் - எல்லையில் அதிகரிக்கும் பதற்றம் 3 மணி நேரங்களுக்கு முன்னர்   பட மூலாதாரம்,GETTY IMAGES யுக்ரைனின் எல்லையில், ரஷ்யா ஒரு லட்சம் வீரர்களைக் குவித்திருக்கும் நிலையில், அமெரிக்கா அங்கு ஆயுதங்களை அனுப்பியிருக்கிறது. பிரிட்டன் தனது வீரர்களை அனுப்பத் திட்டமிட்டிருக்கிறது. இதனால் அங்கு பதற்றம் அதிகரித்திருக்கிறது. இந்த நிலையில், ரஷ்யாவுக்கு ஆதரவானவரை யுக்ரைனின் அதிபராக நியமிக்க விளாதிமிர் புதின் திட்டமிட்டிருப்பதாக பிரிட்டன் குற்றம்சாட்டியுள்ளது. முன்னெப்போதும் இல்லாத வகையில், யுக்ரைன் எம்.பி. யெவென் முரயேவ் என்பவரது பெயரைக் குறிப்பிட்டு, அவரை நாட்டின் அதிபராக்க ரஷ்யா முயல்வதாக பிரிட்டன் வெளியுறவுத் துறை கூறியிருக்கிறது. ரஷ்யா 100,000 துருப்புக்களை யுக்ரைனுடனான தனது எல்லைக்கு அருகில் குவித்துள்ளது. ஆயினும் யுக்ரைன் மீது படையெடுக்கப் போவதாக வெளியாகும் தகவல்களை மறுத்துள்ளது. ரஷ்யா யுக்ரைனுக்குள் ஊடுருவினால் கடுமையான விளைவுகளைச் சந்திக்க நேரிடும் என பிரிட்டன் அமைச்சர்கள் எச்சரித்துள்ளனர். சோவியத் ஒன்றியம் வீழ்ந்த போது பொருளாதார நெருக்கடியால் தான் டாக்சி ஓட்டியதை நினைவுகூர்ந்த புதின் மோதி - புதின் சந்திப்பு: இந்திய, ரஷ்ய உறவை அமெரிக்கா, சீனா விரும்பவில்லையா? "இன்று வெளியாகியிருக்கும் தகவல்கள் யுக்ரைனைத் தகர்ப்பதற்கு ரஷ்ய எடுத்துவரும் நடவடிக்கையின் அளவை வெளிச்சம் போட்டுக் காட்டுகின்றன." என்று பிரிட்டன் வெளியுறவு அமைச்சர் லிஸ் ட்ரஸ் கூறினார்: "ரஷ்யா பதற்றத்தைத் தணிக்க வேண்டும். ஆக்கிரமிப்பையும் தவறான தகவல் கொண்ட பரப்புரையையும் முடிவுக்கு கொண்டு வர வேண்டும். ராஜீயப் பாதையை தொடர வேண்டும்" "பிரிட்டனும், கூட்டாளிகளும் மீண்டும் மீண்டும் கூறி வருவது போல், யுக்ரைனில் ரஷ்ய ராணுவ ஊடுருவல் என்பது கடுமையான சேதத்தை ஏற்படுத்தும் ஒரு பெரிய மூலோபாய தவறாக இருக்கும்." 2014 ஆம் ஆண்டு கிரிமியாவை தன்னுடன் இணைத்துக் கொண்ட போது யுக்ரைனின் பகுதியை ரஷ்யா கைப்பற்றியது. 2022 ஆம் ஆண்டின் தொடக்கத்தில் ரஷ்யப் படைகள் எல்லையில் குவிக்கப்பட்ட நிலையில், மற்றொரு படையெடுப்பு அல்லது ஊடுருவல் நிகழலாம் என்று மேற்கத்திய, யுக்ரைனிய உளவு அமைப்புகள் கூறுகின்றன. ஆனால் எந்தத் தாக்குதலுக்கும் திட்டமிடவில்லை என்று ரஷ்யா மறுத்துள்ளது. பிரிட்டன் வெளியுறவு அமைச்சகம் "தவறான தகவல்களைப் பரப்புகிறது" என்றும், " ஆத்திரமூட்டும் நடவடிக்கைகளை நிறுத்தவும்" தனது ட்விட்டர் பக்கத்தில் ரஷ்ய வெளியுறவு அமைச்சகம் வலியுறுத்தியது. ஊடக அதிபரான முராயேவ் 2019 தேர்தலில் அவரது கட்சி 5% வாக்குகளைப் பெறத் தவறியதால், அவருக்கு யுக்ரைன் நாடாளுமன்றத்தில் இடம் கிடைக்கவில்லை. பிரிட்டன் வெளியுறவு அமைச்சகம் "குழப்பத்தில் இருப்பதாக தெரிகிறது" என்று அவர் அப்சர்வர் செய்தித்தாளிடம் கூறியுள்ளார். "இது தர்க்கத்துக்கு ஒவ்வாதது. நான் ரஷ்யாவில் தடை செய்யப்பட்டுள்ளேன். அங்குள்ள எனது தந்தையின் நிறுவனத்தில் இருந்து பணம் பறிமுதல் செய்யப்பட்டுள்ளது" என்று முராயேவ் கூறினார். ரஷ்ய உளவு அமைப்புகளுடன் தொடர்புகளைப் பேணி வருவதாகக் வேறு நான்கு யுக்ரைனிய அரசியல்வாதிகளையும் பிரிட்டன் வெளியுறவு அலுவலகம் குறிப்பிட்டுள்ளது. 2014 இல் பதவியில் இருந்து அகற்றப்பட்ட ரஷ்ய ஆதரவு அதிபர் விக்டர் யானுகோவிச்சின் கீழ் பிரதமராக பணியாற்றிய மைகோலா அசாரோவும் அவர்களில் அடங்குவர். அஸரோவ் பின்னர் ரஷ்யாவுக்குத் தப்பிச் சென்றார், அங்கு அவர் நாடுகடந்த ஒரு பொம்மை அரசாங்கமாக பரவலாக அறியப்பட்ட ஒன்றை நிறுவினார். யுக்ரைனிய தேசிய பாதுகாப்பு மற்றும் பாதுகாப்பு கவுன்சிலின் முன்னாள் துணைத் தலைவரான வோலோடிமிர் சிவ்கோவிச் என்பவரின் பெயரையும் பிரிட்டன் வெளியுறவு அமைச்சகம் கூறியிருக்கிறது. ரஷ்ய உளவுத்துறையுடன் தொடர்பு இருப்பதாகக் கூறி அவருக்கு அமெரிக்கா தடைகளை விதித்திருக்கிறது.   பட மூலாதாரம்,EPA   படக்குறிப்பு, எல்லையில் யுக்ரைன் அதிபர் வோலோதிமிர் ஜெலென்ஸ்கி யானுகோவிச்சின் ஆட்சியில் துணைப் பிரதமர்களாகப் பணியாற்றி செரி அர்புஸோவ், அன்ட்ரி க்ளுயேவ் ஆகியோரின் பெயர்களையும் பிரிட்டன் வெளியுறவு அமைச்சகம் கூறியுள்ளது. சனிக்கிழமையன்று யுக்ரைனில் பதற்றத்தைக் குறைக்க ரஷ்யாவின் வெளியுறவு அமைச்சரும் அவரது அமெரிக்க வெளியுறவு அமைச்சரும் பேச்சுக்களை நடத்திய சில மணி நேரங்களுக்குப் பிறகு, அமெரிக்கவின் "மரண உதவி" சனிக்கிழமை கீவ் வந்தடைந்தது. முன்கள வீரர்களுக்கான வெடிமருந்துகள் உள்ளிட்டவை இந்தத் தொகுப்பில் அடங்கும். 2015 ஆம் ஆண்டிலிருந்து டஜன் கணக்கான பிரிட்டிஷ் துருப்புக்கள் யுக்ரைனில் பயிற்சிக்காக தங்கியுள்ளன. 2014-இல் ரஷ்யா கிரைமியா மீது படையெடுத்ததைத் தொடர்ந்து உக்ரைனின் கடற்படையை மீண்டும் கட்டியெழுப்ப உதவ பிரிட்டனும் உறுதியளித்துள்ளது. இந்த வார தொடக்கத்தில், ஆயுதங்கள் மற்றும் கூடுதல் துருப்புக்களை யுக்ரைனுக்கு அனுப்புவதாகவும் அறிவித்தது. பிரிட்டன், அமெரிக்கா மற்றும் ரஷ்யாவுடன் எல்லையைப் பகிர்ந்து கொள்ளும் பல முன்னாள் சோவியத் ஒன்றிய நாடுகள் தங்களில் ஒருவருக்கு எதிராகத் தாக்குதல் நடத்தப்படுவது அனைவருக்கும் எதிரான தாக்குதலாகக் கருதுகின்றன. புதினுக்கு என்ன வேண்டும்? ஐரோப்பாவில் கிழக்கை நோக்கி நேட்டோ விரிவடையாது என்று 1990ல் அளித்த உத்தரவாதத்தை அமெரிக்கா மீறிவிட்டது என்று ரஷ்யாவின் அதிபர் புதின் நீண்ட காலமாகக் கூறி வருகிறார். "அவர்கள் எங்களை ஏமாற்றிவிட்டார்கள்!" என்று கடந்த மாதம் நடந்த செய்தியாளர் சந்திப்பில் அவர் கூறினார்.   பட மூலாதாரம்,RUSSIAN DEFENCE MINISTRY ஆனால் அப்போதைய சோவியத் தலைவரான மைக்கேல் கோர்பச்சேவுக்கு சரியாக என்ன வாக்குறுதி அளிக்கப்பட்டது என்பதில் பல்வேறு மாறுபட்ட விளக்கங்கள் தரப்படுகின்றன. அப்போதிருந்து, சோவியத் ஒன்றியத்தைச் சேர்ந்த, கிழக்கு ஐரோப்பிய நாடுகள் நேட்டோவில் இணைந்துள்ளன. அவற்றில் போலந்து, லிதுவேனியா, லாட்வியா மற்றும் எஸ்டோனியா ஆகியவை ரஷ்யாவுடன் எல்லைகளைக் கொண்டுள்ளன. இந்த விரிவாக்கம் மற்றும் அதன் எல்லைகளுக்கு அருகே நேட்டோ துருப்புக்கள் மற்றும் ராணுவ உபகரணங்கள் இருப்பது அதன் பாதுகாப்புக்கு நேரடி அச்சுறுத்தல் என்று ரஷ்யா வாதிடுகிறது. 2014 ஆம் ஆண்டு யுக்ரைனியர்கள் தங்கள் ரஷ்ய சார்பு அதிபரை பதவியில் இருந்து அகற்றியபோது, தெற்கு உக்ரைனில் உள்ள கிரைமியா தீபகற்பத்தை ரஷ்யா கைப்பற்றியது. அப்போதிருந்து, யுக்ரைனின் ராணுவம் ரஷ்யாவின் எல்லைகளுக்கு அருகிலுள்ள கிழக்குப் பகுதிகளில் ரஷ்ய ஆதரவு கிளர்ச்சியாளர்களுடன் போரில் ஈடுபட்டுள்ளது. https://www.bbc.com/tamil/global-60100576
    • கிரிப்டோ பற்றிய உங்களதும் கோசானினது புரிதல் சிறப்பானது, ஆனால் எனக்கு கிரிப்டோ பற்றிய புரிதல் பூச்சியம், நீங்கள் கிரிப்டோவில் தற்போது முதலிடுவது ஏன் வாய்ப்பானது என கூறுகிறீர்கள், விலை குறைவாக இருப்பதாலா? அல்லது விலை இதற்கு மேல் குறையாது என நினைக்கிறீர்களா, அதற்கு ஏதாவது காரணம் உண்டா? (Fundamental, Technical or Market sentiment) எனது கிரிப்டோ தொடர்பான கருத்து வெறும் Technical analysis அடிப்படையில் கூறப்படுவதுதான். அதுவும் எனது Technical analysis அறிவு அடிப்படை அறிவு மட்டுமே, அதனால் அதில்  பல தவறுகள் இருக்கலாம். நான் மேலே கூறியது போல விலை இறங்காமல் இருப்பதற்கு சாத்திய கூறுகள் அதிகம். Fundamental அறிவு பூச்சியம் என்றே சொல்லலாம், கிரிப்டோ மட்டுமல்ல அனைத்து சந்தைகளிலும் எனது Fundamental அறிவு பூச்சியம். ஆனால் எனது முதலீட்டினை Fundamental analysis அடிப்படையிலேயே ஆரம்பித்தேன். நான் முன்பு ஒரு மருத்துவ நிறுவனத்தில் வேலை செய்தேன், அந்த நிறுவனம் மிக பெரிய பன்னாட்டு நிறுவனம், அந்த நிறுவனம் அவுஸ்திரேலியாவில் உள்ள ஒரு சிறிய மருத்துவ நிறுவனம் ஆராய்சி நிலையில் ஒரு தொழில்னுட்பத்தை கண்டுபிடித்திருந்த, (VAST Platform) தொழில்னுட்பத்தை 240 மில்லியனுக்கு வாங்கியிருந்தார்கள். மேலதிக ஆராய்சிகான செலவை எமது நிறுவனம் ஏற்றுக்கொண்டதுடன்  அந்த தொழில்னுட்பத்தில் எமது நிறுவனம் தயாரிக்கும் மருந்தில் வரும் வருமானத்தில் ஒரு பகுதியை வழங்க ஒத்து கொண்டது. இது நிகழ்ந்தது 2013 இல் அந்த தொழில்னுட்பத்தினடிப்படையில் மருந்து தயாரிப்பு 2020 அளவில் ஏற்படும் என கூறினார்கள். இந்த ஒப்பந்தம் கைசாத்தாகிய 3ஆம் நாள் அந்த சிறிய நிறுவனத்தின் பங்கினை எனது கையிருப்பில் இருந்த பெரும் பகுதியான பணத்தில் 0.41 சத விலை படி வாங்கினேன். விலை தொடர்ச்சியாக இறங்க ஆரம்பித்தது, எனக்கு விளங்கவில்லை  ஒரு சிறிய நிறுவனம் பெரிய நிறுவனத்துடன் ஒப்பந்தம் கைசாத்திட்டுள்ளது விலை ஏற வேண்டும் அதற்கு பதிலாக ஏன் இறங்குகிறது? ஆனால் ஒன்று மட்டும் புரிந்தது அந்த நிறுவனம் ஒரு தங்க முட்டையிடும் வாத்து ஏதோ ஒரு தற்காலிக காரணமாக விலை இறங்குகிறது, எனவே மிகுதியிருந்த காசில் 0.35 விலை படி இன்னுமொரு தொகுதி பங்குகள் வாங்கினேன்.( Beginners mistake) ஒரு மாதத்திற்குள்ளாக கிட்டத்தட்ட அரைவாசி விலையை நெருங்குவது போல இருந்தது. மே மாதமளவில் அந்த பங்கு முழுவதையும் சந்தை விலைப்படி விற்றேன் 0.28 படி அதுதான் அப்போது ஆகக்குறைந்த விலை. எனது திட்டம் விலை மேலும் குறைந்த பின் அதை திருப்பி வாங்குவது, அத்துடன் அந்த இழப்பினை வரியில் தள்ளுபடி செய்யலாம் (ஆனால் அவ்வாறு வரி சலுகை பெற முடியாது என்பதை பிறகு அறிந்து கொண்டேன்). நான் விற்ற 6 மாதத்திற்குள்ளாக  கிட்டத்தட்ட 0.80 மேல் விலை சென்றது ஆனால் அதனை என்னால் திருப்பி வாங்க முடியவில்லை ஏனென்றால் நான் விற்ற 0.28 தான் மிக குறைந்த விலை. சிறிது காலத்தின் பின் அந்த சிறிய நிறுவனத்தின் பங்கு விலை வீழ்ச்சியடைந்து, இறுதியில் காணாமல் போய்விட்டது. பல முதலீட்டாளருக்கு கை கொடுக்கும் Fundamental analysis எப்போதும் எனக்கு மட்டும் காலை வாரிவிடுகிறது. பங்கு சந்தை பற்றிய எந்த அறிவுமில்லாத காலத்தில் வாங்கிய பங்கு, பின் அதனை அவசரப்பட்டு நட்டத்திற்கே விற்றதை நினைக்க மனவருத்தமாகவிருந்தது, ஆனால் இப்போது அதனை நினைத்து பார்க்கும் போது  அந்த வர்த்தகத்தில் நான் செய்த ஒரே சரியான விடயம் அந்த பங்குகளை தெரிந்தோ தெரியாமலோ விற்றதுதான், ஏனென்றால் விலை ஏன் இறங்குகிறது என தெரியவில்லை, அதற்குமேலும் அந்த பங்குகளை வைத்திருந்து ஒரு வேளை அதற்கு மேலும் விலை இறங்கி, விலை ஏறாமலே அந்த பங்கு காணாமல் போயிருந்தால் முழு பணத்தினையும் இழந்திருப்பேன்.   
    • ஹஸ்பர்_ சிங்களம், தமிழ் மொழி பாட கற்கை நெறிகளை பூர்த்தி  செய்தவர்களுக்கான சான்றிதழ் வழங்கும் நிகழ்வு இடம் பெற்றது.   இலங்கை தேசிய சமாதானப்பேரவையின் ஒருங்கிணைப்புடன் சேர்விங் கியூமனிட்டி பௌன்டேசன் மூலமாக ஏற்பாடு செய்த 90 மணித்தியாலய சிங்கள மற்றும் தமிழ் பாடநெறிகளை பூர்த்தி செய்தவர்களுக்கே இச் சான்றிதழ் திருகோணமலையில் உள்ள தனியார் ஹோட்டல் ஒன்றில் இன்று (22) இடம் பெற்றது. "நல்லிணக்கத்திற்கான மொழி" எனும் தொனிப்பொருளில் இடம் பெற்ற இப்பாடநெறியானது சமூக நல்லிணக்கத்தை மேம்படுத்தும் நோக்கில் இரண்டாம் மொழி சிங்களத்தை மேம்படுத்தும் நோக்கிலும் அரச ஊழியர்கள்,சிவில் சமூக செயற்பாட்டாளர்கள்,சர்வமத தலைவர்கள் ஆகியோர்களுக்காக நடாத்தப்பட்ட இப்பாடநெறியானது திருகோணமலை,அக்குறனை,பேருவளை ஆகிய பிரதேசங்களை சேர்ந்தவர்களுக்காக தமிழ் சிங்கள ஆகிய மொழியில் நடாத்தப்பட்டது. இப்பாடநெறிகளை முழுமையாக பூர்த்தி செய்த 53 நபர்களுக்கு இதன் போது சான்றிதழ்கள் வழங்கி வைக்கப்பட்டன.  திருகோணமலை நகர சபை முன்றலில் இருந்து பிரதான வீதி ஊடாக சமாதான நடை பவணியும் இடம் பெற்றது.  சிங்களம் தமிழ் போன்ற மொழிகள் அரச கரும மொழிகளாக காணப்படுகிறது இவ்வாறான மொழிகளை ஒருவருக்கொருவர் சிங்கள தமிழ் சகோதரர்கள் கற்றிருப்பது அவசியமாக கருதப்படுவதுடன் அரச சேவைக்கு இவ்வாறான மொழிகளை கற்றிருப்பதும் சேவைகள் வழங்குவதில் சிரமங்கள் இன்றி திறம்பட செயற்பட முடியும் என எதிர்பார்க்கப்படுகிறது. இக் கற்கை நெறியானது தேசிய மொழிகள் சமத்துவ மேம்பாட்டுச் செயற் திட்டம் ஊடாக அமுல்படுத்தப்பட்டு வருகின்றமை குறிப்பிடத்தக்கது.  குறித்த இவ் நிகழ்வில் பிரதம அதிதியாக திருகோணமலை மாவட்ட மேலதிக அரசாங்க அதிபர் ஜே.எஸ்.அருள்ராஜ் கலந்து கொண்டு சான்றிதழ்களை வழங்கி வைத்தார். மேலும் குறித்த நிகழ்வுக்கு இலங்கை தேசிய சமாதானப் பேரவையின் தலைவர் கலாநிதி ஜோ வில்லியம்,நிறைவேற்றுப் பணிப்பாளர் கலாநிதி ஜெகான் பெரேரா,உதவி முகாமையாளர் என்.விஜயகாந்தன் மற்றும் திருகோணமலை பட்டினமும் சூழலும் பிரதேச செயலக உதவி பிரதேச செயலாளர் சத்யப் பிரியா ,சேர்விங் கியூமனிட்டி பௌன்டேசன் நிறுவனத்தின் திட்ட ஒருங்கிணைப்பாளர் ஏ.எம்.ஆசிக்,சர்வமத தலைவர்கள், பாடநெறி பங்குபற்றுனர்கள் என பலரும் கலந்து கொண்டனர்.   Hasfar A Haleem BSW (Hons) Journalist https://www.madawalaenews.com/2022/01/blog-post_305.html
×
×
  • Create New...

Important Information

By using this site, you agree to our Terms of Use.