Archived

This topic is now archived and is closed to further replies.

கோமகன்

விண்டோஸ் 8: புதிய ஆப்பரேட்டிங் சிஸ்டம்

Recommended Posts

Posted by: on Jun 15, 2011

தன் அடுத்த ஆப்பரேட்டிங் சிஸ்டம் விண்டோஸ் 8 எப்படி இருக்கப்போகிறது என மைக்ரோசாப்ட் நிறுவனம், அண்மையில் நடைபெற்ற தொழில் நுட்பக் கருத்தரங்குகளில் தெரிவித்துள்ளது.

தைபே நாட்டில் இது குறித்து உரையாற்றிய மைக்ரோசாப்ட் வல்லுநர் மைக்கேல் உறுதியான சில அம்சங்கள் குறித்து கூறியுள்ளார்.

தொழில் நுட்பத்தின் அடிப்படையில் பார்க்கையில், விண்டோஸ் 8, குறைந்த மின்சக்தியில் இயங்கும் ஏ.ஆர்.எம். சிப்களில் செயல்படக்கூடியதாக அமைக்கப்பட்டுள்ளது.

திரை தொட்டு இயக்கும் திறனும், எச்.டி.எம்.எல். 5 தொழில் நுட்பத்துடன் இணைந்து செயல்படும் திறனும் கொண்டதாக இது வடிவமைக்கப்பட்டுள்ளது.

மக்களுக்குப் பயன்படும் விஷயங்களில், முதலாவதாக, விண்டோஸ் 8 சிஸ்டம் இயங்க, இப்போது விண்டோஸ் 7 பயன்படுத்தும் கம்ப்யூட்டர்களை மாற்ற வேண்டிய தேவை இருக்காது.

ஏற்கனவே விஸ்டா சிஸ்டம் அறிமுகப்படுத்தப்பட்ட போது, அதனை இயக்க புதிய ஹார்ட்வேர் சாதனங்களுடன் கூடிய பெர்சனல் கம்ப்யூட்டர் தேவை என்ற கட்டாயத்தினை மைக்ரோசாப்ட் முன்வைத்ததனால், விஸ்டா கம்ப்யூட்டர் பயனாளர்களிடம் சென்றடையாமல் போனது.

அந்த தவறை மீண்டும் செய்திடாமல் இந்த முறை மைக்ரோசாப்ட் விழித்துக் கொள்கிறது. எனவே கோடிக்கணக்கான கம்ப்யூட்டர்கள், விண்டோஸ் 8 சிஸ்டத்திற்கு எளிதாக மாறிக் கொள்ளலாம். ஹார்ட்வேர் தேவைக்கென செலவு இருக்காது.

புதிய கம்ப்யூட்டர் வாங்கினால் தான், விண்டோஸ் 8 பயன்படுத்த முடியும் என்ற நிலையை உருவாக்கி, புதிய சிஸ்டம் மக்களிடம் செல்லாத ஓர் சூழ்நிலையை ஏற்படுத்தக் கூடாது என மைக்ரோசாப்ட் மிகக் கவனமாக இம்முறை செயல்படுகிறது.

அடுத்ததாக, விண்டோஸ் 8 பயன்படுத்த இருக்கும் யூசர் இன்டர்பேஸ் எனப்படும் பயன்படுத்துபவருக்கும் ஆப்பரேட்டிங் சிஸ்டத்திற்கு இடையே உள்ள செயல்பாட்டை எளிதாக்கும் வழி முறை ஆகும்.

இதனை Immersive UI என மைக்ரோசாப்ட் அழைக்கிறது. "கவனத்தை முழுவதும் கவர்ந்த இடைமுகம்' என்பது இதன் பொருள். புதிய மற்றும் பழைய ஹார்ட்வேர் கொண்ட கம்ப்யூட்டர் அனைத்திலும் தன்னை மாற்றிக் கொண்டு இயங்கும்படி இது அமைக்கப்படுகிறது.

இந்த இடைமுகம் சரிப்பட்டு வராது என எண்ணுபவர்கள், வழக்கம்போல, தற்போதைய ஏரோ வகை இடைமுகத் தினைப் பயன்படுத்தலாம்.

விண்டோஸ் 8 சிஸ்டம் தொடுதிரையில் தொட்டு இயக்கும்படியாக அமைக்கப்படுகிறது. எனவே இதன் முழுப் பயனும் தொடுதிரை உள்ள மானிட்டர்களைக் கொண்டு பெர்சனல் கம்ப்யூட்டர்களை இயக்குபவர்களுக்குக் கிடைக்கும்.

தொடுதிரை செயல்பாடு மட்டுமின்றி, பல வகையான சென்சார் செயலாக்கமும் இந்த ஆப்பரேட்டிங் சிஸ்டத்தில் தரப்பட்டுள்ளது. இதனால் மோஷன் செயலாக்கம், திரைக்கு அருகில் செல்லும் தூரம் ஆகியன மூலமும் சில பயன்பாடுகள் கிடைக்கும்.

தொடுதிரை மானிட்டர்கள் இல்லாதவர்களுக்கு வழக்கம்போல பயன் பாட்டினை மேற்கொண்டு அனுபவிக்கலாம்.

புதிய இடைமுகத்தில் பெரிய அளவில் வண்ணங்களில் ஐகான்கள் அமைக்கப்படுகின்றன. விண்டோஸ் போன் 7 ஆப்பரேட்டிங் சிஸ்டத்தில் தரப்படும் தொழில் நுட்பமும் தோற்றமும் இந்த வகையில் தரப்படுகின்றன.

இருப்பினும் தற்போதைய பழக்கப்படி மவுஸ் மற்றும் கீ போர்டு மூலமும் சிஸ்டத்தினை இயக்கலாம். பேஜ் அப் மற்றும் பேஜ் டவுண் கீகள் மூலம் அப்ளிகேஷன் டைல்ஸ் இடையே செல்லலாம். ஒரு மவுஸ் கிளிக் மூலம் இவற்றை இயக்கலாம். கீ போர்டில் இப்போது போல, ஷார்ட் கட் கீகள் மூலமும் இயக்கலாம்.

இருப்பினும் சில விஷயங்களை இப்படித்தான் இருக்க வேண்டும் என மைக்ரோசாப்ட் கூறி வருகிறது. மானிட்டர் திரை விண்டோஸ் 8 சிஸ்டத்தின் முழுமையான பயன்களைப் பெற வேண்டும் என்றால், திரை 16:9 என்ற வகையில் ஆஸ்பெக்ட் ரேஷியோ கொண்டு அமைக்கப்பட வேண்டும்.

1366x768 என்ற ரெசல்யூசனுக்குக் குறையாமல் திரை இருக்க வேண்டும். 1024x768 என்ற ரெசல்யூசனில் உள்ள திரைகளிலும் இந்த சிஸ்டத்தின் பயன்பாடுகள் கிடைக்கும் என்றாலும், 1366x768 என்ற வகைதான் சிறப்பான பயன்பாட்டினைத் தரும் என்று மைக்ரோசாப்ட் கூறுகிறது.

விண்டோஸ் 8 எப்போது வெளியாகும் எனச் சரியான தேதி அறிவிக்கப் படவில்லை. ஆனால் எப்படியும் 2012ல் வெளியாகும் என்பது உறுதிப்படுத்தப் பட்டுள்ளது.

எனவே விண்டோஸ் 8 ஆப்பரேட்டிங் சிஸ்டம் வரும்போது, அதனைத்தான் பயன்படுத்த வேண்டும் என விரும்பும் வாடிக்கையாளர்கள், இப்போதே மேலே கூறப்பட்ட மானிட்டர்களையும், தற்போதுள்ள ஹார்ட்வேருக்குச் சற்று கூடுதலான திறன் கொண்ட கம்ப்யூட்டர்களையும் வாங்கி வைத்துக் கொள்வது நல்லது.

http://www.tamilkathir.com/news/4943/58/8/d,view.aspx

Share this post


Link to post
Share on other sites
சில புதுப்பித்தல்கள் செய்ய வேண்டியிருப்பதால் 19.11.2019 இரவு 7மணியில் இருந்து இரவு 07:30 மணிவரை (ஐரோப்பிய நேரம்) கருத்துக்களம் சீராக இயங்காது.
இக்கால கட்டத்தில் ஏற்படும் அசெளகரியங்களுக்கு வருந்துகின்றோம்.

  • Topics

  • Posts

    • ஹிஸ்புல்லா பொதுஜன பெரமுனவுடன் வெளிப்படையாக கூட்டணி வைக்க முயன்ற போது சில பிக்குகள் எதிர்த்ததால் தான் கோத்தபாய அவரை தனி வேட்பாளராக களமிறக்கினார் என முன்பு வாசித்தேன். இன்றும் பிக்குகள் அவரை தடுத்ததாக வாசித்தேன். 
    • Sham Varathan Sham Varathan  மக்கள் உணர்வுகளை மதிக்கின்றாரா டக்ளஸ்? மக்கள் உணர்வுகளை மிதிக்கிறாரா சம்பந்தன் ? நடந்து முடிந்த ஜனாதிபதி தேர்தலில் தமிழ் மக்கள் என்னை நம்பவேண்டும் , நான் செய்விப்பேன் என்று கோட்டாபாயவுக்காக தமிழர்கள் மத்தியில் மக்கள் ஆணையை கோரினார் டக்ளஸ் தேவானந்தா . ஆனால் வழமைபோல தமிழ் தேசிய கூட்டமைப்பின் உசுப்பேற்றலுக்கும், ரிஷாட் தன்னை காப்பாற்றிக் கொள்வதற்காகவும் அள்ளி வீசிய எச்சிலைக்கும் ஆசைப்பட்ட தமிழர்கள் தாங்கள் எங்கு நிற்கின்றோம் , பெரும்பான்மை மக்களின் மனநிலை என்னவென்று அறியாமல் குருட்டு நம்பிக்கையில் சஜித் பிரேமதாசா வெற்றி பெறுவார் என்று டக்ளஸ் தேவானந்தாவின் கோரிக்கையை நிராகரித்தார்கள் . கூட்டமைப்பின் தலைமை சம்பந்தர் அற்ப சலுகைக்காக கோட்டாபாயவிடம் மண்டியிட மாட்டோம் , அரசியல் தீர்வை பெற்றுத் தருவோம் என்று மக்களை முட்டாளாக்கி , இரத்தத்தை சூடாக்கி, வெள்ளை வேன் வரும் என்று பூச்சாண்டி காட்டி சஜித் பிரேமதாசாவிற்காக கடுமையாக உழைத்தார்கள். இவர்களின் நரி தந்திரமும் , கபட நாடகமும் புரிந்து கொள்ள முடியாத அப்பாவி மக்கள் கூட்டமைப்பு கைகாட்டியபடி ஆட்டு மந்தைகள் போல் சஜித்துக்கு வாக்களித்து இன்று தனிமைப்படுத்தப்பட்டு நடுவீதியில் நிற்கிறார்கள். மக்களை நடுவீதியில் விட்டு விட்டு பெரும்பான்மை சிங்கள மக்கள் மத்தியில் பகைமை தீயை வளர்த்து விட்டு , தாங்கள் மக்களிடம் கோரிய ஆணைக்கு எதிராக தமிழ் தேசியத்தையும் , சமஷ்டி, சுயநிர்ணயம் எல்லாவற்றையும் காற்றில் பறக்கவிட்டு தங்களையும் , தங்கள் குடும்பத்தையும் பாதுகாத்துக் கொள்வதற்காக , யாரை கொலைகாரன் , கொள்ளைக்காரன் என்று சொன்னார்களோ அதே கோட்டாபாயாவிடம் அமைச்சர் பதவிக்காக மண்டியிட தயாராகியுள்ளார்கள். இதே நேரம் தனக்கு மக்கள் ஆணை வழங்கவில்லை என்பதற்காக டக்ளஸ் தேவானந்தா தனக்கு கிடைக்கவிருந்த அமைச்சர் பதவியை தூக்கி வீசியுள்ளார். இங்கு மக்கள் தெளிவாக புரிந்து கொள்ள வேண்டியது இவை அனைத்தும் அடுத்து வரும் பாராளுமன்ற தேர்தலுக்கான கூட்டமைப்பின் நாடகம் என்று. இந்த ஆட்சியில் அரசியல் தீர்வு வாராவிட்டால் பதவி விலகி அரசியலில் இருந்து ஒதுங்குவேன் என்று சொன்ன சுமந்திரன் எந்த முகத்துடன் அமைச்சர் பதவியை கோருவார்? இளைஞர்களுக்கு வேலை வாய்ப்பு பெற்று கொடுத்தால் அரசியல் தீர்வு பாதிக்கும் என்ற சம்மந்தன் எவ்வாறு அமைச்சர் ஆவார்? இங்கே யார் மக்களுக்கானவர்கள் என்பதை மக்களே தீர்மானித்துக் கொள்ள வேண்டும்.      
    • தமிழ் மக்களின் மனோ நிலை மாறிவிட்டது என்பது இவர்களுக்கு புரிந்து விட்டது...... அப்படி இவர் பெறுவதானல் வடக்கின் மீள் நிர்மாணம், மீள் குடியேற்றம் சம்பந்தமான அமைச்சை பெறுவது நன்று....... வடக்கின் அடாவடி மினிஸ்ட்டருக்கு விட்டு குடிக்காமல்.