Jump to content

மணமுடித்துப் பார்


Recommended Posts

  • கருத்துக்கள உறவுகள்

மணமுடித்துப் பார்

மணமுடித்துப் பார்

தொண்ணூறு நாட்களின்

பொருள் விளங்கும்,

உன் கண்களைச் சுற்றிக்

கரு வளையம் உருவாகும்,

அதை நீ ஞானம் என்பாய்,

தபால்காரனைக் கண்டால்,

திட்டச் சொல்லும்,

சேதி கொண்டு வந்தவனையே

வையத் தோன்றும்,

மணமுடித்துப் பார் !

நிமிடங்கள்

வருடங்களாகவே கழியும்,

வருடங்கள்

வரவே வராது,

உன் விம்பம்

கண்ணாடியில் விழாது,

உன்னைப் பார்த்தாலே

வேறு முகம் தான்

விரண்டிடக் காண்பாய்

மணமுடித்துப் பார் !

கண்ணாடியில் மட்டுமல்ல

உன்னிடமும்

ரசம் போகும்,

இன்னுமொருவருக்கு

முடிச்சுப் போட்டு

எம்மையே பிணைத்துக்

கொள்(ல்)வது

திருமணத்தில்தான்,

கழுத்தில்

கல்லைக் கட்டி

காட்டி ரசிப்பதுவும்

திருமணத்தில்தான்,

மணமுடித்துப் பார் ,

நீ கட்டுவது

ஒரு கல்தான்,

இன்னும் பல கற்கள்

இலவச இணைப்பாகும், மணமுடித்துப் பார்,

கவிதைகளில் கழிந்த உன்காலம்,

கடனில் கழியலாம்,

மணமுடித்துப் பார்,

கவிதை எழுதுவதற்கென்ன,

வாசிப்பதற்கே

வசதியிருக்காது,

மணமுடித்துப் பார்,

எவளைப் பற்றி

எழுதினாய் என்று,

விளக்க முடிந்தால்,

மணமுடித்துப் பார்,

ஈ காக்கைகூட

உனக்கு எப்போது,

குழந்தை கிடைக்குமெனக்

குசலம் விசாரிக்கும்,

அது குசலம் அல்ல

உனக்கான குழிதான்

மணமுடித்துப் பார்,

தப்பியோடத்

தருணம் பார்ப்பாய்,

அடிக்கடி சிரித்து

அசிங்கப் படுவாய்

மணமுடித்துப் பார்,

அம்மாவின் உணவில்

ஆயிரம் சொல்வாய்,

உப்பில்லாப் பண்டத்தை

ருசித்து உண்பாய்,

பாகற்காய் சட்னியை

பலதடவை

பகிர்ந்து கொள்வாய்,

மணமுடித்துப் பார்,

வாழ்க்கையில்

துவைத்து அறியாய்,

உன் சலவையின் பெருமையை

சாற்றிடக் கேட்பாய்,

மணமுடித்துப் பார்,

அங்காடித் தெருவில்

அலைந்ததே இல்லை,

வெயிலில் அலைந்து

வியர்த்ததும் இல்லை,

வெயிலும் வியர்வையும்

வீரனுக்கழகென

விளக்கமும் சொல்வாய்,

மணமுடித்துப் பார்,

சிறிதளவு சுகமும்,

முழுவதுமாய் சுமையும்,

என்னவென்றறியாத

மாயச் சுழிக்குள்

சிக்கிக் கொள்ளும்

சமுதாயச் சிக்கல்,

மணமுடித்துப் பார்

கவிஞன் சொன்னான்,

"காதலித்துப் பார்,

சொர்க்கம் நரகம்

இரண்டிலொன்று

இன்றே நிச்சயம் "

மணமுடித்துப் பார்

நரகம் மட்டும்

என்றும் நிச்சயம்.

Thanks - Facebook

Link to comment
Share on other sites

  • கருத்துக்கள உறவுகள்

இதில நகைச்சுவைக்கு என்ன இருக்குது. உண்மை தானே அதிகம் இருக்குது. திருமணம் முடிச்ச பலர் இப்படித் தான் புலம்பிக்கிட்டு திரியுறாங்க. பேசாம இதை கவிதைப் பகுதியில் போட்டிருக்கலாம். :D:)

Link to comment
Share on other sites

Archived

This topic is now archived and is closed to further replies.

×
×
  • Create New...

Important Information

By using this site, you agree to our Terms of Use.