• advertisement_alt
  • advertisement_alt
  • advertisement_alt
Sign in to follow this  
SUNDHAL

கால் சென்டர் கலகல!

Recommended Posts

ன்னிக்கு நிலைமையிலே வெரி ஹாட் வேலைகளில் ஒண்ணு கால் சென்டர் வேலை. நம்ம பைய ஒருத்தன், பேரு சுப்ரமணி. ஏதோ சில பல ஆங்கில வார்த்தைகள் பேசுவான். முக்கித் தக்கி ஒரு கால் சென்டர்ல வேலை கிடைச்சுடுச்சு. சில ஆயிரங்கள் சம்பளம்னு சொன்னவுடனே சுப்ரமணியின் பல்லெல்லாம் கொஞ்ச நேரம் வாயை விட்டு வெளிய வந்து சிரிச்சுட்டுப் போச்சு. அது எந்த மாதிரி கால் சென்டர் தெரியுமா...00007 -அப்படீங்கிற நம்பருக்கு யாருன்னாலும் போன் பண்ணி, "பீட்சா எங்க கிடைக்கும்?நம்பர் தாங்க!', "பரங்கிமலை ஜோதி தியேட்டர்ல ஷகிலா படம் ஓடுதா?' "என் இடது கால் சுண்டு விரல் சுளுக்கிக்கிச்சு. ஆம்புலன்ஸ் நம்பர் சொல்லுங்க' -இப்படி எதுன்னாலும் விசாரித்துத் தெரிஞ்சுக்கிற மாதிரியான சேவை பண்ணுற கால் சென்டர். ஒரு வாரம் டிரெய்னிங் எடுத்துட்டு, டியூட்டியில ஜாய்ன் பண்ணினான் சுப்ரமணி. முதல் நாள். காதுல ஹெட்போன், முன்னால் கம்ப்யூட்டர், சுத்திச் சுத்தி கேட்குற இங்கிலீஷ் வார்த்தைங்க...அப்படியே புல்லரிச்சுப் போய் உட்கார்ந்திருந்தான். அவனுக்கும் அழைப்பு வர ஆரம்பிச்சுது.

சுப்ரமணி : குட்மார்னிங். மே ஐ ஹெல்ப் யூ சார்?

எதிர்முனை: வணக்கமுங்க. நமக்கு இங்கிலிபீசெல்லாம் வராதுங்க. தமில்லயே பேசுங்க.

சுப்ரமணி : சொல்லுங்க சார். உங்களுக்கு என்ன உதவி வேணும்?

எதிர்முனை: எம் பேரு ஆண்டிங்க. ஊரு தூக்கநாக்கன் பாளையமுங்க. இங்க மெட்ராசுலதான் எம் மச்சான் மாரி இருக்கான். பாவி மவ, என் பொண்டாட்டி அவன் வெலாசம், போன் நம்பரு எழுதி வைச்சிருந்த சிட்டையைத் தொலைச்சுப்புட்டா. என் மச்சான் மாரியோட போன் நம்பரை சொல்லுங்களேன். புண்ணியமாப் போகும்.

சுப்ரமணி: சார், மிஸ்டர் மாரி எங்க வேலை பார்க்கிறாங்கன்னு சொல்ல முடியுமா?

எதிர்முனை: அவன் எங்க வேலை பாக்குறான். வெட்டிப் பய எங்கியாவது ஊர் மேய்ஞ்சுக்கினு இருப்பான். அது அவன் குடியிருக்கிற வூட்டுக்காரரோட நம்பரு.

சுப்ரமணி: வேற ஏதும் தகவல் தெரியுமா சார்?

எதிர்முனை: நம்ம தலிவரு ரசினி சிரிச்சாப்ல போஸ் கொடுக்காருல்ல. அந்த தியேட்டரு பக்கத்துல நின்னுதான் போன்ல பேசுறேன். எதிர்த்தாப்லயே அண்ணா கையைத் தூக்கிட்டு நிக்காருங்க. இந்த போன் கடை தம்பி கூட சிவப்புல கட்டம் போட்ட சொக்கா போட்டிருக்கு.

சுப்ரமணி: (கொஞ்சம் டென்சனாக) நீங்க எந்த ஏரியாவில இருக்கீங்க சார்? உங்க ரிலேட்டிவ் மிஸ்டர். மாரி எந்த ஏரியாவில தங்கி இருக்காரு?

எதிர்முனை: ஏ நீ என்ன விவரங்கெட்டவனா இருக்கியே. அதான் அண்ணா கையைத் தூக்கிட்டு நிக்காருன்னு எம்புட்டு அழகா அடையாளம் சொல்லுறேன். என் மச்சான் ஏதோ ஒரு நகர் இருக்காமே, அதோட பேரு கூட மூணெழுத்துல வரும். அங்க பிள்ளையாரு கோயில் தெருவில நாலு மாடிக் கட்டிடத்துல மொட்டை மாடியில குடியிருக்கான். அங்க போயிட்டாப் போதும். அவனோட கோடு போட்ட மஞ்ச அண்ட்ராயரு கொடியில காயும். அதை வைச்சு வீட்டைச் சுலபமா கண்டுபிடிச்சுருவேன். விலாசத்தைத் தெளிவா நிறுத்தி நிதானமா சொல்லு. எழுதிக்கிறேன். ஏ புள்ள...ஒரு துண்டு சிட்டை எடு.

சுப்ரமணி: ஸôரி சார். இன்னும் கொஞ்சம் விவரம் வேணும்.

எதிர்முனை: ஏல, பட்டணத்துல எல்லோரும் ஏமாத்துக்காரப் பயலுகளா இருக்கீக. நான் என்ன முட்டாப் பயலா...(பேசிக்கொண்டிருக்கும் போதே லைனைக் கட் செய்கிறான் சுப்ரமணி. மறுநொடியே அடுத்த அழைப்பு வருகிறது.)

சுப்ரமணி: குட்மார்னிங். மே ஐ ஹெல்ப் யூ சார்?

எதிர்முனை: குழிப்பணியாரம் எங்க கிடைக்கும்?

சுப்ரமணி: (பதட்டத்தில்) குழியில கிடைக்கும் சார்.

எதிர்முனை: என்ன மேன், நக்கலா?

சுப்ரமணி : ஸôரி சார், சொல்லுங்க சார். என்ன நம்பர் வேணும் சார்?

எதிர்முனை: எந்த ஹோட்டல்ல சுடச்சுட குழிப்பணியாரம் டோர் டெலிவரி பண்ணுவாங்களோ அந்த நம்பரைக் கொடு.

சுப்ரமணி: வெயிட் எ மூமெண்ட் சார்!(கம்ப்யூட்டரில் தேடிப்பார்த்து விட்டு) ஸôரி சார், குழிப்பணியாரம் சம்பந்தமா எங்ககிட்ட எந்த நம்பரும் இல்ல சார், பீட்சா நம்பர்தான் இருக்கு சார்.

எதிர்முனை: என்ன கஸ்டமர் சர்வீஸ் பண்ணுறீங்க? நான் இன்னிக்கு குழிப்பணியாரம் சாப்பிட்டே ஆகணும். நீ யாரு என்ன பீட்ஸô சாப்பிடச் சொல்லுறதுக்கு? ஏதாவது ஹோட்டல் நம்பர் கொடு மேன்.

சுப்ரமணி: 46456487. இது பரபர பவன் நம்பர் சார். டிரை பண்ணிப் பாருங்க சார்.

எதிர்முனை: அங்க இல்லாட்டி என்ன பண்ணுவேன். இன்னொரு நம்பரைக் கொடு மேன்.

சுப்ரமணி: 46464652. இது வருணன் இட்லி கடை நம்பர் சார். ப்ளீஸ் உங்க இ-மெயில் ஐ.டி. கொடுங்க சார்.

எதிர்முனை: எதுக்கு மேன்?

சுப்ரமணி: வாங்க வேண்டியது எங்க கடமை சார்.

எதிர்முனை: ஐ.டி. கொடுத்தா என்ன அதுல பணியாரத்தைச் சுடச் சுட அனுப்பி வைக்கப் போறீயா? போனை வை மேன்.

(லைன் கட் ஆகிறது. சுப்ரமணி பிபீ கண்டபடி எகிற அடுத்த அழைப்பு வருகிறது.)

சுப்ரமணி: குட்மார்னிங். மே ஐ ஹெல்ப் யூ சார்?

எதிர்முனை: ஆங்...வணக்கம். அது வந்து...ஆங்..

சுப்ரமணி: சொல்லுங்க சார். என்ன உதவி வேணும்?

எதிர்முனை: அது..என்னன்னா...போன் டயல் பண்ணுறப்ப ஞாபகம் இருந்துச்சு. அதுக்குள்ள மறந்துடுச்சு. தம்பி, நீ ஏதாவது கேட்டுக்கிட்டே வாயேன். எனக்கு ஞாபகம் வருதான்னு பார்க்குறேன்.

சுப்ரமணி: ஏதாவது தியேட்டர் நம்பர் வேணுமா சார்?

எரிமுனை: இல்ல தம்பி. நானே ஏதோ ஒரு தியேட்டர்லே இருந்துதான் பேசறேன்.

சுப்ரமணி: ஏதாவது கால் டாக்ஸி நம்பர் வேணுமா சார்?

எதிர்முனை: இல்லீயே. நானே கார்லதான வந்திருக்கேன்.

சுப்ரமணி: வேற என்ன நம்பர் வேணும் சார்?

எதிர்முனை: ஆங்...நியாபகம் வந்துடுச்சு. என்னோட வீட்டு நம்பரை மறந்துட்டேன். அது வந்து...

சுப்ரமணி: உங்க பெயர், அட்ரசைச் சொல்லுங்க சார். டைரக்டரியில பார்த்துச் சொல்லுறேன்.

எதிர்முனை: வேணாம். அது என்னோட செல்போன்லயே இருக்கும். பார்த்துக்கிறேன். ஏ...இரு. யார் நீ? அநாவசியமா எங்க வீட்டு நம்பரைக் கேட்குற. போனை வை. ராங் நம்பர்!

(அடுத்த அழைப்பு. சுப்ரமணி வெறுப்பின் உச்சக் கட்டத்தில் இருக்கிறான்)

சுப்ரமணி: சொல்லுங்க, என்ன வேணும்?

எதிர்முனை: இன்ஸ்டண்ட்டா, இலவசமா லவ் லெட்டர் எழுதிக் கொடுக்கறவங்க நம்பர் கிடைக்குமா?

சுப்ரமணி: நம்பர் 100-க்கு போன் பண்ணுடா வெண்ணை. அங்கதான் உங்க மாமனார் இருக்காரு. கை வலிக்க வலிக்க எழுதிக் கொடுப்பாரு. வைடா போனை!

(அடுத்த அழைப்பு)

சுப்ரமணி: ஹலோ, இன்னா வேணும்?

எதிர்முனை: ஏன்டா, அம்பி, நேத்து டீவியில் பரவை முனியம்மா வத்தக் குழம்பு வைக்கிறதுக்கு சொல்லிக் கொடுத்தாங்க. அடுப்புல குழம்பு கொதிக்குது. அதுல ஒரு டெüட். பரவை முனியம்மா நம்பர் கிடைக்குமா?

சுப்ரமணி: என்ன சந்தேகம்?

எதிர்முனை: குழம்புக்கு என்ன பொடி, எத்தனை ஸ்பூன் போடணும்னு கேக்கணும்?

சுப்ரமணி: ஆங்...ஏழெட்டு ஸ்பூன் சீயக்காய் பொடி போடு.

(அடுத்த அழைப்பு)

சுப்ரமணி: ஏய், என்ன வேணும்?

எதிர்முனை: நாலைஞ்சு இடத்துல வெடிகுண்டு வைக்க வேண்டியதிருக்கு. மலிவா வெடிகுண்டு தயாரிக்கிறவங்க நம்பர் வேணும்.

(சுப்ரமணி லைனைக் கட் செய்துவிட்டு, வேகமாக அங்கிருந்து எழுந்து, தன் மேனேஜர் அறைக்குச் செல்கிறான்.)

சுப்ரமணி: ஸôர். நான் என் வேலையை ரிசைன் பண்ணுறேன்.

மேனேஜர்: இன்னிக்குத்தானே ஜாய்ன் பண்ணுன. அதுக்குள்ள என்ன?

சுப்ரமணி: எனக்கு சந்தேகமா இருக்கு சார்.

மேனேஜர்: என்ன சந்தேகம்?

சுப்ரமணி: சோனியா காந்தி, அமர்சிங், வாஜ்பாயி, அத்வானி, லாலு பிரசாத் யாதவ் இவங்க எல்லாம் என் போனை ஒட்டுக் கேக்குறாங்க சார். நான் வரேன்.

கற்பனை : முகில்

Share this post


Link to post
Share on other sites

சமீபத்தில் நடக்கின்ற இந்திய அரசியலைத் தழுவி எழுதப்பட்ட நகைச்சுவை. நன்னா ஈக்குது நைனா :P :lol:

Share this post


Link to post
Share on other sites

சுப்ரமணி: சோனியா காந்திஇ அமர்சிங்இ வாஜ்பாயிஇ அத்வானிஇ லாலு பிரசாத் யாதவ் இவங்க எல்லாம் என் போனை ஒட்டுக் கேக்குறாங்க சார். நான் வரேன்.

********************************************

:lol::lol::lol::lol::lol:

நன்றி சுண்டல் இனைப்புக்கு

Share this post


Link to post
Share on other sites

சுப்ரமணி: சோனியா காந்திஇ அமர்சிங்இ வாஜ்பாயிஇ அத்வானிஇ லாலு பிரசாத் யாதவ் இவங்க எல்லாம் என் போனை ஒட்டுக் கேக்குறாங்க சார். நான் வரேன்.  

********************************************

:lol:  :lol:  :lol:  :lol:  :lol:  

நன்றி சுண்டல் இனைப்புக்கு

:D:D:D:D:D:D:D

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • ஜெனிவா: ஐநா. மனித உரிமை மாநாட்டில் பாகிஸ்தானுக்கு பத்து விதமான அறிவுரைகளை இந்தியா வழங்கியுள்ளது. குடியுரிமை திருத்த சட்டம், ஜம்மு காஷ்மீர் மாநில சிறப்பு அந்தஸ்து ரத்துக்குப் பிறகு இந்தியா - பாகிஸ்தான் மோதல் அதிகமாகி இருக்கிறது. ஜம்மு காஷ்மீர் விவகாரத்தை சர்வதேச பிரச்னையாக்க பாகிஸ்தான் எல்லா வகையிலும் முயற்சி செய்து வருகிறது. ஐநா.வில் இப்பிரச்னையை அடிக்கடி எழுப்பி வருகிறது. இதற்கு இந்தியா பதிலடி கொடுத்து வருவதால், அதன் முயற்சிகள் தோல்வியில் முடிந்து வருகிறது. இந்நிலையில், ஜெனிவாவில் ஐ.நா. மனித உரிமைகள் சபையின் 43வது கூட்டம் நேற்று நடந்தது. இதில், ஜம்மு காஷ்மீரில் மனித உரிமைகள் மீறப்படுவதாக பாகிஸ்தான் குற்றம்சாட்டியது. இதற்கு ஐநா.வுக்கான இந்திய நிரந்தர தூதர் விமர்ஷ் ஆரியன் பதிலடி கொடுத்தார். அவர் தனது பேச்சில், பாகிஸ்தானுக்கு 10 விதமான அறிவுரைகளை வழங்கினார். அதன் விவரம் வருமாறு: 1. பாகிஸ்தான் ஆக்கிரமிப்பு காஷ்மீர் பற்றி அளிக்கும் தவறான தகவல்களை மாற்றுங்கள். 2. தீவிரவாத அமைப்புகளுக்கு அளிக்கும் நிதியுதவியை நிறுத்த வேண்டும். பாகிஸ்தானிலும், அதன் கட்டுப்பாட்டில் உள்ள பகுதிகளிலும் செயல்படும் தீவிரவாத முகாம்களை அழிக்க வேண்டும்.  3. பாகிஸ்தானில் மிக உயர்ந்த பதவிகளில் இருப்பவர்கள், தீவிரவாதத்துக்கு ஆதரவு அளிப்பதை நிறுத்த வேண்டும். 4. ஜனநாயகத்தை பலப்படுத்த பாகிஸ்தானின் கட்டமைப்பில் சீர்திருத்தங்கள் செய்ய வேண்டும். 5. மத சிறுபான்மை மக்களை துன்புறுத்துவதை நிறுத்த வேண்டும். இந்து, சீக்கிய மற்றும் கிறிஸ்தவ பெண்களை கட்டாய மத மாற்றம் செய்து, திருமணம் செய்வதை தடுத்து நிறுத்துங்கள். 7. பலுசிஸ்தான், சிந்து, கைபர்பக்துன்குவாவில் அரசியல் எதிர்ப்பாளர்களை கொல்வதை நிறுத்த வேண்டும். 8. பத்திரிகையாளர்கள், மனித உரிமை ஆர்வலர்கள் மீதான தாக்குதல்களை நிறுத்த வேண்டும். 9. முஸ்லிம் பிரிவுகளான ஷியாக்கள், அஹ்மதியாக்கள், இஸ்மாய்லியா மற்றும் ஹசாரஸ், டென்த் மீதான துன்புறுத்தல்களை நிறுத்த வேண்டும். 10. தற்கொலை படை தாக்குதல் போன்ற தீவிரவாத செயல்களுக்கு அப்பாவி குழந்தைகளை பயன்படுத்துவதை நிறுத்த வேண்டும். இவ்வாறு அவர் அறிவுரை வழங்கியுள்ளார்.   http://www.dinakaran.com/News_Detail.asp?Nid=567796
    • ஆளுநர் ஒப்புதல் இல்லாமலேயே 7 பேரையும் விடுதலை செய்யக்கோரி ராஜீவ் கொலை வழக்கில் சிறையிலுள்ள நளினி புதிய மனுத்தாக்கல் செய்துள்ளார். தமிழக அரசு தீர்மானம் நிறைவேற்றிய பிறகும் ஆளுநர் எந்த முடிவும் எடுக்காமல் இருப்பது அரசியலமைப்பு சட்ட விரோதம் என்று நளினி மனு தெரிவித்துள்ளார். உச்சநீதிமன்ற தீர்ப்புகளை ஆளுநர் மீறி செயல்படுவதாக நளினி மனுவில் குறிப்பிட்டுள்ளார். முன்னாள் பிரதமர் ராஜீவ்காந்தி கொலை வழக்கில் முருகன் வேலூர் மத்திய சிறையிலும், அவரது மனைவி நளினி வேலூர் பெண்கள் தனிச்சிறையிலும் அடைக்கப்பட்டுள்ளனர். முருகன் அடைக்கப்பட்டுள்ள அறையில் கடந்த சில மாதங்களுக்கு முன்பு செல்போன் இருந்ததாக சிறையில் ரோந்து சென்ற போலீசார் பறிமுதல் செய்தனர். இந்த வழக்கு விசாரணை வேலூர் கோர்ட்டில் நடந்து வருகிறது. இதற்கிடையில் சிறைத்துறையினர் வேண்டுமென்றெ செல்போன் வழக்கில் சிக்க வைக்க சதித்திட்டம் தீட்டி வருவதாக கூறி, கடந்த சில நாட்களுக்கு முன்பு முருகன் உண்ணாவிரதம் இருந்தார். அவரை தொடர்ந்து நளினியும் உண்ணாவிரதம் தொடங்கினார். அதிகாரிகள் பேச்சுவார்த்தையால் இருவரும் உண்ணாவிரதத்தை கைவிட்டனர். இந்நிலையில், வேலூர் சிறைகளில் அடைக்கப்பட்டுள்ள நளினி, முருகன் ஆகியோரை அவர்களது வழக்கறிஞர் புகழேந்தி நேற்று சந்தித்து பேசினார். அப்போது, ஏடிஜிபிக்கு அனுப்பி வைக்க நளினி மனு கொடுத்துள்ளார். அந்த மனுவில், ‘நானும் எனது கணவரும் பல ஆண்டுகளாக சிறையில் அடைக்கப்பட்டுள்ளோம். எனது பெற்றோருக்கு வயது அதிகமாகிவிட்டது. அவர்கள் உடல்நலத்ைத கருத்தில் கொண்டு என்னையும், எனது கணவர் முருகனையும் சென்னை புழல் சிறைக்கு மாற்ற வேண்டும்’ என்று தெரிவித்துள்ளார். சிறையில் இருவரையும் சந்தித்த வழக்கறிஞர் புகழேந்தி நிருபர்களிடம் கூறியதாவது: நளினி மிகவும் சோர்வாக காணப்படுகிறார். நேற்று முன்தினம் அவர் மயங்கி விழுந்துள்ளார். அவர் மன உளைச்சலுக்கு உள்ளாக்கப்பட்டுள்ளார். அவருக்கு உரிய சிகிச்சை அளிக்கப்படவில்லை. நளினி என்னிடம் பேசுகையில், ‘கடந்த சில நாட்களுக்கு முன்பு சிறையில் ஒரு கைதியின் அறையில் செல்போன் பறிமுதல் செய்யப்பட்டது. சிறை அதிகாரிகள் யாரோ வேண்டுமென்றே செல்போன் வைத்துள்ளார்கள். எனது அறையில் செல்போன் வைத்து சிக்க வைக்க முயற்சி நடக்கிறது. ஆனால், தெரியாமல் வேறு கைதியின் அறையில் மாற்றி ைவத்துவிட்டார்கள். என் மீது செல்போன் வழக்கு பதிவு செய்ய அதிகாரிகள் முயற்சி செய்கின்றனர்’ என்று தெரிவித்தார். நளினிக்கு உரிய சிகிச்சை அளிக்க வேண்டும் என்று சிறைத்துறை கண்காணிப்பாளர் ஆண்டாளிடம் கோரிக்ைக வைத்தேன். அவரும் நடவடிக்கை எடுப்பதாக தெரிவித்தார். இவ்வாறு அவர் கூறினார். http://www.dinakaran.com/News_Detail.asp?Nid=567697
    • மனித மனத்தை போல ஆழமான இடம் உலகில் வேறெங்கும் இல்லை. எனவே இந்த இரெண்டு உதாரணக்களையும் இப்படித்தான் என என்னால் கூறமுடியாது. ஆனால் பின்வரும் காரணங்கள் இருக்கலாம்.  1. எமது மக்கள் மத்தியில் மிகவும் அறியபடாத ஒரு விடயம் A-sexual. இப்படியானவர்களுக்கு பாலியல் உணர்வு அறவே இருக்காது. உறவிலோ, ஏனையவர்கள் மீதோ கிஞ்சித்தும் ஈர்ப்பு இருக்காது. இப்படி ஒருவர் இருக்கும் போது - திருமணத்தின் அடிப்படையே உடலுறவு எனும் போது, இப்படி ஒரு உறவில் நாட்டம் இல்லாமல் இருப்பது இயல்புதானே? 2. இரெண்டவதாக நாம் பெரிதும் அறியாத விடயம் - தன்பாலினக்கவர்சி. The Sex Spectrum என தேடிப் பாருங்கள். எப்படி ஒளியானது   VIBGYOR என நிறப்பிரிகை அடைகிறதோ அதே போல் பாலினநிலை (sexuality) “ஆண்-ஆண் மட்டும்”, “ஆண்-பெண் மட்டும்”, “ஆண்-ஆண் அல்லது பெண்”, “பெண்-பெண்” மட்டும் என பிரிகை அடைகிறது. இதில் மக்கள் தொகையில் கணிசமானவர்கள் ஒவ்வொரு பிரிப்பிலும் அடங்குவார்கள். இதை தவிர queer, trans, pansexual என மேலும் பல வகைகள் உண்டு. ஒரு காலத்தில் LGB பின் LGBT பின் LGBTQ இப்போ LGBTQ+. எமது சமூகத்தில் ஆண்-பெண் மட்டும் என்ற பகுப்பு மட்டுமே அங்கீகரிக்கப் பட்டது. ஏனையவை ஏதாவது ஒன்றில் தனது பிள்ளையும் அடக்கம் என்று அறிந்தால், நமது பெற்றார்களில் பலர் அவமானத்தாலே கூனி குறுகி அதுவே அவர்களை கொன்று விடும். அந்தளவு இறுக்கமானவை எமது சமூக தளைகளும், விழுமியங்களும். வெளியே தெரிந்தால் பழிப்பும் கேலியும். இப்படி இருக்கையில் இதை பெற்றோரிடமும் சமூகத்திடமும் சொல்லமல் மறைத்து “கல்யாணத்தில் இஸ்டமில்லை” என்ற இலகுவான முகமூடியை போட்டுக் கொள்வோரும் உளர். பிகு: எனகுத் தெரிந்த ஒரு தமிழ் பிள்ளை இப்படிதான். அவருக்கு ஒரு பெண் சிநேகிதி உண்டு (வெள்ளையினம்). அந்த சினேகிதியின் பெற்றார் இருப்பது வடக்கில். அவர்கள் இந்த உறவை ஏற்றுள்ளார்கள். தோழிகள் இருவரும் அவர்கள் வீட்டிலும், வெள்ளையின தோழியின் பெற்றாரின் வீட்டிலும் தம்பதிகளாயும், தமிழ் பெற்றாரின் முன்பு உற்ற தோழிகளாகவும் வாழ்கிறார்கள். தமிழ் பெற்றார் வரன் தேடிக் களைத்து- இப்போ அவளுக்கு இதில் இஸ்டமில்லை என கைவிட்டு விட்டார்கள். ஆனல் இன்று வரை உண்மை தெரியாது. எல்லாரி கதையும் இப்படி இல்லை ஆனால் இப்படியான பல ஆழமான காரணக்கள் இருக்கும். 
    • குமாரசாமி அண்ணை.... ஆதவன் செய்தி நிறுவனமும், கோத்தபாயா...  ஆட்சியில், தொழில் நடத்த வேண்டும் என்று தான்.... அடக்கி வாசித்து, செய்தி போட்டிருக்கின்றார்கள். தமிழினி... உண்மையான, செய்தியை... இணைக்காமல் இருந்திருந்தால்....   காத்தோடு....  கரைந்த,  செய்தியாக இருந்திருக்கும்.