என் அக்காச்சி

[நிலாமதி]

என் அக்காச்சி

அன்பான பெற்றோருக்கு நிலவொத்த அழகாய்

பிறந்தவள் என் அக்காச்சி .

அவளின் வேண்டுதலால் ஈரைந்து வருடங்களின் பின்

வந்திதுத்த் செல்லப் பயல் நான்

ஈரைந்து மாதங்களில் இருந்தே என்னை

சீராட்டி பால் புகட்டி தூக்கி திரிந்தவள்.

துள்ளித்திரியும் பருவத்தே துடுக்கடக்கி

தலைசீவி பள்ளிக்கு அனுப்பி வைத்தவள்.

சக நட்புடன் சண்டை என்றால்

கோவித்து நான் முடங்க நீதி கேட்கும் தேவதை அவள்.

சின்ன சின்ன தவறு செய்தால் திருத்தி விடும் தாயவள்.

அம்மாவும் அப்பாவும் காய் கறி தோட்டத்தில் பணி செய்ய

வேளைக்கு சோறு தந்து வேண்டிய உதவி செய்து

சமயத்தில் என் சல்வை தொழிலாளியும் கூட .

உயர்கல்வி கற்க வேற்றிடம் செல்ல நேர்கையில்

விழி நிறைந்த கண்களுடன் வழியனுப்பி வைத்தவள்.

பட்டம் நான்பெற்ற போது என் பரிசை மாரோடு

அணைத்து மகிழ்ந்தவள்.

ஊரெலாம் என் தம்பி என்று மார் தட்டி நின்றவள்.

முதல் மாதச்சம்பளத்தில் , நான் எடுத்த சேலை யணிந்து

திருவிழா செல்கையில் யார் இந்த தேவதைஎன ஊர் பார்க்க வியந்தவள்.

திருமண வயதில் தேடி வந்து பெண் கேட்ட திலகம் மாஸ்டர் முன்

நாணிக் கோணி நிற்கையில் என் இதயம் களவு போவதை எண்ணி ,

உள் நெஞ்சு உதிரம் கொட்ட வளமாக நலமாக நீ வாழ் வேண்டும்

என நேர்த்தி வைத்து என இதயம் வாழ்த்தியது .

திருமணமாகி மறு வீடு செல்கையில் பின் சென்ற

என் இதயம் துக்கத்தால் துவண்டது .

கருவொன்று உருவாக்கி மகபேற்று விடுமுறையில்

வாழ்ந்த வீடு வந்த போது மட்டிலா மகிழ்வு கொண்டு ,

என் உயிரில் தாங்கினேன்.

பெண் மகவொன்று வந்துதிக்க உனக்கு தான் என்னவள்

என்று கேலி செய்த போது மறுபடியும் தாயாகி

என்னை மனமுருக வைத்தவளே .

மறுபடியும் மகவாக என் வாழ்வில் மகராசி வரவேண்டும்

[அருள்123456789]

சகோதர பாசத்தின் அருமையை உணர்த்திய கவிதை இங்கு அருமை.

இவ்வுலகில் எதையும் பெற்றிடலாம் . ஆனால் கூடப் பிறந்தவரை மீளவும் பெறுதல் இயலாதது. சகோதரத்துவத்தின் சிறப்பினை நன்கு கூறியுள்ள கவிதை இது. மிக்க நன்றி!!

[கோமகன்]

என் அக்காச்சி

அன்பான பெற்றோருக்கு நிலவொத்த அழகாய்

பிறந்தவள் என் அக்காச்சி .

அவளின் வேண்டுதலால் ஈரைந்து வருடங்களின் பின்

வந்திதுத்த் செல்லப் பயல் நான்

ஈரைந்து மாதங்களில் இருந்தே என்னை

சீராட்டி பால் புகட்டி தூக்கி திரிந்தவள்.

துள்ளித்திரியும் பருவத்தே துடுக்கடக்கி

தலைசீவி பள்ளிக்கு அனுப்பி வைத்தவள்.

சக நட்புடன் சண்டை என்றால்

கோவித்து நான் முடங்க நீதி கேட்கும் தேவதை அவள்.

சின்ன சின்ன தவறு செய்தால் திருத்தி விடும் தாயவள்.

அம்மாவும் அப்பாவும் காய் கறி தோட்டத்தில் பணி செய்ய

வேளைக்கு சோறு தந்து வேண்டிய உதவி செய்து

சமயத்தில் என் சல்வை தொழிலாளியும் கூட .

உயர்கல்வி கற்க வேற்றிடம் செல்ல நேர்கையில்

விழி நிறைந்த கண்களுடன் வழியனுப்பி வைத்தவள்.

பட்டம் நான்பெற்ற போது என் பரிசை மாரோடு

அணைத்து மகிழ்ந்தவள்.

ஊரெலாம் என் தம்பி என்று மார் தட்டி நின்றவள்.

முதல் மாதச்சம்பளத்தில் , நான் எடுத்த சேலை யணிந்து

திருவிழா செல்கையில் யார் இந்த தேவதைஎன ஊர் பார்க்க வியந்தவள்.

திருமண வயதில் தேடி வந்து பெண் கேட்ட திலகம் மாஸ்டர் முன்

நாணிக் கோணி நிற்கையில் என் இதயம் களவு போவதை எண்ணி ,

உள் நெஞ்சு உதிரம் கொட்ட வளமாக நலமாக நீ வாழ் வேண்டும்

என நேர்த்தி வைத்து என இதயம் வாழ்த்தியது .

திருமணமாகி மறு வீடு செல்கையில் பின் சென்ற

என் இதயம் துக்கத்தால் துவண்டது .

கருவொன்று உருவாக்கி மகபேற்று விடுமுறையில்

வாழ்ந்த வீடு வந்த போது மட்டிலா மகிழ்வு கொண்டு ,

என் உயிரில் தாங்கினேன்.

பெண் மகவொன்று வந்துதிக்க உனக்கு தான் என்னவள்

என்று கேலி செய்த போது மறுபடியும் தாயாகி

என்னை மனமுருக வைத்தவளே .

மறுபடியும் மகவாக என் வாழ்வில் மகராசி வரவேண்டும்

நிலவுக்கு கவிதைதான் வருமோ ??????????? எனது மூத்த அக்காவை ஞாபகப்படுத்திவிட்டீர்கள் . தொடர்ந்து நிலையுங்கள் 1 .

[புரட்சிகர தமிழ்தேசியன்]

என் அக்காச்சி

நீங்கள் தான் என் அக்காச்சி என அகில உலகத்திற்குமே தெரியுமே சகோதரி...

தங்க்ளுக்கும் அக்கா இருக்கிறார்களா ? இந்த கவிதையை அவர்களுக்கே அர்பணித்து விடுங்கள்...

:)

[புங்கையூரன்]

எனக்கும் ஒரு அக்காவில்லையே என்ற ஏக்கம் இதுவரை இருந்ததில்லை!

உங்கள் கவிதையைப் பார்த்ததும், இருந்திருக்கலாமோ என எண்ணத்த தோன்றுகின்றது!

தொடர்ந்து எழுதுங்கள், நிலாமதியக்கா!!!

[nige]

நீண்ட இடைவெளிக்கு பிறகு உங்கள் கவிதை படித்ததில் சந்தோசம் .

உணர்ச்சி போர்வமான வரிகள் .வாழ்த்துக்கள்

[அறிவன்]

அக்காவைப் பற்றிய பாடல்களும் கவிதைகளும் மிகவும் குறைவாகவே உள்ளன. அந்தக் குறையை உங்களுடைய கவிதை போக்கிவிட்டது. அருமையான கவிதை!!