Jump to content
  • advertisement_alt
  • advertisement_alt
  • advertisement_alt

வாத ரத்த நோயும் குணமாகும்


Recommended Posts

  • கருத்துக்கள உறவுகள்

இன்று புதிய புதிய வியாதிகள் மனிதர்களைத் தாக்குகின்றன. Systemic Luspus Erythemetosus என்ற வியாதி, மூட்டுகளைத் தாக்கும் ஒரு கொடிய வியாதி. ஆங்கில மருத்துவப்படி அதை, auto immune disorder என்றும், இது போன்ற வியாதிகளுக்கு அந்த மருத்துவத்தில் சிகிச்சை கிடையாது என்றும் கூறுகின்றனர். இந்த வியாதி பெரும்பாலும் இளம்பெண்களை தாக்கும் என்று கணிக்கப்பட்டுள்ளது. இந்த வியாதியால் தாக்கப்படும் நோயாளிகளுக்கு, வலி நிவாரணி என, பல வித மருந்துகளைப் பயன்படுத்தி, தற்காலிக நிவாரணத்திற்காக மட்டுமே வைத்தியம் நடக்கிறது.

இந்தி வியாதியால் தாக்கப்படும் இளம் பெண்களுக்கு, வேறு பிரச்னையும் உண்டு; கர்ப்ப காலத்தில், கருச்சிதைவு ஏற்பட்டு, கரு வயிற்றில் தங்க இயலாத நிலை ஏற்படுகிறது. இந்த நோயால் தாக்கப்பட்ட பெண்கள் பலர், ஆயுர்வேத சிகிச்சை பெற்று நலமடைகின்றனர்.இந்த நோயால் தாக்கப்பட்ட மூன்று இளம் பெண்கள், ஆங்கில மருத்துவர் ஒருவரால், சஞ்சீவனி ஆயுர்வேத சிகிச்சைக்கு அனுப்பப்பட்டனர். அதில் ஒரு பெண்ணிற்கு, வயது, 24. அப்பெண்ணிற்கு வியாதியின் அறிகுறிகள் என்ன என்று ஆராய்ந்தபோது, கீழ்க்கண்டவை தெரியவந்தன. தினசரி ஜுரம், மூச்சு வாங்குதல், கை - பாதங்களில் வீக்கம், சோர்வு, இளைப்பு, பசியின்மை ஆகியவை காணப்பட்டன.இதே நோயால் அவதிப்பட்ட, 21 வயதுள்ள மற்றொரு பெண்ணிற்கு, மூட்டுக்களில் வலியும், உடலின் பல பகுதிகளில் வலியுடன் கூடிய கட்டிகளும் உண்டாகின. ஏற்கனவே உடலின், 13 இடங்களில், அறுவை சிகிச்சை மூலம், பல முறை இக்கட்டிகள் அகற்றப்பட்டன. ஆயினும், உடலின் வேறு வேறு பகுதிகளில், கட்டிகள் தோன்றின. அப்பெண், பொறியியல் கல்லூரி மாணவி. தாங்க இயலாத வலியால், கல்லூரி செல்வதை நிறுத்தி விட்டு, வீட்டோடு இருந்தார்.

மூன்றாவது பெண்ணிற்கு, 19 வயது. நோயால், கால் விரல்களிலும், கால் மூட்டுக்களிலும், கடுமையான வலி; கால் விரல் ஒன்று, கறுத்த நிறத்திற்கு மாறி இருந்தது. கழுத்துப் பகுதியில், சிறு கட்டிகள், தலைச்சுற்றல், சோர்வு, பலவீனம், சளி, இருமல் போன்ற அறிகுறிகள் தென்பட்டன.ஆயுர்வேத சிகிச்சைக்கு வருமுன், அப்பெண்ணின் கழுத்துப் பகுதியிலுள்ள கட்டிகளுக்கு, காசநோய்க்கான மருந்துகள் கொடுக்கப்பட்டிருந்தன. இதைத் தவிர, ஸ்டிராய்டு மருந்து, வலி நிவாரண மருந்துகள் என, ஆறு வித மருந்துகள் கொடுக்கப்பட்டிருந்தன. சிறிது நேரம் வெயிலில் சென்றால் தலைச்சுற்றல், உடலில் சிவந்த நிற மாற்றம் ஏற்பட்டன.இந்த நோயால் பாதிக்கப்படும் சில நோயாளிகளுக்கு, முகத்தில் செதில்கள் ஏற்படுகின்றன.

ஆயுர்வேத மருத்துவத்தில், இந்த நோயை வாத ரத்தம் என்று அழைப்போம். முறையாக வைத்தியம் செய்தால், நல்ல பயன் அடைந்து, வியாதியிலிருந்து வெளிவர இயலும். வாத ரத்தம் என்ற நோய்க்கு காரணம், பின்வருமாறு: அதிகமான உப்பு, புளிப்பு, நெய்ப்பு, காரம் நிறைந்த உணவுகளை உண்பது, உஷ்ணமான வீரியம் உடைய உணவுகள், வேக வைக்காத பச்சையான உணவு, அதிக வறட்சியான அல்லது அதிக நேரம் நீரில் ஊறிய மாமிச உணவுகள், தயிர், கொள்ளு, எள்ளு, பட்டாணி, கீரைகள், புளிக்கவைத்த பானங்கள், பாலுடன் புளிப்பான உணவுகளைச் சேர்த்து உண்பது, அளவுக்கு அதிகமான உணவை உண்பது, பகலுறக்கத்தை மேற்கொள்வது, இரவில் கண் விழிப்பது, கோபம் போன்ற உணர்வுகள், அதிகமாக வாகனங்களில் பயணம் செய்வது போன்ற காரணங்களால், வாயுவுடன் ரத்தமும் சேர்ந்து, இந்த வியாதியை உருவாக்குகின்றன.

இந்த நோயில் வாதம், பித்தம், கபம் ஆகிய மூன்று தோஷங்களும் சேர்ந்து காணப்படலாம். மேற்கூறிய மூன்று பெண்களுக்கும் முறையாக ஆயுர் வேத சிகிச்சை மேற்கொள்ளப்பட்டது. அவர்களின் நோய்க்கும், தோஷங்களின் சேர்க்கைக்கும் உகந்தவாறு, மருந்துகளும், பஞ்சகர்மா என்ற சிகிச்சையும் மேற்கொள்ளப்பட்டன. அவர்களின் உடலில், சீற்றமடைந்த தோஷங்களை வெளிப்படுத்தும் வாந்தியை வரவழைக்கும் வமன சிகிச்சை, பேதியை ஏற்படுத்தும் விரேசன சிகிச்சை, வஸ்தி என்ற எனிமா சிகிச்சை. நஸ்ய சிகிச்சை ஆகியவை செய்யப்பட்டன. மருந்துத் தைலங்களாலும், கஷாய மருந்துகளாலும் செய்யப்படும் எனிமா சிகிச்சை, இந்த வியாதியை நீக்குவதில் தலை சிறந்தது.இங்கு குறிப்பிட்ட சிகிச்சைகளை மேற்கொண்ட மூன்று பெண்களும், இந்த வியாதியிலிருந்து தப்பினர். அவர்களில் இருவருக்கு,

திருமணம் நடந்து, சுகமான பிரசவமும் நடந்தது. பொறியியல் கல்லூரி மாணவி, ஓராண்டுக்குப் பின், தன் படிப்பை முடித்து விட்டு, வேலையில் அமர்ந்தார். வாத ரத்த நோய் தோன்றிய உடனேயே, கால தாமதமின்றி ஆயுர்வேத சிகிச்சையை நாடுவது அவசியம். நாள்பட்ட வியாதியை விட, சமீபத்தில் துவங்கிய நோய், சிகிச்சைக்குக் கட்டுப்படும்.

- டாக்டர் பி.எல்.டி., கிரிஜா, சஞ்சீவனி ஆயுர்வேத யோகா மையம், 63, காமராஜ் அவின்யு முதல் தெரு, அடையாறு, சென்னை-20.

blank.gif

Link to post
Share on other sites
  • கருத்துக்கள உறவுகள்

எனக்கு தெரிந்த ஒருவர் இது சம்பந்தமான நோய் பீடித்து ..கண்டறி யபடாமல் (..இங்கு எல்லா சோதனையும் செய்து கணனி சொல்லுமட்டும் காத்திருப்பார்கள்).சாகும் நிலைவந்த பின் காப்பாற்ற பட்டார் ..........

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • பிரணாப் குமார் முகர்ஜி   மறைந்த வசந்த் குமார் மறைவிற்குப் பின்பு சமூக வலைதளத்தில் ஏதாவது ஓர் இடத்தில் அவரைப் பற்றி தவறான அபிப்பிராயம் கொண்டவர்கள் யாராவது எழுதுவார்களா? என்று கூர்மையாகக் கவனித்துக் கொண்டே வந்தேன். ஆனால் என் பார்வையில் அப்படியொரு தகவல் கண்ணில்படவே இல்லை.  99 சதவிகிதம் அவரைப் பற்றி உண்மையான நேர்மையான அருமையான அஞ்சலி செய்திகள் தான் கண்ணில்பட்டது. அவர் அரசியல்வாதி, தொழில் அதிபர், காங்கிரஸ் கட்சியைச் சேர்ந்தவர், சட்டமன்ற உறுப்பினராக இருந்தவர். தற்போது பாராளுமன்ற உறுப்பினர் பதவியில் வகித்தவர். 400 கோடிக்கும் மேல் என் சொத்து உள்ளது என்று கம்பீரமாகத் தேர்தல் ஆணையத்திடம் தெரிவித்தவர். இதற்கு மேலாக அம்பானி அதானி என்று பேசிக்கொண்டிருக்கும் தமிழர்களின் மத்தியில் தன் முனைப்பை ஏற்படுத்திக் காட்டியவர்களின் முக்கியமானவராகவே தெரிகின்றார்.   அதே போல பிரணாப் குமார் முகர்ஜி மறைவு செய்திக்கு வந்து விழுந்த அஞ்சலிகளைக் கோர்த்துப் பார்த்தேன். ஏனிந்த மாறுபாடு? அது தான் சமூக வலைதளங்களுக்கும், தொலைக்காட்சி ஊடகங்களுக்கும் உண்டான வித்தியாசம். பேரிழப்பு. தியாக சீலர், பாரதம் இழந்த தவப்புதல்வர் இத்யாதி இத்யாதி என்று வரிசையாகத் தோரணம் கட்டி வார்த்தைகள் வந்து விழுந்து கொண்டேயிருந்தாலும் உண்மைக்கும் பொய்க்கும் உண்டான வித்தியாசங்கள் ஒவ்வொருவரும் பார்த்த கேட்ட நடந்த சம்பவங்களை வைத்து எளிதாக கிழித்து தோரணமாக கட்டிவிடுவது தான் தற்போதைய தொழில் நுட்பம் கொடுத்த வரப்பிரசாதம். குக்கிராமத்திலிருந்து தத்தமது பயணத்தைத் தொடங்கி இந்தியாவின் முதல் குடிமகனாக உயர்ந்தவர்கள் என்று இரண்டு பேர்களை இந்திய அரசியல் சரித்திரம் பதிவு செய்துள்ளது. ஒன்று மறைந்த அப்துல் கலாம். மற்றொருவரும் பிரணாப். இருவரையும் ஒரே தட்டில் வைக்க முடியுமா? என்றால் முடியாது. தட்டே நகராது. இறங்கித் தொலைங்கப்பா என்று ஒருவரைக் கீழே தள்ளிவிடும். மக்களின் முதல் குடிமகன், மாணவர்களின் கனவு முதல் குடிமகன், அஞ்சு பைசா கூட அடுத்தவர் பணம் தேவையில்லை என்று கடைசி வரைக்கும் வாழ்ந்த அப்துல் கலாமோடு வேறு எவரையாவது ஜனாதிபதி மாளிகையில் வாழ்ந்த, வசித்த,கொண்ட்டாங்களுடன் அனுபவித்துச் சென்றவர்களை ஒப்பிட முடியுமா? 1969ல் தொடங்கிய பிரணாப் ன் அரசியல் பயணம் ஐந்து முறை (மாநிலங்களவை உறுப்பினர்) புற வாசல் பயணமாகவே இருந்தது. நிதியமைச்சர், பாதுகாப்பு, வெளியுறவு என்ற இந்திய அதிகாரத்தின் மூன்று முக்கிய துறைகளையும் அனுபவித்தவர் கடைசி வரைக்கும் பிரதமர் பதவியென்பது அவருக்கு எட்டாத கனியாக இருக்க அதில் உருவான பூசல் ராஜீவ் காந்தியால் மூன்றாண்டு வனவாசம் அனுபவிக்க நேர்ந்தது. அதாவது அரசாங்கப் பணத்தில் வாழாத மூன்றாண்டுகள். இத்தாலி அம்மையாரின் தீர்க்க தரிசன யோசனையின் காரணமாக ஜனாதிபதி மாளிகை வாசல் கதவு திறக்க காரணமாகவும் இருந்தது. கணவான் அரசியல் என்பதனை கடைசி வரைக்கும் கடைப்பிடித்த காரணத்தால் பாரத் ரத்னா விருது வரைக்கும் அவரால் கம்பீரமாக நடைபயில முடிந்தது. நிதியமைச்சராக இருந்த காலத்தில் அவரின் உழைப்பு எல்லாமே திருபாய் அம்பானி மறைவுக்குப் பின்னால் அந்தக் குடும்பம் பாகப் பிரிவினைக்குப் பஞ்சாயத்து செய்பவராக வாழ்ந்த இவர்கள் என் மகன்கள் என்று அறிவிக்கும் அளவிற்கு இந்தியச் சமுத்திரத் திரளுக்கு தன்னால் ஆன மக்கள் பணியைச் செய்தார். என்னவெல்லாம் செய்தார் என்பது அவர் சார்ந்திருந்த காங்கிரஸ் கட்சியும் சொல்லாது. அவர் மனதளவில் கடைசி காலத்தில் ஞானம் வந்து விரும்பிய பாஜகவும் பிரகடனம் செய்ய முடியாத அளவிற்குக் கம்பி மேல் பயணம் செய்த காரியக்காரராகவே வாழ்ந்து முடித்துள்ளார். இறந்த அவர் மனைவிக்கு ஒரு வேளை தெரிந்திருக்கக்கூடும். மகள் சொன்னது போல "பிரதமர் பதவியை எட்ட முடியவில்லை என்ற வருத்தம் அவருக்குள் இருந்தது. ஜனாதிபதி ஆன பின்பு அதைப் பற்றி பேசி ஒன்றும் ஆகப் போவதில்லை" என்று அவருக்கு அவரே சமாதானம் செய்து கொண்டிருந்ததை அவர் எழுதியுள்ள இரண்டு ஆங்கிலப் புத்தகங்களில் சொல்லியுள்ளாரா? என்பதனை வாசித்து நாம் தான் தெரிந்து கொள்ள வேண்டும். இந்திரா காந்தி அமைச்சரவையில் 47 வயதில் இந்தியாவின் இளம் நிதியமைச்சர் என்று பெயர் பெற்றவர் 2017 வரைக்கும் ஏறக்குறைய ஐம்பது ஆண்டுகள் இந்தியர்களின் வரிப்பணத்தில் அவர் சகலவிதமான சந்தோஷங்களையும் அனுபவித்து மறைந்துள்ளார். அதனை ஊடகங்கள் சொல்வது போல நாட்டுக்காகத் தன்னை அர்ப்பணித்தார் என்று நாம் நாகரிகமாகச் சொல்ல வேண்டும். அதற்கு மேலும் அவர் வேறெந்த பதவியையும் விரும்பாத காரணம் அவர் உடல் நிலை ஒத்துழைக்கவில்லை என்பது மட்டுமே. காரணம் உடம்பில் உள்ள ஒவ்வொரு உறுப்புகளும் சீர் கெட்டு கடைசியில் எந்த மூளையில் இப்படி அதிசயமான நாட்டு நலன் குறித்து சிந்தனைகள் வந்ததோ அந்த இடத்தில் கட்டி வந்து அதுவே கோமா நிலைக்குக் கொண்டு சென்றது. உயர்ந்த இந்திய இராணுவ மருத்துவமனை வசதிகள் அவருக்கு கடைசியில் கோமா நிலையைத் தான் தந்தது. தான் யார் என்று தெரியாமல், தன் உடம்பு எங்கேயுள்ளது என்பதனை அறியாமல், தான் செய்து வந்த காரியங்கள் அனைத்தும் நல்லதா? கெட்டதா? என்பதனை அறியும் அறிவு மறைந்து, உணர்வு நீங்கி, உள்ளுற அலையும் ஆத்மாவோடு அவர் உரையாடியிருக்கக்கூடும். எங்கேயோ லட்சக்கணக்கான மக்கள் இறந்த இரத்தச் சுவடுகளில் நம் கையும் நனைந்திருந்தது என்பதனை அவர் அந்தராத்மா அவருடன் உணர்த்தியிருக்குமா? என்று யோசித்துப் பார்த்தேன். அதாவது வாழும் போது நரகம். வாழ்க்கை முடியும் போது எப்போது இறந்தோம் என்று அறியாத பயணமாக அவர் உயிர்க்குருவி அவரை விட்டுப் பறந்துள்ளது. அவரின் கடைசி 17 நாட்கள் எவ்வித சுயசிந்தனைகளைப் புடம் போட்டு அவருக்குள் உரையாடலை வளர்த்திருக்குமோ? என்று யோசித்துப் பார்த்தேன். காரணம் இந்து மத தத்துவங்களின் படி இறப்பவர்களுக்கு இறக்கும் நேரம் துல்லியமாகத் தெரியும். அவர்களின் முன்னோர்கள் அவர்களை வரவேற்கத் தயாராக இருப்பார்கள் என்று சொல்வதுண்டு. இவரை நிச்சயம் திருபாய் அம்பானி வரவேற்று இருப்பார். கூடவே அவர் இந்தியாவிற்குச் செய்ய மறந்த கடமைகளை நினைவூட்டப் பல லட்சம் பேர்களும் அந்த வரிசையில் இருந்திருக்கக்கூடும். அவருக்கு இந்திய அரசியல்வாதிகள் அஞ்சலிப் பூக்களை தூவிக் கொண்டிருந்த போது அவருக்கு உண்மையிலேயே அஞ்சலி செலுத்த வேண்டிய சகோதரர்கள் செய்துள்ளார்களா என்பதனை ட்விட்டரில் கவனித்துக் கொண்டிருந்தேன். கச்சிதமாக நன்றி விசுவாசத்தை வெளிப்படுத்தியுள்ளனர். சிங்களர்கள் எப்போதும் நன்றி மறவாதவர்கள் என்பதனை நினைத்து பெருமையாக இருந்தது. Gotabaya Rajapaksa @GotabayaR I am deeply saddened to learn the demise of former Indian president #PranabMukherjee. He will be remembered for his service to the people of #India. My heartfelt condolences to his family and friends. Mahinda Rajapaksa @PresRajapaksa I am saddened to hear of the passing of the Fmr. #Indian President, #Bharatratna Shri #PranabMukherjee. He was a statesmen par excellence, a writer & a man loved by all. The passion with which he served his nation is unparalleled. My deepest condolences to his family & friends. இதனை படித்த பின்பு வருத்தப்படும் நண்பர்களுக்காகவே வைரமுத்து எழுதி எங்கள் ஊர் மின் மயானத்தில் ஒவ்வொரு பிணமும் எரிக்கப்படும் போது ஒலிக்கும் பாடலை அவருக்கு அர்ப்பணிக்கின்றேன். மரணத்தினால் சில கோபங்கள் தீரும்..... மரணத்தினால் சில சாபங்கள் தீரும்...... வேதம் சொல்லாததை மரணங்கள் கூறும்.... விதை ஒன்று வீழ்ந்திடில் செடி வந்து சேரும்.... இந்தியச் சட்டங்களை தங்களுக்கு சாதகமாக வைத்துக் கொண்டு தங்கள் நல்வாழ்க்கைக்காக கடைசி வரை வாழ்ந்த அரசியல்வாதிகளின் பாவங்களை எந்த மரணமும் மாற்றது. மறைக்காது. அதன் அழுக்கை கழுவாது. அதன் தாக்கம் தலைமுறைகள் அனுபவிக்கும். http://deviyar-illam.blogspot.com/2020/09/Pranab-Kumar-Mugarjee.html  
    • திருச்சி: காவிசாயம் ஊற்றி பெரியார் சிலை அவமதிப்பு! மின்னம்பலம்   திருச்சியில் பெரியார் சிலை அவமதிக்கப்பட்ட சம்பவம் பரபரப்பை ஏற்படுத்தியுள்ளது. தந்தை பெரியார் சிலை உடைக்கப்படுவதும், காவி சாயம் ஊற்றி அவமதிக்கப்படுவதும் கடந்த சில ஆண்டுகளாக தொடர்ந்த வண்ணம் உள்ளது. கடந்த ஜூலை மாதம் கோவை, திருக்கோவிலூர், கடந்த 3ஆம் தேதி அரியலூர் மாவட்டம் தேளூரில் அமைந்திருக்கும் பெரியார் சிலை அவமதிக்கப்பட்டது. பெரியார் சிலையை அவமதித்தவர்கள் மீது குண்டர் சட்டம், தேசிய பாதுகாப்புச் சட்டம் பாய்ச்சினாலும் அது தொடர்கிறது. திருச்சி மாவட்டம் இனாம் குளத்தூரிலுள்ள சமத்துவபுரத்தில் பெரியார் சிலை அமைக்கப்பட்டுள்ளது. இந்த நிலையில் நேற்று நள்ளிரவு அங்கு சென்ற மர்ம நபர்கள் சிலை மீது காவிச் சாயம் ஊற்றியும், செருப்புகளை வீசியும் அவமரியாதை செய்துள்ளனர். அத்துடன் அங்கு வைக்கப்பட்டிருந்த தடுப்பு அரண்களையும் கீழே சாய்த்து தள்ளியிருக்கிறார்கள். இன்று அதிகாலை அவ்வழியாகச் சென்றவர்கள் இதனைக் கண்டு அதிர்ச்சியடைந்து காவல் துறைக்கு தகவல் அளித்திருக்கிறார்கள். உடனடியாக அங்கு வந்த காவல் துறையினர், பெரியார் சிலையில் ஊற்றப்பட்ட காவிச் சாயத்தை தண்ணீர் ஊற்றி அழித்தனர். மேலும், சம்பவத்தில் ஈடுபட்ட மர்ம நபர்களை தேடி வருகின்றனர். இந்த சம்பவத்திற்கு கடும் கண்டனக் குரல்கள் வலுத்துள்ளன.   துணை முதல்வர் பன்னீர்செல்வம் தனது ட்விட்டர் பக்கத்தில், “சமூக நீதிக்காக பாடுபட்ட பகுத்தறிவு பகலவர் தந்தை பெரியாரின் சிலையை திருச்சியில் மர்மநபர்கள் அவமரியாதை செய்திருக்கும் செயலுக்கு எனது கடும் கண்டனங்களை தெரிவித்துக் கொள்கிறேன். இக்குற்றச் செயலில் ஈடுபட்ட சமுக விரோதிகள் மீது மாண்புமிகு அம்மாவின் அரசு சட்டப்படி கடும் நடவடிக்கை எடுக்கும்” என உறுதியளித்துள்ளார். திமுக தலைவர் ஸ்டாலின், “ஒரே தவறை மீண்டும் மீண்டும் செய்வதால் மேலும் மேலும் மக்களிடம் இருந்து புறக்கணிக்கப்படுவோம் என்பதை இவர்கள் எப்போது புரிந்து கொள்ளப் போகிறார்கள்?” என்று கேள்வி எழுப்பினார். திருச்சி - இனாம்குளத்தூர் சமத்துவபுரத்தில் வைக்கப்பட்டுள்ள பெரியார் சிலை அவமதிப்பு செய்யப்பட்டுள்ளதை வன்மையாகக் கண்டிப்பதாகக் கூறிய ஸ்டாலின், “பெரியார் ஒரு இயக்கத்தின் தலைவர் அல்ல. தமிழ் இனத்தின் தலைவர். அவரை அவமதிப்பதாக நினைத்து அச்செயல் செய்பவர்கள் தங்களைத் தாங்களே அவமரியாதை செய்து கொள்கிறார்கள்” என்றும் சாடினார். திமுக மக்களவை உறுப்பினர் கனிமொழி, “திருச்சியில் பெரியார் சிலை மீது காவி சாயம் ஊற்றப்பட்டு அவமரியாதை செய்யப்பட்டுள்ளது. பெரியார் பிறந்தநாள் அன்றுதான் தமிழக பிஜேபி தலைவர் முருகன், “பெரியார் சமூகநீதிக்காக பாடுபட்டவர். அவரை வாழ்த்துவதில் எங்களுக்கு தயக்கம் இல்லை” என்றார். இதுதான் அவர்கள் பெரியாருக்கு காட்டும் மரியாதையா ?நீட் , புதிய கல்விக் கொள்கை, விவசாயிகள் போராட்டம் இவற்றுக்கான உங்கள் பதில் பெரியார்தானா?” என்று கேள்வி எழுப்பினார். பெரியார் சிலை அவமதிப்புக்கு பாஜகவைச் சேர்ந்த செய்தித் தொடர்பாளர் நாராயணன் திருப்பதியும் கண்டனம் தெரிவித்துள்ளார். “இது தவறு. அவசியமற்றது.நம் சித்தாந்தத்திற்கு எதிரானவர்களை கருத்தினால் மட்டுமே வெல்ல முயற்சிக்க வேண்டும். ஈ.வெ.ரா, நம் கொள்கைகளுக்கு எதிரானவர் தான். அநாகரீகமான இது போன்ற செயல்களை செய்பவர்கள் தண்டிக்கப்பட வேண்டும். காவி புனிதமானது. அதை வைத்து அநாகரீகம் செய்வது முற்றிலும் தவறு.இதை செய்தவர்கள் யாராக இருந்தாலும் கைது உடன் செய்யப்பட வேண்டும்” என்று தெரிவித்தார்.     https://minnambalam.com/politics/2020/09/27/33/periyar-statue-insult-saffron-paint-trichy
    • மன்னிப்பு எல்லாம் தேவை இல்லை தம்பி. ஆளையால் தெரியாமல் யாழ் களத்தில் கருது பரிமாற்றம் செய்யும்போது தவறாக புரிந்துகொள்ள வாய்ப்புக்கள் கூடத்தான். எனவே உங்கள் விளக்கம் உங்களைப்பற்றி நல்ல அபிப்பிராயாத்தை தந்ததுதான் உண்மை. எனக்கு களத்தில் ஒரு சிலரைவிட மற்றவர்கள் எல்லாரும் என்ன வயது, ஆணா பெண்ணா என்றுகூட தெரியாமல்தான் இருக்கிறது. நீங்கள் என்னைவிட மிகவும் வயது குறைந்தவர் என்று தெரிகிறது. மூத்த சகோதரி நிச்சயம் எனது வயதாக இருக்கமாட்டா என்பதால் தங்கள்  complement யை  ஏற்றுக்கொள்கிறேன். எங்கட காலத்தில மிஷன் கொஞ்சம் Bootcamp மாதிரித்தான் . அதனால்தான் அடிக்கடி தப்பி ஓடி மூன்று  பிள்ளயார் கோயில் , கொள்ளுப்பிட்டியில் இருந்து மொரட்டுவ காண இருந்த பஸ் ஸ்டாண்டுகள் எல்லாத்திலயும் தான் எமது பொழுதுபோக்கு. 70' களில் நள்ளிரவு வேளைகளில் கூட நண்பிகள் கூட்டம் மிஷன், கோயில், வெசாக் விளக்கு என்று காலி வீதியில் தனியா நடந்து போகக்கூடியதாக இருந்தது. பின்னுக்கே கூட்டமாக வரும்  bodyguards ஆள் தனி பாதுகாப்பு வேற. சுமந்திரன், வரகுணன் எல்லோரும்தான்.வருடத்தில் இப்படி ஓரிரு நாட்கள் தான் இப்படி போக வீட்டில் இருந்து அனுமதி கிடைக்கும். அதுவும் மிஷன் என்று சொல்லிவிட்டு கோவிலில் போய் பிராக்கு பாக்கிறது. எல்லா பெடியன்களுக்கும் பட்டப்பெயர் வைத்துதான் கதைப்பது. அப்போதெல்லாம் நேரடியாக பேசுவதில்லை. அவர்கள் ஒரு கூட்டம், நாங்கள் ஒரு கூட்டம். சாடை மாடையில்  தான் கதை. பெடியள் மட்டும் சத்தம் போட்டு கதைப்பார்கள். சவோய், சப்ஹயர், ஈரோஸ் தியட்டர்களுக்கு டியூஷன் என்று சொல்லிவிட்டு போவது என்று அந்த காலங்கள் இனி திரும்பி வரவே மாட்டுது.
×
×
  • Create New...

Important Information

By using this site, you agree to our Terms of Use.