விளையாட்டுத் திடல்

2019 உலகக் கிண்ண கிரிக்கெட் போட்டிக்கான தென்னாபிரிக்க அணி அறிவிக்கப்பட்டுள்ளது.

ஒருநாள் போட்டித் தொடருக்கான கிரிக்கெட் உலகக் கிண்ணப் போட்டிகள் வரும் மே மாதம் 30ஆம் திகதி இங்கிலாந்தில் தொடங்குகிறது.

இந்த தொடருக்கான கிரிக்கெட் அணிகளை உலக நாடுகள் அறிவித்து வருகின்றன. அந்தவகையில் உலகக் கிண்ணத்துக்கான தென்னாபிரிக்க அணி அறிவிக்கப்பட்டுள்ளது.

அணி விவரம் :

பாஃப் டூ பிளசிஸ் (அணித்தலைவர்)

ஹாசிம் அம்லா

குயின்றன் டி ஹொக் (விக்கெட் காப்பாளர்)

ஜெ.பி. டுமினி

ஐடென் மார்க்ராம்

டேவிட் மில்லர்

லுங்கி நிகிடி

அன்ரிச் நோர்ட்ச்

அன்டைல் பெஹ்லுக்வாயோ

டிவைன் பிரிடோரியஸ்

கஜிசோ ரபாடா

ரப்ராய்ஸ் ஷம்சி

டேல் ஸ்டின்

இம்ரான் தஹிர்

ரஸ்ஸி வேன் டெர் டஸ்ஸென் ஆகியோர் இடம்பெற்றுள்ளனர்.

இந்த அணியில் ரபாடா, நிகிடி மற்றும் ஸ்டின் ஆகியோர் சிறப்பாக பந்து வீசக்கூடியவர்கள் என்பதால், தென்னாப்பிரிக்க அணியிடம் விளையாடும் அணிகள், துடுப்பெடுத்தாடுவது கடினமாக இருக்கும் எனக் கணிக்கப்பட்டுள்ளது. அத்துடன் துடுப்பாட்டத்திலும் டூ பிளசிஸ், அம்லா மற்றும் ஜெ.பி.டுமினி ஆகியோர் சிறந்த துடுப்பாட்டத்தை வெளிப்படுத்தி வருகின்றனர்.

http://athavannews.com/உலகக்-கிண்ண-கிரிக்கெட்-ப/

உலகக்கிண்ண தொடருக்கான சப்ராஸ் அஹமட் தலைமையிலான பாகிஸ்தான் அணி அறிவிக்கப்பட்டுள்ளது.

அடுத்த மாதம் இங்கிலாந்து மற்றும் வேல்ஸ் ஆகிய நாடுகளில் நடைபெறவிருக்கும் கிரிக்கெட் உலகக் கிண்ணத் தொடருக்கான 15 பேர் அடங்கிய அணியை பாகிஸதான் கிரிக்கெட் சபை இன்று (18) வெளியிட்டுள்ளது.

15 பேர் அடங்கிய அணியில் அபிட் அலி பாபர் அசாம், பகீஷ் அஷ்ரஃப், பகர் சமான், ஹரிஸ் சோஹைல், ஹசன் அலி, இமாட் வசீம், இமாம்-உல்-ஹக், ஜுனைட் கான், மொஹமட் ஹபீஸ், முகம்மது ஹஸ்னைன், ஷாதாப் கான், ஷாஹீன் ஷா அப்ரிடி, சோயிப் மாலிக் ஆகியோர் இடம்பெற்றுள்ளனர்.

நான்கு ஆண்டுகளுக்கு ஒருமுறை நடைபெறும் கிரிக்கெட் திருவிழாவான உலகக்கிண்ண கிரிக்கெட் தொடர் இங்கிலாந்து மற்றும் வேல்ஸில் எதிர்வரும் மே மாதம் 30ஆம் திகதி முதல் எதிர்வரும் ஜூன் 14ஆம் திகதி வரை நடைபெறவுள்ளது.

மொத்தமாக 10 அணிகள் பங்கேற்கும் இத்தொடரில், 45 லீக் போட்டிகள் மற்றும் 3 வெளியேற்று போட்டிகள் என 48 போட்டிகள், சுமார் 12 நகரங்களில் நடக்கவுள்ளது.

இந்த உலகக்கிண்ண தொடரில், இங்கிலாந்து அணியே உலகக்கிண்ணத்தை வெல்லும் அணிகளில் முதல்நிலை பெறுகின்றமை குறிப்பிடத்தக்கது.

http://athavannews.com/இந்தியாவுக்கு-சவால்கொடு/

ஐரோப்பிய உயர்தர கால்பந்து கழகங்களுக்கிடையில், நடத்தப்படும் சம்பியன்ஸ் லீக் கால்பந்து தொடரின் காலிறுதி இரண்டாவது லெக் போட்டிகள் தற்போது நடைபெற்று வருகின்றன.

நேற்று ஆரம்பமான காலிறுதி இரண்டாவது லெக்கில், இரண்டு போட்டிகள் நடைபெற்றன. இப்போட்டிகளின் முழுமையான முடிவுகளை தற்போது பார்க்கலாம்,

ஸ்பெயினில் உள்ள கேம்ப் நவ் விளையாட்டரங்கில் நடைபெற்ற போட்டியில், மென்செஸ்டர் யுனைடெட் அணியும், பார்சிலோனா அணியும் பலப்பரீட்சை நடத்தின.

ஏற்கனவே இரு அணிகளும் மோதிய முதலாவது லெக் போட்டியில், பார்சிலோனா அணி 1-0 என்ற கோல்கள் கணக்கில் வெற்றிபெற்றது.

ஆகையால் இப்போட்டியில், இரு அணிகளுமே மிகப்பெரிய வெற்றியினை நோக்கி நகர வேண்டியத்தில் களமிறங்கினர்.

இரசிகர்களுக்கு உச்ச விறுவிறுப்பை கொடுத்த இப்போட்டியில், ஆரம்பம் முதலே பார்சிலோனா அணியின் ஆதிக்கமே இருந்தது.

போட்டியின் 16ஆவது நிமிடத்தில், பார்சிலோனா அணியின் நட்சத்திர வீரர் லியோனல் மெஸ்ஸி, அணிக்காக முதல் கோலை பெற்றுக்கொடுத்து, இரசிகர்களை இன்ப வெள்ளத்தில் ஆழ்த்தினார்.

அந்த கொண்டாட்டம் நீடிக்க 20ஆவது நிமிடத்தில் மெஸ்ஸி, அணிக்காக இரண்டாவது கோலை அடித்து 2-0 என்ற கோல்கள் கணக்கில் அணியை முன்னிலைப் படுத்தினார்.

மென்செஸ்டர் யுனைடெட் அணி பதில் கோல் போட எவ்வளவு முயற்சித்தும் அது பலனளிக்கவில்லை.

இதனால் முற்பாதியில் பார்சிலோனா அணி 2-0 என்ற கோல்கள் கணக்கில் முன்னிலைப் பெற்றது.

தொடர்ந்து நடைபெற்ற இரண்டாவது பாதியில் இரு அணிகளின் வீரர்களும் ஆக்ரோஷமாக விளையாடினர். எனினும் பார்சிலோனா அணியின் வீரர்களை, மென்செஸ்டர் யுனைடெட் அணி வீரர்களால் கட்டுப்படுத்த முடியவில்லை.

போட்டியின் 61ஆவது நிமிடத்தில் பார்சிலோனா அணியின் மற்றொரு வீரரான பிலிப்பே கோடின்னோ  ஒரு கோல் அடித்து, அணியை 3-0 என்ற கோல்கள் கணக்கில் முன்னிலைப் படுத்தினார்.

மேற்கொண்டு இரு அணிகளும் கோல் போட முடியற்சித்தன. எனினும் கோல் போட முடியவில்லை. இதனால் பார்சிலோனா அணி இறுதியில் 3-0 என்ற கோல்கள் கணக்கில் வெற்றிபெற்றது.

மேலும், ஒட்டு மொத்தமாக முதல் லெக் போட்டியின் ஒரு கோலையும் சேர்த்து, பார்சிலோனா அணி 4-0 என்ற கோல்கள் கணக்கில் வெற்றிபெற்று அரையிறுதிக்கு முன்னேறியது.
………….

இதேபோல இத்தாலியில் உள்ள ஜூவெண்டஸ் விளையாட்டரங்கில் நடைபெற்ற இன்னொரு போட்டியில், அஜாக்ஸ் அணியும், ஜூவெண்டஸ் அணியும் பலப்பரீட்சை நடத்தின.

இரசிகர்களின் எதிர்பார்ப்பு மிக்க போட்டியாக அமைந்த இப்போட்டி, இரசிகர்களுக்கு மிகவும் அதிர்ச்சிகரமான முடிவினை பெற்று தந்தது.

மிகவும் விறுவிறுப்பாக நடைபெற்ற இப்போட்டியில், போட்டியின் 28ஆவது நிமிடத்தில் ஜூவெண்டஸ் அணிய pன் நட்சத்திர வீரரான கிறிஸ்டீயானோ ரொனல்டோ, முதல் கோலை அடித்து இரசிகர்களை உற்சாகப்படுத்தினார்.

இதனையடுத்து, பதிலடி கொடுக்க வேண்டுமென்ற முனைப்பில் விளையாடிய அஜாக்ஸ் அணி, 34 ஆவது நிமிடத்தில் ஒரு கோலை அடித்து, கோல் கணக்கை சமநிலைப்படுத்தியது. இந்த கோலை அஜாக்ஸ் அணியின் வீரரான டொனி வன் டி பீக் அடித்தார்.

மேற்கொண்டு இரு அணிகளும் கோல்களை பதிவு செய்யாததால், முற்பாதி 1-1 என்ற கோல்கள் கணக்கில் சமநிலைப்பெற்றது.

இதனைதொடர்ந்து நடைபெற்ற இரண்டாவது பாதியில், இரு அணிகளும் சிறப்பாக விளையாடின.

இரு அணி வீரர்களும் கோல் போடுவதற்கு சற்று திணறிய போது, அனைவரையும் வியக்க வைக்கும் வகையில், அஜாக்ஸ் அணியின் வீரர் மெட்திஜ்ஸ் டி லிக்ட் (அயவவாதைள னந டபைவ) 67ஆவது நிமிடத்தில் அணிக்காக இரண்டாவது கோலை அடித்து அணியை முன்னிலை பெற செய்தார்.

இதன்பிறகு கடுமையாக போராடியும், பலம் மிக்க ஜூவெண்டஸ் அணியால் கோல் கணக்கை சமநிலை கூட செய்ய முடியாமல் திணறியது.

இறுதியில் 2-1 என்ற கோல்கள் கணக்கில் அஜாக்ஸ் அணி வெற்றி பெற்று, ஜூவெண்டஸ் அணிக்கு அதிர்ச்சி கொடுத்தது.

இரு அணிகளுமே இதற்கு முன்னதாக விளையாடிய காலிறுதி முதல் லெக் போட்டி, 1-1 என்ற கோல்கள் கணக்கில் சமநிலையில் முடிவடைந்தது.

தற்போது ஒட்டுமொத்த கோல்களின் அடிப்படையில் ஒப்பிடுகையில், 3-2 என்ற கோல்கள் கணக்கில் அஜாக்ஸ் அணி வெற்றி பெற்று, அரையிறுதிக்கு முன்னேறியது.

http://athavannews.com/சம்பியன்ஸ்-லீக்-காலிறுதி/

12 ஆவது உலகக்கிண்ண (50 ஓவர்) கிரிக்கெட் போட்டி இங்கிலாந்தில் எதிர்வரும் மே மாதம் 30 ஆம் திகதி முதல் ஜூலை மாதம் 14 ஆம் திகதி வரை நடக்கிறது. இதற்கான 15 பேரடங்கிய இந்திய கிரிக்கெட் குழாம் இந்திய கிரிக்கெட் சபையால் அறிவிக்கப்பட்டுள்ளது.

15 பேரடங்கிய இந்திய கிரிக்கெட் குழாமிற்கு தலைவராக விராட் கோலி நியமிக்கப்பட்டுள்ளார். அவருடன் ரோகித் சர்மா, சிகர் தவான், கீதர் யாதேவ், மகேந்திரசிங் தோனி, ஹார்திக் பாண்டியா, ரவீந்திர ஜடேஜா, மொஹமட் சமி, குல்தீப் யாதேவ், ஷால், ஜஸ்பிரித் பும்ரா, புவனேஸ்வர் குமார், விஜேய் சங்கர், கே. எல். ராகுல், தினேஸ் கார்த்திக் ஆகியோரின் பெயர்கள் உள்ளடக்கப்படடுள்ளர்.

இதேவேளை,போட்டித் தடை விதிக்கப்பட்டிருந்த அவுஸ்திரேலிய அணியின் முன்னாள் தலைவர் ஸ்டீபன் ஸ்மித் மற்றும் அதிரடி ஆரம்பத்துடுப்பாட்ட வீரர் டேவிட் வோர்ணர் ஆகியோரை உள்ளடக்கிய உலகக்கிண்ண அவுஸ்திரேலிய கிரிக்கெட் அணியின் 15 பேர் கொண்ட வீரர்களின் பெயர் விபரங்கள்  இன்று அறிவிக்கப்பட்டுள்ளன.

குறித்த குழுவில் டேவிட் வோர்ணர் மற்றும் ஸ்டீபன் ஸ்மித் ஆகியோர் உள்ளடக்கப்பட்டுள்ள நிலையில் ஹாண்ட்ஸ்கொம் மற்றும் ஹஸில்வூட் ஆகியோர் குறித்த குழுவில் உள்ளடங்கவில்லை.

இந்நிலையில் அவுஸ்திரேலிய கிரிக்கெட் சபையால் 15 பேர் கொண்ட 2019 ஆண்டுக்கான உலக்கிண்ண குழாம் அறிவிக்கப்பட்டுள்ளது.

15 பேரடங்கிய அவுஸ்திரேலிய குழாம் விபரங்கள் வருமாறு,

அவுஸ்திரேலிய அணிக்கு ஆரோன் பிஞ் தலைமை தாங்குகின்றார், அவருடன் டேவிட் வோர்ணர், ஸ்டீபன் ஸ்மித், உஷ்மன் கவாஜா, ஷோர்ன் மார்ஷ், கிளன் மெக்ஷ்வெல், மார்க்கஸ் ஸ்டெய்னிஸ், விக்கெட் காப்பாளராக அலக்ஸ் கேரி, பட் கெம்மின்ஸ், மிட்சல் ஸ்ராக், ஜெயி ரிச்சட்சன், நதன் குல்ட்லர் நில், ஜேசன் பிஹர்ன்டோர்ப், அடம் ஷம்பா, நதன் லின் ஆகியோர் பெயரிடப்பட்டுள்ளனர்.

இதில் நடப்பு சாம்பியன் அவுஸ்திரேலியா, போட்டியை நடத்தும் இங்கிலாந்து, இந்தியா, தென்னாபிரிக்கா, நியூசிலாந்து, பாகிஸ்தான், பங்களாதேஷ், இலங்கை, ஆப்கானிஸ்தான், மேற்கிந்தியத்தீவுகள் ஆகிய 10 நாடுகள் பங்கேற்கின்றன. 

இந்த போட்டிக்கான நியூசிலாந்து அணி ஏற்கனவே அறிவிக்கப்பட்டு விட்டது. இந்நிலையில் இன்றையதினம் அவுஸ்திரேலிய அணி வீரர்கள் விபரம் மற்றும் இந்திய அணி வீரர்கள் விபரம் அறிவிக்கப்பட்டுள்ளன. 

இலங்கை அணி வீரர்கள் குறித்து எதுவும் வெளிவராத நிலையில், அஞ்சலோ மெத்தியூஸிடம் உலகக் கிண்ண அணிக்கு தலைமை தாங்குமாறு கேட்கப்பட்டதாகவும் அதனை மெத்தியூஸ் நிராகரித்து விட்டதாகவும் செய்திகள் வெளியாகியிருந்தன.

எவ்வாறாயினும் இம்மாதம் 23 ஆம் திகதிக்கு முன்னர் உலகக் கிண்ண கிரிக்கெட் போட்டிக்கான அணிகளை அறிவிக்க வேண்டிய நிலையுள்ளமை குறிப்பிடத்தக்கது.

http://www.virakesari.lk/article/53991

யாழ்ப்பாணம் சென். பற்றிக்ஸ் கல்லூரிக்கும் வட்டுக்கோட்டை யாழ்ப்பாணக் கல்லூரிக்கும் இடையிலான ராஜன் கதிர்காமர் சுற்றுக் கிண்ணத்துக்கான ஆட்டத்தில் 187 ஓட்டங்களால் வென்றது சென். பற்றிக்ஸ்.

யாழ்ப்பாணம் சென். பற்றிக்ஸ் கல்லூரி மைதானத்தில் நேற்றையதினம் நடைபெற்ற இந்தப் போட்டியில் நாணயச் சுழற்சியில் வெற்றிபெற்ற சென். பற்றிக்ஸ் கல்லூரி அணி நிர்ணயிக்கப்பட்ட 50 பந்துப்பரிமாற்றங்கள் நிறைவில் 9 இலக்குகளை இழந்து 299 ஓட்டங்களைப் பெற்றது. அதிகபட்சமாக ஆரம்பத் துடுப்பாட்ட வீரரான டிலக்சன் 96 ஓட்டங்களைப் பெற்றார்.
பந்துவீச்சில் டிகாஸ் 4 இலக்குகளையும், சிந்துயன் 3 இலக்குகளையும், கேசவன் 2 இலக்குகளையும் கைப்பற்றினர்.

பதிலுக்குக் களமிறங்கிய யாழ்ப்பாணக் கல்லூரி அணி 112 ஓட்டங்களில் சகல இலக்குகளையும் இழந்து 187 ஓட்டங்களால் தோல்வியடைந்தது. பந்துவீச்சில் 3 இலக்குகளையும், கஸ்ரோ, டினிசியஸ் இருவரும் தலா 2 இலக்குகளையும், மொனிக் நிதுசன், டிலக்சன் தலா ஓர் இலக்கையும் கைப்பற்றினார்.

படங்கள் – ஐ.சிவசாந்தன்

http://globaltamilnews.net/2019/118114/

Published by J Anojan on 2019-04-11 12:04:45

ஐரோப்பிய உயர்தர கால்பந்து கழகங்களுக்கிடையில், நடத்தப்படும் சம்பியன்ஸ் லீக் கால்பந்து தொடரின் காலிறுதி முதல் லெக் போட்டிகள் தற்போது நடைபெற்று வருகின்றன.

நேற்று ஆரம்பமான காலிறுதி முதல் லெக்கில், இரண்டு போட்டிகள் நடைபெற்றன. இப்போட்டிகளின் முழுமையான முடிவுகளை தற்போது பார்க்கலாம்,

இங்கிலாந்தில் உள்ள டோட்டன்ஹாம் ஹொட்ஸ்பூர் விளையாட்டரங்கில் நடைபெற்ற முதல் போட்டியில், டோட்டன்ஹாம் ஹொட்ஸ்பூர் அணியும், மென்செஸ்டர் சிட்டி அணியும் பலப்பரீட்சை நடத்தின.

இரசிகர்களின் உச்சக் கட்ட எதிர்பார்ப்புக்கு மத்தியில் நடைபெற்ற இப்போட்டியில், ஆரம்பம் முதலே இரு அணி வீரர்களும் சிறப்பாக விளையாடினர்.

இரு அணி வீரர்களும் விட்டுக்கொடுக்காமல் விளையாடியதால், முற்பாதியில் இரு அணிகளாலும் கோல் அடிக்க முடியவில்லை. இதனால் முற்பாதி கோல் எதுவுமின்றி சமநிலையில் முடிவடைந்தது.

இதனைதொடர்ந்து நடைபெற்ற இரண்டாவது பாதியில், டோட்டன்ஹாம் ஹொட்ஸ்பூர் அணி சற்று ஆதிக்கம் செலுத்தியது.

இதற்கமைய, போட்டியின் 78ஆவது நிமிடத்தில் டோட்டன்ஹாம் அணி, முதல் கோலை அடித்து இரசிகர்களை இன்பவெள்ளத்தில் ஆழ்த்தியது.

இந்த கோலை டோட்டன்ஹாம் அணியின் வீரரான, சன் ஹியுங் மின்அடித்து அணியை 1-0 என்ற கோல் கணக்கில் முன்னிலைப் படுத்தினார்.

இதனையடுத்து, மென்செஸ்டர் யுனைடெட் அணியால் எவ்வளவு முயற்சித்தும், பதில் கோல் அடிக்க முடியவில்லை.

இதனால், போட்டியின் இறுதியில், 1-0 என்ற கோல் கணக்கில் டோட்டன்ஹாம் அணி, வெற்றிபெற்றது.

……………

இதேபோல என்பீல்ட்  விளையாட்டரங்கில் நடைபெற்ற இன்னொரு போட்டியில், போர்டோ  அணியும், லிவர்பூல் அணியும் பலப்பரீட்சை நடத்தின.

பரபரப்பாக நடைபெற்ற இப்போட்டியில், ஆரம்பம் முதலே லிவர்பூல் அணியின் ஆதிக்கமே இருந்தது.

இதற்கமைய போட்டியின் 5ஆவது நிமிடத்தில் லிவர்பூல் அணி, தனது முதல் கோலை பதிவு செய்யதது. இந்த கோலை லிவர்பூல் அணியின் வீரரான நெபி கெய்டா அடித்தார்.

இதனையடுத்து தொடர்ந்து ஆதிக்கம் செலுத்திய லிவர்பூல் அணி, 26ஆவது நிமிடத்தில் இரண்டாவது கோலை பதிவு செய்து 2-0 என்ற கோல்கள் கணக்கில் முன்னிலைப் பெற்றது. இந்த கோலை, ரோபர்ட் ஃபைர்மின் அடித்தார்.

லிவர்பூல் அணியின் அபார ஆட்டத்தால், முற்பாதியில் லிவர்பூல் அணி, 2-0 என்ற கோல்கள் கணக்கில் முன்னிலைப் பெற்றது.

இதனையடுத்து நடைபெற்ற இரண்டாவது பாதியில், இரு அணி வீரர்களும் ஆக்ரோஷமாக விளையாடினர் எனினும் அவர்களால் கோல் அடிக்க முடியவில்லை.

இதனால் போட்டியின் இறுதியில், லிவர்பூல் அணி, 2-0 என்ற கோல்கள் கணக்கில் வெற்றிபெற்றது.

http://athavannews.com/சம்பியன்ஸ்-லீக்-காலிறுத-3/

கனடாவின் டெரன்டோ நகரில் நடைபெற்ற சிவா பைட்டர்ஸ் திறந்த சர்வதேச கராத்தே சுற்றுப்போட்டியில் ஜி.கே.எம்.ஓ (எஸ்.கே.ஏ.ஜ மற்றும் கே.ஓ.ஜே.எவ்) கழக மாணவர்கள் காட்டா போட்டியில் 4 தங்கம், 3 வெள்ளி மற்றும் குமித்தே போட்டியில் 3 வெள்ளி, 2 வெண்கலப்பதக்கங்களாக 12 பதக்கங்களை சுவீகரித்துள்ளனர்.

இதில் பயிற்றுனர் சென்செய்.சுகந்தன் காட்டாபோட்டியில் தங்கப்பதக்கத்தை சுவீகரித்துள்ளார். 

இவர்களுக்கான ஆரம்ப பயிற்சிகளை சென்செய்.ஜெயதாஸ், சென்செய்.ரெஜினோல்ட் ஆகியோரும் சுற்றுப்போட்டிக்கான சிறப்பு பயிற்சிகளை சிகான்டாய்.எஸ்.மனோகரனும் வழங்கியிருந்தார்.

ஜி.கே.எம்.ஓ கனடா கழக நிர்வாகக்குழு கடந்த மாதம் தங்களுக்கான சிறப்பு உயர்தர பயிற்சிகளை பெற்றுக்கொள்ள இலங்கையிலிருந்து அதன் தொழில்நுட்ப பணிப்பாளர் சிகான்.அன்ரோ டினேஸை அழைத்து மாணவர்க்கான பயிற்சி பட்டறைகளையும் பயிற்றுனர்களுக்கான தொடர்பயிற்சி பட்டறைகளையும் நடத்தியிருந்தமை குறிப்பிடத்தக்கது.

http://www.virakesari.lk/article/53648

மதுபோதையில் வாகனம் செலுத்தி விபத்தை ஏற்படுத்திய இலங்கை டெஸ்ட் கிரிக்கெட் அணியின் தலைவர் திமுத் கருணாரத்னவிற்கு இலங்கை கிரிக்கெட் சபை 7500 அமெரிக்க டொலர்களை அபராதமாக விதித்துள்ளது.

இலங்கை கிரிக்கெட் சபை வெளியிட்டுள்ள அறிக்கையொன்றிலேயே இதனை குறிப்பிட்டுள்ளது.

மதுபோதையில் வாகனத்தினை செலுத்தி பொரளை கின்சி வீதியில் விபத்தினை ஏற்படுத்தினார் என்ற குற்றச்சாட்டின் அடிப்படையில் அவர்  கைது செய்யப்பட்டு, பின்னர் பிணையில் விடுதலை செய்யப்பட்டிருந்தார்.

மேலும் இந்த விபத்தில் சிறு காயங்களுக்கு உள்ளான முச்சக்கரண்டிச் சாரதி, கொழும்பு தேசிய வைத்தியசாலையில் அனுமதிக்கப்பட்டுள்ளார்.

இதேவேளை, இந்த சம்பவம் தொடர்பாக, திமுத் கருணாரத்னவுக்கு எதிராக விசாரணைகள் இடம்பெறுவதாக, இலங்கை கிரிக்கெட் நிறுவனம் அறிக்கை வெளியிட்டுள்ளமை குறிப்பிடத்தக்கது.

http://athavannews.com/திமுத்-கருணாரத்னவிற்கு-7500/

இலங்கை கிரிக்கெட் சபையின் ஏற்பாட்டில் நடைபெறவுள்ள மாகாணங்களுக்கிடையிலான ஒருநாள் தொடர், கிரிக்கெட் இரசிகர்களின் மத்தியில் பெரும் எதிர்பார்ப்பை தூண்டியுள்ளது.

உள்ளூர் அணிகளுக்கு இடையிலான “சுப்பர் ப்ரொவின்சியல் கிரிக்கெட் தொடர்” என அழைக்கப்படும் இத்தொடர், எதிர்வரும் 4ஆம் திகதி முதல் 11ஆம் திகதிவரை நடைபெறவுள்ளது.

இந்த நிலையில், இத்தொடருக்கான ஆரம்ப நிகழ்வு நேற்று கொழும்பு ஜெய்க் ஹில்டன் ஹோட்டலில் நடைபெற்றது.

இதன்போது இத்தொடரில் பங்கேற்கும் நான்கு அணிகளின் தலைவர்கள், அணிகளின் உரிமையாளர்கள், இத்தொடரின் இயக்குனர், உள்ளூர் கிரிக்கெட் தொடருக்கான உப தலைவர், மற்றும் இத்தொடரில் விளையாடும் வீரர்கள் என பலரும் கலந்துக் கொண்டனர்.

இத்தொடரில் கொழும்பு, கண்டி, காலி மற்றும் தம்புள்ளை என நான்கு அணிகள் விளையாடுகின்றன. இதில் தம்புள்ளை அணிக்கு அஞ்சலோ மெத்தியூசும், கொழும்பு அணிக்கு தினேஸ் சந்திமாலும், கண்டி அணிக்கு திமுத் கருணாரத்னவும், காலி அணிக்கு லஹிரு திரிமன்னேவும் தலைமை தாங்குகின்றனர்.

கண்டி அணியின் தலைவராக நியமிக்கப்பட்டிருக்கும் திமுத் கருணாரத்னவின் மீது தற்போது அதிக எதிர்பார்ப்பு எழுந்துள்ளது. உலகக் கிண்ண அணியில் திமுத் கருணாரத்ன இடம்பெறுவார் எனவும், ஒருவேளை அவர் அணித்தலைவராகவும் செயற்பட வாய்ப்புள்ளது எனவும் தெரிவிக்கப்படுகிறது.

எனினும், 2015ஆம் ஆண்டு உலகக் கிண்ணத்துக்கு பின்னர் திமுத் கருணாரத்ன சர்வதேசத்தில் நடைபெறும் மட்டுப்படுத்தப்பட்ட போட்டிகளில் பங்கேற்கவில்லை.

இந்த நிலையில், இத்தொடர் முடிவடைந்தவுடன் உலகக்கிண்ண தொடருக்கான இலங்கை அணி அறிவிக்கப்படுமெனவும், திமுத் கருணாரத்ன அணித்தலைவராக செயற்படுவாரா இல்லையா என்பது தெரியவரும் எனவும் கிரிக்கெட் சபை தெரிவித்துள்ளது.

இவ்வாறு, வீரர்களுக்கு மத்தியில் பல எதிர்பார்ப்புகளை உருவாக்கியுள்ள இந்த தொடரிலிருந்து சில முக்கிய வீரர்கள் உபாதை காரமணாக வெளியேறியுள்ளனர். இதில் இலங்கை அணிக்காக விளையாடியுள்ள சகலதுறை வீரர்களான அசேல குணரத்ன மற்றும் தசுன் ஷானக விலகியுள்ளதுடன், அசேன் பாண்டாரவும் உபாதை காரணமாக நீக்கப்பட்டுள்ளார்.

இதேவேளை, கிரிக்கெட் சபையின் அனுமதியை அடுத்து ஐ.பி.எல். தொடரில் விளையாடி வரும் இலங்கை அணியின் வேகப்பந்து வீச்சாளர் லசித் மாலிங்க, சுப்பர் ப்ரொவின்சியல் ஒருநாள் தொடரில் பங்கேற்பார் என இலங்கை கிரிக்கெட் சபை நம்பிக்கை தெரிவித்துள்ளது. எனினும், இது தொடர்பான உத்தியோகபூர்வ அறிவிப்புகள் எதுவும் கிடைக்கவில்லை எனவும் சுட்டிக்காட்டியுள்ளது.

இத்தொடரில் முதல் இடம்பெரும் அணிக்கு கிண்ணம் மற்றும் ஒரு மில்லியன் பணப்பரிசு வழங்கப்படவுள்ளது. மேலும், இரண்டாவது இடத்திற்கு கிண்ணம் மற்றும் 750,000 ரூபாய் பணப்பரிசு வழங்கப்படவுள்ளது.

உலகக்கிண்ண தொடருக்கு முன்னர் நடைபெறும் இத்தொடரில் சிறப்பாக விளையாடும் வீரர்களே, உலகக்கிண்ண தொடருக்கான இலங்கை அணியில் இடம்பிடிப்பர். ஆகையால் இத்தொடர் ஒவ்வொரு வீரருக்கும் மிக முக்கியமான தொடராக அமையவுள்ளது.

http://athavannews.com/பெரும்-எதிர்பார்ப்பை-ஏற்/

டெஸ்ட் கிரிக்கெட் அணிகளின் தரவரிசைப் பட்டியலை, சர்வதேச கிரிக்கெட் சபை வெளியிட்டுள்ளது.

சிறப்பாக விளையாடும் அணிகள் மற்றும் வீரர்களின் தரவரிசைப் பட்டியலை ஐ.சி.சி. வெளியிட்டு வருகிறது. அதன்படி, டெஸ்ட் அணிகளின் தரவரிசைப் பட்டியலை ஐ.சி.சி. வெளியிட்டுள்ளது.

இந்த தரவரிசைப் பட்டியலானது, கிரிக்கெட் அணிகளுக்கு மிக முக்கியமான தரவரிசைப் பட்டியலாக பார்க்கப்படுகின்றது.

ஒவ்வொரு ஆண்டும் ஏப்ரல் 1ஆம் திகதி டெஸ்ட் கிரிக்கெட் தரவரிசை பட்டியலை, சர்வதேச கிரிக்கெட் சபை வெளியிடும்.

இந்த பட்டியலில், முதல் இடத்தில் இருக்கும் அணிக்கு சம்பியன்ஷிப் பட்டத்தோடு, ஐசிசி.யின் கதாயுதமும் வழங்கப்படும். அத்துடன் பரிசுத்தொகையும் வழங்கப்படும்.

அத்தோடு, இரண்டாவது மற்றும் மூன்றாவது மற்றும் நான்காவது இடங்களில் உள்ள அணிகளுக்கு பரிசுத்தொகையும் வழங்கப்படும்.

இதனடிப்படையில், இந்த தரவரிசைப் பட்டியலில், முதல் இடம் பிடித்துள்ள இந்திய அணிக்கு, கதாயுதமும், 10 லட்சம் டொலர்கள் பரிசுத்தொகையையும் வழங்கப்படுகின்றது.

தரவரிசைப் பட்டியலில் இரண்டாவது இடத்தை பிடித்த நியூசிலாந்து அணிக்கு 5 லட்சம் டொலர்கள் பரிசுத்தொகை வழங்கப்படுகின்றது.

மூன்றாவது இடத்தை பிடித்துள்ள தென்னாபிரிக்காவிற்கு, இரண்டு லட்சம் டொலர்களும் வழங்கப்படுகின்றது.

மேலும், நான்காவது இடம் பிடித்துள்ள அவுஸ்ரேலியாவுக்கு 1 லட்சம் டொலர்களும் வழங்கப்படுகின்றது.

சரி தற்போது புள்ளிகளுடன் கூடிய தரவரிசைப் பட்டியலில், முதல் பத்து இடங்களில் உள்ள அணிகளின் விபரங்களை பார்க்கலாம்.

இப்பட்டியலில் இந்தியக் கிரிக்கெட் அணி, 116 மதீப்பிட்டு புள்ளிகளுடன் முதலிடத்திலும், நியூஸிலாந்து கிரிக்கெட் அணி 108 மதீப்பிட்டு புள்ளிகளுடன் இரண்டாவது இடத்திலும், தென்னாபிரிக்கா 105 புள்ளிகளுடன் மூன்றாவது இடத்திலும் உள்ளன.

அவுஸ்ரேலியா 104 மதீப்பிட்டு புள்ளிகளுடன் நான்காவது இடத்திலும், இங்கிலாந்து 104 புள்ளிகளுடன் ஐந்தாவது இடத்திலும், இலங்கை அணி 93 புள்ளிகளுடன் ஆறாவது இடத்திலும் உள்ளன.

மேலும், பாகிஸ்தான் அணி 88 புள்ளிகளுடன் ஏழாவது இடத்திலும், விண்டிஸ் அணி 77 புள்ளிகளுடன் எட்டாவது இடத்திலும், பங்களாதேஷ் 68 புள்ளிகளுடன் ஒன்பதாவது இடத்திலும், சிம்பாப்வே 13 புள்ளிகளுடன் பத்தாவது இடத்திலும் உள்ளன.

http://athavannews.com/டெஸ்ட்-கிரிக்கெட்-அணிகள-3/