ஜனாதிபதி கோத்தாபய ராஜபக்ஷ கடந்த கால விசாரணைகளுக்காக ஜனாதிபதி ஆணைக்குழு முன்னிலையில் முற்படுவதாக அண்மையில் செய்திகள் வெளியாகி இருந்தது.எனவே இது அந்த குற்றப்பத்திரிகைகளை மூடி வைக்கும் செயற்பாடாக உள்ளதாக கருதப்படுகிறது. என தமிழ் தேசியக்கூட்டமைப்பின் பாராளுமன்ற உறுப்பினர் வைத்திய கலாநிதி சி.சிவமோகன் தெரிவித்தார். அவர் இன்று புதன்கிழமை விடுத்துள்ள ஊடக அறிக்கையில் மேலும் குறிப்பிடுகையில், ஜனாதிபதி தானே நியமித்த நீதிபதியின் முன் அவரே சென்று  சாட்சியம் வழங்கி அவரே தீர்ப்பு வழங்க முற்படுவதற்கான நடவடிக்கைகள் முன்னெடுக்கப்பட்டு வருகிறது. இலங்கை தமிழர்களுக்கு எதிராக இழைக்கப்பட்ட குற்றங்களுக்கு எதிராக சர்வதேச நீதிபதிகளுக்கு முன் நிறுத்தப்பட வேண்டும். தான் தமிழ் மக்களின் எதிர் பார்ப்பு இந்த விடயத்தில் கூட ஐ.நா சபை உறுப்படியாக நடவடிக்கை எடுத்ததாக தெரியவில்லை. எனவே இனி எதிர்வரும் காலங்களிலாவது  இலங்கை அரசால் ஏற்றுக் கொள்ளப்பட்ட 30.140.1 தீர்மாணங்களில் இருந்து விலகியதாக அறிவிக்கப்பட்ட பின்னராவது  சரியான ஒரு நடவடிக்கையை எடுக்க ஐ.நா முயற்சிக்க வேண்டும். மேலும் உள்ளுர் விசாரணை என்பது எப்படி அமையும் என்பதற்கு இது சிறந்த உதாரணமாக அமையும். குற்றவாளிகளும் அவர்களே நீதிபதிகளும் அவர்களே என்ற ரீதியில் இருக்கும் இந்த அரசிடம் இருந்து ஒரு துளி நியாயத்தைக் கூட எதிர்பார்க்க முடியாது. கடந்த வருடம் ஏப்ரல் மாதம் 21ஆம் திகதி இடம் பெற்ற தாக்குதலுக்கானசூத்திரதாரிகளை இன்னும் கண்டு பிடிக்கவில்லை அவை பற்றிய ஒழுங்கான அறிக்கை தயாரிக்கப்படவில்லை காணாமல் ஆக்கப்பட்டோர் விடயத்தை இந்த அரசு கிடப்பில் போட்டு விட்டது. மன்னார் மனிதப் புதை குழியில் கண்டெடுக்கப்பட்ட மனித எச்சங்கள் ஒழுங்காக பாதுகாப்பதற்கு நடவடிக்கை மேற்கொள்ளவில்லை.அந்த எலும்புக் கூடுகள் யாருடையது, எந்த காலத்துக்கு உரியது என்ற நம்பகமான அறிக்கையை வெளியிட இந்த அரசு தயங்குகிறது. வடக்கில் அனைத்துப்பகுதிகளிலும் இராணுவ சோதனைச் சாவடிகளால் மக்கள் அவதிப்படுகிறார்கள். யுத்த காலத்தில் இராணுவப் பாதுகாப்பு எப்படி இருந்ததோ  அவ்வாறே அனைத்துப்பகுதிகளிலும் உள்ளது. ஜனாதிபதி தேர்தலில் தனக்கு தமிழ் மக்கள் வாக்கவில்லை என்று தமிழ் மக்களை பழிவாங்குகிறாரா? இவ்வாறான சோதனை நடவடிக்கைகளால் தமிழ் மக்களை அடி பணிய வைத்து விடலாம் என்று ஜனாதிபதி கணவு காண்கிறாரா? இவ்வாறான அடக்கு முறைகளை நேரடியாக கண்காணிப்பதற்கு ஐ.நா  அலுவலகம் வடக்கு கிழக்கு தமிழர் தாயகத்து பகுதிகளில் திறக்கப்பட வேண்டும் அப்போது தான் தமிழ் மக்களின் ஜனநாயக வாழ்வுரிமை உரிதிப்படுத்தப்படும் என அவர் விடுத்துள்ள அறிக்கையில் மேலும் குறிப்பிடப்பட்டுள்ளது. https://www.virakesari.lk/article/76581

ஐக்கியநாடுகள் மனித உரிமை பேரவை இலங்கை தொடர்பில் சர்வதேச விசாரணைகளை முன்னெடுக்கவேண்டும் என மனித உரிமைகள் கண்காணிப்பகத்தின் ஜெனீவாவிற்கான இயக்குநர் ஜோன் பிசர் கருத்து வெளியிட்டுள்ளார். டுவிட்டரில் அவர் இதனை பதிவு செய்துள்ளார். இலங்கையின் வெளிவிவகார அமைச்சர் ஐக்கியநாடுகளிற்கான தனது அர்ப்பணிப்புகளை இலங்கை கைவிடுகின்றது என குறிப்பிட்டுள்ளார் என அவர் குறிப்பிட்டுள்ளார்.   யாரும் ஏமாறக்கூடாது யுத்த குற்றச்சாட்டுகளிற்கு உள்ளாகியுள்ள ராஜபக்சாக்கள் பொறுப்புக்கூறுதலை முன்னகர்த்துவதற்கான எந்த வாய்ப்பும் இல்லை என அவர் தெரிவித்துள்ளார். ஐக்கியநாடுகள் மனித உரிமை பேரவை சர்வதேச விசாரணைகளை முன்னெடுக்கவேண்டும் என மனித உரிமைகள் கண்காணிப்பகத்தின் ஜெனீவாவிற்கான இயக்குநர் ஜோன் பிசர் கருத்து வெளியிட்டுள்ளார். https://www.virakesari.lk/article/76580 #SriLanka's Foreign Minister tells #HRC43 his government is turning its back on its UN commitments. Let no-one be fooled: there is no prospect the Rajapaksas, implicated in war crimes, will advance accountability. #UNHRC needs to create international investigations & prosecutions Matt Pollard Retweeted John Fisher For many years, @ICJ_org has documented & highlighted how the legal system of Sri Lanka has repeatedly demonstrated that it is unable and unwilling to address the systematic impunity of security forces for crimes under international law. E.g. https://www.icj.org/sri-lanka-new-icj-report-documents-crisis-of-impunity/ … ...

(ஆர்.விதுஷா) சம்பள முரண்பாட்டுப்பிரச்சினைக்கான தீர்வை உடனடியாக பெற்றுத்தரக்கோரி அதிபர் ஆசிரியர்களினால் முன்னெடுக்கப்பட்ட சுகயீனவிடுமுறை போராட்டம் மற்றும் ஆர்பாட்ட பேரணியின்   காரணமாக பாடசாலை மாணவர்களின் கற்றல் கற்பித்தல் நடவடிக்கைகள் ஸ்தம்பிதமடைந்தது. " இடைக்கால கொடுப்பனவை வழங்குதல் உள்ளிட்ட சம்பள  முரண்பாட்டுக்கான தீர்வினைப்பெற்றுத்தருமாறு கோரி இன்று நாடளாவிய ரீதியிலுள்ள அதிபர் , ஆசிரியர்கள் சுகயீன  விடுமுறைப்போராட்டத்தில் ஈடுபட்டிருந்தனர். இதன் காரணமாகவே அரச பாடசாலைகளின் மாணவர்களுடைய கற்றல் கற்பித்தல் நடவடிக்கைகள் ஸ்தம்பிதமடைந்தன. நாடளாவிய ரீதியில் முன்னெடுக்கப்பட்ட இந்த எதிர்ப்பு நடவடிக்கையின் காரணமாக 100 இற்கும் அதிகமான பாடசாலைகள் மூடப்பட்டிருந்தன. இரண்டு இலட்சத்திற்கும் அதிகமான ஆசிரியர்களும் 10 ஆயிரத்திற்கும் அதிகமான அதிபர்களும்இந்த எதிர்ப்பு நடவடிக்கைக்கான ஆதரவை வழங்கியிருந்ததுடன், 97 வீதமானவர்களடைய பங்களிப்பு இந்த ஆர்பாட்டத்திற்கு கிடைக்கப்பெற்றதாக இலங்கை ஆசிரியர் சங்கத்தின் பொதுச்செயலாளர் ஜோசப் ஸ்டாலின் கேசரிக்கு தெரிவித்தார். சுகயீன விடுமுறைப்போராட்டத்தின் ஒரு அங்கமாக 32 கல்வித் துறைசார் தொழில் சங்கங்கள் ஒன்றிணைந்து இன்று காலை  9 மணிக்கு  பத்தரமுல்லை புத்ததாச விளையாட்டு  மைதானத்திலிருந்து கல்வி அமைச்சு வரை ஊர்வலமாக சென்று தமது ஏழு அம்ச கோரிக்கையை சமர்ப்பிக்க முற்பட்டனர். இந்த ஊர்வலத்தில் ஆயிரத்திற்கும் அதிகமான அதிபர் ஆசிரியர்கள் கலந்து கொண்டதுடன், வாக்குறுதியளித்த படி சம்பள முரண்பாட்டுக்கான தீர்வினைப்பெற்றுத்தாருங்கள் ,23 வருடங்களாக தீர்வு காணப்படாத சம்பள முரண்பாட்டுக்கு தீர்வை  பெற்றுத்தாருங்கள் என்ற சுலோகங்கள் எழுத்தப்பட்ட பதாகைகளை ஏந்தியவாறும் கோ.எழுப்பியவாறும்  கல்வி அமைச்சு வரை ஊர்வலமாக சென்றனர்.   அதன் போது கல்வி அமைச்சை அண்டிய பகுதியின் பாதுகாப்பு பலப்படுத்தப்பட்டதுடன்,பொலிசார் குவிக்கப்பட்டுஆர்ப்பாட்டகாரர்கள் தடுத்து நிறுத்தப்பட்டனர். இருப்பினும் பொலிசாரின் பாதுகாப்பு வேலியையும் மீறு கல்வி அமைச்சினுள் நுழைய முற்பட்ட ஆர்பாட்டகாரர்களுக்கும் பொலிசாருக்கும்இடையில் முறுகல் நிலை ஏற்பட்டது. இருப்பினும் ஆர்பாட்டகார்கள் அந்த இடத்தை விட்டு நகராத கல்வி அமைச்சரை சந்தித்து தமது ஏழு அம்ச கோரிக்கையைகையளிப்பதற்கான வாய்ப்பை ஏற்படுத்தி தருமாறு கேட்டுக்கொண்டனர். இருப்பினும் அவர்களுக்கு அனுமதிவழங்கப்பட்டிருக்கவில்லை. காலையில் ஆரம்பமாகிய எதிர்ப்பு ஆர்பாட்டம் பிற்பகல் 2 மணிவரை தொடர்ந்தது. எதிர்ப்பு ஆர்பாட்டம் எவ்வித தீர்மானங்களோ,இணக்கப்படுகளோ இன்றி முடிவடைந்திருந்தது. ஆகவே,அவர்ளுடைய அடுத்த கட்ட நடவடிக்கைகள் தொடர்பில்இலங்கை ஆசிரியர் சங்கத்தின் பொதுசெயலாளரிடம் வினவியபோது அவர் கூறியதாவது, நாடளாவிய ரீதியிலுள்ள சுமார் 100 இற்கும் அதிகமான பாடசாலைகளை மூடி எதிர்ப்பு ஆர்பாட்டத்தினை முன்னெடுத்திருந்தோம்.இதற்காக 97 வீத ஒத்துழைப்பு அதிபர் ஆசிரியர்களிடமிருந்துகிடைக்கப்பெற்றிருந்தது. சுகயீன விடுமுறைப்போராட்டத்தின் அங்கமாக பத்தரமுல்லை கல்வி அமைச்சிற்கு முன்பாக எதிர்ப்புஆர்பாட்டத்தினையும் மேற்கொண்டிருந்தோம். கடந்த அரசாங்கம் ஆசிரியர்,அதிபர் சேவையை வரையறுக்கப்பட்ட சேவையாக அறிவித்து கடந்த வருடம் ஒக்டோபர் மாதம் முதலாம் திகதி அமைச்சரவைப்பத்திரம்வெளியிடப்பட்டது. இந்நிலையில்,அந்த நடவடிக்கைளை முன்னெடுக்கும் வரையிலான இடைக்கால கொடுப்பனவை வழங்குமாறு மீண்டும் கோரிக்கையொன்றினை அரசாங்கத்திடம் முன்வைத்திருந்தோம். அதனை வழங்குவதாக கூறி கடந்த அரசாங்கம் ஒக்டோபர் மாதம் 15ஆம்திகதி மீண்டுமொரு அமைச்சரவை தீர்மானத்தை வெளியிட்டிருந்தது. இருப்பினும் புதிய அரசாங்கம் ஆட்சிக்கு வந்ததை அடுத்து அமைச்சரவை தீர்மானத்தை நடைமுறைப்படுத்துவதற்கான எந்த நடவடிக்கைகளையும் முன்னெடுக்கவில்லை. ஆகவே,கடந்த 14ஆம் திகதி ஆர்பாட்டமொன்றினை முன்னெடுத்திருந்தோம். அதனைதொடர்ந்து 20 திகதி அதற்கான முடிவை பெற்றுத்தருவதாக அரசாங்கம் கூறியிருந்தது. இருப்பினும் எந்த தீர்வும் இதுவரையில் கிடைக்கப்பெறவில்லை என அவர் தெரிவித்தார். https://www.virakesari.lk/article/76574