1000 ரூபாய் சம்பள அதிகரிப்பு குறித்த வர்த்தமானி வெளியானது!

[தமிழ் சிறி]

1000 ரூபாய் சம்பள அதிகரிப்பு குறித்த வர்த்தமானி வெளியானது!

பெருந்தோட்டத் தொழிலாளர்களின் நாளாந்த சம்பளத்தை 1000 ரூபாயாக நிர்ணயித்து வர்த்தமானி வெளியிடப்பட்டுள்ளது.

தேயிலை மற்றும் இறப்பர் சார் தொழிலாளர்களின் நாளாந்த சம்பளத்தை 1000 ரூபாயாக நிர்ணயித்தே குறித்த வர்த்தமானி தொழில் அமைச்சரின் செயலாலரினால் நேற்று (செவ்வாய்க்கிழமை) வெளியிடப்பட்டுள்ளது.

குறித்த  தீர்மானமானது, எதிர்வரும் மார்ச் மாதம் 5 ஆம் திகதி முதல் செல்லுபடியாக வேண்டும் என அறிவிக்கப்பட்டுள்ளது.

சம்பள நிர்ணய சபையில் நிறைவேற்றப்பட்ட தீர்மானத்திற்கு அமைய, குறைந்த பட்ச நாளாந்த சம்பளமாக 900 ரூபாயாகவும் வரவு – செலவுத்திட்ட சலுகைக் கொடுப்பனவாக 100 ரூபாயாகவும் சேர்த்து நாளாந்த சம்பளம் 1000 ரூபாயாக அதிகரிக்கப்பட்டுள்ளமை குறிப்பிடத்தக்கது.

https://athavannews.com/1000-ரூபாய்-சம்பள-அதிகரிப்பு/

[உடையார்]

நல்ல செய்தி, அம் மக்களுக்கு கொஞ்சமாவது நிம்மதி கிடைக்கும்

[உடையார்]

பெருந்தோட்ட தொழிலாளர்களின் சம்பள விவகாரம்- ரிட் மனு மீது இன்று விசாரணை

 

 21 Views

பெருந்தோட்ட தொழிலாளர்களின், 1000 ரூபாய் நாளாந்த ஊதிய அதிகரிப்பு தொடர்பாக தாக்கல் செய்யப்பட்ட ரிட் மனு மீதான விசாரணை, மேன்முறையீட்டு நீதிமன்றத்தில் இன்று   விசாரணைக்கு  எடுத்துக்கொள்ளப்படவுள்ளது.

அண்மையில் தேயிலை, இறப்பர் தோட்ட தொழிலாளர்களின் நாளாந்த ஊதியம் 1000 ரூபாயாக நிர்ணயம் செய்யப்பட்டு, வர்த்தமானி அறிவிப்பு ஒன்று வெளியிடப்பட்டிருந்தது.

குறித்த வர்த்தமானியை செயலிழக்க செய்யுமாறு கோரி, 20 பெருந்தோட்ட கம்பனிகள் ஒன்றிணைந்தே குறித்த மனுவை தாக்கல் செய்துள்ளன.

இதில் பிரதிவாதிகளாக தொழிலாளர் ஆணையாளர் நாயகம் பிரபாத் சந்ர, தொழிலமைச்சர் நிமல் சிறிபாலடி சில்வா, உள்ளிட்ட 18 பேரின் பெயர்கள் குறிப்பிடப்பட்டுள்ளது.

 

https://www.ilakku.org/?p=45484