சமூகவலை உலகம்

புதிய ஜனாதிபதி ரணில் விக்கிரமசிங்கவை 2024 வரை பதவியை விட்டு அகற்ற முடியுமா?

3 days 14 hours ago
புலம்பெயர் அமைப்புகள் – தனி நபர்கள் சிலர் மீதான தடை நீக்கம்!
ஒரு குழல் துப்பாக்கியுடன் நாடாளுமன்றில் நுழைந்து பல்குழல் துப்பாக்கியாக வெடித்துக்கொண்டிருக்கும் ரணில் விக்கிரமசிங்க!
ஜனாதிபதி ரணில் விக்கிரமசிங்க பிரதமராக நியமிக்கப்பட்டதில் இருந்து, அவர் எப்படி தனது அரசியல் நகர்வுகளை மேற்கொள்வார் என என்பதிவுகள், சுட்டிக்காட்டியிருந்தன.
அவர் ஜனாதிபதியாவதை சட்ட ரீதியாக சவாலுக்கு உட்படுத்த முடியாது எனவும், அவரை வீட்டுக்கு அனுப்பும் கிளர்ச்சியும் சாத்தியமா என்பது சந்தேகமே எனவும் குறிப்பிட்டிருந்தேன். அவற்றை பலர் ஏற்றுக்கொள்ளவில்லை.
 
எனது கருத்துகள் ரணிலுக்கு வக்காளத்து வாங்குவதாக அமைவதாகவும், அவரை ஆதரிப்பதாகவும் தெரிவித்திருந்தனர். இன்னும் சிலர் இந்த பதிவுகள் நகைச்சுவையானவை எனவும் விமர்சித்திருந்தனர்.
கோட்டாபயவை வீட்டுக்கு அனுப்பியதைப் போன்று ரணிலும் அனுப்பப்படுவார் என சவால்களை விடுத்திருந்தனர். ஓகஸ்ட் 9 வரை பொறுத்திருங்கள் நடப்பவற்றை பாருங்கள் என்றனர்.
ஆனால் ஓகஸ்ட் 9 ஐ ஜனாதிபதி ரணில் விக்கிரமசிங்க எப்படி புஸ்வானமாக மாற்றியிருந்தார் என்பதை கண்முன்னே பார்த்தோம்.
 
இப்போ அடுத்த டெஸ்ட் தொடரை ஆரம்பித்திருக்கிறார்.
புலம்பெயர்ந்த தமிழ் குழுக்கள், தனிநபர்கள் சிலர் மீதான தடையை அரசாங்கம் நீக்கியுள்ளது.
தடைப் பட்டியலில் இருந்து நீக்கப்பட்டவர்களில், பிரித்தானியாவைத் தளமாகக் கொண்ட புலம்பெயர் அமைப்புகளான GTF என்ற உலகத்தமிழர் பேரவை, BTF என்ற பிரித்தானிய தமிழர் பேரவை கனடாவை தளமாகக் கொண்ட CTC என்ற கனேடிய தமிழ் காங்கிரஸ், ATC என்ற அவுஸ்ரேலிய தமிழ் காங்கிரஸ் ஆகியனவும் அடங்குவதாக தெரிவிக்கப்பட்டுள்ளது.
பாதுகாப்பு அமைச்சினால் வெளியிடப்பட்ட அசாதாரண வர்த்தமானி மூலம் பட்டியல் நீக்கம் மேற்கொள்ளப்பட்டுள்ளது.
 
ரஞ்சன் ராமநாயக்கா, ஜனாதிபதி பொதுமன்னில் விரைவில் விடுவிக்கப்படவுள்ளார்.
தமிழ் அரசியல் கைதிகள் புணர்வாழ்வு முகாம்களுக்கு மாற்றப்பட்டு, விரைவில் விடுவிக்கப்படுவதற்கான முயற்சிகள் ஆரம்பிக்கப்பட்டுள்ளன.
வடக்கு கிழக்கில் அபிவிருத்தித் திட்டங்கள் ஆரம்பிக்கப்படவுள்ளன.
அவசரகாலச்சட்டம் ஒரு மாதத்தில் நிறைவடையும் போது அதனை மிண்டும் நீடிப்பதற்கு ஜனாதிபதி விரும்பவில்லை என கூறப்படுகிறது.
 
மேலைத்தேய முறைமைகளுக்கு ஏற்ப பயங்கரவாத தடைச்சட்டத்தில் திருத்தம் கொண்டுவரப்படவுள்ளன.
ஐநா மனித உரிமைப் பேரவை, ஐரோப்பிய ஒன்றியம், சர்வதேச நாணய நிதியம் ஆகிய தலையிடி கொடுக்கும் 3 அமைப்புகளையும் திருப்திப்படுத்தும் வேலைகளை ஜனாதிபதி ரணில் விக்கிரமசிங்க முடக்கி விட்டிருக்கிறார்.
 
எரிபொருட் கப்பல்கள் – எரிவாயுக் கப்பல்கள், உரக் கப்பல்கள், அத்தியாவசிய உணவுப்பொருட் கப்பல்கள் இலங்கையில் நங்கூரமிட ஆரம்பித்துள்ளன.
சீன – பாகிஸ்த்தான் கப்பல்களுக்கு அனுமதி – இந்தியாவின் இலங்கை முதலீடுகளுக்கும், வடக்கு கிழக்கில் தங்கு தடையின்றிய பிரசன்னத்திற்கும் அனுமதி. என பிராந்திய வல்லரசுகளை சமகாலத்தில் மதி நுப்பமாக கையாளும் ராஜதந்திரம் தொடர்கிறது.
 
அமெரிக்கா, பிரி்தானியா, ஐரோப்பிய நாடுகள் – மத்தியகிழக்கு நாடுகள் புதிய ஜனாதிபதி ரணில் விக்கிரமசிங்கவையும், அவரது அமைச்சர்களையும் வட்டமிட ஆரம்பித்துள்ளனர்.
இலங்கையில் மக்கள் – தொழிற்சங்க போராட்டங்கள் வலுவிழக்கத் தொடங்கியுள்ளன.
நாட்டை விட்டு வெளியேறிய முன்னாள் ஜனாதிபதி கோட்டாபய ராஜபக்ஸவை குறுகிய காலத்திற்கு வெளிநாடுகளிலேயே அலையவிடும் சாணக்கியம் நுட்பமாக கையாளப்படுகிறது.
ஆக, பொதுஜன பெரமுனவால் தான் சிறைப்பிடிக்கப்பட்டிருப்பதான மாயைக்குள் பலரை தவிக்க விட்டு, பொதுஜன பெரமுனவை தனது சிறைக்குள் வைத்திருக்கும் புதிய ஜனாதிபதி ரணில் விக்கிரமசிங்கவை 2024 வரை பதவியை விட்டு அகற்ற முடியுமா?
299129585_913130240089600_16809362755996
 
 
299286228_913130353422922_14174979701962
 
 
 

காதல் திருவிழா - Dr. T. கோபிசங்கர்

6 days 9 hours ago

காதல் திருவிழா  

சாதகம் பொருந்தீட்டுதாம் அடுத்தது என்ன மாதிரி எண்டு புரோக்கர் கேக்க , “ தம்பி  ஒருக்கா பொம்பிளையை பாக்கோணுமாம்“  எண்டு மாப்பிளையின்டை அம்மா சொன்னா. கலியாணம் எண்டு பேசத் தொடங்கின உடனயே பேசிறதை குறைச்ச தம்பி , நான் எப்ப அம்மாவைக் கேட்டனான் எண்டு யோசிக்க , “ அதுக்கென்ன வெள்ளிக்கிழமை நல்லூரில காலமை பூசையில பாப்பம் ‘ எண்டு முடிவாகிச்சுது. ரெண்டு பெண்டாண்டிக் காரரா இருந்தாலும் நல்லூரான் நல்லது செய்வான் எண்டு பெண்பார்க்கும் படலம் பொதுவா இங்க தான் நடக்கும் .

அப்ப கொழும்பில Majestic City மாதிரி யாழ்ப்பாணத்தில  எல்லாப் பெடியளுக்கும் லேசியா பெட்டைகளை பாக்கிறதெண்டால் நல்லூர் தான். கொடியேத்தத்தில பாத்து மஞ்சத்தோட கேட்டு திருக்கலியாணத்தில ஒப்பேத்தின கதைகள் சில  இருக்கு. பாக்காமல் காதல் , பாத்தவுடன் காதல் , படித்ததோட காதல், பழகிப் பாத்து காதல் ,  எண்ட மாதிரி நல்லூரில பாத்து ஆனால் பேசாமலே  ஒப்பேறிற காதல் தான் கனக்க. 

காலமை கோயிலுக்கு  வாற பிள்ளைகள் அநேமா அம்மாமாரோட தான் வருவினம். குறூப்பா வாறதுகள் பின்னேரம் தான் . குறூப்பா வாறதில ஒண்டைப் பாக்க வெளிக்கிட்டால் அதோட கூட வாறது எங்களைப் பத்தி ஏதாவது அள்ளி வைச்சு கவித்துப் போடும்.  இவளவை எல்லாம் சாணக்கியச் சகுனிகள்,  “ ஏற்கனவே இருக்காம் , இவன் எல்லாரையும் பாக்கிறவன் , போன நல்லூரில இன்னொண்டுக்குப் பின்னால திரிஞ்சவன்” எண்டு சொல்லி முளைக்காமலே கிள்ளிப் போடுங்கள். 

ஆனால் பெடியள் எல்லாம் ஆம்பிளை அன்னங்கள்.  “ மச்சான் உன்டை ஆளைக் கண்டனான் இண்டைக்கு சிவப்பு சாறியோட , சாமிக்குப் பின்னால தான் வாறா , அம்மாவைக் காணேல்லை ஆரோ ஒரு அக்கவோட தான் கண்டனான் “ எண்டு GPS location   accurateஆ தருவாங்கள். இதை எல்லாம் சொல்லீட்டு வெளிக்கிட முதல் “ என்டை ஆளைக் கண்டனியே” எண்டு ஏக்கத்தோட கேக்கிறவனுக்கு இல்லை எண்டாம, “ மச்சான் எப்பிடியும் சங்கீதக் கச்சேரிக்கு வருவா கண்டு பிடிக்கலாம்” எண்டு நம்பிக்கையை குடுத்திட்டுப் போவான் மற்றவன். 

என்னைப் பொறுத்தவரை நல்லூர்க்கந்தன் காதல் கந்தன் . நீளமும் அகலமுமான வீதி, இடது பக்கம் ஆம்பிளைகள் வலது பக்கம் பொம்பிளைகள் எண்டு பாக்கிறதுக்கு சுகமான segregation, திரும்பிப் பாத்து யாரிட்டையும் மாட்டுப்படாம  நேராவே பாக்க வசதியா  சாமியைப் பாத்து நடக்கிற வழமை  , அடிக்கடி சாமியை நிப்பாட்டி வைக்கிற மண்டபப்படி , சாமியே நிண்டு கேக்கிற பத்மநாதனின்டை  நாதஸ்வரம் எண்டு கண்ணோடு கண்ணை நோக்க எல்லா வசதியும் முருகன் செய்து தருவான் . 

ஒரு பிள்ளையப் பாத்து ஒப்பேத்திறது எண்டால் அது கொஞ்சம் பெரிய வேலை . ஆளைப் பாத்து  select பண்ணிறதே கஸ்டம். இண்டைக்குப் பாத்து இதுதான் எண்டு முடிவெடுத்துட்டுப் போக அடுத்த நாள் என்னுமொண்டு நல்லதாத் தெரியும் இல்லாட்டி முதல் நாள் பாத்தது ஏற்கனவே book பண்ணீட்டாங்களாம்  எண்டு ஏக்கங்கள் ஏமாற்றங்களாகும்.  இதை எல்லாம் தாண்டி சரியானதைக் கண்டுபிடிச்சு பிறகு எந்த barrierஆல உள்ள வாறது, எங்க சைக்கிள் விடிறது , எங்க செருப்பு விடிறது, எத்தினை மணிப்பூசைக்கு வாறது, ஆரோட வாறது , உள்வீதி மட்டும் சுத்துமா வெளிவீதியும் சுத்துமா திரும்பிப் போகேக்க எங்க கச்சான் வாங்கிறது , இசைக்கச்சேரி கேட்டிட்டுப் போகுமா கேக்காமப் போகுமா எண்டு நிறைய intelligence report எல்லாம் எடுத்திட்டுத் தான் வேலை தொடங்கிறது. 

முதல்ல கொஞ்சம் கொஞ்சமா பின்னால போய் , அதுகும் அவைக்குத் தெரியாமப் போய், அதுக்குப் பிறகு கொஞ்சம் தெரியிற மாதிரிப் போக வெளிக்கிட , பிள்ளைக்கு தெரியவர முதல் அம்மா கண்டுபிடிச்சு முறைச்சுப் பாக்க பல காதல் மொட்டுக்கள் கண்ணகி அம்மாக்களின் கண் பார்வையிலேயே கருகிப்போகும். அதோட நாங்கள் பாக்கிறதை கண்டுபிடிச்சு எங்களைத் திரும்பிப் பாக்காமல் அம்மாக்களிடம் காட்டிக்கொடுக்கப்பட்டு காணாமல் போன காதல்களும் உண்டு . இதையும் தாண்டி புனிதமாகிறது சில loveவுகள் தான். பின்னால வாறதைக் கண்டு பாத்தும் பாக்கமல் நிக்கிறது தான் முதலாவது சமிக்கை , இதுவே  நம்பிக்கையை ஒளியைத் தரும் . அவளவை ஒரு நாளும் நிமிந்தோ திரும்பியோ பாக்கமாட்டினம் ஆனாலும் நாங்கள் பின்னால வாறது தெரிஞ்சு கச்சான் கடை, செருப்புக் கடையில கொஞ்சம் கூட நேரம் மினக்கிடிறது எங்களுக்காகவே இருக்கும், இது நம்பிக்கையை தும்பிக்கை ஆக்கும். 

முதல்ல அம்மவோட வந்தவை அம்மாவை விட்டிட்டு பக்கத்து வீட்டு அக்காவோட வாறது நல்ல சமிக்கை. ஏற்கனவே எங்களைப்பத்தி சொல்லப்பட்டிருக்கும் அக்காவுக்கு. வாற அக்கா வடிவா ஏற இறங்க எங்களைப் பாத்து குடுக்கிற report ல தான் முடிவு தங்கி இருக்கும். கடைசீல அக்காவும் வெட்டப்பட்டு ஒரு friend ஓட வருவினம் , இப்ப முக்கியம் அந்த friend க்கு நீங்கள் நல்லவராகத் தெரியிறது. அந்தப்பக்கம் அம்மா அக்காவாகி , அக்கா friend ஆகேக்க நாங்களும் அந்த பரிணாம வளரச்சிக்கு ஏத்த மாதிரி பலவாகத் தொடங்கி , அக்காவோட வரேக்க ரெண்டாகி , friend ஓட வரேக்க தனியா இருக்க வேண்டும்  இல்லாட்டி சில “ நல்ல “ நண்பர்களினால் அவளவையின்டை friends reject பண்ணிப் போடுவினம் . 

ஆயிரம் பேர் இருந்தாலும் பாத்தோண்ணயே இது தான் எனக்கு எண்டு பெடியள் முடிவெடுத்திடுவாங்கள் ஆனால் , பெட்டைகள் அப்பிடி இல்லை . முக்கி முக்கி  six pack வைச்சவனையும் , பொக்கற்றுக்க ஆயிரம் ரூபா வைச்சிருந்தவனையும் , வடக்கு வீதீல சாமி வரேக்க மடிச்ச சட்டைக்கையோட நான் medical student இல்லாட்டி கம்பஸ் காரன் எண்டு நிக்கிறவனையும் எல்லாம் பாக்காம, நல்லூர் பக்தனா வெறும் மேலோட வாற single pack காரனுக்கு எப்பிடி  ஓம் எண்டு சொல்லுறாளவை எண்டிறது முருகனுக்குத் தான் வெளிச்சம். 

என்ன தான் தலைகீழா நிண்டாலும் பல காதல் பயணங்கள் சண்டேஸ்வரர் தேங்காயோட சிதறிப் போக , ஆனாலும் கந்தன் கைவிட மாட்டான் எண்டு அடுத்த முறையும் முருகன்டை வாறவை  தான் கன பேர். 

இன்று ஆறாம் நாள் திருவிழா.

Dr.T. கோபிசங்கர்
யாழப்பாணம்

ஆள் கடத்தல்களுக்கு பின் உள்ள... ஈ.பி.டி.பி. யின், கரங்கள்.

1 week 5 days ago

May be an image of 1 person, beard and outdoors

ஆள்  கடத்தல்களுக்கு பின் உள்ள...  ஈ.பி.டி.பி. யின், கரங்கள்.

 

வடக்கு கிழக்கு மாகாணங்களில் பலவந்தமாக காணாமலாக்கப்பட்டோருக்கு நீதியை பெற்று கொடுப்பதாக ஜனாதிபதி திரு ரணில் விக்ரமசிங்கே தெரிவித்து இருக்கின்றார்
 
சாட்சி 1
திருமதி முத்துலிங்கம் கொலஸரிக்கா என்பவர் அளித்த வாக்குமூலத்தில் "எனது மகன் முத்துலிங்கம் மலரவன் அவர்களை 2007ஆம் ஆண்டு மார்ச் 17ஆம் திகதி இரவு 10.30 மணி அளவில் ஈச்சமோட்டை பகுதியில் உள்ள எனது வீட்டுக்குள் துப்பாக்கிகளுடன் நுழைந்த சிவில் உடை தரித்த ஏழு பேர் வலுக்காட்டாயமாக அச்சுறுத்தி இழுத்துச்சென்றனர். அவர்களில் மூன்று பேரை அடுத்த நாள் காலை ஈ.பி.டி.பி அலுவலகத்தில் கண்டேன்" என சொல்லியிருந்தார்
 
சாட்சி 2
திருமதி இராசேந்திரம் துளசிமலர் என்பவர் அளித்த வாக்குமூலத்தில் " 2007.05.12ம் திகதி பிரதேச செயலகத்திற்கு தந்தையுடன் கடவுச்சீட்டு எடுப்பதற்காக சென்றுவிட்டு திரும்பிக் கொண்டிருந்தபோது 252-3286 என்ற இலக்கம் பொறிக்கப்பட்ட வெள்ளை வாகனம் மற்றும் மோட்டார் சைக்கிளில் வந்த படை யினரும், ஈ.பி.டி.பியினரும் வட்டுக்கோட்டை கண்ணகை அம்மன் ஆலயத்திற்கு முன்பாக வைத்து எனது மகனை பிடித்துச் சென்றார்கள்" என உறுதிப்படுத்தி இருந்தார்
 
சாட்சி 3
திரு செல்லையா சுப்பிரமணியம் என்பவர் அளித்த வாக்குமூலத்தில் "ஈ.பி.டி.பி யினர் செய்த சட்டவிரோத மண் அகழ்வு தொடர்பாக கட்டுரை எழுதியதற்காக தனது மகன் ஊடகவியலாளர் சுப்பிரமணியம் இராமச்சந்திரன் அவர்களை 2007ஆம் ஆண்டு பிப்ரவரி 25ஆம் தேதி பருத்தித்துறை கொடிகாமம் சந்தியில் வைத்து இலங்கை ராணுவம் கைது செய்து ஈ.பி.டி.பி யினரிடம் ஒப்படைத்து இருந்த நிலையில் காணமல் போய் விட்டதாக சொல்லி இருந்தார்
 
சாட்சி 4
திருமதி சுந்தராஜ் என்பவர் அளித்த வாக்குமூலத்தில் "மனித உரினம மற்றும் அபிரிவிருத்திக்கான மையத்தில் திட்ட மேலாளராக இருந்த சின்னவன் சுந்தரராஜ் என்பவர் பெண்கள் மற்றும் சிறுவர்களை விபச்சாரத்திற்கு கடத்தும் வலையமைப்பு ஒன்றுடன் ஈ பி டி பி க்கு இருந்த தொடர்பை அம்பலப்படுத்தி இருந்த நிலையில் 2009 ஆம் ஆண்டு மே 7 ஆம் திகதி ஈ.பி.டி.பி யி னாரால் கடத்தப்பட்டதாக சொல்லி இருந்தார்
 
சாட்சி 5
திருமதி வனிதாஸ் ரதிதேவி என்பவர் சாட்சியமளிக்கையில், 2007ம் ஆண்டு 9ம் மாதம் 5ம் திகதி நள்ளிரவு வீட்டிலிருந்த என் கணவன் வனிதாஸ் அவர்களை ஈ பி டி பி யுடன் வந்த படையினர் விசாரணைக்கென பிடித்து சென்றார்கள். இந்த கடத்தல் குழுவில் இருந்த மகேஸ், தீபன் இருவரையும் எங்கள் பகுதிகளில் இடம்பெற்ற சுற்றி வளைப்புக்களில் நாங்கள் பார்த்திருக்கிறோம் என சொல்லி இருந்தார்
 
சாட்சி 6
தந்தை ஒருவர் அளித்த சாட்சியில் 2006.10.25 அன்று மகன் வீட்டில் இருந்து யாழ்ப்பாணத்திற்கு வரும் போது நல்லூர் அரசடி இராணுவ முகாமில் பகுதியில் வைத்து ஈ பி டி பி யுடன் சேர்ந்து படையினர் சோதனை செய்தனர் அதன் போது இருவர் என் மகனை பிடித்துள்ளனர். அதன் பின்னர் சிறிது நேரத்தில் பச்சை நிற பிக்கப்பில் எனது மகனை ஏற்றிக் கொண்டு சென்று விட்டனர் என கதறினார்
 
சாட்சி 7
பெயரை வெளியிட விரும்பாத பெண் ஒருவர் அளித்த வாக்குமூலத்தில் சிவில் உடையணிந்த இராணுவத்தினரும், ஈ.பி.டி.பி ஆட்களும் தன்னுடைய கணவரையும் அவரின் இரு சகோதரர்களையும் யாழ்ப்பாணத்தில் வைத்து கடத்தியதாகவும் அவர்களுக்கு என்ன நேர்ந்தது எனத் தெரியவில்லை என்றும் சொல்லி இருந்தார்
 
சாட்சி 8
திருமதி லோகேஸ்வரன் என்பவர் அளித்த சாட்சியில், வேலணை ஆறாம் வட்டாரத்தை சேர்ந்த சதாசிவம் லோகேஸ்வரன் எனும் தனது மகன் 2012 கார்த்திகை மாதம் 21 ஆம் திகதி நள்ளிரவு ஒரு மணியளவில் வீட்டிற்கு வந்த ஈ.பி.டி.பி யின் சின்னையா சிவராசா ( போல் ) என்பவர அடங்கிய குழுவினாரால் கடத்தப்பட்டதாக சொல்லியிருந்தார்
 
சாட்சி 9
திருமதி குருநாதன் என்பவர் அளித்த வாக்குமூலத்தில் , குருநாதன் கேசவன் எனும் பெயருடைய தனது மகன் நெல்லியடியில் உள்ள கடை ஒன்றிற்கு சென்று வீடு திரும்பும் வழியில்,. 2008 டிசெம்பர் மாதம் இருபதாம் திகதி அன்று இலங்கை இராணுவத்தினரால் கடத்தப்பட்டார் எனவும் பணம் தந்தால் கடத்தப்பட்ட மகனை மீட்டுத் தருவதாக சொன்ன ஈ.பி.டி.பி யின் நெல்லியடி பொறுப்பாளராக இருந்த சுதன் மற்றும் அவரோடு இருந்த வாணி அவர்கள் சொல்வதனை நம்பி ஒரு இலட்சத்து அறுபத்தி ஐயாயியம் ரூபா பணத்தை கொடுத்து ஏமாந்ததாகவும் சொல்லி இருந்தார்
 
சாட்சி 10
திருமதி க.தர்மநாதன் என்பவர் அளித்த வாக்குமூலத்தில் தனது கணவர் தர்மநாதன் 2006ம் ஆண்டு ஆவணி மாதம் 8 ம் திகதி தனது வாகனத்துடன் கடத்தப்பட்டார் என்றும் அவருடய வாகனம் வடமராட்சி கிழக்கு பகுதியில் ஈ.பி.டி.பி யினர் தங்கி இருந்த மணற்காடு படைமுகாம் பகுதியில் கடத்தப்பட்ட அன்று காணப்படட்டதாகவும் பின்னர் தனது கணவருடைய வாகனம் மண்டான் படைமுகாமில் படையினரால் பயன்படுத்தப்பட்டு வந்ததாகவும் சொல்லி இருந்தார்
 
மேற்குறிப்பிட்ட சம்பவங்கள் போன்ற நூற்றுக்கணக்கான கொடூரன்களுடன் தொடர்புடைய சாட்சிகள் தெளிவான ஆதாரங்களுடன் முன்னாள் ஜனாதிபதி மஹிந்த ராஜபக்சே நியமித்த காணாமலாக்கப்பட்டோர் தொடர்பான ஜனாதிபதி ஆணைக்குழுவில் பாதிக்கப்பட்ட அப்பாவி மக்களால் முன்வைக்கப்பட்டு இருக்கின்றது
 
ஆனால் இந்த சம்பவங்களுடன் தொடர்புடைய எவரும் இன்றுவரை விசாரணைக்கு உட்படவில்லை . மாறாக ஒட்டுக்குழுவை சேர்ந்த டக்ளஸ் தேவானந்தா ரணில் விக்ரமசிங்கே அமைச்சரவையில் அமைச்சராக இருக்கின்றார்
குறித்த காலத்தில் இலங்கை இராணுவத்தின் 53 ஆவது படைப் பிரிவின் தளபதியாக இருந்த மேஜர் ஜெனரல் கமால் குணரத்ன அவர்கள் பாதுகாப்பது அமைச்சின் செயலாளராக இருக்கின்றார்
 
அதே போல யாழ்ப்பாண மாவட்ட தளபதியாக கடமையாற்றிய மேஜர் ஜெனரல் ஜி.ஏ.சந்திரசிறி அவர்கள் விமான சேவைகள் நிறுவன தலைவராக இருக்கின்றார். சம காலத்தில் இலங்கை இராணுவ தளபதியாக இருந்த சரத் பொன்சேகா திரு ரணில் விக்ரமசிங்கே அவர்களுக்கு நெருக்கமான பாராளமன்ற உறுப்பினராக இருக்கின்றார்
 
ஜெனரல் சவேந்திர சில்வா முப்படைகளின் தளபதியாக இருக்கின்றார். அதே போல தமிழ் ஒட்டுக்குழுக்களை இயக்கிய இராணுவ புலனாய்வு அதிகாரியான மேஜர் ஜெனரல் சுரேஷ் சாலி தேசிய புலனாய்வு நிறுவன பணிப்பாளராக நீடிக்கின்றார் . அதே போல இராணுவ புலனாய்வு பிரிவின் தலைவராக இருந்த சேர்ந்த மேஜர் ஜெனரல் கபில ஹெந்தாவிதாரண அவர்கள் அரச சலுகைகளுடன் ஓய்வு பெற்று இருக்கின்றார்
 
இந்நிலையில் கொடூர குற்றாவளிகளை தனது அதிகார வலயத்தில் வைத்து கொண்டு பாதிக்கப்பட்ட மக்களுக்கு நீதி பெற்று கொடுப்பேன் என திரு ரணில் விக்ரமசிங்கே உறுதி அளிப்பதை எப்படி நம்ப முடியும் ?
 

அரசியல் கைதிகள் விடுதலை என்ற கோஷத்தில் தமிழ் கைதிகளுக்கு முதலிடம் இருக்க வேண்டும்

2 weeks 2 days ago

 

போராட்ட (அரகல) குழுவினர் நடத்திய கலந்துரையாடலில் கலந்து உரையாற்றிய போது...
அரசியல் கைதிகள் விடுதலை என்ற கோஷத்தில் தமிழ் கைதிகளுக்கு முதலிடம் இருக்க வேண்டும்
– காலிமுக போராட்டக்காரர்கள் கூட்டத்தில் மனோ கணேசன்
காலிமுக போராட்டக்காரர்கள் என்ற முறையில் சில கோரிக்கைகளை முன் வைத்துள்ளீர்கள். ஆட்கடத்தல், முறைதவறிய கைது, அவசரகால சட்டம், பயங்கரவாத தடை சட்டம், அரசியல் கைதிகள் விடுதலை, மனித உரிமை பேணல், மக்களுக்கு நிவாரணம் ஆகியவற்றை நாம் ஏற்கிறோம்.
இவை எங்களதும் நீண்டகால கோரிக்கைகள்தான். பயங்கரவாத தடை சட்டத்தை நீக்கி அரசியல் கைதிகளை விடுவிப்பதில் 10, 15, 20 வருடங்களாக சிறையில் இருந்து, தம் வாழ்வையே இழந்து நிற்கும் தமிழ் அரசியல் கைதிகள் முதலிடம் பெறவேண்டும் என்பதை உறுதி செய்யுங்கள்.
இல்லாவிட்டால் எமது கட்சி உங்களுடன் ஒத்துழைக்க முடியாது என தமிழ் முற்போக்கு கூட்டணி தலைவர் மனோ கணேசன் எம்பி, காலிமுக போராட்டக்கார இயக்கத்தினர் கொழும்பு பொது நூலக கேட்போர் கூடத்தில் இன்று சனிக்கிழமை முற்பகல் நடத்திய கலந்துரையாடலில் அழைப்பின் பேரில் கலந்துக்கொண்ட போது, கூறினார்.
 
296690970_10216947417276826_581293680765
 
 
296188488_10216947418676861_840326010552
 
 
295791741_10216947418756863_435286384227
 
 
 

தற்போது அறிமுகம் செய்யபட்டு உள்ள fuel pass system பற்றிய முக்கியமாக உங்களுக்கு தெரிந்து இருக்க வேண்டியவை

3 weeks 6 days ago
தற்போது அறிமுகம் செய்யபட்டு உள்ள fuel pass system பற்றிய முக்கியமாக உங்களுக்கு தெரிந்து இருக்க வேண்டியவை
 
தற்போது அறிமுகம் செய்யபட்டு உள்ள fuel pass system பற்றிய முக்கியமாக உங்களுக்கு தெரிந்து இருக்க முக்கியமான விடயங்களை இதில் குறிப்பிட்டுள்ளேன்.
உங்களிடம் ஸ்மார்ட் போன் இல்லை எனின் இன்னும் ஒருவரின் ஸ்மார்ட்போனில் உங்கள் பதிவை மேற்கொள்ளுங்கள். அந்த QR code ஐ டவுன்லோட் செய்து தாளில் print எடுக்கவும்..அதனை பாஸ் ஆக பயன்படுத்த முடியும்..
1. அனைத்து தனிப்பட்ட வாகனங்களுக்கும் ஒவ்வொரு கிழமையும் உறுதிப்படுத்தப்பட்ட பெட்ரோல் அளவு வழங்கப்படும் என தெரிவிக்கப்படுகிறது..
2. இந்த நடைமுறை Ceypetco மற்றும் IOC ஆகிய எல்லா பெட்ரோல் நிலையங்களிலும் செல்லுபடியாகும்..
3. உங்கள் வாகன இலக்கத்தின் இறுதி இலக்கங்களின் அடிப்படையில் பெட்ரோல் பெற்றுக் கொள்வதற்கான தினங்கள் தீர்மானிக்கப்பட்டுள்ளது.
⭕️ இறுதி இலக்கம் 0,1,2 – திங்கள் மற்றும் வியாழன்
⭕️ இறுதி இலக்கம் 3,4,5 – செவ்வாய் மற்றும் வெள்ளி
⭕️ இறுதி இலக்கம் 6,7,8,9 – புதன்,சனி,ஞாயிறு
4. பதிவு செய்து கொண்டவர்கள் அனைவருக்கும் உங்களுக்கான பெட்ரோல் quota தயார்படுத்தப்பட்டதும் உங்களுக்கு அறிவிக்கப்படும்..
5. உங்கள் மொபைல் இலக்கத்துக்கு பெட்ரோல் தயாரானதும் குறுஞ்செய்தி அனுப்பப்படும்..
6.Ceypetco நிலையங்கள் இந்த ஆன்லைன் fuel pass system நடைமுறைக்கு வந்த பின்னரே பெட்ரோலை வழங்கும்.. அதுவரை யாரும் வரிசையில் நிற்க வேண்டாம் என அரசாங்கம் கோரிக்கை விடுத்துள்ளது.
7. அது வரையிலும் IOC பெட்ரோல் நிலையங்களில் வழமையான முறையில் உங்களால் பெட்ரோலை பெற்றுக் கொள்ள முடியும்.
8.ஒரு NIC அட்டை இலக்கம் அல்லது கடவுச்சீட்டு இலக்கம் அல்லது வியாபார பதிவு இலக்கத்தின் கீழ் ஒரு fuel pass மட்டுமே பெற்று கொள்ளலாம்..(அதாவது ஒருவர் ஒரு வாகனத்தை மட்டுமே தனக்கு கீழ் பதிவு செய்து கொள்ள முடியும்)
🛑உதாரணம் ஆக உங்கள் வீட்டில் மூன்று வாகனங்கள் இருந்தால் வீட்டில் உள்ள ஒருவரின் கீழ் மூன்று வாகனங்களையும் பதிவு செய்ய முடியாது.. வீட்டில் உள்ள மூன்று உறுப்பினர்களுக்கு கீழ் தனி தனியே பதிவு செய்ய முடியும்..
Note – இதுவரை நீங்கள் பதிவு செய்யவில்லை எனின் கீழ் உள்ள இனைப்பை கிளிக் செய்து பதிவு செய்யவும்..
Fuelpass . gov .lk
நன்றி
மேலதிக தகவல்
How do I check my quota balance?
Type Fuel Bal <vehicle no> and send it to 766220000 (eg: FUEL BAL 12-2343)
How do I retrieve my QR Code?
Type Fuel QR <vehicle no> and send it to 766220000 (eg: FUEL QR CAF-2245)
 

வாய்மொழிக் கதைகள்

4 weeks 1 day ago
வாய்மொழிக் கதைகள்
 

வாய்மொழிக் கதைகள் நீக்கமற நிறைந்திருந்த காலமென்பது உண்டு. சற்றேறக்குறைய 1990கள் வரையிலும் அவை இருந்தன. காரைவாசல், கோவில் மேடைகள், மரத்தடிகள், குளத்தேரிகள், கிணத்துமேடுகள் முதலான இடங்களிலும், ஆடு மாடு மேய்க்கும் போதான தரிசு நிலங்களிலும் வாய்மொழிக்கதைகள் புழங்குவதும் உயிர்ப்பதுமாக இருந்தன.

வயது ஐம்பதைக் கடந்தோர் தன் அனுபவங்களைச் சாதனைகளாக வெளிப்படுத்துவதாகவும் அவை இருந்தன. இளையோருக்கு அவை சுவாரசியம் ஊட்டக் கூடியதாகவும் கேளிக்கையாகவும் இருக்கும். வின் - வின் என்பதான அடிப்படையில் இருதரப்புக்குமே இலாபம்.

நிறையப் பேருக்குத் தாம் பேச வேண்டும். மற்றவர் கேட்க வேண்டுமென்கின்ற ஆவல் உண்டு. அது மனித இயல்பு. அவ்வாறான வேட்கையைத் தணிப்பவையாக இருந்தன வாய்மொழிக் கதைகள்.

ஊரில் சித்தப்பா ஒருவர் இருக்கின்றார். பேசித் தீர்க்க வேண்டுமென்கின்ற தணியாத ஆசை உள்ளவர். பேசுங்களெனச் சொல்லி உட்கார்ந்து விட்டேன். ஓரிரு நாட்கள் கழித்துக் கிளம்பும் வேளை வந்து விட்டது. மீண்டும் எப்போது வருவாய்? அடுத்த வாரம் வர முடியுமா என்கின்றார் குழந்தையைப் போலே! எதொ அமெரிக்கா என்பது ஆட்டையாம்பாளையத்துக்கு அருகில் இருப்பதைப் போலே!!

நண்பர் அலெக்ஸ் இருக்கும் வரையிலும் மாதமொருமுறையாவது ஃபோன் செய்து விடுவேன். அவர்பாட்டுக்குப் பேசிக் கொண்டிருப்பார். ஸ்பீக்கர் ஃபோனில் போட்டுவிட்டு மற்ற மற்ற வேலைகள் கூடச் செய்து கொண்டிருப்பேன். அடிக்கடி அழையுங்கள் என்பார்.

அம்மாவிடம் ஊரைப் பற்றியும் ஊர் மக்களைப் பற்றியும் பேசிக்கொண்டிருந்தேன். இடைக்கிடையே பேசிக் கொண்டிருப்பதினின்று கிளைத்து மற்றொரு விசியத்துக்கு மாறிவிடுவார். சிலமுறை வெட்டி, பேசுபொருளுக்குள் இழுத்து வருவேன். சிலமுறை போக்கில் விட்டுவிடுவதும் உண்டு. அப்படி விட்டுவிட்டால்தாம் அவர்களுக்கான மனநிறைவு கிட்டும்.

எதிர்பாராத விதமாக அந்தப் பெண்மணியைச் சந்தித்தேன். நான் பாலகனாக இருந்த போது எப்படியெல்லாம் குறும்புகள் செய்தேன், என் பெற்றோர் எப்படியெல்லாம் கஷ்டப்பட்டார்களென்றெல்லாம் என்னென்னவோ சொல்லிக் கொண்டிருந்தார். கடைசியில் என் முகவாய்க்கட்டையைத் தொட்டுத் தடவினார்.

கவனிப்பாரற்ற மக்களுக்கானவை வாய்மொழிக் கதைகள். அப்படியான ஒரு கதையைக் கேட்கின்றோமென்றால், சொல்பவரின் வாழ்வின் பயனை நீட்டிக்கின்றோமென்பதே பொருள்.

http://maniyinpakkam.blogspot.com/2022/07/blog-post_17.html

அமெரிக்க ஜனாதிபதிகள்... ஆப்ரகாம் லிங்கன், ஜான் கென்னடி வாழ்வில், நிகழ்ந்த ஒற்றுமை.

1 month ago

May be an image of 2 people

அமெரிக்க ஜனாதிபதிகள்... ஆப்ரகாம் லிங்கன், ஜான் கென்னடி வாழ்வில், நிகழ்ந்த ஒற்றுமை.
 
1. ஆப்ரகாம் லிங்கன் 1860 ஆம் ஆண்டும், ஜான் கென்னடி 1960 ஆம் ஆண்டும் அமெரிக்க ஜானாதிபதியானார்கள். சரியாக நூறு வருட இடைவெளி.
 
2. இருவரும் வெள்ளிக்கிழமை அன்று, தத்தம் மனைவிகளின் அருகில் இருக்கும் போது சுட்டுக் கொல்லப்பட்டார்கள்.
 
3. இருவர் மனைவிகளும் வெள்ளை மாளிகையில் வாழும் போது பிள்ளை பெற்றனர். பிறந்தவுடன் குழந்தை இறந்தும் போனது.
 
4. இருவரும் தலையின் பின்பகுதியில் குண்டு துளைத்துச் செத்தார்கள்.
 
5. இருவரும் இறந்த பின் ஜான்சன் என்ற பெயருள்ளவர்கள் உடனே ஜனாதிபதியாகப் பதவி ஏற்றார்கள். (ஆண்ட்ரூ ஜான்சன், லிண்டன் ஜான்சன்)
 
6. ஆண்ட்ரூ ஜான்சன் பிறந்தது 1808. லிண்டன் ஜான்சன் பிறந்தது 1908. சரியாக அதே நூறு வருட இடைவெளி.
 
7. இருவரையும் கொன்றவர்கள் பிறந்த வருடங்கள் கூட நூறு வருட இடைவெளிகள். ஜான் வில்க்ஸ் பூத் பிறந்தது 1839. லீ ஹார்வி ஆஸ்வால்டு 1939.
 
8. இரு கொலைகாரர்களும் பிடிபட்டு வழக்குத் தொடுப்பதற்கு முன் சுட்டுக் கொல்லப்பட்டார்கள்.
 
9. பூத் லிங்கனை ஒரு தியேட்டரில் கொன்று விட்டு ஒரு கிடங்குக்கு ஓடினான். ஆஸ்வால்டு ஒரு கிடங்கிலிருந்து கொன்று விட்டு தியேட்டர் நோக்கி ஓடினான்.
 
10. லிங்கனின் செயலாளரின் முன் பெயர் ஜான். ஜான் கென்னடியின் செயலாளரின் பின் பெயர் லிங்கன்.
 
- நன்றி: மாலைமலர். -

தாக்குதல் முயற்சி ஒன்று நேற்று தோற்றது.

1 month ago

தாக்குதல் முயற்சி ஒன்று நேற்று தோற்றது.

கோட்டா கம போராளிகளை தாக்கப் போவதாக நேற்றைய தினம் சில வட்சப் பகிர்வுகள் பரவின.

அப்படி ஒன்றும் இல்லை என்றாலும் , சூம் வழி இப்படியான தாக்குதல் ஒன்றுக்கு கப்பலில் இருந்து கொண்டு ராஜபக்ச தரப்பு பாதுகாப்பு தரப்போடு கலந்துரையாடியுள்ளது.

அதேநேரம் இந்த தகவலை பாதுகாப்பு தரப்பு ஆர்ப்பாட்டக்காரர்களுக்கு கடத்தியுள்ளது. உடனடியாக வேகமாக செயல்பட்ட மனித உரிமை மற்றும் பல முக்கிய தரப்புகள் சம்பந்தப்பட்டவர்களை தொடர்பு கொண்டுள்ளன.

இதில் இராணுதரப்பு கடைசிவரை இந்த சதிகார செயலை செய்ய மறுத்துள்ளது. அதேபோல ஒவ்வொருவராக பேசி இது வேறு பிரச்சனைகளை தோற்றுவிக்கும்  என மறுப்பு தெரிவித்திருக்கிறார்கள்.

இதில் ஒரு தரப்பு சொன்ன விடயம் அனைவரையும் சிந்திக்க வைத்துள்ளது. எங்களை செய்ய வைத்து விட்டு நீங்கள் ஓடிவிடுவீர்கள். நாங்கள்தான் பலிக்கடாவாக வேண்டும். அதோடு வெளிநாட்டுகளுக்கு போக வீசா கூட கிடைக்காது. மனித உரிமை பிரச்சனை மட்டுமல்ல , குடும்பங்களுக்கும் ஊரில் இருக்க கிடைக்காது என போட்ட போட்டோடு எல்லோரும் கப்சிப்பாகி நோ சொல்லியுள்ளனர்.

அதன்பின்தான்  கோட்டா கம வளாகத்தை நோக்கி படையினர் நகர்வது போல சமூக ஊடகங்களில் வெளியாகும் செய்திகளை பாதுகாப்பு அமைச்சு கடுமையாக மறுத்துள்ளது என ஒரு செய்தி வெளியானது.

ஆனாலும் ஆர்ப்பாட்டக்காரர்கள் மிக விழிப்பாக இருந்தனர். மக்கள் குறையும் தருணம் பார்த்து தாக்குவதே வியூகம். ஆனால் மக்கள் பார்வைக்கு திறந்து விட்டுள்ள ஜனாதிபதி மற்றும் அலரி மாளிகையில் மக்கள் நிறைந்தே இருக்கும் போது இது சாத்தியமில்லை. எனவே மக்களை தொடர்ந்து வருமாறும் , வந்து தங்குமாறும் அழைப்பு விடுத்தனர். அநேக மக்கள் அங்கேயே தங்கிவிட்டனர். பெற்ற வெற்றியை இழக்க மக்கள் தயாராக இல்லை.

இப்படியான வழி முறையால் , சென்ற முறை மகிந்த வந்தது போல திரும்ப வரலாம் என நினைத்திருக்கலாம். அதன்பின்னரே நாட்டை விட்டு வெளியேற முடிவு செய்துள்ளனர். சிலர் நீலிக் கண்ணீர் வடித்தாலும் பதவிக்காக வடிப்பதாக எண்ண வேண்டியுள்ளது.

இராணுவ முகாமில் இருப்பதாக கதை பரப்பி விட்டு கடந்த 9ம் திகதி 10 - 12 மணிவரை கோட்டா , ஜனாதிபதி மாளிகையில்தான் இருந்துள்ளார். ஜனாதிபதி மாளிகைக்குள் யாரும் வர மாட்டார்கள் என அனைவரும் நினைத்துள்ளார்கள். கடைசியில் கோட்டா , கடற்படையினரோடுதான் தப்பி ஓடியுள்ளார். அவர் இராணுவத்தில் நம்பிக்கை இல்லாதவராக இருந்துள்ளார். அதன்பின்னே அவசர அவசரமாக கப்பலில் சிலரால் கொண்டு வந்து ஏற்றப்பட்டுள்ளது. 

இந்த உபத்திரங்கள் போய் மக்கள் நிம்மதியாக வாழ கிடைத்தால் , பெற்றோல் - டீசலை விட மக்கள் மகிழ்வார்கள். அதைத்தான் ஜனாதிபதி மாளகைக்கு வந்து செல்லும் மக்களிடம் காண முடிகிறது.

தலைவர்களில்லா மக்கள் புரட்சி , உலகம் இதுவரை காணத ஒன்றுதான்.

- ஜீவன்

https://www.facebook.com/823993901/posts/pfbid02NtDaQpXJEGb44L4rrS2PeYB6khUHUkkoYEiXQDvvBSNYiqGykATXW7P83B76mt84l/?d=n

கோட்டா கட்டுநாயக்க முகாமில் முடக்கப்பட்டார்..! ராஜபக்சவினரை ஏற்றிச் செல்ல  விமானிகள் மறுப்பு.

1 month ago

கோட்டா கட்டுநாயக்க முகாமில் முடக்கப்பட்டார்..! ராஜபக்சவினரை ஏற்றிச் செல்ல  விமானிகள் மறுப்பு.

ஜனாதிபதி கோட்டாபய இன்று (11)  விமானப்படையின் AN 32 பயணிகள் போக்குவரத்து விமானத்தில் இலங்கையிலிருந்து புறப்படுவதற்கு எல்லாம் தயாராகிவிட்டிருந்த நிலையில் இருந்த போதும் , அவரால் நாட்டை விட்டு வெளியேற முடியவில்லை.

இன்று காலை, திருகோணமலை கடற்படைத் தளத்திலிருந்து புறப்பட்டு இரத்மலானை விமானப்படைத் தளத்திற்குச் சென்று,  அங்கு சிறிது நேரம் தங்கியிருந்து மீண்டும் கட்டுநாயக்க விமானப்படைத் தளத்திற்கு விமானப்படைக்குச் சொந்தமான பெல் 412 மற்றும் பெல் 212 ஆகிய இரண்டு ஹெலிகொப்டர்களில் கட்டுநாயக்கவில் தரையிறக்கிய பின் ,  சில காரணங்களால் திட்டமிடப்பட்ட விமானப்படையின் ஏஎன் 32 விமானம் இல்லாமல் , இலங்கை விமானம் யூஎல் 220 இல் நாட்டை விட்டு வெளியேற கோட்டாபய மற்றும் அவரது குழுவினர் தயாராகினர். 

ஆனால் அந்த விமானங்களை செலுத்தும் சிவில் விமானிகள்  ராஜபக்ச குடும்பத்தில் எவரையும் ஏற்றிச் செல்ல மறுத்துவிட்டதாக தகவல் கசிந்துள்ளது.

அதனால்தான் சபாநாயகர் திக்கி திக்கி பேசுகிறார்.

நன்றி jeevan pradad 

https://www.facebook.com/823993901/posts/pfbid03wZkJSRp6rmHwCGHvQNYidmG9XvjWArmErVeYUgCd6G7WszTRuvUWAXcQjNzV5Bxl/?d=n

பிள்ளைகள் அனைவரையும் திருமணம் முடித்துக் கொடுத்த பணியிலிருந்து ஓய்வு பெற்ற மூத்த குடிமக்கள் கீழ்கண்ட பத்து கட்டளைகள்

1 month 1 week ago
 
 
*பிள்ளைகள் அனைவரையும் திருமணம் முடித்துக் கொடுத்த பணியிலிருந்து ஓய்வு பெற்ற மூத்த குடிமக்கள் கீழ்கண்ட பத்து கட்டளைகளை பின்பற்றினால் வாழ்வின் கடைசி பக்கங்கள் மிகவும் சுவாரசியமாகவும் இனிமையாகவும் இருக்கும்*
 
1- எந்த நிலையிலும் உங்கள் வாழ்வின் கடைசி பகுதியில் உங்க பிள்ளைகளுடன் சேர்ந்து வாழ நினைக்காதீர்கள். (உங்கள் சுதந்திரம் அனைத்தும் பறிபோகும்)
2- உங்க பேரக்குழந்தைகளின் மேல் உங்களுக்கு எவ்வித உரிமையும் இல்லை என்பதை மறக்கவேண்டாம். குழந்தை வளர்ப்பில் மகனுக்கோ மகளுக்கோ எவ்வித அறிவுரையும் சொல்லாதீர்கள்.
உங்கள் அறிவுரை மற்றும் அனுபவங்களை அவர்கள் மதிக்க மாட்டார்கள். (மதிக்கத்தெரியாது)
3- விலகியே இருங்கள் உறவுகள் இனிமையா இருக்கும். என் பிள்ளை என்பிள்ளை என பதறாதீர்கள். சிறகு முளைத்த பறவைகள் அவர்கள் என்பதை நினைத்து அமைதியா இருங்கள்.
4- *பொருள் இல்லார்க்கு இவ்வுலகம் இல்லை . கையில் பணம் இல்லாவிட்டால் உங்கள் பிள்ளைகள் வீட்டில் வளர்க்கப்படும் நாய்க்கு இருக்கும் மதிப்பும் மரியாதையும், உரிமையும் உங்களுக்கு நிச்சயம் இருக்காது. சேமிப்பு மற்றும் உங்கள் சுய சம்பாத்ய சொத்துக்களை உயிருடன் இருக்கும் வரை யாருக்கும் பகிரவேண்டாம். முழுவதும் பகிர்ந்தால் நீங்கள் நிற்க வேண்டியது நடுத்தெருவில்தான்.*
5 - காலம் முழுதும் அவர்கள் உயர்வுக்காக பாடுபட்டு பல இழப்புகளை சந்தித்து இருப்பீர்கள் அவற்றை சொல்லி காட்டவேண்டாம் உங்கள் கடமையை செய்தீர்கள் அவ்வளவே.
6 -கூட்டு குடும்ப வாழ்வு சிதைந்துபோன தலைமுறையில் வாழ்கிறோம் என்பதை மறவாதீர்கள் தேவைபட்டால் வருடம் ஒருமுறை சென்று பேரன் பேத்திகளுடன் சந்தோஷமா இருந்து வாருங்க .அங்கே அதிகம் தங்க வேண்டாம்.
7- எந்த நேரத்திலும் உங்கள் மருமகள் முன் உங்கள் மனைவியை - கணவனை விட்டுக்கொடுத்து பேசாதீர்கள் உங்கள் இருவரில் ஒருவரை யார் குறைத்து பேசினாலும் எதிர்குரல் கொடுங்க. பிள்ளைகள் வீட்டிற்கு சென்றால், கூடவே உங்களுக்குத் தேவையான மருந்து மாத்திரை, எண்ணெய், பவுடர், சீப்பு, சோப், போன்றவற்றை எடுத்து செல்லுங்கள்.
8- அவர்களின் ஆடம்பர வாழ்வை விமர்சிக்கவேண்டாம். சேமிப்பின் அவசியம் பற்றி சொல்லி அவமானபடவேண்டாம்.
அவர்கள் வாழ்வது உங்க வாழ்க்கை போல் போராட்ட வாழ்க்கை இல்லை நவீன கார்போரேட் வாழ்க்கை நீங்கள் 1000 ரூ பெரிதாக நினைத்தவர்கள் அவர்கள் லட்சங்களை புரட்டி பார்ப்பவர்கள் எனவே சூரியனுக்கு டார்ச் அடிக்காதீர்கள்.
9- அதிக பாசம் ஆசை வைத்தால் அது மோசம். அவர்கள் குழந்தையை அவர்கள் கவனித்துக் கொள்வார்கள் உங்க அறிவுரைகளை தவிருங்கள்.
10-உங்களை விட அறிவிலும் திறமை யிலும் அவர்கள் சிறந்தவர்கள் என்பதை ஏற்று கொள்ளுங்கள். அல்லது நீங்கள் முட்டாள்களாகவே நடியுங்கள். அப்பொழுதுதான் பிழைப்பீர்கள்.
*அதிக அறிவுரைகள் இக்கால சந்ததியினருக்கு அறவே பிடிக்காது*. நீங்கள நன்கு படித்திருந்தாலும் நல்ல பதவியிலிருந்து ஓய்வு பெற்றிருந்தாலும் அவர்கள் முன் தற்குரிகளே. தலையாட்டும் பொம்மைகளே.
May be an image of 1 person and indoor
 
 

பாலைப்பழம் தேடி போன கதை | Paalai pazham picking in forest | பொறியில மாட்டின புள்ளி மான்

1 month 1 week ago

2021ஆம் ஆண்டு மன்னார் காட்டுக்குள்ள பாலைப்பழம் தேடி போன கதையின பாப்பம் வாங்க. இது 2 தரம் நான் போன அனுபவங்களை சேர்த்த ஒரு காணொளியா இருக்கும் நீங்களும் பாருங்க பாத்து எப்பிடி இருந்த எண்டு சொல்லுங்க. 

 

 

யாழ். மத்திய கல்லூரி, நீச்சல் தடாகத்தின் இன்றைய நிலை.

1 month 1 week ago

May be an image of body of water and tree

யாழ்ப்பாணம் மத்திய கல்லூரி நீச்சல் தடாகம் 
பராமரிப்புகள் இன்றி பாசிகள் படர்ந்து பாழடையும் நிலையில்!

சுமார் 2 கோடி ரூபாய் செலவில் கட்டப்பட்ட நீச்சல் தடாகத்தை 
அப்போதைய ஜனாதிபதி மஹிந்த ராஜபக்சேவினால் 
கடந்த 2012ஆம் ஆண்டு திறந்து வைக்கப்பட்டது.

அதனை தொடர்ந்து, சில மாத காலம் மாணவர்களுக்கான 
இலவச நீச்சல் பயிற்சி முகாம்கள் நடத்தப்பட்டன. 
பின்னர் நீச்சல் தடாகம் பராமரிப்புக்கள் இன்றி கைவிடப்பட்டுள்ளன. 
ஆடைகள் மாற்றும் அறைகள் உடைந்த நிலையில் காணப்படுகின்றன.

யாழ்ப்பாணம்.com

 

வீடுகளில்... எரிபொருளை, சேமித்து வைப்பவர்கள் கவனத்திற்கு!

1 month 2 weeks ago

289857819_8073322492679592_6778598848196225016_n.jpg?_nc_cat=110&ccb=1-7&_nc_sid=8bfeb9&_nc_ohc=QGU4iGOk__EAX-Fxy7F&_nc_ht=scontent-frx5-1.xx&oh=00_AT9EVdZS8XEqN9S0fTLHPCpEmxMvj0YDQ06nBHv2_iH1lw&oe=62C231B4  290209269_8073322539346254_3710073873446660864_n.jpg?_nc_cat=105&ccb=1-7&_nc_sid=8bfeb9&_nc_ohc=1PgjIeffmG8AX8xZsI8&_nc_ht=scontent-frx5-1.xx&oh=00_AT-A3ufWWBeZly5qlrsO6wO7mraS6ah45-V0bZKYDuyInw&oe=62C3684A

290134608_8073324079346100_7637874539865483122_n.jpg?stp=dst-jpg_p600x600&_nc_cat=102&ccb=1-7&_nc_sid=8bfeb9&_nc_ohc=1TV83w2raOIAX8FjebK&_nc_ht=scontent-frt3-1.xx&oh=00_AT8ttmQM07NGqDoKGCcyttGQFKglgjj8uO9LYFKwIpBmSg&oe=62C1DDCF290950646_8073322802679561_5593212711355087498_n.jpg?_nc_cat=103&ccb=1-7&_nc_sid=8bfeb9&_nc_ohc=HWZ8C_NzPtEAX_8kaSx&_nc_ht=scontent-frt3-2.xx&oh=00_AT9g9dnATmGIVAY1SO-hv6jDvY_bozDy0oGxbrvQGS5nfA&oe=62C27E8C  

வீடுகளில்... எரிபொருளை, சேமித்து வைப்பவர்கள் கவனத்திற்கு!

பொதுவாக பெற்றோலிய எரிபொருட்கள் ஆவிப் பறப்புடையன.
விசேடமாக... பெற்றோல் சாதாரண  அறை வெப்பநிலையில், 
(25-27°C) ஆவியாகும் தன்மை கொண்டது. ஆனால் தற்போது வீதி 
வெப்பநிலை (Road Temperature) 42°C ஆகக் காணப்படும் வரட்சியான காலமாகும்.

இந்தக் காலத்தில் பிளாஸ்ரிக் பொருட்களில்... பெற்றோலை சேமிக்கும் போது 
பெற்றோல் ஆவியாகும் தன்மை அதிகமாக காணப்படும். 

மேலும் பிளாஸ்ரிக் பொருட்களும் பெற்றோலிய கழிவுகளில் இருந்து தயாரிக்கப்படுவதால் 
போத்தலினூடாக கசிந்து ஆவியாகலாம். இதற்காகவே மேலை நாடுகளில் 
பெற்றோலை சேமிக்க என விசேடமாக கொள்கலன்கள் சந்தையில் உள்ளன. 
அதற்காகவே அவற்றிற்கு விசேட சிவப்பு நிறப் பூச்சுக்களையும் பூசி இருப்பார்கள்.

சரி அப்படி ஆவியாகினால் என்ன நடைபெறும்?
மூடிய அறைகளில் பெற்றோலை சேமித்து வைக்கும் போது.. ஆவியாகும் பெற்றோல் 
வாயு நிலையில் அறையில் முற்றாகக் காணப் படும். 
இது திரவ பெற்றோலியம் Liquid Petrol Gas (LPG) ஒத்தது. இலகுவில் தீப்பற்றக் கூடியது. 
இந்தநிலையில் ஒரு தீப் பொறி போதும் வீடு தீப்பற்ற. 
நீங்கள் மின்சார ஸ்விச்சை போட்டால் கூட அதிலிருந்து வெளிப்படும் 
அந்த சிறிய தீப்பொறி போதும்.

எனவே தேவைகளுக்காக பெற்றோலை சேமித்து வைப்பதை தவிருங்கள். 
அதையும் தாண்டி சேமித்து வைக்க வேண்டிய தேவை காணப்படின் 
கண்ணாடிப் போத்தல்களில் சேமித்து நன்கு குளிரான இடங்களில் வையுங்கள்.
பெற்றோலியப் பெருட்கள் தீப்பற்ற கூடியன அவதானமாக இருங்கள்.

Somasuriyam Thirumaran

உபத்திரவ நாய்:  மரநாய்.

1 month 2 weeks ago

உபத்திரவ நாய்:  மரநாய்.

காட்டு நாய் பார்த்திருப்பீர்கள். இது மரநாய். Weasels

File:Mustela nivalis -British Wildlife Centre-4.jpg

மிக மோசமான ஒரு உபத்திரவ விலங்கு. மிகவும் துணிச்சல் மிக்கது. தன்னிலும் பார்க்க மிகவும் பெரிய விலங்குகளையே உண்டு, இல்லை என்று பண்ணி விடும். சாப்பிட முடியுமோ இல்லையோ, கொல்ல முடியுமோ இல்லையோ, அரியண்டம் கொடுப்பதில் கில்லாடி.

கோழிக்கூட்டினுள் புகுந்து, முட்டையினை அலேக்காக தூக்கிக் கொண்டு ஓடுகிறது. பாம்பினை கூட பொறுத்த இடத்தில் பிடித்து, அலற வைக்கிறது. பெரும்பாலும், கழுத்தை குறி வைத்து கவ்விக் கொள்வதால், பாதிக்கப்படும் விலங்குகள், ஒன்றுமே செய்ய முடியாமல், தடுமாறி, அங்கும் இங்கும் ஓடும். உருளும், புரளும். 😯

இந்த வீடியோவில், தாய் பறவை இல்லாத நேரத்தில், ஒரு மரப்பொந்தினுள் புகுந்து, குஞ்சுகளை தூக்கி வெளியே வீசுகிறது. ஏன் அவ்வாறு செய்கிறது என்று அதுக்கே தெரியாது.

எலியின் வாலை பிடித்து இழுக்கிறது. தண்ணீரில் பாய்ந்து, நண்டை பிடித்துக்கொண்டோடுகிறது.

அதிலும் பார்க்க, பெரிய முயல்களை பாடாக படுத்துகிறது, சுண்டெலிக்கு விளையாட்டு, பூனைக்கு சீவன் போகுது கதை. 🤭

ஒரு மரங்கொத்திப் பறவையியினை கொலை செய்ய அதன் கழுத்து நோக்கி பாய, அது முதுகில் சுமந்தவாறே பறந்தோட, அதனை ஒருவர் கிளிக் செய்ய, அது சிறந்த புகைப்படமாகி, உலகளாவிய ரீதியில் viral ஆகியது.

மரங்கொத்திப் பறவையின் கண் சொன்ன திகில்.... உலகளாவிய ரீதியில் பேசப்பட்டது. அதன் பின்பே, இந்த மிருகம் குறித்து உலகமே தெரிந்து கொண்டது.

Incredible photo captures weasel riding on the back of a flying woodpecker  - Telegraph

 

 

மீனுக்கு மேலும் சிக்கல், கீழும் சிக்கல். 

1 month 2 weeks ago

மீனுக்கு மேலும் சிக்கல், கீழும் சிக்கல். 

ஆங்கிலத்தில் ஒரு பழமொழி சொல்வார்கள். Between the devil and the deep blue sea.

அதாவது, தமிழில், ஒருபுறம் வேடன் மறுபுறம் நாகம் இரண்டுக்கும் நடுவே அழகிய கலைமான் என்று ஒரு பாடல் சொல்லும் கருத்தே அந்த ஆங்கில பழமொழியின் அர்த்தம்.

இது ஒரு பறக்கும் மீன். அதன் மூலம், பெரிய மீன்கள் பிடித்து தின்ன வரும் போது பறந்து, தப்பி விடும்.

ஆனால் அதுவே வேறு பிரச்சனையை கொடுக்கிறது.... அவ்வாறு பறக்கும் போது, மேலே பறக்கும் பறவைகளிடம் சிக்கி இரையாகும் நிலை உண்டாகிறது.

ஆகவே, மேலும் சிக்கல், கீழும் சிக்கல். 

 

 

இது... ஒரு, பொய்ச்செய்தி என்று... யாராவது சொல்ல மாட்டீர்களா? 

1 month 3 weeks ago

May be an image of 8 people, people standing and outdoors

 
கிளிநொச்சியில் அடையாளம் தெரியாதவர்களால் ஒட்சிசன் நிரப்பும்
இயந்திர பகுதிகளுக்கு சேதம் விளைவிக்கப்பட்டுள்ளது.
 
கிளிநொச்சி பொது வைத்தியசாலையில் ஒன்றரை இலட்சத்திற்கு
மேற்பட்ட மக்கள் சிகிச்சை பெற்று வருகின்றனர்.
கிளிநொச்சி வைத்தியசாலையில் உள்ள ஒட்சிசன் சிலிண்டர்களுக்கு
ஒட்சிசன் நிரப்பும் இயந்திர பகுதியை செயலிழக்க செய்யும் நோக்குடன்
கடந்த 15 ஆம் திகதி குறித்த இயந்திரத்துக்குள், இரும்பு துகள்கள் போடப்பட்டு சேதமாக்கப்பட்டுள்ளது.
 
இதனால் தற்போது வைத்தியசாலை நிர்வாகம் தமக்குத் தேவையான
ஒட்சிசன் சிலிண்டர்களை நிரப்ப முடியாத நிலையில் 99 சிலிண்டர்களை
ஒட்சிசன் நிரப்புவதற்காக அனுராதபுரத்திற்கு அனுப்பிவைத்துள்ளதாக தெரிவிக்கப்பட்டுள்ளது.
 
தற்போது நாட்டில் எரிபொருள் நெருக்கடி மற்றும் வைத்திய செலவுகளுக்கான
நிதி பற்றாக்குறை ஆகியன காணப்படுகின்ற நிலையில்
இவ்வாறு ஒட்சிசன் நிரப்புவதற்காக 99 சிலிண்டர்களும்
அநுராதபுரத்திற்கு அனுப்பி வைக்கப்பட்டுள்ளன.
 
பல மில்லியன் ரூபா செலவில் நிர்மாணிக்கப்பட்டு செயற்படுத்தப்பட்டு வந்த
இந்த இயந்திரப்பகுதியானது கடந்த 2012 ஆம் ஆண்டு தொடக்கம் 2017 ஆம் ஆண்டு வரை
இயங்காத நிலையில் காணப்பட்டுள்ளது.
 
அக்கால பகுதியில் இருந்த பிராந்திய சுகாதார சேவைகள் பணிப்பாளரின் முயற்சியினால்
குறித்த இயந்திரதொகுதி சீராக்கப்பட்டு சிலிண்டர்களுக்கான ஒட்சிசன் நிரப்பப்பட்டு வந்துள்ளது.
 
53 மில்லியன் செலவு
கடந்த 2018 ஆம் ஆண்டு இயந்திர தொகுதியை செயலிழக்க செய்யும்
நோக்கில் இயந்திரத்தின் இயங்கு பகுதிக்குள் விசமிகளால் திட்டமிட்டு
மணல் போடப்பட்டிருந்தது கண்டறியப்பட்டு உடனடியாக திருத்தி அமைக்கப்பட்டிருந்தது.
 
இவ்வாறான வேலைகள் மேற்கொள்ளப்பட்டு வந்த நிலையில்
பிராந்திய சுகாதார சேவைகள் பணிப்பாளர் பணிமனையின் ஏற்பாட்டில்
உடனடியாக குறித்த பகுதிகளில் கண்காணிப்பு கமராக்களை
பொருத்தி அதற்கான காவலாளி ஒருவர் நியமிக்கப்பட்டுள்ளார்.
 
சுமார் 53 மில்லியன் ரூபாவுக்குவிற்கும் மேற்பட்ட நிதி செலவிடப்பட்டு இயந்திர தொகுதி
சீரமைக்கப் பட்டுள்ளதுடன் ஒட்சிசன் நிரப்பும் செயற்பாடுகள் முன்னெடுக்கப்பட்டு
வந்த நிலையிலேயே திட்டமிட்டு சேதமாக்கப்பட்டுள்ளது.
 
இது தொடர்பில் விசாரணைகளை மேற்கொள்வதற்காக இச்சம்பவம்
தொடர்பான சிசிடிவி ஒளிப்பதிவுகளை வைத்தியசாலை
நிர்வாகம் வழங்கவில்லை என தெரிவிக்கப்பட்டுள்ளது.

டக்லஸ் தேவானந்தா அவர்கள் செய்ய வேண்டியது

1 month 4 weeks ago

 

286927206_482467240349560_94291783007680
 
டக்லஸ் தேவானந்தா அவர்கள் செய்ய வேண்டியது
 
யாழ்ப்பாணத்தில் சட்டவிரோத மணல் வியாபாரம் மூலம் சம்பாதித்த நான்காயிரம் மில்லியன் ரூபாவிற்கும் அதிகமான பணத்தை அரசாங்கத்திடம் மீள செலுத்த வேண்டும்.
 
பசில் ராஜபக்சே அவர்களின் முதலீட்டுடன் யாழ்ப்பாண மற்றும் கொழும்புக்கு இடையில் நடத்தபட்ட சொகுசு பஸ் வண்டி சேவையில் உழைத்த கோடிக்கணக்கான பணத்தை திறைசேரியிடம் வழங்க வேண்டும்.
 
யாழ்ப்பாண ஈ பி டி பி அலுவலகத்திற்கான முழு மின்சார நிலுவை கட்டணமான 97 லட்சத்து 16 ஆயிரத்து 120 ரூபா 40 சதம் பணத்தை உடனடியாக மீள செலுத்த வேண்டும்.
 
டக்ளஸ் தேவானந்தாவுக்கு கொழும்பு-5, பார்க் வீதியிலும் கொழும்பு-4, லேயாஸ் வீதியிலும் சொந்தமாக இருந்த வீடுகளுக்கான தண்ணீர் கட்டணம 1 கோடியே 19 இலட்சத்து 88 ஆயிரத்து 267 ரூபா 95 சதம் மீள செலுத்த வேண்டும்.
 
மாநகர சபைகள் கட்டளை சட்டத்திற்கும் நகர அபிவிருத்தி அதிகார சபை சட்ட விதிகளுக்கும் முரணாக கஸ்தூரியார் வீதியில் கட்டடப்பட்ட கட்டடத்தில் திருடிய கோடிக்கணக்கான பணத்தை அரச திறைசேரிக்கு மீள செலுத்த வேண்டும்.
 
யாழ்ப்பாண நகரில் ஈ பி டி பி அமைப்பு தங்களுக்கு சொந்தமான DD தொலைக்காட்சி நிறுவனத்தையும் மகேஸ்வரி நிதிய அலுவலகத்தையும் சட்டவிரோதமாக நடத்தியன் மூலம் ஏற்பட்ட இழப்பை அரசாங்கத்திற்கு மீள செலுத்த வேண்டும்.
 
யாழ்ப்பாண மாநகரசபையின் அங்கீகரிக்கப்பட்ட ஆளணிக்கு மேலதிகமாக 430 பேரை நியமனம் செய்து மாதம் தோறும் 6 மில்லியன் ரூபா பணத்தை அதாவது ஆண்டுக்கு 72 மில்லியன் ரூபா பணத்தை மாநகர சபைக்கு மீள செலுத்த வேண்டும்.
 
சட்டவிரோத மேற்கொள்ளப்பட்ட தொண்டராசிரியர் நியமனங்கள் , சுகாதார ஊழியர் நியமனங்கள் போன்ற அரச நியமனங்களால் ஏற்பட்ட கோடிக்கணக்கான அரச நிதி இழப்பை திறைசேரிக்கு மீள வழங்க வேண்டும்.
 
அதிகாரத்தில் இருந்தபோது அபகரித்த பிரதேச மற்றும் நகர சபைக்களுக்கு சொந்தமான வாகனங்களை மீள அரசாங்கத்திடம் ஒப்படைக்க வேண்டும்.
 
அரச படைகளுடன் உதவியுடன் பொதுமக்கள் மற்றும் குழந்தைகளை கடத்தி கொலை செய்து வசூலித்த கப்ப பணம் மீள பாதிக்கப்பட்டவர்களிடம் வழங்க வேண்டும்.
 
வடக்கு கடலில் இழுவை மீன்பிடி தொழிலில் ஈடுபடும் மீனவர்கள ஓவருவரிடமும் கப்பமாக பெறப்படும் 5,000 ரூபா பணம் மீள வழங்கப்பட வேண்டும்.
 
ஸ்ரீதர் திரையரங்கு உட்பட பொதுமக்களிடம் அபகரிக்கப்பட்ட தனியார் சொத்துக்கள் மற்றும் அதற்கான இழப்பீடுகள் உடனடியாக வழங்க வேண்டும்.
 
1990 ஆம் ஆம் ஆண்டு முதல் அப்பாவி பொதுமக்களை காட்டி கொடுப்பதற்காக அரச பாதுகாப்பு அமைச்சில் துணைப்படையாக செயல்பபட்டு சம்பளமாக பெற்ற கோடிக்கணக்கான பணத்தை உடனடியாக மீள செலுத்த வேண்டும்.
 
வீதி புனரமைப்பு உட்பட அரசின் அபிவிருத்தி திட்டங்களுக்கான ஒப்பந்தங்களை முறைகேடாக வழங்கியதன் அரசுக்கு இழப்பு ஏற்படுத்தப்பட்ட கோடிக்கணக்கான பணத்தை மீள வழங்க வேண்டும்
கோவில் புனரமைப்பு என்கிற பெயரில் முறைகேடான காசோலை மோசடிகளில் ஈடுபட்டு உழைத்த பல கோடி பெறுமதியான அரச பணத்தை மீள செலுத்த வேண்டும்.
 
சட்டவிரோத விபச்சார தொழிலில் வறுமை கோட்டுக்குள் வாழும் பெண்களை ஈடுபடுத்தியன் மூலம் சட்டவிரோதமான முறையில் உழைத்த பணத்தை அரசாங்கத்திடம் ஒப்படைக்க வேண்டும்
இது மாத்திரமின்றி தீவகத்தில் மாடு கடத்தல் தொடக்கம் இருப்பு வியாபாரம் வரை சகல சட்டவிரோத வியாபார முயற்சிகளில் உழைத்த பணத்தை அரசாங்கத்திற்கு வழங்க வேண்டும்
மேற்குறித்த பணிகளை உடனடியாக ஆரம்பிப்பதன் மூலம் இலங்கையின் பொருளாதார நெருக்கடிகளுக்கு தீர்வு காண டக்லஸ் தேவானந்தா உதவ முடியும்.
 
அதே போன்று செய்த பாவங்களுக்கு எதோ ஒரு வடிவில் பரிகாரமும் காண முயற்சிக்கலாம்
மாறாக பொருளாதார நெருக்கடிகள் குறித்த எந்த விளக்கமும் இன்றி காங்கேசன்துறை துறைமுகத்தில் இறக்குமதி செய்வதன் மூலம் ஒரே இரவில் நெருக்கடிகளை தீர்க்கலாம் என கதை சொல்லுவதால் நெருக்கடிகளுக்கு உள்ளாக்கி இருக்கும் மக்களுக்கு எந்த தீர்வும் கிடையாது.

யார்... எழுத்தாளர்?

1 month 4 weeks ago

May be an image of 1 person and text that says 'o MAXIM GORKY'

யார்... எழுத்தாளர்?

 

எழுத்தாளன் என்பவன் தான் எழுதுவதைவிட சிறந்தவனாக இருக்க வேண்டும் என்றார் ரஸ்சிய எழுத்தாளர் மார்க்சிம் கார்க்கி.
 
ஆம். அவர் அப்படி இருந்தமையினால்தான் இன்று உலகம் போற்றும் சிறந்த எழுத்தாளர்களில் ஒருவராக இருக்கிறார்.
 
இன்று மார்க்சிம் கார்க்கியின் நினைவு தினமாகும்(18.06.1936).
 
இவர்தான் உலகில் அதிக மொழிகளில் வெளியிடப்பட்ட புரட்சிகர “தாய்” நாவலை எழுதியவர்.
 
அன்றைய ரஸ்சிய ஜார் மன்னரின் மாளிகையை நோக்கி சுமார் இரண்டாயிரம் மக்கள் அடிப்படை வாழ்வுரிமை கோரி ஊர்வலமாகச் சென்றனர்.
 
ஜாரின் பாதுகாப்புப்படை அவர்களை சரமாரியாகச் சுட்டது. அதில் ஆயிரத்திற்கும் மேற்பட்டவர்கள் உயிரிழந்தனர்.
 
அந்தக் கூட்டத்தில் கலந்து கொண்டு தப்பிப் பிழைத்தவர்களில் கார்கியும் ஒருவர்.
 
அந்த நிகழ்ச்சி கார்கியின் மனதில் ஆழமான காயத்தை ஏற்படுத்தியது.
 
தப்பிப்பிழைத்தவர்கள் சிறையில் அடைக்கப்பட்டனர். சிறையில் கார்கி பல்வேறு துன்பங்களை அனுபவித்தார்.
 
இந்நிலையில் ரஷ்யப்புரட்சியாளர் லெனினின் தொடர்பு கார்க்கிக்கு ஏற்பட்டது.
 
இருவரும் நெருங்கிய நண்பர்களானார்கள். லெனின் புரட்சிக்கு நிதி சேகரிக்க வேண்டி கார்கியை அமெரிக்காவுக்கு அனுப்பினார்.
 
அங்கு தான் உலகப் புகழ்பெற்ற தாய் நாவலை அவர் எழுதினார்.
 
இன்று, ரஸ்சிய பள்ளிகளில் பாடமாக வைக்கப்பட்டுள்ள தாய் நாவலை எழுதிய கார்கி பள்ளிக்கூடமே சென்றதில்லை.
 

பக்கத்து இலைக்கு பாயாசம் - கோபி சங்கர்

1 month 4 weeks ago

பக்கத்து இலைக்கு பாயாசம்….

காலமை கோப்பி குடுத்த வெள்ளிப்பேணிகளை கிணத்தடீல வைச்சு கழுவத் தொடங்க அங்கால யூஸ் கரைக்கத் தொடங்கிச்சினம் . விசேசங்களுக்கு முதல் நாளே எசன்ஸ் வாங்கி சீனி பாணியும் சிற்றிரிக் அமிலமும் போட்டு காச்சி் வைக்கிறது . பெரிய பிளாஸ்டிக் வாளீல காச்சின எசன்ஸை ஊத்தி தண்ணி விட்டு , சாக்கில உமியைப் போட்டுக் சுத்திக் கொண்டு வந்த ஜஸ் கட்டியை வடிவா கழுவீட்டு உலக்கையால நாலு போடு போட உடைஞ்சு வாற துண்டுகளை அள்ளிப்போட்டு சீனி அளவும் பாத்து யூசைக் கரைச்சு வைச்சம். பத்தரைக்கு வெக்கையா இருக்கும் அப்ப யூஸைக் குடுங்கோ எண்டு ஓடர் வந்திச்சுது. பதினைஞ்சு பேணி அடுக்கின tray ஐ தூக்கிக்கொண்டு நடுங்காம, ஊத்தாம ஆக்களுக்கால நெளிஞ்சு சுளிஞ்சு போய் எல்லாருக்கும் குடுக்க தம்பி சரியான தண்ணிவிடாய் ரெண்டு எடுக்கிறன் எண்டு சிலர் வாங்கி வாங்கி குடிச்சினம். ஆனாலும் அந்த வெக்கையிலும் எனக்கு உது வேணாம் கோப்பி தான் வேணும் எண்டு சிலர் அடம்பிடிக்க அதையும் குடுத்திட்டு வர மணி பதினொன்டாச்சுது.  

ஓடிப்போய் கொட்டிலுக்க “ சமையல் முடிஞ்சுதா “ எண்டு கேக்க, “இந்தா வாழைக்காய் பொரியுது நீங்கள் போய் ஆயத்தப்படுத்துங்கோ “ எண்ட பதிலோட ரெண்டு வடையும் சுடச்சுட கையில வந்திச்சிது. ஆறும் வரை பொறுமை இல்லாமல் வடையை வாயக்குள்ள போட்டிட்டு வாய்க்குள்ள வைச்ச படி ஊதி ஊதி ஆறப்பண்ணிக்கொண்டே சாப்பிட்டன். கிடாரத்தில இருந்த சோத்தை கிளறிப்போட்டு இறக்க சமைச்சு முடிஞ்ச கறிகள் எல்லாம் சட்டிக்குள்ள மாறிச்சுது.  

சபை போடத் தொடங்கலாம் எண்ட நியூஸ் போக பொம்பிளை மாப்பிளையின்ட தேப்பன் மார் தேடித்தேடி செம்பு குடுத்து கையைப்பிடிச்சு ஒவ்வொருத்தரா சாப்பிடக் கூட்டிக்கொண்டு வந்திச்சினம் . 

குனிஞ்சு நிமிந்து சபை போட்டிட்டு களைச்சுப் போய் வர யாரோ தந்த மஞ்சள் essence ஜூஸை குடிக்க தலையால வெக்கை ஆவி பறந்திச்சுது. “தம்பி உந்தச் சாக்கைக் கொண்டா “ எண்டு அண்ணா ஒராள் கூப்பிட சாக்கைக் கொண்டு ஓடினன். எனக்குப் பின்னால தும்புத்தடியோட வந்தவருக்குப் பேச்சு “உனக்கென்ன விசரே, சனத்தை கலைக்கத்தான் தும்புத்தடி, நல்ல நாள் விசேசத்தில விளக்குமாறு தும்புத்தடி எடுத்தா விளங்குமே கொண்டு போ அங்கால “ எண்டு. பந்திப்பாயை பக்குவமா உதறி சோத்துப் பருக்கைகளை சிந்தாமல் சிதறாமல் அப்பிடியே சாக்குக்க கொட்டீட்டு , விழுந்திருந்த சாப்பாட்டை ரெண்டு மட்டையால அள்ளி, ஊத்தியருந்த பாயாசத்தை ஈரத்துணி போட்டுத் துடைச்சிட்டு நிமிந்து இப்ப ஆக்களைக் கூப்பிடுங்கோ எண்டது பெடியள் குறூப். 

அடுத்த பந்திக்கு ஆக்கள் எல்லாம் வந்து இருந்திச்சினம். Extra வந்த ரெண்டு பேர் இருக்க இடம் இல்லைப் போல எண்டு கேட்டிட்டு திருப்பி போக வெளிக்கிட , ரெண்டு பேர் அரக்கி நடுவில இடம் இருக்கு வாங்கோ எண்டு இடம் குடுக்க கழுவின வாழை இலையோட முதல் group போச்சுது. 

முதல் நாள் சோடிச்ச குறூப் தான் அடுத்த நாள் சபையும் போடிறது. புதுக்கடகத்துக்க சோறு, சோறு போட ஒரு எவர்சில்வர் தட்டோட முதல் ஒரு குறூப் போகும். நாலு கறி போட்ட தூக்குச்சட்டியோட போறது தான் ரெண்டாவது, பயித்தங்காய், பூசணிக்காய், , கோவா வறை எண்டு எல்லாத்தையும் போட்டிட்டு வர , மூண்டாவதா கத்திரிக்காய் சம்பல் வரும், கரண்டி மாறினா புளிச்சுப்போயிடும் எண்டு அதை தனிச்சட்டீல தான் கொண்டு போறது. உருளைக்கிழங்கு பிரட்டல் போக பின்னால அப்பளம், மிளகாய் பொரியல் , வாழைக்காய் பொரியல் போட்ட சுளகோட போவினம். கடைசியாய் பருப்புப் போட்டு மேல நெய் விட்டிட்டூ வர , “சரி சாப்பிடலாம் “ எண்டு செம்பு குடுத்தவர் சொல்ல முதல் செம்பு வாங்கி முதலாவதா வந்திருந்தவர் கைவைக்க சபை களைகட்டும். இந்த முதல் மரியாதை நெருங்கிய உறவில் மூப்புக்கு கிடைக்கும் மரியாதை. 

சாப்பிட்டுக்கொண்டிருக்கேக்க இலை வெறுமையாக முதல் பாத்து பாத்து சோறும் கறியும் போகும். ரெண்டாவது தரம் சோறு போட்டாப் பிறகு தான் சொதி, குழம்பு தயிர் எல்லாம் போகும். முழுப்பேரும் சாப்பிட்டு முடியேக்க தான் பாயசத்தையும் வடையையும் கொண்டு வாறது . பக்கத்து இலைக்கு கேக்க முதலே பாயாசம் போகும். பாயசத்தோட சேத்துச் சாப்பிட இன்னொருக்கா வடையும் , அப்பளமும் போகும். கடைசீல வாழைப்பழமும் பலகாரமும் வைக்க எல்லாரும் முட்டின வயித்தோட கஸ்டப்பட்டு மெல்ல மெல்ல எழும்புவினம் . சபைகுழப்பிகள் ஆரும் இடையில எழும்ப மற்றாக்கள் விடமாட்டினம். “ எழும்பிறாக்கள் இலையை விட்டிட்டு எழும்புங்கோ “ எண்டு திரும்பத்திரும்பச் சொல்லி, ஏலாத ஆக்களைத் தூக்கி விட , கிணத்தடீல கைகழுவவும் குடிக்கவும் தண்ணி குடுத்துக்கொண்டு இருப்பினம் கொஞ்சப்பேர். 

ஆம்பிளைச் சபை முடிய பொம்பிளைச் சபை எண்டது வழக்கம். பெண்டுகள் சாப்பிடேக்கேம் கதைச்சுக்கொண்டிருப்பினம் சாப்பிடவும் மாட்டினம் வடிவாச் சாப்பிடவும் விடாயினம் எண்ட படியால் தான் இந்த சமத்துவமின்மை எண்டு நான் நினைக்கிறன். 

தாலி கட்டி ஆசீர்வாதம் முடிச்சு மாப்பிளை பொம்பிளை பூதாக்கலம் பண்ண சாமியறைக்குப் போக, அவையை மறந்திட்டு பொம்பிளை மாப்பிளையின்டை தாய் தேப்பன் மார் வந்து தேடித்தேடி சாப்பிடாத ஆக்களை கூட்டிக் கொண்டுவாறது, சோறு கறி காணுமா எண்டு பாக்கிறது, சாப்பிட்ட ஆக்களிக்கு பலகாரம் வெத்திலை, சுருட்டு எல்லாம் போனதா எண்டு பாக்கிறது , சபை போடிற பெடியளுக்கு எண்டு சோடா , யூஸ் குடுக்கிறது , வந்திட்டுப் போறாக்களுக்கு வெத்திலைப்பை குடுக்கிறது எண்டு சுழண்டு கொண்டு நிப்பினம் . 

மச்சான் கிழங்கு முடியுதாம் பாத்து குறைச்சுப்போடு, கரண்டியை சின்னனா மாத்து, பாயசம் கொஞ்சம் கட்டிப் படுது சுடுதண்ணி விட்டு தண்ணியாக்கு, அப்பளத்தை ரெண்டாக்கு, பெரிய வாழையிலையைப் போடாத , தயிரை மோராக்கு , கனக்க மிச்சம் இருக்கிற கறியை ரெண்டு மூண்டு தரம் கொண்டு போ எண்டு நிலமைகளை அறிஞ்சு ஓடர்கள் வரும். 

“எல்லாரும் சாப்பிட்டிட்டினம் பெடியள் வாங்கோ சாப்பிடுங்கோ “ எண்டு கடைசியா எங்களைக் கூப்பிட , மிச்சம் பிடிச்சு ஒளிச்சுவைச்ச எல்லாக் கறிச்சட்டியும் வெளீல வரும். பெரிய இலையில அவாவில அள்ளிப்போட்டிட்டு ரெண்டு வாய் வைக்கப் பசி போயிடும் . தம்பியவை சபை போட்ட கைக்கு பசி போயிடும் கொஞ்சம் எண்டாலும் சாப்பிடுங்கோ எண்டு கேக்கிற அன்புக்கு இன்னும் கொஞ்சம் சாப்பிடினாங்கள். 

ஆனால் கலியாண வேலை எல்லாம் செய்து சபை போட்டவைக்கெண்டு பிறகு ஒரு மச்சச் சாப்பாட்டு வைபடும் அண்டு மாப்பிளை பொம்பிளையோட வீட்டுக்காரர் எல்லாரும் எங்களுக்கு சாப்பாடு போட உண்டி பிதுங்கச் சாப்பிடுவம். அண்டு சாப்பிடேக்க எனக்கு பாயாசம் வேணும் எண்டு கேட்டுச் சாப்பிடுறது.  

ஒரு கலியாணத்தில போய் இந்தக் கனவில இருக்க திடீரெண்டு மனிசி தட்டி “ என்ன பாயாசம் எண்டு சொல்லிறீங்கள், பாயாசம் வேணும் எண்டால் மேசையில இருக்கு கெதியெண்டு எடுத்தச் சாப்பிட்டிட்டு வாங்கோ , வீடியோக்காரன் படம் எடுக்கத் தொடங்கினா நாங்கள் wish பண்ணிறது கஸ்டம் “ எண்டு சொன்னா. மனைவி சொல்லே மந்திரம் எண்டு அவசரமா பாயாசத்தை விழுங்க அது பிளாஸ்டிக் cup க்கால வரமாட்டன் எண்டு அடம் பிடிக்க அப்பிடியே வைச்சிட்டு மேடைக்கு மனிசிக்குப் பின்னால ஓடிப்போய் , கையைக் குடுத்திட்டு ரெண்டு நிமிசம் படத்துக்கு நிக்க, கமராக்காரன் சரி காணும் போங்கோ எண்டான்.  

 

Dr. T. Gobyshanger 

யாழ்ப்பாணம்

Checked
Wed, 08/17/2022 - 07:18
சமூகவலை உலகம் Latest Topics
Subscribe to சமூகவலை உலகம் feed