சமூகவலை உலகம்

நடேசனை கொலை செய்தவர்களுக்கு மட்டக்களப்பு மக்கள் தண்டனை வழங்குவார்களா?

3 days 2 hours ago

தமிழ் மக்களுக்கு உறுதியான அரசியல் தலைமை ஒன்று உருவாக வேண்டும் என உழைத்த தம்மையா, சிவராம், நடேசன் போன்ற புத்திஜீவிகளின் உயிர் பறிக்கப்பட்டது இதே ஏப்ரல் மே மாதங்களில் தான்.

16 வருடங்களுக்கு முதல் நடேசன் 2004 மே 31ஆம் திகதி மட்டக்களப்பில் சுட்டுக்கொல்லப்பட்டதை தொடர்ந்து மட்டக்களப்பு மண்ணைவிட்டு வெளியேறிய நான் கடந்த இரு வருடங்களுக்கு முதல் மட்டக்களப்புக்கு சென்றிருந்தேன்.

தமிழ் ஊடகவியலாளர்களிடையே ஒன்றுமையும் பலமும் இருக்க வேண்டும் என உழைத்த நடேசன், சிவராம் போன்றவர்களின் கனவுகள் இன்று சிதைக்கப்பட்டு ஏட்டிக்கு போட்டியாக பல ஊடக அமைப்புக்கள்,

மட்டக்களப்பில் உள்ள பத்திரிகையாளர்கள் அனைவரையும் ஒன்றாக சந்திக்க வேண்டும் என்ற விருப்பமும் நிறைவேறாத நிலையிலேயே அங்கிருந்து திரும்பி வந்தேன்.

அதன் பின்னர் கடந்த வருடம் ஐந்து மாதங்கள் தொடர்ச்சியாக மட்டக்களப்பில் தங்கியிருந்தேன். ஜோசப் அண்ணன், கதிர்காமத்தம்பி காலத்திலும் மட்டக்களப்பில் ஊடகவியலாளராக பணியாற்றியிருக்கிறேன். அதன் பின் சிவராம், நடேசன் ஆகியோர் காலத்திலும் பணியாற்றியிருக்கிறேன். அந்த பொற்காலங்கள் மீண்டும் வராதா என்ற ஏக்கங்கள் மட்டுமே இன்று எஞ்சியிருக்கின்றன.

நடேசன் படுகொலை செய்யப்பட்டு 16ஆண்டுகள் கடந்து விட்டன. நடேசனின் மரணம் என்பது வெறும் தனிமனிதர் ஒருவரின் கொலையாகவோ அல்லது இழப்பாகவோ கருத முடியாது.
நடேசனின் மரணத்திற்கு முன்னரான மட்டக்களப்பின் ஊடகத்துறையையும் அக்கொலைக்கு பின்னரான ஊடகத்துறையையும் ஆராயும் ஒருவர் இதனை நன்கு உணர்ந்து கொள்ள முடியும்.

சிங்கள பேரினவாதம் செய்த சூழ்ச்சியின் விளைவாக தமிழ் தேசிய விடுதலைப்போராட்டத்தில் மிகப்பெரிய பிளவு மட்டக்களப்பில் உருவான போது அந்த சதியை தகர்த்து மக்களை தமிழ் தேசிய விடுதலையின் பக்கம் நிறுத்த வேண்டும் என நடேசனும் சிவராமும் உழைத்தனர். அதற்காகவே தங்கள் உயிரையும் விலையாக கொடுத்தனர்.

வடக்கு கிழக்கு என்ற பிரதேசவாதத்தை உருவாக்கி தமிழ் தேசிய விடுதலையையும் ஒற்றுமையையும் சிதைப்பதற்கு தடையாக இருந்த மட்டக்களப்பு ஊடகத்துறையை முடக்க வேண்டும் அல்லது அழிக்க வேண்டும் என்ற சதியின் விளைவாகவே அதற்கு முதல் பலியானவர்தான் நடேசன்.

சிங்கள பேரினவாத அரசின் அடக்குமுறைகளுக்கு எதிராகவோ அல்லது அரசுடன் ஒட்டிக்கொண்டிருப்பவர்களுக்கு எதிராகவோ யாரும் வாய்திறக்க கூடாது, ஏனைய பிரதேசங்களை விட பலமிக்கதாக விளங்கிய மட்டக்களப்பு ஊடகத்துறையை மௌனிக்க செய்வதற்காக 2004ஆம் ஆண்டு மே 31ஆம் திகதி ( அன்று ஒரு திங்கட்கிழமை) நடேசன் சுட்டுக்கொல்லப்பட்டார்.

எல்லை வீதியில் நடேசனின் உடல் வீழ்ந்து கிடந்த அந்த கணத்துடன் மட்டக்களப்பின் ஊடகத்துறை மௌனிக்கப்பட்டு விட்டது. தமிழ் தேசிய விடுதலைக்காக செயற்பட்ட பத்திரிகையாளர்கள் வெளியேற்றப்பட்ட நாளும் அதுதான்.
அன்றைய தினம் மூன்று சம்பவங்கள் நடைபெற்றது.
1. நடேசன் மட்டக்களப்பு எல்லைவீதியில் சுட்டுக்கொல்லப்பட்டார்.
2. தமிழினத்தின் மீது பற்றுறுதியோடு செயற்பட்ட ஊடகவியலாளர்கள் மட்டக்களப்பை விட்டு வெளியேற்றப்பட்டனர்.
3. தமிழ் மக்களுக்கு உறுதியான அரசியல் தலைமை ஒன்றின் தேவை கருதி தமிழ் தேசியக் கூட்டமைப்பை உருவாக்குவதிற்கு காரணமாக இருந்த கிழக்கிலங்கை செய்தியாளர் சங்கம் அன்றுடன் மௌனிக்கப்பட்டது.

தமிழ் தேசிய விடுதலைக்கு ஆதரவாக செயற்பட்டு வந்த விரிவுரையாளர் தம்பையா மட்டக்களப்பில் சுட்டுக்கொல்லப்பட்டு சரியாக ஒரு வாரத்தில் நடேசன் சுட்டுக்கொல்லப்பட்டார்.

நடேசன் மீது எனக்கு பிடித்த ஒரு குணம். அவன் கோபத்தை மனதில் வைத்திருப்பதில்லை. அதற்கு பல உதாரணங்களை சொல்லலாம்.
இந்திய இராணுவம் வெளியேறிய பின்னர் மட்டக்களப்புக்கு வந்த நடேசனை விடுதலைப்புலிகள் கைது செய்து வைத்தியசாலை வீதியில் இருந்த விடுதலைப்புலிகளின் தடுப்பு முகாமில் தடுத்து வைத்திருந்தனர்.
50ஆயிரம் ரூபாவை நடேசன் குடும்பத்தினரிடமிருந்து விடுதலைப்புலிகள் பெற்ற பின்னரே அவரை விடுதலை செய்திருந்தனர். நடேசன் 50ஆயிரம் ரூபாவை கொடுக்க முடியாத கஷ்டநிலையிலேயே இருந்தார். பின்னர் அவனின் அக்கா நெல்லியடியிலிருந்து வந்து 50ஆயிரம் ரூபா பணத்தை கொடுத்தே நடேசனை விடுதலைப்புலிகளின் சிறையிலிருந்து மீட்டெடுத்திருந்தார்.

தன்னை தடுத்து வைத்திருந்தது. தன்னிடம் 50ஆயிரம் ரூபாவை பெற்றது போன்ற செயல்களை மனதில் வைத்துக்கொள்ளாமல் பிற்பட்ட காலத்தில் விடுதலைப்புலிகளின் ஆதரவாளனாகவே செயற்பட்டது அவனின் மன்னிக்கும் மறக்கும் பண்பை வெளிப்படுத்தியிருந்தது. நடேசன் அடிக்கடி சொல்லும் ஒரு விடயம் விடுதலைப்புலிகள் என்பதை விட விடுதலைப்போராட்டத்தை நான் நேசிக்கிறேன் என சொல்வான்.

ஊடகத்துறை நடேசனின் முழுநேர தொழிலாக இல்லாத போதிலும் தனது அலுவலக நேரம் தவிர்ந்த ஏனைய நேரங்களில் எல்லாம் அவனின் சிந்தனை, நடவடிக்கை அனைத்தும் தனது ஊடக தொழில் பற்றியதாகத்தான் இருக்கும்.
செய்திகள், கட்டுரைகள் என அவன் இறக்கும் வரை எழுதிக்கொண்டிருந்தான்.

அவன் இறப்பதற்கு முதல்நாள் வீரகேசரியில் எழுதிய ஒரு கட்டுரையே அவனை கொலைகாரர்கள் சுட்டுக்கொல்வதற்கு காரணம் என சிலர் சொன்னதை கேட்டிருக்கிறேன்.

என்னைப்பொறுத்தவரை நடேசனை கொல்ல வேண்டும் என அவர்கள் திடீரென எடுத்த முடிவாக இருக்க முடியாது. நீண்டநாள் அவர்கள் போட்ட திட்டத்தையே நிறைவேற்றியிருந்தார்கள்.

ஓயாமல் எழுதிக்கொண்டிருந்த ஒரு பேனா இன்று ஓய்ந்து விட்டது.

2004 மே 31ஆம் திகதி. நடேசன் படுகொலை செய்யப்பட்ட நாள். தான் வாழ்ந்த சமூகத்தின் நீதிக்காக , அரசியல் சமூக விடுதலைக்காக குரல் கொடுத்த பத்திரிகையாளன் ஒருவனுக்கு அதற்கு பரிசாக நடுவீதியில் சுட்டு வீழ்த்தப்பட்ட நாள்.

கிழக்கு பல்கலைக்கழக பொருளியல்துறை தலைவர் தம்பையாவின் படுகொலை பற்றி அந்த கொலை நடந்த அடுத்த ஞாயிறு வீரகேசரியில் நடேசன் எழுதிய கட்டுரை வெளியாகியிருந்தது.

மிக காரசாரமானதும், துணிச்சலோடு பல விடயங்களையும் சொல்லிய கட்டுரையாக அது அமைந்திருந்தது.

அந்த கட்டுரையில் பல கேள்விகள் எழுப்பபட்டிருந்தது.

இந்த சமூகத்திற்காக தன்னை அர்ப்பணித்து பணியாற்றிய தம்மையாவின் படுகொலையை வெறும் செய்தியாக பார்த்து விட்டு மௌனமாக இருக்க போகிறோமா?

இத்தகைய கொலைகளுக்கு எதிராக வெகுஜனரீதியாக திரண்டெழுந்து இதை தடுக்கவில்லை என்றால் ஒரு தம்பையாவை போன்ற பல கல்விமான்களை, அறிஞர்களை, சமூக பணியாளர்களை இழக்க வேண்டி வரும். அந்த இழப்புக்களை பார்த்து வெறும் கண்ணீரை விடும் சமூகமாக இருக்கப்போகிறதா அல்லது அராஜகவாதிகளுக்கெதிராக தங்கள் சக்தியை காட்டப்போகிறார்களா? என கேள்வி எழுப்பியிருந்த நடேசன் கட்டுரையின் இறுதியில் அராஜகவாதிகளின் அடுத்த இலக்கு யார் என்ற கேள்வியுடன் முடித்திருந்தார்.

அடுத்த இலக்கு தன் மீதுதான் என்பதை தெரிந்து கொண்டுதான் இதை எழுதினாரா இல்லையா என்பது தெரியவில்லை. ஆனால் தம்பையாவின் படுகொலையை ஒத்த கொலைகள் தொடரப்போகிறது என்ற ஆரூடத்தை அக்கட்டுரை சொல்லியிருந்தது.. ஆனால் அந்த கட்டுரை வெளிவந்த அடுத்த நாளே தங்களின் அடுத்த இலக்கு யார் என்பதை கொலையாளிகள் வெளிப்படுத்தி விட்டார்கள்.

மே 30ஆம் திகதி ஞாயிற்றுக்கிழமை நடேசனுடன் தொலைபேசியில் தொடர்பு கொண்டேன். இன்று ஞாயிறு வீரகேசரியில் என்ர கட்டுரை பார்த்தியா என கேட்டான். இல்லை என்றேன்.

இந்த படுகொலைகளையும், அராஜகங்களையும் எத்தனை நாட்களுக்கு இந்த சமூகம் பொறுத்துக் கொண்டிருக்க போகிறது. தம்பையாவின் படுகொலை பற்றி காரசாரமான கட்டுரை ஒன்று எழுதியிருக்கிறேன். வாசித்து பார் என சொன்னான்.

2004 மே 31 திங்கட்கிழமை. சரியாக தம்பையா சுட்டுக்கொல்லப்பட்டு ஒருவாரம். அப்போதுதான் அந்த அதிர்ச்சி தகவல் வந்தது.

நடேசன் பணியாற்றிய அலுவலகத்திலிருந்து தான் ஒருவர் பேசினார். நடேசனை சுட்டுவிட்டார்கள். அவரின் மனைவிக்கு அறிவித்து விட்டோம். எங்கள் அலுவலகத்திலிருந்து சற்று தள்ளித்தான் இச்சம்பவம் நடந்திருக்கிறது என்றும் தாங்கள் அந்த இடத்திற்கு போகவில்லை என்றும் சொன்னார்கள்.
உடனடியாக மோட்டார் சைக்கிளை எடுத்துக்கொண்டு எல்லை வீதிக்கு சென்றேன்.

நடேசன் தன் அலுவலகத்திற்கு ஒருபாதையால் தினமும் செல்வது கிடையாது. அன்று எல்லைவீதி வழியாக நடேசன் மோட்டார் சைக்கிளில் சென்று கொண்டிருந்த போது நேர் எதிரே மோட்டார் சைக்கிளில் வந்த இருவரே கைத்துப்பாக்கியால் நடேசன் மீது சுட்டிருக்கின்றனர். நான் போனபோது இரத்தம் கொப்பளித்தவாறு நடேசனின் உடல் வீதி ஓரத்தில் கிடந்தது. மோட்;டார் சைக்கிள் விழுந்து கிடந்தது.
இராணுவத்தினரும் பொலிஸாரும் நின்றனர். தூரத்தில் பலர் வேடிக்கை பார்த்துக்கொண்டிருந்தனர்.

அந்த நேரத்தில் சடலத்திற்கு அருகில் வர பலரும் அஞ்சினார்கள். அந்த நேரத்தில் அங்கு வந்த தினக்குரல் பத்திரிகையாளர் சந்திரபிரகாஷ் அண்ணன் இங்கு நிற்கவேண்டாம். சுட்ட ஆக்களும் இங்கதான் நிக்கிறாங்கள். நீங்கள் நிற்பது ஆபத்து போய்விடுங்கள் என சொன்னான்.

அங்கு வந்த பொலிஸார் சுடப்பட்டவரை தெரியுமா என்று கேட்டனர். தெரியும், அவர் எங்கள் சக பத்திரிகையாளர் என கூறிய போது சடலத்தை அடையாளம் காட்டி பொறுப்பேற்க முடியுமா என கேட்டனர். நான் ஆம் என்றேன்.

பக்கத்தில் இருந்த வீட்டாரிடம் சென்று நடந்த சம்பவத்தை கேட்டேன். சொல்வதற்கு தயங்கினார்கள். அந்த வீட்டுக்கார வயோதிபர் என்னுடன் ஒரளவு பழக்கம் என்பதால் தனியாக அழைத்து சென்று சில தகவல்களை சொன்னார்.
தமிழ் குழுவை சேர்ந்த இருவர் தான் மோட்டார் சைக்கிளில் வந்து சுட்டார்கள். அவர்கள் சுட்டு விட்டு திருமலை வீதிப்பக்கம் சென்று விட்டு சில நிமிடங்களில் திரும்பி வந்து இறந்து விட்டரா என பார்த்து சென்றனர் என கூறினார். மோட்டார் சைக்கிளை ஓட்டி வந்தவர் சற்று உயரமானவர், பின்னால் இருந்து துப்பாக்கி பிரயோகம் செய்தவர் குள்ள உருவம் கொண்டவர் என சொன்னார்.
என்னிடம் காவல்துறையினரும், பின்னர் மரணவிசாரணை நடத்திய நீதிபதியும் வாக்குமூலங்களை எடுத்தனர்.

இச்சம்பவத்தை அறிந்த மட்டக்களப்பு தமிழ் பத்திரிகையாளர்கள் அனைவரும் அச்சத்தால் உறைந்து போய் இருந்தார்கள். வைத்தியசாலைக்கு சடலத்தை கொண்டு போனதும் அங்கு தவராசா வந்து சேர்ந்தார். மனதுக்கு ஆறுதலாக இருந்தது.

கிளிநொச்சியில் அஞ்சலி நிகழ்ச்சி முடிந்ததும் அடுத்த நாள் நெல்லியடியில் அஞ்சலி நிகழ்ச்சி நடைபெற்றது. நடேசன் படித்த நெல்லியடி மத்திய மகாவித்தியாலயத்தில் அஞ்சலி கூட்டம் நடைபெற்றது. கொழும்பிலிருந்து சுதந்திர ஊடக அமைப்பை சேர்ந்த சுனந்த தேசப்பிரிய உட்பட சிங்கள ஊடகவியலாளர்களும் வந்திருந்தனர். அந்த அஞ்சலி கூட்டத்திற்கு நான் தலைமை தாங்கினேன்.

நெல்லியடி சுடலையில் தகனம் செய்யப்பட்ட பின் சுனந்த தேசப்பிரிய என்னை சந்தித்து மட்டக்களப்புக்கு செல்ல வேண்டாம் என ஆலோசனை கூறினார். கொழும்புக்கு வருமாறும் மாற்று ஏற்பாடு ஒன்றை செய்வதாகவும் கூறினார்.
தவராசாவும் வேதநாயகமும் மட்டக்களப்பில் தொடர்ந்து இருப்பது ஆபத்து என்பதை உணர்ந்து கொண்டு கொழும்புக்கு வந்து சேர்ந்தனர்.

கொழும்பில் நாங்கள் தங்கியிருந்த போது சிங்கள ஊடகவியலாளர்களான சுனந்த தேசப்பிரிய, புத்திக, விக்ரர் ஐவன், ஆகியோரும், பல வழிகளில் உதவி செய்தனர். கொழும்பில் தங்கியிருக்கும் போது நிதி நெருக்கடிக்குள் நாங்கள் இருப்போம் என்பதை நாங்கள் சொல்லாமலே உணர்ந்து கொண்ட லண்டனில் இருந்த நண்பர் சீவகன் பூபாலரத்தினம் தனது சொந்தப்பணத்தில் எமக்கு செலவுக்கு காசு அனுப்பியிருந்தார். அது எனது வாழ்க்கையில் மறக்க முடியாத சம்பவம். இப்போது அப்பணம் சிறு தொகையாக இருக்கலாம். ஆனால் அச்சூழலில் அதன் பெறுமதி எல்லை கடந்தது.

பிபிசி சந்தேசிய சிங்கள சேவையில் பணியாற்றும் பண்டார அதற்கு மேல் ஒரு படி சென்று கொழும்பிலிருந்து சுவிஸிற்கு வருவதற்கான பயணசீட்டுக்குரிய பணம் தொடக்கம் லண்டனில் இருக்கும் சர்வதேச நிறுவனம் ஒன்றின் ஊடாக துரிதமாக செய்தார்.

விக்ரர் ஐவன், சுனந்த தேசப்பிரியா ஆகியோர் கொழும்பில் உள்ள சுவிஸ் தூதரகத்துடன் பேசி விண்ணப்பத்தை கொடுத்து 18 நாட்களில் அகதி தஞ்ச கோரிக்கை ஏற்றுக்கொண்டு விசாவை வழங்கியிருந்தார்கள்.

உயிர் ஆபத்திலிருந்து தப்புவதற்கான ஒரு வழியாக வெளிநாட்டில் தஞ்சமடைவதே எமக்கு தெரிந்த ஒரே வழியாக அப்போது தெரிந்தது.

1990களின் பின்னர் மட்டக்களப்பில் தமிழ் ஊடகத்துறையில் பெரும் மறுமலர்ச்சி ஏற்பட்டது என்பதை யாரும் மறுக்க முடியாது.

அந்த மறுமலர்ச்சியின் முக்கிய பங்குதாரர்களாக சிவராம், நடேசன் போன்றவர்களையே நான் பார்க்கிறேன்.

நடேசனோ அல்லது சிவராமோ விடுதலைப்புலிகள் இயக்கத்தை கண்ணை மூடிக்கொண்டு ஆதரித்தவர்கள் அல்ல. ஆனால் தமிழ் மக்களின் நியாயமான விடுதலைப்போராட்டத்தையும் அதனை முன்னெடுத்த காரணத்தால் விடுதலைப்புலிகளையும் ஆதரித்தார்கள். அதற்காக விடுதலைப்புலிகளின் அனைத்து செயற்பாடுகளையும் ஆதரித்தவர்கள் அல்ல.

கிழக்கிலங்கை செய்தியாளர் சங்கம் 1981ஆம் ஆண்டு ஆரம்பிக்கப்பட்டது.
அதன் பின்னர் வந்த நெருக்கடிகளால் அச்சங்கம் செயலிழந்திருந்தது. மீண்டும் கிழக்கிலங்கை செய்தியாளர் சங்கத்தை புனரமைத்து செயற்பட வேண்டும் என்று ஆர்வம் காட்டியவர் நடேசன் தான்.

ஊடகவியலாளர் சங்கத்திற்கு ஊடகவியலாளர்களின் நலன்கள் மட்டுமல்ல தாம் சார்ந்திருக்கின்ற சமூகத்தின் நலன்களும் அவசியமாகும். அதன் விளைவாகவே கிழக்கு மாகாண மக்கள் மத்தியில் அரசியல் விழிப்புணர்வு கருத்தரங்குகள் தொடக்கம் பல்வேறு செயற்பாடுகளில் கிழக்கிலங்கை செய்தியாளர் சங்கம் ஈடுபட ஆரம்பித்தது.

1990 தொடக்கம் 2004 வரையான காலம் மட்டக்களப்பு ஊடகத்துறை வரலாற்றில் ஒரு பொற்காலம் எனலாம். இராணுவத்தினராலும் புலனாய்வு பிரிவினராலும் அவர்களுடன் சேர்ந்திருந்த ஒட்டுக்குழுக்களான புளொட் போன்ற குழுக்களாலும் அச்சுறுத்தல் இருந்த போதிலும் துணிச்சலுடன் செயற்பட்ட காலம் அது.

ஆயுதப்போராட்டம் மட்டும் விடுதலையை தந்து விடாது. மக்கள் அரசியல்மயப்படுத்தப்பட வேண்டும் என்ற நோக்கில் கிழக்கிலங்கை செய்தியாளர் சங்கம் மாதாந்தம் அரசியல் கருத்தரங்களை நடத்தியது. அதன் செயலுருவாக்கத்தில் மூல வேர்களாக இருந்தவர்கள் நடேசனும் சிவராமும் தான். அவர்களின் ஆலோசனைகள் திட்டமிடல்களே கிழக்கிலங்கை செய்தியாளர் சங்கம் தமிழ் அரசியல் பரப்பில் திடமாக கால் பதிக்க முடிந்தது.

நடேசன் மரணித்த 2004 மே 31ஆம் திகதியுடன் இவை அனைத்தும் முடங்கி விட்டது என்றே நான் கருதுகிறேன்.

ஊடகவியலாளர் நடேசன், கிழக்கு பல்கலைக்கழக பொருளியல்துறை தலைவர் தம்பையா, கிழக்கு பல்கலைக்கழக உபவேந்தர் ரவீந்திரநாத் உட்பட மனித உரிமை செயற்பாட்டாளர்கள், தொண்டு நிறுவன பணியாளர்கள் என பலரும் மட்டக்களப்பு மண்ணில் கொல்லப்பட்டனர்.

இலங்கையின் நீதித்துறையால் இக்கொலையாளிகளுக்கு இதுவரை தண்டனை வழங்கப்படவில்லை. இனியும் இந்த கொலைகளுக்கு நீதி கிடைக்கும் என எதிர்பார்க்கவும் முடியாது.

ஆனால் இக்கொலைகளை புரிந்தவர்களுக்கு தகுந்த தண்டனையை மட்டக்களப்பு மக்களால் வழங்க முடியும்.

மனித நேயத்தை நேசிக்கும் அத்தனை பேரின் எதிர்பார்ப்பும் அதுதான்.

இரா..துரைரத்தினம்.

 

மதுரை - தூங்கா நகரின் ராப்பாடிகள்

3 days 7 hours ago

தூங்கா நகரின் ராப்பாடிகள்.....

நான் தமிழகம் முழுவதிலும் சுற்றியலைய தொடங்கிய காலத்தில் மதுரை என்றாலே பலரும் உடன் விசாரிப்பது “உங்க ஊரில் நள்ளிரவிலும் சூடாக இட்லி கிடைக்குமாமே என்பது தான்”. மதுரை ஒரு தூங்கா நகரம் என்பதே வெளியூர்க்காரர்கள் எப்பொழுதுமே வியப்பாகவே இருக்கும். 2500 ஆண்டுகளாகவே மதுரை ஒரு தூங்கா நகரமாக வரலாற்றை விழித்தபடி பார்த்துக் கொண்டிருக்கிறது.

மாலை நேரத்தில் விதவிதமான இடைத்தீனிகள் (Snacks) மதுரை தெருக்களை அலங்கரிக்கும், எந்த வீதியில் நடந்தாலும் இந்த நறுமணங்கள் வந்து மூக்கை துளைக்கும், நம்மை கடை நோக்கி அழைக்கும். உளுந்த வடை, பருப்பு வடை, கார வடை, கீரைவடை, பைரி (முள்ளுமுருங்கை வடை), தேங்காய் போலி, பருப்பு போலி, ரவா அப்பம், காரப் பணியாரம், இனிப்புப் பணியாரம், கருப்பட்டி தோசை, சீயம், போண்டா, வாழைக்காய் பஜ்ஜி, உருளைக்கிழங்கு பஜ்ஜி, வெங்காய பஜ்ஜி, அப்பள பஜ்ஜி, கத்திரிக்காய் பஜ்ஜி, பிரட் பஜ்ஜி, முட்டை போண்டா, கேப்பை ரொட்டி, பட்டர் பன், கிழங்கு வகைகள், பயிறு வகைகள், பருத்திப்பால், வெட்டிய பழங்கள் (cut fruits) என இந்த பட்டியல் மதுரையில் வாக்காளர் பட்டியல் போன்றே நீண்டு கொண்டே செல்லும். கடந்த இருபது ஆண்டுகளில் பானிபூரி, பேல் பூரி, மசாலா பூரி தொடங்கி சிக்கன் 65 வரை புதிய விருந்தினர்கள் பலர் களத்திற்கு வந்துள்ள போதும் மதுரையின் பன்முகத்தன்மையை அவர்களால் ஒருபோதும் அசைக்க முடியவில்லை. இவர்கள் சாம்ராஜ்ஜியம் மாலை 5 மணி தொடங்கி இரவு 9.30-10 மணிக்கு அஸ்தமிக்கும்.

பொழுது சாயும் நேரமே மெல்ல ரோட்டோரக் இடலிக் கடைகளை எடுத்து வைக்க தொடங்குவார்கள் மதுரை அக்காமார்கள். கடையை எடுத்து வைப்பது என்பது அத்தனை சுலபமான வேலையல்ல. தள்ளுவண்டி கடைகள், ட்ரைசைக்கிளில் இட்லிக் கடை, தெருவில் இட்லிக்கடை, உட்சந்துகளில் இட்லிக் கடைகள், வீட்டு வாசலில் இட்லிக் கடை என கடைகள் பல விதங்களில் உண்டு. நின்றே உணவு சாப்பிடும் கடைகள், மூடியிருக்கும் பெரிய கடைகளின் படிக்கட்டுகளில் உட்கார்ந்து சாப்பிடும் கடைகள், சில கடைகள் ஓரிரு பெஞ்சு, டேபிள்களுடனும் இயங்குகின்றன.

இருட்டத்தொடங்கியதும் அடுப்பும் எரியத்தொடங்கும் 8 மணிக்கு எல்லாம் ஆவிபறக்க இட்லிகள் மதுரை வீதிகளை எட்டிப்பார்க்கும், இரவு 8.30 மணிக்கு எல்லாம் கடை பிசியாகி விடும். கொஞ்சம் லேட்டாக போனாலே இட்லிக்காக காத்திருக்கத்தான் வேண்டும் ஊர் அடங்கிய பின்னும் இட்லி தயாராகிக் கொண்டேயிருக்கும். மதுரைக்கு வரும் வியாபாரிகள், காய்கறி விற்க-வாங்க வருபவர்கள் என பசியுடன் இந்த நகரத்திற்குள் நுழையும் யாவருக்கும் அற்புதமான உணவை இந்த நகரம் ஆயிரம் ஆண்டுகளாக பரிமாறியபடி இருக்கிறது.

அரசியல் பொதுக்கூட்டங்கள், இலக்கிய கூட்டங்கள் நடக்கும் நாட்களில் நணபர்கள் அனைவரும் எப்படியும் சங்கமித்துவிடுவோம் அன்று இரவு எங்கள் அபிமான ரோட்டோரக்கடைகள் நோக்கி சென்று விடுவோம். மெல்ல மெல்ல தட்டுகளை கைமாற்றி மாற்றி ஒரு நேரத்தில் அந்த அக்கா கடையில் இருக்கும் எல்லா தட்டுகளுமே எங்கள் குழாமின் கைகளுக்கு வந்துவிடும். முட்டை தோசை, சூடான இட்லி, வெஜிடபிள் ஊத்தப்பம், சின்னவெங்காய ஊத்தப்பம் என க்ளாஸ்காரத்தெருவின் பூட்டிய வீடுகளின் கதவுகளின் எங்கள் ஆர்டர் சத்தம் எதிரொலித்து திரும்பும்.

இரண்டாம் ஆட்டம் சினிமாவை பார்த்துவிட்டு வீடு திரும்பும் போது ஒரு பசி மெல்ல வயிற்றில் படரும், அப்பயும் நகரத்திற்குள் வண்டியை விட்டால் எங்காவது சுடச்சுட இட்லியில் இருந்து ஆவி பறந்து கொண்டு தான் இருக்கும், சமயங்களில் நள்ளிரவு 2 மணியாகிவிட்டால் யானைக்கல்லுக்கு வந்துவிடுவோம், யானைக்கல்லுக்கு வந்தால் இது இரவா பகலா என்றே ஒரு குழப்பம் வந்துவிடும். இருப்பினும் இந்த ஒட்டு மொத்த இரவுக்கடைகளில் நம்மிடம் அவர்கள் வாங்கும் தொகை மிக மிக சொற்பமே.

பெரியார் பேருந்து நிலையம், நேதாஜி ரோடு, டவுன்ஹால் ரோடு, ரயிலடி, க்ளாஸ்காரத்தெரு, மேலமாசி வீதி சந்திப்பு, தெற்கு மாசி வீதி, தெற்கு வாசல், மஞ்சனக்காரத் தெரு, சிம்மக்கல், முனிச்சாலை (சவுராஸ்டிரா உணவு வகைகள்) , காளவாசல், கீழ வாசல், தானப்ப முதலித் தெரு, சம்பந்த மூர்த்தி தெரு, தேர்முட்டி, டி.எம்.கோர்ட், காஜிம்மார் தெரு, கோரிப்பாளையம், புதூர், கே.கே,நகர் ஆர்ச் என எண் திசைகளிலும் இரவுக் கடைகள் பெட்ரோமாஸ் லைட்டுகளுடன் ஒளிரும். மெல்ல மெல்ல பெட்ரோமாக்ஸ் ஒளி LED பல்புகளாக உருமாறியது, தட்டின் மீதானவாழையிலை ப்ளாஸ்டிக் பேப்பராக மாறியது. ஆம்லேட்டு, ஆப்பாயிலுடன் இப்பொழுது கலக்கி வந்து தட்டில் அமர்ந்து கொண்டது. அக்கா கடைகளும் காலச்சக்கரத்துடன் இணைந்து மாற்றத்தை நோக்கி நடை போட்டுக் கொண்டுதான் வருகின்றன.

மதுரை நகரத் தெருக்களில் இரவு முழுக்க எந்த விதமான பயமும் இல்லாமல் நடந்து செல்லலாம். எந்தத் தெருவில் திரும்பினாலும் எங்கோ ஒரு உணவுக்கடையின் அடுப்பு நள்ளிரவு வரை எரிந்துகொண்டிருக்கும். மதுரையின் இரவு பாதுகாவலர்களாக இந்த அக்காக்கள் தான் இருந்தார்கள். சட்ட ஒழுங்கு என்கிற பெயரில் இன்று மெல்ல மெல்ல இந்த நகரத்திற்கு தூக்க மாத்திரைகள் கொடுக்கப்பட்டு இந்த நகரம் உறங்கத் தொடங்கிவிட்டது. தூங்கா நகரம் என்கிற விசயம் ஒரு நினைவாக எங்கள் காலத்திலேயே மாறி வருகிறது. சட்ட ஒழுங்கு நடைமுறைகளுக்கு பிறகு 11 மணிக்கு எல்லாம் இவர்கள் விரட்டப்பட்டு ஊர் வெறிச்சோடிக் கிடக்கிறது. ஆயிரம் ஆண்டுகளாக இருளின் அர்த்தத்தை மாற்றி இந்த உலகிற்கு அறிவித்த மதுரைக்காரர்கள் வசமிருந்த தூங்கா நகரம் முடக்கப்பட்டு விட்டது.

உலகின் பல நகரங்களில்அந்த நகரத்தின் ஏதேனும் ஒரு பகுதியில் உணவுக் கடைகளை எல்லாம் விடிய விடிய திறந்து வைத்து, பல நகரங்களில் NIGHT LIFE என்கிற ஒரு ஒன்றை உருவாக்க அவர்கள் கடும் சிரத்தை எடுக்கிறார்கள், ஆனால் ஆயிரம் வருடங்களாக இயல்பாக இருந்த ஒன்றை அதன் அருமை தெரியாமல் அழித்து விட்டோம்.

மதுரை போன்ற பழைய நகரத்தின் முகம் மாறிக் கொண்டேயிருக்கிறது, ஆனால் இந்த இட்லிக்கடை அக்காக்கள் எங்கள் வாழ்வில் உறவுகளை போல் மாறினார்கள், இவர்களின் வாடிக்கையாளர்கள் பலர் தொடர்ந்து வருடங்களாக சாப்பிட்டு உறவுமுறை சொல்லி அழைப்பவர்களாக மாறிவிட்டார்கள். க்ளாஸ்காரத்தெருவில் இருந்த அந்த இட்லிக் கடை மூடப்பட்டு விட்டாலும் இன்றும் இரவு நேரம் என் கால்கள் மெல்ல முகமதியர் சந்து வழியாக க்ளாஸ்காரத்தெருவிற்குள் ஒரு நடை நடந்து விட்டே பேருந்து நிலையத்திற்கு செல்லும்.

இந்த ஊரடங்கு காலம் காலமாக அன்பாக முகம் தெரியாதவர்களுக்கு எல்லாம் அன்னமிட்ட மதுரையின் அன்னபூரணிகளையும் பட்டினியில் போட்டது. இரவை தங்கள் இமைகளில் சுமந்தவர்களுக்கு மனப்பூர்வமாக பசுமை நடையின் பலசரக்கு பொதிகளை கொடுத்து விட்டு இன்னொரு நாள் சாப்பிட வருகிறோம் என்று சொல்லிவிட்டு கிளம்பினோம்.

#GREENWALKCORONARELIEFWORK
#MADURAILOCALHISTORY
#MADURAISUBALTERNS

நன்றியுடன்  பகிர்கின்றேன்

 

தோழர் பாலன் பதிவுகள்

5 days 8 hours ago
•எங்கு நல்ல புத்தகங்கள் எரிக்கப்படுகிறதோ
அங்கு விரைவில் நல்ல மனிதர்களும் எரிக்கப்படுவார்கள் - சே
அவர்கள் முதலில் யாழ் நூலகத்தை எரித்தார்கள். பின்னர் ஒன்றரை லட்சம் தமிழ் மக்களை எரித்தார்கள்.
ஆனால் வேடிக்கை என்னவெனில் எரித்தவர்கள் நல்லவர்கள் என்றும் அவர்களுடன் 5 வயது முதல் சேர்ந்து வாழக் கிடைத்தது தனது பாக்கியம் என்று ஒரு தமிழ் தலைவர் கூறுகிறார்.
அதைவிட வேடிக்கை என்னவெனில், ஏன் எமது நூலகத்தை எரித்தீர்கள் என்று கேட்ட தமிழ் இளைஞர்கள் பயங்கரவாதிகளாம்.
அவர்கள் அப்படி கேட்டது வன்முறையாம். அதை தன்னால் ஒருபோதும் ஆதரிக்க முடியாது என்று அந்த தலைவர் பெருமையுடன் பேட்டி தருகிறார்.
எப்படி முள்ளிவாய்க்கால் இனப்படுகொலைக்கு பிரபாகரனின் பயங்கரவாதம்தான் காரணம் என்று கூறுகிறார்களோ அதுபோல் யாழ் நூலகம் எரிக்கப்பட்டதற்கும் யாராவது ஒரு தமிழர்தான் காரணம் என்று இவர்கள் எதிர்காலத்தில் கூறுவார்கள்.
அல்லது, கிருசாந்திகளும் இசைப்பிரியாக்களும் தங்களைத் தாங்களே பாலியல் வல்லுறவு செய்து இறந்தார்களே அதே மாதிரி யாழ் நூலகமும் தனக்கு தானே தீ வைத்து எரிந்தது என்றும்கூட இவர்கள் கூறுவார்கள்.
அது உண்மைதான் என்று நம்புவதற்கும் அதனை பிரச்சாரம் செய்வதற்கும் நம் மத்தியிலும் நாலு பேர் இருப்பதுதான் எமது இனத்தின் சாபக்கேடு.
குறிப்பு - இன்று யாழ் நூலகம் சிங்கள அமைச்சர் மற்றும் பொலிசாரால் எரிக்கப்பட்ட தினம் ஆகும். (31.05.1981)
படம் இதைக் கொண்டிருக்கலாம்: வானம் மற்றும் வெளிப்புறம்

அஞ்சலி செய்வோம்! அடுத்த கட்டத்தை நோக்கி நகர்வோம்!!> இந்த நொடியில் என் மனதில்

2 weeks 2 days ago
 
<அஞ்சலி செய்வோம்! அடுத்த கட்டத்தை நோக்கி நகர்வோம்!!> இந்த நொடியில் என் மனதில்… (19/05/20)
இன்று பெருந்தேசியவாதம், போர் வெற்றி விழாவை கொண்டாடுகிறது. சிங்களம், பெளத்தம் ஆகிய இரண்டு சிந்தனையோட்டங்களின் ஊடாக தனது அரசியல், இராணுவ பலத்தை உறுதி செய்துகொள்ள இன்றைய ஆட்சி எதுவும் செய்யும். இந்த கொண்டாட்டமும் அதில் ஒன்றுதான்.
“பிறிதொரு அந்நிய நாட்டுடன் போர் செய்யவில்லை”, “உள்நாட்டுக்குள்ளேயே நடந்த போர்”, “இறந்து போனவர்களும் இலங்கையர்களே” என்ற வாதங்கள் எல்லாம், இங்கே எடுபடாது. இந்த இனவாத இறுக்கம்தான், இவர்களது இருப்புக்கு அடித்தளம். இதை நாம் ஒருபோதும் மறந்து விடக்கூடாது.
தமிழ் தேசியவாதம் போரில் மரணித்தோரை நினைந்து கதறி அழுகிறது. அஞ்சலி செலுத்துகிறது. போர் வெற்றி விழாவும், அஞ்சலி நிகழ்வுகளும் ஒன்றை ஒன்று ஈடு செய்பவையல்ல. ஒடுக்குவோரின் தேசியவாதமும், ஒடுக்கப்படுவோரின் தேசியவாதமும் ஒன்றுக்கொன்று சமமானவையல்ல.
இனி நாம், “இங்கே இருந்து எங்கே” என சிந்திக்க வேண்டும். வருடாந்த அஞ்சலி ஒன்று மட்டுமே எமது அரசியல் பயணம் ஆகிவிட முடியாது.
நடந்தவைகளுக்கான தீர்வுகளை தேடல், அதேவேளை, இதுபோன்ற அழிவுகள் மீண்டும் நிகழ்ந்துவிடாமலிருக்க வழி தேடல் ஆகிய இரண்டையும் நாம் கவனத்தில் கொள்ள வேண்டும்.
வரலாற்றில் தமிழினம் சரியான முடிவுகளையும், பிழையான முடிவுகளையும் ஒருசேர எடுத்துள்ளது. இந்த சரிகளுக்கும், பிழைகளுக்கும் ஒரு கட்சி, இயக்கம், தலைமை பொறுப்பேற்க முடியாது. இவை அனைத்தும் கடந்த சுமார் 80 வருட நிகழ்வுகளின் சங்கிலி தொடர் தொகுப்பு.
இனி, நிகழ்ந்துவிட்ட பிழைகளில் இருந்து பாடம் கற்க வேண்டும். எடுத்த சரியான முடிவுகளை இன்னமும் வலுப்படுத்த வேண்டும்.
<இனவாதம்>
சாத்தான், வேதம் ஓதும் கதையாக, கொழும்பிலே நெல்சன் மண்டேலாவின் பாரிய சிலையை அமைக்க போவதாக அரசு அறிவித்துள்ளது. நெல்சன் மண்டேலாவின் வாழ்வில் இரண்டு மிக முக்கிய அம்சங்கள் உள்ளன.
ஒன்று, அவர் ஆயுத போராட்டவழிமுறையை ஒருபோதும் நிராகரிக்கவில்லை. “அரச பயங்கரவாதமே எங்களை ஆயுதம் தூக்க வைத்தது” என்ற நிலைப்பாட்டில் அவர் உறுதியாக இருந்தார்.
28 வருடங்கள் சிறையில் இருந்த அவரிடம், “ஆயுத வழிமுறையை பகிரங்கமாக நிராகரித்தால், விடுவிக்கப்படுவீர்கள்” என வெள்ளை அரசு பேரம் பேசியும் அவர் பிடிவாதமாக மறுத்து விட்டார்.
இரண்டாவது, கடைசியில் விடுவிக்கப்பட்டு, சுதந்திர தென்னாபிரிக்க அரசதிபராக அவர் பதவியேற்றதும், அவரது ஏஎன்சி கட்சிக்குள்ளே, “வெள்ளையரை பழி தீர்ப்போம்” என்ற கருத்து வலுவாக எழுந்தது.
எப்படி ஆயுத வழிமுறையும் ஒரு போராட்ட வடிவம் என்பதை மறுக்க அவர் உறுதியாக மறுத்து விட்டாரோ, அதேபோல், வெள்ளை சர்வாதிகார அரசுக்கு பதில் கறுப்பு சர்வாதிகார அரசை நிறுவி பழி தீர்க்கவும் அவர் உறுதியாக மறுத்துவிட்டார்.
ஆகவே அவர் இன்றும், என்றும், மனிதரில் மாணிக்கமாக எங்கள் மனங்களில் வாழ்கிறார். வாழ்ந்து உலகிற்கு வழி காட்டுகிறார்.
தென்னாபிரிகாவின் பக்கத்து நாடான சிம்பாப்வேயும், வெள்ளையர் ஆட்சிக்கு எதிராக போராடி விடுதலை பெற்ற நாடுதான். ஆனால், முன்னால் போராளியான அந்நாட்டு அதிபர் ரொபர்ட் முகாபே தனது நாட்டை, வெள்ளையரை பழி தீர்க்கும் பாதையில் அழைத்து சென்றதால், இன்று நாடு குட்டிச்சுவராகி இருக்கிறது.
ஒரு விடுதலை போராளியாக உருவெடுத்த ரொபர்ட் முகாபே உலக சரித்திரத்தில் கரும்புள்ளியாக இடம் பெற்று இறந்து போனார். சிம்பாப்வே நாடு ஒதுக்கப்படுகிறது.
மியான்மர் நாட்டு பிரதமர் ஆங் சன் சூகியின் நிலைமையும் இதுதான். ரோஹிங்கியா முஸ்லிம் மக்களின் மீதான மியான்மார் பெளத்த இராணுவ வெறியாட்டத்தை கண்டிக்க தவறியும், படுகொலைகளை மறுத்தும் அவர் அவர் எடுத்துள்ள புது வடிவம், அவர் மீது உலகம் கொண்டிருந்த மரியாதையை இழக்க செய்துள்ளது.
கனடாவும், சர்வதேச மன்னிப்பு சபையும் அவருக்கு வழங்கியிருந்த விருதுகளை வாபஸ் வாங்கி விட்டன. அவருக்கு வழங்கப்பட்ட நோபல் பரிசும் திரும்ப பெறப்பட வேண்டும் என்ற கோஷம் எழுந்துள்ளது. மியான்மர் மீண்டும் ஒதுக்கப்படுகிறது.
ஆகவே இனவாதம் தோல்வியடையும். அதில் சந்தேகம் இல்லை.
இலங்கை தீவில் சிங்கள, முஸ்லிம் மக்களுடன்தான் நாம் வாழ போகிறோம். இதில் மாற்றுக்கருத்து உள்ளவர்களுடன் வாதிட நான் தயாரில்லை.
ஆகவே சிங்கள மக்களின் மனங்களை வெல்ல வேண்டும். கஷ்டமான காரியம் என்றாலும், சிலர் நினைப்பது போல் ரொம்ப கஷ்டமான காரியம் இல்லை. 1994, 2001, 2015 ஆகிய காலகட்டங்களில் கணிசமான சிங்கள மக்கள் சமாதானம், சகவாழ்வு என்ற முகாம்களுக்கு வந்தார்கள்.
இன்றைய அரச பெருந்தேசியவாதம்தான், சிங்கள பெளத்தத்தின் அதியுயர் உச்ச கட்டம். இனி மேலே போக இடமில்லை.
ஆகவே அரசியல், பொருளாதார, சமூக, உலக, இயற்கை காரணங்கள் காரணமாக, சிங்கள மக்களுக்கு சலிப்பை ஏற்படுத்தி, இது உடைந்து நொறுங்கும். அதற்கு மாற்று அரசு இதுபோல் வராது.
அப்போது முற்போக்கு, ஜனநாயக சிங்கள மக்களுடன் சேர்ந்துக்கொள்ள நாம் தவற கூடாது. அதுவரை “ஒரே இலங்கை, பல மொழிகள், பல மதங்கள், பல இனங்கள்” என்ற சகவாழ்வுக்கான பரப்புரையை செய்துவர மறக்கவும் கூடாது.
<இடைவெளி>
2015க்கு பிறகு நம் கொண்டு வந்த நல்லாட்சியின் மீது பெரும் குற்றப்பட்டியல் இருக்கிறது.
இந்த புதிய ஆட்சி வந்த புதிதில், அந்த குற்றப்பட்டியலை ஆளுகின்ற அரசுக்கு சமனாக, தமிழ், முஸ்லிம் பெருங்குடி மக்களில் ஒரு பிரிவினரே பெரிய எடுப்பில் வாசிக்க தொடங்கினார்கள். இப்போது அந்த வாசனை கொஞ்சம் ஓய்ந்து போய் விட்டது.
என்னிடமும் ஒரு பட்டியல் இருக்கிறது. அது சாதனை பட்டியல். அதில் முதலில் இருப்பதுதான், இடைவெளி என்ற SPACE.
அஞ்சலி செய்ய, கூட்டம் நடத்த, ஆர்ப்பாட்டம் செய்ய, கடையடைப்பு நடத்த, ஊர்வலம் செல்ல, கேள்வி கேட்க என்று பல்வேறு ஜனநாயக உரிமைகளை படிப்படியாக தேசிய பரப்பில் கொண்ட வந்து நாம் குவித்தோம்.
அவை இயல்பாக தமிழர் பரப்பிலும் பயன்படுத்தப்பட்டன. இன்று மீண்டும் 2015க்கு முந்தைய இறுக்கம் தலை காட்டுகிறது.
ஆகவே அந்த ஜனநாயக இடைவெளியை பாதுகாக்க, நாடு முழுக்க போராட தயாராகும், ஜனநாயக சக்திகளுடன் நாமும் கரம் கோர்ப்போம்.
<உலகம்>
2009ன் இந்த மாதத்தில் நடைபெற்ற போரை சாட்சியமில்லாத போராக இலங்கை நடத்தி முடித்து விட்டது. இதற்கு உலகம் துணை போனது. இதுதான் உண்மை.
இறுதி தினங்களில், உள்நாட்டு தமிழர்களின் அழுத்தம் காரணமாக, பிரிட்டிஷ், பிரான்சிய வெளிவிவகார அமைச்சர்கள் இங்கே வந்து யுத்தத்தை நிறுத்துங்கள் என ஜனாதிபதி மஹிந்தவிடம் சொன்னார்களே தவிர, உலகம் முழுக்க இலங்கை அரசின் யுத்த முனைப்பின் பக்கமே இருந்தது.
ஆகவே மஹிந்த இவர்களை கணக்கில் எடுக்கவே இல்லை. மில்லிபேன்ட், குச்னர் ஆகிய இருவரையும், மகிந்த கொழும்பில் சந்திக்காமல், தனது ஊருக்கு வரவழைத்து, ஒரு விடுமுறை கூடாரத்தில் சந்தித்தார்.
இவர்கள் இருவரும் கடைசியில், “நாங்கள் பிரபாகரனை காக்க வரவில்லை. மக்களை காக்கத்தான் வந்தோம்” என வாக்குமூலம் கொடுத்தார்கள். "அதெல்லாம் நாங்கள் பார்த்துக்கொள்கிறோம்" என்று மகிந்த கூற, அன்றைய அந்த சோக சூழலில் சிரிப்பு காட்டிவிட்டு, அவர்கள் இருவரும் போயே போய் விட்டார்கள்.
இன்னொரு சிரிப்பு நடிகர் கூட்டமும் இருந்தது.
அரசுடன் போரில் ஈடுபட்டிருந்த புலிகளுக்கு முழுமையான எதிர்ப்பு நிலைபாட்டை இந்திய மத்திய அரசு எடுத்திருந்தது.
இதற்குள், தமிழக அரசியல்வாதிகள் என்ற இன்னொரு சிரிப்பு நடிகர் கூட்டமும், அந்த சோக சூழலில் சிரிப்பு காட்டியது. இவர்களினால் ஒருகாலத்தில் பயன் இருந்ததுதான். பின்னாளில் அது மறைந்தது.
விடுதலை புலிகள் உட்பட, இலங்கை தமிழ் அரசியலர்கள் அந்த கடைசி தருணங்களில் தொலைபேசியில் அழைத்து பேசும் அளவுக்கு இவர்களை அதீதமாக நம்பி ஏமாந்த கதை நீண்டது.
உலகில் எதிரெதிர் தரப்புகளில் இருக்கும், அமெரிக்கா, ரஷ்யா, சீனா, இந்தியா, பாகிஸ்தான் மற்றும் ஐரோப்பிய யூனியன் நாடுகள் முதல் கம்யூனிஸ்ட் கியூபா வரை எல்லோருமே தங்கள் முரண்பாடுகளை மறந்து விட்டு, இலங்கை அரசின் பக்கம் நின்றன.
இதை இலங்கை அரசு எப்படி சாத்தியமாக்கியது என நிதானமாக சிந்திக்க வேண்டும்.
மேலே சொன்ன உலக நாடுகள் அனைத்தும் சுத்தமானவையல்ல. ஆனால், உலக ஒழுங்கு (World Order) என்ற ஒன்று இருக்கிறதே!
நாம் மட்டும் என்ன? ரொம்ப சுத்தமானவர்களா? நமக்கு நமது நலன் முக்கியம். அவர்களுக்கு அவர்கள் நலன் முக்கியம். இரண்டு நலன்களும் ஒரு நேர்கோட்டில் சந்திக்கும் வாய்ப்புகளை வரலாறு தந்தது. நாம் தவற விட்டோம்.
இனியும் அப்படி வாய்ப்புகள் வரும். அவற்றை நாம் தவற விடக்கூடாது.
குறிப்பாக இந்திய மத்திய அரசு முக்கியமானது. அதை மீறி இந்த பிராந்தியத்தில் எதுவும் நடை பெறாது. அங்கே எந்த கட்சி ஆட்சிக்கு வந்தாலும், நமக்கு அதன் நட்பு முக்கியமானது என்ற அடிப்படை உண்மைகளை முட்டாள்தனமாக மறக்க கூடாது.
<ஒற்றுமை>
போராட்டத்தின் இலக்கை எப்படியும் வரையறுக்கலாம். ஆனால், வன்முறை, போர், போராட்டம் என்று வரும்போது, அது வடக்கு கிழக்கு என்று வரையறை செய்ய முடியாது. நாடு முழுக்க அதன் தாக்கம் இருந்தது. நிகழ்ந்தது.
வடக்கில் சென்று குடியேறிய மலையக பூர்வீக தமிழர்களையும் போராட்டமும், போரும் உள்வாங்கின. மாவீரர்களாக கணிசமான மலையக தமிழர் பங்களித்துள்ளனர். அவர்களின் பெயர்களை அறிவிக்கும் போது, அவர்களின், சொந்த ஊரின் பெயர்களை அறிவிக்க வேண்டாம். அது அங்கே வன்முறையை ஏற்படுத்தும், என அப்போது புலிகள் பொறுப்புடன் முடிவெடுத்திருந்தனர். இது எனக்கு தெரியும்.
இறுதி கட்டத்தில் முள்ளிவாய்க்கால் வரை புலிகளுடன் சென்று மாண்டவர்களில், மீண்டவர்களில், வன்னியில், கிளிநொச்சியில் வாழ்ந்த மலையக பூர்வீக தமிழர்கள் கணிசமாக இருந்தனர். இருக்கின்றனர்.
இந்த வரலாற்று உண்மையை நாம் மறக்க கூடாது. அந்த இன ஒற்றுமையை அழித்து விட முனைய கூடாது.
<போராட்ட வடிவம்>
போராட்ட வடிவங்கள் காலத்துக்கு காலம் மாறும். ஆகவே அதை, இதை ஏற்கிறீர்களா, இல்லையா என நாம் சண்டையிட்டு காலத்தை வீணடிக்க கூடாது.
“அரச பயங்கரவாதமே எங்களை ஆயுதம் தூக்க வைத்தது” என்ற நிலைபாட்டை கொண்ட, நெல்சன் மண்டேலாவுக்கு இலங்கை அரசே சிலை எடுக்கிறதே! அப்புறம் என்ன?
சிலருக்கு ஆயுத போர் வடிவம் பிடிக்காது. எனக்கும் பிடிக்காது. ஆனால், அது ஒரு போராட்ட வடிவம். அதை தீர்மானிப்பது, அடக்குமுறையாளர்களே என்பதை நான் தெளிவாக உணர்ந்திருக்கின்றேன்.
99424389_10213217321786770_5690354930125
 
 
98453733_10213217364347834_7625695725170
 
 
 

சுமந்திரன் - சமுதித்த... சர்ச்சைக்குரிய பேட்டி 

3 weeks 3 days ago

Sumanthiran forced to backtrack after comments on LTTE spark Tamil ...

சுமந்திரன் - சமுதித்த.... சர்ச்சைக்குரிய பேட்டி 
சிங்களத்திலிருந்து  தமிழாக்கம் : சுவிசிலிருந்து ஜீவன்

சமுதித்த : இன்றைய அரசியல் களத்தில் சர்ச்சைக்குரிய ஒரு முக்கிய புள்ளியாக இருக்கும் ஒருவரை தேடி வந்திருக்கிறோம். அவர் யாழ்ப்பாண பாராளுமன்ற முன்னாள் உறுப்பினரும் ஜனாதிபதி சட்டத்தரணியுமான  M.A. சுமந்திரன் அவர்கள் வணக்கம்
சுமந்திரன்: வணக்கம்
சமுதித்த : தமிழ் தேசியக் கூட்டமைப்பை உருவாக்க முக்கிய காரணம் என்ன
சுமந்திரன்: உண்மையான காரணம் தான் இலங்கையில் வாழும் தமிழர்களுக்கு சுதந்திரம் கிடைத்த நாளிலிருந்து நியாயமான உரிமை கிடைக்கவில்லை எனும் எண்ணம்  உள்ளது.  அதை சரி செய்வதற்காக 1949 இல்  தமிழரசுக் கட்சி உருவானது. அதன் பின்னர் அதுவே வெவ்வேறு பெயர்களில் மாறி வந்து இப்போது தமிழர் தேசிய கூட்டமைப்பு என ஆகியுள்ளது.
சமுதித்த : தமிழ் தேசிய கூட்டமைப்பு என்பது விடுதலைப் புலிகளின் அரசியல் பகுதியா?
சுமந்திரன்:  இல்லை விடுதலைப் புலிகள் உருவானது 1970 களில் 
எங்கள் கட்சி உருவானது 1949ல்
சமுதித்த : தமிழ் தேசிய கூட்டமைப்பின் முதலாவது கூட்டத்தைக் கூட்டியவர் வேலுப்பிள்ளை பிரபாகரன்
சுமந்திரன்: இல்லை
சமுதித்த : பிரபாகரன்தான் தமிழ் தேசியக் கூட்டமைப்பை உருவாக்குகிறார். அதில் சம்பந்தன் அவர்கள் கலந்து கொள்கிறார்கள்.
சுமந்திரன்: இல்லை
சமுதித்த : நீங்கள் சொல்ல வருவது விடுதலைப் புலிகளின் தேவைகளுக்காக தமிழ் தேசியக்கூட்டமைப்பு உருவாகவில்லை என்றா?
சுமந்திரன்: அப்படி உருவானதாக சொல்ல முடியாது 2001 ஆம் ஆண்டு தமிழ் தேசியக்கூட்டமைப்பு உருவானபோது போர் நிறுத்தம் ஒன்று இருந்தது . அந்தக் காலத்தில் தான் தமிழ் தேசியக் கூட்டமைப்பு உருவானது. அப்போது விடுதலைப் புலிகளோடு  தொடர்பு இருந்தது. அரசும் அப்போது விடுதலைப் புலிகளோடு பேசிக் கொண்டிருந்த காலமாக அது இருந்தது.
சமுதித்த : தமிழ் தேசிய கூட்டமைப்பு உருவானபோது 7 கட்சிகள் இருந்தன . இப்போது இருப்பது மூன்று மட்டுமே புளொட் - டெலோ மற்றும் தமிழரசுக் கட்சி மட்டுமே இப்போது இருக்கிறார்கள்
சுமந்திரன்: இப்போது மூன்று கட்சிகள் இருந்தாலும் ஆரம்பத்தில் நான்கு கட்சிகள் இருந்தன. அந்த நான்கு கட்சிகளில் ஒன்றாக தான் இப்போது தமிழ் தேசிய கூட்டமைப்பு இருக்கிறது. காலத்திற்குக் காலம் சில கட்சிகள் உள்ளே வருகின்றன. சில கட்சிகள் வெளியே போகின்றன.
சமுதித்த : ஆனந்தசங்கரி அவர்களும் இந்த கட்சியில் இருந்தார்கள். பாசிசவாதிகளோடு என்னால் தொடர்ந்து இருக்க முடியாது என்றே அவர் வெளியே சென்றார்
சுமந்திரன்: ஆனந்தசங்கரி அவர்கள் இருந்தது தமிழர் விடுதலைக் கூட்டணியில். அந்தக் கட்சி தான் தமிழ் தேசிய கூட்டமைக்குள் இருந்தது.  தமிழரசு கட்சி அப்போது இருக்கவில்லை . ஆனந்த சங்கரி அவர்கள் தமிழர் விடுதலைக் கூட்டணியோடு ஒரு வழக்கை தொடுத்து செயல்பட்ட போதுதான் தமிழர் விடுதலைக் கூட்டணியையும் அவரையும்  வெளியேற்றப்பட்டு தமிழரசுக் கட்சி உள்ளே வந்தது
சமுதித்த : விக்னேஸ்வரன் அவர்கள் வெளியேறி இருக்கிறார்கள். ஆனந்தி சசிதரன் அவர்கள் வெளியேறி இருக்கிறார்கள்.  அப்படி  வெளியேறிய அனைவரும் உங்கள் மேல்தான் குற்றம் சுமத்துகிறார்கள்.
சுமந்திரன்: ஆம்! இரு சாராரும்என் மேல் குற்றம் சுமத்துகிறார்கள் . இன வாதிகளாக தன்னை காட்டிக் கொள்ளும் விக்னேஸ்வரன் அவர்களும் , ஆனந்தி சசிதரன் அவர்களும் என்  மேல் குற்றம் சுமத்துகிறார்கள். அதேபோல  தேசிய நீரோட்டத்தில் இருக்க வேண்டுமெனும் டக்ளஸ் தேவானந்தா போன்றவர்களும் என் மேல் குற்றம் சுமத்துகிறார்கள்
சமுதித்த : அவர்கள் , உங்கள் கட்சியை   ஐக்கிய தேசியக் கட்சியின் வாலில் தொங்க வைக்க முயற்சிக்கிறீர்கள் என்று சொல்கிறார்கள்.
சுமந்திரன்: அப்படி எதுவும் இல்லை. 2015 இல்  நாங்கள்தான் ஐக்கிய தேசியக் கட்சியின் ரணில் விக்ரமசிங்க அவர்களுக்கு  ஜனாதிபதி தேர்தலில் நிற்க வேண்டாம் என்று சொல்லி, சுதந்திரக்கட்சியின் பொதுச் செயலாளரான மைத்திரிபால சேனாநாயக்க அவர்களை கொண்டுவந்து ஜனாதிபதி தேர்தலில் நிற்க வைக்க உதவினோம்.  அது  ஐக்கிய தேசிய கட்சிக்கு நாம் கொடுத்த ஆதரவாக ஒருபோதும் கருதமுடியாது
சமுதித்த : சரியாக சொல்லுங்கள் தமிழ் தேசிய கூட்டமைப்பின் உண்மையான தலைவர் எம் ஏ சுமந்திரனா? அல்லது சம்பந்தனா?
சுமந்திரன்: சம்பந்தன்தான்
சமுதித்த : அது வெளியில் தெரியும் பார்வை. உண்மையான தலைவர் யார்?
சுமந்திரன்: உண்மையான தலைவரும் சம்பந்தன் அவர்கள்தான்
சமுதித்த : தமிழ் தேசியக் கூட்டமைப்பை  செயல்படுத்துவது சுமந்திரன்தான் என்று நான் நேரடியாக சொன்னால்!
சுமந்திரன்: இல்லை அதை நான் ஏற்றுக் கொள்ள மாட்டேன் . அதை மறுதலிக்கிறேன் . எனது செல்வாக்கு அதற்குள் இருக்கிறது . அதை நான் கொடுக்கும் அழுத்தம் என்று சொல்ல முடியாது
சமுதித்த : அதாவது நீங்கள் தலைமைக்கு அழுத்தங்களை கொடுக்கிறீர்கள்
சுமந்திரன்: சம்பந்தன் அவர்கள் எல்லா விடயத்திலும் என்னிடம் ஆலோசனை பெற்றுத்தான் சில வேலைகளை செய்கிறார்.
சமுதித்த : நீங்கள்  உத்தியோகபூர்வமற்ற தலைவர் என்கிறேன்
சுமந்திரன்: அப்படி இல்லை . நான் சொல்லும் அனைத்து ஆலோசனைகளையும் அவர் ஏற்பது இல்லை. அவர்தான் இறுதி முடிவை எடுக்கிறார்.
சமுதித்த : அப்போதிருந்த  இந்தத் தலைவர்கள் அனைவரும் விடுதலைப் புலிகளுக்கு பயந்து இருந்தார்கள். பிரபாகரனுக்கு பயந்து இருந்தார்கள். அதனால்தானே விடுதலைப் புலிகளுக்காக இந்த அரசியல் கட்சிகள் செயல்பட்டன.
சுமந்திரன்: அப்படி சொல்ல முடியாது. 2001லிருந்து 2004 வரையிலான காலப் பகுதியில்  விடுதலைப் புலிகளோடு இணைந்து செயல்பட்டார்கள். அந்த நேரம் இலங்கை அரசும் விடுதலைப் புலிகளோடு பேசிக் கொண்டிருந்த காலமாக அது இருந்தது.
சமுதித்த : எம் ஏ சுமந்திரன் இனவாதியா?
சுமந்திரன்: இல்லை! இனவாதி இல்லை
சமுதித்த : நீங்கள்  சிங்கள தமிழ் முஸ்லிம் இனக்குழுக்கள் ஒன்றாக வாழ வேண்டும் என்று விரும்புகிறீர்களா?
சுமந்திரன்: ஆம்! அப்படியான அனைவரும் ஒன்றாக வாழ வேண்டும் எனும்  கடும் நிலைப்பாட்டில்தான் இருக்கிறேன்.
சமுதித்த : உங்களுடைய சில கருத்துக்களை பார்க்கும்போது நீங்கள் ஒரு இனவாத கருத்தியல்வாதி போல  எங்களுக்கு தெரிகிறது
சுமந்திரன்: அப்படியான எந்த ஒரு அறிக்கையையும் உங்களால் காண்பிக்க முடியாது
சமுதித்த : உங்களுடைய உண்மையான அரசியல் தலைவர் யார்?
சுமந்திரன்: இன்றைக்கு என்னுடைய அரசியல் தலைவர் சம்பந்தன் அவர்கள்
சமுதித்த : நீங்கள் 2010இல் ஒரு வழக்கறிஞராக  அரசியலுக்குள்  தேசியப்பட்டியலின் ஊடாக பிரவேசிக்கிறீர்கள்.  நீங்கள் சிறையில் அடைக்கப்பட்டிருந்த புலிகளுக்காக வாதாடி  , காணாமல் போனவர்களுக்காக வாதாடி , இப்படி புலிகள் சார்பான ஒரு ஈர்ப்பை எடுத்துக் கொண்டுதான் நீங்கள் அரசியலுக்குள் வருகிறீர்கள். 
சுமந்திரன்: அது விடுதலைப் புலிகளுக்காக என்று யாரும் சொல்ல முடியாது.  நான் சிவில் வழக்குகளை வழக்காடும் ஒரு வழக்கறிஞர். அதனால் நான் கிரிமினல் வழக்குகளை வாதாடவில்லை. ஒன்றிரண்டு வழக்குகளில் வாதாடி இருக்கிறேன்.  90களில் நான் இந்த தொழிலில் ஈடுபட்டேன் . அந்தக் காலத்தில் நான்  PTA வழக்குகளுக்காக   ஜேவிபி தொடர்பாக வழக்காடியுள்ளேன். அதனால் விடுதலைப் புலிகளுக்காக நான் வழக்காடி நின்றதாக யாரும் சொல்ல முடியாது.
சமுதித்த : 2015இல்  58,000 வாக்குகளை பெறுகிறீர்கள் . அதாவது நீங்கள் ஒரு பிரபல்யமான ஒரு மனிதர் . ஜேவிபிகாக மட்டும் வாதாடி நீங்கள் 58,000 வாக்குகளை யாழ்ப்பாணத்தில் பெற முடியாதுதானே?
சுமந்திரன்: பெறமுடியும் . அந்தக் காலத்தில் நான் ஜேவிபியுடன்  இணைந்து யாழ்ப்பாணத்தில் சிகப்பு சட்டை அணிந்து மேதின ஊர்வலத்தில் கலந்து கொண்டேன்.  எங்கள் மக்கள் அப்படி பார்ப்பவர்கள் அல்ல
சமுதித்த : உங்களுடைய ஐடியோலஜி அதாவது அரசியல் இருப்பது ஜேவிபி உடனா? அப்படியானால் நீங்கள் தவறான இடத்தில் இருக்கிறீர்கள்?
சுமந்திரன்: ஜேவிபியோடு கருத்தியலாக அல்ல. அப்போதையஅரசுக்கு எதிராக ஜனநாயகப் போராட்டமொன்றை நடத்தினோம்.  அதற்கு ஜேவிபியும் இணைந்தனர். அதுவும் எம்மோடு கைகோர்த்து செயல்பட்ட ஒரு அமைப்பு.
சமுதித்த :  அப்படியானால் அனுரகுமார திசாநாயக்க தானே உங்கள் அரசியல்  தலைவராக முடியும்? 
சுமந்திரன்: அப்படி ஒன்றும் இல்லை . நான் எல்லா கட்சிகளுடன் இணைந்து வேலை செய்ய விருப்பமாக இருக்கும் ஒருவன்.
சமுதித்த : யாழ்ப்பாண மக்கள் சொல்கிறார்கள் வாக்குகளைப் பெற்றதற்கு பிறகு சுமந்திரன் அந்தப் பக்கமே வரவில்லை என்கிறார்கள்? 
சுமந்திரன்: அப்படி யாரும் சொல்லவில்லை
சமுதித்த :  சுமந்திரன் இப்போது எங்கே அரசியல் கைதிகளை பற்றிப் பேசுகிறார் ?காணிகளை பற்றி பேசுகிறார்? காணாமல் போனவர்களை பற்றி பேசுகிறார்?  தேர்தல் குறித்தும் அவசரகாலச் சட்டம் குறித்தும் பேசிக்கொண்டிருக்கிறார். 
சுமந்திரன்: இவை குறித்து பேசியது நான் என்று அவர்களுக்கு தெரியும்.  அதேபோல பல அரசியல் கைதிகள் வெளியே வரவும் நான் வேலை செய்திருக்கிறேன்.  காணிகளை விடுவிக்கவும் நான் வேலை செய்திருக்கிறேன்.  அவை அவர்களுக்கு தெரியும். 
சமுதித்த : இன்னும் விடுவிக்க வேண்டிய அரசியல் கைதிகள் இருக்கிறார்களா?
சுமந்திரன்: ஆம் 70 பேர் அளவு இருக்கிறார்கள்
சமுதித்த :  காணி விடுவிப்பு குறித்து மகிழ்ச்சி அடைகிறீர்களா?
சுமந்திரன்:  மகிழ்ச்சி அடையவில்லை. ஆனால் 80% ஆன காணிகள் விடுவிக்கப்பட்டு இருக்கின்றன.
சமுதித்த : காணாமல் போனோர் தொடர்பாக
சுமந்திரன்: அதுகுறித்து எதுவுமே நடைபெறவில்லை. ஓஏபி என ஒரு அமைப்பு  நிறுவப்பட்டது. அது சரியாக செயல்படவில்லை.
சமுதித்த : ஏன் நீங்கள் இலங்கையில் உள்ள அத்தனை பிரச்சினைகளையும் தூக்கிக் கொண்டுபோய் வெளிநாடுகளில் இலங்கைக்கு எதிராக கோள் மூட்டுகிறீர்கள்?
சுமந்திரன்:  இலங்கைக்கு எதிராக அல்ல. இலங்கை  சரியான நாடாக இருந்தால் அதை மறைத்து  ஒழித்துக்கொண்டு செய்ய முடியாது.  வெளிப்படையாக அவை செய்யப்படவேண்டும். அப்படி இல்லாமல் நாடு முன்னாள் நகர முடியாது.
சமுதித்த : புலிகளின் டயஸ்போராவோடு சுமந்திரனுக்கு தானே அதிக நெருக்கம் இருக்கிறது?
சுமந்திரன்: புலிகளின் டயஸ்போராவுக்கும்  எனக்கு எந்த தொடர்பும் இல்லை
சமுதித்த : ருத்ரகுமாரனோடு  உங்களுக்கு இருக்கும் தொடர்பு என்ன?
சுமந்திரன்: அப்படி ஒன்றும் இல்லை
சமுதித்த : தொலைபேசி உரையாடல் கூட இல்லையா?
சுமந்திரன்: ஒன்றிரண்டு முறை நான் பேசியிருக்கிறேன்.  அது ஒரு தொடர்பு என்று சொல்ல முடியாது . எனக்கு சில டயஸ்போறாக்களோடு சம்பந்தம் இருக்கிறது. ஜி டி எஃப்  - பி டி எஃப் - சிடிசி - ஏடிசி  நிறுவனங்களோடு எனக்கு தொடர்பு இருக்கிறது . அப்படியானவர்கள் எம்மோடு இணைந்து வேலை செய்யும் நிறுவனங்கள். 
சமுதித்த :  ருத்ரகுமாரன் உங்களோடு கடைசியாக பேசிய நாள் எப்போது என நினைவில் இருக்கிறதா?
சுமந்திரன்:  நினைவில்லை
எனக்கு 2016 அல்லது 2017ல் கலிபோர்னியாவில் இருக்கும் அவர்களது  பாராளுமன்றத்திற்கு வந்து பேசும்படி ஒரு அழைப்பு கிடைத்தது. அதை நான் ஏற்றுக் கொள்ளவில்லை.
சமுதித்த : ருத்ரகுமாரன் என்பவர் நாட்டுக்கு வெளியில் இன்னொரு ஈழத்தை உருவாக்க முயற்சி செய்யும் ஒரு நபர். அவருடன் ஏன் நீங்கள் உறவு வைத்திருக்கிறீர்கள்? 
சுமந்திரன்: அதுதான் சொன்னேனே எனக்கு உறவு என்று ஒன்றுமில்லையென்று. அவரது பாராளுமன்றத்திற்குள் வந்து பேச சொல்லி அழைப்பு ஒன்றை விடுத்தார் . நான் வர முடியாது என அதற்கு பதில் அளித்தேன். அவ்வளவுதான்
சமுதித்த : புலிகளின் டயஸ்போரா மூலம் வரும் பணம் முழுவதுமாக உங்கள் மூலமாகத்தானே  நாட்டுக்குள் வருகிறது. நீங்கள் தானே  அவர்களது முகவர் ? 
சுமந்திரன்: இல்லை! சில உறவினர்கள் தங்களது குடும்பங்களுக்கு பணம் அனுப்புகிறார்கள். அப்படியான பொருளாதாரம் ஒன்றுதான் வடக்கில் இருக்கிறது.  அங்குள்ள பிள்ளைகளுக்கு தொழில் வாய்ப்புகள் இல்லை. வேறு ஏதாவது செய்யக் கூட அவர்களுக்கு வாய்ப்புகளும் இல்லை. தங்கள் சொந்தங்கள் அனுப்பும் பணத்தில் தான் அந்த மக்கள் வாழ்கிறார்கள். அப்படி வேறு எந்த சம்பந்தமும் அங்கு இல்லை.
சமுதித்த : நீங்கள் பிரிவினை வாதத்தை ஏற்றுக் கொள்ளும் நபரா? இல்லாவிட்டால் தனிநாடு ஒன்றை உருவாக்க விரும்பும் நபரா?
சுமந்திரன்: அப்படி நான் நினைத்ததில்லை
சமுதித்த : நாங்கள் எல்லோரும் ஒன்றாக இருக்க வேண்டும் என்று நீங்கள் நினைக்கிறீர்களா?
சுமந்திரன்:  ஒன்றாக இருக்க வேண்டும். அதே நேரத்தில் அனைத்து இனங்களுக்கும் உரிமையோடு வாழக்கூடிய தன்மை  இருக்க வேண்டும்.  அரசியல் பலத்தை அனைவரும் பாவிக்கக் கூடியதாக இந்த அரசியல் இருக்க வேண்டும்
சமுதித்த :  அப்படியானால்  தேசிய கூட்டமைப்பு ஏன் பெடரல் வேண்டும் என்று கேட்கிறது?
சுமந்திரன்: பெடரல் முறையைத்தான் நாங்கள் கேட்கிறோம். பெடரல் முறையால்தான் அனைத்து இனங்களுக்கும் ஆன உரிமை கிடைக்கும் எனும்  உறுதி  இருக்கிறது.
சமுதித்த : அதாவது இன்னொரு நாடு
சுமந்திரன்:  இல்லை ! பெடரல்  என்பது இன்னொரு நாடு என்பதல்ல
சமுதித்த : பெடரல் என்பது இன்னொரு நாடு. பெடரல் என்றதும் நாடு பிரிந்தது என்றுதான் அர்த்தம்
சுமந்திரன்: அமெரிக்காவில் இருப்பதும் பெடரல் முறை - அவுஸ்திரேலியாவில் இருப்பதும் பெடரல்முறை - கனடாவில் இருப்பதும் பெடரல் முறை - ஐரோப்பிய நாடுகளில் பல நாடுகளில் இருப்பதும் இந்த பெடரல் முறை. அவை எல்லாம் வேறு வேறு நாடுகள் என்று யாரும் சொல்வதில்லை. அவை அனைத்தும் பலமான நாடுகள். அப்படி இருப்பதால்தான் அந்த நாடுகள் பலமாக இருக்கின்றன
சமுதித்த : நீங்கள் தேசியக்கொடியை ஏற்றுக்கொள்கிறீர்களா?
சுமந்திரன்:  ஆம்! அது எங்கள் தேசியக்கொடி. அதனால் நாங்கள் ஏற்றுக் கொள்கிறோம்
சமுதித்த : தேசிய கீதத்தை
சுமந்திரன்: தேசிய கீதத்தை ஏற்றுக்கொள்கிறேன் தேசியக் கொடியை நானே ஏற்றியிருக்கிறேன். யாழ்ப்பாணத்தில் நானும்  சம்பந்தன் ஐயாவும்   மட்டும்தான் அதைச் செய்கிறோம்.
சமுதித்த : அதைத்தான் சொல்ல வந்தேன். உங்கள் கட்சியை உங்களால் கட்டுப்படுத்த முடியவில்லை. மற்றவர்கள் அதைச் செய்கிறார்கள் இல்லை
சுமந்திரன்: அதுகுறித்து ஒரு சரித்திர பின்னணியை  நாம் பார்க்கவேண்டும்.  1972 எமது அரசியல் சாசனத்தை வரையும்போது எங்களை வெளியில் போட்டுவிட்டுதான் அதை உருவாக்கினார்கள். தமிழர்களை இணைத்துக் கொள்ளாமல் தமிழர்களது கருத்துகளை கூட கேட்காமல் அன்றைய தேசிய ஜீவனில் இருந்து எம்மை வெளியே தள்ளிவிட்டு அந்தக் கொடியை உருவாக்கினார்கள். அதனால்தான் 1976 களில் தனிநாடு ஒன்று வேண்டும் என்ற ஒரு எண்ணம் கோரிக்கையாக உருவானது. அதோடு வந்த கொடியை பலர் ஏற்றுக் கொள்ளவில்லை. அதை இன்னமும் பலர் ஏற்றுக் கொள்கிறார்கள் இல்லை. அன்று நாங்கள் ஏற்காததை மீண்டும் எப்படி நாங்கள் கைகளில் ஏந்துவது எனும் பிரச்சனை அவர்களிடம் இருக்கிறது.  எனக்கு அந்த பிரச்சினை இல்லை.
சமுதித்த : நீங்கள் விடுதலைப் புலிகளின் தலைவர் பிரபாகரனின் ஆயுதப் போராட்டத்தை ஏற்றுக் கொள்கிறீர்களா?
சுமந்திரன்: இல்லை நான் ஏற்றுக் கொள்ளவில்லை
சமுதித்த :  ஒரு போதும் ஏற்றுக் கொள்ளவில்லை
சுமந்திரன்: நான் இதை யாழ்ப்பாணத்திலும் சொல்லுகிறேன். ஏனைய பிரதேசங்களிலும் இதையே சொல்கிறேன் . அதனால் எனக்கு எதிர்ப்புகள் இருக்கின்றன.  அவர் எங்களுக்காக தானே போராடினார் ஏன் ஏற்றுக் கொள்கிறீர்கள் இல்லை என்று என்னோடு முரண்படுகிறார்கள். அதற்கு காரணம் நான் ஆயுதப்போராட்டம் ஒன்றை ஒருபோதும் ஆதரிப்பவன் அல்ல
சமுதித்த : ஏன் மீண்டும் பாராளுமன்றத்தை கூட்ட வேண்டும் என்று இந்த அளவுக்கு நீங்கள் முயற்சி செய்கிறீர்கள்?
சுமந்திரன்: எங்கள் நாடு ஜனநாயக ரீதியான ஒரு நாடாக இருந்தால் அதற்கு பாராளுமன்றம் ஒன்று இருக்கவேண்டும். பாராளுமன்றம் ஒன்று  இல்லாத  ஜனநாயக நாடொன்று  உலகத்தில் எங்குமே இல்லை.
சமுதித்த : பாராளுமன்றத்தை அரசியல் சட்டத்தின் பிரகாரம் மீண்டும் கூட்ட முடியாது தானே ?
சுமந்திரன்:  முடியும்! அவசர நிலையொன்று ஏற்பட்டால்  70/7 ல்  கலைக்கப்பட்ட பாராளுமன்றத்தை மீண்டும் கூட்டலாம் என இருக்கிறது
சமுதித்த :  அவசரகாலச் சட்டத்தில் அரசாங்கம் அதை சரியாக செய்து கொண்டுதான் போகிறது. அதில் திருப்தியடையவில்லையா?
சுமந்திரன்: அரசு என்பது 3 பிரிவுகள் உள்ளன.  இந்த முன்னால் இருக்கும் டிரைபோட் (கமரா ஸ்டான்ட்) போல நிர்வாகம் - நீதி மற்றும் பாராளுமன்றம்.  அதில் ஒன்று விழுந்தாலும் நாடே விழுந்துவிடும் அதனால் தான் அரசியல் அமைப்பிலேயே சொல்லப்பட்டிருக்கிறது பாராளுமன்றம் இல்லாது ஆகக் கூடியதாக மூன்று மாதம் மட்டுமே இருக்க முடியும். அப்படியான ஒரு  கடும் சட்டம் உண்டு.  அதற்குள் ஒரு அவசர நிலை உருவானால் உடனடியாக பாராளுமன்றத்தை கூட்ட வேண்டும் எனவும் அங்கே குறிப்பிடப்பட்டு  உள்ளது.
சமுதித்த :  பாராளுமன்றம்  இல்லாமலேயே  கொரோனாவை இந்த அரசு சரியாக கட்டுப்படுத்திக் கொண்டு  செல்கிறது தானே?
சுமந்திரன்: இல்லை ! அதை செய்ய முடியாது.  இப்போது புது சட்டங்களை உருவாக்க வேண்டும். கோவிட் குறித்து புதிய சட்டங்களை உருவாக்க வேண்டும். உலகத்தில் உள்ள அனைத்து பாராளுமன்றங்களும் கூடி புதிய சட்டங்களை வரைந்திருக்கிறார்கள்.  எங்களிடம் இருக்கும் சட்டம் சிடிஓ என ஒரு சட்டம் உள்ளது.  ஆயிரத்து ஐம்பது ஆண்டுகளுக்கு முன்னால் அது உருவாக்கப்பட்ட  மிகப் பழையது.  கொரைன்டைன் அக்ட் என்பது 100 ஆண்டுகளுக்கு முன்  பழமையானது.
சமுதித்த :  நீங்கள் சொல்லுவது ஏற்றுக்கொள்ள முடியாத ஒரு தர்க்கமாக இருக்கிறது
சுமந்திரன்: ஒன்று கொலராவுக்காக இயற்றப்பட்ட சட்டம். அடுத்தது சின்னம்மைகாக!  அந்த சுபாவம் வேறு விதமானது. கோவிட் 19ன்  சுபாவம் வேறுவிதமானது . அதனால்தான் பிரித்தானியா - இந்தியா - சிங்கப்பூர் ஆகிய நாடுகளில் மட்டுமில்லை ஏனைய பல நாடுகளிலும் கோவிட் 19 ஆக்ட்  என்னும் ஒரு சட்டத்தை  அவர்கள் கொண்டு வந்திருக்கிறார்கள்.  அப்படி இல்லாமல் நிர்வாகம் மட்டும் செய்யுமானால் அது நீதித் துறையின் அனுமதி இல்லாமல் செய்வதாகவே உள்ளது.
சமுதித்த :  ஏன் நீங்கள் இந்த அவசரகாலச்சட்டம் , சட்ட ரீதியானது இல்லை சட்ட ரீதியானது இல்லை என எல்லா இடத்திலும் சொல்லிச் சொல்லி  திரிகிறீர்கள்?
சுமந்திரன்: அது சட்ட ரீதியாக இல்லைதான் வேறு என்ன? யார் சொல்கிறார்கள்
சமுதித்த :  நோய்த்தடுப்பு மற்றும் நிவாரணம் குறித்த சட்டத்தில் அது சட்ட ரீதியான தாக இருக்கிறது
சுமந்திரன்: நான் வழக்கறிஞர் என்ற நிலையில் அது இல்லை என்று நான் சொல்கிறேன் . இப்படி ஒரு அவசர கால சட்டத்தை பிரகடனப்படுத்த முடியாது என நீதிமன்ற வழக்குகளில் காட்டப்பட்டுள்ளது. அதெல்லாம் தவறா?
சமுதித்த :  அப்படியானால்  நீங்கள் ஏன் மனித உரிமை கமிஷனுக்கு எழுதினீர்கள்?
சுமந்திரன்: மனித உரிமை கமிஷனுக்கு அதிகாரம் இருக்கிறது அரசுக்கு ஆலோசனை சொல்வதற்கு! நான் அவசரகால நிலை அவசியமானது எனச் சொல்லியுள்ளேன்.   அவசர காலச்சட்டம் இந்த நேரத்தில் நாட்டுக்கு தேவை. அதை முறையாக செயல்படுத்த வேண்டும். வெறுமனே ஜனாதிபதி ஊடகம் அவசரகால சட்டத்தை நடைமுறைப்படுத்துவதாக அறிவிக்க முடியாது . அது முறையாக கேசட் பண்ண பட்டு  பிரசுரிக்கப் படவேண்டும். சமூகத்துக்கு தெரிய வேண்டும் எந்த நேரத்தில் இருந்து இந்த நேரம் வரை என்பது யாரிடம் இருந்து அனுமதிப்பத்திரம் வாங்குவது என்பன குறித்து அறிவிக்கப்பட வேண்டும். அவை அத்தனையும் எமது சட்டத்தில் எழுதப்பட்டிருக்கிறது.
சமுதித்த :  நீங்கள் பாராளுமன்றத்தை கூட்ட சொல்வதற்கு வேறு ஒரு காரணம்தான் இருக்கிறது. இது பொய் தானே. உங்களுக்குள் இருப்பது வேறு ஒரு காரணம்தானே?
சுமந்திரன்: ஜனநாயகம் என ஒன்று இந்த நாட்டில் இருப்பதாக இருந்தால் இந்த நேரத்தில் பாராளுமன்றம் செயல்பட்டே ஆக வேண்டும்
சமுதித்த :  நிலையியற் கட்டளைகள முதலில் மீறி  மீண்டும் தேர்தலை அழைக்க கூடிய ஒரு சந்தர்ப்பத்தை உருவாக்கத்தானே பாராளுமன்றத்தை மீண்டும் கூட்ட முயற்சிக்கிறீர்கள்? 
சுமந்திரன்: இல்லை!  இதை இப்படித்தான் பார்க்க வேண்டும். ஜனாதிபதிக்கு தேர்தலை முன்னதாக நடத்துவதற்கு அதிகாரம் இருக்கிறது .  அப்படி இல்லாவிட்டால் செப்டம்பருக்கு பின்னர்தான் பாராளுமன்ற தேர்தல் நடைபெற வேண்டும்.  அவருக்கு இருக்கும் அதிகாரத்தை வைத்து தேர்தலை முன்னதாக அழைத்துள்ளார். அதற்கு சில நிபந்தனைகள் இருக்கின்றன. நாலரை வருடங்களுக்குப் பிறகுதான் அதை செய்ய முடியும். ஜனாதிபதி மைத்திரிபால சிரிசேன அவர்கள் அந்த நிபந்தனைகளை மீறினார் என்றுதான் உச்சநீதிமன்றம் அதை ரத்து செய்து அது செல்லாது என தீர்ப்பளித்தது. அதுபோல  வேறு நிபந்தனைகளும் இருக்கின்றன. மூன்று மாதத்திற்குள் பாராளுமன்றம் கூட்டப்பட்டே ஆக வேண்டும். அந்த நிபந்தனைகளை அவர் மீறினால்  அவர் முன்னால் தேர்தலை நடத்த வேண்டும் என்று சொன்னதும் ரத்தாகிவிடும்.
சமுதித்த :  உடைந்துபோன ஐக்கிய தேசியக் கட்சியை இணைக்க வைக்கவும் -தேர்தலுக்கான வேறு ஒரு நாளை பெறுவதற்காகவும் தானே பாராளுமன்றத்தை கூட்ட சொல்கிறீர்கள்
சுமந்திரன்:  ஐக்கிய தேசியக் கட்சி தொடர்பாக நான் இதைச் செய்யவில்லை.  நான் இன்னொன்றையும் சொல்கிறேன்.  இன்னும் 6 மாசம் சென்றாலும் ஐக்கிய தேசியக்கட்சி ஒன்றாக இணையாது. அது எனக்கு நன்றாக தெரியும். அது நடக்கவே நடக்காது. இது ஒரு பொய்யான குற்றச்சாட்டு.
சமுதித்த :  நீங்கள் ஒரு அரசியல் சதிகாரர்தானே?
சுமந்திரன்:  (சிரிப்போடு)  நான் அரசியலில் இருப்பது இந்த நாட்டின் தேசியப் பிரச்சனைக்கு எல்லோரும் ஏற்றுக்கொள்ளக்கூடிய விதத்திலான தீர்வு ஒன்றை உருவாக்குவதற்கு ஆவலில்தான்.
சமுதித்த :  என்னை பொருத்தமட்டில் நாட்டின் நன்மைக்கான எந்த ஒரு வழக்கிலும் நீங்கள் வாதாடியது இல்லை. அனைத்தும் நாட்டிற்கு கெடுதல் விளைவிக்கும் அதேபோல் சதிகார வழக்குகளில்தான் நீங்கள் வாதாடி இருக்கிறீர்கள். பார்த்தால் இவைகளின்  பின்னால் இருப்பது சுமந்திரன்தான்.
சுமந்திரன்:  2018 ஆம் ஆண்டு நவம்பர் மாதத்தில்  மைத்திரிபால சிறிசேன ஜனாதிபதி அவர்கள் செய்த செயலுக்கு எதிராக நான் வாதாடினேன். நீதிமன்றத்தில் இருந்த 7 நீதிபதிகளும் நீதி வழங்கினார்கள். அவர்களும் சதித் திட்டங்களில் ஈடுபட்டார்கள் என்றா சொல்லப் போகிறீர்கள்?
சமுதித்த :  இறுதியாக உங்கள் இதயத்தை தட்டி ஒரு கேள்வியை நான் கேட்கப் போகிறேன். நேரடியான பதிலொன்று தேவை? சிங்கள மக்களை நீங்கள் வெறுக்கிறீர்களா?
சுமந்திரன்:  இல்லை ஒருபோதும் இல்லை. நான் ஐந்து வயதிலிருந்தே கொழும்பில்தான் வாழ்கிறேன். எனது நண்பர்கள் பலர் சிங்களவர்களாக இருக்கிறார்கள். சிங்கள மக்களோடு சேர்ந்து வாழ்வது மகிழ்வானது என்றே நினைக்கிறேன்
சமுதித்த :  தெற்கில் இப்படிப் பேசும் நீங்கள் வடக்கில் போய் இன்னொரு கதை பேசுகிறீர்கள்தானே?
சுமந்திரன்: நான் வடக்கிலும் இதைத்தான் பேசுகிறேன்
சமுதித்த :  அந்த வடக்கு மக்களை உணர்ச்சி வசப்படுத்தி....
சுமந்திரன்: நான் அப்படி ஒருபோதும் செய்ததில்லை. அப்படி நான் செய்வதில்லை என்று தான் ஒரு குழுவினர் எனக்கு எதிராக செயல்படுகிறார்கள்.
சமுதித்த :  இந்த தேர்தலில் நீங்கள் வெற்றி பெறுவீர்களா?
சுமந்திரன்: நிச்சயமாக
சமுதித்த :  அந்த 58 ஆயிரமும் உங்களுக்கு கிடைக்குமா?
சுமந்திரன்: அதைவிட இரண்டு மடங்கு என்னால் எடுக்க முடியும். ஒரு லட்சத்துக்கு மேல் எனக்கு வாக்குகள் கிடைக்கும்.
சமுதித்த :  இது ஒரு சவாலா?
சுமந்திரன்: சவால்தான்
சமுதித்த :  அங்குள்ளவர்கள் சுமந்திரன் வந்தால் பார்த்துக் கொள்கிறோம் என்றுதான் பார்த்துக் கொண்டிருக்கிறார்கள் !
சுமந்திரன்: அவர்கள் எனக்கு வாக்களிக்க தான் பார்த்துக் கொண்டிருக்கிறார்கள்
சமுதித்த :  அவர்கள் பார்த்துக் கொண்டிருப்பது உங்களுக்கு வாக்களிக்க  இல்லை
சமுதித்த :  மிகவும் நன்றி! இதுவரை தமிழ் தேசியக் கூட்டமைப்பின் முன்னாள் பாராளுமன்ற உறுப்பினர் சுமந்திரன் அவர்களோடு பேட்டி கண்டோம். உங்களுக்கு நன்றி
சுமந்திரன்:  உங்களுக்கும் நன்றி

சிங்களத்திலிருந்து  தமிழாக்கம் : சுவிசிலிருந்து ஜீவன்

நானும் யாழ் இணையமும் - கோமகன்

4 weeks 1 day ago

நானும் யாழ் இணையமும் - கோமகன்

நான் யாழ் இணையத்தின் கருத்துக்களத்தில் 2011 இல் இணைந்தேன். எனது முதல் எழுத்தான 'நெருடிய நெருஞ்சி ' குறுநாவலும் அங்கேதான் உருவாக்கியது. நான் அங்கு இருந்த காலம் மிகக்குறுகியது. ஏறத்தாழ 2013 வரை அங்கு இருந்தேன். அப்பொழுதெல்லாம் இந்த முகநூல் பெரிய பிரபல்யம் அடையாத நேரம். கருத்துக்களம் எமக்கு பெரும் புதினமாக இருந்தது. அங்கேயே பாய் போட்டு படுத்திருந்தோம். ஒருவருக்குப்  பல முகங்கள் இருந்தன. சிலமுகங்கள்  சர்வதேசரீதியாக ஒரே தடவையில் கருத்துக்களத்தில் கருத்தாடுவார்கள். மட்டுநிறுத்தினர்கள் முழி பிதுங்குவார்கள், காரணம் அப்பொழுது பெரிதாக தொழில் நுட்பம் வளரவில்லை. கருத்துக்கள் பொறி பறக்கும். சண்டை சமாதானம் என்று எல்லாமே இருந்தது. அது ஒரு பொற்காலம் என்றே சொல்வேன். பலருக்குப் பலரை இன்னார் என்றே தெரியாது. ஆனால் அண்ணன் தம்பி போல் கட்டிப்பிரண்டு இருக்கின்றோம். ஐ டி க்களைப்பற்றி அறியும் ஆர்வம் எமக்கு இருந்தது. ஆனால் இன்றுவரை அவர்கள் யார் என்றே தெரியாது. ஆனால் இன்று முகநூல் ஒரு சிலரை அடையாளப்படுத்தி இருக்கின்றது அதில் முக்கியமானவர் எனது எழுத்து ஆசான்களில் ஒருவரான கிருபன் ஜி. அதே வெளியில் நான் சுருக்கு சுறுக்கராக வலம்வந்து பனங்கொட்டைத்தமிழில் எழுதுவதற்கு எனக்கு ஆதர்சமாக இருந்தவர் குமாரசாமி மற்றும் சுப்பையா. இன்று இங்கு உலாத்தும் உழவாரத்தை சில வேளைகளில் நான் குமாரசாமியோ என்று கூட எண்ணுவதுண்டு. இன்றும் கூட முகநூலில் யாழ் நண்பர்கள் நிதானம் தப்பாது நாகரிகமாக கருத்தாடுவதற்குரிய பயிற்சியை யாழ் கருத்துக்களுமே தந்தது.    

இன்று இலக்கியப்பரப்பில் நட்சத்திர எழுத்தாளர்களாக வலம் வந்து கொண்டிருக்கும் எழுத்தாளப்பெருமக்களின் ஆதி மூலம் யாழ் இணையம் தான். அதுதான் புலம்பெயர் ஈழத்து தமிழ் எழுத்துப்பரப்பிற்குப் பெரும்கொடையாளியாக இருந்தது. அதில் முக்கியமானவர்களை இங்கு வரிசைப்படுத்துகின்றேன். 

தமிழ்நதி 
வல்வைசஹாரா 
சந்திரவதனா 
கறுப்பி சுமதி 
சாந்தி 
நிவேதா உதயராஜன் ( மொசப்பத்தேமியா சுமேரியர் )
மயோ மனோ 
சாத்திரி 
சயந்தன் 
கானா பிரபா 
கோமகன் 
சஞ்சயன் 
ஜே கே படலை 
நெற்கொழுதாசன் 
இணுவையூர் மயூரன் 

இவர்கள் அனைவரும் தாங்கள் புனைந்த நூல்களின் அடிப்படையில் பொதுவெளியில் அறியப்பட்டவர்கள். சில பேர்கள் தவறவிடப்பட்டிருக்கலாம். அறியத்தந்தால் மிக்க நன்றியுடையவனாக இருப்பேன். நன்றி .

 

 

இந்த பெண் சொல்ல வருவது என்ன ?

4 weeks 2 days ago

 

வழக்கமா பார்த்து விட்டு கடந்து செல்லும் பதிவு இல்லை நிர்வாகம் பிழையென்றால் தூக்கி விடவும் அவவின் முகநூலில் செந்தமிழில் சரளமாய் எழுதி   பின் எடிட் பண்ரா  அவவின்  முகநூல் முகவரி https://www.facebook.com/dila.ni.7731?__tn__=%2CdC-R-R&eid=ARCWvNQL_0Bifa3yfqHYcmLR-XhAp12OnSXSUfc8DEE36rNiVcSRJ7A2Yma22K1waM1JVVvXVP5fHSQt&hc_ref=ARRHXQTO4uf66afyxO2jw_uj9CXHbCd34Ko7IAFYxlATgGi80NZ7UoOrfiJ8ZeIGB2A&fref=nf மது குடிக்க வரிசையில் நின்றதைவிட இது என்னென்று சொல்வதென்று தெரியவில்லை !......

மாவை... ஐயா, விட்ட மிகப் பெரும் தவறு.

1 month ago

பொலிஸ்..
அளவில்லாத கையுறையை கொடுத்து அணியச்சொன்னது முதல் தவறு...
கையுறையை வெற்றுக்கையால் எடுத்து கொடுத்தது இரண்டாவது தவறு...
அவரின் வயதுக்கேற்ற தடுமாற்றத்தை புரிந்துகொள்ளாமல் அதில் நிற்கவைத்து விளக்கம் அளித்தமை தவறு...
மா.வை ஐயா விட்ட மிகப்பெரும் தவறு இந்த கையுறை அளவு காணாது வேறு கொண்டுவா என கூறாமல் விட்டது... 
ஒப்புக்கு அதை வாங்கி பாதிக்கையில் நுழைத்துக்கொண்டது தவறு...
இப்பிடியெல்லாம் நடக்குமென்று தெரிந்து ஏற்கனவே ஏற்பாடுகள் செய்யாது சென்றது தவறு...
ஒரு பொலிஸ்காரர் முன்பு ஸ்கூல் பையன் மாதிரி நின்று கதை கேட்டுக்கொண்டு நின்றது தவறு...
தமிழரசின் தலைமையென்பது எதற்கும் தலைபணியாத தலைமையாக இருக்கவேண்டும்... இலங்கை அரசுக்கு நாகரீக அரசியலை கற்றுக்கொடுத்தவர்கள் தமிழரசின் தலைவர்கள் அதை பின்பற்றுங்கள் ஐயா 
அறியாமல் தவறு செய்திருப்பினும் அதை நியாயப்படுத்த தெரிந்தவர்கள்தான் 
அரசியலில் சாணக்கியர்கள் ஆகமுடியும்...

சுப்ரமணிய பிரபா

ஜப்பானின் நோபல் பரிசு பெற்ற மருத்துவ பேராசிரியர் டாக்டர் தாசுகு ஹொன்ஜோ, கொரோனா வைரஸ் இயற்கையானது அல்ல என்று கூறி இன்று ஒரு பரபரப்பை ஏற்படுத்தினார்.

1 month ago
Image may contain: 1 person, closeup
 
 

ஜப்பானின் நோபல் பரிசு பெற்ற மருத்துவ பேராசிரியர் டாக்டர் தாசுகு ஹொன்ஜோ, கொரோனா வைரஸ் இயற்கையானது அல்ல என்று கூறி இன்று ஒரு பரபரப்பை ஏற்படுத்தினார்.

"இது இயற்கையானது என்றால், இது உலகம் முழுவதையும் மோசமாக பாதிக்காது. ஏனென்றால், இயற்கையின் படி, வெவ்வேறு நாடுகளில் வெப்பநிலை வேறுபட்டது. இது இயற்கையானது என்றால், சீனாவைப் போன்ற வெப்பநிலையைக் கொண்ட நாடுகளை மட்டுமே இது மோசமாக பாதிக்கும் அதற்கு பதிலாக, இது சுவிட்சர்லாந்து போன்ற ஒரு நாட்டில் பரவுகிறது, அதே வழியில் அது பாலைவன பகுதிகளிலும் பரவுகிறது.

அதேசமயம் அது இயற்கையாக இருந்திருந்தால், அது குளிர்ந்த இடங்களில் பரவியிருக்கும், ஆனால் வெப்பமான இடங்களில் இறந்தது. விலங்குகள் மற்றும் வைரஸ்கள் குறித்து 40 வருட ஆராய்ச்சி செய்துள்ளேன். இது இயற்கையானது அல்ல. இது தயாரிக்கப்பட்டு வைரஸ் முற்றிலும் செயற்கையானது.

நான் சீனாவில் வுஹான் ஆய்வகத்தில் 4 ஆண்டுகள் பணியாற்றியுள்ளேன். அந்த ஆய்வகத்தின் அனைத்து ஊழியர்களையும் நான் முழுமையாக அறிவேன். கொரோனா வைரஸ் தோன்றியபின், அவர்கள் அனைவருக்கும் நான் போன் செய்து வருகிறேன். ஆனால் அவர்களின் தொலைபேசிகள் அனைத்தும் கடந்த 3 மாதங்களாக இறந்துவிட்டன.

இந்த ஆய்வக தொழில்நுட்ப வல்லுநர்கள் அனைவரும் இறந்துவிட்டார்கள் என்பது இப்போது புரிகிறது. இன்றுவரை எனது அனைத்து அறிவு மற்றும் ஆராய்ச்சிகளின் அடிப்படையில், இதை 100% நம்பிக்கையுடன் சொல்ல முடியும் - கொரோனா வைரஸ் இயற்கையானது அல்ல.

இது வெளவால்களிலிருந்து வரவில்லை. சீனா அதைத் தயாரித்தது. இன்று நான் சொல்வது பொய்யானது என நிரூபிக்கப்பட்டால் அல்லது எனது மரணத்திற்குப் பிறகும், எனது நோபல் பரிசை அரசாங்கம் திரும்பப் பெற முடியும். சீனா பொய் சொல்கிறது, இந்த உண்மை ஒரு நாள் அனைவருக்கும் வெளிப்படும் ".

க.பொ.த. சாதாரணம் – சரியான முறையில் எதிர்கொள்வோம்!

1 month 1 week ago

க.பொ.த. சாதாரணம் – சரியான முறையில் எதிர்கொள்வோம்!
=======================================

இலங்கையில் மீண்டும் ஒருமுறை மாணவர்கள் பலருக்கு மகிழ்ச்சியையும் பலருக்கு கவலையையும் தரக்கூடிய சூழ்நிலை இப்போது. கல்விப் பொதுத் தராதரப் பெறுபேறுகள் வெளியிடப்பட்டுள்ளன.

வழமைபோல அனைத்துப் பாடங்களிலும் சிறந்த பெறுபேறுகளை பெற்றவர்களைப் பலரும் பாராட்டித் தள்ளவும், பாடசாலைகள் தமது சாதனைப் பட்டியலை மீண்டும் தூக்கிப் பிடிக்கவும் இன்னொரு சந்தர்ப்பம் வந்துள்ளது. அதேபோல பிரபல பாடசாலைகள் தாம் பொறுக்கியெடுத்து வைத்துக்கொண்ட மாணவர்களின் சிறந்த பெறுபேறுகளை கல்வெட்டுகளில் பொறித்துக்கொள்வார்கள். ஊரெங்கும் தண்டோரா போட்டுச் சொல்வார்கள்.

அதே நேரம் இந்தப் பரீட்சையில் எதிர்பார்த்த பெறுபேறுகளைப் பெறாத மாணவர்கள், அதையிட்டு அதிகம் வருந்தத் தேவையில்லை. உயர்கல்விக்குத் தேவையான பெறுபேறு கிடைக்காவிட்டால் மீண்டும் ஒருமுறை கவனமாகப் படித்து அடுத்த வருடம் அந்தப் புள்ளிகளைப் பெற்றுக் கொள்ளலாம். 

உங்களில் சிலரின் பெற்றோர் உங்களிடம் கோபப்படக் கூடும். அது தங்கள் பிள்ளை படித்தும் நல்ல பெறுபேறு கிடைக்கவில்லையே என்ற ஆதங்கத்தில்தான் என்பதைப் புரிந்து கொள்ளுங்கள். பெற்றோர் திட்டினால் மனம் கலங்கி விடாதீர்கள். அடுத்தமுறை உங்களை நிரூபித்துக் காட்டுங்கள்.

உங்கள் நண்பர்களுடன் ஒப்பிட்டோ, அல்லது நீங்கள் எதிர்பார்த்தபடி சிறந்த பெறுபேறுகள் கிடைக்கவில்லை என்றோ நினைத்து கவலைப்பட்டு விபரீத முடிவு எதனையும் தயவுசெய்து எடுத்துவிடாதீர்கள். எங்கள் ஒவ்வொருவர் பிறப்புக்கும் ஒரு காரணம் இருக்கிறது என்பதை நம்புங்கள். இந்தப் பரீட்சை உங்கள் பிறப்புக்கான காரணத்தை அளவிடும் கருவியில்லை என்பதைப் புரிந்து கொள்ளுங்கள்.

பெற்றோர்களே !
----------------------------------
பெற்றோர்களே உங்கள் பிள்ளை நீங்கள் எதிர்பார்த்த பெறுபேறைப் பெறவில்லை என்று கவலைப்படுவதில் ஓரளவு நியாயமிருக்கிறது. ஆனால் அதற்காக பிள்ளையின்மேல் கோபப்படாதீர்கள். சாதாரண தரப் பரீட்சையில் அதிசிறந்த பெறுபேறுகளை எடுக்காத எத்தனையோ மாணவர்கள் உயர்தர பரீட்சையில் மிகச்சிறந்த பெறுபேறுகள் பெற்று தாம் விரும்பிய துறையில் கற்க பல்கலைகழகம் சென்றமை வரலாறு.

கடந்த காலங்களில் கல்வி தொடர்பாக பெற்றோர் திட்டியமையால் சில பிஞ்சுகள் தற்கொலை செய்துகொண்டதை நீங்களும் அறிவீர்கள். உங்கள் கோபம் உங்கள் பிள்ளையை தவறான முடிவெடுக்க வைத்துவிட்டால் உங்கள் வாழ்நாள் முழுவதும் நீங்கள் துன்பப்படுவீர்கள் என்பதை நினைவில் வைத்துக் கொள்ளுங்கள்.

உங்கள் உறவுகள் நண்பர்கள் என்ன சொல்லுவார்கள் என்று நினைத்து மன உளைச்சல்பட வேண்டாம். அவர்களின் பிள்ளைகளின் பெறுபேற்றுடன் ஒப்பிட்டு உங்கள் பிள்ளைகளைத் திட்டவும் வேண்டாம். 

உங்கள் பிள்ளையின் முதலாவது நம்பிக்கைத் தூண்களே நீங்கள்தான். உங்கள் பிள்ளை குறைவான பெறுபேறோ பரீட்சையில் தோல்வியோ அடைந்திருந்தால் நீங்கள்தான் ஆறுதல் சொல்லவேண்டும். அடுத்தமுறை பார்த்துக் கொள்ளலாம் என்று தைரியப்படுத்த வேண்டும். இந்தப் பரீட்சை முடிவுகள் மட்டுமே உங்கள் பிள்ளையின் எதிர்காலத்தை தீர்மானிக்கப் போகிறது என்று நினைத்து விடவேண்டாம். அவர்கள் கல்வியில் முன்னேற வேறு வழிகளும் இருக்கின்றன. 

இறுதியாக மற்றவர் பிள்ளைகளின் பெறுபேறுகளை அறியத் துடிப்பவர்களுக்கு,

தயவுசெய்து மற்றவர் எவ்வளவு பெற்றுக்கொண்டார்கள் என்பதை அறிய அவதிப்படாதீர்கள். உங்கள் உறவினரின் பிள்ளை நல்ல பெறுபேறு எடுத்தால் அவர்களே உங்களுக்கு அறிவிப்பார்கள். இல்லையெனில் பெறுபேறு குறைவு என்பதைப் புரிந்துகொண்ட அமைதியாக இருங்கள். 

குழந்தைகள் கல்வி தொடர்பாக பெற்றோரால் தண்டிக்கப்பட நீங்கள் காரணமாக இருக்காதீர்கள்.

 

 

மனிதாபிமான உதவிகளும் மதுபானக் கடைகளும் !

1 month 1 week ago

மனிதாபிமான உதவிகளும் மதுபானக் கடைகளும் !
=========================================
இலங்கையில் அண்மையில் COVID-19 தொற்றினைத் தடுக்கக் கொண்டுவரப்பட  ஊரடங்கு உத்தரவை அடுத்து, நாட்டின் பல பகுதிகளிலும் பல குடும்பங்களுக்கு வருமானம் அற்ற நிலை ஏற்பட்டது நாங்கள் அனைவரும் அறிந்ததே.

அதையடுத்து அவர்களுக்கு உதவ புலம் பெயர் தமிழ் அமைப்புகள் பலவும் முன் வந்ததும், அவர்கள் நாட்டின் பல பகுதிகளுக்கும் பொருட்களை அனுப்பி வைத்ததும் நாம் அறிந்ததே! அதே நேரம் இலங்கை அரசே வருமானம் குறைந்த, வருமானம் இழந்த குடும்பங்களுக்கு பணக் கொடுப்பனவுகளை மேற்கொண்டதும் இங்கு குறிப்பிடத்தக்கது. மறுபுறம் இலங்கையில் உள்ள சில மத அமைப்புக்களும் சமூக அமைப்புக்களும் தமது பங்குக்கு உணவுப் பொதிகளை வழங்கி வருகின்றன.

இவ்வாறு அரசும் புலம்பெயர் சமூகமும் உள்நாட்டு அமைப்புகளும் மக்கள் பசி தீர்க்க கடந்த இரண்டு வாரங்களாக பாடுபட்ட நிலையில் அரசாங்கம் ஏப்ரல் 20 அன்று ஊரடங்கைத் தளர்த்தியது. நீண்ட நாட்களின் பின்னர் கூண்டைவிட்டு வெளியே வந்த பறவைகளான இலங்கையின் குடிமக்கள் (மிக)நீண்ட வரிசையை மிகவும் ஒழுக்கமாக சமூக இடைவெளியைப் பேணியபடி நின்றனர். 

அது அத்தியாவசிய உணவுக்கான வரிசையல்ல.  அது விட்டதைப் பிடிக்கும் நோக்கிலும் இனி (வெளியே) விடாவிட்டால் என்ன செய்வது என்ற பயத்திலும் ஒரு மாதத்திற்கு தேவையான உற்சாக பானத்தை போதுமான அளவு வாங்கிச் சேமித்துவிட வேண்டும் என்று உறுதி கொண்ட வரிசையாக இருந்தது.  . 

நோய்த் தொற்றைத் தடுக்க இத்தனை நாட்கள் ஊரடங்கு உத்தரவு இருந்த நிலையில் இந்த ஒருநாளில் அவசரமாக மதுபானக் கடைகளைத் திறக்கவேண்டிய அவசியம், அவசரம் என்ன வந்தது என்ற கேள்வியும் எனக்கு வராமல் இல்லை.ஆனால் மக்களுக்கு அரசு செலவு செய்த பணத்தை (உதவித் தொகை) அரசு மீளப் பெற்றுக்கொள்ள இதைவிட மிக விரைவான வழிமுறை வேறொன்றும் இல்லைத்தானே? 

அது தவிர, மதுபான சாலை அனுமதிப்பத்திரம் வைத்திருக்கும் ஏழைப் பராளுமன்ற உறுப்பினர்களும் அவர்களில் தங்கி வாழ்வோரும் வருமானம் இல்லாது பட்டினி கிடக்க வேண்டியும் ஏற்படலாம் அல்லவா?

அரசு சாராயக் கடைகளைத் திறந்ததும் சாராயம் விற்றதும் எமக்குத் தேவையில்லாத விடயம், அது நாட்டின் தேசிய வருமானம் சம்பந்தப்பட்டது. அரசின் வருமானத்தைக் கெடுத்தவன் என்ற கெட்டபெயர் எனக்கெதற்கு? நான் கதைக்க வந்தது நம்நாட்டுக் குடிமக்களைப் பற்றியும் புலம்பெயர் தேச புரவலர்களைப் பற்றியும்தானே? அதைப்பற்றி மட்டும் பேசுவோம். 

இந்த சம்பவத்தையடுத்து சமூக வலைத்தளங்களில் பலரும் கொஞ்சம்கூட மனசாட்சியில்லாமல்  செய்வது இந்தக் குடிமக்களையும் அண்மையில் இலங்கைவாழ் தமிழர்களுக்கு ஓடோடி வந்து உதவிய புலம்பெயர் தமிழர்களையும்தான். 

வெளிநாட்டில் உள்ளவர்கள் நமது மக்கள் ஒருவரும் பட்டினி கிடந்து செத்துவிடக் கூடாது என்றுதானே பணம் அனுப்பி உதவினார்கள்? வாங்கியவர்களில் சிலர் அதைப் பாதி விலைக்கு விற்றுக் குடித்தால் கொடுத்தவர்கள் என்ன செய்வார்கள் என்று வெளிநாட்டு வள்ளல்களை ஆதரிப்போர் சொல்கிறார்கள். 

அரசே காசும் உணவும் கொடுக்கும்போது இவர்களும் பொருட்களை வாரி இறைத்ததால்தானே வாங்கியவர்கள் அவற்றைப் பாதி விலைக்கு விற்று அந்தக் காசில் மதுபானம் வாங்குகிறார்கள் என்று மறுசாரார் திட்டுகிறார்கள். குற்றம் செய்தவரைவிட செய்யத் தூண்டியவர்தனே குற்றவாளிகள் என்பது அவர்கள் வாதம்.

இன்னும் சிலரோ, இந்த வெளிநாட்டு உதவிகளை ஒவ்வொரு பிரதேச செயலாளர்கள் மூலமும் கொடுத்திருக்கலாம்தானே என்றும் வாதிக்கிறார்கள். சில பிரதேசச் செயலாளர்கள் சரியாக  வேலை செய்வதில்லை என்று மறுசாரார் குற்றம் சாட்டுகிறார்கள். மொத்தத்தில் வழமைபோல எமது பாரம்பரியம் தவறாமல் ஆளையாள் குற்றம் சொல்லிக் கொண்டிருக்கிறார்கள். 

புலம்பெயர் தமிழரே, உங்கள் உதவிகளுக்கு நன்றி. ஆனால் தயவுசெய்து அதை ஒருங்கிணைத்து எல்லோருக்கும் கிடைக்கும்படி செய்யுங்கள் என்று பொதுநல விரும்பிகள் கூறினால் வெளிநாட்டு தமிழர்களுக்கு கோபம் வருகிறது. 

ஏறச் சொன்னால் எருதுக்கு கோபம், இறங்கச் சொன்னால் முடவனுக்குக் கோபம் என்றதாக நிலைமை மாறிப் போச்சு.

இதைப்பற்றியெல்லாம் கவலைப்படாமல் எமது குடிமக்கள் ஊரடங்கு உத்தரவை மதித்து தத்தமது வீடுகளை அமைதியாகக் குடித்துக் கொண்டிருப்பார்கள். நான் மட்டும் எதற்காக இதைப்பற்றிப் பேசிக்கொண்டு........!?

பி.கு.: பண உதவி, பொருள் உதவி பெற்ற எல்லாருமே அதை மதுபானம் வாங்கப் பயன்படுத்தினார்கள் என்று நான் சொல்லவில்லை. ஏனெனில் உண்மையும் அதுதான். 
இரண்டாவது படத்தை பாருங்கள். உங்களில் யாராவது அந்த யானை மதுபானம் வாங்கத்தான் வந்தது என்றோ, வெளிநாட்டுத் தமிழரின் நிவாரணம் பெற்றது என்றோ உங்களால் குற்றம் சாட்ட முடியுமா?

 

 

தமிழர் இளையவர்கள் மத்தியில் தற்கொலைகள்

1 month 2 weeks ago

தமிழர் இளையவர்கள் மத்தியில் தற்கொலைகள்.
====================================
அண்மையில் என் நண்பரின் தளத்தில் பார்த்த ஒரு செய்திதான் என்னை இந்த விடயத்தை இப்போது எழுதத் தூண்டியது. பதினாறு வயதேயான ஒரு சிறுமி தற்கொலை செய்து கொண்டுள்ளார்.  இது எமது சமூகத்தில் நடக்கும் முதாவது தற்கொலையுமில்லை, இறுதித் தற்கொலையுமில்லை. 

எமது சமூகத்தில் ஏன் இளையவர்கள் தற்கொலை செய்கிறார்கள் என்று இதற்கு முன்னரும் பலரும் ஆராய்ந்துள்ளார்கள், இனியும் ஆராய்வார்கள். ஆனால் அவையெல்லாம் இந்தப் பிரச்சினையைத் தீர்த்துவிடுமா? நிச்சயமாக இல்லை.

பதின்ம வயதினர் ஏன் தற்கொலை செய்கிறார்கள் என்பதுபற்றி எமது சமூகத்தினருக்கு தெளிவு ஏற்பட்டால் மட்டுமே இனிவரும் காலங்களில் இவ்வாறான தற்கொலையைத் தடுக்க முடியும். அதற்கு இவ்வாறான தற்கொலைக்கான காரணங்களை நன்றாக ஆராய்ந்து இதற்கான அடிப்படைப் பிரச்சனைகள் எங்கிருந்து ஆரம்பிக்கின்றன என்பதைப் புரிந்து கொள்ள வேண்டும்.

இவர்களின் தற்கொலைக்கு கல்வியில் தோல்வி, காதல் தோல்வி, பாடசாலையில் சக மாணவரால், ஆசிரியரால் அல்லது அதிபரால் அவமானப்படுத்தப்படல், வீட்டில் தாயாருடன் அல்லது தந்தையுடன் சண்டை போன்ற காரணங்களைத் தவிர்த்து அண்மைக் காலமாக பிறந்தநாளுக்கு புது ஆடை வாங்கித் தரவில்லை, ஆசைப்படும் பொருளை பெற்றோர் வாங்கித் தரவில்லை, விளையாட்டு அணியில் இடம் கிடைக்கவில்லை போன்ற காரணங்களும் இணைந்துள்ளன. 

பெற்றோரின் பங்கு
---------------------------------
பிள்ளைகளைப் பெற்றுக் கொள்வது ஒன்றும் கஷ்டமான வேலையில்லை. அவர்களை வளர்த்து ஆளாக்குவதுதான் ஒவ்வொரு பெற்றோருக்கும் உள்ள சவால். ஏனெனில் யாருமே பிள்ளை வளர்ப்பதில் முன் அனுபவத்துடன் பிள்ளை பெற்றுக் கொள்வதில்லை. எல்லோருக்குமே பிரச்சனைகளை சரியாக கையாள்வதற்கான முதிர்ச்சியும் இருப்பதில்லை.

ஒவ்வொரு குழந்தைக்கும் ஒவ்வொரு திறமை இருக்கும் என்பதை பெற்றோர் உணரவேண்டும். பெற்றோரின் ஆசைகளைப் பிள்ளைகளின் மேல் திணிக்கக் கூடாது. நண்பர்கள், உறவினர்களின் பிள்ளைகளைப் பார்த்து உங்கள் பிள்ளைகளை அவர்களோடு போட்டி போடும் பந்தயக் குதிரை ஆக்காதீர்கள். 

பரீட்சையில் தோற்றாலும் ஒருவன் வாழ்க்கையில் வெற்றி பெறமுடியும் என்பதை நீங்களும் உணர வேண்டும் பிள்ளைகளுக்கும் சொல்லிக் கொடுக்க வேண்டும்.

பிள்ளைகளுக்கு பணத்தின் பெறுமதி உழைப்பின் பெறுமதி தெரியும்படி வளருங்கள். பிள்ளைகளை சமூகப் பொறுப்புள்ளவர்களாகவும் மற்றவர்மேல் அன்பு செலுத்தக் கூடியவராகவும் வளருங்கள்.  அவர்களை தோல்விகளைத் தாங்கக் கூடியவர்களாகவும் தைரியமானவர்களாகவும் வளர்க்க வேண்டும்.

பருவ வயதில் வரும் காதல் உணர்வும் சில பிள்ளைகளை தாம் தவறு செய்கிறோமோ என்ற குற்ற உணர்வுக்கு உள்ளாக்கி மன உளைச்சலுக்கும் உள்ளாக்கலாம். அந்த நேரத்தில் பொருத்தமான ஆலோசனைகள் அவர்களுக்கு ஆறுதலாக அமையலாம். 

பிள்ளைகளோடு மனம் விட்டுப் பேசுங்கள். உங்கள் பிள்ளை தனது படிப்பு, விருப்பமான துறை, ஆர்வமான விடயங்கள், எதிர்ப்பாலாரிடம் ஏற்படும் ஈர்ப்பு போன்றவை பற்றியும் தங்கள் பிரச்சனைகளையும் உங்களோடு மனம் விட்டு பேசக்கூடிய சூழலை ஏற்படுத்துங்கள். என் தந்தையோடு இதைப் பயப்படாமல் கதைக்கலாம், என் அம்மாவிடம் இதனைப்பற்றிச் சொல்லலாம் என்ற எண்ணம், தைரியம் உங்கள் பிள்ளைகளுக்கு ஏற்பட வேண்டும்.

அவர்களின் பிரச்சனைகளுக்கு நீங்கள் நீதிபதியாகாமல் அவர்களே சரியான தீர்வு எடுக்க உதவுங்கள். பிள்ளைகளுக்கு ஒரு அதிகாரியாக இல்லாமல் ஆலோசகராக இருக்க முயலுங்கள். 

உங்கள் பிள்ளையின் நடவடிக்கைகளில் சிறுமாற்றம் ஏற்பட்டாலும் அதைக் கவனித்து தகுந்த நேரத்தில் மெதுவாக அதைப்பற்றி பேசி அவர்களைச் சரிப்படுத்த உங்களால் ஆனதைச் செய்யுங்கள்.

ஏதோ காரணங்களால் உங்கள் பிள்ளைக்கு மன உளைச்சல் அல்லது மன அழுத்தம் இருப்பதாகத் தோன்றினால் உடனே தகுந்த உளவள ஆலோசனையைப் பெற்றுக் கொள்ளுங்கள். ஊரார் என்ன சொல்லுவார், உறவு என்ன சொல்லும் என்று நினைக்காதீர்கள். உங்கள் பிள்ளையின் உயிரை விடவா ஊராரின் பேச்சு உங்களுக்கு முக்கியம் என்று யோசியுங்கள்.

ஆசிரியரின் பங்கு 
---------------------------------
இளையவர்கள் வாழ்க்கையில் பெற்றோருக்கு அடுத்தபடியாக இருப்பவர்கள் ஆசிரியர்கள். இன்னொரு விதத்தில் சொல்வதென்றால் ஆசிரியர்களை இரண்டாவது பெற்றோர் என்றே சொல்லலாம். 

பல பாடசாலைகளில் மாணவர்களின் உளவியல் பிரச்சனைகளை இனங் காண்பதிலும் அவ்வாறான பிள்ளைகளுக்கு உதவுவதிலும் பல ஆசிரியர்கள் முக்கிய பங்கு வகிக்கிறார்கள். அவ்வாறான பிள்ளைகளின் ஆர்வங்கள், தனித்திறமைகளை இனங்கண்டு அவற்றில் ஈடுபட ஊக்கம் கொடுப்பதிலும்  மாணவர்களின் பிரச்சனைகளை பெற்றோருக்கு அறிவுறுத்துவதிலும் பிள்ளைகளின் உளவள ஆற்றுப்படுத்தலிலும்  இவ்வாறான ஆசிரியர்கள் பெரும் பங்காற்றி வருகின்றனர்.

ஆனால் எல்லா ஆசிரியர்களுமே அவ்வாறு நடந்து கொள்வதில்லை. சில ஆசிரியர்களே மாணவர்களின் தன்னம்பிக்கையை சிதைப்பவர்களாகவும் துன்புறுத்துவோராகவும் இருக்கின்றனர் என்பதும் மறுக்க முடியாத உண்மையே. அதிலும் சிலர் இளையவர்களை உடல்ரீதியாகவும் பாலியல் ரீதியாகவும் துன்புறுத்துகின்றனர். 

இன்னொரு வகையில் சொல்வதென்றால் சில இளையவர்களின் மன உளைச்சல், தற்கொலை எண்ணங்களுக்கு சில ஆசிரியர்களும் காரணமாக இருக்கின்றனர். 

இந்த நிலையும் மாறவேண்டும். இவ்வாறான ஆசிரியர்கள் மனம் திருந்தி ஏனைய நல்லாசிரியர்கள் போல மாறவேண்டும். 

பெற்றோரைப் போலவே ஆசிரியர்களும் தாம் கற்பிக்கும் ஒவ்வொரு பிள்ளையின் மீதும் உண்மையான அக்கறையும் பொறுப்பும் எடுத்துக் கொள்ள வேண்டும். எமது நாளைய சந்ததிகளைச் சரியாக வளர்த்தெடுப்பது எம் ஒவ்வொருவரின் கையில்தான் உள்ளது.

 

 

விலை உயர்ந்த பொருளை சமாதியில் புதைக்கலாமா..?!

1 month 2 weeks ago

 விலை உயர்ந்த பொருளை சமாதியில் புதைக்கலாமா..?!

பிரேசிலின் மிகப்பெரும் கோடீஸ்வரர் தனக்கு சொந்தமான பத்து லட்சம் அமெரிக்க டாலர் மதிப்புள்ள பெண்ட்லே சொகுசு காரை புதைக்க விரும்புவதாக விளாம்பரப்படுத்தினார் , அதற்கு அவர் சொன்ன காரணம் இறப்புக்கு பின்னர் இந்த கார் பயன்படும் என்று .

இதைக்கேட்ட பத்திரிக்கைகள் விமர்சனம் செய்தன , பைத்தியக்காரன் பத்துலட்சம் டாலரை வீணடிக்கிறானே முட்டாள் என்றெல்லாம் திட்டி எழுதினார்கள். 

large.A7127420-1F16-428C-B9D3-D20D57FFEB3F.jpeg.c611fc446d7c93efd90eaba7695cb4dc.jpeg

பொதுமக்கள் திட்டி தீர்த்தார்கள் . புதைப்பதாக சொன்ன தேதியும் வந்தது எல்லோரும் ஆவலாக என்னதான் நடக்குது என்று பார்க்க கூடினர் . 

பெண்ட்லே காரை புதைக்கும் அளவுக்கு பெரிய பள்ளம் வெட்டப்பட்டு புத்தம் புதிய அந்த காரும் நிறுத்தப்பட்டிருந்தது. எல்லோரும் பொறாமையாக பார்த்துகொண்டிருந்தனர்.

 பணக்காரர் வந்தார் காரை புதைக்கும் ஏற்பாடுகள் துவங்கியது.சிலர் நேரிலேயே அவரின் பைத்தியக்காரத்தனத்தை திட்டிதீர்த்தனர். 

விலை உயர்ந்த பொருளை இப்படி வீணடிக்கிறீர்களே இது எப்படி உங்கள் மரணத்திற்கு பிறகு பயன்படும் அதற்கு பதில் யாருக்காவது தானமாக கொடுத்தால் அவர்களுக்காவது பயன்படுமே என்று கோபத்துடன் கேட்டனர். 

அப்போது திடீரென அந்த பணக்காரர் சொன்னார்.நான் காரை புதைக்கவில்லை யாராவது அந்த முட்டாள் தனத்தை செய்வார்களா , உங்கள் எல்லோருக்கும் ஒரு உண்மையை உணர்த்தவே இப்படி வித்யாசமாக விளம்பரப்படுத்தினேன் என்றார் . 

large.D33D71DC-19B7-45F9-9E22-AA97186163BD.jpeg.c8e131d062eab75c626115d7c2775b82.jpeg

என்ன உண்மை என்றனர் அனைவரும். இந்த கார் பத்து லட்சம் யூஎஸ் டாலர்தான் இதை புதைக்கிறேன் என்றவுடன் கோபப்பட்டு கேள்வி கேட்கிறீர்களே நான் உங்களை ஒன்று கேட்கிறேன் இதைவிட விலை மதிப்பில்லாதது மனித உடல் உறுப்புகள் . இதயம் , கண் , நுரையீரல் , கிட்னி, தோல், என மனித குலத்துக்கு பயன்படும் மதிப்புமிக்க உடல் உறுப்புகளை புதைப்பதால் என்ன லாபம், யாருக்காவது தானமாக தரலாமே, 

லட்சக்கணக்கானவர்கள் உடல் உறுப்பு தானத்தை நம்பி வாழ்கிறார்கள் அவர்களுக்கு உங்கள் உடல் உறுப்புகள் பயன்படட்டுமே உடலுறுப்பு தானம் செய்யுங்கள் , அதை உணர்த்தவே இந்த நாடகம் என்றாராம் .

படித்ததில் பிடித்தது 

பெலோரஸ் ஜேக்‘ (Pelorus Jack)

1 month 2 weeks ago

நியூசிலாந்து நாடு இரண்டு பெரிய தீவுகளைக் கொண்ட நாடு. அந்த இரு தீவுகளுக்கும் இடைப்பட்ட கடற்பகுதியை குக் நீரிணை (Cook Strait) என்பார்கள்.

உலகின் மிக ஆபத்தான கடற்பகுதிகளில் இந்த குக் நீரிணையும் ஒன்று. வலிமையான 8 நாட் வரை வேகம் கொண்ட நீரோட்டம், பேரலைகள், கடற்பாறைகள் நிறைந்த பகுதி இது. இந்த நீரிணை வழியாகச் செல்லும் கப்பல்கள் பாறையில் மோதி உடைபடவோ, தரைதட்டவோ, உடைந்து நீரில் மூழ்கவோ வாய்ப்புகள் அதிகம். 

குக் நீரிணை என்றாலே கப்பல் மாலுமிகளுக்கு திக்திக் என்று இருந்தநிலையில் அவர்களுக்கு உதவியாக திடீரென ஒருநாள் களத்தில் குதித்தது ஒரு கடலுயிர். அது கண்டா வகை ஓங்கல்.

ஓங்கல்கள் எனப்படும் டால்பின்களில் பலவகைகள் உள்ளன. சீன ஓங்கல் (வெள்ளை ஓங்கல்) (Indo Pacific Humpbacked Dolphin),  கிண்கிணி ஓங்கல், கண்டா ஓங்கல் (Risso), வலவம் ஓங்கல் (Pilot Whale) என ஓங்கல்களில் பலப்பல ரகம். 

இந்தநிலையில் குக் நீரிணைப்பகுதியில் கப்பல்களுக்கு வழிகாட்டியாக ஒரு கண்டா ஓங்கல் 1888ஆம் ஆண்டு திடீரெனத் தோன்றியது. நியூசிலாந்தின் தலைநகரமான வெலிங்டனில் இருந்து தெற்குத் தீவில் உள்ள நெல்சனுக்குப் பயணம் செய்த பிரிண்டில் என்ற கப்பலுக்கு அது வழிகாட்டியது. பாறைகளில் கப்பல் மோதிவிடாமல், சரியான வழியைக் காட்டியபடி கப்பலின் கூடவே அது பாந்தமாக பவனி வந்தது.

ஏறத்தாழ 13 அடி (4 மீட்டர்) நீளமுள்ள ஓங்கல் அது. வெள்ளையில் சாம்பல் நிற வரிகளுடன் காணப்பட்ட அந்த ஓங்கல் ஆணா பெண்ணா என்பது கூட தெரிய வில்லை. ஆனால் கண்டா ஓங்கல்களில் ஆண் ஓங்கல்கள் மட்டுமே 4 மீட்டர் நீளம் வரை வளரும். ஆகவே, இந்த வழிகாட்டி ஓங்கல் ஆண் ஓங்கல்தான் என்ற முடிவுக்கு கப்பல்மாலுமிகள் வந்தார்கள்.

பிரிண்டில் கப்பலுக்கு மட்டுமல்ல, அடுத்த 24 ஆண்டுகளில் நாள்தோறும் இரவும் பகலும் அந்த கண்டா ஓங்கல் அந்த வழியே வரும் அனைத்துக் கப்பல்களுக்கு வழிகாட்ட ஆரம்பித்தது. கட்டணமில்லா சேவை.

அந்த கண்டா ஓங்கலுக்கு ‘பெலோரஸ் ஜேக்‘ (Pelorus Jack) என்று பெயர் சூட்டப்பட்டது. பெலோரஸ் ஜேக் என்பது ஸ்காட்லாந்து பகுதியைச் சேர்ந்த ஒரு நாட்டுப்புற நடனத்தின் பெயர். அந்த நடனத்தில் ஆடுபவர்களைப் போலவே நமது கண்டா ஓங்கலும் சுற்றிச்சுழன்று திருநடனம் புரிந்ததால் பெலோரஸ் ஜேக் என்ற பெயர் சூட்டப்பட்டது.

பெலோரஸ் ஜேக், ஒவ்வொரு கப்பலுடன் அரைமணிநேரம் வரை கூடவே வந்து வழிகாட்டும். சிலவேளைகளில் குக் நீரிணைப் பகுதிக்குள் நுழையும் கப்பல்கள் பெலோரஸ் ஜேக்குக்காகவே காத்திருக்கும். சில கப்பல் கேப்டன்கள் பெலோரஸ் ஜேக் வராமல் குக் நீரிணையில் பயணப்பட மாட்டார்கள்.

பெலோரஸ் ஜேக் சிலவேளைகளில் கப்பல்களுடன் 8 கிலோ மீட்டர் தொலைவு வரை கூடவே வரும். கப்பலில் இருந்து எழும் அலைகளில் சறுக்கி விளையாடும். ஆனால், குக் நீரிணையில் உள்ள பிரெஞ்சு பாஸ் என்ற பகுதிக்குள் மட்டும் அது நுழையாது. பிரெஞ்சு பாஸ் பகுதி வந்ததும் நின்று கொள்ளும். அங்கிருந்து திரும்பி வரும் கப்பல்களுக்கு மீண்டும் வழிகாட்டும்.

பெலோரஸ் ஜேக்கின் புகழ் உலகம் முழுவதும் பரவத் தொடங்க நாளிதழ்களில் அதுபற்றி செய்திகள் குவிந்தன. அஞ்சல்அட்டைகளில் பெலோரஸ் ஜேக்கின் படம் இடம்பெற்றது. பெலோரஸ் ஜேக்கைக் காண சுற்றுலாப்பயணிகள் நியூசிலாந்தில் குவியத் தொடங்கினர்.

ஒருமுறை பெங்குவின் என்ற பயணிகள் கப்பலைச் சேர்ந்த குடிகார மாலுமி ஒருவர் பெலோரஸ் ஜேக் ஓங்கலைக் கண்டு கடுப்பாகி, கப்பலின் மேற்தளத்தில் இருந்து அதை துப்பாக்கியால் சுட்டார். நல்லவேளை, பெலோரஸ் ஜேக் நீரில் மூழ்கி தப்பி விட்டது. அந்த குடிகார மாலுமியை மடக்கிப்பிடித்த சுற்றுலாப்பயணிகள் கரை வந்து சேர்ந்ததும் அவரை காவல்துறையிடம் ஒப்படைத்தனர்.

இந்த தகவல் இதற்குள் காட்டுத்தீயாகப் பரவ, நியூசிலாந்து நாட்டு நாடாளுமன்றம் கூடி, பெலோரஸ் ஜேக் ஓங்கலைக் காப்பாற்ற சட்டம் பிறப்பித்தது. அந்த ஓங்கல் மீது யாராவது தாக்குதல் நடத்தினால் 100 பவுண்ட் வரை தண்டம் என்று அரசு அறிவித்தது. உலக அளவில் தனியொரு கடலுயிரை பாதுகாக்க ஒரு நாட்டின் நாடாளுமன்றம் சட்டம் பிறப்பித்தது அதுவே முதல்முறை.

இதற்கிடையே இன்னொரு வியப்பூட்டும் சங்கதி நடைபெற்றது. குக் நீரிணைக்குவரும் அனைத்துக் கப்பல்களுக்கும் வழிகாட்டி வந்த பெலோரஸ் ஜேக், தன்னைச் சுட முயன்ற கப்பலான பெங்குவினுக்கு மட்டும் அதன்பிறகு வழிகாட்டவேயில்லை. இந்தநிலையில் ஒருநாள் குக் நீரிணைப் பகுதியில் கடற்பாறையில் மோதி பெங்குவின் கப்பல் உடைந்தது. அதில் 75 பேர் வரை பலியானார்கள்.

இதற்கிடையே பெலோரஸ் ஜேக்குக்கு வயதாகத் தொடங்கியது. கண்டா ஓங்கல்கள் 24 முதல் 30 ஆண்டுகள் வரை உயிர்வாழக் கூடியவை. இந்தநிலையில், 24 ஆண்டுகள் இடைவிடாமல் வழிகாட்டி பணிபுரிந்த பெலோரஸ் ஜேக், அதன் ஓய்வு வயதை எட்டத் தொடங்கியது.
வயதாகி விட்டதால் அதன் வேகம் குறையத் தொடங்கியது. அதற்கேற்ப நீராவிக் கப்பல்களும் பெலோரஸ் ஜேக்குக்கு ஏற்ப தங்கள் வேகத்தைக் குறைத்துக் கொண்டு அதை பின்தொடர ஆரம்பித்தன. 

இதற்கிடையே தனது பணி தனக்குப்பிறகும் தொடர்ந்து தொய்வில்லாமல் நடைபெற வேண்டும் என்பதற்காக நாய்ச்சுறா ஒன்றுடன் பெலோரஸ் ஜேக் நட்புறவை ஏற்படுத்திக் கொண்டு அந்த நாய்ச்சுறாவை தனக்கு மாற்றாக களமிறக்க முயன்றதாகக்கூட ஒரு கதை உண்டு.
எது எப்படியோ? கடைசியாக 1912ஆம் ஆண்டு ஏப்ரல் மாதம் பெலோரஸ் ஜேக் ஒரு கப்பல் மாலுமியின் கண்ணில் பட்டது. அதன்பிறகு அதைக் காணவில்லை. 1912ஆம் ஆண்டு ஏப்ரல் மாதம் குக் நீரிணைப்பகுதியில் நங்கூரமிட்டு நின்ற நார்வே நாட்டு திமிங்கில வேட்டைக்கப்பல் ஒன்று பெலோரஸ் ஜேக்கை வேட்டையாடி விட்டதாக நம்பப்பட்டது. 

ஆனால், குக் நீரிணை பகுதியில் கடலோர விளக்குகளை பராமரித்து வந்த சார்லி மொய்லர் என்பவர் பெலோரஸ் ஜேக் போன்ற ஒரு கண்டா ஓங்கல் இறந்து கரை ஒதுங்கியதாகக் கூறினார். அந்த ஓங்கலின் உடல் துணுக்குகளை ஆய்வு செய்ததில் அது 24 முதல் 30 வயதான ஓங்கல் எனத் தெரிய வந்தது. அது பெலோரஸ் ஜேக்கின் உடல்தான். முதுமை காரணமாக பெலோரஸ் ஜேக் இயற்கை மரணம் அடைந்து விட்டது என கருதப்பட்டது.

உலக அளவில் பெலோரஸ் ஜேக்கைப் புகழ்ந்து பாடல்கள் இயற்றப்பட்டன. ஒரு சாக்லெட்டுக்கு பெலோரஸ் ஜேக்கின் பெயர் சூட்டப்பட்டது. நியூசிலாந்தில் பெலோரஸ் ஜேக்கின் மிகப்பெரிய வெண்கலசிலை நிறுவப்பட்டது. 

இதற்கிடையே பெலோரஸ் ஜேக்கை பிடிக்காத சிலரும் அப்போது இருந்தார்கள். ‘பெலோரஸ் ஜேக் ஒன்றும் கப்பல்களுக்கு வழிகாட்டவில்லை. அது கப்பல்களால் உருவாகும் அலைகளைப் பயன்படுத்தி அலைச்சறுக்கு செய்யத்தான் கப்பல்களுடன் பயணித்தது‘  என்பது அவர்களது கருத்தாக இருந்த து.

எது எப்படியோ? பெலோரஸ் ஜேக் இருந்த வரை, குக் நீரிணைப் பகுதியில் அது வழிகாட்டிய எந்த ஒரு கப்பலும் விபத்தில் சிக்கவில்லை. ஆனால், பெலோரஸ் ஜேக்கின் மறைவுக்குப்பிறகு கப்பல் விபத்து நடந்தது குறிப்பிடத்தக்கது.

பதிவு (தேடலின் திடல்)FB
ஐயா  மோகன ரூபன்

Link ; https://theculturetrip.com/pacific/new-zealand/articles/the-truth-behind-the-new-zealand-legend-of-this-heroic-dol

E- Kalvi அமைப்பு பற்றிய சிறு குறிப்பு ..

1 month 2 weeks ago
 
Image may contain: 2 people, eyeglasses
 
 

இலங்கையில் இடம் பெற்ற முப்பது வருட யுத்தம், பல கல்வியாளர்களை புலம் பெயர வைத்தது. அவர்கள் அனைவரும் விருப்பத்தின் பேரில் புலம்பெயர்தவர்கள் அல்ல. தமது சிந்தனை திறனை, அறிவை மனிதசமூகத்துக்கு இலங்கையில் வழங்க முடியாத சூழ்நிலையில், உலகின் ஏதோ ஒருமூலையில் இருந்து கொண்டு வழங்குவோம் என்றே புலம்பெயர்ந்தார்கள்....

அந்தவகையில், புலம் பெயந்தவர்தான் நண்பர் கலாநிதி குமாரவேல் கனேசன். புலம் பெயர்ந்து அவுஸ்ரேலியாவில் வாழ்ந்தாலும், இலங்கையில் உள்ள மாணவர்களுக்குள்ள ஆசிரியர் பற்றாகுறையை உணர்ந்து, தன்னோடு ஒத்த சிந்தனை உள்ளவர்களையும் இணைத்து, E kalvi என்ற ஓர் அமைப்பை உருவாக்கி, அதன் மூலம் இலங்கை கிராமங்களில், இளைஞர்களை கொண்ட தன்னார்வு அமைப்புகளை உருவாக்கி மாணவர்களுக்கு இலவச கல்வியை வழங்கி வருகின்றார். வடமாகாண கல்வி திணைகளமும், சில பாடசாலைகளில் இவர்களது சேவையை பயன்படுத்துகின்றது. E Kalvi அமைப்பின் அனுசரனையுடன் உருவாக்கப்படும் இளைஞர் தன்னார்வ குழுக்கள், சுயமாக செயலூக்கத்துடன் இயங்க கூடிய ஜனநாயக பண்புகளுடன் கூடிய மிகச்சிறந்த மாதிரியாகும்.

இலங்கையில் E Kalvi Centres என்று அழைக்கப்படுகின்ற இந்த அமைப்புக்கள் வடகிழக்கு, மலையகம் உட்பட 30 க்கு மேற்பட்ட இடங்களில் செயற்பட்டு கொண்டு இருப்பதுடன், ஒவ்வொரு கிராமசேவையாளர் பிரிவுக்கும் ஒவ்வொன்றாக இது பரந்து வியாபித்து வளர வேண்டும்.

E kalvi அமைப்பின் செயற்பாடு மட்டுமல்ல, தற்போது கோரோனா வைரஸ் தாக்குதலினால், உலகமே பதட்டத்துக்குள்ளாகி இருக்கும் போது மக்களுக்கு விழிப்புணர்வை கொடுக்கும் வகையில் பல கட்டுரைகளையும், செய்திகளையும் முகநூல் வாயிலாக வெளியிட்டு வருகின்றார்.

தானுன்டு,தன் குடும்பம் உண்டு என்று இல்லாமல் தன்னால் இயன்ற சமூகநலப்பணிகளை செய்து வருகின்ற கலாநிதி குமாரவேல் கனேசன் அவர்கள் தொடர்ந்தும் அப்பணிகளை,தேக ஆரோக்கியத்துடன், உத்வேகத்துடன் செய்வதற்கு இறையருள் துணை நிற்க வேண்டும் என பிரார்தித்து, அவரது பிறந்த நாளான இன்று அவரை வாழ்த்துவதில் பேருவகை கொள்கின்றேன். நீங்களும் என்னுடன் இணைந்து அவரை வாழ்த்துவதோடு மட்டுமல்லாமல், பின்வரும் இணைப்புக்கு சென்று அனைத்து செயற்திட்டங்களையும் பார்வையிட்டு, அங்கத்தவராக சேர்ந்து, ஏழை மாணவர்களின் கல்வி கண் திறக்கும் இந்த மகத்தான பணியினை மேலும் விரிவாக்க உதவுமாறும் வேண்டுகின்றேன்.

E- Kalvi அமைப்பு பற்றிய சிறு குறிப்பு ..

1.e-Kalvi Charity Fund Inc. (also known as JUGA - Victoria Inc) - என்பது அவுஸ்திரேலியாவின் விக்டோரியா மாநிலத்தில் வாழும் யாழ் பல்கலைக்கழக பட்டதாரிகளினால் 2014 ஆம் ஆண்டு உருவாக்கப்பட்டு இலாப நோக்கமற்ற ஒரு தன்னார்வ தொண்டு நிறுவனமாக பதிவுசெய்யப்பட்டுள்ளது.

2. நண்பர் குமாரவேலு கனேசன் அவர்கள் அதன் ஆரம்பகால உறுப்பினராகவும் தொடர்ந்தும் அதன் செயலாளராகவும் தொடர்பாளராகவும் இருந்து வருகின்றார் . 2018 ஆம் நிதியாண்டில் அதன் தலைவராக கடமையாற்றியுள்ளார் . e-Kalvi charity யின் பங்களிப்பில் தற்போது Muralee Muraledaran தலைமையில் 18 பேர் கொண்ட செயற்குழுவும் 100 க்கும் மேற்பட்ட உறுப்பினர்களும் ஈடுபட்டுள்ளனர்.

3. e-kalvi charity யின் தற்போதைய facebook பக்கம் - https://www.facebook.com/JUGAvictoria. இணையம் www.ekalvi.org

4. தற்போது வடமாகாண கல்வியமைச்சு, வடமாகாண கல்வித்திணைக்களம், இலங்கை தேசிய கல்வி நிறுவனம் என்பன E Kalvi அமைப்பின் நடவடிக்கைகளை அங்கீகரித்து சேர்ந்து பயணிக்கின்றன.

5. E - Kalvi அமைப்பின் மகுட வாசகம் - Educated Children are Our Future - கற்றறிந்த சிறுவரே எம் கலங்கரை விளக்கம்.

அன்ன சத்திரம் ஆயிரம் வைத்தல், ஆலயம் பதினாயிரம் நாட்டல், பின்னருள்ள தருமங்கள் யாவும், பெயர் விளங்கி ஒளிர நிறுத்தல், அன்னயாவினும் புண்ணியம் கோடி ஆங்கோர் ஏழைக்கு எழுத்தறிவித்தல்'

-பாரதி

அன்பே இறைவன்
#யோவதியார்
17.04.2020

கர்ப்பிணி நர்ஸ் உயிரைப்பறித்த கொலைகார கொரோனா

1 month 2 weeks ago

கர்ப்பிணி நர்ஸ் உயிரைப்பறித்த கொலைகார கொரோனா

கொரோனா வைரசுக்கு எதிராக களத்தில் நின்று போராடும் பலர் தங்கள் விலை மதிக்க முடியாத உயிரை இழக்கிற சோக சம்பவங்களும் நிகழ்ந்துவிடுவது, நெஞ்சை நொறுக்கி சுக்கு நூறாக்கி விடுகின்றன.

கொரோனா வைரசுக்கு எதிராக களத்தில் நின்று போராடுகிற உண்மையான வீரர்கள், வீராங்கனைகள் யார்? என்றால் அவர்கள் டாக்டர்கள், நர்சுகள், மருத்துவ சார்பு பணியாளர்கள் என்றுதான் சொல்ல வேண்டும்.

அவர்கள்தான் உண்மையிலேயே உயிரைப்பணயம் வைத்து தங்கள் கடமையை... இல்லை சேவையை தொடர்ந்து கொண்டிருக்கிறார்கள். ஒவ்வொரு நாளும் அவர்களுடைய உயிருக்கு சவால்களும், சோதனைகளும் தொடர்கின்றன. ஆனாலும், “என் கடன் பணி செய்து கிடப்பதே” என்று அவர்கள் புனிதப் பணியை செய்து கொண்டிருக்கிறார்கள்.

இந்த களத்தில் பலர் தங்கள் விலை மதிக்க முடியாத உயிரை இழக்கிற சோக சம்பவங்களும் நிகழ்ந்துவிடுவது, நெஞ்சை நொறுக்கி சுக்கு நூறாக்கி விடுகின்றன.

அப்படி ஒரு சம்பவம்தான் இப்போது இங்கிலாந்து நாட்டில் நடந்து இருக்கிறது.

லண்டன் மாநகரில் இருந்து 35 கி.மீ. வடக்கேயுள்ள லூட்டன் நகரில் உள்ள லூட்டன் அண்ட் டன்ஸ்டபிள் பல்கலைக்கழக ஆஸ்பத்திரியில் கடந்த 5 ஆண்டுகளாக நர்சாக சேவை செய்து வந்தவர், 28 வயதேயான மேரி அகியேவா அகியா போங். இவர் ஆப்பிரிக்க நாடான கானாவை சேர்ந்தவர். கர்ப்பிணி.

ஆனாலும் தன் வாழ்வையே இங்கிலாந்தில் என்.எச்.எஸ். என்று சொல்லப்படக்கூடிய தேசிய சுகாதார பணிகள் துறைக்கு அர்ப்பணித்து விட்டார்.

கர்ப்பத்தின் கடைசி மாதங்களில் கூட இவர் அங்கு 12-வது வார்டில் இடைவிடாது தனது சேவையைத் தொடர்ந்து வந்தார். இந்த வார்டுதான், அந்த ஆஸ்பத்திரியில் கொரோனா வைரஸ் தாக்கியவர்களை தனிமைப்படுத்தி சிகிச்சை அளித்து வருகிற வார்டு ஆகும். மார்ச் 12-ந் தேதிவரை பணியில் தொடர்ந்து இருந்திருக்கிறார்.

இப்படி கொரோனா வைரஸ் தொற்றுநோயாளிகளுக்காக சேவையாற்றிக் கொண்டிருந்த மேரியையும் ஈவிரக்கமில்லாத கொரோனா வைரஸ் தொற்றிக் கொண்டதுதான் பரிதாபம்.

ஏப்ரல் 5-ந் தேதி அவருக்கு கொரோனா தொற்றிக் கொண்டது மருத்துவ பரிசோதனைகளில் உறுதி செய்யப்பட்டது.

அடுத்த 2 நாளில் அவரை ஆஸ்பத்திரியில் அனுமதித்தனர். முதலில் அவரது உடல்நிலை தேறுவது போல காணப்பட்டது. அவர் பிழைத்து விடுவார் என்று டாக்டர்கள் நம்பினர். ஆனால் அடுத்த ஓரிரு நாளிலேயே அவரது நிலை மோசம் அடைந்தது. கொரோனா வைரஸ் தாக்கம் தீவிரமானது.

என்ன செய்வது என்று மூளையைக் கசக்கிய டாக்டர்கள், மேரிக்கு அவசர அவசரமாக அறுவை சிகிச்சை செய்து குழந்தையை முதலில் காப்பாற்றி விடுவோம் என கருதினர். அதையே செய்தனர். சிசேரியனில் மேரிக்கு அழகான பெண் குழந்தை பிறந்தது. அந்தக் குழந்தைக்கு மேரி என்றே பெயர் சூட்டி இருக்கிறார்கள்.

ஆனால் ஏசுபிரான் உயிர்த்தெழுந்த ஈஸ்டர் பண்டிகை நாளில், நர்ஸ் மேரி உயிரை விட்டிருக்கிறார். இது அவரது குடும்பத்தினருக்கும், உடன் சேவையாற்றி வந்த டாக்டர்களுக்கும், நர்சுகளுக்கும் தீராத சோகத்தை தந்திருக்கிறது.

எல்லாவற்றுக்கும் மேலாக பாவம், அந்தக் குழந்தை மேரி, தன் வாழ்நாளெல்லாம் தாயின்றி வாழ வேண்டியதிருக்கிறது.

அதேநேரத்தில் என்.எச்.எஸ். டிரஸ்டின் தலைமை அதிகாரி டேவிட் கார்ட்டர், “மேரி ஒரு அற்புதமான நர்ஸ். இந்த துறை எதற்காக செயல்படுகிறது என்பதற்கு அவர் மிகப்பெரிய உதாரணமாக திகழ்ந்தார். இந்த இருளான தருணத்தில், இந்த குழந்தைதான் நம்பிக்கை வெளிச்சம் அளிக்கிறது” என்று உருக்கமுடன் குறிப்பிட்டுள்ளார்.

“நர்ஸ் மேரிதான் இந்தத்துறையில் அனைவருக்கும் வரமாக வந்து அமைந்திருக்கிறார். அவரது அன்பு, கவனிப்பு, நேர்மை ஈடுசெய்ய முடியாதது. நீங்கள் என்றென்றும் எங்கள் இதயங்களில் இருப்பீர்கள் மேரி... உங்கள் நினைவுகள் எங்களுடன் எப்போதும் இருக்கும்... நாங்கள் மீண்டும் உங்களை சந்திக்கும்வரை உங்கள் நினைவைப்போற்றிக் கொண்டிருப்போம்” என்று உருகுகிறது, அவருக்காக, அவரது நினைவைப்போற்றி குடும்பத்தின் நலனைக் காக்க உருவாக்கப்பட்டுள்ள ‘கோ பண்ட் மீ’ இயக்கம்.

குட்டி மேரி... அதான், மேரியின் மகள் நன்றாக இருக்கிறாள், ஆரோக்கியமாக இருக்கிறாள் என்று டாக்டர்கள் சொல்கிறார்கள். அந்தக் குழந்தைக்கு கொரோனா வைரஸ் தொற்றி இருக்கிறதா என்பது இதுவரை தெரியவில்லை. ஆனால் குழந்தையின் தந்தை தன்னை தனிமைப்படுத்திக் கொண்டுள்ளதாக தகவல்கள் சொல்கின்றன.

மேரியின் மரணம், சில கேள்விகளையும் எழுப்பி இருக்கிறது.

* மார்ச் 12-ந் தேதி வரை கொரோனா வார்டு பணியில் இருந்தபோதே மேரிக்கு கொரோனா வைரஸ் தொற்றிக் கொண்டிருந்ததா?

* மேரி, சுய பாதுகாப்பு உடைகளையும், உபரணங்களையும் அணிந்து கொண்டு பணியாற்றினாரா? இந்தக் கேள்விக்கு முக்கிய காரணம், அந்த ஆஸ்பத்திரியில் முன் வரிசை வீரர்களுக்கான கவச உடைகள், பாதுகாப்பு உபகரணங்களுக்கு தட்டுப்பாடு ஏற்பட்டுள்ளதாகவும், முக கவசங்களே ரேஷன் அடிப்படையில்தான் வழங்கப்பட்டு வந்ததாகவும் வெளியாகி உள்ள தகவல்கள்தான் இந்த கேள்வியை எழுப்ப வைத்துள்ளன.

மேரியின் மரணம் தவிர்க்கப்பட்டிருக்கக்கூடிய ஒன்று என்று ஆணித்தரமாக சொல்கிறது, கர்ப்பிணிகளின் நலனுக்காக செயல்படுகிற அமைப்பின் நிறுவனர் ஜோலி பிரர்லே.

4 வார கர்ப்பத்துக்கு உட்பட்டவர்கள் நர்ஸ் பணியில் தொடரலாம் என்கிற விதியை மாற்ற வேண்டும் என மகளிர் மற்றும் மகப்பேறு மருத்துவர்களுக்கான ராயல் கல்லூரிக்கு கோரிக்கை வலுத்து இருக்கிறது.

கொரோனா வைரசுக்கு இதுவரை இங்கிலாந்தின் தேசிய சுகாதார பணிகள் துறையில் பணியாற்றுகிற டாக்டர்கள், நர்சுகள், சார்பு மருத்துவ பணியாளர்கள் என 45 பேர் பலியாகி இருக்கிறார்கள்.

‘சூப்பர் ஹீரோ’ என அழைத்து வரப்பட்ட 62 வயது டாக்டர் பீட்டர் டன் ரீடிங் நகரில் உள்ள ராயல் பெர்க்‌ஷயர் ஆஸ்பத்திரியில் கொரோனா வைரஸ் தாக்கி இறந்திருக்கிறார்.

3 குழந்தைகளுக்கு தந்தையான மருத்துவ சார்பு பணியாளர் அடே ரேமண்ட், லண்டன் நார்த் மிடில்செக்ஸ் ஆஸ்பத்திரியில் கொரோனா வைரஸ் தாக்கி உயிரிழந்திருக்கிறார்.

இப்படி இறந்தோர் பட்டியல் நீளுகிறது.

இப்படி டாக்டர்களும், நர்சுகளும், சுகாதாரப் பணியாளர்களும் கொரோனா வைரசுக்கு எதிரான போரில் உயிரிழப்பதற்கு முடிவு கட்ட வேண்டுமானால், அவர்களுக்கு தேவையாக கவச உடைகளும், உபகரணங்களும், மருத்துவ ரீதியிலான முக கவசங்களும் தட்டுப்பாடின்றி கிடைக்க வேண்டும் என்ற குரல் இங்கிலாந்தில் வலுத்து வருகிறது.

இங்கிலாந்து அரசு இதில் தனிப்பட்ட கவனத்தை செலுத்தினால்தான், இப்படிப்பட்ட சுகாதார சேவையாளர்கள் கொரோனா வைரஸ் தாக்கியவர்களை காப்பாற்ற முடியும். இவர்களையே காப்பாற்ற வழியற்றுப்போனால், கொரோனா வைரஸ் தாக்கிய மற்றவர்களை யார்தான் காப்பாற்றுவது?

Image may contain: 1 person, hat and closeup
Image may contain: fire
Image may contain: flower, plant and text
 
 
 

நோம் சொம்ஸ்கி பேசுகிறார்..

1 month 3 weeks ago

நோம் சொம்ஸ்கி பேசுகிறார்...

* * *
தமிழாக்கம் Niyas Ahmed
*

கொரோனா வைரஸ் புதிதல்ல… கோவிட் 19 வேண்டுமானால் புதிதாக இருக்கலாம். ஏன் கொரோனா வைரஸுக்கான தடுப்பூசிகள் கண்டுபிடிக்கப்படவில்லை? காரணம் ‘சந்தை.

எல்லாவற்றையும் சந்தையே தீர்மானிக்குமென்றால் நாம் சாக வேண்டியதுதான்.

கொரோனாவை தடுத்திருக்க முடியும். ஆனால், சந்தை வேறு திசையில் பயணித்ததுதான் இப்போது ஏற்பட்டிருக்கும் பேரழிவுக்குக் காரணம் என்கிறார் நோம் சாம்ஸ்கி.

Noam Chomsky: 'Coronavirus pandemic could have been prevented’ என்ற தலைப்பில் அல்ஜசீராவில் வந்த கட்டுரையை தமிழாக்கம் செய்திருக்கிறேன். ஐந்து நிமிட வாசிப்புதான், வாசியுங்கள்.

_______________________________________
நோம் சாம்ஸ்கி: கொரோனா வைரஸ் பெருந்தொற்றை தடுத்திருக்க முடியும்
_______________________________________
கொரோனா வைரஸ் பெருந்தொற்றை தடுத்திருக்க முடியும். அந்த வைரஸ் குறித்த போதுமான தகவல்கள் முன்பே கிடைத்தன என்கிறார் அமெரிக்கத் தத்துவ அறிஞர் நோம் சாம்ஸ்கி.

இந்த பெருந்தொற்று ஒரு முடிவுக்கு வந்தாலும், அணுஆயுத போர் மற்றும் புவி வெப்பமயமாதல் ஆகிய சிக்கலான சாவல்கள் அப்படியே இருக்கும் என்கிறார்.

தனது அலுவலகத்தில் தன்னைதானே தனிமைப்படுத்திக் கொண்ட 91 வயது நோம் சாம்ஸ்கி க்ரோஷியாவை சேர்ந்த தத்துவவியலாளர் ஸ்ரெகோ ஹோர்வட்டுடன் நடத்திய உரையாடலின் தமிழாக்கம் இது.

முன்பே எச்சரிக்கப்பட்டது

சாம்ஸ்கி, “இந்த கொரோனா வைரஸ் பெருந்தொற்றை முன்னதாகவே தடுத்திருக்க முடியும். இதனை தடுப்பதற்க்குரிய போதுமான தகவல்கள் கிடைத்துவிட்டன. குறிப்பாக சொல்ல வேண்டுமானால் இது போன்ற ஒரு பெருந்தொற்று அமெரிக்காவில் பரவுவதற்குரிய சாத்திய கூறுகள் இருப்பதாக அக்டோபர் 2019 ஆண்டே எச்சரிக்கப்பட்டது,” என்கிறார்.

சுகாதார பாதுகாப்பிற்கான ஜான்ஸ் ஹாஃப்கினஸ் மையம், உலக பொருளாதார மன்றம் மற்றும் பில் கேட்ஸ் அறக்கட்டளையுடன் இணைந்து நடத்திய நிகழ்வில் இது குறித்து எச்சரிக்கப்பட்டது.

இதனை மேற்கோள் காட்டியே சாம்ஸ்கி இவ்வாறாக கூறுகிறார்.

“ஆனால் எதுவுமே நடக்கவில்லை. இந்த தகவல்களில் யாரும் கவனம் செலுத்தவில்லை. அரசியல் அமைப்புகளின் துரோகத்தாலே இந்த பெருந்தொற்று மோசமான சிக்கலாக மாறியது,” என்கிறார்.

அவர், “டிசம்பர் 31 ஆம் தேதியே, உலக சுகாதார நிறுவனத்திடம் சீனா இது குறித்து கூறி இருக்கிறது. அதாவது நிமோனியா போன்ற அறிகுறிகள் ஏற்படுவதாக தகவல் தந்திருக்கிறது. அவர்கள் தகவல் கொடுத்த ஒரு வாரத்திற்கு பின்பு கொரோனா வைரஸை சீனா அறிவியலாளர்கள் கண்டுபிடித்திருக்கிறார்கள். இது குறித்த விரிவான தகவல்களை உலகத்திடம் அவர்கள் அப்போதே அளித்துவிட்டார்கள். அதன் பின்பு சிலர் இது குறித்து நடவடிக்கை எடுத்தார்கள்,” என்று தெரிவிக்கிறார்.

சீனா, தென் கொரியா, தைவான், சிங்கப்பூர் சில விஷயங்களை முன்னெடுத்தார்கள். அங்கு ஓரளவாவது முதலில் கொரோனா பரவல் கட்டுப்படுத்தப்பட்டது என்கிறார்.

இந்த வைரஸ் பரவலை கட்டுப்படுத்துவதில் மேற்குலக நாடுகள் வெவ்வேறு நடைமுறைகளை பின்பற்றின.

“ஐரோப்பாவில் முதலில் ஜெர்மனி சில நடவடிக்கைகளை எடுத்தது. வைரஸ் தொற்று ஏற்பட்டு இருக்கிறதா என மக்களை பரிசோதனை செய்தது. பிறருக்கு உதவாமல் அவர்கள் சுயநலமாக நடந்து கொண்டாலும், குறைந்தபட்சம் அவர்கள் நாட்டில் பரவாமல இருக்க நடவடிக்கைகளை எடுத்தனர்,” என்று குறிப்பிடும் அவர் மற்ற நாடுகள் இதனை புறக்கணித்தன என்கிறார்.

குறிப்பாக பிரிட்டனும், மிக மோசமாக அமெரிக்காவும் இதனை கையாண்டன என்று தெரிவிக்கிறார்.

“டொனால்ட் ட்ரம்ப் ஒரு நாள், ‘கொரோனா பெரும் சிக்கலே இல்லை. இது வெறும் காய்ச்சல்தான்’ என்பார். அடுத்தநாள் 'இந்த தொற்றானது பயங்கரமான நெருக்கடி. இது குறித்து அனைத்தும் எனக்கு தெரியும்’ என்பார். அதற்கு அடுத்தநாளே, ‘நாம் நம் பணிக்கு திரும்ப வேண்டும். ஏனெனில் நான் தேர்தலில் வெற்றி பெற வேண்டும்’ என்பார். இந்த உலகம் கொரோனாவை கையாண்ட விதம் எனக்கு அதிர்ச்சி அளிக்கிறது.” என்கிறார்.

உலகத்திலே கொரோனா தொற்றால் அமெரிக்கர்கள்தான் அதிகளவில் பாதிக்கப்பட்டுள்ளனர். ஏறத்தாழ 4 லட்சம் பேர் அங்கு பாதிக்கபட்டுள்ளன்ர். நியூயார்க் மாகாணத்தில் மட்டுமே 4 ஆயிரம் பேர் பலியாகி உள்ளனர்.

180 நாடுகளில் பரவிவுள்ள இந்த வைரஸால் 14 லட்சத்து 50 ஆயிரம் பேர் பாதிக்கப்பட்டுள்ளனர்.

‘சோஷியோபாதிக் பஃபூன்’

அமெரிக்க அதிபர் டொனால்ட் ட்ரம்பை சோஷியோபதிக் பஃபூன் என்று விவரிக்கும் சாம்ஸ்கி, “மனிதகுல வரலாற்றில் முன்பு எப்போதும் நடக்காத பேரழிவின் விளிம்பை நோக்கி செல்கிறோம். பள்ளத்தை நோக்கிய பந்தயத்திற்கு ட்ரம்பும் அவரது கூட்டாளிகளும் தலைமை தாங்கி உள்ளனர். வேறு ஒரு அச்சுறுத்தலையும் நாம் சந்திக்கிறோம். அணு ஆயுத போர் குறித்த அச்சுறுத்தல் ஒன்று. மற்றொன்று புவி வெப்பமயமாதல்.”

“கொரோனா வைரஸ் மோசமான விளைவுகளை ஏற்படுத்தும். இருந்த போதிலும் அதிலிருந்து நாம் மீண்டுவிட முடியும். ஆனால், அடுத்த இரண்டு அச்சுறுத்தல்களிலிருந்து மீளவே முடியாது. அழிவு மட்டுமே நிகழும்”

இரான் மீதான பொருளாதார தடைகளை கடுமையாக சாடுகிறார் சாம்ஸ்கி.

“அழிவை ஏற்படுத்தும் பொருளாதார தடைகளை அமெரிக்கா விதிக்கும் போது… ஆம் அமெரிக்கா மட்டுமே அப்படியான தடைகளை பிற நாடுகள் மீது விதிக்கிறது… பிற நாடுகள் தங்கள் எஜமானரை பின்பற்றுகிறார்கள். பின் பற்ற மறுத்தால் இந்த பொருளாதார அமைப்பிலிருந்து உதைத்து வெளியே தள்ளப்படுகிறார்,” என்கிறார்.

கொரோனா வைரஸால் ஏற்பட்ட நன்மை

“கொரோனா வைரஸால் ஏற்பட்ட ஒரே நன்மை என்னவென்றால், எதுமாதிரியான உலகம் நமக்கு தேவை என மக்களை சிந்திக்க வைத்திருக்கிறது இந்த வைரஸ்,” என்கிறார்.

“இந்த நெருக்கடியின் தோற்றுவாய் குறித்து நாம் சிந்திக்க வேண்டும். ஏன் கொரோனா வைரஸ் நெருக்கடி ஏற்பட்டது என நாம் யோசிக்க வேண்டும். இது சந்தையின் மகத்தான தோல்வி. இதன் தாக்கம் சந்தையில் ஏற்கனவே கண்மூடித்தனமான இந்த நவீன தாராளமயமாக்கல் கொள்கைகளால் சிதைக்கப்பட்ட சமூக பொருளாதாரத்தில் எதிரொலிக்கும்,” என்கிறார்.

சந்தையே தீர்மானிக்குமென்றால் இதுதான் நிகழும்

“பெருந்தொற்று ஏற்படுவதற்கான வாய்ப்புகள் எப்போதும் இருந்திருக்கிறது. ஆனால், அதை குறைத்து மதிப்பிட்டுவிட்டோம். கொரோனா வைரஸ் குடும்பத்தை சேர்ந்த சார்ஸ் பரவி 15 ஆண்டுகள் ஆகிவிட்டன. அதன் பின்னும் கொரோனா பரவுவதற்கான அச்சுற்றுதல் இருந்தது. அதன் பின்னாவது கொரோனா பெருந்தொற்றுக்கான மருந்துகளை கண்டுபிடிப்பதில் நேரத்தை செலவிட்டிருக்கலாம். ஆனால், அவர்கள் அப்படி செய்யவில்லை. ஏன் செய்யவில்லை? சந்தை கோரவில்லை. சந்தை தவறான சமிக்ஞைகளை காட்டியது. நாம் நமக்கான மருந்து தயாரிக்கும் பணிகளை தனியார் பெரும் நிறுவனங்களிடம் அளித்துவிட்டோம். அவர்கள் சருமத்திற்கான க்ரீம்களை தயாரிக்க நேரம் செலவிட்டார்கள். மக்களை கொல்லும் பெரும் தொற்றுக்கு மருந்து தயாரிப்பதைவிட, சரும பொலிவுக்கான க்ரீம் தயாரிப்பதுதான் அதிக லாபம் தரக்கூடியது என கருதினார்கள். அதனால்தான் நாம் இப்போது இந்த இடத்தில் நிற்கிறோம்,” என்றார்.

போலியோவுக்கான சொட்டுமருந்தை கோடிட்டு பேசிய அவர், “பொலியோ பெரும்வாரியான மக்களுக்கு அமெரிக்காவில் ஏற்பட்ட போது, அதற்கான மருந்தை கண்டுபிடித்தது அமெரிக்க அரசு நிறுவனம். 1950களில் அதற்கான தடுப்பு மருந்து கிடைத்தது. அதற்காக எந்த காப்புரிமையும் இல்லை. அது அனைவருக்கும் கிடைத்தது. அது போன்று இப்போதும் நிகழ்ந்திருக்கலாம். ஆனால், புதிய தாராளவாத ப்ளேக் அதனை தடுத்துவிட்டது.” என்றார்.

ஆனால் தொற்றுநோய்க்கு பிந்தைய சாத்தியக்கூறுகள் "தீவிர சர்வாதிகாரம் உடைய மிருகத்தனமான அமைப்புகளை நிறுவுவதிலிருந்து … லாபமற்று மனிதாபிமானத்துடன் இயங்கிய அமைப்புகளை முழுவதுமான சிதைப்பது வரை இருக்கும் என்று கூறும் சாம்ஸ்கி, "அதிக சர்வாதிகாரம் நிறைந்த, மோசமான அமைப்புகள் புதிய தாராளமயத்துடன் மிகவும் ஒத்துப்போகும் என்பதை நாம் மனதில் கொள்ள வேண்டும்.” என்கிறார்.

தமிழாக்கம்: மு. நியாஸ் அகமது Niyas Ahmed

Image may contain: 1 person, eyeglasses, text that says 'Coronavirus சந்தையே தீர்மானிக்கும் என்றால் சாக வேண்டியதுதான் வே'

கொரோனாவும் சில பரிகாரங்களும்

1 month 3 weeks ago

கொரோனாவும் சில பரிகாரங்களும்
=================================

கொரோனாவிற்கு சமூக வலைத்தளங்களில் பலரும் பலப்பல வைத்தியம் சொல்கிறார்கள். அவர்கள் சொல்வதெல்லாம் சரிதானா? அவையெல்லாம் உண்மையிலேயே தீர்வு தருமா?

அவ்வாறு பரப்பப்படும் தகவல்கள் சில:
1. பத்துநிடத்துக்கு ஒருமுறை சுடுநீர் குடித்தால் தொண்டையில் உள்ள வைரஸ் செத்துப்போகும், அல்லது கழுவப்பட்டு வயிற்றுக்குள் அனுப்பப்பட்டு அங்குள்ள அமிலத்தால் கொல்லப்படும்.

இது உண்மையில்லை. முதலாவதாக நாங்கள் குடிக்கும் வெதுவெதுப்பான நீரினால் வைரஸ் கொல்லப்படாது. வயிற்றில் உள்ள அமினோஅமிலத்தாலும் கொல்லப்படாது.

2. சுடுநீரில் மஞ்சளும் உப்பும் சேர்த்து வாயைக் கொப்புளிப்பதால் வைரஸ் கொல்லப்படும்.

இதுவும் உண்மையில்லை. தொண்டை அரிப்பு, இருமல் உள்ள நேரத்தில் இவ்வாறு வாய் கொப்புளிப்பது கொஞ்சம் relief ஆக இருக்கும். அவ்வளவுதான்.

3. இஞ்சியையும் உள்ளியையும் இடித்து அடிக்கடி உண்டால் வைரஸ் கிருமி அண்டாது.

இதுவும் முழுமையாக உண்மையில்லை. பச்சையாக இஞ்சி, உள்ளியை அதிகம் சாப்பிட்டால் உங்களுக்கு வேறு வயிற்றுக் கோளாறு ஏற்படலாம். உள்ளியை அதிகம் தின்றால் வைரஸ் அண்டுதோ இல்லையோ, உங்கள் மனைவி / கணவன் அண்டமாட்டார் என்பது மட்டும் உண்மை.

தவறான செய்திகளை நம்பாதிருப்போம், முடிந்தவரை பரப்பாதிருப்போம்.

கொரோனா பரவும் சூழலில் நாம் செய்யக்கூடிய சில வழிமுறைகளுக்கு இத்துடன் உள்ள இணைப்புகளைப் பார்க்கவும்.

 

 

கொரோனா வைரசின் செயின் பரவலை தகர்த்து வெற்றி பெற்று விட்டோம்: நியூசிலாந்து பிரதமர்

1 month 3 weeks ago

கொரோனா வைரசின் செயின் பரவலை தகர்த்து வெற்றி பெற்று விட்டோம்: நியூசிலாந்து பிரதமர்

கொரோனா வைரஸ் தொற்றுக்கு எதிரான போரில் வெற்றி பெற்றுக் கொண்டிருக்கிறோம். விரைவில் ஊரடங்கு உத்தரவை திரும்ப பெறுவோம் என நியூசிலாந்து பிரதமர் தெரிவித்துள்ளார்.

கொரோனா வைரஸ் தொற்று உலகையே அச்சுறுத்தி வருகிறது. கடந்த ஆண்டும் டிசம்பர் மாதம் சீனாவில் கண்டறியப்பட்டபோது அமெரிக்கா, பிரிட்டன் உள்ளிட்ட வல்லரசு நாடுகள் அதை பெரிதாக கண்டுகொள்ளவில்லை.

ஜனவரி மாதம் இறுதி பிப்ரவரி மாதம் தொடக்கத்தில் சீனாவின் வுகான் மாகாணத்தை புரட்டி எடுத்தது. பிப்ரவரி 2-வது வாரத்தில் இருந்து மற்ற நாடுகளுக்கு மெல்லமெல்ல பரவ ஆரம்பித்தது. இது ஒரு தொற்று நோய், சமூக விலகலால் (ஒருவரிடம் இருந்து ஒருவர் விலகி இருப்பது) மட்டுமே இந்த வைரசின் செயின் பரவலை தகர்த்து எறிய முடியும் என சீனாவும், உலக சுகாதார மையமும் எச்சரித்தது.

அப்படி இருந்தும் எந்த நாடுகளும் அதை கண்டுகொள்ளவில்லை. அப்போதுதான் ஜனவரி கடைசி வாரத்தில் ஈரான், துபாய் போன்ற நாடுகளுக்கு பரவ ஆரம்பித்தது.

இதனால் நியூசிலாந்து உஷார் ஆனது. அப்போது இருந்து கொரோனா வைரசை கட்டுப்படுத்துவதற்கான முன்னெச்சரிக்கை நடவடிக்கையை எடுத்து வந்தது, அதாவது ஜனவரில் 22-ல் இருந்து கொரோனா வைரஸ் தொற்றுக்கான பரிசோதனையை செய்ய ஆரம்பித்தது. ஆனால் அப்போது ஒருவருக்கும் கூட கொரோனா பாதிப்பு இல்லை. இருந்தாலும் பரிசோதனையை தொடர்ந்தது.

முதன்முதலாக பிப்ரவரி 26-ந்தேதி முதல் நபர் நியூசிலாந்து மண்ணில் கொரோனா வைரஸ் தொற்றால் பாதிக்கப்பட்டார். இதனால் உஷாரான நியூசிலாந்து மார்ச் முதல் வாரத்தில் இருந்து தடுப்பு நடவடிக்கைகளில் கையாள தொடங்கியது.

முதலாவதாக மார்ச் 14-ந்தேதியில் இருந்து வெளிநாட்டில் இருந்து யார் நியூசிலாந்துக்கு வந்தாலும் 14 நாட்களுக்கு கட்டாயம் தனிமைப்படுத்தப்படுவார்கள் என உத்தரவிட்டது. மேலும் சொகுசு கப்பல் ஒன்றையும் நாட்டிற்குள் அனுமதிக்க மறுத்தது.

அத்துடன் மார்ச் 19-ந்தேதியில் இருந்து நாட்டில் எல்லையை மூடியது. இதனால் மார்ச் 18-ந்தேதி வரை வெளிநாட்டைச் சேர்ந்த 32 பேருக்குத்தான் கொரோனா இருந்தது. அதன்பின் மின்னல் வேகத்தில் பரிசோதனை செய்ய ஆரம்பித்தது. மார்ச் 26-ந்தேதியில் இருந்து ஊரடங்கு உத்தரவை பிறப்பித்தது. ஏப்ரல் 20-ந்தேதி வரை நியூசிலாந்தில் ஊரடங்கு அமலில் இருக்கிறது.

கடந்த இரண்டு மூன்று வாரங்களின் கடுமையான நடவடிக்கையால் நேற்று வரை 992 பேர்தான் பாதிக்கப்பட்டுள்ளனர். ஒருவர் மட்டுமே உயிரிழந்துள்ளார்.

கடுமையான கட்டுப்பாட்டால் கொரோனா வைரசின் செயின் பரவலை உடைத்து எறிந்து விட்டோம் என்று நியூசிலாந்து பிரதமர் ஜெசிண்டா ஆர்டர்ன் தெரிவித்துள்ளார்.

கொரோனாவுக்கு எதிரான போரில் வெற்றி பெற்றது குறித்து நியூசிலாந்து பிரதமர் ஜெசிண்டா ஆர்டெர்ன் கூறுகையில் ‘‘நியூசிலாந்தில் கொரோனா வைரஸ் தொற்று காலடி எடுத்து வைத்ததில் இருந்து ஆறு வாரங்களுக்குள் அதை முறியடித்துள்ளோம்.

கடந்த இரண்டு வாரங்களாக நியூசிலாந்து மக்கள் செய்தது மிகப்பெரியது என்று சொல்வதில் எனக்கு எந்த தயக்கமும் இல்லை. மனித ஆரோக்கியத்திற்கு எதிரான மிகப்பெரிய அச்சுறுத்தலை சந்தித்தோம். நியூசிலாந்து மக்கள்தான் கொரோனா வைரசின் சமூக பரவலை தடுத்தனர். ஒவ்வொரு நபரும் இதைச் செய்தனர்.

இந்த மாரத்தான் போட்டியில் வெற்றி பெற்றதற்கு தேவைப்பட்டது நீங்கள் அமைதியாக இருந்ததுதான். தற்போது அதன்மூலம் உங்களது உயிரை காப்பாற்றியுள்ளீர்கள். தற்போது அந்த வகையில் நாம் தொடர்ந்து செல்ல வேண்டும்.

ஏப்ரல் 22-ந்தேதிக்குப் பிறகு ஊரடங்கை தொடர்வதா? அல்லது ஊரடங்கை தளர்த்துவா? என்பது குறித்து ஏப்ரல் 20-ந்தேதி முடிவு செய்யப்படும்.

நியூசிலாந்தில் லெவல் 4 முன்னெச்சரிக்கை விடுக்கப்பட்டுள்ளது. அமைச்சர்கள் கூட்டம் இதை லெவல் 3-க்கு குறைக்கும். 3-ம் நிலை என்பது வீட்டிற்குள்ளேயே இருக்க வேண்டும் என்பதில்லை. ஆனால் அரசு கட்டடங்கள், மிகப்பெரிய அளவில் மக்கள் கூடும் இடங்கள் மூடியே இருக்கும்’’ என்றார்.

Image may contain: 1 person, closeup
Checked
Sat, 06/06/2020 - 20:37
சமூகவலை உலகம் Latest Topics
Subscribe to சமூகவலை உலகம் feed