தமிழக முன்னாள் முதல்வர் ஜெயலலிதாவின் மரணம் குறித்து விசாரணை நடத்தி வரும் ஆறுமுகசாமி விசாரணை ஆணையகம் மீண்டும் நேற்றையதினம் தமிழக துணை முதல்வர் பன்னீர்செல்வத்துக்கு அழைப்பாணை அனுப்பியுள்ளது.

ஜெயலலிதா உடல்நலக் குறைவால் அப்போலோ மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்த நிலையில் அவரது மரணம் குறித்து விசாரிக்க ஓய்வு பெற்ற நீதிபதி ஆறுமுகசாமி தலைமையில் விசாரணை ஆணையகம் அமைக்கப்பட்டு சுமார் ஒன்றரை ஆண்டுகளுக்கு மேலாக வஜசாரணை மேற்கொண்டு வருகின்றது. இதுவரை 100க்கும் மேற்பட்டோரிடம் விசாரணை நடத்தப்பட்டுள்ள நிலையில் விசாரணை இறுதிக்கட்டத்தினை எட்டியியுள்ளது.

இந்தநிலையில் துணை முதல்வர் பன்னீர்செல்வம், ஜெயலலிதாவின் தோழி சசிகலா மற்றும் லண்டன் மருத்துவர் ரிச்சர்ட் பீலே ஆகியோர் மட்டும்தான் விசாரிக்கப்பட வேண்டியுள்ள நிலையில் பன்னீர்செல்வத்துக்கு அழைப்பாரைண அனுப்பப்பட்டும் அரசுப் பணிகள் இருப்பதாகக் கூறி அவர் இதுவரை முன்னிலையாகவில்லை.

மேலும் ஆணையகத்தை மேலும் 10 வாரங்களுக்கு நீட்டிக்கக் கோரி தமிழக அரசுக்கு ஆறுமுகசாமி ஆணையம் கடிதம் எழுதியிருந்தநிலையில் துணை முதல்வர் பன்னீர்செல்வம் பெப்ரவரி 19ஆம் திகதி ஆணையத்தில் முன்னிலையாக வேண்டும் என நேற்று மீண்டும் அழைப்பாணை ; அனுப்பப்பட்டுள்ளது.

http://globaltamilnews.net/2019/113318/

அடக் கொடுமையே.. "உச்சா" போகக் கூட அமைச்சரை, அனுமதிக்காத மத்திய படை.. புதுவை கலாட்டா

புதுச்சேரியில், தர்ணா போராட்டத்தில் ஈடுபட்டுள்ள சமூகநலத்துறை அமைச்சர் கந்தசாமி, சிறுநீர் கழிக்கச் சென்றபோது அவரை துணை ராணுவப்படையினர் தடுத்து நிறுத்தி வாக்குவாதத்தில் ஈடுபட்டதால் மிகுந்த பரபரப்பு ஏற்பட்டது.

துணைநிலை ஆளுநர் கிரண்பேடிக்கு எதிராக முதலமைச்சர் நாராயணசாமி தலைமையில் அமைச்சர்கள், காங்கிரஸ் சட்டமன்ற உறுப்பினர்கள் மற்றும் கூட்டணி கட்சி தலைவர்கள் இன்று மூன்றாவது நாளாக ஆளுநர் மாளிகை வெளியே தொடர் தர்ணா போராட்டத்தில் ஈடுபட்டு வருகின்றனர்.

போராட்டம் காரணமாக ஆளுநர் மாளிகையை சுற்றியும் பதற்றமான சூழ்நிலை நிலவி வருவதால், ஆளுநர் மாளிகையை சுற்றியும் 200 க்கும் மேற்பட்ட துணை ராணுவப்படை வீரர்கள் குவிக்கப்பட்டுள்ளனர். இவர்கள் முதலமைச்சர் மற்றும் அமைச்சர்களை தவிர மற்றவர்களை போராட்டம் நடைபெறும் இடத்திற்கு செல்ல அனுமதி மறுத்து வருகின்றனர். இதனால் கட்சி தொண்டர்களுக்கும் துணை ராணுவப் படையினருக்கும் தொடர்ந்து வாக்குவாதம் நடைபெற்று வருகிறது.

இந்நிலையில் தர்ணாவில் ஈடுபட்டுள்ள சமூக நலத்துறை அமைச்சர் கந்தசாமி சிறுநீர் கழிப்பதற்காக அருகில் உள்ள கழிவரைக்கு சென்றபோது, அவரை தடுத்து நிறுத்திய துணை ராணுவப்படை வீரர்கள் வெளியே செல்ல அணுமதிக்காமல் வாக்குவாதத்தில் ஈடுபட்டனர். இதனால் போராட்டம் நடைபெறும் இடத்தில் சிறிது நேரம் பரபரப்பு ஏற்பட்டது.

சிறிது நேர வாக்குவாதத்திற்குப் பின்னர் அமைச்சர் கந்தசாமியை சிறுநீர் கழிக்க பாதுகாப்புப் படையினர் அனுமதித்தனர். அமைச்சருக்கே இந்த நிலைமையா என்று அந்த இடத்தில் பரபரப்பு ஏற்பட்டு விட்டது.

Read more at: https://tamil.oneindia.com/news/puducherry/para-milatary-fight-minister-341374.html

மோடி 6000 ரூபாயாம் ... எடப்பாடி ரூ.2000 கொடுக்கிறாராம்...!' மஞ்சப்பை, பேப்பர்களுடன் அலைபாயும் மக்கள்..!

மக்களவைத் தேர்தல் வந்தாலும் வரப்போகிறது, தமிழக மக்களுக்கு மத்திய, மாநில அரசுகள் நிவாரணம் என்ற பெயரில் அறிவித்துள்ள பணத்தை வாங்க கையில் பட்டா, சிட்டா , ஆதார், ரேசன் கார்டு ஜெராக்ஸ் பேப்பர்களுடன் அரசு அலுவலகங்களில் அலைமோதுகின்றனர்.

பொங்கலுக்கு தமிழக அரசு 1000 ரூபாய் கொடுத்தது. இதை வாங்க ஒரு வாரமாக மக்கள் ரேசன் கடைகளில் ஒரு வாரமாக தவமிருந்தனர்.

தற்போது மக்களவைத் தேர்தல் நெருக்கத்தில் மத்திய அரசும், மாநில அரசும் போட்டி போட்டு நிவாரணம் வழங்குவதாக அறிவிப்பு செய்துள்ளன. 5 ஏக்கருக்கு குறைவாக நிலம் வைத்துள்ள விவசாயிகள் அனைவருக்கும் 6 ஆயிரம் ரூபாய் என மத்திய அரசும், வறுமைக்கோட்டுக்கு கீழ் உள்ள தொழிலாளர்களுக்கு ரூ. 2000 என தமிழக அரசும் அறிவித்து அதற்கான விண்ணப்ப வினியோகமும் ஜரூராக நடக்கிறது.

தேர்தல் அறிவிப்பு வெளியிடும் முன்பே அவரவர் வங்கிக்கணக்கில் வரவு வைத்து மக்களைக் கவர்ந்து விட மத்திய, மாநில அரசுகள் ஜரூராக பணிகளை முடுக்கிவிட்டுள்ளது.

இதனால் வேறு வேலைகளை எல்லாம் ஓரம் கட்டிவிட்டு இந்த இனாம் தொகையைப் பெற தமிழகம் முழுவதும் மக்கள் கடந்த சில நாட்களாக அலைபாயத் தொடங்கி விட்டனர். விவசாய நிலம் வைத்திருப்பவர்கள் அதற்கான பட்டா, சிட்டா ஆவணங்களை நகல் எடுப்பதும், ஆதார், ரேசன், வங்கிக்கணக்கு புத்தகங்களை நகல் எடுப்பதுமாக எங்கு பார்த்தாலும் மஞ்சப்பையுடன் அலைபாய்கின்றனர்.

தேர்தல் நேரத்தில் வாக்காளர்களை 'ஐஸ்' வைக்க இன்னும் என்னென்ன இனாமாக கிடைக்கும் என்பதே இப்போது தமிழக மக்களிடையே விவாதப் பொருளாகி விட்டது.

https://tamil.thesubeditor.com/tamilnadu/10727-all-over-tn--people-collects-documents-to-get-govt-remedies..html

டிஸ்கி :

இன்றைய கூட்டத்தை கண்ட போது முதல்வராக எடப்பாடியும் பிரதமராக மோடியும் இருப்பது 100% மிகச்சரி .. 🙂

சிறப்பு முகாம் என்ற பெயரில் சித்தரவதைக்கூடமா?வழக்குகளில் விடுதலை பெற்றோர்,பிணையில் விடுதலை பெற்றோர் என 30 ஈழத்தமிழர்கள் திருச்சி சிறப்பு முகாமில் சிறைவைக்கப்பட்டுள்ளனர். பாழடைந்த பழையகாலக் கட்டிடமொன்றில் எவ்வித வசதிகளுமின்றி சட்ட நெறிகளுக்கு முரணாகச் சிறைவைக்கப்பட்டுள்ள இவர்களில் ஒருவர் தினசரி உணவுக்கான ரூபாய் நூறு வழங்கப்படவில்லையென்றும், அநீதியான சிறைவைப்பென்றும் முழக்கமிட்டு நேற்று (04.02.2019) தற்கொலைக்கு முயன்று உள்ளார்.சிறப்பு முகாம் என்ற அநீதியை அகற்றிடக் குரல் கொடுப்போம்! ஈழத்தை வைத்து அரசியல் செய்யும் திராவிட கட்சிகள் கவனத்தில் கொள்ளவும்

n

ஏழைகளுக்கு தலா ரூ.2,000 நிதியுதவி வழங்கப்படும் என, முதல்வர் பழனிசாமி அறிவித்துள்ளமையினை பாமக நிறுவனர் ராமதாஸ் வரவேற்றுள்ளார்.

இன்று(திங்கட்கிழமை) வெளியிட்டுள்ள அறிக்கையிலேயே அவர் இந்த விடயத்தினை வெளியிட்டுள்ளார்.

அவர் வெளியிட்டுள்ள அறிக்கையில், “தமிழ்நாட்டில் வறுமைக்கோட்டுக்குக் கீழ் வாழும் 60 லட்சம் குடும்பங்களுக்கு தலா ரூ.2,000 நிதியுதவி வழங்கப்படும் என்று தமிழக முதல்வர் எடப்பாடி பழனிசாமி அறிவித்திருக்கிறார். வறட்சியால் பாதிக்கப்பட்டுள்ள மக்களின் நலன் கருதி அறிவிக்கப்பட்டுள்ள இந்த திட்டம் வரவேற்கத்தக்கதாகும்.

தமிழக சட்டப்பேரவையில் அவை விதி எண் 110-ன் கீழ் அறிவிப்பு வெளியிட்ட முதல்வர் எடப்பாடி பழனிசாமி, கஜா புயலாலும், வறட்சியாலும் பாதிக்கப்பட்டுள்ள 60 லட்சம் அமைப்புசாரா தொழிலாளர் குடும்பங்களுக்கு ஒருமுறை சிறப்பு நிதியுதவியாக ரூ.2,000 வழங்கப்படும் என்று அறிவித்திருக்கிறார்.

விவசாயத் தொழிலாளர்களில் தொடங்கி அனைத்துத் தொழிலாளர்களுக்கு இந்த உதவி வழங்கப்படும். நகர்ப்புறங்களில் வாழும் ஏழைகளுக்கும் இந்தத் திட்டத்தின் கீழ் நிதியுதவி வழங்கப்படவிருக்கிறது.

தமிழக அரசின் இந்த நிதியுதவி சரியான நேரத்தில் வழங்கப்படும் மிகத் தேவையான உதவியாகும். ‘கஜா’ புயலால் தமிழகத்தில் 7 மாவட்டங்கள் மிகக்கடுமையாக பாதிக்கப்பட்டுள்ளன.

இதனால் அந்த மாவட்டங்களில் உள்ள தொழிலாளர்கள் வேலைவாய்ப்பை இழந்துள்ளனர். அவர்களுக்கு வேலைவாய்ப்பு வழங்கும் வகையில் மகாத்மா காந்தி தேசிய ஊரக வேலைவாய்ப்பு உறுதித் திட்டத்தின் கீழ் வேலை வழங்கப்படும் நாட்களின் எண்ணிக்கை 150 ஆக அதிகரிக்கப்படும் என்று தமிழக அரசு அறிவித்தது.

ஆனால், அத்திட்டத்திற்கு மத்திய அரசு ஒதுக்கிய நிதி போதாததால் ‘கஜா’ புயலால் பாதிக்கப்பட்ட மக்களுக்கு வேலை உறுதித் திட்டத்தின் கீழ் போதுமான நாட்களுக்கு வேலை வழங்கப்படவில்லை.

தமிழகத்தின் பல பகுதிகளில் வறட்சி நிலவுவதால் அங்கும் இதே நிலை தான் காணப்படுகிறது. வறட்சிக் காலங்களில் மக்களின் வறுமையைப் போக்குவதற்கான சிறந்த வழிகளில் ஒன்று வேலை உறுதித் திட்டத்தின் கீழ் வேலை வழங்குவது தான். அதன்மூலம் அவர்களின் வறுமையை ஓரளவாவது போக்க முடியும்.

ஆனால், அந்தத் திட்டத்தின் செயல்பாடே தடுமாற்றத்தில் உள்ளது. இந்தத் திட்டத்தின் மூலம் ஒவ்வொரு குடும்பத்துக்கும் ஆண்டுக்கு 100 நாட்கள் வேலை வழங்கப்பட வேண்டிய நிலையில் நடப்பாண்டில் ஒவ்வொரு குடும்பத்துக்கும் சராசரியாக 37.48 நாட்களுக்கு மட்டும் தான் வேலைவாய்ப்பு வழங்கப்பட்டுள்ளது.

இது 2016-17 ஆம் ஆண்டில் வேலை வழங்கப்பட்ட 63.87 சராசரி நாட்களுடன் ஒப்பிடும் போது இப்போது பாதியளவு நாட்களுக்கு மட்டும் தான் வேலை வழங்கப்பட்டிருக்கிறது.

மற்றொருபுறம் சிவகாசி பகுதியில் பட்டாசு ஆலைகள் மூடப்பட்டு இன்றுடன் 103 நாட்களாகிவிட்ட நிலையில், அவர்களுக்கு மாற்று வேலைக்கு ஏற்பாடுகள் செய்யப்படவில்லை. பொதுவாக இத்தகைய பாதிப்புகளின் தாக்கம் மற்ற துறைகளையும் பாதித்திருக்கிறது.

எனவே, பாதிக்கப்பட்ட ஏழைகளுக்கு ஏதேனும் உதவி வழங்கப்பட வேண்டியது அரசின் கடமையாகும். அந்த வகையில் தமிழக அரசு இப்போது அறிவித்துள்ள ரூ.2,000 நிதியுதவி ஏழைக்குடும்பங்களுக்கு பெரிதும் உதவியாக இருக்கும்“ என தெரிவிக்கப்பட்டுள்ளது.

http://athavannews.com/முதல்வரின்-அறிவிப்பினை-வ/

‘கோபேக் மோடி’ என நாடெங்கிலும் ஒலித்து கொண்டிருக்கிறது என காங்கிரஸ் கட்சியின் தேசிய செய்தி தொடர்பாளர் குஷ்பு தெரிவித்துள்ளார்.

அப்படியிருக்க எடப்பாடி பழனிசாமியும் ஓ.பன்னீர்செல்வமும் ஏன் மோடியை ஆதரிக்கிறீர்கள் எனவும் அவர் கேள்வியெழுப்பியுள்ளார்.

நாமக்கல் மாவட்டம் குமாரபாளையத்தில் நடைபெற்ற நிகழ்வில் கலந்துகொண்டு கருத்து தெரிவிக்கும் போதே,குஷ்பு இவ்வாறு தெரிவித்தார்.

அவர் மேலும் தெரிவிக்கையில், “காங்கிரஸ் கட்சிக்கு பெருகி வரும் ஆதரவை கண்டு பிரதமர் மோடி அச்சமடைந்துள்ளனர்.

‘கோபேக் மோடி’ என நாடெங்கிலும் ஒலித்து கொண்டிருக்கின்றது. 5 ஆண்டுகளாக மோடி தமிழகத்திற்கு தரவேண்டிய நிதியை தரவில்லை என்கிறார்கள்.

அப்படியிருக்க எடப்பாடி பழனிசாமியும் ஓ.பன்னீர்செல்வமும் ஏன் மோடியை ஆதரிக்கிறீர்கள். தமிழக அரசின் கடன் தொகை 4 லட்சம் கோடியாக எப்படி உயர்ந்தது.

எதிர்வருகின்ற நாடாளுமன்ற தேர்தலில் தி.மு.க. மற்றும் காங்கிரஸ் கூட்டணி மகத்தான வெற்றி பெறும். நடிகர் கமலின் ‘மக்கள் நீதி மய்யம்’ எங்கள் கூட்டணிக்கு வரவேண்டுமென்று நாங்கள் அழைக்கவில்லை.

மக்களுக்கு நல்லது செய்ய வேண்டுமென நினைப்பவர்கள் எல்லோரும் எங்கள் கூட்டணிக்கு வரலாம். எமது கூட்டணிக்கு வருவது அவரவர் விருப்பம்” எனக் கூறினார்.

http://athavannews.com/பிரதமருக்கு-கோபேக்-மோடி/

திருப்பூரில் நடைபெற்ற பாஜகவின் தேர்தல் பிரச்சாரப் பொதுக்கூட்டத்தில் பிரதமர் மோடி கலந்துகொண்டு பேசுகையில் திருப்பூர் மண்ணுக்கு தலை வணங்குவதாக தெரிவித்தார்.

இன்னும் 2 மாதங்களில் நாடாளுமன்றத் தேர்தல் நடக்கவுள்ள நிலையில், பாரதிய ஜனதா கட்சி நாடு முழுவதும் தேர்தல் பிரச்சாரப் பொதுக்கூட்டங்களை நடத்தி வருகிறது. இன்று காலை ஆந்திரப் பிரதேசம் மாநிலம் குண்டூரில் நடந்த கூட்டத்தில் பிரதமர் நரேந்திர மோடி கலந்துகொண்டார். அதன்பிறகு திருப்பூர் கூட்டத்தில் பங்கேற்க விமானத்தில் 2.45 மணி அளவில் கோவை வந்தார். அங்கிருந்து ஹெலிகாப்டரில் பாஜக கூட்டம் நடைபெறும் திருப்பூர், பெருமாநல்லூர் பகுதிக்கு வந்தடைந்தார். அங்கு அவருடைய ஹெலிகாப்டர் தரையிறங்குவதற்காக சிறப்பு ஹெலிபேட் ஒன்றும் அமைக்கப்பட்டிருந்தது.

நலத்திட்ட விழாவில் மோடி

பொதுக்கூட்டத்துக்கு முன்னதாக அரசு நலத்திட்ட உதவிகள் வழங்கும் விழா, பாஜக பொதுக்கூட்ட மேடைக்கு அருகிலேயே அமைக்கப்பட்டிருந்த மற்றொரு மேடையில் நடந்தது. இந்த விழாவில் திருப்பூரில் 100 படுக்கை வசதிகளுடன் கூடிய இ.எஸ்.ஐ. மருத்துவமனை அமைப்பதற்கான அடிக்கல் நாட்டினார் பிரதமர் மோடி. மேலும், சென்னை வண்ணாரப்பேட்டை முதல் தாமஸ் மவுண்ட் வரையிலான மெட்ரோ ரயில் சேவையையும் தொடங்கி வைத்தார். அதுமட்டுமின்றி, திருச்சி ஒருங்கிணைந்த புதிய விமான நிலையக் கட்டடம், சென்னை விமான நிலையம் நவீனமயமாக்கல் ஆகிய பணிகளுக்கு அடிக்கல் நாட்டினார். எண்ணூர் பிபிசிஎல் கச்சா எண்ணெய் குழாய் பாதை சேவையையும் தொடங்கி வைத்தார்.

இந்த நிகழ்ச்சியில் தமிழக முதல்வர் கே.பழனிசாமி, துணை முதல்வர் ஓ.பன்னீர்செல்வம், ஆளுநர் பன்வாரிலால் புரோஹித், சபாநாயகர் தனபால், மத்திய நிதித் துறை இணையமைச்சர் பொன்.ராதாகிருஷ்ணன், மக்களவை துணை சபாநாயகர் தம்பிதுரை, அமைச்சர் வேலுமணி உள்ளிட்டோர் கலந்துகொண்டனர்.

திருப்பூர் மண்ணுக்கு தலை வணங்குகிறேன்

இதையடுத்து நடந்த பாஜக பொதுக்கூட்டத்தில் பிரதமர் நரேந்திர மோடி வணக்கம் என்று தமிழில் கூறி தனது உரையைத் தொடங்கினார். திருப்பூர் குமரன் மற்றும் தீரன் சின்னமலையின் துணிச்சலும், தைரியமும் இந்த நாட்டு மக்களுக்கு மிகப்பெரிய உத்வேகத்தை வழங்குவதாகவும், இந்த மண்ணுக்கு நான் தலை வணங்குகிறேன் என்றும் மோடி கூறினார். அதைத்தொடர்ந்து அவர் பேசுகையில், “நமோ என்ற சொற்களைத் தாங்கி டீஷர்ட்டுகள் போன்ற ஆடைகள் மீண்டும் இப்போது வந்து கொண்டிருக்கின்றன. அந்த ஆடைகள் இந்த திருப்பூர் மண்ணில்தான் உற்பத்தி செய்யப்படுகின்றன. தொழில்முனைவோர் மற்றும் அர்ப்பணிப்புடன் உழைக்கும் மக்களைக் கொண்டது திருப்பூர்” என்றார்.

மேலும், “நாட்டின் பாதுகாப்பில் காங்கிரஸ் கட்சி அக்கறை காட்டவில்லை. அனைத்திலும் ஊழல் செய்துள்ளது. புதிதாக அமையவுள்ள 2 பாதுகாப்பு தொழில்துறை பூங்காக்களில் ஒன்று தமிழகத்தில் அமையவுள்ளது. இதன்மூலம் ஏராளமான இளைஞர்களுக்கு வேலைவாய்ப்பு கிடைக்கும். ஊழலுக்கு முடிவு கட்டியுள்ளது பாஜக. இதுபோன்ற ஒரு அரசைத்தான் காமராஜர் விரும்பினார். காமராஜர் விரும்பிய ஆட்சியை நான் கொடுக்கிறேன். பதவி உயர்வில் இடஒதுக்கீடு ரத்து செய்யப்பட்டது காங்கிரஸ், திமுக ஆட்சியில்தான். முன்னேறிய சமூகத்தினருக்கு பொருளாதார அடிப்படையில் கொடுக்கப்பட்டுள்ள 10 விழுக்காடு இட ஒதுக்கீட்டால், ஏற்கெனவே இடஒதுக்கீடு பெற்று வருவோருக்கு எந்தப் பாதிப்பும் ஏற்படாது. நமது உயர்ந்த எண்ணத்திற்கேற்ப தமிழ்நாடும், இந்தியாவும் வளர்ச்சியடையும்” என்றார்.

வேண்டும் மோடி-மீண்டும் மோடி

முன்னதாக வரவேற்புரையாற்றிய தமிழக பாஜக தலைவர் தமிழிசை சவுந்தரராஜன் பேசுகையில், “கொங்கு செழித்தால் எங்கும் செழிக்கும் என்பார்கள். பாரதிய ஜனதா கட்சி தமிழகத்தில் காலூன்ற கால் எங்கே இருக்கிறது என்கிறார்கள் சிலர். ஆனால் பாஜகவுக்கு ஆல விருட்சமாக தமிழக மக்கள் இருப்பார்கள். விவசாயிகளைப் பற்றி மோடிக்கு அக்கறையில்லை என்று திமுக சொல்கிறது. இங்கு இவ்வளவு விவசாயிகள் வந்து, விவசாயிகளின் தோழன் மோடி என்று காட்டியிருக்கிறார்கள். வேண்டும் மோடி-மீண்டும் மோடி” என்றார்.

மோடி வருகைக்கு எதிர்ப்பு

இதனிடையே மோடியின் தமிழக வருகைக்கு எதிர்ப்பு தெரிவித்து பல்வேறு கட்சிகளும், இயக்கங்களும் போராட்டத்தில் ஈடுபட்டனர். குறிப்பாக மதிமுக கட்சியினர் வைகோ தலைமையில் திருப்பூரில் இன்று கறுப்புக்கொடி போராட்டத்தில் ஈடுபட்டனர். காவல் துறையினர் போராட்டத்தில் ஈடுபட்ட மதிமுகவினரை கலந்துசெல்ல வலியுறுத்தியும், அவர்கள் கலைந்துசெல்ல மறுத்ததால் கைது நடவடிக்கையில் ஈடுபட்டனர். அந்தச் சமயத்தில் மதிமுக தொண்டர் ஒருவர் அருகிலிருந்த உயர் மின்னழுத்த கோபுரத்தில் ஏறி கைது நடவடிக்கைக்கு எதிர்ப்பு தெரிவித்தார். சுமார் 300க்கும் மேற்பட்ட மதிமுகவினர் இந்தப் போராட்டத்தில் கலந்துகொண்டனர்.

அதேபோல, திருப்பூர் ரயில் நிலையம் அருகேயுள்ள பெரியார் சிலை பகுதியில் பெரியாரிய உணர்வாளர்கள் கூட்டமைப்பு போராட்டத்தில் ஈடுபட்டது. முன்னேறிய சமூகத்தினருக்கு கல்வி வேலைவாய்ப்பில் பொருளாதார ரீதியாக 10 விழுக்காடு இடஒதுக்கீட்டை மத்திய அரசு வழங்கியதற்கு எதிர்ப்பு தெரிவித்து, மோடியின் தமிழக வருகையைக் கண்டித்து அவர்கள் இப்போராட்டத்தில் ஈடுபட்டனர்.

இந்தப் போராட்டத்தில் ஈடுபட்ட திராவிடர் விடுதலைக் கழகத் தலைவர் கொளத்தூர் மணி, தந்தை பெரியார் திராவிடர் கழகத் தலைவர் கு.ராமகிருஷ்ணன், மே 17 இயக்க ஒருங்கிணைப்பாளர் திருமுருகன் காந்தி உள்ளிட்ட 700க்கும் அதிகமானோர் கைது செய்யப்பட்டனர். மீண்டும் 3ஆவது முறையாக கோ பேக் மோடி ஹாஸ்டாக் இந்திய அளவில் இன்று ட்ரெண்ட் ஆனது. மோடியின் வருகையை ஆதரித்து மோடி ஆதரவாளர்களும் டிஎன் வெல்கம்ஸ் மோடி போன்ற ஹாஸ்டாக்குகளில் அதிகளவில் ட்விட்டரில் பதிவிட்டனர்.

https://minnambalam.com/k/2019/02/10/43

விடுதலை செய்யாமல் காலம் தாழ்த்திக் கொண்டு இருந்தால், சாகும் வரை உண்ணாவிரதம் இருக்க போவதாக ராஜிவ்காந்தி கொலை வழக்கில் சிறையில் உள்ள நளினி ஆளுநருக்கு கடிதம் எழுதி உள்ளார்.

ராஜீவ் காந்தி கொலை வழக்கில் சிறையில் உள்ள பேரறிவாளன், முருகன், சாந்தன், நளினி, உள்ளிட்ட 7 பேரின் மரண தண்டனையை உச்சநீதிமன்றம் ஆயுள் தண்டனையாக குறைத்தது. மேலும், 25 ஆண்டுகளுக்கும் மேலாக சிறையில் உள்ள அவர்களை விடுவிக்க அன்றைய முதல்வர் ஜெயலலிதா தலைமையிலான அரசு முடிவு செய்தது.

இதனை எதிர்த்து மத்திய அரசு உச்சநீதிமன்றம் சென்றிருந்தது. இந்த வழக்கில் 2018 செப்டம்பர் 6-ம் தேதி உச்ச நீதிமன்றம் அளித்த தீர்ப்பின் அடிப்படையில், சட்டமன்றத்தில் சிறப்பு தீர்மானம் நிறைவேற்றப்பட்டது.

ஆனால், தமிழக அரசின் பரிந்துரை மீது எந்த முடிவும் எடுக்காமல் ஆளுநர் பன்வாரிலால் புரோஹித் காலதாமதம் செய்து வருகிறார். இதற்கு அரசியல் கட்சியினர் கடும் கண்டனம் தெரிவித்து வருகின்றனர். இது தொடர்பாக ஆளுநர் பன்வாரிலாலுக்கு நளினி கடிதம் எழுதியுள்ளார். அதில் இந்த முறை உண்ணாவிரதத்தை கைவிடப்போவதில்லை என்று கடிதத்தில் உருக்கமாகக் குறிப்பிட்டுள்ளார்.

ஏற்கெனவே, கடந்த 2017-ம் ஆண்டு ஜூலையில் வேலூரில் இருந்து சென்னை புழல் சிறைக்கு மாற்றக் கோரி உண்ணாவிரதப் போராட்டம் நடத்திய நளினி, 5 நாட்களுக்குப் பின் அதை திரும்பப் பெற்றார் என்பது குறிப்பிடத்தக்கது. இதற்கிடையே, விடுதலை உத்தரவில் விரைந்து கையெழுத்திட ஆளுநருக்கு நளினி தாயார் பத்மா கடிதம் அனுப்பியுள்ளார்.

Read more at: https://tamil.oneindia.com/news/chennai/rajiv-gandhi-murder-case-nalini-wrote-letter-the-governor-340968.html

முன்னாள் பிரதமர் ராஜீவ்காந்தி கொலை வழக்கில் தண்டனை விதிக்கப்பட்டுள்ள முருகன் இன்று 9வது நாளாகவும் தொடர் உண்ணாவிர போராட்டத்தில் ஈடுபட்டுள்ளார்.

முன்னாள் பிரதமர் ராஜீவ்காந்தி கொலை வழக்கில் தண்டனை விதிக்கப்பட்டுள்ள முருகன் வேலூர் மத்திய சிறையிலும், அவருடைய மனைவி நளினி பெண்கள் சிறையிலும் அடைக்கப்பட்டுள்ளனர்.

முருகன் உள்ளிட்ட 7 பேரை விடுதலை செய்ய தமிழக அரசின் சிபாசு குறித்து நடவடிக்கை எடுக்காமல் ஆளுநர் காலம் கடத்தி வருகின்றார்.

இது தொடர்பாக முருகன் கடந்த 31ஆம் திகதி வேலூர் மத்தியசிறை அதிகாரிகள் மூலம் ஆளுநருக்கு கோரிக்கை மனு ஒன்றினை அனுப்பியுள்ளார்.

அதில், ‘ராஜீவ்காந்தி கொலைக்கும், எங்களுக்கும் தொடர்பு இல்லை, வேண்டுமென்றால் உண்மை கண்டறியும் சோதனை நடத்துங்கள்.

அல்லது கருணை கொலை செய்யுங்கள். இல்லையென்றால் உண்ணாவிரதம் இருந்து சாகவிடுங்கள்’ என கூறியுள்ளார்.

அத்துடன், அவர் கடந்த 2ஆம் திகதி முதல் உண்ணாவிரத போராட்டத்தில் ஈடுபட்டு வருகின்றார்.

இந்தநிலையில் முருகனிடம் சிறைத்துறை அதிகாரிகள் பேச்சுவார்த்தைகளை முன்னெடுத்து வருவதாக தமிழக ஊடகங்கள் செய்தி வெளியிட்டுள்ளன.

http://athavannews.com/முருகன்-9வது-நாளாகவும்-தொ/

ராமேஸ்வரத்தில் அப்துல் கலாம் பெயரில் புதிய கலை மற்றும் அறிவியல் கல்லூரி அமைக்கப்படும் என தமிழக சட்டசபையில் துணை முதலமைச்சர் ஓ.பன்னீர்செல்வம் இன்று தாக்கல் செய்த வரவுசெலவுத் திட்டத்தில் அறிவிக்கப்பட்டுள்ளது.

சமூக பாதுகாப்பு உதவித்தொகை வழங்கும் திட்டத்திற்காக 3,985 கோடி நிதி ஒதுக்கப்பட்டுள்ளதாகவும் ஆயுள் காப்பீடு திட்டத்தின் மூலம் இயற்கை மரணத்திற்கு 2 லட்சம் ரூபா நிவாரணத் தொகை வழங்கப்படும் எனவும் தெரிவிக்கப்பட்டுள்ளது.
வறுமைக் கோட்டிற்கு கீழ் வரும் குடும்பத்திற்கு விரிவான விபத்து- ஆயுள் காப்பீடு திட்டம் அறிமுகம் செய்யப்படுவதாகவும் விபத்து மூலம் ஏற்படும் உயிரிழப்புகளுக்கு 4 லட்சம் ரூபா நிவாரணத் தொகையும், நிரந்தர ஊனத்திற்கு ஒரு லட்சம் ரூபா நிவாரணத் தொகையும் வழங்கப்படும் என அவர் தெரிவித்துள்ளார்.

மேலும் விவசாயிகளுக்கு 10 ஆயிரம் கோடி ரூபா அளவுக்கு பயிர்க்கடன் வழங்க இலக்கு நிர்ணயிக்கப்பட்டுள்ளது எனவும் சிறுபான்மையினர் நலத்துறைக்கு .14.99 கோடி ரூபா நிதி ஒதுக்கீடு செய்யப்பட்டுள்ளது எனவும் குறிப்பிட்டுள்ளார்

மேலும் வறுமை ஒழிப்புத் திட்டங்களுக்கு ஆயிரத்து 31.53 கோடி நிதி ஒதுக்கீடு செய்யப்பட்டுள்ளது எனவும் ராமேஸ்வரத்தில் அப்துல் கலாம் பெயரில் புதிய கலை மற்றும் அறிவியல் கல்லூரி அமைக்கப்படும் எனவும் தெரிவித்துள்ளார்.

http://globaltamilnews.net/2019/112547/

இந்திய முன்னாள பிரதமர் ராஜீவ்காந்தி கொலை வழக்கு தொடர்பில் கடந்த 28 ஆண்டுகளாக சிறையில் இருக்கும் முருகன், சாந்தன், பேரறிவாளன், நளினி உள்பட 7 பேரையும் விடுவிக்க ஆளுனர் கையெழுத்திட வேண்டும் என பேரறிவாளனின் தாயார் அற்புதம்மாள் கோரிக்கை விடுத்துள்ளார்

இவர்களது விடுதலையை வலியுறுத்தி தொடர்ந்த மக்கள் சந்திப்பு பயணம் மேற்கொண்டுவரும் அற்புதம்மாள் நிகழ்ச்சி ஒன்றில் பங்கேற்ற பின் செய்தியாளர்களுக்கு வழங்கிய செவ்வியிலேயே இவ்வாறு தெரிவித்துள்ளார்.

குற்றவாளிகள் தங்களது தண்டனை காலத்தில் குற்றத்தின் தன்மை அறிந்து மனம் திருந்த அமைக்கப்பட்டது தான் சிறைச்சாலை. சட்டத்தின் மூலம் அளிக்கப்பட்ட தீர்ப்பின் அடிப்படையில் கடந்த 28 ஆண்டுகளாக குறித்த 7 பேரும்; சிறையில் இருக்கிறார்கள்.

அதே சட்டத்தின் கீழ்; பணியாற்றும் தமிழக ஆளுனர் கொலை குற்றவாளிகள் என கருதப்படும் அந்த 7 பேரையும் உடனே விடுதலை செய்ய கையெழுத்திட வேண்டும் எனத் தெரிவித்த அவர் ஆளுனர் கையெழுத்திடும் வரை தனது மக்கள் சந்திப்பு பயணம் தொடரும் எனவும் தெரிவித்துள்ளார்.

ராஜராஜ சோழனுக்கு மணி மண்டபம் மற்றும் சிலை அமைப்பது தொடர்பில் தமிழக அரசு பதிலளிக்க வேண்டுமென சென்னை உயர் நீதிமன்ற மதுரைக் கிளை உத்தரவிட்டுள்ளது

ராமநாதபுரத்தைச் சேர்ந்த ஒருவர் சென்னை உயர் நீதிமன்ற மதுரைக் கிளையில் தொடர்ந்த வழக்கொன்றில் தஞ்சாவூர் பிரகதீஸ்வரர் கோயிலைக் கட்டிய ராஜராஜ சோழனைக் கௌரவிக்கும் முகமாக அவருக்குக் கடலில் சிலை அமைக்க வேண்டும் எனவும் ராஜராஜ சோழன் நினைவிடமானது கும்பகோணத்தை அடுத்த உடையாளூர் கிராமத்தில் பராமரிப்பின்றி இருப்பதாகவும் தனது மனுவில் தெரிவித்திருந்தார்.

பிற மாநிலங்களில் கோடிக்கணக்கான ரூபாய் செலவில் சத்ரபதி சிவாஜி, சர்தார் வல்லபபாய் படேல் போன்ற தலைவர்களுக்குச் சிலைகள் அமைக்கப்படுவது போன்று , ராஜராஜ சோழன் சிலையை இந்தியப் பெருங்கடல் அல்லது வங்காள விரிகுடா பகுதியில் நிறுவ உத்தரவிட வேண்டும் எனவும் தெரிவித்திருந்திருந்தார்.

அத்துடன் உடையாளூரில் பராமரிப்பின்றி உள்ள ராஜராஜ சோழன் சமாதியில் மணி மண்டபம் கட்ட வேண்டும் எனவும் அதைச் சுற்றுலா தலமாக அறிவிக்க வேண்டும் எனவும் மனுவில் தெரிவித்திருந்தார்.

இந்த மனுவினை நேற்றையதினம் விசாரணைக்கு எடுத்துக் கொண்ட நீதிமன்றம் இது குறித்து தமிழக அரசு பதிலளிக்க வேண்டுமென்று உத்தரவிட்டு, வழக்கு விசாரணையை இரண்டு வாரங்களுக்கு ஒத்திவைத்துள்ளது.

http://globaltamilnews.net/2019/112541/

திருச்சி திருப்பராய்த்துறை கோயில் சிலை திருட்டு வழக்கில், ஏழு மாதங்களாகத் தலைமறைவாக இருந்த முன்னாள் செயலர் அலுவலர் கைது செய்யப்பட்டுள்ளார்.

சுமார் 1,300 ஆண்டுகள் தொன்மையானது திருச்சி மாவட்டம் திருப்பராய்த்துறையில் உள்ள தாருகாவனேஸ்வரர் கோயிலில் செயல் அலுவலராகப் பணியாற்றிய ஆனந்த்குமார் என்பவரும் மேலும் சலிரும் இணைந்து தொன்மையான அங்காளம்மன் சிலையைத் திருடி விற்றதாக முறைப்பாடு செய்யப்பட்டிருந்தது.
அந்தத் தொன்மையான சிலையைப் போன்று புதிய சிலை செய்து கோயிலில் வைத்ததாகவும், அந்தச் சிலை செய்வதற்காகக் கோயிலில் உள்ள தொன்மையான பாத்திரங்களை உருக்கியதாகவும் அவர்கள் மீது குற்றம்சாட்டப்பட்டது.

இது தொடர்பில் அவர்கள் கைது செய்யப்படவிருந்தநிலையில் சென்னை உயர் நீதிமன்றத்தில் ஆனந்தகுமார் தாக்கல் செய்த முன் ஜாமீன் மனு தள்ளுபடி செய்யப்பட்டதையடுத்து, அவர் தலைமறைவாகியிருந்தார்

இந்தநிலையில் ஏழு மாதங்களாகத் தலைமறைவாக இருந்த ஆனந்தகுமாரை, சிலைக் கடத்தல் தடுப்புப் பிரிவு சிறப்பு பிரிவினர் நேற்றையதினம் கைது செய்துள்ளனர்.

http://globaltamilnews.net/2019/112341/

இந்தியாவின் முன்னாள் பிரதமர் ராஜீவ் காந்தி கொலை வழக்கில் சிறைவைக்கப்பட்டுள்ள முருகன் தனது உண்ணாவிரதப் போராட்டத்தினை முன்னெடுத்து வருகின்றார்.

வேலூர் மத்திய சிறையில், இன்று (புதன்கிழமை) ஐந்தாவது நாளாகவும் உண்ணாவிரதம் இருந்து வருகிறார்.

ராஜீவ் காந்தி கொலை வழக்கில், வேலூர் சிறையில் தடுத்து வைக்கப்பட்டுள்ள முருகன் ஆரம்பித்த உண்ணாவிரதப் போராட்டம் இன்று ஐந்தாவது நாளாகவும் நீடிக்கிறது.

கடந்த 28 வருடங்களாக சிறையில் தடுத்து வைக்கப்பட்டிருக்கும், தன்னையும் தன் மனைவி நளினியையும், விடுதலைச் செய்யக்கோரி முருகன், கடந்த மாதம் 30 ஆம் திகதி தமிழக ஆளுநரிடம் மனுவொன்றைத் தாக்கல் செய்திருந்தார்.

குறித்த மனு மீது இதுவரையில் எதுவித நடவடிக்கையும் எடுக்காத காரணத்தினால், மன உளைச்சலுக்குள்ளான முருகன் சிறையில் உண்ணாவிரதம் இருப்பதாக, அவரது வழக்கறிஞர், புகழேந்தி தெரிவித்துள்ளார்.

இந்நிலையில், இன்று ஐந்தாவது நாளாக உண்ணாவிரதமிருந்து வரும் முருகனிடம், சிறைத்துறை அதிகாரிகள் உண்ணாவிரதத்தை கைவிடக்கோரி பேச்சுவார்த்தை நடத்தியிருந்தனர்.

கடந்த மாதம் 20 ஆம் திகதியும் முருகன் முன்விடுதலை கோரி, இதுபோன்று உண்ணாவிரதப் போராட்டத்தினை நடத்தியிருந்தமையும் குறிப்பிடத்தக்கது.

http://athavannews.com/ஐந்தாவது-நாளாகவும்-முருக/

தாத்தா ரீ.வி கொடுத்தாரு; அப்பா செற்றாப் பாக்ஸ் கொடுப்பாரு' - தூத்துக்குடியில் உதயநிதி ஸ்டாலின் கலகலப்பு.!

தமிழகம் முழுவதும் திமுக கிராம சபை, ஊராட்சி சபை கூட்டங்களை நடத்தி வருகிறது.உள்ளாட்சித் தேர்தல் நடைபெறாத நிலையில் கிராமங்களில் கிராமசபைக் கூட்டங்களை நடத்தி வருகிறது திமுக. இந்தக் கூட்டங்களில் ஸ்டாலின், கனிமொழி, உதயநிதி ஸ்டாலின் உள்ளிட்டோர் கலந்துகொண்டு மக்களின் குறைகளை கேட்டறிந்து வருகின்றனர்.

இந்தக் கூட்டங்களில் அதிமுக அரசை ஸ்டாலின் கடுமையாக விமர்சித்து வருகிறார். அதேநேரம் கடுமையான கேள்விகளையும் ஸ்டாலின் எதிர்கொண்டு வருகிறார். மதுக்கடைகள், உள்ளாட்சித் தேர்தல் தொடர்பாக அவரிடம் கேள்வி கேட்டு வருகின்றனர். அதேபோல் இந்தக் கூட்டங்களில் சில சுவாரஸ்ய சம்பவங்களும் நடந்து வருகின்றன.

அந்தவகையில் நேற்றுமுன்தினம் விருதுநகர் மாவட்டம் சாத்தூர் தொகுதிக்கு உட்பட்ட சத்திரப்பட்டியில் நடந்த ஊராட்சி சபை கூட்டத்தில் ஸ்டாலினுடன் ஒரு எல்.கே.ஜி படிக்கும் குழந்தையும் பேசியது.

மஹிதா என்னும் அந்தக் குழந்தை, "ஸ்டாலின் தாத்தா வணக்கம்..” எனக் கூறியது. உடனடியாக குறுக்கிட்ட ஸ்டாலின் ``ஸ்டாலின் தாத்தா இல்லை, ஸ்டாலின் மாமா” எனக் கூறினார். அவரின் நகைச்சுவை பேச்சைக் கேட்டு மக்கள் சிரித்தனர். இந்த வீடியோ வைரலானது. அதேபோன்று ஒரு சம்பவம் மீண்டும் நடந்துள்ளது.

ஆனால் இந்த ஸ்டாலினுக்கு அல்ல. அவரின் மகன் உதயநிதிக்கு நடந்துள்ளது. தூத்துக்குடி மாவட்டம் முடிவைத்தானேந்தலில் நடந்த ஊராட்சி சபை கூட்டத்தில் நேற்று உதயநிதி கலந்துகொண்டார்.

அப்போது அவரிடம் குறைகூறி ஒரு பெண், “கலைஞர் ஆட்சியில் இலவச டி.வி., கொடுத்தாங்க. அப்போது கேபிள் தனியார்கிட்ட இருந்தாலும் குறைஞ்ச ரூபாயில நிறைய சேனல்களை பார்த்தோம். இப்போ அப்படி இல்ல. கேபிள் டி.வி., அரசு வச்சிருந்தும், கட்டணம் கூடிருச்சு. நிறைய சேனல்கள் தெரியல. செற்றாப்  பாக்ஸ் இருந்தான் சேனல்கள் தெரியும்ணு சொல்றாங்க” என்று கூறினார்.

இதற்கு பதிலளித்துப் பேசிய உதயநிதி, “எங்க தாத்தா டி.வி., கொடுத்தாரு. எங்க அப்பா ஆட்சிக்கு வந்தா இலவச செற்றாப் பாக்ஸ் கொடுப்பாங்க.” என்றார். அவரின் பேச்சைக் கேட்டு கூட்டத்தில் இருந்த மக்கள் சிரித்தனர்.

https://tamil.thesubeditor.com/tamilnadu/10554-udhayanithi-stalin-funny-speech-in-tuticorin.html

டிஸ்கி :

உண்மையில் மனைவி அவரின்ட அம்மா வீட்டுக்கு போய்விட்டால் இந்த கணவர்மார் படும் அவஸ்தை இருக்கே .. அய்யோ சொல்லி மாளாது .. இது ஒரு சர்வதேச பிரச்னை .. இதற்கு ஏதாவது ஒரு ஏற்பாடு செய்துவிடுங்கப்பா .. 🤔 " நான் சமையலை சொன்னேன்.."😎