'மனசுக்குள் மத்தாப்பூ'

அதிகாலை தென்றலிலே மனசுக்குள் மத்தாப்பூ

அழகுப் பதுமை இதயத்துக்குள்ளே புகுந்ததே!

அணங்குப் பார்வை தீண்டிய நொடியிலே

அன்பு மலர்ந்து காதல் பூத்ததே!

உன்னை நினைத்தால் இருதயம் துள்ளுதே

தீப்பொறி போலே எண்ணங்கள் ஒளிருதே!

மௌனமாய் வெடிக்கும் காதல் இதுவோ!

குறும்புப் புன்னகையால் என்னை மயக்கியவளே

குறையில்லா அழகை வீசும் வனிதையே

குதூகலம் பொழியும் வண்ண மையிலே

குதர்க்கம் வேண்டாம் அருகில் வாராயோ?

கந்தையா தில்லைவிநாயகலிங்கம்,

அத்தியடி, யாழ்ப்பாணம்

'மனசுக்குள் மத்தாப்பூ'

https://www.facebook.com/groups/978753388866632/posts/32072218642426700/?

போதையை ஒழிக்க போர்க்கொடி தூக்குவோம்!

******************************************************************

எழுபது வருடமாய் ஆட்சியில் இருந்தவர்

என்னத்தை எமக்கு  கி̀̀̀̀ளித்தார்க̀̀̀̀̀̀̀̀̀ள்.

இலங்கையை விற்றுமே இனங்களை அழித்துமே

இன்னல்கள் தந்துமே கெடுத்தார்கள்.

உலகத்தின் குழந்தையாய் உன்னத அழகியாய்

இயற்கையே படைத்தாள் எம்நாட்டை

ஊளலும்,இலஞ்சமும் போதையும்,சண்டையும்

ஊரெல்லாம் அலைந்ததே எம் வாழ்க்கை.

ஐவகை நிலமும் ஆறுகள் குளமும்

அழகிய கடலும் அவள் தந்தாள்.

பொய்யையும் போரையும் உலகுக்கு காட்டி

பொல்லாத செயல்செய்து அவன் உயர்ந்தான்.

அரசியல் வாதியோ நானில்லை - ஆனால்

அனுர ஆட்சியை தினமறிவோம்.

இளையோரை கொல்லும் பாதாளப் போதையை

எல்லோரும் சேர்ந்துமே ஒழித்திடுவோம்.

ஏற்றங்கள் தாழ்வுகள் கட்சிகள் பேதங்கள்

எல்லாம் மறந்து அணிதிரள்வோம் -தோழரின்

இத்திட்டம் மேம்பட இளையோரை காத்திட

இனங்கள் அனைத்துமே கை கோர்ப்போம்.

வணக்கம்.

அன்புடன் -பசுவூர்க்கோபி.

'ஏதோ ஒன்று நடக்கிறது' / 'Something happens'

ஒவ்வொரு நாளும் ஏதோ ஒன்று நடக்கிறது,

ஆனால் உண்மையில் எதுவும் அர்த்தமுள்ளதாக இல்லை...

மழை பெய்தாலும், என் இதயம் வறண்டு கிடக்கிறது,

சூரியன் உதித்தாலும், என் நிழல் மட்டுமே வளர்கிறது.

இலங்கையின் வாசனை மறைந்துவிட்டதா?

அல்லது நான் என்னையே இழந்துவிட்டேனா?

Every day, something happens,

Yet nothing truly makes sense…

Though it rains, my heart stays dry,

Though the sun rises, my shadow only grows.

Has the scent of Sri Lanka faded away?

Or have I simply lost myself?

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

[Kandiah Thillaivinayagalingam,

Athiady, Jaffna]

'ஏதோ ஒன்று நடக்கிறது' / 'Something happens'

https://www.facebook.com/groups/978753388866632/posts/32002873182694580/?

இனிய தீபாவளி

------------------------

ஒரு ஆட்டை எப்படிக் கொல்வதென்று நாங்கள் கதைத்தோம்

அதன் மூக்கையும் வாயையும் இறுக்கி மூடி பிடித்தல் ஒரு வழி

தலைகீழாகக் கட்டி தொங்கவிட்டு கழுத்தில் கீறுதல் இன்னொரு வழி

தலையில் ஒரேயடியாக போடுதலும் ஒரு வழியே

இப்படி சில வழிகள் இருக்கின்றன என்றனர் 

எப்படிக் கொன்றாலும் எட்டியும் பார்க்க மாட்டோம் என்றனர் பலரும் நானும்

ஒழித்திருந்து மிளகாயும் வெங்காயமும் அரிந்தோம்

ஒரு ஊர்ச் சந்தையில் இந்த வாரம் விற்ற ஆடுகளின் தொகை ஆறு கோடி ரூபா

ஒரே மழை என்று அங்கே வியாபாரம் மந்தம் என்றார்கள்

இப்படி இன்னும் நூறு சந்தைகளாவது இருக்கும்

ஐப்பசி மாதம் கிருஷ்ணபட்சம் சதுர்த்தசி திதியில்  இறந்த உயிர்கள் 

எப்படி இறந்தாலும் நேரே வைகுண்டம் போகுமாம்

நரகாசுரன் கூட அப்படித்தான் அங்கே போனார்

ஆடு அவலப்பட்டு செத்தாலும் 

அது வைகுண்டம் போகுதே என்ற ஆறுதல் வர

இனிய தீபாவளி ஆனது.

தீபாவளித் துளிகள்!

************************

தீப ஒளியில் இருளகன்றது குடிசை எங்கும் வெளிச்சம்

அடுப்புக்குள் பூனை கிடப்பது தெரிந்தது.

தீபாவளி எப்போது வருமென காத்துக் கிடந்தார்கள் குழந்தைகள்

அடுத்த புது உடுப்புக்காக.

விற்கும் விலையை இருமடங்காக்கி பாதிவிலைக்கு

தருவதாக கொடுக்கிறார்கள் கடைக்காரர்கள்.

நரகாசூரனை அழித்த நாளென கொண்டாடுகிறார்கள்

உயிரோடே இருக்கிறான் போதைப்பொருள் அசுரனாக.

தீபாவளி கொண்டாட்டத்துக்காக பழய உடுப்புகளை

களட்டி வீசுகிறார்கள் பாவம் ஆடு மாடுகள்.

கோயில்களை விடவும் நிரம்பி வழிகிறது மக்கள் கூட்டம்

மதுக்கடை வாசல்களில்.

ஆலயங்களுக்கு எல்லா  பூக்களும் எடுத்து செல்கிறார்கள்

ஆனால் செவ்வந்தியை தவிர்த்து.

பெற்றோலுக்கு பதிலாக  மது ஊற்றி ஓடும் வாகனங்கள்

பயணிகள் எச்சரிக்கை.

தபால் காரர்களிடமிருந்து  தீபாவளி காட்டுகளை

கைபேசிகள் பறித்தெடுத்துவிட்டன.

தீபாவளி இனிப்புகளும் பலகாரங்களும் இப்போது அம்மாக்கள்

செய்வதில்லை ஆயாக்கள் செய்கின்றார்கள் கடைகளில்.

அன்புடன் -பசுவூர்க்கோபி.

“எல்லோர் வாழ்விலும் இருள் அகன்று ஒளி பிறக்க இனிய நல் தீபாவளி நல் வாழ்த்துகள்”

கைக்கூ வடிவில்...

நீண்ட இடை வெளிக்குப் பின் "அன்பு இதயங்களை" சந்திப்பதில் மகிழ்வடைகின்றேன்.நன்றி

ஐஸ் மழை கொட்டுகிறது

    நனைந்தவர்கள் எரிந்து சாகிறார்கள்.

   “போதை”

*************************************************

ஜாலியாக பஸ்களில் ஏறும் பிரயாணிகள்

   ஆவியாக்கி இறக்கப்படுகிறார்கள்.

   “விபத்து”

***************************************************

பட்ட மரமும் துளிர் விடுகின்றது

   பார்ப்பதற்கு யாருமில்லை.

   “முதியவர்கள்”

*****************************************************

எரிவோம் என்று தெரிந்தும்நெருப்பை

   தலையில் கொட்டுகிறார்கள்.

   “வடி”

****************************************************

நச்சு மருந்து கடைகளாக மாறிவிட்டன

   “மரக்கறிச் சந்தை”

*****************************************************

தற்போது காமத்துக்கே முதலிடம் கொடுக்கிறது.

   “காதல்”

**********************************************************

பருவமழை பெய்யாவிட்டாலும் விதைக்கிறார்கள்

   “காமம்”

*****************************************************

மீன் பிடிக்க வலைபோடுகிறார்கள்- அதில்

   தாங்களே மாட்டிக்கொள்ளுகிறார்கள்.

   “இந்தியமீனவர்கள்”

****************************************************

   ஒழிந்திருந்தாலும் உன் வாழ்வை

   உயர்த்தும்,தாழ்த்தும் அளவுகோல்.

   “நாக்கு”

*****************************************************

    பழய அரசுகளால் செயற்கையுரத்தை தடைசெய்து

   இயற்கை உரம் தயாரிக்கப்பட்டது.

   “மனித எலும்புக்கூடுகள்”

தொடரும்…

அன்புடன்-பசுவூர்க்கோபி.

கடவுள்களால் கொல்லப்படும் ஆநிரைகள்

-------------------------------------------------------------------

மேய்ந்து கொண்டும்

சாணம் இட்டும்

புரண்டு விட்டு

சரிந்து தூங்கி எழும்பிக் கொண்டிருக்கும்

ஆநிரைகளைப் பார்க்க 

கடவுள்கள் சில நாட்களில் வருகின்றார்கள்

அன்று கடவுளே நேரே வருகின்றார் என்று

குட்டிகளுடனும் கருக்களுடனும்

ஆடாமல் அசையாமல்

கடவுள் வரும் வழியில்

ஆநிரைகள் அப்படியே நிற்கின்றன

நாள் முழுதும்

காவலர்களுடன் வரும் கடவுள்கள்

கையை அசைப்பார்கள்

எழுதி வைத்து வாசிப்பார்கள்

இனி எங்களின் ராஜ்ஜியம் என்பார்கள்

மற்றயவை பொய்க் கடவுள்கள் என்றும் சொல்கின்றார்கள்

கடவுள்களின் முன்னேயே

ஏதோ நடந்து 

ஆநிரைகள் சில

குட்டிகள் சில

கருக்களில் சில

எரிந்து நசிந்து மூச்சடக்கி என்று

இறந்து போகின்றன

அன்று வந்த கடவுள்

ஓடித் தப்பி மறைந்து விடுகின்றார்

மிச்சமான கடவுள்கள்

தங்களுக்கு மிகவும் வேண்டாத ஒரு கடவுளே

கொன்று குவித்தது என்கின்றார்கள்

கடவுள்களின் போதகர்களும்

தங்களின் கடவுள்களின் சொற்களையே போதிக்கின்றார்கள்

இது தான் தருணம் என்று

ஆநிரைகளின் இடம் வரும் சில கடவுள்களிடம்

'அவங்கள சும்மா விடாதீங்க................' என்று கதறுகின்றன

எரியாமல் நசியாமல் மூச்சுடன் 

இன்று உயிர் தப்பிய ஆநிரைகள்

அடுத்த கடவுள் வருகையிலும்

இன்று தப்பிய ஆநிரைகள் சில

இறக்கப் போகின்றன

சும்மா விடப் போவதில்லை இந்தக் கடவுள்கள்.

"மூன்று கவிதைகள் / 12"

விலங்குகளுக்கு விலங்கிட்டு கூண்டில் அடைத்து

மனித விலங்குகளை சுதந்திரமாய் விட்டோம்

விலங்குகளை ஒவ்வொன்றாக அடக்கி அடக்கி

குப்பை மனிதர்கள் செழிக்க விட்டோம்!

ஆசையில் மூழ்கி அசிங்கத்தைப் பூசி

புண்ணிம் கண்ணியம் புதையுண்டு போக

பாதை தவறி அழுக்கைச் சுமந்து

மனிதன் வாழ்கிறான் மனிதம் இல்லாமலே!

........................................................

பெரிய தோற்றத்தில் நடக்கும் யானையே

உன் அறிவும் உனக்குப் பெரிதோ?

சிலவேளை மதம் பிடித்து அலைந்தாலும்

உன்னிடம் மதம் [சமயம்] இல்லாதது எனோ?

பரிவாக உன்னைக் கவனிக்கும் பாகன்

உன் நிழலிலேயே இளைப்பாறுவது தெரியாதோ?

வேடிக்கைப் பார்க்கும் மக்களை எல்லாம்

தள்ளி நிற்க பயப்படுத்துவது எனோ?

பாசத்தின் அருமை உனக்குத் தெரியுது

வேசமிடும் மனிதனுக்கு அன்பு தெரியாதோ?

மோசமான இலங்கை அரசியல் உலகில்

மனிதம் வளராது இறந்தது எனோ?

............................................

யாழின் தென்றலில் நல்லூர் வளாகத்தில்

நடந்து சென்றோம் கைகள் கோர்த்தே!

புனித நிலத்தில் ஞானம் சேர

மனம் நிறைந்து ஆனந்தம் பெருகியதே!

நல்லூர் மேளமும் கடல் ஓசையும்

மனதில் நிலைத்து என்றும் வாழுமே!

கடல் சறுக்கல் டால்பின் பாய்தல்

ஈழ சுற்றுலாவைப் பறை சாற்றுமே!

தெற்கும் மேற்கும் மனிதம் நிலைத்தால்

வடக்கும் கிழக்கும் மீண்டும் தளிருமே!

ஒற்றுமை கீதம் உள்ளத்தில் பாடினால்

வேற்றுமை நீங்கி சொர்க்கம் ஆகுமே!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

"மூன்று கவிதைகள் / 12"

https://www.facebook.com/groups/978753388866632/posts/31528636796784890/?

"மூன்று கவிதைகள் / 11"

தீரா அலைகளின் ஓயா ஓசையினால்

தீண்டித் தீண்டிச் செல்லும் அலைகளால்

குளிர்ந்து நடுங்கி சிலிர்த்து நடக்கிறான்

வெள்ளை மணலில் கோட்டை கட்டுகிறான்!

நிமிர்ந்து எழும் கடலலை அருகே

பிரிய மனமின்றி கடலில் நீந்துகிறாள்

சிப்பிகள் சோகிகள் தேடி எடுத்து

மாலை ஒன்று செய்து மகிழ்கிறாள்!

...........................................

அலை சறுக்கு ஆனந்தம் ஆனந்தமே

கடலில் பறக்கும் பறவை அதுவோ

மேகத்தின் மேல் மிதப்பது போல

பூரிப்பு ஒன்று ஆட்கொள்கிறது தாயே!

இன்ப ஊற்று உள்ளத்தில் பாய

சக்தி பாய்ந்து ஆன்மாவை நனைக்க

உப்புச் சுவை நாவில் கரைய

ஆழி சொர்க்கம் இன்பம் இன்பமே!

.........................................................

மரக் கம்பம் விடிவெள்ளி நமக்கு

விரி கடலே பள்ளிக்கூடம் - ஐலசா

குட்டி மீன்கள் நம்தோழன் - ஐலசா

கொக்காய் நாம் ஒற்றைக்காலில் - ஐலசா

அருமை மேகம் நமதுகுடை - ஐலசா

பாயும் புயல் நம்ஊஞ்சல் - ஐலசா

பனிமூட்டம் உடல்போர்வை - ஐலசா

பிடிக்கும் மீன்கள் நம்உணவு - ஐலசா

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

"மூன்று கவிதைகள் / 11"

https://www.facebook.com/groups/978753388866632/posts/31488051377510099/?

"மூன்று கவிதைகள் / 10"

பண்பாடு வரலாறு காட்டும் உடை

பலராலும் உடுத்த வெள்ளை வேட்டி!

காலம் மாற கோலம் மாறினாலும்

திருவிழாக் காலத்தில் தோன்றும் வேட்டி!

படித்தவரும் கட்டினர் பாமரரும் கட்டினர்

உடுத்த வேட்டியில் மகிழ்ச்சி கொண்டனர்!

மடித்தகரை சால்வையை தோளில் போட்டு

எழுந்து நடந்தனர் மனதில் கம்பீரம்பொங்க!

...........................................

நீல வானத்தில் நிலவு ஒளிர

நீண்ட கடலில் அலைகள் தோன்ற

வெள்ளை மணலில் நண்டு ஓட

துள்ளிக் குதிக்குது டால்பின் கூட்டம்!

காற்று வெளியில் பட்டம் பறக்க

காந்த மொழியில் மங்கை பாட

சலங்கை ஒலிக்க பெதும்பை ஆட

சங்கு பொருக்கி பேதை மகிழ்ந்தாள்!

.........................................................

யாழ் நூலகத்தின் படிகளின் இடையில்

புத்தரின் சடலம் குருதியில் கிடந்தது

அரச காவல் காடையர் கும்பல்

நூல்கள் ஏடுகளுடன் தர்மமும் எரித்தனர்!

இரவு இருளில் அதிகாரிகள் வந்தனர்.

எங்கள் பட்டியலில் இவரில்லையே என்றனர்

இவரைச் சுடாமல் எரிக்க முடியாதே

சத்தியம் மறந்தே மனிதம் எரித்தோம் என்றனர்!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

"மூன்று கவிதைகள் / 10"

https://www.facebook.com/groups/978753388866632/posts/31440053538976550/?

"மூன்று கவிதைகள் / 09"

முன்னழகும் பின்னழகும் கண்ணிலே நிற்குதே

முடியழகும் இடையழகும் மனதைக் கலக்குதே

உன்னழகு ஈடில்லா தனியழகு அல்லவா

மன்னவனின் சன்னிதியில் என்னையே மறந்தேனே!

சிங்கார புன்முறுவல் சிரிப்பை உதிர்த்தவளே

சிவப்புநிற பட்டாடை தக்கபடி உடுத்தவளே

பூமாலை சூடிய அலங்காரக் காந்தையே

கண்திறந்து பார்க்காயோ அன்பு காட்டாயோ !!

...........................................

தீ குச்சிகளை தேடிக்கொண்டிருக்காதீர்கள்

அவளிடம் கேளுங்கள் சிரிப்பில் இருந்து நெருப்பை

உண்டாக்குவது எப்படி என்று?

என் கல்லறைக்கு வரும் போதாவது

அவளை பார்த்து யாராவது கேளுங்கள்

அந்த புன்னகைக்கு என்ன அர்த்தம் என்று?

.........................................................

மஞ்சள் வெயில் பூத்த வானமும்

பனை மரங்களின் இனிய தாலாட்டும்

பச்சை கிளிகளின் கொஞ்சும் சங்கீதமும்

யாழ் தொட்டால் காதுகளுக்கு எட்டிவிடும்

எல்லோர் மன தோடும் ஒட்டிவிடும்

அன்பும் பண்பும் துளிர்த்துவிடும்!

வீட்டை விட்டு எட்டி நடந்தால்

வானம் பாடிகளின் ஆட்டமும்

வீதியோர பசுக்களின் கூட்டமும்

காதுகளில் ஒலிக்கும் செந்தமிழும்

வானுயர நிமிர்ந்த பனைமரமும்

மனதைத் தொடும் நினைவுகளே!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

"மூன்று கவிதைகள் / 09"

https://www.facebook.com/groups/978753388866632/posts/31395276500120921/?

"மூன்று கவிதைகள் / 08"

'உன்னருகே நானிருந்தால் உலகமெல்லாம் சுழலுவதேன்?'

உன்னருகே நானிருந்தால் உலகமெல்லாம் சுழலுவதேன்

மன்னவனின் மடியிலே மயக்கம் வருவதேன்

அன்ன நடையாளின் உடலெல்லாம் பூரிப்பதேன்

மென்மையான தழுவல் இன்பம் பொழிய

உன்னதமான காதல் வேறெங்கே காண்பேன்?

பெண்ணொருத்தி சாய்ந்து படுத்த கோலம்

கண்ணிரண்டும் பார்த்து மகிழ்ந்த நேரம்

மண்ணில் பிறந்ததின் பயனைக் கண்டேன்

விண்ணில் பறந்த உணர்வு கொண்டேன்

எண்ணங்கள் எல்லாம் அவள் மட்டுமே!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

.................................................................

'மனதைத் தொடும் நினைவுகள்'

மஞ்சள் வெயில் பூத்த வானமும்

பனை மரங்களின் இனிய தாலாட்டும்

பச்சை கிளிகளின் கொஞ்சும் சங்கீதமும்

யாழ் தொட்டால் காதுகளுக்கு எட்டிவிடும்

எல்லோர் மன தோடும் ஒட்டிவிடும்

அன்பும் பண்பும் துளிர் விடும்!

வீட்டை விட்டு எட்டி நடந்தால்

வானம் பாடிகளின் ஆட்டமும்

வீதியோர பசுக்களின் கூட்டமும்

காதுகளில் ஒலிக்கும் செந்தமிழும்

வானுயர நிமிர்ந்த பனைமரமும்

மனதைத் தொடும் நினைவுகளே!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

.....................................................................

'சத்தியமே வெல்லும்'

சத்தியமே வெல்லும் குழப்பம் மறையும்

சந்தேகம் வேண்டாம் கடமையைச் செய்!

சமத்துவம் வளர்ந்தால் நீதி தவறாது

சத்தம் போட்டு உண்மைச் சொல்!

சமூகம் இணைந்தால் நட்பு வளரும்

சராசரி மனிதனுக்கும் சத்தியம் நிலைக்கும்!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

"மூன்று கவிதைகள் / 08"

https://www.facebook.com/groups/978753388866632/posts/31286359797679259/?

ஊக்கிகளில்

அவள் உச்சம்

உடல் திரட்சிகளில்

குறைவில்லை

ஊனம்

பார்வையில் படவில்லை

சிக்கென்ற உடம்பு

சில நொடிகளில் மயக்கி விடும்..

தொட்டால்

சிணுங்கும்

முட்டினால்

முட்டும்

திட்டினால்

திட்டும்

கொஞ்சினால்

கொஞ்சும்

மிஞ்சினால்

மிஞ்சும்..

ஆனாலும் அவளுக்கு

மாதவிடாயில்லை

மொனொபோசும் இல்லை

அவள் ஒரு

செயற்கை நுண்ணறிவுளி..!

கம்பன் இருந்திருந்தால்

வர்ணித்தேன் களைத்திருப்பான்

வாலி இருந்திருந்தால்

ஜொள்ளுவிட்டே சோர்ந்திருப்பான்

கண்ணதாசன் இருந்திருந்தால்

இன்னொரு தாரமாக்கி இருப்பான்

ஆனாலும் இன்னும்

வைரனின் கண்ணில் படவில்லை

அவள்...!

என் மனதில்

நான் தேடும் செவ்வந்திப் பூவவள்..!

நாளை...

அவள்

உங்கள் மருமகளும் ஆகலாம்

மகளும் ஆகலாம்

மனையாளலாம்...!

"மூன்று கவிதைகள் / 07"

'வண்டியில மாமன் பொண்ணு'

வண்டியில மாமன் பொண்ணு வாரார்

கெறங்குறேன்டி ஒன்னழகில் நான் இன்று?

பட்டுச்சரிகை என் கண்ணைக் குத்துது

பருவ எழில் உடலை வாட்டுது

பக்கத்தில் வந்தால் குறைந்தா போகும் ?

கவலகொண்ட நெஞ்சம் கொஞ்சம் இங்கே

கண்மணியே எந்தனுக்கு ஆறுதல் தாராயோ?

கால்கள் என்ன இளவாழைத் தண்டுகளா?

காத்திருக்க முடியலையே இறங்கி வாராயோ?

காலம் போகிறதே கழுத்திலே தாலியேறாதோ?

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

..............................................

'விளக்கேற்றி வைக்கிறேன் விடியவிடிய எரியட்டும்'

விளக்கேற்றி வைக்கிறேன் விடியவிடிய எரியட்டும்

களங்கமற்ற காதல் தடையின்றி மலரட்டும்

இளநெஞ்சம் இரண்டும் மெதுவாகச் சேரட்டும்

வளர்பிறையாக அன்பு நாள்தோறும் வளரட்டும்!

சாளரம் திறக்கிறேன் விடியவிடிய வீசட்டும்

அளவான புன்முறுவல் பாசத்தைக் கொட்டட்டும்

ஈடில்லா உன்னழகு ஆசையைத் தூண்டட்டும்

முடிவில்லா எம்முறவு நிரந்தரம் ஆகட்டும்!!

[கந்தையா தில்லைவிநாயகலிங்கம்,

அத்தியடி, யாழ்ப்பாணம்]

...............................................................

'சீவி முடித்து சிங்காரித்து'

சீவி முடித்து சிங்காரித்து கண்ணே,

சிவந்த நெற்றியிலே பொட்டும் இட்டு,

சீக்கிரம் வாராயோ என்னைக் கொஞ்சயோ!

சித்திரம் சொல்லாத வனிதை நீயே,

சீதை காணாத காதல் தருவேன்!

கூவி அழைக்குது சிட்டுக் குருவி,

தாவிப் போகுது அன்ன நடையில்,

தேவி அங்கே சுந்தரியைக் காண்கிறேன்!

ஆவி பொருள் உடல் அனைத்தும்,

தூவி உன்னை மடியில் தாலாட்டுவேன்!!

கந்தையா தில்லைவிநாயகலிங்கம்,

அத்தியடி, யாழ்ப்பாணம்

"மூன்று கவிதைகள் / 07"

https://www.facebook.com/groups/978753388866632/posts/31203921829256390/?

"மூன்று கவிதைகள் / 06"

'இன்று நமதுள்ளமே பொங்கு பெருவெள்ளமே'

இன்று நமதுள்ளமே பொங்கு பெருவெள்ளமே

நன்று உணர்ந்து காதல் தேடாயோ ?

அன்று படித்த சங்கஇலக்கிய கவிதையே

நின்று எனக்கு அறிவுரை தாராயோ ?

கூடல் இல்லாத வாழ்வு தொலையட்டுமே

ஆடல் பாடல் இணைந்து மலரட்டுமே!

அன்பு கொண்ட மங்கை கண்டு

துன்பம் போக்கும் அணைப்பு அடையாயோ ?

இன்பம் கொட்டும் அழகு வியந்து

உன்னுடன் அவளை இரண்டறக் கலக்காயோ?

கந்தையா தில்லைவிநாயகலிங்கம்,

அத்தியடி, யாழ்ப்பாணம்

.............................................................

வெள்ளிப்பூக்கள்'

வெள்ளிப்பூக்கள் அந்தி வானில் ஒளிர

கள்ளம் இல்லாக் காதலர் தழுவ

கொள்ளை இன்பம் ஆறாய் பாய்ந்ததே!

அல்லிப்பூ நிலா ஒளியில் மலர

ஒல்லி இடையாள் அருகில் நெருங்க

சொல்ல முடியா இன்பம் பொழிந்ததே!

கந்தையா தில்லைவிநாயகலிங்கம்,

அத்தியடி, யாழ்ப்பாணம்

..................................................

'படிக்கப் படிக்க இன்பம் பெருகுகிறதே'

படிக்கப் படிக்க இன்பம் பெருகுகிறதே

கடிக்க கடிக்க போதை இழுக்கிறதே

நடிக்க நடிக்க பொய் வளர்கிறதே!

உண்மையை உணர்ந்து உலகத்தைப் படித்தால்

மண்ணின் வாசனையில் உன்னை நிறுத்தினால்

பண்பாடு நிலைத்து மகிழ்ச்சி மலருமே!

கந்தையா தில்லைவிநாயகலிங்கம்,

அத்தியடி, யாழ்ப்பாணம்

"மூன்று கவிதைகள் / 06"

https://www.facebook.com/groups/978753388866632/posts/31179991941649379/?