Search the Community

'நம் வரலாற்றை நாமே எழுதுவோம்' ------------------------ நோக்கம் & பொறுப்புத்துறப்பு: இதற்குள் பதிவிடப்பட்டுள்ள தகவல்கள் யாவும் ஈழத்தீவில் காலங்காலமாக சிங்களவரால் தமிழர்களுக்கு ஏற்படுத்தப்பட்டுவரும் இறந்தகால வரலாறு தொடர்பான சிக்கல்களுக்கு எதிர்கால தமிழீழ தலைமுறைகளும் முகங்கொடுக்கக் கூடாது என்பதற்காக அவர்கள் தமது வரலாற்றை அறிய அ கற்க வேண்டும் என்ற நன்னோக்கிலேயன்றி எந்நாட்டின் இறையாண்மைக்கும் குந்தகமோ பங்கமோ விளைவிப்பதற்காகவோ அல்லது பயங்கரவாத செயல்கள் என்று வரையறுக்கப்பட்ட செயல்களை அந்நாட்டில் தூண்டிவிடுவதற்காகவோ அன்று; குறிப்பாக பதிவிடுபவர் வாழும் நாடு சார்ந்து. இதை வாசிப்பதால் யாரேனும் அவ்வாறு தொழிற்படுவாராயின் அன்னாரிற்கும் பதிவுகள் மற்றும் பதிவிடுபவரிற்கும் எத்தொடர்பும் இல்லை என்பதை இதனால் உறுதியளிக்கிறேன். எழுதருகை: ஈழத்தமிழ் வலைத்தளங்களுக்கே உரித்தான படிமங்கள் மேல் தம் பெயரை எழுதும் மலத்திலும் கீழான செயலை செய்துவிடாதீர்கள், மலத்திலும் கீழானவர்களே. இவை உங்கள் வீட்டுச் சொத்தல்ல, தமிழீழத்தின் சொத்துக்களே! அன்பான தமிழீழ மக்களே, எமது தமிழீழ நடைமுறையரசு இற்றைக்கு 13 ஆண்டுகளுக்கு முன்னர், 2009 மேயில், பன்னாட்டு வல்லாதிக்க வலிமைகளின் உதவியுடன் சிங்கள சிறீலங்கா அரச படைகளால் பெரும் முள்ளிவாய்க்கால் தமிழினப்படுகொலையுடன் முற்றாக நந்திக்கடலிலோரத்தில் அழித்தொழிக்கப்பட்டது. அது நடைமுறையரசாக உயிர்ப்புடன் இருந்த காலத்தில் குடிமைக் கட்டுமானங்களை வியாபித்து ஒரு இறையாண்மையுடன் கூடிய அங்கீகரிக்கப்பட்ட அரசு போன்று செயற்பட்டது. அவ்வாறு தொழிற்பட்ட போது தற்காலத்தில் ஒவ்வொரு நாடும் தனது குடிமைச் சிறகுகளுக்கென தனித்தனி வலைத்தளங்கள் வைத்திருப்பது போலவே தனக்கென தனது அதிகாரநிறைவு பெற்ற வலைத்தளங்களைத் தொடங்கி தொழிற்படுத்தியது. அவற்றில் தனது செயற்பாடுகளை பதிவேற்றி வெளிநாடுகளில் உள்ள தனது குடிமக்களோடான தொடர்பை பேணிக்கொண்டது. ஓரிரு வலைத்தளங்கள் 2002இற்கு முன்னரே தொடங்கப்பட்டிருந்தாலும் பெரும்பாலானவை 2002இல் அமைதி உடன்படிக்கை கைச்சாத்திப்பட்ட பின்னரிருந்து 2009 சனவரி வரை செயற்பட்டன. இவற்றில் பெரும்பாலனாவை 2008 டிசம்பரோடு முடங்கி அ முடக்கப்பட்டு விட்டன. எஞ்சியவையும் 2009 சனவரியோடு சரி. ஓரிரு வலைத்தளங்களின் (இவற்றில் ஒன்றை மட்டுமே என்னால் கண்டுபிடிக்க இயன்றது) ஓரிரு பக்கங்கள் மட்டும் அதியுயர் தகவல்களை பேணுவதற்காக வேறு பெயர்களுக்கு மாறி தற்போது வரை செயற்பட்டு வருகின்றன. இவ்வாறு இருந்த வலைத்தளங்களுள் என்னால் கண்டுபிடிக்கப்பட்டு தோண்டியெடுக்கப்பட்டவற்றினது முகப்புகளை மட்டும் (பிற்காலத்தில் ஏலுமென்றால் ஒவ்வொரு பக்கத்தையும் திரைப்பிடிப்பு செய்து போடுகிறேன்) திரைப்பிடிப்பு செய்து ஆவணப்படுத்தும் நோக்கோடு இங்கு பதிவிடுகிறேன். எமது நடைமுறையரசின் அலுவல்சார் வலைத்தளங்களை கண்டு அதனது நடைமுறையரச வீரியத்தை அறியுங்கள். "பதிவிடப்பட்டிருக்கும் தகவலில் சரி தவறுகள் வரவேற்கப்படுகின்றன" இதே போன்று இன்னும் பல ஆவணங்களைக் காண கீழே சொடுக்கவும்: