All Activity

ஒரு பிரச்சனையும் இல்லை. ஜேர்மனி உக்ரேனுக்கு தொடர்ந்து உதவி செய்யும். இதை ஜேர்மனிய வெள்நாட்டமைச்சர் சில தினங்களுக்கு முன்னர் ஒரு பேட்டியில் கூறியுள்ளார்.😀

அனுராவுக்கா, தங்களுக்கா? துறவிகள் என்கிற பெயரில் இதுகள் செய்ததெல்லாம் இதுதான், ஒவ்வொன்றாக வெளிவருகிறது. கஸ்ஸப்பருக்கு முற்றிவிட்டது போலுள்ளது. ஏதோ ஒரு கற்பனையில் இருந்து கொண்டு புலம்புகிறார், அடுத்து பைத்திய ஆசுபத்திரிக்குதான் ஏற்றப்போகிறார்கள் இந்தப்போலிப்பிக்குவை. "கோயிற்பூனை தேவரை மதியாதாம்." பௌத்த மதத்திற்கு முன்னுரிமை, பிக்குகளுக்கு எதிலும் விதிவிலக்கு கொடுத்து, ஜனாதிபதியை மிரட்டுகிறார்கள், தங்கள் காலில் விழவேண்டும் என்கிறார்கள், சூனியம் வைக்கிறர்கள். இன்னும் என்னென்ன விசர்க்கூத்தெல்லாம் அரங்கேறப்போகுதோ ? ஆமா.... பிக்குகள் உண்ணாவிரதம் இருக்கப்போகிறார்கள் என்று ஒரு செய்தி அடிபட்டுது. நானும் நாளை எண்ணிக்கொண்டிருந்தேன்.

நன்றிகள் எல்லோருக்கும்

சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 06 பகுதி 06: புதியதோர் உலகு செய்தல் (The Unconventional End) இளமாறனின் குடிசைக்கு வெளியே வானம் இருட்டிக்கொண்டு வந்தது, ஆனால் அவளது மனதிற்குள் ஒரு பெரும் விடியல் பிறந்திருந்தது. இளமாறன் அவளது கைகளைப் பற்றிய அந்தத் தருணம், வெறும் காதலால் ஆனது மட்டுமல்ல; அது ஒரு புதிய உலகிற்கான ஒப்பந்தம். அவளது தந்தை ஏவிய ஆட்கள் கைகளில் தீப்பந்தங்களுடனும், ஆக்ரோஷத்துடனும் நெருங்கி வரும் சத்தம் தொலைவில் கேட்டது. ஆனால், இளமாறன் கலங்கவில்லை. அவன் அவளை நேராகப் பார்த்துச் சொன்னான், "உன் வீட்டில் அவர்கள் பேசிய கௌரவம் என்பது ஒரு திரையைப் போன்றது, கிழிந்தால் அதன் மதிப்பு போய்விடும். ஆனால் நான் உனக்குத் தரும் கௌரவம் உன் சுதந்திரம். நீ விரும்புவது போலவே ஒரு புதிய உலகைச் செய்வோம்." அவன் அவளை அழைத்துக்கொண்டு ஊர் எல்லையில் இருந்த அந்தப் பழைய ஆலமரத்தடிக்குச் சென்றான். அங்கு கூடியிருந்த அவளது குடும்பத்தினர் மற்றும் ஊர் பெரியவர்கள் முன்னிலையில், இளமாறன் தன் மௌனத்தை உடைத்தான். "அவள் உங்களைத் தேடி வரவில்லை, ஒரு மனுஷியா மதிக்கப்படணும்னு என்னைத் தேடி வந்திருக்கா. அவளுக்குத் தேவையானது சொத்தோ, சாதியோ இல்லை—அன்பு மட்டும்தான். அதைத் தர எனக்குத் தெரியும்," என்று அவன் முழங்கியபோது, அதிகாரத்தின் குரல்கள் அடங்கிப்போயின. வெள்ளிவீதியார் பாடியது போல, வீணாகக் கொட்டும் பாலாக இருந்த அவளது வாழ்க்கை, இப்போது ஒரு தாகம் தீர்க்கும் அருவியாக மாறியிருந்தது. அவள் தன் நகைகளை ஒவ்வொன்றாகக் கழற்றி அவளது அண்ணன்களிடம் வீசினாள்; அந்த உலோகத் துண்டுகள் கீழே விழும் சத்தம், அவளது அடிமை விலங்குகள் உடையும் சத்தமாக இருந்தது. "இனி என் பெயர் உங்களுடைய கௌரவப் பட்டியலில் இருக்காது, இளமாறனின் அன்பில் இருக்கும்!" என்று சொல்லிவிட்டு, அவன் காட்டிய புதிய பாதையில் நடந்தாள். இருவரும் கைகோர்த்து அந்த ஊர் எல்லையைக் கடந்தபோது, அவர்களுக்குப் பின்னால் ஒரு பழைய உலகம் எரிந்து சாம்பலாகிக்கொண்டிருந்தது; அவர்களுக்கு முன்னால் அவர்கள் செதுக்கிய ஒரு புதிய உலகம் மலர்ந்திருந்தது. அங்கே சாதி இல்லை, பொய்க் கௌரவம் இல்லை—அவள் தேடிய அந்தத் தூய அன்பு மட்டுமே எஞ்சியிருந்தது. அவர்கள் தங்கள் ஆசிரியர் சம்பளத்தில் சிறுகச் சிறுகச் சேமித்து வைத்திருந்த பணத்தைக் கொண்டு, கிராமத்தின் மறுபுறம் ஒரு சிறிய வீட்டை வாடகைக்கு எடுத்தனர். எந்தவித ஆடம்பரமும் இன்றி, சாதிச் சடங்குகள் இன்றி, இளமாறன் வளர்ந்த அதே செஞ்சோலை போன்ற ஒரு ஆதரவற்றோர் இல்லத்தில் வைத்து எளிமையாகத் திருமணம் நடந்தது. வன்னிமலர் தன் தாலிக்குத் தங்கம் கேட்கவில்லை; மாறாக, இளமாறன் போரில் இழந்த தன் தாயின் நினைவாக வைத்திருந்த ஒரு சிறு கருகமணி தாலிச் சங்கிலியையே ["black bead necklace] தாலியாக ஏற்றுக்கொண்டாள். சங்க கால இயற்கைப் புணர்ச்சி போல, எந்தச் சடங்குகளுமின்றி இரு மனங்கள் இணைந்தன. ஆனால், அங்கேதான் அந்தப் உன்னதமான திருப்பம் நிகழ்ந்தது. இருவரும் இணைந்து ஒரு தீர்க்கமான முடிவெடுத்தனர்; இளமாறன் வளர்ந்த அதே அநாதை இல்லத்திலிருந்து ஐந்து குழந்தைகளைத் தத்தெடுத்தனர். வவுனியாவின் அந்தச் சிறிய வாடகை வீடு, இப்போது ஒரு 'மினி-அநாதை இல்லமாக' உருமாறி அன்பால் நிறைந்திருந்தது. காலச் சக்கரம் சுழன்றது. சில ஆண்டுகளில் வன்னிமன்னன் நோய்வாய்ப்பட்டு படுக்கையிலானார். 'கௌரவம்' பார்த்த உறவுகள் ஒருவர்கூட அவரை எட்டிப் பார்க்கவில்லை. வன்னிமலரின் தந்தை வன்னிமன்னன் இறக்கும் தருவாயில் இளமாறனின் கையைப் பிடித்துக் கண்ணீர் வடித்தார். "பெத்த மகனை விட, இந்த அநாதைப் பிள்ளை தான் என் கடைசி காலத்தில எனக்கு மகனா இருந்தான்" என்று அவர் சொன்னபோது, அவர்கள் போற்றிய முன்னைய கௌரவம் சுக்குநூறாக உடைந்தது. இறுதியில், யாரை "அநாதை" என்று அவர் ஒதுக்கித் தள்ளினாரோ, அதே இளமாறன் தான் வன்னிமன்னனுக்கு ஒரு மகனாக நின்று அனைத்து இறுதிச் சடங்குகளைச் செய்தான். சாதிப் பெருமையை விடச் சாவிற்குப் பின் செய்யும் அறமே பெரியது என்பதை ஊர் உணர்ந்த தருணம் அது. வன்னிமலரின் தாய் பூரணி, இப்போது அந்தப் பெரிய வீட்டில் தனிமையில் வாடிக்கொண்டிருந்தார். வன்னிமலர் தான் தத்தெடுத்த குழந்தைகளுடன், ஒரு மகளாக அல்ல; அந்த வீட்டைத் தத்தெடுத்த ஒரு தாயாக, மீண்டும் அதே வீட்டுக்குத் திரும்பினாள். இப்போது அந்த வீட்டின் முகப்பில் 'கௌரவம்' என்ற பெயர் இல்லை; அதற்குப் பதிலாக 'அன்பு இல்லம்' என்ற பெயர் பலகை கம்பீரமாக மின்னியது. அவள் செய்த காரியம் கிராமத்தையே உலுக்கியது. தன் தந்தையின் பரந்து விரிந்த வயல்வெளிகளையும், மாட்டுக் கொட்டிலையும் ஒரு தன்னார்வக் கல்வி மையமாக மாற்றினாள். வன்னிப் போரில் பெற்றோரை இழந்த மேலும்10 குழந்தைகளைத் தத்தெடுத்து, அதே பெரிய வீட்டில், வளர்க்கத் தொடங்கினாள். பூரணி கௌரவமாக நினைத்த அந்தப் பெரிய வீடு, இப்போது அநாதைக் குழந்தைகளின் சிரிப்பொலியால் நிறைந்தது. அன்றொரு நாள் மாட்டுப் பாலாக நிலத்தில் கொட்டிய அந்தப் பழைய பசுவின் கொட்டில், இப்போது ஒரு அழகிய நூலகமாக மாறியிருந்தது. அங்கே குழந்தைகள் புத்தகங்களுடன் ஓடி விளையாடினர். வன்னிமலர் ஜன்னல் வழியாக வெளியே பார்த்தபோது, அன்று கருகித் தெரிந்த வயல்வெளி இப்போது பசுமையாகக் காட்சியளித்தது. சங்க காலத்தில் 'கற்பு' என்பது கணவனுக்காக மட்டும் வாழ்வது மட்டுமல்ல, சக உயிர்களுக்கு அறம் செய்வதும் (ஈதல்) ஆகும். வன்னிமலர் அந்தப் பேரறத்தைச் செய்தாள். இன்றைய யாழ்ப்பாணச் சமூகத்தில் 'பெண்' என்பவள் வெறும் காட்சிப் பொருள் அல்ல, அவள் ஒரு மாபெரும் மாற்றத்தின் தொடக்கம் என்பதை அந்த ஊர் மௌனமாக ஒப்புக்கொண்டது. கௌரவம் வீழ்ந்தது, அன்பு நிலைத்தது! ஈன்றெடுத்தால் மட்டும் தாயல்ல - அன்பால் ஏற்றுக் கொண்டால் அவளேதாய்! கூரை ஒன்றின் நிழலில் அமர்ந்து கோடிப் பிள்ளை வளர்ப்பாயே! பெற்றோர் என்பது தொடக்கமே - நீ பெற்ற உறவோ முடிவில்லா அறமே! மாற்றுக் குறைந்த தங்கம் என்பார் - உன் மனதின் ஒளிமுன் எம்மாத்திரம்? சங்கத் தமிழைச் செயலால் காட்டிச் சரித்திரம் படைத்தாய் வன்னிமலரே! மங்கையர் குலத்தின் விளக்காக - இனி மண்ணில் வாழ்வாய் பல்லாண்டு! அன்பே சிவம் என்பார் - இன்று அன்பே உலகம் என்றாய் நீ! [கந்தையா தில்லைவிநாயகலிங்கம், அத்தியடி, யாழ்ப்பாணம்] முற்றிற்று தொடர் கதை - 22 சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 01 https://www.facebook.com/groups/978753388866632/posts/38911469015168261/? சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 02 https://www.facebook.com/groups/978753388866632/posts/38961326786849150/? சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 03 https://www.facebook.com/groups/978753388866632/posts/39024413470540481/? சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 04 https://www.facebook.com/groups/978753388866632/posts/39091676303814197/? சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 05 https://www.facebook.com/groups/978753388866632/posts/39198271879821305/? சிறு கதை - 224 / "வேலி உடைத்த வாடா வன்னிமலர்" (The Unfading Vanni Flower that Broke the Fences) / பகுதி: 06 https://www.facebook.com/groups/978753388866632/posts/39330950913220067/?

இந்தியாவுடனான வர்த்தக ஒப்பந்தம் இறுதிக்கட்டத்தை எட்டியுள்ளதாக அமெரிக்க ஜனாதிபதி ட்ரம்ப் தெரிவிப்பு 21 OCT, 2026 | 10:32 AM அமெரிக்காவுக்கும் இந்தியாவுக்கும் இடையிலான வர்த்தக ஒப்பந்தம் இறுதிக்கட்டத்தை எட்டியுள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார். ஒரு வருடத்திற்கும் மேலான நீண்ட பேச்சுவார்த்தைகளுக்குப் பின் இந்த முன்னேற்றம் ஏற்பட்டுள்ளது. வெள்ளை மாளிகையில் ஊடகவியலாளர்களைச் சந்தித்த போது, இந்தியாவுடன் வர்த்தக ஒப்பந்தம் செய்துகொள்ளத் தாங்கள் தயாராக இருப்பதாகவும், ஒப்பந்தம் மிக நெருங்கிவிட்டதாகவும் ட்ரம்ப் குறிப்பிட்டுள்ளார். மேலும், இது வழக்கமான ஒப்பந்தங்களை விட "மிகவும் வித்தியாசமானதொரு ஒப்பந்தமாக" இருக்கும் எனவும் அவர் தெரிவித்துள்ளார். இந்நிலையில், அமெரிக்க வெளிவிவகார செயலாளர் மார்க்கோ ரூபியோ இந்தியாவுக்கு உத்தியோகபூர்வ பயணம் மேற்கொண்டுள்ள நிலையில், இரு நாடுகளுக்கும் இடையிலான வர்த்தக ஒப்பந்தம் மிக விரைவில் இறுதி செய்யப்படும் என அவரும் உறுதிப்படுத்தியுள்ளார். முன்னதாக, அமெரிக்க தூதுவர் செர்ஜியோ கோர் மற்றும் இந்திய வெளிவிவகார அமைச்சர் எஸ். ஜெய்சங்கர் ஆகியோரும் இரு நாடுகளுக்கு இடையேயான வர்த்தகப் பேச்சுவார்த்தைகள் இறுதிப் புள்ளியை நோக்கி வெற்றிகரமாக நகர்ந்து வருவதாகத் தெரிவித்திருந்தனர். https://www.virakesari.lk/article/264083

ஈ.பி.டி.பி. மீதான நடவடிக்கைகள் வரவேற்கவேண்டியவை - டக்ளஸ் தேவானந்தா! Published By: Digital Desk 1 21 Oct, 2026 | 10:48 AM ஈ.பி.டி.பி. க்கு எதிராக காலத்துக்கு காலம் முன்வைக்கப்படுகின்ற குற்றச்சாட்டுக்கள் பொய்யானவை என்பதை வரலாறு நிரூபித்திருக்கின்றது. இதற்கு அண்மைய உதாரணமாக செம்மணி எலும்புக் கூடுகள் தொடர்பாக, பேராசிரியர் ராஜ்சோமதேவ வெளியிட்டுள்ள இடைக்கால அறிக்கையும் அமைந்திருக்கின்றது என்று தெரிவித்துள்ள செயலாளர் நாயகம் டக்ளஸ் தேவானந்தா, தற்போது ஈ.பி.டி.பி. அலுவலகங்கள் மீது முன்னெடுக்கின்ற சோதனைகளும் எம்மீதான குற்றச்சாட்டுக்களில் இருந்து எம்மை விடுவிக்கும் நகர்வுகளாகவே இருக்கும். அந்தவகையில் இவ்வாறான நடவடிக்கைகள் வரவேற்கப்படவேண்டியவை என்றும் தெரிவித்தார். ஈழ மக்கள் ஜனநாயக் கட்சியின் வேலணை பிரதேசத்திற்கான ஆலோசனைக் கூட்டத்தில் கருத்து தெரிவிக்கும்போதே அவர் மேற்கண்டவாறு தெரிவித்தார். கட்சி தலைமை அலுவலகத்தில் நேற்று செவ்வாய்க்கிழமை (20) நடைபெற்ற இக்கலந்துரையாடலில் தொடர்ந்தும் கருத்து வெளியிட்ட செயலாளர் நாயகம் , குற்றத் தடுப்பு விசாரணை பிரிவினரால் எமது இரண்டு அலுவலகங்கள் குறிப்பாக முதலில் யாழ் அலுவலகமும், அதன் பின்னர் ஊர்காவற்றுறை அலுவலகமும் சோதனையிடப்பட்டுள்ளன. இவற்றை நாம் வரவேற்கின்றோம். இதேநேரம் இவ்வாறான விடயங்கள் எதிர்பார்க்கப்பட வேண்டியவைதான். மறுபுறம், எம்மீது பலவகையான குற்றச்சாட்டுக்கள் பலதரப்பினரால் முன்வைக்கப்பட்டுவருகின்றது. இவற்றை விசாரிக்குமாறு இன்றைய ஜனாதிபதிக்கு நாம் எழுத்து மூலம் கோரிக்கையும் விடுத்திருக்கின்றோம். செம்மணியில் தோண்டப்பட்ட எலும்புக் கூடுகள் தொடர்பில் எமக்கு எதிரான குற்றச்சாட்டுக்கள் முன்வைக்கப்பட்டன. தற்போது, அவற்றை ஆய்வு செய்து வருகின்ற பேராசிரியரின் இடைக்கால அறிக்கையில், தொற்றுநோய் பரவல் அல்லது இயற்கை பேரிடர் காரணமாக இடம்பெற்ற உயிரிழப்புக்களாக இருப்பதற்கு வாய்ப்பிருப்பதாக தெரிவிக்கப்பட்டுள்ளது. உண்மையிலேயே, செம்மணிப் பகுதியில் இளைஞர் யுவதிகள் காணாமல் போவதாக குற்றச்சாட்டுக்கள் தொடர்ச்சியாக வெளிவந்த நிலையில் அவற்றை கட்டுப்படுத்துவதற்கான வேலைத் திட்டங்களே எம்மால் முன்னெடுக்கப்பட்டிருந்தன. எமது முயற்சியினாலேயே, அக்கால கட்டத்தில் காணாமல் போதல் செயற்பாடுகள் கட்டுப்படுத்தப்பட்டிருந்தன. மறுபுறம் மட்டக்களப்பு குருக்கள் மடம் புதைகுழியின் உண்மைகளும் வெளிவந்துகொண்டிருக்கின்றது. இந்த உண்மையை மறைத்து எமக்கு எதிரான விர்சனங்களை முன்வைத்தவர்களுக்கு பதில் அளிக்கும் வகையிலேயே பேராசிராசியரின் இடைக்கால அறிக்கை அமைந்துள்ளது. இதேபோன்று பல்வேறு உதாரணங்களை சொல்ல முடியும். ஆகவே, எமக்கு எதிரான இவ்வாறான நடவடிக்கைகள் தொடர்பாக பதற்றம் அடையாமல், எமது அரசியல் வேலைகளை முன்னெடுக்க வேண்டும்.எங்களிடம் மக்கள் எதிர்பார்ப்பவற்றை முடிந்தளவு நிறைவேற்றுவதற்கு உழைக்க வேண்டும்." என்று தெரிவித்தார். https://www.virakesari.lk/article/264082

கண்டுபிடிக்கப்பட்ட மனித எச்சங்களைக் கொண்டு அவற்றின் காலத்தினை மிக இலகுவாகக் கண்டுபிடிக்கலாம். அதன் மூலம் அவ்வாறு இறந்தவர்களின் காலத்தில் வடக்கில் தொற்று நோய்களோ அல்லது இயற்கைப் பேரழிவுகளோ நடந்ததா என்று பார்த்தால் இவர் கூறுவது உண்மையா இல்லையா என்பது தெரிந்துவிடும். சரி, இவர் கூறுவது போல இயற்கைப் பேரழிவோ அல்லது தொற்றுநோயோதான் இவர்களைக் கொன்றதென்றால் எதற்காக சில உடல்களில் துப்பாக்கிச் சன்னங்கள் பாய்ந்த அடையாளங்களும், சித்திரவதைகளின் பின்னர் கூறிய ஆயுதத்தால் தாக்கப்பட்டுக் கொல்லப்பட்டதற்கான காயங்களும் காணப்படுகின்றன? எதற்காக பாடசாலைப் பிள்ளைகள் புத்தகப் பை, தண்ணீர்ப் போத்தல்கள் போன்றவற்றுடன் தாக்கப்பட்டிருக்க வேண்டும்? இங்கு கிடைக்கப்பட்ட தமிழர்கள் அனைவரும் இயற்கை பேரழிவாலும், தொற்றுநோயாலும் கொல்லப்பட்டார்கள் என்றால், கிருஷாந்தி கொலைவழக்கின் முதலாவது குற்றவாளியான ராஜபக்ஷ கூறும் அந்த கொல்லப்பட்ட 400 முதல் 600 வரையான தமிழர்களின் சடலங்கள் எங்கே? ஒன்று மட்டும் உண்மை. தமிழர்களின் மீது நடத்தப்பட்ட படுகொலைகளுக்கான நீதியை இந்த அரசாங்கம் மட்டுமல்ல, வேறு எந்த சிங்கள அரசாங்கமும் தரப்போவதில்லை.

பரோட்டா, முட்டை ரொட்டி உட்பட சிற்றுண்டிகளின் விலைகள் அதிகரிப்பு Published By: DIGITAL DESK 1 21 OCT, 2026 | 11:33 AM கோதுமை மாவின் விலை அதிகரித்துள்ளதைத் தொடர்ந்து, பரோட்டா, முட்டை ரொட்டி உட்பட சிற்றுண்டிகளின் விலைகளை இன்று புதன்கிழமை (21) நள்ளிரவு முதல் 5 ரூபாயால் அதிகரிக்கத் தீர்மானிக்கப்பட்டுள்ளதாக அகில இலங்கை சிற்றுண்டிச்சாலை மற்றும் உணவக உரிமையாளர்கள் சங்கம் தெரிவித்துள்ளது. ஒரு கிலோகிராம் கோதுமை மாவின் விலை 13 ரூபாவால் அதிகரிக்கப்பட்டுள்ளதை தொடர்ந்து, பராட்டா, முட்டை ரொட்டி உள்ளிட்ட கோதுமை மா சார்ந்த சிற்றுண்டிகளின் விலைகள் உயர்த்தப்பட்டுள்ளன. அதன்படி, குறித்த விலை அதிகரிப்பு இன்று நள்ளிரவு முதல் அமுலுக்கு வரவுள்ளதாகச் சங்கம் தெரிவித்துள்ளது. Virakesari.lkபரோட்டா, முட்டை ரொட்டி உட்பட சிற்றுண்டிகளின் விலைகள் அதிக...Prices of paratha, egg roti and other wheat flour-based snacks in Sri Lanka will increase by Rs. 5 from midnight on Wednesday, October 21, following a Rs. 13 increase in the price of a kilogram of whe

இறுதி யுத்ததின் பின்னர் அங்கு அங்கு பணியாற்றிய தமிழ் மருத்துவர் குழுவை வைத்து கொழும்பில் ஒரு பத்திரிகையாளர் மகாநாட்டை நடத்தி வன்னியில் மனித படுகொலைகள் பெரிதாக நடக்கவில்லை என்ற பாணியில் பேச வைத்தார்கள், அந்த நினைவு இப்போ வருகிறது. இப்படித்தான் அறிக்கை சமர்ப்பிக்கவேண்டும் என்று அவர்கள் சொன்னதை இவர் அறிக்கையாக சமர்ப்பித்திருக்கிறார் இந்த வெறும் அம்பு அவ்வளவுதான். சிலநூறு வருடங்களுக்கு முன்னரே தமிழர் பகுதிகளில் இங்கு விகாரை இருந்தது அங்கு புத்த பாரம்பரியம் இருந்தது ஆதாரங்களிருக்கிறது என்று கண்டுபிடித்து முழங்கும் சிங்களத்திடம், ஓரிரு தசாப்தங்களுக்கு முன்னர் புதைக்கப்பட்ட பலநூறு மனிதர்கள் எப்படி கொல்லப்பட்டிருப்பார்கள், எவ்வாறு புதைக்கப்படிருப்பார்கள் என்பதற்கான ஆதாரம் துளியும் கைவசம் இல்லையாம்.கண்டுபிடிக்க முடியவில்லையாம். இதுவே தென்னிலங்கையில் ஒரு மனித புதைகுழி கண்டுபிடிக்கப்பட்டால் இரவு பகலாக ஆராய்ச்சி அகழ்வு செய்யப்பட்டு உலகின் அதிநவீன தொழில்நுட்பங்கள் பயன்படுத்தப்பட்டு ஆதாரபூர்வமாக அறிக்கை சமர்த்திருப்பார்கள். செம்மணி ராணுவத்தின் கட்டுப்பாட்டிற்குள் 1995ம் ஆண்டு கொண்டுவரப்பட்டு இன்றைய திகதியில் 31 ஆண்டுகளுக்கும் மேலாகிறது. முழுக்க முழுக்க ராணுவத்தின் கட்டுப்பாட்டிலிருந்த ஒரு பிரதேசத்தில் நூற்றுக்கணக்கான உடல்களை எப்படி புதைத்தார்கள் எவர் கொண்டு வந்து புதைத்தார்கள், எவர்கள் எப்படி கொல்லப்பட்டிருப்பார்கள் என்பதற்கான ஆதாரங்களே இல்லையாம். சுருக்கமாக செம்மணி அகழ்வில் மனித என்புகூடுகளின் குவியலும் யார் செய்தார் எவர் செய்தார் எப்படி செத்தார்கள் என்பதெல்லாம் ஆதாரபூர்வமற்றவை என்று சொல்லி நீதி கதவை இழுத்து மூடபோகிறார்கள்,அதுதான் நட்டபோகிறது அதன் ஆரம்ப மணிதான் இது. காணாமல் போன தமது உறவுகள் என்றாவது வீடு வருவார்கள் என்ற நம்பிக்கையில் இன்னும் காத்திருக்கும் எமது உறவுகள் நரை கூடி கிழப்பருவமெய்தி என்ன நடந்தது அவர்களுக்கென்று அறியாமலே தம் காலத்தை ஏக்கத்துடன் நிறைவு செய்வார்கள் அவ்வளவுதான் நடக்கபோவது.

’காவந்திஸ்ஸ’வின் மறைவு: தேசத்தை உலுக்கிய சோகம் Tamil Mirror இலங்கையின் தேசிய சொத்தாகக் கருதப்பட்ட கம்பீரமான ‘காவந்திஸ்ஸ’ தந்த யானையின் திடீர்மறைவுச் செய்தி, ஒட்டுமொத்த நாட்டையும் பேராச்சரியத்திலும் ஆழ்ந்த துயரத்திலும் ஆழ்த்தியுள்ளது. ‘காவந்திஸ்ஸ’ ஒரு யானை என்பதை விடவும், உண்மையான ஒரு யானை அரசன் என்றே கூற வேண்டும். இத்தகைய அரிய உயிரினங்கள் இப்புவியில் அவதரிப்பது மிகவும் அரிதான ஒன்றாகும். எம் தேசத்தின் பெருமையாகத் திகழ்ந்த இந்த யானை, நமது கலாசாரத்தில் தொடர்ச்சியாக வணக்கத்திற்குரிய ஒன்றாக இருந்து வந்தது. இதன் மறைவு மக்களின் இதயங்களைச் பிளந்துள்ளதில் வியப்பொன்றுமில்லை. நமது நாட்டின் வரலாறு நெடுகிலும் தந்த யானைகளின் பங்களிப்பு அற்ற இடமே இல்லை எனலாம். மகாவம்சத்தின் பக்கங்கள் முதல் ஸ்ரீ தலதா மாளிகையின் பெரஹரா, அரியணை ஏறும் அரச விழாக்கள் மற்றும் போர்க்களங்கள் வரை யானைகளின் பிரசன்னம் நிறைந்திருந்தது. நமது கலாசாரத்தில் யானை என்பது வரலாறு, சமயம், கலை மற்றும் மக்கள் வாழ்வியலோடு பின்னப்பட்ட ஒரு வாழும் அடையாளம்; வழிபாட்டுக்குரிய குறியீடு; மங்கலச் சின்னம்; அத்துடன் பாதுகாக்கப்பட வேண்டிய உயிருமாகும். நாட்டில் நாளுக்கு நாள் கேள்விப்படும் செய்திகளின் அடிப்படையில், இந்த யானையின் மறைவு ஏதோவொரு பேரழிவின் அறிகுறியா எனப் பலரும் கேள்வி எழுப்புகின்றனர். "காவந்திஸ்ஸவின் மரணம் ஒரு கொலையே!" எனச் சுற்றாடல் ஆர்வலர்கள் குரலெழுப்புவதற்கு இதுவே பிரதான காரணமாகும். காவந்திஸ்ஸவின் உயிரைப் பாதுகாக்க அதிகாரிகள் உரிய நடவடிக்கைகளை எடுத்தார்களா என்பதும் பெரியதொரு கேள்விக் குறியாகவே உள்ளது. வனஜீவராசிகள் திணைக்களத்தின் மீது கடுமையான குற்றச்சாட்டு காவந்திஸ்ஸ யானையின் மரணம் வெறும் இயற்கையான மரணமன்று; அதுவொரு படுகொலையே என்றும், இதற்கு வனஜீவராசிகள் பாதுகாப்புத் திணைக்களத்தின் பொறுப்பற்ற தன்மையே காரணம் என்றும் சுற்றாடல் ஆர்வலர் நயனக்க ரன்வெல்ல பகிரங்கமாகக் குற்றம் சாட்டியுள்ளார். இது தொடர்பாக அவர் தெரிவிக்கையில்: “காவந்திස්ஸ யானை இறந்த செய்தி உலகம் முழுவதும் உள்ள மக்களின் இதயங்களை உலுக்கிக் கொண்டிருக்கின்றது. பலரது கண்கள் கண்ணீரால் குளமாகியுள்ளன. சாதி, மத, குல பேதமின்றி உலகில் உள்ள அனைத்துச் சுற்றாடல் நேசர்களின் இதயங்களும் கதறும் ஒரு சந்தர்ப்பமாக இது அமைந்துள்ளது. காவந்திஸ்ஸ யானையின் இறப்பை நாங்கள் ஒரு படுகொலையாகவே பார்க்கின்றோம். இதில் இரு தரப்பினர் நேரடியாகச் சம்பந்தப்பட்டுள்ளனர். முதலாவது தரப்பு, இந்த யானை மீது துப்பாக்கிச் சூடு நடத்தியவர்கள். இன்றுவரை அந்தத் தரப்பினர் கைது செய்யப்படவில்லை. இரண்டாவது, வனஜீவராசிகள் பாதுகாப்புத் திணைக்களம்; அவர்கள் இதனைத் திட்டமிட்டு, வஞ்சகமாகத் தட்டிக் கழிப்பதாகவே எங்களுக்குத் தெரிகின்றது” எனக் குறிப்பிட்டார். கதறி அழும் நெதுன்கமுவே, சியம்பலான்முவே மக்கள்! முன்னதாக 'நெதுன்கமுவே ராஜா'வின் மறைவினால் பௌத்த சமூகம் பெருந்துயருக்குள்ளானது. அதேபோன்று, தற்போது காவந்திஸ்ஸவின் திடீர் மறைவும் நாட்டிற்குப் பேரிழப்பாக உணரப்படுகின்றது. இலங்கையில் மனித-யானை மோதல் தீவிரமாக உள்ள போதிலும், காவந்திஸ்ஸ இறந்த பிறகு ஆயிரக்கணக்கான மக்கள் அதன் கம்பீர தோற்றத்திற்கு அஞ்சலி செலுத்தத் திரண்டனர். “எங்கள் வீடுகளை உடைத்தாலும் உன்னோடு எங்களுக்குக் கோபமில்லை தங்கமே... நீ எங்களுக்கு ஒருராஜா!” என்று கூறியவாறு, கண்ணீர்மல்கக் காவந்திஸ்ஸவுக்குச் சியம்பலான்முவே மக்கள் விடை கொடுத்தனர். ஏழை கிராம மக்கள், தங்களோடு இணைந்து வாழ்ந்த ஒரு தேசிய பாரம்பரியம் தம்மை விட்டுப் பிரிந்துவிட்டதை எண்ணிக் கண்ணீர் வடித்தனர். வரலாற்றுப் பின்னணி மற்றும் காவந்திஸ்ஸவின் சிறப்புகள் மிகப்பெரிய தந்தங்களைக் கொண்ட யானைகளுள் தனித்துவமான இடத்தைப் பெற்றிருந்த ‘காவந்திஸ்ஸ’, 45 முதல் 50 வயதிற்குட்பட்டதாகும். இந்த யானை முதன்முதலில் 2008ஆம் ஆண்டில் அவதானிக்கப்பட்டது. அதன்பின்னர், 2012ஆம் ஆண்டில் சியம்பலான்முவே பகுதியில் புகழ்பெற்ற தந்த யானையின் மறைவுக்குப் பிறகு, அதிக கவனத்தைப் பெற்ற இந்த யானைக்கு, துடுகெமுணு ராஜாவின் தந்தையான ‘காவந்திஸ்ஸ’ ராஜாவின் பெயர் 2015ஆம் ஆண்டில் சூட்டப்பட்டது. கல்கமுவ, உஸ்கல மற்றும் சியம்பலான்முவே ஆகிய பகுதிகளைச் சூழச் சுதந்திரமாக உலாவந்த காவந்திஸ்ஸ யானை, அதன் அசாதாரணமான உயரம், பிரம்மாண்டமான உடலமைப்பு மற்றும் நீண்ட இரட்டைத் தந்தங்கள் என்பவற்றால் வனஜீவராசிகள் புகைப்படக் கலைஞர்கள் மற்றும் விலங்கு நல ஆர்வலர்களின் பெரும் ஈர்ப்பைப் பெற்றிருந்தது. பிரம்மாண்டமான உடலமைப்பைக் கொண்டிருந்தபோதிலும், எவருக்கும் எவ்வித தீங்கும் செய்யாது காட்டில் வாழ்ந்துவந்த ஒரு மிருகமாகவே இது அறியப்பட்டது. மழைக்காலத்தில் உயரமான நிலப்பகுதிகளை நோக்கியும், வறட்சிக் காலத்தில் நீர் மற்றும் உணவைத் தேடி யானைகளின் பாரம்பரிய பாதைகள் வழியாகவும் இது இடம்பெயர்வது இதன் சிறப்பம்சமாகும். உயிரிழப்பிற்கான காரணம் மற்றும் சுற்றாடல் அமைச்சரின் அறிவிப்பு யானையின் வலது முன் காலில் துப்பாக்கிச் சூடு பட்டதால் ஏற்பட்டதாகக் கருதப்படும் காயத்திற்கு, கடந்த செப்டெம்பர் 24ஆம் திகதி முதல் வனஜீவராசிகள் கால்நடை மருத்துவக் குழுவினர் தொடர்ச்சியாகச் சிகிச்சை அளித்து வந்தனர். ஆரம்பத்தில் யானை குணமடைந்துவிடும் என எதிர்பார்க்கப்பட்ட போதிலும், பின்னர் அது உணவை உட்கொள்ள மறுத்ததால் உடல் பலவீனமடைந்து, அதன் சுகாதார நிலைமை மிகவும் மோசமடைந்தது. இவ்வாறான சோகமான சம்பவங்களை எவ்வாறு தடுப்பது? காவந்திஸ்ஸ யானையின் மரணம் குறித்து எதிர்காலத்தில் சுயாதீன விசாரணை நடத்தப்படும் எனச் சுற்றாடல் அமைச்சர் தம்மிக படபெந்தி தெரிவித்துள்ளார். இருப்பினும், "எப்போது பார்த்தாலும் விசாரணைகள் நடத்தப்படுகின்றன; ஆனால், யானைகளின் மரணங்கள் மட்டும் குறையவில்லை" என்பதே மக்களின் கவலையாகும். காவந்திஸ்ஸவுக்கு நேர்ந்த கதி குறித்து மக்கள் கடுமையான கோபத்தில் இருக்கின்றார்கள் என்பதைச் சுற்றாடல் அமைச்சர் உணர்ந்துகொள்ள வேண்டும். https://www.tamilmirror.lk/சிறப்பு-கட்டுரைகள்/காவந்திஸ்ஸ-வின்-மறைவு-தேசத்தை-உலுக்கிய-சோகம்/91-384199

இளவயதில் அதிகரிக்கும் திடீர் மாரடைப்பு மரணங்கள்: உண்மையான காரணம் என்ன? நாம் பேசத் தயங்கும் மறுபக்கமும் உண்டா? adminOctober 20, 2026 இளைஞர்களும், நடுத்தர வயதினரும் திடீரென உயிரிழக்கும் செய்திகள் சமூகத்தில் பெரும் அதிர்ச்சியையும் அச்சத்தையும் ஏற்படுத்துகின்றன. குறிப்பாக இலங்கை, இந்தியா போன்ற தெற்காசிய நாடுகளிலும், பிரித்தானியா உள்ளிட்ட ஐரோப்பிய நாடுகளில் வாழும் தெற்காசிய வம்சாவளியினர் மத்தியிலும் இதயநோய் அபாயம் முக்கியமான பொதுச் சுகாதாரப் பிரச்சினையாக உள்ளது. ஆனால், இளவயது மாரடைப்பு மரணங்கள் அண்மைக்காலத்தில் எல்லா நாடுகளிலும் அதிகரித்துள்ளன என்று உறுதியாகக் கூறுவதற்கு ஒரே மாதிரியான புள்ளிவிவர ஆதாரங்கள் இல்லை. சமூக ஊடகங்களில் இத்தகைய மரணங்கள் அதிகமாகப் பதிவாகுவதும், உண்மையான மருத்துவப் புள்ளிவிவரங்களில் அதிகரிப்பு ஏற்படுவதும் இரண்டு வெவ்வேறு விடயங்கள். மருத்துவ விஞ்ஞானம் கூறுவது என்ன? முதலில், மாரடைப்பும் திடீர் இதயச் செயலிழப்பும் ஒன்றல்ல. மாரடைப்பு (Heart Attack) என்பது இதயத் தசைக்குச் செல்லும் இரத்த ஓட்டம் தடைப்படுவதால் ஏற்படுகிறது. திடீர் இதய நிறுத்தம் (Sudden Cardiac Arrest) என்பது இதயத்தின் மின்சார இயக்கத்தில் ஏற்படும் கோளாறு காரணமாக இதயம் திடீரென இரத்தத்தைச் செலுத்துவதை நிறுத்தும் நிலையாகும். மாரடைப்பு இதய நிறுத்தத்தை ஏற்படுத்தலாம். ஆனால் திடீரென உயிரிழக்கும் அனைவரும் மாரடைப்பால் இறந்தவர்கள் அல்ல. சில இளைஞர்களுக்கு மரபுவழி இதயத் துடிப்புக் கோளாறுகளும் இதயத் தசை நோய்களும் காரணமாக இருக்கலாம். நாம் வெளிப்படையாகப் பேச வேண்டிய ஆறு காரணிகள்! 1. வயாகரா போன்ற பாலியல் செயல்திறன் மாத்திரைகள்! Sildenafil (Viagra), Tadalafil (Cialis) போன்ற மருந்துகள் மருத்துவ ஆலோசனையின்றிப் பயன்படுத்தப்படுவது ஆபத்தை ஏற்படுத்தலாம். குறிப்பாக இதயநோய்க்கான நைட்ரேட் மருந்துகளுடன் சேர்த்துப் பயன்படுத்தினால் இரத்த அழுத்தம் அபாயகரமாகக் குறையக்கூடும். ஆனால் வயாகரா போன்ற அங்கீகரிக்கப்பட்ட மருந்துகள் தனியாகவே இளைஞர்களின் மாரடைப்பு மரணங்களை அதிகரிக்கின்றன என்பதற்கு உறுதியான ஆதாரம் இல்லை. இணையத்தில் விற்பனையாகும் போலி மருந்துகளும், அவற்றில் கலக்கப்படும் அடையாளம் தெரியாத பொருட்களும் கூடுதல் ஆபத்தாகும். 2. பாலியல் ஊக்கிகள், உடற்பயிற்சி ஊக்கிகள் மற்றும் போதைப்பொருட்கள்! கோகெய்ன், அம்பெட்டமின் போன்ற தூண்டுதல் போதைப்பொருட்கள் இதயத் துடிப்பையும் இரத்த அழுத்தத்தையும் அதிகரித்து, மாரடைப்பு மற்றும் ஆபத்தான இதயத் துடிப்புக் கோளாறுகளை ஏற்படுத்தலாம். சில உடற்கட்டமைப்பு ஊக்கமருந்துகள், அனபாலிக் ஸ்டீராய்டுகள் மற்றும் அதிகத் தூண்டுதல் பொருட்களைக் கொண்ட தயாரிப்புகளும் இதயத்திற்கு ஆபத்தானவை. எல்லா உடற்பயிற்சி ஊட்டச்சத்துப் பொருட்களும் ஒரே அளவு ஆபத்தானவை அல்ல. 3. புகைப்பிடித்தலும் மதுப் பழக்கமும்! புகைப்பிடித்தல் இரத்த நாளங்களைப் பாதித்து, இரத்தக் கட்டிகள் உருவாகும் அபாயத்தை அதிகரிக்கிறது. அதிகப்படியான மது அருந்துதல் உயர் இரத்த அழுத்தம், இதயத் துடிப்புக் கோளாறுகள் மற்றும் இதயத் தசைப் பாதிப்புகளுடன் தொடர்புடையது. 4. தெற்காசியர்களின் தனித்துவமான இதயநோய் அபாயம்! தெற்காசிய வம்சாவளியினருக்கு ஒப்பீட்டளவில் இளவயதிலேயே கரோனரி இதயநோய் ஏற்படும் அபாயம் அதிகமாக இருப்பதைப் பல ஆய்வுகள் காட்டுகின்றன. மரபணுக் காரணிகள், இன்சுலின் எதிர்ப்பு, நீரிழிவு, வயிற்றுப் பகுதியில் கொழுப்பு சேர்தல், உயர் இரத்த அழுத்தம் மற்றும் கொழுப்புச் சத்து மாற்றங்கள் இதற்குப் பங்களிக்கின்றன. உடல் எடை சாதாரணமாக இருந்தாலும் இதயநோய் அபாயம் இருக்கலாம். 5. மன அழுத்தம், தூக்கமின்மை, உடற்பயிற்சியின்மை! நீண்டகால மன அழுத்தம், போதிய தூக்கமின்மை, உடற்பயிற்சியின்மை, ஆரோக்கியமற்ற உணவுப் பழக்கங்கள் ஆகியவை இதயநோய் அபாயத்தை அதிகரிக்கக்கூடியவை. இவை பெரும்பாலும் பிற ஆபத்துக் காரணிகளுடன் இணைந்து செயல்படுகின்றன. 6. கண்டறியப்படாத நோய்கள்! உயர் இரத்த அழுத்தம், நீரிழிவு, அதிக LDL கொலஸ்ட்ரால், மரபுவழி கொலஸ்ட்ரால் கோளாறுகள் மற்றும் சில இதயத் தசை நோய்கள் அறிகுறிகள் இல்லாமலேயே இருக்கலாம். முதல் வெளிப்பாடே சில நேரங்களில் கடுமையான இதயப் பாதிப்பாக அமையலாம். சமூகத்திற்குப் பயந்து உண்மைகள் மறைக்கப்படுகின்றனவா? பாலியல் செயல்திறன் மருந்துகள், போதைப்பொருட்கள், உடற்கட்டமைப்பு ஊக்கிகள் போன்றவற்றின் பயன்பாட்டைச் சிலர் சமூக அவமானம், குடும்பப் பிரச்சினைகள் அல்லது சட்டரீதியான அச்சம் காரணமாக மருத்துவர்களிடம்கூட வெளிப்படுத்தாமல் இருக்கலாம். அவ்வாறு தகவல்கள் மறைக்கப்படுவது சரியான மருத்துவ மதிப்பீட்டைச் சிரமமாக்கலாம். ஆனால், இத்தகைய மருந்துப் பயன்பாடே பெரும்பாலான திடீர் மரணங்களுக்குக் காரணம் என்றும், அவை திட்டமிட்டு மறைக்கப்படுகின்றன என்றும் கூறுவதற்கு போதுமான அறிவியல் ஆதாரங்கள் இல்லை. ஒருவர் திடீரென உயிரிழந்தார் என்பதற்காக அவர் பாலியல் ஊக்கமருந்துகளையோ போதைப்பொருட்களையோ பயன்படுத்தியிருக்கலாம் என்று சந்தேகிப்பதும் தவறானது. உண்மையான காரணத்தை அறிய மருத்துவ வரலாறு, மரண விசாரணை, தேவையான பிரேதப் பரிசோதனை, நச்சியல் பரிசோதனை ஆகியவை முக்கியமானவை. தெற்காசியர்களுக்கான முக்கியமான எச்சரிக்கை பிரித்தானிய இதய அறக்கட்டளை (British Heart Foundation) வெளியிட்ட 2024ஆம் ஆண்டு ஆய்வுத் தகவலின்படி, வெள்ளை ஐரோப்பியர்களுடன் ஒப்பிடும்போது தெற்காசிய வம்சாவளியினருக்குக் கரோனரி இதயநோய் ஏற்படும் அபாயம் ஏறத்தாழ இருமடங்காகக் காணப்பட்டுள்ளது. வழக்கமான ஆபத்துக் காரணிகளைக் கணக்கில் எடுத்த பின்னரும் அதிக அபாயம் காணப்பட்டது. எனவே, குறிப்பாக 40 வயதைக் கடந்தவர்கள், குடும்பத்தில் இளவயது இதயநோய் வரலாறு உள்ளவர்கள் ஆகியோர் இரத்த அழுத்தம், கொலஸ்ட்ரால், இரத்தச் சர்க்கரை மற்றும் ஒட்டுமொத்த இதயநோய் அபாயத்தை மருத்துவ ஆலோசனையுடன் பரிசோதிப்பது அவசியம். இளவயதில் குடும்ப உறுப்பினர் திடீரென உயிரிழந்திருந்தால், ஏனைய உறவினர்களுக்கும் மரபுவழி இதயநோய்க்கான மதிப்பீடு தேவைப்படலாம். இந்த நிலையில் மாரடைப்பால் இறப்பவர்களின் எண்ணிக்கையை மட்டும் விவாதிக்காமல், அந்த மரணங்களின் உண்மையான காரணங்களை அறிவியல் அடிப்படையில் ஆராய நாம் தயாராக இருக்கிறோமா? பாலியல் ஆரோக்கியம், மருந்துப் பயன்பாடு, புகைப்பிடித்தல், மதுப் பழக்கம், போதைப்பொருட்கள் ஆகியவற்றைப் பற்றிய வெளிப்படையான உரையாடல் அவசியம். அதேவேளை, மரபணுக் காரணிகள், நீரிழிவு, கொலஸ்ட்ரால் மற்றும் கண்டறியப்படாத இதயநோய்களைப் புறக்கணிக்கவும் கூடாது. மௌனம் ஆபத்துக்களை மறைக்கலாம். ஆனால் சந்தேகங்களை உண்மைகளாக மாற்றிவிடவும் கூடாது. மருத்துவர்களிடம் மருந்துப் பயன்பாடு உள்ளிட்ட முழுமையான தகவல்களைத் தயக்கமின்றித் தெரிவிப்பதும், ஆரம்பத்திலேயே இதயநோய் அபாயத்தைக் கண்டறிவதும் உயிர்களைக் காப்பாற்ற உதவும். நெஞ்சுவலி, மூச்சுத்திணறல், திடீர் மயக்கம் போன்ற எச்சரிக்கை அறிகுறிகள் ஏற்பட்டால் தாமதிக்காமல் அவசர மருத்துவ உதவியை நாட வேண்டும். https://globaltamilnews.net/2026/236481/

ஹேக்கர்களின் பிடியில் ஸ்ரீலங்கன் ஏர்லைன்ஸ்? ஸ்ரீலங்கன் ஏர்லைன்ஸ் நிறுவனத்தின் கணினி கட்டமைப்புக்குள் ஊடுருவிய ஹேக்கர்கள், 50,000 அமெரிக்க டொலர்களை கிரிப்டோகரன்சி மூலம் கப்பமாகக் கோரியதாக எதிர்க்கட்சி நாடாளுமன்ற உறுப்பினர் தயாசிறி ஜயசேகர குற்றஞ்சாட்டியுள்ளார். குறித்த விமான சேவை நிறுவனத்தின் கணினி கட்டமைப்பு தொடர்ந்தும் இணையத் தாக்குதல்களுக்கு உள்ளாகும் அபாயத்தில் இருப்பதாகவும் அவர் எச்சரித்துள்ளார். நேற்றைய தினம் (20) நாடாளுமன்றத்தில் உரையாற்றிய அவர், 2026 ஜூன் மாதத்தில் ஸ்ரீலங்கன் ஏர்லைன்ஸ் நிறுவனத்தின் கணினி கட்டமைப்பு ஹேக்கர்களால் ஊடுருவப்பட்டதாகத் தெரிவித்தார். இந்தத் தாக்குதலுக்குப் பொறுப்பேற்பதாகக் கூறி, ஹேக்கர்கள் டார்க் வெப் எனப்படும் இருண்ட இணையத் தளத்தில் தகவல்களை வெளியிட்டதாகவும், நிறுவனத்தின் கணினி கட்டமைப்பைக் கட்டுப்பாட்டுக்குள் கொண்டுவந்துள்ளதாகக் கூறும் காணொளியொன்றையும் வெளியிட்டதாகவும் அவர் குறிப்பிட்டார். அத்துடன், நிறுவனத்தின் மின்னஞ்சல் கட்டமைப்பும் பாதிக்கப்பட்டுள்ளதாகக் கூறிய தயாசிறி ஜயசேகர, அதன் இணையப் பாதுகாப்பு கட்டமைப்பில் ஏற்பட்டுள்ள குறைபாடுகள் குறித்து கவலை வெளியிட்டார். இந்த இணையத் தாக்குதலால் விமான சேவை நிறுவனத்தின் செயற்பாடுகள் கடுமையாகப் பாதிக்கப்படக்கூடும் எனவும், ஹேக்கர்களால் எந்த நேரத்திலும் கணினி கட்டமைப்பை முடக்க முடியும் எனவும் அவர் எச்சரித்தார். இதனிடையே, ஸ்ரீலங்கன் ஏர்லைன்ஸ் நிறுவனத்துடன் தொடர்புடையதாகக் கூறப்படும் முன்னைய நிதி முறைகேடுகள் குறித்தும் அவர் கேள்வி எழுப்பினார். டுபாய் மற்றும் இந்தியாவிலுள்ள கணக்குகள் ஊடாக மேற்கொள்ளப்பட்ட கொடுப்பனவுகளைச் சுட்டிக்காட்டிய அவர், இச்சம்பவங்களுக்கும் நிறுவனத்தின் இணையப் பாதுகாப்புக் குறைபாடுகளுக்கும் தொடர்புகள் உள்ளனவா என்பது குறித்து விசாரணை நடத்தப்பட வேண்டுமென வலியுறுத்தினார். மேலும், இந்தச் சம்பவம் தொடர்பில் விசாரணைகளை முன்னெடுக்க முயன்ற அதிகாரி ஒருவர், பின்னர் ஜனாதிபதி செயலகத்தின் ஊடாக ஆரம்பிக்கப்பட்ட விசாரணைக்கு உட்படுத்தப்பட்டதாகவும் அவர் குற்றஞ்சாட்டினார். இணையப் பாதுகாப்புக் குறைபாடுகளைச் சரிசெய்வதற்காக சிங்கப்பூரிலுள்ள பிரதிநிதிகள் ஊடாக அமெரிக்கா உதவி வழங்க முன்வந்ததாகவும், எனினும் அந்த உதவியை அரசாங்கம் இதுவரை ஏற்றுக்கொள்ளவில்லை என்றும் தயாசிறி ஜயசேகர தெரிவித்தார். எனவே, இந்த இணைய ஊடுருவல் சம்பவம் தொடர்பில் உடனடியாக விசாரணைகளை முன்னெடுத்து, ஸ்ரீலங்கன் ஏர்லைன்ஸ் நிறுவனத்தின் கணினி கட்டமைப்பைப் பாதுகாப்பதற்கான நடவடிக்கைகளை மேற்கொள்ள வேண்டும் எனவும், எதிர்காலத்தில் இவ்வாறான தாக்குதல்கள் இடம்பெறுவதைத் தடுப்பதற்கு அரசாங்கம் எடுத்துள்ள நடவடிக்கைகள் குறித்து தெளிவுபடுத்த வேண்டும் எனவும் அவர் கோரிக்கை விடுத்தார். https://athavannews.com/2026/1493072

பிரான்சில் ஊரடங்கு உத்தரவு நீடிப்பு! வார இறுதியில் நடைபெற்ற வன்முறைப் போராட்டங்களுக்குப் பின்னர், இரவு நேரக் கட்டுப்பாடுகளால் அமைதி திரும்பியதைத் தொடர்ந்து பிரான்ஸ் முழுவதும் உள்ள அதிகாரிகள் செவ்வாய் (20) அன்று பகுதி ஊரடங்கு உத்தரவுகளை நீட்டித்தனர். திங்களன்று பல நகரங்களில் அமுல்படுத்தப்பட்ட ஊரடங்கு உத்தரவுகள் இரவு நேரத்தை அமைதியாக வைத்திருக்க உதவியுள்ளன என்றும், தேவைப்படும் இடங்களில் புதிய கட்டுப்பாடுகள் கொண்டுவரப்படும் என்றும் பிரதமர் செபாஸ்டியன் லெகோர்னு குறிப்பிட்டார். வாழ்க்கைச் செலவு உயர்வு மற்றும் பொதுச் சேவைகளின் சீரழிவு ஆகியவற்றைக் கண்டித்து சனிக்கிழமை நடைபெற்ற போராட்டங்களில் லட்சக்கணக்கான மக்கள் வீதிகளில் இறங்கிய நிலையில், காவல்துறை அதிகாரிகள் நிலைமையின் மீதான கட்டுப்பாட்டை இழந்துவிட்டதாக அரசாங்கம் ஒப்புக்கொண்டதைத் தொடர்ந்து இந்த நடவடிக்கைகள் எடுக்கப்பட்டன. இதேவேளை, ஒக்டோபர் 24 ஆம் திகதி நடைபெறவுள்ள புதிய போராட்டங்களுக்கு முன்னதாக, பெருமளவிலான காவல்துறையினரை ஈடுபடுத்துவதாக செபாஸ்டியன் லெகோர்னு உறுதியளித்துள்ளார். அதேநேரம், திங்கள்கிழமை மாலைக்குள் 2,500க்கும் மேற்பட்டோர் காவல்துறையின் காவலில் எடுக்கப்பட்டதாக நீதித்துறை அமைச்சர் ஜெரால்ட் டார்மானின் தெரிவித்தார். இந்த வன்முறையில், லிமோஜஸில் உள்ள ஒரு வரலாற்றுச் சிறப்புமிக்க நகர மண்டபம் எரிக்கப்பட்டதும், பரவலான கொள்ளையும் வணிக நிறுவனங்களுக்குச் சேதமும் ஏற்பட்டதும் அடங்கும். https://athavannews.com/2026/1493077

உக்ரைனுக்கு மேலும் உதவி வழங்குவதில் பங்கேற்க பல்கேரியா திட்டமிடவில்லை. அதேவேளையில், போலந்தால் கூடுதல் பேட்ரியாட் (Patriot) அமைப்புகளை அனுப்ப இயலாத சூழல் உள்ளது. கீவ் நகருக்கான புதிய ஐரோப்பிய ஒன்றிய நிதி உதவியில் பங்கேற்க பல்கேரியா மறுப்பு. அரசாங்கத் தலைவர் ரூமென் ராடெவ் தெரிவித்துள்ளபடி, உக்ரைனுக்கான புதிய ஐரோப்பிய ஒன்றிய (EU) நிதி உதவியில் பல்கேரியா இனி பங்கேற்காது. சமீபத்தில் நடைபெற்ற ஐரோப்பிய ஒன்றிய உச்சிமாநாட்டில், ரஷ்யாவின் ஆக்கிரமிப்புப் போருக்கு எதிரான தற்காப்பு நடவடிக்கைகளைத் தொடர, அடுத்த ஆண்டுக்காக ஐரோப்பிய ஒன்றியத்திடம் கூடுதலாக 70 பில்லியன் யூரோக்களை உக்ரைன் அதிபர் வோலோடிமிர் ஜெலென்ஸ்கி கோரியிருந்தார். ############## ############### உக்ரைனுக்கு பேட்ரியாட் (Patriot) ஏவுகணை அமைப்புகளை போலந்து வழங்காது. உக்ரைனுக்கு பேட்ரியாட் ஏவுகணை அமைப்புகளை வழங்கும் நிலையில் தாங்கள் இல்லை என்று போலந்து தெரிவித்துள்ளது. "pap.pl" இணையதளத்திற்கு அளித்த பேட்டியில், போலந்து வெளியுறவுத்துறை அமைச்சர் ராடோஸ்லாவ் சிகோர்ஸ்கி, உக்ரைனுக்கு ஆதரவளிக்கக்கூடிய பிற நேட்டோ (NATO) உறுப்பு நாடுகள் உள்ளன என்று குறிப்பிட்டார். "ரஷ்யா தயாரிக்கும் ஏவுகணைகளின் எண்ணிக்கை, அவற்றை எதிர்கொள்ள நம்மிடம் உள்ள இடைமறிப்பு ஏவுகணைகளின் (interceptors) எண்ணிக்கையை விட அதிகமாக உள்ளது" என்று நேட்டோ கூட்டணியைக் குறிப்பிட்டு சிகோர்ஸ்கி கூறினார். எனவே, மற்ற நேட்டோ நாடுகள் தங்கள் வசம் உள்ள பேட்ரியாட் அமைப்புகளை உக்ரைனுடன் பகிர்ந்து கொள்ள வேண்டும் என்று அவர் வலியுறுத்தினார். https://www.t-online.de/nachrichten/ukraine/id_101487440/ukraine-krieg-aktuell-eu-land-will-ukraine-hilfen-verweigern.html#polen-stellt-ukraine-keine-patriots-zur-verfuegung

உக்ரைனுக்கு மேலும் உதவி வழங்குவதில் பங்கேற்க பல்கேரியா திட்டமிடவில்லை. அதேவேளையில், போலந்தால் கூடுதல் பேட்ரியாட் (Patriot) அமைப்புகளை அனுப்ப இயலாத சூழல் உள்ளது. கீவ் நகருக்கான புதிய ஐரோப்பிய ஒன்றிய நிதி உதவியில் பங்கேற்க பல்கேரியா மறுப்பு. அரசாங்கத் தலைவர் ரூமென் ராடெவ் தெரிவித்துள்ளபடி, உக்ரைனுக்கான புதிய ஐரோப்பிய ஒன்றிய (EU) நிதி உதவியில் பல்கேரியா இனி பங்கேற்காது. சமீபத்தில் நடைபெற்ற ஐரோப்பிய ஒன்றிய உச்சிமாநாட்டில், ரஷ்யாவின் ஆக்கிரமிப்புப் போருக்கு எதிரான தற்காப்பு நடவடிக்கைகளைத் தொடர, அடுத்த ஆண்டுக்காக ஐரோப்பிய ஒன்றியத்திடம் கூடுதலாக 70 பில்லியன் யூரோக்களை உக்ரைன் அதிபர் வோலோடிமிர் ஜெலென்ஸ்கி கோரியிருந்தார். ############## ############### உக்ரைனுக்கு பேட்ரியாட் (Patriot) ஏவுகணை அமைப்புகளை போலந்து வழங்காது. உக்ரைனுக்கு பேட்ரியாட் ஏவுகணை அமைப்புகளை வழங்கும் நிலையில் தாங்கள் இல்லை என்று போலந்து தெரிவித்துள்ளது. "pap.pl" இணையதளத்திற்கு அளித்த பேட்டியில், போலந்து வெளியுறவுத்துறை அமைச்சர் ராடோஸ்லாவ் சிகோர்ஸ்கி, உக்ரைனுக்கு ஆதரவளிக்கக்கூடிய பிற நேட்டோ (NATO) உறுப்பு நாடுகள் உள்ளன என்று குறிப்பிட்டார். "ரஷ்யா தயாரிக்கும் ஏவுகணைகளின் எண்ணிக்கை, அவற்றை எதிர்கொள்ள நம்மிடம் உள்ள இடைமறிப்பு ஏவுகணைகளின் (interceptors) எண்ணிக்கையை விட அதிகமாக உள்ளது" என்று நேட்டோ கூட்டணியைக் குறிப்பிட்டு சிகோர்ஸ்கி கூறினார். எனவே, மற்ற நேட்டோ நாடுகள் தங்கள் வசம் உள்ள பேட்ரியாட் அமைப்புகளை உக்ரைனுடன் பகிர்ந்து கொள்ள வேண்டும் என்று அவர் வலியுறுத்தினார். https://www.t-online.de/nachrichten/ukraine/id_101487440/ukraine-krieg-aktuell-eu-land-will-ukraine-hilfen-verweigern.html#polen-stellt-ukraine-keine-patriots-zur-verfuegung

செம்மணி வெளியில் 300 to 400 பேரளவில் புதைக்கப்பட்டனர் என்று கிரிஷாந்தி கொலை வழக்கில் கோப்ரல் சோமரட்ன ராஜபக்‌ஷ நீதிமன்றில் கூறியதை ஆதாரமாக வைத்தே தற்போதைய அகழாய்வுகள் மேற்கொள்ளப்பட்டு வருகின்றன. கிரிஷாந்தி , பிரணவன் ஆகியோரின் உடலங்கள் கண்டுபிடிக்கப்பட்ட இடம் செம்மணி வீதிக்கு வடக்காக தற்போது சிவலிங்கம் பிரதிட்டை செய்யப்பட்டுள்ள இடத்திற்கு பின்பாகவுள்ளது. கீழே படத்தில் சிவப்பு பெட்டியால் காட்டப்பட்டுள்ளது. சித்துப்பாத்தி மயானத்தில் தற்போது அகழ்வு மேற்கொள்ளப்பட்டுவரும் இடத்துக்கும் கிரிஷாந்தி , பிரணவன் ஆகியோரின் உடலங்கள் கண்டுபிடிக்கப்பட்ட இடத்திற்கும் இடையிலுள்ள தூரம் அண்ணளவாக 350 மீட்டராகும். இப்பிரதேசம் முழுவதும் இராணுவக்கட்டுப்பாட்டில் இருந்ததாகையால் அண்ணளவாக 40 ஏக்கர் பிரதேசம் சந்தேகத்துக்கிடமான பிரதேசமாக கூறலாம். இதை Ground Penenetrating Radar (GPR) போன்ற நவீன உபகரணங்கள் கொண்டு ஆய்வு செய்து அதன்பின் அகழ்வுகள் செய்தாலேயே ஓரளவுக்கு விரைவாக இப்பணியை முடிக்க முடியும். இன்னும் 2 மாதத்தில் மழைக்காலம் ஆரம்பித்துவிட்டால் அதன் பின் 3-4 மாதங்களுக்கு ஒன்றும் செய்ய முடியாது. இந்த ஆய்வு மிக நீண்ட காலம் எடுக்கும் என்பதை மக்களுக்கு அறியத்தருவது தான் இப்பதிவின் நோக்கம். அவசரப்பட்டு ஒருவருக்கும் துரோகி பட்டம் பார்சல் செய்து விடாதீர்கள். பின்னிணைப்பு: காலைக்கதிரின் ஆசிரியர் திரு நடேசபிள்ளை வித்தியாதரன் அவுஸ்திரேலிய இணைய வானொலி ஒன்றிற்கு அளித்த நேர்காணலில், கிரிஷாந்தி கொலை வழக்கில் கைது செய்யப்பட்ட கோப்ப்ரல் சோமரத்ன ராஜபக்ச மேலும் 14 பேரின் புதைகுழிகளை A9 வீதிக்கு தெற்காக அடையாளம் காட்டினார் என்றும் அதில் இருவர் யார் என்பதியும் அடையாளம் காணப்பட்டது என்றும் கூறினார். இத்தகவலை நான் முன்பு போட்ட வரைபடத்தில் இற்றைப்படுத்தியுள்ளேன். காலைக்கதிரின் ஆசிரியர் திரு நடேசபிள்ளை வித்தியாதரன் அவுஸ்திரேலிய இணைய வானொலி ஒன்றிற்கு அளித்த நேர்காணலின் இணைப்பு பின்னூட்டத்தில். https://www.facebook.com/share/p/19j7oDjUf2/ -Kumaravelu Ganesan.- Kumar Ganesh

மாவீரர்களுக்கு வீரவணக்கங்கள். . .

சிங்களம் எங்களைக் கொன்று குவிக்கும் - தமிழர் சிந்திய குருதியில் எம்மண் சிவக்கும் ... https://pulikalinkuralradio.com/oaptoaxe/2016/10/03-Singalam-Engalai.mp3 இந்தப் பாடல் பொருத்தமானது.

போராட்டம் எனும் பெயரில் கடை உடைத்து களவெடுத்த பொருட்கள் விற்கும் சந்தை.👇

ஐரோப்பாவில் நடக்கும் இன்றைய காலகட்ட பிரச்சனைகளுக்கான மூல காரணம் வேறு எங்கேயோ இருக்கின்றது என நான் நினைக்கின்றேன்.

செய்தியின் இடையில் குறிப்பிட்டுள்ளது போல் தடை என்பது களவு மற்றும் மாற்று வழிகளை கட்டாயம் உருவாக்கியே தீரும். மக்கள் தானாக திருந்தாது விட்டால் எதுவுமே சாத்தியமில்லை.

சிங்களவனிடம் வேறு என்னத்தை எதிர்பார்க்க முடியும்? செம்மணியை தோண்டினதுக்கு மட்டும் நன்றி. எத்தனை பத்தாண்டுகள் மாறினாலும் தேசியத் தலைவர் சொன்ன அந்த மகாவம்ச மனநிலையில் தான் இன்னமும் சிங்கள தேசம் உள்ளது. (இதிலை இந்த புல்லுருவி சுமந்திரன் உள்நாட்டு விசாரணை வேண்டும் என்று வேறை நிண்டவன்!)

ஏதோ பிரிட்டிஷ் ரோயல் பமிலியின்ர வரலாறு எழுதுவது போல் அனிருத்-காவ்யா கலியாண வீட்டையும் பிரமாண்டமாக்கி பிபிசி வெளுத்து வாங்குது? 😜 ஓ.... அப்ப நீங்களும் கனகாலமாய் காவ்யாவ நோட்டம் விட்டுக்கொண்டுதான் இருந்திருக்கிறியள்? 😂