ஊர்ப்புதினம்

http://tamil.dailymirror.lk/2010-07-14-09-13-23/2010-08-12-10-11-54/2010-09-21-10-47-44/67870-2013-05-20-16-18-27.html

மக்கள் விடுதலை முன்னணியின் முன்னாள் தலைவர் ரோஹண விஜயவீரவின் மகள் பொலிஸாரால் கைது செய்யப்பட்டுள்ளார். 

தனது தாய் மற்றும் சகோதரனை தாக்கியதாக பொலிஸாருக்கு கிடைத்த முறைப்பாட்டையடுத்தே இவர் நேற்றிரவு கைது செய்யப்பட்டதாக பொலிஸார் அறிவித்தனர்.

கைது செய்யப்பட்டவர் ரோஹண விஜயவீரவின் மூத்த மகள் என பொலிஸ் ஊடகப்பேச்சாளர் புத்திக சிறிவர்தன தெரிவித்தார். 
மறைந்த ரோஹன விஜயவீரவின் மனைவி செய்த முறைப்பாட்டையடுத்தே மகள் கைது செய்யப்பட்டதாக பொலிஸார் தெரிவித்தனர்.

கைது செய்யப்பட்ட அவரை வத்தளை நீதவான் நீதிமன்றத்தில் இன்று திங்கட்கிழமை ஆஜர்படுத்திய போது அவரை யூன் 3 ஆம் திகதி வரையும் விளக்கமறியலில் வைக்குமாறு நீதவான் உத்தரவிட்டுள்ளார்.

சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.

http://tamil.dailymirror.lk/2010-07-14-09-13-23/67836-2013-05-20-12-25-31.html

 

இராணுவத்தினால் காணி சுவீகரிப்பு - தடுக்குமாறு நாமல் எம்.பிக்கு கடிதம்!

இலங்கை போக்குவரத்து சபைக்கு சொந்தமான காணியினை அரசாங்க அதிபர் குழுவினர் சுவீகரிக்க முயற்சிப்பதாகவும் இதனை உடனடியாக தடுத்து நிறுத்த நடவடிக்கை எடுக்குமாறும் வலியுறுத்தி நாடாளுமன்ற உறுப்பினர் நாமல் ராஜபக்ஷவுக்கு, இலங்கை போக்குவரத்து சபை கிளிநொச்சிசாலை ஊழியர்கள் கடிதமொன்றை அனுப்பி வைத்துள்ளனர். இது தொடர்பில் அவர்கள் அனுப்பி வைத்துள்ள கடிதத்தில் மேலும் தெரிவிக்கப்பட்டுள்ளதாவது, 'இலங்கை போக்குவரத்து சபைக்கு சொந்தமான 12 ஏக்கர் காணியில், முதற்கட்டமாக வனவள திணைக்களத்திற்கும், சிறுவர் பூங்காவிற்கும், இராணுவத்தினரின் புனித பூமிக்குமாக எமது காணி சுவீகரிக்கப்பட்டது.

  

அத்துடன், இரண்டாம் கட்டமாக தெற்குப் பகுதியில் தனிநபரால் மூன்று வீடுகள் கட்டப்பட்டு அபகரிக்கப்பட்டுள்ளது. ஆனால் அரச அதிபரினால் அப்பகுதியும் எமக்கு மீட்டுத் தரப்படவில்லை. அடுத்த மூன்றாம் கட்டமாக கிளிநொச்சி சாலைக்கு எதிரில், தற்போது பொதுச் சந்தை காணப்படும் காணியானது இலங்கை போக்குவரத்து சபை ஊழியர்களின் தங்குமிடத்துக்குரிய ஏறத்தாழ 5 ஏக்கர் காணி அபகரிக்கப்பட்டது. அத்துடன், அரசாங்க அதிபர் தலைமையில், ஏறத்தாழ 10 ஏக்கர் காணி எஞ்சியுள்ளது.

யுத்தம் முடிவடைந்து 4 வருட காலப்பகுதியில் புதிதாக ஆரம்பிக்கும் எமது கிளிநொச்சி சாலைக்கு அரசாங்க அதிபரினால் எதுவித உதவியும், கிளிநொச்சி சாலைக்கும், வெளிமாவட்ட ஊழியர்களுக்கும் செய்து தரப்படவில்லை. ஆனால், அரச அதிபர் எமக்கு செய்த உதவி ஒன்று எமது காணி அபகரிப்புத்தான். ஆனால், அதி மேதகு ஜனாதிபதியின் கிளிநொச்சி வருகையின் போது, கிளிநொச்சி சாலைக்குரிய காணியில், பஸ் நிலையமும், எரிபொருள் நிரப்பு நிலையமும் மற்றும் அலுவலகக் கட்டடமும் உழியர்களின் ஓய்வு அறையும், பாடசாலை மாணவர்களுக்கு பாடசாலை சேவையும், யுத்தத்தால் பாதிக்கப்பட்ட பொது மக்களின் அன்றாட அவசிய தேவகை;காக 10 புதிய பஸ் கொள்வனவு செய்து கொடுக்கும்படியும் அரசாங்க அதிபர் தலைமையின் கூட்டத்தில் கூறி இருந்தார்.

அத்துடன், அரசதிணைக்களங்களை அபகரித்தல், ஆக்கிரமித்தல், வேறு தேவைக்கு விட்டுக் கொடுத்தல், போன்றன இடம்பெறாமல் தவிர்த்துக் கொள்ள வேண்டும் என உத்தரவிட்டுள்ளார். ஆனால் தற்போது, இலங்கை போக்குவரத்து சபை கிளிநொச்சி சாலைக்கு சொந்தமான காணி அரச அதிகாரிகளினால் அபகரிப்பு தான் நடைபெற்று வருகின்றதாகவும் அந்த கடிதத்தில் சுட்டிக்காட்டப்பட்டுள்ளது.

 

http://www.seithy.com/listAllNews.php?newsID=83121&category=TamilNews&language=tamil

 

கிளிநொச்சி அரசாங்கஅதிபரை விழுத்தி இளவரசனுக்கு தலைப்பா கட்டும் குழுவுக்கு, சுவீகரிப்படும் காணி அரச காணியாக இருப்பதை இட்டு மனவருத்தமாக இருக்கிறது. அது பொதுமக்கள் காணியாக இருந்திருக்க வேண்டும் என்று நினைக்கிறார்கள் போலிருக்கு. இளவரசருக்கு கிளிநொச்சிக்கும் என்ன தொடர்பு?

  மக்கள் எழுச்சியைக் கண்டு ராஜபக்ஷ ரெஜிமென்ட் பயந்துவிட்டது - ரணில்!

ராஜபக்ஷ ரெஜிமென்ட் கடந்த 15 ஆம் திகதி இடம்பெற்ற மக்கள் எழுச்சியைக் கண்டு பயந்துள்ள நிலையில் நாளை இடம்பெறவுள்ள தேசிய தொழிற்சங்க போராட்டத்திற்கு அனைவரும் ஒத்துழைக்க வேண்டுமென எதிர்க் கட்சித் தலைவர் ரணில் விக்கிரமசிங்க தெரிவித்தார். ஐக்கிய தேசியக் கட்சியின் தலைமையகமான சிறிகொத்தாவில் இன்று திங்கட்கிழமை இடம்பெற்ற நிகழ்வொன்றில் கலந்துகொண்டு கருத்து வெளியிடுகையிலேயே அவர் மேற்கண்டவாறு தெரிவித்தார். இது குறித்து அவர் மேலும் தெரிவிக்கையில்,

  

ராஜபக்ஷ ரெஜிமென்ட் கடந்த 15 ஆம் திகதி இடம்பெற்ற மக்களின் எதிர்ப்பு போராட்டத்தைக் கண்டு பயந்துவிட்டது. இந்நிலையில் நாளை நடைபெறவுள்ள தேசிய தொழிற்சங்கப் போராட்டத்திற்கு அனைவரும் ஒன்றிணைந்து எதிர்ப்பினை வெளிக்காட்ட வேண்டும். இந்த அரசாங்கம் மக்கள் விரோத செயற்பாடுகளையே முன்னெடுத்து வருகின்றது. தற்போது மக்கள் அனைவரும் ஒன்றிணைந்து அரசுக்கெதிராக வீதிகளில் இறங்கத் துணிந்து விட்டனர். எனவே, இந்த அரசாங்கத்தை மாற்றுவதற்கு எதிர்வரும் 2014 இல் எமக்கு தேர்தல் ஒன்று அவசியமாகவுள்ளது. நாம் அதற்கான நடவடிக்கைகளை தற்போது முன்னெடுத்து வருகின்றோம். இந்நிலையில் நாளை இடம்பெறவுள்ள தேசிய தொழிற்சங்க வேலை நிறுத்தப் போராட்டத்தில் அனைத்து மக்களும் ஒன்றிணைந்து அரசாங்கத்தை நிலைதடுமாற வைப்போம் என அவர் மேலும் தெரிவித்தார்.

http://www.seithy.com/listAllNews.php?newsID=83132&category=TamilNews&language=tamil

 

 

சிறிலங்கா அரசின் யுத்த வெற்றிவிழாவில் அமெரிக்கத் தூதுவருக்கு பின்வரிசை ஆசனம்!

 

சிறிலங்கா அரசின் யுத்த வெற்றிவிழா நிகழ்வில் கலந்துகொள்வதற்கு சென்றிருந்த அமெரிக்கத் தூதுவர் மிச்சேல் சிஸனுக்கு அதிதிகள் மேடையில் பின்வரிசை ஆசனமே ஒதுக்கப்பட்டிருந்தது.

யுத்தம் முடிவடைந்து நான்கு ஆண்டுகள் நிறைவடைந்ததையொட்டி நேற்று சனிக்கிழமை காலி முகத்திடலில் பெருமெடுப்பில் யுத்த வெற்றி விழாவை நடத்தியது சிறிலங்கா அரசு.

இதில் அமைச்சர்கள், பிரதியமைச்சர்கள், வெளிநாட்டுத் தூதுவர்கள், இராஜதந்திரிகள் என பல உயர்மட்ட பிரமுகர்கள் கலந்துகொண்டனர்.

இவர்களுக்கென அதிதிகள் மேடை அமைக்கப்பட்டிருந்தது. நிகழ்வில் கலந்துகொண்டிருந்த அமெரிக்கத் தூதுவர் மிச்சேல் சிஸனுக்கு பின்வரிசை ஆசனமே ஒதுக்கப்பட்டிருந்தது.  அதில் அமர்ந்தவாறு அவர் நிகழ்வுகளைப் பார்வையிட்டார். அதேவேளை, அரபு நாட்டுத் தூதுவர்கள் பலர் முன்வரிசையில் அமர்ந்திருந்ததைக் காணக்கூடியதாக இருந்தது.

கடந்த செவ்வாய்க்கிழமை தமிழ்த் தேசியக் கூட்டமைப்பின் கொழும்புக் கிளையின் அலுவலகத்தில் அதன் தலைவர் சம்பந்தனை அமெரிக்கத் தூதுவர் மிச்சேல் சிஸன் சந்தித்துக் கலந்துரைடியிருந்தார். இதன்போது அவர், வடக்கு மாகாணசபைத் தேர்தல் தொடர்பான கள நிலவரம், வடக்கு, கிழக்கில் இராணுவத்தின் நில ஆக்கிரமிப்பு உட்பட பல விடயங்கள் தொடர்பில் சம்பந்தனிடம் கேட்டறிந்துகொண்டார்.

இதன் பின்னர் அமெரிக்கத் தூதுவர் மிச்சேல் சிஸன் இலங்கை நாட்டுக்குத் துரோகம் இழைக்கின்றார் எனவும், இதற்குத் தமிழ்த் தேசியக் கூட்டமைப்பு துணைபோகின்றது எனவும் கடும் போக்குடைய சிங்கள அமைப்புகள் அரசை எச்சரித்திருந்தன. அத்துடன் அமெரிக்கத் தூதுவரை உடனடியாக நாட்டிலிருந்து வெளியேற்றுமாறும் இவ் அமைப்புகள் அரசிடம் வேண்டுகோள் விடுத்திருந்தன.

இவ்வாறான சூழ்நிலையில், சிறிலங்கா அரசின் யுத்த வெற்றிவிழா நிகழ்வில் கலந்துகொள்வதற்கு சென்றிருந்த அமெரிக்கத் தூதுவர் மிச்சேல் சிஸனுக்கு அதிதிகள் மேடையில் பின்வரிசை ஆசனம் ஒதுக்கப்பட்டிருந்தமை குறிப்பிடத்தக்கது.

 

http://ponguthamil.com/shownewscontent.aspx?sectionid=1&contentid=256925a0-e66e-43c8-baa2-213b5a7f6688

 

மகிந்தாவுக்கு உதவிய பிளேக் கொழும்புத் தெருக்களில் இறங்கி கால்நடையாக நடந்தார்.  மடாகளைபு உயிராபத்தான பயணத்தில் போட்டு அனுப்பி வைக்கபட்டார். எனவே இலங்கை அரசுடன் ஒத்துளைக்க மறுக்குல் மிசேல் சிசனுக்கு இது நடப்பது அப்படி ஒன்றும் பெரிதல்ல

 

கிரகநிலை சரியில்லையாம் – ஆறாவது தடவையாக சீனாவுக்கு ஓடுகிறார் மகிந்த [ ஞாயிற்றுக்கிழமை, 19 மே 2013, 01:48 GMT ] [ தா.அருணாசலம் ] சிறிலங்கா அதிபர் மகிந்த ராஜபக்ச வரும் புதன்கிழமை சீனாவுக்குப் பயணம் மேற்கொள்ளவுள்ளதாக கொழும்பு ஆங்கில வாரஇதழ் ஒன்று செய்தி வெளியிட்டுள்ளது.

வரும் 22ம் நாள் தொடக்கம் 26ம் நாள் வரை சீனாவில் பயணம் மேறகொள்ள சிறிலங்கா அதிபர் திட்டமிட்டுள்ளார்.

எனினும் இதுதொடர்பான அதிகாரபூர்வ அறிவிப்பு இன்னமும் வெளியாகவில்லை.

சிறிலங்கா அதிபராக மகிந்த ராஜபக்ச பொறுப்பேற்ற பின்னர், சீனாவுக்கு மேற்கொள்ளவிருக்கும் ஆறாவது பயணம் இதுவாகும்.

அண்மையில் சீன அதிபர் ஜி ஜின்பிங் தலைமையிலான புதிய அரசாங்கம் பொறுப்பேற்ற பின்னர், சிறிலங்கா அதிபர் நடத்தவுள்ள முதல் சந்திப்பு இதுவாகும்.

இதனிடையே, சிறிலங்கா அதிபர் மகிந்த ராஜபக்ச கடந்த 10ம் நாள் நான்கு நாள் பயணமாக உகண்டா சென்றிருந்தார்.

எனினும், நேற்று முன்தினம் காலையே அவர் நாடு திரும்பியிருந்தார்.

இந்தநிலையில் அவர் மீண்டும் சீனாவுக்குப் பயணம் மேற்கொள்ளவுள்ளார்.

கிரகநிலைகள் பாதகமாக இருப்பதால், சோதிடர்களின் அறிவுரைப்படி அவர், வெளிநாட்டில் தங்கிருக்க திட்டமிட்டுள்ளதாக கொழும்புத் தகவல்கள் கூறுகின்றன.

http://www.puthinappalakai.com/view.php?20130519108290

 

கிரக நிலை சரியில்லாததால் விமானங்களில் தொடர் விடுமுறைச்சுற்றுலா எடுக்கிறார். கிரக நிலை சரியாக இருந்தால் என்ன செய்வாரோ?

 

இலங்கையில் விடுதலைப் புலிகளின் வீழ்ச்சியுடன் யுத்தம் முடிவுக்கு வந்து நான்கு ஆண்டுகள் கடந்துவிட்ட போதிலும் அந்நாட்டில் அடிப்படை மனித உரிமைகளுக்கும் சுதந்திரத்துக்கும் மரியாதை மென்மேலும் குறைந்துகொண்டு போவதாக தி ஹியுமன் ரைட்ஸ் வாட்ச் மனித உரிமை ஆர்வலர் குழு தெரிவித்துள்ளது.

அரச படைகளும் விடுதலைப் புலிகளும் செய்ததாகக் குற்றம்சாட்டப்படும் போர்க்குற்றங்களை விசாரிக்கவோ சட்ட நவடிக்கை எடுக்கவோ அர்த்தமுள்ள நடவடிக்கை ஒன்றையும் மஹிந்த ராஜபக்ஷவின் இலங்கை அரசாங்கம் எடுக்கவில்லை என ஹியுமன் ரைட்ஸ் வாட்ச் குற்றம்சாட்டியுள்ளது.

 

தவிர மனித உரிமை ஆர்வலர்கள், சுயாதீன ஊடகவியலாளர்கள் போன்றவர்களை ஒடுக்கும் நடவடிக்கைகளை அரசாங்கம் மேற்கொண்டு வருகிறது என்றும், தமிழ் மக்களின் கஷ்டங்களை நிவர்த்தி செய்வது குறித்து அரசாங்கம் கொடுத்த வாக்குறுதிகளில் எதுவும் நிறைவேற்றப்படவில்லை என்றும் அது சாடியுள்ளது.

"துஷ்பிரயோகங்களை எதிர்கொண்டவர்கள் நீதியை எதிர்பார்த்தும், காணாமல்போனவர்களின் கதி பற்றிய தகவலை எதிர்பார்த்தும், தமது அடிப்படை மனித உரிமைக்கு சிறிதளவு மரியாதையை எதிர்பார்த்தும் ஏங்கி நிற்கிறார்கள், ஆனால் ராஜபக்ஷ அரசாங்கமோ அதில் ஒன்றையும் நிறைவேற்றிக் கொடுக்காமல் அவர்கள் மீது மேலும் அடக்குமுறையை கட்டவிழ்த்து வருகிறது" என ஹியுமன் ரைட்ஸ் வாட்ச் அமைப்பின் ஆசிய விவகார இயக்குநர் பிராட் ஆடம்ஸ் தெரிவித்துள்ளார்.

போர்க்குற்றங்களை எத்தரப்பு செய்திருந்தாலும் அது விசாரிக்கப்படும் என ஐநா தலைமைச் செயலருக்கு ராஜபக்ஷ வழங்கியிருந்த வாக்குறுதிகள் நிறைவேற்றப்படவில்லை என்று ஹியுமன் ரைட்ஸ் வாட்ச் குறிப்பிட்டுள்ளது.

இலங்கை அரசாங்கத்தால் நியமித்த படிப்பினைக்கும் நல்லிணக்கத்துக்குமான ஆணைக்குழு பொறுப்புகூறல் தொடர்பில் செய்த பரிந்துரைகளும்கூட இன்னும் நிறைவேற்றப்படவில்லை என அது சுட்டிகாட்டியுள்ளது.

"பரந்துபட்ட அடக்குமுறையால் மக்களின் அடிப்படை சுதந்திரங்களை தொடர்ந்தும் மறுத்துவரலாம் எனும் விதமாக இலங்கை அரசு செயல்படுகிறது. ஆனால் யுத்தகாலத்திலேயே பல கஷ்டங்களுக்கு இடையில் உண்மையை வெளிக்கொண்டுவந்த ஆர்வலர்கள் இனியும்கூட உண்மையை வெளிக்கொண்டுவர நிச்சயம் வழிதேடுவார்கள்" என பிராட் ஆடம்ஸ் நம்பிக்கை தெரிவித்துள்ளார்.

http://www.bbc.co.uk/tamil/sri_lanka/2013/05/130520_hrwstatementonlanka.shtml

பல சேனாக்களின் நகர்வுகளும்! பிளான் Bயும்

http://kattankudynewsfirst.com/2013/04/12/%E0%AE%AA%E0%AE%B2-%E0%AE%9A%E0%AF%87%E0%AE%A9%E0%AE%BE%E0%AE%95%E0%AF%8D%E0%AE%95%E0%AE%B3%E0%AE%BF%E0%AE%A9%E0%AF%8D-%E0%AE%A8%E0%AE%95%E0%AE%B0%E0%AF%8D%E0%AE%B5%E0%AF%81%E0%AE%95%E0%AE%B3%E0%AF%81/

 

யாழ் வலிகாமம் பிரதேசத்தில் பொதுமக்களுக்குச் சொந்தமான 6381 ஏக்கர் காணியை அரசாங்கம் பலத்காரமாக சுவீகரிப்பதற்கு முயற்சிப்பதாக தெரிவித்து 1474 பேர் தாக்கல் செய்துள்ள மனு மேன்முறையீட்டு நீதிமன்றத்தினால் இன்று (21) பரிசீலனைக்கு எடுத்துக்கொள்ளப்பட்டது.

 

மேலும்  http://tamilworldtoday.com/?p=11657

 

 

 

13ஆவது அரசியலமைப்புத் திருத்தில் உள்ள மாகாண சபைகளுக்குரிய காணி, காவல்துறை அதிகாரங்களை நீக்க வேண்டாம் என இந்திய அரசாங்கம் கோரவில்லை என இலங்கை வெளிவிவகார அமைச்சு தெரிவித்துள்ளது.

 

இலங்கை வெளிவிவகார அமைச்சின் செயலாளர் கருணாதிலக்க அமுனுகம இந்தத் தகவலை உறுதிப்படுத்தியுள்ளார்.

 

மேலும்...

http://tamilworldtoday.com/?p=11451

 

1982ஆம் ஆண்டு நடைபெற்ற தேர்தலில் பொன்னம்பலத்தை வடக்கு, கிழக்குத் தமிழர்கள் தோற்கடித்து கொப்பேக்கடுவவை வெற்றி பெறச் செய்தவர்கள் என இலங்கை அரச அதிபர் மகிந்த ராஜபக்‌ஷ தெரிவித்திருந்தார்.

 

கடந்த சனிக்கிழமை காலிமுகத்திடலில் நடைபெற்ற அரசாங்கத்தின் போர் வெற்றியின் நான்காவது ஆண்டு கொண்டாட்டத்தின் போதே அவர் இதனைத் தெரிவித்திருந்தார். அத்துடன் வடக்கு மக்களின் மனதைத் தான் அறிவதாகவும் கூறியிருந்தார்.

 

எனினும், பொன்னம்பலத்தைத் தோற்கடித்து, கொப்பேகடுவவை தமிழர்கள் ஆதரித்தார்கள் என அரச தலைவர் மகிந்த ராஜபக்‌ஷ கூறியிருப்பதைத் தேடிப்பார்த்தபோது, தேர்தல் முடிவுகளின் படி முற்றிலும் பொய்யான தகவல் எனத் தெரியவருகிறது.

 

 

தமிழர்கள் பெரும்பான்மையாக வாழும் யாழ்ப்பாணம், வன்னி, மட்டக்களப்பு, திருகோணமலை ஆகிய தேர்தல் மாவட்டங்களில் குமார் பொன்னம்பலத்துக்கு மொத்தம் 155,947 வாக்குகளும் ஹெக்டர் கொப்பேக்கடுவவுக்கு 153,909 வாக்குகளும் கிடைத்ததாக தேர்தல் திணைக்களம் வெளியிட்ட முடிவுகள் குறிப்பிட்டிருந்தன.

 

இந்தத் தேர்தலில் ஐக்கிய தேசியக் கட்சி சார்பில் போட்டியிட்ட ஜே.ஆர்.ஜெயவர்த்தன வெற்றி பெற்று ஜனாதிபதியானார். சிறிலங்கா சுதந்திரக் கட்சி சார்பில் போட்டியிட்ட ஹெக்டர் கொப்பேக்கடுவ தோல்வியடைந்தார்.

 

இதே தேர்தலில் அகில இலங்கைத் தமிழ்க் காங்கிரஸ் தலைவர் குமார் பொன்னம்பலம், ரோஹண விஜேவீர, கொல்வின் ஆர். டி. சில்வா, வாசுதேவ நாணயக்கார ஆகியோரும் போட்டியிட்டனர். குமார் பொன்னம்பலம் நான்காவது இடத்தைப் பிடித்தார். ரோஹண மூன்றாம் இடத்தைப் பிடித்தார்.

 

பொதுவாக வட மாகாணத்தின் யாழ் தேர்தல் மாவட்டத்தில் 11 தொகுதிகளில் காங்கேசன்துறை, மானிப்பாய், கோப்பாய், உடுப்பிட்டி, பருத்தித்துறை ஆகிய 5 தொகுதிகளில் கொப்பேக்கடுவ வெற்றி பெற்றிருந்தார். ஏனைய 6 தொகுதிகளிலும் பொன்னம்பலம் வெற்றார்.

வன்னி தேர்தல் மாவட்டத்தில் இருந்த மூன்று தொகுதிகளில் வவுனியா, மன்னார் தொகுதிகளில் அவர் பொன்னம்பலத்தைவிட அதிக வாக்குகள் பெற்றிருந்தார். ஆனால் அந்த இரு தொகுதிகளிலும் ஜே.ஆர்.ஜெயவர்த்தனாவே வென்றிருந்தார்.

 

மட்டக்களப்புத் தேர்தல் மாவட்டத்தில் இருந்த மூன்று தொகுதிகளில் கல்குடா தொகுதியில் பொன்னம்பலத்தைவிட கொப்பேக்கடுவ அதிக வாக்குகள் பெற்றிருந்தார். ஆனால் இங்கும் ஜே.ஆர். வெற்றிபெற்றார். ஏனைய இரு தொகுதிகளான மட்டக்களப்பு மற்றும் பட்டிருப்பில் குமார் கொப்பேகடுவவைவிட அதிக வாக்குகள் பெற்றார். அதிலும் பட்டிருப்பில் அதிக வாக்கு எண்ணிக்கை வித்தியாசத்தில் அவர் வெற்றி பெற்றிருந்தார்.

 

திருகோணமலை மாவட்டத்தில் இருந்த 3 தொகுதிகளிலும் கொப்பேக்கடுவ பொன்னம்பலத்தைவிட அதிக வாக்குகளைப் பெற்றிருந்தார். எனினும் சேருவல, திருகோணமலை, மூதூர் ஆகிய மூன்று தொகுதிகளிலும் ஜே.ஆர். வென்றார்.

 

அம்பாறை தேர்தல் மாவட்டத்தில் இருந்த 4 தொகுதிகளிலும் குமார் பொன்னம்பலத்தைவிட கொப்பேகடுவ அதிக வாக்குகளைப் பெற்றிருந்தார். அம்பாறை தொகுதியில் மட்டும் வென்றிருந்தார். ஏனையவற்றை ஜே.ஆர். கைப்பற்றினார்.

 

எனினும் தமிழர்கள் பெரும்பான்மையாக வாழும் பிரதேசங்களில் வீழ்ந்த வாக்குகளின் அடிப்படையில் கொப்பேக்கடுவவைவிட, குமார் பொன்னம்பலத்துக்கே அதிக வாக்குகளை வழங்கியிருக்கின்றனர் என்று தேர்தல் திணைக்களம் வெளியிட்ட முடிவுகளில் இருந்து தெரிகிறது.

http://tamilworldtoday.com/?p=11429

 

மேலும் விரிவான உத்தியோகபூர்வ புள்ளிவிபரங்களுக்கு...

 

 

 

 

கோத்தாவை கலங்க வைத்த இந்திய ஊடகங்கள்
[ ஞாயிற்றுக்கிழமை, 19 மே 2013, 12:36 GMT ] [ கார்வண்ணன் ]


சிறிலங்கா வெளிவிவகார அமைச்சர் ஜி.எல்.பீரிசுடன் இந்திய வெளிவிவகார அமைச்சர் சல்மான் குர்ஷித் நேற்று முன்தினம் காலை நடத்திய தொலைபேசி உரையாடல் சிறிலங்கா பாதுகாப்புச் செயலர் கோத்தாபய ராஜபக்சவை கலக்கமடையச் செய்ததாக தகவல்கள் தெரிவிக்கின்றன.

நேற்று முன்தினம் தொலைபேசியில் சிறிலங்கா வெளிவிவகார அமைச்சருடன் உரையாடிய, இந்திய வெளிவிவகார அமைச்சர், வடக்கில் உயர் பாதுகாப்பு வலயத்துக்கென காணிகள் பறிக்கப்படுவதற்கு எதிர்ப்புத் தெரிவித்ததாக இந்திய ஊடகங்கள் செய்தி வெளியிட்டிருந்தன.

இதனால் விசனமடைந்த சிறிலங்கா பாதுகாப்புச் செயலர் கோத்தாபய ராஜபக்ச, நேற்று மாலை சிறிலங்கா வெளிவிவகார அமைச்சர் ஜி.எல்.பீரிசை சந்தித்து, இந்திய வெளிவிவகார அமைச்சர் சல்மான் குர்ஷித்துடன் நடத்திய கலந்துரையாடல் குறித்து விளக்கம் கேட்டுள்ளார்.

இதையடுத்து கொழும்பு ஆங்கில ஊடகம் ஒன்றிடம் கருத்து வெளியிட்டுள்ள கோத்தாபய ராஜபக்ச, ஊடகங்களில் வெளியானது போன்று, இந்திய வெளிவிவகார அமைச்சர் தொலைபேசி உரையாடலின் போது பலாலி - காங்கேசன்துறை உயர்பாதுகாப்பு வலய காணி சுவீகரிப்புத் தொடர்பாக எதுவும் பேசப்படவில்லை என்று குறிப்பிட்டுள்ளார்.

மேலும், போரின் போதும், போருக்குப் பின்னரும் படையினரையும் படைத்தளபாடங்களையும் எங்கெங்கு நிறுத்துவது என்பது ரு அரசாங்கத்தின் தனியுரிமை என்றும், அதில் வெளிநாட்டு சக்திகள் தலையிட்டு திருத்தங்களைச் செய்ய முடியாது என்றும் அவர் கூறியுள்ளார்.

அதேவேளை இந்த விவகாரம் குறித்து சிறிலங்கா வெளிவிவகார அமைச்சர் ஜி.எல்.பீரிஸ் இந்த வாரம் நாடாளுமன்றத்தில் விளக்கமளிக்கவுள்ளார்.

http://www.puthinappalakai.com/view.php?20130519108294

சிங்களவர்களை விடவும் சிறந்தவர்களை உலகில் எங்கும் பார்க்க முடியாது – அஸ்வர்
19 மே 2013



சிங்களவர்களை விடவும் சிறந்த மனிதர்களை உலகில் எங்கும் பார்க்க முடியாது என ஆளும் ஐக்கிய மக்கள் சுதந்திரக் கூட்டமைப்பின் பாரர்ளுமன்ற உறுப்பினர் ஏ.எச்.எம். அஸ்வர் தெரிவித்துள்ளார். சிங்கள மக்கள் மிகவும் கருணையானவர்கள் என அவர் சுட்டிக்காட்டியுள்ளார்.

வெசாக் பௌர்ணமி காலத்தில் வீதியில் செல்லும் மக்களுக்கு பல்வேறு உணவு பானங்களை வழங்கி வருதாகத் தெரிவித்துள்ளார். சிங்கள மக்களின் வாழ்க்கை முறைமையில் முக்கியமானதாக தானங்களை (தன்சல்) கருத முடியும் என அவர் தெரிவித்துள்ளார்.

இன மத பேதங்களை கருத்திற் கொள்ளாது வீதியில் செல்லும் அனைவருக்கும் இதய சுத்தியுடன் சிங்கள பௌத்தர்கள் தங்களால் இயன்றதை வழங்கி மகிழ்வதாகத் தெரிவித்துள்ளார்.

ருவன்வெல்ல பிரதேசத்தில் நடைபெற்ற நிகழ்வு ஒன்றில் கலந்து கொண்டு உரையாற்றிய போது அவர் இதனைக் குறிப்பிட்டுள்ளார்
 

 

http://www.globaltamilnews.net/GTMNEditorial/tabid/71/articleType/ArticleView/articleId/91918/language/ta-IN/article.aspx

 

இலங்கை நீதிமன்றத் தீர்ப்பு அதிர்ச்சியளிக்கின்றது – நோர்வே
19 மே 2013


இலங்கை நீதிமன்றின் தீர்ப்பு அதிர்ச்சியளிப்பதாக நோர்வே அரசாங்கம் அறிவித்துள்ளது.

இலங்கைக்கான நோர்வே தூதரக அதிகாரிகளுக்கு எதிராக வழக்குத் தொடர முடியும் என கொழும்பு நீதிமன்றம் அண்மையில் அறிவித்திருந்தது.

கொழும்பு மேலதிக நீதவான் அமாலி ரணவீர இந்த உத்தரவினை பிறப்பித்திருந்தார்.

முன்னணி தன்னார்வ தொண்டு நிறுவனமான சகவாழ்வு மன்றத்தின் தலைவர் குமார் ரூபசிங்கவினால் நோர்வே தூதரக அதிகாரிகளுக்கு எதிராக வழக்குத் தாக்கல் செய்யப்பட்டிருந்தது.

உறுதிமொழி அளிக்கப்பட்டதனைப் போன்று நிதி உதவிகள் தொடர்ச்சியாக வழங்கப்படவில்லை எனத் தெரிவித்து இந்த மனு தாக்கல் செய்யப்பட்டிருந்தது.

நோர்வேயின் முன்னாள் தூதுவர் ஹில்டே ஹரால்ஸ்டட் மற்றும் இரண்டு அதிகாரிகள் 98.5 மில்லியன் ரூபாவினை வழங்கத் தவறியுள்ளதாக குற்றம் சுமத்தப்பட்டுள்ளது.

இலங்கை நீதிமன்றின் தீர்ப்பு புரிந்துகொள்ள முடியாத வகையில் அமைந்துள்ளது என நோர்வே வெளிவிவகார அமைச்சின் பிரதிப் பணிப்பாளர் ப்ரோட் அன்டர்சன் தெரிவித்துள்ளார்.

இலங்கை வெளிவிவகார அமைச்சு மற்றும் ஏனைய தரப்பின் கருத்துக்கைள நீதிமன்றம் உதாசீனம் செய்துள்ளதாகக் குறிப்பிட்டுள்ளார்.

தூதரக அதிகாரிகள் ராஜதந்திர வரப்பிரசாதம் உடையவர்கள் எனவும் இதனால் தூதரக அதிகாரிகளுக்கு எதிராக வழக்குத் n;தாடர முடியாது எனவும் நோர்வே ஏற்கனவே அறிவித்திருந்தமை குறிப்பிடத்தக்கது.

இதேவேளை, ராஜதந்திர வரப்பிரசாதங்கள் தொடர்பிலான வியன்னா பிரகடனத்தை இலங்கை அரசாங்கம் மதித்து செயற்பட வேண்டுமென தற்போதைய நோர்வே தூதுவர் க்ரேட் லொச்சின் தெரிவித்துள்ளார்.

இலங்கை அரசாங்கம் வியன்னா பிரகடனத்தில் கைச்சாத்திட்டுள்ளதாகக் குறிப்பிட்டுள்ளார்.

கொழும்பு நீதிமன்றின் உத்தரவு தொடர்பான மொழிபெயர்ப்பு அறிக்கையை உன்னிப்பதாக கவனித்து வருவதாகக் குறிப்பிட்டுள்ளார்.

http://www.globaltamilnews.net/GTMNEditorial/tabid/71/articleType/ArticleView/articleId/91938/language/ta-IN/article.aspx

 

http://www.globaltamilnews.net/GTMNEditorial/tabid/71/articleType/ArticleView/articleId/91939/language/ta-IN/article.aspx

 

யாழ்ப்பாணம் உங்கள் அனைவரையும் வரவேற்கிறது

http://onlineuthayan.com/News_More.php?id=704582048319832503

தமிழீழ விடுதலைப்புலிகளின் தலைவர் வேலுப்பிள்ளை பிரபாகரனின் சடலத்தை 2009 ஆம் ஆண்டு மே மாதம் 18ஆம் திகதி நந்திக்கடலில் இருந்து மீட்டோம். எப்படி அவர் எரித்திரியாவில் இருப்பது என்ன  போய் கதை இது என இராணுவப் பேச்சாளர்  ருவான் வணிகசூரிய தெரிவித்துள்ளார்.

இது தொடர்பில் இராணுவப்பேச்சாளர் மேலும் தெரிவிக்கையில்,
 
பயங்கரவாதம் தோற்கடிக்கப்பட்டாலும் நாட்டில் இனங்களுக்கு இடையில் பிரிவினைவாதத்தை மேம்படுத்துவதற்கான நடவடிக்கைகள் முன்னெடுக்கப்பட்டு கொண்டுவருகின்றது.

அந்த பிரிவினைவாதத்திற்கு ஆதரவு நல்குவோர் இவ்வாறான பேய் கதைகளை பரப்பிவிடக்கூடும். இதேவேளை, விடுதலைப்புலிகளின் தலைவர் பிரபாகரனின் தாய் மற்றும் தந்தை இலங்கை இராணுவத்திடம் சிறிதுகாலம் இருந்துள்ளனர்.

இந்த நிலையில் நந்திக்கடல் களப்பில் கண்டெடுக்கப்பட்ட சடலம் அவருடையது என்பதை அவரது சகாக்களே அடையாளம் காட்டினர். எனவே பலியானது விடுதலைப்புலிகளின் தலைவர் என்பது நூற்றுக்கு நூறு வீதம் உண்மை.

வெளிநாட்டில் இருக்கின்ற புலி பயங்கரவாதிகளின் ஆதரவாளர்கள், அவர்களுக்கு உதவி புரியும் அரச சார்பற்ற நிறுவனங்கள் பிரிவினை வாதத்திற்கு நிதி சேகரிப்பதற்காக இவ்வாறான பேய் கதையை பரப்பிவிட்டிருக்கலாம் என அவர் மேலும் குறிப்பிட்டுள்ளார்.

 

http://onlineuthayan.com/News_More.php?id=337762048819444377

 

"வடக்கு, கிழக்கு மக்களின் இதயங்களை நான் நன்கறிவேன். ஒரு தேர்தலில் பொன்னம்பலத்தை தோல்வியடையச் செய்து கொப்பேகடுவவுக்கு வாக்களித்து அவரை வெற்றிப்பெறச் செய்தனர்.''