விளையாட்டுத் திடல்

10 சிக்சர்களுடன் 41 பந்துகளில் 94 ரன்கள் விளாசல்: கோரி ஆண்டர்சன் சரவெடியில் நியூஸிலாந்து வெற்றி

Sun, 08/01/2017 - 09:34
10 சிக்சர்களுடன் 41 பந்துகளில் 94 ரன்கள் விளாசல்: கோரி ஆண்டர்சன் சரவெடியில் நியூஸிலாந்து வெற்றி

 

 
பந்தை சிக்சருக்கு தூக்கி அடிக்கும் கோரி ஆண்டர்சன். | படம். ஏ.எப்.பி.
பந்தை சிக்சருக்கு தூக்கி அடிக்கும் கோரி ஆண்டர்சன். | படம். ஏ.எப்.பி.

நியூஸிலாந்தின் மவுண்ட் மாங்கனுயில் நடைபெற்ற 3-வது, கடைசி டி20 போட்டியிலும் வங்கதேசத்தை வீழ்த்திய நியூஸிலாந்து ஒருநாள் தொடரை 3-0 என்று கைப்பற்றியது போலவே டி20 தொடரிலும் 3-0 என்று வெற்றி பெற்றது.

முதலில் பேட் செய்த நியூஸிலாந்து 20 ஓவர்களில் 4 விக்கெட்டுகளை இழந்து 194 ரன்களை எடுத்தது. கோரி ஆண்டர்சன் ஒருநாள் போட்டிகளில் 2014-ல் 36 பந்துகளில் சதம் அடித்தார், இன்று அதிவேகே டி20 சதத்திற்கான சாதனையையும் சொந்தமாக்கிக் கொண்டிருப்பார், ஆனால் 20 ஓவர்களுக்குள் அதைச் செய்ய முடியவில்லை. காரணம் 20-வது ஓவர் தொடங்கும் போது 79 ரன்களில் இருந்த ஆண்டர்சன் மேலும் 2 சிக்சர்களுடன் 15 ரன்களையே எடுக்க முடிந்தது.

இதனால் 41 பந்துகளில் 2 பவுண்டரிகள் 10 சிக்சர்களுடன் 94 ரன்கள் எடுத்து டி20 போட்டிகளில் அதிக சிக்சர்களுக்கான நியூஸிலாந்து சாதனை நிகழ்த்தினார் கோரி ஆண்டர்சன். முன்னதாக கேப்டன் கேன் வில்லியம்சன் 57 பந்துகளில் 6 பவுண்டரி 1 சிக்சருடன் 60 ரன்கள் எடுத்தார்.

195 ரன்கள் வெற்றி இலக்குடன் களமிறங்கிய வங்கதேசம் 20 ஓவர்களில் 6 விக்கெட்டுகள் இழப்புக்கு 167 ரன்களை மட்டுமே எடுக்க முடிந்தது. சவுமியா சர்க்கார் அதிகபட்சமாக 42 ரன்களையும் ஷாகிப் அல் ஹசன் 41 ரன்களையும் எடுத்தனர். இதன் மூலம் தோல்வி அடைந்து வங்கதேசம் டி20 தொடரிலும் முற்றொழிப்பு செய்யப்பட்டது.

டாஸ் வென்று வங்கதேசம் முதலில் நியூஸிலாந்தை பேட் செய்ய அழைத்ததில் தவறில்லை, காரணம் 6.1 ஓவர்களில் நியூஸிலாந்து 41/3 என்று திணறியது. முன்னதாக ரூபல் ஹுசைன், ஜேம்ஸ் நீஷம், அதிரடி மன்ரோ ஆகியோரை 5 பந்து இடைவெளியில் பெவிலியன் அனுப்பினார்.

வில்லியம்சன் ஷபிள் செய்து ஆடினார், மைதானத்தின் மேற்கூரைக்கு ஒரு சிக்சரையும் 14-வது ஓவரில் ஸ்கொயர்லெக்கில் பவுண்டரியும் அடிக்க 14-வது ஓவரில் ஸ்கோர் 100 ரன்களைக் கடந்தது. இங்கிருந்து ஆண்டர்சன் காட்டடி தர்பாரைத் தொடங்கினார். மஷ்ரபே மோர்டசா சிக்க 4 பந்துகளில் 17 ரன்கள். சவுமியா சர்க்கார் ஓவரில் அடுத்தடுத்து 3 சிக்சர்கள். இதில்தான் 27 பந்துகளில் அரைசதம் கடந்தார். இன்னொரு சிக்ஸர் மிகவும் வெறித்தனமான அடி, பந்து தாய்லாந்து உணவு ஸ்டாலில் போய் விழுந்தது. டஸ்கின் அகமதுவை தனது 9-வது சிக்சருக்காக தூக்கி அடித்த கோரி ஆண்டர்சன் அதிக சிக்சர்களுக்கான நியூஸிலாந்து சாதனையை நிகழ்த்தினார்.

அதாவது 2010-ல் ஆஸ்திரேலியாவை பிரெண்டன் மெக்கல்லம் புரட்டி எடுத்த போது 8 சிக்சர்களை அடித்ததே சாதனையாக இருந்தது. கடைசி பந்தையும் லாங் ஆனுக்கு சிக்சராக விரட்டி ஹீரோவாக நடந்து சென்றார் கோரி ஆண்டர்சன். கடைசி 6 ஓவர்களில் 90க்கும் அதிகமான ரன்களுடன் நியூஸி. 194 ரன்களுடன் முடித்தது.

வங்கதேசம் தரப்பில் ஷாகிப் அல் ஹசன் விக்கெட் எடுக்காவிட்டாலும் 4 ஓவர்களி 22 ரன்கள் என்று சிக்கனம் காட்டினார். ரூபெல் ஹுசைன் 31 ரன்களுக்கு 3 விக்கெட்டுகள் எடுத்தார்.

தொடர்ந்து ஆடிய வங்கதேசம் தமிம் இக்பால் (14), சவுமியா சர்க்கார் (42) மூலம் 4.4 ஓவர்களில் 44 பிறகு 6 ஓவர்களில் 69/ என்று அருமையான தொடக்கத்தை வங்கதேசம் தொடர்ந்து இன்றும் வீணடித்தது. சவுமியா சர்க்கார், இஷ் சோதி பந்தில் அவரிடமே கேட்ச் கொடுத்தார். சபீரை வில்லியம்சன் பவுல்டு செய்தார். மஹமுதுல்லாவுக்கு இஷ் சோதி வீசிய கூக்ளி அருமையானது. அதாவது ஆஃப் ஸ்டம்புக்கு வெளியேர் பிட்ச் ஆகி லெக் ஸ்டம்பைத் தாக்கியது.

ஷாகிப், நுருல் இணைந்து பவுண்டரிகள் சிலதை அடித்தாலும் வெற்றி பெறுவதற்கு அருகில் வங்கதேசம் வர முடியவில்லை. 167-ல் முடிந்தது. நியூசிலாந்து தரப்பில் இஷ் சோதி, டிரெண்ட் போல்ட் தலா 2 விக்கெட்டுகளைக் கைப்பற்றினர். சாண்ட்னர், கேன் வில்லியம்சன் தலா 1 விக்கெட்டைக் கைப்பற்றினர்.

தொடரை 3-0 என்று இழந்து வங்கதேசம் நியூஸிலாந்து தொடரில் முற்றிலும் ஒழிக்கப்பட்ட அணியாக நாடு திரும்புகிறது. ஆட்ட நாயகன் கோரி ஆண்டர்சன்.

http://tamil.thehindu.com/sports/10-சிக்சர்களுடன்-41-பந்துகளில்-94-ரன்கள்-விளாசல்-கோரி-ஆண்டர்சன்-சரவெடியில்-நியூஸிலாந்து-வெற்றி/article9466541.ece?homepage=true

Categories: merge-rss

சாம்பியனாகியும் நம்பர் ஒன்னை மிஸ் செய்த சானியா

Sat, 07/01/2017 - 18:45
சாம்பியனாகியும் நம்பர் ஒன்னை மிஸ் செய்த சானியா

c1kxdj4uaaakpgz-1483792991-800_19577.jpg

பிரிஸ்பென் சர்வதேச டென்னிஸ், இறுதிப் போட்டியில் சானியாமிர்சா-பெதனி மட்டேக் இணை, ரஷ்யாவின் மகரோவா, வெஸ்னியா இணை மோதினர். இதில் 6-2, 6-3 என்ற செட் கணக்குகளில் சானியா இணை வெற்றி பெற்று, சாம்பியன் பட்டத்தை தட்டிச் சென்றது. ஆனாலும், சர்வதேச அரங்கில், இரட்டையர் பிரிவில் முதல் இடத்தை சானியா இழந்துள்ளார். சானியா மிர்சா கடந்த 2015-ஆம் ஆண்டு, ஏப்ரல் 13-ஆம் தேதி முதல், பெண்கள் இரட்டையர் பிரிவு டென்னிஸில் தரவரிசையில் உலகின் நம்பர் ஒன் வீராங்கனையாக இருந்தது குறிப்பிடத்தக்கது. 

http://www.vikatan.com/news/sports/77223-sania-loses-no-1-spot-in-tennis.art

Categories: merge-rss

இந்திய தொடர் மிகவும் கடினமாக இருக்கும்: ஆஸி. வீரர்களுக்கு ஸ்மித் எச்சரிக்கை

Sat, 07/01/2017 - 18:37
இந்திய தொடர் மிகவும் கடினமாக இருக்கும்: ஆஸி. வீரர்களுக்கு ஸ்மித் எச்சரிக்கை

 

இந்திய தொடர் மிகவும் கடினமாக இருக்கும் என்று ஆஸ்திரேலிய அணியின் வீரர்களுக்கு கேப்டன் ஸ்மித் எச்சரித்துள்ளார்.

 
 
 ஆஸி. வீரர்களுக்கு ஸ்மித் எச்சரிக்கை
 
ஆஸ்திரேலியா - பாகிஸ்தான் அணிகளுக்கான இடையிலான மூன்று போட்டிகள் கொண்ட டெஸ்ட் தொடரை ஆஸ்திரேலியா 3-0 எனக் கைப்பற்றியுள்ளது.

இந்த வெற்றிக்குப் பிறகு ஆஸ்திரேலிய அணியின் கேப்டன் ஸ்மித் வீர்ரகளுக்கு ஒரு எச்சரிக்கை விடுத்துள்ளார். அதில் இனி வரப்போகும் இந்திய தொடர் மிகவும் கடினமாக இருக்கப்போகிறது என்று தெரிவித்துள்ளார்.

இதுகுறித்து ஸ்மித் கூறுகையில் ‘‘இந்தியா தொடரில் இந்த அணியின் முக்கிய குழுதான் பங்கேற்க போகிறது. எங்கள் அணியின் சிலர்தான் இதற்கு முன் இந்திய மண்ணில் விளையாடியுள்ளனர். இந்திய மண்ணில் அவர்களை எதிர்த்து விளையாடுவது மிகவும் கடினம் என்பது எங்களுக்குத் தெரியும். அவர்கள் மிகவும் சிறந்த அணி.

இந்திய தொடருக்கான அணியில் மேலும் சில வீரர்களை சேர்க்க வேண்டும். இது நீட்டிக்கப்பட்ட அணியாக இருக்கும். இந்திய அணிக்கு சரியான வகையில் ஈடுகொடுத்து விளையாட வேண்டுமென்றால், நம்பமுடியாத வகையில் சிறப்பான ஆட்டத்தை வெளிப்படுத்த வேண்டும். பெரும்பாலான வீர்ரகள் அனுபவம் இல்லாதவர்கள். அவர்களுக்கு இது கடினமான ஒன்றாக இருக்கப்போகிறது.

இந்திய ஆடுகளம் ஆஸ்திரேலியாவில் உள்ள ஆடுகளம் போன்று இருக்கப்போவதில்லை. இதனால் வீரர்கள் இந்திய ஆடுகளத்திற்கு ஏற்றபடி தங்களை மாற்றிக் கொண்டு சிறப்பாக விளையாடும் வழியை தேடிக்கொள்ளவேண்டும்’’ என்றார்.

ஆஸ்திரேலிய அணி அடுத்த மாதம் இந்தியாவில் சுற்றுப்பயணம் மேற்கொண்டு விளையாடுகிறது. இரு அணிகளுக்கிடையிலான 4 போட்டி கொண்ட டெஸ்ட் தொடரின் முதல் போட்டி அடுத்த மாதம் 21-ம்தேதி தொடங்குகிறது.

http://www.maalaimalar.com/News/Sports/2017/01/07211400/1060822/After-crushing-Pakistan-Smith-warns-side-for-extremely.vpf

Categories: merge-rss

மான்செஸ்டர் அணிக்காக 249 கோல்கள் அடித்து பாபி சார்ல்டன் சாதனையை சமன் செய்தார் ரூனே

Sat, 07/01/2017 - 18:36
மான்செஸ்டர் அணிக்காக 249 கோல்கள் அடித்து பாபி சார்ல்டன் சாதனையை சமன் செய்தார் ரூனே
 

மான்செஸ்டர் அணிக்காக 249 கோல்கள் அடித்து முன்னாள் ஜாம்பவான் பாபி சார்ல்டன் சாதனையை சமன் செய்துள்ளார் வெயின் ரூனே.

 
 
மான்செஸ்டர் அணிக்காக 249 கோல்கள் அடித்து பாபி சார்ல்டன் சாதனையை சமன் செய்தார் ரூனே
 
இங்கிலாந்து அணியின் முன்னணி கால்பந்து வீரர் வெயின் ரூனே. 31 வயதாகும் ரூனே அந்நாட்டின் பிரபலமான மான்செஸ்டர் யுனைடெட் அணியில் விளையாடி வருகிறார்.

கடந்த 2004-ம் ஆண்டில் இருந்து அந்த அணிக்காக விளையாடி வரும் அவர் பல்வேறு சாதனைகளை படைத்துள்ளார். எஃ.ப்.ஏ. கோப்பைக்கான 3-வது சுற்றில் மான்செஸ்டர் அணி இன்று ரீடிங் அணியை எதிர்கொண்டது. அப்போது ஆட்டம் தொடங்கிய 7-வது நிமிடத்தில் ரூனே கோல் அடித்தார்.

இந்த கோல் மான்செஸ்டர் அணிக்காக ரூனெ அடிக்கும் 249-வது கோல் ஆகும். இதன்மூலம் முன்னாள் ஜாம்பவான் பாபி சார்ல்டன் சாதனையை சமன் செய்துள்ளார்.

ஏற்கனவே, இங்கிலாந்து அணிக்காக பாபி சார்ல்டன் 49 கோல்கள் அடித்தது சாதனையாக இருந்தது. அதை ரூனே கடந்த 2015-ல் முறியடித்தார். ரூனே தற்போது வரை 53 கோல்கள் அடித்துள்ளார்.

2004-ம் ஆண்டு மான்செஸ்டர் அணியில் இணைந்த ரூனே, முதல் போட்டியிலேயே பெனேர்பேஸ் அணிக்கெதிராக ஹாட்ரிக் கோல்கள் அடித்து அசத்தியவர். மான்செஸ்டர் அணி வாங்கிய ஐந்து பிரிமீயர் லீக், இரண்டு லீக் கோப்பை, கடந்த சீசன் எஃப்.ஏ. கோப்பை, 2007-08 சாம்பியன் லீக் மற்றும் 2008 கிளப் உலகக்கோப்பையில் ரூனே பங்கேற்றுள்ளார் என்பது குறிப்பிடத்தக்கது.

http://www.maalaimalar.com/News/Sports/2017/01/07200348/1060812/Rooney-equals-Charlton-Man-United-scoring-record.vpf

Categories: merge-rss

39 போட்டியில் தோல்வியை சந்திக்காமல் பார்சிலோனா சாதனையை சமன் செய்தது ரியல் மாட்ரிட்

Sat, 07/01/2017 - 18:35
39 போட்டியில் தோல்வியை சந்திக்காமல் பார்சிலோனா சாதனையை சமன் செய்தது ரியல் மாட்ரிட்

 

லா லிகா தொடரில் கிரனாடாவை 5-0 என வீழ்த்தியன் மூலம் தொடர்ச்சியாக 39 தோல்வியை சந்திக்காமல் பார்சிலோனா சாதனையை சமன் செய்தது ரியல் மாட்ரிட்.

 
 
39 போட்டியில் தோல்வியை சந்திக்காமல் பார்சிலோனா சாதனையை சமன் செய்தது ரியல் மாட்ரிட்
 
ஸ்பெயின் நாட்டின் கால்பந்து கிளப்புகளில் பார்சிலோனா, ரியல் மாட்ரிட் அணிகள் முன்னணி கிளப்பாக விளங்கி வருகின்றன. இந்த இரண்டிலும் பார்சிலோனா சிறந்த அணியாக விளங்கி வருகிறது.

பார்சிலோனா அணி தொடர்ச்சியாக 39 போட்டிகளில் தோல்வியை சந்திக்காமல் வீறுநடை போட்டு சாதனைப் படைத்திருந்தது. அந்த சாதனையை எந்த கிளப் அணியும் முறியடித்ததில்லை.

ரியல் மாட்ரிட் அணியின் பயிற்சியாளராக ஷிடேனின் ஷிடேன் பொறுப்பேற்ற பிறகு அந்த அணி அசுர வளர்ச்சி பெற்றுள்ளது. ரொனால்டோ, பென்சிமா, மார்சிலோ மற்றும் கேப்டன் செர்ஜியோ ரமோஸ் ஆகியோரின் ஆட்டத்தில் தோல்வியடையாமல் தொடர்ந்து வெற்றியை ருசித்து வருகிறது.

இந்நிலையில், லா லகா தொடரின் இன்றைய போட்டியில் ரியல் மாட்ரிட் அணி கிரனாடா அணியை எதிர்கொண்டது. இதில் ரியல் மாட்ரிட் 5-0 என வெற்றி பெற்றது. இதன்மூலம் தொடர்ச்சியாக 39 போட்டிகளில் ரியல் மாட்ரிட் தோல்வியை சந்திக்காமல் வீறுநடை போட்டு சென்று கொண்டிருக்கிறது. இதன்மூலம் பார்சிலோனாவின் சாதனையை சமன் செய்துள்ளது.

http://www.maalaimalar.com/News/Sports/2017/01/07220201/1060826/Cristiano-Ronaldo-scores-as-Real-Madrid-match-Barcelona.vpf

Categories: merge-rss

11 நாடுகளில் சதம் யூனுஸ்கான் புதிய சாதனை

Sat, 07/01/2017 - 12:12
11 நாடுகளில் சதம் யூனுஸ்கான் புதிய சாதனை
014-0467a6f3403788ed4b01d32ace3fbb93a023e90f.jpg

 

அவுஸ்­தி­ரே­லிய அணிக்கு எதி­ரான கடைசி டெஸ்ட் போட்­டியில் பாகிஸ் தான் அணி யூனுஸ்­கானின் சதத்தால் 3ஆ-வது நாள் ஆட்­டத்தில் 8 விக்­கெட்­டுக்­களை இழந்து 271 ஓட்­டங்­களை எடுத்­தது.  

அவுஸ்­தி­ரே­லிய மண்ணில் யூனுஸ்கான் சதம் அடிப்­பது இதுவே முதல்­முறை. மேலும் டெஸ்ட் அந்­தஸ்து பெற்ற அனைத்து அணி­க­ளுக்கு எதி­ரா­கவும் சதம் அடித்­தவர் என்ற சாத­னை­யையும் யூனுஸ்கான் படைத்தார். இத்­துடன் டெஸ்ட் போட்­டிகள் நடை­பெற்ற 11 நாடு­களில் சதம் அடித்த முதல் வீரர் என்ற சாத­னை­யையும் நிகழ்த்தி உள்ளார் யூனுஸ்கான். 

சங்­கக்­கார, மஹேல, ராகுல் டிராவிட், முக­மது யூசுப் ஆகியோர் 10 நாடு­களில் நடை­பெற்ற டெஸ்ட் போட்­டி­களில் சதம் அடித்­துள்­ளனர். சிட்னி டெஸ்ட் போட்­டியின் 4-ஆம் நாளான நேற்று 465 ஓட்­டங்கள் வெற்றி இலக்கை எதிர்­கொண்டு ஆடி­வரும் பாகிஸ்தான் ஆட்­ட­நேர முடிவில் ஒரு விக்­கெட்டை இழந்து 55 ஓட்­டங்­களை எடுத்­துள்­ளது. 

நேற்று 271/8 என்று தொடங்­கிய பாகிஸ்தான் 315 ஓட்­டங்­க­ளுக்கு முதல் இன்­னிங்ஸில் சுருண்­டது. 223 ஓட்­டங்கள் முன்­னிலை பெற்­றி­ருந்­தாலும் ஸ்மித் மீண்டும் 2ஆ-வது இன்­னிங்ஸை தொட­ரவே முடி­வெ­டுத்தார்.  

அதன்­படி கள­மி­றங்கி ஓவ­ருக்கு 7.53 என்ற ஓட்ட விகி­தத்தில் அவுஸ்­தி­ரே­லியா ஓட்டக் குவிப்பில் ஈடு­பட்­டது. வோர்னர் வெளுத்துக் கட்­டினார். 23 பந்­து­களில் 7 பவுண்­ட­ரிகள் 3 சிக்­ஸர்க ளுடன் அதி­ரடி அரைச்­சதம் எடுத்தார், டெஸ்ட் கிரிக்­கெட்டில் இது இரண்­டா­வது அதி­வேக அரை­ச் ச­த­மாகும்.  

வோர்னர் 55 ஓட்­டங்­க­ளுடன் ஆட்­ட­மி­ழந்த பிறகு மெது­வாக ஆடி வந்த உஸ் மான் கவாஜா 79 ஓட்­டங்­களை எடுத்து களத்தில் நின்றார். கேப்டன் ஸ்மித் அதி­ர­டி­யாக ஆடி 59 ஓட்­டங்­களைப் பெற்று ஆட்­ட­மி­ழந்தார். 

இறுதியில் ஆஸி. 2 விக்­கெட்டுக்களை இழந்து 241ஓட்­டங்­களைப் பெற்று ஆட்­டத்தை நிறுத்திக் கொண்டது.  465 ஓட்டங்களைத் துரத்தும் பாகிஸ்தானுக்கு இன்று கடைசி நாள். 8 விக்கெட்டுக்கள் கைவசம்  உள்ளன. 

http://content.epaper.virakesari.lk/newspaper/Daily/main/2017-01-07#page-8

Categories: merge-rss

10 ஆயிரம் ரன்னை தவறவிட்ட யூனுஸ்கான்

Sat, 07/01/2017 - 07:42
10 ஆயிரம் ரன்னை தவறவிட்ட யூனுஸ்கான்

பாகிஸ்தான் அணியின் முன்னாள் கேப்டன் யூனுஸ்கான் சிட்னி டெஸ்டில் 13 ரன்னில் 10 ஆயிரம் ரன்னை தவற விட்டார்.

 
 
10 ஆயிரம் ரன்னை தவறவிட்ட யூனுஸ்கான்
 
பாகிஸ்தான் அணியின் முன்னாள் கேப்டன் யூனுஸ்கான். 39 வயதான இவர் சிட்னி டெஸ்டில் முதல் இன்னிங்சில் 175 ரன்கள் குவித்தார். இதன் மூலம் அவரது டெஸ்ட் ரன்களின் எண்ணிக்கை 9964 ஆக உயர்ந்தது.

2-வது இன்னிங்சில் 36 ரன் எடுத்ததில் யூனுஸ்கான் 10 ஆயிரம் ரன்னை கடந்த முதல் பாகிஸ்தான் வீரர் என்ற பெருமையை பெறுவார். ஆனால் அவர் 13 ரன்னில் ஆட்டம் இழந்ததால் 10 ஆயிரம் ரன்னை தவற விட்டார்.

யூனுஸ்கான் 115 டெஸ்டில் விளையாடி 9977 ரன் எடுத்துள்ளார். இதில் 34 சதம் அடங்கும். 10 ஆயிரம் ரன்னுக்கு அவருக்கு மேலும் 23 ரன் தேவை. அடுத்துவரும் டெஸ்ட் தொடர்களில் தான் அவர் இந்த ரன்னை எடுக்க இயலும் அதுவரை அவரை விளையாட பாகிஸ்தான் தேர்வு குழு அனுமதிக்குமா? அல்லது ஓய்வு பெறுவாரா? என்பது தெரியவில்லை.

http://www.maalaimalar.com/News/Sports/2017/01/07122416/1060697/younis-khan-missed-10-thousand-runs.vpf

Categories: merge-rss

பிக் பாஷ் டி20 லீக்: இரண்டாக உடைந்த மெக்கல்லத்தின் பேட்

Thu, 05/01/2017 - 19:07
பிக் பாஷ் டி20 லீக்: இரண்டாக உடைந்த மெக்கல்லத்தின் பேட்

 

பிக் பாஷ் டி20 லீக் தொடரில் விளையாடிக் கொண்டிருந்து நியூசிலாந்து அணியின் முன்னாள் கேப்டன் மெக்கல்லத்தின் பேட் இரண்டாக உடைந்தது.

 
 
 இரண்டாக உடைந்த மெக்கல்லத்தின் பேட்
 
ஆஸ்திரேலியாவில் பிக் பாஷ் டி20 லீக் தொடர் நடைபெற்று வருகிறது. இன்று நடைபெற்ற போட்டியில் பெர்த் ஸ்கார்ச்செர்ஸ் - பிரிஸ்பேன் ஹீட் அணிகள் மோதின.

முதலில் விளையாடிய பெர்த் ஸ்கார்ச்செர்ஸ் அணி 20 ஓவர்கள் முடிவில் 6 விக்கெட் இழப்பிற்கு 73 ரன்கள் குவித்தது. அடுத்து 174 ரன்கள் எடுத்தால் வெற்றி என்ற இலக்குடன் பிரிஸ்பேன் ஹீட் அணியின் பியர்சன், பிராண்டன் மெக்கல்லம் ஆகியோர் களம் இறங்கினார்கள்.

பியர்சன் 18 ரன்கள் எடுத்த நிலையில் ஆட்டம் இழந்தார். ஆனால் மெக்கல்லம், அதன்பின் வந்த கிறிஸ் லைன் ஆகியோர் அதிரடியாக விளையாடினார்கள். இதனால் பிரிஸ்பேன் ஹீட் அணி 14.4 ஓவரிலேயே 174 ரன்கள் எடுத்து 9 விக்கெட் வித்தியாசத்தில் அபார வெற்றி பெற்றது. மெக்கல்லம் 50 ரன்னுடனும், லைன் 98 ரன்னுடனும் அவுட்டாகாமல் களத்தில் இருந்தனர்.

EEE1EE3E-741B-4832-94EE-E26D45C7BB44_L_s

மெக்கல்லம் பேட்டிங் செய்து கொண்டிருக்கும்போது 13-வது ஓவரை டை வீசினார். அந்த ஓவரின் 3-வது பந்தை மெக்கல்லம் சிக்சருக்கு தூக்கினார். அடுத்த பந்தையும் சிக்சருக்கு தூக்க நினைத்தார். ஆனால் அவரது பேட் இரண்டாக உடைந்தது. இதை ரசிகர்கள் வேடிக்கையை பார்த்து ரசித்தனர்.

http://www.maalaimalar.com/News/Sports/2017/01/05200636/1060349/Brendon-McCullum-breaks-his-bat-mid-game.vpf

 

Categories: merge-rss

தென் ஆப்பிரிக்க அணியை விட்டுச் செல்கிறார் கைல் அபாட்

Thu, 05/01/2017 - 16:14
தென் ஆப்பிரிக்க அணியை விட்டுச் செல்கிறார் கைல் அபாட்

 

 
கைல் அபாட். | கெட்டி இமேஜஸ்.
கைல் அபாட். | கெட்டி இமேஜஸ்.
 
 

தென் ஆப்பிரிக்க வேகப்பந்து வீச்சாளர் கைல் அபாட் தென் ஆப்பிரிக்க அணியை விடுத்து இங்கிலாந்து கவுண்டி ஹாம்ப்ஷயர் அணிக்கு விளையாட முடிவெடுத்துக் கிளம்புகிறார்.

கைல் அபாட்டுடன் இது குறித்து கிரிக்கெட் தென் ஆப்பிரிக்கா வாரியம் மேற்கொண்ட பேச்சு வார்த்தை முயற்சிகள் தோல்வியடைந்தன, தென் ஆப்பிரிக்காவுக்கு தொடர்ந்து விளையாடுமாறும் தென் ஆப்பிரிக்காவை விட்டுச் செல்ல வேண்டாம் என்றும் அபாட்டை கிரிக்கெட் வாரியத்தினால் சமாதானப்படுத்த முடியவில்லை. எனவே தென் ஆப்பிரிக்க கிரிக்கெட் வாரியத்துடனான கைல் அபாட்டின் ஒப்பந்தம் உடனடியாக முடிவுக்கு வருகிறது.

இலங்கைக்கு எதிராக இவர் ஆடும் 2-வது டெஸ்ட் போட்டிதான் கைல் அபாட்டின் சர்வதேச கிரிக்கெட் கடைசி போட்டியாக இருக்க வாய்ப்புள்ளது. இவர் இங்கிலாந்துக்கு ஆடுவதற்கு இன்னும் காலம் ஆகலாம் என்று தெரிகிறது. இவருடன் ரைலி ரூசோவ்வும் ஹாம்ப்ஷயர் செல்கிறார்.

கைல் அபாட் இது குறித்து கூறும்போது, “கடினமான முடிவுதான், ஆனால் சரியான முடிவு என்றே கருதுகிறேன். சில இரவுகள் சரியான முடிவுதான் எடுக்கிறேனா என்ற கேள்வியுடன் தூங்கச் சென்றேன். ஆனால் காலையில் எழுந்திருக்கும் போது ஹாம்ப்ஷயர் செல்வது சரியான முடிவுதான் என்ற தெளிவு பிறந்தது.

கடந்த சில மாதங்களில் நான் அணியிலிருந்து நீக்கப்படுவேன் என்ற உணர்வு ஏற்படாத நாளே இல்லை எனலாம். நான் தென் ஆப்பிரிக்க கிரிகெட்டுக்கு அர்ப்பணிப்புடன் இல்லையெனில் இந்த முடிவை நீண்ட காலம் முன்பே எடுத்திருப்பேன்.

பிப்ரவரி வந்தால் சர்வதேச கிரிக்கெட்டுக்கு அறிமுகமாகி 4 ஆண்டுகள் ஆகிவிடும். தென் ஆப்பிரிக்காவுக்கு நான் எந்த மட்டத்தில் ஆடினாலும் அங்கு இட ஒதுக்கீடு முறை இருந்தே வந்தது, இன்னும் இருந்து வருகிறது. ஆனால் இதனை நான் என் வெளியேற்றத்துக்கான காரணமாக பயன்படுத்திக் கொள்ளவில்லை. இனியும் மாட்டேன். நானும் பில்களுக்கு பணம் செலுத்த வேண்டும், நானும் மளிகை சாமான்கள் வாங்கியாக வேண்டும்” என்றார்.

தென் ஆப்பிரிக்க கேப்டன் டுபிளெசிஸ் கூறும்போது, “இந்த வழியில் நாங்கள் இப்படி நடப்பதை ஒருபோதும் விரும்பியதில்லை. இதனை நாங்கள் எதிர்பார்க்கவில்லை, எங்கள் கட்டுப்பாட்டை விட்டு விஷயங்கள் வெகுதூரம் சென்று விட்டன. நாங்கள் அனைவரும் கைல் அபாட்டிடம் பேசி அவர் மனதை மாற்ற முயற்சி செய்தோம் ஆனால் அவர் ஏற்கெனவே ஒரு முடிவுக்கு வந்திருந்தார். என்ன... கைல் ஓரிரு விக்கெட்டுகளை வீழ்த்தி தனது கடைசி டெஸ்ட் போட்டியை முடித்திருந்தால் மகிழ்ச்சியடைந்திருப்போம்.

வாய்ப்பு, பணம், மாற்றம் என்று பல விஷயங்கள் இதில் உள்ளன. ஆனால் கைல் இதில் எதனை நாடுகிறார் என்று எனக்குத் தெரியவில்லை. அவர் பாதுகாப்பு கேட்கிறார், பாதுகாப்பு வேண்டும் என்று நினைக்கிறார். தென் ஆப்பிரிக்காவுக்கு அவர் ஆட வேண்டும் என்றே நான் விரும்பினேன், ஆனால் அவரது முடிவை மதிக்கிறேன், ஆனால் ஏற்றுக் கொள்ளவில்லை” இவ்வாறு வருத்தமாகக் கூறினார் டுபிளெசிஸ்

http://tamil.thehindu.com/sports/தென்-ஆப்பிரிக்க-அணியை-விட்டுச்-செல்கிறார்-கைல்-அபாட்/article9461542.ece?homepage=true

Categories: merge-rss

1996 உலக சம்பியன் அணி முன்னாள் கிரிக்கெட் வீரர்களுக்கு நிதியுதவி

Thu, 05/01/2017 - 11:13
1996 உலக சம்பியன் அணி முன்னாள் கிரிக்கெட் வீரர்களுக்கு நிதியுதவி

 

 

1996 ஆம் ஆண்டு கிரிக்கெட் உலக சம்­பி­ய­னான அணி வீரர்கள் இணைந்து முன்னாள் வீரர்­க­ளுக்கு உத­வி­களை வழங்­கு­வ­தற்­கான அறக்­கட்­டளை ஒன்றை கடந்த செவ்வாய்க்கிழமை அங்­கு­ரார்ப்­பணம் செய்­தனர்.

DSC_4107.JPG

இதன் மூலம் முன்னாள் வீரர்கள் இரு­வ­ருக்கு நிதி உத­வி­க­ளையும் அன்­றைய தினம் வழங்­கி­வைத்­தனர்.

அர்­ஜுன ரண­துங்க தலை­மை­யி­லான இலங்கை கிரிக்கெட் அணி 1996 ஆம் ஆண்டு உலகக் கிண்­ணத்தை வென்று இலங்­கையை உலக அளவில் பிர­கா­சிக்க வைத்­தது.

அந்த அணி வீரர்கள் அனை­வரும் இணைந்து  3.6 மில்­லியன் ரூபா நிதி­யுடன் புதிய அறக்­கட்­டளை ஒன்றை நேற்­று­முன்­தினம் அங்­கு­ரார்ப்­பணம் செய்­து­வைத்­தனர். 

DSC_4119.JPG

இந்­நி­கழ்வு எஸ்.எஸ்.சி. விளை­யாட்டுக் கழகத்தின் கேட்­போர்­ கூ­டத்தில் நடை­பெற்­றது. நிகழ்­விற்கு அர­விந்த டி சில்வா, அசங்க குரு­சிங்க, பிர­மோதய விக்­கி­ர­ம­சிங்க, ரொஷான் மஹா­னாம, சமிந்த வாஸ், களு­வி­தா­ரன, தர்­ம­சேன, உபுல் சந்தன என உலக சம்­பியன் அணி வீரர்கள் பலரும் கலந்­து­கொண்­டனர். 

DSC_4121.JPG

இந்­நி­கழ்வில் ரொஷான் மஹா­னாம கருத்து தெரி­விக்­கையில்,

1996ஆம் ஆண்­டுக்கு முன்னர் நாட்­டுக்­காக கிரிக்கெட் விளை­யா­டிய வீரர்கள் பெரும் கஷ்­டத்­திற்கு மத்­தியில் வாழ்ந்து வரு­கின்­றனர். போட்­டி­களை வென்ற அவர்களால் வாழ்க்கையை வெல்ல முடியாமல் போனது துரதிர்ஷ்ட வசமான சம்பவம். 

உதவிகள் தேவைப்படும் வீரர்களை கண்டறிந்து அவர்களுக்கு உதவி செய்வதுதான் இந்த அறக்கட்டளையின் முக்கிய நோக்கம் என்றார். இந்த சேவைகள் அனைத்தும் இலங்கை கிரிக்கெட் வீரர்களின் சங்கத்தின் ஊடாக நடை முறைப்படுத்தப்படும் என்றும் அவர் தெரிவித்தார்.

http://www.virakesari.lk/article/15119

Categories: merge-rss

கேப்டன் பதவியில் இருந்து தோனி விலகல்

Wed, 04/01/2017 - 15:58
கேப்டன் பதவியில் இருந்து தோனி விலகல்

dhoni_21432.jpg

இந்திய ஒருநாள் கிரிக்கெட் அணியின் கேப்டன் பதவியில் இருந்து மகேந்திர சிங் தோனி விலகினார். இங்கிலாந்துக்கு எதிரான ஒருநாள் மற்றும் டி20 போட்டிகளில் அவர் இடம் பெறுவதற்கு வாய்ப்புள்ளது. பிசிசிஐ-யின் அதிகாரப்பூர்வ ட்விட்டர் பக்கத்தில் இந்த தகவல் தெரிவிக்கப்பட்டுள்ளது. ஏற்கெனவே, அவர் வகித்து வந்த இந்திய டெஸ்ட் கிரிக்கெட் கேப்டன் பதவியில் இருந்து விலகியிருந்தார்.

http://www.vikatan.com/news/india/76889-dhoni-steps-down-as-captain-of-the-indian-cricket-team.art

ஒருநாள், டி20 கேப்டன் பொறுப்பிலிருந்து எம்.எஸ்.தோனி திடீர் விலகல்

 

 
 சந்தீப் சக்சேனா.
தோனி. | கோப்புப் படம்: சந்தீப் சக்சேனா.
 
 

இந்திய ஒருநாள் மற்றும் டி20 அணி கேப்டன் பொறுப்பிலிருந்து எம்.எஸ்.தோனி விலகுவதாக அறிவித்துள்ளார்.

ஆனால் இங்கிலாந்துக்கு எதிரான தொடரில் வீரராக, விக்கெட் கீப்பராக அணித்தேர்வுக்கு தான் தயாராக இருப்பதாக தெரிவித்துள்ளார்.

மும்பையில் அணித்தேர்வுக்குழுவினர் ஜனவரி 6-ம் தேதி கூடி இங்கிலாந்துக்கு எதிரான ஒருநாள் மற்றும் டி20 அணிகளைத் தேர்வு செய்யவுள்ள நிலையில் தோனி விலகுவதாக அறிவித்துள்லார்.

தோனி விலகல் குறித்து தெரிவித்த இந்திய கிரிக்கெட் கட்டுப்பாட்டு வாரிய தலைமைச் செயலதிகாரி ராகுல் ஜோஹ்ரி கூறும்போது, “ஒவ்வொரு இந்திய ரசிகர் மற்றும் பிசிசிஐ சார்பாக இந்திய அணியின் கேப்டனாக தோனி ஆற்றிய பங்களிப்புக்கு நன்றி தெரிவித்துக் கொள்கிறோம்.

தோனியின் தலைமையில் இந்திய அணி புதிய உச்சங்களை எட்டியது, இவரது சாதனைகள் இந்திய கிரிக்கெட்டில் எந்நாளும் நீக்கமற நிறைந்திருக்கும்” என்றார்.

http://tamil.thehindu.com/sports/ஒருநாள்-டி20-கேப்டன்-பொறுப்பிலிருந்து-எம்எஸ்தோனி-திடீர்-விலகல்/article9459536.ece?homepage=true

Categories: merge-rss

இந்திய கிரிக்கெட் வாரியத்தின் தலைவராக கங்குலி நியமிக்கப்பட வாய்ப்பு?

Tue, 03/01/2017 - 22:08
இந்திய கிரிக்கெட் வாரியத்தின் தலைவராக கங்குலி நியமிக்கப்பட வாய்ப்பு?

 

இந்திய கிரிக்கெட் வாரியத்தின் தலைவராக கங்குலி நியமிக்கப்பட வாய்ப்பு இருப்பதாக தகவல்கள் வெளியாகியுள்ளன.

 
 
இந்திய கிரிக்கெட் வாரியத்தின் தலைவராக கங்குலி நியமிக்கப்பட வாய்ப்பு?
 
புதுடெல்லி:

லோதா கமிட்டியின் பரிந்துரைகளை அமல்படுத்த தவறியதால் இந்திய கிரிக்கெட் வாரிய தலைவர் அனுராக் தாகூர், செயலாளர் அஜய் ஷிர்கே ஆகியோரை நீக்கி, சுப்ரீம் கோர்ட்டு உத்தரவு பிறப்பித்துள்ளது.

இதையடுத்து செல்வாக்குமிக்க இந்திய கிரிக்கெட் வாரிய தலைவர் பதவியை ஏற்கப்போவது யார்? என்ற எதிர்பார்ப்பு அதிகரித்து இருக்கிறது. இந்த பணிக்கு தகுதியான நபரை அடையாளம் காண சுப்ரீம் கோர்ட்டு மூத்த வக்கீல்களை நியமித்துள்ளது.

இந்த நிலையில் இந்திய கிரிக்கெட் வாரியத்தின் அடுத்த தலைவராக முன்னாள் கேப்டன் சவுரவ் கங்குலி நியமிக்கப்பட வாய்ப்பு இருப்பதாக தகவல்கள் வெளியாகியுள்ளன. சவுரவ் கங்குலி, தற்போது பெங்கால் கிரிக்கெட் சங்கத்தின் தலைவராக இருக்கிறார். கிரிக்கெட் வாரிய நிர்வாக கூட்டங்களில் பங்கேற்ற அனுபவம் அவருக்கு உண்டு.

இந்திய கிரிக்கெட் அரங்கில் புகழ்பெற்ற வீரராக விளங்கிய கங்குலியே இந்த பதவிக்கு பொருத்தமானவர் என்று முன்னாள் கேப்டன் சுனில் கவாஸ்கரும் கூறியிருப்பது குறிப்பிடத்தக்கது.
 
Categories: merge-rss

பாக். மண்ணில் கிரிக்கெட்: பாதுகாப்பு அனுமதி, வீரர்கள் ஒப்பந்தம் குறித்து யோசிக்கும் வெ.இண்டீஸ்

Tue, 03/01/2017 - 22:08
பாக். மண்ணில் கிரிக்கெட்: பாதுகாப்பு அனுமதி, வீரர்கள் ஒப்பந்தம் குறித்து யோசிக்கும் வெ.இண்டீஸ்

பாகிஸ்தான் மண்ணில் விளையாடுவதற்கு பாதுகாப்பு அனுமதி மற்றும் வீரர்கள் ஒப்பந்தம் தொடர்பான பிரச்சினை குறித்து வெஸ்ட் இண்டீஸ் கிரிக்கெட் வாரியம் யோசித்து வருகிறது.

 
 பாதுகாப்பு அனுமதி, வீரர்கள் ஒப்பந்தம் குறித்து யோசிக்கும் வெ.இண்டீஸ்
 
2009-ம் ஆண்டு பாகிஸ்தான் மண்ணில் இலங்கை கிரிக்கெட் வீரர்கள் மீது தீவிரவாதிகள் தாக்குதல் நடத்தினார்கள். அதன்பிற்கு எந்தவொரு கிரிக்கெட் அணியும் பாகிஸ்தான் சென்று விளையாடவில்லை. இதனால் எப்படியாவது முன்னணி அணிக்கெதிரான தொடரை பாகிஸ்தான் மண்ணில் நடத்தியே தீர வேண்டும் என்று பாகிஸ்தான் கிரிக்கெட் வாரியம் தொடர் முயற்சியில் ஈடுபட்டு வருகிறது.

இதற்கிடையில் அமெரிக்காவின் புளோரிடாவில் உள்ள சர்வதேச கிரிக்கெட் மைதானத்தில் இந்தியா - வெஸ்ட் இண்டீஸ் அணிகளுக்கு இடையிலான டி20 கிரிக்கெட் தொடர் நடைபெற்றது. புளோரிடா மைதானத்தில் வெஸ்ட் இண்டீஸ் அணி தங்களது சொந்த மைதானமாக கருதி விளையாடி வருகிறது.

இதனால் பாகிஸ்தான் அணி இரண்டு டி20 போட்டிகளில் தங்களுடன் புளோரிடா மைதானத்தில் விளையாட வேண்டும் என்று பாகிஸ்தான் கிரிக்கெட் வாரியத்திடம் கேட்டுக்கொண்டது. இதற்கு பதிலளித்த பாகிஸ்தான், ‘எங்கள் நாட்டிற்கு வந்து இரண்டு டி20 கிரிக்கெட் போட்டியில் விளையாட வந்தால், நாங்கள் விளையாட தயார்’ என்று கடிதம் அனுப்பியது.

இந்த கடிதம் குறித்து வெஸ்ட் இண்டீஸ் கிரிக்கெட் வாரியத்தின் கிரிக்கெட்டுக்கான நடவடிக்கை மானேஜர் ரோலண்ட் ஹோல்டர் கூறுகையில் ‘‘நாங்கள் பாகிஸ்தான் மண்ணில் இரண்டு டி20 போட்டிகளில் விளையாட வேண்டும் என்று பாகிஸ்தான் கிரிக்கெட் வாரியத்திடம் இருந்து கடிதம் வந்துள்ளது. ஆனால், கிரிக்கெட் வீரர்கள் சங்கத்தின் ஒப்பந்தம், பாதுகாப்பு அனுமதி முக்கிய அம்சமாக இருக்கிறது.

பாகிஸ்தான் கிரிக்கெட் வாரியத்தின் பாதுகாப்பு திட்டம் குறித்த அறிக்கை கிடைக்கப் பெற்றோம். அதை எங்களுடைய பாதுகாப்பு மானேஜர், வெஸ்ட் இண்டீஸ் வீரர்களுக்கான சங்கம் மற்றும் தனிப்பட்ட சர்வதேச பாதுகாப்பு நிறுவனம் ஆகியவற்றிற்கு அனுப்பியுள்ளோம். அவர்கள் எங்களுக்கு பாதுகாப்பு குறித்து அறிக்கை அளிக்க இருக்கின்றனர்.

வீரர்கள் மற்றும் கிரிக்கெட் அணியின் அதிகாரிகள் ஆகியோரின் பாதுகாப்பு மிகமிக முக்கியம் என்பதால், அதற்கு 100 சதவீதம் உத்தரவாதம் கிடைக்கும் வகையில் நாங்கள் முயற்சி செய்து கொண்டு வருகிறோம். போட்டிகள் நடக்கும் இடத்தை நாங்கள் ஆய்வு செய்து, அறிக்கை எங்களுக்கு கிடைத்தவுடன் இறுதி முடிவு எடுக்கப்படும்’’ என்றார்.

சமீபத்தில் நடைபெற்ற ஐ.சி.சி. பொதுக்கூட்டத்தில் வெஸ்ட் இண்டீஸ் அணியிடம் பாகிஸ்தான் கிரிக்கெட் வாரியம் பேச்சுவார்த்தை நடத்தி லாகூரில் மார்ச் மாதம் 18, 19-ல் இரண்டு டி20 கிரிக்கெட் போட்டிகள் நடத்தலாம். அதன்பிறகு புளோரி்டாவில் இரண்டு டி20 போட்டிகளை நடத்திக் கொள்ளலாம் என்று கூறியிருந்தது குறிப்பிடத்தக்கது
 
Categories: merge-rss

முதல் டி20 கிரிக்கெட்: வங்காள தேசத்தை 6 விக்கெட் வித்தியாசத்தில் வீழ்த்தியது நியூசிலாந்து

Tue, 03/01/2017 - 10:16
முதல் டி20 கிரிக்கெட்: வங்காள தேசத்தை 6 விக்கெட் வித்தியாசத்தில் வீழ்த்தியது நியூசிலாந்து

கேன் வில்லியம்சின் அபார ஆட்டத்தால் முதல் டி20 கிரிக்கெட் போட்டியில் வங்காள தேசத்தை 6 விக்கெட்டுக்கள் வித்தியாசத்தில் வீழ்த்தியது நியூசிலாந்து.

 
 வங்காள தேசத்தை 6 விக்கெட் வித்தியாசத்தில் வீழ்த்தியது நியூசிலாந்து
 
வங்காள தேசம் அணி மூன்று வகை கிரிக்கெட் தொடரிலும் விளையாடுவதற்காக நியூசிலாந்து சென்றுள்ளது. ஏற்கனவே முடிவடைந்த இரு அணிகளுக்கு இடையிலான ஒருநாள் தொடரை நியூசிலாந்து 3-0 எனக் கைப்பற்றியது.

இந்நிலையில் மூன்று போட்டிகள் கொண்ட டி20 கிரிக்கெட் தொடர் இன்று தொடங்கியது. நேப்பியரில் நடைபெற்ற முதல் போட்டியில் வங்காள தேசம் அணி டாஸ் வென்று பேட்டிங் தேர்வு செய்தது. அந்த அணியின் முதல் ஐந்து வீரர்களான தமீம் இக்பால் (11), இம்ருல் கெய்ஸ் (0), சபீர் ரஹ்மான் (16), சாஹிப் அல் ஹசன் (14), சவுமியா சர்கார் (0) ஆகியோர் விரைவில் ஆட்டம் இழந்தாலும், அடுத்து வந்த மெஹ்முதுல்லா 47 பந்தில் தலா மூன்று பவுண்டரி, சிக்சர்களுடன் 52 ரன்கள் அடித்து ஆறுதல் அளித்தார். இதனால், வங்காள தேசம் அணி 20 ஓவர்கள் முடிவில் 8 விக்கெட் இழப்பிற்கு 141 ரன்கள் குவித்தது.

04878458-04E7-43AB-B388-84A60F7A8FC3_L_s

பின்னர் 142 ரன்கள் எடுத்தால் வெற்றி என்ற இலக்குடன் நியூசிலாந்து அணியின் ப்ரூம், கேப்டன் வில்லியம்சன் ஆகியோர் தொடக்க வீரர்களாக களம் இறங்கினார்கள். ப்ரூம் 6 ரன்கள் எடுத்த நிலையில் ருபெல் ஹொசைன் பந்தில் ஆட்டம் இழந்தார். அடுத்து வந்த கொலின் முன்றோவை ரன்ஏதும் எடுக்க விடாமல் டக்அவுட்டில் பெவிலியனுக்கு திருப்பி அனுப்பினார் முஷ்டாபிஜூர் ரஹ்மான்.

அடுத்து வந்த கோரி ஆண்டர்சன் 13 ரன்னில் சாஹிப் அல் ஹசன் பந்திலும், ப்ருஸ் 7 ரன்னில் ரன்அவுட் முறையிலும் ஆட்டம் இழந்தனர். இதனால் நியூசிலாந்து அணி 10.1 ஓவரில் 62 ரன்கள் எடுப்பதற்குள் 4 விக்கெட்டுக்களை இழந்தது. அப்போது நியூசிலாந்து அணியின் வெற்றிக்கு 59 பந்தில் 80 ரன்கள் தேவையிருந்தது.

AF286F2E-5B3F-47F9-94C2-DC7314803ECA_L_s

5-வது விக்கெட்டுக்கு கேப்டன் வில்லியம்சனுடன் கிராண்ட்ஹோம் ஜோடி சேர்ந்தார். இந்த ஜோடி வங்காள தேசத்தின் பந்து வீச்சை துவம்சம் செய்து 18 ஓவர்களிலேயே 143 ரன்கள் எடுத்து, 12 பந்துகள் மீதமிருக்கையில் 6 விக்கெட்டுக்கள் வித்தியாசத்தில் வெற்றியை ருசித்தது. வில்லியம்சன் 55 பந்தில் 5 பவுண்டரி, 2 சிக்சர்களுடன் 73 ரன்களுடனும், கிராண்ட்ஹோம் 22 பந்தில் மூன்று பவுண்டரி, மூன்று சிக்சர்களுடன் 41 ரன்களும் சேர்த்து ஆட்டமிழக்காமல் இருந்தனர்.

இந்த வெற்றியின் மூலம் நியூசிலாந்து, மூன்று போட்டிகள் கொண்ட தொடரில் 1-0 என முன்னிலைப் பெற்றுள்ளது. 2-வது போட்டி 6-ந்தேதி நடக்கிறது.

http://www.maalaimalar.com/News/Sports/2017/01/03154142/1059883/t20-cricket-New-zealand-beats-bangladesh-by-6-wickets.vpf

Categories: merge-rss

பாகிஸ்தான் நடுவர் அலீம் தார் சாதனை

Tue, 03/01/2017 - 09:46
பாகிஸ்தான் நடுவர் அலீம் தார் சாதனை
 

21563Aleem-dar-copy.jpgபாகிஸ்­தானின் நடுவர் அலீம் தார் அதிக டெஸ்ட் போட்­டி­களில் நடுவராகப் பணியாற்றியவர் என்ற சாத­னையை நிலை­நாட்­டி­யுள்ளார்.

 

தென் ஆபி­ரிக்­கா­வுக்கும் இலங்­கைக்கும் இடையில் கேப் டவுனில் நடை­பெறும் டெஸ்ட் போட்­டி­யா­னது அவர் மத்­தி­யஸ்தம் வகிக்கும் 332ஆவது போட்­டி­யாகும். 

 

அலீம் தார் 2000ஆம் ஆண்டு முதன் முதலில் டெஸ்ட் போட்டி ஒன்றில் நடுவராகப்  கடமையாற்றியிருந்தார்.

 

இதற்கு முன்னர் அதிக டெஸ்ட்களில் நடுவராகப் பணியாற்றியவர் தென் ஆபிரிக்காவின் ரூடி கேர்ட்சன் ஆவார். இவர் 331 டெஸ்ட் போட்டிகளில் நடுவராகப்பணியாற்றியதுடன் 2010 இல் ஓய்வு பெற்றார்.

- See more at: http://www.metronews.lk/article.php?category=sports&news=21563#sthash.CmRcgT3H.dpuf
Categories: merge-rss

டெஸ்ட் போட்டியின் உணவு இடைவேளைக்கு முன்னர் சதமடித்து டேவிட் வார்னர் சாதனை

Tue, 03/01/2017 - 06:33
டெஸ்ட் போட்டியின் உணவு இடைவேளைக்கு முன்னர் சதமடித்து டேவிட் வார்னர் சாதனை
  •  
     

கிரிக்கெட் டெஸ்ட் போட்டியின் தொடக்க நாளில் உணவு இடைவேளைக்கு முன்பே சதமடித்த ஐந்தாவது வீரர் என்ற பெருமையை ஆஸ்திரேலியாவின் தொடக்க ஆட்டக்காரர் டேவிட் வார்னர் படைத்துள்ளார்.

அதிவேக சதமடித்த டேவிட் வார்னர்
 அதிவேக சதமடித்த டேவிட் வார்னர்

இன்று ( செவாய்க்கிழமை) சிட்னி கிரிக்கெட் மைதானத்தில் பாகிஸ்தானுக்கு எதிராக நடந்த டெஸ்ட் போட்டியின் போது, இடது கை தொடக்க ஆட்டக்காரரான வார்னர் 78 பந்துகளில் சதமடித்து இந்த சாதனையை எடுத்துள்ளார்.

டெஸ்ட் போட்டியின் முதல் நாளான இன்று, உணவு இடைவேளைக்கு நான்கு நிமிடங்களுக்கு முன்னர், வார்னர் இந்த மைல்கல்லை எட்டினார். வார்னர் 17 பவுண்டரிகளை விளாசி தனது சதத்தை அடைந்தார் என்பது குறிப்பிடத்தக்கது.

இது வரை, விக்டர் டிரம்பர், சார்லஸ் மெக்கார்டினி, டான் பிராட்மேன் மற்றும் மஜித் கான் ஆகியோர் மட்டுமே எடுத்துள்ள இந்த அரிய சாதனையை இன்று டேவிட் வார்னிங் சமன் செய்துள்ளார்.

http://www.bbc.com/tamil/sport-38493686

Categories: merge-rss

வாரம் 96 லட்சம் - மைக்கேல் ஷூமேக்கர் மெடிக்கல் பில் இதுவரை ரூ.116 கோடி!

Mon, 02/01/2017 - 07:28
வாரம் 96 லட்சம் - மைக்கேல் ஷூமேக்கர் மெடிக்கல் பில் இதுவரை ரூ.116 கோடி!

மெடிக்கல் பில்

‘ஒரு தலைவலி, காய்ச்சல் என்றாலே 500 ரூவா காலியாகிடுதுப்பா” - இப்படிப் புலம்பாதவர்களே இருக்க முடியாது. மருத்துவச் செலவுகள் என்பது தவிர்க்க முடியாததாக ஆகிவிட்ட காலகட்டம் இது. எதிர்பாராதவிதமாய் ஒரு விபத்தில் மாட்டிக் கொண்ட கார் பந்தய ஜாம்பவான் மைக்கேல் ஷூமேக்கரின் மெடிக்கல் பில் தற்போது வெளியிடப்பட்டுள்ளது. இவரது மருத்துவச் செலவாக இதுவரை ரூ. 116 கோடி செலவிடப்பட்டுள்ளது.  

ஜெர்மன் நாட்டைச் சேரந்த 45 வயதான பார்மூலா -1 கார் பந்தய வீரர் மைக்கல் ஷூமேக்கர் கடந்த 2013 ஆம் ஆண்டு  டிசம்பர் மாதம் 19 ஆம் தேதி,  பிரான்சில் உள்ள ஆல்ப்ஸ் மலைப் பகுதியில் பனிச்சறுக்கு விளையாட்டில் ஈடுபட்டுக் கொண்டிருந்தார். அப்போது ஏற்பட்ட விபத்தில் பாறையில் மிக வேகமாக அவரது தலை சென்று மோதியது. ஹெல்மட் அணிந்திருந்தும் தலையில் பலத்த காயம் எற்பட்டது. தொடர்ந்து கோமா நிலைக்கு அவரது உடல் நிலை சென்றது.

பாரீசில் கிரீனோபல் மருத்துவமனையில் முதற்கட்ட சிகிச்சை அளிக்கப்பட்டது. தீவிர சிகிச்சைக்கு பின் ஷூமேக்கர் உயிர் பிழைத்துக் கொண்டார். ஆயினும் கோமாவிலேயே இருந்தார். அவரது உடல்நிலை குறித்து குடும்பத்தினர் ரகசியமாகவே வைத்திருந்தனர். இதனிடையே பாரீசில் ஷூமேக்கர் சிகிச்சை அளிக்கப்பட்ட மருத்துவமனைக்குள் பத்திரிகையாளர் ஒருவர் பாதிரியார் வேடம் அணிந்து சிகிச்சை அறைக்குள் செல்ல முயன்று ஷுமேக்கர் குடும்பத்தினரிடம் பிடிபட்ட கதையும் நடந்திருக்கிறது. 

கடந்த 2014ம் ஆண்டு  மார்ச் 7 ஆம் தேதி  சற்று உடல் நலம் தேறிய அவர், தீவிர சிகிச்சை பிரிவில் இருந்து சாதாரண வார்டுக்கு மாற்றப்பட்டார். சுமார் 6 மாத காலமாக கோமா நிலையில் இருந்த மைக்கல்  ஷூமேக்கர், அதில் இருந்து மீண்டார்.  கிரீனோபல் மருத்துவமனையில் இருந்து ஷூமேக்கர் டிஸ்சார்ஜ் செய்யப்பட்டார். பின்னர் சுவிட்சர்லாந்து நாட்டில் லசானே நகரில் யூனிவர்சிடி மருத்துவமனையில் அடுத்தக்கட்ட சிகிச்சைக்கு அனுமதிக்கப்பட்டார். ஷூமேக்கர் கோமாவில் இருந்து மீண்டாலும் கை, கால்கள் செயல்படவில்லை. பழைய நினைவுகள் இல்லை. பேசவும் முடியாத நிலையில், லசானே நகர மருத்துவமனையில் சிகிச்சை அளிக்கப்பட்டு வந்தது. தற்போது ஜெனிவா நகரில் உள்ள அவரது வீட்டில் வைத்தே சிகிச்சை அளிக்கப்பட்டு வருகிறது. 

மைக்கேல் ஷூமேக்கர் உடல் நிலையை டாக்டர்கள், நர்சுகள் என 15 பேர் கொண்ட குழு தொடர்ந்து கண்காணித்து வருகிறது. அவரது மருத்துவச் செலவாக கடந்த 3 ஆண்டுகளில் 14 மில்லியன் பவுண்டுகள் செலவிடப்பட்டுள்ளது. இந்திய மதிப்பில் கிட்டத்தட்ட ரூ.116 கோடி. ஒரு வாரத்திற்கு 115,000 பவுண்டுகள் செலவாகிறது. இந்திய மதிப்பில் சுமார் ரூ.96 லட்சம். இத்தனை கோடி செலவழித்த பின்னரே, மைக்கல் ஷூமேக்கர் சுய உணர்வுக்குத் திரும்பியுள்ளார். 

ஷூமேக்கரின் உடல்நிலை குறித்து அவரது மேலாளர் சபின் கெம் விடுத்துள்ள அறிக்கையில், ''ஷூமேக்கரின் உடல்நிலை பொதுப்பிரச்னை அல்ல. அதனால், அவரது உடல் நிலை குறித்து நாங்கள் எதுவும் மக்களிடம் தெரிவிக்க முடியாது. அவர் மீது அன்பு கொண்ட மக்கள் இதனை புரிந்துகொள்ள வேண்டும். அமைதியாக அவருக்கு சிகிச்சை மேற்கொள்ள உதவ வேண்டும்'' என தெரிவித்துள்ளார். 

பார்முலா ஒன் சாம்பியன் பட்டத்தை 7 முறை மைக்கேல் ஷூமேக்கர் வென்றுள்ளார். 1994-95 ம் ஆண்டுகளில் பென்னட்டன் குழுவுடனும் 2000 முதல் 2004ம் ஆண்டு வரை ஃபெராரி  குழுவுடனும் பார்மூலா ஒன் பட்டத்தை ஷூமேக்கர் கைப்பற்றியுள்ளார். மைக்கேல் ஷூமேக்கருக்கு கோரினா என்ற மனைவியும் ஜினா மேரி என்ற மகளும் மைக் என்ற மகனும் இருக்கின்றனர். 

http://www.vikatan.com/news/sports/76445-michael-schumacher-spends-3-years-in-coma-medical-bills-have-crossed-rs-116-crore.art

Categories: merge-rss

சுப்ரீம் கோர்ட் அதிரடி: பி.சி.சி.ஐ. தலைவர் பதவியில் இருந்து அனுராக் தாக்கூர் நீக்கம்

Mon, 02/01/2017 - 07:02
சுப்ரீம் கோர்ட் அதிரடி: பி.சி.சி.ஐ. தலைவர் பதவியில் இருந்து அனுராக் தாக்கூர் நீக்கம்

 

இந்திய கிரிக்கெட் கட்டுப்பாட்டு வாரிய தலைவர் அனுராக் தாக்கூர், செயலாளர் அஜய் ஷிர்கே ஆகியோரை அப்பதவிகளில் இருந்து நீக்கி சுப்ரீம் கோர்ட் இன்று உத்தரவிட்டுள்ளது.

 
 
 
 பி.சி.சி.ஐ. தலைவர் பதவியில் இருந்து அனுராக் தாக்கூர் நீக்கம்
 
புதுடெல்லி:

இந்திய கிரிக்கெட் கட்டுப்பாட்டு வாரியத்தின் முக்கிய செயல்பாடுகளில் வெளிப்படைத்தன்மை இருக்கும் வகையில் புதிய நிர்வாகிகள் நடந்துகொள்ள வேண்டும் என கடந்த ஜூலை மாதம் சுப்ரீம் கோர்ட் உத்தரவிட்டிருந்தது.

ஆனால், இந்த உத்தரவுக்கு மதிப்பளிக்காத இந்திய கிரிக்கெட் கட்டுப்பாட்டு வாரிய நிர்வாகிகள் சில முடிவுகளை தன்னிச்சையாக செயல்பட்டதாக குற்றச்சாட்டுகள் எழுந்தன.

இந்த அத்துமீறல்களை சுட்டிக்காட்டிய மனு மீதான விசாரணை இன்று சுப்ரீம் கோர்ட் தலைமை நீதிபதி டி.எஸ். தாக்கூர் தலைமையிலான அமர்வின் முன்னார் விசாரணைக்கு வந்தது.

கோர்ட்டின் உத்தரவை பின்பற்றத் தவறிய இந்திய கிரிக்கெட் கட்டுப்பாட்டு வாரிய தலைவர் அனுராக் தாக்கூர், செயலாளர் அஜய் ஷிர்கே ஆகியோரை அப்பதவிகளில் இருந்து நீக்கி இந்த அமர்வு அதிரடியாக உத்தரவு பிறப்பித்துள்ளது. இதுதொடர்பாக, உங்கள் மீது ஏன் நடவடிக்கை எடுக்க கூடாது? என்று விளக்கம் அளிக்குமாறும் உத்தரவிடப்பட்டுள்ளது.

இந்திய கிரிக்கெட் கட்டுப்பாட்டு வாரியத்தின் புதிய தலைவர் மற்றும் செயலாளரை தேர்ந்தெடுக்கும் பணிகளை மேற்பார்வை செய்வதற்காக பிரபல சட்ட நிபுணர் ஃபாலி எஸ். நாரிமனை நியமித்தும் உத்தரவு பிறப்பிக்கப்பட்டுள்ளது.

http://www.maalaimalar.com/News/Sports/2017/01/02122526/1059573/SC-removes-Anurag-Thakur-Ajay-Shirke-from-BCCI.vpf

Categories: merge-rss

ரொனால்டோவின் கடின உழைப்பு எனக்கு உத்வேகம் அளித்தது: விராட் கோலி

Sun, 01/01/2017 - 20:21
ரொனால்டோவின் கடின உழைப்பு எனக்கு உத்வேகம் அளித்தது: விராட் கோலி
 

கிறிஸ்டியானோ ரொனால்டோவின் கடின உழைப்பினால் அதிக அளவில் உத்வேகம் அடைந்துள்ளேன் என்று இந்திய டெஸ்ட் கிரிக்கெட் அணியின் கேப்டன் விராட் கோலி கூறியுள்ளார்.

 
 விராட் கோலி
 
கால்பந்து உலகில் கொடிகட்டிப் பறப்பவர் போர்ச்சுக்கல் நாட்டின் கிறிஸ்டியானா ரொனால்டோ. ஸ்பெயின் நாட்டின் ரியல் மாட்ரிட் அணிக்காக விளையாடும் அவர், கடின உழைப்பால் 31 வயதிலும் தலைசிறந்த வீரராக திகழ்ந்து வருகிறார்.

இந்திய டெஸ்ட் கிரிக்கெட் அணியின் கேப்டனாக இருக்கும் விராட் கோலி தனது கடின முயற்சியால் தலைசிறந்த வீரராக திகழ்ந்து வருகிறார். தனது கடின உழைப்பிற்கு கிறிஸ்டியானோ ரொனோல்டோவின் கடின உழைப்புதான் உத்வேகம் கொடுத்தது என்று கூறியுள்ளார்.

இதுகுறித்து விராட் கோலி மேலும் கூறுகையில் ‘‘நான் கிறிஸ்டியானோ ரொனால்டோவிடமிருந்து ஏராளமான வகையில் உத்வேகம் பெற்றுள்ளேன். கடின உழைப்பினால் அவர் பல வருடங்களாக முதல் இடத்தில் உள்ளார். உலகிலேயே மிகவும் கடினமாக உழைக்கக்கூடியவர் (கடின பயிற்சி) ரொனால்டோதான் என்று கேள்விப்பட்டிருக்கிறேன். அதனால்தான் அவர் அந்த இடத்தில் இருக்கிறார். மெஸ்சி ஒரு சிறந்த மேதை. ஆனால், கடின உழைப்பில் ரொனால்டோ அவரை விடச் சிறந்தவர்.’’ என்றார்.

http://www.maalaimalar.com/News/Sports/2017/01/01215358/1059468/I-take-a-lot-of-inspiration-from-Cristiano-Ronaldo.vpf

Categories: merge-rss

2016-இல் விளையாட்டு உலகம் - சாதனைகளும், சர்ச்சைகளும்

Sun, 01/01/2017 - 12:12
2016-இல் விளையாட்டு உலகம் - சாதனைகளும், சர்ச்சைகளும்

 

கடந்த 2016-ஆம் ஆண்டில், விளையாட்டு உலகில் பல சாதனைகள் முறியடிக்கப்பட்டன; புதிய வரலாறு நிகழ்த்தப்பட்டது; சாதனையாளர்கள் தங்களை உறுதிப்படுத்திக் கொண்டனர்; புதிய நம்பிக்கை நட்சத்திரங்கள் உருவாகியுள்ளனர். 2016-இல் நடந்த விளையாட்டு உலக சாதனைகள் மற்றும் நிகழ்வுகள் குறித்த தொகுப்பை இங்கு காணலாம்.

 
  ரியோ ஒலிம்பிக்ஸ் டென்னிஸ் : புதிய நம்பிக்கை நட்சத்திரங்களாக உருவெடுத்த அன்ஜெலீக் கெர்பர், வாவ்ரிங்கா
  • டென்னிஸ் போட்டிகளில் மிகவும் முக்கியமானதாக கருதப்படும் கிராண்ட்ஸ்லாம் போட்டிகளில், ஆண்கள் ஒற்றையர் பிரிவில் ஆஸ்திரேலிய மற்றும் ஃபிரெஞ் ஓபன் பட்டங்களை ஜோகோவிச் வென்றார். விம்பிள்டன் பட்டத்தை பிரிட்டன் வீரர் ஆண்டி மர்ரீயும், அமெரிக்க ஓபன் பட்டத்தை ஸ்டேன் வாவ்ரிங்காவும் வென்றனர்.
ஸ்டேன் வாவ்ரிங்காஅமெரிக்க ஓபன் பட்டத்தை வென்ற ஸ்விட்சர்லாந்தின் ஸ்டேன் வாவ்ரிங்கா
  • மகளிர் ஒற்றையர் பிரிவில் ஆஸ்திரேலிய மற்றும் அமெரிக்க ஓபன் கிராண்ட்ஸ்லாம் பட்டங்களை ஜெர்மனியின் அன்ஜெலீக் கெர்பர் வென்றார்.
அன்ஜெலீக் கெர்பர்  2016-இல் இரண்டு கிராண்ட்ஸ்லாம்களை வென்ற அன்ஜெலீக் கெர்பர்
  • ஆனால், இதை விட அதிக கவனம் பெற்றது செரீனா வில்லியம்ஸ் வென்ற ஏழாவது விம்பிள்டன் பட்டம் தான். இதன் மூலம் 22-வது கிராண்ட்ஸ்லாம் பட்டம் வென்ற ஜெர்மனி வீராங்கனை ஸ்டெபி கிராப்பின் சாதனையை செரீனா சமன் செய்தார்.
  • டிசம்பர் மாதத்தில், இரண்டு முறை விம்பிள்டன் சாம்பியனான பெட்ரா க்விடோவா, தனது வீட்டில் நடந்த கத்திக்குத்து தாக்குதல் சம்பவத்தில் காயமடைந்தார். இதனால் பெட்ரா அடுத்த மூன்று மாதங்களுக்கு டென்னிஸ் போட்டிகளில் விளையாட மாட்டார் என்று தெரிவிக்கப்பட்டுள்ளது.
பெட்ரா க்விடோவா கத்திக்குத்து சம்பவத்தில் காயமடைந்த பெட்ரா க்விடோவா ஆஸ்திரேலியாவின் தடுமாற்றமும், இந்தியா மற்றும் மேற்கிந்தியத்தீவுகளின் ஆதிக்கமும் கலந்த 2016 கிரிக்கெட்
  • இந்தியாவில் நடைபெற்ற டி20 உலக கோப்பையை தனது அதிரடியான ஆட்டம் மூலமாக, மேற்கிந்திய தீவுகள் அணி வென்றது. கொல்கத்தாவில் உள்ள ஈடன் கார்டன் மைதானத்தில் இங்கிலாந்து அணிக்கு எதிராக நடைபெற்ற இறுதிப் போட்டியில், மிகவும் பரபரப்பான இறுதி நிமிடங்களில் மேற்கிந்திய வீரர் பிராத்வெயிட்டின் அதிரடியால் மேற்கிந்திய அணி கோப்பையை வென்றது.
மேற்கிந்திய வீரர் பிராத்வெயிட்டின் அதிரடிமேற்கிந்திய வீரர் பிராத்வெயிட்டின் அதிரடி
  • இங்கிலாந்துக்கு எதிரான டெஸ்ட் தொடரை 4 -0 என்று இந்திய அணி கைப்பற்றியது. மிகச் சிறப்பாக பங்களித்த இந்திய அணித்தலைவர் விராட் கோலி தொடர் நாயகனாக தேர்வு செய்யப்பட்டார்.
இங்கிலாந்து அணியை 4-0 என்ற வென்ற இந்திய அணி  இங்கிலாந்து அணியை 4-0 என்ற வென்ற இந்திய அணி
  • சென்னை சேப்பாக்கம் மைதானத்தில் இங்கிலாந்து அணிக்கு எதிராக நடைபெற்ற ஐந்தாவது மற்றும் இறுதி கிரிக்கெட் டெஸ்ட் போட்டியில், இளம் வீரர் கருண் நாயர் முச்சதமடித்துள்ளார். இது அவரது மூன்றாவது டெஸ்ட் போட்டி தான் என்பது குறிப்பிடத்தக்கது.
கருண் நாயர் முச்சதம் எடுத்த கருண் நாயர்
  • மேலும், ஜிம்பாப்வே, மேற்கிந்தியத்தீவுகள் மற்றும் நியூஸிலாந்து அணிகளுக்கு எதிரான டெஸ்ட் தொடர்களையும் வென்ற இந்திய அணி டெஸ்ட் கிரிக்கெட் தரவரிசையில் முதலிடத்தை பெற்றது.
  • கடந்த பல ஆண்டுகளாக டெஸ்ட் கிரிக்கெட்டில் ஆதிக்கம் செலுத்தி வந்த ஆஸ்திரேலியாவுக்கு, 2016 பல சரிவுகளை உண்டாக்கியது. இலங்கையில் நடந்த மூன்று டெஸ்ட் போட்டிகளிலும் தோல்வியுற்ற ஆஸ்திரேலியா, அதன் பின்னர் தென்னாப்ரிக்காவுக்கு எதிராக தன் சொந்த மண்ணில் நடந்த முதல் இரண்டு டெஸ்ட் போட்டிகளிலும் தோல்வியுற்று, தொடந்து 5 டெஸ்ட் போட்டிகளில் தோல்வியடைந்தது.
கைல் அபோட் ஆஸ்திரேலியாவுக்கு எதிரான டெஸ்ட் தொடரில் சிறப்பாக பந்துவீசிய கைல் அபோட்
  • டி20 மகளிர் ஆசிய கோப்பை இறுதியாட்டத்தில், பாகிஸ்தான் அணியை வீழ்த்தி, ஆசிய சாம்பியன்ஷிப் பட்டத்தை இந்திய மகளிர் அணி வென்றது.
டி20 மகளிர் ஆசிய சாம்பியன் பட்டத்தை வென்றது இந்தியா  டி20 மகளிர் ஆசிய சாம்பியன் பட்டத்தை வென்றது இந்தியா

'டூர் தெ பிரான்ஸ்': மீன்டும் வென்றார் கிறிஸ் ஃபுரூம்

  • ஜுலை 2-ஆம் தேதியன்று, பிரான்ஸில் உள்ள நார்மண்டியில் உலகின் மிகப் பிரபலமான சைக்கிள் பந்தயமான ' 2016- டூர் தெ பிரான்ஸ்' துவங்கியது. உலகின் முன்னணி சைக்கிள் பந்தய வீரர்கள் இதில் பங்கேற்றனர்.
  • உலககெங்கும் உள்ள சைக்கிள் பந்தய ரசிகர்களின் விருப்பமான இந்த தொடரை பிரிட்டனின் கிறிஸ் ஃபுரூம் வென்றார். இது அவர் வென்ற மூன்றாவது 'டூர் தெ பிரான்ஸ்' பட்டம் என்பது குறிப்பிடத்தக்கது.
மீண்டும் பட்டம் வென்ற கிறிஸ் ஃபுரூம்  மீண்டும் பட்டம் வென்ற கிறிஸ் ஃபுரூம் ரியோ ஒலிம்பிக் போட்டிகளின் முக்கிய மணித்துளிகள்
  • கடந்த ஆகஸ்ட் மாதம், பிரேசிலில் உள்ள ரியோ டி ஜெனிரோ நகரில் 16 நாட்கள் குறிப்பிடத்தக்க வகையில் ஒலிம்பிக் போட்டிகள் நடந்தன.
  • 207 நாடுகளை சேர்ந்த பத்தாயிரத்துக்கும் மேற்பட்ட தடகள வீரர்கள், 31 விளையாட்டுப் பிரிவுகளில் பங்கேற்றனர். ரியோ போட்டிகளின் போது மொத்தம் 306 வகை பதக்கங்கள் வழங்கப்பட்டன.
  • 121 பதக்கங்களை பெற்று, பதக்கப் பட்டியலில் தொடர்ந்து இரண்டாவது ஒலிம்பிக் போட்டியாக அமெரிக்கா முதலிடம் பெற்றது.
மைக்கேல் பெல்ப்ஸ், உசைன் போல்ட், சிமோன் பைல்ஸ்  ரியோ ஒலிம்பிக் போட்டிகளில் அதிக மெடல்களை வென்ற மைக்கேல் பெல்ப்ஸ், உசைன் போல்ட் மற்றும் சிமோன் பைல்ஸ்

தனது சாதனையை தொடர்ந்த உசேன் போல்ட்

  • தனது இறுதி ஒலிம்பிக் போட்டியில், அனைத்து கால கட்டத்திலும் மிகச் சிறந்த தடகள வீரர் என்ற தனது சிறப்பை உறுதி செய்யும் விதமாக, மேலும் மூன்று தங்கப் பதக்கங்களை உசைன் போல்ட் வென்றார்.
  • ஒலிம்பிக்கில் "மூன்று - மூன்று" , அதாவது 100 மீட்டர், 200 மீட்டர், 400 மீட்டர் தொடர் ஓட்டம் என மூன்று போட்டிகளில், மூன்று முறை தொடர்ச்சியாக தங்கப்பதக்கம் வென்று உசைன் போல்ட் அற்புத சாதனை படைத்தார்.
சாக்ஷி மாலிக்  ரியோ ஒலிம்பிக் போட்டிகளில் இந்தியாவின் முதல் பதக்கத்தை வென்ற சாக்ஷி மாலிக்

'இந்தியாவுக்கு இரண்டே பதக்கங்கள்'

  • 117 வீரர்கள் மற்றும் வீராங்கனைகளை அனுப்பிய இந்திய அணிக்கு பாட்மிண்டன் வீராங்கனை பி.வி சிந்து பெற்ற வெள்ளிப் பதக்கமும், மல்யுத்த வீராங்கனை சாக்ஷி மாலிக் பெற்ற வெண்கலப் பதக்கமும் தான் ஆறுதல் தர முடிந்தது.
பி.வி சிந்து  இந்திய ரசிகர்களுக்கு மகிழ்ச்சியளித்தது சிந்துவின் வெள்ளிப் பதக்கம்

விடைபெற்றார் சாதனை மன்னன் மைக்கேல் பெல்ப்ஸ்

  • ரியோ ஒலிம்பிக் போட்டியில் அமெரிக்க நீச்சல் வீரர் மைக்கேல் பெல்ப்ஸ் ஐந்து தங்கப் பதக்கங்கள் வென்றார். ரியோ ஒலிம்பிக் போட்டியின் போது தனது 23-வது தங்கப்பதக்கத்தை வென்ற மைக்கேல் பெல்ப்ஸ், இத்துடன் தான் நீச்சல் விளையாட்டிலிருந்து ஒய்வு பெறப் போவதாக தெரிவித்தார்.

தடைகளை தகர்த்து சாதனைகள் நிகழ்த்தியபாராலிம்பிக் வீரர்/ வீராங்கனைகள்

மாற்றுத் திறனாளர் ஒலிம்பிக் போட்டிகளில் வெற்றி பெற்ற வீரர், வீராங்கனைகள்  மாற்றுத் திறனாளர் ஒலிம்பிக் போட்டிகளில் வெற்றி பெற்ற வீரர், வீராங்கனைகள்
  • ஒலிம்பிக் போட்டிகளை தொடர்ந்து, பிரேசிலின் ரியோ நகரில் நடந்த பாராலிம்பிக் போட்டிகள், தொடக்கம் முதலே பல பிரச்சனைகளை சந்தித்தது.
  • மாற்றுத் திறனாளர் ஒலிம்பிக் விளையாட்டுப் போட்டிகளுக்கான நிதி வரவில் பற்றாக்குறை, மோசமான நுழைவுச் சீட்டு விற்பனை மற்றும் அரசின் ஆதரவோடு ஊக்க மருந்து பயன்படுத்திய ரஷ்யா அணிக்கு தடை ஆகிய பல பிரச்சனைகளை பாராலிம்பிக் போட்டிகள் சந்தித்தது குறிப்பிடத்தக்கது.
  • பாராலிம்பிக் போட்டிகளில் ஆண்களுக்கான உயரம் தாண்டுதலில் டி-42 பிரிவில், தமிழக வீரர் மாரியப்பன் தங்கவேலு, தங்கப்பதக்கம் வென்று சாதனை படைத்தார்.

 

தங்கப்பதக்கம் வென்ற தமிழக வீரர் மாரியப்பன் தங்கவேலு

 

 தங்கப்பதக்கம் வென்ற தமிழக வீரர் மாரியப்பன் தங்கவேலு

  • 107 தங்கப்பதக்கங்கள் உள்பட மொத்தம் 239 பதக்கங்களை பெற்ற சீனா, பாராலிம்பிக் போட்டிகள் பதக்கப்பட்டியில் முதலிடத்தையும், 147 பதக்கங்களை பெற்ற பிரிட்டன் இரண்டாம் இடத்தையும் பெற்றன.
யூரோ 2016 இல் ஏற்பட்ட வன்முறையும், சப்பகோயென்ஸ் அணியை இழந்த சோகமும் நிரம்பியது 2016 கால்பந்து உலகம்
  • யூரோ 2016 கால்பந்து தொடரை போர்ச்சுக்கல் அணி வென்றது. இறுதியாட்டத்தில் 1-0 என்று பிரான்ஸ் அணியை வீழ்த்தி, போர்த்துக்கல் அணி யூரோ 2016 பட்டம் வென்றது.
போர்த்துக்கல் அணி  யூரோ 2016 பட்டம் வென்ற போர்த்துக்கல் அணி
  • பிரான்ஸில் நடைபெற்ற இங்கிலாந்து மற்றும் ரஷ்யாவுக்கு இடையிலான யூரோ 2016 கால்பந்து போட்டி ஆட்டத்தின் முன்னரும், பின்னரும் வன்முறைகள் நடைபெற்றன. ரஷ்ய அணியின் அதிகாரிகள் மற்றும் ரசிகர்கள் மீது பல குற்றச்சாட்டுக்கள் எழுந்தன.
  • யூரோ 2016 கால்பந்து போட்டி தொடரிலிருந்து இங்கிலாந்து வெளியேறிவிட்டதால், அதன் எதிரொலியாக, நான்கு ஆண்டுகள் இங்கிலாந்து கால்பந்து அணியின் மேலாளராக பொறுப்பிலிருந்த ராய் ஹட்ஜ்சன் பதவி விலகினார்.
  • ரியல் மேட்ரிட் கால்பந்து அணியின் பிரபல வீரர் கிரிஸ்டியானோ ரொனால்டோ மற்றும் பிற வீரர்கள் வரி செலுத்துவதை தவிர்க்கும் விதமாக மில்லியன் கணக்கான டாலர் வருவாயை வெளிநாட்டு வங்கிகளில் ரகசியமாக முதலீடு செய்துள்ளதாக குற்றம்சாட்டப்பட்டது.
கிரிஸ்டியானோ ரொனால்டோ

 

 கிரிஸ்டியானோ ரொனால்டோ

  • கொலம்பியாவில் விமானம் ஒன்று வீழ்ந்து நொருங்கியதில் பிரேசிலின் சப்பகோயென்ஸ் கால்பந்து அணியின் பெரும்பான்மையான உறுப்பினர்கள் உயிரிழந்தனர். இது கால்பந்து உலகில் மிகுந்த சோகத்தை ஏற்படுத்தியது. கோபா சூடமெரிக்கானா தொடரின் இறுதியாட்டத்தில் சப்பகோயென்ஸ் கால்பந்து அணி விளையாடுவதாக இருந்தது.
தனது விருப்பமான கால்பந்து அணியை இழந்து விட்ட சோகத்தில் ஒரு சிறுமி  தனது விருப்பமான கால்பந்து அணியை இழந்து விட்ட சோகத்தில் ஒரு சிறுமி விளையாட்டு துளிகள்
  • இந்தியாவில் விளையாட்டு வீரர்களுக்கு வழங்கப்படும் உயரிய விருதான ராஜீவ் காந்தி கேல் ரத்னா விருதுக்கு பி.வி சிந்து, சாக்ஷி மாலிக், ஜிட்டு ராய் , திபா கர்மாகர் ஆகியோரின் பெயர்கள் பரிந்துரைக்கப்பட்டன.
  • ஆசிய ஹாக்கி சாம்பியன்ஷிப் போட்டி இறுதியாட்டத்தில் நடப்பு சாம்பியன் பாகிஸ்தானை இந்தியா 3:2 என்ற கோல் கணக்கில் வீழ்த்தி சாம்பியன் பட்டம் வென்றது.
ஆசிய ஹாக்கி சாம்பியன்ஷிப்பை வென்ற இந்தியாஆசிய ஹாக்கி சாம்பியன்ஷிப்பை வென்ற இந்தியா
  • நவம்பர் மாதத்தில், இந்திய கிரிக்கெட் வீரரும், 2011 உலக கோப்பை தொடர் நாயகனுமான யுவராஜ்சிங் பாலிவுட் நடிகை ஹேசல் கீச்சை திருமணம் செய்து கொண்டார்.
    யுவராஜ்சிங்
  • ஆண்டின் இறுதியில், பிரபல அமெரிக்க சமூக வலைதளமான ரெட்டிட் நிறுவனத்தின் இணை நிறுவனர் அலெக்ஸிஸ் ஒஹானியனுடன் தனது திருமணம் நிச்சயமாகி விட்டதாக , ரெடிட் இணையதள பக்கத்திலேயே உலகின் முன்னணி டென்னிஸ் வீராங்கனையான செரீனா வில்லியம்ஸ் அறிவிப்பு வெளியிட்டுள்ளார்.
    சமூகவலைதள நிறுவனத்தின் துணை இயக்குனருடன் செரீனாவுக்கு திருமண நிச்சயதார்த்தம்
  • கான்பூரில் தனது 500-வது டெஸ்ட் போட்டியில் விளையாடிய இந்திய அணி, நியூஸிலாந்து அணியை 197 ரன்கள் வித்தியாசத்தில் வெற்றி கொண்டது.
கான்பூர் டெஸ்ட் போட்டியின் ஸ்கோர் கார்ட் கான்பூர் டெஸ்ட் போட்டியின் ஸ்கோர் கார்ட்
  • ஐந்து ஒலிம்பிக் தங்கப்பதக்கங்களை வென்ற பிரிட்டன் சைக்கிள் பந்தய வீரரான பிராட்லீ விக்கின்ஸ் தான் சைக்கிள் பந்தயங்களில் இருந்து ஓய்வுபெறுவதாக அறிவித்தார். இது அவரது ரசிகர்களை வருத்தத்தில் ஆழ்த்தியது.
பிராட்லீ விக்கின்ஸ்ஓய்வுபெற்றார் பிராட்லீ விக்கின்ஸ்
  • இளையோர் ஹாக்கி உலகக் கோப்பையில் 2-ஆவது முறையாக இந்தியா சாம்பியன் பட்டம் வென்றது. இளையோர் ஹாக்கி உலக கோப்பை தொடரின் இறுதியாட்டத்தில் பெல்ஜியம் அணியை 2-1 என்ற கோல் கணக்கில் வீழ்த்தி இந்தியா சாம்பியன் பட்டத்தை வென்றது.
சாம்பியன் பட்டம் வென்ற இந்தியா
 சாம்பியன் பட்டம் வென்ற இந்தியா
 

http://www.bbc.com/tamil/sport-38435002

Categories: merge-rss