விளையாட்டுத் திடல்

விராட் கோலியைச் சீண்டி கோபப்படுத்துவோம்: ஆஸி. கேப்டன் ஸ்மித்

Wed, 28/12/2016 - 07:55
விராட் கோலியைச் சீண்டி கோபப்படுத்துவோம்: ஆஸி. கேப்டன் ஸ்மித்

 

 
 ஏ.எஃப்.பி.
டிசம்பர் 28, 2014-ல் மெல்போர்னில் சதம் எடுத்துத் துள்ளிக் குதிக்கும் கோலியை பார்க்கும் ஆஸி. கேப்டன் ஸ்மித். | படம்: ஏ.எஃப்.பி.
 
 

இந்தியாவுக்கு எதிராக டெஸ்ட் போட்டிகளை ஆடவுள்ள நிலையில் ஆஸ்திரேலிய கேப்டன் ஸ்மித், இந்திய கேப்டன் விராட் கோலியின் பண்பை சோதிப்போம் என்ற தொனியில் கருத்து தெரிவித்துள்ளார்.

3 வடிவங்களிலும் 50 ரன்கள் சராசரி என்ற சாதனை ஆண்டை கோலி அணியின் வெற்றிகளுடன் கொண்டாடி வரும் நிலையில் பயணிக்கவிருக்கும் ஆஸ்திரேலிய அணியின் கேப்டன் அவரது குணாம்சத்திற்கு சோதனை கொடுப்போம் என்று கூறியுள்ளார்.

இது குறித்து அவர் ஆஸ்திரேலிய ஊடகம் ஒன்றில் கூறும்போது, “கோலி ஒரு உலகத்தர வீரர், கடந்த 18 மாதங்களாக இந்திய அணியை அபாரமாக வழிநடத்தி வெற்றிகளை ஈட்டி வருகிறார். நிறைய போட்டிகளை உள்நாட்டில் ஆடியுள்ளது இந்திய அணி. உடல்மொழி ரீதியாக கோலியிடம் மேம்பாடு தெரிகிறது.

களத்தில் மிகவும் உணர்ச்சிவசப்படுபவர் கோலி. ஆனால் இதிலும் அவர் முன்னேற்றம் அடைந்துள்ளார் என்றே கருதுகிறேன். எங்களைப் பொறுத்தவரை ஒரு அணியாக அவரது வலுவான உணர்ச்சி நிலையிலிருந்து அவரை விலக்கி வைக்க முயற்சி செய்வோம், அவரைக் கொஞ்சம் சீண்டி கோபமூட்ட முயற்சி செய்வோம்.

அவரை இந்த உணர்ச்சி நிலைக்கு ஆளாக்கி வீழ்த்தினால் இந்திய அணி பலவீனமடையக்கூடிய சாத்தியமுள்ளது.

நாங்கள் பிப்ரவரியில் இந்தியா செல்கிறோம். சந்தேகமில்லாமல் அது ஒரு மிகக்கடினமான தொடராகவே இருக்கும். அங்கு 4 டெஸ்ட் போட்டிகள் அணிக்கு ஒரு நல்ல வாய்ப்பை ஏற்படுத்திக் கொடுத்துள்ளது, அங்கு நாங்கள் தோல்வியுறும் அணி என்ற பிம்பத்துடன் தான் செல்கிறோம், இப்படிப்பட்ட நிலையில் தொடரை வென்றால் அருமையானதாகவே இருக்கும். நிச்சயம் துணைக்கண்டங்களில் இதுவரை வெளிப்படுத்திய ஆட்டத்தை விட சிறப்பாக ஆடுவோம்” என்றார்.

http://tamil.thehindu.com/sports/விராட்-கோலியைச்-சீண்டி-கோபப்படுத்துவோம்-ஆஸி-கேப்டன்-ஸ்மித்/article9446268.ece

Categories: merge-rss

இந்திய கிரிக்கெட் 2016: களம் ஆளும் கோலி-கும்ப்ளே கூட்டணி!

Wed, 28/12/2016 - 07:53
இந்திய கிரிக்கெட் 2016: களம் ஆளும் கோலி-கும்ப்ளே கூட்டணி!

 

 
 சம்பத் குமார்
கோலி, கும்ப்ளே | கோப்புப் படம்: சம்பத் குமார்
 
 

2016... இந்திய கிரிக்கெட் அணிக்கு மிகச் சிறந்த ஆண்டு. வீரர்கள் அனைவரும் அற்புதமான ஆட்டத்தை வெளிப்படுத்த, டெஸ்ட் தரவரிசையில் இந்திய அணி முதலிடம் பிடித்துள்ளது.

ஐசிசி பவுலிங் தரவரிசையிலும், ஆல்ரவுண்டர் தரவரிசையிலும் அஸ்வின் முதலிடம் வகித்தார். மேலும், பவுலிங் தரவரிசையில் அஸ்வின், ஜடேஜா இருவரும் முதல் இரண்டு இடங்களை முதல் முறையாகப் பிடித்தனர்.

கோலி கேப்டனாக வீரராக பல சாதனைகளை நிகழ்த்திய ஆண்டாக 2016 அமைந்தது. உலக அளவில் இந்திய அணியை பெரிய டெஸ்ட் அணியாக வீழ்த்த முடியாத டெஸ்ட் அணியாக மாற்றமடையச் செய்ய கோலி - கும்ப்ளே கூட்டணி அடித்தளம் அமைத்த ஓர் ஆண்டாக 2016 அமைகிறது.

2007-ம் ஆண்டு டி20 உலக சாம்பியன்களான இந்திய அணி, அதன் பிறகு டி20 வடிவத்தில் அதிரடி ஆட்டத்தை வெளிப்படுத்த முடியாமல் போனது. ஆனால் ஆஸ்திரேலியாவுக்கு எதிரான டி20 தொடரில் ஒயிட்வாஷ் கொடுத்து மீண்டும் இழந்த புகழை நிலைநாட்டியது.

தோனியின் தலைமையில் உலகக் கோப்பை டி20 தொடரில் மே.இ.தீவுகளுக்கு எதிராக தோற்று இந்தியா வெளியேறியது. கோப்பையை மே.இ.தீவுகள் வென்றது.

2016-ல் இந்திய கிரிக்கெட் ஒரு கண்ணோட்டம்

ஆஸ்திரேலியாவுக்கு எதிராக ஒருநாள் தொடரை இந்தியா ஆஸ்திரேலியாவில் 1-4 என்று இழந்த நிலையில், 2016 மோசமாகவே தொடங்கியது. இந்தத் தொடரில் கடைசி போட்டி சிட்னியில் ஆஸ்திரேலியாவின் 325 ரன்களுக்கும் மேலான இலக்கை மணீஷ் பாண்டே அனாயச சதத்தின் மூலம் துரத்தி வெற்றிகண்ட போட்டியாக அமைந்தது. எனவே ஆண்டுத் தொடக்கத்தில் மணீஷ் பாண்டே என்ற ஒரு அபார வீரரை இந்தியாவுக்கு அடையாளம் காட்டிய போட்டி சிட்னி ஒருநாள் போட்டியாகும்.

ஆனால், டி20 தொடரில் ஆஸ்திரேலியா 2-ம் நிலை அணியை களமிறக்கினாலும், அதன் மண்ணில் முதன்முறையாக டி20 தொடரில் 3-0 என்று இந்தியா ஒயிட்வாஷ் கொடுத்தது.

பிறகு நாடு திரும்பிய இந்தியா, இலங்கைக்கு எதிரான ஒருநாள் தொடரில் முதல் போட்டியை படுமோசமாகத் தோற்றாலும் அடுத்த இரண்டு போட்டிகளில் வென்று தொடரை 2-1 என்று கைப்பற்றிய கையோடு வங்கதேசத்தில் ஆசியக் கோப்பைக்குச் சென்றது. முதல் முறையாக ஆசியக் கோப்பை கிரிக்கெட் டி20 வடிவத்தில் நடைபெற்றது. இதில் வங்கதேசத்தை முதலில் வீழ்த்திய இந்திய அணி, பாகிஸ்தானையும் வீழ்த்தி, இலங்கை, யு.ஏ.இ. அணிகளையும் பந்தாடியது.

மழையால் பாதிக்கப்பட்ட இறுதிப் போட்டியில் வங்கதேசத்தை எதிர்கொண்ட இந்திய அணி வெற்றி பெற்று ஆசியக் கோப்பையை வென்று உலகக் கோப்பை டி20 நமக்குத்தான் என்ற ஆவலை ரசிகர்களிடம் ஏற்படுத்தியது. இதற்கும் மேலாக தோனி மீண்டும் நமக்கு ஒரு கோப்பையை வென்று தருவார் என்ற நம்பிக்கையும் ரசிகர்களிடையே நிலவியது குறிப்பிடத்தக்கது.

2016 உலகக் கோப்பை டி20:

2007-ல் டி20 உலக சாம்பியன்களான பிறகு அணியில் பல மாற்றங்கள் ஏற்பட அடுத்தடுத்த உலகக் கோப்பை டி20-களில் வெற்றிக்கனியை பறிக்க முடியவில்லை. இந்நிலையில், இந்தியாவில் முதல்முறையாக டி20 உலகக் கோப்பை நடைபெற்றது ரசிகர்களின் எதிர்ப்பார்ப்பையும் நாடித்துடிப்பையும் அதிகரித்தது.

ஆனால் ரசிகர்களின் அதிர்ச்சியடையுமாறு உலகக் கோப்பை முதல் போட்டியில் நியூஸிலாந்திடன் தோனி படை அதிர்ச்சித் தோல்வி கண்டது. பிறகு பாகிஸ்தானுக்கு எதிராக தொடக்க தடுமாற்றத்திற்குப் பிறகு விராட் கோலியின் உறுதியினால் வெற்றி பெற்றது, பிறகு வங்கதேசத்திற்கு எதிராக நெருக்கமான, பரபரப்பான போட்டியிலும் இந்தியா வென்றது. வெற்றி பெற்றேயாக வேண்டுமென்ற ஆஸ்திரேலியாவுக்கு எதிரான ஆட்டத்தில் விராட் கோலி தான் யாரென்று நிரூபித்தார். பெரிய அளவுக்கு காட்டுத்தனமாக ஆடாமலேயே அதிக ரன் விகித விரட்டலையும் வெற்றியாக சாதிக்க முடியும் என்று ஆஸ்திரேலியாவுக்கு மட்டுமல்ல கிரிக்கெட் உலகிற்கே நிரூபித்தார் விராட் கோலி.

கஷ்டப்பட்டு அரையிறுதியில் நுழைந்து மே.இ.தீவுகளை சந்திக்க அன்று மே.இ.தீவுகளின் ஆட்டம் வேறு ஒரு மட்டத்தில் இருந்ததால் இந்தியா தோல்வியடைந்து வெளியேற மீண்டுமொரு முறை டி20 உலகக் கோப்பை கை நழுவியது.

உலகக் கோப்பை டி20 தோல்வியினால் அதனையடுத்த ஐபிஎல் டி20 போட்டிகளும் பெரிய அளவில் சோபிக்கவில்லை. ஆனால் டி20 பேட்டிங்கை வேறொரு மட்டத்துக்கு உயர்த்திய விராட் கோலி மீதான எதிர்பார்ப்புகள் கூடின. கோலியும் எதிர்பார்ப்பை பூர்த்தி செய்த விதம் சாதனைக்குரியது. இந்த ஐபிஎல் தொடரில் 4 சதங்களுடன் 973 ரன்களுடன் அதிக ஐபிஎல் ரன்கள் என்ற சாதனைக்குரியவரானார் விராட்.

கோலி இப்படி ஆடியும் ராயல் சாலஞ்சர்ஸ் பெங்களூரு அணி கோப்பையை வெல்லும் வாய்ப்பை இன்னொரு முறை தவற விட்டது. இறுதிப் போட்டியில் சன் ரைசர்ஸ் ஹைதராபாத்திடம் தோல்வி கண்டு ஏமாற்றமடைந்தது.

ஜிம்பாப்வே தொடர்:

ஐபிஎல் திருவிழாவுக்குப் பிறகு ஜிம்பாப்வேவுக்கு இந்திய அணி ஒரு விரைவுப் பயணம் மேற்கொண்டது. இதில் முக்கிய, நட்சத்திர வீரர்களுக்கு ஓய்வு அளிக்கப்பட ஜிம்பாப்வேக்கு இந்த 2-ம் நிலை இந்திய அணியே சமாளிக்க முடியாததாகி ஜிம்பாப்வே 0-3 என்று ஒயிட்வாஷ் ஆனது.

ஆனால் ஒருநாள் தொடரில் இழந்த மதிப்பை டி20 தொடரில் ஜிம்பாப்வே முதல் போட்டியில் இந்திய அணியை வீழ்த்தி ஈட்டியது. ஆனால் தொடரை வெல்லும் அளவுக்கு அந்த அணியிடம் வலுவில்லாததால் இந்திய அணி 2-1 என்று டி20 தொடரையும் வென்றது.

கோலியின் கேப்டன்சி பெருமையை நிலைநாட்டிய நீண்ட டெஸ்ட் தொடர்களின் தொடக்கம்:

ஒரே சீசனில் ஏகப்பட்ட டெஸ்ட் தொடர்களை எதிர்கொள்ள வேண்டிய நிலையில் விராட் கோலி தலைமை இந்திய அணி மே.இ.தீவுகளுக்குச் சென்றது, அனில் கும்ப்ளே பயிற்சியாளராகப் பொறுப்பேற்ற பிறகு முதல் தொடர் இது என்பது ஆவலைக்கூட்டுவதாக அமைந்தது.

முதல் டெஸ்ட் போட்டியிலேயே ஓரளவுக்கு இந்திய பிட்ச் போன்ற சூழலில் கேப்டன் விராட் கோலி தன் முதல் டெஸ்ட் இரட்டைச் சதத்தை எடுக்க இந்திய அணி மே.இ.தீவுகளை இன்னிங்ஸ் மற்றும் 92 ரன்கள் வித்தியாசத்தில் வீழ்த்தியது. அடுத்த 2 போட்டிகளும் டிரா, இதில் கடைசி டெஸ்ட் போட்டியில் மே.இ.தீவுகளின் ஸ்டூவர்ட் சேஸ் மிக அருமையான சதத்துடன் அஸ்வினின் தீவிர சுழலையும் மீறி டிரா செய்தது மே.இ.தீவுகள் கிரிக்கெட்டின் புதிய தொடக்கமாகவே அமைந்தது. இந்திய அணி தற்காலிகமாக டெஸ்ட் முதலிடத்தைப் பிடித்தது.

டெஸ்ட் தொடருக்குப் பிறகு கிரிக்கெட் வளர்ச்சித்திட்டம் என்பதற்கு இணங்க அமெரிக்காவின் புளோரிடாவில் தோனி படை, மே.இ.தீவுகளை 2 டி20 போட்டியில் சந்தித்தது. முதல் டி20 போட்டி இரு அணிகளுக்குமான அதிகபட்ச ஸ்கோராக அமைந்தது. அருமையான விரட்டலில் கடைசியில் தோனியின் தவறினால் ஒரு ரன்னில் இந்தியா தோல்வி தழுவியது, இரண்டாவது ஆட்டம் மழையால் பாதிக்கப்பட்டு நோ-ரிசல்ட் ஆனது.

பாகிஸ்தான் இடையில் தனது வெற்றியின் மூலம் டெஸ்ட் நம்பர் 1 இடத்தைப் பிடிக்க, இந்தியா நியூஸிலாந்து அணியை மீண்டும் நம்பர் 1 இடத்தைப் பிடிக்கும் முயற்சியுடன் 3 டெஸ்ட் போட்டிகள் கொண்ட தொடரில் எதிர்கொண்டது/

இதில் தாறுமாறாக திரும்பும் ஸ்பின் பிட்சை இந்தியா அமைத்து நியூஸிலாந்தை 3-0 என்று ஒயிட்வாஷ் செய்து டெஸ்ட் முதலிடத்தை மீண்டும் பெற்றது. இந்தத் தொடரும் விராட் கோலி பேட்டிங் பேசியது.

இதனையடுத்த ஒருநாள் தொடரில் நியூஸிலாந்து தான் ஒரு சிறந்த ஒருநாள் அணி என்று நிரூபித்தது. 5 போட்டிகளில் 4 போட்டிகள் முடிவில் இரு அணிகளும் 2-2 என்று இருந்தன. கடைசி ஒருநாள் போட்டி விசாகப்பட்டிணத்தில் நடைபெற்றது. இதில் ஸ்பின் எடுக்கும் பிட்சில் அமித் மிஸ்ரா 18 ரன்களுக்கு 5 விக்கெட்டுகளைக் கைப்பற்ற நியூஸிலாந்து படுதோல்வி அடைந்தது, இந்தியா தொடரை 3-2 என்று வென்றது.

அதன் பிறகு இங்கிலாந்துக்கு எதிரான கடினமான டெஸ்ட் தொடர் நடைபெற்றது. 5 டெஸ்ட் போட்டிகள் கொண்ட தொடரை ஆடுவது அவ்வளவு சுலபமல்ல. மேலும் தற்போதைய வீர்ர்கள் ஆண்டு முழுதும் எங்காவது விளையாடிக் கொண்டேயிருக்கும் நிலையில் 5 டெஸ்ட் போட்டிகள் கொண்ட தொடரை அதுவும் இங்கிலாந்து போன்ற வலுவான அணிக்கு எதிராக ஆடுவது சவாலானதே.

இந்தக் கடும் சோதனையிலும் கோலி படை வெற்றி கண்டது. ராஜ்கோட்டில் நேரடியான தோல்வியை தவிர்த்து டிரா செய்து அடுத்த 4 போட்டிகளிலும் வென்றது. இதில் பிட்ச் பெரிய அளவில் உதவிபுரியவில்லை. இரு அணிகளுமே ஆடும் பிட்ச்சாகத்தான் தயாரிக்கப்பட்டது. ஆனால் அஸ்வின், ஜடேஜா, அவ்வப்போது உமேஷ் யாதவ், மொகமது ஷமியின் அபாரப்பந்து வீச்சுகளினால் இங்கிலாந்து டெஸ்ட் தொடரை 4-0 என்று இழந்தது. பேட்டிங்கில் விராட் கோலி, புஜாரா ஆகியோருடன் அஸ்வின், ஜடேஜா உள்ளிட்ட பின்கள வீரர்களின் பங்களிப்பும் இந்திய அணியை சரிவுக் கட்டங்களிலிருந்து மீண்டெழச் செய்துள்ளது.

கோலி சாதனைகள்

கோலி தனது 3-வது இரட்டைச் சதத்தை அடித்து டான் பிராட்மேன் உள்ளிட்ட உயர்மட்ட பட்டியலில் இணைந்தார். மேலும் இங்கிலாந்துக்கு எதிராக 652 ரன்களை அவர் எடுத்து 5 டெஸ்ட் போட்டிகள் கொண்ட டெஸ்ட் தொடரில் அதிக ரன்கள் எடுத்த கவாஸ்கர் உள்ளிட்டோர் பட்டியலிலும் முதன்மை வகித்தார்.

டெஸ்ட் தொடரை 4-0 என்று கைப்பற்றி ஐசிசி டெஸ்ட் தரவரிசையில் தற்போது 120 புள்ளிகளுடன் முதலிடம் பெற்றுள்ளது.

ஒருநாள் தரவரிசயில் இந்தியா 2016-ம் ஆண்டில் 3-ம் நிலையிலும், டி20-யில் 2-ம் இடத்திலும் உள்ளது.

களத்தில் இந்திய அணி டெஸ்ட் போட்டிகளில் கோலி தலைமையில் தொடர்ச்சியாக 18 போட்டிகளில் தோல்வியடையாத சாதனையை நிகழ்த்தியதோடு 9 டெஸ்ட் போட்டிகளில் வென்று அபாரமாகத் திகழ்ந்தது. இந்த ஆண்டில் இந்திய அணி சிறந்த டெஸ்ட் அணியாக திகழ்ந்ததற்கு கோலி, அஸ்வினின் பங்களிப்பு மிகப்பெரியது என்றே கூற வேண்டும்.

கும்ப்ளே பயிற்சியில் கோலியுடனான கூட்டணி இந்திய அணியை ஒரு வெற்றி பெறும் ஒரு கூட்டணியாக மாற்ற கடுமையான சில திட்டங்களை வழிவகுத்து அதனை சர்ச்சையற்ற விதத்தில் அமல்படுத்தி இந்திய அணியை வேறொரு கட்டத்திற்கு நகர்த்த முயற்சிகள் மேற்கொண்டு வருவது பாராட்டுதலுக்குரியது.

அயல்நாடுகளில் இதே போன்று வெற்றி பெறுவோம் என்று விராட் கோலி கூறிய உறுதிமொழியுடன் 2016 இந்திய கிரிக்கெட்டுக்கு நிறைவாக முடிந்ததோடு 2017-க்கான உற்சாகத் தொடக்கத்தை கொடுக்கும் என்று எதிர்பார்ப்போம்.

http://tamil.thehindu.com/sports/இந்திய-கிரிக்கெட்-2016-களம்-ஆளும்-கோலிகும்ப்ளே-கூட்டணி/article9447575.ece?homepage=true

Categories: merge-rss

ஆங்கிலேய ப்றிமியர் லீக் போட்டியில் செல்சி கழகம் 12 ஆவது நேரடி வெற்றி

Wed, 28/12/2016 - 07:52
ஆங்­கி­லேய ப்றிமியர் லீக் போட்­டியில் செல்சி கழகம் 12 ஆவது நேரடி வெற்றி
2016-12-28 10:56:27

இங்­கி­லாந்தில் நடை­பெற்­று­வரும் ஆங்­கி­லேய ப்றீமியர் லீக் கால்­பந்­தாட்டப் போட்­டி­களில் செல்ஸி விளை­யாட்டுக் கழகம் தொடர்ச்­சி­யாக 12 வெற்­றி­களை ஈட்டி சாதனை நிலை­நாட்­டி­யுள்­ளது.

 

21466chelsea.jpg

 

போர்ன்மௌத் கழ­கத்­திற்கு எதி­ராக திங்­க­ளன்று நடை­பெற்ற ப்றீமியர் லீக் போட்­டியில் 3 – 0 என்ற கோல்கள் அடிப்­ப­டையில் வெற்­றி­யீட்­டி­யதன் மூலம் இந்த சாத­னையை செல்சி கழகம் படைத்­தது.

 

இப் போட்­டியில் ஒரு தட்டு, இரண்டு தட்­டுகள் என்ற பந்து பரி­மாற்­றங்­க­ளுடன் மிக வேக­மாக விளை­யா­டிய செல்சி கழகம் எதி­ர­ணியை மாத்­தி­ர­மல்­லாமல் இர­சி­கர்­க­ளையும் பிர­மிக்க வைத்­தது.

 

போட்­டியின் 24 ஆவது நிமி­டத்தில் பெட்ரோ முத­லா­வது கோலைப் புகுத்தி செல்சி அணியை முன்­னி­லையில் இட்டார்.

 

இடை­வேளை முடிந்து போட்டி ஆரம்­பித்த நான்­கா­வது நிமி­டத்தில் போர்ன்மௌத் வீரர் ஒருவர் தனது பெனல்டி எல்­லையில் விதி­க­ளுக்கு முர­ணாக விளை­யா­டி­யதால் செல்சி அணிக்கு பெனல்டி ஒன்று வழங்­கப்­பட்­டது.

 

அதனை ஈடன் ஹஸார்ட் இலக்கு தவ­றாமல் கோலினுள் புகுத்­தி­யதால், 2 – 0 என செல்சி கழகம் முன்­னிலை அடைந்­தது.

 

போட்டி முடி­வ­டைய சில செக்­கன்கள் இருந்­த­போது போர்ன்மௌன்ட் வீரர் ஸ்டீவன் குக் பந்தை தனது கோல் எல்­லை­யி­லி­ருந்து திசை திருப்ப முயன்றபோது பந்து அவரது சொந்த கோலினுள் செல்ல செல்சி கழகத்தின் 3 ஆவது இனாமாகக் கிடைத்தது.

- See more at: http://www.metronews.lk/article.php?category=sports&news=21466#sthash.DP1ubRmP.dpuf
Categories: merge-rss

இன்சமாம், யூசுப் சாதனை: சமன் செய்த அஸார்

Wed, 28/12/2016 - 07:04
இன்சமாம், யூசுப் சாதனை: சமன் செய்த அஸார்
 

256758_03493.jpg

பாகிஸ்தான் கிரிக்கெட் அணியின் நம்பிக்கை நட்சத்திரமாக உருவெடுத்துவரும் அஸார் அலி இந்த வருடத்தில் 1000 ரன்களை கடந்தார். இந்த வருடம் விராட் கோலிக்குப் பிறகு 1000 ரன்களை கடக்கும் 2-வது ஆசிய வீரர் இவர் தான். மேலும் இன்சமாம், யூசுப், மொயின் கான், யூனிஸுக்கு பிறகு 1000 ரன்களை கடக்கும் பாக் வீரர் அஸார் அலி தான்.

பாக்ஸிங் டே டெஸ்ட்டில் அஸார் அலியின் ஆட்டம் காரணமாக முதல் இன்னிங்ஸில் 300 ரன்களை கடந்து ஆடி வருகிறது பாக் அணி, அஸார் 90 ரன்களில் இருந்த போது மூன்றாவது நடுவர் நாட் அவுட் பட்டனுக்கு பதில் அவுட் பட்டனை அழுத்தியது குறிப்பிடத்தக்கது.

http://www.vikatan.com/news/sports/76115-azar-ali-equals-inzamam-record.art

Categories: merge-rss

பாகிஸ்தான் கிரிக்கெட் வரலாற்றில் முதல் முறையாக சீக்கிய வீரர் தேர்வு!

Tue, 27/12/2016 - 00:50
பாகிஸ்தான் கிரிக்கெட் வரலாற்றில் முதல் முறையாக சீக்கிய வீரர் தேர்வு!
 
 

கராச்சி: பாகிஸ்தான் தேசிய கிரிக்கெட் அகடாமிக்கு முதல் முறையாக மகேந்தர் பால் சிங் என்ற என்ற சீக்கிய வீரர் தேர்வு செய்யப்பட்டுள்ளார். அந்நாட்டு கிரிக்கெட் பயிற்சிக்கு சீக்கியர் ஒருவர் தேர்வு செய்யப்படுவது இதுவே முதல் முறை ஆகும்.

பாகிஸ்தான் கிரிக்கெட் வாரியம் சார்பில் கராச்சியில் உள்ள தேசிய கிரிக்கெட் அகடாமி வளாகத்தில் வேகப்பந்து வீச்சாளர்களுக்கு பயிற்சி முகாம் நடைபெறுகிறது. இதில் பஞ்சாப் பல்கலைகழகத்தில் பயின்று வரும் மகேந்தர் பால் சிங் (21) என்பவர் தேர்வு செய்யப்பட்டுள்ளார்.

 

 
 
 
 

மகேந்தர் சிங் பால் பள்ளி பருவத்தில் இருந்தே கிரிக்கெட்டில் அதிகம் ஈடுபாடு கொண்டவர். இதுகுறித்து அவர் கூறுகையில், தேசிய கிரிக்கெட் அகடாமிக்கு தேர்வு செய்யப்பட்டுள்ளது மகிழ்ச்சி அளிக்கிறது. இதில் என்னுடைய திறமையை வெளிப்படுத்துவேன். பாகிஸ்தான் தேசிய அணியில் விளையாட வேண்டும் என்பது தான் என்னுடைய கனவு. கிரிக்கெட்டை பற்றி ஒவ்வொரு நாளும் புதியனவற்றை கற்று வருகிறேன். முதல் முறையாக தேர்வு செய்யப்பட்டுள்ளதை பெருமையாக கருதுகிறேன் என்றார்.

பாகிஸ்தான் கிரிக்கெட் வரலாற்றில் முதன்முறையாக அந்நாட்டின் தேசிய பயிலகத்தில் சீக்கிய வீரர் ஒருவருக்கு இடம் கிடைத்துள்ளது இதுவே முதல் முறையாகும். இதுவரை, பாகிஸ்தான் அணிக்காக முஸ்லிம் அல்லாத எழுவர் மட்டுமே ஆடியிருக்கும் நிலையில் 8வது வீரராக இடம்பிடிக்கும் நம்பிக்கையுடன் இருக்கிறார் மகேந்தர் சிங் பால்.

http://tamil.oneindia.com/news/sports/cricket/sikh-boy-mahinder-pal-singh-makes-waves-pakistan-cricket-270548.html

Categories: merge-rss

மனைவியின் உடையால் சமூக ஊடகங்களில் சர்ச்சை: கிரிக்கெட் வீரர் முகமது ஷமி ஆவேசம்

Mon, 26/12/2016 - 12:33
மனைவியின் உடையால் சமூக ஊடகங்களில் சர்ச்சை: கிரிக்கெட் வீரர் முகமது ஷமி ஆவேசம்
  •  
மனைவியுடன் முகமது ஷமி
 22 போட்டிகளில் ஆடியுள்ளார் முகமது ஷமி

சமூக ஊடகங்களில், தனது மனைவியின் உடை குறித்து விமர்சனம் செய்தவர்களுக்கு இந்திய கிரிக்கெட் வீரர் முகமது ஷமி ஆவேசமாகப் பதிலளித்துள்ளார்.

ஃபேஸ்புக் மற்றும் ட்விட்டரில் தனது மனைவியின் புகைப்படத்தை ஞாயிற்றுக்கிழமை வெளியிட்டிருந்த ஷமி, `அழகான நேரங்கள்' என வர்ணித்திருந்தார்.

இதுகுறித்து சமூக வலைத்தளங்களில் சிலர் கருத்து வெளியிட்டனர். அதில், இஸ்லாத்தைப் பின்பற்றுமாறும், அவரது மனைவி ஹிஜாப் மற்றும் நாகரீகமான உடை உடுத்துவதை உறுதிப்படுத்துமாறும் குறிப்பிட்டிருந்தனர்.

இதுகுறித்து, திங்கள்கிழமை கருத்து வெளியிட்டுள்ள முகமது ஷமி, "எனது குடும்பத்துக்கு என்ன செய்ய வேண்டும், என்ன செய்யக் கூடாது என்பது எனக்குத் தெரியும்" என்று குறிப்பிட்டுள்ளார்.

முகமது ஃகைப் ட்விட்டர்

 

முகமது ஷமிக்கு ஆதரவு

 

உடல் அழகை வெளிப்படுத்தும் வகையில் ஆடை அணிய மனைவியை அனுமதித்திருப்பது "வெட்கக்கேடானது" என சிலர் கருத்து வெளியிட்டுள்ளனர்.

"வெட்கக் கேடானது. ஒரு முஸ்லிமாக, உங்கள் மனையியை பர்தா அணியச் சொல்லுங்கள். மற்றவர்களிடமிருந்து கற்றுக் கொள்ளுங்கள்," என்று ஒருவர் விமர்சித்துள்ளார்.

இதுகுறித்து ட்விட்டரில் கருத்துப் பதிவிட்டுள்ள ஷமி, "எனது குழந்தையும், மனைவியும் என் வாழ்க்கைப் பங்காளர்கள். அவர்களுக்கு என்ன செய்ய வேண்டும், என்ன செய்யக் கூடாது என்பது எனக்குத் தெரியும். நாம் எவ்வளவு நல்லவர்கள் என்பதை, நாம் ஒவ்வொருவரும் உள்ளுக்குள் எப்படி இருக்கிறோம் என்பதை சிந்தித்துப் பார்க்க வேண்டும்" என்று குறிப்பிட்டுள்ளார்.

ஷமியின் சமூக வலைத்தள பதிவுகளில் கருத்துக்களை வெளியிட்டிருப்போரை, கிரிகிக்கெட் வீரர் முகமது ஃகைப் உள்ளிட்ட பலர் விமர்சித்துள்ளனர். "அந்தக் கருத்துக்கள் மிக மிக வெட்கக்கேடானவை. முகமது ஷமியை முழுமையாக ஆதரிக்கிறேன். நாட்டில் எவ்வளவோ முக்கிய விடயங்கள் இருக்கின்றன," என்று முகமது ஃகைப் ட்விட்டரில் கருத்து வெளியிட்டுள்ளார்.

http://www.bbc.com/tamil/india-38435491

Categories: merge-rss

இப்போதைக்கு ஓய்வு இல்லை: அப்ரிடி அறிவிப்பு

Mon, 26/12/2016 - 06:59
இப்போதைக்கு ஓய்வு இல்லை: அப்ரிடி அறிவிப்பு

 

ஷயித் அப்ரிடி | கோப்புப் படம்
ஷயித் அப்ரிடி | கோப்புப் படம்
 
 

கிரிக்கெட் போட்டிகளில் இருந்து இப்போதைக்கு ஓய்வுபெறுவதாக இல்லை என்று பாகிஸ்தான் அணியின் முன்னாள் கேப்டன் ஷாஹித் அப்ரிடி கூறியுள்ளார்.

இது தொடர்பாக பாகிஸ்தான் பத்திரிகை ஒன்றுக்கு அளித்துள்ள பேட்டியில் அவர் கூறியிருப்ப தாவது:

பாகிஸ்தான் அணிக்காக நான் 20 ஆண்டுகளாக கிரிக்கெட் போட்டிகளில் ஆடி வருகிறேன். நான் ஓய்வு பெற விரும்புவதாக வும், எனக்கு விடை கொடுக்கும் வகையில் போட்டி ஒன்றுக்கு ஏற்பாடு செய்யுமாறும் பாகிஸ்தான் கிரிக்கெட் வாரியத்தை நான் கேட்டுள்ளதாகவும் சில செய்திகள் வந்துள்ளன. அவை உண்மை அல்ல. எந்த கட்டத்திலும் யாரிடமும் எதையும் கேட்டுப் பெற வேண்டிய நிலையில் நான் இல்லை.

ரசிகர்களின் அன்பும் ஆதரவும் எனக்கு இருக்கிறது. எனவே இப்போதைக்கு நான் கிரிக்கெட் டில் இருந்து ஓய்வு பெறுவதாக இல்லை. என் கிரிக்கெட் வாழ்க்கை முடிந்துவிட்டதாக நான் கருதவில்லை. பாகிஸ் தான் அணிக்காக இன்னும் சிறப் பாக ஆடமுடியும் என்று நான் நம்புகிறேன். ஆனால் என்னை அணியில் சேர்ப்பதும் சேர்க் காததும் தேர்வுக்குழுவினரின் விருப்பம்.

இவ்வாறு அப்ரிடி கூறியுள்ளார்.

http://tamil.thehindu.com/sports/இப்போதைக்கு-ஓய்வு-இல்லை-அப்ரிடி-அறிவிப்பு/article9443795.ece

Categories: merge-rss

ஆஸி.க்கு மகிழ்ச்சி! இந்தியாவுக்கு சோகம்! இது தான் பாக்ஸிங் டே வரலாறு! #BoxingDayTest

Mon, 26/12/2016 - 06:47
ஆஸி.க்கு மகிழ்ச்சி! இந்தியாவுக்கு சோகம்! இது தான் பாக்ஸிங் டே வரலாறு! #BoxingDayTest
 

1024px-MCG_stands_03240.jpg

ஆஸ்திரேலிய கிரிக்கெட் அணி ஆஷஸ் தொடரை ஒரு யுத்தமாக பார்க்கிறது என்றால் அதற்கு இணையானது தான் பாக்ஸிங் டே டெஸ்ட் போட்டியும். அதாவது எல்லா வருடமும் எதாவது ஒரு அணியுடன் ஆஸ்திரேலிய அணி டிசம்பர் 26-ம் தேதி மெல்பெர்ன் மைதானத்தில் டெஸ்ட் போட்டியில் ஆடும். அதனை வென்றே தீர வேண்டும் என்ற வெறியோடு ஒவ்வொரு முறையும் ஆக்ரோஷமாக ஆஸி அணி களமிறங்கும்.

பாக்ஸிங் டே வரலாறு!

விக்டோரியா அணிக்கும், நியூ சவுத் வேல்ஸ் அணிக்கும் இடையே ஷெஃபீல்டு ஷீல்டு போட்டி கிறிஸ்துமஸ் சமயத்தில் மெல்பெர்ன் கிரிக்கெட் மைதானத்தில் நடந்தது. அதில் பாக்ஸிங் டேயும் அடக்கம். நியூ சவுத் வேல்ஸ் வீரர்கள் கிறிஸ்துமஸ் கொண்டாட்டங்களை மிஸ் செய்ய வேண்டியிருந்தது. மேலும் 1975 வரை ஆஷஸ் தொடரின் குறுக்கீடு இருந்து வந்ததால் பாக்ஸிங் டே அன்று டெஸ்ட் போட்டிகள் நடைபெறவில்லை. ஆனால் அதன் பின் மாடர்ன் பாக்ஸிங் டே டெஸ்ட்டுகளுக்காக மெல்பெர்ன் மைதானம் தன்னை டிசம்பர் 26 மொத்தமாக ஆஸி கிரிக்கெட்டுக்கு அர்ப்பணித்துள்ளது.

ஆஸியின் சாம்ராஜ்ஜியம்:

256500_03452.jpg

பாக்ஸிங் டே என்பது ஆஸிக்கு ராசியான டெஸ்ட் போட்டி என்று தான் கூற வேண்டும். இதுவரை 40 பாக்ஸிங் டே டெஸ்ட் போட்டிகளில் ஆடியுள்ள ஆஸ்திரேலியா. 23 டெஸ்ட்களை வென்றுள்ளது, 9 போட்டிகளை ட்ரா செய்துள்ளது. வெறும் 8 போட்டிகளை மட்டுமே தோற்றுள்ளது. இதில் 3 போட்டிகளை இன்னிங்ஸ் வித்தியாசத்தில் வென்றுள்ளது. 1998 முதல் 2008 வரை ஆஸி அணியை பாக்ஸிங் டேயில் வீழ்த்த முடியாமல் இருந்தது குறிப்பிடத்தக்கது. 

இன்று நடைபெறும் பாகிஸ்தானுக்கு எதிரான போட்டி 41-வது டெஸ்ட் போட்டியில் ஆஸி அணி கண்டிப்பாக வெல்லும் என முன்னாள் வீரர்கள் கருத்து தெரிவித்துள்ளனர். சென்ற போட்டியில் பாகிஸ்தான் இறுதிவரை சோதனை அளித்ததை ஆஸி மறந்திருக்காது என்பதால் பரபரப்புக்கு பஞ்சமே இருக்காது. 2013-ம் ஆண்டு பாக்ஸிங் டே போட்டியை மைதானத்துக்கு வந்து 2.77 லட்சம் பேர் பார்த்ததே பாக்ஸிங் டே வரலாற்றில் மிக அதிக பேர் பார்வையிட்டதாக உள்ளது. 1989-ம் ஆண்டு மட்டும் பாக்ஸிங் டே போட்டி டெஸ்ட் போட்டியாக அல்லாமல் ஒருநாள் போட்டியாக இலங்கை அணிக்கு எதிராக நடத்தப்பட்டது. 

இந்தியாவின் பாக்ஸிங் டே சோகம்! 

இந்தியா இதுவரை 7 முறை பாக்ஸிங் டே டெஸ்ட்டில் ஆஸ்திரேலிய அணியை எதிர் கொண்டுள்ளது. இதில் 5 தோல்வியும், இரண்டு ட்ராக்களும் அடங்கும். இறுதியாக 2014-ம் ஆண்டு நடந்த பாக்ஸிங் டே டெஸ்ட் போட்டியை கோலி, ரஹானே சதத்துடன்  இந்தியா ட்ரா செய்தாலும் அப்போதைய இந்திய டெஸ்ட் கேப்டன் தோனியின் ஓய்வு அனைவரையும் அதிர்ச்சியில் ஆழ்த்தியது. ஆக மொத்தத்தில் இந்தியாவுக்கும் பாக்ஸிங் டே டெஸ்ட்டுக்கும் ராசியில்லை என்பது தான் உண்மை. 

இன்று நடக்க இருக்கும் போட்டியில் ஆஸி அணியில் மாற்றம் இல்லை என அந்த அணி நிர்வாகம் அறிவித்துள்ளது. ஆஸி அணியின் முன்னணி பந்துவீச்சாளரான ஸ்டார்க் தனது முதல் பாக்ஸிங் டே டெஸ்ட் இது என்றும், இதில் சிறப்பான ஆட்டத்தை வெளிப்படுத்துவேன் என்றும் கூறியுள்ளார்.

256673_03135.jpg

பரபரப்பான இந்த போட்டியில் பாகிஸ்தான் வெற்றி பெற்று தொடரை சமன் செய்ய முயற்சிக்கும் என்பதால் இந்த போட்டிக்கான எதிர்பார்ப்பு கூடியுள்ளது. ஆஷஸ் யுத்தம் போன்றது தான் பாக்ஸிங் டே..பார்ப்பொம் ஆஸியின் சாதனை தொடருமா என்று....

http://www.vikatan.com/news/sports/75905-boxing-day-test-history.art

Categories: merge-rss

கிளப் லீக்: பெங்கால் பேட்ஸ்மேன் அவுட்டாகாமல் 413 ரன் அடித்து சாதனை

Sun, 25/12/2016 - 16:43
கிளப் லீக்: பெங்கால் பேட்ஸ்மேன் அவுட்டாகாமல் 413 ரன் அடித்து சாதனை

கிளப் லீக் போட்டியில் மேற்கு வங்காள பேட்ஸ்மேன் பங்கஜ் ஷா அவுட்டாகாமல் 413 ரன்கள் அடித்து சாதனைப் படைத்துள்ளார்.

 
 பெங்கால் பேட்ஸ்மேன் அவுட்டாகாமல் 413 ரன் அடித்து சாதனை
 
மேற்கு வங்காள கிரிக்கெட் சங்கம் சார்பில் முதல் டிவிஷன் கிரிக்கெட் தொடர் நடைபெற்று வருகிறது. இதில் பரிஷா ஸ்போர்ட்டின் அணி சார்பில் 28 வயதான பங்கஜ் ஷா 44 பவுண்டரிகள், 23 சிக்சர்கள் மூலம் அவுட்டாகாமல் 413 ரன்கள் குவித்துள்ளார்.

6-வது விக்கெட்டுக்கு அஜ்மிர் சிங் (47) உடன் இணைந்து 203 ரன்களும், 7-வது விக்கெட்டுக்கு ஷ்ரேயன் சக்ரபோர்ட்டி (22) உடன் இணைந்து 191 ரன்களும் குவித்தார். இவரது அபார ஆட்டத்தால் பரிஷா ஸ்போர்ட்டிங் அணி 115 ஓவரில் 8 விக்கெட் இழப்பிற்கு 708 ரன்கள் குவித்து டிக்ளேர் செய்தது.

பரிஷ் ஸ்போர்ட்டிங் அணியை எதிர்த்து விளையாடிய தக்சின் கலிகட்டா சன்சாத் அணி 369 ரன்னில் சுருண்டது.

http://www.maalaimalar.com/News/Sports/2016/12/25214121/1058265/Bengal-batsman-413-not-out-in-club-league.vpf

Categories: merge-rss

ஒரே ஆண்டில் 1000 ரன், 30 விக்கெட்: இங்கிலாந்து வீரர் மொய்ன் அலி சாதனை

Sat, 24/12/2016 - 06:12
ஒரே ஆண்டில் 1000 ரன், 30 விக்கெட்: இங்கிலாந்து வீரர் மொய்ன் அலி சாதனை

 

இங்கிலாந்து கிரிக்கெட் அணியின் ஆல் ரவுண்டர் மொய்ன்அலி இந்த ஆண்டு டெஸ்ட்டில் 17 போட்டியில் 1078 ரன் எடுத்துள்ளார். 30 விக்கெட் வீழ்த்தி சாதனை படைத்துள்ளார்.

 
 
 
 
 இங்கிலாந்து வீரர் மொய்ன் அலி சாதனை
 
சென்னை:

இங்கிலாந்து கிரிக்கெட் அணியின் ஆல் ரவுண்டர் மொய்ன் அலி.

இந்த ஆண்டு டெஸ்ட்டில் மொய்ன்அலி 17 போட்டியில் 1078 ரன் எடுத்துள்ளார். 30 விக்கெட் வீழ்த்தி உள்ளார்.

இதில் மொய்ன்அலி சாதனை படைத்து உள்ளார். ஒரே ஆண்டில் 1000 ரன், 30 விக்கெட் எடுத்த 3-வது வீரர் என்ற சிறப்பை பெற்றார்.

இங்கிலாந்து முன்னாள் கேப்டன் இயன் போத்தம் 13 டெஸ்ட்டில் விளையாடி 1095 ரன்னும், 47 விக்கெட்டும் எடுத்தார்.

2-வதாக தென்ஆப்பிரிக்க அணி வீரர் காலிஸ் 2001-ம் ஆண்டு 14 டெஸ்ட்டில் 1120 ரன், 35 விக்கெட் எடுத்தார்.

தற்போது 3-வது வீர ராக மொய்ன்அலி இந்த மைல்கல்லை எட்டி உள்ளார்.

மேலும் இந்த ஆண்டில் 1000 ரன்னை கடந்த 5-வது வீரர் மொய்ன்அலி ஆவார்.

இங்கிலாந்தின் ஜோரூட் (1477 ரன்), ஜானி பேர்ஸ் டோவ் (1470), அலக்ஸ்டர் குக் (1270), இந்திய கேப்டன் வீராட்கோலி (1215) ஆகியோர் ஆயிரம் ரன்னை கடந்துள்ளனர்.

http://www.maalaimalar.com/News/Sports/2016/12/24104421/1058008/England-player-Moeen-Ali-to-take-30-wickets-and-score.vpf

Categories: merge-rss

2016ம் ஆண்டின் சிறந்த டி20 போட்டி எது? #Top10T20 #2016Special

Sat, 24/12/2016 - 06:01
2016ம் ஆண்டின் சிறந்த டி20 போட்டி எது? #Top10T20 #2016Special
 

west-indies-pti-m1_22195.jpg

டெஸ்ட் போட்டியை உலகச் சினிமா என்றால், டி 20 தான் பக்கா கமர்ஷியல் சினிமா. நிமிடத்துக்கு நிமிடம் சஸ்பென்ஸ், ஓவருக்கு ஓவர் மாறும் வெற்றி வாய்ப்பு, பரபர  சேஸ்,  ஆட்டத்தையே மாற்றி விடும் ஒரு ரன் ..ஒரு விக்கெட் ..ஒரு நோபால்  என  செம த்ரில், செம டிவிஸ்ட் கிரிக்கெட்டுக்கு கியாரண்டி எப்போதுமே உண்டு. அதுவும் இந்த ஆண்டு ஆசியக்  கோப்பை, உலகக்  கோப்பை என டி20 போட்டிகளை நம்மவர்கள் கொண்டாடினார்கள். அப்படி இந்த ஆண்டு நடந்த முடிந்த பத்து சிறந்த டி20 போட்டிகளை பற்றிப்பார்ப்போமா? 

10. இந்தியா Vs வெஸ்ட் இண்டீஸ் : -

போட்டி

அமெரிக்காவில் நடந்த டி20 போட்டி இது. இந்திய வீரர்கள் முதன் முதலாக அமெரிக்க மண்ணில் ஆடிய டி 20 போட்டி என்ற சிறப்பும் இந்த போட்டிக்கு உண்டு. முதலில் பேட்டிங் பிடித்த  வெஸ்ட் இண்டீஸ்  வீரர்கள், இந்திய பந்துவீச்சை வெளுத்தக்கட்டி  245 ரன்கள் குவித்தார்கள். லீவிஸ் சதம் அடித்தார். இதையடுத்து இந்திய அணி களமிறங்கியது. ஐந்து ஓவரில் 50 ரன்னுக்கு இரண்டு விக்கெட்டுகளை இழந்திருந்தது இந்தியா.

அதன் பின்னர் ரோஹித் ஷர்மாவும், கே.எல் ராகுலும் இணைந்து கொளுத்தித் தள்ளினர். ரோஹித் 28 பந்தில் நான்கு பவுண்டரி, நான்கு சிக்ஸர் விளாசி 62 ரன்கள் எடுத்து அவுட் ஆனார். அதன் பின்னர் தோனி, ராகுல் இணையும் வான வேடிக்கை காட்டியது. ராகுல் 51 பந்தில் 110 ரன்கள்  அடித்திருந்தார், தோனி 25 பந்தில் இரண்டு பவுண்டரி, இரண்டு சிக்ஸர் உதவியுடன் 45 எடுத்த நிலையில் கடைசி ஓவரின் கடைசி பந்தில் அவுட் ஆனார். கடைசி ஓவரில் எட்டு ரன்கள் எடுத்தார் வெற்றி என்ற நிலையில் ஃபினிஷிங் கிங் தோனி இருந்தும் ஒரு  ரன் வித்தியாசத்தில் இந்தியா அதிர்ச்சித் தோல்வியை தழுவியதில் ரசிகர்கள் அப்சட் ஆகினர். கடைசி ஓவரை அபாரமாக வீசிய பிராவோ பெரும் பாராட்டுகளை பெற்றார். 

9.  இந்தியா Vs ஜிம்பாப்வே 

IND vs ZIM

ஜிம்பாப்வே நாட்டுக்கு இந்தியா சுற்றுப்பயணம் மேற்கொண்டிருந்தது. ஒருநாள் தொடரை வென்ற நிலையில் டி20 தொடர் ஆரம்பித்தது. முதல் டி20 போட்டி ஹரேராவில் நடந்தது. முதலில் பேட்டிங் பிடித்த ஜிம்பாவே 170 ரன்கள் குவித்தது.

அடுத்து பேட்டிங் பிடித்த இந்தியா சீரான இடைவெளியில் விக்கெட்டுகளை இழந்தாலும், சீராக  ரன்களையும் குவித்தது. கடைசி ஓவரில் இந்தியாவின் வெற்றிக்கு எட்டு ரன்கள் தேவை. தோனி களத்தில் இருந்தார்.  முதல் பந்தில் ஒரு ரன் எடுத்தார் தோனி, அடுத்த பந்தில் அக்சர் படேல்  அவுட்டானார். மூன்றாவது பந்தில் மீண்டும் ஒரு ரன் எடுத்தார் தோனி. நான்காவது பந்தில் ரன் இல்லை, ஐந்தாவது பந்தில் வைடு காரணமாக ஒரு  ரன்னும், ரிஷி தவான் ஒரு ரன்னும் எடுத்ததால் இரண்டு ரன்கள் கிடைத்தது. கடைசி பந்தை தோனி சந்தித்தார். பவுண்டரி தேவை. ஆனால் ஒரு ரன் மட்டுமே தோனியால் எடுக்க முடிந்தது. இரண்டு ரன் வித்தியாசத்தில் திரில் வெற்றி பெற்றது ஜிம்பாப்வே. 

8. வெஸ்ட் இண்டீஸ் VS ஆப்கானிஸ்தான் (உலகக்கோப்பை) 

WI vs AFG

இந்த உலக கோப்பையில் வெஸ்ட் இண்டீஸ் தோற்றது ஆப்கானிஸ்தானிடம் மட்டும் தான். கெயில் இல்லாமல் இந்த மேட்சில் களமிறங்கியது வெஸ்ட் இண்டீஸ். முதலில் பேட்டிங் செய்த ஆப்கானிஸ்தான் 123 ரன்களை குவித்தது. சுழற்பந்துக்குச் சாதகமான நாக்பூர் மைதானத்தில் சேஸிங்கில் திணறியது வெஸ்ட் இண்டீஸ்.வெஸ்ட் இண்டீஸ் வீரர்களால் ரன்களே எடுக்க முடியவில்லை.

அமீர் ஹம்சா நான்கு ஓவர் வீசி வெறும் 9  ரன் கொடுத்து ஒரு விக்கெட் வீழ்த்தினார். முகமது நபி,  ஹமீத் ஹாசன் ஆகியோரும் சிறப்பாக பந்து வீசினர். கடைசி ஓவரில்  10 ரன்கள் எடுத்தால்  வெஸ்ட் இண்டீஸ் வெற்றி பெறலாம் என்ற நிலை. பிராத்வெயிட் களத்தில் இருக்கிறார். முகமது நபி பந்து வீசினார். முதல் இரண்டு பந்துகளில் ரன், மூன்றாவது பந்தில் பிராத்வெயிட் அவுட்டானார். இறுதியில் ஆறு ரன்கள் வித்தியாசத்தில் மேட்சை ஆப்கானிஸ்தான் ஜெயிக்க, அவர்களோடு இணைந்து கெயிலும் குத்தாட்டம் போட்டார். 

7. இந்தியா Vs பாகிஸ்தான் (உலகக்கோப்பை டி20 தொடர்) :-

virat kohli

பாகிஸ்தானும் இந்தியாவும் சாதாரணமாக ஒரு போட்டியில் மோதிக்கொண்டாலே கிரிக்கெட் உலகே  பரபரக்கும். இந்தச்  சூழ்நிலையில் உலகக் கோப்பையில் இந்தியா - பாகிஸ்தான் மோதல் என்றால் சொல்லவா வேண்டும்?  பதான்கோட் தாக்குதல் காரணமாக ஏற்கனவே இந்திய - பாகிஸ்தான் இடையே கடந்த ஜனவரி மாதம் முதல் பதற்றம் நிலவி வந்தது. இதையடுத்து பதான்கோட்டுக்கு அருகில் இருந்த  தர்மசாலாவில் நடைபெறவிருந்த இந்தியா - பாகிஸ்தான் போட்டி கொல்கத்தாவுக்கு மாற்றப்பட்டது. 

இந்திய அணி லீக் சுற்றில் முதல் போட்டியில் தோல்வி அடைந்திருந்த நிலையில், பாகிஸ்தானுடனான போட்டியில் வென்றே ஆக வேண்டும் என்ற நிலை ஏற்பட்டது. கொல்கத்தாவில் மழை காரணமாக 18 ஓவர் கொண்ட ஆட்டமாக மாற்றி அமைக்கப்பட்டது. நெஹ்ரா, அஷ்வின், ஜடேஜா, ரெய்னா ஆகியோர் சிக்கனமாக பந்துவீசியதில் 118/5 மட்டுமே எடுத்தது பாகிஸ்தான். இதையடுத்து இந்திய இன்னிங்ஸை தொடர்ந்தது. ஐந்து ஓவர் முடிவில் 23/3  என மோசமான நிலையில் இருந்தது இந்தியா. கோஹ்லியும்- யுவராஜும் இணைந்தார்கள். யுவராஜ் ஒரு முனையில் விக்கெட் விழாமல் தடுத்து நிறுத்தி அவரது இயல்பான ஆட்டத்தை ஆடினார். எதிர்முனையில் கோஹ்லி பயமற்ற ஆட்டத்தை ஆடினார். சமி, ஆமிர், மாலிக் , அப்ரிடி, இர்பான் என அத்தனை பேரின் பந்துகளையும் பவுண்டரிகளுக்கு விரட்டிக் கொண்டே இருந்தார். 15.5 ஓவரில் இந்தியா  வெற்றிக்குத் தேவையான ரன்களை எடுத்தது. விராட் கோஹ்லி  அரை சதம் எடுத்து சச்சினுக்கு அர்ப்பணித்த காட்சி இன்றும் சமூக வலைதளத்தில் உலாவுவதை பார்க்க முடியும். 

6. இந்தியா Vs ஆஸ்திரேலியா ( மூன்றாவது டி20) 

yuvraj singh

இந்த ஆண்டின் துவக்கத்தில் ஆஸ்திரேலியாவுக்குச் சுற்றுப்பயணம் மேற்கொண்டிருந்தது இந்தியா. ஒருதின தொடரை ஆஸி வென்றாலும், டி 20  தொடரை இந்தியா வென்றிருந்தது. கடைசி  மற்றும் மூன்றாவது டி20 போட்டி சிட்னியில் நடந்தது. இந்த மேட்சில் ஜெயித்தால், ஆஸ்திரேலியாவை வாஷ் அவுட் செய்து  வரலாற்றுச் சாதனை புரியலாம் என்பதால் ஆர்வமாக இருந்தது இந்தியா. 

 ஷேன் வாட்சனின் அட்டகாசமான சதத்தால் (124) இந்தியாவுக்கு வெற்றி இலக்காக 198 ரன்களை நிர்ணயித்தது ஆஸ்திரேலியா.  கோஹ்லி, ரோஹித், தவான் எல்லோரும் அடித்து நொறுக்கியிருந்தார்கள் எனினும் கடைசி ஓவரில் 17 ரன்கள் வெற்றிக்குத் தேவைப்பட்டது. ஆண்ட்ரு டை பந்து வீசினார். முதல் பந்தை பவுண்டரிக்கு விளாசினார் யுவராஜ், அடுத்த பந்தை ஒரு 'வாவ்' சிக்ஸர் விளாசினார் யுவராஜ். மூன்றாவது பந்தில் ஒரு  ரன் எடுத்தார்  யுவி. நான்காவது மற்றும் ஐந்தாவது பந்தில் தலா இரண்டு ரன்கள் ஓடி எடுத்தார் ரெய்னா. கடைசி பந்தில் ஒரு பவுண்டரி வைத்து வின்னிங் ஷாட்டுடன் மேட்ச்சை முடித்தார் ரெய்னா. ஆஸ்திரேலியாவை அதன் மண்ணில் அடக்கிய கம்பீரத்துடன் கோப்பைக்கு போஸ் தந்தனர் இந்திய வீரர்கள். 

5. தென் ஆப்பிரிக்கா Vs இங்கிலாந்து (உலகக்கோப்பை)

devilliers

இந்த முறையாவது உலகக்கோப்பையை வென்று விட வேண்டும் என்ற எண்ணத்துடன் வந்திருந்தது தென் ஆப்பிரிக்கா.  ஆனால் ரசிகர்கள் எதிர்பார்த்த மாதிரியே முக்கியமான போட்டிகளில் சொதப்பித் தள்ளியது. 

மும்பையில் நடந்த முதல் லீக் போட்டியில் இங்கிலாந்தை எதிர்கொண்டது தென் ஆப்பிரிக்கா. டாஸ் வென்று பேட்டிங்கில் சரவெடி ஆட்டம் ஆடினார் தென் ஆப்பிரிக்க வீரர்கள். அம்லா, டீ காக்,டுமினி அரை சதங்கள் எடுக்க, தன பங்குக்கு சிக்ஸர்களை விளாசிவிட்டு பெவிலியன் சென்றனர் டிவில்லியர்ஸ், டு பிளசிஸ், மில்லர். 

இங்கிலாந்து பேட்டிங் பிடித்தபோது ஜேசன்  ராய் எடுத்தவுடனே  ராக்கெட் கொளுத்தினார். ரன் ரெட் எகிறியது. 16 பந்தில் 43 ரன் எடுத்து அவுட் ஆனார் ஜேசன் ராய்.  இதற்கிடையில் வைடு, நோ பால் என  ரன்களாக வாரி வழங்கினர் தென்னாபிரிக்க பவுலர்கள். ஜோ ரூட் அட்டகாசமாக நேர்த்தியான ஆட்டத்தை ஆட, 19 ஓவரிலேயே தென் ஆப்பிரிக்கா குவித்த 229 ரன்னை சமன் செய்தது இங்கிலாந்து. கடைசி ஓவரை அபாட் வீசினார். முதல் இரண்டு பந்திலும் விக்கெட், மூன்றாவது பந்தில் ரன் இல்லை. ஒரு  ஓவரில் ஒரு ரன் எடுத்தால் வெற்றி என்ற சூழ்நிலையில் மேட்ச் என்னாகும் என எல்லோரும் பரபரப்பு ஆனார்கள், ஆனால் ஓவரின் நான்காவது பந்தில் அந்த ஒரு ரன்னை எடுத்து அணியை வெற்றி பெற வைத்தார் மொயின் அலி. 

4. வெஸ்ட் இண்டீஸ் Vs இங்கிலாந்து (இறுதிப்போட்டி) : -

final match

உலகக்கோப்பை இறுதிப்போட்டியின் அந்த பரபர நிமிடங்களை நினைத்தால் இப்போதும் பலருக்கும் சிலிர்க்கும். அப்பேற்பட்ட மேட்ச் அது. மொத்தம் நாற்பது ஓவர்களில் அந்த ஒரே ஒரு ஓவர் மட்டும் மேட்சை, இது வேற லெவல் போட்டி என எல்லோரையும் சொல்ல வைத்து விட்டது. முதலில் பேட்டிங் செய்த இங்கிலாந்து ரூட்டின் அரை சதத்துடன் 155 ரன்கள் குவித்தது. 

சார்லஸ், கெயில், சிம்மன்ஸ் எல்லோரும் ஒற்றை இலக்க ரன்களில் அவுட்  ஆக சாமுவேல்ஸ் மட்டும் ஒரு பக்கம் போராடிக் கொண்டிருந்தார். அதன் பின்னர் சிம்மன்ஸ், ரஸ்ஸல், சமி ஆகியோரும் ஒற்றை இலக்க  ரன்களில் ஆட்டமிழந்தனர். கடைசி ஓவரில் பதினெட்டு ரன்கள் எடுத்தால் வெற்றி என்ற நிலை. பிராத்வெயிட் களத்தில் நின்றார். ஆப்கானிஸ்தானுடன் பத்து ரன்களையே இவரால் கடைசி ஓவரில் அடிக்க முடியவில்லை, இவர் எப்படி இப்போது சாதிக்கப் போகிறார் என எல்லோரும் நினைக்க, வெஸ்ட் இண்டீஸ் கேப்டன் டேரன் சமி மட்டும் இன்னும் மேட்ச் இருக்கு கண்ணா என நினைத்தபடி சிரித்துக் கொண்டிருந்தார். 

பென் ஸ்டோக்ஸ் ஏற்கனவே அரையிறுதியில் நியூஸிலாந்துக்கு கடைசி ஓவர் வீசி மூன்று ரன்கள் மட்டும் தான்  விட்டுக்கொடுத்திருந்தார். ஸ்டோக்ஸா, பிராத்வெயிட்டா யார் ஜெயிக்கப்போவது என்ற  எதிர்ப்பார்ப்பு எகிறியது. கடைசி ஓவரின் முதல் நான்கு பந்தையும் பேட்டை சுழற்றி 6,6,6,6 என விளாசித் தள்ள மைதானமே கரவொலிகளால்அதிர்ந்தது . ஸ்டோக்ஸ் அப்படியே கிரவுண்டில் உட்கார்ந்து விட, எகிறிக்குதித்து தான் சாம்பியன் என்பதை இந்த உலகக்குக்காட்டிய திருப்தியுடன் சிரித்தார் பிராத்வெயிட். 

3. இந்தியா Vs ஆஸ்திரேலியா (உலகக்கோப்பை) 

kohli

கிட்டத்தட்ட காலிறுதி போட்டி போன்றதொரு பரபரப்பு இந்த போட்டிக்கு  இருந்தது. ஆஸ்திரேலியா  ஜெயித்தே ஆக வேண்டும் என்ற வெறியில்  ஆடியது. முதலில் பேட்டிங் பிடித்த ஆஸ்திரேலியா விறுவிறுவென ரன்களைச் சேர்க்க  ரன் விகிதம் பறந்தது. ஆனால் எட்டாவது ஓவரில் வார்னர் அவுட் ஆன பிறகு  ரன் ரேட்டை கட்டுக்குள் கொண்டு வந்தது இந்தியா. 161  ரன் அடித்தால் அரையிறுதிக்குச் செல்லலாம் என்ற விதியோடு இந்தியா களமிறங்கியது. 

எட்டு ஓவருக்கு 49/3 என எடுத்து தேமேவென ஆடிக்கொண்டிருந்தது இந்தியா. யுவராஜ் அவுட்டாகும் போது அணியின் ஸ்கோர் 15 ஓவர்களில் 94 ரன்கள். அந்த ஓவர்களில் 67 ரன் வெற்றிக்குத்தேவை என்ற நிலையில் தோனியும், கோஹ்லியும் இணைந்தார்கள். அடுத்த நான்கு ஓவர்கள் கோஹ்லி அடித்த ஷாட்கள் ஒவ்வொன்றும் கண்ணில் ஒற்றிக்கொள்ளும்   ரகம். சச்சின் டெண்டுல்கரே களத்தில் இறங்கி விளையாடியது போன்ற கச்சிதமான டிரைவ்கள் அவரிடம் இருந்து வெளிப்பட்டன. விராட் கோஹ்லியை ஆஸி பவுலர்களால் அடக்கவே முடியவில்லை. முடிவில், 19.1 ஓவரிலேயே  சேஸிங்கை முடித்துக் ஆஸிக்கு குட்பை சொன்னது இந்தியா.

2. இந்தியா VS பாகிஸ்தான் (ஆசிய கோப்பை) 

amir

டாக்காவில் நடந்த போட்டி இது. முதலில் பேட்டிங் செய்த பாகிஸ்தானை வெறும் 83 ரன்களுக்குச் சுருட்டியது இந்தியா. யுவராஜ், நெஹ்ரா, பும்ரா, ஜடேஜா ஆகியோர் அபாரமாக பந்து வீசினார்கள். 

84 ரன்கள் எடுத்தால் வெற்றி என களமிறங்கிய இந்தியாவுக்கு ஆரம்பமே அதிர்ச்சி  காத்திருந்தது. ஆமீர் ரோஹித் ஷர்மாவை டக் அவுட் ஆக்கினார், அடுத்ததாக ரஹானேவையும் டக் அவுட் செய்தார். இந்தியா 2/2 என கதி கலங்கியது. அடுத்ததாக ரெய்னாவையும் ஒரு  ரன்னில் பெவிலியனுக்கு அனுப்பினார் ஆமீர். முகமது ஆமீர் அன்றைக்கு வீசிய பந்துகள் ஒவ்வொன்றும் அட்டகாசம், பந்தை தொடவே முடியாமல்பேட்ஸ்மேன்கள் சிரமப்பட்டார்கள். விராட் கோஹ்லிக்கும், முகமது ஆமீருக்கும் ஒரு பெரிய போரே நடந்தது எனச் சொல்லலாம். நடப்பது டி20 போட்டியா, டெஸ்ட் போட்டியா என சந்தேகப்படும் அளவுக்கு  ரன் விகிதம் மந்தமானது. எனினும் யுவராஜ் ஒரு பக்கம் விக்கெட் சரிவை தடுத்து நிறுத்த, விராட் கோஹ்லி நைசாக ரன்களை சேர்த்துக் கொண்டே இருந்தார். சில தவறான பந்துகளை பவுண்டரிக்கு அனுபவம் விராட் தவறவே இல்லை. 51 பந்தில் 49 ரன் எடுத்திருத்தபோது சமி பந்தில் அவுட் ஆனார் கோஹ்லி. எனினும் கேப்டன் தோனியும், யுவராஜும் இணைந்து 16 வது ஓவரில் போட்டியை ஜெயித்தார்கள். சின்ன சேஸிங் என்றாலும் விடா கண்டன் கொடா கண்டன் போட்டியாக இருந்ததால் இந்த ஆண்டின் சிறந்த போட்டிகள் லிஸ்டில் முக்கியமான இடம் இந்த போட்டிக்கு உண்டு. 

1. இந்தியா vs வங்கதேசம் (உலகக்கோப்பை போட்டி)

 நிச்சயமாக, இந்த ஆண்டின் பெஸ்ட் டி20 போட்டி இது தான் என உறுதியாகச் சொல்லிவிடலாம். லீக் சுற்றில் பாகிஸ்தானை வென்ற பிறகு வங்கதேசத்தை சந்தித்தது இந்திய அணி. முதலில்  பேட்டிங் பிடித்து இந்தியா . வங்கதேச பவுலர்களை சமாளிக்க முடியாமல் சராசரிக்கும்   குறைவான  ரன்களையே  எடுத்தது இந்தியா. 147 ரன்கள் எடுத்தால் வெற்றி என்ற நிலையில் களமிறங்கியது வங்கதேசம். 

எந்த பேட்ஸ்மேனுமே இந்திய பவுலர்களுக்கு கட்டுப்படவில்லை, எளிதாக ரன்கள் வந்தது. கடைசி ஓவரில் வெற்றிக்கு 11 ரன்கள் தேவை. வங்கதேச அணியில் மஹமதுல்லாவும், முஷ்பிகுர் ரஹீமும் களத்தில் இருந்தனர், முதல் பந்தில் ஒரு  ரன் வந்தது. இரண்டாவது மற்றும் மூன்றாவது பந்தில் ரஹீம் எளிதாக பவுண்டரிகள் விளாசினார். மூன்று பந்துகள் உள்ளன, வெற்றிக்குத் தேவை இரண்டு ரன்கள், டை ஆக ஒரு ரன் போதும் என்ற நிலை இருந்தது. வங்கதேச ரசிகர்கள் மட்டுமல்ல, ரஹீமும், மஹமதுல்லாவும் கூட வெற்றிக் களிப்பில் இருந்தார்கள்.  தோனி ஹர்டிக் பாண்டியாவிடம் வந்து பேசினார். நெஹ்ரா பாண்டியாவுக்கு டிப்ஸ் தந்துவிட்டுச் சென்றார். 

India vs bangladesh t20

ஓடிவந்து நல்ல லென்த்தில் பந்து வீசினார் பாண்டியா, அதை மோசமாக புல் ஷாட் ஆடினார் ரஹீம். பந்து தவான் கையில் தஞ்சம் அடைந்தது. KEEP CALM BELEIVE DHONI வகையறா ஸ்டேட்டஸ்கள் சமூக வலைதளங்களில் வைரலாகிக் கொண்டிருந்தன. அடுத்த பந்தை  சந்திப்பதற்கு மஹமதுல்லா தயாராக இருந்தார். பாண்டேவும், தோனியும் தீவிர ஆலோசனை நடத்தினார்கள். பாண்டியா புல் டாஸ் பந்து ஒன்றை வீசினார், மதமதுல்லாவும் வின்னிங் ஷாட் அடிக்க ஆசைப்பட்டு, ரஹீம் அடித்த அதே திசையில் தூக்கி அடித்தார். ஜடேஜா ஓடிவந்து அட்டகாசமாக கேட்ச் பிடித்தார். இந்திய ரசிகர்கள் கொஞ்சம்  சுவாசிக்க ஆரம்பித்தார்கள். கடைசி பந்தை  ஷுவாகதா எதிர்கொண்டார். கிட்டத்தட்ட  வைடு பவுன்சர் ரக பந்தை வீசினார் பாண்டியா, பந்தை பேட்ஸ்மேன் மிஸ் செய்ய, விக்கெட் கீப்பராக இருந்த தோனி, எதிர் முனையில் இருந்து பேட்ஸ்மேன் கிரீசுக்குள் நுழைவதற்கு முன்னதாக  உசேன் போல்ட் வேகத்தில் ஓடி மிகச்சிறப்பான ஒரு ரன் அவுட் செய்தார். வங்கதேச ரசிகர்களின் குரல்கள் ஒரே நொடியில் அடங்கின. மைதானத்தில் பார்த்துக் கொண்டிருந்தவர்கள் மட்டுமல்ல, டிவியில் மேட்ச் பார்த்துக் கொண்டிருந்தவர்களும் ஆர்ப்பரித்தனர்.  

அது வேற லெவல் ரன் அவுட்!  

http://www.vikatan.com/news/sports/75801-which-t20-is-the-best-match-of-2016.art

Categories: merge-rss

அன்று சுவர்... இன்று சிற்பி...! இந்திய கிரிக்கெட்டைச் செதுக்கும் டிராவிட்

Sat, 24/12/2016 - 05:49
அன்று சுவர்... இன்று சிற்பி...! இந்திய கிரிக்கெட்டைச் செதுக்கும் டிராவிட்
 

ராகுல் டிராவிட் 

Extremely pleased to see the India-A plan giving rich rewards under #RahulDravid. Jayant & Karun shinning examples. @BCCI #TeamIndia

— Anurag Thakur (@ianuragthakur) December 19, 2016

இது, கருண் நாயர் முச்சதம் அடித்த சில நிமிடங்களில் பி.சி.சி.ஐ. தலைவர் அனுராக் தாக்கூர் ட்விட்டரில் வெளியிட்ட பதிவு. எல்லோரும் கருண் நாயரைப் பாராட்டிக் கொண்டிருக்கும்போது, அனுராக் தாக்கூர் சம்மந்தமில்லாமல் டிராவிட்டை பாராட்ட வேண்டிய அவசியம் என்ன? காரணம் இருக்கிறது! 

இரண்டு ஆண்டுகளுக்கு முன் சச்சின் டெண்டுல்கர்,செளரவ் கங்குலி, வி.வி.எஸ்.லட்சுமண் ஆகியோர் பி.சி.சி.ஐ.யின் ஆலோசனைக் குழுவில் இடம்பெற்றபோது ‛என் தலைவனை மட்டும் எப்படி தவிர்க்கலாம்’ என போர்க்கொடி தூக்கினர் டிராவிட் ரசிகர்கள். ‛பொறுமை, பொறுமை... இந்தியா - ஏ மற்றும் அண்டர் -19 அணியின் பயிற்சியாளராக டிராவிட் நியமிக்கப்பட்டுள்ளார். இளம் வீரர்களைக் கண்டறிந்து தேசிய அணிக்கு அனுப்புவது அவர் பொறுப்பு’ என அப்போது பி.சி.சி.ஐ. செயலராக இருந்த அனுராக் தாக்கூர் பதில் சொன்னார். இப்போது புரிகிறதா? அனுராக் ஏன் டிராவிட்டை பாராட்டினார் என்று.

‛ஒப்புக்குச் சப்பாணி பதவி இது’ என திருப்தியில்லாமல்தான் இருந்தனர் டிராவிட் ரசிகர்கள். ஆனால் அந்த பணியை அவ்வளவு அனுபவித்து செய்தார் டிராவிட். இதோ... இரண்டே ஆண்டுகளில் தேசிய அணியில் விளையாடுவதற்கு தகுதியுடைய வீரர்களை இறக்கிக் கொண்டே இருக்கிறார்.  ரகானே, சஞ்சு சாம்சன், கருண் நாயர் ஏற்கனவே ஐ.பி.எல். போட்டிகளில் டிராவிட்டிடம் பாலபாடம் பயின்றவர்கள் என்பது கிரிக்கெட் உலகம் அறிந்தது. சமீபத்தில் இங்கிலாந்துக்கு எதிரான மும்பை டெஸ்ட்டில் ஒன்பதாவது இடத்தில் இறங்கி சதம் அடித்த ஜெயந்த் யாதவ் மற்றும் ஹர்டிக் பாண்ட்யா ஆகியோரை, தேசிய அணியில் ஜொலிக்கும் வகையில் செதுக்கியது டிராவிட்டின் கைவண்ணம். இன்னும்... ரிஷப் பன்ட் போன்ற அவர் வார்ப்பில் உருவான நட்சத்திரங்கள் எந்நேரத்திலும் ஜொலிக்க காத்திருக்கின்றனர்.

rahul_19353.jpg

கருண் நாயர், ராகுல் டிராவிட், அனில் கும்ப்ளே மூவரும் கர்நாடகாவைச் சேர்ந்தவர்கள். டிராவிட் சொல்லி கருண் நாயரை டெஸ்ட் அணியில் கும்ப்ளே சேர்த்துக் கொண்டதாக ஒரு பேச்சு உண்டு. இதை ஊர்ப்பாசம் என்று எடுத்துக் கொள்ள முடியாது. ஏனெனில், கும்ப்ளே, டிராவிட்டின் மனநிலைக்கு நேர் எதிர் கேரக்டர், இந்திய அணியின் தேர்வுக்குழுத் தலைவர் எம்.எஸ்.கே.பிரசாத். டிராவிட் சொல்லும் வீரர்களை கும்ப்ளேதான் பயன்படுத்தப் போகிறார் என்றாலும், அந்த வீரர்களை தேர்வு செய்வதற்கு ஒப்புதல் அளிக்க வேண்டியது எம்.எஸ்.கே.பிரசாத். ஸோ... ஊர்ப்பாசம் தவிர்த்து, வீரர்களிடம் திறமை இருந்தால்தான் வேலைக்கு ஆகும்.  அப்படி திறமையானவர்களை டிராவிட் கண்டறிந்தார் என்பதற்கு சமீபத்திய பெஸ்ட் உதாரணம் ஜெயந்த் யாதவ். 

ஆஸ்திரேலியா ஏ அணிக்கு எதிரான நான்கு நாள் போட்டி மெல்போர்னில் நடந்தது. அதில், ஜெயந்த் யாதவ் மூன்று இன்னிங்சில் அடித்த ரன்கள் 11,46, 28. மேலோட்டமாகப் பார்த்தால் இந்த ரன்கள் ஒன்றுமே இல்லை என்று தோன்றும். இவை அனைத்தும் அணி ஆறு விக்கெட்டை இழந்து தள்ளாடியபோது, லோயர் ஆர்டரில் இறங்கி ஜெயந்த் அடித்தவை. அதை விட, பிரிஸ்பேன் ஆடுகளத்தில்,  கேன் ரிச்சர்ட்சன், ஜேக்சன் பேர்ட் பெளன்சர்களாக வீசிய வேகத்தைப் பார்த்து மிரளாமல், அநாயசமாக எதிர் கொண்டார் என்பதால் டிராவிட்டின் குட்புக்கில் இடம்பிடித்தார் ஜெயந்த். அதோடு ஃபீல்டிங்கில் கல்லியில் நிற்பதிலும் பக்கா. ஆஃப் ஸ்பின்னர் என்பது கூடுதல் பலம். இது எல்லாவற்றையும் விட அவரது ஆட்டிட்யூட் டிராவிட்டுக்கு ரொம்பவே பிடித்து விட்டது. 'அஷ்வினுக்கு மாற்றாக எந்த நேரத்திலும் பயன்படுத்தலாம்’ என ஜெயந்த் பற்றி கும்ப்ளே காதில் போட்டு வைத்தார் டிராவிட்.  அடுத்த சில நாட்களில் இந்திய அணியில் சேர்ந்தார் ஜெயந்த்.

டிராவிட் இளம் இந்திய அணியின் பயிற்சியாளராகப் பொறுப்பேற்றதும் சென்னையில் இந்தியா ஏ, ஆஸ்திரேலியா ஏ, தென் ஆப்ரிக்கா ஏ அணிகள் மோதிய நான்கு நாள் போட்டி மற்றும் ஒருநாள் தொடர் நடந்தன. இதில் இந்தியா சொதப்பிய நாட்களில் எல்லாம், பிரஸ் மீட்டுக்கு வந்தார் டிராவிட்.  பயிற்சியாளராக உங்கள் பணி என்ன எனக் கேட்டதும் 'உடனடியாக வெற்றி பெற வேண்டும் என்பது என் குறிக்கோள் அல்ல. பிராசஸ். இந்திய அணியில் விளையாடவல்ல வீரர்களை அடையாளம் காண்பதே என் பணி. இங்குள்ள இளம் வீரர்களில் பலர், உள்ளூர் போட்டிகளில் விளையாடிய அனுபவம் நிறைந்தவர்கள். எனவே, அவர்களுக்கு சின்ன சின்ன கரெக்சன்கள் சொல்வதோடு சரி. மற்றபடி எல்லோருக்கும் ஒரு ஸ்டைல் இருக்கும். அவர்கள் ஆட்டத்தை மாற்ற ஒருபோதும் நிர்பந்திக்க மாட்டேன். என்னைப் பொறுத்தவரை மனதளவில் பெரிய இன்னிங்ஸ் விளையாடத் தயார்படுத்துவதே என் வேலை’ என்றார்  இந்திய அணியின் சுவர். '50 ரன்கள் அடித்தபின் அதை சதமாக மாற்றவும், அதற்கு மேலும் ரன் அடிக்கவும் காரணம், என் ஆதர்ச நாயகன் ராகுல் டிராவிட் சொன்ன அறிவுரைதான் ’ என்றார், 2014-15 ரஞ்சி சீசனில், தமிழ்நாட்டின் சிறந்த வீரர் விருது வென்ற விஜய் சங்கர். இதைப் பல வீரர்கள் வழிமொழிவர். 

rahul_dravid_watching_young_players_bowl

டிராவிட் அப்படி சொன்னாரே தவிர, தனிப்பட்ட முறையில் ஒவ்வொருவரின் ஆட்டத்தைப் பற்றியும் நன்கு கணித்து வைத்திருந்தார். விராட் கோஹ்லி என்னதான் அடித்து நொறுக்கினாலும், இன்னும் அவருக்கு  ட்ரைவ் போல ஸ்வீப் வசப்படவில்லை.  கடந்த ஆண்டு இலங்கைக்கு சுற்றுப்பயணம் செல்வதற்கு முன், சென்னையில் நடந்த போட்டியில் இந்தியா ஏ  அணியினருடன் இணைந்து விளையாடினார் கோஹ்லி. போட்டி சீக்கிரமே முடிந்து விட்டதால் மதிய நேரம் பயிற்சியில் ஈடுபட்டனர் இந்திய வீரர்கள். 
அப்போது டிராவிட் தனியாக கோஹ்லிக்கு ஸ்வீப் அடிக்க கற்றுக் கொடுத்தார். ஸ்வீப் செய்யும்போது முன்னங்கால் எப்படி இருக்க வேண்டும், எந்தளவு பெண்ட் செய்ய வேண்டும், பேட்டை எந்த கோணத்தில் பிடித்திருக்க வேண்டும், முகம் எப்படி திரும்ப வேண்டும் என விலாவரியாக விவரித்த தருணத்தை, ஃபோட்டோகிராபர்கள் மிஸ் செய்யாமல் க்ளிக்கினர்.  மறுநாள் ஆங்கிலப் பத்திரிகைகளில் ஸ்போர்ட் ஸ்பக்கத்தில் அந்த செய்திதான்  ஹைலைட். இலங்கை புறப்படும் முன் கோஹ்லியிடம்  ‛நேற்று டிராவிட் உங்களுக்கு ஸ்வீப் ஆடக் கற்றுக் கொடுத்தது போல தெரிந்ததே...’ என நிருபர்கள் கேட்க  'ஆமாம், டிராவிட் சில நுணுக்கங்களை சொன்னார். ரகானே, ராகுல், ரோகித் என எல்லோருக்குமே ஸ்வீப் நன்றாக வருகிறது. நானும் கூடுதலாக ஒரு ஷாட் தெரிந்து வைத்திருந்தால் நல்லதுதானே’ என விளக்கினார் இந்திய டெஸ்ட் அணியின் கேப்டன். 

டிராவிட்டிடம் கேட்டபோது ‛ரொட்டேட் தி ஸ்ட்ரைக் ரொம்ப முக்கியம். ட்ரைவ்களில் நீங்கள் திறமைசாலி எனில், எளிதாக உங்களை கட்டம் கட்ட முடியும். நீங்கள் அடிக்கடி ட்ரைவ் செய்தால் எதிரணியினர் அந்த இடத்தில் ஃபீல்டர்களை நிறுத்தி உங்களை திணறடித்து விடுவர். கூடுதலாக ரன் எடுக்க வேண்டுமானால், ஸ்ட்ரைக் ரொட்டேட் செய்து கொண்டே இருக்க வேண்டும்’ என்றார். 'அதேநேரத்தில் இன்றைய இளைஞர்கள் சுழற்பந்தை ஆரம்பத்தில் இருந்து அடித்து  ஆட முயல்கின்றனர். அது தவறு.  Sometimes we need to give the ball the respect it deserves’  என்றார் ஆபத்தான பந்தை தொடாமல் விடுவதில் வல்லவரான டிராவிட்.  

Dravid_19431.jpg

இப்படி டெக்னிக்கல் ரீதியாக தாக்கத்தை ஏற்படுத்திய டிராவிட், உளவியல் ரீதியாக, மனரீதியாக வீரர்களை தயார்படுத்தியது தனிக்கதை. ‛As long as rahul dravid is at other end, india will not lose... முதல் பதினைந்து நிமிடங்களில் டிராவிட் விக்கெட்டை எடுக்க முயற்சி செய். முடியவில்லையா, அவருக்கு எதிர்முனையில் இருப்பவரை ஆட்டமிழக்கச் செய்...’ என்பது, டிராவிட் விளையாடிய காலத்தில் நிலவிய கருத்து. அதையே இன்று, தன் வீரர்களுக்கு சொல்லி வருகிறார் டிராவிட். ‛போனவுடன் அடித்து ஆடாதே. சில சமயங்களில் நாம் ஆட்டம் மோசமாக இருக்கலாம். பெளலர் ஏற்கனவே வியூகங்களுடன் தயாராக இருக்கலாம். முதலில் சூழலையும், பெளலரின் மனநிலையையும் புரிந்து கொள்ள வேண்டும் என பல நுணுக்கங்களைச் சொன்னார் டிராவிட். ஒவ்வொரு முறையும் பயிற்சியின்போது புதிது புதிதாக ஏதாவது ஒரு விஷயம் சொல்வார். டெக்னிக்கல் ரீதியாகவும், மனரீதியாகவும்  அவரிடம் இருந்து கற்றுக் கொண்டது ஏராளம் ஏராளம்.  இந்திய ஏ அணியில் இருந்து வரும் ஒவ்வொரு வீரரும் இதை உணர்வர்’’ என்றார் சஞ்சு சாம்சன்.

ஜூனியர்கள் மட்டுமல்ல, ஒரு கட்டத்தில் சீனியர்களும் டிராவிட்டிடம் ஆலோசனை கேட்டு நின்றனர். கடந்த ஆண்டு இந்தியா ஏ அணிக்கு புஜாரா தலைமை ஏற்றிருந்தார். ஏனெனில் அப்போது அவர் இந்திய அணியில் தடுமாறிக் கொண்டிருந்தார். தன்  ஆட்டம் குறித்து புஜாரா கேட்டதும் ‛‛டெக்னிக் ரீதியாக உங்கள் ஆட்டத்தில் குறை ஏதும் இல்லை. ரன் எடுக்க வேண்டும் என்ற முனைப்பு  உள்ளது. ஸ்பின்னர்களுக்கு எதிராக அபாரமாக ஸ்ட்ரைக் ரொட்டேட் செய்வதால், கொஞ்சம் அமைதியாக இருந்தாலே போதும். உங்கள் இயல்பான ஆட்டம் வெளிப்படும்’ என, புஜாராவுக்கு டிராவிட் அறிவுரை சொன்னார். 

டிராவிட்டிடம் இளம் வீரர்கள் அதிசயிக்கும் இன்னொரு விஷயம், அவரது எளிமை. ஒருமுறை ஃபீல்டிங் பயிற்சி முடித்து விட்டு வீரர்கள் ட்ரெஸ்ஸிங் ரூம் திரும்பிக் கொண்டிருந்தனர். கிட்டத்தட்ட சப்போர்ட்டிங் ஸ்டாஃப் முதல் வீரர்கள் வரை எல்லோருமே மைதானத்தில் இருந்து புறப்பட்டு விட்டனர். ஆனால், டிராவிட் பயிற்சியின்போது ஆங்காங்கே சிதறிக் கிடந்த பந்துகளை எல்லாம் ஒன்று விடாமல் சேகரித்து, அதை அதற்குரிய பெட்டியில் போட்டு விட்டு நகர்ந்தார்.  அவர் கை அசைத்திருந்தால், அதை எடுத்து வைக்க நூறு பேர் இருக்கின்றனர். டிராவிட் அப்படிச் செய்யவில்லை. அதான் டிராவிட். 

பனைமரத்தில் எதுவும் வீண் போகாது. போலவே, கிரிக்கெட்டுக்கு ராகுல் டிராவிட்.

http://www.vikatan.com/news/sports/75803-rahul-dravid-behind-indias-bench-strength.art

Categories: merge-rss

செல்சியாவின் ஆஸ்காரை 60 மில்லியன் பவுண்டு கொடுத்து வாங்கும் சீன கிளப்

Fri, 23/12/2016 - 13:20
செல்சியாவின் ஆஸ்காரை 60 மில்லியன் பவுண்டு கொடுத்து வாங்கும் சீன கிளப்

பிரேசில் நாட்டின் முன்னணி நடுக்கள வீரரான ஆஸ்காரை செல்சியாவிடம் இருந்து 60 மில்லியன் பவுண்டு கொடுத்து சீனாவின் முன்னணி கால்பந்து கிளப் வாங்குகிறது.

 
செல்சியாவின் ஆஸ்காரை 60 மில்லியன் பவுண்டு கொடுத்து வாங்கும் சீன கிளப்
 
இங்கிலாந்து அணியின் முன்னணி கால்பந்து கிளப் அணி செல்சியா. இந்த அணிக்காக 25 வயதான பிரேசில் அணியின் முன்னணி நடுக்கள ஆட்டக்காரர் ஆஸ்கார் விளையாடிவருகிறார். இவரை சீனாவின் முன்னணி கிளப் அணியான ஷாங்காய் எஸ்.ஐ.பி.ஜி. அணி வாங்க விருப்பம் தெரிவித்தது.

இதற்கான பேச்சுவார்த்தை நல்லபடியாக முடிந்துள்ளது. இன்னும் சில நாட்களில் ஷாங்காய் 60 மில்லியன் பவுண்டு கொடுத்து ஆஸ்காரை ஒப்பந்தம் செய்யும் என எதிர்பார்க்கப்படுகிறது.

இதுகுறித்து ஆஸ்கார் வெளியிட்டுள்ள வீடியோ அறிக்கையில் ‘‘ஷாங்காய் எஸ்.ஐ.பி.ஜி. அணிக்காக ஒப்பந்தம் செய்யப்பட இருப்பது சந்தோஷம். புதிய குடும்பமான சீனாவுடன் இணைய இருப்பது எனக்கு மிகவும் முக்கியமான நாளாக இருக்கப்போகிறது’’ என்றார்.

ஏற்கனவே, சீன சூப்பர் லீக் கிளப்புகள் 400 மில்லியன் டாலர்கள் அளவில் வெளிநாட்டு முன்னணி வீரர்களை ஒப்பந்தம் செய்துள்ளது குறிப்பிடத்தக்கது.

http://www.maalaimalar.com/News/Sports/2016/12/23181214/1057912/Chelsea-Brazilian-midfielder-Oscar-set-to-join-Shanghai.vpf

Categories: merge-rss

இந்தாண்டின் மிஸ் பண்ணியிருக்கவே கூடாத 10 டெஸ்ட் போட்டிகள்! #Top10Tests

Fri, 23/12/2016 - 11:41
இந்தாண்டின் மிஸ் பண்ணியிருக்கவே கூடாத 10 டெஸ்ட் போட்டிகள்! #Top10Tests
 

India vs Australia

டெஸ்ட் கிரிக்கெட் அழிவை நோக்கிச் சென்று கொண்டிருக்கிறதோ என பலரும் கடந்த சில ஆண்டுகளாக கவலைப்பட்டுக் கொண்டிருந்தார்கள். அது இனி தேவையில்லை. டெஸ்ட் கிரிக்கெட் எப்போதும் பெஸ்ட் கிரிக்கெட் தான், அதை கொண்டாடவும், வரவேற்கவும், ஆராதிக்கவும் கிரிக்கெட் ரசிகர்கள் எப்போதுமே தயாராக இருப்பார்கள் என்பதை இந்தாண்டு நிரூபித்தது. உலகம் முழுவதும் சுமார் 45 டெஸ்ட் போட்டிகள் நடந்து முடிந்திருக்கின்றன. பல தொடர்களில் பல்வேறு ஆச்சர்ய முடிவுகள் கிடைத்திருக்கின்றன. இந்தியா, தென்னாப்பிரிக்கா, இங்கிலாந்து, பாகிஸ்தான், வங்கதேசம் போன்ற அணிகள் எதிரணிகளுக்கு அதிர்ச்சி வைத்தியம் தந்தன. அப்படி, இந்த ஆண்டு நடந்த  திக் திக் டெஸ்ட் போட்டிகள், சிறந்த போட்டிகள் போன்றவற்றை இங்கே பட்டியலிட்டுள்ளோம். 

10. ராஜ்காட் டெஸ்ட் - இந்தியா VS இங்கிலாந்து :-

வங்கதேசத்தில் அடி வாங்கிய கையோடு இந்தியா வந்திருந்தது இங்கிலாந்து. 'இந்தியாவில் மிக மோசமான தோல்விகளை சந்திக்க நேரிடலாம்' என இங்கிலாந்து முன்னணி வீரர்கள் அந்த அணிக்கு  அச்சுறுத்தல் அறிக்கைகளை பார்சல் செய்தனர். "இது வழக்கமான இங்கிலாந்து அணி கிடையாது, இந்தியாவுக்கு இது வழக்கமான ஹோம் சீரிஸ் கிடையாது, இந்தியா போராடவேண்டியதிருக்கும்" என இன்னொரு பக்கம் கிரிக்கெட் நிபுணர்கள் இந்திய அணிக்கு கிலி காட்டிக் கொண்டிருந்தனர். 

கடந்த முறை இங்கிலாந்துக்குச் சென்ற போது அவர்கள் நம்மை பிரித்து மேய்ந்தார்கள், இந்தியாவுக்கு வந்தபோதும் தொடரை வென்று பெப்பே காட்டிவிட்டு போனார்கள், எனவே இது இந்திய அணிக்கு முக்கியமான தொடர் என்ற கவனம் இந்திய வீரர்களிடம் இருந்தது. குறிப்பாக இங்கிலாந்தில் நடந்த டெஸ்ட் தொடரில் படுமோசமான ஆட்டத்தை சந்தித்த கோலி, அந்த அவப்பெயரை மாற்ற வேண்டும் என  வெறியுடன் இருந்தார். அந்த நாளும் வந்தது. ஆம் முதல் டெஸ்ட் போட்டி குஜராத் மாநிலத்தில் உள்ள ராஜ்கோட் மைதானத்தில் தொடங்கியது.  டாஸ் ஜெயித்தது இங்கிலாந்து. இந்திய ரசிகர்கள் கன்னத்தில் கை வைத்தனர். பத்தாயிரம் ரன்கள் எடுத்த பெருமையோடு, கேப்டனாக களமிறங்கிய குக் உடன், 19 வயது நாயகன் ஹஸீப் ஹமீத் களமிறங்கினார். 

India Vs England

அருமையான லைன் அண்ட் லென்த்தில், குக்கின் பேட்டில் பட்டு அவுட்சைடு எட்ஜ் ஆகும் வகையில் ஒரு பந்தை  வீசி இங்கிலாந்தை வரவேற்றார்  ஷமி. சுதாரித்தார் குக். மூன்றாவது பந்தில் ரஹானே ஒரு கேட்ச் வாய்ப்பை கோட்டை விட மைதானத்தில் ரசிகர்கள் உச் கொட்ட ஆரம்பித்தார்கள். பிட்ச் பேட்டிங்குக்கு ஓரளவு சாதகமாக இருந்தது; பந்துகள் திரும்பவும் இல்லை; ஸ்விங் ஆகவும் இல்லை; இதனை நன்றாக பயன்படுத்திக் கொண்ட இங்கிலாந்து பேட்ஸ்மேன்கள் பொறுமையாக  ரன் சேர்த்தனர். ரூட், மொயின் அலி, ஸ்டோக்ஸ் என மூன்று பேர் சதமடித்தார்கள். கடந்த  மூன்றாண்டுகளாக இந்திய மண்ணில் முன்னூறு அடிப்பதற்கே எதிரணிகள் திக்கித்திணறிய  நிலையில் இங்கிலாந்து முதல் டெஸ்ட் போட்டியின், முதல் இன்னிங்ஸிலேயே 537 ரன்கள் குவித்தது. பதிலடியாக, முரளி விஜய், புஜாரா ஆகியோரின்  சதங்களோடு 488 ரன் எடுத்தது இந்தியா. அடுத்த இன்னிங்ஸில் குக் சதமடிக்க 260/3 என டிக்ளர் செய்தது இங்கிலாந்து. இந்தியாவுக்கு வெற்றி இலக்கு 310 ரன்கள். 71/4 என்ற நிலையில்  இருந்து அடுத்த இரண்டு விக்கெட்டுகளையும் இழந்து தடுமாறியது இந்தியா.  

விராட் கோலி, ஜடேஜா யாராவது ஒருவரின் விக்கெட்டை எடுத்தாலும் மேட்ச்சை  ஜெயித்து விடலாம் என  எண்ணினார் குக். ஆனால் கோலியின் பக்குவத்துக்கு முன்பும், ஜடேஜாவின் கேஷுவல் இன்னிங்ஸ் முன்பும் இங்கிலாந்து பவுலர்கள் பாச்சா பலிக்கவில்லை. இந்திய மண்ணில் இரண்டு டெஸ்ட் தொடருக்கு பிறகு முதன் முதலாக ஐந்து  நாள் மேட்ச் நடந்தும் போட்டி டிரா ஆனது. இது வேற லெவல் டெஸ்ட் தொடர்  என அறிமுகம் பெற்றது.மறக்க முடியுமா இந்த மேட்ச்சை?

9. ஜோஹன்னஸ்பார்க் டெஸ்ட் (இங்கிலாந்து vs தென்ஆப்பிரிக்கா)

 நான்கு டெஸ்ட் போட்டிகள் கொண்ட தொடரில் ஆடுவதற்காக தென் ஆப்பிரிக்கா வந்திருந்தது இங்கிலாந்து அணி. கடந்த ஆண்டு நடந்த பாக்சிங் டே டெஸ்ட் போட்டியில் இங்கிலாந்து வென்றிருந்தது. இரண்டாவது டெஸ்ட் போட்டி டிரா ஆனது. மூன்றாவது டெஸ்ட் போட்டி, ஜனவரி 14-ம் தேதி வாண்டரர்ஸ் ஸ்டேடியத்தில் நடந்தது. தென்னாப்பிரிக்க 313  ரன்னும், ரூட் சதத்தால் இங்கிலாந்து 323  ரன்னும் குவித்தன. மூன்றாவது இன்னிங்ஸில் தான் அந்த மேஜிக் நிகழ்ந்தது.

Eng Vs SA

ஸ்டூவர்ட் பிராட் தனது வாழ்நாளின் சிறந்த பந்துவீச்சை வெளிப்படுத்தினார். பிராடின் பவுன்சர்களுக்கும், ஸ்விங்குக்கும் விடை தெரியாமல் நின்றனர் தென் ஆப்பிரிக்க வீரர்கள். அம்லா, டிவில்லியர்ஸ், டு பிளசிஸ் என சிறந்த டெஸ்ட் பேட்ஸ்மேன்களே தாக்குப்பிடிக்க முடியாமல்  வந்த வேகத்தில் விக்கெட்டை கொடுத்துவிட்டுச் பெவிலியனுக்குத் திரும்பினர். அந்த அணியில் அதிகபட்ச  ரன் எடுத்தவரே ரபாடா தான். எவ்வளவு தெரியுமா? 16 ரன்கள். வெறும் 83 ரன்னுக்கு சொந்த மண்ணில் ஆல் அவுட் ஆகி அவமானப்பட்டது தென் ஆப்பிரிக்கா. 12 ஓவர்கள் வீசி 16 ரன்கள் கொடுத்தது ஆறு விக்கெட்டைச் சாய்த்தார் பிராட். மூன்று விக்கெட்டுகளை மட்டும் இழந்து வெற்றிக்குத் தேவையான ரன்னைச் சேர்த்து தொடரை ஜெயித்து தம்ஸ் அப் காட்டியது இங்கிலாந்து. அயல் மண்ணில், அதுவம் டெஸ்ட் போட்டிகளில் வலிமை மிக்க தென்னாப்பிரிக்காவை ஜெயித்ததில்  இங்கிலாந்தே ஹேப்பி அண்ணாச்சி ஆனது. மறக்க முடியுமா இந்த மேட்ச்சை?

8. செயின்ட் லூசியா டெஸ்ட் (இந்தியா VS வெஸ்ட் இண்டீஸ்): -

கோலி தலைமையில்  ஆசிய கண்டத்துக்கு அப்பால் இந்திய அணி சுற்றுப்பயணம் மேற்கொண்ட முதல் டெஸ்ட் தொடர் அது. வெஸ்ட் இண்டீஸ் அணியோ டி-20 உலகக் கோப்பையை வென்ற தெம்பில், மீண்டும் கிரிக்கெட் ஜாம்பவானாக உருவாக, இந்த டெஸ்ட் தொடரை பயன்படுத்திக் கொள்ள வேண்டும் என திட்டமிட்டிருந்தது. முதல் டெஸ்ட் போட்டியை இந்தியா  ஜெயிக்க, இரண்டாவது டெஸ்ட் போட்டி டிரா ஆனது. மூன்றாவது டெஸ்ட் போட்டி செயின்ட் லூசியாவில் நடந்தது. 126/5 என இந்தியா மோசமான நிலையில் இருந்தபோது அஷ்வினும், சாஹாவும் நாங்க இருக்கிறோம் எனச் சொல்லி நீண்ட நெடிய அற்புதமான இன்னிங்ஸ் ஆடினார்கள். கோலியையும், ரஹானேவையும், ரோஹித்தையும் எளிதாகச்  சாய்த்த வெஸ்ட் இண்டீஸ் பவுலர்கள் இவர்கள் இருவரையும் பிரிப்பதற்குள் படாதபாடு பட்டார்கள். பவுன்ஸர்கள் வீசினார்கள்; யார்க்கரில் அச்சுறுத்தினார்கள்; சூழல் வலை அமைத்தார்கள்: ஆனால் எதிலும் சிக்காமல் சிறப்பாக ஆடி செஞ்சுரி போட்டது இந்த இணை. 353  ரன்களுக்கு முதல் இன்னிங்ஸை இழந்தது இந்திய அணி. 

IND vs WI

வெஸ்ட் இண்டீஸ் அணி பேட்டிங் பிடித்தது, மூன்றாவது நாள் மழையால் கைவிடப்பட்டது. டெஸ்ட் டிராவை நோக்கி நகரப்போகிறது என எல்லோரும் நம்ப ஆரம்பித்திருந்தார்கள். ஆனால் புவனேஷ்வர் குமார் , “எனது ஸ்விங்குகளுக்கு பதில் சொல்லிவிட்டு டிராவை பற்றி யோசியுங்கள்”  என சொல்லாமல் சொன்னார். அகப்பட்டது வெஸ்ட் இண்டீஸ். 225 ரன்னில் இன்னிங்ஸை இழந்தது. ரஹானேவின் 78  ரன் உதவியுடன் 217/7 என்ற நிலையில் டிக்ளர் செய்தது இந்தியா. வெறும் 108 ரன்னில் கடைசி இன்னிங்ஸில் சுருண்டது வெஸ்ட் இண்டீஸ். அயல் மண்ணில் கோஹ்லி தலைமையில் இந்தியா  பெற்ற இரண்டாவது தொடர் வெற்றி இது. அது மட்டுமல்ல, கிரிக்கெட் வரலாற்றிலேயே முதல் முறையாக   வெஸ்ட் இண்டீஸ் மண்ணில் நடந்த டெஸ்ட் தொடரில் இரண்டு டெஸ்ட் போட்டிகளை வென்று அபார சாதனை படைத்தது இந்தியா. மறக்க முடியுமா இந்த மேட்ச்சை? 

7. சிட்டகாங் டெஸ்ட் (இங்கிலாந்து VS  வங்கதேசம்) 

நியூஸிலாந்து வந்தது.. தோற்றது! பாகிஸ்தான் வந்தது ...தோற்றது! இந்தியா முரண்டு பிடித்தது ...கடைசியில்  தோற்றது! தென் ஆப்பிரிக்கா போராடியது.. தோற்றது! ஜிம்பாப்வே வந்தது சரணடைந்தது! ஆப்கானிஸ்தான் கிலி தந்தது.. எனினும் தோற்றது! 

இந்தப்பூனைக்கு யார் தான் மணி கட்டுவது, அத்தனை பெரிய நாடுகளுமே வங்கதேச மண்ணில் தோல்வியைச் சந்திக்கின்றனவே.. என்ன தான் காரணம்? என வங்கதேசத்தை பார்த்து மிரட்சியில் இருந்தனர் எதிரணி வீரர்கள். இப்படியொரு சூழ்நிலையில் தான் வங்கதேசம் வந்து ஒருநாள் தொடரை வென்று ஜம்மென  ஆசிய துணைகண்டத் தொடருக்குத் தயாரானது இங்கிலாந்து. 

அடுத்தது டெஸ்ட் போட்டி. டெஸ்டில் இங்கிலாந்து வலுவான அணி. வங்கதேசம் எளிதில் சரணடைந்து விடும் என எதிர்பார்க்கப்பட்டது. ஆனால் முழு வலிமையையும் திரட்டி ஆட  ரெடியாக இருந்தது வங்கதேசம். டாஸ் ஜெயித்து பேட்டிங்கை தேர்ந்தெடுத்தது. இங்கிலாந்து. வங்கதேசம் 248 ரன்கள் மட்டுமே எடுக்க.. முதல் இன்னிங்ஸில் கிடைத்த 45 ரன்கள் முன்னிலையும் சேர்த்து, 285 ரன்னை வங்கதேசத்துக்கு வெற்றி இலக்காக நிர்ணயித்தது இங்கிலாந்து. 

Ban VS ENG

108/5 என சரிந்தபோதும் அணியை இழுத்துப் பிடித்தார்கள் முஷ்பிகுர் ரஹீமும், சபீர் ரஹ்மானும். எனினும் நான்காவது நாள் இறுதியில் 11 ரன்கள் இடைவேளையில் மூன்று விக்கெட்டுகளை இழந்தது வங்கதேசம். கடைசி நாள் இங்கிலாந்தின் வெற்றிக்கு இரண்டு விக்கெட்டுகள் தேவை; வங்கதேசமோ வரலாற்றுச் சிறப்புமிக்க வெற்றியைச் சுவைக்க 33 ரன்கள் எடுக்க வேண்டும், கையில் நன்றாக ஆடிக்கொண்டிருக்கும்  சபீர் ரஹ்மானின் துணை இருக்கிறது என்ற நிலை. முதன் முறையாக வங்கதேசம் விளையாடிய டெஸ்ட் போட்டிக்கு பெரும் ஆதரவு குவிந்தது. ரசிகர்கள் மைதானங்களில் நிறைந்தார்கள். 

ஐந்தாவது நாள்  ஆட்டம் ஆரம்பித்தது. பிராட் வீசிய முதல் ஓவரில் மூன்று  ரன் வந்தது. இன்னும் 29 ரன் மட்டுமே கமான்... கமான் என வங்கதேச  ரசிகர்கள் உற்சாகப்படுத்தினார்கள். ஸ்டோக்சின் அடுத்த ஓவரிலேயே ஐந்து ரன்னை எடுத்தது. இன்னும் 24 ரன்கள் தான் வெற்றிக்கு தேவை  என்ற நிலை ஏற்பட பரபரப்பு தொற்றியது. புது பந்தை கையில் எடுத்தது இங்கிலாந்து. பிராட் பந்தை வீச அந்த ஓவரில்  இரண்டு  ரன் வந்தது. வெறும் 22 ரன்கள் தான் தேவை: நிமிர்ந்து உட்கார்ந்தார்கள் வங்கதேச  ரசிகர்கள். ஸ்டோக்ஸ் அடுத்த ஓவரை வீச ரெடியானார்.  தஜுல் இஸ்லாமுக்கு பந்து வீசிவிட்டு எல்.பி.டபிள்யூ என கத்தினார் ஸ்டோக்ஸ். அம்பயர் அவுட் கொடுக்கவில்லை. டி.ஆர்.எஸ் உதவியை நாடினார் குக். பலன் இங்கிலாந்துக்கு கிடைக்க, ஒன்பதாவது விக்கெட்டை இழந்தது வங்கதேசம். அடுத்த பந்தில்  ரன் இல்லை. அதற்கடுத்த பந்தில் மீண்டும் எல்.பி.டபிள்யூ  என கத்தினார் ஸ்டோக்ஸ். இந்த முறை அம்பயர் அவுட் தந்தார். பேட்டிங் முனையில் இருந்த ஷபியுல்  ரிவ்யூ கோரினார். இந்த முறையும் பலன் இங்கிலாந்துக்கே கிடைத்தது. நெருங்கி வந்து தோல்வியைச் சந்தித்த ஏமாற்றத்தில் நொறுங்கியது வங்கதேசம்.மறக்க முடியுமா இந்த மேட்ச்சை? 

6. கல்லீ டெஸ்ட் (இலங்கை VS ஆஸ்திரேலியா) 

ஆஸ்திரேலியா அப்போது டெஸ்ட் தரவரிசையில் நம்பர் ஒன் அணி. இலங்கையோ பரிதாப நிலையில் இருந்தது. இந்நிலையில் தான் இலங்கைக்குச் சுற்றுப்பயணம் மேற்கொண்டது ஆஸ்திரேலியா. நான்கரை ஆண்டுகளாக ஆசிய கண்டத்தில் ஒரு டெஸ்ட் போட்டியை வென்றதே இல்லை என்ற மோசமான நிலையில் இருந்த ஆஸ்திரேலியா, இந்த தொடரில் இலங்கையை நசுக்கலாம்  என்ற எண்ணத்துடன் வந்திருந்தது. 

galle test

முதல் டெஸ்ட் போட்டியில் மரண அடி கொடுத்திருந்தது இலங்கை. அதில் இருந்து சுதாரிப்பதற்குள் இரண்டாவது டெஸ்ட் போட்டியை ஜெயித்தது  இலங்கை. இந்த டெஸ்ட் போட்டியில் இரண்டு இன்னிங்ஸிலும் சேர்த்து ஆஸ்திரேலியா எடுத்த ரன்கள் (106 +183) 289 மட்டும் தான். ஒரு இன்னிங்ஸில் 33 ஓவரிலும், இன்னொரு இன்னிங்ஸில் 50 ஓவரில் ஆஸ்திரேலியா இன்னிங்ஸ் முடிவுக்கு வந்திருந்தது, திலுவான் பெரேராவின் பத்து விக்கெட் டெஸ்ட் போட்டியில் கேவலமான தோல்வியைச் சந்தித்து கிரிக்கெட் அரங்கில் மிகப்பெரிய தலைகுனிவைச் சந்தித்தது ஆஸ்திரேலியா. 229  ரன் வித்தியாசத்தில்  மேட்ச்சையும் ஜெயித்து, 2-0 என தொடரையும் இலங்கை ஜெயித்தபோதுதான் தனது கேப்டன் வாழ்க்கையின் தேனிலவுக் காலம் முடிவடைந்திருந்ததை கேப்டன் ஸ்மித் உணரத் தொடங்கினார். மறக்க முடியுமா இந்த மேட்ச்சை?

5.  லார்ட்ஸ் டெஸ்ட் (இங்கிலாந்து VS பாகிஸ்தான்) 

"என்னுடைய 15 ஆண்டுகால கிரிக்கெட் வாழ்வில் இது தான் சிறந்த வெற்றி. இது தான் சிறந்த மேட்ச். இந்த மேட்சில் பங்கேற்றதற்காக பெருமைப்படுகிறேன், இந்த மேட்சில் கேப்டன் என்ற முறையில் பெருமைப்படுகிறேன், இந்த மேட்சில் சதமடித்தவன் என்ற முறையில் நெஞ்சை நிமிர்த்தி பெருமை கொள்கிறேன்" -  லார்ட்ஸ் டெஸ்ட் வெற்றிக்குப் பிறகு  இப்படிச் சொன்னார் பாகிஸ்தான் அணியின் கேப்டன் மிஸ்பா உல் ஹக். 

lords test

ஸ்விங் ஆடுகளங்களில் முகமது ஆமீரின் பந்துவீச்சு அபாரமாக இருக்கும் என்பதால் பிரத்யேக பயிற்சிகளைச் செய்து வைத்து நான்கு போட்டிகள் கொண்ட டெஸ்ட் தொடருக்கு  தயாரானது இங்கிலாந்து. ஆனால் ஒரு சுழற்பந்து வீச்சாளர் இங்கிலாந்து மண்ணில், அதுவும் தங்களையே கதறடிப்பார் என கனவிலும் இங்கிலாந்து நினைத்துப் பார்த்திருக்காது.  மிஸ்பா உல் ஹக், ஆசாத்  ஷபிக் இருவரும் சிறப்பாக ஆட, கவுரமான ஸ்கோரை  குவித்தது பாகிஸ்தான். 282 ரன் எடுத்தால் வெற்றி என்ற நிலையில் 207 ரன்னுக்குள் அடங்கியது இங்கிலாந்து.(6+4) 10 விக்கெட்டுகளை கைப்பற்றி லார்ட்ஸில் மேன் ஆப் தி மேட்ச் விருது வாங்கினார் யாசிர் ஷா. வெற்றியுடன் இங்கிலாந்து தொடரை ஆரம்பித்திருந்தது  பாகிஸ்தான். மறக்க முடியுமா இந்த மேட்ச்சை?

4. சென்னை டெஸ்ட் (இந்தியா VS இங்கிலாந்து) 

சென்னை  டெஸ்ட் என்றாலே வரலாற்றில் இடம்பெறும்  முக்கியமான போட்டியாக அமையும் என்பது எல்லோருக்கும் தெரிந்ததே. 2008 க்கு பிறகு ஆஸ்திரேலிய  டெஸ்ட் மட்டும் தான் சென்னை மண்ணில் நடந்தது. இதன் பின்னர் கடந்த  எட்டரை ஆண்டுகளில் நடந்த இரண்டாவது டெஸ்ட் போட்டி  சமீபத்தில் நடந்து முடிந்ததுதான்.  டாஸ் வென்று பேட்டிங் எடுத்தது இங்கிலாந்து. பிட்சில் பந்துகள் பெரிய அளவில் திரும்பவில்லை, ஆனால் கொஞ்சம் ஸ்லோ பிட்ச் தான். நிலைத்து நின்று ஆடினால் பெரிய ரன்களை குவிக்க முடியும் என்பதை இங்கிலாந்து முதல் இன்னிங்ஸில் காட்டியது. 

karun nair, chennai test

சதமடிப்பார் என எதிர்பார்க்கப்பட்ட ரூட் ஏமாற்றியது, சத்தமில்லாமல் சதமடித்த மொயின் அலி,  எட்டாவது விக்கெட்டுக்கு  107 ரன் பார்ட்னர்ஷிப் போட்டு அரைசதங்கள் கண்ட  இங்கிலாந்து பவுலர்கள் ரஷீத் மற்றும் டாவ்சன், விக்கெட்டுகளை அள்ளுவார் என  எதிர்ப்பார்க்கப் பட்ட அஷ்வின் ஒரு விக்கெட்டில் திருப்திப்பட்டது,  இந்தியாவின் இன்னிங்ஸில் ராகுல் 199 ரன்னில் எதிர்பாராமல் அவுட் ஆனது, கருண் நாயர் அசர வைக்கும் முச்சதம் அடித்தது, இந்தியா 759  ரன் எடுத்து வரலாறு படைத்தது,  கடைசி நாளில் கடைசி இரண்டு செஷன்களில் விக்கெட் வேட்டை நடத்திய ஜடேஜாவால் போட்டியின் முடிவு மாறியது என எல்லாமே யாருமே எதிர்ப்பார்க்காத,  கணிக்காத முடிவுகள் தான். ஆகவே, மறக்க முடியுமா இந்த மேட்ச்சை?

3. பிரிஸ்பேன் டெஸ்ட் (பாக் VS ஆஸி)

பகலிரவுப் போட்டியாக நடந்த டெஸ்ட் இது.  தொடரின் முதல் டெஸ்ட் போட்டியே  பகலிரவாக நடத்துவதன் மூலம் பாகிஸ்தானுக்கு  மனரீதியாக கடும் சவால் தரமுடியும் என திட்டமிட்டிருந்தது ஆஸ்திரரேலியா. ஏனெனில் இலங்கை டெஸ்ட் தொடர் தோல்வியும், தென்னாப்பிரிக்காவிடம் சொந்த மண்ணில் அடைந்த தோல்வியும் ஆஸ்திரேலிய அணியை கடுமையாக பாதித்திருந்தன. 

முதல் நாள் முழுவதும் விளையாடி, இரண்டாவது நாளின் பகல் பொழுதில் முழுமையாக பேட்டிங் பிடித்து 429 ரன்களுக்கு இன்னிங்ஸை இழந்தது ஆஸ்திரேலியா. கப்பாவில் இரவு நேரத்தில் பந்துகள் தாறுமாறாக ஸ்விங் ஆகும் என்பதால் பாகிஸ்தான் கதையை எளிதாக முடித்துவிடலாம் என திட்டம் போட்டது ஆஸ்திரேலியா. அதை கச்சிதமாக செயல்படுத்தினர் ஸ்டார்க், ஹாஸில்வுட், பேர்ட் கூட்டணி. வெறும் 67/8 என்ற நிலையில் இருந்து ஒருவழியாக 142 ரன்களைச் சேர்த்து ஆல் அவுட் ஆனது பாக்.  பாலோ ஆன் தராமல் இரண்டாவது இன்னிங்ஸில் அதிரடியாக ஆடி வெறும் 39 ஓவர்களில் 202 ரன்களை குவித்து, மூன்றாவது நாள் இரவும் பாகிஸ்தானையே பேட்டிங் பிடிக்க வைத்தது ஆஸ்திரேலியா. 

இந்த முறை சுதாரித்தது பாகிஸ்தான். முதல் இன்னிங்ஸில் அவ்வளவு  மோசமாக விளையாடிய அணியா இது என அனைவரும் மூக்கின் மேல் விரல் வைக்கும் அளவுக்கு மறுநாளே பேட்டிங்கில் அவ்வளவு மாற்றங்கள் தெரிந்தன. விக்கெட்டை விடாமல் உடும்புப்பிடி ஆட்டம் காட்டியது  பாகிஸ்தான்.  490 ரன் எடுத்தால் வெற்றி  என்ற நிலையில், பொறுப்பாக பொறுமையாக ஆடினார் பாக் பேட்ஸ்மேன்கள். அசார் அலி, யூனிஸ்கான் அரை சதங்கள் கடந்தனர். 220/6 என்ற நிலையில் ஷஃபிக்கும், முகமது ஆமீரும் செமத்தியான இன்னிங்ஸ் ஆடினார்கள். அமீர் பயப்படாமல் ஸ்டார்க்கின் பந்துகளை பவுண்டரிக்கு விளாசினார். டிராவுக்காக ஆடும் ஆட்டம், தோல்வியைத் தவிர்க்க ஆடும் ஆட்டம் என்பதை மாற்றி இது பாகிஸ்தான் வெற்றிக்காக ஆடும் ஆட்டம் என ஆஸ்திரேலியாவுக்கு புரிய வைத்தார்கள் ஆமீரும், ஷஃபிக்கும். 48 ரன்னில் ஆமீர் அவுட் ஆகும்போது அணியின் ஸ்கோர் 312/ 7. அடுத்தபடியாக வஹாப் ரியாஸ் ஷஃபிக்குடன் இணைந்து சிறப்பாக ஆடினார். ரியாஸ் அவுட்டாகும் போது ஸ்கோர் 378/8.  வெற்றிக்கு இன்னும் நூறு ரன்களுக்கு மேல் தேவை என்பதால் ஆஸ்திரேலியா எப்படியும் ஜெயித்து விடலாம் என நினைத்தது. ஆனால் ஒன்பதாவது விக்கெட்டுக்கு ஜோடி சேர்ந்த யாசிர் ஷா, ஷஃபிக் இணை ஆஸ்திரேலியாவை சோதித்தது.  ரன்களை ஒன்றிரண்டாக ஓடி ஓடிச் சேர்ந்தது; பவுண்டரிகள் அடித்துச் சேர்த்தது; பதற்றமடைந்தது ஆஸ்திரேலியா. 

 

 

நான்காவது இன்னிங்ஸில் நானூறு ரன்களை கடந்து வேகமாக பல சாதனைகளை உடைத்துத் தள்ளி முன்னேறியது பாகிஸ்தான். தேரோட்டியாக  பாகிஸ்தான் அணியை வெற்றியை நோக்கி பயணிக்கவைத்தார் ஷஃபீக். சதம் கடந்து சாதனை புரிந்தார். மேட்ச் மெல்ல மெல்ல பாகிஸ்தான் பக்கம் திரும்பியது. ஒரு திங்களின் காலையில் ஒட்டுமொத்த பாகிஸ்தான் நாடும் வேலைக்குச் செல்லாமல் டிவி முன்னர் அமர்ந்து பிரார்தித்தவாறு இருந்தது, உலகம் முழுவதும் அன்றைய தினம், டெஸ்ட் கிரிக்கெட் வரலாற்றில் நடக்கபோகும் மிகப்பெரிய சேஸிங்கை கொண்டாடத் தயாரானார்கள். அந்த சமயத்தில் புது பந்தை கையில் எடுத்தது ஆஸ்திரேலியா. ஸ்டார்க்கை பந்து வீச அழைத்தார் ஸ்மித். தான் ஏன் உலகின் சிறந்த வேகப்பந்து வீச்சாளர் என்பதை உலகுக்கு பறைசாற்றும் விதமாக நல்ல லைன் அண்ட் லெந்தில் ஒரு பவுன்சர் வீசினார்  ஸ்டார்க். சமாளிக்கவே முடியாத அந்த பந்தில் அவுட் ஆனார் ஷஃபிக். அவரின் கனவுச் சத இன்னிங்ஸ் முடிவுக்கு வந்தது. அடுத்த மூன்று  பந்துகள் இடைவெளிக்குப் பிறகு  மிக மோசமான முறையில் ரன் அவுட் ஆனார்  யாசிர் ஷா.  450 ரன்னுக்கு ஆல் அவுட்டாகி, எப்போதும் ரசிகர்கள் எதிர்ப்பார்ப்புக்கு மாறாகத் தான் விளையாடுவோம் என மீண்டும் நிரூபித்தது பாகிஸ்தான். ஆஸ்திரேலியாவை  அரளவைத்த இந்த மேட்சை மறக்க முடியுமா? 

2. ஹோபர்ட் டெஸ்ட் :- 

கடந்த நவம்பரில்  ஆஸ்திரேலியாவுக்கு சுற்றுப்பயணம் மேற்கொண்டிருந்தது தென் ஆப்பிரிக்கா. முதல் டெஸ்டில்  தென் ஆப்பிரிக்கா ஜெயித்தது . இரண்டாவது டெஸ்ட் ஹோபர்ட்டில் நடந்தது.  ஆஸியை அதன் மண்ணில் முதல் இன்னிங்ஸில் வெறும் 85  ரன்களுக்குள் சுருட்டி எறிந்தனர் பிலாந்தர், அபாட், ரபடா ஆகிய மும்மூர்த்திகள். சொந்த மண்ணில், முதல் நாளில் 32.5 ஓவர்களில் அத்தனை விக்கெட்டுகளை இழந்து பரிதாபமாக நின்றது ஆஸ்திரேலியா. இதையடுத்தது தென் ஆப்பிரிக்கா இன்னிங்ஸை தொடங்கியது. 46/3, 76/4, 132/5 என அந்த அணியும் தடுமாறியது. எனினும் டீ காக்கின் பயமற்ற ஒரு அதிரடியான சதமும், தெம்பா பவுமாவின் பொறுப்பான இன்னிங்ஸும் அணி 326 ரன்களை குவிக்க உதவின.  இரண்டாவது இன்னிங்ஸில் மீண்டும் சொதப்பி 79/2 என்ற நிலையில் இருந்து 161 ரன்னுக்கு ஆல் அவுட் ஆனது ஆஸ்திரேலியா. 

hobart test

இன்னிங்ஸ் மற்றும் 80 ரன்கள் வித்தியாசத்தில் மேட்ச்சை ஜெயித்தது மட்டுமின்றி 2-0 என தொடரையும் வென்று வரலாற்றுச் சாதனை புரிந்தது தென் ஆப்பிரிக்கா. கடந்த 23 வருடங்களில் முதன் முறையாக சொந்த மண்ணில் எதிராணியிடம் ஹாட்ரிக் டெஸ்ட் தொடரை இழந்தது ஆஸ்திரேலியா. இலங்கை, தென் ஆப்பிரிக்கா ஆகிய அணிகளுக்கு எதிராக  அடுத்தடுத்து டெஸ்ட் தோல்விகள் அடைந்ததால் கடும் விமர்சனங்கள் எழுந்தன. இந்த ஆண்டு அதிகம் விமர்சிக்கப்பட்ட அணியாக மாறியது ஆஸ்திரேலியா. ஆக, மறக்க முடியுமா இந்த மேட்சை?   

1. டாக்கா டெஸ்ட் (இங்கிலாந்து vs வங்கதேசம்)

முதல் டெஸ்ட் போட்டியில், கடைசி நேர தவறுகளால் மேட்ச்சை தோற்றதால், இந்த மேட்ச்சில் கூடுதல் கவனத்தோடு ஆடியது வங்கதேசம். தமீம்  இக்பால்  சதமடிக்க முதல் இன்னிங்ஸில் 220 ரன்கள் குவித்தது வங்கதேசம். இங்கிலாந்து அணியில் ரூட்டைத் தவிர பேட்ஸ்மேன்கள் யாரும் ஒழுங்காக ஆட வில்லை, கீழ் வரிசை வீரர்கள் பொறுமைக்காட்டி ரன்கள் சேர்த்தால், 244  ரன் குவித்தது இங்கிலாந்து. மெஹந்திஹசன் ஆறு விக்கெட்டுகளை வீழ்த்தினார்.

டெஸ்ட்

இரண்டாவது இன்னிங்ஸில் 296 ரன்கள் குவித்தது  வங்கதேசம். இங்கிலாந்துக்கு வெற்றி இலக்காக 273 ரன்கள் நிர்ணயிக்கப்பட்டன. கேப்டன் குக்கும், பென் டக்ட்டும் பொறுமையாக ஆடி அரைசதம் எடுத்த நிலையில் முதல் விக்கெட் நூறாவது ரன்னில் தான் விழுந்தது. அதன் பின்னர் மெஹந்தி ஹசன், ஷகிப் அல் ஹசன் இருவரும் விக்கெட் வேட்டையைத் தொடங்கினார்கள்.  சீட்டுக்கட்டை போல விக்கெட்டுகள் சரிய வெறும் 164 ரன்னுக்கு ஆல் அவுட் ஆனது இங்கிலாந்து. கடைசி பத்து விக்கெட்டுகளை 22 ஓவர்களில் வெறும் 65 ரன்களுக்கு இழந்தது இங்கிலாந்து.

 இதையடுத்து முதன் முறையாக   டெஸ்ட் அரங்கில் இங்கிலாந்தை டெஸ்ட் போட்டியில்  வீழ்த்தியது வங்கதேசம். கிரிக்கெட்டை கண்டுபிடித்ததாகச் சொல்லிக் கொள்ளும், நூறாண்டுகளை கடந்து டெஸ்ட் கிரிக்கெட்டை ஆடி வரும் இங்கிலாந்தை, வங்கதேசம் வீழ்த்தியதில் நாடே கோலாகலம் பூண்டது. உலகக் கோப்பையை வென்றதற்கு நிகரான கொண்டாட்டங்கள் கொடிகட்டிப் பறந்தன. நிச்சயம் இந்தாண்டின் ஆகச் சிறந்த டெஸ்ட் போட்டி இது. இந்த மேட்சை இங்கிலாந்து மறந்தே ஆக வேண்டும். ஆனால் இந்த ஆண்டு மட்டுமல்ல, எந்நாளும் வங்கதேச கிரிக்கெட் ரசிகர்கள் மறக்கவே மாட்டார்கள். நாமும் தான்.

ஆரோக்கியமான போட்டிகள்... அதிர்ச்சி முடிவுகள் ஆகியவற்றைத் தந்த டெஸ்ட் போட்டிகளைப் பற்றிப் பார்த்தோம், அடுத்ததாக தில்... திரில்... திரி  கொளுத்திய, 2016 ஆம் ஆண்டின் சிறந்த ஒருநாள் போட்டிகளைப்பற்றிப் பார்ப்போம். 

http://www.vikatan.com/news/coverstory/75753-top-10-test-matches-of-2016-top10tests.art

Categories: merge-rss

பிபா தரவரிசை: முதல் இடத்துடன் 2016-ஐ நிறைவு செய்தது அர்ஜென்டினா

Thu, 22/12/2016 - 18:59
பிபா தரவரிசை: முதல் இடத்துடன் 2016-ஐ நிறைவு செய்தது அர்ஜென்டினா

பிபா கால்பந்து தரவரிசையில் அர்ஜென்டினா 2016-ம் ஆண்டை முதல் இடத்துடன் வெற்றிகரமாக நிறைவு செய்துள்ளது. பிரேசில் 2-வது இடத்தைப் பெற்றுள்ளது.

 
 முதல் இடத்துடன் 2016-ஐ நிறைவு செய்தது அர்ஜென்டினா
 
அமெரிக்காவில் நடைபெற்ற கோபா அமெரிக்கா கால்பந்து தொடரில் சிலியிடம் தோல்வியடைந்து 2-வது இடம் பிடித்த அர்ஜென்டினா, இந்த வருடம் முடிவில் முதல் இடத்தோடு நிறைவு செய்துள்ளது.

அர்ஜென்டினா இந்த ஆண்டில் 15 போட்டிகளில் விளையாடி 10-ல் வெற்றி பெற்றுள்ளது. மூன்று போட்டியில் தோல்வியும், இரண்டு போட்டிகளை டிராவும் செய்துள்ளது. கடந்த ஏப்ரல் மாதம் பெல்ஜியத்திடம் இருந்து முதல் இடத்தை பறித்துக் கொண்ட அர்ஜென்டினா, தொடர்ந்து அந்த இடத்தில் நீடித்து வருகிறது.

கடந்த ஆண்டு முதல் இடத்தைப் பிடித்த பெல்ஜியம் 4-வது இடத்திற்கு பின்தங்கியுள்ளது. பிரேசில் 2-வது இடத்திற்கு முன்னேற்றம் அடைந்துள்ளது.

ஜெர்மனி 3-வது இடத்திலும், பெல்ஜியம் 4-வது இடத்திலும், சிலி ஐந்தாவது இடத்திலும், கொலம்பியா 6-வது இடத்திலும், பிரான்ஸ் 7-வது இடத்திலும், போர்ச்சுக்கல் 8-வது இடத்திலும், உருகுவே 9-வது இடத்திலும், ஸ்பெயின் 10-வது இடத்திலும் உள்ளன.

http://www.maalaimalar.com/News/Sports/2016/12/22181048/1057664/Argentina-Team-of-the-Year-in-FIFA-World-Ranking-France.vpf

Categories: merge-rss

பிக் பாஷ் லீக்:

Thu, 22/12/2016 - 18:58
பிக் பாஷ் லீக்: சிட்னி தண்டரை வீழ்த்தியது மெல்போர்ன் ரெனேகட்ஸ்

ஆஸ்திரேலியாவில் நடைபெற்று வரும் பிக் பாஷ் லீக் தொடரில் சிட்னி தண்டர் அணியை 48 ரன்கள் வித்தியாசத்தில் வீழ்த்தியது மெல்போர்ன் ரெனேகட்ஸ்.

 
 
 சிட்னி தண்டரை வீழ்த்தியது மெல்போர்ன் ரெனேகட்ஸ்
 
இந்தியாவில் ஐ.பி.எல். தொடர் நடத்தப்படுவது போல் ஆஸ்திரேலியாவில் பிக் பாஷ் லீக் தொடர் நடைபெற்று வருகிறது. 2016-17-க்கான தொடர் நேற்று முன்தினம் (20-ந்தேதி) தொடங்கியது. இன்று நடைபெற்ற 3-வது போட்டியில் மெல்போர்ன் ரெனேகட்ஸ் - சிட்னி தண்டர் அணிகள் மெல்போர்ன் மைதனாத்தில் மோதின.

டாஸ் வென்ற சிட்னி தண்டர் அணி பீல்டிங் தேர்வு செய்தது. அதன்படி முதலில் களம் இறங்கிய மெல்போர்ன் ரெனேகட்ஸ் அணி 20 ஓவர்கள் முடிவில் 7 விக்கெட் இழப்பிற்கு 179 ரன்கள் குவித்தது. ஆஸ்திரேலியா அணியின் டி20 வீரரான ஆரோன் பிஞ்ச் 37 பந்தில் 3 பவுண்டரி, 4 சிக்சர்களுடன் 63 ரன்கள் குவித்தார். அடுத்ததாக பெர்குசன் 38 ரன்கள் சேர்த்தார்.

பின்னர் 180 ரன்கள் எடுத்தால் வெற்றி என்ற இலக்குடன் சிட்னி தண்டர் களம் இறங்கியது. அந்த அணியின் தொடக்க வீரர் கிப்சன் (39), கேப்டன் ரோஹர் (30) மற்றும் கம்மின்ஸ் (37) ஆகியோரைத் தவிர மற்ற வீரர்கள் ஒற்றையிலக்க ரன்னில் ஆட்டமிழக்க 19.1 ஒவரில் 131 ரன்னுக்குள் அனைத்து விக்கெட்டுக்களையும் இழந்தது.

இதனால் மெல்போர்ன் ரெனேகட்ஸ் அணி 48 ரன்கள் வித்தியாசத்தில் அபார வெற்றி பெற்றது.

http://www.maalaimalar.com/News/Sports/2016/12/22181705/1057665/Big-Bash-League-Melbourne-Renegades-beats-Sydney-Thunder.vpf

Categories: merge-rss

ஐசிசி சிறந்த கிரிக்கெட் வீரர் விருது பெறுவதில் மகிழ்ச்சியே'

Thu, 22/12/2016 - 12:56
ஐசிசி சிறந்த கிரிக்கெட் வீரர் விருது பெறுவதில் மகிழ்ச்சியே'

 

2016-ஆம் ஆண்டுக்கான ஐசிசி (சர்வதேச கிரிக்கெட் கவுன்சில்) சிறந்த கிரிக்கெட் வீரராக, இந்திய சுழல் பந்துவீச்சாளர் ரவிச்சந்திரன் அஸ்வின் அறிவிக்கப்பட்டுள்ளார்.

ரவிச்சந்திரன் அஸ்வின்

 

 2016 ஐசிசி சிறந்த கிரிக்கெட் வீரராக அஸ்வின் அறிவிப்பு

அதே போல், 2016 ஐசிசி சிறந்த டெஸ்ட் வீரர் விருதும் அஸ்வினுக்கு கிடைத்துள்ளது. மேலும், ஐசிசி டெஸ்ட் அணியிலும் அஸ்வின் இடம் பெற்றுள்ளார்.

ஐசிசி டெஸ்ட் மற்றும் ஒருநாள் அணிகளுக்கான அதிகாரபூர்வ அறிவிப்புகள் இன்று (வியாழக்கிழமை) வெளியிடப்பட்டுள்ளன.

ஐசிசியின் சிறந்த வீரருக்கான விருதைப் பெறும் மூன்றாவது இந்திய வீரர் அஸ்வின் ஆவார். முன்னதாக, சச்சின் டெண்டுல்கர் மற்றும் ராகுல் டிராவிட் ஆகிய இந்திய வீரர்கள் ஐசிசியின் சிறந்த வீரருக்கான விருதுகளை வென்றுள்ளனர்.

'ஐசிசி சிறந்த கிரிக்கெட் வீரர் விருது பெறுவதில் மகிழ்ச்சியே'  'ஐசிசி சிறந்த கிரிக்கெட் வீரர் விருது பெறுவதில் மகிழ்ச்சியே'

தனக்கு ஐசிசி சிறந்த கிரிக்கெட் வீரர் விருது அறிவிக்கப்பட்டது குறித்து கருத்து தெரிவித்த அஸ்வின் குறிப்பிடுகையில், ''சச்சின் டெண்டுல்கர், ராகுல் டிராவிட் போன்ற ஜாம்பவான்களை தொடர்ந்து என் பெயர் இந்த விருதுக்கு அறிவிக்கப்பட்டதில் எனக்கு மிகவும் மகிழ்ச்சியே'' என்று தெரிவித்தார்.

இந்த விருதினை தன் குடும்பத்தினருக்கு அர்ப்பணிப்பதாக தெரிவித்த அஸ்வின், 2016-ஆம் ஆண்டில் டெஸ்ட் போட்டிகளில் 48 விக்கெட்டுகளையும், 336 ரன்களையும் எடுத்துள்ளார் என்பது குறிப்பிடத்தக்கது.

http://www.bbc.com/tamil/sport-38401885

Categories: merge-rss

ஐ.சி.சி. டெஸ்ட் அணியில் இடம்பிடித்த ரங்கன ஹேரத்

Thu, 22/12/2016 - 08:15
ஐ.சி.சி. டெஸ்ட் அணியில் இடம்பிடித்த ரங்கன ஹேரத்

 

சர்வதேச கிரிக்கெட் வாரியம் அறிவித்துள்ள 2016 ஆம் ஆண்டுக்கான ஐ.சி.சி. டெஸ்ட் அணியில் இலங்கை அணியின் சுழற்பந்துவீச்சாளர் ரங்கன ஹேரத் இடம்பிடித்துள்ளார்.

C0Qh47XWQAA7e_F__1_.jpg

ஆண்டுக்கு ஒருமுறை ஐ.சி.சி. டெஸ்ட் அணி அறிவிக்கப்படுகின்றது.

இந்நிலையில் இந்த வருடம் அறிவி்க்கப்பட்டுள்ள ஐ.சி.சி. டெஸ்ட் அணியில் இலங்கை அணியைச் சேர்ந்த ரங்கன ஹேரத் மற்றும் இந்திய அணியைச் சேர்ந்த அஸ்வின் ஆகியோர் சுழற்பந்துவீச்சாளர்களாக தெரிவுசெய்யப்பட்டுள்ளனர்.

C0Qh47XWQAA7e_F__1__copy.jpg

இந்நிலையில் ஐ.சி.சி.டெஸ்ட் அணியின் தலைவரான இங்கிலாந்து அணியின் டெஸ்ட் தலைவர் அலஸ்ரியா குக் தெரிவுசெய்யப்பட்டுள்ளார்.

ஐ.சி.சி. தெரிவுசெய்துள்ள 2016 ஆம் ஆண்டுக்கான டெஸ்ட் அணி இதோ...

1. டேவிட் வோர்னர் (அவுஸ்திரேலியா)

2. அலஸ்ரியா குக் (இங்கிலாந்து) (அணித் தலைவர்)

3. கேன் வில்லியம்சன் (நியுஸிலாந்து

4. ஜோ ரூட் (இங்கிலாந்து)

5. எடம் வோட்ஜஸ் (அவுஸ்திரேலியா)

6. ஜோனி பெயர்ஸ்டோவ் (இங்கிலாந்து)

7. பென் ஸ்டோக்ஸ் (இங்கிலாந்து)

8. ரவிச்சந்திரன் அஸ்வின் (இந்தியா)

9. ரங்கன ஹேரத் (இலங்கை)

10.மிச்சல் ஸ்டார்க் (அவுஸ்திரேலியா)

11. டேல் ஸ்டெயின் (தென்னாபிரிக்கா)

12. ஸ்டீவ் ஸ்மித் (அவுஸ்திரேலியா) 

 

     

http://www.virakesari.lk/article/14644

Categories: merge-rss

கிவிடோவாவுக்கு கத்திக்குத்து வைத்தியசாலையில் சிகிச்சை பெற்று வருவதாக தகவல்

Thu, 22/12/2016 - 06:32
கிவிடோவாவுக்கு கத்திக்குத்து வைத்தியசாலையில் சிகிச்சை பெற்று வருவதாக தகவல்
sp02-499c39477cf9861d35a8886b09754dfb01a2bb27.jpg

 

விம்­பிள் டன் முன்னாள் சம்­பி­ய­னான செக். கு­டி­ய­ரசு டென் னிஸ் வீராங்­கனை கிவி­டோ­வாவின் வீட்­டுக்குள் புகுந்த மர்­ம­நபர் அவரை கத்­தியால் குத்தி தாக்­குதல் மேற்­கொண்­டுள்ளார். 

உலக தர­வ­ரி­சையில் 11-ஆவது இடம் வகிக் கும் கிவி­டோவா காலில் ஏற்­பட்ட காயம் கார­ண­மாக தற்­போது ஓய்வில் இருக்­கிறார். செக்­.கு­டி­ய­ரசின் கிழக்கு பகு­தியில் புரோஸ்­டெஜோவ் நகரில் உள்ள அடுக்­கு­மாடி குடி­யி­ருப் பில் வசித்து வரு­கிறார். 

நேற்­று­முன்­தினம் காலை அந்த அடுக்­கு­மாடிக் குடி­யி­ருப்­புக்குள் புகுந்த மர்­ம­நபர் கிவி­டோ­வாவின் வீட்டு கதவை உடைத்து அதி­ர­டி­யாக உள்ளே புகுந்துள்ளார். அப்­போது அங்கு இருந்த கிவி­டோவா சத்தம் போட்­டுள்ளார். இதனால் ஆத்­திரம் அடைந்த அந்த மர்ம நபர் மறைத்து வைத்து இருந்த கத்­தியால் கிவி­டோ­வாவை குத்­தியுள்ளார். அதனை தடுக்க முயன்ற கிவி­டோ­வுக்கு கையில் கத்­திக்­குத்­துகள் விழுந்­துள்ளன. பிறகு மர்ம நபர் தப்பி ஓடியுள்ளார்.

இதில் இடது கை யில் பலத்த காயம் அடைந்த கிவி­டோவா அருகில் உள்ள வைத்­தி­யசா­லையில் அனு­ம­திக்­கப்­பட்டார். காயம் உயி­ருக்கு ஆபத்­தா­ன­தாக இல்­லா­விட்­டாலும், இடது கையால் விளை­யாடும் பழக்கம் கொண்ட கிவி­டோவா காயம் குணம் அடைந்து விரைவில் களம் திரும்­பு­வது கடினம் என்று கூறப்­ப­டு­கி­றது. கிவி­டோ­வாவின் வீட்­டுக்குள் நுழைந்தவர் யார், என்ன நோக்கத்துக்காக அங்கு வந்தார் என்பது குறித்து பொலிஸார் விசாரணை மேற்கொண்டுள்ளனர்.

Categories: merge-rss

மீண்டும் வருகிறார் முஸ்தபிஸுர்

Thu, 22/12/2016 - 06:30
மீண்டும் வருகிறார் முஸ்தபிஸுர்
musta-1434890933-800-339b69b80627644d375daec4149978a7af17cec3.jpg

 

பங்­க­ளாதேஷ் அணியின் முன்­னணி இடது கை வேகப்­பந்து வீச்­சாளர் முஸ்­த­பிஸுர் ரஹ்மான் 9 மாதங்­க­ளுக்குப் பின் மீண்டும் சர்­வ­தேச போட்­டிக்கு திரும்ப உள்ளார்.

இவர் தன்­னு­டைய இடது கை வேகப்­பந்து வீச்சால் எதிர் அணி­க­ளுக்கு கடும் நெருக்­கடி கொடுத்தார். இதனால் விரைவில் உல­க­ளவில் புகழ்­பெற்றார். இந்­தி­யாவில் நடை­பெற்ற உலகக் கிண்­ண இரு­ப­துக்கு 20 கிரிக்கெட் தொடரில் கடை­சி­யாக விளை­யா­டினார்.

அதன்பின் ஐ.பி.எல். தொடரில் விளை­யா­டும்­போது அவ­ருக்கு காயம் ஏற்­பட்­டது. காயம் குண­ம­டைந்­த­வுடன் இங்­கி­லாந்தில் உள்ள உள்ளூர் அணிக்­காக விளை­யா­டினார். அப்­போது அவரின் தோள்­பட்­டையில் காயம் ஏற்­பட்­டது. இதனால் அறுவை சிகிச்சை செய்து கொண் டார். ஆகவே, கடந்த ஆகஸ்ட் மாதத்­திற்­குப்  பின் முழு­மை­யாக ஓய்வில் இருந்தார். பங்­க­ளா  

தேஷ் அணி எதிர்வரும் 26ஆம் திகதி நியூ ஸி­லாந்தில் உள்ள கிறி­ஸ்ட்­சர்ச்சில் அந்த அணிக்­கெ­தி­ராக ஒருநாள் போட்­டியில் களம் இறங்­கு­கி­றது. இதற்கான 15 பேர் கொண்ட பங்களாதேஷ் அணியில் முஸ்தபிஸுர் இடம்பிடித்துள்ளார்.

http://content.epaper.virakesari.lk/newspaper/Daily/main/2016-12-22#page-16

Categories: merge-rss