போக்குவரத்து

http://youtu.be/Evlzby6c0DE

தூக்க கலக்கத்தில் வாகனம் ஓடுவது மதுபோதையில் வாகனம் ஓடுவது போல் அதிகளவு ஆபத்தானது. போதியளவு தூக்கம் இல்லாமல் வாகனம் ஓடினால் மதுபோதையில் வாகனம் ஓடும்போது உள்ளதுபோல வீதி விபத்தில் நீங்கள் சிக்குவதற்கு அதிகளவு சாத்தியம் உள்ளது. நீண்ட பயணங்களின் போது வாகனம் ஓடும் முன்னர் போதியளவு தூக்கம் கிடைக்காது என நீங்கள் கருதினால் வாகனத்தை நீங்கள் ஓடாது வேறு பயண வழிமுறைகளை கையாளுங்கள். குறுகிய தூர பயணங்களாயினும் போதியளவு தூக்கம் கிடைக்கவில்லையாயின் வாகனத்தை நீங்கள் ஓடாது வேறு போக்குவரத்து முறைகளை பயன்படுத்துங்கள், உதாரணமாக பொது பேருந்து சேவை, டாக்சி போன்றவை. வாகனம் ஒரு இயந்திரம் என்பதை நினைவில் வையுங்கள். இயந்திரத்தை நீங்கள் இயக்கும் போது உங்கள் கவனம் அங்கு குவிக்கப்படாவிட்டால் அது மோசமான வீதி விபத்துக்களில் முடியலாம். அவ்விபத்துக்களில் உங்களுக்கு உடலியல் ரீதியான பாதிப்பு ஏற்படாவிட்டாலும் ஏனைய வீதி பாவனையாளர்களுக்கு பாதிப்பு ஏற்பட்டால் கவன குறைவுடன் வாகனம் ஓட்டியதற்காக உங்களுக்கு சிறை தண்டனையும் கிடைக்கலாம். உங்கள் வாகனத்தினுள் உள்ள யாருக்காவது பாதிப்பு ஏற்பட்டால் அது ஆயுள் முழுவதும் உங்களுக்கு மன அழுத்தத்திற்கு காரணமாக அமையலாம். அண்மைய ஆய்வு தகவல்களின்படி போதியளவு தூக்கம் இல்லாமல் வாகனத்தை ஓடுவதனால் மோசமான பல வீதி விபத்துகள் ஏற்படுவதாக கூறப்படுகிறது. சில மருந்து வகைகள் தூக்கம், சோம்பலை ஏற்படுத்தக்கூடியன. நீங்கள் மருந்துகளை உட்கொள்ள முன்னர் வைத்தியரிடம் அவற்றினால் ஏற்படக்கூடிய விளைவுகளை முழுமையாக கேட்டு அறியுங்கள். தூக்கத்தை ஏற்படுத்தக்கூடிய மருந்து எதையாவது உள்ளெடுத்தால் அந்த மருந்தின் தாக்கம் நீங்கும் வரை வாகனம் ஓடுவதை கண்டிப்பாக நிறுத்தி வையுங்கள். தூக்க கலக்கத்தில் வாகனம் ஓடுவது உங்கள் இனிமையான பயணத்தையும் கெடுத்துவிடும் என்பதை மறவாதீர்கள். வாகனம் வீதியில் நகர்கின்ற ஒரு இயந்திரம். அதற்கு தன்னை இயக்குபவர் தூங்குகின்றாரா அல்லது விழித்துள்ளாரா என்று எல்லாம் தெரியாது. தூக்க கலக்கத்தினால் ஒரு சில நொடிகள் உங்கள் கவனம் சிதறுவது உங்கள் வாழ்க்கையையே மோசமான முறையில் தலைகீழாக மாற்றக்கூடும். ஆக்கம்: போக்குவரத்து http://cardriving.ca

http://youtu.be/FPf_WxqH-Q4

http://youtu.be/u8KdoM7SBp0

Toronto மாநகரில் பாதசாரிகள் பயன்படுத்துவதற்கு மிக ஆபத்தான சந்திகள் எவை என்று உங்களுக்கு தெரியுமா? Toroonto இல் ஏறத்தாள 1,337 சந்திகள் உள்ளதாகவும், அவை ஒவ்வொன்றையும் தினமும் ஏறக்குறைய 500 பாதசாரிகள் பயன்படுத்துவதாகவும் சொல்லப்படுகின்றது. கடந்த பத்து வருடங்களில் பாதசாரிகள் சம்மந்தப்பட்ட விபத்துக்களின் புள்ளிவிபர தகவல் அடிப்படையில் Toronto மாநகரில் மோசமான பத்து சந்திகள்: Markham Road & Tuxedo Court Albion Road & Finch Ave. W. Milliken Blvd. & Finch Ave. E. Neilson Rd. & Mclevin Ave. Alton Towers & McCowan Rd. Finch Ave. W. & Tobermory Dr. McCowan Rd & Eglinton Ave. E. Don Mills Rd. & Gateway Blvd. Finch Ave. E. & Sandhurst Circle Finch Ave. E. & Bridletowne Circle மேலுள்ள பத்து சந்திகளில் Markham Road & Tuxedo Court சந்தியே முதல் இடத்தை பெற்றுள்ளது. தினமும் ஏறக்குறைய 700 பாதசாரிகள் இந்த சந்தியை பயன்படுத்துவதாகவும், வருடத்திற்கு இரண்டு பாதசாரிகள் இந்த சந்தியில் மோசமான விபத்துக்கு உள்ளாவதாகவும் புள்ளிவிபர தகவல் சொல்கின்றது. விரிவான தகவல்களை அறிய: கனடா குளோபல் செய்திகள் வழங்கல்: போக்குவரத்து http://cardriving.ca

இப்படியான ஒரு நிலை ஏற்பட்டால் எதிர்ப்புறமாக வாகனம் ஏதும் வரவில்லை என்பதை உறுதி செய்தபின், அத்துடன் பாதுகாப்பாக முந்தி மீண்டும் பாதுகாப்பாக உங்கள் ஒழுங்கையினுள் வர முடியும் என்று நீங்கள் உறுதியாக கருதும் போது அப்படி செய்யலாம். முறிவு இல்லாத திடமான கோடு உள்ள நிலையிலும் HTA அங்கு ஒழுங்கை மாற்றம் செய்வது பாதுகாப்பு இல்லை என்றுதான் கூறுகின்றது. முறிவு இல்லாத கோடு உள்ள ஒற்றை தெருவில் ஒழுங்கை மாற்றம் செய்யும் போது நீங்கள் ஆபத்தான சூழ்நிலையை உருவாக்குகின்றீர்கள். பொதுவாக கூறுவதானால் இப்படியான சூழ்நிலையில் இது சட்டவிரோதமான செயற்பாடு என்றோ அல்லது இவ்வாறு செய்தால் காவல்துறை உங்கள் மீது குற்றம் சுமத்தலாம் என்றோ இல்லை. ஆனால், உங்கள் பாதுகாப்பே இங்கு கவனிக்கப்பட வேண்டும் என்பது முக்கியம். அவதானத்துடன் மாற்றம் செய்து பழைய நிலைக்கு திரும்புங்கள்.

http://youtu.be/D5E9rmPEYMQ

http://youtu.be/z1suDyakrMU

http://youtu.be/pOMVIr4b944

பின்வரும் விடயங்களை கவனத்தில் கொள்ளுங்கள்: அமைப்பு- 1-இங்கு நிர்ணயிக்கப்பட்ட வேகம் பொதுவாக 80கிலோமீற்றர்/மணி. 2-இவை கரடுமுரடாக அழுத்தம் இல்லாமல் காணப்படும் (unpaved roads). 3-ஏறுகின்ற குன்று பாதைகளாகவோ இறங்குகின்ற பள்ள பாதைகளாகவோ காணப்படலாம். 4-சேற்று, சகதி நிறைந்த பாதையாக காணப்படலாம் (Muddy). 5-சரளைக்கற்களால் ஏற்படுத்தப்பட்ட மட்டமற்ற பாதையாக காணப்படும் (Gravel). 6-மிகவும் ஒடுங்கிய பாதையாக காணப்படலாம். 7-பொதுவாக நடுவில் பிரிக்கப்படாத ஒழுங்கைகளாகவும், இருவழி பாதையாகவும் அமையும். 8-வீதி நடுவில் மஞ்சள் கோட்டினால் கீறப்பட்டு காணப்படும். வீதி நடுவில் உள்ள கோடு முறிந்த கோடாகவோ அல்லது முறியாத கோடாகவோ காணப்படும். (முறியாத கோடு என்றால் மற்றைய ஒழுங்கையினுள் மாற்றம் - lane change செய்ய முடியாது) 9-Down hill ஒரு பக்கம் முறிந்த கோடாகவும், Up hill மறுபக்கம் முறியாத கோடாகவும் அமையும். குறிப்புக்கள்- 1-மிக மெதுவாக செல்லும் வாகனங்கள் இங்கு பயணிக்ககூடும். 2-முன்னால் செல்லும் வாகனத்தை முந்தி செல்ல முயற்சிக்கும்போது தரை மட்டத்தின் ஏற்ற தாழ்வுகளையும் கவனத்தில் கொள்ளுங்கள். 3-புகையிரத கடவை உள்ள இடங்களில் மிகுந்த அவதானம் அவசியம். 4-நாட்டுபுற பாதைகளில் அதிகளவு விபத்துக்கள் ஏற்படுவது வழமை. 5-இங்கு காவல்துறையினரின் கண்காணிப்பு மிக அரிதாகவே காணப்படும். 6-வாகன சாரதிகள் இங்கு முறைகேடாகவும், மோசமாகவும் வாகனங்களை ஓடக்கூடும். 7-விலங்குகளின் எச்சரிக்கை குறியீடுகளை அவதானித்து ஓடுங்கள். இரவு நேரங்களில் உங்கள் வாகனத்தின் முன்விளக்குகளை நோக்கி கவரப்பட்டு விலங்குகள் வரக்கூடும். 8-விலங்குகளுடன் மோதி விபத்து ஏற்படுவது மிகவும் ஆபத்தானது. இதனால் உங்களுக்கும் உங்கள் வாகனத்திற்கும் பாரதூரமான சேதங்கள் ஏற்படலாம். 9-அதிகளவு பார ஊர்திகள் விவசாய போக்குவரத்து தேவைகளை நிறைவேற்றுவதற்காக நாட்டு புற சாலைகளை அதிகளவில் பயன்படுத்துகின்றன. 10-இங்கு அதிகளவில் ஏற்படும் வாகன விபத்துக்கள் ஒன்றுடன் ஒன்று எதிரும் புதிருமாக நேரடியாக மோதி ஏற்படுகின்றன (Head On Collision). பாதுகாப்பு எச்சரிக்கைகள்- 1-மிகுந்த அவதானத்துடன் வாகனத்தை ஓட்டுங்கள். 2-முன்னால் செல்லும் வாகனத்திற்கு பின்னால் அதிகளவு இடைவெளி விட்டு ஓடுங்கள். 3-வீதி சரியாய் வழுக்குவதாகவும், சகதியாகவும் காணப்படலாம். எனவே அவதானம் தேவை. 4-மழை காலங்களில், பனிகொட்டும் காலங்களில் மற்றும் மோசமான காலநிலை உள்ள வேளைகளில் வீதிநிலமை அதிக ஆபத்தானதாக காணப்படலாம். 5-ஓடும்போது ஸ்ரியரிங்கை சற்று அழுத்தமாக இறுக்கிப் பிடியுங்கள். வழமையாக ஓடும் உள்ளூர் வீதிகளில் ஸ்ரியரிங்கை மென்மையாக பிடிப்பது போன்று பிடிக்காதீர்கள். 6-அளவில் பெரிதான கிடங்குகள், குழிகள் உள்ள இடங்களில் (pothloes) சுற்றி ஓடாதீர்கள். அவற்றுக்கு கிட்டவாக செல்வதை முற்றாக தவிர்த்து கொள்ளுங்கள். இல்லாவிட்டால் ஸ்ரியரிங்க் கைவழுக்கி கிடங்கினுள் வாகனம் மாட்டக்கூடும். ஆக்கம்: போக்குவரத்து http://cardriving.ca

http://youtu.be/4nCDkXjMkpo

முறிவு இல்லாத திடமான கோடு (solid line) என்றால் ஒழுங்கை மாற்றம் செய்ய முடியாது. முறிவு உள்ள கோடு என்றால் எதிர்ப்புறமாக வாகனம் வராத போது அவதானத்துடன் ஒழுங்கை மாற்றம் செய்யலாம். முறிவு இல்லாத திடமான கோடு காணப்படும்போது உங்களுக்கு முன்னால் உள்ள வாகனம் நகரமுடியாதபடி குழறுபடி ஏதும் ஏற்பட்டு நிறுத்தம் செய்யப்பட்டால் (Emergency Situations) எதிர்ப்புறமாக வாகனம் ஏதும் வராதபோது மிகவும் அவதானத்துடன் ஒழுங்கை மாற்றம் செய்து மீண்டும் அவதானத்துடன் பழைய ஒழுங்கையினுள் பிரவேசிக்கலாம். இதுபற்றி விரிவாக கூறும் HTA (Highway Traffic Act) சரத்தை விரைவில் இங்கு இணைக்கின்றோம்.

http://youtu.be/9OEjG4EFaio

http://youtu.be/r1RDyL_Xe2w

http://youtu.be/DjeljwLPUtI

முன்னால் செல்லும் வாகனம் அளவில் பெரியதாக காணப்பட்டால் அதற்கும் உங்கள் வாகனத்திற்கும் இடையில் அதிக அளவு இடைவெளியை பேணுவது மிக அவசியம். தேவை இல்லாமல் head lights ஐ high beam இல் போட்டு ஓடினால் 02 demerit points ம், அத்துடன் அபராதமும் கிடைக்கலாம். ஓட்டுனர் இருக்கையில் உங்கள் மார்புக்கும் steering wheel க்கும் இடையிலான தூரம் 10 அங்குலமாக அமையும் வகையில் பார்த்து கொள்வது முக்கியம். black ice க்கு மேல் ஏறி பின்சில்லு வழுக்கினால் உடனடியாக gas pedal இல் இருந்து காலை எடுத்து விட்டு நீங்கள் போக வேண்டிய பக்கமாக steer பண்ணுங்கள், brake அடிக்காதீர்கள். எஞ்சினை சூடாக்கிய பின் வாகனத்தை ஓட முன்னர் யன்னல்களை திறந்து carbon monoxide வாயுவை வெளியேற்றுங்கள். 36% ஆன விபத்துகள் நீங்கள் பாவிக்கும் மருந்துகளின் தாக்கத்தினால் வருகின்றன.

சரியான வழிகாட்டுதல், முறையான போதியளவு பயிற்சி, தன்னம்பிக்கை இவை உங்களிடம் காணப்பட்டால் எமது மாணவர்கள் போல் உங்களினாலும் முதல் தடவையிலேயே சாரதி அனுமதிப் பத்திரத்திற்கான வீதி பரீட்சையில் சித்தி அடைய முடியும். தகவல்: போக்குவரத்து Htttp://CarDriving.CA

ஒழுங்கை மாற்றம் போக்குவரத்து நிலவரம், சூழ்நிலைக்கு ஏற்ப தேவைப்படுகின்றது. வாகனம் ஓடும்போது ஒழுங்கை மாற்றம் அடிக்கடி செய்ய வேண்டி ஏற்படலாம் அல்லது 20 நிமிடம் அளவிற்கு கூட அது தேவைப்படாதும் போகலாம். வலது பக்கமாக உள்ள ஒழுங்கையில் இயலுமான வரை ஓடவேண்டும் என்பதே பொதுவான போக்குவரத்து விதியாகும் (வட அமெரிக்கா). எப்போது ஒழுங்கை மாற்றம் செய்ய வேண்டும்? 1-உங்கள் பார்வை முன்னால் செல்கின்ற பெரிய வாகனங்கள் மூலம் (பார ஊர்தி, பேருந்து) தடைப்படுமாயின் 2-உங்களுக்கு முன்னால் செல்லும் வாகனம் காரணம் இல்லாமல் மெதுவாக செல்லுமாயின் 3-நீங்கள் ஓடுகின்ற வலது அல்லது இடது ஒழுங்கை முடிவடையப் போகுமாயின் 4-நீங்கள் ஓடுகின்ற ஒழுங்கையில் வீதி திருத்த வேலைகள் நடைபெறுமாயின் 5-நீங்கள் சந்தியில் வலது அல்லது இடது பக்கத்திற்கு திரும்ப வேண்டி ஏற்படுமாயின் 6-போக்குவரத்து அதிகாரி அல்லது காவல்துறையினரால் கட்டளையிடப்படுமாயின் 7-pavement markings மூலம் அறிவுறுத்தப்படுமாயின் 8-Emergency வாகனங்கள் வருமாயின் 9-ஒரு சந்தியில் இடது புறமாக திருப்பத்தை மேற்கொண்ட பின்னர் 10-ஒரு வாகனம் மூலம் நீங்கள் அருகாக பின் தொடரப்பட்டால் (being Tailgated) (வீதிக்கு நிர்ணயிக்கப்பட்ட வேகத்தை முதலில் கணக்கில் எடுங்கள்). எப்போது ஒழுங்கை மாற்றம் செய்ய கூடாது? 1-காரணம் இல்லாமல், பாதுகாப்பு இல்லாமல் மற்றைய வாகனங்களை முந்தி செல்வதற்காக ஒழுங்கை மாற்றத்தை மேற்கொள்ளாதீர்கள். 2-Snowplowவாகனத்தை ஒருபோதும் முந்தக்கூடாது. 3-பாதசாரிகள் கடவைக்கு (pedestrian crossing) 30மீற்றர் தூரத்திற்கு அருகாக (within) ஒழுங்கை மாற்றம் செய்ய கூடாது. 4-சந்திகளில் ஒழுங்கை மாற்றம் செய்ய கூடாது. புகையிரத கடவைகளுக்கு அருகாக ஒழுங்கை மாற்றம் செய்ய கூடாது. 5-முன்னால்/பின்னால் தெளிவாக பார்க்க முடியாதவாறு உங்கள் பார்வை (visibility) தடைப்படுமாயின் ஒழுங்கை மாற்றம் செய்ய கூடாது. 6-உங்கள் blind spot இல் ஏதாவது வாகனம் நிற்குமாயின் ஒழுங்கை மாற்றம் செய்ய கூடாது. 7-அருகாக அல்லது பின்னால் வரும் வாகனம் நீங்கள் செல்ல விரும்பும் அதே ஒழுங்கையினுள் ஒழுங்கை மாற்றம் செய்து வர முயற்சிக்குமாயின் நீங்கள் ஒழுங்கை மாற்றம் செய்ய கூடாது. 8-குறுகிய பாலம், சுரங்கப்பாதை உள்ள இடத்தில் ஒழுங்கை மாற்றம் செய்ய கூடாது. 9-வீதியில் ஒழுங்கை மாற்றம் செய்ய கூடாது என Sign ஏதாவது போடப்பட்டு இருந்தால் ஒழுங்கை மாற்றம் செய்ய கூடாது. 10-உங்களுக்கு முன்னால் உள்ள வாகனம் நிறுத்தப்பட்டு இருக்குமாயின் போக்குவரத்து, நிலவரத்தின் அடிப்படையில் பாதுகாப்பாக ஒழுங்கை மாற்றம் செய்ய வேண்டிய தேவை இருப்பின் மட்டும் ஒழுங்கை மாற்றம் செய்யலாம். 11-pavement markings ஐ (வீதியில் கீறப்பட்டுள்ள அடையாளங்களை) கவனியுங்கள். solid line (முறிவு இல்லாத கோடு) ஒழுங்கை மாற்றம் செய்யகூடாது என்பதை அறிவுறுத்துகின்றது. எல்லாவற்றுக்கும் மேலாக உங்கள் Common Sense ஐ பாவியுங்கள், அத்துடன் பாதுகாப்பிற்கு (safety) முக்கியத்துவம் கொடுங்கள். ஆக்கம் : போக்குவரத்து http://CarDriving.CA

1-ஹைவேயை நோக்கிய வளைவினுள் நுழையும் போது வளைவுக்குரிய அதன் வேகத்தை பார்த்து ஓடுங்கள். 2-ஆர்முடுகும் ஒழுங்கையின் (acceleration lane) நீளத்தை (length of the lane) கவனியுங்கள். 3-நுழைய வேண்டிய ஒழுங்கையினுள் போதுமான அளவு இடைவெளியை (adequate gap) பாருங்கள். 4-எந்த இடைவெளியினுள் (இரண்டு வாகனங்களுக்கு இடையிலான) நீங்கள் நுழைய போகின்றீர்கள் என்பதை தீர்மானியுங்கள். 5-நேரே பாருங்கள், கண்ணாடியை பாருங்கள், நுழையும் பக்கத்திற்குரிய சிக்னலை போடுங்கள், blind spotஐ பாருங்கள், குறிப்பிட்ட இடைவெளியினுள் பாதுகாப்பாக நுழைந்து ஹைவே போக்குவரத்துடன் இணையுங்கள். 6-ஹைவேயின் ஆர்முடுகும் ஒழுங்கையில் காரணம் இல்லாமல் வேகத்தை குறைக்காதீர்கள். 7-ஹைவேயுக்கு நிர்ணயிக்கப்பட்ட வேகத்தில் (பொதுவாக 100km/h) வாகனத்தை ஓடுங்கள். ஆக்கம்: போக்குவரத்து http://CarDriving.CA

மின்னணு உறுதி கட்டுப்பாடு (Electronic stability control) என்பது நீங்கள் வாகனம் ஓடும்போது இந்த பொறிமுறை பாவனையில் இருக்குமாயின் ஸ்ரியரிங்க் மூலம் வாகனத்தை கட்டுப்படுத்த முடியாத தருணங்களில் வாகனம் உங்களின் கட்டுபாட்டினுள் வருவதற்கு ஏற்ற முறையில் தானாகவே உங்கள் வாகனத்தின் நான்கு சில்லுகளினதும் பிரேக்குகள் தனித்தனியாக தேவையான அளவு பிடிக்கப்படும். அத்துடன் தேவைக்கு தகுந்த படி எஞ்சினின் சக்தியும் கட்டுப்படுத்தப்படும். சுருக்கமாக இது... 1-வாகனம் வழுக்கி (skids) செல்லும் போது அதை கட்டுப்படுத்துவதற்கான ஒரு பொறிமுறை. 2-குறிப்பிட்ட சில வாகனங்களிலேயே இந்த தொழில்நுட்பம் உள்ளது. 3-Anti-lock braking system (ABS)உடன் இணைந்து பிரயோகம் செய்யப்படும் தொழில்நுட்பம். 4-வீதியில் ஓடுகின்ற எல்லா வாகனங்களிலும் இந்த பொறிமுறை காணப்படுமாயின் வருடத்திற்கு ஏறக்குறைய 10,000 உயிர்களை காப்பாற்றவும், 600,000 வாகன விபத்துக்களை தவிர்க்கவும் முடியும் என்று சொல்லப்படுகின்றது. 5-இந்த தொழில்நுட்பம் உங்கள் வாகனத்தில் காணப்பட்டால் விபத்தை 50%இனால் குறைக்க முடியும் என்று கருதப்படுகின்றது. சில தவிர, எல்லா வாகனங்களிற்கும் இந்த பொறிமுறை இல்லை. வெவ்வேறு வாகன தயாரிப்பாளர்கள், வெவ்வேறு வாகன வடிவமைப்புக்களிற்கு ஏற்ப இந்த பொறிமுறையில் ஒன்றுக்கு ஒன்று சிறிதளவு மாற்றங்கள் காணப்படும். ஆக்கம் : போக்குவரத்து http://CarDriving.CA

வீடியோ: Toronto Police சாரதி வாகனத்தை ஓடும்போது கைதொலைபேசியை பாவித்தல் சட்டவிரோதமானது. அபராதம் : $125, மூன்று வருடங்கள் குற்றச்செயல் பதிவில் இருக்கும், காப்புறுதி நிறுவனத்தினரும் இது பற்றி அறியலாம். விதிவிலக்கு: 1-கைதொலைபேசி Hands Free (புளூதூத், ஹெட்போன்) என்றால் பாவிக்கலாம். 2-911 ஐ அழைப்பதற்கு சாரதி வாகனம் ஓடும்போது கைதொலைபேசியை பாவிக்கலாம் 3-வீதி ஓரமாக (ஹைவே அல்லாத தெருக்கள் மட்டும்) வாகனத்தை நிறுத்திவிட்டு கைதொலைபேசியை பாவிக்கலாம். கைதொலைபேசி பானையால் ஏற்படும் விபத்துக்களில் அதிகமானவை வாகனத்தின் பின்பக்கத்தில் (Rear-end collision) ஏற்படும் விபத்துக்கள் என்று சொல்லப்படுகின்றது. http://CarDriving.Ca