Jump to content

போக்குவரத்து

கருத்துக்கள பார்வையாளர்கள்
  • Posts

    533
  • Joined

  • Last visited

  • Days Won

    8

Everything posted by போக்குவரத்து

  1. நீங்கள் திருப்பங்களை மேற்கொள்ளும்போது மிக முன்னதாகவோ அல்லது மிகவும் தாமதமாகவோ சிக்னலை போடாமல் சரியான வேளையில் சிக்கனை போடுங்கள். நீங்கள் போடும் சிக்னல் போக்குவரத்து சீராக தொடர்வதற்கும், விபத்துக்கள் தவிர்க்கப்படுவதற்கும் உதவும். அதேவேளை, தேவையில்லாமல் சிக்னல் போட்டால் விபத்து ஏற்படலாம் (உ+ம்: திரும்புவதாக போட்டுவிட்டு திரும்பாமல் நேரே போவது).

  2. தொடர்ச்சி............. கேள்வி 01 போன்றதே "எனக்கு எத்தனை வகுப்புக்கள் தேவைப்படும்?", "நான் எப்போது வீதி பரீட்சைக்கு செல்லலாம்?" ஆகிய வினாக்களும் ஆகும். ஒருவரை நேரில் கண்டு அவர் வாகனம் ஓடும்போது அவரது ஆற்றல்களை நாம் மதிப்பீடு செய்யாதவரை தொலைபேசி ஊடாய் இவ்வாறான கேள்விகளுக்கு பதில் கூறமுடியாது. கேள்வி 02: உங்களிடம் சாரதி கற்கைநெறி சான்றிதழ் (Certificate) எடுக்கலாமா? / என்ன விலை? முழுமையான பயிற்சி நெறியில் இணைந்தவர்களுக்கு பயிற்சி நெறியை முழுமையாக பூர்த்தி செய்ததும் (MTO approved BDE Course - Beginner Driver Education Course) சாரதி பயிற்சி கல்லூரிகள் மூலம் முன்பு சான்றிதழ் வழங்கப்பட்டது. அந்த சான்றிதழை காண்பிப்பதன் மூலம் காப்புறுதி நிறுவனங்களில் கழிவு (Discount) பெறக்கூடியதாக அமைந்தது. ஆனால், ஒன்றாரியோ போக்குவரத்து அமைச்சின் புதிய விதிகளின்படி நடைமுறை பின்வருமாறு உள்ளது: 1. மாணவன் ஒருவன் Beginner Driver Education Course இல் இணையும்போது (20 மணித்தியாலங்கள் classroom lessons + 10 மணித்தியாலங்கள் Home-link/Homework + 10 மணித்தியாலங்கள் வாகனத்தில் பயிற்சி), அவர் முதலாவது வகுப்பறை பாடத்தில் கலந்துகொண்டதும் அவர் விபரங்களை போக்குவரத்து அமைச்சின் தளத்தில் பதிவு செய்ய வேண்டும். (புதிய விதிகளின்படி இணையத்தளத்தின் பதிவு செய்வதாயின் மாணவன் ஆகக்குறைந்தது ஒரு வகுப்பறை பாடத்தில் கலந்துகொண்டபிறகே அவருக்கு வாகனத்தில் பயிற்சி அளிக்க முடியும்) 2. முழுமையான பாடநெறியை குறிப்பிட்ட அந்த மாணவன் பூர்த்தி செய்ததும் ஒன்றாரியோ போக்குவரத்து அமைச்சின் இணையத்தளத்தில் உள்ள அந்த மாணவனின் விபரத்தில் அவன் கற்கைநெறியை பூர்த்தி செய்த திகதியை பதிவு செய்யவேண்டும். இந்தப்பதிவே இப்போது சான்றிதழுக்கு இணையாக காப்புறுதி நிறுவனங்களிடம் கழிவு பெறுவதற்கு பாவிக்கப்படுகிறது. முன்புபோல் சாரதி பயிற்சி கல்லூரிகள் சான்றிதழ் ஏதும் வழங்குவது இல்லை. முழுமையாக பயிற்சிநெறியை பூர்த்தி செய்யாத ஒரு மாணவனை போக்குவரத்து அமைச்சின் இணையத்தளத்தில் பதிவு செய்வது சட்டவிரோதமானது ஆகும். சிலர் (சாரதி பயிற்றுனர்கள்) சட்டவிரோதமாக சிறிதளவு பணத்தை வாங்கிக்கொண்டு மாணவர்கள் முழுமையான பயிற்சி நெறியை பெற்றதாக பதிவு செய்கிறார்கள். இது சட்டவிரோதமானது என்பதோடு, குறிப்பிட்ட மாணவனின் எதிர்காலத்திற்கு ஆபத்தையும் ஏற்படுத்தும். முறையாக பயிற்சி நெறியை பூர்த்தி செய்யாத மாணவன் எதிர்காலத்தில் விபத்துக்களில் சிக்கி தனக்கும், மற்றவர்களுக்கும் பாதிப்பை உண்டு பண்ணக்கூடும். தொடரும்.............
  3. ஒரு வாகனம் பாதசாரிகள் கடவையில் நிறுத்தப்பட்டு காணப்படும் போது அந்த வாகனத்தை முந்துவதற்கு/கடப்பதற்கு முனையாதீர்கள். அந்நிலையில் முந்துவது பாதுகாப்பற்றதும், சட்டவிரோதமானதும் ஆகும். குறிப்பிட்ட வாகனம் பாதசாரியை கடக்கவிடுவதற்கு நிறுத்தி நிற்ககூடும்.

  4. அங்கீகாரம் பெற்ற சாரதி பயிற்சி பயிற்றுனர்கள் வழங்கும் சேவை மருத்துவர்கள் செய்யும் சேவைக்கு ஒப்பானது. வாகனம் ஓடுபவர்கள் எதிர்காலத்தில் தமக்கு உடல், உயிர் பொருட்சேதங்கள் ஏற்படாமல் தப்புவதற்கு முறையாக வாகனம் ஓடுவதற்கு கற்றுக்கொள்வதோடு, அதை சரியான முறையில் தொடர்ந்து பயிற்சி செய்து, தமது அனுபவங்கள் மூலமும், ஆர்வம் மூலமும் வாகனம் ஓடுதலில் அறிவை பெருக்கி கொள்ள வேண்டும். எதிர்பாராது நடைபெறும் சம்பவங்கள் நீங்கலாய் ஏனைய எல்லா சந்தர்ப்பத்திலும் சவாரியின் செளகரியமும், பாதுகாப்பும் வாகனத்தை ஓடுகிற சாரதியின் கைகளிலேயே தங்கி இருக்கிறது. சாரதி பயிற்சி நெறியை பெற்று கொள்வது தொடர்பாய் எமது நிறுவனத்திற்கு தினமும் ஏராளம் தொலைபேசி அழைப்புக்கள் வரும். அதில் பெருன்பான்மையின "விலை விசாரிப்பதாய்" அமையும். சாரதி பயிற்சி நெறி என்பது சந்தையில் தக்காளி, கத்தரிக்காய் கிலோ எவ்வளவு என்று கேட்டு வாங்கி கூடையில் போடுகிற கொடுக்கல் வாங்கல் போன்றது அல்ல என்று பலருக்கும் தெரிவது இல்லை. சாரதி பயிற்சி நெறி வாகனம் ஓடுபவர்களினதும், பாதசாரிகள், தெருவை பாவிக்கிற அனைவரினதும் உடல், உயிர், வாழ்க்கை, எதிர்காலம் சம்மந்தப்பட்டது. இங்கு போனில் (தொலைபேசி) எம்மிடம் கேட்கக்கூடாத அல்லது தவிர்க்கப்படவேண்டிய சில வினாக்களை தருகிறோம். "கேட்ககூடாததன்" என்பதன் அர்த்தம் என்ன என்றால் தவறான அணுகு முறையை குறிக்கிறது. கேள்வி 01: நான் எவ்வளவு காலத்தில் லைசன்ஸ் எடுக்கலாம்? குறிப்பிட்ட ஒரு மாணவனை நேரில் கண்டு அவர் வாகனம் ஓடுவதை மதிப்பீடு செய்யாதவரை ஒருவரது ஆற்றலை போன் ஊடாக எதிர்வு கூற முடியாது. சிலர் உடனடியாக விடயங்களை பிடித்து கற்று கொள்வார்கள், சிலர் அதிகளவு பயிற்சி வழங்கப்பட்டதன் பின்னரே வாகனத்தை முறையாக ஓடும் நிலைக்கு முன்னேறுவார்கள். சிலருக்கு வாகனம் ஓட தெரிந்தாலும் போக்குவரத்து விதிமுறைகளை அனுசரித்து அதற்கேற்ப வாகனம் ஓடுவதற்கு தெரியாமல் இருக்கும். வீதி பரீட்சையில் உங்களுக்கு வாகனம் ஓட தெரியுமா என்று பரீட்சிப்பது இல்லை. பரீட்சை விதி முறைகளுக்கு அமைய போக்குவரத்து விதிமுறைகளை அனுசரித்து உங்களுக்கு வாகனம் ஓட தெரியுமா என்றே பரீட்சிக்கப்படுகிறது. நீங்கள் எவ்வளவு திறமையான சாரதியாக காணப்பட்டாலும், எத்தனை வருடங்கள் அனுபவம் இருந்தாலும் வீதி பரீட்சையில் எதிர்பார்க்கப்படும் வகையில் குறிப்பிட்ட நேரத்தில், குறிப்பிட்ட ஒரு சூழ்நிலையில் வாகனத்தை சரியாக ஓடி காண்பிக்க தெரியாவிட்டால் உங்களால் சாரதி அனுமதி பத்திரத்தை பெற்று கொள்ள முடியாது, சோதனையில் தோல்வியே கிடைக்கும். எவ்வளவு காலத்தில் ஒருவர் லைசன்ஸ் எடுக்கலாம் என்பது அவரவர் தனி தன்மைகளுக்கு ஏற்ப வேறுபடும். தொடரும்............. தகவல்: போக்குவரத்து http://CarDriving.CA
  5. வெளிச்சம் குறைவான, இரவு நேரங்களில் உங்கள் வாகனத்தின் அருகாக நகர்கின்ற பாதசாரிகள், சைக்கிள் ஓட்டிகள் பற்றி அதிக எச்சரிக்கையாக இருங்கள். இல்லாவிடின் அவதானமின்மை விபத்தினை ஏற்படுத்தும்.

  6. வெள்ள நீரை ஊடறுத்து வாகனம் ஓடவேண்டி வந்தால், அதன் நீரின் ஆழம் தெரியாமல் தொடர்ந்து ஓட முயற்சிக்காதீர்கள். ஆழம் குறைந்த நீரோட்டம் என்றால் சீரான, மெதுவான வேகத்தில் செல்லுங்கள்.

  7. பலமான காற்று உங்கள் வாகனத்தை தள்ளி பாதையை விலத்தி ஓட வைக்கும். பலமான காற்று வீசும் போது வாகனம் போகவேண்டிய திசையில் ஸ்ரியரிங்கை இறுக்கிப்பிடியுங்கள், மற்றைய வாகானங்களுக்கு இடையில் போதுமான இடைவெளி விடுங்கள், மெதுவாக ஓடுங்கள்.

  8. மோசமான காலநிலையின்போது வாகனம் ஓடி காலநிலை காரணமாக தெருவில் விபத்து ஏற்பட்டால் காப்புறுதி நிறுவனங்கள் அதை உங்கள் தவறாகவே பார்ப்பார்கள். மோசமான காலநிலை நிலவும்போது வாகனம் ஓடுவது தவிர்க்கப்படவேண்டிய ஒரு விடயம்.

  9. சடுதியாய் பிரேக் அடிப்பது, சடுதியாய் வேகத்தை கூட்டுவது எரிபொருள் பாவனையை அதிகரிக்கும். சீராக நேர்த்தியாக வாகனம் ஓடும் போது எரிபொருள் வீணாகாது.

  10. தொடர்ச்சியான கற்றல், முன்கூட்டிய திட்டமிடல், எதிர்வு கூறுதல், Common Sense ஐ பாவித்தல், விரைவாக முடிவுகளை எடுத்தல் போன்ற பல்வேறு விடயங்கள் ஒரு சாரதி பாதுகாப்பான சவாரியை மேற்கொள்வதற்கு இன்றியமையாதது.

  11. உங்கள் வாகனத்தின் முன்விளக்குகள் (headlights) நேர்த்தியாக (Properly aligned) ஒளியை பாய்ச்சுவது முக்கியம் ஆகும். இல்லாவிட்டால் உங்களால் இரவில் தெளிவாக பார்க்க முடியாது, உங்கள் எதிரில் வரும் வாகன சாரதிகளுக்கும் உங்கள் வாகனத்தின் முன்விளக்குகள் இடைஞ்சலை ஏற்படுத்தும்.

  12. பாதுகாப்பானதும், அவதானமானதுமான வாகனம் ஓட்டும் முறை எரிபொருள் வீணாகுவதை தடுப்பதோடு, உங்கள் வாகனம் நல்ல நிலையில் பேணப்படுவதற்கும் உதவுகிறது.

  13. அசுத்தமான கண்ணாடி தெளிவின்மையை ஏற்படுத்துகிறது. வாகனத்தை நகர்த்தமுன்பே கண்ணாடியை சுத்தம் செய்யுங்கள்.

  14. உங்கள் வாகனத்தை பின்பக்கத்தால் வேறு வாகனங்கள் வந்து இடித்து விபத்து ஏற்பட்டால் உங்களுக்கு ஏற்படும் உடல்பாதிப்புக்களை இயலுமானவரை குறைப்பதற்கு உங்கள் சாரதி இருக்கையை சரிப்படுத்துங்கள்.

  15. நீங்கள் வாகனத்தை அவதானத்துடனும், பாதுகாப்பாகவும் ஓடுகின்ற ஆற்றலை உங்கள் உணர்ச்சிகள் பாதிக்கின்றன. வாகனம் ஓடும்போது உணர்ச்சிவசப்படுவது விபத்துக்களை ஏற்படுத்தலாம்.

  16. வெறும் வயிற்றுடன் மதுபானம் பருகும்போது போதை விரைவாக இரத்தத்தில் கலக்கிறது. இப்படியான நிலையில் வாகனம் ஓடவேண்டிய தேவை வரும்போது இதற்குப் பரிகாரமாக கோப்பி குடித்துவிட்டு வாகனத்தை ஓடலாம் என்று நினைப்பது தவறு.

  17. ஒழுங்கை மாற்றம் செய்யமுன், வாகனத்தை நகர்த்தமுன், உடனடியாக வாகனத்தை இழுத்து கரையாக நிறுத்த முன், கண்ணாடியை (rear) பாருங்கள். உங்கள் தோள்களுக்கு மேலாக blind spotஐ கவனியுங்கள்.

  18. நீங்கள் போக வேண்டிய இடத்திற்கு தாமதம் ஏற்பட்டு விட்டாலும் பதற்றம் அடையாது அவதானத்துடன் வாகனத்தை ஓட்டுங்கள். அவசரப்பட்டு ஓடுவது விபத்துக்களில் சென்று முடியலாம். முறைகேடாக ஓடியதற்காக காவல்துறையிடம் பிடிபடவேண்டியும் வரலாம்.

  19. Thanksgiving நீண்ட வார விடுமுறையில் அவதானமாக வாகனம் ஓடுங்கள். மதுபானம் பருகினால் வாகனம் ஓடாதீர்கள். காவல்துறையின் நடமாட்டமும் அதிகமாக காணப்படும்.

  20. சூழலின் வெப்பநிலை மாற்றங்கள் வீதி நிலமையை பாதிக்கிறது. நீங்கள் பாளங்கள் (overpasses & bridges) மேலாக வாகனத்தை ஓடும் போது மிக அவதானமாக ஓடுங்கள். அதில் மெதுவாக ஓடுங்கள், இறுக்கமாக பிரேக் பிடிக்காதீர்கள்.

    1. தமிழ் சிறி

      தமிழ் சிறி

      நன்றாக காய்ந்துள்ள‌ வீதியில்... திடீரென்று மழை பெய்யும் போது, அதில் ஓடிய வாகன ரயர்களின் நுண்ணிய றப்பர் துகள்கள், மழை நீருடன் கலந்து... வழுக்கச் செய்யும். அந்நேரம் மெதுவாக ஓட வேண்டும்.

    2. போக்குவரத்து
    3. போக்குவரத்து

      போக்குவரத்து

      முன்னால் போகின்ற வாகனத்துக்கும் உங்கள் வாகனத்துக்கும் இடையில் போதுமான அளவு இடைவெளி விடுவதும் முக்கியம்.

  21. எவராவது வாகன சாரதி உங்கள் வாகனத்தை ஆத்திரத்துடன் தொடர்ந்தால் சன நடமாட்டம் அதிகம் உள்ள வாகன தரிப்பிடம் அல்லது காவல்துறை நிலையம் நோக்கி உங்கள் வாகனத்தை செலுத்தி வாகனத்தை அங்கு நிறுத்துங்கள்.

  22. உங்களுக்கு வயது கூடிகொண்டு போகும் போது பார்வையின் கூர்மை குறைந்து செல்கிறது. நீங்கள் வாகனம் ஓடுவதாயின் உங்கள் பார்வை புலன் சரியாக தொழிற்படுவதை உறுதி செய்யுங்கள்.

  23. வாகனம் ஓடும் போது வழுக்கி சென்றால் (skid) பதற்றப்படாது gas pedal இல் இருந்து உடனடியாக காலை எடுத்து ஸ்ரியரிங்கை நீங்கள் போகவேண்டிய பக்கமாக வாகனம் சமநிலைக்கு வரக்கூடியவகையில் பிடியுங்கள்.

×
×
  • Create New...

Important Information

By using this site, you agree to our Terms of Use.