உலகச் செய்திகள்

கைதிகளுக்கு ஒபாமாவின் இறுதிப் பரிசு!

Wed, 18/01/2017 - 16:32
கைதிகளுக்கு ஒபாமாவின் இறுதிப் பரிசு! 

 

 

 

தனது அதிகாரத்தை பயன்படுத்தி 209 பேருக்கு தண்டனையை குறைத்தும், 64 பேருக்கு பொதுமன்னிப்பு வழங்கியும் அமெரிக்க ஜனாதிபதியாக தனது இறுதி பரிசை வழங்கியுள்ளார் பராக் ஒபாமா.  

obama-hands-up-00.jpg

அமெரிக்காவின் புதிய ஜனாதிபதியாக டொனால்ட் டிரம்ப் பதவியேற்கவுள்ளார். அதனால் வெள்ளை மாளிகையிலிருந்து ஒபாமா வெளியேறவுள்ள நிலையில் பல்வேறு குற்றங்களில் கைதாகி சிறையில் தண்டனை கைதிகளாக சிறை வைக்கப்பட்டுள்ள 209 கைதிகளின் தண்டனை காலத்தை குறைத்தும், 64 பேருக்கு மன்னிப்பு வழங்கியும் இன்று ஒபாமா உத்தரவிட்டுள்ளார்.

ஜனாதிபதியாக இரண்டாவது தடவையாக பதவி ஏற்ற பராக் ஒபாமாவின் ஆட்சிக் காலத்தில் இதுவரை 1385 கைதிகளின் தண்டனை காலத்தை குறைத்தும், 212 பேருக்கு மன்னிப்பு வழங்கியும் அவர் உத்தரவிட்டுள்ளார்.

இதுவரை அமெரிக்க ஜனாதிபதியாக இருந்த 12 பேரில் ஒருவர் அதிகளவான கைதிகளின் தண்டனை காலத்தை குறைத்ததும் மற்றும் மன்னிப்பு வழங்கியதும் இதுவே முதல் தடவை என்பது குறிப்பிடத்தக்கது.

http://www.virakesari.lk/article/15535

Categories: merge-rss, yarl-world-news

பிரபல அமெரிக்க நடிகை லின்ட்ஸே லொஹான் இஸ்லாத்தை தழுவினார்

Wed, 18/01/2017 - 10:24

அமெ­ரிக்­காவின் பிர­பல நடி­கையும் பாட­கி­யு­மான லின்ட்ஸே லொஹான் இஸ்­லாத்தை தழு­வி­யுள்­ளதை உறுதி செய்ய முடிந்­துள்­ள­தாக சர்­வ­தேச ஊட­கங்கள் நேற்று முன்­தினம் செய்தி வெளி­யிட்­டுள்­ளன.

islam6.jpg

தனது சமூக வலைத்­தள கணக்­குகள் அனைத்­தி­னதும் கடந்த கால பதி­வு­களை அழித்­துள்ள அவர், இன்ஸ்­டா­கிராம் வலைத்­த­ளத்தில் 'அலைக்கும் ஸலாம்' எனப் பதி­விட்­டுள்­ள­மையும் குறிப்­பி­டத்­தக்­க­தாகும்.

லின்ட்ஸே லொஹானின் இந்த மாற்­றத்தை வர­வேற்­ப­தா­கவும் அல்­லாஹ்­வுக்கே எல்லாப் புகழும் என உலகின் பல பாகங்­க­ளையும் சேர்ந்த முஸ்­லிம்கள் சமூக வலைத்­த­ளங்களில் பதி­விட்­டுள்­ளனர்.

2016 ஆம் ஆண்டு ஏப்ரல் முதல் புனித குர்­ஆனை படித்து வந்த இவர் இதன் மூல­மாக தன்னில் பாரிய மாற்­றங்கள் ஏற்­பட்­டுள்­ள­தாக ஊட­கங்­க­ளுக்கு பேட்­டி­ய­ளித்­தி­ருந்தார்.

இதனைத் தொடர்ந்தே அவர் தனது கடந்த கால பதி­வுகள் புகைப்­ப­டங்கள் வீடி­யோக்கள் அனைத்­தையும் கடந்த ஒரு வார காலத்­திற்குள் அழித்­து­விட்டு  'அலைக்கும் ஸலாம்' எனும் இஸ்­லா­மிய வாழ்த்­தினை பதி­விட்­டுள்­ள­தாக ஊட­கங்கள் சுட்­டிக்­காட்­டி­யுள்­ளன.

அமெ­ரிக்­காவில் 1986 ஆம் ஆண்டு பிறந்த லின்ட்ஸே லொஹான் தற்­போது லண்­டனில் வசித்து வரு­கிறார். சவூதி அரே­பி­யாவைச் சேர்ந்த நண்­பர்கள் சிலர் தனக்கு அல் குர்­ஆனை அன்­ப­ளிப்புச் செய்­த­தா­கவும், அதனை வாசிக்கத் தொடங்­கி­ய­தி­லி­ருந்து தன்னுள் பாரிய மாற்­றங்கள் ஏற்­பட்­டதை உணர்ந்­த­தா­கவும் அண்­மையில் துருக்கி ஊட­கங்­க­ளுக்கு அளித்த பேட்­டியில் அவர் குறிப்­பிட்­டி­ருந்தார்.

''நான் இவ்­வ­ளவு காலமும் மிக மோச­மான செயல்­க­ளையே செய்து வந்­துள்ள ஒரு பெண் என்­பதை இப்­போது உணர்­கிறேன். அவை அனைத்­தையும் விட்­டு­விட தீர்­மா­னித்­துள்ளேன்.

இப்­போ­துதான் நான் யார் என்­பதை அறிந்து கொண்­டுள்ளேன். எனக்கு லண்­டனில் வைத்து சவூதி நண்­பர்கள் குர்­ஆனைப் பரி­ச­ளித்­தார்கள். நான் அதனை எடுத்துக் கொண்டு நியூயோர்க் சென்று படிக்கத் தொடங்­கினேன். அதன் மூலம் ஆன்­மிக ரீதி­யாக என்னுள் மாற்­றங்­களை ஏற்­ப­டுத்திக் கொண்டேன்.

எனினும் நான் குர்­ஆனைப் படிப்­ப­தாக ஊடகங்கள் செய்தி வெளி­யிட்­டதைத் தொடர்ந்து அமெ­ரிக்­கர்கள் என்னை விமர்­சித்­தார்கள். எனவே அமெ­ரிக்­காவை பாது­காப்­பான இட­மாக நான் கரு­த­வில்லை. நான் அமெ­ரிக்­காவை விட்டு வெளி­யேறி லண்­டனில் குடி­யேற தீர்­மா­னித்தேன். அங்கு நான் விரும்­பிய வழியில் அமை­தி­யாக வாழப் போகிறேன்'' என லின்ட்ஸே லொஹான் அண்­மையில் துருக்கி ஊடகம் ஒன்­றுக்கு அளித்த பேட்­டியில் குறிப்­பிட்­டி­ருந்தார்.

இதே­வேளை அண்­மையில் துருக்­கிக்கு தனிப்­பட்ட விஜயம் ஒன்றை மேற்­கொண்ட இவர் அங்கு தங்­கி­யுள்ள சிரிய நாட்டு அக­தி­களைச் சந்­தித்து அவர்­க­ளுக்­கான மனி­தா­பி­மானப் பணி­க­ளிலும் ஈடு­பட்டார்.

அத்­துடன் துருக்கி அதிபர் அர்துகானின் அரசியல் முன்னெடுப்புகளுக்கு ஆதரவாகவும் கருத்துக்களை வெளியிட்டிருந்தார். இதன்போது அவர் துருக்கியில் தனது உடலை முழுமையாக மறைக்கும் வகையில் ஹிஜாப் ஆடையை அணிந்திருந்தமையும் குறிப்பிடத்தக்கதாகும்.

http://vidivelli.lk/

Categories: merge-rss, yarl-world-news

லேடனைக் காட்டிக்கொடுத்த மருத்துவரை விடுவிக்க மாட்டோம்; பாகிஸ்தான் உறுதி

Wed, 18/01/2017 - 08:56
லேடனைக் காட்டிக்கொடுத்த மருத்துவரை விடுவிக்க மாட்டோம்; பாகிஸ்தான் உறுதி

 

 

அல்-கைதா தலைவர் ஒஸாமா பின் லேடன் குறித்து அமெரிக்க உளவுத் துறைக்கு தகவல் கொடுத்ததாக நம்பப்படும் பாகிஸ்தானிய மருத்துவரை விடுவிக்கவோ அல்லது அமெரிக்காவிடம் கையளிக்கவோ போவதில்லை என பாகிஸ்தான் தெரிவித்துள்ளது. 

3_Shakeel_Afridi.jpg

குறித்த மருத்துவரின் விடுதலை குறித்து அமெரிக்க ஜனாதிபதியாகத் தெரிவுசெய்யப்பட்டிருக்கும் டொனால்ட் ட்ரம்ப் அடிக்கடி ஊடகங்களில் பேசிவருவது குறித்து பாகிஸ்தான் தனது கண்டனத்தையும் தெரிவித்துள்ளது.

பின் லேடனின் மரணத்தையடுத்து, பாகிஸ்தானின் மருத்துவரான ஷகீல் அஃப்ரிடி என்பவரை அமெரிக்க இராணுவம் பாராட்டியிருந்தது. அவரது உதவியுடனேயே பின் லேடனைக் கொல்ல  முடிந்தது என்றும் பகிரங்கமாக அறிவித்திருந்தது.

பின் லேடனின் மரணத்தின் பின், திடீரென ஷகீல் அஃப்ரிடி பாகிஸ்தான் இராணுவத்தால் கைது செய்யப்பட்டார். மருத்துவ முகாம் என்ற பெயரில் பின் லேடனின் மரபணுவைத் தேடி பலரது இரத்த மாதிரிகளையும் பரிசோதித்து வந்தார் என்ற குற்றத்தின் பேரிலேயே ஷகீல் கைது செய்யப்பட்டார்.

இந்த நிலையில், கடந்த ஆண்டு நடைபெற்ற தேர்தல் பிரச்சாரக் கூட்டம் ஒன்றில் பேசிய டொனால்ட் ட்ரம்ப், தான் பதவிக்கு வந்தால் ஷகீல் அஃப்ரிடியை இரண்டு நிமிடத்தில் விடுவிப்பதாகத் தெரிவித்திருந்தார்.

இதற்கு பலத்த கண்டனம் தெரிவித்திருந்த பாகிஸ்தான் வெளியுறவுத் துறை அமைச்சர், அஃப்ரிடியை எக்காரணம் கொண்டும் பாகிஸ்தான் விடுவிக்காது என்று தெரிவித்திருந்தது.

http://www.virakesari.lk/article/15526

Categories: merge-rss, yarl-world-news

ஏமன் உள்நாட்டு போரில் 10 ஆயிரம் பேர் பலி – ஐ.நா

Wed, 18/01/2017 - 07:13
ஏமன் உள்நாட்டு போரில் 10 ஆயிரம் பேர் பலி – ஐ.நா

yemen-conflict-UN-officialஏமன் உள்நாட்டு போரில் 10 ஆயிரம் பேர் பலியானதாக ஐ.நா.சபை தெரிவித்துள்ளது.ஏமனில் அரசுக்கும், ஹவுதி கிளர்ச்சியாளர்களுக்கும் இடையே கடந்த 2015-ம் ஆண்டு மார்ச் முதல் உள்நாட்டு போர் நடந்து வருகிறது.

தலைநகர் கனா மற்றும் அதை சுற்றியுள்ள பகுதிகளையும் ஹவுதி கிளர்ச்சியாளர்கள் கைப்பற்றி தனி அரசு நடத்தி வருகின்றனர். எனவே அதிபர் மன்சூர் ஹாதி ஏடனை தலைநகராக கொண்டு ஆட்சி நடத்தி வருகிறார். இவருக்கு சவுதி ஆதரவு கூட்டுப்படைகள் ஆதரவு அளித்துள்ளன.

இதனால் கிளர்ச்சியாளர்களுக்கும், சவுதி கூட்டுப்படை ஆதரவு பெற்ற ராணுவத்துக்கும் இடையே கடும் சண்டை நடக்கிறது. 21 மாதங்களாக நடைபெறும் உள்நாட்டு போரில் இதுவரை 10 ஆயிரம் பேர் பலியாகி உள்ளனர்.

40 ஆயிரம் பேர் காயம் அடைந்துள்ளனர். இந்த தகவலை ஐ.நா.சபை தெரிவித்துள்ளது. உள்நாட்டு போர் தீவிரம் அடைந்துள்ளதால் லட்சக்கணக்கான மக்கள் கடுமையாக பாதிக்கப்பட்டுள்ளனர். உணவு பற்றாக்குறை நிலவுகிறது. சுமார் 70 லட்சம் பேர் அடுத்தவேளை உணவு கிடைக்காமல் தவிக்கின்றனர்.

http://ekuruvi.com/yeman-18-01-2017/

Categories: merge-rss, yarl-world-news

எங்கள் நாட்டிற்கு வர வேண்டாம்: அதிபர் ஒபாமாவிற்கு நோபல் பரிசு பெற்ற அர்ஜெண்டினர் கடிதம்

Wed, 18/01/2017 - 06:46
எங்கள் நாட்டிற்கு வர வேண்டாம்: அதிபர் ஒபாமாவிற்கு நோபல் பரிசு பெற்ற அர்ஜெண்டினர் கடிதம்

arjendin1980 ஆம் ஆண்டு அமைதிக்கான நோபல் பரிசு பெற்றவர் அர்ஜெண்டினா நாட்டைச் சேர்ந்த அடோல்ஃபோ பெரீஸ் எஸ்க்யுவெல். இவர் தங்கள் நாட்டிற்கு வர வேண்டாம் என்று அமெரிக்க அதிபர் பராக் ஒபாமாவிற்கு கடிதம் ஒன்றினை எழுதியுள்ளார்.

அர்ஜெண்டினா நாட்டில் ஆட்சி கவிழ்ப்பு நடைபெற்ற 1976-களின் தொடக்கத்தில் இருந்து ராணுவ ஆட்சியில் ஏராளமான படுகொலைகள் நடைபெற்றன. சோசலிஷ்டுகள் என்று கருதப்படுபவர்கள் அனைவரும் படுகொலை செய்யப்பட்டனர். இதனையடுத்து 1983 வரை ராணுவ ஆட்சி நடைபெற்று வந்தது.

ஆட்சி கவிழ்ப்பு நடைபெற்ற மார்ச் 24-ம் நாள் ஆண்டுதோறும் விடுமுறை தினமாக அர்ஜெண்டினாவில் கொண்டாடப்பட்டு வருகிறது. அந்த வகையில் இந்த வருடம் மார்ச் 24-ம் தேதி அமெரிக்க அதிபர் பராக் ஒபாமா அர்ஜெண்டினா வருகை புரிய உள்ளார்.

இந்நிலையில், மார்ச் 24-ம் தேதி தங்கள் நாட்டிற்கு வர வேண்டாம் என்று அதிபர் ஒபாமாவிற்கு திறந்த மடல் ஒன்றினை எழுதியுள்ளார்.

ஆட்சி கவிழ்ப்பு நடைபெற்று 40-வது ஆண்டு என்பதால் தவிர்க்க வேண்டும் என்று பெரீஸ் கேட்டுக் கொண்டார். ஒபாமாவை வரவேற்பதாக கூறியுள்ள அவர், ஆனால் மார்ச் 24-ம் தேதி வரக்கூடாது என்று வலியுறுத்தியுள்ளார்.

முன்னதாக, 1976 முதல் 1983 வரை நடைபெற்ற இராணுவ ஆட்சியில் சுமார் 30 ஆயிரம் பேர் கொல்லப்பட்டதாக மனித உரிமை அமைப்புகள் தெரிவித்திருந்தது குறிப்பிடத்தக்கது.

 

http://ekuruvi.com/enkal-nadditku-03-02-2016/

Categories: merge-rss, yarl-world-news

விடை காணமுடியா புதிராகவே அதிகாரபூர்வமாக முடிவுற்றது எம்.எச்.370 விமானத் தேடல் பணி

Tue, 17/01/2017 - 21:04
விடை காணமுடியா புதிராகவே அதிகாரபூர்வமாக முடிவுற்றது எம்.எச்.370 விமானத் தேடல் பணி

 

 
கலைஞர் சுதர்சன் பட்நாயக்கின் வேலைப்பாடு. | கோப்புப் படம்.
கலைஞர் சுதர்சன் பட்நாயக்கின் வேலைப்பாடு. | கோப்புப் படம்.
 
 

மலேசிய விமானம் எம்.எச்.370 நடுவானில் மாயமாகி 3 ஆண்டுகள் முடியப்போகும் நிலையில் பல்வேறு கணிப்புகளுடனேயே பெரிய புதிராக முடிந்து போயுள்ளது விமானத் தேடல் பணி.

மார்ச் 8, 2014, உலகை உலுக்கிய இந்தத் தினத்தில்தான் 239 பயணிகளுடன் மலேசிய விமானம் எம்.எச்.370 மாயமானது.

தேடுதல் குழுவினருக்கு விமானத்தின் சிறு சுவடு கூட கிடைக்கவில்லை, இதனால் வெறுப்பும் வியர்த்தமுமே எஞ்சிய நிலையில் தேடுதல் பணி அதிகாரபூர்வமாக முடிவுக்கு வந்துள்ளது.

இந்தியப் பெருங்கடலில் சுமார் 1,20,000 சதுரகிலோமீட்டர் பரப்பில் தேடுதல் வேட்டையை மேற்கொண்டது ஆஸ்திரேலியாவின் இணை ஒருங்கிணைப்பு மையம். ஆஸ்திரேலியாவுக்கு மேற்கே ஆழ்கடலில் 160 மில்லியன் டாலர்கள் செலவின தேடுதல் பணியை இந்த முகமைதான் தலைமையேற்று நடத்தியது.

ஆனால், “அனைத்து அறிவியல் சாதனங்களுடனும் உயர் தொழில்நுட்பங்களுடனும் விமானத்தை தேடும் பணியை மேற்கொண்டோம். இதற்காக இந்தத் துறையின் அசைக்க முடியா நிபுணர்களின் உதவியையும் பெற்று தேடல் பணி மேற்கொண்டோம். ஆனாலும் விமானம் பற்றிய சுவட்டைக் கூட கண்டுபிடிக்க முடியவில்லை. எனவே கடலடி தேடல் வேட்டை முடித்துக் கொள்ளப்படுகிறது. இந்தக் கைவிடல் முடிவு எளிதாகவோ, வருத்தமின்றியோ எடுக்கப்பட்டதல்ல”என்று ஆஸ்திரேலிய முகமை வருத்தத்துடன் தெரிவித்துள்ளது.

விமான போக்குவரத்து, விபத்து வரலாற்றில் ஏகப்பட்ட செலவு இழுத்து விட்ட இந்த எம்.எச்.370 தேடல் வேட்டை விமானம் எங்கு விழுந்திருக்கும் என்பதை கணிக்கும் தொழில்நுட்பப் போதாமைகளால் கைவிடப்பட்டுள்ளது.

ஆனால் கடந்த டிசம்பர் மாதம் நிபுணர்கள் குழு அளித்த புதிய தகவல்களின் படி அப்போது தேடப்பட்டுக் கொண்டிருக்கும் பகுதியிலிருந்து 25,000 கிமீ நேர் வடக்கே விமானம் விழுந்திருக்கலாம் என்று கூறியது. ஆனால் ஆஸ்திரேலியா இந்தத் தகவலின் துல்லியத்தை சந்தேகித்து அங்கு தேடுதல் வேட்டை நீட்டிக்கப்படவில்லை.

ஆனால் மலேசியா, சீனா, ஆஸ்திரேலியா நாட்டு அமைச்சர்கள், தேடல் குழுவினரை பாராட்டியதோடு, “விமானம் பற்றிய புதிய தகவல் எதிர்காலத்தில் கிடைக்கும் என்று உறுதியான நம்பிக்கையுடன் காத்திருக்கிறோம், அப்போது நிச்சயம் விமானத்தின் புதிர் அவிழ்க்கப்படும்” என்று கூறியுள்ளனர்.

இந்நிலையில் தனியார் யாராவது முன் வந்து தேடுதலைத் தொடரலாம் அல்லது மலேசிய அரசு இதனை தொடரலாம், ஆனால் அதற்கான வாய்ப்புகள் குறைவு என்பதால் புரியாத புதிராகவே எம்.எச்.370 விமான மாயம் வரலாற்றில் நீடிக்கும் என்றுஎதிர்பார்க்கப்படுகிறது.

http://tamil.thehindu.com/world/விடை-காணமுடியா-புதிராகவே-அதிகாரபூர்வமாக-முடிவுற்றது-எம்எச்370-விமானத்-தேடல்-பணி/article9484994.ece?widget-art=four-rel

Categories: merge-rss, yarl-world-news

ஐரோப்பிய ஒன்றியத்தை ஒற்றை சந்தையாக பிரிட்டன் அணுகாது - தெரீசா மே

Tue, 17/01/2017 - 18:43
ஐரோப்பிய ஒன்றியத்தை ஒற்றை சந்தையாக பிரிட்டன் அணுகாது - தெரீசா மே
 
 

ஐரோப்பிய ஒன்றியத்தை விட்டு பிரிட்டன் விலகுகின்றபோது ஒற்றை ஐரோப்பிய சந்தையில் உறுப்பினராகத் தொடர்வதை பிரிட்டன் பிரதமர் தெரீசா மே நிராகரித்திருக்கிறார்.

தெரீசா மே
 

லண்டனில் லன்காஸ்டர் இல்லத்தில் நடைபெற்ற மிகவும் எதிர்பார்க்கப்பட்ட அவருடைய உரையில், ஒற்றை சந்தையில் தொடர்ந்து நீடிப்பது, ஐரோப்பிய ஒன்றிய விதிகளை வகுப்பதில் இடம்பெறாமல், அவற்றை ஏற்றுகொள்வதற்கு சமமானதாகும் என்று அவர் தெரிவித்தார்,

சுங்க வரி விதிப்பு ஒன்றாக இருக்கும் ஒரு நிலை குறித்து பேசிய அவர், இதில் முழு உறுப்பினர் என்ற நிலை, பிரிட்டன் அதனுடைய வர்த்தக ஒப்பந்தங்களை பேச்சுவார்த்தைகளில் உருவாக்கி கொள்வதை தடுக்கும் என்று தெரிசா மே கூறினார்.

ஐரோப்பிய ஒன்றிய சந்தையை பிரிட்டன் இழந்தால் மாற்று நடவடிக்கை

ஆனால், ஐரோப்பிய ஒன்றியத்தாடு வரியில்லா சுதந்திர வர்த்தகத்தை உருவாக்க விரும்புவதாக கூறிய தெரீசா மே, இரு தரப்புக்கும் நன்மை அளிக்கக்கூடிய விதமாக இந்த ஒப்பந்தத்தை அடைய முடியும் என்று குறிப்பிட்டுள்ளார்.

படிப்படியாக மேற்கொள்ளப்படும் அணுகுமுறையால் வர்த்தகத்துக்கு ஏற்படக்கூடிய ஆபத்தை தவிர்க்க முடியும் என்றும், ஆனால் வரம்பற்ற இடைக்கால நிலையை பிரிட்டன் ஏற்றுகொள்ளாது என்றும் தெரீசா மே தன்னுடைய உரையில் தெரிவித்துள்ளார்.

பிரிட்டன் விலகினால் ஐரோப்பிய ஒன்றியம் உடைந்துவிடும்: சுவீடன் வெளியுறவுத்துறை அமைச்சர்

அதிக குடியேறிகள் வந்தபோது, அந்த அமைப்புக்கான பொது மக்களின் ஆதரவு குறைந்ததால் குடியேற்றத்தை பிரிட்டன் தன்னுடைய கட்டுப்பாட்டில் வைத்து கொள்ளும் என்று அவர் கூறியுள்ளார்.

ஐரோப்பிய ஒன்றியத்திற்கு கொடுக்கும் பெருந்தொகையை இனி பிரிட்டன் வழங்காது; ஐரோப்பிய ஒன்றியத்தின் பணித் திட்டத்தின் ஒரு பகுதியாக இருக்க விரும்பினால், அதற்கு மட்டும் பங்கு வழங்கலாம் என்று அவர் தெரிவித்தார்.

ஐரோப்பிய ஒன்றியம் வெற்றியடைவதில் பிரிட்டனின் கட்டாயமான நலன்கள் இருப்பதாக அவர் கூறினார்.

http://www.bbc.com/tamil/global-38652490

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 17/01/17

Tue, 17/01/2017 - 18:41

 

இன்றைய பிபிசி தமிழ் தொலைக்காட்சி செய்தியறிக்கையில்,

* புதுவருட தினத்தன்று இரவு விடுதியில் தாக்குதல் நடத்தியவரை துருக்கிய அதிகாரிகள் கைது செய்துள்ளனர்.

* டொனால்ட் டிரம்புக்கும் சீனாவுக்கும் இடையில் முறுகல் அதிகரிப்பு! தாய்வான் குறித்து தொடர்ந்து எரிச்சலூட்டினால், பதிலடி தருவோம் என்கிறது சீன அரச ஊடகம்.

* எத்தியோப்பிய மக்களுக்கு சீனாவில் செய்த கார்கள் மீது விருப்பமில்லை. பெருநிறுவனங்களின் பெறுமதியான கார்கள்தான் வேண்டுமாம்! அதற்கான வழிதான் இது.

Categories: merge-rss, yarl-world-news

சந்திரனில் இறுதியாக காலடி எடுத்த வைத்தவர் மரணமானார்

Tue, 17/01/2017 - 17:18
சந்திரனில் இறுதியாக காலடி எடுத்த வைத்தவர் மரணமானார்

 

 

சந்திரனில் இறுதியாக காலடி எடுத்துவைத்த  விண்வெளி வீரரான எயூஜின் கெர்னான், அமெரிக்காவில் காலமானார்.apollo-17-astronaut-gene-cernan-dec-1972

அமெரிக்க விண்வெளி வீரரான எயூஜின் கெர்னான் கடந்த 1972ஆம் ஆண்டு அப்பல்லோ 17 விண்கலத்தில் சந்திரனுக்கு சென்று, அங்கு தங்கி சில ஆய்வுகளை மேற்கொண்டார்.

இதுவரை சந்திரனுக்கு சென்ற விண்வெளி வீரர்களில் இறுதியாக அங்கு ஆய்வுகளை செய்தவர் என்னும் பெருமைக்குரியவரான எயூஜின் கெர்னான், உடல் நலக்குறைவால் தனது 82ஆவது வயதில் டெக்சாஸ் மாநிலத்தின் ஹொஸ்டன் நகரில் உள்ள வைத்தியசாலையில் இன்று மரணமடைந்தார்.space_race.jpg

யூஜினின் மரணத்திற்கு அமெரிக்க விண்வெளி ஆய்வு மையமான ’நாசா’ தனது ஆழ்ந்த இரங்கலை தெரிவித்துள்ளது.

நிலவில் இறுதியாக நடந்த மனிதன் என்ற பெருமை என்னோடு முடிந்துவிட கூடாது, எதிர்கால தலைமுறையினரும் சந்திர மண்டலத்துக்கான பயணங்களை தொடர வேண்டும் என விரும்பிய எயூஜின், தனது 82 வயதிலும் விண்வெளி பயணம் குறித்த ஆலோசனைகளை நாட்டு தலைவர்களுக்கும், இளம் மாணவர்களுக்கும் வழங்கி வந்ததாக அவரது குடும்பத்தினர் தெரிவித்துள்ளனர்.

 

GettyImages-100972264.jpg

http://www.virakesari.lk/article/15496

Categories: merge-rss, yarl-world-news

பஹ்ரேனில் பொலிஸாரைத் தாக்கிய மூவருக்கு மரண தண்டனை நிறைவேற்றம்

Tue, 17/01/2017 - 12:03
பஹ்ரேனில் பொலிஸாரைத் தாக்கிய மூவருக்கு மரண தண்டனை நிறைவேற்றம்

 

 

பொலிஸாரைக் கடுமையாகத் தாக்கிய குற்றத்தின் பேரில் குற்றவாளிகளாக அடையாளம் காணப்பட்ட மூன்று ஷைதி இளைஞர்களுக்கு மரண தண்டனை நிறைவேற்றியிருக்கிறது பஹ்ரேன் அரசு!

4_Bahrain_Sentence.jpg

குறித்த இளைஞர்கள் மூவரும் பஹ்ரேன் அரசுக்கு எதிரான போராட்டங்களில் பங்கெடுத்தவர்கள். இவர்கள் மூவர் மீதும் சுமத்தப்பட்ட குற்றச்சாட்டு பொய்யானது என்றும், இவர்களுக்கு எதிராக சாட்சி சொன்னவர்கள் சித்திரவதையின் பேரிலேயே சாட்சியமளித்தனர் என்றும் மனித உரிமை இயக்கங்கள் தொடர்ந்து குற்றம் சாட்டி வந்தன.

எனினும், இந்தக் குற்றச்சாட்டுக்களை அலட்சியம் செய்த அரசு, கடந்த ஞாயிறன்று இந்த மூன்ற இளைஞர்களையும் துப்பாக்கியால் சுட்டு மரண தண்டனை நிறைவேற்றியது.

பஹ்ரேனில் ஏற்பட்ட அசாதாரணச் சூழல்கள் 2011ஆம் ஆண்டு முடிவுக்குக் கொண்டுவரப்பட்டதையடுத்து, முதன்முறையாக இந்த மரண தண்டனை நிறைவேற்றப்பட்டுள்ளது.

இதை எதிர்த்து ஷைதி இனத்தவர்கள் போராட்டம் நடத்தியபோதும், பொலிஸார் அந்தப் போராட்டத்தைத் தடை செய்துவிட்டனர்.

http://www.virakesari.lk/article/15491

Categories: merge-rss, yarl-world-news

ஓய்வுக்குத் தயாராகும் ஒபாமா; 43 மில். டொலர் குத்தகை வீட்டுக்கு வந்து இறங்கும் பொருட்கள்

Tue, 17/01/2017 - 11:17
ஓய்வுக்குத் தயாராகும் ஒபாமா; 43 மில். டொலர் குத்தகை வீட்டுக்கு வந்து இறங்கும் பொருட்கள்

 

அமெரிக்காவின் புதிய ஜனாதிபதியாக எதிர்வரும் 20ஆம் திகதி ட்ரம்ப் பொறுப்பேற்கவுள்ள நிலையில், வெள்ளை மாளிகையில் உள்ள தமது பிரத்தியேகப் பொருட்களை வொஷிங்டனில் தாம் வாங்கியுள்ள புதிய வீட்டிற்கு மாற்றி வருகிறார் ஒபாமா.

3_Obama_House_1.jpg

வொஷிங்டனில் சுமார் 43 இலட்சம் டொலர் குத்தகையில் ஒபாமா வாங்கியுள்ள வீட்டிற்கு, பொருட்களை ஏற்றி இறக்கும் வாகனங்கள் வந்து போகத் தொடங்கியுள்ளன.

பதவி விலகியதும் தனது சொந்த ஊரான சிக்காகோவுக்குச் செல்ல ஒபாமா விரும்பியபோதும், தனது இளைய மகள் ஷாஷாவின் படிப்பு நிறைவடைய வேண்டும் என்பதற்காகவே அடுத்த இரண்டு வருடங்கள் வொஷிங்டனில் தங்க முடிவு செய்துள்ளார். 

3_Obama_House_3.jpg

சுமார் 8,200 சதுர அடி பரப்பளவுள்ள இந்த வீடு 9 படுக்கை அறைகள், அமைதியான தோட்டம், கேளிக்கை விழாக்களுக்கான பிரத்தியேக மண்டபம் என்பனவற்றைக் கொண்டிருக்கிறது.

1928ஆம் ஆண்டு கட்டப்பட்ட இந்த வீடு, முன்னாள் அமெரிக்க ஜனாதிபதி பில் கிளிண்டனின் ஊடகச் செயலாளராக இருந்த ஜோ லொக்ஹார்ட்டுக்குச் சொந்தமானது. அவரிடம் இருந்தே ஒபாமா இந்த வீட்டை குத்தகைக்குப் பெற்றிருக்கிறார்.

3_Obama_House_2.jpg

பதவி விலகியதும் தனது குடும்பத்தினருடன் கலிஃபோர்னியாவுக்கு சுற்றுலா செல்ல ஒபாமா திட்டமிட்டிருப்பதாகவும் தெரிவிக்கப்படுகிறது.

http://www.virakesari.lk/article/15488

Categories: merge-rss, yarl-world-news

புதுவருட பிறப்பன்று இஸ்தான்புல்லில் தாக்குதல் நடத்திய பிரதான சந்தேக நபர் கைது

Tue, 17/01/2017 - 06:23
புதுவருட பிறப்பன்று இஸ்தான்புல்லில் தாக்குதல் நடத்திய பிரதான சந்தேக நபர் கைது

isthabbull.jpg
புதுவருட பிறப்பு தினத்தன்று துருக்கி இஸ்தான்புல்லில்  நடத்தப்பட்ட தாக்குதலின் பிரதான சூத்திரதாரி கைது செய்யப்பட்டுள்ளார்.  இந்த தாக்குதலில் 39 பேர் கொல்லப்பட்டிருந்தனர்.

தாக்குதலின் சூத்திரதாரி இஸ்தான்புல்லில் உள்ள தொடர்மனை குடியிருப்பு ஒன்றில் தமது நான்கு வயதான மகனுடன் மறைந்திருந்த போது கைது செய்யப்பட்டதாக தெரிவிக்கப்பட்டுள்ளது.

இந்த தாக்குதலுக்கு ஐ.எஸ். தீவிரவாதிகள் ஏற்கனவே உரிமை கோரி இருந்தனர்.  துருக்கியில் நடத்தப்பட்ட தாக்குதல் ஒன்றை வெளிப்படையாக ஐ.எஸ். தீவிரவாதிகள் உரிமை கோரிய முதல் சந்தர்ப்பம் இதுவாகும்.

http://globaltamilnews.net/archives/13997

Categories: merge-rss, yarl-world-news

டுவிட்டர் கணக்கை மூட மாட்டேன், டொனால்டு டிரம்ப் திட்டவட்டம்

Mon, 16/01/2017 - 19:23
டுவிட்டர் கணக்கை மூட மாட்டேன், டொனால்டு டிரம்ப் திட்டவட்டம்

அமெரிக்க அதிபராக பொறுப்பேற்ற பின்னர் தனது டுவிட்டர் கணக்கை மூட மாட்டேன் என டொனால்டு டிரம்ப் தெரிவித்துள்ளார்.

 
டுவிட்டர் கணக்கை மூட மாட்டேன், டொனால்டு டிரம்ப் திட்டவட்டம்
 
வாஷிங்டன்:
 
அமெரிக்க அதிபராக உள்ள பராக் ஒபாமாவின் பதவிக்காலம் வரும் 20-ம் தேதியுடன் முடிவடைகிறது. அவரையடுத்து 44-வது அதிபராக டொனால்டு டிரம்ப் பதவியேற்க உள்ளார். 
 
அமெரிக்க அதிபருக்கென பிரத்யேக டுவிட்டர் கணக்கு தற்போது உள்ளது. மேலும், அமெரிக்க அதிபராக உள்ளவர்களின் தனிப்பட்ட தகவல்களை அந்நாட்டு அரசு கவனத்துடன் பாதுகாப்பாக பராமரிக்கப்பட்டு வருகிறது.
 
இதனிடையே அதிபராக பதவியேற்ற உடன் தனது டுவிட்டர் கணக்கை மூடிவிட போவதில்லை, தொடர்ந்து கருத்துக்களை டுவிட்டர் மூலமாக தெரிவித்து வருவேன் என அவர் தெரிவித்துள்ளார்.

http://www.maalaimalar.com/News/TopNews/2017/01/16211615/1062483/DonaldTrump-says-he-has-no-plans-to-quit-twitter-even.vpf

Categories: merge-rss, yarl-world-news

ஐரோப்பிய நாடுகளின் ஒற்றுமையே சிறந்த பாதுகாப்பு : டிரம்புக்கு ஏங்கெலா மெர்கல் பதிலடி

Mon, 16/01/2017 - 19:12
ஐரோப்பிய நாடுகளின் ஒற்றுமையே சிறந்த பாதுகாப்பு : டிரம்புக்கு ஏங்கெலா மெர்கல் பதிலடி
 

 

டொனால்ட் டிரம்ப் கூறிய கருத்துக்களுக்கு எதிரான சிறந்த தற்காப்பு என்பது ஐரோப்பிய ஒற்றுமைதான் என்று ஜெர்மனி சான்சலர் ஏங்கெலா மெர்கல் கூறியுள்ளார்.

 ஏங்கெலா மெர்கல்
 ஐரோப்பிய நாடுகளின் ஒற்றுமையே சிறந்த பாதுகாப்பு : ஏங்கெலா மெர்கல்

ஐரோப்பிய ஒன்றியத்தில் இருந்து பிரிட்டன் வெளியேறியது குறித்து புகழ்ந்து பேசிய அமெரிக்க அதிபராக தேர்ந்தெடுக்கப்பட்டுள்ள டொனால்ட் டிரம்ப், ஐரோப்பிய ஒன்றியம் வீழ்ச்சியின் விளிம்பில் இருப்பதாக கருத்து தெரிவித்திருந்தார்.

ஐரோப்பா தனது சுய அடையாளத்திற்காகவும், 21 ஆம் நூற்றாண்டின் சவால்களை எதிர்கொள்ளத் தேவையான கொள்கைகளுக்காகவும் போராட வேண்டும் என்று மெர்கல் கூறியுள்ளார்.

ஒரு மில்லியனுக்கு அதிகமான குடியேறிகளை ஜெர்மனிக்குள் நுழைய அனுமதித்தது பேரழிவு ஏற்படுத்தும் தவறு என்று கூறிய டிரம்பின் கருத்துக்கு ஜெர்மன் துணை சான்சலரான சிக்மர் கேப்ரியல், கடுமையான பதிலுரை ஒன்றை வெளியிட்டுள்ளார்.

மத்திய கிழக்கு நாடுகளில் அமெரிக்கர்களின் நடவடிக்கையானது குடியேறிகள் நெருக்கடியை ஏற்படுத்தியதாக கேப்ரியல் தெரிவித்துள்ளார்.

http://www.bbc.com/tamil/global-38643767

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 16/01/17

Mon, 16/01/2017 - 17:25

 

இன்றைய பிபிசி தமிழ் தொலைக்காட்சி செய்தியறிக்கையில்,

* வணிகம், பிரெக்ஸிட் மற்றும் குடியேறிகள் குறித்தெல்லாம் டொனால்ட் டிரம்ப் பேசுகிறார். இன உறவுகள் குறித்து ஒபாமா என்ன பேசினார்? அது குறித்த ஒரு பார்வை.

* கிர்கிஸ்தானின் இன் தலைநகருக்கு அருகே கிராமம் ஒன்றின் மீது சரக்கு விமானம் ஒன்று வீழ்ந்ததில் பலர் கொல்லப்பட்டனர்.

* ஒரு காலத்தில் உலகின் சிறந்த சர்க்கஸாக பெயர் பெற்ற அமெரிக்காவின் பெரிய சர்க்கஸ் நூற்று ஐம்பது வருடங்களின் பின்னர் மூடப்படுகின்றது.

Categories: merge-rss, yarl-world-news

மெக்சிகோவில் தயாரிக்கப்படும் பி.எம்.டபிள்யூ. கார்களுக்கு 35 சதவீத எல்லை வரி: டிரம்ப் எச்சரிக்கை

Mon, 16/01/2017 - 10:16
மெக்சிகோவில் தயாரிக்கப்படும் பி.எம்.டபிள்யூ. கார்களுக்கு 35 சதவீத எல்லை வரி: டிரம்ப் எச்சரிக்கை

donald-trump.jpg

ஜெர்மனி நாட்டை தலைமையிடமாக கொண்டு இயங்கிவரும் பி.எம்.டபிள்யூ. நிறுவனம் பல்வேறு வடிவங்களில் விலையுயர்ந்த சொகுசு கார்களை தயாரித்து வருகிறது. தற்போது BMW 3 Series ரக கார்களை தயாரிப்பதில் துரித கவனம் செலுத்திவரும் இந்நிறுவனத்துக்கு சொந்தமான கார் தயாரிப்பு தொழிற்சாலையின் கிளை சீனாவில் இயங்கி வருகிறது.

இதேவேளை அமெரிக்காவை அண்மித்துள்ள மெக்சிகோவில் புதிய தொழிற்சாலை திறப்பதற்கான ஏற்பாடுகள் மும்முரமாக இடம்பெற்று வருகின்றன. அங்குள்ள சான் லூயிஸ் போட்டோசி நகரில் உருவாகிவரும் இந்த தொழிற்சாலையில் எதிர்வரும் 2019-ம் ஆண்டுக்குள் கார் தயாரிப்பு ஆரம்பிக்கப்படும் என எதிர்பார்க்கப்படுகிறது.

இந்தநிலையில், ஜெர்மனி நாட்டின் பிரபல நாளிதழுக்கு சமீபத்தில் செவ்வியளித்துள்ள அமெரிக்காவின் புதிய ஜனாதிபதியாக பொறுப்பேற்றுள்ள டொனால்ட் டிரம்ப், மெக்சிகோவில் தயாரித்து அமெரிக்காவுக்கு ஏற்றுமதி செய்யப்படும் பி.எம்.டபிள்யூ. கார்களுக்கு 35 சதவீத எல்லை வரி விதிக்கப்படும் என எச்சரித்துள்ளார்.

அவரது இந்த செவ்வி ஜெர்மனின் அனைத்து ஊடகங்களிலும் வெளியாகி வருகிறது.

http://globaltamilnews.net/archives/13874

Categories: merge-rss, yarl-world-news

ஐரோப்பிய ஒன்றிய சந்தையை பிரிட்டன் இழந்தால் மாற்று நடவடிக்கை

Mon, 16/01/2017 - 07:16
ஐரோப்பிய ஒன்றிய சந்தையை பிரிட்டன் இழந்தால் மாற்று நடவடிக்கை
 
 
 
_93575887_c91be59f_3118230h.jpg
EPA
பிரிட்டன் ஐரோப்பிய ஒன்றியத்தை விட்டு வெளியேறும்போது, ஐரோப்பிய ஒன்றிய சந்தைகளை அணுகும் உரிமையை இழக்குமானால், அதற்கு பதிலான மாற்று நடவடிக்கைகளை பிரிட்டன் எடுக்கும் என்று வெளியுறவு அமைச்சர் பிலிப் ஹாம்மண்ட் தெரிவித்திருக்கிறார்.

பிரிட்டன் ஐரோப்பிய ஒன்றியத்தை விட்டு வெளியேறும்போது, ஐரோப்பிய ஒன்றிய சந்தைகளை அணுகும் உரிமையை இழக்குமானால், அதற்கு பதிலான மாற்று நடவடிக்கைகளை பிரிட்டன் எடுக்கும் என்று வெளியுறவு அமைச்சர் பிலிப் ஹாம்மண்ட் தெரிவித்திருக்கிறார்.

ஐரோப்பிய ஒன்றியத்தின் மற்ற நாடுகளிலிருந்து பிரிட்டனுக்குள் மக்கள் சுதந்திரமாக குடியேறுவதைக் கட்டுப்படுத்த விரும்புவதாக பிரிட்டிஷ் அரசு கூறுகிறது; ஆனால் அப்படி செய்தால், அது ஐரோப்பிய ஒன்றியம் முழுவதையும் ஒற்றைச் சந்தையாக அணுகும் வசதிக்குப் பொருந்தாத ஒன்றாகும் என்று ஐரோப்பிய ஒன்றிய நாடுகள் கூறுகின்றன.

நேட்டோவுக்கு டிரம்ப் முழு ஆதரவை வழங்குவார் : பிரிட்டன் பிரதமர் நம்பிக்கை

பிரிட்டனின் பொருளாதார மற்றும் சமூக மாதிரிகளை மாற்றி நஷ்டத்தை பிரிட்டன் ஈடுசெய்ய முடியும் என்று ஹாம்மண்ட் கூறியுள்ளார்.

மக்களிடம் உண்மை பேசுமாறு சக அதிகாரிகளுக்கு ஐரோப்பிய ஒன்றியத்துக்கான பிரிட்டன் தூதர் அறைக்கூவல்

அது பற்றிய விவரங்களை அவர் வெளியிடவில்லை. ஆனால், அது பிரிட்டனை குறைந்த வரி மற்றும் குறைந்த ஊதியம் கொண்ட பொருளாதாரமாக மாற்றுவதாக இருக்கும் சாத்தியக்கூறும் அதில் ஒன்றாக இருக்கலாம் என்று செய்தியாளர்கள் கூறுகின்றனர். ஆனால் பிரிட்டன் அவ்வாறு செய்தால், பிரிட்டனுக்கு எதிராக மேலதிக நடவடிக்கைகளை எடுப்பதற்கு ஐரோப்பிய ஒன்றியத்தை இட்டுச்செல்லக்கூடும்.

http://tamil.thehindu.com/bbc-tamil/ஐரோப்பிய-ஒன்றிய-சந்தையை-பிரிட்டன்-இழந்தால்-மாற்று-நடவடிக்கை/article9481594.ece

Categories: merge-rss, yarl-world-news

துருக்கி விமானம் விபத்திற்குள்ளானதில் 32 பேர் பலி ( காணொளி இணைப்பு )

Mon, 16/01/2017 - 05:17
துருக்கி விமானம் விபத்திற்குள்ளானதில் 32 பேர் பலி ( காணொளி இணைப்பு )

 

 

துருக்கி விமான சேவைக்கு சொந்தமான விமானமொன்று விபத்திற்குள்ளானதில் விமானி உட்பட 32 பேர் உயிரிழந்துள்ளதாக சர்வதேச செய்திகள் தெரிவிக்கின்றன.

C2Q8d-mXUAYPTB4.jpg

துருக்கி விமான சேவைக்கு சொந்தமான போயிங் 747 என்ற சரக்கு விமானமொன்று இவ் விபத்தில் சிக்கியுள்ளது.

 

C2Q8d-XW8AAD1di.jpg

இதில் பயணித்த விமானி உட்பட விமான சிப்பந்திகள் உயிரிழந்துள்ளனர்.

A-casualty-is-removed-from-a-Turkish-Air

இதேவேளை, குறித்த விமானம் குடியிருப்பு பகுதிக்குள் வீழந்துள்ளதால் 15 ற்கும் மேற்பட்ட வீடுகள் சேதமடைந்துள்ளதாகவும் 6 குழந்தைகள் உட்பட பல குடியிருப்பாளர்கள் உயிரிழந்துள்ளதாகவும் அந்நாட்டு சுகாதார அமைச்சு தெரிவித்துள்ளது.

C2RDbWWXEAUkyJ9.jpg

C2RDbWXXgAEsVB6.jpg

http://www.virakesari.lk/article/15446

Categories: merge-rss, yarl-world-news

செருப்பில், காந்தியடிகள் படம்... அடங்காத அமேசான்!

Sun, 15/01/2017 - 15:54

Again amazon insulting India selling slipers with mahathma gandhi image.

செருப்பில், காந்தியடிகள் படம்... அடங்காத அமேசான்!

அமெரிக்காவின் அமேசான் நிறுவனம் செருப்பில் காந்தியடிகளின் படத்தை போட்டு ஒட்டு மொத்த இந்தியர்களையும் இழிவு படுத்தியுள்ளது. காந்தி படம் அச்சிடப்பட்ட அந்த செருப்பு விலை ரூ.1190 என்றும் வெப்சைட் பக்கத்தில் வெளியிட்டுள்ளது.

அமெரிக்காவின் ஆன்லைன் வர்த்தக நிறுவனமான அமேசான் இந்தியாவிலும் ஆன்லைன் வணிகம் செய்து வருகிறது. அண்மையில் இந்நிறுவனம் தனது வெப்சைட்டில் வீட்டு வாசலில் போடப்படும் மிதியடி பற்றிய ஒரு விளம்பரத்தை வெளியிட்டது. இந்திய தேசிய கொடி போல இருந்த அந்த மிதியடிக்கு இந்தியாவில் கடும் எதிர்ப்பு எழுந்தது.

அமேசான் நிறுவன அதிகாரிகள் விசா திரும்பப் பெறப்படும் என்று மத்திய அமைச்சர் சுஷ்மா சுவராஜ் எச்சரித்த பிறகே அமேசான் நிறுவனம் பணிந்தது. அந்நிறுவனம் வெளியிட்ட அறிவிப்பில், "இந்திய சட்டத்துக்கு கட்டுப்படுவதாகவும், இந்தியர்களின் உணர்வுக்கு மதிப்பளித்து மன்னிப்பு கேட்டுக் கொள்வதாகவும்" கூறி இருந்தது.

இந்த சம்பவம் நடந்த ஓரிரு நடந்த ஓரிரு நாட்களிலேயே அமேசான் நிறுவனம் மகாத்மா காந்தியின் படம் வறையப்பட்ட படத்தை தனது வெப்சைட்டில் விற்பனைக்கு வெளியிட்டுள்ளது. அதன் விலை 1190 ரூபாய் என்றும் தெரிவிக்கப்பட்டுள்ளது. அமேசான் நிறுவனம் தொடர்ந்து இந்தியாவை இழிவுப்படுத்தும் வகையில் செயல்பட்டுவருவது இந்தியர்கள் மத்தியில் பெரும் கொந்தளிப்பை ஏற்படுத்தியுள்ளது.

நன்றி தற்ஸ் தமிழ். 

Categories: merge-rss, yarl-world-news