உலகச் செய்திகள்

`இனி துபாய் கடற்கரையில் புலிகளைப் பார்க்க முடியாது; சிங்கத்துடன் காரில் பவனி வர முடியாது'

Thu, 05/01/2017 - 19:42
`இனி துபாய் கடற்கரையில் புலிகளைப் பார்க்க முடியாது; சிங்கத்துடன் காரில் பவனி வர முடியாது'
  •  

ஐக்கிய அரபு எமிரேட்ஸில், புலி, சிங்கம் போன்ற வன விலங்குகளை செல்லப் பிராணிகளாக வைத்திருப்பது சட்டவிரோதம் என அறிவிக்கப்பட்டுள்ளது.

வனவிலங்குகளை வளர்ப்பு பிராணியாக வைத்திருந்தால் சிறைதண்டனை
 

எண்ணெய் வளம் மிக்க வளைகுடா மாநிலத்தில் சிலர் சிறுத்தை போன்ற விலங்குகள் வளர்ப்பதை தங்கள் அந்தஸ்தின் அடையாளமாக கருதுகின்றனர்.

பல ஆண்டுகளாக சிறுத்தைகள் அங்கு வீதிகளில் அலைவதை போன்ற புகைப்படங்கள் சமூக ஊடகங்களில் வெளியானது.

அந்த புகைப்படங்களில் கார்களின் பின் பகுதியில் சிங்கங்கள் இருப்பது போன்ற புகைப்படங்களும் அடங்கும். மேலும் துபாய் கடற்கரையில் ஐந்து புலிகள் இருப்பது போன்ற காணொளி ஒன்றும் வெளியிடப்பட்டிருந்தது.

புலி

 

அதில் உள்ள ஆபத்துத்துக்களை அதிகாரிகள் அறிந்திருப்பதாகவும் எனவே இம்மாதிரி விலங்குகளை பொதுவெளிக்கு அழைத்து வருபவர்களுக்கு சிறைதண்டனையும் அபராதமும் விதிக்கப்படும் என தெரிவிக்கப்பட்டுள்ளது.

அதில் உள்ள ஆபத்துத்துக்களை அதிகாரிகள் அறிந்திருப்பதாகவும் எனவே இம்மாதிரி விலங்குகளை பொதுவெளிக்கு அழைத்து வருபவர்களுக்கு சிறைதண்டனையும் அபராதமும் விதிக்கப்படும் என தெரிவிக்கப்பட்டுள்ளது.

http://www.bbc.com/tamil/global-38506263?ocid=socialflow_facebook

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 05/01/17

Thu, 05/01/2017 - 18:49

 

இன்றைய (05-01-2017) பிபிசி தமிழ் தொலைக்காட்சி செய்தியறிக்கையில்,

* பதவி விலகும் அமெரிக்க அதிபர் ஒபாமா அதை மூட விரும்புகிறார்; ஆட்சிக்கு வரும் டொனால்ட் ட்ரம்போ அதை தொடர விரும்புகிறார். குவாண்டனமோ முகாமின் இன்றைய நிலவரம் என்ன? அதன் எதிர்காலம் என்னவாகும்?

* மாதவிடாய் காலத்தில் மகளிருக்கு விடுப்பளிக்க ஜாம்பியாவில் புதுசட்டம்; அது தவறாக பயன்படுத்தப்படலாம் என்று முதலாளிகள் கவலை.

* கணினி யுகத்திலும் மியன்மாரில் நீடிக்கும் தட்டச்சு இயந்திர ஆட்சி; அதை அழியவிடாமல் பாதுகாக்க தட்டச்சு பணியாளர்கள் தீவிர முயற்சி.

Categories: merge-rss, yarl-world-news

நாட்டில் உள்ள சகலரும் உறுப்பு தானம் செய்யக்கூடிய வகையில் பிரான்சில் புதிய சட்டம்

Thu, 05/01/2017 - 18:25
நாட்டில் உள்ள சகலரும் உறுப்பு தானம் செய்யக்கூடிய வகையில் பிரான்சில் புதிய சட்டம்

france.jpg
நாட்டில் உள்ள சகலரும்  உறுப்பு தானம் செய்யக்கூடிய வகையில் பிரான்சில் புதிய சட்டம் ஒன்று அமலுக்கு வந்துள்ளது. இந்த  புதிய சட்டம் ஜனவரி முதலாம் முதல் அமுலுக்கு வந்துள்ளது.  இதன்படி, ஒருவர் தன் உடல் உறுப்புக்களை தானம் செய்ய முடிவெடுத்திருந்தால், அவர் இறந்த பின்னர் அதனை எளிதாக செயல்படுத்த முடியும் என தெரிவிக்கப்பட்டுள்ளது.

உறுப்புக்களை தானம் செய்ய விருப்பம் இல்லை என்றால், அவர்கள் அதற்குரிய படிவத்தில் தங்கள் பெயரை பதிவு செய்ய வேண்டும்.  அவ்வாறு பதிவு செய்யாத  அனைவருமே உறுப்பு தானம் செய்பவராகவே கருதப்பட்டு இறந்தபின்னர் அவர்களின் உடல் உறுப்புகள் எடுக்கப்படும் என தெரிவிக்க்பபட்டுள்ளது

http://globaltamilnews.net/archives/12785

Categories: merge-rss, yarl-world-news

போயிங் 747-8 விமானத்தில் என்ன விசேஷம்? பலருக்கும் தெரியாத சில விஷயங்கள்

Thu, 05/01/2017 - 16:31

 

போயிங் 747-8 விமானத்தில் என்ன விசேஷம்? பலருக்கும் தெரியாத சில விஷயங்கள் – ரிஷியின் சர்வதேச புலனாய்வு
Categories: merge-rss, yarl-world-news

எலிசபெத் மகாராணியைச் சுட முயன்ற அவரது அரண்மனைக் காவலருக்கு மன்னிப்பு

Thu, 05/01/2017 - 09:25
எலிசபெத் மகாராணியைச் சுட முயன்ற அவரது அரண்மனைக் காவலருக்கு மன்னிப்பு

 

இங்கிலாந்து மகாராணியாரை அவரது அரண்மனைக் காவலர் ஒருவரே தவறுதலாக துப்பாக்கியால் சுட முயன்ற சம்பவம் அம்பலமாகியுள்ளது. இச்சம்பவம் சில வருடங்களுக்கு முன் இடம்பெற்றதாகவும் கூறப்படுகிறது.

6_Queen_Elizabeth.jpg

தூக்கம் வராத இரவுகளில் இங்கிலாந்தின் எலிசபெத் மகாராணியார் தனது பக்கிங்ஹாம் அரண்மனைத் தோட்டத்தில் உலாவருவது வழக்கம். 

சில வருடங்களுக்கு முன் இதேபோன்ற ஒரு தூக்கம் வராத அதிகாலைப் பொழுதில் சுமார் 3 மணியளவில் எலிசபெத் மகாராணியார் தோட்டத்தில் நடந்து சென்றுள்ளார்.

இருளில் ஒரு உருவம் நடந்து செல்வதைக் கண்ட ஒரு அரண்மனைக் காவலர் ஒருவர் திடுக்கிட்டார். உடனே, தன்வசமிருந்த துப்பாக்கியை மகாராணியை நோக்கி நீட்டியபடி, “யார் அது?” என்று கேட்டார்.

அதற்கு பதில் சொல்லத் திரும்பியபோதே அது வேறு யாருமல்ல, மகாராணிதான் என்பதை அவர் உணர்ந்தார். உடனே மகாராணியிடம், “இன்னும் ஒரு நொடி தாமதித்திருந்தால் கூட உங்களைச் சுட்டிருப்பேன். என்னை தயவு செய்து மன்னியுங்கள்” என்று பணிந்து கேட்டார்.

இருந்தாலும், தவறு தன்னுடையது தான் என்பதைப் புரிந்துகொண்ட மகாராணி, “பரவாயில்லை. இனிமேல் இவ்வாறு உலா வருமுன் காவலர்களுக்குத் தகவல் சொல்லிவிடுகிறேன்” என்று கூறியிருக்கிறார்.

இச்சம்பவம் நடந்து சில வருடங்கள் ஆன போதும், சற்று முன்னரே இந்தச் செய்தியை லண்டன் பத்திரிகை ஒன்று வெளியிட்டுள்ளது.

கடந்த 2016ஆம் ஆண்டு மே மாதம், 41 வயது நபர் ஒருவர் அரண்மனையின் பாதுகாப்புச் சுவரில் ஏறிக் குதித்து உள்ளே நுழைந்தார். காவலர்கள் அவரைச் சூழ்ந்துகொண்டதும், “மகாராணி உள்ளே இருக்கிறாரா?” என்று சர்வசாதாரணமாகக் கேட்டிருந்தார்.

அதற்கு முன், 2013ஆம் ஆண்டு, இளவரசர் அண்ட்ரூவை தவறுதலாகச் சந்தேகித்த காவலர்கள் அவரைத் தடுத்து வைக்க முயன்று, பின்னர் அது இளவரசர் என்று தெரிந்ததும் அவரிடம் மன்னிப்புக் கேட்ட சம்பவமும் பக்கிங்ஹாம் அரண்மனையில் இடம்பெற்றுள்ளது.

http://www.virakesari.lk/article/15114

Categories: merge-rss, yarl-world-news

விண்வெளி ஆய்வு நிலையத்துக்குச் செல்லும் முதல் கறுப்பினப் பெண்

Thu, 05/01/2017 - 09:23
விண்வெளி ஆய்வு நிலையத்துக்குச் செல்லும் முதல் கறுப்பினப் பெண்

 

 

உலக வரலாற்றில் முதன்முறையாக, கறுப்பினப் பெண் ஒருவரை சர்வதேச விண்வெளி ஆய்வு நிலையத்துக்கு அனுப்ப நாஸா திட்டமிட்டுள்ளது. 

5_Astronaut_Black.jpg

நாஸாவின் விண்வெளி வீரர்களுக்கான பாடத் திட்டத்தின் 20வது வகுப்பில், கடந்த 2009ஆம் ஆண்டு சேர்த்துக்கொள்ளப்பட்டவர் ஜெனட் எப்ஸ். இவர் அமெரிக்காவின் மத்திய புலனாய்வுத் துறையின் தொழில்நுட்ப வல்லுனராகப் பணிபுரிந்தவர்.

இவர் அடுத்த ஆண்டு சர்வதேச விண்வெளி ஆய்வு நிலையத்துக்கு, பிரபல விண்வெளி ஆய்வாளரான அன்ட்ரூ ஃபியுஸ்டல்லின் உதவியாளராகச் செல்லவுள்ளார். 

“சர்வதேச விண்வெளி நிலையத்துக்குச் செல்லும் ஒவ்வொருவரும் புதிதாக ஏதோவொரு விடயத்தைக் கண்டுபிடித்துவிடுகின்றனர். அந்த வகையில் ஜெனட்டும் நிச்சயமாக புதிய கண்டுபிடிப்புகளுக்குச் சொந்தக்காரி ஆவார்” என்று நாஸா அதிகாரியொருவர் தெரிவித்திருக்கிறார்.

இதுவரை காலமும் அமெரிக்க-ஆப்பிரிக்கர்கள் சிலர் விண்வெளிக்கு அனுப்பப்பட்டிருக்கின்ற போதிலும், விண்வெளி ஆய்வு நிலையத்தில் பணியாற்றப் போகும் முதல் கறுப்பினத்தவர் என்ற பெருமையை ஜெனட் பெறவிருக்கிறார்.

http://www.virakesari.lk/article/15110

Categories: merge-rss, yarl-world-news

வெள்ளத்தில் மிதக்கும் மலேசியா : 23000 பேர் பாதிப்பு

Thu, 05/01/2017 - 09:17
வெள்ளத்தில் மிதக்கும் மலேசியா : 23000 பேர் பாதிப்பு 

 

 

தொடர்ச்சியாக பெய்து வரும் கடும் மழை காரணமாக மலேசியாவில் இதுவரை சுமார் 23000 பேர் இடம் பெயர்ந்துள்ளதாக அந்நாட்டு தகவல்கள் தெரிவிக்கின்றன. 

28411750.jpg

மலேசியாவின் கிழக்கு கடற்கரை பகுதியில் உள்ள மாநிலங்கள் மற்றும் வடகிழக்கு பகுதியில் உள்ள இரண்டு மாநிலங்களில் இவ்வருடம் அதிகளவிலான மழை காரணமாக வெள்ளப்பெருக்கு ஏற்பட்டுள்ளது. 

வெள்ளம் பாதித்த பகுதிகளிலிருந்து சுமார் 23 ஆயிரம் பேர் இதுவரை அவர்களின் வீடுகளிலிருந்து வெளியேற்றப்பட்டுள்ளனர். கெலண்டன் பகுதியில் இருந்து 10,038 பேரும், அதன் அருகில் உள்ள டெரென்கனு பகுதியில் இருந்து 12,910 பேரும் வெளியேற்றப்பட்டுள்ளதாக அந்நாட்டு தரவுகள் தெரிவிக்கின்றன. 

ST_20170105_FLOOD05_2851252.jpg

0301-projek-kelatan-flood-banjir.jpg

a_woman_walks_through_the_floodwaters_ne

 

இந்நிலையில்  பாதிக்கப்பட்டவர்களுக்கு 139 நிவாரண முகாம்கள் மூலம் உணவு, குடிநீர் மற்றும் மருத்துவ உதவிகள் வழங்கப்பட்டு வருகின்றன. என அந்நாட்டு அரச தரப்பு தெரிவித்துள்ளது.

http://www.virakesari.lk/article/15109

Categories: merge-rss, yarl-world-news

பாலியல் தாக்குதலி்ல் ஈடுபட்டவர்களுக்கு பாடம் கற்பித்த தடகள வீராங்கனை பூனியா

Thu, 05/01/2017 - 06:24
பாலியல் தாக்குதலி்ல் ஈடுபட்டவர்களுக்கு பாடம் கற்பித்த தடகள வீராங்கனை பூனியா
  •  

2017ம் ஆண்டின் புத்தாண்டு தினத்தன்று பெங்களுருவில் பெண்கள் மீது நடத்தப்பட்ட பாலியல் தாக்குதல் சம்பவங்கள் மிகவும் வருந்தத்தக்கதாகவும், அதே போன்று நிழகவிருந்த ஒரு சம்பவத்தை தான் தடுத்ததாகவும், இந்திய ஒலிம்பிக் வீராங்கனை கிருஷ்ணா பூனியா தெரிவித்துள்ளார்.

தடகள வீராங்கனை கிருஷ்ணா பூனியா
 தடகள வீராங்கனை கிருஷ்ணா பூனியா

ராஜஸ்தானின் சூறு மாவட்டத்தில் 2017 ஜனவரி 1ம் தேதி, ரயில்பாதை அருகில் மூன்று இளைஞர்கள் இரண்டு பதின்ம வயது பெண்களை பாலியல் ரீதியாக பலாத்காரம் செய்ய முயன்றனர். அதை கண்ட பூனியா, ''அவர்களை துரத்தி, ஒரு நபரை பிடித்து விட்டேன். பாதிக்கப்பட்ட அந்த சிறுமியை புகார் அளிக்கச் செய்தேன், '' என்று பிபிசியிடம் தெரிவித்தார்.

மிகவும் பரபரப்பான இடங்களில் கூட பெண்கள் பாதுகாப்பு இல்லாமல் தான் இருக்கிறார்கள் என்பதை தான் இந்தச் சம்பவம் காட்டுகிறது என்கிறார் பூனியா. ''நான் இந்தச் சம்பவத்தை பார்த்து அதிர்ச்சி அடைந்தேன். பரபரப்பான ரயில் பாதை அருகில், அதுவும் பல பேர் நடமாடும் அந்த இடத்தில் அந்த பதின்ம வயது பெண்களை பாலியல் சீண்டல் செய்ய முயல்கின்றனர் என்பதை என்னால் ஏற்றுக்கொள்ள முடியவில்லை. நான் காரில் இருந்து வெளியேறி, அவர்களை துரத்தி பிடிக்கும் வரையில், அங்கிருந்தவர்கள் யாரும் எதுவும் செய்ய முன்னவரவில்லை,'' என்றார்.

''இந்த நிகழ்வுக்கு பிறகு அந்த பெண்கள் அதிர்ச்சியடைந்தனர் மற்றும் நடுக்கமுற்றனர். இந்த சம்பவம் குறித்து புகார் அளித்தால்,தங்கள் குடும்பத்தினர் தாங்கள் வெளியே செல்ல அனுமதிக்க மாட்டார்கள் என்று கூறி மறுத்துவிட்டனர்.

''குறைந்தபட்சம் ஒரு பெண்ணின் குடும்பத்தை சேர்ந்தவர்களாவது புகார் தர முடிவு செய்தனர்,'' என்றார் தடகள வீராங்கனை பூனியா.

ட்விட்டர் தளத்தில் துஷ்ப்ரயோகத்தில் ஈடுபட்ட ஆண்களை எதிர்த்து நின்ற பூனியாவுக்கு பாராட்டுக்கள் என கருத்துக்கள் RAHUL GOSWAMI

.

தூண்டுதலாக இருந்த பூனியா

இதற்கிடையில் இந்தியாவில் ட்விட்டர் தளத்தில் துஷ்பிரயோகத்தில் ஈடுபட்ட ஆண்களை எதிர்த்து நின்ற பூனியாவுக்கு பாராட்டுக்கள் என கருத்துக்கள் பதிவிடப்பட்டு வருகின்றன.

ட்விட்டர் தளத்தில் துஷ்ப்ரயோகத்தில் ஈடுபட்ட ஆண்களை எதிர்த்து நின்ற பூனியாவுக்கு பாராட்டுக்கள் என கருத்துக்கள் AMRITA BHINDER

பூனியா பாதிக்கப்பட்ட பெண்களை காவல் நிலையத்திற்கு அழைத்து வந்ததாக பிபிசியிடம் தெரிவித்த காவல் ஆய்வாளர் கோபிராம், ''அவர்கள் அளித்த புகாரின் மீது விசரணைகள் தொடங்கிவிட்டன. அந்த ஆண்கள் மீது குற்றச்சாட்டு விரைவில் தாக்கல் செய்யப்படும். இந்த விவகாரத்தில் தலையிட்டதற்காக பூனியாவுக்கு நாங்கள் நன்றி தெரிவித்தோம். பொது மக்கள் இது போன்ற சம்பவங்களின் போது, விழிப்புடன் இருக்க வேண்டும்,'' என்றார்.

http://www.bbc.com/tamil/india-38506089

Categories: merge-rss, yarl-world-news

பெங்களூருவில் இளம் பெண்ணுக்கு பாலியல் தொல்லை: அதிர்ச்சியூட்டும் காணொளி

Wed, 04/01/2017 - 20:25

 

பெங்களூரு நகரில், புத்தாண்டு கொண்டாட்டத்தின்போது பல பெண்கள் பாலியல் தொல்லைக்கு ஆளானதாக புகார்கள் எழுந்தன, அது குறித்து போலிஸார் விசாரணை மேற்கொண்டு வருவதாக தெரிவித்தி்ருந்தனர். இந் நிலையில், பெங்களூரு நகரில் இரவில் தனியாக நடந்து செல்லும் பெண்ணிடம் இரு சக்கர வாகனத்தில் வந்த இருவர் பாலியல் தாக்குதல் நடத்தும் சி்சிடிவி காணொளி ஒன்று வெளியாகியுள்ளது. சிலர் உதவ முன்வராமல் வேடிக்கை பார்த்துக் கொண்டிருப்பதையும் காண முடிகிறது.

http://www.bbc.com/tamil/india-38506261

Categories: merge-rss, yarl-world-news

நியூயார்க் நகரில் பயணிகள் ரெயில் தடம் புரண்டது விபத்து: 100 பேர் காயம்

Wed, 04/01/2017 - 18:42
நியூயார்க் நகரில் பயணிகள் ரெயில் தடம் புரண்டது விபத்து: 100 பேர் காயம்

 

அமெரிக்காவின் நியூயார்க் நகரில் பயணிகள் ரெயில் தடம் புரண்டது விபத்துக்குள்ளானது. இந்த விபத்தில் நூற்றுக்கும் அதிகமானோர் காயம் அடைந்தனர்.

 
 100 பேர் காயம்
 
நியூயார்க்:

அமெரிக்காவின் நியூயார்க் நகரில் பயணிகள் ரெயில் தடம் புரண்டது விபத்துக்குள்ளானது. ப்ரூக்லன் ரெயில் நிலையத்தில் இந்த விபத்து ஏற்பட்டது.

இந்த விபத்தில் நூற்றுக்கும் மேற்பட்டோருக்கு காயம் ஏற்பட்டது. உடனடியாக தீயணைப்பு வீரர்கள் சம்பவ இடத்திற்கு வந்தனர்.
காயம் அடைந்தவர்கள் உடனடியாக மருத்துவமனைக்கு சிகிச்சைக்கு கொண்டு செல்லப்பட்டனர். பெரும்பாலும் உயிருக்கு ஆபத்தான நிலைமை ஏதும் இல்லை.
7008DF68-2799-4F65-A358-90E76566E0F6_L_s
விபத்துக்குள்ளான ரெயிலில் 600 முதல் 700 பேர் வரை பயணம் செய்தனர். விபத்தில் ரெயிலுக்கும் சிறிது சேதம் ஏற்பட்டது.

மக்கள் நடமாட்டம் அதிகம் உள்ள நேரத்தில் இந்த விபத்து ஏற்பட்டதால், மக்கள் அலறி அடித்துக் கொண்டு ரெயில் நிலையத்தை விட்டு வெளியேறினர். விபத்திற்கான காரணம் குறித்து விசாரணை மேற்கொள்ளப்பட்டு வருகிறது.

http://www.maalaimalar.com/News/TopNews/2017/01/04223842/1060164/Over-100-suffer-injuries-in-New-York-City-train-accident.vpf

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 04/01/17

Wed, 04/01/2017 - 16:50

 

இன்றைய (04-01-2017) பிபிசி தமிழ் தொலைக்காட்சி செய்தியறிக்கையில்,

* காயமுற்ற பாலஸ்தீனரை இஸ்ரேலிய இராணுவ சிப்பாய் ஆட்கொலை செய்ததாக நீதிமன்றம் தீர்ப்பு. இஸ்ரேலை உலுக்கிய பரபரப்பான வழக்கின் பின்னணி என்ன?

* யேமென் உள்நாட்டுப்போரில் கண்ணிவெடிகளுக்கு பலியாகும் பொதுமக்களின் கண்ணீர் கதைகள். போரின் முன்னரங்கிலிருந்து பிபிசியின் பிரத்யேகச் செய்தித்தொகுப்பு.

* வீடியோ கேம்கள் எப்படி உருவாகின்றன? அதில் பாத்திரமாக மாறுவது எப்படி? ஆக்ஸ்போர்டிலிருந்து பிபிசி செய்தியாளர் தரும் சுவாரஸ்யமான தகவல்கள்.

Categories: merge-rss, yarl-world-news

இலங்கையர்கள் செலுத்திச் சென்ற கப்பல் வானுவாட்டுவில் தடுத்து வைப்பு

Wed, 04/01/2017 - 10:57
இலங்கையர்கள் செலுத்திச் சென்ற கப்பல் வானுவாட்டுவில் தடுத்து வைப்பு

 

 

புதிய உரிமையாளரிடம் கையளிப்பதற்காக இலங்கையர்கள் செலுத்தி வந்த கப்பல் ஒன்றை நியூஸிலாந்தின் வானுவாட்டு சுங்க அதிகாரிகள் தடுத்து வைத்துள்ளனர். 

20 ஆண்டுகள் பழைமை வாய்ந்த அந்தக் கப்பலை புதிதாக ஒருவர் வாங்கியிருப்பதாகவும், அவரிடம் கையளிப்பதற்காகவே தாம் அந்தக் கப்பலைச் செலுத்தி வந்ததாகவும் இலங்கைச் சிப்பந்திகள் சுங்க அதிகாரிகளிடம் கூறியுள்ளனர்.

7_Boat_Vanu.jpg

எனினும், குறித்த கப்பலின் முன்னாள் உரிமையாளர் யார் என்ற விபரத்தை சிப்பந்திகள் தெரிவிக்காததால் அந்தக் கப்பலை சுங்க அதிகாரிகள் தடுத்து வைத்துள்ளனர்.

குறித்த கப்பலை ஜப்பானில் இருந்து செலுத்தி வருவதாகவும், ஜேபிஓ காவா எக்ஸ்போர்ட் என்ற நிறுவனத்தின் உரிமையாளரான போல் ஓக்டன் என்பவரே கப்பலை வாங்கியவர் என்றும் இலங்கைச் சிப்பந்திகள் கூறியுள்ளனர்.

http://www.virakesari.lk/article/15068

Categories: merge-rss, yarl-world-news

மக்களிடம் உண்மை பேசுமாறு சக அதிகாரிகளுக்கு ஐரோப்பிய ஒன்றியத்துக்கான பிரிட்டன் தூதர் அறைக்கூவல்

Wed, 04/01/2017 - 06:44
மக்களிடம் உண்மை பேசுமாறு சக அதிகாரிகளுக்கு ஐரோப்பிய ஒன்றியத்துக்கான பிரிட்டன் தூதர் அறைக்கூவல்
  •  

ஐரோப்பிய ஒன்றியத்தில் இருந்து பிரிட்டன் வெளியேறுவதற்கான திட்டம் தொடர்பாக ஏற்பட்ட குழப்பமான சிந்தனைகளுக்கு சவால் விடும் வகையில் செயலாற்ற வேண்டுமென ஐரோப்பிய ஒன்றியத்துக்கான பிரிட்டனின் தூதரான இவான் ரோஜர்ஸ், தனது சக ராஜிய அதிகாரிகளை கேட்டுக் கொண்டுள்ளார்.

பதவி விலகிய ஐரோப்பிய ஒன்றியத்துக்கான பிரிட்டனின் தூதரான இவான் ரோஜர்ஸ்
 பதவி விலகிய ஐரோப்பிய ஒன்றியத்துக்கான பிரிட்டனின் தூதரான இவான் ரோஜர்ஸ்

எதிர்பாராத வகையில் தனது பதவியை ராஜினாமா செய்வதாக ஒரு கடிதம் மூலம் செவ்வாய்க்கிழமையன்று (ஜனவரி 3) அறிவித்த இவான் ரோஜர்ஸ் தனது சக பணியாளர்களை மக்களிடம் உண்மையை பேசுமாறும், ஐரோப்பிய ஒன்றியத்தில் இருந்து பிரிட்டன் வெளியேறுவது தொடர்பாக எழும் தவறான வாதங்களை தைரியமாக சந்திக்க வேண்டும் என்றும் கேட்டுக் கொண்டுள்ளார்.

இது தொடர்பாக மீண்டும் ஐரோப்பிய ஒன்றியத்துடன் பேச்சுவார்த்தை நடக்கும் போது, ஐரோப்பிய ஒன்றியத்துக்கு இருப்பது போல பிரிட்டன் தரப்பில் பேச்சுவார்த்தையில் கலந்து கொள்ள அனுபவம் வாய்ந்த மற்றும் பக்குவமிக்க சமரச பேச்சாளர்கள் இல்லை என்றும் அவர் எச்சரிக்கை விடுத்துள்ளார்.

ஐரோப்பிய ஒன்றியத்துடன் ஒரு புதிய வணிக ஒப்பந்தத்தை உருவாக்க பிரிட்டனுக்கு ஒரு தசாப்தம் ஆகலாம் என்று ஐரோப்பிய ஒன்றியம் வெளிப்படுத்தியிருந்த கவலையை ஆதரித்து குரல் கொடுத்ததற்காக கடந்த மாதத்தில் இவான் கடும் விமர்சனத்தை சந்தித்தார்.

http://www.bbc.com/tamil/global-38504467

Categories: merge-rss, yarl-world-news

பிஜி தீவுக்கு அருகாமையில் பெரும் பூமியதிர்ச்சி; சுனாமி எச்சரிக்கையும் விடுப்பு

Wed, 04/01/2017 - 05:54
பிஜி தீவுக்கு அருகாமையில் பெரும் பூமியதிர்ச்சி; சுனாமி எச்சரிக்கையும் விடுப்பு

 

 

பிஜி தீவுகளில் இன்று அதிகாலை நான்கு மணியளவில் 7.2 ரிக்டர் அளவில் பெரும் பூமியதிர்ச்சி ஏற்பட்டுள்ளதாகவும், இதனால் பசுபிக் கடற்பகுதியில் சுனாமி எச்சரிக்கை விடப்பட்டிருப்பதாகவும் தெரியவந்துள்ளது.

2_Fiji_Tsunami.jpg

பிஜியின் நாடி தீவில் இருந்து சுமார் 227 கிலோமீற்றர் தொலைவில், பத்து கிலோமீற்றர் ஆழத்தில் இந்த பூமியதிர்ச்சி ஏற்பட்டதாக அமெரிக்க புவியியல் ஆய்வு நிறுவனம் தெரிவித்துள்ளது.

இதையடுத்து, பசிபிக் பிராந்தியத்தில் உள்ள சில பகுதிகளுக்கு சுனாமி எச்சரிக்கை விடப்பட்டுள்ளதாகவும் அந்நிறுவனம் தெரிவித்துள்ளது.

http://www.virakesari.lk/article/15041

Categories: merge-rss, yarl-world-news

தனது இரட்டை சகோதரனை காப்பாற்றிய 2 வயது சிறுவன்

Wed, 04/01/2017 - 01:30

தனது இரட்டை சகோதரனை காப்பாற்றிய 2 வயது சிறுவன்

 

Categories: merge-rss, yarl-world-news

தாவூத்தின் 15 ஆயிரம் கோடி சொத்துக்களை பறிமுதல் செய்தது யு.ஏ.இ., அரசு

Tue, 03/01/2017 - 22:20
தாவூத்தின் 15 ஆயிரம் கோடி சொத்துக்களை பறிமுதல் செய்தது யு.ஏ.இ., அரசு
 
 
Tamil_News_large_1683447_318_219.jpg
 

புதுடில்லி : நிழலுலக தாதா தாவூத் இப்ராஹிமின் 15 ஆயிரம் கோடி மதிப்புள்ள சொத்துக்களை, ஐக்கிய அரபு எமிரேட்ஸ் அரசு பறிமுதல் செய்துள்ளது.
 

 

நிழலுலக தாதா:


மும்பையில், 1993ல் நடந்த தொடர் குண்டுவெடிப்பு தாக்குதல்களில், 257 பேர் கொல்லப்பட்டனர்; 1,000த்திற்கும் மேற்பட்டோர் காயமடைந்தனர். இந்த தாக்குதலுக்கு மூளையாக செயல்பட்ட தாவூத் இப்ராஹிம், சவுதி அரேபியாவில் தலைமறைவு வாழ்க்கை வாழ்ந்து, பின்னர் பாகிஸ்தான் அரசிடம் தஞ்சம் அடைந்தான். கராச்சி நகரில் ரகசியமாக வசித்து வருவதாக இந்தியா கூறும் குற்றச்சாட்டை, பாக்., அரசு தொடர்ந்து மறுத்து வருகிறது. மும்பை குண்டு வெடிப்பு உட்பட, பல்வேறு வழக்குகளிலும், இவன் தேடப்பட்டு வருகிறான்.
 

 

பறிமுதல்:


இந்நிலையில் ஐக்கிய அரபு எமிரேட்சிலுள்ள தாவூத்துக்கு சொந்தமான 15 ஆயிரம் கோடி மதிப்பிலான சொத்துக்களை யு.ஏ.இ., அரசு பறிமுதல் செய்துள்ளது. தாவூத்துக்கு பாகிஸ்தான், ஆஸ்திரேலியா, ஐக்கிய அரபு நாடுகள், துருக்கி உள்ளிட்ட பல நாடுகளில் ஏராளமான சொத்துக்கள் உள்ளன. முன்னதாக தாவூத் இப்ராஹிமின் சொத்துக்களை முடக்க பிரிட்டன், ஆஸ்திரேலியா, ஐக்கிய அரபு நாடுகள், துருக்கி, சைப்ரஸ் மற்றும் மொரோக்கோ ஆகிய 6 நாடுகளுக்கு இந்தியா கோரிக்கை விடுத்திருந்தது குறிப்பிடத்தக்கது.
 

 

மோடியின் தந்திரம்:


இதுகுறித்து பிரதமர் மோடியின் உத்தரவின் பேரில், இந்தியாவின் தேசிய பாதுகாப்பு ஆலோசகர் அஜித் தோவல், தனது யு.ஏ.இ., பயணத்தின் போது, தாவூத்தின் சொத்து பட்டியலை அந்நாட்டு அரசிடம் ஒப்படைத்ததாகவும், அதனடிப்படையில் இந்த நடவடிக்கை எடுக்கப்பட்டதாகவும் தகவல்கள் தெரிவிக்கின்றன.+

 

http://www.dinamalar.com/news_detail.asp?id=1683447

Categories: merge-rss, yarl-world-news

விற்பனையில் சாதனை புரிந்த சர்வாதிகாரி ஹிட்லரின் சுயசரிதை புத்தகம்

Tue, 03/01/2017 - 22:09
விற்பனையில் சாதனை புரிந்த சர்வாதிகாரி ஹிட்லரின் சுயசரிதை புத்தகம்

 

சர்வாதிகாரி ஹிட்லரின் சுயசரிதையை விளக்கும் மெயின் காம்ப் புத்தகம் ஜெர்மன் நாட்டில் அதிக அளவில் விற்பனையாகி சாதனை படைத்துள்ளது.

 
 
விற்பனையில் சாதனை புரிந்த சர்வாதிகாரி ஹிட்லரின் சுயசரிதை புத்தகம்
 
பெர்லின்:

உலகப்புகழ் பெற்ற ஜெர்மனி சர்வாதிகாரி அடால்ப் ஹிட்லர். முதல் உலகப் போரில் போரிட்ட இவர் 1918,ல் போர் முடிந்த பிறகு, ஜெர்மன் தொழிலாளர் கட்சியில் சேர்ந்தார். படிப்படியாக வளர்ந்து தலைமை இடத்தை பிடித்தவர், அரசை எதிர்த்து 1923,ல் திடீர் புரட்சியில் ஈடுபட்டார். புரட்சி தோல்வியில் முடிந்ததால் கைது செய்யப்பட்டார். சிறையில் இருந்தபோது ‘மெயின் காம்ஃப்’ (மை ஸ்டிரகிள்) என்ற சுயசரிதை எழுதினார்.

ஹிட்லரின் அரசியல் சிந்தனையை விளக்கும் வகையிலான இந்த புத்தகம் முதலில் 1925,ம் ஆண்டு வெளியிடப்பட்டது. 2,ம் பாகம் 1926,ல் வெளியிடப்பட்டது. 1945,ம் ஆண்டு வரை மொத்தம் 1 கோடி பிரதிகள் அடிக்கப்பட்டன. தற்போது மெயின் காம்ப் புத்தகத்தின் 6-வது பதிப்பு அச்சில் உள்ளது.

இந்நிலையில், மெயின் காம்ப் புத்தகம் ஜெர்மன் நாட்டில் அதிக அளவில் விற்பனையாகி சாதனை படைத்துள்ளதாக அதன் பதிப்பாளர் தெரிவித்துள்ளார்.
1D879907-AB09-4477-ADFC-1A16372F0F10_L_s
இரண்டு தொகுதிகள் கொண்ட இந்த புத்தகம் கடந்த ஆண்டு ஜெர்மனியில் அதிக அளவில் விற்பனை ஆகி உள்ளதாக அந்நாட்டு வார இதழ் ஒன்று தெரிவித்துள்ளது.

கடந்த ஆண்டு ஜனவரி மாதம் வெளியான புதிய உரை விளக்கத்துடன் கூடிய மெயின் காம்ப் புத்தகத்தின் 85 ஆயிரம் பதிப்புகள் விற்பனையாகி உள்ளது.

முதலில் 4 ஆயிரம் பதிப்புகள் தான் அச்சிட திட்டமிடப்பட்டது. ஆனால் தேவை இருந்ததால் அதிக அளவில் அச்சிடப்பட்டது.

http://www.maalaimalar.com/News/TopNews/2017/01/03230618/1059936/Hitler-Mein-Kampf-Becomes-German-Bestseller-Publisher.vpf

Categories: merge-rss, yarl-world-news

பிபிசி தொலைக்காட்சி செய்திகள் 03/01/2017

Tue, 03/01/2017 - 18:59

 

இன்றைய (03-01-2017) பிபிசி தமிழ் தொலைக்காட்சி செய்தியறிக்கையில்,
* இஸ்தான்புல் தாக்குதலாளி அடையாளம் கிடைத்தது என்கின்றன துருக்கி ஊடகங்கள்; அவரைத்தேடும் பணியில் துருக்கி படையினர் தீவிரம்;
* வங்கதேசத்தில் விவாகரத்துகள் அதிகரிக்க என்ன காரணம்? விவாகரத்து பெற்ற பெண்கள் சமூகத்தில் சந்திக்கும் சவால்கள் குறித்து பிபிசிக்கு அளித்த பிரத்யேக பேட்டிகள்;
* ஆப்ரிக்காவின் மிகப்பெரிய நன்னீர் ஏரியில் மீன் இருப்பு குறைவது ஏன்? பாதிக்கப்படும் கென்ய மீனவர்களுக்கு மாற்று வழி என்ன என்பதை ஆராயும் பிபிசியின் பிரத்யேக செய்தி உள்ளிட்ட பல செய்திகள் இடம்பெறுகின்றன.

Categories: merge-rss, yarl-world-news

கிறிஸ்துமஸ் சந்தை தாக்குதலை தொடர்ந்து பாதுகாப்பு சேவையை சீர்திருத்த பரிந்துரை

Tue, 03/01/2017 - 17:50
கிறிஸ்துமஸ் சந்தை தாக்குதலை தொடர்ந்து பாதுகாப்பு சேவையை சீர்திருத்த பரிந்துரை
 

பெர்லின் கிறிஸ்துமஸ் சந்தை ஒன்றில் நடைபெற்ற தீவிரவாத தாக்குதலை தொடர்ந்து, பாதுகாப்பு சேவைகளை சீர்திருத்தி அமைக்க ஜெர்மனி உள்துறை அமைச்சர் தாமஸ் டு மஸ்யார் பரிந்துரைத்திருக்கிறார்.

 
  கிறிஸ்மஸ் சந்தை

தற்போது ஜெர்மனியின் 16 பிராந்திய மாநில அரசுகளால் பகிர்ந்து கொள்ளப்படுகின்ற உள்நாட்டு உளவு தகவல்களில், பெர்லின் மத்திய அரசு அதிக கட்டுப்பாட்டை கொண்டிருக்க வேண்டும் என்று ஜெர்மனி செய்தித்தாள் ஒன்றுக்கு எழுதிய கட்டுரையில் டு மஸ்யார் தெரிவித்திருக்கிறார்.

   

மத்திய காவல் துறை ஆற்றும் பணியை விரிவாக்கவும், தஞ்சக் கோரிக்கையில் தோல்வியடைந்தோருக்கு, நடுவண் அரசால் நடத்தப்படுகின்ற புறப்பாடு மையங்களும் வேண்டுமென அவர் விருப்பம் தெரிவித்திருக்கிறார்.

பெர்லினில் தாக்குதல் நடத்தியவர் தஞ்சம் மறுக்கப்பட்டவர் என்றும் அதிகாரிகளுக்கு தெரிந்திருந்தவர் என்றும் அறிய வந்த பிறகு, அரசு பரவலான விமர்சனங்களை சந்தித்துள்ளது.

http://www.bbc.com/tamil/global-38498521?ocid=socialflow_facebook

Categories: merge-rss, yarl-world-news